Blog

කොරෝනා වෛරසය රට තුළට පිවිසීම නතර කරනු පිණිස ගුවන් තොටුපොළ පැමිණීමේ පර්යන්තය වසා දැමීමට ගත් තීරණය තවදුරටත් ක්‍රියාත්මක බව රජය පවසයි.

පිටවීමේ පර්යන්තය විවෘතව තැබෙන අතර, ශ්‍රී ලංකාවෙන් පිටවන මගීන් රැගෙන යන ගුවන් යානාවලට අවසර දී තිබේ.  සියලුම මගී සංක්‍රමණ ගුවන් කටයුතු   ( passengers transit ) නතර කර ඇත.

වරාය මෙහෙයුම් ආනයන, අපනයන ක්‍රියාවලියට බාධාවක් නොවන අයුරින් පෙර පරිදි සිදු කෙරේ.

මගීන් රට තුළට පැමිණීම වැළැක්වීමට වරාය අධිකාරිය අනුගමනය කරන ක්‍රියාමාර්ග තවදුරටත් ක්‍රියාත්මකය.

කොරෝනා වෛරසය ව්‍යාප්ත වීම නිසා රට තුළ උද්ගතව ඇති තත්ත්වය සාමාන්‍ය අතට හැරෙන තුරු මේ තීරණ ක්‍රියාත්මක බව රජය කියා සිටී.

විශේෂඥ වෛද්‍යවරයෙකුගේ වලංගු බෙහෙත් වට්ටෝරුවක් නොමැතිව Chioroquine සහ Hydroxychioroquine නැමැති ඖෂධ නිකුත් නොකරන ලෙස ජාතික ඖෂධ නියාමන අධිකාරිය සියළුම සිල්ලර ඖෂධ ශාලා හිමියන් වෙත විශේෂ නිවේදනයක් මගින් දැනුම් දී තිබෙනවා.

මෙම නියෝගයන් / උපදෙස් උල්ලංඝණය කරනු ලබන සෑම තැනැත්තෙකු විසින්ම වරදක් සිදු කරනු ලබන අතර, 2015 අංක 05 දරන ජාතික ඖෂධ නියාමන අධිකාරිය පනතේ 131 වන වගන්නිය යටතේ ඔහුට / ඇයට නඩු පවරනු ලබන බව ද එම නිවේදනයේ වැඩිදුරටත් සදහන් වේ.

මැලේරියා රෝගීන්ට ප‍්‍රතිකාර කිරීමේදී යොදාගත් ‘ක්ලොරොක්වීන්’
Chloroquine නම් ඖෂධය කොවිඩ් 19 වෛරසය ආසාදිත රෝගීන්ට ‘රෝහල් තුළදී පමණක්’ වෛද්‍ය නිර්දේශ මත අවශ්‍ය අවස්ථාවලදී පමණක් ලබා දෙන බව සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා යළි අවධාරණය කරන බව සෞඛ්‍ය අමාත්‍යාංශය විසින් නිකුත් කළ විශේෂ නිවේදනයක (අද දින 22) සදහන් වෙයි.

මෙම ඖෂධය කොවිඩ් 19 වෛරස ආසාදනයෙන් වැළකීම සදහා භාවිත කිරීම කිසිසේත්ම නිෂ්ඵල බවත් එබැවින් ‘ක්ලොරොක්වීන්’ සොයා යාමෙන් වැළකී නිවස තුළටම වී නිසි සෞඛ්‍ය උපදෙස් නිසි පරිදි පිළිපදින ලෙස අනිල් ජාසිංහ මහතා සියලුම ජනතාවගෙන් ඉල්ලිමක් කරයි.

කොරෝනා වෛරසය පිට රට සිට ශ්‍රී ලංකාවට ඇතුළුවීම නතර කරනු පිණිස සියලුම මගී ගුවන් යානා සහ මගී නෞකා රට තුළට පැමිණීම රජය විසින් තහනම් කර ඇත. කොරෝනා වෛරසය ව්‍යාප්ත වීම නිසා රට තුළ උද්ගතව ඇති තත්ත්වය සාමාන්‍ය අතට හැරෙන තුරු කවර හේතුවක් නිසා හෝ මේ තීරණය ලිහිල් කළ නොහැකි බව රජය කියා සිටී.

කෝවිඩ් -19 පිළිබඳ කටකතාවක් පැතිරී ඇත. ඒ නිතිපතා ජලය පානය කිරීම සහ මුඛයෛ් තෙතමනය තබා ගැනීමෙන් Covid 19 ආසාදනයෙන් ආරක්ෂා විය හැකි බවයි. මෙහි ඇත්ත නැත්ත මෙම ලිපිය මගින් විමසා බලයි

මුලින්ම එය කොකේන් පානයෙන් සුව කළ හැකි යැයි විකාර යෝජනාවක් විය. ප්‍රංශ රජය මේ අත්හදා බැලීමට සූදානම් බව ද මේ සමග ප්‍රචාරය විය.

සිදුවිය යුතු ලෙස ම මේ ව්‍යාජ අදහස සමාජ මාධ්‍ය පුළුල් ලෙස බෙදාගත් පසු ප්‍රංශ රජය ඉතා ඉක්මනින් එම අදහස නිල වශයෙන්එ ප්‍රතික්ෂේප කළේය.

මේ සමග අයිස් ක්‍රීම් ගැන ද සාවද්‍ය ප්‍රචාරයක් සිදුවිය. ලෝක සෞඛ්‍ය සංවිධානය එය ද සම්පූර්ණයෙන් ප්‍රතික්ෂේප කළේය. මේ අතර අවසාන වශයෙන් – අතිශය භයානක හා අසත්‍ය – අදහස මතුවූයේ ‘බ්ලීව්“ පානය කිරීම මගින් කොරෝනා ආසාදනය වළක්වා ගත හැකි බවයි.

කොවිඩ්වෛ 19 වෛරස වසංගතය ආරම්භ වූයේ මීට මාස කිහිපයකට පෙර වුවද, එය මග හැරිය යුතු ආකාරය පිළිබඳ අන්තර්ජාල ප්‍රබන්ධ සහ නාගරික ජනප්‍රවාද රාශියක් දැනටමත් බිහි වී තිබේ. එක් අයෙකු යෝජනා කරන්නේ ‘පානීය ජලය කොවිඩ් 19 ආසානය වැළැක්වීමට උපකාරී වන බවයි. එහෙත් විශේෂඥයින් එම අදහස ද මිත්‍යා / සාවද්‍ය අදහසක් සේ සම්පූර්ණයෙන් බැහැර කරයි. ඒ ඇයි ?

සමාජ මාධ්‍යවල පළ වූ මුල් පෝස්ට් වලින් කියැවෙන්නේ අපගේ මුඛය සහ උගුර නිතරම තෙතමනය ඇති බවට වග බලා ගත යුතු අතර සෑම විනාඩි 15 කට වරක් ජලය පානය කළ යුතු බවයි. තර්කනය නම් ජලය පානය මගින් උගුර / අන්නස්‍රෝතය  Oesophagus සෝදා හැරිමට උපකාරී වන අතර එමඟින් එය අපගේ ආමාශ ආම්ලිකතාවයෙන් කොරෝනා වෛරසය මරා දැමිය හැකි බවයි. 

ලන්ඩන් සනීපාරක්ෂක හා නිවර්තන වෛද්‍ය විද්‍යාලයේ සායනික වසංගත රෝග විද්‍යාඥ කල්පනා සබපති  Kalpana Sabapathy, a clinical epidemiologist at the London School of Hygiene and Tropical Medicine. පවසන්නේ “මෙය එතරම්ම සරල නොවන‘ බවයි.

