Blog

ලිංගික ආශාවන් විවාහ ජීවිතය තුළින් සන්තර්පණය කර ගත යුත්තක් වන අතර එවැනි බැඳීමකට  යොමු විය නොහැකි තරුණයින්ට උපවාසය නිර්දේශ කොට ඇත්තේ තම මනසේ ඇතිවන එම ආශාවන් පාලනය කර ගැනීමේ මාර්ගයක් ලෙසිනි. ඒ සඳහා තාරුණ්‍යට විශාල චෛතාෂික ප්‍රයත්නයක යෙදෙන්නට සිදුවනු නොඅනුමානය.

සත්ව ලෝකයේ විවාහයෙන් ආරම්භවන පවුල් සංස්ථාවක් ඇත්තේ මිනිස් පරපුර අතරේ පමණි. විවාහය හා පවුල් ජීවිතය පිලිබඳ ව විමසීමක යෙදීමෙන් එහි සාර්ථකත්වය සාක්ෂාත් කර ගැනීමට හැකිවේ යැයි සිතන්නෙමු.  මිනිසා ඇතුළු සත්ව ලෝකයේ සෑම සතෙකුම තම වර්ගයාගේ පැවැත්ම සහතික කර ගැනීම පිණිස ලිංගික ක්‍රියාව මත පදනම් වූ ප්‍රජනන කටයුතු වල නියැලෙති. මේ සඳහා පෙළඹවීම සිදුවන්නේ ස්ත්‍රී පුරුෂ දෙපාර්ශවයටම ඇතිවන ලිංගික උත්තේජනය මගිනි.

ප්‍රති විරුද්ධ ලිංගිකයන්ගේ දර්ශනය, ගන්ධය, ස්පර්ශය, ශබ්දය ආදී ඉන්ද්‍රිය ග්‍රහණ හේතු නිසා හෝ ඒ ආශ්‍රිත වෙනත් හේතු නිසා හෝ සිතේ ලිංගික හැඟීම් පිබිදේ. මල්වර වයසට අවතීර්ණය වන ස්ත්‍රී පුරුෂ දෙපාර්ශවයටම ලිංගික උත්තේජනය සිදුවෙයි. නමුත් ලිංගික ක්‍රියාවලිය විවාහ බන්ධනය තුල සිදුවිය යුත්තක් බවට ඉස්ලාමය අවධාරණය කරයි.

“මුහම්මද් තුමාණන් වරෙක පවසා සිටියේ, අහෝ තරුණයිනි! විවාහ වීමට පහසුකම් ඇත්තා විවාහ වෙත්වා, පහසුකම් නොමැත්තා උපවාසයෙ (සව්ම්) හි යෙදෙත්වා, එය ඔහුට පලිහක් වනු ඇත, යනුවෙනි.” (සහීහ් බුහාරී 4778 – මුස්ලිම් 1400) 

ලිංගික ආශාවන් විවාහ ජීවිතය තුළින් සන්තර්පණය කර ගත යුත්තක් වන අතර එවැනි බැඳීමකට  යොමු විය නොහැකි තරුණයින්ට උපවාසය නිර්දේශ කොට ඇත්තේ තම මනසේ ඇතිවන එම ආශාවන් පාලනය කර ගැනීමේ මාර්ගයක් ලෙසිනි. ඒ සඳහා තාරුණ්‍යට විශාල චෛතාෂික ප්‍රයත්නයක යෙදෙන්නට සිදුවනු නොඅනුමානය.

විවාහ බන්ධනයෙන් භාහිරව ලිංගික ක්‍රියාවේ නොයෙදී හැකි පමණ තරුණ වයසේදීම විවාහ වීමට දිරි දීමක් ඉස්ලාමය මගින් සිදුවෙයි. එනම් ලිංගික ක්‍රියාවලිය පවුල් ජීවිතය ආරම්භවනවාත් සමග සිදු විය යුත්තක් ලෙසයි ඉස්ලාමය දකින්නේ.

පවුල යන සමාජ සම්මත සීමාමායිම් තුල මිස ඉන් භාහිරව සිදුවිය හැකි ලිංගික ක්‍රියාවලිය භයානක ප්‍රතිඵල ගෙන දෙන්නක් විය හැක. දරුගැබක් ඇති වුවහොත් ගැටලුව වඩාත් සංකීර්ණ විය හැක. එයටත් වඩා ගැටළුකාරී තත්ත්වයන්ට මෙමගින් මුහුණ පාන්නට ඇති හැකිවායන් ද බොහෝ ය. එපමණක් නොව විවාහ ජීවිතය අසාර්ථක වීමට ද මෙය එක හේතුවක් විය හැක. විවාහයෙන් පසු විවාහයට පෙර ලද ලිංගික වින්දනයන් සොයා යෑමට ප්‍රවණතාවක් ඇති වුවහොත් පවුල බිඳ වැටෙන්නට එය හේතු සාධක විය හැක.

පවුලක් යනුවෙන් අප අර්ථ දක්වන්නේ දෙමව්පියන් හා දරුවන්ගෙන් සංයුක්ත වන ඒකකයටයි. සමාජයක් සෑදෙන්නේ මෙවන් පවුල් රාශියක් ඒකරාශී වීමෙනි. නීත්‍යානුකුල ලෙස ‘නිකාහ්’ නම් විවාහ ගිවිසුමට එළැඹුණු පිරිමියෙකුගෙන් හා ස්ත්‍රියකගෙන් ඉස්ලාමීය පවුලක් ආරම්භ වෙයි. ඔවුන්ට දාව උපදින දරුවන් එම පවුලේ සාමාජික සාමාජිකාවන් වෙති.  විවාහයට අවතීර්ණ වන්නන් තම ආගමික වගකීම්වලින් අඩක් සම්පුර්ණ කළ අය බව වරෙක මුහම්මද් තුමාණන් පවසා සිටියහ.

“තවද නුඹලා සහකාරියන් තුළින් සැනසුම ලබනු පිණිස නුඹලා වෙනුවෙන් නුඹලා අතුරින්ම ඔවුන් ව මවා නුඹලා අතර ආදරයක් හා කරුණාවක් ඇති කිරීමද ඔහුගේ සංඥාවන් අතුරිනි. සැබැවින් ම ගැඹුරින් සිතා බලන පිරිසකට මෙහි සංඥාවක් ඇත”. (අල් කුර්ආන් 30:21)

මෙම අල් කුර්ආන් වැකිය පවුල් ජීවිතය සම්බන්ධව ඉතා වැදගත් කරුණු කිහිපයක් අපට දන්වා සිටියි. සතුට හා සැනසීම එයින් එක් වැදගත් සාධකයකි. විවාහ ජීවිතය සාර්ථක වීමට නම් එමගින් සතුට හා සැනසීම  අත්විඳින්නට හැකිවිය යුතුයි. සතුට හා සැනසීම විවාහ ජීවිතයේ මුලික පදනමක් වනවිට බිරිඳ හා සැමියා අතර ඉතා සමීප බැඳියාවක් අනිවාර්යයෙන් ම ඇතිවනු ඇත. මෙම අල් කුර්ආන් වැකිය අපට දන්වා සිටින මීළඟ වැදගත් සාධකය නම් ආදරය හා කරුණාවයි.

