සී.බී රත්නායකගේ එකම අරමුණ මෙවර පළාත් පාලන ආයතන ටික පැරදවීම බව දිදුල නගර සභාවේ හිටපු නගරාධිපති අශෝක සේපාල මහතා ප්රකාශ කර සිටී.සී බී ගේ මෙම ක්රියාවන් හේතුවෙන් එතුමන් ස්වාධීනව තරඟ කිරීමට ඉදිරිපත් වන බවත් සීබී මෙසේ වැඩ කරන්නේ ආණ්ඩුව එක්ක කැබිනට් ඇමති කමකට ඩීල් එකක් දාල නිසා බවත් එතුමා වැඩිදුරටත් ප්රකාශ කර සිටියේය.සීබී මන්ත්රීවරයා ප්රකෝපකාරී ලෙස බැන වදින හැටි ජංගම දුරකතනයකින් ලබාගත් දර්ශනයක් මාධ්ය වෙත නිකුත් වී ඇත.
තම නිවසේ පොලිස් මුර පොල අසලම ලොකයේම තහනම් ගසක් වු විශාල කොකෙන් ගසක් ඇති බව ඇමති එස්. බී. දිසානායක මහතා පවසයි.
‘ගස් හදුනගන්න ඔ්න. ඒක ඉතාම වැදගත්.
කොකේන් ගහක් බලන්න ඕන නම් අර අපේ ගෙදරට ගියාම කොකෙන් ගසුත් තියෙනව, මලූත් තියෙනව, ගෙඩිත් තියෙනව සේරම තියෙනව.කොකේන් කියන්නෙ ලෝකෙ තහනම් ගහක් හැබැයි පොලීසියෙ මහත්තුරු දන්නෙ නෑ කොකෙන් ගහ මොන වගේද කියල.පොලිස් මුරපල ලගම කොකෙන් ගහක් තියෙනව. තාම කවුරුවත් ඒක අදුනන්නෙ නෑ. ලොකු කොකෙන් ගහක්’
පවතින නීතිය අනුව මේ ආකාරයේ නඩු භාණ්ඩයක් හමු වූ පසු සැකකරු ඇප නොමැතිව තුන් මාසයක් පමණ රක්ෂිත බන්ධනාගාර ගත කරන අතර ඉන් පසු නඩුවෙන් නිදහස් වීමේ හැකියාවක් නැතිම තරම්ය.
රංගන ශිල්පී රොෂාන් පිලපිටිය පසුගිය දා විවාහ දිවියට පිවිස තිබුනා. ඒ ජනප්රිය නිරූපන ශිල්පිනියක් හා රංගන ශිල්පිනියක් වන රිද්මා දිසානායක සමගින්.
22 වියේ පසුවන රිද්මා සමඟ රොෂාන් පිලපිටය මාස කිහිපයක ආදර සම්බන්ධතාවයක් පවත්වා ඇති බවද සමාජ ජාලාවල වාර්තා කර තිබුනා. එසේම ජනප්රිය නිලි චතුරිකා පීරිස් සමගින්ද මීට රොෂාන් පිලපිටිය මීට පෙර පෙමින් බැඳී සිටියා.
[rns_reactions]
අපේ රටේ පොලීසය සම්බන්ධයෙන් කලින් කලට විවිධ පුවත් මැවෙනවා. ඒ වගේම පසුගියදා අනුරාධපුර ශ්රාවස්තිපුර පහේ ඇළ ප්රදේශයෙන් වාර්තා වුන පුවතක් ගැන තමයි මේ කියන්න යන්නෙ.
කොළඹ පොලිස් විශේෂ කාර්ය බළකා මූලස්ථානයේ උප පොලිස් පඑරීක්ෂකවරයකු ඇතුළු පිරිසක් පසුගිය 12 වෙනිදා අනුරාධපුර ශ්රාවස්තිපුරයට ගිහින් තිබුනා. පසුව එම ප්රදේශයේ එරංග ඉන්දික සිරිවර්ධන නමැති පුද්ගලයෙකුගේ නිවසට ඇතුලු වූ පොලිස් කණ්ඩායම අදාල නිවසේ නාන කාමරයේ පොළව හාරා ලබාගත් නිදන් වස්තු වලින් කොටසක් ලබාදෙන ලෙසට තර්ජනය කර තිබුනා
එලෙස තර්ජනය කිරීමෙන් අනතුරුව කුඩා දරුවන් ඇතුළු පවුලේ සියලුම දෙනා නිවෙසේ උඩු මහලේ පිහිටි කාමරයක සිරකර ආරක්ෂිත කැමරා පද්ධතියද විසන්ධි කර පැය කිහිපයක්ම නිවස පරීක්ෂා කර ඉන් පසුව පිටත්ව ගොස් තිබෙනා.
