එකක් රුපියල් හයලක්ෂ හතළිස්දහස බැගින් බස්නාහිර පළාත් සභාවට බෙල්ජියමෙන් ආනයනය කිරීමට තිබූ පුටු ආණ්ඩුකාරවරයා විසින් අවලංගු කිරීම තමාට ප්රශ්නයක් නොවන බව බස්නාහිර පළාත් ප්රධාන ඇමැති ඉසුර දේවප්රිය මහතා ඊයේ (14) පැවසීය.
කෙසේ වෙතත්, ඉදිරි මාස තුන ඇතුළත පළාත් සභාවට සුදුසු ගැළපෙන පුටු ආනයනය කිරීමට ආණ්ඩුකාරවරයා උපදෙස් දුන් බව ද ප්රධාන ඇමැතිවරයා කීවේය.
බස්නාහිර පළාත් සභාවට ගෙන්වීමට සූදානම් වූ පුටුවක මිල රුපියල් අටලක්ෂ හතළිස්හතර දහසක් බවත් එම පුටු ආණ්ඩුව අවලංගු කළ බවත් බස්නාහිර ආණ්ඩුකාර හේමකුමාර නානායක්කාර මහතා කළ ප්රකාශය සම්බන්ධයෙන් බස්නාහිර පළාත් ප්රධාන ඇමැතිවරයාගෙන්විමසූ අවස්ථාවේ ඔහු එසේ කියා සිටියේය.
මෙහිදී තවදුරටත් කතා කළ බස්නාහිර පළාත් ප්රධාන ඇමැතිවරයා මෙසේ ද කීය.
“ඇත්තටම මේ පුටුවක වටිනාකම අපි දැනගෙන හිටියේ නැහැ. මේ පුටු මිලදී ගැනීම් කරන්නේ අපි නෙමෙයි. ඒවා ටෙන්ඩර් අනුමැතියකින් ගෙන්වන්නේ. කොහොම හරි ප්රචාරය ගියේ මේ පුටු මමයි අනුමත කළේ කියලා. මම මේකට සම්බන්ධ නැහැ. කොහොම හරි දැන් මේ පුටු පළාත් සභාවට ගෙන්වන එක ආණ්ඩුකාරතුමා නතර කළා. එතුමා අපිට උපදෙස් දුන්නා මාස තුනක් ඇතුළත ගැළපෙන පුටුවක් ආනයනය කරන්න කියලා. මෙතන පුටුවටත් වඩා වැදගත් වෙන්නෙ මහජන සේවය. මට මොන බාධා තර්ජන ආවත් ජනතා සේවයට කැප වෙනවා.”
Blog
-
පුටුවටත් වඩා වැදගත් වෙන්නෙ මහජන සේවයයි…. මට මොන බාධා තර්ජන ආවත් ජනතා සේවයට කැප වෙනවා
-
තෙල් නලය පිපිරීමෙන් වෙරළට වූ හානිය අවුරුදු 5කින් මෙහා විසඳන්න බැරිලු
මුතුරාජවෙල තෙල් ගබඩා සංකීර්ණයට ඉන්ධන ගෙනයන නළයක් පුපුරායාමෙන් මුහුදු ජලයට මිශ්ර වූ තෙල් තට්ටු ඉවත් කිරීමේ කටයුතුමේ වනවිට අවසන් කර තිබෙනවා. කෙසේවෙතත් උස්වැටකෙයියාව අවට වෙරළ තීරය පෙර තිබූ තත්ත්වයට පත් කිරීමට තවත් වසර 5 ක පමණ කාලයක් ගතවනු ඇති බවයි සමුද්රීය පරිසර ආරක්ෂණ අධිකාරියේ සාමාන්යාධිකාරී ආචාර්ය ටර්නි ප්රදීප් කුමාර පැවසුවේ. -
ශ්රී ලංකා රග්බි පිල අවසන් පූර්ව වටයට
හොංකොංහි පැවැත්වෙන ආසියානු සත්සාමාජික රග්බි තරගාලියේ පළමු අදියරේ අවසන් පූර්ව වටයට සුදුසුකම් ලබා ගැනීමට ශ්රී ලංකාව අද සමත් වුණා. ඒ චීන තායිපේ කණ්ඩායම 33 ට 12ක් ලෙස පරාජය කරමින්.