විවාහ ජීවිතයෙන් ලබන සතුට හා සැනසීම මෙන්ම ආදරය හා කරුණාව ද විවාහ ජීවිතයේ සාර්ථකත්වය සඳහා අවශ්‍යය වැදගත් සාධකයන් ය.  බිරිඳ හා සැමියා අතර ආදරය හා කරුණාව නොමැති විට පවුල නමැති නෞකාව ඉදිරියට යාත්‍රා කරවීම ඉතාම දුෂ්කර කාර්යයක් වනු ඇත. සැමියා හා බිරිඳ අතර බැඳියාව ආදරය හා කරුණාව මත පදනම් ව සැකසී ඇති විට දෙදෙනා අතර අන්‍යෝන්‍ය අවබෝධය වඩාත් සාර්ථක අයුරින් ඇති වීමට හේතු සාධක වනු ඇත. අන්‍යෝන්‍ය අවබෝධය නොමැති විට ඇතිවිය හැක්කේ සමථයකට පත්කිරීම ඉතා දුෂ්කර වූ මත ගැටීම් ය.

“මුහම්මද් තුමාණන් වරෙක මෙසේ පවසා සිටියහ, ස්ත්‍රියක් ව විවාහ කර ගැනීම කරුණු හතරක් මත සිදු කෙරේ. ඇගේ ධනය, ඇගේ පවුල් තරාතිරම, ඇගේ රුපාලංකාරය, ඇහේ දහම (දැහැමිකම). මෙයින් ඔබ විවාහ විය යුත්තේ දැහැමි ස්ත්‍රියක් සමගය. එසේ නොවුවහොත් ඔබ අසාර්ථක විය හැක”. (බුහාරි 4802, මුස්ලිම් 1466)    

ස්ත්‍රියක් ව විවාහය සඳහා තෝරා ගැනීමේ දී ඇගේ දැහැමිකමට ප්‍රමුඛතාවක් දිය යුතු බව මෙයින් දැක්වේ. අනෙකුත් සාධක කෙරෙහි ද සැළකිල්ලක් දැක්වීම තහනම් නොවන අතර නමුත් සාර්ථක විවාහ ජීවිතයක් සඳහා දැහැමිකම  මගින් ලැබෙන්නේ ඉතා විශාල දායකත්වයකි.

සහකරුවෙක් හෝ සහකාරියක් තෝරා ගැනීමේ දී

1. තමන්ට සුදුසු නොවන අයෙකු බව වැටහේ නම් එම විවාහ කටයුත්ත සඳහා ඔබගේ අනුමැතිය ලබා දීමෙන් වැළකී සිටින්න. එසේ නොවුවහොත් ඔබ විසින්ම අසාර්ථකත්වය සඳහා ආරාධනා කළා වන්නකි සිදුවන්නේ. කිසිවෙකුගේ බලපෑම් මත තීරණ ගන්නවාට වඩා තමන් විසින් ම ඉතා බුද්ධිමත් අයුරින් කරුණු සොයා බලා නිගමනයකට ඒමයි වඩාත් සුදුසු යන්න ගැන සැකයක් නොමැත.
2. ඉහත නබි වදනින් සඳහන් කොට ඇති පරිදි දැහැමිකම සඳහා අනිවාර්යයෙන්ම ප්‍රමුඛතාව ලබා දී අනෙකුත් කරුණු තුනම හෝ ඉන් කිහිපයක් සම්බන්ධයෙන් ද අවධානය යොමු කිරීම පිළිබඳව සිතා බලන්න. 
3. ඉස්ලාමය විවිධත්වය අගය කරයි. අප සැමවිට සමාන සමාජ ආර්ථික පසුබිමකින් යුක්ත වුවන් මෙන්ම එකම වාර්ගිකත්වයෙන් යුක්ත වුවන් පමණක් විවාහ වීම බහුත්වයකින් යුත් උම්මතයක් බිහිවීමට ඇති බාධාවක් වනු ඇත. බහුත්වය හොඳ දෙයක් වුවත් එහිදීත් තමන්ගේ කැමැත්ත කෙරෙහි ද අවධානය යොමු කරන්න.   
4. ඇතැම් විට ඇතැම් අය ආගමිකත්වය පිළිබඳ රඟපෑම් කළ හැක. විවාහයක් තීන්දු කර ගැනීම සඳහා ආගමිකත්වය ඉතා වැදගත් සාධකයක් බව හැමෝම දන්නා කරුණකි. එහෙයින් පෘෂ්ඨය මතු පිටට පෙනෙන දැයින් ඔබ්බට කරුණු සොයා බැලීමක් කරන්නේ නම් වඩාත් යෝග්‍යය වනු ඇත.
5. විවාහයක් තීන්දු කර ගැනීමේ දී ඔබට අවශ්‍ය හා සුදුසු පරිදි කාලය උපයෝගී කරගන්න. මෙම කාලය තුල හැකි පමණ අවබෝධයක් ලබා ගැනීමට කටයුතු කරන්න. විවාහය පිළිබඳ හදිසි තීරණ බොහෝ විට හානිකර විය හැක.  

බිරිඳ හා සැමියාගේ වගකීම් හා අයිතිවාසිකම්

ඉස්ලාමීය පිළිවෙත අනුව පිරිමියෙකු හා ස්ත්‍රියක් අතර සිදුවන විවාහය ආර්ථික හෝ මුල්‍යමය හෝ ශාරීරික අවශ්‍යතාවන් මත පමණක් එක්ව විසීමක් නොවේ. එසේ එක්ව විසීම සඳහා  මහා කාරුණික දෙවිඳුන් විසින් ලබා දෙන ත්‍යාගයක් මෙන්ම එය පිවිතුරු ගිවිසුමකි. එමගින් ප්‍රීතිමත් තෘප්තිකර ජීවිතයක් සකස් කර ගනිමින් තම පරපුර පවත්වාගෙන යෑමට කටයුතු කිරීම  අපේක්ෂිතයි.  මුහම්මද් තුමාණන් වරෙක පවසා සිටියේ ඔබලා අතුරින් යහ මුස්ලිම්වරයා වන්නේ තම පවුලට යහ වූ පුද්ගලයාය.

සැමියාගේ ප්‍රධානතම වගකීම් වන්නේ තම බිරිඳට කරුණාව, ආදරය, ගෞරවයෙන් යුක්තව, හා ඉවසීමෙන් කටයුතු කිරීමයි.

