ශ්රී ලංකාවේ 70 වැනි නිදහස වෙනුවෙන් ගූගල් සේවය සිය මුල් පිටුවට ශ්රී ලංකා ජාතික කොඩිය එක්කර ශ්රී ලංකිකයින් සමග නිසදහසේ ප්රීතිය විදීමට කටයුතු කර ඇත.
Blog
-
බෙල්ලන්විල විමලරතන හිමියෝ අපවත් වෙයි
බෙල්ලන්විල විහාරස්ථානයේ ‘මියන් කුමර්‘ ඇතාගේ පහරදීමෙන් බරපතළ තුවාල ලබා රෝහල්ගතව ප්රතිකාර ලබමින් සිටි මහාචාර්ය බෙල්ලන්විල විමලරතන හිමියෝ අද (03) අපවත් වූහ.
ඇතාට ආහාර දීමට යාමේදී මෙම අනතුර සිදුවී තිබුණු අතර විමලරතන හිමිගේ ඉලඇටවලට හානි සිදු වී තිබූ බවට වෛද්යවරුන් ප්රකාශ කර තිබිණි.
-
මහබැංකුවේ විශ්වාසනීයත්වය බරපතල අන්දමින් බිඳ වැටිලා
ශ්රී ලංකා මහ බැංකුවේ විශ්වාසනීයත්වය ඉතා බරපතල අන්දමින් බිඳවැටී ඇති බවත් අද ශ්රී ලංකා මහ බැංකුවේ බැඳුම්කර කළු බැඳුම්කර ලෙස ජාත්යන්තරය හඳුන්වන බවත් ශ්රී ලංකා පොදු ජන පෙරමුණ ඊයේ (02) පැවැත්වූ මාධ්ය හමුවකදී පාර්ලිමේන්තු මන්ත්රී බන්දුල ගුණවර්ධන ප්රකාශ කලේය.ලබන 06 වනදා පාර්ලිමේන්තුවේදී පැවැත්වෙන බැඳුම්කර විවාදයේදී තමන්ට වැඩි කාල වේලාවක් ලබාදිය යුතු බවත් ඒ සම්බන්ධයෙන් ලබන සඳුදා කථානායකවරයාගෙන් ඉල්ලීමක් කරන බවත් ඒ මහතා වැඩි දුරටත් කියා සිටියේය. -
ප්රජා අයිතිය නැති කරල මදි ජීවිතාන්තය දක්වා හිරේ දාන්න ඕන
මහින්ද රාජපක්ෂ හිටපු ජනාධිපති වරයා සිදු කර ඇති මහා පරිමාන වංඡා හා අපරාධ හේතුවෙන් ඔහුගේ ප්රජා අයිතිය අහෝසි කිරීම කිසිසේත්ම ප්රමානවත් නොමැති අතර මහින්ද මහතාව , ඔහුගේ සහෝදර සමාගම හා පුත්රරත්නයන්ව එම වංචා හා අපරාධ සඳහා නීතිය ඉදිරියට පමුණුවා දිවි ඇති තෙක් හිර ගෙදර උරුම කරවිය යුතු යැයි අමාත්ය සරත් ෆොන්සේකා මහතා මාධ්යට ප්රකාශ කර ඇත.
-
කිරිඇල්ලට හා ෆයිසර්ට එරෙහිව පරීක්ෂණ
පළාත් පාලන මැතිවරණ කාලයේ හෝ පසුව පළාත් පාලන ආයතන වලට මුල්ය ප්රතිපාදන වෙන්කිරීමේ දී එජාප පාලනයක් තිබෙන ආයතනවලට පමණක් මුදල් ලබාදෙන බවට ඇමති ලක්ෂ්මන් කිරිඇල්ල මහතාත් පාළාත් පාලන විෂයභාර ඇමතිවරයා ලෙස මුදල් ප්රතිපාදන වෙන් කිරීමේදී සිය පක්ෂයට සැලකිල්ලක් ලබා දෙන බවට ෆයිසර් මුස්තාෆා ඇමතිවරයාත් ප්රකාශ කර ඇති බවට ලැබී ඇති පැමිණිලි සම්බන්ධයෙන් ඊට අදාල පරීක්ෂණ ආරම්භ කර ඇතැයි මැතිවරණ කොමිෂන් සභාවේ සභහපති මහින්ද දේශප්රිය මහතා ප්රකාශ කරයි.
