ජනතාව ඉදිරියේ වාද විවාද, ගුටි බැට, අසභ්ය වචන කියමින් කරමින් රංඩු සරුවල් වුවත් ජනතා ඡන්දයෙන් දියවන්නාව තරණය කළ පාර්ලිමේන්තු මන්ත්රීවරුන් එක්ව අවුරුදු සමරා සතුටු වූයේ මේ අන්දමිනි.
Blog
-
කුමන්ත්රණවලින් අගමැති වෙන්න බැහැ – ඇමති රවී කියයි
එක්සත් ජාතික පක්ෂයේ අග්රාමාත්ය ධුරය දැරිමට සුදුසුකම් සහිත එකම නායකයා රනිල් වික්රමසිංහ මහතා පමණක් බව විදුලිබල බලශක්ති හා ව්යාපාර සංවර්ධන අමාත්ය රවී කරුණානායක මහතා පවසයි.
අසත්ය ප්රචාර පතුරවමින් එක්සත් ජාතික පක්ෂය තුළ අර්බුද ඇති කිරීමට ඇතැම් කණ්ඩායම් කටයුතු කරමින් සිටින බව මඩකලපුව ප්රදේශයේ පැවැති මාධ්ය හමුවකදී රවී කරුණානායක මහතා ප්රකාශ කළේය.
එක්සත් ජාතික පක්ෂයෙන්ම වෙනත් අගමැතිවරයෙක් පත් කිරීමට සූදානමක් ඇති බවට පැතිර යන තොරතුරු සම්බන්ධයෙන් මාධ්යවේදීන් විසින් කළ ප්රශ්න කිරීමේදී ඇමතිවරයා මේ බව කියා සිටියේය.
රනිල් වික්රමසිංහ මහතා පක්ෂ නායකයා ලෙස කටයුතු කරද්දී වෙනත් කෙනෙකු පක්ෂ නායකයා ලෙස මතු කිරීම හුවා දක්වන්නේ නම් ඉදිරියේදී ඊට විරුද්දව කටයුතු කරන බවද ඇමැතිවරයා සඳහන් කළේය.
‘අම්මලා තාත්තලාගේ නම් විකුණල පක්ෂය ඉදිරියට ගෙන යන්න බෑ. අපට තියෙන්නේ ප්රතිපත්තියක් වෙනුවෙන් දේශපාලනය කරනවා මිසක් මූණ බලලා තමන්ගේ ආසනේවත් දිනන්න බැරි අය ලංකාවට පෙන්නන්න හදනවා දිනන්න පුළුවන් කියලා. එක්කෙනෙක්ගෙ දෙන්නෙක්ගේ පුම්බන ගමනක් නෙවෙයි තියෙන්නේ. සෘජුව කියන්න කැමතියි අපි නිහඬව සිටින්නේ දුර්වලතා නිසා නොවෙයි’ යයිද ඇමතිවරයා කියා සිටියේය.
-
ආණ්ඩු වෙනසක්! මහින්ද යළි අගමැති වෙන්න සූදානම්..?
මේ දිනවල නැවතත් ආණ්ඩු වෙනසක් සම්බන්ධයෙන් සිදුවන සාකච්ඡා ගැන මාධ්ය විසින් වාර්තා කර තිබූ බවත් යලිත් අගමැති ධූරය භාර ගන්නේදැයි එහි සිටි පුද්ගලයෙකු මහින්ද රාජපක්ෂ මහතාගෙන් විමසූ විට ඒ මහතා කියා සිටියේ ‘බුදු අම්මෝ මට නම් ඒක එපා’ යනුවෙනි.
මහ මැතිවරණයකින් තොරව තමනට නැවත අගමැතිකම කිසිසේත් ම උවමනා නැති බව හිටපු ජනාධිපති වත්මන් විපක්ෂ නායක මහින්ද රාජපක්ෂ මහතා පැවසීය.
තංගල්ල කාල්ටන් නිවසේ එහි පැමිණි අමුත්තන් හා සාකච්ඡා කරමින් සිටියදී රාජපක්ෂ මහතා මේ බව පැවසීය.
කෙසේ වෙතත් ශක්තොම්බර් 26 වැනිදා අගමැති ධුරය බාර ගත් නිසා රටට ජයග්රහණ ගණනාවක්ම අත් වූ බවත් කී ඔහු නැවත අගමැති වන්නේ මහ මැතිවරණයකින් පසුව බවද පැවසීය.
-
මෛත්රී නිහඬවම දුන් ආදර්ශය
සිංහල දෙමළ අලුත් අවුරුදු නැකැත් චාරිත්ර වෙනුවෙන් පැළයක් සිටුවිම ජනාධිපති මෛත්රීපාල සිරිසේන මහතාගේ ප්රධානත්වයෙන් අද සිදු කෙරුණි.
පෙරවරු 11.17ට යෙදුණු තුන් පොකුරු යෝගය නැකැත් වේලාවේදී ස්වේත වර්ණයෙන් සැරසී නැගෙනහිර දිශාව බලා ජනාධිපතිවරයා විසින් ජනාධිපති නිල නිවසේදී පැළයක් සිටුවා තිබේ.
පැළයක් සිටුවා පරිසරය සුරකීම වෙනුවෙන් දායක වන ලෙස ජනාධිපතිවරයා සමස්ත ප්රජාවගෙන් ඉල්ලීමක් ද කර තිබුණි.
-
මැයි 01 වනදා සිට පෞද්ගලික අංශයේ වැටුප් ඉහළට
පෞද්ගලික අංශයේ අවම වැටුප මැයි 01 වැනිදා සිට රුපියල් 12,500 ක් දක්වා වැඩි කිරීමට කටයුතු යොදා තිබේ. මීට පෙර එය රුපියල් 10,000ක් විය.
කම්කරු ඇමති රවීන්ද්ර සමරවීර මහතා ජාතික කම්කරු උපදේශන කවුන්සිලයේ (ජාතික කම්කරු උපදේශක සභාවේ) කමිටුවේ විශේෂ රැස්වීමක දී මෙම සහතිකය ලබා දී තිබේ.
