රවීට හදිසි අසනීපයක් ඇති බවට ඊයේ කොටසෙන් කියවුනා
එක්සත් ජාතික පක්ෂයේ ප්රතිසංවිධාන කටයුතුවලට අදාළ පක්ෂයේ ප්රධාන තනතුරුවලට පත් කිරීම සම්බන්ධයෙන් අවසන් තීන්දුවක් ගැනීමට ඊයේ (24 දා) රැස්වූ දේශපාලන මණ්ඩලයට නොහැකි වූ අතර ඒ සඳහා අද (25 දා) සවස 05 ට නැවත රැස්වීමට මණ්ඩලය තීරණය කර ඇත.
පක්ෂයේ මහලේකම් සහ භාණ්ඩාගාරික තනතුරුවලට පත්කිරීමේ බලය පක්ෂ නායක රනිල් වික්රමසිංහ මහතාට පැවරෙන බව ඇමැති ගයන්ත කරුණාතිලක පැවසීය.
ඒ අනුව අනෙක් ප්රධාන තනතුරු සම්බන්ධව තීරණයක් ගැනීම අද සිදුවන බවද ඇමැතිවරයා සඳහන් කළේය.
මේ අතර පක්ෂයේ නියෝජ්ය නායකයා පත්කර ගැනීමට නැවත ඡන්දයක් පවත්වන්නේ නම් ඊට මුහුණ දීමට තමා සූදානම් බව සජිත් ප්රේමදාස එහිදී ප්රකාශ කර ඇත.
කෙසේ වෙතත් පක්ෂයේ තනතුරු සම්බන්ධව අද අවසන් තීරණයක් ගෙන එය හෙට (26 දා) පැවැත්වෙන කෘත්යාධිකාරි මණ්ඩල රැස්වීමේදී ඉදිරිපත් කිරීමට නියමිතය.
ඇය මාස දෙක තුනකට සැරයක් ලංකාවට පැමිණියාය. ඒ ස්විස් රටේ සිටය. බිරිය විදේශික කාන්තාවක වුවද ඔහු මේ රටේ සිංහල යුවතියක සමඟ පෙමින් වෙළී සිටියේය.
ඇය නවාතැන් ගත්තේ ද අසේලගේ හෝටල් කාමරයකය.
දෙදෙනා අඹුසැමියන් ලෙස මෙරට ජීවත් වූ අතර අසේලගේ බිරිය මෙරට පැමිණෙද්දී අසේල සිය අනියම් පෙම්වතිය වෙන කොහේ හෝ හෝටලයක නතර කරන්නේ සිය බිරියට ඒ වග නොදැනෙන්නටය.
අසේල මගේ මිතුරකු නොවුණත් අසේලත් මාත් අතර මිතුරුදමක් ඇති වුයේ ඔහුගේ සිංහල පෙම්වතිය නිසාය.
ඒක ලොකු කතාවකි. මෙහි අවසානය වූයේ ඇය අද මගේ පෙම්වතිය වීමය. මෙය කාටත් විශ්වාස කළ නොහැක්කක් වුවද අපේ කතාවේ ඇත්ත එය බව දන්නේ අපි දෙතුන්දෙනා පමණකි.
ශානිකා කොළඹ හැදුණු වැඩුණු කෙල්ලකි. සල්ලිකාරියකි. ඇය සිය පියා හා සොහොයුරන් සමඟ බෙන්තොටට ආවේ විනෝද වීමටය. ඇගේ එක් සොහොයුරකු ගඟේ බෝට්ටු පැදීමට දැඩි ආශාවක් දැක් වූ අයකු නිසා නිවාඩු දිනවල ඔවූහු බෙන්තොටට එති.
නතර වන්නේ අසේලගේ හෝටලයේ ය. එය පිහිටා ඇත්තේ බෙන්තොට ගඟ මායිමේය. එය මනරම් පරිසරයකි.
මාසයට දෙතුන් වතාවක් එන මේ පිරිස හෝටල් හිමි අසේල සමඟ පැවැත්වූයේ දැඩි හිතවත්කමකි.
අසේල ද ඔවුන්ගේ හොඳම හිතවතෙක් විය. සමහරදාට අසේල ඔවුන්ගෙන් මුදල් ගන්නේ ද නැත. එහි අවසාන ප්රතිඵලය වූයේ අසේලත් ශානිකාත් හොර රහසේ පෙම්වතුන් වීමය.
ඒත් ඇය සමඟ එළිපිට පෙම්කිරීමට අසේලට බාධාවක් තිබිණි.
ඒ ඔහුගේ විදේශීය බිරිය නිසාය. ඇය ස්විස් ජාතික කාන්තාවක්වූ ජෙස්මින්ය. ඇය ද විනෝදයට බර ගැහැනියකි.
අසේල මෙන්ම ජෙස්මින් සමඟ ද ශානිකා හිතවත් වූවාය. ඒත් තම සැමියා අසේලත් ශානිකාත් අතර සම්බන්ධයක් ඇති බව ජෙස්මින් සිතුවේ නැත. ඇය සති කිහිපයක් අසේලගේ හෝටලයේ නතරව සිට යළි සිය රටට යන්නීය.
අසේලගේ හෝටලය හදන්නට සම්පූර්ණයෙන්ම වියදම් කර ඇත්තේ ජෙස්මින්ය.
අසේලට ඇය හමු වී ඇත්තේ බෙන්තොට වෙරළේ ඇවිදිමින් සිටියදීය. ඒ කාලයේ අසේලට රැකියාවක් තිබී නැත.
වැල්ලේ හැදුණු වැඩුණු ඔහු වැල්ලට එන සුද්දන් සුද්දියන්ට නොයෙකුත් උදව් කළ “බීච් බෝයි” කෙනෙකි. අවසානයේ අසේලගේ කළු පැහැගැන්වූ සිරුරට වහ වැටුණු ජෙස්මින් ඔහු සමඟ පෙමින් වෙළී පසුව හෝටලයක් තනා ගන්නට අසේලට උදව් කළාය. අද අසේල කොටිපතියෙකි.
