කොතලාවල ආරක්ෂක විශ්වවිද්යාල සංශෝධිත පනතේ සයිටම් ආයතනය අහෝසිවීම හැර සෙසු කරුණුවලට එකඟවිය නොහැකි බව අන්තර් විශ්වවිද්යාලයීය ශිෂ්ය බල මණ්ඩලය පවසයි.
අධ්යාපනය සඳහා වැඩි මුදලක් වෙන් කරන රජයෙන් ඉල්ලා සිටින්නේ එහි පවතින අඩුපාඩු හේතුවෙන් බව ඔහු වැඩිදුරටත් ප්රකාශ කල අතර නිදහස් අධ්යාපන අයිතිය තහවුරු කරන තෙක් අරගලයේ නිරත වන බව එහි කැඳවුම්කරු ළහිරු වීරසේකර මහනුවර පැවැති මාධ්ය හමුදවකදි ප්රකාශ කළේය.
යුද්ධය සෑම අතින්ම මානව සමාජයට ගෙන එනුයේ පරාජයන් ය.
කිසිවිටෙක යුද්ධයෙන් ජයග්රහණයක් කුමන හෝ පාර්ශවයකට අත්වීමක් සිදුවන්නේ නැත. යුද්ධයේ අවසානයක් දැකිය හැකි වුවද ජයග්රහණයක් දැකිය නොහැකි යයි කියන්නේ එනිසාය.
කෙතරම් අශිෂ්ඨ වුවද යුද්ධය මානව ඉතිහාසය තුළම නොවැලැක්විය හැකි සංසිද්ධියක් නිසා ලෝක මානුෂවදීන් යම් තරමකට හෝ යුද්ධය ශිෂ්ඨ රාමුවකට අන්තර්ගත කිරීමේ අභිලාෂයෙන් ක්රීඩාවට මෙන්ම යුද්ධයටත් නීති පනවා ගෙන තිබේ. ජිනීවා සම්මුති යනු එකී නීති ය. එහෙත් අවියෙන් සහ ප්රග්ධනයෙන් බලවත් වූ කිසිවෙකුට එකී නීති අදාළ වන බවක් නොපෙනේ. මේ මොහොතේ මානව විමුක්තිය උදෙසා අරගල කරන මානුෂවදීන් මුහුණ දෙන ඛේදවාචකයන්ගෙන් එකක් වන්නේ එයයි. ඒ බැව් තහවුරු කරමින් ඊශ්රායල් – පලස්තීන යුධ ගැටුම් ඉතිහාසයට තවත් ඛේදනීය මතකයක් පසුගිය දා එක් කෙරින. ගාසා තීරයේ යුධ ගැටුම් මැද තුවාල කරුවන් සඳහා වෛද්ය ප්රතිකාර ලබා දෙමින් සහන සේවා කටයුතු වල නිරත වූ රසාන් අල් නජාර් නම් පලස්තීන ජාතික තරුණිය ඊශ්රායල් හමුදාව විසින් වෙඩි තබා ඝාතනය කර තිබිණ. මේ බැව් ලෝක ජනමාධ්ය වාර්තා කිරීමත් සමඟ තාක්ෂණයේ දියුණුව සහ ශිෂ්ඨාචාරයේ දිශානතිය පිළිබඳව නැවත වටයකින් ලෝක ප්රජාවගේ අවධානය යොමු වී ඇති බවක් පෙනෙන්නට ඇත.