-
වෙනස්ම විදිහේ මැතිවරණ අල්ලසක් මාට්ටු වෙයි… ඡන්දෙ වෙනුවට ලයිට් බිලයි වතුර බිලයි ගෙවනවළු
එළැබෙන 10 වෙනිදාට යෙදී ඇති පළාත් පාලන ආයතන ඡන්ද විමසීමට ඉදිරිපත්ව සිටින ඡන්ද අපේක්ෂකයින් ඡන්දදායකයින්ට අල්ලස් ලබාදීමේ සිදුවීම් ඉහළ ගොස් ඇති බව පැෆරල් සංවිධානය පවසයි.
මැතිවරණ අල්ලස් ලෙස ඇතැම් අපේක්ෂකයින් ඡන්දදායකයින්ගේ ජල සහ විදුලි බිල්පත් ගාස්තු ද ගෙවා දමා ඇති බව තමන්ට වාර්ථා වී ඇති බව එහි විධායක අධ්යක්ෂ රෝහණ හෙට්ටිආරච්චි පවසයි.
-
පක්ෂය පාට කුමක් වුවත් මත්ද්රව්ය ජාවාරම්කාරයෙක් හෝ එහි නියෝජිතයෙක් නොවන අපේක්ෂකයකුට ඡන්දය ප්රකාශ කරන්න
මධ්යසාර සහ මත්ද්රව්ය තොරතුරු මධ්යස්ථානය ශ්රී ලංකාව තුළ මධ්යසාර, දුම්වැටි ඇතුළු මත්ද්රව්ය භාවිතය අවම කිරීම සඳහා විද්යාත්මක පදනමකින් විවිධ වැඩසටහන් ක්රියාත්මක කරමින් සිටින ආයතනයකි. ඒ අතර පසුගිය වසර කිහිපය තුළම පළාත් පාලන ආයතන පළාත් සභා, පාර්ලිමේන්තු සහ ජනාධිපති මැතිවරණය ඉලක්ක කරමින් විවිධ වැඩසටහන් ක්රියාත්මක කර ඇත.
මධ්යසාර, දුම්වැටි ඇතුළු මත්ද්රව්ය භාවිතයෙන් ජනතාව නිදහස් කර ගැනීමේ වැඩසටහන සඳහා රටට අවශ්ය ඵලදායී ප්රතිපත්තිමය තීරණ හා ක්රියාකාරකම් පළාත් පාලන ආයතන හරහා සිදුකර ගැනීමට නම් එම පළාත් පාලන ආයතනවලට සුදුසු මහජන නියෝජිතයන් පත්විය යුතු බව ද එම ආයතනය කියා සිටින අතර ඒ සඳහා පක්ෂය පාට කුමක් වුවත් අරක්කු, බියර්, සිගරට්, කසිප්පු, කුඩු ගංජා ජාවාරම්කාරයෙක් හෝ එහි නියෝජිතයෙක් නොවන කෙනෙකුට ඡන්දය ලබාදෙන ලෙසට ආයතනය මගින් දීප ව්යාප්ත ප්රවර්ධන වැඩසටහනක් මේ දිනවල ආරම්භ කර ඇත.