අදාල පොලිස් නිළධාරීන් එම නිවසේ හෙරොයින් කිලෝග්රෑම් 5ක් ඇතැයි පවසමින් නිවෙසට ඇතුළු වී ඇති අතර මෙම පොලිස් කණ්ඩායම පැමිණි සුඛෝපභෝගී විසල් වර්ගයේ මෝටර් රථයේ ලියාපදිංචි අංක තහඩු දෙහි හා කොහොඹ අතුවලින් ආවරණය කරගෙන පැමිණ තිබෙනවා. නමුත් එම ස්ථානයේ සිටි පුද්ගලයෙකු මෙම රථයේ ඡායාරූපයක් ලබාගෙන ඇති අතර එමගින් මෙම රථයේ අංකය ඩබ්ලිව්. පී. සී. ඒ. යූ. 1499 බවට අනාවරණය කරගෙන තිබුණා.
පොලිස් විශේෂ කාර්ය බළකායේ නිළධාරීන් විසින් නිවසේ සිටි පහළොස් හැවිරිදි පුත්රයා ඔවුන් භාරයට ගෙන මෙලෙස ප්රකාශ කර තිබුනා ‘‘නිධානයේ බඩු ටික තියෙන තැන කියපන් හැබැයි අපට ඒවා අහුවුණොත් උඹලා ඔක්කොම හිරගෙදර‘‘
පසුව නිවසේ අස්සක් මුල්ලක් නෑර සෝදිසිකල ඔවුන් , ඔවුන්ම රැගෙන ආ යකඩ ඉනි භාවිත කර නිවසේ භාවිත නොකරන නානකාමරයේ පොළොව කඩා නිදන් වස්තු සෙවීමට උත්සාහ කර තිබෙනවා. නමුත් ඔවුන්ට කිසිදු නිදන් වස්තුවක් හෝ හෙරොයින් මිලිග්රෑම් එකක ප්රමාණයක්වත් සොයා ගැනීමටනම් හැකියාවක් ලැබුනේ නැහැ.එසේම අනුරාධපුරයේ දේශපාලනඥයෙකුද මෙම සිද්දියට සම්බන්ධ බවට සැක කරනවා.
මේ පිළිබඳ ඉන්දික සිරිවර්ධනගේ පුත්රයා මාධ්යයට කියා තිබුනේ මෙලෙසින්.
පසුගිය මාස දෙකේ අවස්ථා කිහිපයක්ම පොලිසියෙන් ඇවිල්ලා හංගලා තියෙන නිදන් බඩු දෙන්න කියලා තාත්තාට කරදර කළා. පස්සේ කුඩු වගේ පාර්සලයක් ත්රිරෝද රථය ඇතුළට දාලා පොලිසිය තාත්තව අත්අඩංගුවට ගන්න හැදුවා.
අලවංගු අරගෙන ඇවිල්ලා නානකාමරය කඩන්න පටන් ගත්තා. මට කිව්වා පුතා රත්තරං බුදුපිළිමයයි, පුල්ලෙයාර් පිළිමයයි, මුතු මැණික් ටිකයි තියෙන තැන කියන්න අපි භාගයක් අරගෙන ඔයාලට ඉතුරු භාගය දෙන්නම් කියලා. හැබැයි අපිට හම්බ වුණොත් එහෙම මුළු පවුලටම ඇප ගන්න බැරි විදියට හිරේ දාලා බඩුටික කෞතුකාගාරයට දෙනවා කිව්වා. මම කිව්වා අපේ ගෙදර ඇති නිදන් බඩුවක් නෑ තියෙනව නම් හොයාගන්න කියලා. පැය ගාණක් අපේ ගෙදර හිටපු අයට කුණුහරුපෙන් බැන බැන කාටවත් එන්න බැරි විදියට ගේට්ටුව ලොක් කරලා හැමතැනම පෙරළ පෙරළා හෙව්වා. හැබැයි කුඩු හම්බ වුණෙත් නෑ වෙන මොනවත් හම්බ වුණෙත් නෑ.