ගාසා තීරයේදී තුවාලකරුවන් වෙත ප්රතිකාර සේවා කටයුතු වල නිරතව සිටියදී ඊශ්රායල් ප්රහාරයෙන් මියගිය රසාන් අල් නජාර්
එහෙත් මීට පෙර සෑම යුද්ධයකදී මෙන්ම අනාගතයේ ඇතිවන සෑම යුද්ධයකදීම මෙලස තව තවත් මානව අයිතීන් අමු අමුවේ උල්ලංඝනය වනු ඇත. ලෝක මානුෂවාදී ප්රජාව පෙර පරිදිම හඬ නගනු ඇත. එහෙත් ප්රතිඵලයෙහි වෙනසක් වනු ඇතැයි කිසිවෙකුට විශ්වාස කල හැකිද? අප ද යුද්ධය පිළිබඳව අඳුරු ඉතිහාසයක් ඇති රටකි. යුද්ධයේ ප්රතිපලයන් පිළිබඳව අප ජාතියක් ලෙස විග්රහ කරන්නේ පුදුම සහගත ආකාරයකටය. 71 භීෂණ සමයේ කතරගම රූමතිය නමින් ප්රචලිත වූ ප්රේමවතී මනම්පේරී ඝාතනය දකුණේ සිංහල සමාජය මහා ඛේදවාචකයක් ලෙස පිළිගන්නා අතරම උතුරේ ඊළාම් යුධ භීෂණයෙන් ඝාතනය වූ ඉසිප්රියා නම් තරුණ ගායිකාව සහ නිවේදිකාව පිළිබඳව කිසිඳු සංවේදීතාවයකින් තොරව එකී ඝාතනය සාධාරණීකරණය කිරීමට කරුණු ගෙනහැර දක්වයි. එකී ඝාතනය තුළ මානව ධර්මතා උල්ලංඝනය වී ඇති බවක් වත් නොපිළිගනී. එමෙන්ම 88/89 භීෂණ සමයේ ඇඹිලිපිටියේ සිදු වූ සිසු ඝාතනය සම්බන්ධව මහා සංවේදීතාවක් දක්වන දකුණේ සමාජය 2007 ත්රිකුණාමලය, කින්නියා ප්රදේශයේ සිදු වූ සිසු ඝාතනයන් පිළිබඳව පරීක්ෂණයක් සිදු කරනවාට පවා මහා පරිමාණ ප්රතිරෝධයක් දක්වයි. මේ පරස්පරතාවයන් ගෙන් ගම්යවන්නේ කුමක් ද? අප සමාජයක් ලෙස මානව ධර්මතා දේශපාලනික වුවමනා වෙනුවෙන් හිලව් කරන අවස්ථාවාදී අසංස්කෘතික සමාජයක් බැව් නොවේද?
1983 දී ජාතිවාදී ගිනි අවුළුවන මැරයින් පිරිසක්
සිරියානු සරණාගත ප්රජාව රටින් පලා යද්දී මහ මුහුදට බිලිවූ කුඩා දරුවකු ගේ හැඩ සසල කරවන ඡායාරූපය මෙන්ම ඊළාම් යුද්ධයේ ගොදුරක් බවට පත්වූ දහස් ගණන් සිංහල මායිම් ගම්මාන දරුවන් ද උතුරේ යුධ ගම්මාන වල දරුවන් ද අවසානයේ වැඩිහිටියන්ගේ යුද්ධයේ ගොදුරක් වූ බාලචන්ද්රන් දරුවා ද ලෝකය වෙලාගෙන ඇති එකම අමානුෂික ඛේදවාචකයක ගොදුරුය. මේ ඝාතනයන් එකක්වත් කිසිවෙකුට කිසිඳු හේතුවක් නිසා සාධාරණීකරණය කල නොහැක. කිසිවෙකුට යුද්ධයක් මානුෂීය යුද්ධයක් ලෙස නාමකරණය කල නොහැක. එසේ කරනවා නම් එය බල දේශපාලනික තක්කඩිකමට සිදුකරන්නක්ම පමණි. බටහිර වුවද, පෙරදිග වුවද සංවර්ධිත වුවද එසේ නොවුන ද රටක දේශපාලන තක්කඩිකම් වල පවතින රුදුරු බව නිසා එකී සෑම සමාජයකම පීඩා විඳින්නෝ අහිංසක පුරවැසි ප්රජවෝය. බල දේශපාලනයේ ගොදුරු බවට පත්වන්නෝ සෑම විටම හඬක් නැති මිනිසුන්මය. මානව ඉතිහාසය පුරාම එවැනි බහුතරයක් පුරවැසියෝ අසාධාරණ බල කාමයට සහ ප්රාග්ධන වුවමනාවන්ට ගොදුරක්ව හඬක් නොනගාම පොළොවට පස් වී ගියහ. මේ පවතින ලෝක දේශපාලනික යථාර්ථය තුළ ඉදිරියටත් එසේම වනු ඇත. ලොව බොහෝ සමාජයන් තමාට වෙන අසාධාරණ කෙරෙහි සංවේදී වුවද ශ්රි ලංකාවේ සමාජය මෙන්ම අනෙකා ගේ පීඩාව සාධාරණීකරණය කරමින් මෙකී චක්රාකාර ලෝක පැවැත්ම පවත්වාගෙන යනු ඇත.
