හිටපු අමාත්ය මර්වින් සිල්වා මහතා විසින් නව පක්ෂයක් නිර්මාණය කර ඇති බව පසුගිය සතියේදී මාධ්ය වාර්තා කලා.
එම පක්ෂයේ ක්රියාකාරී සාමාජිකාවක් වශයෙන් එක්වී ඉදිරියේදී දේශපාලනයට පැමිණීම සඳහා මෙරට ජනප්රිය නිරූපිකාවක් වන පියුමි හංසමාලි සූදානමින් පසුවන බවට තොරතුරු වාර්තා වී තිබේ.
හිටපු අමාත්යවරයාගේ සම්බන්ධීකරණ ලේකම්වරයෙකු සමඟ පෙමින් වෙලී සිටින පියුමි, එම සම්බන්ධය නිසාම මර්වින් සිල්වා මහතාගේ පක්ෂය සමඟ සම්බන්ධ වීමට සැරසෙන බව අනාවරණය වී ඇත.
[rns_reactions]
කිරිඇල්ලේ සිට හාන්දුකන්ද ගමට යන අතරමඟදී හමුවන කොඩිතුවක්කු කන්ද ප්රාථමික පාසල පසුකර ඉදිරියට ගිය අපි එසැණින් යළිත් හැරි ආපස්සට ආවෙමු.
“ඇයි?”
ඡායාරූප ශිල්පී රුවන් මදෙස බැලුවේ ප්රශ්නයකිනි.
“වෙනදට මේ ඉස්කෝලේ ළඟින් යන විට ළමයින්ගේ කෑගැසිල්ලෙ ඉවරයක් නැහැ. අද එහෙම නැහැනේ. ඉස්කෝලේ වහලද දන්නෑ.”
අපි පාසල් භූමියට ඇතුළු වීමු.
“කවුරුවත් නැද්ද මාමා”
අපට ගේට්ටුව හැර දුන් වයෝවෘද්ධ පුද්ගලයාගෙන් විමසුවෙමු.
“ලොකු නෝනා ඉන්නවා”
“කවුද?”
ගුරුවරියක් දොරකින් එබී ඇසුවාය.
අපි කිසිත් නොකියා පාසල අවට බලන්නට වීමු. මීට වසර කිහිපයකට පෙර පාසලේ පන්ති කාමරවල බොහෝ දරුවෝ ඉගෙනුම ලැබූහ. දරුවන්ගේ කැකුළු සිනා හඬින් පළාතම පිබිදුණේය.
“අහෝ! මෙදා පන්ති කාමරයේ සිටියේ සිසුන් හතර දෙනෙකු පමණි.
“මෙච්චර ද ළමයි ඉන්නෙ”
පාසලේ සිටි ගුරුවරියන් දෙදෙනාගෙන් අපි විමසුවෙමු.
“නැහැ තව එක්කෙනෙක් ඉන්නවා. අද එයා ඇවිත් නැහැ. මේ අවුරුද්දේ බාලාංශ පන්තියට ළමයි ඇතුළත් වුණේ නැහැ.”
තුනේ පන්තියේ ළමයි තුන්දෙනෙක් ඉන්නවා. දෙකේ පන්තියේ එක ළමයයි පහේ පන්තියේ එක ළමයයි ඉන්නේ. මම මේ පාසලේ අවුරුදු එකොළහක් තිස්සේ වැඩ කරනවා. මුළු පාසලටම ඉන්නේ ළමයි පස්දෙනයි. එයිනුත් ළමයි දෙන්නෙක් දෙමළ අය.”
වැඩ බලන විදුහල්පතිනිය වන ලක්මාලි පවසන්නේ පාසලේ දරුවන් ගැන කනගාටුවෙනි. ඇය පවසන පරිදි මෙම දරුවන්ගෙන් ඇතැමෙක් දක්ෂය. මේ දරුවෝ කැලයේම පිපී කැලයේම පරව යන මල් බඳුය.
දෙමළ දරුවන් දෙදෙනාට සිංහල ලිවීම අමාරුය. නමුදු අනෙක් දරුවන්ට එසේ නැත. කොඩිතුවක්කු කන්ද ප්රාථමික විද්යාලයේ කටකාර කෙලි පොඩිත්තිය අප එහි ගිය මොහොතේ සිට අප සිත සොරා ගත්තේය.
“ඔයා මොනවට ද කැමැති?”
‘චිත්ර අඳින්න.’ දැරිය කඩිමුඩියේම චිත්ර පොත ගෙන පිටුවෙන් පිටුව පෙරළා පෙන්වන්නට වූවාය. ඇගේ අකුරු පැහැදිලිය. රවුම් අකුරු ලියන්නීය. ‘අසා ලිවීම’ නිවැරැදිය.
“මේ දරුවට හොඳට ඉගෙන ගන්න පුළුවන්. අපි ඇයට උගන්වනවා. මේ දැරියට වෙනත් පාසලකට යන්න පුළුවන් නම් මීට වඩා හොඳ ප්රතිඵල ලබන්න පුළුවන්. ඒත් ඇය බොහෝම ආර්ථික දුෂ්කරතා මැද්දේ ජීවත්වෙන්නෙ.” ගුරුවරිය දැරිය පිළිබඳ පවසන්නට වූවාය.
“ඔයා කැමැති ද මේ ඉස්කෝලෙන් වෙන ඉස්කෝලෙකට යන්න.”
“ඔව්”
“ඇයි ඒ”
“කන්ද නාය යනවා කියනවනේ. අපිට ඉස්කෝලේ ඉන්න බයයි. මගෙ සීයා උදේට මා ඉස්කෝලේ එක්කගෙන ආවාම හවසට ගෙදර යන්නෙ.” දැරිය සුරතල් හඬින් කියන්නීය.
‘කෝ ඔයාගේ සපත්තු’ සුදු ගවුම හැඳ ටයි පටිය විතරක් පැලඳ සිටින ඇයගෙන් ඇසීමි.