මේ සම්බන්ධයෙන් පොලිස් විශේෂ කාර්ය බළකායේ අණ දෙන නිලධාරි ජේයෂ්ඨ නියෝජ්ය පොලිස්පති එම්. ලතීෆ් මහතාගෙන් දුරකතනයෙන් කළ විමසීමකදී ඒ මහතා කියා සිටියේ තම නිළධාරී කණ්ඩායමක් හෙරොයින් වැටලීමක් සඳහා ගොස් ඇති බවත්, මෙම සිද්ධිය සම්බන්ධයෙන් පරීක්ෂණ සිදු කිරීමට පොලිස් විශේෂ කාර්ය බළකායේ ත්රිකුණාමලය කලාපය භාර පොලිස් අධිකාරි රෝහණ කරුණාරත්න මහතාට උපදෙස් ලබාදී තබෙන බවත්ය.
[rns_reactions]
පළත් පාලන මැතිවරණයට අදාළ නාමයෝජනා ලැයිස්තු සැකසීමේදී ඒකාබද්ධ විපක්ෂයේ පාර්ලිමේන්තු මන්තී්රවරුන් දෙදෙනෙකු අතර අර්බුදකාරී තත්ත්වයක් හටගෙන තිබෙනවා.
ඒ පුත්තලම දිස්ති්රක් පාර්ලිමේන්තු මන්තී්රවරුන් දෙදෙනෙකු අතරයි.
ඉකුත්දා ශී්ර ලංකා නිදහස් පක්ෂයෙන් ඉවත්ව ඒකාබද්ධ විපක්ෂයට එක් වූ පාර්ලිමේන්තු මන්තී්ර පි්රයංකර ජයරත්න සහ පාර්ලිමේන්තු මන්තී්ර සනත් නිශාන්ත අතර මෙම අර්බුදය හටගෙන ඇති බවයි පැවසෙන්නේ.
මෙම අර්බුදය විසඳා ගැනීමට දෙපාර්ශ්වයම මහින්දානන්ද අලුත්ගමගේ හිටපු අමාත්යවරයාගේ කොළඹ පිහිටි නිවසට කැඳවා තිබෙනවා.
සනත් නිශාන්ත මන්තී්රවරයා සිය නියෝජිතයන් නාමයෝජනා ලැයිස්තුවට ඇතුළත් කර නොමැති බවයි පි්රයංකර ජයරත්න මන්තී්රවරයා සදහන් කර ඇත්තේ.
මේ අතර පසුගියදා ඒකාබද්ධ විපක්ෂයේ සිට ශ්රී ලංකා නිදහස් පක්ෂයේ සාමාජිකත්වය ලබා ගත් පාර්ලිමේන්තු මන්ත්රිනී ශ්රියාණි විජේවික්රම ද සඳහන් කළේ සිය දිස්ත්රික්කය තුළ තමාට දේශපාලනය කිරීමට ඒකාබද්ධ විපක්ෂයෙන්ම බාධා සිදු කරන බවයි.
[rns_reactions]
පළාත් පාලන ආයතන 93ට අදාළ නාමයෝජනා භාරගැනීම අද (14) දහවල් 12.00 න් අවසන් වනවා.
නාමයෝජනා භාරගැනීම ආරම්භ කෙරුණේ ඉකුත් 11 වැනිදායි.
මෙම පළාත් පාලන ආයතන 93 ට මහනගර සභා 7 ක් නගර සභා 18 ක් සහ ප්රාදේශිය සභා 68 ක් ඇතුළත්.
එම පළාත් පාලන ආයතනවලට අදාළ ඇප මුදල් තැන්පත් කිරීම ඊයේ (13) දහවල් 12.00 න් අවසන් වුණා.
නීතිමය ගැටලූ නොමැති පළාත් පාලන ආයතන 93 කයි මෙලෙස මුල් අදියරේදී නාමයෝජනා භාර ගැනීම සිදුවන්නේ. සෙසු පළාත් පාලන ආයතන 248 සඳහා නාමයෝජනා කැඳවීම ලබන 18 වැනිදා සිට 21 වැනිදා දහවල් 12.00 දක්වා සිදු කිරීමට නියමිතයි
මැතිවරණ කොමිසමේ සභාපති මහින්ද දේශිපි්රය ඉකුත්දා පැවති මාධ්ය හමුවකදී ප්රකාශ කළේ පළාත් පාලන ආයතන සියල්ලේම මැතිවරණය පෙබරවාරි මස 17 වැනි දින හෝ ඊට පෙර පැවැත්වීමට හැකිවනු ඇති බවයි.