මේ අනුව, ගැසට් නිවේදනය නීතිමය වශයෙන් ක්රියාත්මක වන විට පුද්ගලික අංශයේ සේවකයන්ට අවම මාසික වැටුපකට හිමිකම් ලැබේ.
අවම වැටුපට අනිවාර්යයෙන් අයවැය සහන දීමනා වශයෙන් රුපියල් 3,500 ක් එකතු වන අතර ඒ අනුව පෞද්ගලික අංශයේ අයකුගේ වැටුප රුපියල් 16,000ක් දක්වා වර්ධනය වේ.
-
ජනපති, අගමැති, විපක්ෂනායක එකට අවුරුදු කෑ හැටි (වීඩියෝ)
දේශපාලන පක්ෂ පාඨ භේදයකින් තොරව ජනාධිපති මෛත්රීපාල සිරිසේන මහතාත්, අග්රාමාත්ය රනිල් වික්රමසිංහ මහතාත්, විපක්ෂනායක මහින්ද රාජපක්ෂ මහතාත් ඊයේ(14) එකම වේලාවක තමන්ට පක්ෂ විපක්ෂ ජනතාව සමඟ එක්ව එකට එකම වේලාවක රටේ පුරවැසියන් සමඟ අවුරුදු චාරිත්ර ඉටුකළහ. සියල්ලන්ම එකම වේලාවක රටේ ජනතාව සමඟ කිරි ඉතිරවූහ.
-
රංග රාජපක්ෂගේ සැබෑ ඝාතකයා කවුරුන්ද..? (වීඩියෝ)
පසුගිය 2018 ඔක්තෝම්බර් මස 28 වනදා ඛනිජතෙල් සංස්ථා භූමියේදී සියල්ලන් ඉදිරියේ වෙඩි තබා ඝාතනයට ලක්කළ ඛනිජ තෙල් සංස්ථාවේ සේවකයෙකු වන රංග රාජපක්ෂ මහතාගේ සැබෑ ඝාතකයා කවුරුන්ද..? එම ඝාතනය යට ගසන්නට සිදුවන සැලසුම කවර ආකාරයේ එකක්ද යන්න මේ රටේ සාමාන්ය ජනතාවගේ යුක්තිය, සාධාරණත්වය වෙනුවෙන් විමසා බැලිය යුත්තකි.
පසුගිය ඔක්තෝම්බර් 26 වනදා ආණ්ඩු පෙරලියත් සමඟ ඒ මොහොතේ එක්සත් ජාතික පක්ෂයේ සිටි සියලුම අමාත්යවරුන්ට තම අමාත්යධුර සහ අමාත්යංශ අහිමි විය. ඒ සමඟම එජාපයේ සිටි මැති ඇමතිවරුන් ඇතුළු මන්ත්රීවරුන් සියල්ලන් එක්ව උරදුන්නේ යළි තම ආණ්ඩුව ලබාගැනීමේ සටනටයි. කිසිවෙකුත් තම ආමාත්යංශවලට බලහත්කාරයෙන් නීතිවිරෝධීව රිංගන්න ගියේ නැත. මේ මොහොතේ එවක ඛනිජ තෙල් අමාත්යවරයා වූ අර්ජුන රණතුංග සිටියේ විදේශගතව වන අතර සිද්ධිය සැලවීමත් සමඟම අර්ජුන තිගැස්සුනේය. ඔහුට ගැටලුව වූයේ එක්සත් ජාතික පක්ෂයට ආණ්ඩුව අහිමිවීම නොව තමා ඉහගෙන කෑ ඛනිජ තෙල් අමාත්යංශය අහිමි වීමට බව සාක්ෂාත් කළ පෙන්වූයේ වෙන කිසිවෙකුත් නොව ඔහුමය.
පක්ෂයට වඩා ලොකු වුණු හොරකම්
ආණ්ඩු පෙරළිය සැලවීමත් සමඟම විදෙස් ගතව සිටි ඇමති අර්ජුන එසැනින් ලංකාවට පැමිණියේය. කටුනායකයින් ගොඩබට අර්ජුන විදුලි වේගයෙන් ගියේ තමා නියෝජනය කරන එක්සත් ජාතික පක්ෂයේ ආණ්ඩුව යළි බලයට ගෙන ඒමේ සටනට පණ පෙවීමට නොව තමා හිටපු අමාත්යංශයේ තමාගේ කුප්රකට ගැහිලි ඇතුලත් ලිපිගොනු ටික හොරෙන් පන්නා ගැනීමටය. මෙම සිදුවීම තුළ සුදු පිරුවට අඳින අර්ජුන දූෂිත හොරෙක් යන සැකය මතුකරන්නේ වෙන කිසිවෙකුත් නොව ඔහුගේ මෙම පහත් හැසිරීම තුලමය. ඊට හේතුව නම් ඒ මොහොතේ අර්ජුන හැර එක්සත් ජාතික පක්ෂයේ වෙන කිසිඳු ඇමතිවරයෙකු බලහත්කාරයෙන් තම අමාත්යංශවලට පැන ලිපිගොනු උස්සන්න ගියේ නැත. ඔවුන් සියල්ලන්ම ඒ මොහොතේ එකාවන්ව කැපවුණේ තම ආණ්ඩුව රැකගැනීම වෙනුවෙනි.
එහෙත් ඒ මොහොතේ ඇමතිවරුන්ට තම අමාත්යංශවලට ඇතුල්වීම තහනම් කර තිබියදීත් නීතිවිරෝධීව බලහත්කාරයෙන් අමාත්යංශයට කඩාපැන ලිපිගොනු පැහැරගැනීමට ගිය ඇමති අර්ජුන රණතුංගට ඛනිජ තෙල් සේවකයින්ගෙන් එල්ලවූයේ දැඩි විරෝධයකි.
