https://www.facebook.com/1209664375781943/videos/1289190501162663/
[rns_reactions]
Blog
-
වෛද්ය උපාධි අපේක්ෂිකාවක් ලිංගික අපයෝජනයට
බංග්ලාදේශයේ චිතගොං නුවර විද්යා තාක්ෂණික විශ්වවිද්යාලයේ ඉගෙනුම ලබමින් සිටි ශ්රී ලාංකික වෛද්ය උපාධි අපේක්ෂිකාවක් ලිංගික අපයෝජනය කළ බව කියන තරුණයෙකු අත්අඩංගුවට ගෙන තිබේ.
චිතගොං නගරයේ හෝටල් කාමරයක් තුළ 26 හැවැරිදි සැකකරු තමන්ව දූෂණය කළ බවට වෛද්ය සිසුවිය පොලීසියට කළ පැමිණිල්ලකින් පසුව මෙම අත්අඩංගුවට ගැනීම සිදුකර තිබේ.පසුගිය ජුනි 11 දා අත්අඩංගුවට පත් සැකකරු හා දුෂණයට පත්වූ බව කියන ශ්රී ලංකා තරුණිය ජංගම දුරකතනය හරහා කතා බහ කිරීම ආරම්භ කර ඇති අතර පසුව සැකකරුගේ දැනුම් දීම මත ඇය හෝටලය වෙත පැමිණ තිබේ.තරුණිය නැවතී සිටින නේවාසිකාරය ආසන්නයේ හෝටලය පිහිටා ඇති අතර එහිදී තමන්ව දූෂණයට ලක්වූ බව තරුණිය පොලීසියට කළ පැමිණිල්ලේ දැක්වෙයි
[rns_reactions]
-
නව සීමා නිර්ණයන්ට අනුව පළාත් පාලන මැතිවරණ කොට්ඨාස සංඛ්යාව හරි අඩක් අඩුවෙයි.
නව සීමා නිර්ණයන්ට අනුව පළාත් පාලන මැතිවරණ කොට්ඨාස සංඛ්යාව 4500 දක්වා අඩුකළ බව පාර්ලිමේන්තුවට ඉදිරිපත් කළ පළාත් පාලන ඡන්ද විධිවිධාන සංශෝධන පනත් කෙටුම්පතේ දැක්වේ.
මීට පෙර තිබූ මැතිවරණ කොට්ඨාස සංඛ්යාව 8000කි.
නව සීමා නිර්ණ අනුව පළාත් පාලන මැතිවරණ කොට්ඨාස 4500ක් යටතේ මීළඟ පළාත් පාලන මැතිවරණය පැවැත්වෙන බව සභා නායක ලක්ෂ්මන් කිරිඇල්ල මහතා පාර්ලිමේන්තුවේදී ප්රකාශ කළේය.
මෙම සංශෝධන පනත් කෙටුම්පත ආණ්ඩු පක්ෂයේ ප්රධාන සංවිධායක ගයන්ත කරුණාතිලක මහතා විසින් ඊයේ(20) පාර්ලිමේන්තුවට ඉදිරිපත් කරනු ලැබීය.[rns_reactions]
-
නවක වදය දුන් සිසුන් නවයකට පන්ති තහනමක්
නව සීමා නිර්ණයන්ට අනුව පළාත් පාලන මැතිවරණ කොට්ඨාස සංඛ්යාව 4500 දක්වා අඩුකළ බව පාර්ලිමේන්තුවට ඉදිරිපත් කළ පළාත් පාලන ඡන්ද විධිවිධාන සංශෝධන පනත් කෙටුම්පතේ දැක්වේ.
මීට පෙර තිබූ මැතිවරණ කොට්ඨාස සංඛ්යාව 8000කි.
නව සීමා නිර්ණ අනුව පළාත් පාලන මැතිවරණ කොට්ඨාස 4500ක් යටතේ මීළඟ පළාත් පාලන මැතිවරණය පැවැත්වෙන බව සභා නායක ලක්ෂ්මන් කිරිඇල්ල මහතා පාර්ලිමේන්තුවේදී ප්රකාශ කළේය.