ඇය පැහැදිලි කරන්නේ නව කොරෝනා ආසාදන බොහෝ විට ආරම්භ වන්නේ අප වෛරස් අංශු දහස් ගණනකට හෝ මිලියන ගණනකට නිරාවරණය වීමෙන් පසුව බවයි. 

“එහි ඇති එක් හිඩැසක් නම්, ඒ සියල්ල ඔබේ බඩට ගලායාමට සමත් වීමයි” ඇය පවසයි. 

“ඔබ ඒ වන විටත් ඒවා ඔබේ නාස්පුඩු තුළට ගෙන යන්නට ඇත. මෙම අදහසෙහි තවත් ප්‍රධාන අඩුපාඩු තිබේ. ඔබේ ශ්වසන ප්‍රතික්‍රියාවේ සෛල තුළට වෛරසය දැනටමත් සොයා ගැනීමට නොහැකි වී ඇතත්, එය වෙනත් ආකාරවලින් ශරීරයට ඇතුළු විය හැකිය. අපිරිසිදු ඇඟිලි වලින් මුඛය ස්පර්ශ කිරීමෙන් සමහර අය ආසාදනය විය හැකි අතර, නාසයට හෝ ඇස්වලට ස්පර්ශ කිරීමෙන් ශරීරයට ඇතුළු විය හැකියෙ‘‘

එය සිදු වන විට, මෙය සම්ප්‍රේෂණයේ ප්‍රධාන මාර්ගයක් යැයි නොසිතයි. ඒ වෙනුවට, ප්‍රධාන අවදානම වන්නේ පුද්ගලයෙකු කැස්සෙන් හෝ කිවිසුම් යාමෙන් පසු වෛරස් අංශු දහස් ගණනක් අඩංගු කුඩා ජල බිඳිති විවිධාකාරයෙන් අවට පරිසරයට එක්වීමයි.

ජලය පානය කිරීමේ තාක්ෂණය ක්‍රියාත්මක නොවීමට තවත් හේතුවක් තිබේ. කොවිඩ් -19 අංශුවක් ඔබේ උදරයට ඇතුළු වූ වහාම එය වහාම මරා දමනු ඇතැයි ඔබ සිතනු ඇත. ආමාශයික අම්ලයේ pH අගය 1 ත් 3 ත් අතර වේ. එය දළ වශයෙන් බැටරි අම්ලය තරම් ප්‍රබල වේ. නමුත් කොරෝනා වෛරසය මීට වඩා ශක්තිමත් විය හැකිය. 

2012 දී සෞදි අරාබියෙන් මර්ස් ඉස්මතු වූ පසු, පර්යේෂකයෝ සොයා ගත්තේ (කොවිඩ් -19 හි ඥාතියෙකු වන රෝග කාරකය) එක් රෝගියෙකුගේ බඩවැල් වෛරසවල කොලනියක්බ වට පත් කිරීමට වෛරසය සමත් වූ බවයි. එය බඩවැලේ සිට සෛල පහසුවෙන් ව්‍යාප්ත හැකි බව පෙන්නුම් කළ අතර පර්යේෂක කණ්ඩායම අනුමාන කළේ සර්ස් මේ ආකාරයෙන් ආසාදනය වීමට ඉඩ ඇති බවයි.

කොවිඩ් -19 සඳහාද මෙය සත්‍යයක් දැයි තවමත් පැහැදිලි නැත. සමහර රෝගීන් ඔක්කාරය හා පාචනය වැනි රෝග ලක්ෂණ වාර්තා කර ඇති අතර, දැන් චීනයේ විශේෂඥයින් අනතුරු අඟවන්නේ එය ආහාර ජීර්ණ පද්ධතියට අසාදනය විය හැකි බවට ලකුණු පවතින බවයි. එක් වාර්තාවකට අනුව, කොවිඩ් -19 සහිත පුද්ගලයින්ගෙන් 50% කට වඩා වැඩි පිරිසකට ඔවුන්ගේ මළ සහ මූත්‍රාවල වෛරසය ඇති අතර, එය පෙනහළු වලින් ඉවත් කිරීමෙන් බොහෝ කලකට පසු එය පවතිනු ඇත.

කෝවිඩ් -19 ශරීරයට ඇතුළු වීමට බොහෝ ක්‍රම තිබේ, එබැවින් පානීය ජලය ඔබේ ආසාදන අවදානම සැලකිය යුතු ලෙස අඩු කිරීමට අපහසුය

සමහර විට වඩාත් බලවත් ලෙස, පානීය ජලයට කොවිඩ් -19 ආසාදනය වීම වළක්වා ගත හැකිද යන්න පිළිබඳව කිසිදු පර්යේෂණයක් කර නැත, එබැවින් මෙම තාක්ෂණය විද්‍යාව හෝ සත්‍යය මත පදනම් වූවක් නොවේ.( හුදෙක් චංචල න්‍යායකි) ඇත්ත වශයෙන්ම, සමීප වන එකම අධ්‍යයනය වසර 15 කට පෙර කළ එකකි.

ජපානයේ මෙම ක්‍රියාව ජනප්‍රිය බැවින් ජලය සමග සුදුළුැණු මිශ්‍ර කර පානය කිරීම ශ්වසන ආසාදන වැලැක්වීමට උපකාරී වේදැයි පර්යේෂණයෙන් සොයා බැලීය. දින 60 ක කාලයක් තුළ, දිනකට තුන් වතාවක් ජලය සමග සුදුළුෑණු මිශු කළ ද්‍රාවණයක් ආලේප කළ අයට හෝ එසේ නොකළ අයට වඩා ශ්වසන රෝග ලක්ෂණ වාර්තා කිරීමට ඇති ඉඩකඩ අඩු බව ඔවුහු සොයා ගත්හ. කෙසේ වෙතත් මෙම සොයා ගැනීම අනිවාර්යයෙන්ම කොවිඩ් -19 ට අදාළ නොවේ. ඒවා එසේ යැයි උපකල්පනය කිරීම භයානක ය.

පළමුවෙන්ම, අධ්‍යයනය මගින් ඉහළ ශ්වසන මාර්ගයේ ආසාදන කෙරෙහි වැඩි අවධානයක් යොමු කර ඇති අතර එයට වැඩි වශයෙන් උගුර සහ ශ්වසන මාර්ග සම්බන්ධ වන අතර කෝවිඩ් -19 පහළ ශ්වසන මාර්ගය ආසාදනය කරන අතර පපුව හා පෙනහලු තුළට ඇතුළු වේ. 

කල්පනා සභාපති පවසන්නේ සෑම විනාඩි 15 කට වරක් මුඛය තෙතමනය තබා ජලය පානය කරන ලෙස මිනිසුන්ට පැවසීම හානිකර නොවන බවක් පෙනෙන්නට තිබුණත්, මේ ආකාරයේ නොමඟ යවන උපදෙස් ඉක්මනින් ඉවත් කිරීම වැදගත් බවයි. අන්තරාය පවතින්නේ එය සපයන සුරක්ෂිතභාවය පිළිබඳ ව්‍යාජ අර්ථයෙන් ය. “මිනිසුන් සිතනු ඇත්තේ එසේ කිරීමෙන් ඔවුන් හොඳ වනු ඇත” කියායි. “එය වඩා වැදගත් පණිවිඩ වලින් ඈත් වේ.”

අතිමහත් සාක්ෂි වලින් පෙනී යන්නේ හොඳම ප්‍රවේශය අනවශ්‍ය සමාජ සම්බන්ධතා වළක්වා ඔබේ අත් සේදීම බවයි. ඉතින් ඇගේ අවවාදය නම් වතුර බිම දමා සබන් ගන්න.