කාලයාගේ ඇවෑමෙන් පෙම්වතුන් වූ ඔවූහු මෙරටදී විවාහ වූහ. ඇය අසේල තම රටට රැගෙන ගියාය. ඒ විවාහය කිසිදු අකරතැබ්බයකින් තොරව පවත්වාගෙන ගියද අසේලගේ ජීවිතයට ශානිකා සම්බන්ධවීමත් සමඟ නොයෙකුත් ප්රශ්න ඇති විය.. ඒ අසේල විවාහකයකු බව ශානිකා දැන ගත්දා සිටය.
මිතුරන් දෙතුන් දෙනකු සමඟ මා අසේලගේ හෝටලයට යන්නේ ඔය අතරය. ආගන්තුකයන් වූ අපට අසේල උදව් කළේය. එලෙස ගොඩනැගුණු මිතුරුදම සමහරදාට අවසන් වන්නේ මධුවිතෙන් හොඳ හැටි සප්පායම් වීමෙන් ද අනතුරුවය. අසේල මට ශානිකා හඳුන්වාදුන්නේ එවන් දිනකදීය.
මධුවිතෙන් හෙම්බත්ව සිටි මට ඇය පෙනුණේ කිසිදාක නොදුටු යුවතියක් ලෙසය. එදා අපි හඳුනාගත්තෙමු. ඇය ගැන කිසියම් ආදරයක් මා යටි සිතේ ඉපදුණේ එදාය. ඒත් මම ඇය අසේලගේ පෙම්වතිය බව දැන සිටියෙමි.
එදා පටන් මම මගේ මිතුරෝ දෙතුන් දෙනා ද සමඟ කිහිප වතාවක්ම බෙන්තොට ගියහ. ඒ බෝට්ටු සවාරි සඳහා වුවද මගේ යටි සිත තුළ තිබුණේ ශානිකා දැක ගැනීමේ ආශාවය.
සමහරදාට අසේල “බෝට් යාඩ්” එකේ සිටියේ නැත. ඔහු කිසියම් වැඩක් සඳහා හෝටලයෙන් පිටව ගොස් සිටියේය. එදාට මාත් ශානිකාත් ඇති තරම් සතුටු වූයෙමු. අපේ ආදරය ගලා ගියේ අසේලට හොර රහසේය.
“අසේල අපේ සම්බන්ධය දැන ගත්තොත් ප්රශ්නයක් වෙයි නේද?”
මම දවසක් ඇගෙන් ඇසුවෙමි.
“ඇයි ඒ. එහෙම ප්රශ්නයක් වෙන එකක් නැහැ.”
“ඇයි ඔයා එහෙම කියන්නේ. ඔයා අසේලගේ ගර්ල් ෆ්රෙන්ඩ්නේ.”
“ගර්ල් වුණාට මම එයාගේ වයිෆ් නෙමේනේ…..”
ඇය කීවේ එවන් කතාවක්ය. ඇය කියන දේ ඇත්තය. ඒත් මගේ යටි සිත කියන්නේ මා කරන්නේ වැරැද්දක් බවය.
කොයි මොහොතේ හෝ අසේල මේ බව දැනගනු ඇත. එදාට කුමකින් කුමක් වේ දැයි සිතා ගත නොහැක. කෙසේ වෙතත් අපි දෙදෙනාගේ ආදරය කෙමෙන් කෙමෙන් දලුලා වැඩිණ. ඇයට මාත් මට ඇයත් නොදැක සිටිය නොහැකි තත්ත්වයට අපි දෙදෙනාම පත්වූණෙමු. අපි දෙදෙනා පැය ගණන් ජංගම දුරකථනය ඔස්සේ කතාබහ කළෙමු.
“දැන්නම් මට අසේල එපා වෙලා තියෙන්නේ.”
“එහෙම කියන්න එපා ඔයා එයාගේ ගර්ල් ෆ්රෙන්ඩ්නේ.”
“ඒ එදානේ….. අද මම ඔයාගෙනේ…..”
පෙම්බස් දෙඩුවද අපි කවදා හෝ එකට ජීවත් වෙමු කියා ඇය මට කියා නැත. මම ද එසේ ඇයට පවසා නැත්තෙමි. අසේල නැති දවසට හෝටලයේ සියලු කළමනාකාර කටයුතු සිදුකරන්නේ ඇයයි. ඒ නිසා බියක් සැකක් නැතිව අපි හෝටලය තුළ රිසිසේ හැසිරුණෙමු.
කාලය මෙසේ වේගයෙන් පියඹා ගියේය. එදා සති අන්ත දිනයක් විය. අසේල හෝටලේ නොසිටි බැවින් මාත් ශානිකාත් සිටියේ හෝටල් කාමරයක් තුළය. එකපාරටම අප කාමරයේ දොර විවර විය. අසේල දොර අසල සිටගෙන සිටී. මගේ හදවත වේගයෙන් ගැහෙන්නට විය.
“හායි අසේල. දැන්ද ආවේ.”
ශානිකා බියක් සැකක් නැතිව අසේලගෙන් විමසුවාය. ඒත් අසේල ඊට පිළිතුරක් දුන්නේ නැත. ඔහු ඇය දෙසත් මා දෙසත් බලයි. කුමකින් කුමක් වේද. මා සිත දෙගිඩියාවෙන් පෙළෙයි.
“ගණන් ගන්න එපා”
ඇය හීන් සීරුවේ මිමිනුවාය.
“යමු පහළට”
ඇය මට ආරාධනා කළාය. ඇගේ ආරාධනාව පිළිගත් මම ඇය පසුපසින් උඩුමහලේ පඩිපෙළ බැසගත්තෙමි. පහළ සාලයේ අසේල මේසයක් මත තම දෙපා තබාගෙන සිගරැට්ටුවක් දල්වාගෙන සිටී. අසේලට මුහුණ දීමට තරම් ශක්තියක් මා සිත තුළ නැත. ඒත් ඇය ඊට වඩා එඩිතරය.
“සිට්”
අසේල අත පෙන්වා ඇයට වාඩි වෙන්නට කීවේය. ඇය වාඩිලා ගනිද්දී මම ද තවත් පුටුවකට බර වුයෙමි.
“අපිට කෝපි එකක් ගේන්න.”