මෙම සංශෝධන පනත් කෙටුම්පත ආණ්ඩු පක්ෂයේ ප්රධාන සංවිධායක ගයන්ත කරුණාතිලක මහතා විසින් ඊයේ(20) පාර්ලිමේන්තුවට ඉදිරිපත් කරනු ලැබීය.[rns_reactions] -
ගුවන්විදුලි සංස්ථාවට දෙයියන්ගේම පිහිටයි.!!!! ලක්හඬ වලපල්ලට ඇද දැමු ධනුෂ්කට ගුවන්විදුලි සංස්ථාවේ ඉහල පුටුවක්.
ලක්හඬ ආයතනයේ ධනුෂ්කගේ කෙරුවාවයි මේ…
ධනුෂ්ක මහත්තයා ලක්හඬ ගුවන් විදුලියට අදාළව පළමු අඩව්ව අල්ලන්නේ ලක්හඬ නග්ගන්න කරන සමීක්ෂණය හරහා ය. අපට වාර්තා වී ඇති ආකාරයට ධනුෂ්ක මහත්තයා ඒ වෙනුවෙන් ලක්ෂ 5ත් 8ත් අතර මුදලක් වැය කර ඇත. අප කළ විමසීමේ දී ධනුෂ්ක මහත්තයා කිව්වේ අදාළ සමීක්ෂණය සඳහා වැය නොවූ බවය. කෙසේ වුවත් සමීක්ෂණය අවසන් වූයේ එතෙක් ලක්හඬ ගුවන් විදුලියේ ශ්රාවක ප්රසාදය මැනවින් දිනා සිටි පේ්රමතටාකය සහ ජෝති රාත්රිය යන වැඩසටහන් නවතා. එම වැඩසටහන් අද වෙනස් ආකෘතියකින් වෙනත් නාලිකාවක විකාශනය වන බව ධනුෂ්ක මහත්තයා නොදන්නවා ඇත. එපමණක් නොව ආයතනයේ ගුණාත්මකභාවය නංවන්නට යැයි කියමින් එහි සේවක සේවිකාවන් සහභාගි කරවාගෙන මාදුරුඔය විශේෂ කාර්යය බලාකා කඳවුරේ පැවැත් වූ වැඩමුළු සඳහා ද සංවිධාන කටයුතු සිදුකර ඇත්තේ ධනුෂ්ක මහතාමය. ඊට රුපියල් මිලියන 10කට ආසන්න මුදල් ප්රමාණයක් වැය කර ඇත. නිවේදක නිවේදිකාවන්ට කටහඬ පුහුණුවක් යැයි කියා ඒ වෙනුවෙන් වූ කිසිදු සුදුසුකමක් නොමැති පුද්ගලයකුට රුපියල් 50000ක් ගෙවීමට මැදිහත් වී ඇත්තේ ද ධනුෂ්ක මහත්තයාමය. එසේම විනාඩියකටත් අඩු තේමා වාදනයක් වෙනුවෙන් ධනුෂ්ක මහත්තයාගේ මැදිහත් වීමෙන් වැය කර ඇති මුදල රුපියල් ලක්ෂ 4ක්ය. එම තේමා වාදනයම නැවත නිර්මාණය කිරීමට ඔහු රුපියල් 254000ක මුදලක් ද වැය කර ඇත.
