Blog

හිටපු ජනාධිපති මහින්ද රාජපක්ෂට ලොබියේ දී සුසිල් සහ සුසන්ත පුංචිනිලමේ මුණගැසුණේය.

“දැන් ඉතින් ආණ්ඩුවේ හිටියා ඇති. දැන්වත් ඇවිත් ඒකාබද්ධ විපක්ෂයට එකතු වෙන්න” මහින්ද සුසිල්ට කීවේය.

“ඒක තමයි සර්. අපි හෙට ජනාධිපතිතුමත් මුණගැහෙනවා. පක්ෂයක් විදියට එකතු වෙලා ගත්තු තීන්දුව එක කට්ටියක් එකතු වෙලා වෙනස් කළේ කොහොමද කියලා අපි එතුමාගෙන් අහනවා” සුසිල් පිළිතුරු දුන්නේය.

විවාදය නිමවා පාර්ලිමේන්තුවෙන් පිටතට එමින් සිටි පියල් නිශාන්තට ආනන්ද අලුත්ගමගේ මුණගැසුණේය.

ආනන්ද පසුගිය දිනවල සිටියේ රනිල් විවේචනය කරමින් විශ්වාසභංග යෝජනාවට සහාය දිය යුතුය යන මතයේය.

එහෙත් ඔහු අවසාන මොහොතේ රනිල්ට පක්ෂව ඡන්දය පාව්චිච කළේය.

සාක්කුවෙන් පන්දහසේ කොළයක් අතට ගත් පියල් “මන්ත්‍රිතුමා මේවටද ඡන්දෙ දුන්නේ?” ඇසුවද ආනන්ද කිසිවක් කීවේ නැත.

විශ්වාසභංග යෝජනාවෙන් අනතුරුව ඒකාබද්ධ විපක්ෂයේ මන්ත්‍රීවරුන් පිරිස මහින්දානන්දගේ නිවසෙහි රැස් ව ඉදිරි කටයුතු සම්බන්ධයෙන් විශේෂ සාකච්ඡාවක් පැවැත්වූහ.

විශ්වාසභංග යෝජනාව පරාජයට පත් වූවත් ආණ්ඩුවට මෙතෙක් කලක් පාර්ලිමේන්තුවේ තිබුනු තුනෙන් දෙකක බලය අහිමි වීමේ වාසිය සම්බන්ධයෙන් මෙහිදී විශේෂයෙන් අදහස් දැක්විණි.

බ්‍රහස්පතින්දා උදෑසන සුසිල්, එස්බී, සුසන්ත, ඩිලාන් ඇතුළු පිරිසක් ජනාධිපතිවරයා මුණගැසීමට ගියහ.

එහිදී ඔවුන් ජනාධිපතිවරයාගෙන් ඉල්ලා සිටියේ මහින්ද අමරවීර සහ දුමින්ද දිසානායක සන්ධානයේ සහ නිදහස් පක්ෂයේ ලේකම් තනතුරුවලින් ඉවත් කරන ලෙසය.

විශ්වාසභංගයට පක්ෂව ඡන්දය ප්‍රකාශ කරන බවට පක්ෂය විසින් තීන්දුවක් ගෙන තිබිය දී ඡන්දය භාවිත කිරීමෙන් වැලකීමට පිරිසක් ගත් තීන්දුව සම්බන්ධයෙන් මෙහිදී ඔවුන් ජනාධිපතිවරයා හමුවේ අප්‍රසාදය පළ කර තිබේ.

ශ්‍රී ලංකා නිදහස් පක්ෂය යන්තමින් හෝ රැකුණේ විශ්වාසභංග යෝජනාවට පක්ෂව ඡන්දය ප්‍රකාශ කළ තමන් 16 දෙනා නිසා බවත් ඡන්දය දීමෙන් වැලකුණු පිරිස එසේ කළේ මුදල්වලට කියා ජනතාව විශ්වාස කරන බවත් ඔවුහූ පෙන්වා දුන්හ.

එහිදී ජනාධිපතිවරයා කීවේ විශ්වාසභංගට පක්ෂව ඡන්දය දීමට ගත් තීන්දුව හොඳ බවය.

ජනාධිපතිවරයා මුණගැසී එන ඇමැතිවරුන් පිරිසට මහින්ද සමරසිංහ මුණගැසුණි.

“ඇමැතිතුමා කෝ අපිට නැද්ද හම්බ වෙච්ච එවාගෙන් ගාණක්?” සුසන්ත ඇසුවේය.