කිසිවක් නොවූවාක් මෙන් අසේල ඇයට කීවේය. ඇය වහා නැගිට ගියේ කෝපි ගේන්නය. ඉන් අනතුරුව අසේල මා දෙස බැලුවේය.
“ගනින් සිගරැට් එකක්”
“මම සිගරැට් බොන්නේ නැහැනේ”
“එහෙනම් ෂොට් එකක්”
මම එතැන තිබූ වොඩ්කා බෝතලයෙන් බිඳක් වීදුරුවට දමා ගත්තෙමි.
“චියර්ස්”
අත තිබූ වීදුරුව මගේ වීදුරුවේ වද්දමින් අසේල කීවේය.
“කොහොමහරි උඹ මගේ කෙල්ල අල්ල ගත්තා නේද?”
අසේල මා දෙස බලමින් කීවේ හිනා වෙමින්ය.
“එහෙම දෙයක් නෑ”
“මල්ලි මේ බයිල ගහන්න එපා.
මට කරකියා ගන්නට දෙයක් නැත.
“සොරි අසේල අයියා…..”
අවසානයේ මම එසේ කීවෙමි. අසේල මගේ පිටටද තට්ටුවක් දමා එතැනින් නැගිට්ටේ වීදුරුවට තවත් වොඩ්කා ටිකක් වත්කර ගනිමින්ය.
“ඒකි හොඳ කෙල්ල….. හොඳට බලාගනින්.”
මම ඔහු කියන දේ අසා සිටියෙමි. ඒ හැරෙන්නට මට කළ හැකි දෙයක් ද නොවීය.
“ඒකිට හොඳ කොල්ලෙක් හම්බවුණ එකට මටත් හරි සතුටුයි. අද අපි හොඳට බොමු”
“ඒ ඇයි අසේල අයියේ.”
“නෑ ශානිකාට හොඳ කොල්ලෙක් හම්බවුණානේ.”
“ඒ කිව්වේ. මට තේරෙන්නේ නැහැ.”
“මමත් හිටියේ ශානිකාගෙන් කොයි මොහොතේ ගැල වෙන්නද කියලා. උඹ
ඒක අද ඉෂ්ට කළා. දැන් ඉතින් මම නිදහස්.”
අසේල කියන්නේ දැඩි සතුටකිනි. මට ඒ සතුට ගැන සිතාගන්නට බැරි තරම්ය.
“මම උඹට ඇත්තම කියන්නම්. මට වයිෆ් කෙනෙක් ඉන්නවනේ. අපේ වයිෆ්ටත් මේක ප්රශ්නයක් වෙලා තිබුණේ. දැන් ඒ සේරම හරි. උඹලට ඕන වෙලාවක මගේ හෝටලයේ දොරවල්
ඇරලා හොඳට එන්ජෝයි කරපන්……”
මට අසේලගේ කතාව අදහාගන්නටත් බැරි තරම්ය. වැටුණේ මරඋගුලකවත්ද? මම එසේ සිතුවෙමි. ශානිකා මට ආදෙර්ය, මමත් ඇයට හදපත්ලෙන්ම ආදරය කරමි. අපගේ කතාව අතරට ශානිකා කෝපි ද රැගෙන ආවාය. අසුනෙන් නැගිටගත් අසේල ශානිකාගේ අතට අත දුන්නේය.
“ගුඩ්ලක්”
ශානිකාද ඊට පුදුම වූයේ නැත.
“තෑන්ක්යූ”
ශානිකා ඔහුට සිනහමුසු මුහුණින් පිළිතුරු දුන්නාය. වන්නට යන්නේ කුමක්දැයි මට නොතේරිණි. දෙන්නාම එකතුවී මා අමාරුවේ දැම්මාදැයි මට සිතිණි.
“ශානිකා අදින් පස්සේ ඔයා මෙයාගේ”
මා දෙසට ඇඟිලි දිගුකරමින් අසේල ශානිකාට කීවේය. ශානිකා ඊට ලස්සන හිනාවක් පෑවාය.
“මම දන්නවා කවදහරි මෙහෙම වෙනවා කියාලා” ශානිකා කීවාය.
“මමත් දන්නවා ඔයා කවදහරි මාව දාල යනවා කියලා.” අසේල කීවේය.
“හරි දැන් ප්රශ්නෙ ඉවරයි. මේ හෝටලේ ඕනම තැනක් ඔයාලට ඕපන්. ඉස්සර විදිහට ඔයා මේක බලාගන්න ඕන. මල්ලි උඹට ඕන වෙලාවක මෙහෙ යන්න එන්න පුළුවන්. අපි ජීවත්වෙන්නේ දුක් විඳින්න නෙමේ. එන්ජෝයි කරන්න. ජීවිතේ පුළුවන් තරම් එන්ජෝයි කරන්න. ඒක තමයි ජීවිතේ කියන්නේ.”
මට අසේලව තේරුම් ගැනීමට නොහැකිය. මම ඔවුන් දෙස බලා සිටියෙමි. අප දෙදෙනාට සුබපතා අසේල එතැනින් නැගිට ගියේය. ඒ ඇසිල්ලෙන් ශානිකා මා වෙතට ආවාය.
“දැන් හරිනේ, බයවෙන්න දෙයක් නෑනේ.”
ඇය එසේ කියද්දී මම හිස සොලවා එය පිළිගතිමි.
“තාමත් ඔයා මට ආදරේද? “
“ඔව්. ඒත්.”
“ඇයි ඒත් කිව්වේ.”
“දැන් ඔයා එයාගේ ගර්ල් ෆේරන්ඩ් නෙමේනේ. මගේ විතරමයි නේද?”
“සත්තකින්ම”
ශානිකා මගේ නළල සිපගත්තේ මහත් වූ සෙනෙහසකිනි. එදා ශානිකාත් මමත් අසේලත් ආහාර ගත්තේ එකටය. අප එදා තරම් සතුටු වූ දවසක් නැති තරම්ය.