-
ආසියානු කුසලානය සඳහා වසරකට පසු මාලිංග පිටියට
ආසියානු කුසලාන කි්රකට් තරගාවලියේ පළමු තරගය ශී්ර ලංකාව සහ බංග්ලාදේශය අතර අද (15) පැවැත්වෙනවා. ඒ. ඩුබායි කී්රඩාංගණයේදීයි. එම තරගය මෙරට වේලාවෙන් පස්වරු 5 ට ආරම්භවීමට නියමිතයි.වසරකට පසු ලසිත් මාලිංග අද දිනයේ එක්දින පිටියට පිවිසීමට නියමිතව තිබෙනවා. ඩිල්රුවන් පෙරේරාටද අද තරගයේදී අවස්ථාවක් හිමිවනු ඇති බවයි ඩුබායි නුවරින් වාර්තා වන්නේ. බංග්ලාදේශ කණ්ඩායම එක්සත් අරාබි එමීර් රාජ්යයේ කි්රකට් තරගාවලියක් සදහා එක් වන්නේ වසර 23 කට පසුවයි.ශී්ර ලංකාව ආසියානු කි්රකට් තරග ඉතිහාසයේ මේ දක්වා එක්දින තරග 48 කට කී්රඩා කර තිබෙනවා. ඉන් ශී්ර ලංකාව තරග 31 ක් ජයගත් අතර තරග 16 ක් පරාජයට පත් වුණා. බංග්ලාදේශය ආසියානු කි්රකට් තරග ඉතිහාසයේ සහභාගි වී ඇති එක්දින තරග සංඛ්යාව 42 ක්. ඔවුන් ඉන් ජයගෙන ඇත්තේ තරග 7 ක් පමණයි. තරග 35 ක් බංග්ලාදේශය පරාජයට පත්වී තිබෙනවා.ශී්ර ලංකාව සහ බංග්ලාදේශය අතර පවත්වා ඇති ආසියානු එක්දින කි්රකට් තරග සංඛ්යාව 12 ක්. ඉන් තරග 11 ක ජය වාර්තා කිරීමට ශී්ර ලංකාව සමත් වුණා. බංග්ලාදේශය ශී්ර ලංකාවට එරෙහිව ආසියානු තරග ඉතිහාසයේ ජයග්රහණය කර ඇත්තේ එක් තරගයක් පමණයි. බංග්ලාදේශය මේ වනවිට එක්දින ශ්රේණිගත කිරීම්වල 7 වන ස්ථානයේ පසුවන අතර ශී්ර ලංකාව එම සටහනේ 8 වන ස්ථානයේ පසුවනවා. -
යාපනයේ නීතිඥවරියක් බුදුරුව සහිත සාරියක් ඇඳන් උසාවි ඇවිත්
යාපනය දිසා අධිකරණයේ නීතිඥවරියක් බුදුරුව සහිත සාරියක් ඇඳගෙන අධිකරණයට පැමිණීමේ සිද්ධියක් සම්බන්ධයෙන් ඇය අත්අඩංගුවට ගැනීමට යාපනය පොලිසිය ඉහළ නිලධාරීන්ගෙන් උපදෙස් ඉල්ලා තිබේ.
මේ නීතිඥවරිය අධිකරණයේ රාජකාරි සඳහා 12 දා පැමිණ ඇත්තේ මෙම සාරිය ඇඳගෙනය.
ඒ බව අධිකරණයේ සේවයේ නියුතු පොලිස් නිලධාරීන් විසින් යාපනය මූලස්ථාන පොලිසිය වෙත දැනුම් දීමෙන් පසුව එම නීතිඥවරියට එරෙහිව නීතිය ක්රියාත්මක කළ යුතු බවට කතාබහක් යාපනය පොලිසිය තුළ ඇතිව තිබේ.
මේ ක්රියාව සම්බන්ධයෙන් ගත යුතු පොලිස් ක්රියාපටිපාටිය පිළිබඳව යාපනය පොලිසිය ඉහළ පොලිස් නිලධාරීන්ගෙන් උපදෙස් ඉල්ලා තිබේ.
යාපනය පොලිසිය මේ සම්බන්ධයෙන් තවදුරටත් පරීක්ෂණ පවත්වාගෙන යයි -
ජවිපෙ ඉදිරිපත් කල 20 වැනි ආණ්ඩුක්රම ව්යවස්ථා පනත් කෙටුම්පත ත්රිපුද්ගල විනිසුරු මඩුල්ලක් හමුවට
ජනතා විමුක්ති පෙරමුණ විසින් පාර්ලිමේන්තුවේ අනුමැතිය සඳහා ඉකුත් 05 දා සභාගත කළ 20 වැනි ආණ්ඩුක්රම ව්යවස්ථා පනත් කෙටුම්පත ආණ්ඩුක්රම ව්යවස්ථාවට අනුකූල ද යන්න සලකා බැලීම සඳහා ත්රිපුද්ගල විනිසුරු මඬුල්ලක් හමුවේ කැඳවන ලදී.
සිසිර ද ආබෲ (සභාපති) ප්රසන්න ජයවර්ධන යන මහත්වරු සහ මුර්දු ප්රනාන්දු මහත්මියගෙන් සමන්විත විනිසුරු මඬුල්ල හමුවේ මෙම විභාගය පැවැත්වේ.
පනත් කෙටුම්පතේ රෙගුලාසි ආණ්ඩුක්රම ව්යවස්ථාවට පටහැනි බව කියමින් පෙත්සම් 08 ක් ද පනත් කෙටුම්පතට පක්ෂව පෙත්සම් 03 ක් ද ගොනු කර තිබිණි.
