නීතිය හා සාමය අමාත්ය ධුරය අගමැති රනිල් වික්රමසිංහ මහතාට ලබා දුන්නේ තාවකාලිකව බව ශ්රී ලංකා නිදහස් පක්ෂ මහ ලේකම් ඇමති දුමින්ද දිසානායක මහතා පවසයි.
එම ඇමති ධුරය ඉදිරියේදී වෙනත් අයෙකුට පිරිනැමෙනු ඇති බවද ඔහු සදහන් කරයි.
මහ ලේකම්වරයා මේ බව කියා සිටියේ ශ්රීලනිප මූලස්ථානයේදී පැවති මාධ්ය හමුවක් අමතමිනි.
https://www.youtube.com/watch?v=CObblbn_yVQ
එක්සත් ජාතික පක්ෂයේ මැති ඇමතිවරුන් කිහිපදෙනෙකු අතර රහස් සාකච්ඡාවක් පවත්වා තිබෙනවා.
ඊයේ (25) රාති්රයේ මෙම සාකච්ඡාව පවත්වා ඇති බවයි වාර්තා වන්නේ. ඒ, අමාත්ය රංජිත් මද්දුමණ්ඩාරගේ නිවසේදීයි.
මෙම හමුවට විජේදාස රාජපක්ෂ, වසන්ත සේනානායක ඇතුළු මැති ඇමතිවරු සහභාගී වී ඇති බවයි දේශපාලන ආරංචි සඳහන් කළේ.
සාකච්ඡාවට සහභාගී වීමට නොහැකි වූ එක්සත් ජාතික පක්ෂයේ දෙවන පෙළ ප්රභලයින් දුරකථනයෙන් සම්බන්ධවී ඇති බවද සඳහන්.
මෙම සාකච්ඡාව සිදු කර ඇත්තේ ඊයේ සිදුවූ කැබිනට් මණ්ඩල සංශෝධනයෙන් පසුවයි. මෙහිදී සංශෝධනය වූ අමාත්යධුර 10න් 9ක්ම අයත්ව තිබුණේ එක්සත් ජාතික පක්ෂයටයි. කෙසේවෙතත් කැබිනට් සංශෝධනයෙන් අනතුරුව සංශෝධනයන්ට ඇතුළත් නොවූ එක්සත් ජාතික පක්ෂයේ ජ්යෙෂ්ඨයින් මෙන්ම නවකයින්ද ඒ සම්බන්ධයෙන් මාධ්ය වෙත අදහස් පළ කළේ අප්රසාදයක් පළ කරමින්.
ඊයේ (25 ) සිදුවූ කැබිනට් සංශෝධනයේදී වැඩිම කතා බහට ලක්වූ මාතෘකාව වුයේ නිතිය හා සාමය අමාත්යධුරය සම්බන්ධයෙනි.එහිදී සති ගණනක සිට නොයෙකුත් මාධ්ය වාර්තා කර සිටියේ එම ධුරය සරත් ෆොන්සේකාට හිමිවනු ඇති බවය.
කෙසේ වෙතත් අවසානයේදී එම කැබිනට් අමාත්යධුරය අග්රමාත්ය රනිල් වික්රමසිංහ මහතාට හිමිවිය.පසුව එම සිදුවීම පිලිබදව සමාජ මාධ්ය ජාලා තුල දැඩි අවධානයක් යොමුවිය.පසුව එක්සත් ජාතික පක්ෂයට සහය දෙන බොහෝ වෙබ් අඩවි වාර්තා කර තිබුනේ එම අමාත්යධුරය තව සති දෙකකින් සරත් ෆොන්සේකාට හිමිවන බවය. ඔවුන් පවසන ආකාරයට අගමැතිතුමා වැඩ බැරි ටාසන් කෙනෙක්ද? එජාප මඩ වෙබ් අඩවි මෙලෙස සරත් ෆොන්සේකා උඩ දමා රනිල් වික්රමසිංහට එම අමාත්යධුරය ලබාදීම වැඩක් නැති බව කියන්නේ කුමන පදනමකින්දැයි අපි නොදනිමු.