“…… තවද යහ අයුරින් ඔවුන් සමග නුඹලා කටයුතු කරවූ. නුඹලා ඔවුන්ව පිළිකුල් කරන්නේ නම් (නුඹලා ඉවසීමෙන් සිටිවූ. මන්දයත්) නුඹලා යමක් පිළිකුල් කරන්නේ ද එහි අල්ලාහ් වැඩි යහපතක් තැබීමට ද පුළුවන”. (අල් කුර්ආන් 4:19)

බිරිඳගේ පුර්ණ ආර්ථික වගකීම පැවරෙන්නේ සමියාටය. බිරිඳට ආදායම් මාර්ග තිබුනත් ඒවා ඇගේ අනුමැතියෙන් තොරව ගැනීමට සැමියාට අයිතියක් නොමැත.

බිරිඳ විසින් තම සැමියාගේ ගෞරවය ආරක්ෂාවන පරිදි තම පතිවත රැකගෙන කටයුතු කළ යුතු වෙයි. තම සැමියාගේ වස්තුව හා ධනය ආරක්ෂා කිරීමට ද ඇය බැඳී සිටියි.

“….. ඔවුනට (ස්වාමි පුරුෂයින් සඳහා කළ යුතු වගකීම්) තිබෙන්නාක් සේ යහ අයුරින් ඔවුන් සඳහා (ස්වාමි පුරුෂයින්ගෙන් ලැබිය යුතු නිසි අයිතිවාසිකම්) ද ඇත. (එහෙත්) ඔවුනට වඩා පුරුෂයින්ට තරාතිරමක් ඇත. අල්ලාහ් අති බලසම්පන්නය සර්ව ප්‍රඥාවන්තය”. (අල් කුර්ආන් 2:228) 

බිරිඳට ජීවත්වීම පිණිස නවාතැනක් (නිවසක්), ඇඳුම් පැළඳුම්, පෝෂණය, රෝගී අවස්ථාවන් හි උපස්ථානය  මෙන්ම යහපත් අයුරින් සියල්ල ඉටු කිරීම සැමියාගේ වගකීම් වෙයි.    

සැමියා විසින් තම බිරිඳ සම්බන්ධව ඉටු කළ යුතු දෑ

1. මහා කාරුණික අල්ලාහ් විසින් ස්ථාපිත නීතිය අනුව තම බිරිඳ සම්බන්ධව ස්වාමියා විසින්  සාධාරණ හා යුක්ති සහගත අයුරින් කටයුතු කළ යුතු වෙයි.
2. ඇගේ හැඟීම් සම්බන්ධව ගරුකිරීමක් මෙන්ම අවධානයෙන් යුතුව කටයුතු කරන්න. ඇය සමග කාරුණිකව කටයුතු කරන්න.
3. ඇය පිලිබඳ පිළිකුලක් හෝ දෙගිඩියාවකින් හෝ අව්නිශ්චිතභාවයකින් කටයුතු නොකරන්න.
4. ඇයට හිංසනයක් කිරීමේ චේතනාවෙන් ඇයව රඳවා නොතබාගන්න. ඇගේ සාධාරණ හා යුක්ති සහගත නිදහසට බාධා නොකරන්න.
5. විවාහ බන්ධනයෙන් ඇය තෘප්තිකර නොවන්නේ නම් හෝ සැමියා ඇයට ආදරය හා දයාවක් නොදක්වන්නේ නම් විවාහ බන්ධනයෙන් නිදහස් වීමට ඇයට අවස්ථාව ලබා දෙන්න.

බිරිඳ විසින් තම සැමියා වෙනුවෙන් ඉටු කළ යුතු දෑ

1. විවාහයේ කොටස් කාරියක් ලෙසින් පවුලේ සතුට හා සාර්ථකත්වය උදෙසා ඇය විසින් තම දායකත්වය ලබා දිය යුතුය.
2. තම සැමියාගේ හැඟීම් සම්බන්ධව අවබෝධයෙනඅවධානයෙන් හා පංගු කාරියක් ලෙසින් කටයුතු කළ යුතුය
3. තම සැමියාගේ සතුට හා සැනසීම පිළිබඳ ව ඇය වඩාත් උනන්දුවෙන් කටයුතු කළ යුතුය. තම සැමියා සම්බන්ධයෙන් හිංසාකාරී හෝ පීඩාකාරී අයුරින් කටයුතු නොකළ යුතුය. මේ පිළිබඳ වඩාත් සුදුසු අයුරින් අල් කුර්ආනය කරුණු දක්වා ඇති අයුරු වෙත අපගේ අවධානය යොමු කරමු.
4. “තවද ඔවුහු කවරහුදයත්,  ‘අපගේ පරමාධිපතියාණනි, අපගේ බිරියන්ගෙන් ද අපගේ පරම්පරාවෙන් ද අපට නෙත් පිනවීම ලබාදෙනු මැනව! තවද අපට බිය භක්තිකයින් ලෙස මෙහෙයවන්නෙකු බවට පත් කරනු මැනව! යැ’යි පවසන්නන්ය”. (අල් කුර්ආන් 25:74)
5. ඉහත දක්වන අයුරු වීමට නම් සැමියා හා බිරිඳ එකිනෙකාට ලැදිව, විශ්වසනීයත්වය රැක ගනිමින් හා අවංක අයුරින් කටයුතු කළ යුතු වෙයි. මෙය අන්‍යෝන්‍ය වශයෙන් බලපාන සාධකයන් ය.
6. තම සැමියාහට පමණක් ඇති අයිතීන් ලෙස සැලකෙන දෑ සම්බන්ධව අන් කිසිදු පිරිමියෙකුට සමීපතාවක් හෝ ප්‍රවේශයක් ලබා ගැනීමට ඉඩ නොහැරිය යුතුය. විශේෂයෙන් ම ලිංගික සම්බන්ධතාව පිළිබඳ ව මෙය ඉතා වැදගත් අයුරින් ම ක්‍රියාත්මක කළ යුතුය.  තම සැමියා අකැමැති කිසිවෙකු ව ඇය විසින් තම නිවසට නොකැඳවිය යුතුය. 

තව බොහෝ කරුණු මෙයට එකතු කිරීමට ඇතත් ඉහත කරුණු පිළිපදින්නේ නම් සඳහන් නොකළ කරුණු නිරායාසයෙන්ම ඉවත්ව යනු ඇත. පවුල් ජීවිතයක් අසාර්ථක වීමෙන් තමන්ගේ දරුවන් මානසික වශයෙන් පත් වන්නේ ඉතා කම්පනීය තත්ත්වයකටය. අප සිතේ ඇතිවන උද්වේගය අනුව ක්‍රියා නොකොට නිතර ඉවසිලිවන්තව කටයුතු කරන්නේ නම් අපගේ ජීවිත ඉතා අලංකාර වනු නිසැකය.

කුරුණෑගල රාජසභා මණ්ඩපය හෙවත් මගුල් මඩුව ඩෝසර් කර විනාශ කර තිබේ.  මේ ලෙස විනාශ වන්නේ පොලොන්නරුව සහ දඹදෙනිය අතර කාලය තුළ (වසර 300 ක පාරාසයක්) ඉදිකිරීම් අතරින් අංග සම්පූර්ණව ආරක්ෂාවී තිබු ලංකාවේ එක ම ගොඩනැගිල්ලයි.