-
තැපැල් ඡන්ද අයදුම් කර ඡන්දය පාවිච්චි නොකළ සියලු දෙනාට වැඩ වරදී
මෙවර පළාත් පාලන මැතිවරණයේ එක් තැපැල් ඡන්දයක් වෙනුවෙන් රුපියල් 750 ක් පමණ වියදමක් දරන බැවින් තැපැල් ඡන්ද භාවිත නොකිරීමෙන් රජය අයකරන එම මුදල අපතේ යන නිසා තැපැල් ඡන්ද පහසුකම අයදුම් කර එම ඡන්දය පාවිච්චි නොකළ සියලු දෙනාගෙන් නිදහසට කරුණු විමසීමට තීරණය කළ බව මැතිවරණ කොමිෂන් සභාවේ සභාපති මහින්ද දේශප්රිය මහතා ඊයේ (01) මැතිවරණ මහ ලේකම් කාර්යාලයේ පැවැති මාධ්ය හමුවකදී ප්රකාශ කරන ලදී.
තැපැල් ඡන්ද ප්රකාශ නොකළ අයගෙන් නිදහසට කරුණු විමසා සාධාරණ හේතුවක් නොමැතිනම් එම වැයවන මුදල අදාළ ඡන්ද දායකයාගෙන්ම ආපසු අයකර ගත හැකි දැයි සොයා බලන බවද සභාපතිවරයා කියා සිටි අතර ආරක්ෂක හමුදාවල සියල්ලන්ම පාහේ තැපැල් ඡන්ද සලකුණු කර ඇතැයිද අනෙකුත් තැපැල් ඡන්ද පාවිච්චි නොකළ පිරිසට අද දිනය පමණක් ඒ සඳහා ඉඩ සලසාදී ඇති බවද හෙතෙම වැඩිදුරටත් සඳහන් කලේය.
-
සිවශක්ති ආනන්දන්ට එරෙහිව දෙමළ ජාතික සංධානය උසාවි යයි
දෙමළ ජාතික සන්ධානය සම්බන්ධයෙන් චෝදනා සහගත අසත්ය ප්රකාශයන් සිදුකරන පාර්ලිමේන්තු මන්ත්රී සිවශක්ති ආනන්දන්ට එරෙහිව නීතිමය ක්රියාමාර්ග ගැනීමට සූදානමින් සිටින බව එම සන්ධානයේ පාර්ලිමේන්තු මන්ත්රී එම්.ඒ සුමන්තිරන් මහතා පැවසීය.
ඉදිරි දින කිහිපය තුළදී සිය නීතිඥයින් මාර්ගයෙන් සිවශක්ති ආනන්දට එරෙහිව නඩු මගට බසින අතර අයවැයට සහාය විම සඳහා තමන් හැර දෙමළ ජාතික සන්ධානයේ සෙසු පාර්ලිමේන්තු මන්ත්රීවරුන් රුපියල් දෙකෝටිය බැගින් රජයෙන් අල්ලස් ගෙන ඇති බවට පාර්ලිමේන්තු මන්ත්රී සිවශක්ති ආනන්දන් කරන ලද චෝදනාවන් මත මෙම ක්රියාමාර්ගය ගන්නා බවද හෙතෙම කීය.
-
එජනිස ආධාරකරුවාට පහර දුන් පොහොට්ටු අපේක්ෂකයා පොලීසියට භාර වෙයි
පසුගිය 28 වනදා රාත්රීයේ ගාල්ල චීන කොරටුව ප්රදේශයේ දී ඇතිවූ බහින් බස් වීමකදී එක්සත් ජනතා නිදහස් සන්ධානයේ ආධාරකරුවකුට ශ්රී ලංකා පොදුජන පෙරමුණේ අපේක්ෂකයකු පහරදීමක් ගැන වාර්සථා විය.
එම සිදුවීමට අදාල සැකකරු පොලීසියෙන් සැගවී සිටි අතර ඔහු පෙරේදා(30) පොලිසියට භාර වී ඇත. පොලිසිය විසින් එම සැකකරුව අධිකරණයට ඉදිරිපත් කිරීමට නියමිතය.