ඔස්ට්රේලියාවේ ගෝල්ඩ් කෝස්ට්හිදී නිමාවූ 21වැනි පොදු රාජ්ය මණ්ඩලයීය ක්රීඩා උළලේදී මෙතෙක් ශ්රී ලංකාව දිනාගත් වැඩිම පදක්කම් ප්රමාණය සටහන් කළ ක්රීඩක ක්රීඩිකාවන් වෙත මුදල් ත්යාග පිරිනැමීම ජනාධිපති මෛත්රීපාල සිරිසේන මහතාගේ ප්රදානත්වයෙන් අද (25) ජනාධිපති කාර්යාලයේදී පැවැත්වීමට නියමිතය.
මෙවර පොදු රාජ්ය මණ්ඩලයීය ක්රීඩා උළලේදී ශ්රී ලංකාවට රිදී පදක්කමක් සහ ලෝකඩ පදක්කම් 5ක් හිමි විය. බර ඉසිලීමේ ක්රීඩාවෙන් ඉන්දික දිසානායක රිදී පදක්කමක් දිනාගත් අතර දිනූෂා ගොමස්, චතුරංග ලක්මාල් සහ බොක්සිං ක්රීඩාවෙන් අනූෂා කොඩිතුවක්කු, ඉෂාන් බණ්ඩාර සහ තිවංක රණසිංහ ලෝකඩ පදක්කම් දිනා ගත්හ. අද දින පැවැත්වෙන ඇගයීම් උත්සවයේදී ජනාධිපතිතුමන් අතින් ඉන්දික දිසානායකට රුපියල් ලක්ෂ 40ක්ද, අනෙකුත් ක්රීඩක ක්රීඩිකාවන්ට රුපියල් ලක්ෂ 30 බැගින්ද මුදල් ත්යාග පිරීනැමීමට නියමිතය. තවද මේ ජයග්රහණ සඳහා මඟ තනා දුන් පුහුණුකරුවන් වෙත ක්රීඩකයන්ට පිරිනැමෙන මුදලේ වටිනාකමින් සියයට 25ක වටිනාකමකින් යුත් මුදල් ත්යාග පිරිනැමෙනු ඇත.
පොදු රාජ්ය මණ්ඩලයීය ක්රීඩා උළෙලකදී පදක්කම්ලාභීන් වෙත මෙතෙක් ඉතිහාසයේ ලබාදුන් ඉහළම මුදල් ත්යාග මෙය වේ. බ්රිතාන්යයේ පැවැති පොදු රාජ්ය මණ්ඩලයීය රාජ්ය නායක සමුළුව සඳහා දිවයිනෙන් බැහැරව ගොස් සිටි ජනාධිපතිතුමන් පෙරේදා (23) යළි මව්බිමට පැමිණි අතර එතුමන් පැමිණි පසු ඉටුකරන ප්රමුඛ කාර්යක් ලෙස මේ ඇගයීම් වැඩසටහන පැවැත්වීමට කටයුතු යොදා ඇත. මුදල් ත්යාග ලබාදීමේ ප්රමාදයක් ඇති බවට යම් පිරිස් පසුගිය දිනවල විවේඡන එල්ලකර තිබූණ ද මෙතෙක් ඉතිහාසයේ අඩුම කාලයකින් මුදල් ත්යාග ලබාදුන් අවස්ථාව මෙය ලෙස හැඳින්වේ. මේ ජයග්රාහී ක්රීඩකයන් වෙනුවෙන් වැඩබලන ක්රීඩා අමාත්ය ජනාධිපති නීතිඥ ෆයිසර් මුස්තාපා මහතාගේ ප්රධානත්වයෙන්ද ක්රීඩා අමාත්යංශයේ ඩන්කන් වයිට් ශ්රවණගාරයේදී සුවිශේෂී ඇගයීම් උළෙලක් සංවිධාන කර තිබිණි. එවකට හිටපු ක්රීඩා අමාත්ය නීතිඥ දයාසිරි ජයසේකර මහතා මේ අවස්ථාවට එක්විය.
වැඩබලන ක්රීඩා අමාත්ය ජනාධිපති නීතිඥ ෆයිසර් මුස්තාපා මහතා පසුගියදා ක්රීඩා අමාත්යාංශයට අයත් ක්රීඩක ක්රීඩිකාවන් සඳහා වෙන් කෙරී ඇති නේවාසිකාගරයන්හි නිරීක්ෂණ චාරිකාවකද නියැළිණි. එහිදී බර ඉසිලීම් එහා බොක්සිං ක්රීඩක ක්රීඩිකාවන් මුහුණ දෙන ආහාරපාන, නේවාසිකාගර, පුහුණුවීම් ස්ථාන සම්බන්ධ ගැටළු පිළිබඳව සොයා බැලූ ඇමැතිවරයා එම ගැටළු විසදීමට අවශ්ය කඩිනම් පියවර ගැනීමටද කටයුතු කළේය.
දෝළොස්වැනි වසරේ ඉගෙනුම ලබන පාසල් සිසුවියක් පාසල් නිවාඩු ලබා දුන් දිනයේදී පාසල නිමවී නිවෙසට යමින් සිටියදී ඇගේ නිලඇඳුම උස්සා ඇයව බදාගත් තරුණයකු පිලිබඳ පුවතක් ප්රධාන පෙළේ පාසලකින් අපට වාර්තා වෙනවා.
වාර්තා වන පරිදි සිද්ධිය මෙසේයි.
සිසුවිය පාසල නිමවී පයාගල ප්රදේශයේ තම නිවෙසට යමින් සිටියදී එහි සිටි තරුණයෙකු එම සිසුවිය බදාගෙන ගවුම උස්සා ඇගේ රහස් ප්රදේශය අත පත ගාන්නට උත්සහ කල අතර අතවරයට පත් සිසුවියගේ කෑගැසීම නිසා ප්රදේශවාසීන්ට එම තරුණයා අල්ලා ගැනීමට හැකිවී තිබෙනවා.
තරුණයා පොලිසියට කිසිවක් ප්රකාශ නොකිරීම නිසා කිසිදු තොරතුරක් මෙතෙක් අනාවරණය කර ගැනීමට හැකිවී නැති අතර පොලිස් පරීක්ෂක මේ පිළිබඳ පරීක්ෂණ පවත්වමින් සිටිනවා.
පොලිසිය මඟින් අත්අඩංගුවට ගත් මෙම නවුන්තුඩුව ප්රදේශයේ පදිංචි තරුණයා මහෙස්ත්රාත් අධිකරණයට ඉදිරිපත් කිරීමෙන් පසුව ඔහු ලබන මස 04 දා දක්වා රිමාන්ඩ් ගතකරන ලෙස නියෝග කළා.
