අම්පාර ප්රදේශයේ සිට කොළඹ දක්වා සිය රථයෙන් ගමන් කරමින් සිටියදී අද(15) අලුයම තුනට පමණ කඩුගන්නාව ප්රාදේශීය රෝහල අසල දී වාහනය මාර්ගයෙන් ඉවතට පැන අසල වූ නුග ගසක ගැටී රාජ්ය අමාත්යවරිය, ආරක්ෂක නිලධාරියා සහ රියදුරු තුවාල ලබා ප්රතිකාර සදහා පේරාදෙණය ශික්ෂණ රෝහලට ඇතුලත් කොට ඇති අතර ඔවුන්ගේ තත්ත්වය බරපතල නොවන බව රෝහල් ප්රකාශකයෙක් සඳහන් කර ඇත.
ජනාධිපති මෛත්රීපාල සිරිසේන මහතා විසින් සිය ධූර කාලය පිළිබඳව ශ්රේෂ්ඨාධිකරනයෙන් කල ඉල්ලීමට අනුව පංච පුද්ගල විනිසුරු මඬුල්ලලේ සිදුවූ විමර්ශනයෙන් ජනාධිපි ධූර කාලය වසර 5කට සීමා වන බව දන්වා ඇති බවට ජනාධිපති ලේකම් කාර්යාලයේ ආරංචි මාර්ග වල සඳහන් වේ.
අලූත් පක්ෂ ගොඩනගන අයට දේශපාලන පිටකොන්දක් තිබේ නම් ඔවුන් එම පක්ෂ ගොඩනැගිය යුත්තේ ශ්රී ලංකා නිදහස් පක්ෂයෙන් ඉවත්ව බව ජනාධිපති මෛත්රීපාල සිරිසේන මහතා පවසනවා.
ඒ, හෝමාගම ප්රදේශයේ ඊයේ (14) පස්වරුවේ පැවති ජන හමුවේදීයි.
වංචාව, දූෂණය පිටුදැකීමට සහ වංචා දූෂණ සිදුකරන අයට එරෙහිව දැඩි තීරණ ගැනීමට තමන් කටයුතු කරන බවද ජනාධිපතිවරයා මෙහිදී කියා සිටියා.
ජනතා විශ්වාසයත් සමග රට වෙනුවෙන් ගෙනයන වැඩපිළිවෙල ඉදිරියටම ගෙනයන බව ජනාධිපති මෛත්රීපාල සිරිසේන මහතා මෙහිදී අවධාරණය කළා.
ප්රවීණ සංගීතවේදී ආචාර්ය වික්ටර් රත්නායකයන් සිය ගීත ගායනා කිරීම තහනම් කරමින් තමන්ගේ පුතුන් දෙදෙනාට නීතිඥයකුගේ මාර්ගයෙන් පසුගියදා ලිපියක් යවා තිබුනා. නමුත් එම ලිපි නිකුත් කිරීමෙන් පසු විකාශය වුනු රූපවාහිණී වැඩසටහනකදී වික්ටර් රත්නායගේ පුතුනුවන් වන ජයන්ත රත්නායක සහ ලෙලුම් රත්නායක විසින් තම පියාගේ ගීත ගායනා කිරීමත් සමඟ වික්ටර් රත්නායකගේ ගීත ගායනා කළොත් ඔවුන් නීතිය ඉදිරියේ වරදකරුවන් වේවිද යන ප්රශ්නය බොහෝ දෙනාට ඇති වූ බවට කිසිඳු සැකයක් නැහැ.
තමන්ගේ ගීත ගායනා කිරීම තහනම් කරමින් නීතිඥයකු මාර්ගයෙන් ලිපියක් නිකුත් කර තිබියදීත් මෙලෙස පියාගේ ගීත ගායනා කිරීම නීතිමය ගැටළුවක් නොවන්නේ්දැයි ජයන්ත රත්නායකගෙන් විමසූ අවස්ථාවේදී මෙතෙක් හෙලිනොවූ රහසක් හෙලි කරමින් ඔහු මෙලෙස ප්රකාශ කර තිබුණා.
එවැනි කිසිම ප්රශ්නයක් ඇති නොවන බව දන්නා නිසයි මම බය නැතුව තාත්තාගේ ගීත ගායනා කරන්නේ. ඒ කිසිම හේතුවක් නිසා නෙවෙයි. නීතිඥයකුගේ මාර්ගයෙන් එවලා තිබුණු ලිපියේ සඳහන් කරලා තිබුණේ මින් ඉදිරියට තාත්තාගේ ගීත ගායනා කරන්න එපා කියලා විතරයි. එහෙම ලිපියක් එව්වා කියලා තාත්තාගේ ගීත ගායනා කිරීම අපට තහනම් කරන්න ඔහුට අයිතියක් නැහැ. ඒ නිසා අපට විරුද්ධව තාත්තා නඩු දානතුරු තමයි මමත් මේ බලාගෙන ඉන්නේ.
2013 වසරේදී තාත්තා ඔහුගේ ගීතවල කර්තෘ භාගය ලබාගැනීම ගීත පැවැරීම ඇතුළු සියලු අයිතීන් නීතිඥයෙක් ඉදිරියේ මට ලියා දුන්නා. ඒ නිසා අපට එවපු ලිපිය සම්බන්ධයෙන් මට බයවෙන්න කිසිම හේතුවක් නැහැ. ජීවිත භුක්තිය තියාගෙන නෙවෙයි තාත්තා ඔහුගේ ගීතවල අයිතිය මා වෙත පැවැරුවේ. ඒ නිසා මින් ඉදිරියට ඔහු ගායනා කරන ගීතවල අයිතිය විතරක් නෙවෙයි ඒවායේ කර්තෘ භාග පවා හරිනම් අයිති මටයි.