සම්මානලාභී විද්‍යා වෙබ් අඩවියක් ලෙස, නව කොරෝන වයිරසය වටා සාක්ෂි පදනම් කරගත් විශ්ලේෂණයන් සහ මිථ්‍යා කතාන්දර ගෙන ඒමට බීබීසී ෆියුචර් කැපවී සිටී. මෙම ලිපියි බී.බී.සී ෆියුචර් වෙතින් පරිවර්තනය කරන ලද්දකි.

ඇදිරි නීතිය පවතින කාලය තුළම ගම්පහ දිස්ත්‍රික්කයේම සියලුම නගර වීදි විෂබීජ හරණය කිරීමේ වැඩ පිළිවෙලක් ආරම්භ කරයි. කාර්මික අපනයන ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතා ගේ උපදෙස් පරිදි එය ක්‍රියාත්මක කරයි.

මේ සදහා ගම්පහ දිසිත්‍රික්කයේ පළාත් පාලන ආයතන සදහා ඉසින යන්ත්‍ර බෙදා දීම අද (22) සිදු කෙරිණි.

ඉසින යන්ත්‍ර 200ක් පළාත් පාලන ආයතන 19කට මේ අනුව බෙදා හැරිනි. මීගමුව නගර සභාවට 15ක්, ගම්පහ මහ නගර සභාවට 12ක්, ගම්පහ ප්‍රාදේශිය සභාවට 12, මිනුවන්ගොඩ ප්‍රාදේශිය සභාවට 5, මිනුවන්ගොඩ නගර සභාවට 10ක්, කටුනායක සීදුව නගර සභවට 06ක්, කටාන ප්‍රාදේශිය සභාවට 14ක්, ජා ඇල නගර සභාවට 06ක්, ජා ඇල ප්‍රාදේශිය සභාවට 05ක්, අත්තනගල්ල ප්‍රාදේශිය සභාවට 10ක්, දිවුලපිටියි ප්‍රාදේශිය සභාවට 14ක්, මීරිගම ප්‍රාදේශිය සභාවට 12ක්, ලෙස ඉසින යන්ත්‍ර බෙදා දීම සිදු විය.

වත්තල නගර සභායට ඉසින යන්ත්‍ර 05ක්, වත්තල ප්‍රාදේශිය සභාවට 15ක්, පෑලියගොඩ නගර සභාවට 05ක්,  කැළණිය ප්‍රාදේශිය සභාවට  11ක්, බියගම ප්‍රාදේශිය සභාවට 10, මහර ප්‍රාදේශිය සභාවට 13ක් හා දොම්පේ ප්‍රාදේශිය සභාවට ඉසින යන්ත්‍ර  10ක් අද දිනය තුල බෙදා දීමට පියවර ගත් බව ඇමති ප්‍රසන්න රණතුංග මහතා පවසයි. ඇමතිවරයා කීවේ හෙට (23) සිට දිස්ත්‍රික්කය පුරා විෂබීජ හරණ වැඩ සටහන ක්‍රියාත්මක කරණ බවයි.

කෝවිඩ් 19 හෙවත් කොරෝනා වසංගතය පහව යනතුරු ජනතාවට අත්‍යවශ්‍ය භාණ්ඩ ලබා දීමේ වැඩ පිළිවෙලක් රජය ආරම්භ කරයි. සමූපකාර හා සතොස මගින් මෙය ක්‍රියාවට නැංවේ. එය ගම්පහ දිස්ත්‍රික්කයෙන් ආරම්භ කරන බව කාර්මික අපනයන, ආයෝජන ප්‍රවර්ධන සංචාරක හා ගුවන් සේවා අමාත්‍ය ප්‍රසන්න රණතුංග මහතා පවසයි.

වැඩ සටහන ක්‍රියාත්මක වන්නේ ජනාධිපති ගෝඨාභය රාජපක්ෂ හා අග්‍රාමාත්‍ය මහින්ද රාජපක්ෂ මහත්වරුන්ගේ උපදෙස් අනුවයි. වසංගතය පැතිරයාම වෙලක්වමින් ජනතාවට අත්‍යවශ්‍ය පාරි‍භෝගික භාණ්ඩ ලබා දීමේ වැඩසටහන  ඇරම්භ කරන බවද අමාත්‍ය ප්‍රසන්න රණතුංග මහතා පෙන්වා දෙයි.

ගම්පහ දිස්ත්‍රික් ලේකම් කාර්යාලයේදී ඊ‍යේ (21) පැවති විශේෂ සාකච්ඡාවේදී ඇමති රණතුංග මහතා  මේ බව සදහන් කළේය. බස්නාහිර පළාත් ප්‍රධාන ලේකම් ජයන්ති විජේතුංග ගම්පහ දිස්ත්‍රික් ලේකම් සුනිල් ජයලත් මහතා, සියළුම ප්‍රාදේශිය ලේකම්වරු, ගම්පහ දිස්ත්‍රික්කයේ සියළුම සමූපකාර සමිති සභාපතිවරුන්, සතොස නියෝජිතයන්, ගම්පහ ජ්‍යෙෂ්ඨ නියෝජ්‍ය පොලිස්පති ඇතුළු පොලිසියේ ඉහළ නිළධාරීන් මෙම රැස්වීමට සහභාගී වූහ.

මෙම සාකච්ඡාවේදී ඇමති ප්‍රසන්න රණතුංග මහතා අවධාරනය කළේ කොරෝනා වසංගතය පහව යන තුරු ජනතාව ස්වයං නිරෝධානයකට ලක්කිරීම රජයේ අපේක්ෂාව බවයි. මේ වන විට කොරෝනා ආසාදිතයන් වැඩි වශයෙන්  හමුවී ඇත්තේ ගම්පහ දිස්ත්‍රික්කයෙන් බැවින් ජනතාව අරක්ෂා කර ගැනීම සදහා  වැඩපිළිවෙලක් අත්‍යවශ්‍ය බවද ඇමතිවරයා මෙහිදි පෙන්වා දුන්නේය.

ගම්පහ දිස්ත්‍රික්කයේ විවිධ සේවා සමූපකාර සමිති 17ක් ක්‍රියාත්මකයි. මෙම විවිධ සේවා සමූපකාර සමිති යටතේ පවතින ප්‍රාදේශික හරහා  ජනතාවට රුපියල් 1000 හා 500 අත්‍යවශ්‍ය භාණ්ඩ මලු ලබා දීමට මෙහිදී තීරණය කෙරිණි. සහල්, පරිප්පු, සැමන් , අල, ධාන්‍ය වර්ග , සීනි ඇතුලත් මෙම අත්‍යවශ්‍ය භාණ්ඩ මලු සමූපකාර ප්‍රදේශික හරහාත් සමූපකාර ප්‍රාදේශික නොමැති ගම්මාන වලට ජංගම රථ මගිනුත් ලබා දීමට කටයුතු කරන බව ගම්පහ සමූපකාර සමිති කොමසාරිස් ආර්.ඒ විජේවික්‍රස මහත්මිය මෙහිදී කියා සිටියේය..

ප්‍රාදේශිය ලේකම්වරු වැඩසටහන අධික්ෂණය කරනු ලබයි. පොලීසිය මෙම භාණ්ඩ ලබා දෙන වෙලාව පිළිබදව ගම් වාසීන් දැනුවත් කරන අතර ග්‍රාම නිළධාරීන් , සමෘද්ධි සංවර්ධන නිළධාරීන් හා පළාත් පාලන නියෝජිතයින් එය සම්බන්ධීකරණය කරයි.