බඩු සමඟ හොරා හෙලුවෙන්
ඔවුන් තම අමාත්යංශයේ ලිපිගොනු අර්ජුනට බලහත්කාරයෙන් පැහැරගෙන යෑමේ අවස්ථාව ලබාදුන්නේ නැත. ඔවුන් එකාවන්ව එක්ව මෙම කුප්රකට දූෂිත ඇමතියාව වටකර පොලිසියට භාරදීමට සැරසුණහ. පැන්නවීමට ගිය හොර ෆෙයිල් සමඟ පොලිසියට කොටු වීම “බඩු සමඟ හොරා හෙලුවෙන්” වැනි සිදුවීමක් වන බැවින් අර්ජුන හොඳින් හෝ නරකින් එතැනින් පිටවීමට උත්සහා දැරූ බව එම සිදුවීමට අදාළ සීසීටීවී දර්ශන නිරීක්ෂණයෙන් පෙනෙන්ට තිබේ. ඒ වෙනුවෙන් තමා වටකර ගත් තමා හිටපු අමාත්යංශයේ සේවකයින්ට වෙඩි තබා මරා දැමීමට ඔහුගේ අණ යටතේ සිටින අංග ආරක්ෂකයින් හරහා ක්රියාත්මක විය. අවසානයේ අර්ජුන නීතිවිරෝධීව අමාත්යංශයට රිංගා තම හොර ලිපිගොනු පැහැරගෙන යෑම වෙනුවෙන් සියල්ලන් ඉදිරියේ සේවකයෙක් වෙඩි තබා මරා දැම්මේය. තවත් සේවකයින් පිරිස් බරපතළ තුවාල ලැබූහ. ඔවුන්ගෙන් සමහරු තවමත් අසාධ්ය තත්වයෙන් රෝහලේය.
එසේ ඝාතනයට ලක්කල සේවයාගේ ලේ මතින් අර්ජුන අවසානයේ පැනගියේ පොලිස් විශේෂ කාර්යය බලකායේ පිහිටෙනි. රණතුංගලාට මෙවැනි අමානුෂික ඝාතන, පක්කිලි වැඩ අමුතු දෙයක් නොවන්නේ රෙජී රණතුංගලාගේ සිට ජානවලින් එන නිසා වන්නට පුළුවන.
ජාලගත රණතුංග සහ සහෝදර සමාගම
ඒ මොහොතේ සේවකයෙකු මරා තවත් සේවකයින් කිහිපදෙනෙකු බරපතල තුවාල ලබා සිටියදී සේවාස්ථානයෙන් පොලිස් රැකවල් මැද පලාගිය තමා ලෝකශූරයා යැයි කියාගන්නා අර්ජුන දින කිහිපයක් සැඟව සිටියේ හිරේ නොයා බේරීමටය. ඒ වෙනුවෙන් අර්ජුන එජාපයට ගැන තුට්ටුවකට මායිම් කළේ නැත. ඒ මොහොතේ අග්රාමාත්යවරයා වූයේ මහින්ද රාජපක්ෂ මහතාය. ඒ මොහොතේ ගාමිණී ලොකුගේ හරහා ඒ සහය තුළින් තම වැඩිමහල් සහෝදරයා වෙනුවෙන් ක්රියාත්මක වූයේ රණතුංග පවුලේ අර්ජුනගේ සොහොයුරු මහින්ද පාර්ශවය නියෝජනය කරන පාර්ලිමේන්තු මන්ත්රී ප්රසන්න රණතුංගය. බූවලු න්යාය මත දේශපාලනයේ සෑම දිශාවකටම ස්ථාන ගත වූ රණතුංග සහෝදර ජාලය තම වැඩිමහල් සහෝදරයා මුදවාගැනීම වෙනුවෙන් වහාම ක්රියාත්මක විය. ඒ අනුව තම අණමත තම ආරක්ෂාව වෙනුවෙන් ක්රියාකරන අංග ආරක්ෂකයා බිල්ලට දී අර්ජුන හිරේ නොපතා බේරීමට සමත් විය. මෙය මෙතෙක් දේශපාලනයේ බිහිව ඇති විශාලතම සහෝදර ජාලය වන රණතුංග සහ සහෝදරයින්ගේ කූට දේශපාලන උපායමාර්ගික සැලැස්ම ඇස්පනාපිට විද්යාමාන කර පෙන්වූ සුවිශේෂී අවස්ථාවකි.
රණතුංග සහ සහෝදර සමාගමේ එක් සහෝදරයින් පිරිසක් දේශපාලන ක්ෂේත්රය ප්රධාන පක්ෂ තුන හරහා නියෝජනය කරන අතර තවත් සහෝදරයින් පිරිසක් මාධ්ය ඇතුළු ප්රධාන රාජ්ය සහ පෞද්ගලික ආයතනවලට අරක්ගනිමින් තම ඉහළ සහෝදරයින්ට අවශ්ය ඉන්ධන සපයයි.
සැබෑ මිනීමරුවා බේරෙන්න දෙන බිල්ල
කෙසේ වෙතත් 2018 ඔක්තෝම්බර් 28වනදා ඛනිජ තෙල් සංස්ථාවේ සේවකයෙකු වු රංග රාජපක්ෂ මහතා වෙඩි තබා මරාදැමීමේ සිද්ධියෙන් අර්ජුන බේරී ඒ වෙනුවට තම අංග ආරක්ෂක පොලිස් නිලධාරීයා බිලිදුන් අතර ඔහුවද පසුගියදා අර්ජුන කූට ලෙස බේරාගත්තේ නීතියටද කොළේ වසා බව මේ වන විට සාක්ෂි සහිතව ඔප්පු වෙමින් තිබේ. සියල්ලන් ඉදිරියේ මිනීමරා, තවත් අයවලුන්ට බරපතළ තුවාල සිදුකොට ඊට අණදුන් බවට සැක කෙරෙන ඇමති අර්ජුන සහ වෙඩි තැබූ ඔහුගේ අංග ආරක්ෂක පොලිස් නිලධාරීයා නිදහස් වන්නේ කෙසේද..? ඝාතනයට ලක්වූ සේවකයෙකු මෙන්ම මේ රටේ සාමාන්ය පුරවැසියෙකුට යුක්තිය ඉටුවන්නේ මෙසේ නම් එය ඉතා අනුවේදනීය ප්රශ්නාර්ථයකි. මේ සම්බන්ධයෙන් එම සිදුවීමේ ඇසින් දුටු සාක්ෂි සමඟ වන හෙළිදරව්වක් සිදුකරන්නේ ඒ මොහොතේ එම ස්ථානයේ සිටි ඛනිජ තෙල් සංස්ථාවේ වෘත්තීය සමිති සංගමයේ සභාපති බන්දුල සමන් කුමාර මහතාය.