තාත්තා හොඳටම දන්නවා නඩු දැම්මොත් මොනවාද වෙන්නේ කියලා. ඔහු සමග දැන් සිටින කාන්තාවගේ බලපෑම නිසා තමයි තාත්තා අපට ඒ වගේ ලිපියක් එවලා තියෙන්නේ. මෙතෙක් කාලයක් මම තාත්තාගේ ගීත විතරක් වේදිකාවේ ගායනා කළේ නැහැ වෙනත් ප්රවීණ ගායකයන්ගේ පුත්තු තාත්තලාගේ ගීත ගායනා කරද්දී බොහෝ දෙනා අපෙන් විමසලා තියෙනවා ඇයි අපි තාත්තාගේ ගීත ගායනා කරන්නේ නැත්තේ කියලා. අනික මෙච්චර කාලයක් වෙනත් සමහරු තාත්තාගේ ගීත ගායනා කරද්දිත් මම නිහඬව හිටියා. තාත්තාගේ ගීත ඉදිරියට ගෙනියන්න මමයි මල්ලියි ඉන්න නිසා බයවෙන්න එපා කියලා තමයි මට දැන් රසිකයන්ට කියන්න තියෙන්නේ.
පැවරීමේ ගිවිසුම
වර්ෂ දෙදහස් දහතුනක් (2013) වූ අගෝස්තු මස 17 වන දින කොළඹදී. මෙහි මින් මතු, පළමු පාර්ශ්වය) යනුවෙන් හඳුන්වනු ලබන අතුරුගිරිය ඔරුවල එගොඩවත්ත අංක 25/ඛි2 හි පදිංචි රත්නායක ආරච්චිලාගේ දොන් වික්ටර් හෙවත් වික්ටර් රත්නායක (ජා.හැ. අංක 420492243ම) එක් පක්ෂයකටද, මෙහි මින් මතු (දෙවන පාර්ශ්වය) යනුවෙන් හඳුන්වනු ලබන මාලඹේ මිහිඳු මාවතේ අංක 32/5 හි පදිංචි ජයන්ත රත්නායක (ජා.හැ. අංක 682210931ම) එක් පක්ෂයකටද බැඳී එම දෙපක්ෂය අතර හට ගන්නා ලද ගිවිසුමේ වගනම්.
එසේ හෙයින් සියලු දෙනාම මෙයින් දත යුතුයි
ඉහත කී පළමු පාර්ශ්වය තමා විසින් තනු නිර්මාණය කරන ලද සහ ගායනය කරන ලද සියලුම ගීත ඕනෑම මාධ්යයක භාවිත කිරීම කර්තෘ භාගය එක්රැස් කිරීම සහ එකී නිර්මාණයන්හි නීත්යානුකූලව පැවැරුම් කිරීම සහ පාරිශ්රමිකයන් ලබා ගැනීම සම්බන්ධයෙන් පළමු පාර්ශ්වය වෙනුවෙන් පෙනී සිටීමට හා සියලුම කටයුතු කිරීමේ බලය ඉහත කී දෙවන පාර්ශ්වය වෙත පැවැරීම සම්බන්ධයෙන් මෙම ගිවිසුම හට ගනී.
ගිවිසුමේ නියමයන් හා කොන්දේසි
මෙම ගිවිසුමට එළඹීමට ප්රථම ඉහත සඳහන් කරන ලද ගී නිර්මාණ වල සම්පූර්ණ හිමිකාරත්වය තමා සතු බවට පළමු පක්ෂය සහතික වේ.
මෙම ගී නිර්මාණ වල අයිතිවාසිකම් බාහිර කිසිදු පුද්ගලයෙකුට පළමු පක්ෂය විසින් මෙම ගිවිසුමට පෙර පවරා නොමැති අතර මෙම ගිවිසුමෙන් අනතුරුව ඉදිරියේදී එසේ වෙනත් පුද්ගලයෙකුට එම කිසිදු අයිතිවාසිකමක් පැවැරීමට
පළමු පක්ෂය කටයුතු නොකරන බවට එකී පක්ෂය එකඟ වේ.
මෙම ගිවිසුම එළඹීමෙන් අනතුරුව, ඉහත සඳහන් කරන ලද පළමු පක්ෂයේ ගී නිර්මාණ සියලුම ශ්රව්ය, දෘශ්ය මාධ්යයෙන් ගුවන් විදුලිය, රූපවාහිනිය, සංයුක්ත තැටි (CD) වීඩියෝ තැටි (DVD) අන්තර්ජාලය දුරකථන ජාලයන්හි සෑම භාවිතයක්ම නාද මාලා (Ring tone) යනාදිය සඳහා පළමු පක්ෂය වෙනුවෙන් පැවැරීමට හා එකී පාරිශ්රමිකයන් එක්රැස් කරගැනීමට පළමු පක්ෂය වෙනුවෙන් සියලු කටයුතු කිරීමේ බලය දෙවන පක්ෂය වෙත පැවැරීමට පළමු පක්ෂය එකඟවේ.
තවද ඉහත සඳහන් ගිවිසුමේ නියම හා කොන්දේසි නිසි පරිදි කියවා තේරුම් ගැනීමෙන් අනතුරුව, ඒ සඳහා දෙපක්ෂය ඒ දෙපක්ෂය වෙනුවට සහ ඒ දෙපක්ෂයේ උරුමක්කාර, පොල්මංකාර අද්මිනිස්ත්රාසිකාර, බලකාර, ලැබුම්කාරයන් වෙනුවටත් එකිනෙක පක්ෂය සමග මෙයින් වැඩිදුරටත් පොරොන්දුව බැඳුනෝය.
ඊට සාක්ෂි පිණිස ඉහත කී පළමු පක්ෂය හා දෙවන පක්ෂය යන දෙපක්ෂය මෙයින් මෙම වාසගම සහ දිනත් දරන තවත් ලියවිල්ලකටත් වර්ෂ 2013 ක් වූ අගෝස්තු මස 17 වන දින කොළඹදී අත්සන් තැබුවෝය.
සාක්ෂි :
මීට සාක්ෂිකාරයන් වන අප මෙහි අත්සන් කළ දෙපක්ෂය හොඳාකාර අඳුනන බවද ඒ දෙපක්ෂයේ නියම නම්, රක්ෂාවල් සහ පදිංචි ස්ථානත් නිසියාකාර දන්නා බවද මෙයින් සහතික කොට ප්රකාශ කරමු.