ආදරය අයදින මැදපෙරදිග දරුවන්
එකී බලදේශපාලනික තක්කඩිකම් මානව විමුක්තියේ නාමයෙන් පරාජය කිරීමට ඇති එකම විකල්පය ආදරයම පමණි. ඒ ආදරය කොන්දේසි විරහිත කැරලිකාර ආදරයක් විය යුතුය. ලංකාවේ සමාජයට ද පලස්තීන සමාජයට ද ඊශ්රායල් සමාජය ට ද ලොව අන් කොතැනක සමාජයකට ද එය පොදු සාධකයකි. යුද්ධය තුළ අත්දකින තාවකාලික වීරත්වය මිත්යාවක් බවත් සැබෑ වීරත්වය ඇත්තේ කොන්දේසි විරහිතව ජාතීන් අතර පතුරුවන ආදරයම තුළ පමණක් බවත් තේරුම් ගන්නා සංස්කෘතික සමාජයන් ලොව සෑම තැනකම බිහිවීමට අවශ්ය මුළු මහත් සමස්ත සමාජ දේහයම වසා ගන්නා උත්තුංග ආදරයක් වෙනුවෙන් ආදරණීය සමාජ අරගලකරුවන් එක පෙළට පෙළ ගැසී කැරලි ගැසිය යුත්තේ එබැවිනි. එය මානව ප්රේමයේ නාමයෙන් අවංකව කැපවූ අනවරත අරගලයක් විය යුතුය.
වාර්තාගත දැවැන්තම මනුෂ්ය ඝාතනය කළ ඇඩොල්ෆ් හිට්ලර්ගේ මඟ ගොස් මිලිටරි පාලනයක් ඔස්සේ හෝ රටේ පාලනය ලබා ගන්න ලෙස සංඝ නායකත්වය විසින් ගෝඨාභය රාජපක්ෂ හට අරාධනා කර තිබේ.
“ඔබතුමා ගැන සඳහන් කරනකොට ඔබතුමාව හිට්ලර් හැටියටත් හඳුන්වලා දෙන්න පුළුවන්. ඉතින් අපි මතක් කරනවා ඔබතුමාට මිලිටරි පාලනයක් විදියට තමයි ඇවිල්ලා මේක ජයගන්න වෙන්නේ කියලා නැවත මතක් කරනවා.” යි අස්ගිරි පාර්ශවයේ අනු නායක වෙඩරුවේ උපාලි හිමියෝ පැවසුහ.
හිටපු ආරක්ෂක ලේකම් ගෝඨාභය රාජපක්ෂගේ 69 වන ජන්ම දිනය වෙනුවෙන් මිරිහානේ ඔහුගේ නිවසේදී පැවති දානමය පුන්ය කර්මයේදී අනුශාසනාවක් කරමින් උන්වහන්සේ මේ බව කියා සිටියහ.
මෙම අවස්ථාවට ත්රෛනිකායන් නියෝජනය කරමින් සංඝයා වහන්සේලා පිරිසක්ද වැඩම කරවා තිබීම විශේෂත්වයකි.
ඇඩොල්ෆ් හිට්ලර්
ඇඩොල්ෆ් හිට්ලර් හා ඔහුගේ නාසි පාලනයේ දී යුද ඇස්තමේන්තුගත මිලියන 19.3 සිවිල් වැසියන් හා සිරකරුවන් ඝාතනය කිරීම සම්බන්ධයෙන් වගකිව යුතු විය.
මීට අමතරව, සොල්දාදුවන් හා සිවිල් වැසියන් මිලියන 29 ක් දෙවන ලෝක මහා යුද්ධය දී යුරෝපීය රඟහල හමුදා ක්රියා මාර්ගයක ප්රතිඵලයක් ලෙස මිය ගිය අතර දෙවන ලෝක යුද්ධ සමයේ මිය ගිය සිවිල් වැසියන්ගේ සංඛ්යාව මානව ඉතිහාසයේ දරුණුතම ඝාතනය ලෙස හැඳින්වේ.
මහරගම මහ නගරසාභාවේ හිටපු නගරාධිපතිනි කාන්ති කොඩිකාර මහත්මිය එහි බයිසිකලය සලකුණ යටතේ පාලන බලය ලබාගෙන සිටින පිරිස විවේචනය කිරීම හේතුවෙන් අද(20) සභාවේ දැඩි නොසන්සුන්තාවක් ඇතිවූ බවත් ඒ හමුවේ සභාවේ කටයුතු තාවකාලිකව නවත්වා ඇති බවත් වාර්තා වෙයි.