-
බීමත්ව රිය පැදවූ පොහොට්ටු අපේක්ෂකයාට වැඩ වරදී
දන්කොටුව පොලිස් රථවාහන අංශයේ නිලධාරින් දන්කොටුව පන්නල මාර්ගයේ වාහන පරික්ෂාවක යෙදි සිටියදි අද(1) අලුයම 1.00 ට පමණ අපරික්ෂාකාරී අන්දමින් පැමිණි මෝටර් රථයක් නවත්වා පරික්ෂා කිරිමේදි මෝටර් රථයේ රියදුරා බීමතින් සිටින බව නිරික්ෂණය වී ඇත..ඉන්පසු කළ පරික්ෂාවේදී ඒ බව තහවුරු වීම නිසා අත්අඩංගුවට ගත් බව දන්කොටුව පොලීසිය පවසයි.
එසේ අත්අඩංගුවට ගත් සැකකරු වෙන්නප්පුව ප්රාදේශීය සභාවට පොදු ජන පෙරමුණෙන් තරඟ කරන අපේක්ෂකයකු බවත් මැතිවරණ ප්රාචාරක කුඩා රැස්වීම් කිහිපයකට සහභාගි වි නිවසට යමින් සිට ඇති බවත් පොලීසිය වැඩිදුරටත් සඳහන් කරන අතර සැකකරු හෙට (02) අධිකරණයට ඉදිරිපත් කරන තුරු පොලිස් ඇප මත මුදා හැරිය බව පොලිසිය වැඩිදුරටත් පවසයි.
-
දෙවන ලෝක යුද්දෙ කාල දැමූ කිලෝ 450ක බෝම්බයක් හොංකොන් වලින් හමුවෙයි
චීනයේ හොංකොං නගර මධ්යයේ තිබී හමුවූ දෙවන ලෝක යුධ සමයට අයත් යැයි සැලකෙන බෝම්බය සාර්ථකව නිෂ්ක්රීය කළ බව හොංකොං පොලිසිය පවසයි.
ඉදිකිරීම් වැඩබිමක තිබී හමුවූ මෙම බෝම්බය කිලෝග්රෑම් 450ක් පමණ බරින් යුක්ත බව වාර්තා වී ඇත. බෝම්බය නිශ්ක්රීය කිරීමට පෙර ඒ ආසන්නයේ නවාතැන්පොලවල් හා හෝටල් වල සිටි 1500ක පමණ පිරිසක් ඉවත් කර ඇති අතර පාරවල් කිහිපයක් වසා දැමීමට පොලිසියට සිදුවී ඇත.
මෙය ඇමරිකාවේ නිශ්පාදිත බෝම්බයක් බවත් 1941 – 1945 අතර කාලයේ හෙළනලද බෝම්බයක් බවත් හොංකොං පොලිසිය පවසයි. පසුගිය ඉරිදා ද මෙවැනිම බෝම්බයක් ආසන්න ස්ථානයක තිබී හමුවී නිශ්ක්රීය කල බව මාධ්ය වාර්තා කර ඇත. -
ශ්රේණිගත කිරීම් වලදී ලංකාව තවමත් පහලින්
බංග්ලදේශයේ පැවැති තුන්කොන් එක්දින තරගාවලියේදී ශ්රී ලංකා කණ්ඩායම අවස්ථා දෙකකදී බංග්ලාදේශය පරදමින් එහි ශූරතාව ලබාගත්තද නවතම එක්දින ශ්රේණිගත කිරීම්ලට අනුව ශ්රී ලංකාව තවදුරටත් අංක අට ස්ථානයේම රැඳී සිටියි. බංග්ලදේශය අංක 7 ස්ථානයේ පසුවෙයි.බංග්ලාදේශය ප්රසාද ලකුණු 90ක් හිමිකරගෙන ඇති අතර, ශ්රී ලංකාව ප්රසාද ලකුණු 84ක් හිමිකරගෙන තිබේ. එම ශ්රේණිගත කිරීම් අනුව අංක එකේ ස්ථානයට දකුණු අප්රිකාවට පත්ව ඇති අතර, දෙවැනි ස්ථානය ඉන්දියාවට ලැබී තිබේ.