නීතිඥ අකලංක තරින්ද සේරසිංහ
අංක 30, පාසල් මාවත,
කළුබෝවිල,
දෙහිවල
(ලක්බිම පුවත්පත ඇසුරින්)
මත්පැන් අලෙවිසැල් විවෘතව තැබෙන වේලාවන් සංශෝධනය කිරීමට අදාළ සුරාබදු ආඥා පනත යටතේ මුදල් අමාත්ය මංගල සමරවීර විසින් අත්සන් කරන ලද ගැසට් නිවේදනය (15) සිට අහෝසි කිරිමට ජනාධිපති මෛත්රීපාල සිරිසේන මහතා තීරණය කර තිබෙනවා.
එමෙන්ම කාන්තාවන් සඳහා මත්පැන් මිලදී ගැනීමට සහ මත්පැන් අලෙවිකරන ස්ථානවල සේවය කිරීම සඳහා පනවා තිබූ තහනම ඉවත් කිරීම ද (15) සිට නැවැත්වීමටයි ජනාධිපති මෛත්රීපාල සිරිසේන මහතා තීරණය කර ඇත්තේ.
ජනාධිපතිවරයා මේ බව ප්රකාශ කළේ (14) අගලවත්තේ පැවති ශ්රී ලංකා නිදහස් පක්ෂ ජන රැළියට එක් වෙමින්.
පශ්චාත් මරණ පරීක්ෂණ සිදු කිරීමට අනුරාධපුර රෝහලේ දී හා තම්මැන්නාව රෝහලේ දී මියගිය 63 හැවිරිදි හා 90 හැවිරිදි ගොවියන් දෙදෙනකුගේ සිරුරු අනුරාධපුර රෝහලේ පශ්චාත් මරණ ඒකකය වෙත ගෙන ඒමෙන් පසු මරන පරීක්ෂන සිදුකරීමෙන් අනතුරුව මෙම සිරුරු දෙක ඒ ඒ ඥාතීනට බාර දී ඇති අතර ඔවුන් එම සිරුරු ඒ ඒ මල්ශාලාවට රැගෙන ගොස් එම්බාම් කටයුතු සිදුකර නිවෙස්වලට රැගෙන ගොස් ඇත. එහිදි සිරුරු මාරුවී ඇති බව පෙනී යෑම නිසා නැවත එම සිරුරු අනුරාධපුර රෝහලට රැගෙන ආ අතර එහිදී එම වරද නිවැරැදී කිරීමට රෝහල් බලධාරීහු කටයුතු කළහ. සීප්පිකුලමේ සහ ශාස්තිපුර පදිංචි කරුවන් දෙදෙනකුගේ සිරුරු මෙසේ මාරු වී ඇත.
ලංකාවට විදුලි බස් රථ හඳුන්වාදීමේ පළමු අදියර ලෙස කොළඔ නගරයේ මගි ප්රවාහනය සඳහා විදුලි බස් රථ 18ක් ධාවනයට එක් කිරීමට ශ්රී ලංකා ගමනාගමන මණ්ඩලය සැලසුම්කර තිබේ.විදුලි බස් රථ වල අඩංගු විය යුතු ප්රමිතීන් ඇතුලත් ව්යාපෘති වාර්ථාවක් මණ්ඩලය විසින් සකස් කොට ප්රවාහන අමාත්යාංශය වෙත ඉදිරිපත් කොට ඇත. ඒ අනුව ටෙන්ඩර් කැඳවා මෙම බස් රථ මිලදී ගන්නා බව ශ්රී ලංකා ගමනාගමන මණ්ඩලයේ සභාපති රමල් සිරිවර්ධන මහතා පැවසීය.
ශ්රී ලංගමයට අලුතෙන් විදුලි බස් රථ 50ක් මිලදී ගැනීම සඳහා අමාත්ය මණ්ඩලය විසින් රුපියල් මිලියන 500ක මුදලක් භාණ්ඩාගාරයෙන් ලබා ගෙන ඇති අතර එම මුදලෙන් පලමු අදියර යටතේ විදුලි බස් රථ 18 ක් මිලදී ගන්නා අතර ඒවා මේ වසර ඇතුලත කොළඔ නගරයේ මගී ප්රවාහනයට යොදවන අතර ඉතිරි බස් රථ තදාසන්න ප්රදේශ වල ධාවනය සඳහා යෙදවීමට සැලසුම් කොට ඇති බවද සභාපතිවරයා පැවසීය.
ලාංකික දේශපාලන ක්රමය තුලින් ආදිවාසී ජනතාවගේ අයිතිවාසිකම් සහ ප්රශ්න වෙනුවෙන් තම වරිගේ ඇත්තන්ට මුහුණ දිමට සිදු වු විවිධ ගැටලු සම්බන්ධයෙන් ප්රාදේශිය සභාවෙන්, පළාත් සභාවෙන් සහ පාර්ලිමේන්තුවෙන් කිසිදු විසඳුමක් නොලැබුණු බැවින් සියලු පළාත්පලාන ආයතන සහ පාර්ලිමේන්තුව නියෝජනයවන පරිදි ඉදිරියේ දි තම වරිගයේ ඇත්තන් ඒ ස්ථාන වලට යැවිමට තිරණය කර ඇති බව ඌරුවරිගේ වන්නියලැත්තෝ කීහ.
මෙවර පවත්වන පළාත් පාලන මැතිවරණය සදහා මයියංගනය දඹාන ආදිවාසී ජනතාව වෙනුවෙන් හේනානිගල ආදිවාසී පරපුරේ තරුණියක් තරග වදින බවත් ඉදිරියේදී පවත්වන සියලු මැතිවරණ වෙනුවෙන් රට පුරා සිටින ආදිවාසී ජනතාව නියෝජනය වෙන පරිදි උගත් තරුණ තරුණියන් පාර්ලිමේන්තුවට යැවීම තම බලාපොරොත්තුව බවත් වර්තමානයේ රටෙි නීතිරිති ක්රියාත්මක කිරිමෙිදි පරිසරයට සහ වනාන්තරයට ආදරය කරන තම වරිගයාට නිති දමා ඇති මුත් නමුත් වෙනත් පුද්ගලයින්ට රිසි පරිදි වනාන්තර සහ ගහ කොළ මෙන්මසතා සිවුපාවා විනාශ කිරිමට ඉඩ දි ඇති බවත් මේ සිදුවීම් තමන්ට ලෝකයට කියන්න අවස්ථාවක් සහ මෙම ක්රමවේදය වහා නැවැත්විය යුතු කාලය එළඹ ඇති නිසා තම වරිගයේ ඇත්තන් ගම පළාත දිස්ත්රික්කය නියෝජනයවන පරිදි ඉදිරිපත් කිරිමටත් එසේ කිරිමෙන් රජයේ වගකිව යුත්තන් හමුවෙි සහ රටෙි ජනතාව හමුවෙි කරුණු ඉදිරිපත් කිරිමත් කරුණු දැක්විමත් ශ්රී ලංකාවෙි සිටින සියලු ආදිවාසි ජනතාවගේ වගකීමක් බවත් ආදිවාසි නායක ඇත්තෝ වැඩිදුරටත් පැවසූහ.