මෙම නොසන්සුන්තාව හටගෙන ඇත්තේ මහරගම මහ නගර සභාවට පිට ප්රදේශ වලින් බයිසිකලය සලකුණ යටතේ තේරීපත්වූ මන්ත්රීවරුන් සහ මන්ත්රීවරියන්, ඉකුත් මාස තුන තුළදී නගර සභාවෙන් ගෙවන දීමනාව ලබාගෙන ගෙදර යනවා මිස මහරගම ජනතාවට කිසිදු සේවයක් කර නැතැයි හිටපු නගරාධිපතිනි කාන්ති කොඩිකාර පැවසීමෙන් අනතුරුවය.
සභාපති ටිරාජ් ලක්රුවන් මහතාගේ ප්රධානත්වයෙන් (20) මහරගම නගර සභාව පැවැත්වූ අවස්ථාවේ මෙය සිදුව ඇති අතර එසේම ඉකුත් 07 වැනිදා පැවැති සභාවාරය සඳහා දැනුම්දිමකින් තොරව පාලක පක්ෂයෙන් පුරප්පාඩු වු නියෝජිතයින් වෙනුවෙන් බාහිර කාන්තාවන් හය දෙනකු පත් කර එවීමෙන් ඇති වු තත්ත්වයට විරෝධය පළ කරමින් විරෝධතා පුවරු රැගෙන මන්ත්රීවරුන් පිරිසක් විරෝධතාවකද නිරතවූ බව දැනගන්නට ඇත.
මේ අතර ශ්රී ලංකා පොදුජන පෙරමුණට සහය ලබාදුන් ස්වාධීන කණ්ඩායම වන බයිසිකලයෙන් ඉදිරිපත්වූ පාර්ශව අතර මෙම ගැටුම ඇතිව තිබෙන බවත් මේ හේතුවෙන් ඉදිරියේද සභාවේ කටයුතු සාර්ථකව පවත්වාගෙන යාම සම්බන්ධව අවධානමක් ඇති බවද වාර්තාවේ.
ලෝක කුසලාන පාපන්දු තරගාවලියකදී දකුණු ඇමෙරිකානු කණ්ඩායමක් පරාජයට පත් කළ පළමු ආසියානු රට බවට පත්වීමට ජපානය ඊයේ (19) සමත් වුණා.
ඒ ප්රබල කොලොම්බියානු කණ්ඩායම සමග රුසියාවේ මොර්ඩෝවියා එරීනා ක්රීඩාංගණයේ පැවැති තරගයෙන් ගෝල 2-1ක් ලෙස ජයගැනීමත් සමගයි.
තරඟයේ පළමු අර්ධය දෙපිලම ගෝල එක් ගෝලය බැගින් ලබාගෙන අවසන් වූ අතර, දෙවන අර්ධයේදී කණ්ඩායම් දෙකම දැඩි සටන්කාමීත්වයක් ප්රදර්ශණය කළ නමුත් ජපානයේ ප්රහාරකයා වන යුයා ඔසාකා ගෝලයක් වාර්තා කිරීමත් සමග තරගයේ ජයග්රහණය ජපානයට හිමිවිය.
තරඟයෙන් අනතුරුව ක්රීඩාංගණයට රැස්ව සිටි ජපාන ප්රෙක්ෂකයන් ඔවුන් සිටි ස්ථාන පිරිසිදු කරන අයුරුද දැකගත හැකිවූ අතර එය බොහෝ දෙනාගේ ප්රශංසාවටද ලක්ව තිබේ.
රුසියාවේදී පැවැත්වෙන ලෝක කුසලාන පාපන්දු තරගාවලියේ සිය පළමු ජයග්රහණය වාර්තා කිරීමට ස්පාඤ්ඤය අද (21) අලූයම සමත් වුණා. ඒ, ගෝල 1-0 ක් ලෙස ඉරානය පරාජයට පත් කරමින්. ස්පාඤ්ඤය වෙනුවෙන් ජයග්රාහී ගෝලය වාර්තා කළේ දියාගෝ කොස්තා. ඔහු මෙවර තරගාවලියේ වාර්තා කළ 3 වන ගෝලයද මෙය වනවා.