මේ වන විට රටතුළ අත‍්‍යවශ්‍ය අහාර තොග අවශ්‍ය තරම්  ඇති බවද මෙහිදි අනාවරණය විය. සතොස නියෝජිතයා මෙහිදී පෙන්වා දුන්නේ පරිප්පු ටොන් 1400 ක්, සැමන් ටින් මිලියනයක් , සහල්, සීනි අවශ්‍ය තරම් සිය ගබඩා තුළ ඇති බවයි. සතොස ආයතනයද සිය ප්‍රාදේශික හා ජංගම රථ මගින් රුපියල් 500 හා රුපියල් 1000 අත්‍යවශ්‍ය භාණ්ඩ මලු ජනතාවට ලබා දීම සදහා වැඩ පිලිවෙලක් සකස් කර ඇති බවද මෙහිදී අණාවරණය විය. අදාල බඩු මලු සැකසීම දැනටමත් සිදු කෙරේ.

ප්‍රසන්න රණතුංග මහතා මෙහිදී අවධාරණය කළේ ඇදිරි නීතිය ඉවත් කල වහාම ජනතාව අත්‍යවශ්‍ය ආහාර මිලදී ගැනීම සදහා එක් රැස්වීම  පාලනය කර ගත යුතු බවයි. මේ නිසා රජය මේ සදහා මැදිහත්  වූ බව පෙන්වා දුන් ඇමති ප්‍රසන්න රණතුංග මහතා මෙම අත්‍යවශ්‍ය අහාර ජනතාවට ලබා දීමේ වැඩපිළිවෙල නියාමන ව්‍යාපෘතියක් ලෙස ගම්පහ දිස්ත්‍රික්කය තුළ ක්‍රියාත්මක කිරීමටත් පසුව එය  දිවයිනට හදුන්වා දීමටත් අපේක්ෂා කරන බව කීවේය. 

කුසල් පෙරේරා

නාගරික මැද පංතිකයින් කතා කරන ලොක්ඩවුන් යනු අවම මට්ටමින් ජනගහනයෙන් සියයට 40 ට වැඩි ජනතාවක් සහ ඔවුන්ගේ දූ දරුවන් අනාථ කෙරෙන, ඔවුන්ට නැවත ජීවිත ගැට ගසා ගැනීමටද නොහැකිවන අතිශය කුරිරු පියවරකි. එබැවින් වූහානයේ ලොක්ඩවුන් තීන්දුව අපට අදාළ නොවන්නකි. අ

ජනාධිපති ගෝඨාභය රාජපක්ෂ කිහිපවර “ලොක්ඩවුන්” අවශ්‍ය නැතැයි කීමේ වැදගත් තේරුමක් ඇත. චීනය එයට මුහුණ දුන් ආකාරයට සිංගප්පූරුව හා තායිවානය එයට මුහුණ දුන්නේ නැත. එංගලන්තය, ජර්මනිය, ප්‍රංශය, ස්වීඩනය, ස්විට්සර්ලන්තය, නෙදර්ලන්තය වැනි රටවල් ඊටත් මඳක් වෙනස් විය. ඒ රටවල “ලොක්ඩවුන්” කතා නොවිණ.

ලොක්ඩවුන්” චීනයෙන් පටන් ගත්තකි. පසුගිය දෙසැම්බර් අවසානයේ හුබෙයි ප්‍රාන්තයේ වුහාන් නගරයෙන් ආරම්භ වූ මේ කොරෝනා නැතිනම් “කෝවිඞ්-19” වයිරසය ජනවාරි පළමු සතිය වන විට එහිම දහස් ගණනක් ජනයා ගොදුරු වූ මහා වසංගතයක් බවට පත් විය.

එයට මුහුණදීමට චීන ආණ්ඩුව දින සතරක් ඇතුළත අංගසම්පූර්ණ විශාල රෝහල් දෙකක් සාදා නිම කළේය. නිව්යෝක් නගරයටත් වඩා විශාල, චීනයේ චිකාගෝව ලෙස සැලකෙන, මිලියන 11 ක ජනගහනයක් ඇති වුහාන් නගරය මුළුමනින් කොටුකර වැසීමට (ලොක්ඩවුන්) චීන ආණ්ඩුව වහා පියවර ගත්තේය. වුහාන් වලට යෑමට හෝ ඉන් පිටවන්නට කිසිවකුට අවසර නොලැබිණ. අත්‍යවශ්‍ය සේවා කිහිපය හැරුණු විට ගමනාගමනය ඇතුළු අන් සියලු සමාජ හා ආර්ථික ක්‍රියාකාරකම් වූහානය තුළ තහනම් කෙරිණ. සියල්ලෝ නිවෙස් වලට කොටුවූහ. චීනයට මෙන් එවැනි බලහත්කාර දැඩි පියවර ගැනීමට අනෙක් බොහෝ රටවලට නොහැකිය.

චීනය අද්දර තිබෙන, තවමත් චීනය තමන්ගේ ප්‍රාන්තයක් යැයි කියන මිලියන 23.6 ක ජනගහනයක් ඇති තායිවානයේ පළමු කොරෝනා වයිරස් රෝගියා වාර්තා වූයේ ජනවාරි 21 වන දිනය. එදින සිට පසුගිය මාර්තු 16 වන විට මාස 02 ට ආසන්න කාලයක් තුල රෝගීන් 77 ට සීමා කරගත හැකි නිරෝධායන හා නියාමන පිළිවෙතක් තායිවානය ක්‍රියාවට නගා ඇත. ඉන් 22කු සුවය ලබා ඇත. එක් අයෙකු මියගොස් ඇත.

චීන ආණ්ඩුවේ විරෝධය හමුවේ ලෝක සෞඛ්‍ය සංවිධානයේ සාමාජිකත්වය තායිවානයට මෙතෙක් ලැබී නැත. එනිසා ඔවුන්ට ලෝක සෞඛ්‍ය සංවිධානයෙන් අපට ලැබෙන සහාය ලැබෙන්නේ නැත. එහෙත් 2003 දී චීනයට ඉතා ආසන්න රටක් වශයෙන් “සාස් වයිරස” වසංගතයෙන් ලැබූ ඉතා කටුක අත්දැකීම් හේතුවෙන් ඔවුන් වසංගත සඳහා මුහුණදීමේ පිළිවෙත් හා විශේෂඥතාවන් දියුණු කරගෙන ඇත

චීන ආණ්ඩුවේ විරෝධය හමුවේ ලෝක සෞඛ්‍ය සංවිධානයේ සාමාජිකත්වය තායිවානයට මෙතෙක් ලැබී නැත. එනිසා ඔවුන්ට ලෝක සෞඛ්‍ය සංවිධානයෙන් අපට ලැබෙන සහාය ලැබෙන්නේ නැත. එහෙත් 2003 දී චීනයට ඉතා ආසන්න රටක් වශයෙන් “සාස් වයිරස” වසංගතයෙන් ලැබූ ඉතා කටුක අත්දැකීම් හේතුවෙන් ඔවුන් වසංගත සඳහා මුහුණදීමේ පිළිවෙත් හා විශේෂඥතාවන් දියුණු කරගෙන ඇත. “අපි කල්තියා සූදානම් වුණා. චීනය ප්‍රකාශ කරන ගණන් හිලව් මත අපි තීන්දු ගන්නෙ නැහැ. අපි අපේ රට තුළ වසංගත පාලනය කර ගැනීම වෙනුවෙන් ඉස්සෙල්ලම කරන්නේ විදේශයන්ගෙන් රටට ඇතුළුවීම විධිමත් ලෙස පාලනය කිරීමයි.” ඔවුන්ගේ සෞඛ්‍ය ඇමති චෙන් ෂී-චුන් විදේශ මාධ්‍යයට පවසා තිබිණ. ඔවුන්ගේ සෞඛ්‍ය දෙපාර්තමේන්තුව යටතේ ජාතික සෞඛ්‍ය විධාන කේන්ද්‍රයක් ( National Health Command Centre) ස්ථාපිත කර ඒ හරහා සියලු තීන්දු, සියලු පියවර, සියලු තොරතුරු මධ්‍යගත කරන්නේය. ඒ සියල්ල නොපමාව නිල වශයෙන් ප්‍රසිද්ධ කරන්නේය. “අපි කරන්නේ මොනවද කියලා අපේ රටවැසියන් දන්නවා. රටක් හැටියට අපි ඉන්න තැනත් දන්නවා. ඒ නිසා ජනතාව කැමැත්තෙන් අපේ තීන්දුවලට අවනත වෙනවා.” එම කේන්ද්‍රයේ සාමාජිකයෙකු මාධ්‍යයට පවසා තිබිණ.