[rns_reactions]
ශී්ර ලංකා නිදහස් පක්ෂය සහ ඒකාබද්ධ විපක්ෂයේ සාමාජිකයින් එක්වීමට විරුද්ධ වූ දෙදෙනෙකු පිළිබදව අමාත්ය දයාසිරි ජයසේකර අද අනාවරණයක් සිදුකළා. ඒ, අද පැවති කැබිනට් තීරණ දැනුම්දීමේ මාධ්ය හමුවේදීයි.
එම දෙදෙනා වන්නේ ප්රසන්න රණතුංග හා නාමල් රාජපක්ෂ බවයි අමාත්යවරයා පැවසුවේ.
[rns_reactions]
හිටපු මන්ත්රී ගීතා කුමාරසිංහ මහත්මිය විසින් පොහොට්ටුව ලකුණින් තරග කිරීමට නාමයෝජනා ලබා නොදුන්නැයි පවසමින් බෙන්තොට ප්රාදේශීය සභාවේ හිටපු විපක්ෂනායකවරයකු ලෙස කටයුතු කළ එල්.ඩබ්ලිව්. රත්නපාල මහතා ඇතුළු පිරිසක් ස්වාධීන කණ්ඩායමක් වශයෙන් ගාල්ල දිස්ත්රික් සහකාර මැතිවරණ කොමසාරිස් හමුවේ ඇප මුදල් තැන්පත් කළහ.
බෙන්තොට ප්රාදේශීය සභාව සඳහා ශ්රී ලංකා පොදුජන පෙරමුණේ නාමයෝජනා ලැයිස්තු සකස් කිරීම ගීතා කුමාරසිංහ මහත්මියගේ වුවමනා එපාකම් මත සිදුකළ බවත් ඇය හිතාමතාම තමන් ඇතුළු සභිකයන් කිහිප දෙනෙකුගේ අපේක්ෂකත්වය සඳහා අදාළ නිර්දේශ යවා නොමැති බවත් එසේ හෙයින් තමා ඇතුළු එම පිරිස ස්වාධීන කණ්ඩායමක් වශයෙන් ඇප මුදල් තැන්පත් කිරීමට කටයුතු කළ බවත් රත්නපාල මහතා පැවසීය.
[rns_reactions]
“රජයත් අපේ, පොලිසියත් අපේ; අපිට ඕන කෙන්ක්ව අපි එළවලා දානවා” ඊයේ දින රැස්වීමක් අමතමින්, සංචාරක සංවර්ධන හා ක්රිස්තියානි කටයුතු අමාත්ය ජෝන් අමරතුංග මහතා ප්රකාශ කළේය. “අපිට අවශ්ය ඔබේ චන්දය පමණයි” ඔහු තම ආධාර කරුවන් අමතමින් පැවසිය.
ඔහු තවදුරටත් ප්රකාශ කලේ වෙළඳපල මිලේ තරඟකාරීත්වය තබා ගැනීමට සහල් සහ පොල් ගෙන්වීමට රජය විසින් පාලනයක් ගෙන එන බවයි. “ජිවන වියදම ඉහල යාම පිලිබඳ රජයට බැනලා වැඩක් නැහැ, මිල පහල දැමීමට අපි කඩිනම් පියවර ගන්නවා”
දිවංගත පළාත් සභා මන්ත්රීවරයෙකු වන එස්.එම්. ෆාරුක් මහතාගේ පුත්රයෙක්,කොළඹ රාජකීය විද්යාලයේ ආදි සිසුවෙක්,හොංකොං විශ්වවිද්යාලයේ ජාත්යන්තර වෙළෙඳාම පිළිබඳ උපාධිධරයෙක්,ශ්රී ලංකා ගුවන් විදුලි සංස්ථාවේ අධ්යක්ෂ මණ්ඩල සාමාජිකයෙක්,ජංගම විදුලි සංදේශ ක්ෂේත්රයේ ප්රවීණයෙක්,සහජීවනය වෙනුවෙන් කැපවී ක්රියා කරන සිවිල් සමාජ ක්රියාකාරිකයෙක් ද වූ සිද්දි මොහොමඩ් ෆාරුක් මහතා ශ්රී ලංකා ගුවන්විදුලි සංස්ථාවේ නව සභාපතිවරයා වශයෙන් මහතා පත් කර ඇත.