රාවණා බලය සංවිධානයේ මහ ලේකම් ඉත්තෑකන්දේ සද්ධාතිස්ස හිමි, උපසභාපති මැඩිල්ලේ පඤ්Æලෝක හිමි, ඇල්ලේ ගුණවංශ හිමි සහ පිවිතුරු හෙළ උරුමයේ නායක උදය ගම්මන්පිල, මහාචාර්ය චන්න ජයසුමන, නීතිඥවරුන් වන රංග ද ප්රේමනාත් ගුණවර්ධන, දිනේෂ් ද සිල්වා, නාගානන්ද වීරක්කොඩි, රාජා ගුණරත්න යන මහත්වරු පනත් කෙටුම්පතට එරෙහිව පෙත්සම් ගොනු කළ අය වෙති.
ආචාර්ය ජයම්පති වික්රමරත්න, ලාල් විඡේනායක යන මහත්වරුන් පනත් කෙටුම්පතට පක්ෂව පෙත්සම් ගොනු කර තිබිණි.
ජනාධිපති නීතිඥවරුන් වන මනෝහර ද සිල්වා, අලි සබ්රි, සංජය ජයවර්ධන, අධිනීතිඥ කනිෂ්ක විතාරණ පනත් කෙටුම්පතට එරෙහිව පෙනීසිටියහ.
නීතිපති වෙනුවෙන් අතිරේක සොලිසිටර් ජනරාල් නෙරින් පුල්ලේ මහතා ඇතුළු රජයේ නීතිඥ කණ්ඩායමක් පෙනීසිටී.
විනිසුරු මඬුල්ල හමුවේ පෙරේදා (12) ප්රථමයෙන්ම කරුණු ඉදිරිපත් කළේ පිවිතුරු හෙළ උරුමයේ නායක ගම්මන්පිල මහතා වෙනුවෙන් පෙනීසිටි ජනාධිපති නීතිඥ මනෝහර ද සිල්වා මහතායි. -
කොළඹ නගර සීමාව තුළ නිදහසේ සැරිසැරූ සුනඛයින්ගේ සංඛ්යාව 20% කින් පමණ අඩුවේ
කොළඹ නගර සීමාව තුළ නිදහසේ සැරිසැරූ සුනඛයින්ගේ සංඛ්යාව 20% කින් පමණ අඩු වී ඇතැයි කොළඹ මහ නගර සභාවේ ප්රධාන පශූ වෛද්ය නිළධාරී විපුල ධර්මවර්ධන මහතා කියයි. ඔහු පවසනුයේ 2015 වසරේ සිදුකළ සුනඛ සමීක්ෂණයකට සාපේක්ෂව මෙම අඩු වීම වාර්තා වී ඇති බවයි. පසුගිය කාලයේ කොළඹ මහ නගර සභා සීමාවේ සුනඛයින් වන්ධ්යාකරණයට ලක් කිරිම මත මෙම අඩුවීම සිදුව ඇතැයි ඔහු පවසයි.
2013 වසරේ කොළඹ පැවති චෝගම්සමුළුව මුල් කොට මහ නගර සීමාවේ සිටි සුනඛයින් විශාල පිරිසක් මරා දැමුණු බවට සත්ව හිමිකම් සංවිධාන මඟින් රජයට චෝදනා එල්ල කළ අතර ඉන්පසුව එවැනි සිදුවීමක් වාර්තා වී නොතිබිණ.
-
මහින්ද ඉන්දියාවේදී කල කතාවට වෙල්ගමගෙන් දැඩි විරෝධය
එළඹෙන ජනාධිපතිවරණයේදී තම සහෝදරයකු ජනාධිපති අපේක්ෂකයා ලෙස ඉදිරිපත් කිරීමේ හැකියාවක් ඇතැයි හිටපු ජනාධිපති මහින්ද රාජපක්ෂ මහතා විසින් ඉන්දීය මාධ්ය වෙත කරන ලද ප්රකාශ සම්බන්ධයෙන් පාර්ලිමේන්තු මන්ත්රී කුමාර වෙල්ගම මහතා විරෝධය පළ කරයි.
ඔහු සඳහන් කරන්නේ පවුල්වාදය රටකට නොගැළපෙන බවත් පසුගිය ජනාධිපතිවරණයේදී ද මහින්ද රාජපක්ෂ මහතා පරාජය වූයේ පවුල්වාදය නිසා බවත්ය.
පවුලේ සාමාජිකයන්ට මුල් තැන දී තිබූ නිසා එවක රජයේ ඇමැතිවරු සියලු දෙනා තරහ වූ බවද මන්ත්රීවරයා පෙන්වා දෙයි.
මෛත්රීපාල සිරිසේන මහතා පසුගිය ජනාධිපතිවරණයේදී පොදු අපේක්ෂකයා වූයේ ගිය රජයෙන් හිමිතැන නොදුන් නිසා බවත් මේ තත්ත්වය යටතේ ඉදිරියේදී තවත් සිරිසේන කෙනෙක් බිහි වේවි දැයි නොදන්නා බවත් මන්ත්රීවරයා වැඩිදුරටත් කියා සිටියේ ය.