“සපත්තු දෙක තෙමිලා. අපේ ගේ තෙමෙනවනේ. ඊයේ රෑ වැස්සට ඒක තෙමිලා”
දැරිය ලැජ්ජාවෙන් පවසන්නට වූවාය.
‘අම්මා මොකද කරන්නෙ?’
අම්මා මල්ලි බලා ගන්නවා. අප්පච්චි ගල් වළේ වැඩට යනවා… අපේ ගෙදර එනව ද? අම්මා තේ හදලා දෙයි. දැරිය හිස ඇල කරමින් සුරතල් හඬින් අසන්නීය.
“අපි එන ගමන් එන්නම්”
හාන්දු කන්ද ගමට යන අතරමඟදී අප කතා වූයේ කොඩිතුවක්කු කන්ද ප්රාථමික පාසලට අද උදාවී ඇති තත්ත්වය ගැනය. 1962 වසරේදී නැදුන් රජමහා විහාරයේ මූලිකත්වයෙන් ඇරැඹි පාසලෙන් ගමට විශාල සේවයක් සිදු විය. නමුදු අද වන විට පාසල වැසෙන තත්ත්වයට පත්වී ඇත්තේය. මුළු පාසලට ම ඇත්තේ එක් ගොඩනැඟිල්ලක් පමණි. යම් දිනෙක පාසල වසා දැමුවහොත් ආර්ථික දුෂ්කරතා නිසා වෙනත් පාසල්වලට යෑමට හැකියාවක් නැති මේ දරුවෝ අසරණ වෙති. එසේ වුවහොත් මේ දරුවන්ට කුමක් වන්නේ ද? පිළිතුරක් පෙනෙන මානයක නැත.
හාන්දු කන්ද කබරගල අවට ගම්මානයේ සැරිසැරු අපට දවස ගෙෙවනවා නොදැනිණි. යළිත් කොළඹ බලා එන්නට අපි පිටත් වුණෙමු. වේලාව සවස තුන පසු වී තිබෙන්නට ඇත. කොඩිතුවක්කු කන්ද ප්රාථමික පාසල පසුකරන්න වූවා පමණි.
‘අන්න අර දරුවා දුවගෙන එනවා’
රුවන් පෙන්වන්නට වූයේ වාහනය ඉදිරියට දිව එන අට හැවිරිදි දිල්මි නිම්සරා දැරියයි. දැරියට පිටුපසින් ඇගේ පොත් මල්ල ද උස්සාගෙන සීයා ද දිව එයි.
“මං නැන්දලා එනතුරු බලන් හිටියේ. අපේ ගෙදර යමු.”
දැන් ඉතිං කොළඹ එන ගමන තවත් පමා වනු ඇත.
“වැන් එක හරවගන්න එක තමයි ප්රශ්නෙ…” රියැදුරා නෝක්කාඩු හඬින් පැවැසීය.
“මෙතනින් තමයි ගෙදර යන්නෙ”
දැරිය තේ ගස් අතරින් ඇති අඩි පාරක් පෙන්වමින් අපි සෙමෙන් ගල් නඟින අතර ඒ මගේ දිව ගියාය. බැරි අමාරුවෙන් ඒ මගේ ගිය අපි නිවෙස ඉදිරියේ නතර වීමු. සුසුමක් නැඟුණේ ඉබේටමය.
වරිච්චි බිත්තියෙන් තැනු ඒ නිවෙස බිම වැටෙන්නට ඔන්න මෙන්නය. මොවුන්ගෙන් ඉතින් නම් කිසිවක් ඇසිය යුතු නොවේ.
දැරියගේ මව තම කුඩා පුතු ද වඩාගෙන අප ඉදිරියට ආවේ සිනාසීගෙනය.
දැරිය තම මවට ඉදිරියෙන් අපට මැදිව සිටගත්තේ වීර චාරිකාවක් පැමිණි ලෙසිනි.
“දුව කිව්වා සිළුමිණ පත්තරෙන් ඇවිල්ලා කියලා” මව පැවසුවාය.
“යමු… මගේ කාමරේ පෙන්වන්න…” දැරිය අප කැඳවූවාය.
ගෙබිම තෙතබරිතය. නැත මුළු ගේ තුළම ඇත්තේ තෙතබරිත බවකි. මේ පුංචි පවුල කොහොම මේකේ ඉන්නවද මන්දා… ඇතුළට ගිය මට එසේ සිතිණි.
දැරියගේ කාමරයේ අබලන් ඇඳකි. පොත් පාඩම් කිරීමට ඇත්තේ අබලන් පුටුවක් හා මේසයකි. ඇඳුම් දැමීමට ඇත්තේ අබලන් කාඩ්බෝඩ් පෙට්ටියකි. මුළුතැන්ගෙය ද අබලන්ය.
“ගේ හදාගන්න කියලා බැරි අමාරුවෙන් අත්තිවාරම දැම්මා. ඒත් ගෙයක් කියන්නේ හීනයක්… මගෙ දුව ඉගෙන ගන්න දක්ෂයි. එයා ටවුමේ ඉස්කෝලෙකට දාගන්න අපිට බැහැ.” නිම්සරාගේ මව දිලිනි මධුරිකා දියණියගේ හිස අතගාමින් පවසන්නට වූවාය.
“මං ආසයි ඉගෙන ගෙන හමුදාවට බැඳෙන්න. රට රැකගන්න. ලොකු ඉස්කෝලෙකට යන්න ආසයි…”
දැරිය මා අතේ එල්ලී පවසන්නීය.
ඒ පුංචි හිතේ තමන්ට කියා හීනයක් ඇත. ඒ තමන්ටම කියා නොතෙමෙන ගෙයක සිටින්නට ඇති ආශාවය.
ඇතැම් දරුවන් ඕනැවටත් වඩා සම්පත් විඳින යුගයක මේ දැරියගේ ලෝකය ඊට හාත්පසින්ම වෙනස්ය. රූපවාහිනියෙන් හෝ වෙනත් සන්නිවේදනයන්ගෙන් දූෂණය නොවූ නිම්සරාගේ ළමා ලෝකය තවමත් සුන්දරය. ඇගේ අනාගතය මීටත් වඩා සුන්දර කිරීමට නිම්සරාලාට හිසට සෙවණක් ලබාදීමට යම් අයෙකුට ඉදිරිපත් විය හැකිනම් එය මහඟු පින්කමක් වනු ඇත.