කණ්ඩායම් ශ්රේණිගත කිරීම
01 දකුණු අප්රිකාව
02 ඉන්දියාව
03 එංගලන්තය
04 නවසීලන්තය
05 ඔස්ට්රේලියාව
06 පාකිස්තාන
07 බංග්ලාදේශය
08 ශ්රී ලංකාව
09 කොදෙව්
10 සිම්බාබ්වේ
ක්රීඩක ශ්රේණිගත කිරීම්හි පිතිකරුවන් අතර අංක එක ස්ථානය විරාත් කෝලිට හිමිව ඇති අතර මුල් ස්ථාන 10 තුළ කිසිදු ශ්රී ලාංකික පිතිකරුවෙකු නොමැත.
පන්දු යවන්නන් අතර මුල් ස්ථානය ඉම්රාන් තාහීර් හිමි කරගෙන ඇති අතර, එහිද මුල් ස්ථාන 10 අතර කිසිදු ශ්රී ලාංකික ක්රීඩකයෙක් නොමැත.
තුන් ඉරියව් ක්රීඩකයන් අතර 4 වන ස්ථානය හිමිකර ගැනීමට ඇන්ජලෝ මැතිව්ස් සමත්ව තිබේ.
-
ගෝඨාභය රට පැන්නෙ හිරේ යන්න වෙන නිසයි
පොහොට්ටුවේ ආනාගත ජනාධිපති අපේක්ෂකයා රටෙන් පැනල ගිහිල්ල තියෙන්නෙ මිග් යානා ගනුදෙනුවේදී සිදු කළ දූෂණ වංචාවෙලට අත්අඩංගුවට ගනී කියල ඇති බය වෙලා බව සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න මහතා ඊයේ(31) කඩවත කිරිල්ලවල ප්රදේශයේ පැවති රැලියකදී කියා සිටියේය.
“රටේ ප්රධාන පෙලේ පුවත්පත් කතුවරයෙකු ප්රථම වරට ඝාතනය කළේ රාජපක්ෂ යුගයේදීයි. ඒ ලසන්ත වික්රමතුංග මහතායි. හිටපු ආරක්ෂක ලේකම්වරයා විසින් සිදු කළ මිග් යානා ගනුදෙනුව පිළිබඳ මාධ්යයේ ලිපි පළකිරීම එම ඝාතනයට හේතු වී තිබෙනවා.එය රණවිරු ගැහිල්ලක්. අද මෙම රණවිරුවා රටෙත් නැහැ. ඇමෙරිකාවට පැනලා ඉන්නේ. පොහොට්ටුවේ අනාගත ජනාධිපති අපේක්ෂකයා ඔහුයි. රටේ නැති අනාගත ජනාධිපති අපේක්ෂකයා ලංකාවට එන්නේ දොළොස්වනදායි. ඒ මැතිවරණය අවසන් වූ පසුවයි. අත්අඩංගුවට ගනියි කියලා තමයි රටෙන් පැනලා ඉන්නේ. නමුත් එම රණවිරු ගෝඨාභය අත්අඩගුවට ගැනීමට මේ වනවිට සියල්ල සූදානම්. චෝදනා ඔප්පු වී තිබෙනවා. ඉදිරිකාලයේදී ඔහු හිරේ විලංගුවේ වැටෙනවා. මිග් යානා ගනුදෙනුවෙන් හොරකම් කළ මුදල හොංකොං බැංකුවල තැන්පත් කර තිබෙනවා. එම මුදල් ඉන්දීය ජාතිකයන් පස්දෙනෙකු විසින් තැන්පත් කර තිබෙනවා” යැයි ඒ මහතා වැඩිදුරටත් කියා සිටියේය.