කුරුණෑගල දිස්ත්රික් පාර්ලිමේන්තු මන්ත්රී මහින්ද රාජපක්ෂ අද සවස ශ්රී ලංකාවෙන් පිටත්ව යාමට නියමිතව ඇත.මැතිවරණයක් පවතින මේ මොහොතේ මහින්ද රාජපක්ෂ මෙරටින් වෙනත් රටකට යෑම පුදුමය ජනවන කාරණයකි.
ඉකුත් සතියේ ආණමඩුවේ පැවති ජනහමුවකදී පොදුජන පෙරමුණේ සන්විධායකවරයෙක් සමග ගැටුමක් ඇති කරගත් මහින්ද රාජපක්ෂ එදින ආණමඩුවෙන් පිටත් වුයේ බැසිල් රාජපක්ෂට දුරකථන ඇමතුමක් ලබා දී ඔහු මෙම මැතිවරණ ව්යාපාරය පිළිබද දැඩි නොසතුටෙන් සිටින බව දැනුම් දී තිබුනේ පොදු ජන පෙරමුණේ මැතිවරණ ව්යාපාරය අක්රමවත් බව කියාය.කෙසේ වෙතත් මැතිවරණයක් පවතින මේ මොහොතේ මහින්ද රාජපක්ෂ ශ්රී ලංකාවෙන් පිටත්ව යාම පොදුජන පෙරමුණේ මැතිවරණ ක්රියාවලියට දැඩි බලපෑමක් ඇති කරනවා නොඅනුමානය.මෙලෙස ශ්රී ලංකාවෙන් පිඅත්ව යන මහින්ද තව සතියකටවත් මෙරටට නොපැමිණෙන බවද සදහන්ය.මෙම මැතිවරණය ආරම්භ වන මොහොතේම ගෝටාභය රාජපක්ෂද ඇමරිකාව බලා පිටත්ව ගියේය.
පසුගියදා සුගතදාස ගෘහස්ථ ක්රීඩාංණයේදී ශ්රී ලංකාවේ පළමු පරාජිත විධායක ජනාධිපතිවරයා වන මහින්ද රාජපක්ෂ මහතා නායකත්වය දෙනු ලබන පොදු ජන පෙරමුණේ පළාත් පාලන අපේක්ෂකයින්ගේ සමුළුව පැවැත්විණ.
මේ එම පක්ෂයේ නායකයා වූ මහින්දට, පක්ෂයේ සංවිධායකයින් අසුන් ගැනීමට පනවා තිබූ පුටුවයි. එසේම මහින්ද ටිකක් කොට නිසාත් වාඩි වුණු පසු කකුල බිම නොගෑවෙන නිසාවෙනුත් මහින්දට කකුල් දෙක තබා ගන්නට උසට සරිලන බංකු කොටයක් ද තබා තිබුණි. අප එම පක්ෂයේ සංවිධායකයින්ට සහ සමාජිකයින්ට ස්තුති කළ යුතු වන්නේය. ඒ අන් කවරක් නිසාවත් නොව තම පක්ෂයේ නායකයා වන මහින්ද රාජපක්ෂ මහතාගේ මානසිකත්වය ඉතා නිවැරදිව තේරුම් ගැනීම නිසාය. ජනාධිපතිකමත් නැති එකේ නිකම්ම නිකම් පාර්ලිමේන්තු මන්ත්රීවරයෙක් නිසාවෙන් සියල්ලටම වඩා මහින්ද ලොකුයි කියා පෙන්වීමට අනිත් උන්ට නැති ලොකු බාබර් ටයිප් පුටුවක් හෝ මහින්දට ලබාදීමට ඔවුන් කටයුතු කිරීම අගනේය.
එදා මහින්ද වටේ සිටි සැටකපට ජැක්සන්ලා වැනි අන්දරේලා මහින්දව ඇන්දූ ඇන්දිල්ලේ හැටියට පැරදුණු මහින්ද රට වටේ, පන්සල්, පල්ලි, හන්දි, බෝක්කු ගානේ බලය සිඟමින් යන අතරේ මෙවැනි බාබර් පුටුවක වාඩි වී හෝ තමා තවම රජ’යැයි සිතා හෝ මානසික සැනසීමක් ලබන්නේ නම් එයම පිනක් නොවැ අපේ හාමුදුරුවනේ..
මීට සති කිහිපයකට පෙර ජනාධිපතිවරයා ප්රසිද්ධියේ දැඩි අවවාදයක් සිදුකළේය.
එනම් ‘කොළේ ඉරාගෙන, ඇඟේ හළාගෙන, අඬාගෙන තමා ළඟට නො එන ලෙසයි’. අගමැති රනිල් වික්රමසිංහ මහතා මහබැංකු බැඳුම්කර කොල්ලයෙන් තම කොළේ ඉරාගෙන ඇඟේ හලාගෙන නොනැවතී තම මුළු ආත්මයම ඉවර කරගෙන අවසන්ය. එහෙත් අගමැතිවරයා ඉන් නොනැවතී ඊයේ යළිත් වරක් ගල උඩ පහරමින් හත් පළේ ගා ගත්තේය.
රනිල් වික්රමසිංහ යනු මහත්මා දේශපාලනයේ සංකේතයක් බවට පත් වූ චරිතයක් බව බොහෝ දෙනා පිළිගන්නා කරුණකි. එහෙත් එම මහත්මා චරිතයේ සැබෑ නිරුවත ඊයේ රටක් නොව ලොවක් ඉදිරියේ ප්රදර්ශනය විය.