මේ ඒ සම්බන්ධයෙන් වන සුවිශේෂී අනාවරණයයි.
-
ඔව්, අමෙරිකාවේදී මට නඩු වැටුනා තමයි – ඇමෙරිකාවේ ගෙවල් පැත්තේ ගිහින් ආපු ගෝඨා කියයි
තමන් ආරක්ෂක ලේකම්වරයා වශයෙන් සිටින කාලයේ දී අත්අඩංගුවට ගත් මාධ්යවේදියෙක් හා තවත් පුද්ගලයෙකු විසින් තමා එයට වගකිව යුතු බවත් එයට යම් මුදලක් ලබා දිය යුතු බව සඳහන් කරමින් සිවිල් නඩුවක් දමා ඇති බවත් අමෙරිකානු ජාතික ගෝඨාභය රාජපක්ෂ මහතා සිය ගෙදර සිට අවුරුදු සැමරීම සඳහා ලංකාවට පැමිණි අවස්ථාවේදී කටුනායක ගුවන්තොටුපලේදී පැවසීය.
අමෙරිකාවේ නීතිය අනුව පුද්ගලික ආයතනයක් මඟින් මේ සම්බන්ධයෙන් සිතාසි ලබා දිය යුතු වුවත් එවැනි ක්රියාවලියක් සිදු නොවු බව ද සඳහන් කළ ගෝඨාභය මහතා, මේ වන විට අමෙරිකාවේ සිටින සිය නීතිඥවරුන් මෙම නඩුව නිශ්ප්රභා කර ගැනීමට අදාළ කටයුතු කරමින් සිටින බව ද පැවසීය.
කෙසේ වෙතත් මෙම තත්ත්වය තුළ ලාංකීය හා අමෙරිකානු ජනතාවගෙන් තමාට ඉතා විශාල සහයෝගයක් ලැබුණු බවත්, එය හුදෙක් නඩුවක් නොව දේශපාලනමය ක්රියාවලියක් බව ද ගෝඨාභය මහතා මෙහිදී වැඩිදුරටත් කියා සිටියේය.
ඉදිරියේ දී පැවැත්වීමට නියමිත ජනාධිපතිවරණය හා සම්බන්ධ කර ගනිමින් මෙය සිදු කර ඇති බවත්, මෙයට ජාත්යන්තරයේ ඇති එල්.ටී.ටී.ඊ හිතවාදී ඩයස්පෝරා සහ ලංකාවේ ඇතැම් පිරිස් සහය දක්වා ඇති බවත්, කැලිෆෝනියාවේ කොන්සල් ජනරාල් කාර්යාලය දක්වා මෙය ගෙන ගොස් ඇති බව ද ඔහු සඳහන් කළේය.
-
පොහොට්ටු-ශ්රීලනිප සාකච්ඡාවලට GL බාධාවක් (Video)
ඉදිරියේදී පැවැත්වීමට නියමිත ඕනෑම මැතිවරණයකට පුළුල් පෙරමුණක් ලෙස සන්ධාන ගත වීම සඳහා ශ්රිලංකා නිදහස් පක්ෂය සහ ශ්රී ලංකා පොදුජන පෙරමුණ එක්ව තවදුරටත් සාකච්ඡා කරන බව එක්සත් ජනතා නිදහස් සන්ධාන මහලේකම් මහින්ද අමරවීර මහතා පවසයි.
තිස්සමාහාරාම රජමහා විහාරයේ (11) පැවති අළුත් සහල් මංගල්යයට එක්විමෙන් අනතුරුව මාධ්යවේදින් නැගූ ප්රශ්නවලට පිළිතුරු දෙමින් ඒ මහතා මේ බව සඳහන් කළේය.
තුන් වන දිනයටත් ඊයේ පොහොට්ටුව හා ශ්රී ලංකා නිදහස් පක්ෂය අතර පැවති බවත් ඒවා අසාර්ථක ද යන්න මාධ්යවේදීන් මෙහෙදී විමසා සිටියේය. එහිදී කියා මන්ත්රීවරයා කියා සිටියේ, ලබන 10 වන දිනත් සාකච්ඡා පැවැත්වෙන බැවින් එවැනි අසාර්ථකත්වයක් නොමැති බවයි.
ජනාධිපතිවරණය හෝ පැවැත් වීමට නියමිත ඕනෑම මැතිවරණයක් ඉලක්ක කර ගනිමින් මෙම සාකච්ඡා පැවැත් වෙන බවත්, පෙරමුණක් ලෙස ඉදිරියට යෑමට බලාපොරොත්තු වන බව ද මන්ත්රීවරයා මෙහිදී වැඩිදුරටත් කියා සිටියේය.
ජී.එල්.පීරිස් මහතා කළ කථාව ඉතාම බාධාවක් බවත්, ඉවසීමෙන් යුතුව ඉදිරියට යන බවත් එකතු වුවහොත් ජයග්රහණය කරන බවත්, නැතිනම් පරාජය විය හැකි බවත් මන්ත්රීවරයා පැවසීය.
-
ඒකාබද්ධයෙන් මංගලට විශ්වාසභංගයක්
මුදල් ඇමැති මංගල සමරවීර මහතාට එරෙහිව පාර්ලිමේන්තුවට විශ්වාසභංග යෝජනාවක් ගෙන ඒමට ඒකාබද්ධ විපක්ෂය තීරණය කර ඇත.
පාර්ලිමේන්තුවේ මුදල් පිළිබඳ ආංශික අධීක්ෂණ කාරක සභා වාර්තාවෙන් මුදල් අමාත්යාංශයට එල්ල කර ඇති චෝදනා සහ සත්ය කරුණු වසන්කර ව්යාජ අයවැය ලේඛනයක් ඉදිරිපත් කිරීම යන චෝදනා මත මෙම විශ්වාසභංග යෝජනාව විෂය භාර ඇමැති මංගල සමරවීර මහතාට එරෙහිව ගෙන එන බව ඒකාබද්ධ විපක්ෂයේ පාර්ලිමේන්තු මන්ත්රී බන්දුල ගුණවර්ධන මහතා ඊයේ (11) පැවැති ප්රවෘත්ති සාකච්ඡාවකදී ප්රකාශ කළේය.