සිත්මල්යාය පාඨකයිනි, මේ කාරුණික ආරාධනය ඔබටයි… අමතන්න.
0112429265.
[rns_reactions]
රජයේ වෛද්ය නිලධාරීන්ගේ සංගමය, එහි ලේකම් වෛද්ය නවීන්ද සොයිසාගේ අත්සනින් නිකුත් කළ නිවේදනයක දැක්වෙන්නේ ජනාධිපතිවරයා සමග අද උදෑසන පැවති සාකච්ඡාවේ දී එකඟතා 04කට එළඹුණු බවයි.
සයිටම් ආයතනයට සිසුන් බඳවා ගැනීම සහ උපාධි ප්රදානය අත්හිටුවීම සඳහා නීත්යානුකූල කටයුතු කඩිනම් කිරීම පළමු එකඟතාව වනවා.
සයිටම් ආයතන සම්බන්ධයෙන් රාජ්ය ස්ථාවරයේ මූලික හරයන් නීතිපතිවරයා මගින් ශ්රේෂ්ඨාධිකරණයට ඉදිරිපත් කිරීම දෙවන එකඟතාවයි.
ශ්රී ලංකා වෛද්ය සභාවේ සභාපතිවරයාගේ හෝ එහි කවුන්සිලයේ ස්වාධීනත්වයට කිසිදු හානියක් සිදු වීමට ඉඩ නොදීම තවත් එකඟතාවක්.
සයිටම් අර්බුදය තුළින් පැන නැගුණු මූලික ගැටළු සඳහා ජනතාවට අගතියක් නොවන පරිදි විසඳුම් ලබාදීම සඳහා නව ප්රවේශයකින් යුත් වැඩපිළිවෙලක් ආරම්භ කිරීම අනෙක් එකඟතාව වනවා.
[rns_reactions]
සරසවි සිසු උද්ඝෝෂණයක් විසුරුවා හැරීමේ දී පහරදීම්වලට ලක්ව තුවාල ලැබූ පොලිස් විශේෂ කාර්ය බලකායේ සෙබළුන්ට නිසි සැලකිල්ලකින් ප්රතිකාර නොකළ වෛද්යවරුන් වහාම අත්අඩංගුවට ගන්නැයි ශ්රී ලංකා නිදහස් පක්ෂයේ නුවරඑළිය සංවිධායක පෙරියසාමි ප්රදීපන් ආණ්ඩුවෙන් ඉල්ලා සිටිනවා.
ඔහු මෙම ඉල්ලීම කළේ හැටන් හි පිහිටි ශ්රී ලංකා නිදහස් පක්ෂයේ ශාඛා කාර්යාලයේ අද පැවැත් වූ මාධ්ය හමුවකදීයි.
ප්රශ්නගත සිද්ධියේ දී තුවාල ලැබූ පොලිස් විශේෂ කාර්ය බලකායේ සෙබළුන් ප්රතිකාර සඳහා ඇතුළත් කෙරුණේ කොළඹ ජාතික රෝහලටයි.
වෛද්යවරුන් නිසි සැලකිල්ලකින් ප්රතිකාර නොකළ බව පවසමින් ඔවුන් පසුව පොලිස් රෝහලට ඇතුළත් කෙරුණා.
[rns_reactions]
‘ඩයනා කුමරිය’ ඇය ජනතාවගේ කුමරියයි. ඇය අසරණ මිනිසුන්ට ආලෝකයක් වූවාය. මුළුමහත් බ්රිතාන්ය ජනතාවම වාගේ ඇයට ආදරය කළහ. ඇයගේ සුන්දරත්වය මෙන්ම කාරුණික සුන්දර හදවතද මුළු ලෝකයේම සිත් වසඟ කරවන්නට සමත් විය. එහෙත් ඇයට ආදරය කරන මිනිසුන්ගෙන් ඇයව උදුරා ගන්නට තරම් ලෝකය සැහැසි විය. තරුණ වයසේදීම ඇගේ දිවිය ජීවිතය උදුරා ගන්නට තරම් ජීවිතය කුරිරු විය. ඇගේ මරණය පිළිබඳ පුවත සැලවුණු වහාම මුළු ලෝකයම ශෝකයෙන් ඇලලී ගියේය. ඇයගේ මරණයෙන් අවුරුදු විස්සකට පසුව අදටත් ඒ ශෝකී කැළල තවමත් මිනිසුන්ගේ හදවත් තුළ ඉතිරිව ඇත. ඇය මියගියේ පැපරාසීන් ඈ පසුපස හඹා ඒමේදී ඇතිවූ රිය අනතුරකිනි. ලෝකය දැන සිටියේ එලෙසය. පරීක්ෂණ කළ ලෝකයට පෙන්වා දුන් කාරණය ද එයය. එහෙත් එය එසේ නොවන බවට ද ඩයනා කුමරියගේ මරණය සැලසුම් සහගතව සිදු කළ ඝාතනයක් බවට ද වරින් වර සැක මතුවිය. අද වන විට එක් පුද්ගලයකු ඒ සැකය තහවුරු කරයි.
ඒ ඔහුගේ මරණ මංචකයේ සිට කරන අවසන් පාපොච්චාරණයෙනි.