මේ වසරේ වෙසක් පොහොය දිනය අප්රේල් මාසයේ 29 වන දිනට යෙදෙන අධි පොහොය දිනට යොදා ගැනීම සම්බන්ධයෙන් විවාදාත්මක තත්වයක් මතුවී ඇත. එය තීව්ර වී ඇත්තේ මල්වතු පාර්ශවයේ අනුනායක නියංගොඩ විජිතසිරි හිමියන් විසින් මේ දිනය යොදාගැනීම හාස්යයට කරුණක් බව ප්රකාශකිරීමත් සමගය.
මේ ප්රකාශය සම්බන්ධව රාජ්ය පොහොය කමිටුවේ නිත්ය සාමාජිකයෙක් බව පවසන ප්රශාන්ති මලවිගේ සිය සමාජජාලා ගිණුම ඔස්සේ පිළිතුරක් සටහන් කර ඇති බව දැක ගන්නට ලැබුණි.
මේ ඒ පිළිතුරයි.
ශලිනි තාරකා කියන්නේ ක්ෂේත්රයේ ඉන්න දක්ෂ රංගන ශිල්පිණියක්.
පසුගිය කාලයේ ශලිනි තාරකා ගැන වැඩි වැඩියෙන් කතාවෙන්න පටන් ගත්තේ රංගන ශිල්පී දසුන් නිෂාන්ගේ මරණයත් සමගයි.
කොහොමවුනත් නැවත ඒ ගැන කතාබහක් ඇතිවී තිබෙන්නේ ශලිනි ඇගේ කොණ්ඩා විලාසිතාව වෙනස් කර තිබෙන අයුරු සමාජ ජාල මාධ්යයන්ට යොමු කර තිබීමත් සමගයි.
මේ නිසා එම ඡායාරූපයට ඇගේ ප්රේක්ෂකයින් විවිධ අදහස් දක්වා තිබුණා.
මේ අතර එම ඡායාරූපයට අයෙක් අදහස් දක්වා තිබුණේ “අරූව මරාගත්තානේ” කියලායි. එම අදහසට ප්රතිචාර ලෙස ශලිනි දක්වා තිබුණේ “ගොන් පාර්ට් දාන්න එපා මල්ලි තාමත්” කියලායි.
ශ්රී ලංකා නිදහස් පක්ෂයේ ප්රතිසංවිධාන කටයුතු සම්බන්ධයෙන් තීරණයක් ගැනීමට විශේෂ කමිටුවක් ද මෙහිදී පත් කෙරුණා. ශ්රී ලංකා නිදහස් පක්ෂ මධ්යම කාරක සභාවේදී සාකච්ඡා කළ කරුණු පිළිබඳ මාධ්ය වෙත අදහස් දක්වමින් හිටපු පාර්ලිමේන්තු මන්ත්රී ලලිත් දිසානායක මේ බව කියා සිටියා.
ඝාතනයට ලක් වූ යාපනයේ විද්යා ශිවලෝගනාදන් දැරියගේ වැඩිමහල් සොහොයුරිය වන නිෂාන්ති සිවලෝගනාදන්ෙ වෙත සංවර්ධන නිලධාරි පත්වීමක් ප්රදානය කර තිබෙනවා. යාපනය විශ්වවිද්යාලයේ උපාධිධාරිණියක් වන ඇයට ජනාධිපති මෛත්රීපාල සිරිසේන මහතා විසින් ඊයේ (24) ජනාධිපති කාර්යාලයේදී මෙම පත්වීම ප්රධානය කර තිබුණා.
පසුගිය වසරේදී ජනාධිපතිවරයා වව්නියාවේ සිදුකළ සංචාරයක් අතරතුරදී විද්යා දැරියගේ නිවසට ද ගොස් එම පවුලේ අයගේ සුවදුක් විමසූ අවස්ථාවේ ලබාදුන් පොරොන්දුවක් අනුවයි විද්යා දැරියගේ වැඩිමහල් සහෝදරිය වන නිෂාන්ති ශිවලෝගනාදන් වෙත මෙම පත්වීම ලබාදීමට කටයුතු කර තිබුණේ.
විද්යා ශිවලෝගනාදන් පදනමේ උප සභාපතිනි ප්රවින සිනමා ශිල්පිනී සුවිනීතා වීරසිංහ සහ විද්යා දැරියගේ මව වන සරස්වති ශිවලෝගනාදන් ද මෙම අවස්ථාවට එක්ව සිටියා.
ශ්රී ලංකා නිදහස් පක්ෂයේ පුර්ණ ප්රතිසංවිධානයක් කිරීමට ඊයේ (24) පැවති මධ්යම කාරක සභා රැස්වීමේදී තීරණය කල බව පාර්ලිමේන්තු මන්ත්රී චන්දිම වීරක්කොඩි අප කළ විමසිමකදී කියා සිටියා.
ජනාධිපති මෛත්රිපාල සිරිසේන මහතාගේ ප්රධානත්වයෙන් ජනපති නිල නිවසේදී ඊයේ රැස්වූ නිදහස් පක්ෂ මධ්යම කාරක සභාව තීරණය කළේ පක්ෂයේ පුර්ණ ප්රතිසංවිධානය සම්බන්ධයෙන් විශේෂ කමිටුවක් පත් කිරීමටයි. එම කමිටුව ලබන මැයි මස 08 වෙනිදා හෝ 15 වෙනිදා අතර පත් කොට පක්ෂ ප්රතිසංවිධානය සම්බන්ධයෙන් අවශ්ය තීන්දු තීරණ ගනු ඇති බවයි මෙහිදී මන්ත්රීවරයා වැඩිදුරටත් කියා සිටියේ.
එක්සත් ජාතික පක්ෂය සමග ශ්රී ලංකා නිදහස් පක්ෂය තවදුරටත් සන්ධාන ආණ්ඩුවේ රැදී සිටිනවාද යන්න ගැන මෙම කමිටුව මගින් අවසන් තීරණය ගැනීමට නියමිත බවයි මන්ත්රීවරයා මෙහිදී වැඩි දුරටත් ප්රකාශ කර සිටියේ.