බංග්ලාදේශ ටෙස්ට් ක්රිකට් නායකයා ලෙස මුෂ්ෆිකර් රහීම් වෙනුවට ශකිබ් අල් හසන් පත්කර ඇත.
පිතිකරණ අංශයට වැඩි අවධානයක් යොමු කිරීම සඳහා මෙම වෙනස්කම සිදුකර ඇති බව වාර්තා වේ.
බංග්ලාදේශ ක්රිකට් ආයතනය පවසන්නේ ශ්රී ලංකාව සමග ලබන මාසයේ පැවැත්වීමට ටෙස්ට් තරගාවලියේ සිට ශකීබ් නායකයා ලෙස කටයුතු කරනු ඇති බවය. ඔහුගේ උප නායකයා ලෙස නම්කර ඇත්තේ මහමුදුල්ලා ය.
ඉදිරියේදී එරට ක්රිකට් පුහුණුකරු කවුරුන් දැයි ප්රකාශ කරන බවත් බංග්ලාදේශ ක්රිකට් ආයතනය පවසා ඇත. බංග්ලාදේශ ක්රිකට් ප්රධාන පුහුණුකරු ලෙස මෙතෙක් කටයුතු කළ චන්දික හතුරුසිංහ මහතා ලබන 20 වනදා සිට ශ්රී ලංකා ක්රිකට් ප්රධාන පුහුණුකරු ලෙස කටයුතු කිරීමට නියමිතය.
අල්ලස් සහ දුෂණ වලට එරෙහි සටන කඩිනම් කිරීමට ශක්තිමත් ක්රියාවලියක් අවශ්ය බව නීතිය සහ සාමය පිලිබඳ අමාත්ය සාගල රත්නායක මහතා ලෝක දුෂණ පිටුදැකීමේ දිනයේදී ප්රකාශ කරන ලදී. , බාධක නොතකා අපගේ නීතිමය අංශ ද මේ වෙනුවෙන් දිව රෑකැප වී වැඩ කරන බවත් සාගල මහතා එහිදි වැඩි දුරටත් කියා සිටින ලදී.
රාජපක්ෂ රෙජීමයේ දේශපාලන සහ ඩීල් අංශය භාර අමෙරිකානු පුරවැසි කුප්රකට බැසිල් රාජපක්ෂ එක්සත් ජාතික පක්ෂයේ බළල් අතක් බවට කලක සිට අභ්යන්තර දේශපාලනය තුළ සාකච්ඡාවට බඳුන් වී තිබුණද ඊට සැලකිය යුතු තරමේ සාක්ෂි මෙතෙක් අනාවරණය වී නොතිබුණි. එහෙත් පසුගිය දා සිදු වූ සිදුවීමක් සමඟ මෙය අපට කරුණු සාක්ෂි සහිතව ඔප්පු කිරීමට හැකියාව ලැබී ඇත.
පසුගිය ජනාධිපතිවරණයේ නාමයෝජනා භාරදීමත් සමඟම මහින්දට සහය පළකරමින් එජාපයෙන් පැන දින30 ඇමතිකමක් දැරූ තිස්ස අත්තනායකට මහින්ද රාජපක්ෂ නායකත්වය දරණ පොදු ජන පෙරමුණේ බැසිල් රාජපක්ෂගෙන් සිදු වූ සැලසුම් සහගත කැපිල්ලක් සමඟ මෙය හෙළිදරව් වී තිබේ.
පැවති ජනාධිපතිවරණයේදී මහින්දට සහය පළකරමින් තිස්ස අත්තනායක සමඟ පැමිණි මහනුවර දිස්ත්රික්කයේ එක්සත් ජාතික පක්ෂ ප්රාදේශීය සභා මන්ත්රීවරුන් ඇතුළු ප්රාදේශීය අපේක්ෂයින් හට මෙවර එක්සත් ජාතික පක්ෂයෙන් නාමයෝජනා ලබා දී නොමැති අතර ඔවුන් තමන්ට අත් වූ ඉරණම තිස්ස අත්තනායක පැමිණ පවසා ඇත.