මෙය ලක්හඬ ඉතිහාසයේ පමණක් නොව ලංකා ඉතිහාසයේම මිනිත්තුවකට අඩු තේමා වාදනයක් වෙනුවෙන් වැයකළ වැඩිම මුදල වන්නට ඉඩ ඇත. එසේම ලක්හඬ ගුවන් විදුලියේ ඉතා කුඩා වපසරියක තීන්ත ආලේප කිරීම සඳහා ධනුෂ්ක මහත්තයාගේ මැදිහත්වීමෙන් රුපියල් මිලියන 1.3කට ආසන්න මුදලක් වැය කර ඇති බව ද වාර්තා වෙයි. ඒ ද ලක්හඬ ඉතිහාසයේ තවත් වාර්තාවක්ය. මීට අමතරව S-5 සංකල්පය පිළිබඳ ආයතනයේ සේවක සේවිකාවන් දැනුවත් කරන්නට යැයි කියා එක්තරා හෝටයකට ඔවුන්ව ගෙන ගොස් මුළු දවසක්ම ගෙවා දම්මවා නැටූ නාඩගමට වැයකර ඇති මුදල රුපියල් මිලියන 4කට අධිකය. එසේම ප්රවෘත්ති ජිංගල් නිර්මාණය වෙනුවෙන් ධනුෂ්ක මහත්තයාගේ මැදිහත්වීමෙන් රුපියල් 260000ක් සහ ආයතනය රීලෝන්ච් කරන්න යැයි කියමින් රුපියල් මිලියන 3කට ආසන්න මුදලක් අපතේ යැව්වේ ද ධනුෂ්ක මහත්තයාගේම මැදිහත් වීමෙන්ය. මේ සියලූ නාඩගම් අවසානයේ ලක්හඬ ගුවන් විදුලිය ධනුෂ්ක මහත්තයා වැඩ බාරගත් සමයේ තිබූ තැනවත් අද තිබුණා නම් හිත හදා ගන්නට තිබිණ. කෙසේ නමුත් සමීක්ෂණ දත්ත මත එදා 9වන ස්ථානයේ රැඳී තිබූ ලක්හඬ අද 14 වන ස්ථානයේය.
මේ සියලූ නාඩගම් නැටීම අවසානයේ අවම වශයෙන් ලක්හඬ ගුවන් විදුලියේ ආදායම් පාර්ශ්වයවත් සරු වී තිබුණා නම් පොඩි එකාගේ ආසාවනේ කියා අපට ද නිහඬව ඉන්නට තිබිණ. නමුත් එසේ නිහඬ වන්නට නොහැකි වන්නේ ආයතනයේ ඉහළ ධුරයක් දරන අතර තුරම ආයතනයේ ආදායම් මාර්ග සමඟ සූදු කෙළින්නට ධනුෂ්ක මහත්තයා ක්රියාකර ඇති නිසාය. ඒ සූදුව වෙනුවෙන් ධනුෂ්ක මහත්තයාගේ හිතුවක්කාරකම කොපමණ දැයි කියනවා නම් ආයතනයට ලක්ෂ 15ක් පමණ මුදලක් ලබා දී සිදු කරන ජාතික ලොතැරැයි මණ්ඩලයේ දිනුම් ඇදීම විකාශය වීම නවතා දමන්නට තරම් එය දුරදිග ගොස් ඇත. ඒ වෙනුවෙන් ධනුෂ්ක මහත්තයා ජාතික ලොතරැයි මණ්ඩලයට ‘‘මිනිට්’’ ගසා දැනුම් දී ඇත්තේ ‘‘නව කළමනාකරු පැමිණි පසු මෙය ක්රියාත්මක කිරීමට යෝජනා කරමි’’ යනුවෙන් දැනුම් දෙමින්ය. ඒ පිළිබඳ ධනුෂ්ක මහත්තයාගෙන් විමසූ විට ඔහු අවධාරණය කරන්නේ රූපවාහිනී වැඩසටහනක් පටිගතකර රාත්රී 9.00ත් – 10.00ත් අතර ගුවන් කාලය විකාශය කිරීම ශ්රාවක රුචියට හිතකර නොවන බවය. එහෙයින් එය වැඩ සටහනක් ලෙස විකාශය කිරීම තම අපේක්ෂාව වූ බවය.
අවසානයේ සිද්ධ වූයේ ලොතරැයි මණ්ඩලයේ දිනුම් ඇදීම විකාශය කිරීමේ අවස්ථාව ලක්හඬට අහිමි වී යාමය. එපමණක් නොව ධනුෂ්ක මහත්තයාගේ මේ මාර මොළය නිසා ලක්හඬ ගුවන් විදුලියට වෙළඳ දැන්වීම් ලබා දුන් සහ ඒ හා එක්ව ප්රවර්ධන කටයුතු සිදුකළ SLT ඩයලොග්, සෙලාන්, මෙල්වා, මල්ටිලැක්, ඩාලිබට්ලර් ආදී ප්රධාන පෙළේ ආයතන මේ වන විට ලක්හඬ සමඟ ඇති ගනුදෙනු අත්හිටුවා ඇත. මේ අයුරින් ආයතනයට ආදායම් ලැබෙන මාර්ග අහුරාලන ඒ වෙනුවෙන් මිනිටි ගැසීමට තරම් මොළය ඔද්දල් කරගත් ආයතන ප්රධානියකු ලෙස ද ධනුෂ්ක මහත්තයාගේ නම ලක්හඬ පමණක් නොව ලෝක ඉතිහාසයට ද එක්වනවා නොඅනුමනය.