බොරැල්ල පරිවර්තන කේන්ද්රයේ පැවැති මෙම ප්රවෘත්ති සාකච්ඡාවේදී ගුණවර්ධන මහතා ප්රකාශ කළේ සිංහල අලුත් අවුරුද්දේ වැඩ අල්ලන නැකතේදී විශ්වාසභංග යෝජනාව සකස් කරන බවය.
ආණ්ඩුවේ නොහැකියාව වසා ගනිමින් සත්ය කරුණු සගවා ව්යාජ අයවැයක් මුදල් ඇමැති මංගල සමරවීර මහතා විසින් පසුගිය මාර්තු 05 වැනිදා ඉදිරිපත් කළ බවද බන්දුල ගුණවර්ධන මහතා කීවේය.
අයවැය නොවැම්බර් කියෑවීමේ විවාදයට පෙර මෙම මුදල් පිළිබඳ ආංශික අධීක්ෂණ කාරක සභාවේ වාර්තාව පාර්ලිමේන්තුවට ඉදිරිපත් කළ බව කී බන්දුල ගුණවර්ධන මහතා ආර්ථික දත්ත සගවමින් පාර්ලිමේන්තුවට තොරතුරු සපයා ඇති බවට එම වාර්තාවේ සඳහන් කර ඇතැයිද කීය.
අයවැය පිළිබඳ අපක්ෂපාතී විග්රහයක් ශ්රී ලංකා මහ බැංකුවෙන් ලබා ගන්නා ලෙසටද අදාළ වාර්තාවෙන් නිර්දේශ කර ඇතැයි කී මන්ත්රීවරයා මේ අනුව පසුගිය කාලයේ සිදුකර තිබෙන්නේ ව්යාජ අයවැය ලේඛනයකට අදාළ විවාදයක් බවද කීය.
මෙම කරුණු සලකා විෂයභාර ඇමැති මංගල සමරවීර මහතාට එරෙහිව විශ්වාසභංග යෝජනාවක් ගෙන එන බවද බන්දුල ගුණවර්ධන මහතා වැඩිදුරටත් ප්රකාශ කළේය. -
පාර්ලිමේන්තුවේ 2/3ක් ජනපතිට විරුද්ධ වෙයි?
ජනාධිපති මෛත්රීපාල සිරිසේන මහතාගේ ජනාධිපති ධුර කාලය ආරම්භ වන සහ අවසන් වන දිනයන් සම්බන්ධයෙන් ශ්රේෂ්ඨාධිකරණයේ මතය විමසීමට සූදානම් වීම ගැන එක්සත් ජාතික පක්ෂය සහ ශ්රී ලංකා පොදුජන පෙරමුණ දැඩි විරෝධය පළ කර ඇත.
ඔවුන්ගේ මතය වී ඇත්තේ 19 සංශෝධනය අනුව ජනාධිපතිවරයාගේ ධුර කාලය 2020 ජනවාරි 08 අවසන් වන බවයි.මේ පිළිබඳව ශ්රේෂ්ඨාධිකරණයේ මතය විමසීම පදනම් විරහිත යැයිද ඔවුහු කියා සිටිති.
ජනාධිපතිවරයාගේ ධුර කාලය අවසන් වන්නේ 2020 ජනවාරි මස 08 වෙනිදා ද එසේත් නැතිනම් 2020 ජූනි මස 21 වැනිදා දැයි ගැටළුවක් ඇතැයි ශ්රීලනිප මහලේකම් පාර්ලිමේන්තු මන්ත්රී දයාසිරි ජයසේකර මහතා පැවසූ අතර ඒ සම්බන්ධයෙන් ශ්රේෂ්ඨාධිකරණයේ මතය විමසීමට ද සූදානම් බවද ඔහු සඳහන් කළේය.
ශ්රීලනිපයේ මතය වී ඇත්තේ ජනාධිපතිවරයාගේ ධුර කාලය ආරම්භ වන්නේ කතානායක වරයා 19 වන සංශෝධනයට අත්සන් තැබූ දින සිට බවයි. එක්සත් ජාතික පක්ෂය සහ ශ්රී ලංකා පොදුජන පෙරමුණ සමඟ එක්ව කටයුතු කරන මන්ත්රී පිරිස පාර්ලිමේන්තුවේ 2/3 වඩා වැඩි පිරිසක් වන අතර ජනාධිපතිවරයාට මෙය ඉතා අභියෝගාත්මක හා අහිතකරම තත්ත්වයක් වනු ඇත.
-
අතින්ම කැපිල්ල අද (වීඩියෝ)
අද(10) දිනයෙන් පසු යළිත් විදුලි කප්පාදු කිරීමක් සිදු නොවන බව විදුලිබල හා බලශක්ති අමාත්ය රවී කරුණානායක මහතා ඊයේ යළිත් අවධාරණය කළේය.
මේ අතර රාජ්ය හා පෞද්ගලික අංශයේ විදුලි ජනක යන්ත්ර වලින් 25%ක ප්රමාණයක් විදුලිය ලබාගතහොත් පවතින විදුලි කප්පාදුව අවසන් කළ හැකි බව ලංකා විදුලි බල මණ්ඩල ඒකාබද්ධ වෘත්තිය සමිති සන්ධානය ඊයේ මාධ්ය හමුවක් කැඳවමින් සඳහන් කළේය.
-
කුඩු කිලෝඑකක් සමඟ පොහොට්ටුවේ මන්ත්රීවරයෙක් අත්අඩංගුවට
හෙරොයින් මත්ද්රව්ය කිලෝ එකක ප්රමාණයක් ළඟ තබාගෙන සිටීමට සැකකරුවකුට ආධාර අනුබල දුන්නේයැයි සැකපිට මීගමුවේ ශ්රී ලංකා පොදු ජන පෙරමුණ හෙවත් පොහොට්ටු පක්ෂයේ නාගරික මන්ත්රීවරයෙකු අත්අඩංගුවට ගෙන තිබේ.
