එක්සත් ජාතික පක්ෂයේ ලක් වනිතා සංගමයේ ලේකම් දයාංගණී හෙට්ටිආරච්චි, ජාතික හෙළ උරුමයේ මැදදුම්බර හිටපු සංවිධායක ජයන්ත වීරසේකර යන මහත්ම මහත්මීන් හා මහනුවර මැදදුම්බර ප්රාදේශීය සභා බල ප්රදේශයේ එක්සත් ජාතික පක්ෂය සහ ජාතික හෙළ උරුමය ඇතුළු පක්ෂ කිහිපයක සාමාජික සාමාජිකාවන් පිරිසක් මධ්යම පළාත් මහ අමාත්ය සරත් ඒකනායක මහතා හමු වී අතිගරු ජනාධිපති මෛත්රීපාල සිරිසේන මහතාගේ දෑත් ශක්තිමත් කිරීමෙන් ශ්රී ලංකා නිදහස් පක්ෂයේ ජය තහවුරු කිරීමට එක්ව ඇත.
නිසි ආරක්ෂක ක්රමෝපාය සහිතව ඉදිකර තිබූ යුද හමුදා මූලස්ථානය මෙසේ වෙනස් කිරීම නිසා රටේ ආර්ථිකයට ගැටලූ ඇතිවූවා මෙන්ම ආරක්ෂාවටද ගැටලූ ඇතිවිය හැකිව තිබූ බව කොළඹ, ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේ දී ඊයේ (19) පැවති මාධ්ය හමුවක් අමතමින් වරාය හා නාවික කටයුතු පිළිබඳ අමාත්ය මහින්ද සමරසිංහ මහතා පැවසීය.
එතුමා එසේ පැවසුවේ පසුගිය රජය සමයේ යුද හමුදා මූලස්ථානය පිහිටා තිබූ භූමිය විකුණා එම මූලස්ථානයේ ස්ථාපිතව පැවති යුද හමුදාවේ විවිධ අංශ කුලියට ගත් ගොඩනැගිලි 15ක් ස්ථාපිත කිරීම හේතුවෙන් වාර්ෂිකව කුලිය ලෙස රුපියල් කෝටි 500ක් ගෙවීමට රජයට සිදුව ඇතැයි ජනපති මෛත්රීපාල සිරිසේන මහතා ඊයේ (19) පැවති අමාත්ය මණ්ඩල රැස්වීමේදී ප්රකාශ කළ බව සඳහන් කරමිනි.
මෙම ඉඩම විකිණීමට පෙර යුද හමුදා මූලස්ථානයක් ඉදිකිරීමට හෝ එක් නිශ්චිත ස්ථානයක් තෝරාගැනීමට කටයුතු කළා නම් මෙවැනි තත්ත්වයක් ඇති නොවන බව කී අමාත්යවරයා ෂැංග්රිලා සමාගමට මෙම ඉඩම ලබාදී ඇත්තේ ද සින්නක්කරවම බව ප්රකාශ කළේය.
ඇමෙරිකාවේ ආරක්ෂක මූලස්ථානය වන පෙන්ටගනය හා සමානව යුද හමුදා මූලස්ථානයක් ඉදිකිරීමට පසුගිය රජය සමයේ කටයුතු ආරම්භ වුවත් එහි අක්රමිකතා සිදුව ඇති බවට ලැබුණු පැමිණිල්ල හේතුවෙන් ඉදිකිරීම් කටයුතු තාවකාලිකව නවතා දැමීමට රජයට සිදුවූ බව ද සමරසිංහ මහතා වැඩිදුරටත් ප්රකාශ කර සිටියේය.
තමා ඒලියන්ස් යුවතියක් සමග විවාහ වු බවත් එම විවාහකයෙන් තමන්ට දරුවන් සිය දෙනෙකු බිහි වූ බවත් අමෙරිකාවේ නිව් ජෙසි ප්රාන්තයේ ජීවත් වන පුද්ගලයෙකු පවසා තිබෙනවා.
නමින් ඩේවිඩ් හුවින් වන ඔහුට දැනට වයස අවුරුදු 79ක් වන බවයි ඩෙයිල් මේල් පුවත්පත සඳහන් කරන්නේ.
ඩෙයිල් මේල් පුවත්පතත් සමග පැවැති සම්මුඛ සාකච්ඡාවකට එක්වෙමිනුයි ඔහු මේ බව පවසා තිබෙන්නේ.
තමන් ජොර්ජීයාවේ ජීවත් වූ බවත් එම අවස්ථාවේ දී තමන්ට වයස අවුරුදු 8ක් වූ බවත් ඔහු කියා සිටියා.