එක්සත් ජනතා නිදහස් සන්ධානය නියෝජනය කරන ආණ්ඩුවේ ඇමැතිවරුන්ගේ තනතුරු ඉදිරි සති දෙක ඇතුළත වෙනස් කරන බව ජනාධිපති මෛත්රීපාල සිරිසේන මහතා පැවැසීය.නව කැබිනට් සංශෝධනය යටතේ දිවුරුම් දුන් එක්සත් ජාතික පක්ෂයේ නව ඇමැතිවරුන් අමතමින් ජනාධිපතිවරයා මෙම අදහස් පැවැසීය.
මේ අතර නව කැබිනට් සංශෝධනය යටතේ ඇතැම් අමාත්යංශවල විෂය පථයන්ද ඉදිරියේදී ප්රතිසංවිධානයකට ලක්කරන බව ජනාධිපතිවරයා පැවැසීය. මෙහිදී අදාළ ආයතන නිවැරදිව ගැළපෙන අමාත්යංශ යටතට පත්කිරීමටද නියමිතය.
රාජ්ය සංස්ථා හා ව්යවස්ථාපිත මණ්ඩලවල කටයුතු කාර්යක්ෂම කිරීම වෙනුවෙන් අවශ්ය වෙනස්කම්ද ඉදිරියේදී සිදුකරන බව ජනාධිපතිවරයා මෙහිදී පැවැසීය.
රටේ ජනතාවගෙන් ලැබි ඇති පණිවුඩය අනුව රජයේ කටයුතුවල අවශ්ය වෙනස්කම් සහ නිවැරදි කිරීම් කරමින් රටත්, ජනතාවත් වෙනුවෙන් ක්රියාත්මක කළයුතු ඉදිරි වැඩ පිළිවෙළ සාර්ථකව ක්රියාවට නංවන බවද ජනාධිපතිවරයා මෙහිදී පැවැසීය.
දැනටත් රටේ බහුතරයක් හොර රහසේ බස්රථ ධාවනයට භූමිතෙල් භාවිතා කරන බවත් එවැනි බස්හිමියන් බස් කර්මාන්තයෙන් ලාභ ලබන බවත් බස් රථ ඇන්ජිමට භූමිතෙල් නිසා හානිදායක තත්ත්වයන් ඇති නොවන නමුත් තවත් අමතර කොටස් කිහිපයකට භූමිතෙල් අහිතකර විය හැකි වුවත් භූමිතෙල් භාවිතා කිරීම නිසා දෛනිකව ලබන ලාභයෙන් එම අමතර කොටස්වලට යන වියදම පියවාගත හැකි බැවින් බොහෝ කාලයක සිට බස් හිමියන් හොර රහසේ කරන ලද මෙම ක්රියාව නීත්යානුකූලව ඉටුකර ගැනීමට අවසර දෙන ලෙසත් එසේ වුවහොත් මෙම වසරේ බස් ගාස්තු වැඩිවීමක්ද අවශ්ය නොවන බවත් ලංකා පෞද්ගලික බස් සමාගම් සමිති සම්මේලනයේ ප්රධාන ලේකම් අංජන ප්රියංජිත් මහතා ඊයේ (25) කියා සිටියේය.
මාධ්යවේදී ලසන්ත වික්රමතුංග මහතාගේ ඝාතනයට වගකිවයුතු නියම මිනීමරුවා තවමත් නිදැල්ලේ සිටින බවට මේවන විට මතයක් මතුව තිබේ.
ඒ ලසන්තගේ මරණය සම්බන්ධයෙන් මෙතෙක් කිසිදු සැකකරුවකු හෝ අත්අඩංගුවට ගෙන නොමැතිවීම නිසාය.
කිසිවකු අත්අඩංගුවට ගෙන ඇත්නම් ඒ ඝාතනයෙන් පසු එහි සාක්කි වෙනස්කිරීම හා සාක්කි කරුවන්ට බලපෑම් කිරීම සම්බන්ධයෙන් පමණකි.