ඉතිං තත්වය මෙසේ තිබියදී ධනුෂ්ක රාමනායක මේ වන විට ශ්රී ලංකා ගුවන්විදුලි සංස්ථාවේ ක්රියාකාරී අධ්යක්ෂකවරයා ලෙස නව පත්වීමක් ලබා තිබෙනවා. අවසානයේදී අපටනම් කිවයුතුව ඇත්තේ ශ්රී ලංකා ගුවන්විදුලි සංස්ථාවටත් දෙයියන්ගේම පිහිටයි යනුවෙනි…
[rns_reactions]
-
ශ්රී ලන්කන් ගැන තීන්දුවක් ගන්නවා – ජනපති
දෙනගම ධම්මික රණවීරශ්රී ලන්කන් ගුවන් සමාගමේ සභාපති ඇතුළු අධ්යක්ෂ මණ්ඩලය සම්බන්ධ තීරණාත්මක තීන්දුවක් ගන්නා බව ජනාධිපති මෛත්රිපාල සිරිසේන මහතා ප්රකාශ කොට ඇත.ශ්රී ලන්කන් ගුවන් සමාගමේ සභාපති සහ අධ්යක්ෂ මණ්ඩලයට එල්ල වී ඇති චෝදනා පිළිබඳ විමසා බැලීමට එම නිලධාරීන් විශේෂ කැබිනට් අනුකමිටුවක් වෙත ඊයේ (20දා) පෙරවරුවේ කැඳවනු ලැබීය. ජනාධිපති මෛත්රිපාල සිරිසේන මහතාද සහභාගි වූ එම කැබිනට් අනුකමිටුව නියෝජනය කරමින් අගමැති රනිල් වික්රමසිංහ හා රාජිත සේනාරත්න, සරත් ෆොන්සේකා, කබීර් හෂීම්, රවි කරුණානායක යන ඇමැතිවරුද එක්වී සිටියහ. පසුගිය සතියේ (13දා) කැබිනට් මණ්ඩල රැස්වීමේදී එම කැබිනට් අනුකමිටුව පත් කළ අතර ශ්රී ලන්කන් ගුවන් සමාගමේ සභාපති, ප්රධාන විධායක නිලධාරි ඇතුළු අධ්යක්ෂ මණ්ඩලය අමාත්ය අනුකමිටුවට කැඳවීමට තීරණය කළේද එදිනයි. ජනාධිපති මෛත්රිපාල සිරිසේන මහතා අධ්යක්ෂ මණ්ඩලය සම්බන්ධව ඉහත ප්රකාශය කොට ඇත්තේ එහිදීය.ශ්රී ලන්කන් ගුවන් සමාගමේ සිදුවී ඇති බව කියන අක්රමිකතා පරීක්ෂා කිරීමට පත් කළ නීතිඥ ජේ.සී. වැලිඅමුණ මහතාගේ ප්රධානත්වයෙන් යුතු කමිටු වාර්තාවේ නිර්දේශ වහා ක්රියාත්මක කිරීමටද එහිදී තීරණය කොට තිබේ.මෙහිදී ශ්රී ලන්කන් ගුවන් සමාගමේ ප්රධාන විධායක නිලධාරිවරයාට එරෙහිව එහි අධ්යක්ෂ මණ්ඩල සාමාජිකයන් සිවුදෙනකුද අදහස් දක්වා ඇති බව දැනගන්නට ඇත. ශ්රී ලන්කන් ගුවන් සමාගමට විෂය භාර ඇමැති කබීර් හෂීම් මහතාගේ අනුමැතියෙන් තොරව සේවකයන් 1,200ක් බඳවා ගෙන ඇති බවද එහිදී අනාවරණය වී ඇත.[rns_reactions] -
නිරෝෂාගේ නැටිල්ලට සැමියා අකමැතිද? පුවත්පතක් ඇය සමග කළ සංවාදයක සටහනයි..