“අනේ නිකා ඉන්න. ඔයා විතරයි ඔහොමවත් කතා කළේ. අනෙක් අය අපේ මූණවත් බලන්නේ නැහැ” සමරසිංහ පිළිතුරු දුන්නේය.

 

ජනපති මෛත්‍රි නියමයෙන් වහාම ක්‍රියාත්මක වන පරිදි වී ගොවීන්ට රුපියල් 500 කට සහ අතිරේක භෝග වගාකරුවන්ට රුපියල් 1500කට පොහොර ලබාදීම අද මධ්‍යම රාත්‍රියේ සිට ක්‍රියාත්මක කිරීමට තීරණය කර තිබෙනවා..

අග්‍රාමාත්‍ය රනිල් වික්‍රමසිහ මහතාට එරෙහි විශ්වාසභංග යෝජනාව වැඩි ඡන්ද 46  කින් පරාජය වුනා. පසුගිය දින කිහිපයේම මෙරට ජනතාවගේ කතාබහට ලක්වුණු විශ්වාස භංගය පරාජය වීමත් සමඟ ඒ ගැන විවිධ අදහස් සමාජ ජාලා හරහාත් ඉතා සීඝ්‍රයෙන් පැතිර ගියා. මේ දවස්වල සමාජ ජාලා වල වැඩියෙන්ම හුවමාරුවන පෝස්ට් එකතුව පහතින්

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

නියෝජ්‍ය කතානායක තිලංග සුමතිපාලට එරෙහිව වහාම විශ්වාසභංගයක් ගෙන ඒමට එක්සත් ජාතික පක්ෂය තීරණය කර තිබෙනවා.

පාර්ලිමේන්තුව තුලදී ස්වාධීනව කටයුතු කිරීම නියෝජ්‍ය කතානායකගේ වගකීම වුවත් ඔහු අගමැතිවරයාට හා ආණ්ඩුවට එරෙහිව ඒකාබද්ධ විපක්ෂ ගෙන ආ විශ්වාසභංගයේදී මුළුමනින්ම පක්ෂග්‍රාහීව කටයුතු කල බවයි එජාපය පවසන්නේ.

එහෙයින් නියෝජ්‍ය කතානායකවරයාට එරෙහිව පාර්ලිමේන්තුවට යෝජනාවක් ගෙන ඒමට එක්සත් ජාතික පක්ෂය කටයුතු කරන බව එජාප මන්ත්‍රීවරුන් අවධාරණය කරනවා.

කෙසේ වෙතත් ඊයේ පැවති විශ්වාසභංග විවාදයේදී අදහස් දැක්වූ නියෝජ්‍ය කතානායක තිලංග සුමතිපාල පැවසුවේ, තම කණ්ඩායම විශ්වාසභංගයට පක්ෂවීමට තීරණය කලේ ශ්‍රීලනිප සභාපති, ජනාධිපති මෛත්‍රීපාල සිරිසේනගේ උපදෙස් අනුව බවයි.

මේ අතර තිලංග සුමතිපාල සහ නවීන් දිසානායක යන දෙදෙනා ඊයේ රාත්‍රියේ පාර්ලිමේන්තුවේ දී ගැටුණු බව අප මීට පෙර වාර්තා කළා.

මේ සම්බන්ධයෙන් නියෝජ්‍ය කතානායක තිලංග සුමතිපාල විසින් පොලිසියට පැමිණිල්ලක් ද කර ඇති බවයි අද දිනයේ වාර්තා වන්නේ.

ඊයේ පාර්ලිමේන්තුවේදී විශ්වාසභංග යෝජනා විවාදය අවසන්වී තමා පාර්ලිමේන්තු සභා ගැබෙන් පිටව එද්දී ඇමති නවීන් දිසානායක තමාට බැණවැදී තර්ජනය කළ බවත් පසුව පහරදෙන්නට ආ බවත් දක්වමින් ඔහු මෙම පැමිණිල්ල කර තිබෙනවා.

මේ සම්බන්ධයෙන් අද පැවැත්වෙන පක්ෂ නායක රැස්වීමේදී කරුණු දැක්වීමට බලාපොරොත්තුවන බවත් එය කතානායකවරයාටද දන්වා ඇති බවත් ඔහු පවසනවා.