අපේ රටට අවේනික දුර්වල කම අනුව යමින් මේ ගොඩනැගිල්ල ද පසුගිය කාලයේ ජනතාවගේ අවධානයෙන් මිදි ගොස් තිබුණි. මෙම ගොඩනැගිල්ල පිළිබඳව වගකීමක් සහිතව විධිමත් අවධානයක් යොමු වූයේ 2017 වසර තුළයි. එහිදි සාධනීය මෙහෙවරක් ඉටුකරණ ලද්දේ පාඨලී චම්පික රණවක ඇමතිවරයාය. එහි දී මගුල් මඩුව සංස්රක්ෂණය සඳහා ගැසට් කළ අතර සංරක්ෂණයට මුදල් ද වෙන් කෙරිනි.

මගුල්මඩුව අවන්හලක් බවට පත්වන්නේ 1995 වසරේ සිටය. ඔවූහු එය බුනෙකබා අවන්හල යැයි නම්කළහ. චන්ද්‍රිකා රජය සිය පාක්ෂිකයින්ට බාර් පර්මිට් ලබා දෙන අතර තුර බුනෙකබා රජ්ජුරුවන්ට අයිති දේපලකටද බාර්පර්මිට් එකක් ලබා දෙන්නට අමතක නොකළාය. එතැන් සිට මේ ස්ථානය දේශපාලකයින්ගේ තිප්පොලක් බවට පත්වූ අතර සමහරු එය අන්තප්පුර බවට ද පත්කරගත්හ. කුරුණෑගල මගුල් මඩුවට එම අවාසනාවන්ත ඉරණම අත්ව තිබිය දී එයට විරුද්ධව  හඬනැගුවන් සිටියද ඔවුන් ගේ හඬ යටපත් කරන ලදදේ මේ ජාතික අපරාධය රටට නොදැනෙන පරදිය.

මහනගර සංවර්ධන අමාත්‍යංශය මගින් මේ ස්ථානය සංරක්ෂණය කරන්නට තීරණය ගැනීමත් සමග එයට උරණවූවෝ සිටියහ. එයට ඔවුන් මුලදී  විරෝධය පලකළේ වක්‍රාකාරයෙන්ය. අමාත්‍යංශය මගින් වැව රව්මේ ඉදිකළ උද්‍යානය සහ එහි ස්මාරක මහා රෑ විනාශ කර දැමුවේ ඔවුහු ය. නගරාධිපතිවරයාටත් දේශපාලන බලදාරීන්ටත් පෙනුනේ මෙම භූමියේ වාණිජමය වටිනාකම පමණි. තවදුරටත් මේ භූමිය ජාවාරම් සඳහා යොදාගැනීම පමණක් ඔවුන් ගේ අරමුණු වීය.

නගර සභාව මගුල් මඩුවේ නිධන් හෑරුවාද? මගුල් මඩුව පසුගියදා ඩෝසර් කරන්නේ අහඹු ලෙස හෝ අත්වැරැද්දකින් නොව හිතා මතාම කරණ සැලසුමක් අනුවය. ඔවුන්ගේ අවශ්‍යතාව තිබුනේ හොර හසේම පුරාවස්තු ටික විනාශ කරදැමීමය. එහෙත් දෛවෝපගතව එලිවන්නට පෙර එය කරගත නොහැකිවූයේ ඒ සඳහා යොදාගත් බැකෝ යන්තරය ක්‍රියා විරහිත වීම නිසාය. එසේ නොවන්නට ඒ යක්ෂයාගේ රාත්‍රියේ මගුමඩුවේ අවසානය සිදුනු ඇත. මේ ආකාරයෙන් හෝ මගුල් මඩුව ආරක්ෂාවුයේ  ඒ අවසරයෙනි.

මේ විනාශය සිදුවන්නට යන බව පුරාවිද්‍යා දේපාර්තමේන්තුව දැනසිටියහ. ඒ නිසා ඒ සම්බන්ධව පොලිසියට පැමිණිලි කර තිබුණි. පොලිසිය කළ යුතුව තිබුනේ මේ ස්ථානයට ආරාක්ෂාව යෙදවීමයි. සමහරවිට පොලිසිය එය කරන්නට අදහස් කළාද විය හැකිය. එහෙත්  පොලිසියට වැඩිය නගරාධිපතිවරයා බලවත් වී තිබිණි. නගරාධිපති ඉහළ අයගේ බලයද ගත් විට ඒ බලය තවත් වැඩිය. (පසුගියදා කුරුණෑගල රෝහලේ ප්‍රධාන වෛද්‍ය නිලධාරියා එලවාගත්තේ ද මේ නගරාධිපතිය.) මේ නගරාධිපතිවරයා ඇතුගලටත් වැඩිය සවිමත් වන්නේ දේශපාලන බලයෙනි. එළඹෙන මැතිවරණයේ ඉහළ දේශපාලන බල අධිකාරියේ උපදෙස් ඔහු ට තිබේ. අගමැතිවරයාද එම ලේඛණයේ ම චන්දය ඉල්ලයි. අගමැතිවරයාගේ සහෝදරයා ජනාධිපතිය. ඒ සියල්ලට ඉහලින් ජනාධිපති පුතුන් සිටිති. පුතුන් රජකරවන්නට දිස්ත්‍රික් නායකයා පිඹුරුපත් සකසමින් සිටිති. ඒ අනුව නගරාධිපතිවරයාට භය වන්නට කිසිඳු හේතුවක් නැත. එය එසේ  යැයි තහවුරු වන්නේ තමත් මේ ජාතික අපරාධයේ වගකිව යුත්තෝ නිදැල්ලේ සිටීම නිසාවේනි.  

මාර්ග සංවර්ධන අධිකාරිය පැහැදිලිවම කියා තිබෙන්නේ මේ  බිඳදැමීම තමන්ට අදාල කාර්යයක් නොවන බවය. එහෙත්, නගරාධිපති මුලින් පැවසුවේ එය මාර්ගසංවර්ධන අධිකාරියේ අවසරයකින් කරන ලද්දක් ලෙසය. දැන් නගරාධිපති වරයා කියන්නේ එය අනවසර ඉදිකිරීමක් බවයි. මෙය පුදුම අවනඩුවකි. මේ ඉදිකිරීම කරන්නේ 13 වන සිවසේ සිටි නගරාධිපතිය. ඔහුගේ මේ ඉදිකිරීම අනවසර වනවානම් වන්නේ  ඉන්දියාවේ සිට රට ආක්‍රමණය කළ ආර්ය චක්‍රවර්තිගේ නියෝගයකට අනුවය. එසේ නම් වත්මන් නගරාධිපතිවරයා මේ ක්‍රියාත්මක කොට ඇත්තේ ආර්ය චක්‍රවර්තිගේ නියෝගයයි. ඒ අනුව දෙවන බුවනෙකබාට දඬුවම් ද කළ යුතු යැයි නගරාධිපති වරයා කියනු ඇත.