එම චෝදනා යටතේ අත්අඩංගුවට පත්වූයේ යුද හමුදා බුද්ධි අංශයේ මාණ්ඩලික සැරයන් ප්රේම් උදුලාගම හා දැනට රක්ෂිත බන්ධනාගාරගත කර සිටින හිටපු ජ්යෙෂ්ඨ නියෝජ්ය පොලිස්පති ප්රසන්න නානායක්කාර සහ ගල්කිස්ස මූලස්ථාන පොලිසියේ අපරාධ අංශයේ හිටපු ස්ථානාධිපති උප පොලිස් පරීක්ෂක තිස්ස සුගතපාල යන සැකකරුවන්ය.
ප්රසන්නට හා සුගතපාලට මේ වනවිට මෙම ඝාතන සිද්ධියට අදාළ සාක්ෂි විනාශ කිරීම, තොරතුරු වසන් කිරීම, මනුෂ්ය ඝාතනයකට ආධාර අනුබල දීම ආදී චෝදනා එල්ලව තිබේ.
උදලාගමට එල්ල වූ චෝදනාව වී තිබුණේ ලසන්තගේ රියෑදුරෙකු බව කියන ඩයස් නමැත්තකු පැහැරගෙන ගොස් තර්ජනය කිරීමය. ඔහු අත්අඩංගුවට පත්වූයේ ලසන්ත ඝාතනයෙන් හත්වසරකට පසුවය.
ලසන්තගේ පරීක්ෂණයට අදාළව මේ වනවිට නවසිය පනස් දෙනකුගෙන් පමණ ප්රකාශ සටහන් කරගෙන ඇති බවත් ඉන් දෙසිය අනූ පස් දෙනකු යුද හමුදා බුද්ධි අංශ සාමාජිකයන් බවත් රහස් පොලිසිය අධිකරණය හමුවේ පසුගියදා හෙළිකර තිබිණි .
ලසන්ත වික්රමතුංග ඝාතනයට ලක්වීමට පෙර දින ඔහුගේ කාර්යාලය අසල යුද හමුදා බුද්ධි අංශ සාමාජිකයින් ගැවසුනු බවට පරීක්ෂණවලදී අනාවරණය වී ඇතැයි රහස් පොලිසිය මේවන විට හෙළිකර තිබේ.
ඝාතනය සිදුවීමට පෙර දින මාධ්යවේදී ලසන්ත වික්රමතුංගගේ කාර්යාලය අසල මරදාන ට්රිපෝලි හමුදා කඳවුරේ බුද්ධි අංශ නිලධාරීන් ගැවසී ඇති බවට පරීක්ෂණවලදී තොරතුරු අනාවරණය වී ඇති බව රහස් පොලිසිය අධිකරණය හමුවේ කියා ඇත.
මාධ්යවේදී ලසන්ත වික්රමතුංග මහතාගේ ඝාතනය සම්බන්ධයෙන් පරීක්ෂණ පැවැත්වීම සඳහා වර්ෂ 2008 ජනවාරි 01 වැනිදා සිට 2009 ජනවාරි 31 වැනිදා තෙක් කාලය තුළ යුද හමුදා සන්නද්ධ බුද්ධි බළකායේ සියලු ක්රියාකාරකම් පිළිබඳ සම්පූර්ණ විස්තරයක් ලබාදෙන්නැයි අපරාධ පරීක්ෂණ දෙපාර්තමේන්තුව යුද හමුදා නීති අංශයෙන් ඉල්ලීමක් කර ඇතත් ඒවා සම්බන්ධ කිසිදු තොරතුරක් මෙතෙක් ලබා දී නොමැත.
ඒ අනුව එම බළකායේ කඳවුරු පිහිටි ස්ථාන එහි අණදෙන නිලධාරියාගේ නම, ජාතික හැඳුනුම්පත් අංකය, භාවිතා කළ දුරකථන අංක අදාළ නිලධාරීන් සඳහා ජංගම දුරකථන නිකුත් කළ නිලධාරියාගේ විස්තර භාවිතා කළ සියලු රථ වාහන හා එහි අංක හා එහි අයිතිකරුවන් පිළිබඳ විස්තර ලබාදෙන ලෙස ඉල්ලා තිබේ.