ඔහුගේ නම ජෝන් හොප්කින්ස්ය. ජෝන් හොප්කින්ස් M15 හෙවත් එක්සත් රාජධානියේ ආරක්ෂක හා බුද්ධිඅංශ අනු ආයතනයේ තිස්අට වසරක් සේවය කර විශ්රාම ලැබූ නිලධාරියෙකි. මේ වන විට අසූ වැනි වියේ පසුවන ඔහුට ජීවත්වීමට ඉතිරිව ඇත්තේ තව සති කිහිපයකි. ලන්ඩන්හි රෝහලක ගිලන් ඇඳක වැතිරී තම ජීවිතයෙහි අවසන් දවස් කිහිපය ගෙවන ඔහු පසුගිය බදාදා ‘ඩයනා කුමරියව මැරූ අයුරු’ පාපොච්චාරණය කළේය. 1973 සිට 1999 දක්වා තමන් බ්රිතාන්ය බුද්ධි අංශය වෙනුවෙන් සේවය කළ කාලය තුළ බ්රිතාන්ය රජයේ නියමයෙන් බ්රිතාන්ය බුද්ධි අංශයේ රාජකාරි ලෙසින් මිනිස් ඝාතන විසි තුනක් සිදු කළ බවද ඩයනා කුමරියව ඝාතනය කිරීම ද එලෙසින් පැවරුණු එක් රාජකාරියක් බව ද ඔහු පැවසුවේය. මෙසේ ඝාතනයට ලක්වූ සියලුම දෙනා බ්රිතාන්යයේ ජාතික ආරක්ෂාවට තර්ජනයක් වූ පුද්ගලයන් ලෙසින් සැලකුණු නිසා ඔවුන්ව ඝාතනය කරන්නට තීරණය වුණු බව ද මෙකී පුද්ගලයන් ඝාතනය කිරීම සූක්ෂමව සැලසුම් කිරීම තමන්ට පැවරී තිබුණ බව ද ඔහු පැවසීය.
“මේ සියල්ල සිදුවුණේ ඉතා රහසිගතවයි. බ්රිතාන්ය රජය වෙනුවෙන් දේශපාලන ඝාතන කරන්නට පත් කර තිබු විශ්වාසවන්ත නිලධාරීන් හත්දෙනකුගෙන් යුතු රහසිගත කණ්ඩායමේ මමත් එක් සාමාජිකයෙක්. මෙසේ ඝාතනය කෙරුණු අය අතරින් බහුතරයක් දේශපාලනඥයන්, සමාජ ක්රියාකාරීන්, ජනමාධ්යවේදීන් හා වෘත්තීය සමිති නායකයන්..” හොප්කින්ස් විස්තර කළේය.
“මගේ සැලසුම් වලින් ඝාතනය කරපු අය අතරින් සුවිශේෂීම කෙනා තමයි ඩයනා කුමරිය.. මම කරපු ඝාතන අතරින් එකම කාන්තාව ඇයයි. එකම රාජකීයයාත් ඇයයි. රජ පවුල විසින්ම ‘ඉවත් කර දැමිය යුතුයි’ කියලා තීරණය කරපු රාජකීයයාත් ඇයයි. මම ඒ ඝාතනය සැලසුම් කළේ හරිම වරදකාරී හැඟීමෙන්. දෙගිඩියාවෙන්. ඩයනා කුමරිය කරුණාවන්ත හදවතක් ඇති සුන්දර කාන්තාවක්. එතරම් අඩු වයසකින් ඇගේ ජීවිතය පැහැරගැනීම අපරාධයක්. ඒත් ඇයගෙන් බ්රිතාන්ය රජ පවුලටත් කිරීටයටත් තර්ජනයක් එල්ල වෙලා තිබුණා.. ඒ නිසයි ඒ ඝාතනය කරන්න සිද්ද වුණේ..”
හොප්කින්ස් පාපොච්චාරණය කරන්නේ එසේය.
“ඩයනා කුමරිය ඕනෑවටත් වැඩියෙන් රජ පවුලේ රහස් දැනගෙන හිටියා. ඒ වගේම ඇය රජ පවුලත් සමඟ තිබූ අමනාපය නිසා ඒ රහස් මාධ්යයට එළිකරන්නටත් මාන බලමින් හිටියා. “ඇයව මරා දමන්න ඕනෑ” කියලා මගේ ප්රධානියා මට කිව්වා. මගේ ප්රධානියාට අණ ලැබිලා තිබුණේ පිලිප් කුමරුන්ගෙන්. ඒක සාමාන්ය රිය අනතුරක් ලෙස පෙනෙන ආකාරයට සිදු කරන්නට අපිට අණ ලැබිලා තිබුණා. මම ඊට කලින් රජ කුමරියක් තියා සාමාන්ය ගැහැනියක්වත් ඝාතනය කරලා නෑ.. කිසිම කාන්තාවක් ඝාතනය කරලා තිබුණේ නෑ.. එහෙත් මට ලැබුණු අණට කීකරු වෙන්නට මා බැඳී සිටියා. මට පැවරුණු රාජකාරිය මා ඉටු කළ යුතුමයි. මම එය කළේ මගේ රට සහ රැජන වෙනුවෙන්..”
ඊළඟට ඔහු හෙළිදරව් කළේ බ්රිතාන්ය රජයේ මාධ්ය මර්දනය පිළිබඳවය. බ්රිතාන්ය තුළ කිසිදු මාධ්ය නිදහසක් නැති බව ඔහු පවසා සිටියි.
“බ්රිතාන්ය මාධ්යවේදීන් හැම දෙනාම ඔවුන්ගේ මාධ්ය ආයතන ප්රධානීන්ට හා කර්තෘවරුන්ට පිළිතුරු දෙන්නට බැඳී සිටිනවා.. ඒ මාධ්ය ආයතන ප්රධානීන් සියලුදෙනා බකිංහැම් මාලිගයේ රජ පවුලේත් නයිට්වරු කිහිප දෙනකුගේත් පාලන බලයට යටත්. නිදහස් යෑයි කියන්නට පුළුවන් කිසිදු මාධයයක් බ්රිතාන්ය තුළ නැහැ.” හොප්කින්ස් එහිදී පැවසීය. මේ රාජකාරිය භාරගත්තේ ඇයිදැයි විමසූ විට ඔහු පැවසූයේ තමා රැකියාවේදී බ්රිතාන්ය කිරීටයට පක්ෂපාතී වන බවට දිවුරා ඇති බවත්, තමාට පැවරුණු රාජකාරිය නිසි ලෙස ඉටු නොකළහොත් මරණයටත් වඩා බියකරු දඬුවම් වලට මුහුණ දෙන්නට සිදුවන බවත්ය. මේ ඩයනා කුමරියගේ මරණය රජ පවුලෙන්ම සැලසුම් කළ ඝාතනයක් බවට කියෑවුණු පළමු අවස්ථාව නොවේ. ඩයනා කුමරිය මියයන්නට පළමු ඇයගේ අත් අකුරින්ම ලියා තිබුණු ලිපියකත් “රජ පවුල විසින් තමාව ඝාතනය කරන්නට සැලසුම් කරන බව” සඳහන් කොට තිබිණ.