බුනෙකබාට කුරුණෑගල ආරක්ෂිත නැති බව දැනිනි. ඒ දකුණු ඉන්දිය ආක්‍රමණය ලඟ ලඟම එන බව දැනුනු විටය. ඒ නිසා සිය බෑණනුවන් ලවා සෙන්කඩගල නගර ඉදිකරවන ලද්දේ රාජ්‍යයේ ආරක්ෂාව සඳහාය. ඒ ගත් දූරදර්ශී පියවර පසුකාලීනව පලදායි වූ බව ඉතිහාසය ශාක්ෂි දරයි.  පසුකලෙක කුරුණෑගල අතහැර දැමුවද එහි වැදගත් ස්ථාන කීපයක් සංරක්ෂණය වීය. ඒ අතරින් එකක් වුයේ මගුල් මඩුවයි.  ගම්පල සහ කෝට්ටේ යුග පසුකරමින් මහනුවර යුගයේ ද මගුල් මඩුව සුරැකිව තිබුණි. මහනුවර යුගයේ මගුල්මඩු ප්‍රතිසංස්කරණය වන්නේ ප්‍රාදේශීය පරිපාලනයේ අවශ්‍යතා මතය. ආර්ය චක්‍රවර්ති මගුමඩුව විනාශ නොකළේය. ඔහු සිය පරිපාලනය සඳහා එය යොදාගත්තේය. පසුව ආ  පරංගියාද ලංසියාද ඉංග්‍රිසිකාරයාද උඩරටට පහර දෙන්නට ආවේ කුරුණෑගල හරහාය. එහෙත් ඔවුන්  මගුල් මඩුව අනවසර ඉදිකිරීමක්  ලෙස  සැලකුවේ නැත. ඔවුන්ගේ ගමන් මග පලල් කරන්නට මගුල් මඩුව කඩන්නට හිතුවේ නැත.

මහනුවර මගුල්මඩුවේ රාජසභාව බිඳවැටීමෙන් පසුව කුරුණෑගල මගුල් මඩුව ඓතිහාසිකව නැවත වැදගත්වීය. ඒ 1848 කැරැල්ල අවස්ථාවේ දීය. මාතලේ දී ගොන්ගාලේ ගොඩ බණ්ඩා රජවූවා සේම හත්කෝරලයේ දී හඟුරන්කෙත සුදු බංඩා , කීර්ති ශ්‍රි නමින් රජවීය. ඔහු ඔටුනු පැලඳුවේ සහ රාජ්‍ය කටයුතු ඇරඹුවේ කුරුණෑගල මගුල් මඩුවේය. සුද්දාගේ ආක්‍රමණය කුරුණෑගල වෙත එද්දි ඔවූහු මගුල් මඩුව තුළ බලය තහවුරු කරගෙන සිටිහය. ඔවුන් එම ස්ථානයෙන් පසුබැස්සේ සුද්දාගේ කාලතුවක්කුවට මුනදීගත නොහැකිවය. ඒ පියවර නොගන්නට  මගුල් මඩුව කාලතුවක්කු ප්‍රහාරයෙන් විනාශ වන්නට තිබුණි.  කුරුණෑගල අත්පත් කරගත් සුද්දා මගුල් මඩුව අනවසර ඉදිකිරීමක් බවට නම් කළේ නැත. එහෙත්  කැරලිකරුවන්ට විරුද්දව නඩු ඇසුවේ මේ මගුල් මඩුවේය. ඉතිහාසයේ විරුවන් රැසකගේ ඉරණම් තීන්දුව ලැබුණේ ද එහි දීය.

ඒ  සියලු අතවරන් හමුවේ සුරැකි පසුව අවන්හලක් වූ මගුල්මඩුවට මෙවර අත තැබුවේ කව්රුන්ද. ? මේ සඳහා නගරාධිපතිවරයාට බලය දුන්නේ, සුද්දාගේ පාලනය යටතේ රාමදින්න මාලදිවයිනෙන් ගෙන්වු මිනිසෙකුගේ මී මුණුබුරාය. ඔහු කුරුණෑගල ප්‍රමුඛ අරක්කු වෙලෙන්දාය. ඔහු සිය අරක්කු අධිරාජ්‍යයේ බලකොටුව පැරණි මගුල් මඩු භූමියේම් ඉදිකරන්නට තීරණය කිරීම දෛවෝපගතය.  රා මදින පරපුරේ අරක්කු රේන්ද කාරයාගේ අධිරාජ්‍යට බලය ලබාදන ඉහළ දේශපාලන බල අධිකාරියද අපූරුය. ඒ දෙපල බලයට ආවේ එම්. සී. සි. ගිවිසුමෙන් අක්කර දොලොස්දාහක් ඇමරිකාවට දෙන්න යනවා කියමින් මහ භීතියක් ඇතිකරමින්ය. ඔවුන්ගේ ගෝලබාලයින් හඬ නැගුවේ ඓතිහාසික ඇතුගල්පුරයත් ඇමරිකාවට දෙන්න යනවා කියමිනි. ටියුෂන් මාස්ටර්ලා පවා හය හතර නොදන්න උසස් පෙළ  ළමයින්ට කිව්වේ සීගිරිය සහ දඹුල්ලත් ඇමරිකාවට දෙනවා කියාය.  පපුවට අතගසාගනිමින් මව්බිම රකිනවා උරුමය රකිනවා කිව් අය වැඩ අරඹා ඇති බව දැන් පැහැදිලිය.

ආර්ය චක්‍රවර්තිගේ ආක්‍රමණය තුළ බිඳනොවැටුන, සුද්දාගේ ආක්‍රමණය තුළ ද කෙලින් සිටගෙන විරාජමානව සිටි මගුල් මඩුව අද බිඳවැටි ඇත. එහි කැනිමඩල සුණු විසුණුවි ගොස්ය. බැකෝ යන්ත්‍රයේ පහරින් ඇදවැටුන ගොඩනැගිලි ශේෂය කියාපාන්නේ අතීත විරුවන්ගේ අසරණ බවයි. එහෙත් බුවනෙකබාගේ ආත්මය නැගිට ඇවිත් බැකෝ යන්ත්‍රය ක්‍රියාවිරහිත කොට තිබේ. මගුල් මඩුවේ කොටසක් සුරැකී ඇත. එහෙත් අතීත විරුවන්ගේ සාපයෙන් නම් ගැලවී ගත නොහැකි වන බව අපරාධකරුවන් දතයුතුය.

දර්ශනපති, ධර්මසිරි හේවාගම රජරට සංස්කෘතික හා කලා පදනම

නාලක ගොඩහේවාට කඬේ යන්නේ මේ විද්වතුන් හා විද්වතියන් නම් ගෝඨාභය රාජපක්ෂ – මහින්ද රාජපක්ෂ – ප‍්‍රසන්න රණතුංග ආදී දේශපාලනඥයින් කළ කී සියල්ල වතුරේ යන බව පැහැදිලිය. ඒ නිසා වත්මන් ආණ්ඩුවේ ප‍්‍රබලයින් සේම ජනතාව ද මේ ඊනියා විද්වතුන් හා ඔවුන් වෙනුවෙන් අටවා ගත් මේ ඊනියා විද්වත් සංවිධාන ගැන වඩාත් ප‍්‍රවේශම් විය යුතුය.