අග‍්‍රාමාත්‍යවරයාට එරෙහි විශ්වාසභංගය පිළිබඳ ඡන්ද විමසීමෙන් පසු අමාත්‍ය නවීන් දිසානායක සමග ඊයේ ඇතිවූ ගැටුම්කාරී තත්ත්වය සම්බන්ධයෙන් අද (05) පැවැත්වෙන පක්ෂ නායක රැස්වීමේදී ද කරුණු දක්වන බව නියෝජ්‍ය කථානායක තිලංග සුමතිපාල පවසයි. තමන් මේ සම්බන්ධයෙන් කතානායකවරයාට ද පැමිණිලි කළ බව නියෝජ්‍ය කතානායක තිලංග සුමතිපාල කියා සිටී.

අමාත්‍ය නවීන් දිසානායක හා නියෝජ්‍ය කතානායක තිලංග සුමතිපාල අතර මෙම ගැටුම ඇතිවී තිබෙන්නේ පාර්ලිමේන්තු පුස්තකාල පරිශ‍්‍රය අසලදී ය.

රනිල්ට එරෙහි විස්වාසභංග විවාදය අතරතුර ශ්‍රී ලංකා පොදුජන පෙරමුණ ප්‍රධාන ඒකාබද්ධ විපක්ෂයේ බැසිල් රාජපක්ෂ මහතා නියෝජනය කරන පාර්ශවය එම කණ්ඩායමේම තවත් මන්ත්‍රීවරුන් පිරිසකට දුරකථන ඇමතුම් ලබා දෙමින් ඒ අය දේශපාලන වශයෙන් හාස්‍යට ලක් කිරීම හේතුවෙන් පාර්ලිමේන්තුවේ විපක්ෂ “ලොබිය” උණුසුම් වී එකම ගාලගෝට්ටියක් බවට පත්ව තිබු බව පාර්ලිමේන්තුවේ විශේෂ වාර්තාකරුවෙකු සදහන් කළා.

මේ “Bite Call” ලැබි ඇත්තේ ජාතික නිදහස් පෙරමුණේ නායක විමල් වීරවංශ,පිවිතුරු හෙළ උරුමයේ නායක උදය ගම්මන්පිල,මාතර දිස්ත්‍රික් පාර්ලිමේන්තු මන්ත්‍රී ඩලස් අලහප්පෙරුම සහ මහනුවර දිස්ත්‍රික් පාර්ලිමේන්තු මන්ත්‍රී මහින්දානන්ද අලුත්ගමගේ යන මහත්වරුන්ටය.

බැසිල් රාජපක්ෂ පාර්ශවයේ මන්ත්‍රීවරුන් මේ අයට දුරකථන ඇමතුම් ලබා දී අසන්නේ “ආ…මන්ත්‍රීතුමා,ඔයාට දැන් සතුටියි ද ? කෝ..විශ්වාස භංගය දිනන්න Numbers තියෙනවා ද ? එකනේ අපි කිව්වේ.දැන් ඉතිං සනීපයි නේ..” යනුවෙනි.

මේ තත්ත්වයට හේතුවී තිබෙන්නේ පාර්ලිමේන්තුවේ සංයුතිය ද බල තුලනයේ ස්වභාවය ද එක්සත් ජාතික පක්ෂයේ සහ ශ්‍රී ලංකා නිදහස් පක්ෂයේ අභ්‍යන්තර තත්ත්වයන් ද ද්‍රවිඩ ජාතික සන්ධානය ඇතුළු සුළු දේශපාලන පක්ෂ ක්‍රියා කළ හැකි ආකාරය ද අනුව මේ මොහොතේ මේ විශ්වාස භංග යෝජනාව ඉදිරිපත් නොකළ යුතු බවට බැසිල් රාජපක්ෂ මහතා ප්‍රධාන කණ්ඩායම තරයේ කියා සිටිද්දී ඊට එරෙහිව විමල් වීරවංශලා මේ විශ්වාස භංග යෝජනාව කෙසේ හෝ ඉදිරිපත් කිරීමට ක්‍රියා කිරීමත් එම විශ්වාස භංගයෙන් අගමැති රනිල් වික්‍රමසිංහ මහතාට ජය ගත හැකි තත්ත්වයක් මේ වන විට නිර්මාණය වී තිබීමත් මතය.

මුල සිටම බැසිල් රාජපක්ෂ මහතාගේ සහ ඔහුගේ කණ්ඩායමේ ස්ථාවරය වූයේ මේ විශ්වාස භංග යෝජනාව මගින් සිදු වන්නේ පළාත් පාලන මැතිවරණයේදී ඒකාබද්ධ විපක්ෂය ලබා ගත් ජයග්‍රහණය යට යන අතර අගමැති රනිල් වික්‍රමසිංහ මහතා නියත ලෙස පරාජයට පත් කිරීමට නොහැකි වුණොත් ඔහුත් එක්සත් ජාතික පක්ෂයත් තව තවත් ශක්තිමත් වන බවය.