“මා වැළදගෙන මාව දිරිමත් කරන්නටත්, නොබියව හිස ඔසවා හිදින්නට මගේ හිත හදන්නටත් කවුරුන් හෝ හිටියානම් කියා ඔක්තෝබර් මාසයේ දිනයක් වන අද මම මෙසේ මගේ ලියන මේසය අසල හිඳගෙන සිතමි. මේ ගෙවී යන්නේ මගේ ජීවිතයේ බියකරුම කාලපරිච්ඡේදයකි. මගේ මෝටර් රියෙහි තිරිංග බිඳදමා, මාව රිය අනතුරකට ලක්කොට, මගේ හිස බරපතළ තුවාලවලට ලක්කොට මා මරා දමන්නට මගේ සැමියා සැලසුම් කරමින් සිටී. ඔහු මාව මරාදමන්නට සැලසුම් කරන්නේ ඔහුගේ අනියම් භාර්යාව කැමිලා විවාහ කරගන්නට ඇති බාධාව මා බැවිනි….” ඩයනා කුමරියගේ ඒ ලිපියේ සඳහන් විය.
ඩයනා කුමරියගේ මෙම ලිපිය පසු කලකදී ඩයනා හිතවාදීන් විසින් අධිකරණයට ඉදිරිපත් කරන ලද මුත් ඒ පිළිබඳව රජ පවුලේ සම්බන්ධයක් තහවුරු කරගන්නට නීතිය අසමත් වූ බැවින් මේ පිළිබඳව ක්රියාමාර්ග ගැනුණේ නැත. වර්තමානයේ මේ විශ්රාමික බුද්ධි අංශ නිලධාරි ජෝන් හොප්කින්ස්ගේ පාපොච්චාරණය ද එම කතාව තහවුරු කරයි. එහෙත් ජෝන් හොප්කින්ස්ගේ කතාව ව්යාජ එකක් බව ද එය බ්රිතාන්ය රජ පවුලට එරෙහිව කරන කුමන්ත්රණයක් බව ද කියමින් මේ පුවත දැනටමත් වාරණය කෙරෙමින් පවතියි. එසේ පැවසුව ද ජෝන් හොප්කින්ස්ගේ පාපොච්චාරණයෙහි වීඩියෝ පටය තවමත් යූ ටියුබ් වෙබ් අඩවියෙහි සංසරණය වෙනු දැකිය හැකිය
[rns_reactions]
ශ්රී ලංකා ක්රිකට් කණ්ඩායමේ ප්රධාන පුහුණුකරු ග්රැහැම් ෆෝඩ් මහතා සිය පුහුණුකරු තනතුරෙන් ඉල්ලා අස්වීමට වැඩි අවස්ථාවක් පවතින බව වාර්තා වෙයි. ශූරයන්ගේ කුසලාන එක්දින තරගාවලියේ නිමාවත් සමග ඔහු නැවතත් දකුණු අප්රිකාවට ගොස් ඇති අතර නිවාඩු ලබාගෙන ඔහු දකුණු අප්රිකාවට ගොස් ඇතත් ලබන සතියේදී ඔහු නැවතත් රාජකාරී වෙත වාර්තා කිරිමට නියමිතය.
කෙසේ වෙතත් ශ්රී ලංකා ක්රිකට් ආයතනය හා ප්රධාන පුහුණුකරු අතර මත ගැටුම් ඇතිවීම හේතුවෙන් ඔහු සිය තනතුර පිළිබඳව කල කිරිමට පත්ව තිබේ. මේ අතර ශ්රී ලංකා ක්රිකට් කණ්ඩායමේ කළමනාකරු වශයෙන් පත්වූ අසංකු ගුරුසිංහ මහතාට ශ්රී ලංකා ක්රිකට් ආයතනය වැඩි බලතල පවරා ඔහුට කණ්ඩායම තුළ වැඩි බලපෑමක් කළ හැකි පුද්ගලයෙකු බවට පත්කිරිමද ෆෝඩ් කනස්සල්ලෙන් සිටින බව වාර්තා වෙයි.
කෙසේ වෙතත් ෆෝඩ් හා ගුරුසිංහ අතර කිසිඳු පෞද්ගලික ගැටීමක් නොමැත. 2011 වසරේ පටන් මේ දක්වා ශ්රී ලංකා ක්රිකට් ආයතනය අතුරු පුහුණුකරුද ඇතුළුව පුහුණුකරුවන් 11ක් පමණ කණ්ඩායමට යොදාගෙන තිබේ.
ෆෝඩ් ශ්රී ලංකා ක්රිකට් ආයතනයත් සමග 2019 වසරේ එංගලන්තයේ පැවැත්විමට නියමිත එක්දින ලෝක කුසලානය තෙක් ගිවිසුම් ගතව සිටී. මිට ඉහතදීත් ශ්රී ලංකා ක්රිකට් කණ්ඩායමේ ප්රධාන පුහුණුකරු ලෙස කටයුතු කර ඇති ෆෝඩ් තරුණ ක්රිකට් ක්රීඩකයන් කළමනාකරණය කිරිම පිළිබඳව සුවිශේෂී සේවයක් කළ හැකි පුද්ගලයෙකු ලෙස පිළිගැනෙයි.
