Blog

ඕනෑම පුද්ගලයෙකුට මේ දිනවල තමන්ට කොවිඩ් -19 වැලදී තිබෙන බවට යම් සැකයක් ඇත්නම් හෝ කැස්ස සෙම්ප්‍රතිශ්‍යාව උගුරේ වේදනාව හුස්ම ගැනීමේ අපහසුතා වැනි රෝග ලක්ෂණ තිබේනම්  කෙලින්ම රෝහලකට නොගොස්  1999 හෝ 1390 දුරකතන අංක අමතා උපදෙස් ලබාගන්නැයි සෞඛ්‍ය සේවා අධ්‍යක්ෂ ජනරාල් වරයා  යලි ඉල්ලා සිටී.

මෙම දැනුම්දීමට අනුව බොහෝ දෙනෙක් කටයුතු කලත් සමහර විට එය නොතකා හරින අවස්ථා වාර්තා වන බව පෙනේ. ඊට අමතරව සමහරුන් රෝහල වෙත පැමිණ තමන් පදිංචි ප්‍රදේශය පිලිබඳව පවා කරුණු සඟවා රෝහල් කාර්ය මණ්ඩලයට ලබාදීම කණගාටුවට කරුණකි. මෙසේ වැරදි තොරතුරු ලබා දීමෙන් රෝහල වෙත පැමිණි පුද්ගලයාට ලබා දිය යුතු ප්‍රතිකාර හා සේවා ලබාදීමට පෙර යම්  උත්සහයකින්  කරුණු  රැස්කිරීමට කාර්ය මණ්ඩලයට සිදුවේ. එය ප්‍රධාන වශයෙන් එම පුද්ගලයාටද  ගැටළුවකි. යම් කාල සීමාවකට හෝ පෙර සඳහන් කල ආකාරයේ තොරතුරු වසන් කල පුද්ගලයා රෝහල් කාර්‍ය මණ්ඩලය සහ අනෙක් රෝගීන් සමග අනවශ්‍ය ලෙස සමීප වීම සිදුවුවහොත් විශාල ගැටළුවක් ඇතිවිය හැකි බව විශේෂඥ වෛද්‍ය අනිල් ජාසිංහ මහතා පෙන්වා දෙයි.

ද  සොයිසා රෝහල වෙත පැමිණී මරදාන ප්‍රදේශයේ කාන්තාවක තමන් ජීවත් වන ප්‍රදේශය සඟවා ප්‍රකාශ කිරීමේ සිදුවීමක් වාර්තා විය.සැබැවින්ම ඇය ජීවත් වූයේ මරදාන ඉමාවුල් අරුස් මාවත නමැති ප්‍රදේශයේ වුවත් ඇය රෝහල වෙත වැරදි ලිපිනයක් ලබාදී තිබිනි. රෝහල් කාර්‍ය මණ්ඩලයේ දක්ෂතාව නිසා ඇයගේ නියම ලිපිනය හඳුනා ගැනීමට ඔවුන්ට හැකිවිය. ඊට පෙර දිනයකත් මෙම ප්‍රදෙශයෙන් ආසාදිතයින් වාර්තාවී තිබීම හේතුවෙන් අදාල කාන්තාව කොවිඩ් -19 ආසාදිතයෙකු    විය හැකි බව  මුල සිටම සැකකර නිසි සූදානමකින් , අවශ්‍ය ආරක්ෂක ක්‍රම උපයෝගී කරගෙන  පරීක්ෂාකිරීම සහ PCR පරීක්ෂණ සිදුකිරීම,ඇයව විශේෂයෙන් සූදානම් කොට තිබූ වාට්ටුවකට ඇතුලත් කිරීම ආදිය සිදුවිය.කොවිඩ් -19 ආසාදනය වීම සමාජ අපවාදයකට ලක් වීමට හේතුවක් නොවන බවත් යම් පුද්ගලයෙකු තොරතුරු සඟවා ප්‍රකාශ කිරීම එවැනි අපවාදයකට හේතුවක් විය හැකි වන අතර එය වරදක් බවද  සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා අවධාරණය කරයි.

මී උණ රෝගී තත්වයක් හේතුවෙන් කොළඹ නාවික හමුදා මහ රෝහලේ ප්‍රථිකාර ලබමින් සිටි නාවික හමුදා නිලධාරියෙකු අභාවප්‍රාප්ත වූ බව ශ්‍රී ලංකා නාවික හමුදාව මාධ්‍ය නිවේදනයක් නිකුත් කරමින් සදහන් කළා.  එම මාධ්‍ය නිවේදනය සම්පූර්ණයෙන් පහත දැක්වෙනවා.

මී උණ රෝගී තත්වයක් හේතුවෙන් කොළඹ නාවික හමුදා මහ රෝහලෙහි දැඩිසත්කාර ‍ඒකකයේ ප්‍රථිකාර ලබමින් සිටි නාවික හමුදා නිලධාරියෙකු 2020 අප්‍රේල් 25 වන දින අභාවප්‍රාප්ත විය.

මෙලෙස අභාවප්‍රාප්ත වූයේ නාවික හමුදා මූලස්ථානයට අනුයුක්තව රාජකාරි සිදු කරනු ලැබූ ගලෙන්බිඳුණුවැව ප්‍රදේශයේ පදිංචිකරුවකු වන 35 වියැති ලුතිනන් කොමාණ්ඩර් (ස්වේච්ඡා) දොඩම්වල ගෙදර සුනිල් බණ්ඩාර දොඩම්වල නම් නිලධාරියා වන අතර, ඔහු 2020 අප්‍රේල් මස 18 වන දින රෝගී තත්වයක් හේතුවෙන් කොළඹ නාවික මහ රෝහල වෙත ඇතුලත් කර ඇත.

මෙම නිලධාරියා ප්‍රථිකාර ලැබූ කාලය තුළ වෛද්‍යවරුන් විසින් ඔහු පිළිබඳව සිදුකරනු ලද පරීක්‍ෂණවලදී ඔහු මී උණ රෝගී තත්වයෙන් පෙලෙන බව නිගමනය කර ඇත. එමෙන්ම වැලිසර නාවික හමුදා කඳවුර තුළ කොවිඩ් 19 වෛරසය ව්‍යාප්තවීමත් සමඟ සිදු කරන ලද පරීක්‍ෂණවලදී මෙම නාවික හමුදා නිලධාරියා කොවිඩ් 19 වෛරසය ආසාධිත පුද්ගලයෙකු නොවන බවටද තහවුරු කර ගන්නා ලදි. ඒ අනුව මී උණ රෝගී තත්ත්වය සඳහා ප්‍රථිකාර ලබමින් සිටියදී එම රෝගීතත්වය උත්සන්න වීම හේතුවෙන් දැඩිසත්කාර ඒකකයට ඇතුලත්කර සිටියදී මෙම නිලධාරියා 2020 අප්‍රේල් 25 වන දින අභාවප්‍රාප්ත විය. 

මෙම මරණය කොවිඩ් 19 වෛරසය හේතුවෙන් සිදුවූවක් නොවන බවට තහවුරු වුවද, වැලිසර නාවික කඳවුරු සංකීර්ණයේ දැනට උද්ගතවී ඇති තත්ත්වය මත කොවිඩ් 19 හේතුවෙන් මියගිය පුද්ගලයෙකුගේ අවසන් කටයුතු සිදුකරනු ලබන ක්‍රියාපටිපාටියට අනුව මෙම නාවික හමුදා නිලධාරියාගේ අවසන් කටයුතු සිදු කිරීමට රාගම අධිකරණ වෛද්‍ය නිලධාරී මගින් නිර්දේශ කරන ලදි. ඒ අනුව එම නිර්දේශයන්ට අනුකූලව දේහය පිළිබඳ අවසන් කටයුතු නාවිකටයුතු නාවික හමුදා ගෞරව සහිතව සිදු කිරීමට නියමිතව ඇත.

විදේශ විනිමය උපයා රටේ ආර්ථිකය ශක්තිමත් කරන විදේශගත ශ්‍රී ලාංකිකයින් පිළිබඳව ආණ්ඩුවේ නිසි අවධානයක් නැතැයි එතෙර අපි සංවිධානයේ සභාපති, ජනතා විමුක්ති පෙරමුණේ හිටපු පාර්ලිමේන්තු මන්ත්‍රී සුනිල් හඳුන්නෙත්ති මහතා රජයට චෝදනා කරයි.

අන්තර් ජාලය ඔස්සේ එතෙර අපි සංවිධානය අද (26) මේ මාධ්‍ය හමුව පවත්වමින් සුනිල් හදුන්නෙත්ති මහතා මේ බව ප්‍රකාශ කළේය. එහිදී සුනිල් හදුන්නෙත්ති මහතා කළ සම්පූර්ණ කතාව පහත දැක්වේ.

අන්තර් ජාලය ඔස්සේ එතෙර අපි සංවිධානය අද (26) මේ මාධ්‍ය හමුව පවත්වන්නේ කොරෝනා වසංගතය නිසා විදේශගත ශ්‍රී ලාංකිකයන් මුහුණදී සිටින ඛේදනීය තත්වය පිළිබඳව ආණ්ඩුවේ අවධානය යොමු කරන්නයි. 