එම අවස්ථාවේ දී ඔහුට ඒලියන්ස් යුවතියක් සමග සම්බන්ධයක් ඇති වූ බවත් වයස අවුරුදු 17 දී ඇය සමග තමා ලිංගික සම්බන්ධතාවයක් පැවතු බවත් ඔහු ඩෙයිල් මේල් පුවත්පතට පවසා තිබෙනවා.
ඒ අනුව තමන්ට දරුවන් සිය දෙනෙකු බිහි වූ බවත් එම දරුවන් අදටත් එම ඒලියන්ස් යුවතියගේ රැකවරණයේ ජීවත් වන බවත් ඩේවිඩ් හුවින් පවසනවා.
ක්රිසන්ට් යනුවෙන් තමා එම ඒලියන්ස් කාන්තාව අමතන බවත් ඇය තමාව අභ්යවකාශයට අවස්ථා කිහිපයකදී රැගෙන ගිය බවත් ඔහු සඳහන් කළා.
එම කානත්ව හා තමන් ආ ගිය ස්ථාන මෙම පුද්ගලයා විසින් සිතුවම් කොට ඇති අතර එම සිතුවම් සියල්ල තමාගේ නිවසේ බිත්තිවල සවිකර ඇති බව ඩේවිඩ් හුවින් කියා සිටියා.
තමා පවසන සියල්ල සත්ය බවත් තමන් අතර සිදුවුයේ කුමක්ද කියා තමාගේ හෘද සාක්ෂිය දන්නා බවත් එය තවත් කෙනෙකුට ඔප්පු කර පෙන්වීමේ අවශ්යතාවක් තමන්ට නොමැති බවත් ඩේවිඩ් හුවින් ඩෙයිල් මේල් පුවත්පතත් සමග පැවැති සම්මුඛ සාකච්ඡාවේ දී කියා සිටියා.
මොහු විසින් කියන ලද තොරතුරු එක්රැස් කරමින් ඉදිරියේ දී චිත්රපටයක් නිෂ්පාදනය කිරිමට අමෙරිකාවේ සමාගමක් ඉදිරිපත් වී ඇති බවද ඩෙයිල් මේල් පුවත්පතේ වාර්තාවේ සඳහන්.
‘මේ සැරේ ආවොත් ගහලා එලවනවා ඕන එකෙක්ව. මේ සැරේ රජයත් අපේ. පොලීසියත් අපේ. ඒක හින්දා බයක් සැකක් තියාගන්න ඕන නෑ. අපිට ඕන කරලා තියෙන්නෙ තමුන්වහන්සේලාගේ වටිනා කතිරය විතරයි‘‘පසුගියදා සංචාරක සංවර්ධන හා ක්රිස්තියානි කටයුතු පිළිබඳ අමාත්ය ජෝන් අමරතුංග කියපු මේ කතාව තවමත් ඔබට මතක ඇති.
කොහොම වුනත් අමාත්යවරයා කියපු මේ කතාවෙන් පස්සෙ පක්ෂ විපක්ෂ බොහෝ දෙනා මේ ගැන කතා කලා. ඒ වගේම සුජීව සේනසිංහ රාජ්ය අමාත්යවරයාත් කිවුවෙ ඇමති ජෝන් අමරතුංග අමාත්යවරයාට දැන් වයස අවුරුදු අසූවකට විතර ආසන්න බවත් තවමත් ඔහු ජනතාව වෙනුවෙන් සේවය කරන නිසා ඔහුට අනුකම්පා කල යුතු බවත්ය.
හැබැයි මේ කතාවෙන් පස්සෙ ජෝන් අමරතුංග අමාතත්යවරයා කිවුවෙ සුජීව සේනසිංහ රාජ්ය අමාත්යවරයාට වඩා තමන් සිහිබුද්ධියෙන් කටයුතු කරන බවයි. එසේම අමාත්යවරයා වැඩිදුරටත් අදහස් දක්වමින් රාජ්ය අමාත්ය සුජීව සේනසිංහ පිළිබඳ මෙලෙසද ප්රකාශ කලා.
ඊයේ පෙරේදා දේශපාලනයට ඇවිල්ලා සුජීවලා මොනවාද දන්නේ. එක්සත් ජාතික පක්ෂය වෙනුවෙන් මං මැතිවරණ කීයකට මුහුණ දුන්නාද? කෙතරම් මැර තර්ජන අපට එල්ල වුණාද? පසුගිය ආණ්ඩුව කාලේදී කෙතරම් මැර තර්ජන එල්ල වුණාද? ඒ වගේ තර්ජන ඉදිරියේදී එක්සත් ජාතික පක්ෂයේ පාක්ෂිකයන්ට එල්ල කරන්න එපා. එහෙම කවුරුහරි මැර තර්ජන අපට කරන්න ආවොත් ඒකට ඉඩ දෙන්නේ නැහැ කියන එකයි මං කිව්වේ.