සිද්ධියට සම්බන්ධ පළමු සැකකරු පසුගිය 23 වනදා හෙරොයින් කිලෝ එකක් සමග අත්අඩංගුවට ගත් අතර ඔහුගෙන් සිදු කරන ලද ප්රශ්න කිරීමකින් සැකකාර මන්ත්රිවරයාද අත්අඩංගුවට ගෙන ඇත්තේ මීගමුව මාදම්පේ ප්රදේශයේ සැඟවී සිටියදී ය.
මොවුන් දෙදෙනා අධිකරණවට ඉදිරිපත් කර රැදවුම් නියෝග ලබාගෙන තව දුරටත් ප්රශ්න කිරීමට නියමිතය.
-
තුට්ටු දෙකේ පඩත්තලයට සන්නගෙන් සුපිරි පිළිතුරක්!
අනෙකාගේ අධෝ මුඛයෙන් පිටවන අසූචි බෙට්ට හෝ විකුණා ට්රෙන්ඩින්, රේටින්ස් වලින් ගාණන් හම්බ කර ගැනීමට අවස්ථාවක් ඇත්නම් එය වුවද නොපැකිලිව, නිර්ලැජ්ජිතව කරන්නට මේ සිරිලක ඉරාජ් නම් එකෙක් ඇත.
එහෙව් එකා විසින් මීට දින කිහිපයකට පෙර චරිත ඝාතනයට ලක්කළ මෙරට ප්රවීන, කීර්තිමත් දේශකයෙකු සහ සිංහල ගුරුවරයෙකු වන උපුල් ශාන්ත සන්නස්ගල මහතා ඒ සම්බන්ධයෙන් තම ෆේස් බුක් පිටුව හරහා මෙම පඩත්තලයාට අපූරු සටහනක් තබා තිබුණි.
ආදරය තැවරුණු රෝමාන්තික සිංදු අසමින් අමරදේව, නන්දා මාලිනි, වික්ටර් රත්නායක, සුනිල් එදිරිසිංහ, සෝමතිලක ජයමහ යනාදී මිහිරැතියන්ගේ හඬින් භාවනා කරමින් සිටි කාලයක,
.
‘අප්පච්චි අහන්නෙ මළ ගෙවල්වල අඬන සිංදු. කිසි ගෝ එකක් වයිබ් එකක් නෑ.’කියා ඉරාජ් නම් තරුණ සංගීත ශිල්පියෙකුගේ ගීත අසන්නට මට පාර කීවේ මගේ පුතාලා දෙන්නා ය. ඔවුන් දෙදෙනා ඉරාජ්ට වඩා ටිකක් වයසින් අඩු ය. කුඩා කල සිට බටහිර ගීත ඇසූ දෙපුතුන් ඉරාජ් නම් ලාංකීය තරුණයෙකු ඊළඟ ජෙනරේෂන් එකේ හීරෝ ලෙස සැලකීම මා විස්මපත් කළ සිදුවීමක් විය. ඒ මීට දශක එකහමාරකට පමණ පෙර ය.
සුදර්ශියේ පැවති වසන්ත දුග්ගන්නාරාළගේ ප්රාසාංගික වැඩකදී හමු වූ ඉරාජ්ට මම දෙපුතුන්ගේ සංගීත ලෝකයේ හීරෝ ඔහු බව කීවෙමි. පසුදින ඉරාජ් ඔහුගේ මිතුරු රනිඳු සමග මත්තෙගොඩ ආවේ ය. එදින ගත් ඡායාරූපයක් මෑතදී ඇල්බමයක තිබී හමු වී මම පුතාට පෙන්වීමි. ‘පොඩි කාලෙ’ 🤣 පුතා කීවේ ය. බත්තරමුල්ල මගේ ව්යාපෘති කාර්යාලයට ඉරාජ් කීප වතාවක් පැමිණ ඇත. අදත් කොළඹ නගරාශ්රිත අවන්හලකදී, ප්රාසාංගිකයකදී හෝ සාප්පු සවාරියකදී අහඹු දැක්මකින් පමණක් මා අසලට එන ඉරාජ් සිනාමුසු මුහුණින් ආචාර කොට සුහදශීලී කතාවකට සැරසි නිහතමානියෙකි. මගේ පසුගිය උපන් දිනයකදී ඔහු අවසන් වරට මට දීර්ඝායුෂ ප්රාර්ථනා කළේ ය.
Kasun Chamara ඔස්ට්රේලියාවේ ජීවත් වන සංගීත අභිවෘද්ධිකාමියෙකි. ඔහු මගේ මහනුවර පන්තියේ ශිෂ්යයෙකි. සංගීත ලෝකයට පිවිසීමට ඔහු කොළඹ එන්නට සූදානම් වූ විට මම කොළඹ ගොස් කසුන් කල්හාර හෝ ඉරාජ් වීරරත්න හමු වන මෙන් පැවසුවෙමි. ශිල්පීන් දෙදෙනාටම ඒ මොහොතේම කතා කොට කසුන් චාමර දුරකතනයෙන් සම්බන්ධ කළෙමි. ඒ බව කසුන් චාමර ඊයේ පෙරේදා තැප්රොබේනයට පැමිණ සිහිගැන්වී ය. කසුන් කල්හාර ඇකඩමියෙන් ශිල්ප හැදෑරූ කසුන් චාමර ඉනික්බිතිව ඉන්දියාවට ගොස් ඒ. ආර්. රහමන් සංගීත පාසලට ඇතුළත් විය.
ඉතිං මේ හදිසියේ මං ඉරාජ්ට ලියන්නේ ඇයි? ඒ, සුරත නිසා බව නොතේරෙන බබ්බු ෆේස්බුක් එකේ නැත.