මේ අතර සිම්බාබ්වේ කණ්ඩායමේ ශ්රී ලංක තරග සංචාරය එළැඹෙන 30 දා ගාල්ලේදි පැවැත්වෙන එක්දින තරගයෙන් ආරම්භවීමට නියමිතය.
[rns_reactions]
මහේල ජයවර්ධන ශ්රී ලංකා කණ්ඩායමේ පුහුනුකාරිත්වය දැරීමට ‘පොඩි වැඩි බව’ ශ්රී ලංකා ක්රිකට් සභාපති තිලංග සුමතිපාල පවසනවා.
විදෙස් රටක සිට දුරකතනයෙන් අමතමින් ඔහු මේ බව සඳහන් කළා.
ඔහු සඳහන් කළේ මහේලගේ සමකාලීනයන් තවමත් කණ්ඩායමේ ක්රීඩා කරන නිසා ඔහුව යොදා ගැනීමට තවත් කල් සිටිය යුතු බවයී.
පුහුණුකරුවන් තිදෙනෙකු සමග ශ්රී ලංකා කණ්ඩායමට එක්කර ගැනීම සඳහා මේ වනවිට සාකච්ඡා කර ඇති බවද ශ්රී ලංකා ක්රිකට් සභාපතිවරයා සඳහන් කර සිටියා.
[rns_reactions]
පොදු දේපොළවලට හානි සිදු කරන පුද්ගලයන් රජයේ රැකියා සඳහා බඳවා නොගැනීමේ ප්රතිපත්තිමය තීරණයක් ගැනීමට රජය සූදානම් වන බව රජයේ ඉහළ පෙළේ ආරංචි මාර්ග සඳහන් කරයි.
විවිධ වර්ජන, කලකෝලාහල වැනි කඩාකප්පල්කාරී අවස්ථාවල බොහෝ පුද්ගලයන් රාජ්ය දේපොළවලට දැඩි ලෙස හානි කිරීමේ ප්රවණතාවක් පසුගිය කාලයේ දක්නට ලැබුණු බවත්, මේ නිසාම රජය සතු විශාල දේපොළ ප්රමාණයක් විනාශ වූ බවත් පැවසූ ඉහළ පෙළේ රාජ්ය නිලධාරියකු සඳහන් කළේ මේ සම්බන්ධයෙන් අවධානය යොමු කළ බවයි.
වගකීමෙන් යුතුව රජයේ දේපළ පරිහරණය කළ නොහැකි පුද්ගලයන් රාජ්ය සේවයට සුදුස්සන් නොවීම මත මෙම තීරණයට එළැඹීමට නියමිතය. මේ අනුව රජයේ ප්රමුඛ සේවාවන් වන පරිපාලන සේවාව, කළමනාකරණ සේවාව, ගණකාධිකරණ සේවාව, වෛද්ය සේවාව වැනි සේවා සඳහා මෙවැනි පුද්ගලයන් බඳවා නොගැනීමට කටයුතු කෙරෙනු ඇත.
මීට වසර ගණනාවකට පෙර රාජ්ය සේවයට බඳවාගැනීමේදී පොලිස් වාර්තා මෙන්ම අදාළ පුද්ගලයාගේ අතීත ක්රියාකලාපය ගැන දැඩි ලෙස විමසිලිමත් වූ අතර, එහිදී පොලිස් වාර්තා අනුව කටයුතු කෙරිණි. එම තත්ත්වය පසුගිය කාලයේදී ඇනහිට තිබූ අතර මේ අනුව යළිත් එය වඩාත් සක්රීය කිරීමට ක්රියා කෙරෙනු ඇත.
[rns_reactions]
ශ්රී ලංකා ක්රිකට් කණ්ඩායමට මෑත කාලයේ එකතු වූ වටිනාම සොයාගැනීමක් ලෙස හැදින්විය හැකි අසේල ගුණරත්න කෙරෙහි පසුගිය වර බංගලාදේශ ප්රිමියර් ලීග තරඟාවලියේ ශූරතාව දිනු ඩකා ඩයිනමයිට් කණ්ඩායමේ අවදානය යොමුවී ඇති බව වාර්තා වේ.
තවමත් මෙම අවස්ථාව පිරිනමන බවට නිල වශයෙන් තහවුරු කර නැති අතර ඔවුන්ගේ වෙබ් අඩවියේ තම කණ්ඩායම සමඟ එක්වීමට යන අමුත්තා අනුමාන කරන ලෙස අසේල ගුණරත්නගේ නමේ අකුරු අපිලිවලට දැක්වෙන ජයාරූපයක් මෙලෙස පළකර ඇත.
ඩකා කණ්ඩායම සමඟ ප්රබල ක්රීඩකයන් වන කුමාර සංගක්කාර,සහීඩ් ඇෆ්රෙඩ්,ෂේන් වොට්සන්,මොහොමඩ් අමීර් සහ සුනිල් නාරයන්ද විදෙස් ක්රීඩකයන් ලෙස පසුගිය වසරේ ක්රීඩා කළහ.
[rns_reactions]
කුමාර සංගක්කාර සහ ශිවනරීන් චන්ද්රපෝල් යනු ක්රිකට් ඉතිහාසයේ නොමැකෙන අයුරින් නම සටහන් කරගත් සුපිරි ක්රීඩකයන් දෙදෙනෙකි.දෙදෙනාම වමත් පිතිකරුවන් වන අතර චන්ද්රපොල්ගේ අපුරු පිතිහරඹ රටාව කිසිදා ක්රිකට් ප්රේක්ෂකයන්ගේ මතකයෙන් ඈත් නොවනු ඇත.සංගාගේ සුපිරි දක්ෂතාද එසේමය.
මෙම ක්රීඩකයන් දෙදෙනාම එංගලන්ත ප්රාන්ත ක්රිකට් තරඟාවලියට මේ වසරේ ක්රීඩා කරන අතර දෙදෙනාම දැන් ජාත්යන්තර පිටියට සමුදී ඇත.