ශ්‍රී ලංකාවේ පාස්පෝර්ට් එකක් තිබෙන, හැඳුනුම්පතක් තිබෙන විදේශගතව විශාල විදේශ විනිමය ප්‍රමාණයක් උපයා එවන පුද්ගලයින්, වෘත්තීය පුහුණුවලට, අධ්‍යාපනය ලැබීමට ගිය පුද්ගලයින් විශාල පිරිසක් පීඩාවට පත්වී සිටිනවා. ආණ්ඩු විසින් වරින්වර රට විරුවන් විදිහට හැඳින්වූ විදේශ රැකියා කරන්නන් ඩොලර් බිලියන 07කට වඩා විදේශ විනිමය ප්‍රමාණයක් ආර්ථිකයට එකතු කරනවා. මේ මුදලින් ඔවුන්ගේ පවුල්වල සාමාජිකයන් විතරක් ජීවත් වුණා නොවෙයි. රටේ ආර්ථිකයේ කොඳු නාරටිය බවට පත්වුණේ ඔවුන්.

මේ මොහොතේ රට ඇතුලේ ජීවත්වන අය ගැන සොයා බලනවා වගේම මේ පිරිස ගැනත් සොයා බැලීම රජයේ අත්හළ නොහැකි වගකීමක්. එතෙර අපි සංවිධානය ලෙස ඔවුන්ගේ කටයුතු වෙනුවෙන් හැමදාමත් අපි මැදිහත් වුණා. ලෝකයේ ඕනෑම රටක ජීවත් වන ශ්‍රී ලාංකිකයන්ට ඒ රටේ ජීවත්වෙන්න බැරි තත්වයක් ඇතිවී තිබෙනවා නම් ලංකාවට එන්න අයිතියක් තිබෙනවා. විදේශ රටක පුරවැසියන් බවට පත් නොවුණ ශ්‍රී ලාංකිකයින්ගේ වීසා කාලය අවසන්වී තිබෙනවා නම් මේ රටට පැමිණීමට ඔවුන්ට තිබෙන අයිතිය වළක්වන්න කාටවත් බැහැ. ඒක මූලික මිනිස් අයිතිවාසිකමක්. 

කොරෝනා වසංගතය නිසා පත්වී තිබෙන තත්වය යටතේ ඒ ඒ රටවල තානාපති කාර්යාලවල විශේෂ වගකීම තමයි ලාංකිකයන් ගැන සොයා බලන්න මැදිහත්වීම. ඔවුන් අපේ රටට අයිති නැති අය හැටියට කවුරු හරි හිතනවා නම්, ඔවුන් මේ රටට පැමිණීම වසංගතය ගෙන ඒමක් කියලා හිතනවා නම් එය අසාධාරණයි. සෞඛ්‍ය අංශ, ආරක්‍ෂක අංශ, ප්‍රජා සෞඛ්‍ය සේවාවන්, ග්‍රාම නිලධාරීන් පී.එච්.අයි මහත්තයා දක්වා මැදිහත්වෙලා වසංගතය මර්දනය කරන්න විශේෂ වැඩපිලිවෙළවල් ගෙන යනවා. ඒ අතරේ ආණ්ඩුව මැදිහත් වෙන්නේ පාසල් විවෘත කරන දින නියම කරන්න, අධිවේගී මාර්ග විවෘත කරන්න, ඇඳිරි නීතිය ඉවත කරන ආකාරය ප්‍රකාශයට පත් කරන්න වගේම තැබෑරුම් විවෘත කරමින් ජන ජීවිතය සාමාන්‍ය තත්වයට පත්වී යැයි යන හැඟීම හදන්න. විශ්වවිද්‍යාල, රජයේ ආයතන වගේම පෞද්ගලික ආයතන විවෘත කරන්න හැකි බව අඟවමින් ඊට අදාල නිර්ණායක හදලා මැතිවරණය පැවැත්වීමේ හැකියාවක් ඇති බව සාකච්ඡාවට ගත්තා.

මෙතරම් උනන්දුවක් අපේ ආර්ථිකයේ කොඳු නාරටියවූ විදේශ රැකියා කරන්නන් කොරෝනා වසංගතයෙන් අසරණවී ඉන්න මොහොතේ ආණ්ඩුව ක්‍රියාත්මක වන බවක් අපි දකින්නේ නැහැ. විශේෂයෙන්ම මැදපෙරදිග රටවල්වල පාස්පෝට් නැතිව, වෙනත් ලියකියවිලි නැතිව ඉන්න අයට ඒවා හදලා දීලා, ගුවන් යානා පවා ලබාදීලා ලංකාවට එවන්න සූදානම් බව නිළ වශයෙන් දන්වලා තිබුණා. නමුත් අපේ රටේ දේශපාලන අධිකාරිය, විදේශ කටයුතු අමාත්‍යාංශය ඒ අය ගෙන්වා ගන්න සූදානම් නැහැ. මේ නිසා අපි ආණ්ඩුවෙන් සාධාරණ ප්‍රශ්නයක් අහනවා, ජන ජීවිතය යථාතත්වයට පත්කරන්න සූදානම් බව ප්‍රකාශ කරන්න ආණ්ඩුවේ තිබෙන සූදානමේ තරමට, මැතිවරණය පවත්වන්න උනන්දුවන තරමට අසරණභාවට පත්වෙලා ඉන්න ශ්‍රී ලාංකිකයන් මෙරටට ගෙන්වා ගන්න විදේශ රටවලින් සහය පළකරන්න සූදානම්ව සිටියදී ආණ්ඩුවේ උනන්දුවක් නැහැ. 

මුලින්ම අපි අප්‍රේල් මාසයේ 07වැනිදා දිනේෂ් ගුණවර්ධණ විදේශ කටයුතු ඇමතිවරයාට ලිඛිතව යෝජනා මාලාවක් ඉදිරිපත් කළා. එහිදී අපි ඉතා පැහැදිලිව සඳහන් කළ එක කාරණයක් වූයේ ලංකාවේ ගුවන්තොටුපොළවලින් රටට පැමිණෙන නිරෝධායන මධ්‍යස්ථානවලට යොමුකර  නිවාසවලට යවන ප්‍රමාණයට සාපේක්‍ෂව තවත් පිරිසක් ලංකාවට ගෙන්වාගෙන නිරෝධායනයට ලක්කර සියලු සෞඛ්‍ය අංශවල නිර්නායකවලට යටත්ව මේ විදේශ රැකියා කළ පිරිස් ගෙන්වාගෙන තමන්ගේ පවුල්වල සාමාජිකයන් සමග සමාජගත වෙන්න ඉඩ දෙන්න කියලා. ඒ වගේම ව්‍යාපාරික කටයුත්තකට හරි රජයේ පුහුණු කටයුත්තකට හරි විදේශගතවෙලා ලංකාවට පැමිණීමට නොහැකිව ඉන්න අය ගැන සංගණනයක් කරලා රට තුළට එන්න අවශ්‍ය ඉඩකඩ හදලා දෙන්න කියලා යෝජනා කළා. ඒ වගේම වීසා කාලය අවසන්වී ලංකාවට එන්න නොහැකි අයට පහසුකම් සලසා දෙන්න කියලත්, විදේශ රැකියා කරන අතර කොරෝනා රෝගයට ගොදුරුවී ඉන්නවා නම් ඔවුන් ගැනත් ඔවුන්ගේ පවුල් ගැනත් මැදිහත් වෙන්න කියලා යෝජනා කළා.

ඊටත් අමතරව විශේෂ ඉල්ලීමක් කළා, විදේශ රැකියා සඳහා පිටත්ව යන මොහොතේදී රුපියල් 17,000ක් වැනි මුදලක් අයකරගෙන ලබාදුන් රක්‍ෂණාවරණය සහ සෙසු රක්‍ෂණාවරණයන්හි මුදල් ලබාගෙන විදේශගත පුද්ගලයින්ට අවශ්‍ය ආහාරපාන, සෞඛ්‍යාරක්‍ෂාව, නවාතැන් පහසුකම් වෙනුවෙන් යොදවන්න කියලා. නමුත් ආණ්ඩුව මේ දක්වා කිසිම අවධානයක් යොමුකර නැහැ. ඒ ගැන අපි කණගාටු වෙනවා.

ඔවුන් මුහුණදී සිටින පොදු ගැටලු ගණනාවක් තිබෙනවා. මැදපෙරදිග රටවල් කොරෝනා තත්වය හමුවේ අරගෙන තිබෙන තීරණත් එක්ක කුවේ, කටාර්, සෞදි අරාබි, අබුඩාබි සහ ඩුබායිහි අසරණවූවන් සිටිනවා. කොරියාවට වඩා අර්බුදයක් මැද පෙරදිග ඇතිවී තිබෙනවා. මාලදිවයිනට අයත් දූපත්වල වැඩකරන ශ්‍රීලාංකිකයන් විශාල පිරිසක් ඉන්නවා. මාලි නගරයට රැස්වූ විශාල පිරිසක් ඉන්නවා. අපට ඉතාම ආසන්න රටක් වුණත් විශේෂ තත්වයන් ගණනාවක් නිසා වැඩිම පීඩාවට පත්වන පිරිසක් එහි රැඳී ඉන්නවා.