දක්ෂ රංගන ශිල්පිණියක් ලෙස වගේම නර්තන ශිල්පිණියක ලෙස නිරෝෂා තලගල කා අතරත් සිත් දිනාගෙන සිටින්නියක්.පහුගිය කාලේ පුංචි තිරයේ වගේම රිදී තිරයේත් නිතර නිතර දක්නට ලැබුණු නිරෝෂා මේ දවස් වල නම් ටිකක් නිහඩ වෙලා වගේ තමයි පේන්න තියෙන්නේ.මේ පුවත්පතක් ඇය සමග කළ සංවාදයක සටහනයි..
නිරෝෂා අල්ලගන්නත් අමාරුයිනේ. දැන් ගොඩක් කාර්යබහුලයි වගේ?
පසුගිය කාලේ නම් රංගන කටයුතුවලට ගොඩක් කාර්යබහුල වුණා. හැම නාළිකාවේම ගොඩක් වෙලාවට පේන්න හිටියා. වෙලාවකට හිතුණා පේන්න ඉන්නවා වැඩීද දන්නේ නැහැ කියලත්. ඒ නිසා මේ දවස්වල තෝර බේරගෙන වැඩ කිහිපයකට සම්බන්ධ වෙනවා. හාර කෝටිය ටෙලි නාට්ය මේ දවස්වල විකාශය වෙනවා. තවත් අලුත් නාට්යයක වැඩ ඉදිරියේදී පටන් ගන්නත් තියෙනවා.
පේනවා වැඩි නිසාම විතර ද තෝරා බේරා ගැනීම් කරන්නේ?
ඇත්තටම මට මේතාක් ලැබුණේ විවිධ චරිත. මට නොදැනීම මම චරිතාංග රංගන ශිල්පිනියක් වුණා. ඉතිං ඒ පසුබිමත් එක්ක මම කැමැති වුණේ නැහැ එහෙන් මෙහෙත් එන චරිත කරන්න. මට හරියන චරිත හම්බවුණෙත් නැති අවස්ථාවල ඔක්කෝම දේවල් බදාගෙන කරනවාට වඩා කරන වැඩ ටික පාඩුවේ කරගෙන යන එක හොඳයි කියලා හිතුවා.
දැන් නැටිල්ලෙත් ඉවරයක් නෑ වගේ?
මේ අවුරුද්දේ පටන් ගැන්ම එක්ක මම හිතුවා නර්තන කණ්ඩායමකට මුල් තැන දෙන්න ඕන කියලා. ඒ නිසා රිහර්සල්වලට අලුත් ළමයි පුහුණු කිරීම්වලටත් කාලය යොදවනවා. ඒ වගේම මේ දවස්වල නැකත් තිබෙන නිසා, වෙඩින්වලට නර්තන කණ්ඩායම සම්බන්ධ කරන වැඩත් තියෙනවා.
නිරෝෂා නර්තන කණ්ඩායම නියෝජනය කරන්නේ අඩුවෙන්ද?
නර්තන කණ්ඩායම සම්බන්ධ වෙන හැම ඉවෙන්ට් එකක්ම මම නියෝජනය කරන්නේ නැහැ. මම සහභාගි විය යුතුම තැනක් නම් තමයි මම එයට සම්බන්ධ වෙන්නේ. මම ඒ වැඩේට සම්බන්ධ වෙන්න අවශ්යද නැද්ද කියන එක සංවිධායකයන්ගෙන් අහලා බලනවා.මම රංගන ශිල්පිනියක් නිසා මට නටන්න පුළුවන් තැන් වගේම බැරි තැන් තියෙනවා. නටන්න බැරි තැන්වල මම නටන්නේ නැහැ.
නිරෝෂා නම පාවිච්චි කරලා නර්තන කණ්ඩායම ගොඩදාගන්න හදනවා කියලා සමහරුන්ට හිතෙන්න පුළුවන් නේද?