-
නේවි සම්පත් සෙවීමට මහජන සහය පතයි
පුද්ගලයන් 11 දෙනෙකු පැහැරගෙන ගොස් නීති විරෝධී ලෙස රඳවාගෙන ඝාතනය කළ බවට චෝදනා එල්ල වී ඇති නේවි සම්පත් නොහොත් හෙට්ටිආරච්චිලාගේ චන්දන ප්රසාද් හෙට්ටිආරච්චි පිළිබඳ තොරතුරු දන්නේ නම් ළඟම පොලීසියට දන්වන ලෙස පොලිස් මූලස්ථානය සඳහන් කරයි.
එසේ නොමැති නම් අපරාධ පරීක්ෂණ දෙපාර්තමේන්තුවේ මෙහෙයුම් මැදිරියේ 0112422176 හෝ අපරාධ පරීක්ෂණ දෙපාර්තමේන්තුවේ 0112320141 සිට 145 දක්වා අංකවලට හෝ සමූහ මංකොල්ල විමර්ශන අංශයේ 0112393621යන දුරකථන අංකවලට දැනුම්දෙන ලෙසද පොලිස් මූලස්ථානය ඉල්ලා සිටියි.
පුද්ගලයන් 11 දෙනෙකු පැහැරගෙන ගොස් නීතිවිරෝධී ලෙස රඳවා තබාගෙන ඝාතනය කිරීමේ චෝදනාව මත නාවික හමුදා නිලධාරීන් කිහිප දෙනෙකු මේ වනවිට අත්අඩංගුවට ගෙන ඇති අතර මෙම සැකකරු සම්බන්ධයෙන්ද කොටුව මහේස්ත්රාත් අධිකරණයෙන් වරෙන්තුවක් නිකුත් වී තිබෙන බව පොලිස් මූලස්ථානය සඳහන් කරයි.
-
රජයේ ආයුර්වේද වෛද්ය නිලධාරීන් වර්ජනයකට ලෑස්ති වෙයි
රජයේ ආයුර්වේද වෛද්ය නිලධාරීන් අතර ඇති වැටුප් විෂමතාවයන් හා තවත් ගැටළු කිහිපයක් විසඳීමට කටයුතු නොකරන නිසා පෙබරවාරි 05 වැනිදායින් පසු ඕනෑම මොහොතක ආයුර්වේද වෛද්ය නිලධාරීන්ගේ වැඩවර්ජනයක් ආරම්භ විය හැකි බව රජයේ ආයුර්වේද වෛද්ය නිලධාරීන්ගේ සංගමය සඳහන් කරයි. සමස්ත ආයුර්වේද වෛද්ය නිලධාරීන්ටම දැඩි අසාධාරණයක් සිදුවී තිබෙන බවද එම සංගමයේ සභාපති වෛද්ය නිමල් කරුණාසිරි මහතා පවසා සිටියේය.
මූලික වැටුපට අනුව දීමනා ලබාදීම නවතා දමා තිබෙන බවත්, බදුසහන යටතේ ලබාදුන් වාහන බලපත්රය කප්පාදු කිරීම, පොදුවේ රාජ්ය සේවයේ විශ්රාම වැටුප අහිමි කිරීම යන කාරණා මූලික කරගනිමින් මෙම වැඩවර්ජනය සිදුකරන බවත් ඒ මහතා සඳහන් කළ අතර වර්ජනය දියත් කිරීම සඳහා පළාත් මට්ටමින් දැනුවත් කිරීම් ආරම්භ කර තිබෙන බවත්, දින 05ක් තුළ මෙම ගැටලු විසඳීමට කටයුතු නොකළහොත් වැඩවර්ජනය සිදුකරන බවත් ඔහු අවධාරණය කළේය.ඇතිවී තිබෙන ගැටලු විසඳාගැනීම සඳහා බලධාරීන් සමග අවස්ථා ගණනාවකදීම සාකච්ඡා කළද මෙතෙක් ඒ සඳහා විසඳුම් ලැබී නොමැති බවද හෙතෙම වැඩිදුරටත් ප්රකාශ කර සිටියේය.