මේ අතර පෘතුගාලය ද ඊයේ (20) සිය පළමු ජයග්රහණය වාර්තා කළා. ඒ, ගෝල 1-0 ක් ලෙස මොරොක්කෝ කණ්ඩායම පරාජය කරමින්. පෘතුගාලය වෙනුවෙන් නායක ක්රිස්ටියානෝ රොනාල්ඩෝ ජයග්රාහී ගෝලය වාර්තා කළා. ඔහු මෙවර තරගාවලියේ වාර්තා කළ සිවුවන ගෝලයද මෙයයි. රොනාල්ඩෝ ඉතිහාස ගත වූයේ ලෝක කුසලාන පාපන්දු තරගාවලියකදී ගෝල 4ක් වාර්තා කළ දෙවන පෘතුගාල කී්රඩකයා ලෙයසි. 1996 වසරේදී එවුසෙබියෝ නෙටඩි ගෝල 4ක් වාර්තා කළා. මොස්කව් නුවර පැවති මෙම පෘතුගාල සහ මොරොක්කෝ කණ්ඩායම අතර තරගය නැරඹීමට පාපන්දු ලෝලීන් 78,000 ක් පැමණ සිටියා.
මේ අතර මෙවර ලෝක කුසලාන පාපන්දු තරගාවලියේ පළමු වටයෙන්ම ඉවත්වීමට සෞදි අරාබියට ඊයේ සිදු වුණා. එ් උරුගුවේ කණ්ඩායම හමුවේ පරාජයට පත්වීමත් සමගයි. උරුගුවේ කණ්ඩායම තරගය ජය ගත්තේ ගෝල 1-0 ක් ලෙසයි. ලූයිස් සුවාරිස් ජයග්රාහී ගෝලය වාර්තා කළේ 23 වන මිනිත්තුවේදීයි. තරගයේ ජයග්රාහණයේ සතුට ලූයිස් සුවාරිස් සැමරූ ආකාරය පිළිබවද ඊයේ වැඩි අවධානයක් යොමු වුණා. ඔහු සිය බිරිද සිහිපත් කළේ පාපන්න්දුව සිය කමිසය යට සගව ගනිමින්.
අතිගරු ජනාධිපතිතුමාගේ නියෝගය පරිදි ඉතා මිල අධික පිළිකා ඖෂධ වැනි ඖෂධ වර්ග රැසක මිල ලබන ජුලි මාසයේ දී අඩු කිරිමට පියවර ගන්නා බව සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න පවසනවා. එහි ප්රථම අදියර යටතේ අත්යාවශ්ය ඖෂධ වර්ග 48 මිල අඩු කිරිමට මීට පෙර පියවර ගනු ලැබු අතර දෙවන අදියර යටතේ මිල අධික ඖෂධ වල මිල අඩු කිරීමට ජනාධිපතිතුමාගේ නියෝගය අනුව තමන් කටයුතු කළ බවයි සෞඛ්ය අමාත්යවරයා පවසන්නේ.
ඖෂධ මිල අඩු කිරීමෙන් පසු පෞද්ගලික රෝහල් වල මිල ගණන් සංශෝධනය කිරිමට සෞඛ්ය අමාත්යවරයා තීරණය කර තිබෙනවා. සෞඛ්ය සේවා තුලින් වැට් බදු ඉවත් කිරිම නිසා ගැටලු රැසක් විසදුන බව පෙන්වා දෙන සෞඛ්ය අමාත්යවරයා එම නිසා රෝහල් මිල නියාමනය කිරීමට තමන් තීරණය කළ බව ප්රකාශ කළා.
පිළිකා ඖෂධ සදහා තිබූ මාෆියාව නතර කිරිමට රජයට හැකි වූ බවත්, රුසියාවෙන් ආනයනය කළ පිළිකා එන්නතෙන් රෝගීන්ට සංකූලතා මෙතෙක් ඇති වූබවට වාර්තා වී නොමැති බවත් සෞඛ්ය අමාත්යවරයා පෙන්වා දුන්නා.
එම එන්නත හදුන්වා දුන් පසු මාධ්ය මගින් විශාල විරෝධයක් ඇති කරන ලදි. නමුත් ජාතික ඖෂධ නියාමන අධිකාරියේ අනුමැතිය මත මෙම රුසියානු එන්නත ශ්රී ලංකාවට ආනයනය කළ බව ද සෞඛ්ය අමාත්යවරයා අවධාරණය කරනවා.