ෆොන්සේකාගේ ආරක්ෂකයෝ අත්අඩංගුවට ගැනීම
වසර 2010 ජනාධිපතිවරණය නිමවීමත් සමඟ 2010 පෙබරවාරි මස 26 වැනි දා ලසන්ත ඝාතනයට යැයි කියමින් කොහුවල යුද හමුදා කඳවුරේ 11ක් දෙනෙක් අත්අඩංගුවට ගනු ලැබූහ.
යළිත් පහුවැනිදා තවත් හය දෙනෙක් අත්අඩංගුවට ගනු ලැබූහ.
මේ සියලු දෙනා එවකට සරත් ෆොන්සේකා මහතාගේ ආරක්ෂක රාජකාරියේ ආවේක්ෂණ රාජකාරි කළ පිරිසකි.
රජය පෙරළීමට කුමන්ත්රණය කිරීමේ චෝදනාවට රැඳවුම් නියෝග ගත්තතද මේ පිරිසෙන් නව දෙනෙක් දින හයකට පසු පොලිස් ඇප මත මුදා හැරිණි.
ඉතිරි අට දෙනා දින 11කට පසු පොලිස් ඇප පිට මුදා හැරිණි. ට්රිපෝලි කඳවුරේ යුද හමුදා බුද්ධි සාමාජිකයා නීතිපති උපදෙස් පිට නිදොස් කොට නිදහස් කරනු ලැබීය.
කපිල හෙන්දාවිතාරණ
හිටපු හමුදාපතිගේ කට උත්තරය
එවකට හිටපු හමුදාපතිවරයා වූ සරත් ෆොන්සේකා මහතාගෙන් රහස් පොලිසිය කට උත්තරයක් ලබාගෙන තිබේ. එහිදී ෆොන්සේකා මහතා රහස් පොලීසියට ප්රකාශ කොට ඇත්තේ හිටපු බුද්ධි අංශ ප්රධානී මේජර් ජෙනරාල් කපිල හෙන්දාවිතාරණ මහතා යටතේ මෙහෙයවුණු කල්ලියක් මගින් පසුගිය රජය සමයේ මාධ්යවේදීන්ට එරෙහි ප්රහාර දියත් කෙරුණු බවය.
රනිල් පලවාහැර එක්සත් ජනතා නිදහස් සන්ධාන ආණ්ඩුවක් හෝ වෙනත් නායකයෙකු යටතේ ජාතික අාණ්ඩුවක් පිහිටුවීම සම්බන්ධයෙන් අවසන් තීන්දුවක් නොගතහොත් රනිල්ගේ ආණ්ඩුවෙන් ඉවත් වීම සම්බන්දයෙන් මාර්තු 01 වැනිදා තීරණය කරන බව නියෝජ්ය ඇමති නිශාන්ත මුතුහෙට්ටිගම මහතා පවසයි. එම තීන්දුව ගැනීමට 15 දෙනෙකු පමණ සිටින බවද ඒ මහතා කියා සිටියේ ප්රසිද්ධ රූපවාහිනි නාලිකාවක වැඩසටහනකට එක්වෙමිනි.
රජයේ පැවැත්ම තිරණය කරන ප්රධාන සාධකයක් වන දුෂිතයන් වැනසීමේ සටන මැතිවරණ සමයේ හොරා හොරා යනුවෙන් පට්ට ගැසු මහ බැංකු හොරකමට අතේ මාට්ටු වි සිටින අගමැති රනිල්ම භාරගැනීම පට්ට විහිලුවක් පමණක් බව විමල් වීරවංශ පවසයි.
කැස්බෑවේදී පැවති ජනහමුවක් අමතමින් ඔහු මෙම අදහස් පල කලේය.
නමුත් වත්මන් ආණ්ඩුව වෙනස් කර ශ්රීලනිප අගමැතිවරයෙක් යටතේ ආණ්ඩුවක් පිහිටුවන්නේ නම් එය පවත්වාගන යාම සදහා අැමතිධුර ලබාගනිමින් සහයෝගය ලබා දෙන බවද ඔහු සදහන් කරයි.
හිටපු ජනාධිපතිවරයා මෙම අදහස් පල කරන ලද්දේ මල්වතු-අස්ගිරි මහනාහිමිවරුන් බැහැ දැකීමට එහි ගිය අවස්ථාවේදී මාධ්ය අමතමිනි.