මට වයස ගියාට සුජීවලාට වැඩිය ඉතා හොඳ සිහි බුද්ධියෙන් මම කටයුතු කරනවා. කොළේ ඉරාගෙන ඇඟේ හලාගෙන මගේ ළඟට එන්න එපායි කියලා ජනාධිපතිතුමා පසුගියදා කිව්වේ කාටද? ජනාධිපතිතුමාට දොස් කියන්න එපා කියලා එක්සත් ජාතික පක්ෂයේ පාර්ලිමේන්තු මන්ත්රි කණ්ඩායම් රැස්වීමේදී අගමැතිතුමා අවවාද කළේ කාටද? කියලා හොයලා බලන්න. එතකොට සිහිබුද්ධිය නැතිව වැඩ කරන්නේ කවුද? කියලා කාටත් දැනගන්න පුළුවන්.
[rns_reactions]
මෙවර මැතිවරණයේදී ඒකාබද්ධ විපක්ෂයේ මන්ත්රීවරුද සම්බන්ධ කර ගනිමින් තනි පක්ෂයක් ලෙස තරඟ කිරීමට ජනපති විශාල උනන්දුවකින් කටයුතු කරමින් විවිධ කැපකිරීම් පවා කරන්නට සූදානමින් සිටි බව සමාජ සවිබල ගැන්වීම්, සුබ සාධන හා කන්ද උඩරට උරුමයන් පිළිබඳ ඇමැති එස්.බී දිසානායක මහතා පැවසීය.
මහනුවර දිස්ත්රික්කයේ පාතහේවාහැට ප්රාදේශීය සභාව සඳහා නාම යෝජනා බාර දීමෙන් පසු (19) මහනුවර මැතිවරණ ලේකම් කාර්යාලයේදී ඇමැතිවරයා මේ බව කීවේය.
අසූචි වළ කර වටක් ගිලී සිටින විමල් එක්සත් ජනතා නිදහස් සන්ධානයට එක් කර ගැනීමේ කිසිදු අවශයතාවක් නොමැති බවත් ඔහු කීය.
පක්ෂය සමඟි කිරීමට ජනපති මෛත්රිපාල සිරිසේන මහතා ගත් උත්සහය ව්යර්ථ කිරීම නිසා අද මහින්ද, බැසිල්, නාමල් කෙරෙහි ඒකාබද්ධ විපක්ෂය නියෝජනය කරන මන්ත්රීවරු කේන්තියෙන් පසුවන බව ද අමාත්යවරයා කීය.
[rns_reactions]
ජාතික පාරිසරික පනතේ 37 වගන්තිය අනුව ජාතික, දේශපාලනික, සංස්කෘතික, අධ්යාපනික හෝ ඕනැම මට්ටමක උත්සවයක දී පොලිතින් සැරසිලි භාවිතය තහනම් වන බවමධ්යම පරිසර අධිකාරියේ සභාපති මහාචාර්ය ලාල් මර්වින් ධර්මසිරි මහතා එම අධිකාරියේ ඊයේ(19) පැවැති මාධ්ය හමුවක දී පුකාශ කර සිටියේය.
දේශපාලන රැස්වීම් පිළිගැනීම් හෝ එවැනි වෙනත් උත්සවවල පොලිතින්වලින් සැරසිලි සිදුකිරීම දඬුවම් ලැබිය හැකි වරදක් වන අතර මෙවර ඡන්දයේ මැතිවරණ ප්රචාරක කටයුතුවලදී එවැනි සැරසිලි සිදුකරන්නේ නම් ඒ පිළිබඳ ළඟම ඇති පොලිසියට පැමිණිලි කරන්නැයි එතුමා වැඩිදුරටත් මහජනතාවගෙන් ඉල්ලා සිටියේය.
පොලිතින් හා ප්ලාස්ටික් තහනම් කරමින් ගැසට් නිවේදන කිහිපයක් නිකුත් කර ඇති අතර 2034/ 36 දරන නිවේදනයෙන් පොලිතින් හෝ ප්ලාස්ටික් විවෘත ස්ථානවල දමා පිළිස්සීමද තහනම් කර ඇති බව සභාපතිවරයා ප්රකාශ කළේය.
මාධ්ය හමුව ඇමතූ සභාපතිවරයා මෙසේ ද කීය.