නිල් චිත්රපට රංගනයෙන් ලොව පුරා ජනප්රිය වුනු බ්රිතාන්යය ජාතික නිවුන් සොහොයුරියන් දෙදෙනෙකු වුනු අලීනා පාකර් සහ ශාෂා පාර්කර් හට මාස හයක සිරදඬුවමක් නියමකිරීමට ඩුබායි අධිකරණයක් විසින් කටයුතු කර තිබෙනවා. එසේම මෙම සිර දඬුවම නියම වූ වහාම ඔවුන් දෙදෙනා රටින් පිටුවහල් කරන ලෙසද අධිකරණය නියෝග කර තිබෙනවා
බීමතින් පොලිස් නිලධාරිනියකට පහරදීමක් සම්බන්ධයෙන් වරදකාරියන් කරමිනුයි ඔවුන් දෙදෙනාට මෙම දඬුවම නියම කර තිබෙන්නේ. බෙලරුස් ජාතිකයන් වන මේ සහෝදරියන් දෙදෙනා බ්රිතාන්යයට පැමිණ එහි පුරවැසිභාවය ලබාගෙන ඇත්තේ නීති උපාධිය ලබාගැනීම සදහා බවයි විදෙස් මාධ්ය වාර්තා කර තිබුනේ.
රජය අපහසුතාවයට පත් කරන සහ අසත්ය තොරතුරු පතුරවන සමාජ මාධ්ය ජාලා 80ක් ගැන තොරතුරු අනාවරණය වී ඇති බව සෞඛ්ය,පෝෂණ හා දේශීය වෛද්ය ඇමැති,සම කැබිනට් ප්රකාශක වෛද්ය රාජිත සේනාරත්න සදහන් කරනවා.
මෙයින් මාධ්යජාලා 40 ක් ජාතිවාදය වපුරන්නට සකස් කළ ඒවා බවත් ඉතිරි 40 ආණ්ඩු විරෝධී ප්රචාර සිදු කිරීමට යොදාගැනීමට සකස් කර ඇති බවටත් තොරතුරු අනාවරණය වී තිබෙන බව ද ඇමැතිවරයා පවසනවා.
ඒ මාධ්යජාලා සම්බන්ධයෙන් වූ ගූගල් සිතියම පවා දැන් ලැබී තිබෙන අතර මේ සම්බන්ධයෙන් රජය කඩිනමින් පරික්ෂණ ආරම්භ කෙරෙනු ඇතැයිද ඇමැතිවරයා අවධාරණය කළා.
ළඟදී අටවා ගත් දේශපාලන පක්ෂයක කණ්ඩායමක් මෙය සංවිධානය කර ඇති බවත් තරුණ කණ්ඩායම් සඳහා මුදල් ගෙවා ඒ වෙනුවෙන් යොදවා ඇති බවයි ඇමැති රාජිත සේනාරත්න වැඩිදුරටත් පැවසුවේ.
රජයේ ප්රවෘත්ති දෙපාර්තමේන්තුවේ ඊයේ(20) පැවැති කැබිනට් තීරණ දැනුම් දීමේ මාධ්ය හමුවට එක්වෙමින් ඔහු මේ බව අනාවරණය කළා.
අනුරාධපුර නගරයේ පෙරේදා (19 දා) සිදු කළ මෙහෙයුමකදී ගණිකා වෘත්තියේ නරත වූ කාන්තාවන් දහ හතර දෙනකු අත්අඩංගුවට ගත් බව අනුරාධපුර පොලිසිය පවසයි.
මේ සියලු දෙනාම අනුරාධපුර නව බස්නැවතුම්පොළ ප්රදේශය අවට පවත්වා ගෙන යන ආයුර්වේද සම්බාහන මධ්යස්ථාන හතරක සේවය කරන අය බව අනාවරණය වී ඇත.
ආයුර්වේද සම්බාහන මධ්යස්ථානවලට පැමිණෙන පිරිස අඩුවීම නිසා ඉන් ලැබෙන ආදායම ප්රමාණවත් නොවීම හේතුවෙන් තමන් රාත්රි කාලයේ ගණිකා වෘත්තියේ නිරත වී අමතර ආදායමක් උපයන බව ද ඔවුන් පොලිසියට ප්රකාශ කොට ඇත.