වර්ග කිලෝමීටරයක 23,000ක පමණ ජන ඝණත්වයක් නිසා වසංගතයෙන් ඔවුන්ට විශාල පීඩාවක් තිබෙනවා. කොරෝනා ආසාධනයට ලක්වූ ශ්‍රී ලාංකිකයන් කිහිප දෙනෙකු හමුවී තිබෙනවා. එහි තිබෙන ලංකා බැංකු ශාඛාව වසා තිබෙනවා. එහි කාර්ය මණ්ඩලයේ සියලුම දෙනා ඉතාමත්ම අඩු පහසුකම් සහිත තැනක අනෙකුත් රටවල අයත් සමග නිරෝධානයනයට ලක්කර තිබෙනවා. මුදල් තිබුණත් ආහාර හිඟයක් ඇතිවී තිබෙනවා. ප්‍රමුඛතාවය දී තිබෙන්නේ ඒ රටේ පුරවැසියන්ට. අපේ සහෝදර ජනතාව මේ නිසා ඉතාමත්ම බරපතල තත්වයකට පත්වෙලා. ආහාර හුවමාරුකරත්තත් දැන් ආහාර අවසන් වෙමින් තිබෙනවා. රෝගය ඉතා ඉක්මනින් පැතිරීමේ අනතුරත් නිසා වහාම ලංකාවට ගෙන්වා ගන්න කියලා ඉල්ලීමක් තිබෙනවා. අපි ආණ්ඩුවට බල කරන්නේ ගුවනායානා හෝ මගී නැව් යොදවලා මේ පිරිස ගෙන්වා ගන්න කියලයි. 

මේ අතර රාජ්‍යතාන්ත්‍රික රාජකාරි අවසන්කළ නිලධාරීන් ඉන්නවා. රුසියාවේ මොස්කව් නගරයට පැමිණි ශිෂ්‍ය ශිෂ්‍යාවෝ විශාල පිරිසක් සිරවී සිටිනවා. ලක්‍ෂ 5කට වඩා වැඩිය මුදලක් ඔවුන්ගෙන් ආපසු එන්න ඉල්ලනවා. ඉන්දියාවේදී කෑමට මුදල් නැති ශිෂ්‍යයන්ගෙන් ටිකට් හදන්න මුදල් ඉල්ලා තිබෙනවා. සාමාන්‍ය ගුවන් බලපත්‍රයකට අයකරන මිලට වඩා කිහිප ගුණයක් වැඩියෙන් ඉල්ලනවා. ලංකාවේ තානාපති සේවා නැති කාම්බෝජය වැනි රටවල්වල ලාංකිකයන් විශාල ප්‍රමාණයක් සිරවී ඉන්නවා. තානාපති කාර්යාලවල පොදු අඩුපාඩුකම්, දුර්වලතා නොසලකා මේ වෙලාවේ එතෙර අපි සංවිධානය තානාපති කාර්යාල සමඟ සහයෝගයෙන් ශ්‍රී ලාංකිකයින්ට උදව් කරනවා. මේ ආකාරයට සෑම රටකදීම සහයෝගයෙන් කටයුතු කරන්න සූදානම් බව විදේශ අමාත්‍යාංශයට දන්වා යැව්වා.

අප්‍රේල් 30 දක්වා කුවේට් රාජ්‍යයෙන් පොදු සමා කාලයක් ලබාදුන් පසු රැඳී සිටි නිවෙස්වලින් ලාංකිකයන් එළියට ආවා. මේ අයගෙන් ඇතුළට ගත්තේ පාස්පෝට් තිබුණ අය විතරයි. වීසා හෝ පාස්පෝට් හෝ වෙනත් ලියකියවිලි නැති අයට තානාපති කාර්යාලයෙන් ලියකියවිලි හදාගෙන එන්න කාලයක් දුන්නා. නමුත් ඒ මොහොතේ තානාපති කාර්යාලය වහලා තිබීම නිසා ඔවුන් ඉතාමත් අසරණ වුණා. බොහෝ පිරිසකට රාත්‍රීය ගතකරන්න තැනක් පවා නැති වුණා. වැඩ කරන තැන්වලින් එළියට ආව අය ඒ හාම්පුතාලා ආපහු ගන්නේ නැහැ.

තානාපති කාර්යාල මට්ටමෙන් සහ රාජ්‍ය තාන්ත්‍රික මට්ටමෙන් විදේශ කටයුතු අමාත්‍යාංශය ඉතා ඉක්මනින් මැදිහත්වෙලා හැකි ඉක්මනින් කොටස් වශයෙන් ලංකාවට කැඳවා ගැනීමේ ක්‍රියාමාර්ග ගත යුතුයි. ලංකාවේ සෞඛ්‍ය නිරෝධායන නීති රීති අනුව නීති සියල්ලට යටත්ව කටයුතු කරන්න ශ්‍රී ලාංකිකයන් සූදානම්. 

එක් එක් රටවල්වල ශ්‍රී ලාංකිකයින් වීඩියෝ දර්ශන එවා තිබෙනවා. වීඩියෝ දර්ශනවලින් තහවුරු වෙන්නේ ආණ්ඩුව ප්‍රමාණවත් මැදිහත්වීමක් ලාංකිකයින් වෙනුවෙන් කර නැති බවයි. ලංකාව තුලදී පවා රෝගීන් මහත් අසරණ වෙනවා. ඔවුන් බලන්න කිසි කෙනෙකුට ඉඩ දෙන්නේ නැහැ. අපේ රට තුළත් එහෙම නම් භාෂාව නොතේරෙන, අවශ්‍ය මූලික පහසුකම් අඩුවෙමින් තිබියදී විදේශ රටකදී ලාංකිකයින් කෙතරම් අපහසුතාවයකට පත්වෙනවද? මේ නිසා තමයි ඔවුන් ගෙන්වා ගත යුතු බව මුලදීම අවධාරණය කළේ. අඩුම ගානේ රාජ්‍ය තාන්ත්‍රිකව පුහුණුවලට යවා සිටින නිලධාරීන් ගෙන්වා ගැනීමටත් මේ දක්ව ක්‍රියාකර නැහැ. 

ඒ නිසා විදේශ රටවල අසරණවී ඉන්න ලාංකිකයින් ගෙන්වා ගැනීමට කඩිනම් පියවර ගන්නා ලෙස ආණ්ඩුවට බලකරන අතරම එතෙක් ඒ ඒ රටවල්වල ඔවුන් වෙනුවෙන් සහන කටයුතු සැලසීමට එතෙර අපි සංවිධානය හැටියට ක්‍රියා කරන්න අපි සූදානම්. ඊට අවශ්‍ය පසුබිම හදලා දෙන්න කියලත් ඉල්ලනවා. නමුත් ක්‍ෂණිකව මැදිහත් විය යුතු කටයුතුවලට ආණ්ඩුව ඉක්මනින් අවතීරණ වන ලෙස අපි  බල කරනවා. 

කොරෝනා වසංගතය මර්දනයට විදේශ රටවල්වලින් ණය ආධාර විශාල ප්‍රමාණයක් ලැබුණා. ඒ වගේම විදේශගත ශ්‍රී ලාංකිකයින් වෙනුවෙන් සකස් කළ අරමුදල් තිබෙනවා. අපි දැනගන්න කැමැති එම අරමුදල්වලින් කොතරම් ප්‍රමාණයක් මේ අසරණ වූ විදේශගත පිරිස වෙනුවෙන් වෙන කරලා තියෙනවද කියලා.

පාර්ලිමේන්තුව රැස් වෙන්නේ නැති නිසා මේවා වියදම් කිරීම පිළිබඳව තොරතුරු දැන ගැනීමේ හැකියාවක් අපිට නැහැ. නමුත් විදේශ කටයුතු අමාත්‍යාංශය වගේම ආණ්ඩුවේ සැලසුම් සකස් කරන්නන් එක්ක සහයෝගයෙන් කටයුතු කර මේ ශ්‍රී ලාංකික ජනතාව වෙනුවෙන් අපිට කළ හැකි සියලු මැදිහත්වීම් කරන්න සූදානම් බව දැනුම් දෙනවා. ඒ අතර විදේශගතවී සිටින අපේ සහෝදර ජනතාවගෙන් විශේෂයෙන් ඉල්ලා සිටිනවා එතෙර අපි සංවිධානය සම්බන්ධ කරගන්න කියලා. ඒ වෙනුවෙන් ෆේස්බුක් මගින් සම්බන්ධ වෙන්න පුලුවන්. අපි මේ මොහොතේදී ඉටුකළ යුතු වගකීම් වෙනුවෙන් බැඳී ඉන්නවා. ඒ වගේම පවතින තත්වයන් ගැන ආණ්ඩුවේ බලධාරීන් දැනුවත් කර නැවත නැවතත් බලපෑම් කරන්න සූදානමින් ඉන්නවා.