පසුගියදා රජයෙන් ඉවත්වූ තමන් ඇතුළු නිදහස් පක්ෂයේ මන්ත්රීවරුන් 16 දෙනා ලබන මැයි මස 08 වනදායින් ආරම්භ වීමට නියමිත පාර්ලිමේන්තු නව සැසිවාරයේ සිට විපක්ෂයේ අසුන් ගන්නා බවත් ඒ සම්බන්ධයෙන් ජනාධිපතිවරයා සිය අවසරය ඊයේ ලබාදුන් බවද චන්දිම වීරක්කොඩි මන්ත්රීවරයා කියා සිටියා.
2017 වසරේදී දක්ෂතා අතර සිටියද පත් වූ නව තේරීම් කමිටුව තමන්ට කිසිදු අවස්ථාවක් ලබා නොදී ජාතික ක්රිකට් කණ්ඩායමෙන් ඉවත් කළ බව ශ්රී ලංකා කණ්ඩායමේ වේගපන්දු යවන ක්රීඩක ලසිත් මාලිංග පවසයි.
ඉන්දියාවේ සිට වැඩිදුරටත් අදහස් දැක්වූ මාලිංග “2017 දී මාව කණ්ඩායමෙන් ඉවත් කරන විට මම 2017 වර්ෂයේ ලෝකයේ විස්සයි – 20 වැඩිම කඩුලු ලාභීන් අතර තුන්වැනි තැන සිටියා. ලංකාවේ ක්රීඩකයන් අතර පළමුවැනි ස්ථානයේ සිටියා. එසේ සිටිද්දී තමයි නව තේරීම් කමිටුව මාව ඉවත් කළේ. මම තේරීම් කමිටුවෙන් මේ ගැන අසුවාම ඔවුන් ප්රකාශ කළේ කුඩා පරිමාණ තරගාවලිවලදී අලුත් ක්රීඩකයන් අත්හදා බැලීම සඳහා මාව ඉවත් කළා කියලයි. නමුත් ඔවුන් ඉතා වැදගත් තරගාවලියක් වූ නිදහස් කුසලාන විස්සයි-20 තරගාවලියෙනුත් මාව ඉවත් කළා. නිදහස් කුසලාන තරගාවලියට පෙර පැවැති අන්තර් සමාජ විස්සයි-20 ක්රිකට් තරගාවලියේ මම වැඩිම කඩුලු ලාභියා බවටත් පත් වුණා. මම දන්නේ නැහැ නිදහස් කුසලාන තරගාවලියෙන් මාව ඉවත් කරන්නට ඔවුන්ට සාධාරණ හේතුවක් තිබුණද කියලා” යනුවෙන් සඳහන් කර ඇත.
කෙසේ වෙතත් මෙවර අයි.පී.එල්. තරගාවලියේ මුම්බායි ඉන්ඩියන්ස් කණ්ඩායමේ පන්දු යවන්නන්ගේ උපදේශක ලෙස කටයුතු කිරීමට කළ ආරාධනාව ඉතාමත් සතුටින් භාරගත් බව පැවසූ මාලිංග තම ඉදිරි සැලසුම් පිළිබදව ද අදහස් දක්වමින් “අයි.පී.එල්. තරගාවලිය මැයි 26 දා නිමා වෙනවා. ඒ නිසා එළැඹෙන දකුණු අප්රිකානු ශ්රී ලංකා සංචාරයේදී මාව කණ්ඩායමට තෝරාගත්තොත් මට පුළුවන් උපරිමය රට වෙනුවෙන් කරනවා. කෙසේ වෙතත් මම 2019 හා 2020 වර්ෂවල හොඳින් ක්රීඩා කරල රටට ජයග්රහණයක් ගේන එක තමයි මගේ එකම බලාපොරොත්තුව. දැනට මම හොද ශරීර සෞඛ්යයෙන් පුහුණුවීම් කටයුතු හොඳින් සිදු කරමින් ඉන්නවා” යනුවෙන් ප්රකාශ කරන ලදී.
අධිකරණ ක්ෂේත්රය දැඩිව විවේචනය කරමින් නීතිඥ සුගන්ධිකා ප්රනාන්දු ඉකුත්දා කළ ප්රකාශය සත්ය ගවේෂකයෝ සංවිධානය දැඩිව හෙළා දකින අතර මෙම ප්රකාශය සම්බන්ධයෙන් තමන් අදාළ ආයතන වෙත කරුණු වාර්තා කරන බව එහි කැඳවුම්කරු නීතිඥ ප්රේමනාත් සී දොලේවත්ත පැවසුවේය.
ඇතැම් විනිසුරුවරුන්, අධිකරණ නිලධාරීන් මෙන්ම නීතිඥවරුන් ද දූෂිත ක්රියාවල නිරත වන බව නීතිඥ සුගන්ධිකා ප්රනාන්දු ප්රකාශ කර ඇති අතර පොලිසිය සහ නීතිපති දෙපාර්තමේන්තුව ද ඇතැම් අවස්ථාවලදී දුෂිත ලෙස කටයුතු කරන බවයි ඇය වැඩිදුරටත් ප්රකාශ කරඇත.
මෙම ප්රකාශය හුදෙක් දේශපාලන උවමනාවක් මත සිදු කළ එකක් බවට ද නීතිඥ ප්රේමනාත් සී දොලේවත්ත චෝදනා කලහ.
නීතිඥ සුගන්ධිකා ප්රනාන්දු සිදු කර ඇති මෙම ප්රකාශයෙන් මෙරට අධිකරණය පිළිබඳ ඇති ජනතා විශ්වාසය ද හෑල්ලූවට ලක්වන බවයි ප්රකාශ කෙරුණේය.