අග්‍රාමාත්‍ය රනිල් වික්‍රමසිංහ මහතා ඊයේ පැවැති විශ්වාසභංග ඡන්ද විමසීම ජයග්‍රහණය කිරිමට හේතූ වූයේ ශ්‍රිලනිපයෙ මෛත්‍රී පිළ ඡන්දය දීමෙන් වැලකීමට ගත් තීරණය නිසාවෙනි.

කොටසක් ඒකාබද්ධ විපක්ෂයට සහාය දෙනු ලැබූ අතර තවත් කොටසක් ඡන්දය ප්‍රකාශ කිරිමෙන් වැලකී සිටිම මගින් මෙලෙස අග්‍රාමාත්‍යවරයාට සහාය පල කරේ රනිල් වික්‍රමසිංහ සමග තවදුරටත් ආණ්ඩුව ගෙන යාමට ජනාධිපතිවරයාගේ ඇති කැමැත්ත අනූව බව දේශපාලන ආරංචි මාර්ග පවසා සිටී.

ඡන්දය දිමෙන් වැලකී සිටිමෙන් අග්‍රාමාත්‍යවරයාට සහාය පල කර කණ්ඩායම පහතින්

1 මහින්ද අමරවීර, 02 නිමල් සිරිපාල ද සිල්වා, 03 දුමින්ද දිසානායක, 04 මහින්ද සමරසිංහ , 05 විජයමුණි සොයිසා 06 සරත් අමුණුගම 07 රංජිත් සියබලපිටිය 08 පියසේන ගමගේ, 09 නිශාන්ත මුතුහෙට්ටිගම 10 , ඒ. එච්. එම් ෆවුසි, 11 මොහාන් ලාල් ග්‍රේරු, 12 ශ්‍රියානි විජේවික්‍රම 13 මනුෂ නානායක්කාර, 14 ලසන්ත අලගියවන්න, 15 සාරතී දුෂ්මන්ත, 16එම්. එල්. ඒ. එම් හිස්බුල්ලා, 17 ආරුමුගම් තොණ්ඩමන්, 18 වීරකුමාර දිසානායක 19 මලිත් ජයතිලක 20 ලක්ෂ්මන් සෙනෙවිරත්න, 21 ඉන්දික බණ්ඩාරනායක, 22 මුත්තු සිවලිංගම් 23 අංගජන් රාමනාදන් 24 කාදර් මස්තාන් 25 අතුරුලියේ රතන හිමි

යහපාලන ආණ්‌ඩුවේ අලුත්ම කැබිනට්‌ මණ්‌ඩලය ලබන සඳුදා (09 වැනිදා) දිවුරුම් දෙන බව සම කැබිනට්‌ ප්‍රකාශක, අමාත්‍ය රාජිත සේනාරත්න මහතා පවසයි.

ආණ්‌ඩු පක්‌ෂයේ මැති ඇමැතිවරුන් අතරින් විශ්වාසභංග යෝජනාවට විරුද්ධව ඡන්දය නොදුන් කිසිවකුට තවදුරටත් ආණ්‌ඩු පක්‌ෂයේ කටයුතු කළ නොහැකි බව ඇමැතිවරයා සඳහන් කළේය.

විශ්වාසභංග යෝජනාවට පක්‍ෂව ඡන්දය ප්‍රකාශ කළ හෝ ඡන්දය ප්‍රකාශ කිරීමෙන් වැළකී සිටි ඇමැතිවරුන්ට මෙන්ම විශ්වාසභංග යෝජනාවට අත්සන් කළ මැති ඇමැතිවරුන්ට ද තවදුරටත් සදාචාරාත්මකව ආණ්‌ඩුවේ සිටිය නොහැකි බව ඇමැතිවරයා පැවසීය.

 

හෙතෙම මේ බැව් පැවසුවේ ඊයේ (04) පාර්ලිමේන්තු සංකීර්ණයේ කමිටු කාමර අංක 01 හි දී පැවති කැබිනට්‌ තීරණ දැනුම් දීමේ මාධ්‍ය හමුවට සහභාගී වෙමිනි.

මේ අතර විශ්වාස භංගයේදී ආණ්ඩුවට එරෙහිව ඡන්දය භාවිත කළ ඇමැතිවරුන් කැබිනට් මණ්ඩලයෙන් ඉවත්  කිරිමේ කිසිදු සුදානමක් නොමැති බව ශ්‍රිලනිප ප්‍රබලයෙක් අප කළ විමසීමකදි පැවසීය….