ශ්‍රී ලංකාව තුළ  COVID-19 වසංගතයේ ව්‍යාප්තිය පාලනය කිරීම සඳහා අඛණ්ඩව කටයුතු කරන බැවින් මෙරට තුළ නිරෝධායන පහසුකම් සීමිත මට්ටමක පවතින වාතාවරණයක් තුළ එතෙර සිටින ශ්‍රී ලාංකිකයින් අතුරින් වඩාත් අවදානමට ලක්විය හැකි කාණ්ඩ හඳුනාගෙන, ඔවුන් සියරට පැමිණවීම මෙතෙක් සිදුකරන ලද බව විදේශ ලේකම් රවිනාථ ආර්යසිංහ මහතා පැවසීය.

අප්‍රේල් 24 වැනි සිකුරාදා සිරස ගුවන්විදුලිය සහ ‘දවස’ රූපවාහිනී වැඩසටහන වෙත අදහස් දක්වමින් ලේකම්වරයා කියා සිටියේ, ‘ශ්‍රී ලංකාව අමතන්න’ වෙබ් ද්වාරය සහ වෙනත් මාධ්‍යයන් හරහා මේ දක්වා එතෙර සිටින ශ්‍රී ලාංකිකයින් 27,000 කට අධික සංඛ්‍යාවක් ආපසු ශ්‍රී ලංකාවට පැමිණීම සඳහා කැමැත්ත පළ කර ඇති බවයි. මෙම සංඛ්‍යාවට සංක්‍රමණික ශ්‍රමිකයන් හා යැපෙන්නන් 17,000 කට අධික සංඛ්‍යාවක් ද, සිසු සිසුවියන් 6,000 ක් සහ කෙටිකාලීන වීසා බලපත්‍ර දරන්නන් හා සංචාරකයින් 3,000 ක් පමණ ද ඇතුළත් වේ.

වෛද්‍ය මතය අනුව ඔවුන් මුහුණ දී සිටින සුවිශේෂී අවදානම සැලකිල්ලට ගනිමින්, වර්තමාන නැවත සියරට පැමිණවීමේ පෙළගැස්මෙහි දී රජයේ අවධානය මේ වන විට යොමු වී ඇත්තේ ශිෂ්‍යයන් සහ රජයේ පුහුණු වැඩසටහන් සඳහා දකුණු ආසියාවට ගොස් සිටින අය කෙරෙහි බව ලේකම් ආර්යසිංහ මහතා  පැවසීය. මෙම නැවත සියරට පැමිණවීමේ ක්‍රියාවලිය මෙම අමාත්‍යාංශයේ සම්බන්ධීකරණය යටතේ ඒ් ඒ් රටවල පිහිටි ශ්‍රී ලංකා දූත මණ්ඩල විසින් ක්‍රියාත්මක කරනු ලබනුයේ කොවිඩ්-19 කාර්ය සාධක බලකාය සහ තවත් ජාතික ආයතන රාශියක් සමඟ සහයෝගයෙනි. වෙනත් ස්ථානවල ද වර්ධනය වෙමින් පවතින මෙවැනිම තත්වයන් පිළිබඳව විදේශ සබඳතා අමාත්‍යාංශය විසින් සමීපව අධීක්‍ෂණය කරනු ලබන අතර, නැවත සියරට පැමිණවීම සඳහා තීරණ ගැනීම සහ පහසුකම් සැපයීම පිණිස ප්‍රතිපත්ති සම්පාදකයින්ගේ සලකා බැලීම සඳහා සුදුසු නිර්දේශ ලබා දෙනු ඇත.

මේ අතර, ශ්‍රී ලංකා දූත මණ්ඩල 67 කින් යුත් ජාලය අවශ්‍යතා ඇති විදේශගත ශ්‍රී ලාංකික සහාය වෙමින් පහසුකම් සපයයි. එම රටවල පිහිටි ශ්‍රී ලාංකික ප්‍රජා සහ ආගමික සංවිධානවල ද සහාය ඇතිව අවශ්‍ය අවස්ථාවන්හි දී වියළි සලාක සහ ඖෂධ ලබා දීමට අමතරව, වීසා බලපත්‍ර දීර්ඝ කිරීම, බැංකු  හරහා මුදල් ගෙන්වා ගැනීම/අරමුදල් මාරු කිරීම, අධ්‍යාපන ආයතන සමඟ සම්බන්ධීකරණය කිරීම සහ සමස්තයක් වශයෙන් එතෙර සිටින ශ්‍රී ලාංකිකයන්ගේ යහපැවැත්ම සහතික කිරීම සඳහා  මෙම දූත මණ්ඩල ක්‍රියා කරයි.

තව දුරටත් කුවේටයේ සේවය කිරීමට අවස්ථාව අහිමි වූ ශ්‍රමිකයන් 19,000 කට අධික පිරිසකට පොදු සමාවක් ප්‍රකාශයට පත් කර ඇති මෙම අවස්ථාවේ එහි පවතින විශේෂිත තත්ත්වය කෙරෙහි මෙම අමාත්‍යාංශය ප්‍රධාන අවධානයක් යොමු කර ඇති බව ඔහු පැවසීය. මෙම පොදු සමා කාලසීමාව දීර්ඝ කිරීම සඳහා ශ්‍රී ලංකා සහ කුවේට් රජයන් සාකච්ඡා පවත්වමින් සිටින අතර, අග්‍රාමාත්‍ය ගරු මහින්ද රාජපක්ෂ මැතිතුමා සහ කුවේට් අග්‍රාමාත්‍ය ගරු ෂෙයික් සබා කලීඩ් අල්-හමාඩ් අල්-සබා මැතිතුමා අතර පැවති දුරකථන සංවාදයකින් අනතුරුව, මේ සතියේ දී විදේශ අමාත්‍ය දිනේෂ් ගුණවර්ධන මැතිතුමා සහ කොළඹ සිටින කුවේට් තානාපති ඛාලෆ් එම්.එම්. බූ ධයර් මැතිතුමා අතර පැවති සාකච්ඡාවේ දී, මෙම කටයුතු ක්‍රියාත්මක කිරීමේ ක්‍රමවේදයන් පිළිබඳව විශේෂ අවධානය යොමුවිය. විදේශ ලේකම්වරයා ප්‍රකාශ කළේ, පුද්ගලයින් නැවත ශ්‍රී ලංකාවට ගෙන්වා ගැනීමේ දුෂ්කරතාවය පිළිබඳව සැලකිල්ලට ගනිමින්, මෙම සාකච්ඡාවලින්   අන්‍යෝන්‍ය වශයෙන් වාසිදායක තීරණයක් අපේක්ෂා කරන බවයි.

බොහෝ අවස්ථාවල දී, එතෙර සිටින ශ්‍රී ලාංකික සංක්‍රමණික ශ්‍රමිකයන් මුහුණ දෙන අවදානම අවම කිරීමට දූත මණ්ඩලවලට හැකි වූ බව ලේකම් ආර්යසිංහ මහතා සඳහන් කළේය. සංක්‍රමණිකයන් පිළිබඳ ජාත්‍යන්තර සංවිධානය (IOM), කැරිටාස් සහ රතු කුරුස වැනි ජාත්‍යන්තර සංවිධාන විසින් සපයනු ලබන ආධාර දූත මණ්ඩලවල කාර්යයන්  වැඩිදියුණු කිරීමට ඉවහල් වී ඇත. ඇතැම් රැකියා කොන්ත්‍රාත්තු ආරම්භ කිරීම ප්‍රමාද වී ඇති නමුත්, ඔවුන්ගේ රැකියාවන්හි සුරක්‍ෂිත බව කොරියාවේ සෝල් නුවර පිහිටි ශ්‍රී ලංකා තානාපති කාර්යාලය  සහතික කර ඇති බව ද ඔහු පැවසීය. මෙම තානාපති කාර්යාලය, කොරියානු ජනරජය තුළ ගිවිසුම් අවසන් කිරීමට නියමිතව සිටින අයගේ කොන්ත්‍රාත් කාලය දීර්ඝ කිරීම සඳහා පළාත් පාලන ආයතන සමඟ සාකච්ඡාවල නිරතව සිටී. මීට අමතරව, වර්තමාන ගෝලීය වසංගත තත්ත්වය නිසා සිදුවන අවතැන්වීම් හේතුවෙන් ඇතිවිය හැකි රැකියා හිඩැස් පිරවීම සඳහා පවත්නා ඉඩප්‍රස්ථා පිළිබඳව ද එම කාර්යාලය  සොයා බලයි.

විදේශ සබඳතා අමාත්‍යාංශය- කොළඹ –

කොරෝනා වසංගතය හේතුවෙන් ඇගලුම් ක්ෂේත්‍රයේ මතුව ඇති අර්බුධකාරී තත්ත්වය සම්බන්ධයෙන් රජයේ විශේෂ අවධානය යොමුව ඇතැයි කාර්මික අපනයන, ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතා පවසයි. ඔහු පෙන්වා දෙන්නේ ඉදිරියේදී ඒ සදහා අවශ්‍ය ක්‍රියා මාර්ග ගන්නා බවයි.