සංගා සරේ කණ්ඩායම වෙනුවෙන් සුපිරි දක්ෂතා පෙන්වද්දී චන්ද්රපෝල් ලන්කර්ශයර් කණ්ඩායම සමඟ එකතුව සුපිරි දක්ෂතා පෙන්වමින් සිටී.කුමාර සංගක්කාරට වඩා අවරුදු 3ක් වයසින් වැඩි චන්ද්රපෝල් තවමත් ක්රිකට් පිටියේ සුපිරි දක්ෂතා දක්වද්දී සංගා සමුගැනීමට ඉක්මන් වන්නේ ඇයි දැයි cricbuzz.com විමසු විට සංගා අපුරු පිළිතුරක් දී ඇත.
“ශිවි කියන්නේ මහ අමුතු හැකියාවක් තියන ක්රීඩකයෙක්,එයා අපිත් එක්ක තිබුන තරඟයකදී ලකුණු 182 ක් ගත්ත කිසිම මහන්සියක් නැතුව.ඉතින් සමහර වෙලාවට අපි දෙන්නගේ දක්ෂතා සංසන්දනය කලාම අපි එක වගේ කියල හිතනවා ඇති,හැබැයි අපි දෙන්නගේ මානසික තත්වය එක වගේ වෙන්නේ නෑනේ,
මම හිතන්නේ මම සමුගන්න හොඳම වෙලාව තමයි මේක කියල,මේ අව්රුද්දෙ සරේ කණ්ඩායම හොඳ තැනක ඉන්නවා.මටත් හොඳ අත්දැකීමක් දක්ෂ තරුණ කණ්ඩායමක් එක්ක ක්රීඩා කරන්න ලැබුන එක.ඒ වගේම එයාලටත් පුළුවන් වුනා මගේ අත්දැකීම වලින් වැඩක් ගන්න.මේ තරුණයන් එක්ක සරේ කණ්ඩායමට හොඳ ගමනක් තියෙයි අනිවාර්යයෙන්ම.”
මෙම තරඟ වාරයේ චන්ද්රපෝල් සහ සංගා වැනි ජාත්යන්තර තරඟ වලින් සමුගත් ක්රීඩකයන් සුපිරි දක්ෂතා දැක්වීමට හේතුව ජාත්යන්තර ක්රිකට් සහ ප්රාන්ත ක්රිකට් අතර තිබෙන වෙනසදැයි සංගාගෙන් ඇසු විට සංගක්කාර අපුරු පිළිතුරක් දී ඇත.
“මට එකට උත්තරේ දෙන එක ටිකක් අමාරු වැඩක්,මොකද එහෙම වෙනසක් නෑ,අපි හොඳ පිතිකරුවෝ නිසා ලකුණු ගන්නවා කියල මට කියන්න බෑනේ,ඔයාම හිතල බලන්න එංගලන්ත ප්රාන්ත ක්රිකට් ගහන අය එංගලන්ත ජාතික කණ්ඩායමට ආවම ලොකු වෙනසක් තියනවද කියල.දැන් ප්රාන්ත ගහන රෝලන්ඩ් ජෝන්ස්,කරන් සහෝදරයෝ දැන් ජාතික කණ්ඩායමේ ඉන්න ක්රීඩකයෝ එක්ක ඇත්තටම ලොකු වෙනසක් නෑ,එංගලන්තයේ ප්රාන්ත තරඟ කියන්නේ ඇත්තටම ගොඩක් තරඟකාරී තැනක්.දේශීය ක්රීඩකයෝ වගේම විදෙස් ක්රීඩකයනුත් එතන ඉන්න නිසා මම හිතන්නේ නෑ ජාත්යන්තර තරඟ,ප්රාන්ත තරඟ කියල ලොකු වෙනසක් තියනවා කියල.”
[rns_reactions]
අන් අයට බාධා වෙමින් ගමන් කරන ප්රභූ රථ පිළිබඳ පුවත් විටින් විට අපට අසන්නට දකින්නට ලැබෙනවා.
මෙයද එවැනිම සිදූවමකි.
පහත වීඩියෝවේ දැක්වෙන පරිදි BENZ 300 කාණ්ඩයට අයත් රථයක් සහ පොලිස් ආරක්ෂාව මධ්යයේ කොලඹ නගරයේදී අනෙක් රථ වලට බාධා වන අකාරයෙන් ගමන් කරනවා.
මෙම බෙන්ස් රථයට ආරක්ෂාව සපයමින් ඒ පිටුපස ගමන් කරන පොලිස් නිලධාරින් දෙදෙනා අනෙක් රථ වලට ගමන් කිරීමට නොහැකි වන සේ මාර්ගයේ ගමන් කරන ආකාරයද දක්නට ලැබෙනවා.
මෙහිදී එක අවස්ථාවකදී මෙම පොලිස් නිලධාරින් ගිලන් රථයක්ද නවත්වමින් මෙම බෙන්ස් රථයට මාර්ගයේ ගමන් කිරීමට ඉඩ ලබාදෙනවා.
මෙම සිදුවීම දුටු පිටුපසින් පැමිණි රථයක රියදුරෙකු විසින් මෙම පොලිස් නිලධාරීන්ගේ මෙම ක්රියාව දැඩි ලෙස විවේචනය කරන අතර විටෙක එම රියදුරා “ඌට පරක්කු නම් කලින් නැගිටලා යන්න කියපිය,තොපි හැමදාම ඔහොමයි පාරේ යන්නේ යනුවෙන් ” එම පොලිස් නිලධාරීන්ට බැන වදිනවා.
සමාජ ජාලා වෙබ් අඩවි තුළ මෙම වීඩියෝව හුවමාරු වෙමින් තිබෙන අතර, මෙසේ කළ පුද්ගලයාට ඔවුන්ගේ ප්රශංසාවද හිමිව තිබුණා.
එම වීඩියෝව පහතින් නැරඹිය හැකියි..
[rns_reactions]
ෂාරුක් ඛාන් හැමදෙයටම වඩා ප්රමුඛත්වය දෙන්නේ සිය පවුලට සහ දරුවන්ට බව සැමදෙනෙක්ම ඉතා හොඳින් දන්නා කරුණකි. මොන තරම් වැදගත් කටයුත්තක් වුවත් දරුවන් වෙනුවෙන් අත්හැර දැමීමට ඔහු පසුබට වන්නේ නැත.