‘‘ සැප්තැම්බර් පළමුවැනිදා සිට පොලිතින් හා ප්ලාස්ටික් වර්ග කිහිපයක් තහනම් කළ නමුත් ඒ පිළිබඳ දැඩි පරික්ෂාවන් ආරම්භ වෙන්නේ ලබන පළමුවැනිදා සිටයි. ඒ කාලය ලබා දුන්නේ විකල්පවලට මාරුවෙන්නයි. මේ වනවිටත් පොලිතින් නිෂ්පාදනය කරන ස්ථාන පරික්ෂා කරමින් ඉන්නවා. මධ්යම පරිසර අධිකාරියේ ලියාපදිංචි ආයතන මෙන්ම ලියාපදිංචි නොවු ආයතනත් පවතිනවා. මේ සියල්ල පරික්ෂාවට ලක්කරනවා. ලියාපදංචි නොවී පොලිතින් නිෂ්පාදනය කරන ස්ථාන පිළිබඳ දන්නේ නම් මධයම පරිසර අධිකාරිය දැනුවත් කරන ලෙස අපි ජනතාවගෙන් ඉල්ලා සිටිනවා‘‘
මුදල් අමාත්යවරයා මෙම අයවැය නීල හරිත අයවැයක් බවට ප්රකාශ කලද මෙම ධනවාදී නිශ්පාදන පරිභෝජන සහ ආයෝජන රටාව කිසිසේත් පරිසර මිතුරු එකක් නොවන බවත් 2018 අයවැය යෝජනාවළියේ ආර්ථික දෘෂ්ටිය මතු කරගැනීමට හෝ විවේචනය කිරීමේ හැකියාවක් ඒකාබද්ධ විපක්ෂයට නොතිබූ බවත් අයවැය යෝජනාවළිය සම්බන්ධයෙන් ඔවුන්ගේ දැනුමේ දුගී කම හෝ විකල්පයක් නොමැති කම මෙයට හේතුවිය හැකි බවත් ප්රවීන මාධ්යවේදී මොහාන් සමරනායක මහතා ඊයේ(19) කොළඹදී පැවති මාධ්ය හමුවකට එක්වෙමින් කියා සිටියේය.
2017 වර්ෂය සඳහා රාජ්ය හා රජය සතු සමාගම්වල කාර්ය මණ්ඩලවලට ප්රසාද දීමනා ගෙවීම කැබිනට් මණ්ඩලය මගින් අනුමත කර ඇත.එසේ ගෙවනු ලබන්නේ කාණ්ඩ 4ක් යටතේ බව 2017/12/11 මහාණ්ඩාගාරයෙන් නිකුත් කල චක්රලේකයේ දැක්වේ.
එම කාණ්ඩ නම්,
කාණ්ඩ අංක 01 – පෙර වර්ෂයේ අලාභදායි තත්ත්වයන් වළක්වා මෙම වර්ෂය තුළ දී ලාභය උපයාගෙන ඇති දිරි දීමනා ගෙවනු නොලබන ආයතනවල සේවකයන් – රු. 15,000
කාණ්ඩ අංක 02 – පෙර වර්ෂයේ පැවැති අලාභදායි තත්ත්වය මෙම වර්ෂය තුළ දී ලාභදායී තත්ත්වයට පත් කරගෙන ඇති දිරි දීමනා ගෙවා ඇති ආයතනවල සේවකයන් – රු. 13,500
කාණ්ඩ අංක 03 – අදාළ වර්ෂය තුළ අලාභදායී තත්ත්වයක් වාර්තා කළ ද පෙර වර්ෂයට සාපේක්ෂව අලාභය අවම කරගෙන ඇති ආයතනවල සේවකයන් වෙත – රු. 5, 000
කාණ්ඩ අංක 04 – අදාළ වර්ෂය තුළ අලාභදායී තත්ත්වයක් වාර්තා කර එම අලාභය පෙර වර්ෂයට වඩා අඩු කර ගැනීමට නොහැකි වූ ආයතනවල සේවකයන් – රු. 3, 000
සාමූහික ගිවිසුම් මගින් හෝ ඒ හා සමාන අවබෝධතා ගිවිසුම් මගින් හෝ වැටුප් හා දීමනා ක්රියාත්මක වන රාජ්ය සංස්ථා සහ සම්පූර්ණයෙන් ම රජය සතු සමාගම්වලට මෙම විධි විධාන අදාළ නොවේ. එවැනි ආයතනවල සේවය කරන කාර්ය මණ්ඩලවලට වර්තමානයේ මසක හෝ මාස දෙකක වැටුපට සමාන මුදලක් ප්රසාද දීමනා වශයෙන් ගෙවනු ලැබන අතර ගෙවීමට පෙරාතුව අදාළ රාජ්ය සංස්ථා සහ රජය සතු සමාගම්වලින් මේ සඳහා මහා භාණ්ඩාගාරයේ අනුමැතිය ලබා ගත යුතුය.