ඒත් සමඟම තිස්ස අත්තනායක ඔවුන්ව පොදු ජන පෙරමුණ යටතේ තරඟ කරවීමට අවශ්ය කටයුතු සම්පාදනය සඳහා බැසිල් රාජපක්ෂව අමතා අවස්ථාව ඉල්ලා ඇති අතර ඒ සඳහා හමුවක් සඳහා ජැයික් හිලටන් වෙත පැමිණෙන ලෙස බැසිල් තිස්සට පවසා ඇත.
ඒ අනුව පසුගිය සති ජැයික් හිල්ටන් හිදී බැසිල් සහ තිස්ස අතර හමුව සිදු වී ඇති අතර බැසිල් එහිදී පොදු ජන පෙරමුණින් ඔවුන්ට තරඟ කිරීමේ අවස්ථාව සකසා දෙන බවට තිස්සට පොරොන්දු වී ඇති අතර තව දින දෙක තුනකින් තමා අමතන ලෙසටද දැනුම් දී ඇත.
ඒ අනුව දින දෙකකට පසු තිස්ස අත්තනායක, බැසිල්ව දිගින් දිගටම ඇමතුවද බැසිල් දුරකථනයට පැමිණ නැත. දිගින් දිගටම තිස්ස, බැසිල්ව සම්බන්ධ කරගැනීමට උත්සහ කළ ද එම උත්සහය ව්යර්ථ වී ඇත. කෙසේ වෙතත් තිස්ස පැමිණ බැසිල්ව හමු වූ බවත්, ඔහුගේ ඉල්ලීම වී ඇත්තේ එක්සත් ජාතික පක්ෂයෙන් නාමයෝජනා ලබා දීම ප්රතික්ෂේප කළ අපේක්ෂකයින්ට, පොදු ජන පෙරමුණ හරහා නාමයෝජනා ලබාදැනීම බවත් එක්සත් ජාතික පක්ෂ නායක, අග්රාමාත්ය රනිල් වික්රමසිංහ මහතාට හෙළි වී ඇත. ඒත් සමඟම බැසිල් වෙත අග්රාමාත්ය කාර්යාලයෙන් ලැබුණු විශේෂ දුරකථන ඇමතුමෙන් ලැබී ඇති නියෝගය වී ඇත්තේ, තිස්ස අත්තනායකට හෝ ඔහුගේ කිසිඳු ආධාරකරුවකුට පොදු ජන පෙරමුණේ කිසිඳු ඉඩක් හෝ අවස්ථාවක් ලබා නොදෙන ලෙසයි.
එසේ ලද නියෝගයට අනුව බැසිල්, තිස්සට මෙලෙස පොල්ල තබා ඇත. මේ හේතුවෙන් ගහෙන් වැටුණු මිනිහට ගොනා ඇන්නා වැනි වූ තිස්සට තම ආධාරකරුවන්ට වත් මුහුණ දී ගත නොහැකි තත්වයකට පත්ව කොන්ව සිටින බවට වාර්තාවේ.
කෙසේ වෙතත් මෙම සිදුවීමත් සමඟම බැසිල් සහ රනිල් ප්රමුඛ එක්සත් ජාතික පක්ෂය අතර තිබෙන ඩීල් ගනුදෙනුව සහ මහින්ද රාජපක්ෂගේ නායකත්වයෙන් සහ බැසිල්ගේ මෙහෙය වීමෙන් සිදුවන දේශපාලන කොන්ත්රාත්තුව පිටුපස සිටින්නේ කවුරුන්ද යන්න සැකයකින් තොරව පෙන්නුම් කරන්නකි.
මෙම සිදුවීමෙන් තිස්ස ලක්වූ අපහසුතාවය මඟහරවා ගැනීම සඳහා තිස්ස අත්තනායක විසින්ම එක්තරා ජාතික පුවත් පතකට තමා පොදු ජන පෙරමුණ සමඟ කිසිඳු සාකච්ඡාවක් සිදු නොකළ බවට විශේෂයෙන් පවසා තිබෙනු දක්නට ලැබිණ.