දකුණු ආසියාවේ සෙසු රටවල් සමඟ සසඳන විට ශ්රී ලංකාව මන්දපෝෂණය අඩුම රට ලෙස යහපත් වාර්තාවක් දිනාගෙන ඇතැයි සෞඛ්ය අමාත්යාංශයේ පෝෂණ අංශයේ අධ්යක්ෂිකා විශේෂඥ වෛද්ය රසාංජලී හෙට්ටිආරච්චි මහත්මිය අවධාරණය කරයි. මන්දපෝෂණය අතින් ශ්රී ලංකාව දකුණු ආසියාවේ දෙවැනි රට ලෙස වාර්තා වී ඇතැයි පළ වන ප්රවෘත්තිය අසත්ය හා සාවද්ය ආරංචියක් යැයිද ඇය අවධාරණය කරයි. මන්දපෝෂණය අඩුම රට ලෙස ශ්රී ලංකාව දකුණු අාසියාවේ ඉහළින්ම සිටින බවත් ඇය පෙන්වා දෙයි.
ඒ පිළිබඳව විශේෂ ප්රකාශයක් සිදුකළ අධ්යක්ෂවරිය මෙසේද පැවසීය.
එක්සත් ජාතීන්ගේ ලෝක ආහාර හා කෘෂිකර්ම සංවිධානය මඟින් ලෝක ආහාර සුරක්ෂිතතාව පිළිබඳ 2017 වාර්ෂික වාර්තාවෙහි ආසියා කලාපීය රටවල් අතර “ශ්රී ලංකාවට මන්දපෝෂණයෙන් දෙවැනි තැන හිමි” වන බවට පසුගියදා පුවත්පතක පළ වූ වාර්තාව ඉංග්රීසියෙන් සඳහන් එම ප්රතිඵලය වරදවා සිංහලයට නැඟීමෙන් පළ කරන ලද සාවද්ය වාර්තාවකි. ඉංග්රීසියෙන් පළ වූ උක්ත වාර්තාවෙහි එම කාරණය සඳහන් වන්නේ under Nutrition යනුවෙනි. එහි අරුත පුද්ගලයකු දිනකට ලබාගන්නා ආහාර ප්රමාණයෙන් එම පුද්ගලයාගේ දෛනික ශක්ති අවශ්යතාව සපිරෙන තරම් පෝෂණයක් නොලැබීම යන්නය. මේ වාර්තාව පරිවර්තනය කිරීමේදී එම අදහස සාවද්ය ලෙස “මන්ද පෝෂණය” යනුවෙන් සඳහන් කර ඇති නමුත්, මන්දපෝෂණය යන්නෙහි ඉංග්රීසි අර්ථය Mal nutrition යන්නයි.
එකී වාර්තාවෙහි Mal nutrition යන අංශය යටතේ දත්තද සඳහන් කර ඇති නමුදු මෙකී පුවත්පත් වාර්තාවෙහි ඒ තොරතුරු සඳහන් කර නැත. ඒ වාර්තාවට අනුව ශ්රී ලංකාවේ දීර්ඝකාලීන මන්දපෝෂණ තත්ත්වය 14.7%කි. එය ඉන්දියාවේ 38.4%ක් වන අතර, ඇෆ්ගනිස්තානයෙහි 40.9%ක්, බංග්ලාදේශයේ 36%ක්, භූතානයේ 33.6%ක්, නේපාලය 37%ක් සහ පාකිස්තානයෙහි 45%ක්ද වේ.
ඒ අනුව ශ්රී ලංකාවේ දීර්ඝකාලීන මන්දපෝෂණ තත්ත්වයෙන් පෙළෙන සංඛ්යාව දකුණු ආසියා කලාපයේ සෙසු රටවල් සියල්ලට වඩා අඩුය. කෙසේ වෙතත් මේ වාර්තා විවිධ රටවලින් ලබාගත් දත්ත අනුව සකස් කරන ලද ඒවා වන හෙයින් ඒවායෙහි නිවැරැදි භාවය පිළිබඳ 100% ක් තහවුරු කළ නොහැකි බවද එම වාර්තාවෙහි සඳහන් වේ.
ඉහත ප්රවෘත්තිය පිළිබඳ සත්ය තොරතුරු සඳහන් වාර්තාවක් මාධ්ය වෙත නිකුත් කිරීමට සෞඛ්ය අධ්යක්ෂ ජනරාල්වරයා කටයුතු යොදා ඇතැයි ද අධ්යක්ෂකවරිය වැඩි දුරටත් සඳහන් කළාය.
2016 දී ශ්රී ලංකාවේ සිදු කරන ලද ජන විකාශ හා සෞඛ්ය සමීක්ෂණ වාර්තාවට අනුව මෙරට කෙටිකාලීන මන්දපෝෂණය 15.1%ක් වන බවද අධ්යක්ෂවරිය කීවාය.
වැසිකිළි දෙකක සූක්ෂම ලෙස කැමරා සවිකර දොස්තරවරියන්ගේ නිරුවත බැලූ වෛද්ය වරයෙකු පිලිබඳ පුවතක් ලංකාවේ ප්රසිද්ධ ශික්ෂණ රෝහලෙන් අප වෙත වාර්තා වෙනවා.
මෙම සිදුවීම යට ගැසෙමින් පවතින බවද වසර ගණනාවක පටන්ම ක්රියාත්මක කෙරෙන බවද අනාවරණය වී තිබේ. කෙසේ නමුත් තොරතුරු ලබා දුන් පුද්ගලයා ප්රදේශ හා රෝහලේ නම පිළිබද අප වෙත හෙළි නොකිරීමට දන්වා තිබේ.
වෛද්යවරයා විසින් පටිගත කල වීඩියෝවක් පහතින් ඇත. පහත විදියෝවෙහි 5 වන තත්පරයේ සිට නරඹන්න.
මෙම රෝහලේ මීට දින කිහිපයකට ඉහතදී ප්රධාන කාර්යාල වැසි කිළියේ සහ වෛද්යවරුන් වෙනුවෙන් පමණක් ඇති ආපන ශාලාවේ වැසිකිළියක මෙම කැමරා සවිකර තිබියදී සොයා ගැනීමට හැකි වූ බවත් එම කැමරා සවිකර
ඇත්තේ මෙම රෝහලේ සේවය කරන වෛද්ය නිලධාරියෙකු බව මේ වනවිට තහවුරු වී ඇති බවද රෝහලේ සේවක සේවිකාවෝ පැවසුවා.