පළාත් පාලන මැතිවරණයේ පරාජයේ සියළු වගකීම තමන් වෙත පවරා මාධ්යයට ඒ පිළිබඳව අදහස් දක්වන අය කළ යුත්තේ පක්ෂයේ මාධ්යම කාරක සභාවේදී එය පිළිබඳව විවෘතව කතා කිරීම බව ශ්රි ලංකා නිදහස් පක්ෂ මහ ලේකම් දුම්න්ද දිසානායක පවසා සිටිනවා.
ඊයේ(25) කැබිනට සංශෝධනයෙන් පසු මාධ්ය වෙත අදහස් දක්වමින් ඔහු මේ බව සඳහන් කළා.
සමහර මන්ත්රීවරු කියනවා මේක විකට රංගනයක් කියලා?
“ඒක ඒගොල්ලන්ගෙන් තමා අහන්න ඕනේ මොකක්ද විකට රංගනය කියලා.”
ඔබතුමාගේ අමාත්යාංශය ඉදිරියේදී වෙනස්වීමක් සිද්ධ වෙනවාද?
“නෑ. අපි දන්නේ නෑ. මං හිතන්නේ අදත් මෙතැනට එනකන් කවුරුවත් දන්නේ නෑ.”
ඔබ පක්ෂයේ මහ ලේකම්. ජනාධිපතිතුමාගේ ළගින්ම ඉන්නවානේ?
“ජනාධිපතිතුමාට තමයි මේකේ බලය තියෙන්නේ. ඉතින් අපි එතුමාට නිදහස ලබා දෙමු.”
පක්ෂයේ ඇතැම් ජේෂඨයින් ඔබතුමාව මහලේකම් ධූරයෙන් නෙරපන්න ඇතුළෙන් කටයුතු කරනව කියලා විවිධ මාධ්ය වාර්තා කළා?
“පත්තරවලට, ටී.වී වලට එහෙමත් නැත්නම් රේඩියෝවලට අදහස් දක්වන්නේ නැතුව, අපේ පක්ෂයේ මධ්යම කාරක සභාවක් තියෙනවා. ඉතින් මධ්යම කාරක සභාවේ කාගෙද වැරැද්ද?කාගෙද හොද දේ? කවුද මේ මැතිවරණය මෙහෙයෙව්වේ? මේ සියල්ලම සාකච්ඡා කරන්න පුළුවන්. මොකද මේ පළාත් පාලන මැතිවරණය ප්රධාන වශයෙන් මෙහෙයවූයේ මම නෙවෙයි. මැතිවරණය මෙහෙයවන්න කමිටු කිහිපයක තිබුණා. මාධ්ය කමිටුවේ හිටියා අනුර යාපා ඇමතිතුමයි, තිලංග සුමතිපාල ඇමතිතුමයි. ප්රධාන මෙහෙයුම් කමිටුවේ සභාපති හිටියෙ සුසිල් ප්රේමජයන්ත ඇමතිතුමා. මම අනුරාධපුරේ හිටියේ, අපේ සන්ධාන ලේකම් හම්බන්තොට. අපි වෙනම කමිටුවක් හදලා,වෙනම කාර්යාලයක් හදලා, වෙනම දුරකථන ලබාදීලා සියලු බලතල දීලා මේ මැතිවරණය මෙහෙයෙව්වේ සන්ධාන ලේකම්වත් ශ්රීලංකා නිදහස් පක්ෂ ලේකම්වත් නෙවෙයි.සුසිල් ප්රේමජයන්ත ඇමතිතුමා තමයි මේ සියලු දේ ප්රධානියා හැටියට කටයුතු කළේ, සියලු දේ මෙහෙයවූයේ. පත්තරේ,ටීවී එකේ ඇඩ්වටීස්මන්ට් දාන එකේ ඉදන්, ගමට කොළ යවන එකේ ඉදන් කලේ අනුර යාපා ඇමතිතුමයි, තිලංග සුමතිපාල ඇමතිතුමයි. මේවගේ යම් වැරැද්දක් තියෙනවා නම් ලේකම්වරයා විදියට මං නිළ වශයෙන් භාරගන්න සූදානම්. සියලුම කමිටු වල අයත් තමන්ගේ කොටස භාර ගන්න ඕනේ.මේකෙන් පැනලා යන්න බෑ. කොන්ද කෙලින් තියාගෙන, තැන් තැන් වල දොඩවන්නේ නැතුව මධ්යම කාරක සභාවේ අපි විවෘතව කතා කරමු. මොකක්ද අපෙන් වෙච්ච අඩුපාඩුව. මොකක්ද අපෙන් වෙච්ච වැරැද්ද. මේ සේරම අපිට සාකච්ඡා කරන්න පුළුවන්කම තියෙනවා අපිට.” මන්ත්රිවරයා සිය අදහස් එලෙස පළ කර සිටියා.