-
සිරගතව සිටින ඤාණසාර හිමිව තවත් නඩුවකට නොවැම්බර් 5 කැඳවයි
සිර දඬුවම් නියම කර සිටින බොදුබල සේනා සංවිධානයේ මහ ලේකම් ගලගොඩඅත්තේ ඤාණසාර හිමියන්ව ලබන නොවැම්බර් 5 වැනිදා තම අධිකරණයට ඉදිරිපත් කරන ලෙස කොළඹ ප්රධාන මහේස්ත්රාත් රංග දිසානායක මහතා ඊයේ (13) වැලිකඩ බන්ධනාගාර අධිකාරිවරයාට නියෝග කළේය.
2015 වසරේදී රාජගිරිය ප්රදේශයේදී මත්ද්රව්ය වැටලීමක නිරතව සිටි උප පොලිස් පරීක්ෂකවරයකුට බැන තර්ජනය කර ඔහුගේ රාජකාරියට බාධා කිරීම ඇතුළු චෝදනා යටතේ සංවිධානාත්මක අපරාධ නිවාරණ කොට්ඨාසය ගොනුකර තිබූ නඩුව කැඳවූ අවස්ථාවේදී ප්රධාන මහේස්ත්රාත්වරයා එම නියෝගය කළේය.
සැකකාර හිමියන්ට එරෙහිව ගොනුකර ඇති එම චෝදනා සම්බන්ධයෙන් විමර්ශන සිදුකර විමර්ශන වාර්තා නීතිපතිවරයා වෙත යොමුකර ඇතත් මේ දක්වා උපදෙස් ලැබි නොමැති බවද එහිදී විමර්ශන නිලධාරීන් අධිකරණයට පෙන්වා දුන්නේය. ඒ අනුව නීතිපතිවරයා වෙත සිහි කැඳවීමක් යැවීමටද ප්රධාන මහේස්ත්රාත්වරයා එහිදී නියෝග කළේය.
-
සිද්ධික් ඇතුළු 5 ක් කුඩු නඩුවෙන් නිදහස්
හෙරොයින් ග්රෑම් 8.1 ක් සන්තකයේ තබා ගැනීමේ චෝදනාවෙන් ප්රධාන පෙළේ ජාත්යන්තර මත්ද්රව්ය ජාවාරම්කරුවකු යැයි කියන මොහොමඞ් වකිම් මොහොමඞ් සිද්ධික් නමැත්තා ඇතුළු විත්තිකරුවන් පස්දෙනෙකු නිදොස් කොට නිදහස් කිරිමට කොළඹ මහාධිකරණ විනිසුරු විකුම් කළුආරච්චි මහතා ඊයේ (13) නියෝග කළේය.
වැටලීම සිදුකළ පොලිස් නිලධාරීන් දෙදෙනා අධිකරණය හමුව්දී ලබාදුන් සාක්ෂිවල ඉතාමත් බරපතල අන්දමේ පරස්පර විරෝධතාවයන් පවතින බව පෙන්වා දුන් විනිසුරුවරයා විත්තියේ සාක්ෂි කැඳවීමකින් තොරව එම විත්තිකරුවන් නිදොස් කොට නිදහස් කිරීමට නියෝග කළේය.
2003.02.03 වැනිදා මහරගමදී ජීප් රථයකින් පැමිණි පළමුවන විත්තිකාර මහේෂ් චන්දන නමැත්තා ඇඳ සිටි කලිසමේ සාක්කුවක තිබී හෙරොයින් තොගයක් අත්අඩංගුවට ගත් බව පැමිණිල්ල මගින් ඉදිරිපත් කළ එක් පොලිස් නිලධාරියකු ලබාදුන් සාක්ෂි අනුව පෙනී යන නමුත් අත්අඩංගුවට ගත් ස්ථානය පිළිබඳව එම වැටලීමට එක්වූ අනෙක් නිලධාරියා පවසා ඇත්තේ ඊට පරිබාහිර ප්රදේශයක් ගැන බවද විනිසුරුවරයා සිය නියෝගය මගින් පෙන්වා දුන්නේය. පළමු සැකකරු භාරයේ තිබියදී හෙරොයින් අත්අඩංගුවට ගත්තේ නම් සෙසු විත්තිකරුවන් සිව්දෙනාටත් එකී හෙරොයින් ප්රමාණයම සන්තකයේ තබාගැනීමේ චෝදනාවම යටතේ නඩු පවරා ඇත්තේ කුමන පදනමක් මත ද යන කරුණු තම අධිකරණයට වටහා ගැනීමට අසීරු කරුණක් බවද විනිසුරුවරයා මෙහිදී පෙන්වා දුන්නේය.