වසංගතවලට මුහුණදීමේ එවැනි පෙර සූදානමක් අප නොදන්නා නිසා හැම වසරකම ඩෙංගු පාලනයේදී පවා බරපතළ ගැටලුවලට මුහුණදීමට අපට සිදුව තිබේ. සෞඛ්‍ය සේවා ව්‍යුහ ප්‍රජා මට්ටමින් ශක්තිමත් කර ගැනීම වෙනුවට අප ඩෙංගු පාලනයට යොදා ගත්තේද චීනයේ වැනි බලහත්කාර අධිකාරවාදී විධාන මගින් රෝග පාලනය කරගැනීමේ පිළිවෙතකි

වසංගතවලට මුහුණදීමේ එවැනි පෙර සූදානමක් අප නොදන්නා නිසා හැම වසරකම ඩෙංගු පාලනයේදී පවා බරපතළ ගැටලුවලට මුහුණදීමට අපට සිදුව තිබේ. සෞඛ්‍ය සේවා ව්‍යුහ ප්‍රජා මට්ටමින් ශක්තිමත් කර ගැනීම වෙනුවට අප ඩෙංගු පාලනයට යොදා ගත්තේද චීනයේ වැනි බලහත්කාර අධිකාරවාදී විධාන මගින් රෝග පාලනය කරගැනීමේ පිළිවෙතකි. අප යැපෙන්නේ චීන විදේශ ආධාර මත පමණක් නොව, චීන අත්දැකීම් මත බැව්ද කොරෝනා වයිරසය පාලනය කිරීමේ උත්සාහ පෙන්වන්නකි. සමාජයේ දැනුවත් පිරිස්ද ලංකාවම වූහාන් වල මෙන් “ලොක්ඩවුන්” කරන මෙන් ඉල්ලා සිටින්නේ එහෙයිනි.

තායිවානයේ අත්දැකීම් සඳහා ලොව පුරා ඇත්තටම එතරම් අවධානයක් නැත. එයට එක් ප්‍රධාන හේතුවක් නම් ඔවුන් ලෝක සෞඛ්‍ය සංවිධානයෙන් ඉවත් කර තැබීමය. එබැවින් ලෝක සෞඛ්‍ය සංවිධානයේ වාර්තා වලද තායිවානය හමුවන්නේ ඉඳහිට ය. එහෙත් කෝවිඞ්-19 පාලනයට නවීන ලෝකයේ තාක්ෂණය ඉතා මැනවින් යොදා ගන්නේ ඔවුන්ය. තායිවානයට “ලොක්ඩවුන්” අවශ්‍ය නොවුණේ එබැවිනි. සමූහ නිරෝධායන වෙනුවට ස්වයං නිරෝධායනය ඉතාම ඉහළ තත්ත්වයකින් පවත්වා ගැනීමට ඔවුන්ට හැකිව ඇත්තේත් එබැවිනි. ස්වයං නිරෝධායනයට යටත්ව ඇති පුද්ගලයකු අනිවාර්යෙන් ඔහුගේ හෝ ඇයගේ ජංගම දුරකතනය පැය 24 පුරා ක්‍රියාත්මකව තබා ගත යුතුය. ඔවුන්ගේ දෛනික නියාමනය සිදුවන්නේ එමගිනි. යම් හෙයකින් කිසිවකු නියමිත ස්ථානයෙන් බැහැර වුවහොත් එය ඔහුගේ හෝ ඇයගේ ජංගම දුරකතන “සිම් කාඞ්” එක මගින් වහා සටහන් වන ආකාරයේ “ඇප්” එකක් තායිවානය හඳුන්වා දී ඇත. එවැනි විටෙක එවැනි පුද්ගලයෙකුට තායිවාන නව ඩොලර් 33,200 දක්වා වන දඩයක් අය කරනු ලැබේ.

තවත් පියවරක් වන්නේ කෝවිඞ්-19 පරීක්ෂණ කිරීමේ මධ්‍යස්ථාන රට පුරා ස්ථාපිත කිරීමය. ඒ අනුව ආසාධිතයෙකු සමග කිසියම් සම්බන්ධයක් තිබෙන්නට ඇතැයි සැකයක් ඇති ඕනෑම පුද්ගලයෙකුට ඉතා අවම මුදලකට අවශ්‍ය පරීක්ෂණ කරගත හැකිය. පරීක්ෂණ මධ්‍යස්ථාන සියල්ල ඔවුන්ගේ ජාතික සෞඛ්‍ය විධාන කේන්ද්‍රය හා ජාලගත කර ඇති අතර, කිසියම් පුද්ගලයෙකු ආසාධිත යැයි පරීක්ෂණයෙන් තහවුරු වුවහොත් එය ඒ මොහොතේම විධාන කේන්ද්‍රයේ දත්ත ගොනුවෙහි සටහන් වන්නේය. මේ වනවිට දිනකට එවැනි පරීක්ෂණ 800 ක් පමණ කෙරෙති. ඔවුන්ට ඉතාම වැදගත් වන්නේ වහා නිවැරදි තොරතුරු ලබා ගැනීම යැයි තායිවාන සෞඛ්‍ය ඇමති මාධ්‍යයට පැවසුවේ එවැනි යාන්ත්‍රණයක වැදගත්කම ඇතිවය. මුව වැසුම් නිෂ්පාදන අපනයනයද තායිවාන ආණ්ඩුව ආරම්භයේදීම තහනම් කළේය. රටේ සමස්ත මුව වැසුම් නිෂ්පාදනය ආණ්ඩුව මිලට ගත්තේය. එසේ ගත්තේ ප්‍රමුඛතා අනුව සලාක ක්‍රමයට බෙදා දීමටය. ඔවුන් එක් මුව වැස්මක් භාවිත කරන්නේ දින 03 ක් පමණි. එය ඉවත් කිරීමටද විශේෂ පිළිවෙතක් සකසා ඇත.

ඔහු අදහස් කෙරුවේ චීනය, දකුණු කොරියාව, තායිවානය, සිංගප්පූරුව හෝ හොංකොං රාජ්‍ය නොවේ. ඒවායේ එවැනි පැතිරීමේ තත්ත්වයක් නැත. ඔහු එසේ කියූවේ “විශාල වසංගත කොලනි හා පුද්ගල පැතිරීම් වලට මුහුණ දෙන රටවල අභියෝගය වන්නේ ඔවුන්ට එවැන්නක් කළ හැකිද යන්න නෙවෙයි. ඔවුන් එළෙසින් කරනු ඇතිද යන්නයි” කීමෙනි.