කෝවිඩ් 19 හෙවත් කොරෝනා වසංගතය හේතුවෙන් ඇගලුම් අපනයනකරුවෝ දුෂ්කරතා රැසකට මුහුණ පා සිටින බවත් මේ නිසා ඇගලුම් ක්ෂේත්‍රයේ රැකියා කරන ලබන අයගේ රැකියා අවදානමක් පවතින බවත් පසුගිය දා වාර්තවා විය.

මේ සම්බන්ධයෙන් ප්‍රතිචාර දක්වන ඇමති ප්‍රසන්න රණතුංග මහතා පවසන්නේ කොරෝනා රෝගය හේතුවෙන් පත් කෙරුණ කාර්යය සාධක බලකාය දැනටමත් මේ පිළිබදව අවධානය යොමු කර ඇති බවයි. කාර්යය සාධාක බලකායේ සභාපති බැසිල් රාජපක්ෂ මහතාගේ ප්‍රධානත්වයෙන් ඇගලුම් අපනයනකරුවන් හා විදේශ රටවල් තානාපතිවරුන් අතර සාකච්ඡා පැවති බවත් එහිදී මේ පවතින තත්ත්වය පිළිබදව දීර්ඝ ලෙස අදහස් හුවමාරු වූ බවත් ඇමතිවරයා කියා සිටී.

ඇගලුම් කර්මාන්තය මේ මුහුණ දෙන තත්ත්වය ලෝකයටම පොදු තත්වයකි. මෙරට ඇගලුම් නිෂ්පාදන බහුල වශයෙන් අපනයන  කෙරුවේ යුරෝපා රටවලටය. යුරෝපා රටවල කොරෝනා වසංගතය පැතිර යාමත් සමග එම කර්මාන්තය අනතුරට ලක්වූ බව ඇමතිවරයා පෙන්වා දෙයි.

 ඉදිරියේදී මෙම ඇගලුම් කර්මාන්ත ශාලා  පවත්වා ගෙන යාම සදහා අවශ්‍ය සහන සැලසීමත් ඇගලුම් ක්ෂේත්‍රයේ නිරත අයගේ රැකියා සුරක්ෂිතභාවයන් වෙනුවෙන් අවශ්‍ය ක්‍රියාමාර්ග ගැනීමටත් අපේක්ෂා කරන බවද ඇමති ප්‍රසන්න රණතුංග මහතා සදහන් කරයි.

මේ මොහොතේ රජය සිය පූර්ණ අවධානය යොමු කර ඇත්තේ කොරෝනා වසංගතය මෙරට අවධානය යොමු කර ඇත්තේ කොරෝනා වසංගතය මෙරට ව්‍යාප්තිය පාලනය කිරීම සදහායි. ඒ නිසා තත්ත්වය පාලනය වූ වහාම ඇගලුම් කර්මාන්තයට අදාල ඉදිරි සැලසුම් ක්‍රියාවට නැංවීමට රජය අපේක්ෂා වෙන් සිටින බවද රණතුංග මහතා වැඩි දුරටත් පෙන්වා දෙයි.

Covid-19 වැළැක්වීමේ ජාතික ක්‍රියාන්විත මධ්‍යස්ථානයේ දෛනික මාධ්‍ය හමුව අද (25) දින එහි ප්‍රධාන ලුතිනන් ජනරාල් ශවේන්ද්‍ර සිල්වා මහතාගේ ප්‍රධානත්වයෙන් පැවැත් වුණා. ඒ සදහා සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා සහ නියෝජ්‍ය පොලිස්පති අජිත් රෝහණ මහතා ද එත්ව සිටියා.

එහිදී ජනතාව දැනුවත් කිරීම වෙනුවෙන් ඔවුන් විසින් ඉදිරිපත් කළ ‘සියලු නිල‘ තොරතුරු පහත පළ වෙනවා.

Covid-19 ආසාදිත නව රෝගීන් 32 දෙනකු පසුගිය පැය 24 තුළ වාර්තා වී ඇතැයි සෞඛ්‍ය ප්‍රවර්ධනය කාර්යාංශය විසින් අද (25) දින ප.ව 21.04ට නිකුත් කළ තත්ත්ව වාර්තාවේ සදහන් වෙනවා.

ඒ අනුව මෙරට තහවුරු කරන ලද කොවිඩ්-19 ආසාදිත රෝගීන් සංඛ්‍යාව 452ක් බවයි එම වාර්තාව වැඩි දුරටත් සදහන් කරන්නේ. එම වාර්තාව අනුව දැනට රෝහල්වල විමර්ශන යටතේ සිටින පුද්ගලයින් සංඛ්‍යාව 247ක් වන අතර ප්‍රතිකාර ලබන රෝගීන් සංඛ්‍යාව 327ක්. සුවය ලැබූ රෝගීන් සංඛ්‍යාව 118ක් වෙනවා. මරණ සංඛ්‍යාව මේ දක්වා 07ක අගයක පවතිනවා.

Covid-19 වසංගතය පවතින කාලසීමාව තුළ මෝටර් රථ ප්‍රවාහන දෙපාර්තමේන්තුවේ සාමාන්‍ය සේවාවන් ලබාදීම පිළිබදව මහජනතාව වෙත උපදෙස් කිහිපයක් එම දෙපාර්තමේන්තුව විසින් අද (25) මාධ්‍ය වෙත නිකුත් කළා. මොටර් රථ ප්‍රවාහන කොමසාරිස් ජනරාල් සුමිත් සී.කේ. අලහකෝන් මහතාගේ අත්සනින් නිකුත් කළ එම මාධ්‍ය නිවේදනය සම්පූර්ණයෙන්ම මෙසේයි.

අත්‍යාවශ්‍ය කාර්යයන් සඳහා වුවද නිවසෙන් බැහැර යාමට පුද්ගලයනට අවසර දෙනුයේ ජාතික හැඳුනුම්පතේ අවසාන අංකය පදනම් කොට ගනිමින් පමණක් බව ඇදිරි නීතිය දීර්ඝ කරමින් ජනපති මාධ්‍ය ඒකකය විසින් අද (25) සවස නිකුත් කළ මාධ්‍ය නිවේදනයේ වැඩි දුරටත් සදහන් වේ.

එම නිවේදනය සම්පූර්ණයෙන් මෙසේය.

අත්‍යාවශ්‍ය කාර්යයන් සඳහා වුවද නිවසෙන් බැහැර යාමට පුද්ගලයනට අවසර දෙනුයේ ජාතික හැඳුනුම්පතේ අවසාන අංකය පදනම් කොට ගනිමිනි.

ඒ අනුව සඳුදා දවස්වල බැහැරයාමට ඉඩ ලැබෙන්නේ අංක 1 හෝ 2 ජාතික හැඳුනුම්පතේ අවසාන අංකය ලෙස ඇති අයට පමණි.

සතියේ ඉතිරි දවස්වල නිවසින් බැහැර යාමට ඉඩ ලැබෙන්නේ මෙසේය.

අඟහරුවාදා      :           හැඳුනුම්පතේ අවසාන අංක ලෙස 3 හෝ 4 ඇති අය
බදාදා               :           හැඳුනුම්පතේ අවසාන අංක ලෙස 5 හෝ 6 ඇති අය
බ්‍රහස්පතින්දා    :           හැඳුනුම්පතේ අවසාන අංක ලෙස 7 හෝ 8 ඇති අය
සිකුරාදා           :           හැඳුනුම්පතේ අවසාන අංක ලෙස 9 හෝ 0 ඇති අය

කාර්යාල විවෘත කොට පවත්වාගෙන යාමේදීත්, මගී ප්‍රවාහනයේදීත්, වෙළෙඳ සැල්වලත් කොරෝනා පාලන සෞඛ්‍ය නිර්දේශ අකුරටම පිළිපැදිය යුතුය. විෂබීජ හරණය, මුඛ ආවරණ පැළඳීම සහ විටින් විට අත් සේදීම සහ සමාජ දුරස්ථතාව පවත්වා ගැනීම ඊට අයත්ය. කවරකු හෝ ඉහත සඳහන් නියමයන් කඩ කරන්නේදැයි පොලීසිය සහ ආරක්ෂක හමුදා දැඩි සෝදිසියෙන් සිටිනු ඇත.

දිස්ත්‍රික්ක අතර ගමනාගමනය, රැකියා අවශ්‍යතා ඇතුළු අත්‍යාවශ්‍ය සේවා සඳහා පමණක් සීමා කර ඇත. පාසල්, විශ්වවිද්‍යාල, උපකාරක පංති, සෙසු අධ්‍යාපන ආයතන සහ සිනමා හල් නැවත දැනුම්දෙන තුරු වසා තැබිය යුතුය.

ඇඳිරි නීතිය ලිහිල් කර ඇති දිස්ත්‍රික්කයක යම් ප්‍රදේශයක් හෝ ගම්මානයක් හෝ අවදානම් කලාපයක් ලෙස හඳුනා ගතහොත් එකී ප්‍රදේශවලට සීමාවන පරිදි දවස පුරා ඇඳිරි නීතිය පැනවීමට ඉඩ ඇත. කිසියම් ප්‍රදේශයක් හුදකලා ප්‍රදේශයක් ලෙස නම් කර ඇත්නම් කවරකුට හෝ ඊට ඇතුළුවීම සහ ඉන් පිටවයාම සම්පූර්ණයෙන් තහනම් වේ.