දේශපාලනයට ‘විද්වතුන් ඕනෑ’ කියන කතාවට සමාජය තුළ මෙන්ම දේශපාලනය තුළත් මිලක් තිබෙනවා. ඒ නිසා ජනතාව සමග සැප – දුක බෙදා ගනිමින්, දහසකුත් එකක් කැප කිරීම් කරමින් සිටි පූර්ණ කාලීන දේශපාලනඥයින් වෙනුවට ඊනියා ‘සහතික ලත් බුද්ධිමතුන් / විද්වතුන් දේශපාලන කරළිය තුළ බැබලීමට පමණක් නොව දියවන්නාව තරණය කිරීමටත් සිහින දකිමින් තිබෙනවා.

මේ ඊනියා විද්වතුන්ට කඬේ යාම සඳහා හෝ ගොට්ට ඇල්ලීම සඳහා පසුගිය කාලය තුළ විද්වතුන්ගේ සංවිධානත් හතු පිපෙන ආකාරයට බිහි වුණා. ඒ අතර එක් සංවිධානයක් වශයෙන් ‘සමස්ත ලංකා විද්වත් පෙරමුණ’ සැලකිය හැකියි.

සමස්ත ලංකා විද්වත් පෙරමුණ පිහිටුවා ගැනීම අරමුණු කිහිපයක් පෙරදැරිව සිදුවූ බව පසුගිය 16 වැනිදා පැවැති එම පෙරමුණේ මහා සම්මේලනය වෙනුවෙන් නිකුත් කළ ‘සලවිපෙ’ නම් සමරු කලාපයේ සටහන් වෙනවා.

‘සමස්ත ලංකා විද්වත් පෙරමුණ පිහිටුවා ගන්නා ලද්දේ අරමුණු කිහිපයක් පෙරදැරි කරගෙන බව පළමුවෙන්ම සඳහන් කළ යුතුය. ශ‍්‍රී ලංකාව තුළ විශ්වවිද්‍යාල ආචාර්ය මහාචාර්යවරුන් වෘත්තීය ආයතනවල සමාජිකයින් වන වෛද්‍යවරුන්, ඉංජිනේරුවන්, ගණකාධිකාරීවරුන්, ගෘහ නිර්මාණශිල්පීන් සහ පරිගණක ශිල්පීන් ආදීන් තම තමන්ගේ වෘත්තීන්ට අදාළව සංවිධාන ගත වී කටයුතු කරණු ලබයි. එසේම රාජ්‍ය සේවයේ විශ‍්‍රාමික ජ්‍යේෂ්ඨ නිළධාරීන් බොහෝ විට පවතින සමාජ ක‍්‍රමය තුළ වෙන් වෙන්ව ක‍්‍රියාකාරීව කටයුතු කරති. තම තමන්ගේ වෘත්තීන්වලට ආවේනික නීති රීති පිළිබඳ විශාල දැනුම් සම්භාරයක් ඇති මෙකී පිරිස එකම වේදිකාවකට කැඳවා රටේ ප‍්‍රගමනය සඳහා විශාල කාර්යභාරයක් සිදුකළ හැකි බව අප විශ්වාසයයි. සමස්ත ලංකා විද්වත් පෙරමුණ මෙකී අරමුණින් සංවිධාන ගතවී ඇත’ (පිටුව 10- සංස්කාරකවරුන්ගේ සටහන)

මේ සමස්ත ලංකා විද්වත් පෙරමුණ පිහිටුවා ගැනීමේ අරමුණ ගැන අදාළ පෙරමුණේ සංස්කාරකවරුන් තිදෙනා විසින් තබා ඇති සටහනයි.

මේ අරමුණ ඉතාම හොඳය. රටට වැඩදායකය. එහෙත් ප‍්‍රශ්නය වන්නේ මේ ඊනියා සමස්ත ලංකා විද්වත් පෙරමුණේ සාමාජිකයින් කවුද ? යන්නයි. ඔවුන් කුමනාකාරයේ විද්වතුන්ද යන්නයි.

කඬේ යන්නේ නාලක ගොඩහේවාට

සමස්ත ලංකා විද්වත් පෙරමුණ පසුගිය 16 වැනිදා අගමැති මහින්ද රාජපක්ෂ. හිටපු ඇමති ඩිව් ගුණසේකර, වාසුදේව නානායක්කාර, ඇමැති ආචාර්ය බන්දුල ගුණවර්ධන, එස්.බී දිසානායක සහ ආචාර්ය නාලක ගෙඩහේවා කැඳවා සිදුකළ දේශනවල හරය හෝ අරමුණ විය හැකිව ඇත්තේ මෙවර මහ මැතිවරණයට පොහොට්ටුවෙන් ගම්පහ දිස්ත‍්‍රික්කයට තරඟවඳින ආචාර්ය නාලක ගොඩහේවාට සහාය පළ කිරීම / කඬේ යාම බව අමුතුවෙන් කිව යුතු නැත. (අගමැතිතුමා මෙම වැඩසටහනට සහභාගී වන බව සඳහන් වුව ද එතුමා පැමිණියේ නැත – අගමැතිතුමා මේ සදහා සහභාගී වන බව සදහන් කිරීම ජනමාධ්‍ය අවධානය දිනා ගැනීමේ ඊනියා සැලසුමක් පමණක් විය හැකිය)

ආචාර්ය නාලක ගොඩහේවා ඇතුළු මහ මැතිවරණයට ඉදිරිපත්ව සිටින ඊනියා විද්වතුන් මේ ආකාරයේ අටවා ගත් සංවිධාන හරහා තම ප‍්‍රතිරූපය ඔසවා ගැනීමට තැත් කරන බව අමුතුවෙන් කිව යුතු නැත. ඔවුන් මේ සැරසෙන්නේ ඊනියා විද්වත් බවක් සමාජය හමුවේ මවාපා ඡන්ද ගොඩ වැඩිකර ගැනීම බව පැහැදිලිය.

සමස්ත ලංකා විද්වත් පෙරමුණේ මහා සම්මේලනය වෙනුවෙන් නිකුත් කළ සමරු කලාපයට ආචාර්ය නාලක ගොඩහේවා විසින් ශුභ පැතුම් එක් කිරීම සහ දේශනයක් කිරීම මගින් ඒ බව මනාව පැහැදිලි වේ.

එහෙත් ප‍්‍රශ්නය වන්නේ නාලක ගොඩහේවාට කඬේ යන මේ සමස්ත ලංකා විද්වත් පෙරමුණ ඇත්ත වශයෙන්ම විද්වත් පෙරමුණක් ද ? යන්නයි. ඒ තුළ කටයුතු කරන්නේ මීට ඉහත සංස්කාරකවරුන් පවසන පරිදි විද්වතුන් වන වෘත්තීයවේදීන් ද යන්නයි.