[rns_reactions]
ගතවූ මාස 11ක කාලය තුළ මඩකලපුව දිස්ත්රික්කයෙන් එච්.අයි.වී වෛරසය ආසාදනය වූ ඒඩ්ස් රෝගීන් 31 දෙනෙකු හදුනාගෙන ඇතැයි මඩකලපුව සමාජ ,ලිංගාශ්රිත රෝග හා ඒඩ්ස් මර්ධන ඒකකයේ ආරංචිමාර්ග සඳහන් කරයි.
මෙම 31 දෙනා දිස්ත්රික්කයේ ප්රාදේශීය සෞඛ්ය සේවා අධ්යක්ෂ කාර්යාල 14ට අයත් ප්රදේශවල පුද්ගලයින් 24000ක් අතර සිදුකල පරීක්ෂණ වලින් හදුනාගෙන තිබේෙඒඩ්ස් රෝගීන් යැයි හදුනාගෙන ඇති මෙම ආසාධිතයින් 31දෙනා අතරින් 26 දෙනෙකු කොලඹ සමාජ ,ලිංගාශ්රිත රෝග ඒඩ්ස් මර්ධන ඒකකයේ අධීක්ෂණය යටතේ ප්රතිකාර ලබන අතර කාන්තාවන් තිදෙනෙකු ඇතුළු පස් දෙනෙකු මඩකලපුව සමාජ ,ලිංගාශ්රිත රෝග ඒඩ්ස් මර්ධන ඒකකයේ ප්රතිකාර ලබති.
මෙම රෝගී තත්වයෙන් සමාජය ආරක්ෂා කර ගැනීම සදහා මඩකලපුව දිස්ත්රික්කයේ ප්රාදේශීය සෞඛ්ය සේවා අධ්යක්ෂ කාර්යාල 14 තුළ ප්රාදේශීය මට්ටමින් ඒඩ්ස් මර්ධන වැඩපිළිවෙලක් ආරම්බ කර තිබෙන බව මඩකලපුව සමාජ ,ලිංගාශ්රිත රෝග ඒඩ්ස් මර්ධන ඒකකය පවසයි.මෙම වැඩසටහනට අනුව මෙම සීමාවන්ට අයත් ප්රදේශවල පුද්ගලයින් එච්.අයි.වී වෛරසය ආසාදනය වී ඇතිදැයි හදුනාගැනීම සඳහා වෛද්ය හා රුධිර පරීක්ෂාවන්ට ලක් කරන බවත් මෙම ඒකකය කියා සිටීයි.
ගතවූ මාස 11ක කාලයේ මඩකලපුව දිස්ත්රික්කයේ ගැබිනි මව්වරුන් 12000කුත් , මඩකලපුව බන්ධනාගාරයේ රැදවියන් 2400කුත්, මඩකලපුව රෝහලට පැමිණ 3600කුත්, ග්රාමීය මට්ටමෙන් පුද්ගලයින් 6000කුත් එච්.අයි.වී පරීක්ෂාවන්ට ලක්කල බවත් රෝගය වැළදුනු 31දෙනෙකු මේ අනුව හදුනාගත් බවත් එම ඒකකය පවසයි.එච්.අයි.වී ආසාධිතයෙකුට ප්රතිකාර ලබාදීම තුළින් තවත් අයෙකුට මෙම රෝගය වැළදීමෙන් බේරාගත හැකි බවද පවසයි.
අද(12) මධ්යම කදුකරයේ බටහිර බෑවුමට ඇද හැලුණු අධික වර්ෂාවත් සමඟ ජන ජිවිතයට බාධා පැමිණ ඇති අතර අ.පො.ස සාමාන්ය පෙළ විභාගයට පෙනි සිටින සිසු සිසුවියන්ද වැසි නොතකා විභාග මධ්යස්ථාන වලට පිවිසෙන්නට විය.
අධික වර්ෂාවත් සමගම හැටන් -කොළඹ ප්රධාන මාර්ගයේ වටවල සිට කිතුල්ගල දක්වා අධික මීදුමි තත්ත්වයක් පැවතිම හේතුවෙන් රථ වාහන ගමනා ගමනයටද බාධා පැමිණ ඇති අතර ඉදිරියට ධාවනය වන වාහන නොපෙනෙ තරමට ඝණ මිදුමි තත්ත්වය පැවතිම නිසා වාහන වල ඉදිරිපස ප්රධාන ලාම්පු දල්වාගෙන වාහන ධාවනය කරවන ලෙස රථ වාහන පොලිසිය රියදුරන්ගෙන්ඉල්ලා සිටී.