144 total views, 24 views today
ජනාධිපති මෛත්රීපාල සිරිසේන මහතාගේ ප්රධානත්වයෙන් ජනාධිපති කාර්යාලයයේදී ඊයේ(19) දහවල් පැවැති කැබිනට් රැස්වීමේදී 2018.01.01 සිට ක්රියාත්මක කිරීමට නියමිතව තිබූ ඇස්බැස්ටස් තහනම තාවකාලිකව අත්හිටුවීමට රජය තීරණය කර ඇත.
රුසියානු රජය ශ්රී ලංකාවේ තේවලට ඉකුත්දා තහනමක් පැනවූ අතර ඊට හේතුව ශ්රී ලංකා රජය ඇස්බැස්ටස් තහනම් කිරීම බවට දේශපාලන කරළියේ කතා බහට ලක් විය. ඇස්බැස්ටස් සඳහා අමුද්රව්ය සපයන රටවල් අතර රුසියාව ප්රධාන තැනක් ගන්නා බව ද වාර්තාවේ ඇස්බැස්ටස් නිෂ්පාදනය සඳහා යොදා ගනු ලබන අමුද්රව්ය ආනයනය ලබන පළමු වැනිදා සිට තහනම් කිරීමටත්, ලබන 2020 සිට ඇස්බැස්ටස් සම්පූර්ණයෙන් තහනම් කිරීමටත් රජය මුලදී තීරණය කර තිබිණි.
ජාතික ආණ්ඩුවෙන් ශ්රීලනිපය ඉවත් වන්නේ නම් එසේ කරන්නේ රටටත් ශ්රීලනිපයටත් වාසිදායක තත්ත්වයක් තුළදී පමණක් බවත් ජාතික ආණ්ඩුවෙන් ඉවත් වන්නැයි මේ වන තෙක් ශ්රීලනිපයේ කිසිවෙකු ඉල්ලීමක් කර නැති බවත් එක්සත් ජනතා නිදහස් සන්ධානයේ මහ ලේකම්, අමාත්ය මහින්ද අමරවීර මහතා පවසයි.
එසේ තීන්දුවක් ගන්නවානම් එය ගනු ලබන්නේ පක්ෂයේ මධ්යම කාරක සභාව විසින් බවත් එසේ සිදු වනවානම් එය සිදුවන්නේ පළාත් පාලන මැතිවරණයට පෙරද පසුද කියා නිශ්චිතව කිව නොහැති බවත් ඔහු වැඩි දුරටත් කියා සිටියේය.
සංචාරක ශ්රී ලංකාව සහ ඉන්දියාව අතර අවසන් තරඟයෙන් කදුළු 8ක පහසු ජයක් ඉන්දියාව විසින් හිමි කර ගත්තේය. තරඟ 2-1ක් ලෙස මෙම තරඟාවලිය ජයගත් ඉන්දියාව නොකඩවා ලැබූ 8වන එක්දින තරඟාවලි ජය ලෙසට ඉතිහාස ගත වීමට නියමිතය.
එහිදී පළමුව ලකුණු රැස්කළ ශ්රී ලංකා කණ්ඩායම පන්දුවාර 44.5ක් තුළ ලබාගත් ලකුණු 215ට පිළිතුරු සැපයූ ඉන්දීය කණ්ඩායම කඩුලු දෙකක් පමණක් අහිමි කරගනිමින් නියමිත ඉලක්කය පසු කර ගිය අතර, ෂිකර් දවාන් නොදැවී ලැබූ ලකුණු 100 ඉන්දීය ජයග්රහණයට ප්රධාන දායකත්වය සැපයීය.
ලකුණු 216ක පහසු ඉලක්කයක් කරා යන ගමනේ ඉන්දීය පළමු කඩුල්ල ලෙස පෙර තරගයේදී ලකුණු 208ක් ලැබූ නායක රෝහත් ෂර්මා ලකුණු 7කට අකිල ධනංජයට ගොදුරු වුණද අනෙක් ආරම්භක පිතිකරු ෂිකර් දවාන්ට එකතු වූ ශි්රයාස් අයියර් දෙවැනි කඩුල්ල වෙනුවෙන් ලකුණු 135ක සබඳතාවක් එක්කරමින් ඉන්දීය ජයග්රහණයට අවශ්ය මාර්ගය සකසා දුන්නේය.