එවැනි ඉතා පැහැදිලි සැලසුම් වෙනත් බොහෝ රටවල නොවීම මෙය ගෝලීය වසංගතයක් බවට පත්වීමට හේතුව යැයි ලෝක සෞඛ්‍ය සංවිධානයෙහි ප්‍රධානියා විශ්වාස කරන්නකි. “ජාත්‍යන්තර කණස්සලකට හේතුවන හදිසි මහජන සෞඛ්‍ය තත්ත්වයක්” මතුව ඇතැයි ලෝක සෞඛ්‍ය සංවිධානය නිල වශයෙන් ප්‍රකාශ කළ පසුගිය ජනවාරි 31 වන දිනෙන් මාසයකුත් දින 10 ට පසු එහි ප්‍රධානී ටෙඩ්‍රොස් ගෙබ්‍රෙයෙසුස් පසුගිය මාර්තු 11 වන දින ගෝලීය වසංගත තත්ත්වයක් ප්‍රකාශයට පත් කරමින් පැවසුවේ, “පැතිරීමේ බරපතළ තත්ත්වය පිළිබඳව අපි ඉතාම කණස්සල්ලට පත්ව ඉන්නේ. විශේෂයෙන් ඉතා අවදානම් සහගත ඉහළ අක්‍රීයත්වයක් පැවතීම නිසා” යනුවෙනි. ඔහු අදහස් කෙරුවේ චීනය, දකුණු කොරියාව, තායිවානය, සිංගප්පූරුව හෝ හොංකොං රාජ්‍ය නොවේ. ඒවායේ එවැනි පැතිරීමේ තත්ත්වයක් නැත. ඔහු එසේ කියූවේ “විශාල වසංගත කොලනි හා පුද්ගල පැතිරීම් වලට මුහුණ දෙන රටවල අභියෝගය වන්නේ ඔවුන්ට එවැන්නක් කළ හැකිද යන්න නෙවෙයි. ඔවුන් එළෙසින් කරනු ඇතිද යන්නයි” කීමෙනි.

ඇමෙරිකා එන්සත් ජනපදය, මහ බි්‍රතාන්‍ය, ඉතාලිය වැනි රටවල් කෝවිඞ්-19 පැතිරීම පාලනය කර ගැනීමට තවමත් මහන්සි ගන්නා අතර, තායිවානයේ ජීවිතය යථා තත්ත්වයෙන් පවත්වාගෙන යන්නකි. පාසල් වසා නැත. විශේෂ නිවාඩු ලබාදී නැත. කාර්යාල, වෙළෙඳසැල්, ගමනාගමන පහසුකම් වෙනදා වැනිය. එනිසා ඔවුන්ගේ ආර්ථිකයද ආතතියකට හසුව නැත.

අප ඉන්නේ ඊට හාත්පසින් වෙනස් තැනක ය. අපගේ ආර්ථිකය බිඳ වැටී තිබුණේ කෝවිඞ්-19 එන්නට බොහෝ කලකට ඉහතින්ය. මේ තාවකාලික ආණ්ඩුවට පරිපූරක ඇස්තමේන්තුවක් සම්මත කර ගැනීමටද නොහැකි විය. දේශීය හා විදේශීය ණය ප්‍රමාණයන්ද අතිවිශාලය. එබැවින් ආණ්ඩුව ඉන්නේ බරපතළ ආර්ථික අසීරුවක ය. ඉන්පසු කෝවිඞ්-19 පැතිරීම පාලනය කරගැනීමට ගනු ලැබූ පියවර හැමවිටම පාර්ලිමේන්තු මැතිවරණය පැවැත්වීමේ ඉලක්කය සමග ගැට ගැසූවක් විය. ඒ සියල්ල අසාර්ථකව ඇත. ජාතික ආර්ථික ක්‍රියාකාරකම්ද දැන් බිඳ වැටී ඇත. විශේෂයෙන් නාගරික මැද පංතිය විශාල වශයෙන් පාරිභෝගික භාණ්ඩ මිලට ගන්නා සුපර් මාකට් කිසිදු වැදගත් ආරක්ෂණ පියවර නොමැතිව විවෘතව ඇත. නාගරික මැද පංතිය මාසයකට දෙකකට අවශ්‍ය ප්‍රමාණයට භාණ්ඩ මිලට ගත්තද සාමාන්‍ය ජනතාවට එවැනි මිලදී ගැනීමේ හැකියාවක් නැත.

ලොක්ඩවුන් යනු සති කිහිපයකට ලංකාවම වූහානය වසා දැමූ ආකාරයට වසා දැමීමකි. එය රටේ ආර්ථික ක්‍රියාකාරිත්වය සහමුලින් අත්හිටුවන ක්‍රියාවලියකි. ඒ සමග රට පුරා විසිර ඇති දහස් ගණනක් කුඩා කඩ හිමියන් අනාථ වනු ඇත. දහස් ගණන් ස්වයං රැකියාලාභීන් අනාථ වනු ඇත. පෞද්ගලික බස් රියදුරන් හා කොන්දොස්තරවරුන් අනාථ වනු ඇත. අපේ රටේ ත්‍රීරෝද රථ මිලියනයක් පමණ ඇත. ඔවුන් දෛනිකව ආදායම් උපයන්නන් ය. ලොක්ඩවුන් කියන්නේ ඔවුන් අනාථ කිරීමකි

ඒ අතර, මාර්තු 11 වන දින සිට මෙය ලියන 18 වන බදාදා දින වන විට පළමු ආසාදිතයාගේ සිට 52 දෙනකු දක්වා ආසාදිත සංඛ්‍යාව ඉහළ ගොස් ඇත. ඔවුන් හා සම්බන්ධකම් පැවති සංඛ්‍යාව හා ඔවුන් ගැවසුණු හා රැකියා කළ ස්ථාන පිළිබඳව විස්තර ජනතාවට ලබා දෙන්නේද නැත. එයම තව තවත් පැතිරීමට හේතු වන්නේය. ආසාදිතයින්ගේ සංඛ්‍යාව එසේ ඉහළ යන විට විශේෂයෙන් කොළඹ මැද පංතිකයින් ලොක්ඩවුන් ඉල්ලන්නේ ඔවුන්ගේ ආරක්ෂාවටම පමණි.

ලොක්ඩවුන් යනු සති කිහිපයකට ලංකාවම වූහානය වසා දැමූ ආකාරයට වසා දැමීමකි. එය රටේ ආර්ථික ක්‍රියාකාරිත්වය සහමුලින් අත්හිටුවන ක්‍රියාවලියකි. ඒ සමග රට පුරා විසිර ඇති දහස් ගණනක් කුඩා කඩ හිමියන් අනාථ වනු ඇත. දහස් ගණන් ස්වයං රැකියාලාභීන් අනාථ වනු ඇත. පෞද්ගලික බස් රියදුරන් හා කොන්දොස්තරවරුන් අනාථ වනු ඇත. අපේ රටේ ත්‍රීරෝද රථ මිලියනයක් පමණ ඇත. ඔවුන් දෛනිකව ආදායම් උපයන්නන් ය. ලොක්ඩවුන් කියන්නේ ඔවුන් අනාථ කිරීමකි. ඊට අමතරව දෛනිකව කුලී වැඩ කරන්නන්, පදික වෙළෙඳුන් ලක්ෂ ගණනකි. නාගරික මැද පංතිකයින් කතා කරන ලොක්ඩවුන් යනු අවම මට්ටමින් ජනගහනයෙන් සියයට 40 ට වැඩි ජනතාවක් සහ ඔවුන්ගේ දූ දරුවන් අනාථ කෙරෙන, ඔවුන්ට නැවත ජීවිත ගැට ගසා ගැනීමටද නොහැකිවන අතිශය කුරිරු පියවරකි. එබැවින් වූහානයේ ලොක්ඩවුන් තීන්දුව අපට අදාළ නොවන්නකි. අප වහා අවධානය යොමුකළ යුත්තේත් වහා අනුගමනය කළ යුත්තේත් කෝවිඞ්-19 වයිරසය සාර්ථකව පාලනය කළ තායිවානයේ ප්‍රායෝගික ආරක්ෂණ සැලැස්ම ය.