සමස්ත ලංකා විද්වත් පෙරමුණේ උපදේශක මණ්ඩලය

අදාළ සමරු කලාපයේ 16 වැනි පිටුවේ දක්වා ඇති ආකරයයට සමස්ත ලංකා විද්වත් පෙරමුණේ උපදේශක මණ්ඩලය වන්නේ,

1 මහාචාර්ය ටියුඩර් වීරසිංහ,
2 මහාචාර්ය චන්ද්‍රසිරි රාජපක්ෂ
3 මහාචාර්ය ආරියරත්න කලූආරච්චි
4 මහාචාර්ය මංගල සේනානායක
5 මහාචාර්ය ධර්මකීර්ති ශ‍්‍රී රන්ජන් යන මහාචාර්යවරු පස් දෙනායි.

එහෙත් මේ ඊනියා විද්වත් පෙරමුණේ උපදේශක මණ්ඩලයේ සිටින මහාචාර්යවරු දෙදෙනකු ‘සැබෑ මහාචාර්යවරු’ නොවීම ‘විද්වත් වංචාවකි’ නැතහොත් සාමාන්‍ය ජනතාව නොමග යැවීමකි. විද්වතුන්ගේ සහාය, දැනුම අපේක්ෂා කරන ජනාධිපතිවරයා නොමග යැවීමකි.

මෙහි මුලින්ම නම සඳහන් වන මහාචාර්ය ටියුඩර් වීරසිංහ සහ මහාචාර්ය ධර්මකීර්ති ශ‍්‍රී රන්ජන් යනු මහාචාර්ය ධුරයක් හිමි අය නොවේ. හොරණ ශ‍්‍රී පාලි මණ්ඩපයයේ ජ්‍යේෂ්ඨ කථිකාචාර්යවරුන් වන ඔවුන් දෙදෙනා ‘ආචාර්යවරුන්’ මිස මහාචාර්යවරුන් නොවේ.

මේ බව කොළඹ විශ්විද්‍යාලයේ ශ‍්‍රීපාලි මණ්ඩපයෙන් දැන ගැනීම අවශ්‍ය නොවන්නේ මෙම සමරු කලාපය සංස්කරණය කළ බව කියන ඊනියා සංස්කාරකවරුන් තිදෙනාගේ විද්වත්භාවය මනාව පැහැදිලි කරමින් ‘ගෝලීය සන්දර්භය තුළ ජාතික අර්බුදය හමුවේ අප කළ යුත්තේ කුමක්ද ’ යන (පිටුව 21) ලිපියේ රචකයා ලෙස එහි අවසානයේ (පිටුව 29) සඳහන් වන්නේ ‘ආචාර්ය ටියුඩර් වීරසිංහ, ජ්‍යෙෂ්ඨ කථිකාචාර්ය, ශ‍්‍රීපාලි මණ්ඩලය, කොළඹ විශ්වවිද්‍යාලය’ ලෙසය.

සංස්කාරකවරුන්ගේ ඊනියා විද්වත්කම තව දුරටත් හෙළිකරමින් මෙම සමරු කලාපයේ 37 වැනි පිටුවේ ‘සමස්ත ලංකා විද්වත් පෙරමුණෙහි මහා සම්මේලනයට අපේ සුබ පැතුම්’ මැයෙන් ලබාදී ඇති අනුග‍්‍රාහක දැන්වීමේ සටහන් වන්නේ ‘ආචාර්ය ටියුඩර් වීරසිංහ සහ ආචාර්ය ධර්මකීර්ති ශ‍්‍රී රන්ජන්’ යනුවෙනි.

ආචාර්ය ධුරයක් ඇති අයෙකු මහාචාර්යවරයෙකු ලෙස හැඳින්වීම සම්පූර්ණයෙන් වරදක් වන අතර ජනතාව හෝ මේ ඊනියා සංවිධානවල අනුහස ගැන සතුටට පත්ව සිටින පාලකයින් නොමග යැවීමකි. අදාළ සංවිධානවලට අනවශ්‍ය වටිනාකමක් ආරෝපණය කර ගැනීමකි.

මෙහි වඩාත්ම හාස්‍යජනක කරුණ වන්නේ ආණ්ඩුකිරීමට උපදෙස් දෙන්න යන මේ ඊනියා විද්වතුන් තම මහා සම්මේලනය වෙනුවෙන් මුද්‍රණය කළ සමරු කලාපයේ තම සෙළුව අවශ්‍ය ප‍්‍රමාණයට වඩා නිරාවරණය කිරීමය.

සමස්ත ලංකා විද්වත් පෙරමුණේ විද්වතුන්ගේ පැටිකිරිය

සමස්ත ලංකා විද්වත් පෙරමුණ පිහිටුවා ගත්තේ රාජ්‍ය පාලනයට අවශ්‍ය ප‍්‍රතිපත්ති සම්පාදනයට විද්වත් වෘත්තිකයින්ගේ දැනුම සහ අත්දැකීම් ලබා දීමට බව එහි සංස්කාරක සටහනේ සටහන් වේ.

එහෙත් ප‍්‍රශ්නය වන්නේ සමස්ත ලංකා විද්වත් පෙරමුණේ විද්වතුන් අතර, ‘විද්වතුන්’ නොවීමය. අවම වශයෙන් අදාළ විෂය පිළිබඳ කිසිඳු ආකාරයක වෘත්තීය සුදුසුකමක් ඇති (මේ බව මේ කුඩා සමරු කලාපය උඩින් පල්ලෙන් බලන විට පවා පැහැදිලි වේ. එසේ නොවේ නම් ගරු එස්.බී. දිසානායක අමාත්‍යතුමාගේ ප‍්‍රකාශයේ අවසානයට සඳහන් නම (පිටුව 07) ගරු. එස්.බී. දිසානයක වන්නේ නැත)

මෙම සමරු කලාපයේ 16 වැනි පිටුවේ සඳහන් වන පරිදි සමස්ත ලංකා විද්වත් පෙරමුණේ උපදේශක මණ්ඩලයේ සිටින ඊනියා මහාචාර්යවරුන් දෙදෙනා සේම සංස්කාරක මණ්ඩලයේ ද ඊනියා මාධ්‍යවේදියෙක් සිටී.

අදාළ මහා සම්මේලනය පැවැත්වූ හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු කිරීමේ ආයතනයේ සංවර්ධන සහකාරවරයෙකු (උපාධිධාරියෙකු නොවේ) වන ‘මාධ්‍යවේදී. කේ.ඒ.සී. පෙරේරා’ අප කළ සොයා බැලීම්වලදී මාධ්‍ය ආයතනයක පස්පෑගුවෙකු ද නොවේ.