මෙසේ අත්අඩංගුවට ගත් කාන්තාවෝ අවුරුදු විසි දෙකත් පනස් දෙකත් අතර වයසේ පසුවෙති. ඔවුන් අනුරාධපුර, කෑගල්ල, පුත්තලම, තඹුත්තේගම, මීගමුව, පොළොන්නරුව, ගිරිතලේ මනම්පිටිය සහ කොම්පඤ්ඤවීදිය යන ප්රදේශවල පදිංචිකාරියන් බව පොලිස් පරීක්ෂණවලදී අනාවරණය වී ඇත.
අත්අඩංගුවට ගනු ලැබූ මෙම කාන්තාවන් ඊයේ (20 දා) අධිකරණයට ඉදිරිපත් කිරීමට නියමිතව තිබුණි.
මතභේදයට තුඩු දී ඇති මහබැංකු බැඳුම්කර ගනුදෙනුවේ සැකකරුවන් ලෙස නම් කර සිටින පර්පෙචුවල් ට්රෙෂරීස් සමාගමේ හිමිකරු අර්ජුන් ඇලෝසියස්ගෙන් රාජ කුමාරවරු ඇතුළු නිල් බලකායේ ඇතැම් මන්ත්රීවරුන් මුදල් පමණක් නොව රුසියන් ගණිකාවන්ද ලබාගෙන ඇතැයි නියෝජ්ය ඇමති රන්ජන් රාමනායක සඳහන් කරයි.
පාර්ලිමෙනේතුවේදී රාජ්ය ගිණුම් කාරක සභා විවාදයට එක්වෙමින් ඔහු මෙම අදහස් පල කළේය.
විශ්වාස කටයුතු ආරංචි මාර්ග සදහන් කලේ පසුගිය රාජපක්ෂ රෙජිමයේ පාලන සමය තුල නාමල් ප්රමුඛ නිල් බලකාය තම උත්සව සදහා රුසියානු නැට්ටුක්කාරියන් සහ තම ලිංගික අවශ්යතා සංතර්පණය කර ගැනීම සදහා ගණිකාවන් පවා ගෙන්වාගෙන ඇත්තේ පර්පෙචුවල් ට්රෙෂරීස් සමාගමේ හිමිකරු අර්ජුන් ඇලෝසියස්ගෙන් බවයි.
https://www.youtube.com/watch?v=oVo3Gik51fs
https://www.youtube.com/watch?v=ly7jRQLS9Eg
1954 වසරේදී දෙවන එළිසබත් රැජින ලංකාවේ සංචාරයේදී මීගමු පුරවරයෙන් තෝරාගත් පැරණි තානායම (මේ වන විට ඇති නව තානායම) එවකට රැජිනද පැමිණි පිරිසද නවාතැන් ගත් බවට සාක්ෂි පවා ඇත.
එවන් ප්රභූන් එදා සිට මේ දක්වා ආකර්ෂණය කරගත් විදෙස් සංචාරකයන් අතර ශ්රී ලංකාවේ එක් සුන්දර වෙරළක් ලෙස සුප්රකටව පුංචි රෝමය නමින් නම් පටබැඳි මීගමුව වෙරළ තීරය මේ වන විට වැනසී යමින් පවතී.
ඒ තරමට දිනෙන් දින ලියලා වැඩෙන වෙරළ තීරයේ පිහිටුවා ඇති කරවල වාඩි සහ කරවල කඩ හා විවිධ අස්ථිර සුළු ව්යාපාර නිසාය. මේ නිසා සුන්දර මීගමුව වෙරළ අපායක් බවට පත්වෙමින් පවතී.
පස්වන ජෝර්ඡ් රජතුමාද මෙම තානායමේ නැවතී මීගමුවේ එවකට පැවැති රුවල් ඔරුවලින් විදහා පෑ අලංකාරවත් වූ සුන්දරත්වයේ සිරි නරඹමින් අනතුරුව මීගමුව යන නාමය ලෝක ප්රකට කර තිබුණි.
නිදහසට පෙර සිට ලොව සුපතළව තිබූ මීගමුව වෙරළේ සුන්දරත්වය හේතුවෙන් විදේශිකයන් කොළඹ වරායෙන් සහ කටුනායක ගුවන්තොටුපළින් පිවිසීමෙන් අනතුරුව මීගමුව සංචාරක හෝටල් සහ නිවාඩු නිකේතන තෝරා ගැනීමට පෙළඹී සිට ඇත්තේ අනාදිමත් කාලෙක සිටය.