විදෙස් රටවල සිට පැමිණි පුද්ගලයින් 3063 දෙනෙකු මේ වන විට නිරෝධායන මධ්‍යස්ථාන 22 ක රැඳී සිටින බවත් මීට අමතරව තවත් 11,048 දෙනෙක් නිවෙස්වල දී නිරෝධායනයට ලක් කර තිබෙන බවත් කොවිඩ් 19 මර්ධනය කිරීමේ ජාතික මධ්‍යස්ථානයේ ප්‍රධානී යුද හමුදාපති ලුතිනන් ජනරාල් ශවේන්ද්‍ර සිල්වා මහතා අද (21) පැවසීය. මේ අනුව දිවයින පුරා පුද්ගලයින් 14,111 දෙදෙනකු නිරෝධානයට ලක්ව සිටී.

කොරෝනා ආසාදිත 77/48ක් විදේශයන්හි සිට පැමිණි අය

මේ අතර සෞඛ්‍ය අමාත්‍යවරිය සදහන් කළේ ශ්‍රී ලංකාවේ වාර්තාවන කොරෝනා ආසාදිතයන් 77 දෙනාගෙන් 48 දෙනකු විදේශයන්හි සිට ශ්‍රී ලංකාවට පැමිණි පුද්ගලයින් වන බවයි.

තවත් 27 දෙනෙක් එම රෝගීන් සමග සමීපව වැඩ කිරීම හේතුවෙන් කොරෝනා ආසාදනය වූවන් බව ද තවත් දෙදෙනෙකුට කොරෝනා වැළදී ඇති ආකාරය පිළිබඳව තහවුරු කර ගැනීමට නොහැකි වී ඇති බවත් අමාත්‍යවරිය වැඩි දුරටත් සඳහන් කළාය.

දැඩි සත්කාර ඒකක වැඩි කිරීමට පියවර

නව කොරෝනා වෛරසය ආසාදිත රෝගීන්ට ප්‍රතිකාර කිරීම සඳහා මේ වන විට රෝහල් 30ක් හඳුනාගෙන ඇති බවත් ඒවා රෝගීන්ට ප‍්‍රතිකාර කිරීමට සූදානම් කොට ඇති බවත් විශේෂඥ වෛද්‍ය පබා පළිහවඩන මහත්මිය පැවැසුවාය.

මේ පිළිබද වැඩිදුරටත් අදහස් දක්වමින් පළිහවඩන මහත්මිය සදහන් කළේ දැඩි සත්කාර ඒකක වැඩිකිරීමට මේ වන විට තීරණය කර ඇති බවත් රෝහල් සඳහා අවශ්‍ය ආරක්ෂක මෙවලම් ලබාදී ඇති බවත් තවදුරටත් ඒවා ලබාදීමට කටයුතු කරන බවත්ය.

කොරෝනා ආසාදිත මවුවරුන් හා දරුවන් සදහා රෝහල් සූදානම් වන අයුරු

කොරෝනා වෛරසය ආසාදිත බවට සැකකරන මාතෘ රෝගීන් සඳහා ප්‍රතිකාර කිරීම වෙනුවෙන් මාලඹේ නෙවිල් ප්‍රනාන්දු රෝහලේ කොටසක් වෙන්කර ඇතැයි සෞඛ්‍ය අධ්‍යක්ෂ ජනරාල් වෛද්‍ය අනිල් ජාසිංහ මහතා පැවසුවේය.

මේ පිළිබද වැඩි දුරටත් කරුණු පැහැදිලි කරමින් ජසිංහ මහතා කියා සිටියේ කොළඹ සොයිසා හා කාසල්වීදිය කාන්තා රෝහලේ විශේෂඥ වෛද්‍යවරුන් ඇතුළු කාර්ය මණ්ඩලය රොස්ටරයකට අනුව නෙවිල් ප්‍රනාන්දු රෝහලේ මාතෘ අංශයේ ප්‍රතිකාර අවශ්‍ය පරිදි ආරම්භ කරනු ඇති බවයි.

කොරෝනා අවදානමට ඇති සූදානම පිළිබද වැඩි දුරටත් කරුණු හෙළි කරමින් සෞඛ්‍ය සේවා අධ්‍යක්්ෂ ජනරාල්වරයා කියා සිටියේ නෙවිල් ප‍්‍රනාන්දු රෝහලට අමතරව නැගෙනහිර කොළඹ ශික්ෂණ රෝහලද මේ වන විට කොරෝනා ආසාදිත කුඩා ළමුන් ද ඇතුළු රෝගීන් සඳහා ප්‍රතිකාර කිරීමට සූදානම් කර ඇති බවත් එහි සාමාන්‍ය ඇඳන් 100ක්, දැඩි සත්කාර ඇඳන් 30ක්, මාතෘ රෝගීන් සඳහා ඇඳන් 30ක් සහ මාතෘ රෝගී අධි දැඩි සත්කාර ඇඳන් 6ක් එහි සූදානම් කර ඇති බවත් කොතලාවල ආරක්ෂ විශ්වවිද්‍යාල රෝහලේ දැඩි සත්කාර ඇදන් 30ක් ද මේ සඳහා වෙන්කර ඇති බවත් සෞඛ්‍ය සේවා අධ්‍යක්ෂ ජනරාල්වරයා පැවසීය.

අද (21) සවස අනුරාධපුර බන්ධනාගරයේ සිදු වූ වෙඩි තැබීමකින් රැඳවියෙකු මිය ගොස් තවත් රැඳවියන් පස් දෙනෙකු තුවාල ලබා ඇතැයි අනුරාධපුර පොලීසිය සදහන් කළා.

නව කොරෝනා වෛරසය ආසාදනය වූ බව සැක රැදවියෙකු හමුවීමත් සමග රිමාන්ඩ් බන්ධනාගාරයේ සැකකරුවන් රඳවා සිටින සිර මැදිරියක ඇති වු නොසන්සුතාවයේදී රැඳිවියන් කිහිප දෙනකු පළායාමට උත්සහා කිරීමෙන් මෙම වෙඩි තැබීම සිදුව තිබෙන බවයි බන්ධනාගාර ආරංචි මාර්ග සදහන් කළේ.

මේ ගැටුම සමග බන්ධනාගාරය තුළ ගින්නක්ද හට ගෙන තිබෙන අතර ගින්න සහ තත්ත්​වය පාලනය සඳහා පොලීසිය පොලිස් විශේෂ කාර්යබලකාය හා ගිනි නිවීමේ ඒකක බන්ධනාගාරයට කැදවා ඇති බවයි වාර්තා වන්නේ.

මේ සම්බන්ධයෙන් විශේෂ ප‍්‍රකාශයක් කළ පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා සදහන් කළේ කිසිදු අයෙකු පැන ගොස් නැති බවත් බන්ධනාගාරයේ ආරක්ෂාව තහවුරු කර ඇති බවයි.

කොළඹ, ගම්පහ සහ පුත්තලම දිස්ත්‍රික්කවල දැන් ක්‍රියාත්මක ඇඳිරි නීතිය මාර්තු 24 අඟහරුවාදා උදේ 6.00 දක්වා දීර්ඝ කෙරේ. එදිනම, එනම් 24 අඟහරුවාදා දහවල් 2.00 ට ඒ දිස්ත්‍රික්කවල නැවත ඇඳිරි නීතිය පනවනු ලැබේ.