මහා ප්රජාතන්ත්රවාදී නායකයාණන් යැයි පාක්ෂියකින් වන්දනාමාන කළ තම නායකයා ප්රතිවිරුද්ධ මතවාදයක් දරාගත නොහැකිව, මෙසේ හැසිරෙතැයි කිසිවෙකු සිතුවේ නැත. එහෙත් රනිල් වික්රමසිංහ තමාට අන් ප්රතිවිරුද්ධ ඉවසා දරා ගත නොහැකිව වියරු වැටෙන අයෙකු බව ඊයේ(10) ඔප්පු කළේය.
ඊයේ දිනයේ අගමැති රනිල් වික්රමසිංහ තම කොළේ ඉරාගෙන ඇඟේ හලා ගත්තේය. රනිල් ඔහුගේ හැසිරීම තුළින් කොළය ඉරාගත් අතර, ‘කවුද හොරා, කවුද හොරා’ කියා වියරුවෙන් කෑ ගසමින් ඔහු එය තම ඇඟේ හලා ගත්තේය. රනිල් වික්රමසිංහට මෙතෙක් ගරු කළ අය සහ ඔහුගේ අනුගාමිකයින් පවා ඔහුගේ මෙම පහත් හැසිරීම හෙළාදැක විවේචනය කර තිබෙනු දක්නට ලැබිණ
ගයාන් වික්රමතිලක සහ චතුරිකා පීරිස් ජනප්රිය රංගන ශිල්පී යුවළ පිළිබදව පසුගිය දිනවල කතාබහක් ඇති වූයේ ඔවුන් දෙදෙනාට එල්ල වූ චෝදනාවක් නිසාය. පුවත්පතක් සමග සංවාදයකට එක් වූ ගයාන් වික්රමතිලක එම චෝදනා වලට පිළිතුරු දී තිබුණා. එම සංවාදය පහතින් ,
ගයානුයි, චතුරිකයි අලුත් නිවහනක පදිංචි වුණා කියලා ආරංචියි?
ඔව්. අවුරුදු ගාණක් තිස්සේ එකතුවෙලා හදපු නිවහනට අපි ගිය මාසේ පදිංචියට ගියා. ගේ හැදුවේ තලවතුගොඩ. ගෙදර තව පොඩි පොඩි වැඩ ටිකක් කරන්න තියෙනවා. අපි ඒ වැඩවලටත් මේ දවස්වල ටිකක් කාර්යබහුලයි.
කාලෙන් කාලෙට චතුරිකාගෙයි, ගයාන්ගෙයි නම මොකක් හෝ සිද්ධියක් එක්ක අෑදිලා එළියට එනවා. මේ දවස්වලත් ඔය දෙන්නගේ නම් ආයෙත් සිද්ධියකට ගැළපිලා එළියට ඇවිත්?
ඔය අහපු දේ ගැන මම දන්නේ ඊයේ හවස. එතකල් මම ඔය පිළිබඳව විමසිලිමත් වුණේ නැහැ. අපිට තියෙන වැඩ කටයුතුත් එක්ක ඔය වගේ චීත්ත ප්රශ්න පස්සේ පන්නන්න විදියක් තිබුණේ නැහැ. නමුත් ඔය කියන දේවල් මම දැක්කා. එතකොට ඇත්තටම මට මතක් වුණේ බුදු බණ. වැපිරුවොත් දෙයක් ඒ තරමට තමයි නෙළා ගන්න වෙන්නේ. ඇත්තටම තිබ්බ ප්රශ්නවලින් අපි නිදහස් වෙලා ඉන්නේ. අපිට ප්රශ්න ඇති කරපු මිනිස්සු ප්රශ්නවල පැටලිලා ඒවත් එක්ක ඉන්නේ.
ඒ පාර්ශ්වය සමාජ මාධ්යවලට ප්රකාශ කරලා තිබුණා ගයාන් බාල දරුවාට සලකන්නේ නැති නිසා ඔවුන් බාල දරුවාට උදවු කළා කියලා?
ඒවා දෙකයි පනහේ කතා. එල්ලෙන්න පැත්තක් නැති වුණාම සමහරු ඔය වගේ දෙකයි පනහේ කතා කියනවා. ඔය වගේ ප්රකාශ නිකුත් කරන මනුස්සයා ගැන අපේ රටේ ප්රේක්ෂකයන්ට ඉස්සරහට හොඳ දේවල් ටිකක් දැක බලාගන්න පුළුවන් වෙයි. තව අවුරුදු තුනක් හතරක් විතර යද්දි මගේ දරුවාට සැලකුවා කියලා කියාගන්න පුද්ගලයාගේ රෙදි ගැලවෙයි. ඒ රෙදි ගැලවෙද්දි දැන් ළඟට එකතු වෙලා ඉන්න කෙනෙක් ඉන්නවා නම් ඒ අයත් අෑත් වෙයි. නරියට තීන්ත බාල්දිය හැලුණු කාලේ විතරයි රජා විදියට සලකන්නේ. ටික ටික තීන්ත ටික හේදිලා යද්දි සැබෑ තත්ත්වයට එනවා. මම මේ හැම දෙයක්ම කාලයට භාරදීලා බලාගෙන ඉන්නවා.
ඒ පුද්ගලයා ඇත්තටම එහෙම මුදල් බැංකු ගිණුම්වලට යොදවලා තියෙනවද?
මට මගේ පුතාලා දෙන්නට උපරිමයෙන් සලකන්න පුළුවන්. චතුරිකා එයාට කරන්න පුළුවන් උපරිම තත්ත්වයෙන් පුතාලට සලකනවා. ඒ ඇරෙන්න අම්මෙකුටයි, තාත්තෙකුටයි නැති දරු කැක්කුමක් මේ කොහෙවත් ඉන්න මනුස්සයකුට එන්න විදියක් නෑනේ. එහෙම කැක්කුමක් එනවා නම් එන්නේ වෙන මොකවත් නිසා නෙමෙයි ආර්ථික වාසියක් නිසා. සල්ලි බැංකු ගිණුම්වලට දාලා කරන්න උත්සාහ කරලා තියෙන්නේ මට මඩගහන එක. දැන් ඔය ප්රශ්නවලට අවුරුදු පහක් විතර ගෙවිලා. ඇත්තටම අපිට මේ වගේ ප්රශ්නත් එක්ක එල්ලෙන්න විදිහක් නැහැ. 2013 දාපු මොකක්ද දෙයක් ගැන තමයි ඒ පුද්ගලයා 2017දීත් කියන්නේ. මේවා හරි ලැජ්ජාවට කාරණා. තව අවුරුදු දෙකක් විතර යද්දි ඔය දේවල් කියන පුද්ගලයා ලංකාවේ ජීවත් වෙන්න ඕන. නැත්නම් මේ ලංකාව අතහැරලා ඒ පුද්ගලයාට යන්න සිද්ධ වෙනවා.