පළමුව ඔබ තැප්රොබේනියන් එකත් මාත් යොදාගෙන වීඩියෝවක් කර සිදු කර දුන් ප්රමෝෂන් කැම්පේන් එකට ස්තුතිවන්ත වෙමි. ඒත් ඔබ වික්ටර් රත්නායකට කළ වැඩේ ඔහු මා තරම් සැහැල්ලුවෙන් භාරගත්තේ නැත. වීඩියෝවක් කර ඔබ බුක්ති වින්දේ ඔබේ ප්රකාශන නිදහස විය යුතු ය. ඒ වෙනුවෙන් මගේ සතදෙක ලියා තැබීම මගේ ප්රකාශන නිදහස ය. ඒ අනුව කලාව හා කැලෑව තෝරා බේරාගැනීම ගැන මේ මොහොතේ කියමි. ශක්තිකට වුණත් කිව යුත්තේ එයම ය. කොලිටි නැති වැඩ කර අදහස් ප්රකාශ කිරීමේ හා ප්රකාශන නිදහස වෙනුවෙන් පෙනී සිටින්නන්ගේ පෞරුෂ දීන කරන්න එපා.
සුරත වීඩියෝව සඳහා වස්සාන සිහිනය කෘතිය, එහි පිටකවරය සහ මගේ අම්මා පොතේ සම්පූර්ණ ඡේදයක් අනවසරයෙන් යොදාගැනීම මගේ අයිතීන් මංකොල්ලකෑමකි. නීතිමය පිවිසීමකින් මට ඔබට විරුද්ධව නඩු පැවරිය හැකි ය. රටේ රාජ්ය නායකයාගේ කටහඬ ඔබ යොදාගෙන ඇත්තේ අවසර ගෙනදැයි මම නොදනිමි. අශිෂ්ට ලෙස මහමඟ දී ඔබේ හොම්බට දෙකක් අනිනවා ද ශිෂ්ට ලෙස නීතියේ සහය පතනවා දැයි මා තවම තීරණය කොට නැත. එය එසේ තිබියදීත් මම ඔබේ රයිට්ස් වෙනුවෙන් ටැලන්ට්ස් වෙනුවෙන් පෙනී සිටිමි. ඒත් තමන්ට ඇති රයිට් එක කොලිටි විදිහට පාවිච්චි කිරීමට නොදන්නාකම ඔබේ ටැලන්ට් එකට කරන්නේ මහ විනාසයකි. මට නොතේරෙන්නේ මා උපහාසයට ලක් කිරීමට මීට වඩා නිර්මාණාත්මක වීඩියෝවක් කරගන්නට ඔබට බැරි වුණේ මන්ද යන්නයි. කාලෙකට පෙර මියුසික් ෆීල්ඩ් එකේ හීරෝ කෙනෙක් වීමේ පෙරනිමිති පෙන්නූ ඔබ දැන් මියුසික් වීඩියෝස් කරන්නේ ද ඔබේ අසික්කිත නොයිස් ටීවී යූටියුබ් චැනල් එක වටා රොක් වී සිටින අසහනකාරී ඕඩියන්ස් එකටම වීම සෝචනීය ය.
එක්කෝ හිරගේක ලැගලා හැදියං. නැත්නම් සංගීත කලාවේ අසූචි තවරන එක නවත්තපං. ජරා වැඩ නොකර ලස්සනට ජීවත් වෙන්න උඹට පුළුවන්. මට පුදුම සමන්තභද්ර බුදුන් වහන්සේ තමන්ගේ දායක සංගීතකාරයාට මේ ඩිංග කියන්නේ නැත්තේ ඇයි කියලා ය. රේටිංග්ස්, වීව්ස් වෙනුවෙන් මිනිස් මාංශ කරද්දීත්; අනේ මේ බුදුන් පවා තමන්ට දායක නම් ඕන ගූ ගොඩක් වළඳන කැත! ☝🤣
ප.ලි. – උඹේ වීඩියෝවට රිප්ලයි ලිවීමෙන් සිද්ද වෙන්නේ ද උඹට වීව්ස් වැඩි වීම පමණක් බව දනිමි.
-
අවුරුදු 22 අක්කවයි, 14 නංගීවයි දෙන්නාම අඹු කමට තියාගෙන
ඇල්පිටිය, වතුරුවිලකන්ද ප්රදේශයේ වයස අවුරුදු 13 යි මාස 11 ක බාලවයස්කාර සිය නෑණා දූෂණය කළේ යෑයි ඇල්පිටිය පොලිසිය මගින් අත්අඩංගුවට ගන්නා ලද දූෂණයට ලක්වූ බව කියන දැරියගේ අක්කාගේ සැමියා 10 වැනි දින දක්වා රක්ෂිත බන්ධනාගාරගත කිරීමට ඇල්පිටිය මහෙස්ත්රාත් ගයාන් මීගහගේ මහතා 6 දා නියෝග කළේය.
සිද්ධිය සම්බන්ධයෙන් තවදුරටත් විමර්ශනය කර ප්රගතිය වැඩිදුර වාර්තාවක් මගින් අධිකරණයට ඉදිරිපත් කරන ලෙසද මහෙස්ත්රාත්වරයා ඇල්පිටිය පොලිසියට දැනුම් දුන්නේය. දූෂණයට පත් දැරියගේ මව ඇල්පිටිය පොලිසියට කරනලද පැමිණිල්ලකට අනුව සැකකරු අත්අඩංගුවට ගෙන තිබේ.
ප්රදේශයේ ජනප්රිය පාසලක 8 වන ශේ්රණියේ අධ්යාපනය ලබන දැරියගේ වැඩිමහල් සොයුරිය සමග සැකකරු විවාහවී සිටින අතර සැකකරුට හා දැරියගේ 22 හැවිරිදි සහෝදරියට දරුවෙකුද සිටින බව පොලිස් පරීක්ෂණවලදී තහවුරු වී තිබේ. සැකකරු මීට වසරකට පමණ පෙර සිට වරින් වර තමන් සමග යාළු වන ලෙස දැරියට බලකර තිබෙන බවත් මීට මාස 6 කට පමණ පෙර දැරිය තමන් සමග යාළු නොවුණ හොත් සිය අක්කා දික්කසාද කරන බවට තර්ජනය කර තිබෙන බවත් පොලිස් පරීක්ෂණවලදී තහවුරු වී තිබේ. පසුව දැරිය සැකකරුට යම් එකඟතාවක් දක්වා ඇති බවත් මාස 5 ක පමණ කාලයක සිට දැරිය සැකකරු විසින් වරින් වර දූෂණය කර තිබෙන බවත් පොලිස් පරීක්ෂණවලදී තහවුරු වී තිබේ.