එවන් සුන්දර වෙරළේ අගය මුදල් කොළවලට සඟවා මේ වන විට දෙතුන් දෙනකුගේ හිතුවක්කාරී ක්රියාවන් නිසා මීගමු මුවදොර අපායට පිවිසෙන මුවදොරක් බවට පත්වෙමින් පවතී.
එලෙස සිදුවන්නේ මහා පරිමාණයෙන් කරවල ව්යාපාරය පවත්වාගෙන යන මුදලාලිලා කිහිප දෙනෙක් ගේ භුක්තියක් බවට මෙම වෙරළ තීරය පත්කර ගැනීමය.
එලෙස අනාවරණය කරන කීප දෙනෙක් කනගාටුවෙන් පවසා සිටින්නේ මෙම උවදුර ගැන වගකිවයුත්තන් නෙත් යොමුවන්නේ නැත්නම් මෙය උඩුදුවන කාරණයක් වෙනවාට සැකයක් නොමැති බවයි.
වෙරළ සංරක්ෂණ නීති රීති පවා මායිම් නොකර අනවසර ගොඩනැඟිලි ඉදිකර ගනිමින් සුළු හා මහා පරිමාණ වශයෙන් කරවල සඳහා කපනු ලබන මසුන්ගේ හිසේ කොටස්, කරමල්, බඩවැල් වැනි ඉවතලන කොටස් සහ මත්ස්ය රුධිරය සහිත ජලය දිනකට විශාල ප්රමාණයක් මුහුදට මුදාහරිමින් සිටී.
වත්මනේ ඉතා ජනප්රිය ජාතික පාසලක් වන මීගමුව නිවුස්ට්ටඩ් බාලිකා විදුහලද වෙරළ ආසන්නයේ පිහිටා ඇත.
ඉහත කී කරවල වාඩි එම විදුහලේ පිටුපස වෙරළ තීරය දක්වා ඇත. මෙම විදුහලේ දූවරුන් ඉගෙනුම ලබා නිවෙස් කරා ගිය පසුද ඔවුන්ගේ ඇඳුම්වලින් කරවල ගඳ නොනැසී පවතී.
මෙම සුන්දර වෙරළ තීරයේ එක් කොටසක මත්ස්ය වෙළෙඳ පොළක් පවත්වාගෙන යන අතර එය පසුගිය රජය සමයේ එවකට විශාල මුදලක් වැයකරමින් තනා වෙළෙඳුන් සන්තක කර දුන් අතර එය මේ වන විට කඩා වැටෙන තත්ත්වයට පත්ව ඇත.
මේ ස්ථානයේ ප්ලාස්ටික් පොලිතින් අපද්රව්යවලින් වෙරළ අපවිත්ර වීමද බහුල වශයෙන් සිදුව තිබේ.
මේ අවට සුළුපන්න ධීවරයන්ගේ මත්ස්ය නෙළීමට අවශ්ය තරමට මුහුදේ මසුන් බෝවීමේ අඩුවක් ඇති බවද සුළුපන්න ධීවරයන් කනස්සල්ලෙන් පවසා සිටියි.
මෙම සියලුම ප්රශ්න ලේසියෙන්ම විස¹ ගැනීමට හැකියාවක් ඇතිවන පරිදි නොබෝ දිනකදී විවෘත කිරීමට සැරසෙන කාමච්චෝඩේ දිවි නැඟුමෙන් ඉදිකළ පොළ තුළ ඉඩකඩ වෙන්වන්නේ නම් නිසි කළමනාකාරීත්වයකට අනුව මීගමුව සුන්දර වෙරළ රැක ගැනීමට හැකිවනු ඇත. වෙරළ සංරක්ෂණ පනතේ ඇති ප්රතිපාදන උපයෝගී කරගෙන මහ නගර සභා සහ නාගරික සංවර්ධන පනත ක්රියාත්මක කර හිතුවක්කාරී කරවල ව්යාපාරිකයන් දෙතුන් දෙනා ඉදිකර ඇති සියලුම ඉදිකිරීම් ඉතා ලේසියෙන්ම ඉවත් කිරීමට හැකියාවක් ඇති බව ප්රදේශවාසීහු කියති.