ඇයි ඒ?
ඒ පුද්ගලයා ඔය පටලවාගෙන තිබෙන ප්රශ්න ටික ඒ අයම පටලවාගෙන තියෙන ප්රශ්න. ගයාන් වික්රමතිලකවත්, චතුරිකා පීරිස්වත් කාගෙන්වත් සල්ලි හිඟා කාලා නැහැ. රට ඉන්න ගෑනුන්ගෙන්වත්, ලංකාවේ ඉන්න ගෑනුන්ගෙන්වත් අපි සල්ලි හිඟා කාලා නැහැ. දුක් මහන්සියෙන් හොයපු සල්ලිවලින් අපි කාලා බීලා ජීවත් වෙනවා. හැබැයි කවුරුහරි කාටහරි රුපියලක් හරි දෙයක් හරි වංචා කරලා තියෙනවා නම්, කාටහරි ගින්දරක් දීලා තියෙනවා නම් මේ ආත්මේ පඩිසන් දෙනවා.
ඔබ කියන්නේ ඒ පුද්ගලයන්ගේ පැටිකිරිය තවත් එළියට එයි කියලද?
අනිවාර්යයෙන්ම. මට 2012, 2013 ඉඳන් තවම මඩ ගහනවා. මම ඒ දේවල් වෙනුවෙන් වචනයක් කියන්න ගියේ නැහැ. මුළු ලංකාවම හිතුවා ගයානුයි චතුරිකයි කියන්නේ සෑහෙන වැරැදි කරපු දෙන්නෙක් කියලා. අපිට ෆේස්බුක් එකේ ෆොටෝ එකක් දාන්න බෑ. අපිට පරුෂ වචනයෙන් බනිනවා. දරුවෝ අමතක කරලා ගිය මිනිහා කියලා බනිනවා. ඔය වගේ ජරා කමෙන්ට්ස් ආවේ. හැබැයි මම සියල්ල කාලයට භාරදීලා මොකක්ද වෙන්නේ කියලා බලන් හිටියා. ඒ ඔක්කොම ප්ලෑන් කරපු අය දැන් එකිනෙකාට මඩ ගහ ගන්නවා.
පහුගිය කාලේ ගයාන්ටයි චතුරිකාටයි මඩ ගැහුවේ ඒ පුද්ගලයා කියලද ඔය කියන්නේ?
මීඩියාවලට කතා කරලා, සල්ලි දීලා, සමහර අයට ඩිනර් අරන්දීලා ප්ලෑන් කරලා අපිට මඩ ගහලා තිබ්බේ. දැන් දිට්ඨධම්මවේදනීය කර්මය ඒ අයට පඩිසන් දෙනවා.
අවුරුදු ගාණක් ගිහිල්ලත් මේ විදියට මඩ ගහද්දි චතුරිකා මොනවද කියන්නේ?
අපිට දැන් කාලයක් ඉඳන් මඩ ගැහුවාණේ. අපි අපේ පාඩුවේ අපේ වැඩ කරගෙන ගියා. ඔය ඔක්කොම අතරේ තමයි මමයි චතුරිකායි අහම්බෙන් යූ ටියුබ් එකේ තිබ්බ වීඩියෝව දැක්කේ. ඒ දේවල් දකිද්දි අපි දෙන්නටම හිනා ගියා. අපි ඇත්තටම ඔය දේවල් හොයන්න යන්නේ නෑ අවශ්ය නැති නිසා. හැබැයි දැන් මුළු ලංකාවම, සමාජයම ඉස්සරහ ඒගොල්ලෝ ඒගොල්ලො පැටිකිරිය හෙළි කරගෙන තියෙනවා.
ලොකු පුතානේ ගයාන් ගාව ඉන්නේ. ඇත්තටම පොඩි පුතා ගැනත් ගයාන් හොයලා බලනවද?
ඔව්. පොඩි පුතා ගැනත් බලනවා. එයාවත් පාසල්වලට දාලා ඒ වැඩකටයුතු කරගෙන ගියා. නමුත් පොඩි පුතාට වුවමනාවක් තිබුණා එයාගේ මව ළඟට යන්න. එයා ඉතා පැහැදිලිව කිව්වා එයාගේ අම්මා ළඟට යන්න ඕන කියලා. ලොකු පුතා කිව්වා අප්පච්චිත් එක්ක ඉන්න ඕන කියලා. දැන් පොඩි පුතා එයාගේ පාඩුවේ හොඳින් ඉන්නවා. ලොකු පුතා එයාගේ පාඩුවේ ඉන්නවා. ඒ දෙන්නට කිසිම ප්රශ්නයක් නැහැ. කොහෙවත් ඉන්න මිනිස්සුන්ට තමයි මේක ප්රශ්නය වෙලා තියෙන්නේ. මටයි දරුවන්ටයි ප්රශ්නයක් නැත්නම් මේක වෙනඅයට ප්රශ්නයක් වෙන්නේ ඇයි?
ලොකු පුතයි පොඩි පුතයි මුණගස්වනවද?
ඔව්. එයාලා මුණගැහෙනවා.
නිර්මාණ කටයුතු ගැනත් කතා කරමුකෝ. මේ දවස්වල චිත්රපටයක් කරන්නත් ලැහැස්ති වෙනවලු නේද?