එසේම එහි විධායක සභාව නියෝජනය කරන ‘ඉන්ධීවරී දිසානායක’ මිය ද හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු කිරීමේ ආයතනයේ ප‍්‍රවෘත්ති හා ප‍්‍රකාශන නිලධාරිනියක් පමණකි (ඇය කනිෂ්ඨ නිලධාරිනියකි)

පසුගිය යහපාලන ආණ්ඩුව සමයේ හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු කිරීමේ ආයතනය භාර රාජ්‍ය අමාත්‍යවරයා වූ වසන්ත අළිවිහාරේ මහතාට ඥාතී සම්බන්ධයක් ඇති බව කියන මෙම ඊනියා විද්වත් කමිටු සාමාජිකාවගේ සැමියා වන්නේ මීට ඉහත නම සඳහන් කළ සංස්කාරක, මාධ්‍යවේදී කේ.ඒ.සී. පෙරේරා වීම ද අවධානයට ගත යුත්තකි.

රාජ්‍ය සේවයේ අත්දැකීම් බහුල විද්වතුන්ගේ පෙරමුණක් බව කියන එකක මොවුන් දෙදෙනා (අඹු සැමියන්) මහා විද්වතුන් වන්නේ කෙසේද යන්න වෙනම වටහා ගත යුත්තකි.

පවුල් හවුල

මේ අවුල විසඳා ගැනීම කිසිසේත් අසීරු නොවේ. ඒ සමස්ත ලංකා විද්වත් පෙරමුණේ ප‍්‍රධාන ලේකම්වරයා වන ජ්‍යෙෂ්ඨ කථිකාචාර්ය කේ.ඒ ගුණදාස පෙරේරා හඳුනා ගත් පසු ඉහළ සංස්කාරකවරයා සහ විධායක කමිටු සාමාජිකාවගේ ඥාතීත්වය පහසුවෙන් හඳුනා ගත හැකිය.

සමස්ත ලංකා විද්වත් පෙරමුණේ ප‍්‍ර‍්‍රධාන ලේකම්වරයා වන ජ්‍යෙෂ්ඨ කථිකාචාර්ය කේ.ඒ. ගුණදාස පෙරේරාගේ පුත‍්‍රයා වන්නේ මෙම පෙරමුණේ සංස්කාරකවරයා වන උසස් පෙළ පමණක් සමතෙකු වන ඊනියා මාධ්‍යවේදී කේ.ඒ.සී. පෙරේරාය.

එවිට අපට ඊනියා සමස්ත ලංකා විද්වත් පෙරමුණේ සැබෑ තත්ත්වය පහසුවෙන් වටහා ගත හැකි වේ.

මේ තත්ත්වය තව දුරටත් පැහැදිලි කර ගැනීමට අවශ්‍ය නම් මහාචාර්ය ටියුඩර් වීරසිංහ ප‍්‍රධාන ලේකම්වරයාගේ ඥාතියෙකු වන අතර සංස්කාරකවරයා ඔහුව හඳුන්වන්නේ ‘මාමා’ ලෙසය.

එසේ නම් ඊනියා සමස්ත ලංකා විද්වත් පෙරමුණේ ඥාතී සම්බන්ධතාව පහසුවෙන් වටහා ගත හැකිය.

ආචාර්ය නාලක ගොඩහේවා වැනි විද්වතුන්ට කඬේ යන සමස්ත ලංකා විද්වත් පෙරමුණ ගැන මීට වඩා යමක් ලිවිය යුතු නැත. එහෙත් මේ ඊනියා විද්වතුන් ගැන තව දුරටත් හෙළිකරමින් මෙම පෙරමුණේ මාධ්‍ය ලේකම්වරයා බව කියන ප‍්‍රවීන මාධ්‍යවේදී චන්දන විජේකෝන් ගැන ද යමක් සඳහන් කළ යුතුය. උපාධිධාරියෙකු නොවන චන්දන විජේකෝන් දිනමිණ පුවත්පතේ උප කර්තෘවරයෙකු පමණක් වන බව සඳහන් කළ යුතුය.

අවසානය

මෙහි ඇති වඩාත්ම හාස්‍ය ජනක මෙන්ම බියකරු තත්ත්වය වන්නේ හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනයේ සේවකයින් දෙදෙනකු වන ඉන්ධීවරී දිසානායක සහ ඇයගේ සැමියා වන කේ.ඒ.සී. පෙරේරා යන දෙදෙනාම පසුගිය යහපාලන ආණ්ඩු සමයේ එම ආයතනය භාරව කටයුතු කළ වසන්ත අළුවිහාරේගේ ඍජු දේශපාලන පත්වීම් ලාභීන් වීමයි.

අනෙක් අතට යහපාලන ආණ්ඩු සමයේ තම ඇමති මාමාගේ අනුහස ගෙන අදාළ කණිෂ්ඨ නිලධාරිනිය ආයතනය තුළ බලාධිපත්‍යක් පවත්වා ගෙන යාමයි. එවකට තම පෙම්වතා වන සමස්ත ලංකා විද්වත් පෙරමුණේ සංස්කාරකවරයකු වන මාධ්‍යවේදී කේ.ඒ.සී. පෙරේරාගේ පත්වීම ස්ථිර කර ගැනීමට (මොහු අදාළ ආයතනයට පැමිණ ඇත්තේ තම පියාගේ බලපෑම්වලින් අනියම් සේවයෙකු ලෙසය)

මේ වන විට මෙම විධායක කමිටු සාමාජිකාව තම සංස්කාරක සැමියාගේ සහ ප‍්‍රධාන ලේකම් මාමාගේ දේශපාලන අනුහස ගෙන යහපාලන සමයේ මාමා ඇමැතිකම් කළ සමයේ හැසිරුණු ආකාරයෙන් හැසිරෙමින් සිටින අතර එය ආයතනයේ සමස්ත පාලනයට ද බරපතළ තර්ජනයක් වී ඇත.

නාලක ගොඩහේවාට කඬේ යන්නේ මේ විද්වතුන් හා විද්වතියන් නම් ගෝඨාභය රාජපක්ෂ – මහින්ද රාජපක්ෂ – ප‍්‍රසන්න රණතුංග ආදී දේශපාලනඥයින් කළ කී සියල්ල වතුරේ යන බව පැහැදිලිය. ඒ නිසා වත්මන් ආණ්ඩුවේ ප‍්‍රබලයින් සේම ජනතාව ද මේ ඊනියා විද්වතුන් හා ඔවුන් වෙනුවෙන් අටවා ගත් මේ ඊනියා විද්වත් සංවිධාන ගැන වඩාත් ප‍්‍රවේශම් විය යුතුය.

මන්ද දේශපාලන කටුස්සන් වන තාත්තලා – පුතාලා – ලේලිලා විසින් තම පැවැත්මට අටවා ගත්, ආචාර්යවරු මහාචාර්යවරු කරන, මාධ්‍යවේදීන් සිටින මෙම සංවිධානවල සැබෑ අරමුණ කිසිසේත් අවංක නොවන නිසාය.

සටහන – මහාචාරිය කඩේගෙදර විද්වතී අළුවිහාරේ