සෙසු දිස්ත්‍රික්කවල ඇඳිරි නීතිය මාර්තු 23, සඳුදා උදේ 6.00 ට ඉවත් කෙරෙන අතර, නැවත එදිනම දහවල් 2.00 සිට ක්‍රියාත්මක වෙයි. මේ දිස්ත්‍රික්කවලට පනවනු ලබන ඇඳිරි නීතිය 24 අඟහරුවාදා උදේ 6.00 දක්වා බලපැවැත්වෙයි.

සියලු දිස්ත්‍රික්කවල ඇඳිරි නීතිය නැවත පැනවීම ගැන පසුව දැනුම් දෙනු ලැබේ.

ඇඳිරි නීතිය ඉවත් කෙරෙන සෑම අවස්ථාවකම දිවයින පුරා සියලු මත්පැන් අළෙවි සැල් වසා තැබිය යුතු බව රජය දැනුම් දෙයි.

ගොවිතැන් කටයුතු සිදු කෙරෙන දිස්ත්‍රික්කවල ගොවි ජනතාවට සිය කාර්යයන් බාධාවකින් තොරව කරගෙන යාමට ඉඩ දෙන ලෙස රජය පොලීසියට උපදෙස් දී ඇත.

අත්‍යාවශ්‍ය ආහාර ද්‍රව්‍ය සහ සෙසු භාණ්ඩ තොග ප්‍රමාණවත් තරම් ගබඩා කර ඇති බැවින් අනවශ්‍ය ලෙස භාණ්ඩ රැස් කිරීමට කලබල නොවන ලෙස රජය ජනතාවට දැනුම් දෙයි. එළවළු ඇතුලු අත්‍යාවශ්‍ය ද්‍රව්‍ය ප්‍රවාහනයට ද ඉඩ සලසා තිබේ.

එසේම අත්‍යාවශ්‍ය ආහාර ද්‍රව්‍ය බාධාවකින් තොරව අවශ්‍ය  ස්ථාන වෙත ප්‍රවාහනය කිරීමට විධිවිධාන සලසා ඇත.

සංචාරක හා අනෙකුත් වීසා බලපත්‍ර කාණ්ඩ මත දැනට ශ්‍රී ලංකාවේ රැඳී සිටින විදේශිකයන්ට අපහසුවකින් තොරව බැහැරව යාම සඳහා අවශ්‍ය කටයුතු සිදු කෙරෙමින් පවතී.  මෙය සිදු කරනු ලබන්නේ ශ්‍රී ලංකාව හරහා ක්‍රියාත්මක වන නිත්‍ය ගුවන් ගමන් සහ යොදවා ගත හැකි  විශේෂ  ගුවන් ගමන් යන ආකාර දෙකම භාවිත කරමිනි.

මෙම ගමන් සඳහා පහසුකම් සැලසීමේ ක්‍රමවේදයන් පිළිබඳව අද දින විදේශ සබඳතා ලේකම් රවිනාථ ආර්යසිංහ මහතාගේ ප්‍රධානත්වයෙන් පැවති රැස්වීමක දී සාකච්ඡා කෙරිණි. මෙම රැස්වීමට බටහිර කලාපයේ රටවල් නියෝජනය කරන තානාපතිවරු මෙන්ම, ආරක්ෂක අමාත්‍යාංශය, පොලිස් දෙපාර්තමේන්තුව, ආගමන හා විගමන දෙපාර්තමේන්තුව, ගුවන්තොටුපල හා ගුවන් සේවා, ශ්‍රී ලංකා සංචාරක ප්‍රවර්ධන කාර්යාංශය, සිවිල් ගුවන් සේවා සහ ශ්‍රී ලංකන් ගුවන් සමාගම යන ආයතනවල නියෝජිතවරු ද සහභාගී වූහ.

දැනට පනවා ඇති ඇඳිරි නීතිය සැලකිල්ලට ගනිමින්, මෙම මගීන්ට මෙන්ම ඔවුන් ප්‍රවාහනය කිරීම සඳහා ගමන් ගන්නා වාහනය සහ එහි රියදුරු සඳහා ඇඳිරි නීති බලපත්‍ර වෙනුවට තම ගුවන් ටිකට් පත භාවිත කළ හැකි බව වැඩබලන පොලිස්පතිවරයා සහතික කොට ඇත. මෙම ගමන් බිමන් සඳහා සහාය වන ලෙස පිළිගත් කුලී රථ ජාල සහ හෝටල් හිමියන්ගෙන් ඉල්ලා ඇති බව ශ්‍රී ලංකා සංචාරක ප්‍රවර්ධන කාර්යාංශයේ සභාපතිවරයා පැවසීය.

ඇතැම් අවස්ථාවල දී සංචාරක නවාතැන්පලවල හිමිකරුවන්ගෙන් මෙන්ම සාමාන්‍ය ජනතාවගේ ඇතැම් පිරිස් වෙතින් ද සංචාරකයින් අත්විඳින ඍණාත්මක ප්‍රතිචාර හේතුවෙන්, වර්තමානයේ දී මෙරට තුළ සිටින ඔවුන්ගේ ජාතිකයින් දිගින් දිගටම මුහුණ දෙන දුෂ්කරතා පිළිබඳව එහි පැමිණ සිටි රාජ්‍යතාන්ත්‍රිකයින් විසින් මෙම රැස්වීමේ දී අවධානය යොමු කරන ලදී. මෙම දුෂ්කර අවස්ථාවේ දී විදේශීය ජාතිකයින්ට ශ්‍රී ලංකාවේ සාම්ප්‍රදායික ආගන්තුක සත්කාරය ලබා දීම සහතික කිරීම සඳහා පොදු පියවර ගන්නා බව ශ්‍රී ලාංකික නියෝජිතායතන අවධාරණය කළේය. එවැනි සිදුවීම් පිළිබඳව කඩිනමින් වාර්තා කොට, ඒවා සම්බන්ධයෙන් කටයුතු කිරීම සහතික කිරීම සඳහා විශේෂ දුරකථන මාර්ග ද පිහිටුවා තිබේ.

නිරෝධායන මධ්‍යස්ථාන වෙත රැගෙන යනු ලබන විදේශීය ජාතිකයින් සඳහා විශේෂ සන්නිවේදන පහසුකම් ද සපයා ඇත.

මෙම සතිය මුල දී ශ්‍රී ලංකාව විසින් කරන ලද ඉල්ලීමෙන් අනතුරුව, වීසා බලපත්‍ර කල් ඉකුත් වී හෝ කෙටි කලෙකින් කල් ඉකුත් වීමට නියමිතව විදේශයන්හි සිටින ශ්‍රී ලාංකිකයින්ගේ වීසා බලපත්‍ර දීර්ඝ කිරීමට තමන් විසින් පියවර ගන්නා ලද බව රටවල් කිහිපයක රජයන්හි නියෝජිතයෝ දැනුම් දුන්හ. එම ඉල්ලීම තම රටවල අගනගරවල දී ඉහළම අවධානයට ලක්වෙමින් පවතින බවට අනෙක් රටවල් විසින් විදේශ සබඳතා අමාත්‍යාංශයට සහතික කරන ලදී. මීට ඉහත දී ශ්‍රී ලංකාව, මෙහි සංචාරය කරන සියලුම විදේශිකයන් සඳහා වීසා බලපත්‍ර එක් මසකින් දීර්ඝ කළේය.