එලෙස පළමු වන විත්තිකරු අත්අඩංගුවට ගත් හෙරොයින් තොගය තමන් රැගෙන ගිය කිරුම් උපකරණයෙන් එම ස්ථානයේදීම කිරා බලා මුද්රා තබා විත්තිකරුගේ ඇඟිලි සලකුණු එම ස්ථානයේදී ලබාගත් බව වැටලීමට සහභාගිවූ එක් පොලිස් නිලධාරියෙකු සාක්ෂි ලබා දෙමින් පවසා ඇතත් වැටලීමට සහභාගි වූ අනෙක් නිලධාරියා ඒ සම්බන්ධයෙන් පවසා ඇත්තේ ඊට හාත්පසින්ම වෙනස් කරුණක් බවද අධිකරණය පෙන්වා දුන්නේය. නඩුවට සෘජුවම බලපාන ඉතා වැදගත් කරුණු සම්බන්ධයෙන් ඉදිරිපත් වී ඇති සාක්ෂිවල පවතින බරපතළ පරස්පරතාවයක් නිසා විත්තිකරුවන්ට එරෙහිව පැමිණිල්ල ගොනු කර ඇති චෝදනාව සාධාරණ සැකයෙන් ඔබ්බට ඔප්පු වී නොමැති බව සිය අධිකරණය නිගමනය කරන්නේ යෑයිද විනිසුරුවරයා පෙන්වා දුන්නේය.
එවකට කොළඹ අපරාධ කොට්ඨාසයේ සහකාර පොලිස් අධිකාරිවරයකු ලෙස රාජකාරි කළ ප්රියන්ත ජයකොඩි මහතා හා උප පොලිස් පරීක්ෂකවරයෙකු ලෙස රාජකාරි කළ චන්දන ගමගේ මහතා විසින් එම වැටලීම සිදුකර තිබූ හෙයින් 2017 වසරේ නඩු විභාගය ආරම්භ කළ පසු පැමිණිල්ලේ සාක්ෂිකරුවන් ලෙස ඔවුන් දෙදෙනා අධිකරණය හමුවේ සාක්ෂි ලබාදී තිබිණි.
පුංචිහේවා කංකානම්ගේ මහේෂ් චන්දන, පරවසාමි බාලචන්ද්රන්, මොහොමඩ් වකිම් මොහොමඩ් සිද්ධීක්, මොහොමඩ් රසීක් මොහොමඩ් ඉර්ස්, මොහොමඩ් තව්ක් මොහොමඩ් වයිනියස් යන විත්තිකරුවන් පස්දෙනාට එරෙහිව නීතිපතිවරයා එම නඩුව පවරා තිබිණි.
නීතීඥ සරත් ඒකනායක, ප්රදීප් ගුණතිලක, රංජිත් හීල්ලගේ හා ලක්ෂ්මන් පෙරේරා යන මහත්වරුන් ඇතුළු නීතිඥ මණ්ඩලයක් සමඟ ජනාධිපති නීතීඥ ශානක රණසිංහ මහතා විත්තිය නියෝජනය කළේය. -
වයාපාරිකයෙකුගෙන් රුපියල් මිලියන 64 ක් බලෙන් ලබා ගැනීමට කටයුතු කලේ යයි ඡෝදනා කල ප්රසන්නගේ නඩුව නීතීඥයා නැතුව හෙටට කල්යයි
කොළොන්නාව මීතොටමුල්ල ප්රදේශයේ ඉඩමකින් පදිංචි අනවසර පදිංචිකරුවන් ඉවත් කර එම ඉඩම නිරවුල් ලෙසට ලබා දීමට වයාපාරිකයෙකුගෙන් රැපියල් මිලියන 64 ක් බලෙන් ලබා ගැනීමට කටයුතු කළේ යැයි කියන සිද්ධියක් සම්බන්ධයෙන් බස්නාහිර පළාත් හිටපු මහ ඇමති, පාර්ලිමේන්තු මන්ත්රී ප්රසන්න රණතුංගට සහ ඔහුගේ බිරිඳ ට එරෙහි නඩුව අද (13) කොළඹ මහාධිකරණයේදී කැඳවනු ලැබුවා.එහිදී විත්ති පාර්ශවයේ නීතිඥවරු නඩුව සඳහා සූදානම් නොවීමේ කාරණය මත නඩු විභාගය හෙට දිනට කල් තැබීමට මහාධිකරන විනිසුරු චම්පා ජානකි රාජරත්න නියෝග කළා.විත්ති පාර්ශවය වෙනුවෙන් පෙනී සිටින ජනාධිපති නීතිඥවරයා අභියාචනාධිකරණයේ නඩුවකට පෙනී සිටින බැවින් නඩු විභාගය හෙට දිනට කල් දමන ලෙසට කණිෂ්ඨ නීතිඥවරයෙක් මෙහිදී අධිකරණයෙන් ඉල්ලා සිටියා. මෙම නඩුවේ ප්රධාන සාක්ෂිකරු වන ව්යාපාරික ජෙහාර්ඩ් මෙන්ඩිස්ගෙන් වැඩිදුර විත්ති පාර්ශවය විසින් හරස් ප්රශ්න හෙට දින සිදු කිරීමට නියමිතය.මෙම අපරාධය 2015 වර්ෂයේ අප්රේල් මස 10 දා සිට එම වසරේ ජූනි මස 2 දා අතර කාලය තුල සිදුකර ඇති බවට නීතිපතිවරයා චොදනා කර සිටිනවා. -