විශාකාපට්නම්හිදී පැවැති මෙම තරගයේදී ඉන්දීය නායකයාගේ ආරාධනයෙන් පළමුව ලකුණු රැස්කළ ශ්රී ලංකා කණ්ඩායම එක් අවස්ථාවකදී එක් කඩුල්ලකට ලකුණු 136ක්ව පැවැතුණද උපුල් තරංගගේ හා සධීර සමරවික්රමගේ දැවී යෑමෙන් අනතුරුව සෙසු පිතිකරුවන් පෙන්වූ ඉතාමත් දුර්වල පිතිහරඹය සාර්ථක ලකුණු සංඛ්යාවක් කරා යෑමට තිබූ අවස්ථාව ශ්රී ලංකා කණ්ඩායමෙන් අහිමි කළේය.
කෙසේ වෙතත් දෙපිලම තරග එක බැගින් ජයග්රහණය කර ඇති හෙයින් කාසියේ වාසිය අතිශය වැදගත්කමක් දැක්වූ මෙම තරගයේ පළමුව ලකුණු රැස්කිරීමට පිටියට පිවිසි ශ්රී ලංකා ආරම්භක පිතිකරුවන් අතුරින් ලකුණු 13ක් ලබා සිටි ධනුෂ්ක ගුණතිලක බුම්රාගේ පන්දුවකට රෝහිත් ෂර්මාට ලබාදුන් උඩපන්දුවක් හමුවේ දැවී යනවිට ශ්රී ලංකා ලකුණු පුවරුව ලකුණු 15ක් විය.
ගුණතිලකගේ දැවී යෑමෙන් අනතුරුව පැමිණි සධීර සමරවික්රම අනෙක් ආරම්භක පිතිකරුවා වූ උපුල් තරංග එක්ව ශ්රී ලංකා ලකුණු පුවරුව වේගයෙන් ඉදිරියට රැගෙන ගියේය.
මොවුන් දෙදෙනා පිටියේ සෑම දිශාවකටම පහර එල්ල කරමින් ඉන්දීය පන්දු යවන්නන්ට බලවත් හිසරදයක් බවට පත්වූ අතර, තරගයේ 9 වැනි පන්දුවාරයේදී උපුල් තරංග විසින් හාදික් පාන්ඩියාට පිට පිට හතරේ පහර පහක් සමඟින් ලකුණු 20ක් ලබාගැනීම විශේෂත්වයකි. මෙම පිතිහරඹය හේතුවෙන්ම ශ්රී ලංකා කණ්ඩායමේ පළමු ලකුණු 100 පන්දුවාර 17කදී වාර්තා විය.
ශ්රී ලංකා ලකුණු පුවරුව ලකුණු 136ක් වෙද්දී තරංග සමඟින් හොඳින් පන්දුවට පහර දෙමින් සිටි සධීර සමරවික්රමගේ ඉනිම නිමාවට පත්විය. පන්දු 57කට මුහුණ දී හතරේ පහර 5ක් සමඟින් ලකුණු 42ක් ලබා සිටි සමරවික්රම චහාල්ගේ පන්දුවක් හමුවේ සීමාවෙන් ඉවතට පැන ඩීප් කවර් ස්ථානයට ඉහළින් පන්දුව එල්ල කිරීමට උත්සාහ කළද එම ස්ථානයේ පන්දු රකිමින් සිටි දවාන් අතට උඩපන්දුවක් දීමෙන් දැවී යනවිට තරංග සමඟින් දෙවැනි කඩුල්ල සඳහා ලකුණු 121ක අගනා වටිනා සබඳතාවක් ගොඩනඟා තිබිණි.
සමරවික්රමගේ දැවී යෑමෙන් අනතුරුව තරංගට එක්වූ මැතිව්ස් ශ්රී ලංකා ලකුණු පුවරුව ලකුණු 160 සීමාව වෙත ආවේය. මේ අවස්ථාවේදී එතෙක් හොඳින් ලකුණු අතර සිටි උපුල් තරංග ස්ටම්ප් කිරීමට ලක් කිරීමට දෝනි සමත් විය. පන්දු 82කට මුහුණ දී හතරේ පහර 12ක් හා හයේ පහර 3ක් සමඟින් දියත් කළ එම පිතිහරඹය ශතකය ආසන්නයේම එනම් ලකුණු 95කට සීමා කිරීමට කුල්දීප් යාදව් සමත් වීමත් සමඟ ශ්රී ලංකා ඉනිමේ කඩා වැටීම ආරම්භ විය.
කෙසේ වෙතත් උපුල් තරංග ලැබූ මෙම 95ත් සමඟින් ඔහු මෙම වසරේදී එක්දින ලකුණු 1000 (තරග 25කදී ලකුණු 1011) සම්පූර්ණ කළ ලොව තෙවැනියා බවට පත්වූ අතර, මෙහි පළමු තැන ඉන්දියාවේ විරාත් කෝලිටත් (තරග 26කදී ලකුණු 1460) දෙවැනි තැන රෝහිත් ෂර්මාටත් (තරග 20කදී 1286) හිමිව තිබේ.