තමා අවස්ථා කීපයකදීම සිය මස්සිනා විසින් කුරුඳු කැලයට රැගෙන ගොස් දූෂණයට ලක් කළ බවද පොලිස් ප්රශ්න කිරීම් හමුවේ දැරිය විසින් ප්රකාශ කර තිබේ. දූෂණයට ලක් වූ බව කියන දැරිය වෛද්ය වාර්තාවක් ලබා ගැනීම සඳහා ඇල්පිටිය මූලික රෝහලේ අධිකරණ වෛද්ය නිලධාරී කේ. ආර්. මුණසිංහ මහතා වෙත ඉදිරිපත් කර තිබෙන අතර දැරිය බරපතළ ලෙස දූෂණයට ලක්ව තිබෙන බව අධිකරණ වෛද්ය නිලධාරීවරයා විසින් නිකුත් කරන ලද වෛද්ය වාර්තාවේ සඳහන් වේ.
ඇල්පිටිය පොලිසියේ අපරාධ අංශයේ ස්ථානාධිපති ජනක සම්පත්, කාන්තා උප පොලිස් පරීක්ෂිකා මංජුලා යන මහත්ම මහත්මීන්ගේ මෙහෙයවීම මත උප පොලිස් පරීක්ෂක සනත් මෙන්ඩිස් සැකකරු අධිකරණයට ඉදිරිපත් කරමින් නඩු කටයුතු මෙහෙයවීය.
-
ගමේ ගිය ගෝඨාට අල්ලපු ගෙදර ඇන්ටි ලියුම් දෙන්න ඇවිත් (Photos)
ශ්රී ලාංකිකයෙකු මෙන්ම අමෙරිකානු ජාතිකයෙකුද වන හිටපු ආරක්ෂක ලේකම් ගෝඨාභය රාජපක්ෂ මහතා නව වසර උදාවීමට ප්රථම තම ජීවිතයේ වැඩි කලක් පදිංචි සිට දිවි ගෙවාදැමූ සිය රට වන අමෙරිකාවේ ගම් බිම් බලා ගිය අවස්ථාවේදී නොසිතූ අකරතැබ්බයකට මුහුණ පා ඇත. ලංකාවේ මීලඟ ජනාධිපති වීමේ අරමුණින් තරඟ වැදීම සඳහා තම අමෙරිකානු ජාතික පුරවැසිභාවය ඉවත්කර ගැනීම සඳහා ඔහු උත්සහ දරද්දී වසර කිහිපයකට පෙර ඔහු මෙරට ආරක්ෂක ලේකම්ධුරය දරමින් මිග්යානා වංචාවට චෝදනා ලැබ සිටියදී මෙරටදී ඔහු විසින් තම පියා ඝාතනයට ලක්කළ බවට මාධ්යවේදී ලසන්ත වික්රමතුංගගේ දියණිය විසින් හිටපු ආරක්ෂක ලේකම් ගෝඨාභය රාජපක්ෂට එරෙහිව ඇමරිකා එක්සත් ජනපදයේ අධිකරණයක නඩුවක් ගොනුකර ඇති බවට වාර්තා වෙයි.
එසේම අමෙරිකානු ජාතික ගෝඨාභය රාජපක්ෂ මහතා මෙරට ආරක්ෂක ලේකම්වරයාව සිටියදී කැනේඩියානු ජාතික දෙමළ පුද්ගලයෙකුට ත්රස්ත විමර්ශන ඒකකය හරහා කෲර වදහිංසා පමුණුවන ලද බවටද තවත් පුද්ගලයෙකු නඩු ගොනු කොට ඇත. මෙම නඩු වලට අදාළ සිතාසි අමෙරිකානු ෆෙඩරල් රජයේ නීති අංශ මගින් ගෝඨාභය රාජපක්ෂ මහතාට භාර දෙන ජායාරූප එරට මාධ්ය ආයතනයක් විසින් අන්තර්ජාලයට නිකුත් කොට තිබුණි. ගෝඨාභය රාජපක්ෂ මහතාගේ මාධ්ය සහ ප්රචාරණ කටයුතු භාරව වැඩකරන දෙරණ මාධ්ය ආයතනයේ සභාපති දිලිත් ජයවීර මහතාද මේ දිනවල ඔහු සමඟ ඇමරිකාවේ සිටින අතර “සත්යය ප්රථමයෙන්” යැයි කියමින් වාර්තාකරන ඔහුගේ දෙරණ මාධ්ය ආයතනය මඟින් මේ සම්බන්ධයෙන් ප්රවෘත්තියක් නිකුත් කරමින් පවසා ඇත්තේ “ගෝඨාභයට සිතාසි දෙන එම ජායාරූපය බොරුවක් බවයි”
මේ වන විට ගෝඨාභය වෙනුවෙන් රෙදි නැතිව කඩේ යන දෙරණේ එම ප්රවෘත්තියට උපහාසාත්මක පිළිතුරු දෙමින් සමාජජාල වල පලවන්නේ “ඔව් දෙරණ, පහුගිය දවස් ටිකේ ගෙදර හිටියේ නැති නිසා රෙජිස්ටර් පෝස්ට් ඇවිත් එකතු වෙච්ච ලියුම් ටික අල්ලපු ගෙදර ඇන්ට් ඇවිත් භාරදෙන සරල සිදුවීමක ඡායාරූපයක්..” ලෙසටය.
අමෙරිකාවේ තම ගම් පියසට ගිය ගෝඨාභය රාජපක්ෂ මහතා තම පවුල සමඟ කාලය ගත කරන අතරේ තම අනුගාමිකයින්ටද එසේ සිදුකරන ලෙසට තම ෆේස්බුක් පිටුව හරහා ලබාදුන් ආදර්ශමත් උපදෙස