සියලු ආකාර උත්සව, වන්දනා, විනෝද චාරිකා, සැණකෙළි, පෙරහර, රැස්වීම් ආදිය නැවත දැනුම්දෙන තුරු තහනම් කර ඇත. ජනයා ඒකරාශීවීම වෛරස ව්‍යාප්තිය පාලනයට බාධාවක් බැවින් ආගමික උත්සව ද අත්හිටුවන ලෙස ඉල්ලා සිටිනු ලැබේ.

කොරෝනා වෛරස ව්‍යාප්තිය ආරම්භයේ සිට ජන ජීවිතය පවත්වාගෙන යනු පිණිස අත්‍යාවශ්‍ය භාණ්ඩ හා සේවා අඛණ්ඩව සැපයීමට රජය හඳුන්වාදුන් ක්‍රියාමාර්ග වඩාත් ශක්තිමත්ව ඉදිරියටත් ක්‍රියාත්මක කිරීමට විධිවිධාන සලසා තිබේ.

කොරෝනා උවදුරෙන් ජනතාව මුදාගෙන ඔවුන්ගේ සෞඛ්‍ය සුරක්ෂිතතාව සහ අභිවෘද්ධිය සැලසීමට නම් වසංගතය මුළුමනින්ම පාලනය කළයුතුය. අඩාල වූ ආර්ථික ජීවිතය ඊට සමගාමීව යළි පණ ගැන්වීම අවශ්‍යයෙන්ම කළයුතුව තිබේ. මේ අරමුණු සපුරාගත හැක්කේ වෛරසය පාලනයට ජනතාවගේ සහයෝගය ලැබෙන්නේ නම් පමණි.

වසංගතයේ බියකරුබව තේරුම්ගෙන සෑමවිටම නිවෙස්වල රැඳී සිටීමත්, නිර්දේශිත සෞඛ්‍ය පිළිවෙත් 100% පිළිපැදීමත් ජනතාවට දිය හැකි සහයෝගය බව රජය කියා සිටී.

තමාගේත්, දූ දරුවන්ගේත්, ජාතියේත් ආරක්ෂාව හා අභිවෘද්ධිය පතා සියලු අපහසුතා වගකීමෙන් ඉවසා සිටින්නැයි රජය ජනතාවට අවධාරණය කරයි. සමාජයේ යහපතට බාධාවන අයුරින් හැසිරෙන කවරකුට වුවද පවතින නීති යටතේ උපරිම දඩුවම් පමුණුවනු ලැබේ.

ඇඳිරි නීතිය පවතින අතර ජන ජීවිතය යථා තත්ත්වයට
පත් කිරීමට විධිවිධාන

කොළඹ, ගම්පහ, කළුතර සහ පුත්තලම දිස්ත්‍රික්කවල පනවා ඇති ඇඳිරි නීතිය මැයි මස 04 සඳුදා අළුයම 5.00 දක්වා දිගටම ක්‍රියාත්මකව පවතී. සෙසු සියලු දිස්ත්‍රික්කවල ඇඳිරි නීතිය අප්‍රේල් 27 සඳුදා අළුයම 5.00ට ඉවත් කොට රාත්‍රී 8.00ට යළි පනවනු ලැබේ. ඉන් පසු මැයි 01, සිකුරාදා දක්වා මේ දිස්ත්‍රික්කවල ඇඳිරි නීතිය ක්‍රියාත්මක වනුයේ රාත්‍රී 8.00 සිට පසුදා අළුයම 5.00 දක්වා පමණි.

කොළඹ, ගම්පහ, කළුතර සහ පුත්තලම දිස්ත්‍රික්කවල රාජ්‍ය, පෞද්ගලික දෙඅංශයේ ආයතන ඇඳිරි නීතිය තිබුණ ද මැයි 04වනදා සිට විවෘත කොට පවත්වාගෙන යාමට හැකිවන පරිදි අදාළ නීති රීති ලිහිල් කරනු ලැබේ.

 දෙපාර්තමේන්තු, සංස්ථා, මණ්ඩල ආදී රාජ්‍ය ආයතන සේම පෞද්ගලික අංශයේ කර්මාන්තශාලා, ගොඩනැගිලි ඉදිකිරීම් ව්‍යාපාර, සේවා ස්ථාන, එළවළු, මාලු සහ සිල්ලර වෙළෙඳසැල් පවත්වාගෙන යාමට අවසර ඇත.

පෞද්ගලික අංශයේ ආයතන විවෘත කළ යුතු වේලාව උදේ 10.00 ලෙස නියම කර තිබේ. රාජ්‍ය, පෞද්ගලික  දෙඅංශයේ ආයතන ප්‍රධානීන් මැයි 04 සිට සිය කාර්යාල සහ සේවා ස්ථානවල ක්‍රියාකාරිත්වය කෙසේ විය යුතු ද යන්න ලබන සතිය තුළ සැලසුම් කළයුතුය.

දෙපාර්තමේන්තු, සංස්ථා, මණ්ඩල ඇතුළු රාජ්‍ය ආයතනවල සේවයට කැඳවිය යුත්තේ මුළු සේවක සංඛ්‍යාවෙන් 1/3ක් පමණි. යම් ආයතනයකින් සැලසෙන සේවය කෙතරම් අත්‍යාවශ්‍ය එකක් වුව ද ඒ සඳහා අවශ්‍ය අවම සේවක සංඛ්‍යාව පමණක් කැඳවීමට ආයතන ප්‍රධානීන් වගබලා ගත යුතුය.

සියලු රාජ්‍ය ආයතනවල සේවයට වාර්තා නොකරන නිලධාරීන්ට නිවසේ සිට වැඩකරන ලෙස නියම කෙරේ‍. එක් එක් ආයතනයේ සේවයට වාර්තා කළයුත්තේ කුමන සේවකයන් ද, නිවසේ සිට වැඩකළයුත්තේ කුමන සේවකයන් ද යන්න ආයතන ප්‍රධානියාගේ අභිමතය අනුව තීරණය කිරීමට පිළිවන. යම් දවසක, කාර්ය මණ්ඩලයෙන් සේවයට කැඳවන 1/3ක පිරිස වෙනුවට ඊළග දවසේ වෙනත් පිරිසක් තෝරා ගැනීමට ආයතන ප්‍රධානීන්ට නිදහස තිබේ.

වෛරස ව්‍යාප්තිය පාලනය කිරීම සඳහා ජනයා අනවශ්‍ය ලෙස මහාමාර්ගයට පැමිණීම සහ වෙනත් ස්ථානවල රැස්වීම නතර කළයුතුව තිබේ.

ගමනා ගමන මණ්ඩල බස් රථවල හා දුම්රිය මැදිරිවල මගී ප්‍රවාහනය රැකියා සඳහා යන එන අයට පමණක් සීමා කෙරේ. අවශ්‍යයෙන්ම සේවයට වාර්තා කළ යුතු අය හැර සෙසු ජනයා නිවෙස්වල රැඳී සිටිය යුතුය.

කවරකු හෝ නිවසෙන් බැහැර යා යුත්තේ ආහාර සහ ඖෂධ වැනි අත්‍යාවශ්‍ය භාණ්ඩ හා ද්‍රව්‍ය මිලට ගැනීමට පමණි. එවැනි භාණ්ඩ මිලදී ගැනීමට තම ප්‍රදේශයේ පිහිටි පා ගමනින් ගොස් ළගා විය හැකි ආසන්නතම වෙළෙඳ සැල පමණක් තෝරාගත යුතුය.

අත්‍යාවශ්‍ය කාර්යයන් සඳහා වුවද නිවසෙන් බැහැර යාමට පුද්ගලයනට අවසර දෙනුයේ ජාතික හැඳුනුම්පතේ අවසාන අංකය පදනම් කොට ගනිමිනි.

ඒ අනුව සඳුදා දවස්වල බැහැරයාමට ඉඩ ලැබෙන්නේ අංක 1 හෝ 2 ජාතික හැඳුනුම්පතේ අවසාන අංකය ලෙස ඇති අයට පමණි.

සතියේ ඉතිරි දවස්වල නිවසින් බැහැර යාමට ඉඩ ලැබෙන්නේ මෙසේය.