ෂාරුක්ගේ පුත් ආර්යන් පාපන්දු ක්රීඩා කරන අතර සිදුවූ අනතුරකින් ඔහුගේ නාසය කැඩුනේය. එය සකස් කිරීම සඳහා ශල්යකර්මයක් කිරීමට වෛද්යවරු නිර්දේශ කළහ. මේ ශල්යකර්මය ජුලි මස සිදුකිරීමට නියමිත වන අතර, ඒ වනවිට ෂාරුක් සිය අලුත්ම චිත්රපටය වන “ජබ් හැරි මේට් සෙජාල්” වෙනුවෙන් ප්රචාරණ කටයුතුවල යෙදීමට නියමිතය. එහෙත් ශල්යකර්මය සිදුකෙරෙන අවස්ථාවේ සිය පුතු අසල සිටීම සඳහා කෙසේ හෝ කාලය සොයා ගැනුමට ෂාරුක් මේ වන විටත් තීරණය කර අවසන්ය. එවන් කැප කිරීමක් තාත්තා කෙනෙකුගෙන් හැර අන් කවරෙකුගෙන් බලාපොරොත්තු විය හැකිදැයි තතු දන්නෝ අසති. “ජබ් හැරී මේට් සෙජාල්” එළබෙන අගෝස්තු 04දා සිට තිරගත වීමට නියමිතය. එහි ෂාරුක් සමග ප්රධාන චරිතයට පණ පොවන අනෙක් නිළිය වන්නේ අනුෂ්කා ශර්මාය.
[rns_reactions]
රජයේ වෛද්යවරුන්ගේ සංගමය දින දෙකක් පවත්වාගෙන ගිය වෛද්ය වැඩ වර්ජනය මීට සුළු මොහොතකර පෙර අවසන් කළ බව වෛද්ය නිලධාරීන්ගේ සංගමය කියයි. ජනාධිපති මෛත්රීපාල සිරිසේන මහතා සමග අද (24) දහවල් පැවැති සාකච්ඡාවකින් පසු මෙම තීරණය ගත් බව ද එම සංගම කියයි. විශ්ව විද්යාල සිසුන්ට කොළඹ සෞඛ්ය අමාතයංශ පරිශ්රයේදී 21 වනි දා එල්ල කළ පොලිස් ප්රහාරයට විරෝධය දක්වමින් රජයේ වෛද්ය නිලධාරීන්ගේ සංගමය රටපුරා වෛද්ය වර්ජනයක් ආරම්භ කළේය.
[rns_reactions]
සයිටම් පෞද්ගලික වෛද්ය විද්යාලය සම්බන්ධයෙන් මතුව ඇති අර්බුදය විසඳා ගැනීම සඳහා රජයේ වෛද්ය නිලධාරීන්ගේ සංගමයේ නියෝජිතයින් සහ ජනාධිපති මෛත්රීපාල සිරිසේන මහතා අතර සාකච්ඡාවක් අද (24) උදෑසන පැවැත්වුණා.
එහි දී සාකච්ඡා වූ කරුණු පිළිබ දැනුම් දීමේ මාධ්ය හමුවක් තවත් සුළු වේලාවකින් රජයේ වෛද්ය නිලධාරීන්ගේ සංගම් කාර්යාලයේ දී පැවැත්වීමට නියමිතයි.
මේ අතර මෙම සාකච්ඡාව අනූව රජයේ වෛද්ය නිලධාරීන්ගේ සංගමයේ වැඩ වර්ජනය අද පස්වරුවේ අවසන් කිරීමට නියමිත බවයි නිල නොවන වාර්තා අනාවරණය කළේ.
[rns_reactions]
ප්රමිතිය සැලකිල්ලට ගෙන සයිටම් පෞද්ගලික වෛද්ය විද්යාලය වසා දැමූහොත් රජයේ වෛද්ය පීඨ කිහිපයක් ද වසා දැමීමට සිදුවන බව සෞඛ්ය අමාත්ය රාජිත සේනාරත්න පවසනවා.
සරසවි සිසුන්ට පසුගියදා කොළඹ දී එල්ල වූ පොලිස් ප්රහාරය සහ වෛද්යවරුන් ආරම්භ කර ඇති වැඩවර්ජනය සම්බන්ධයෙන් ඊයේ පාර්ලිමේන්තුවේ පැවති කල් තැබීමේ විවාදයට එක්වෙමින් අමාත්යවරයා මේ බව කියා සිටියා.
රජයේ රෝහල්වල වර්ජනයේ නිරතවී පෞද්ගලික රෝහල්වල සේවය කරන වෛද්යවරුන් සම්බන්ධයෙන් විනය ක්රියාමාර්ග ගන්නා බව සෞඛ්ය අමාත්ය රාජිත සේනාරත්න පවසනවා.
ඒ සම්බන්ධයෙන් සෞඛ්ය අමාත්යංශය දැනටමත් පරීක්ෂණ ආරම්භ කර ඇති බව ද සෞඛ්ය අමාත්යවරයා කියා සිටියා.
[rns_reactions]
වැඩවර්ජන සිදු කරමින් ආණ්ඩුව බිය වැද්දවීමට නොහැකි බව අමාත්ය රවී කරුණානායක පවසනවා.
ආණ්ඩුව ලබා දී තිබෙන නිදහස විවිධ පුද්ගලයින් අයුතු ලෙස භාවිත කරන බවයි ඔහු සඳහන් කළේ.
වෛද්යවරුන් වැඩවර්ජනයේ නිරත වන්නේ කිසිදු පදනමකින් තොරව බවයි අමාත්ය රවී කරුණානායක කියා සිටියේ.
මෙවැනි වැඩවර්ජනය සිදු කිරීමෙන් රට දියුණු කිරීමට නොහැකි බව අමාත්යවරයා පැවසුවා.
[rns_reactions]