තමන් යටතේ තිබූ විදේශ රැකියා අමාත්යංශය කැබිනට් සංශෝධනයේදී ඉවත් කිරීම සම්බන්ධයෙන් ඇමතිනී තලතා අතුකෝරාල දැඩි කණස්සල්ලට පත්ව ඇති බව එජාප හිතවාදී අන්තර්ජාල මාධ්ය ගණනාවක වාර්තා කර ඇත.
නව විදේශ රැකියා ඇති හරීන් ප්රනාන්දු මහතාට මෙන්ම අගමැතිවරයාටද ඇය විසින් දැඩිව දොස් පවරා ඇතැයිද එම වාර්තාවන්හි දැක්වෙයි.
අගමැතිවරයා විසින් තමනට විරෝධී එජාප කණ්ඩායම් පාලනය කිරීම සදහා කැබිනට් සංශෝධනයේදී උත්සාහයක් දරා ඇති බව පවසන එජාප මැති ඇමතිවරුන් වැඩි පිරිසක් මේ වන විට අගමැතිවරයා සම්බන්දයෙන් විවිධ අන්දමේ සාකච්චා සිදු කරමින් ඇතැයිද සදහන්ය.
මේ අතර කැබිනට් සංශෝධනය අවසානයේ ජනධිපති ලේකම් කාර්යාලය ඉදිරියේදීම රාජ්ය ඇමති වසන්ත සේනානායක විසින් කරන ලද දැඩි ප්රකාශය අගය කරමින් එජාප මැති ඇමතිවරුන් බොහෝ පිරිසක් ඔහුට සුබ පතා ඇති බවත් ඉදිරි ඕනෑම ක්රියාමාර්ගයකට සහාය දෙන බවත් සදහන් කර ඇත.
සිදුකළ අමාත්ය මණ්ඩල සංශෝධනය පිළිබඳ මැති ඇමතිවරුන් ඇතුළු පක්ෂ ක්රියාකාරීන් අතර දැඩි කළකිරීමක් ඇතිව තිබෙන බවත් එය ඉදිරියේදී පක්ෂ අභ්යන්තරයේ අර්බුදයක් බවට පත්වීමේ අවධානමක් ඇති බව එක්සත් ජාතික පක්ෂයේ අභ්යන්තර ආරංචිමාර්ග සඳහන් කරයි.
මේ වන විටත් ඇමති සංශෝධනය සම්බන්ධව පක්ෂයේ ප්රබලයින් මේ පිළිබඳ එළිපිට කතාකරන්නට ගෙන ඇති බවත් එය පක්ෂ නායකත්වයට එරෙහි තත්ත්වයක් දක්වා වර්ධනය වෙමින් ඇති බවද එම ආරංචිමාර්ග සඳහන් කරයි.
අළු යට ගිනි මතුවෙයි
එම ආරංචිමාර්ග සඳහන් කරන ආකාරයට පසුගිය පාලත් පාලන මැතිවරණයෙන් පසුව එජාප නායකත්ව අර්බුදය කරළියට පැමිණි අවස්ථාවේ එය ඉතා අපහසුවෙන් සමනය කරගත් නමුත් අමාත්ය මණ්ඩල සංශෝධනය හමුවේ එය පාලනය කරගන්නට නොහැකි ආකාරයට ඉස්මතු වෙමින් පවතී.