තරංගගේ දැවී යෑමෙන් අනතුරුව පැමිණි කිසිදු පිතිකරුවකුට සාර්ථක වීමට ඉන්දීය පන්දු යවන්නන් ඉඩ ලබා නොදුන් අතර, මුලදී ලකුණු 300 සීමාවෙන් ඔබ්බට පහසුවෙන් යාහැකිව තිබූ ශ්රී ලංකා ඉනිම අවසානයේදී ලකුණු 220 සීමාවට පිවිසීමටවත් නොහැකි වූයේ තරංග හා සධීරගෙන් පසු පැමිණි පිතිකරුවන් පෙන්වූ ඉතාමත් දුර්වල පිතිහරඹය හේතුවෙනි.
ලකුණු 42කට කඩුලු 3ක් ලැබූ කුල්දිප් යාදව් තෙවැනි හා අවසන් තරගයේ වීරයා ලෙස සම්මාන දිනාගත් අතර, ෂිකර් දවාන් තරගාවලියේ වීරයා සම්මානයෙන් පිදුම් ලැබීය.
ලකුණු සටහන
ශ්රී ලංකාව (පන්දුවාර 44.5කදී සියලු දෙනා දැවී) 215 (උපුල් තරංග 95, සධීර සමරවික්රම 42, අසේල ගුණරත්න 17, ඇන්ජිලෝ මැතිව්ස් 17, ධනුෂ්ක ගුණතිලක 13, නිරෝෂන් දික්වැල් 08, සචිත් පතිරණ 07, යාදව් 3/42, චහාල් 3/46, පාන්ඩියා 2/49)
ඉන්දියාව (පන්දුවාර 32.1කදී කඩුලු දෙකකට) 219 (ෂිකර් දවාන් නොදැවී 100, ශි්රයාස් අයියර් 65, දිනේෂ් කාර්තික් නොදැවී 26, රෝහිත් ෂර්මා 07, තිසර පෙරේරා 1/25, අකිල ධනංජය 1/53)
ගම්පහ දිස්ත්රික් පාර්ලිමේන්තු මන්ත්රීවරයා ස්වදේශ කටයුතු නියෝජ්ය ඇමති නිමල් ලංසා සිය ඉල්ලා අස්වීමේ ලිපිය ජනාධිපති මෛත්රිපාල සිරිසේන මහතා වෙත යොමු කර සිය ධුරයෙන් මීට ටික වේලාවකට පෙර ඉල්ලා අස්වී තිබේ.
ඔහු පසුගිය ආණ්ඩු සමයේ කුඩු ගෙන්වීම හා බෙදාහැරීම යටතේ ඡෝදනා ලැබ තැබූ අතර එසමයේ ඔහුගේ නිවස මත්ද්රව්ය නිවාරණ කාර්යංශයෙන් වැටලූ අවස්ථාවේදී එවකට හිටපු ජනපති මහින්ද ගොස් ඔහුව වැළද ගෙන විශාල මාධ්ය සංදර්ශනයක්ද දැම්මා මෙරට වැසියන්ට අමතක නැත.පසුගිය ආණ්ඩුව විසින් එසේ යටගැසූ එම ප්රශ්න වලට අදාල ෆයිල් බැසිල් රාජපක්ෂ විසින් නැවත එළියට ගෙන ඒමට සැරසෙන බැවින් ඔහු මෙම තීරණය ගෙන ඇතැයි නෙළුම් මාවත පොහොට්ටු කාර්යාලයේ ආරංචි මාර්ග වල සඳහන් වේ….
ඇමති සජිත් පේ්රමදාස මහතාගේ ආරක්ෂකයෙකු හා රියදුරකු ලෙස කටයුතු කරන බව කියන ලද පුද්ගලයකු හෝමාගම පිටිපන උතුර ප්රදේශයේදී ගිනි අවි තුනක් හා ජීව උණ්ඩ රැසක් සමග සමග පොලිස් සංවිධානත්මක අපරාධ නිවාරණ කොට්ඨාශය විසින් අත්අඩංගුවට ගෙන අධිකරණයට ඉදිරිපත් කරන ලද අතර සැකකරු 26 වන දින දක්වා රක්ෂිත බන්ධනාගාර ගත කර ඇත.