අගමැති ආසියාන් ලෝක ආර්ථික සමුළුව අමතයි
ආසියාව කේන්ද්ර කොට ගෙන ඉදිරි දශක කීපය තුළ නව ලෝක ආර්ථිකයක හැඩතල නිර්මාණය වන බැවින්, ආසියාන් සංවිධානයට හා ආසියානු ආර්ථිකයේ දැවැන්තයන්ට ආසියානු භු දේශපාලනික ස්වරූපය සම්බන්ධව සුවිශේෂී කාර්ය භාරයක් පැවරෙන බව ශ්රී ලංකා අග්රාමාත්ය රනිල් වික්රමසිංහ මහතා පැවසීය.හැනොයි නුවර ‘ආසියාන්’ ලෝක ආර්ථික සමුළුවේ අද (13) ‘ආසියානු භූ දේශපාලනික ස්වරූපය’ මැයෙන් පැවති සාකච්ඡා මණ්ඩපයට එක් වෙමින් වික්රමසිංහ මහතා වැඩි දුරටත් පැවසූයේ ආසියානු ආර්ථිකයේ අනාගතය රදා පවතින්නේ ඉන්දු ශාන්තිකර සාගර නිදහස් නාවුක ගමනාගමනය මත බවය.ඒ නිසා කලාපීය බලවතුන්, සාගරය භාවිත කරන්නවුන්, කලාපීය සමුද්රාසන්න රටවල් හා සියළු පාර්ශවයන් එක්ව, පිළිගත් සම්මතයන්ට අනුකූල නිදහස් සාගර ප්රතිපත්තියක් අනුගමනය කරලීමේ වැදගත්කම ද වික්රමසිංහ මහතා අවධාරණය කළේය.වියට්නාමයේ නියෝජ්ය අග්රාමාත්ය හා විදේශ අමාත්ය ෆාම් බින් මින් දකුණු කොරියාවේ විදේශ ඇමතිනී කං ක්යුං වා , ජපාන විදේශ අමාත්ය තරො කොනො සහ කේමිබ්රිජ් විශ්ව විද්යාලයේ හා ආසියානු උපාය මාර්ගික අධ්යයනය පිළිබඳ ජාත්යන්තර ආයතනයේ ජ්යේෂ්ඨ පර්යේෂිකා ආචාර්ය ලින් කුක් යන මහත්ම මහත්මීහු සාකච්ඡා මණ්ඩපයේදී අදහස් දැක්වූහ.නව ආර්ථික ප්රවණතාවන් හමුවේ ආසියානු කලාපය මුහුණ දෙන අභියෝග, තර්ජන පිළිබඳව සහ ඒවා ජය ගැනීමේ සාමූහික ක්රියා පිළිවෙත් පිළිබඳවද මෙහිදී අදහස් පළ කෙරිණි.සාකච්ඡාව මෙහෙයවන ලද්දේ සිංගප්පූරුවේ චැනල් නිව්ස් ඒෂියා ආයතනයේ සත්කාරිකා ජුලී යෝ විසිනි. -
දික්වැල්ල මෙතෙක් ක්රීඩා කළ විලාසය වෙනස් කර ගනී
ආසියානු කුසලාන එක්දින ක්රිකට් තරගාවලියේදී පිතකරුවෙකු ලෙස කණ්ඩායමට උපරිම දායකත්වයක් ලබාදීමට සූදානම් බව නිරෝෂන් දික්වැල්ල පවසනවා.
ඒ සඳහා තම තාක්ෂණික ක්රමවේදය සහ ක්රීඩා සැලැස්ම වෙනස් කර ඇති බවයි මාධ්ය වෙත අදහස් දක්වමින් නිරෝෂන් දික්වැල්ල ප්රකාශ කර ඇත්තේ.
ආබාධයකට ලක්ව සිටින දිනේෂ් චන්දිමාල් වෙනුවට නිරෝෂන් දික්වැල්ල ආසියානු කුසලාන තරගාවලිය සඳහා ශ්රී ලංකා කණ්ඩායමට නම් කෙරුණා.
ආසියානු කුසලාන ක්රිකට් තරගාවලිය එළඹෙන සෙනසුරාදා ඩුබායිහි දී ආරම්භ වනවා.
එහිදී පළමුව තරග වදින්නේ ශ්රී ලංකාව සහ බංග්ලාදේශයයි. A සහ B කාණ්ඩ යටතේ කණ්ඩායම් 06ක් තරගාවලියට එක්වනවා. ශ්රී ලංකාව සහ බංග්ලාදේශයට අමතරව ඇෆ්ගනිස්ථානය B කාණ්ඩයට ඇතුළත්. ඉන්දියාව, පකිස්තානය හා හොංකොං A කාණ්ඩය නියෝජනය කරනවා.
https://www.facebook.com/srilankacricket/videos/335301060539451/
-
මේ මස අවසාන වන විට නියං සමය අඩුවන ලකුණු
දිවයින පුරා ප්රදේශ රැසකට බලපා තිබෙන දැඩි නියං කාලගුණික තත්ත්වය මේ මස අග පමණ වන විට අඩු වෙනු ඇතැයි කාලගුණ විද්යා දෙපාර්තමේන්තුව පවසයි.