අගමැතිට පක්ෂය වැදගත් නෑ
මෙහිදී පක්ෂ නායක රනිල් වික්රමසිංහ සිය අග්රාමාත්යධූරය රැකගැනීම හැර පක්ෂයේ උන්නතිය සම්බන්ධව තැකීමක් නොමැති බවත් පක්ෂ නායකත්වයේ මෙම හැසිරීම හේතුවෙන් පක්ෂය ජනතාව හමුවේ දිනෙන් දින හෑල්ලු වෙමින් ඇති බව එජාප ප්රබලයින් රැසකගේ අදහස බවට පත්ව ඇති බවත් එම ආරංචිමාර්ග පෙන්වා දෙයි.
නීතිය හා සාමය අගමැති ගත්තේ මොකටද
එසේම අමාත්ය මණ්ඩල සංශෝධනය වෙනුවෙන් පක්ෂ අභ්යන්තරය තුළ පැවති සාකච්ඡාවට පිටින් යමින් පක්ෂ නායකත්වය කටයුතු කර ඇති බවත් නීතිය හා සාමය අමාත්යංශය අග්රාමාත්යවරයා භාරගැනීම කිසිසේත්ම සිදුනොකළ යුතුව තිබු දෙයක් බවට පක්ෂයේ ප්රබලයින් රැසකගේ අදහසවී ඇති බවද එම ආරංචිමාර්ග සඳහන් කර සිටියි.
එසේම පක්ෂය තුළ තරුණයන්ට සහ දෙවන පෙළ නායකත්වයට ඉදිරියට ඒමට අවස්ථාව ලබාදෙන බව පැවසුවත් සිදුකළ අමාත්ය මණ්ඩල සංශෝධනය තුළ එජාප පාර්ශවයෙන් සිදුව නොමැත්තේද එය බවට අදහසක් පක්ෂ අභ්යන්තරයේ කතාබහ වන බව එම ආරංචිමාර්ග සඳහන් කර සිටියි.
රාජ්ය ඇමති වසන්ත කියපු වෙනස මොකක්ද?
25 වනදා අමාත්ය මණ්ඩල සංශෝධනය සිදුවූ අවස්ථාවේම වසන්ත සේනානායක රාජ්ය අමාත්යවරයා ඊට සිය කළකිරීම ප්රකාශ කර සිටියේ කොමඩි නාට්යයක් තමයි, ආණ්ඩුව නිෂ්පාදනය කරලා තියෙන්නේ යනුවෙන් සඳහන් කරමින්ය. එසේම ඒකෙ පළවෙනි කොටස තමයි අද ප්ලේ කළේ. දෙවැනි කොටස ඊළඟ දවසේ ප්ලේ කරයි. හැබැයි !ජනතාව හිනාවෙයි ද? අඬයි ද? ගල් ගහයි ද? දන්නේ නැහැ යනුවෙන්ද ඔහු පැවසූ අතර එහිදී අගමැතිවරයා පදවියෙන් ඉවත් කළ යුතුදැයි මාධ්යවේදියෙකු විසින් මතු කරන ලද ප්රශ්නයකට පිළිතුරු දෙමින් රාජ්ය අමාත්යවරයා සඳහන් කර සිටියේ ජනතාව බලාපොරොත්තු වූ වෙනස කිසිසේත්ම සිදු නොවූ බවත් ඒ වෙනස හොඳින් හෝ නරකින් සිද්ධ වේවි යනුවෙනි.
ඔහුට අමතරව රංජන් රාමනායක සහ අජිත් පී. පෙරේරා අමාත්යවරුන්ද තමන්ට පැවරු විෂය සම්බන්ධව තෘප්තියක් නොමැති බව එජාප ආරංචිමාර්ග වැඩිදුරටත් සඳහන් කර සිටියි.
අජිත් පී. පෙරේරා ට මොකක්ද කලේ ?
මේ අතර අජිත් පී.පෙරේරා විදුලි බල හා පුනර්ජනනීය බලශක්ති නියෝජ්ය අමාත්යවරයා ලෙස කටයුතු කරමින් සිටියදී බන්ධනාගාර ප්රතිසංස්කරණ, මත්ද්රව්ය නිවාරණ හා ප්රජා විශෝධන රාජ්ය අමාත්යවරයා ලෙස පත්කිරීම එම අමාත්යවරයාට සිදුකළ බලවත් අපරාධයක් බවත් කාගේ කුමන උපදෙස් යටතේ මේ කටයුතු සඳහා එජාප නායකත්වය ක්රියාකරනවාද යන්න පක්ෂ ක්රියාකාරීන් විමතියෙන් සිටින බවද එම ආරංචිමාර්ග සඳහන් කරයි.