අඟහරුවාදා      :           හැඳුනුම්පතේ අවසාන අංක ලෙස 3 හෝ 4 ඇති අය
බදාදා               :           හැඳුනුම්පතේ අවසාන අංක ලෙස 5 හෝ 6 ඇති අය
බ්‍රහස්පතින්දා    :           හැඳුනුම්පතේ අවසාන අංක ලෙස 7 හෝ 8 ඇති අය
සිකුරාදා           :           හැඳුනුම්පතේ අවසාන අංක ලෙස 9 හෝ 0 ඇති අය

කාර්යාල විවෘත කොට පවත්වාගෙන යාමේදීත්, මගී ප්‍රවාහනයේදීත්, වෙළෙඳ සැල්වලත් කොරෝනා පාලන සෞඛ්‍ය නිර්දේශ අකුරටම පිළිපැදිය යුතුය. විෂබීජ හරණය, මුඛ ආවරණ පැළඳීම සහ විටින් විට අත් සේදීම සහ සමාජ දුරස්ථතාව පවත්වා ගැනීම ඊට අයත්ය. කවරකු හෝ ඉහත සඳහන් නියමයන් කඩ කරන්නේදැයි පොලීසිය සහ ආරක්ෂක හමුදා දැඩි සෝදිසියෙන් සිටිනු ඇත.

දිස්ත්‍රික්ක අතර ගමනාගමනය, රැකියා අවශ්‍යතා ඇතුළු අත්‍යාවශ්‍ය සේවා සඳහා පමණක් සීමා කර ඇත. පාසල්, විශ්වවිද්‍යාල, උපකාරක පංති, සෙසු අධ්‍යාපන ආයතන සහ සිනමා හල් නැවත දැනුම්දෙන තුරු වසා තැබිය යුතුය.

ඇඳිරි නීතිය ලිහිල් කර ඇති දිස්ත්‍රික්කයක යම් ප්‍රදේශයක් හෝ ගම්මානයක් හෝ අවදානම් කලාපයක් ලෙස හඳුනා ගතහොත් එකී ප්‍රදේශවලට සීමාවන පරිදි දවස පුරා ඇඳිරි නීතිය පැනවීමට ඉඩ ඇත. කිසියම් ප්‍රදේශයක් හුදකලා ප්‍රදේශයක් ලෙස නම් කර ඇත්නම් කවරකුට හෝ ඊට ඇතුළුවීම සහ ඉන් පිටවයාම සම්පූර්ණයෙන් තහනම් වේ.

සියලු ආකාර උත්සව, වන්දනා, විනෝද චාරිකා, සැණකෙළි, පෙරහර, රැස්වීම් ආදිය නැවත දැනුම්දෙන තුරු තහනම් කර ඇත. ජනයා ඒකරාශීවීම වෛරස ව්‍යාප්තිය පාලනයට බාධාවක් බැවින් ආගමික උත්සව ද අත්හිටුවන ලෙස ඉල්ලා සිටිනු ලැබේ.

කොරෝනා වෛරස ව්‍යාප්තිය ආරම්භයේ සිට ජන ජීවිතය පවත්වාගෙන යනු පිණිස අත්‍යාවශ්‍ය භාණ්ඩ හා සේවා අඛණ්ඩව සැපයීමට රජය හඳුන්වාදුන් ක්‍රියාමාර්ග වඩාත් ශක්තිමත්ව ඉදිරියටත් ක්‍රියාත්මක කිරීමට විධිවිධාන සලසා තිබේ.

කොරෝනා උවදුරෙන් ජනතාව මුදාගෙන ඔවුන්ගේ සෞඛ්‍ය සුරක්ෂිතතාව සහ අභිවෘද්ධිය සැලසීමට නම් වසංගතය මුළුමනින්ම පාලනය කළයුතුය. අඩාල වූ ආර්ථික ජීවිතය ඊට සමගාමීව යළි පණ ගැන්වීම අවශ්‍යයෙන්ම කළයුතුව තිබේ. මේ අරමුණු සපුරාගත හැක්කේ වෛරසය පාලනයට ජනතාවගේ සහයෝගය ලැබෙන්නේ නම් පමණි.

වසංගතයේ බියකරුබව තේරුම්ගෙන සෑමවිටම නිවෙස්වල රැඳී සිටීමත්, නිර්දේශිත සෞඛ්‍ය පිළිවෙත් 100% පිළිපැදීමත් ජනතාවට දිය හැකි සහයෝගය බව රජය කියා සිටී.

තමාගේත්, දූ දරුවන්ගේත්, ජාතියේත් ආරක්ෂාව හා අභිවෘද්ධිය පතා සියලු අපහසුතා වගකීමෙන් ඉවසා සිටින්නැයි රජය ජනතාවට අවධාරණය කරයි. සමාජයේ යහපතට බාධාවන අයුරින් හැසිරෙන කවරකුට වුවද පවතින නීති යටතේ උපරිම දඩුවම් පමුණුවනු ලැබේ.

COVID-19 හෙවත් මාරාන්තික නව කොරෝනා වෛරසයේ ව්‍යාප්තිය වැළැක්වීමේ අරමුණින් ක්‍රියාත්මක කෙරෙන සමාජ දුරස්ථකරණ ක්‍රියාවලිය සහ ඇඳිරි නීතිය හේතුවෙන් දෛනික රැකියා අදායම් මාර්ග අහිමි වී, කිසිදු පිළිසරණක් නොලැබ කිසවක් කර කියා ගත නොහැකිව අන්ත අසරණව සිටින ජනතාවට අත්‍යවශ්‍ය ආහාර ද්‍රව්‍ය එම ජනයාගේ නිවාසවලටම බෙදා හැරීමේ විශේෂ ජාල ගත වැඩ පිළිවෙළක් ක්‍රියාත්මක කිරීමට එක්සත් ජාතික පක්ෂයේ උප නායක රවී කරුණානායක මහතා පියවර ගෙන තිබේ.

මේ විශේෂ ජාල ගත වැඩ පිළිවෙළ යටතේ සහල් සහ එළවළු ඇතුළු අත්‍යවශ්‍ය ආහාරපාන බෙදා දීමට රවී කරුණානායක මහතා විශේෂයෙන් තෝරා ගෙන සිටින්නේ, ඇඳිරි නීතිය සහ සමාජ දුරස්ථකරණ ක්‍රියාවලිය හේතුවෙන් දැඩි ආර්ථික පීඩාවකට සහ මානසික කඩා වැටීමකට බරපතළ ලෙස ලක් වී සිටින කුලීකරුවන්, අනියම් සේවකයින්, කොන්ත්‍රාත් කරුවන් ආදී පිරිස් වෙතයි ඇඳිරි නීතිය සහ සමාජ දුරස්ථකරණ ක්‍රියාවලිය අවසන් වන තුරු සිය පෞද්ගලික ධනය වියදම් කරමින් සතියකට ප්‍රමාණවත් වන අයුරින් මේ ජනයා සඳහා සතිපතා මෙම අත්‍යවශ්‍ය ආහාරපාන බෙදා දීමට රවී කරුණානායක මහතා කටයුතු යොදා තිබෙන අතර ඒ සඳහා වරකට රුපියල් ලක්ෂ 50ක් වැය කෙරෙන බව වාර්තා වේ.

තුන් වේල කා බී කුස ගිනි නිවා ගෙන වසංගතයෙන් ආරක්ෂා වී ජීවිතය රැක ගැනීම සඳහා අත්‍යවශ්‍ය ආහාර ද්‍රව්‍ය ජනතාවට බෙදා දීමේ මෙම  අසරණ සරණ සමාජ සත්කාරක වැඩ සටහනේ විශේෂත්වයි. ජනතාව අතර බෙදා හැරීම සඳහා ගෙන්වා තිබෙන සහල් සහ එළවළු ඇතුළු අත්‍යවශ්‍ය ආහාර තොග ශ්‍රී ජයවර්ධන පුර කෝට්ටේ පාර්ලිමේන්තු මාර්ගයේ “රජමල් වත්තේ” පිහිටි රවී කරුණානායක මහතාගේ පුද්ගලික නිවසේ ගබඩා කර තිබෙන අතර එම ස්ථානයේ සිට වාහන මගින් අදාළ ජනයා වෙත ආහාර ද්‍රව්‍ය බෙදා හැරේ.  

COVID-19 රෝගය නිසා දිනෙන් දින ලොවට අහිමි වන ජීවිත බේරා ගැනීම සඳහා එන්නතක් හෝ වෙනත් සාර්ථක ප්‍රතිකර්මයක් සොයා ගන්නා තුරු ලොව පුරා ජීවත්වන මිලියන සංඛ්‍යත පිරිසක් දෑස් දල්වා බලා සිටිති.

ඒ සඳහා සාර්ථක පිළියමක් සොයා ගැනීමට ශ්‍රී ලංකාවේ විද්‍යාඥයන්, පර්යේෂකයන් සහ නව නිර්මාණකරුවන් ද නොයෙකුත් අත්හදා බැලීම් සිදු කරමින් සිටිති.

එහි සතුටුදායක ප්‍රතිඵලයක් ශ්‍රී ජයවර්ධනපුර විශ්වවිද්‍යාලයෙන් අසන්නට ලැබිණි.

COVID-19 රෝගයේ, A කාණ්ඩයට අයත් වෛරසය ශ්‍රී ලංකාවේ පැතිර යන බවට මේ වන විට සිදු කළ මූලික පරීක්ෂණවලදී හඳුනා ගැනීමට හැකිවූ බව ශ්‍රී ජයවර්ධනපුර විශ්වවිද්‍යාලයේ, ඩෙංගු පර්යේෂණ මධ්‍යස්ථානයේ අධ්‍යක්ෂ මහාචාර්ය නීලිකා මලවිගේ බීබීසී සිංහල සේවයට පැවසුවාය.