මේ දවස්වල අපේ ප්රඩක්ෂන් එකක් කරන්න ලැහැස්ති වෙලා ඉන්නවා. මේ සැරේ චිත්රපටයක් කිරීමේ වෑයමක තමයි ඉන්නේ. එහි වැඩ කටයුතුවලට මේ දවස්වල ලැහැස්ති වෙනවා. මම තමයි එහි අධ්යක්ෂණ වැඩ කටයුත්තත් කරන්නේ. එය ආදර කතාවක් පදනම් කරගත් විනෝදාත්මක පැත්තට බර චිත්රපටයක්.
ටෙලි නාට්ය අධ්යක්ෂණයෙන් අපි ගයාන්ව දැකලා තියෙනවා. හැබැයි චිත්රපට අධ්යක්ෂණයෙන් තවම දැකලා නැහැ. චිත්රපට අධ්යක්ෂණය තුළ සාර්ථක වෙන්න පුළුවන් වෙයි කියලා හිතනවද?
මම හරි ආසාවෙන් ඉන්නේ චිත්රපටයක් අධ්යක්ෂණය කරන්න. ඒක ලොකු කාලයක ඉඳන් තිබ්බ බලාපොරොත්තුවක්. එය තමයි මේ ඉෂ්ට කරගන්න හදන්නේ. ඒ කාර්යයත් සාර්ථක කරගන්න පුළුවන් වෙයි කියලා හිතනවා.
ඔබයි චතුරිකයි දෙන්නම එහි රඟපායිද?
චතුරිකාත් එහි රඟපානවා. බොහෝදුරට මමත් එහි රඟපානවා. මම ආසයි රඟපාන්නේ නැතුව එහි අධ්යක්ෂණ කටයුතු පමණක් කරන්න. නමුත් චතුරිකාගේ ඉල්ලීමක් තියෙනවා රඟපාන එක නවත්තන්න එපා කියලා.
පහුගිය කාලේ ගයානුයි චතුරිකායි එකතු වෙලා කරපු නිර්මාණවල දෙන්නම රඟපෑවා. මේ සැරෙත් තමන්ගේ නිර්මාණයට මුහුණ දාගන්න හදනවා කියලා සමහරුන්ට හිතෙන්න පුළුවන්?
රංගන ශිල්පීන් අධ්යක්ෂණය කරන හැම නිර්මාණයකම ඔවුන් පෙනී ඉන්නවා. ලෝකයේ වෙන රටවලත් එය සිද්ධ වෙනවා. අමිර් ඛාන් අවුරුද්දකට එක චිත්රපටයක් හෝ දෙකක් කරනවා. ඔහු ඒ නිර්මාණවල රඟපානවා. අද වෙනකොට අපිට අවශ්ය නිර්මාණ බිහි වෙන්නේ නැහැ. බිහිවෙන නිර්මාණවල අපිට අවශ්ය මුදල හම්බෙන්නේ නැහැ. ඒ වගේ දේවල්වලින් අපිට අයින් වෙන්න සිද්ධ වෙද්දී රංගන ශිල්පීන් විදියට මෙහි පැවැත්මක් හදාගන්න අපි පිටපත් හදාගෙන අපි අධ්යක්ෂණය කරගෙන අපිට රඟපාන්න සිද්ධ වෙනවා.
අධ්යක්ෂණ කාර්යයයි රංගන කාර්යයයි දෙකම කරද්දී අධ්යක්ෂණයටයි, රංගනයටයි සාධාරණයක් කරන්න පුළුවන් වෙයි කියලා හිතනවද?
මම ටෙලි නාට්ය අධ්යක්ෂණය කරලා රඟපාලා තියෙනවා. මම රඟපාන ගමන් අධ්යක්ෂණය කරද්දී යම් කාලයක් ගත වෙනවා. ඒ ඇරෙන්න එය මහා භාරදුර කාර්යයක් නෙමෙයි. මුලින් කළාටත් වඩා හොඳ නිරවුල් මානසිකත්වයකින් සහ වෘත්තීය දැනුමකින් තමයි මම චිත්රපටය කරන්න යන්නේ. ඒ නිසා ගැටලුවක් වෙන එකක් නැහැ.
අලුත් වසරේ සැලසුම් කරගත් තව දේවල් ඇති?
ඉතාම සන්තෝෂයෙන් ගෙවන්න බලාපොරොත්තු වෙන අවුරුද්දක් තමයි 2018. මට, චතුරිකාට වැඩ ගොඩක් කරන්න තියෙන අවුරුද්දක් මේ අවුරුද්ද. අපි හැම දෙයින්ම ස්ථාවර මට්ටමකට එමින් ඉන්නේ. අපි හදපු අලුත් ගෙදර, අම්මලා, තාත්තලා, අපි දෙන්නා පුතා එක්ක හොඳින් ජීවත් වෙන්න වගේම, චතුරිකායි මමයි හොඳ නිර්මාණ කරන්නත් බලාපොරොත්තු වෙනවා. කාගෙවත් කුණු හොයන්නේ නැතුව, එකිනෙකාට මඩ ගහගන්නේ නැතිව අපේ දෙයක් කරගෙන ලස්සනට ජීවත් වෙනවා ඉදිරියටත්.
වයස අවුරුදු 14ක පාසල් සිසුවියක් සමූහ දූෂණයට ලක්වූ සංවෙදී පුවතක් තිස්සමහාරාම, ගෝනගමුව ප්රදේශයෙන් වාර්තා වෙනවා. අදාල සමූහ දූෂණය සම්බන්ධයෙන් චෝදනා එල්ලවන්නේ ඇගේ 23 හැවිරිදි පෙම්වතාට සහ ඔහුගේ මිතුරන් දෙදෙනෙකුටයි. පසුගිය 9 වැනිදා රාත්රියේ දැරිය සමූහ දූෂණයට ලක්වන්නට ඇති බවයි පොලිසිය සැකකරන්නේ. ඔවුන් සැක පලකරන්නේ අදාළ තරුණයින් දැරියගේ නිවස ආසන්න ස්ථානයක මත්පැන් පානය කර, ඉන් පසුව දැරිය දූෂණයට ලක් කරන්නට ඇති බවටයි.