මේ මස අග පමණ වන විට වැසි ඇති වන ලකුණු ඇති බවත්, ලබන ඔක්තෝබර් හා නොවැම්බර් කාලය තුළ දෙවන අන්තර් වැසි මෝසම ආරම්භ වූ පසුව නියං තත්ත්වය පහව යනු ඇති බවත්, කාලගුණ විද්යා අනාවැකිකරණ අධ්යක්ෂ අනූෂා වර්ණසූරිය මහත්මිය පැවසුවා ය.
දැනට පවතින වියළි කාලගුණික තත්ත්වය හේතුවෙන් මේ වන විට දිස්ත්රික්ක එකොළහක හයලක්ෂයකට අධික පිරිසකට බලපෑම් එල්ල වී ඇති අතර බොහෝ ප්රදේශවල ගංගා සහ වැව් ජල මට්ටම් සීඝ්රයෙන් පහළ බැස ඇත. පානීය ජල අවශ්යතා සහ වගා සඳහා අවශ්ය ජලය සපයා ගැනීමට නොහැකි වීම මත එම පිරිස් දැඩි පීඩාවට පත්වී තිබේ.
මේ අතර මේ දිනවල නුවරඑළිය ඇතුළු බොහෝ ප්රදේශවල උෂ්ණත්වය අනෙක් දිනවලට සාපේක්ෂව, අංශක දෙක තුනකින් ඉහළ ගොස් ඇතැයි ද කාලගුණ විද්යා දෙපාර්තමේන්තුව පෙන්වා දෙයි. විශේෂයෙන් ම උතුර, නැගෙනහිර සහ උතුරුමැද පළාත්වලත්, නුවරඑළිය, රත්නපුරය, මහනුවර වැනි දිස්ත්රික්කවලත් මෙම තත්ත්වය වැඩි වශයෙන් දැකිය හැකි ය.
-
ශ්රී ලංකන් – වයා කැපිටල් ගිවිසුම අධ්යක්ෂ මණ්ඩල රැස්වීමට ඉදිරිපත් කළේ නෑ -ශ්රී ලංකන් ගුවන් සමාගමේ ලේකම් කොමිසමට කියයි
ශ්රී ලංකන් ගුවන් සමාගම සහ වයා කැපිටල් පාර්ට්නර්ස් සමාගමත් සමඟ අත්සන් කරන ලද ගිවිසුම ශ්රී ලංකන් ගුවන් සමාගමේ අධ්යක්ෂ මණ්ඩල රැස්වීමට ඉදිරිපත් නොකළ බව ශ්රී ලංකන් ගුවන් සමාගමේ සමාගම් ලේකම් ඩැලරීන් තිරුකුමාර් මහත්මිය ඊයේ (12) ශ්රී ලංකන් – මිහින් ලංකා ජනාධිපති කොමිසම හමුවේ සාක්ෂි දෙමින් කීවාය.
එම ගිවිසුම අධ්යක්ෂ මණ්ඩලය හමුවට ඉදිරිපත් නොවූවත් එම සමාගම පසුව ඉදිරි පත් කළ ව්යාපාරික සැලැස්මට ශ්රී ලංකන් ගුවන් සමාගමේ අනුමැතිය ලැබුණු බව ද තිරුකුමාර් මහත්මිය කීවාය.
කොමිසමේ ඊයේ (12) පැවති සාක්ෂි විභාගයේදී රජයේ නීතිඥයා අසන ලද ප්රශ්නවලට පිළිතුරු දෙමින් ඇය මේ බව කීවාය.
ශ්රී ලංකන් ගුවන් සමාගම සහ වයා කැපිටල් පාර්ට්නර්ස් සමාගම අතර අත්සන් කළ ගිවිසුම ඊයේ කොමිසම හමුවට ඉදිරිපත් කළ අතර එය උපදේශක සේවා ලබාගැනීමට අත්සන් කළ ගිවිසුමක් බව ද තිරුකුමාර් මහත්මිය කීවාය.
ඉන්ට විස්ටා නම් සමාගම මේ ගිවිසුමේ පාර්ශ්වකරුවකු නොවන බව ද අදාළ ගිවිසුම සාක්ෂිකාරියට ඉදිරිපත් කරමින් අසන ලද ප්රශ්නවලට පිළිතුරු දෙමින් ඩැලරීන් තිරුකුමාර් මහත්මිය පැවසුවාය.