ශ්‍රී ලංකාවේ පැතිරෙන වෛරසය ‘A’ කාණ්ඩයට අයත් වේ

COVID-19 ලෙස නම් කළ රෝගය ඇති කරන නව කොරෝනා වෛරසය SARS-CoV2 ලෙස හඳුන්වනු ලැබේ.

එම වෛරසයේ A,B හා C ලෙස හඳුන්වන මූලික ආකාර තුනක් විද්‍යාඥයින් හඳුනාගෙන තිබේ.

ඉන් මේ වන විට ශ්‍රී ලංකාවේ හඳුනාගත් වෛරසයේ A කාණ්ඩයට අයත් ප්‍රභේදය ඇමරිකාව සහ ඔස්ට්‍රේලියාවෙන් වැඩි වශයෙන් වාර්තා වන අතර චීනයේ වුහාන් ප්‍රදේශයෙන් වැඩි වශයෙන් වාර්තා වන්නේ COVID-19 රෝගය ඇති කරන වෛරසයේ B කාණ්ඩයේ ප්‍රභේදය බව ද මහාචාර්ය නීලිකා මලවිගේ ප්‍රකාශ කළාය.

නව කොරෝනා වෛරසයේ C කාණ්ඩය වැඩි වශයෙන් යුරෝපයෙන් වාර්තා වෙමින් තිබේ.

‘ඉතිහාසගත පරීක්ෂණයක්’

ශ්‍රී ජයවර්ධනපුර විශ්වවිද්‍යාලයට අයත් ඩෙංගු පර්යේෂණ මධ්‍යස්ථානය තුළ පිහිටි රසායනාගාරයේදී COVID-19 රෝගීන් හඳුනා ගැනීමට අදාළ PCR පරීක්ෂණ නීලිකා මලවිගේ මහාචාර්යවරියගේ ප්‍රධානත්වයෙන් මේ දිනවල සිදු කරනු ලැබේ.

එම පරීක්ෂණ සඳහා ලැබුණු COVID-19 රෝගය වැළඳුණු අයගේ ජෛව සාම්පලවලින් වෙන්කර ගත් වෛරසයේ RNA (Ribo Nucleic Acid) දත්ත සැකැස්ම විශ්ලේෂණය කිරීමේදී මෙම තත්ත්වය හඳුනාගැනීමට හැකි වී තිබේ.

”මේ පර්යේෂණය මගින් තමයි ඉතිහාසයේ පළමු වතාවට ලංකාවේදී වෛරසයක whole genomic sequencing (වෛරසයේ ජාන සැකැස්ම) හොයාගත්තේ. ශ්‍රී ලංකාවේදී වෛරස වලට අදාළ පරීක්ෂණ සිදු කිරීමේදී මෙතෙක් අනුගමනය කළ ක්‍රමවේදය වුණේ වෛරසයේ ප්‍රවේණිගත ලක්ෂණ සහිත RNA (Ribo Nucleic Acid) වෙන්කරගෙන වැඩිදුර පර්යේෂණ සඳහා වෙනත් රටක රසායනාගාරයකට යැවීමයි. COVID-19 වෛරසයේ ප්‍රභේදය අනුව සංකූලතා වෙනස් වන බවට මතයක් තියෙනවා. අපි ලංකාවේ පැතිරෙන වෛරසය නිවැරදිව හඳුනාගැනීම රටක් විදියට මේ සඳහා මුහුණ දෙන්න ඉතා ම වැදගත්,” යනුවෙන් මහාචාර්යවරිය විස්තර කළා ය.

මීට අදාළ පරීක්ෂණ තවදුරටත් සිදු කරන බව ද ඇය පැවසීය.

COVID-19 රෝගයෙන් පුද්ගලයන් මිය යාමේ සිද්ධි ඇමරිකාව හා යුරෝපයෙන් වැඩි වශයෙන් වාර්තා වේ. තායිලන්තය, මැලේසියාව, සිංගප්පුරුව සැලකූ විට මරණ සංඛ්‍යාවේ අඩුවක් දක්නට ලැබෙන අතර එම ප්‍රදේශවල පැතිර පවතින වෛරසයේ ස්වභාවය ඊට හේතු විය හැකි බවට විද්‍යාඥයින් අනුමාන කරයි.

“මේක අලුත් වෛරසයක් නිසා විකෘති සිදුවේගන යනවා. සිංගප්පූරුවේ එන්නතක් හැදුවොත් ඒක ලංකාවටත් හරියනව ද කියල බලන්න ලංකාවේ වෛරස කාණ්ඩවල තියෙන වෙනස්කම්, අනිත් රටවල තියෙන වෙනස්කම් බලන්න ඕනා. ඒකට අපි ලංකාවේ මේ වෛරසයේ whole genomic sequencing කියන එක සොයා ගැනීම ඉතා වැදගත්,” යනුවෙන් මහාචාර්ය නීලිකා මලවිගේ කියා සිටියා ය.

COVID-19 පාලනයට විශ්වවිද්‍යාල තුළින් නව නිර්මාණ

COVID-19 රෝගය පාලනයට අවශ්‍ය නව නිර්මාණ සිදු කිරීම සඳහා විශ්වවිද්‍යාල සිසුන් සහ ආචාර්යවරුන් වෙත මුදල් ප්‍රතිපාදන හා අනෙකුත් පහසුකම් ලබා දීමට විශ්වවිද්‍යාල ප්‍රතිපාදන කොමිෂන් සභාව පියවර ගෙන තිබේ.

එහිදී කොළඹ, පේරාදෙණිය, වයඹ, රුහුණ , ජයවර්ධනපුර සහ මොරටුව යන විශ්වවිද්‍යාලවලින් සාර්ථක යෝජනා ලැබී ඇතැයි වාර්තා වේ.

කෘත්‍රිම ශ්වසනය ලබා දීමට අවශ්‍ය වෙන්ටිලේටර් යන්ත්‍ර, රෝගියාට අවශ්‍ය බෙහෙත් සහ අනෙකුත් ද්‍රව්‍ය ලබා දිය හැකි රොබෝ යන්ත්‍ර, වඩාත් ආරක්‍ෂිත මුහුණු ආවරණ නිර්මාණය එම යෝජනා අතර වේ.

ආචාර්යවරයෙකුගේ අධීක්ෂණය මත, උප කුලපතිවරයා හරහා සරසවි සිසුන්ට නව නිර්මාණ සඳහා යෝජනා ඉදිරිපත් කිරීමට අවස්ථාව ලබා දුන් අතර සාර්ථක නිර්මාණ කිහිපයක් දැනටමත් නිපදවා අවසන් බව විශ්වවිද්‍යාල කොමිෂන් සභාවේ සභාපති, ජ්‍යෙෂ්ඨ මහාචාර්ය සම්පත් අමරතුංග බීබීසී සිංහල සේවයට පැවසුවේය.

”හදවත නවතින්න යන කෙනෙකුට පපුවට අවශ්‍ය තෙරපුම දෙන්න කොළඹ වෛද්‍ය පීඨයේ දරුවෙක් යන්ත්‍රයක් නිෂ්පාදනය කළා. ඒවා මිලියන ගාණක් වෙළෙඳ පොළේ. නමුත් ඒ දරුවා රුපියල් පනස් දාහකින් වගේ වියදම පිරිමහලා තිබුණා. දැන් ඒවා නිෂ්පාදනය කරනවා. මුලින් ම කොළඹ ජාතික රෝහලටත් කළුබෝවිල රෝහලට සහ කරාපිටිය රෝහලට දෙනවා. පේරාදෙණිය විශ්වවිද්‍යාලයෙන් විෂබීජ නාශක ගුණය සහිත තීන්ත වර්ගයක් හදලා තියෙනවා. ඒ තීන්ත ගෑවහම ඒ වාට්ටුව විෂබීජවලින් ආරක්ෂා වෙනවා. මේ වගේ හොඳ නිර්මාණ රැසක් තියෙනවා,” යනුවෙන් ජ්‍යෙෂ්ඨ මහාචාර්ය සම්පත් අමරතුංග කියා සිටියේය.

මෙම සම්පූර්ණ ලිපියම පසුගිය 24 වැනි දින බී.බී.සී. සන්දේශය වෙබ් අඩවියේ පළ වූවකි. ජනතාව වෙත නිවැරදි විද්‍යාත්මක තොරතුරු සන්නිවේදනය කිරීමේ වගකීම හා වගවීම මත ලිපිය සම්පූර්ණයෙන්ම උපුටා ගෙන මෙම වෙබ් අඩවියේ ද පළ කරන ලදි – ප්‍රධාන සංස්කාරක

අද (24) රාත්‍රි 8 සිට 27 වන සඳුදා අලුයම 5.00 දක්වා දිවයින පුරා බල පැවැත්වෙන පරිදි පොලිස් ඇඳිරි නීතිය පනවා ඇතැයි නියෝජ්‍ය පොලිස්පති අජිත් රෝහණ මහතා සදහන් කරයි.