අත්අඩංගුවට පත් මෙම ඇමති අංගාරක්ෂක සැකකරු හිටපු යුදහමුදා සෙබලෙකුද වන අතර ඔහු පාතාල නායක අතුරුගිරියේ ලැඩියාගේ කල්ලියේ සාමාජිකයෙකු බවද සදහන්ය.
.
දින තුනක් සාමාන්ය පෙළ විභාගයට පෙනී සිට 16දා රාත්රි පාඩම් කරමින් සිටියදී නිවෙසට පැමිණි පුද්ගලයන් දෙදෙනකු ඉදිරිපස ෙදාරටුව කඩා නිවෙසට ඇතුළු වී ඇත.
සැකකරු රාත්රි 10.30ට පමණ දැරියගේ අතින් ඇදගෙන ගොස් ත්රිරෝදයක දමාගෙන පලා ගොස් ඇතැයි දැරියගේ මව පොලිසියට පැමිණිලි කර ඇත. ඇය මිරිස්ස ප්රදේශයේ ප්රධාන පාසලක අධ්යාපනය ලබන අතර දැරියගේ පවුලේ අය සැකකරු හඳුනාගෙන ඇත. වැලිගම පොලිසිය සැකකරු අත්අඩංගුවට ගැනීමට පරීක්ෂණ ආරම්භ කර ඇත.
[rns_reactions]
2020 වන විට ජනාධිපති රනිල් වික්රමසිංහ මහතා බව පෙරේදා (17) පැවති මාධ්ය හමුවකට එක්වෙමින් ජාත්යන්තර වෙළඳ කටයුතු රාජ්ය අමාත්ය සුජීව සේනසිංහ මහතා පවසයි.
එහිදී , “දැන් කෝ මහින්ද රාජපක්ෂ මහත්තයාගේ පක්ෂේ? මට සුසිල් ප්රේමජයන්ත මහත්තයා කියනවා බලන්න සුජීව අර නරි රැලක් දාගෙන මහින්ද රාජපක්ෂ පිස්සු කෙලිනවා කියලා අපිට කියනවා. අද විශාල ප්රශ්නයක් ඒ පක්ෂේ ඇතුළේ මහින්ද රාජපක්ෂ මහත්තයාගේ එකම ප්රාර්ථනය නාමල් රාජපක්ෂ මහත්තයාව විපක්ෂ නායක කරන එක.අවුරුදු 30ක් විපක්ෂේ ඉන්න මහින්ද රාජපක්ෂ මහත්තයා දැන් ප්ලෑන හදන්නේ. ගෝඨාවත් කපනවා, බැසිල්වත් කපනවා,චමල්වත් කපනවා. දැන් ගේම පටන් අරන් පවුල ඇතුළේ. කලින් සෙට් එක එකට ගැහැවුවා. දැන් ඒවා නැහැ.”
“දැන් හිතා ගන්නකො කොහොමද අපේ අරික්කාල දැන් ඉන්නේ කොහොමද භාගේ, කාල වීගෙන දැන් හැදීගෙන ඉන්නේ. මේක විනාශ වුණ පක්ෂයක්. ගහලා බිම වැටුණු පක්ෂයක් දැන් හැදීගෙන එන්නේ. අලියා කෙලින් වෙලා දැන් කන් සොලෝගෙන එනවා ඉස්සරහට.
සියයට 4.2 දැන් අපේ සංවර්ධනය. අපි 2020 වෙනකොට සියයට 7 අපි පහු කරනවා ඉන්දියාවට වැඩිය සංවර්ධනයක් අපි වේගයක් ලගා කර ගන්නවා ලංකාවේ ඉදිරි අනාගතයේ. ඒක නවත්තන්න බැහැ කාටවත්. ඒවා කරනකොට 2020 ජනාධිපති කවුද? රනිල් වික්රමසිංහ මැතිතුමා කියලා ඉතා ආදරයෙන් මතක් කරනවා.” යැයිද එතුමා වැඩිදුරටත් පැවසීය.
රටපුරා ගොවිජන මධ්යස්ථාන සියයක් සඳහා පොහොර මෙටි්රක් ටොන් හත්දහසක් ඊයේ (18) නිකුත් කළ බව ලංකා පොහොර සමාගම පවසනවා.
ඉදිරි දින කිහිපය තුළ ගොවීන්ට ගොවිජන සේවා මධ්යස්ථානවලින් එම පොහොර ලබාගත හැකි බවයි ඔවුන් වැඩිදුරටත් කියාසිටියේ.
ලංකා පොහොර සමාගම පැවසුවේ කිසියම් පොහොර වර්ගයක හිඟයක් ඇත්නම් ගොවීන්ට ඒ පිළිබඳ තමන්ගෙන් ඍජුව විමසිය හැකි බවයි.
[rns_reactions]