එම ව්යාපාරික සැලැස්ම සකස් කිරීම වෙනුවෙන් ඇමෙරිකානු ඩොලර් 450,000 ක් ශ්රී ලංකන් ගුවන් සමාගම විසින් වයා කැපිටල් පාට්නර්ස් සමාගමට ගෙවා ඇති බව ද එසේම ඊට පෙර එස්. ඒ. චන්ද්රසේකර මහතා සකස් කළ ව්යාපාරික සැලසුම වෙනුවෙන් ගෙවන ලද්දේ මසකට රු. 250,000 බැගින් මාස තුනක් සඳහා රු. 750,000 ක මුදලක් බව ද සාක්ෂිකාරිය කීවාය.
එම කාර්යය සඳහා එස්. ඒ. චන්ද්රසේකර මහතා මුලින් පත්කර ඒ සඳහා අධ්යක්ෂ මණ්ඩල අනුමැතිය ලබාගෙන තිබුණේ පසුව බව ද කොමිසම හමුවේ අසන ලද ප්රශ්නවලට පිළිතුරු දෙමින් සාක්ෂිකාරිය පිළිගත්තාය.
-
මහින්ද ඉන්දියාවේදී කළ අනාවරණය ගැන “UNP-SLFP-JVP” මතය මෙන්න
එළඹෙන ජනාධිපතිවරණයේ දී ඒකාබද්ධ විපක්ෂයේ අපේක්ෂකයා ලෙස රාජපක්ෂවරයෙකු ඉදිරිපත් වුවහොත් එය එක්සත් ජාතික පක්ෂයට වාසිදායක බව නියෝජ්ය අමාත්ය රංජන් රාමනායක පවසනවා.එළඹෙන ජනාධිපතිවරණයේ අපේක්ෂකයා ලෙස තම සහෝදරයෙකු ඉදිරිපත් විය හැකි බව හිටපු ජනාධිපති මහින්ද රාජපක්ෂ මහතා ‘‘ ද හින්දු’’ පුවත්පත සමග පැවති සම්මුඛ සාකච්ඡාවකදී ප්රකාශ කළා. ඒ සම්බන්ධයෙන් කළ කරුණු විමසීමකදී නියෝජ්ය අමාත්ය රංජන් රාමනායක ඊට ප්රතිචාර දැක්වූයේ මෙලෙසයි.“රාජපක්ෂවරයෙකුම දාන එක අපිට වාසියි.. මොකද හැටහුටාමාරක් චෝදනා තියෙනවා නේ..ඒ ගොල්ලන්ට පිරිසිදු කෙනෙක් හොයා ගන්න බැරි වෙයි. ඒක තමයි මගේ තර්කය”ශ්රී ලංකා නිදහස් පක්ෂයේ 16යේ කණ්ඩායම පවසන්නේ හිටපු ජනාධිපති මහින්ද රාජපක්ෂ මහතා ප්රමුඛ ඒකාබද්ධ විපක්ෂයේ නායකයින් තෝරාගන්නා ජනාධිපති අපේක්ෂකයාට සිය කණ්ඩායමේ සහය හිමිවන බවයි. ඒ පිළිබඳ කරුණු දැක්වූ පාර්ලිමේන්තු මන්ත්රී අනුර ප්රියදර්ශන යාපා වැඩි දුරටත් සඳහන් කළේ “පුද්ගලයා වශයෙන් අහවලා හොඳයි..මෙයා හොඳයි කියලා අපි කියන්න යන්නේ නෑ” යනුවෙනි.කෙසේ වෙතත් ශ්රී ලංකා නිදහස් පක්ෂය දරන්නේ ඊට පරස්පර මතයක්. එහි මහ ලේකම්, මහාචාර්ය රෝහණ ලක්ෂ්මන් පියදාස පෙන්වා දෙන්නේ “කවුරු හරි නායකයෙක් ප්රකාශයක් කළාම ඊට විකල්ප ප්රකාශ ඊට සමාන්තරව නිකුත් කරන්න ශ්රී ලංකා නිදහස් පක්ෂය ඉක්මන් වෙන්නේ නෑ. අපේ අපේක්ෂකයා නිසි වෙලාවට මධ්යම කාරක සභාව විසින් සමාලෝචනය කරලා ඉදිරිපත් කරයි”. යනුවෙනි.මේ පිළිබඳ ජනතා විමුක්ති පෙරමුණේ පාර්ලිමේන්තු මන්ත්රී බිමල් රත්නායක ද අදහස් පළ කළා. එහිදී “දැවැන්ත දේශපාලන පවුලක් එතුමා නිර්මාණය කර ගත්තා. මේ ප්රකාශය හරහාත් ඉතා පැහැදිළියි එතුමාට එන්න බැරි වුණොත් රාජපක්ෂ පවුලේ කෙනෙක් එතනට ඉදිරිපත් වෙනවා කියන එක. මේක මහින්ද රාජපක්ෂ මහත්තයාගේ තනි ප්රශ්නයක් නෙමෙයි. චන්ද්රිකා බණ්ඩාරනායකත් දිගට ගියානම් ඕක තමයි වෙන්නේ.” යනුවෙන් සඳහන් කළා.