UNP දෙවන පෙළට ඇඩ්රස් නෑ
එසේම බන්දුලාල්, සුජීව, නලින්, හෙක්ටර්, හර්ෂණ ඇතුළු පක්ෂයේ නැගී එන කිසිවෙකු සම්බන්ධව පක්ෂ නායකත්වය සිය අවධානය යොමුකර නොමැති බවත් ඔවුන් බැඳුම්කර සිදුවීමේ සිට අග්රාමාත්යවරයා ආරක්ෂා කිරීම වෙනුවෙන් කැපවීමෙන් ක්රියාකළ මන්ත්රීවරුන් බවත් මේ හේතුවෙන් එම පිරිස් අතරද පක්ෂ නායකත්වය පිළිබඳ කළකිරීමක් මතුව ඇති බවට දැනගන්නට ඇති බව එම ආරංචිමාර්ග පෙන්වාදෙයි.
එපමණක් නොව අග්රාමාත්ය රනිල් වික්රමසිංහ ලය ලැබීමෙන් පසුව කිහිපදෙනෙකු පමණක් නඩත්තු කරමින් සිටින බවත් ඒ හමුවේ පක්ෂය වෙනුවෙන් වෙහෙසෙන කිසිවෙකු සඳහා දේශපාලන අනාගතයක් හෝ ආරක්ෂාවක් නොමැති බැවින් බරපතල පක්ෂ ප්රතිසංධානයක් සඳහා මේ වන විට පක්ෂයේ ප්රබලයින් අතර සාකච්ඡා සිදුවෙමින් ඇති බවත් එම සාකච්ඡා සාර්ථකවුවහොත් අග්රාමාත්යවරයාට පක්ෂ නායකත්වය අහිමිවීමේ පැහැදිළි අවධානමක් ඇති බවද එම ආරංචිමාර්ග අවධාරණය කරයි.
මීට වඩා හොඳයි මොකුත් නොකර සිටියානම් හිටපු ඇමති රවී
මේ අතර මාධ්ය වෙත අදහස් දක්වමින් හිටපු අමාත්ය රවී කරුණානායකද සඳහන් කර සිටියේ අමාත්ය මණ්ඩල සංශෝධනය සිදුකළාට වඩා සිදු නොකර සිටියා නම් වැදගත් බවය. ජනතාව අපේක්ෂා කල ආකාරයේ කිසිවක් අදාළ සංශෝධනයේදී සිදුව නොමැති බවත් ජනතාවට විහිළු සැපයීමට කටයුතු නොකළ යුතු බවද එහිදී හිටපු අමාත්යවරයා පැවසීය.
එසේම පාලිත රංගේ බණ්ඩාර, රංජන් රාමනායක ඇතුළු රැසක් මේ වන විට අමාත්ය මණ්ඩල සංශෝධනය සම්බන්ධව සිය විරෝධය එළිපිට දක්වන්නට ගෙන ඇත.
නීතිය හා සාමය අමාත්යංශය ෆීල්ඞ් මාෂල් සරත් ෆොන්සේකා මහතාට ලබා දීම සදහා කිසිදු යෝජනාවක් එජාපය පාර්ශවයෙන් ඉදිරිපත් නොවූ අතර රටේ මතුවූ එම මතවාදය යටපත් කර ඇත්තේ රාජපක්ෂවරු සමග මගුල් නටන අගමැති රනිල්ම බව ශ්රීලනිප ප්රකාශකයෙක් පැවසීය.
ජනාධිපතිවරයා විසින් එය ෆොන්සේකා මහතාට ලබා නොදී සිටින බවට අන්තර්ජාල මාධ්ය විසින් කරන චෝදනා අසත්ය බවද සදහන් කල එම ප්රකාශකයා ෆොන්සේකාට ඇමතිකම නොදීමට අකමැති වුයේ රනිල් බවද පැවසීය..