මෙම රෝහලේ සෙසු සියලු වෛද්යවරුන්ද අදාළ සිද්ධිය යට ගැසිමට මුනිවත රකිමින් සිටින බවත් වෙනත් කාර්ය මණ්ඩලයක නිලධාරියෙකුට මෙවැනි චෝදනාවක් එල්ල වූයේ නම් තත්ත්වය මීට වඩා බරපතළ වන බවද ඔවුහු පෙන්වා දුන්නා.
මෙම සිද්ධියට සෘජුවම සම්බන්ධ වී ඇත්තේ වෛද්යවරයෙකු බව මේ වන විට සාක්ෂි ඇතුවම තහවුරු වී ඇති බවත් ඔහු තවමත් මෙම රෝහලේ සේවයේ නිරත වනබවද ඔවුහු සඳහන් කළහ.
මෙම වෛද්යවරයා මීට වසර ගණනකට ඉහතදීත් මෙම කැමරා සවිකර තිබෙන බවට තොරතුරු ලැබි තිබෙන බවද ඔවුහු සඳහන් කළහ.
වෛද්යවරුන්ගේ ආපනශාලාවට යාමට වෙනත් කිසිවෙකුට හැකියාවක් නොමැති බවත් මෙම කැමරා සවි කිරීම වෛද්යවරයෙකු විසින් සිදු කළ යුතු බවද ඔවුහු පෙන්වා දුන්හ.
මේ හේතුවෙන් වෛද්යවරියන් විශාල පිරිසක් අපහසුතාවයට පත්වන්නට ඇති බවද ඔවුහු පැවැසූහ.
රෝහල් ප්රධාන කාර්යාල වැසිකිළිය රෝහල් කාර්ය මණ්ඩලයේ ලිපිකාරිනියන් කිහිපදෙනෙකු පරිහරණය කරන බවත් එම ලිපිකාරිනි යන්ගේ දර්ශන ලබා ගැනීම සඳහා වෛද්යවරයා මෙම කැමරා සවි කරන්නට ඇති බවද ඔවුහු පැවැසූහ.
මේ වනවිට තවත් පෙමණ වැසිකිළි ප්රමාණයක මෙවැනි සුක්ෂම කැමරා සවිකර ඇත්ද යන්න සම්බන්ධයෙන් සැක මතුව තිබෙන බවත් කඩිනමින් මෙම වෛද්යවරයා සම්බන්ධයෙන් නීතිය ක්රියාත්මක කරන ලෙස මෙම රෝහලේ විවිධ පාර්ශ්ව නියෝජනය කරන සේවක සේවිකාවෝ අධ්යක්ෂවරයාගෙන් ඉල්ලීමක් කරති.
මේ සම්බන්ධයෙන් මෙම රෝහලේ අධ්යක්ෂ වෛද්ය මහතාගෙන් දුරකථනයෙන් කළ විමසීමකදී ඔහු මෙසේ කියා සිටියේය.
මට වෛද්යවරයෙක් කියලා මෙම සිද්ධිය යට ගහන්න කිසිම අවශ්යතාවයක් නැහැ. මම මේ වනවිට මේ සිද්ධිය සම්බන්ධව සෞඛ්ය අමාත්යංශය ලේකම්වරයාට ලිඛිත දැන්වීමක් කර තිබෙනවා.
ඒ අනුව ඉදිරියේදී අදාළ වෛද්යවරයාට විරුද්ධව නීතිය ක්රියාත්මක වෙයි. විනය විරෝධී වැඩ කරන කවුරුත් බේරන්න මට කිසිදු අවශ්යතාවයක් නැහැ. මම මේ පිළිබඳව පොලීසියටත් පැමිණිලි කර තිබෙනවා.
මේ සම්බන්ධයෙන් කළ සොයා බැලීමකදී පොලීසියේ අපරාධ ස්ථානාගාරය මගින් රෝහලේ වැසිකිළි දෙකක සවිකර තිබූ බව කියන කුඩා සූක්ෂම වර්ගයේ කැමරා 02ක් පොලිස් භාරයට ගෙන ඇති බව අනාවරණය විය.
මේ සම්බන්ධයෙන් පියවර ගැනීමට අධ්යක්ෂවරයා සමත් වී නැති බවට මෙම රෝහලේ සේවය කරන කාර්ය මණ්ඩල කිහිපයක නිලධාරීන් චෝදනා කරයි.
අනුදැනුමකින් තොරව පරිපාලන රැස්වීම් පවත්වා ගෙන යාම තහන්ම් කරන ලෙස ඉල්ලා බෞද්ධයා මාධ්ය ජාලයේ සභාපති,අධ්යක්ෂක -ශ්රි සම්බෝධි පදනම හා ශ්රි සම්බෝධි විහාරාධිපති පුජ්ය බොරලන්දේ වජිර හිමියන් විසින් අද (24) කුරුඳුවත්ත පොලිසියේ පැමිණිල්ලක් කොට ඇති බව කුරුඳුවත්ත පොලිසියේ ප්රකාශයෙක් සඳහන් කළා.
CIB 67/228 දරණ පැමිණිලි අංකය යටතේ මෙම පැමිණිල්ල කර ඇති බවයි ඔහු වැඩිදුරටත් සඳහන්කළේ.
හිටපු බෞද්ධයා මාධ්ය ජාලයේ සභාපති,ශ්රි සම්බෝධි පදනම මෙන්ම් ශ්රි සම්බෝධි විහාරාධිපති පුජ්යපාද දරණාගම කුසලධම්ම නාහිමිපාණන් වහන්සේගේ අපවත් වීමත් සමඟ බෞද්ධයා නාලිකාවේ හා සම්බෝධි පදනමේ පාලනය අත්පත් කර ගැනීමට කිසියම් පිරිසක් විසින් කටයුතු කළ බවට පසුගිය කාලය පුරාම විවිධ වාර්තා පළ වූ අතරම මේ වන විට එම තත්ත්වය උග්ර අතර හැරි ඇති බවයි සඳහන් වන්නේ.
මේ සම්බන්ධයෙන් තොරතුරු දැන ගැනීමට විහාරස්ථානයේ වගකිව යුතු පුද්ගලයෙක් සම්බන්ධ කර ගැනීමට අප විසින් දැරූ උත්සහය ද ව්යර්ථ විය.