දැරිය දූෂණය වූ දිනට පසු දින ඇය සියදිවි නසා ගැනීමට උත්සාහ දරා තිබෙනවා. ඒ ඇය පදිංචි නිවස පිටුපස පිහිටි කොහොඹ ගසක ගෙළ වැළාගෙනයි. කෙසේ වෙතත් ඇයගේ සොහොයුරා විසින් සිදුවීම දැක ඇයව මුදාගෙන හම්බන්තොට මහරෝහලට ඇතුළත් කර තිබෙනවා.
සිය දිවි හානි කර ගැනීමට ප්රථම දැරිය විසින් ලියූ ලිපියක් ද හමුවී ඇති අතර, තරුණයන් තුන්දෙනා සම්බන්ධයෙන් කරුණු සඳහන් කර ඇති බවයි පොලීසිය සඳහන් කළේ. පසුව මෙම තරුණයන් තුන්දෙනා යාල රක්ෂිත ප්රදේශයේ සැඟව සිටියදී ප්රදේශවාසීන් විසින් 11 වනදා අලුයම අල්ලා ගෙන පොලිසියට භාර දී තිබෙන අතර , ඔවුන් තිදෙනාට ප්රදේශවාසීන් විසින් පහර දී තිබෙන බවද සදහන්.
ප්රදේශවාසීන්ගේ පහරකෑමට ලක්වූ මෙම තරුණයින් තිදෙනා බන්ධනාගාර නිලධාරීන්ගේ ආරක්ෂාව යටතේ දෙබරවැව මූලික රෝහලේ ප්රතිකාර ලබන බව වාර්තා වේ. සැකකාර පෙම්වතා 23 හැවිරිදි වියේ පසුවන අතර අනෙක් තරුණයන් 18 හැවිරිදි සහ 20 හැවිරිදි වියේ පසුවනවා. මෙලෙසින් සමූහ දූෂණයට ලක්වූ දැරිය මේවන විට හම්බන්තොට මහරෝහලේ දැඩි සත්කාර ඒකකයේ ප්රතිකාර ලබනවා.
සියදිවි හානිකර ගැනීමට ප්රථම දැරිය විසින් ලියූ ලිපියහි මෙලෙස සඳහන් වේ.
“ මම හිටියේ හොඳින් ඉගෙනගෙන ඉස්කෝලේ ශිෂ්ය නායිකාවක් වන්න. මට ඒ හීනේ නැතිවුණා. මම මගේ පවුලේ ඔක්කොටොමත් මගේ නෑදෑයින්ටත් ආදරෙයි. මම හිච්චා එක්ක යාළුවෙලා හිටියේ. ඌ මට බොරුවක් කළේ. ඌ තමයි අරුන් දෙන්නට කියලා මාව විනාශ කළේ. මට ගොඩක් දුකයි. මට මගේ පවුලේ අයට ලැජ්ජා කරලා ජීවත්වෙන්න බෑ.“
සරු ජනිත ක්රියාවලියක් නැති ජී එල් පීරිස්ගේ පක්ෂය වන ශ්රි ලංකා පොදු ජන පෙරමුණට අනාගත පරම්පරාවක් බිහි කිරීමට නොහැකි බව පාර්ලිමේන්තු මන්ත්රි වීරකුමාර දිසානායක පවසනවා.
පසුගියදා (10) අනුරාධපුරයේ පැවති ශ්රි ලංකා නිදහස් පෙරමුණේ පළාත් පාලන මැතිවරණ ප්රචාරක මංගල ජන රැලිය අමතමින් මන්ත්රිවරයා මේ බව සඳහන් කර සිටියා.
“අශ්වයයි බූරුවයි එකතු වුනාම බිහි කරන්නෙ කොටළුවා. සරු ජනිත ක්රියාවලියක් නෑ. ජී එල් මහත්තයාගේ පක්ෂෙට, ඒකට පරම්පරාවක් බිහි කරන්න බෑ. ඒක නිසාම 11 වෙනිදා වෙනකොට ජී එල් මහත්තයාගේ පක්ෂය වඳ වෙලා යනවා. අනුරාධපුරයේ සහ මේ මුළු රටේම මේක ස්ථීරයි කියන එක මම මතක් කරන්න ඕන,” මන්ත්රිවරයා පවසා සිටියා.
පාර්ලිමේන්තුවට ඉදිරිපත් කිරීමට නියමිත ජනාධිපති කොමිෂන් සභා වාර්තා දෙකෙන් ආණ්ඩු පක්ෂයේ හා විපක්ෂයේ මන්ත්රිවරුන් හැටදෙදෙනකුගේ නම් හෙළිදරව් වීමට නියමිත බවට වාර්තාවේ.
මේ මස 17 වැනිදා ඉදිරිපත් කිරීමට නියමිත මහ බැංකු බැඳුම්කර විශේෂ ජනාධිපති කොමිෂන් සභා වාර්තාවේ එක්සත් ජාතික පක්ෂයේ ඇමැතිවරුන් හා නියෝජ්ය ඇමැතිවරුන් ඇතුළු මන්ත්රිවරුන් තිස් දෙනකුගේ නම් සඳහන් වන බවත්, බරපතළ වංචා දූෂණ සෙවීමේ ජනාධිපති කොමිෂන් වාර්තාවේ ඒකාබද්ධ විපක්ෂයේ මන්ත්රිවරුන් තිස් දෙදෙනකුගේ නම් සඳහන් වන බවත් ශ්රීලනිප ජ්යේෂ්ඨයෙකු පැවසීය.
බරපතළ වංචා දූෂණ සොයා බැලූ ජනාධිපති විමර්ශන කොමිෂන් වාර්තාවට සිද්ධි 34ක් ගැන තොරතුරු අඩංගු වන බවද ඔහු වැඩිදුරටත් කීවේය. රාජ්ය දේපළ, වත්කම් විනාශ කරන අයට, හොරුන්ට, වංචාකාරයන්ට ඒ සියලු දෙනාට, ඒ අයගේ තත්ත්වය, තනතුරු, පක්ෂය කිසිදෙයක් නොබලා ගතහැකි සියලු තීරණ ගෙන දඬුවම් කිරීමට අවශ්ය පසුබිම හදන බව පසුගිය 11 වැනිදා මැදිරිගිරියේ දියසෙන් පුර පැවැති ජන රැලියකදී ජනාධිපති මෛත්රිපාල සිරිසේන මහතා ප්රකාශ කර තිබිණි.