මම මෙතුවක් කාලයක් එහෙම කරලා නැහැ. මම එනවා කියලා කිසිම වැඩකට නොගිහින් ඉඳලා නැහැ. මම වැඩක් භාර ගනිද්දී මාව ඒ තැනට ඕනද නැද්ද මට ඒ අවස්ථාවට සම්බන්ධ වෙන්න පුළුවන්ද බැරිද කියලා කලින්ම දැනුවත් කරනවා. කවදාවත් මම සම්බන්ධ වෙනවා කියලා නර්තන කණ්ඩායම ගොඩදාගෙන නැහැ. මම කරන වැඩේ හරියට කරනවා. කරන දෙයට බොරුවක් කරන්නේ නැහැ.
නිරෝෂා නර්තන අංගයකට සම්බන්ධ වෙන්න ලොකු ගණන් ඉල්ලනවලු නේද?
මෑත කාලයේ මම දැකපු දෙයක් තමයි නර්තන කණ්ඩායම් ගොඩක් අඩු මුදලට වැඩ කරනවා. නමුත් මගේ කණ්ඩායමේ ළමයින්ට හොඳ මාර්කට් එකක් වගේම හොඳ පිළිගැනීමක් හැදිලා තියෙනවා. මගේ ළමයින්ගේ ගාණ වැඩියි. මාව යම් වැඩසටහනකට අවශ්ය නම් මම ඒත් මුදලේ වෙනසක් කරනවා. මගේ නර්තන කණ්ඩායමේ අයකිරීම වැඩියි තමයි. නමුත් අපිට වැඩ අඩුත් නැහැ.
නිරෝෂාගේ නැටිලිවලට සැමියාගේ අකැමැත්තක් නැද්ද?
එයා කවදාවත් මට ඒ දේවල්වලට මුකුත් කියන්නේ නැහැ. මම මගේ ඩාන්සින් ටීචර්ගේ ගෘෘප් එකේ නර්තනවලට සම්බන්ධ වෙද්දී නම් එයා ටිකක් අකැමැති වුණා. නමුත් මගේම ටීම් එකක නටනවාට එයාගේ අකැමැත්තක් නැහැ.
දැන් සැමියා ලංකාවට ඇවිත් නේ ඉන්නේ. ආයෙත් සැමියා විදේශගත වෙයිද?
ආපහු එයාව ලංකාවෙන් යවන්නේ නැහැ කියලා තමයි හිතාගෙන ඉන්නේ.
ඔය තීරණය ගත්තේ දැන් වෙන් වෙලා හිටියා ඇති නිසාද?
ඔව්. දැන් දෙතැනක හිටියා ඇති. මම එයාට කිව්වා ආයෙත් විදේශගත වෙනවා නම් මාවත් එක්ක යන්න කියලා. එයා කැමැති නැහැ මගේ හැකියාවන් නැති කර ගන්නවට. ඒ නිසා අපි දෙන්නම ලංකාවේ ඉඳියි.
සැමියා නිරෝෂාට තහංචි දාන්නෙම නැද්ද?
එයා බිරියව හිර කරන සැමියෙක් නෙවෙයි. නමුත් එයාගේ එක්තරා සීමා මායිම් ටිකක් තියෙනවා. මගේ සීමාවන් තමයි එයාගේ සීමාත්. ඒ නිසා එයත් එක්ක ජීවත් වෙන්න මට පහසුයි.
දැන් යන යන තැන සැමියාව එක්ක යනවාද?
මම ෂෝවලට යද්දී එයා කැමැතියි මාත් එක්ක එන්න. ඒත් අපි කරන කාර්යය පුදුම කට්ටක් කාලා කරන වැඩක්. මම නර්තනවලට යද්දී හස්බන්ඩ්ට ඔහේ එහෙට මෙහෙට වෙවී ඉන්න සිද්ධ වෙනවට මම කැමැති නැහැ. ඒ නිසා මම එයාව වැඩවලට එක්ක යන්න හදන්නේ නැහැ.
තරුණ නිළියෝ මැදි වයසේ චරිත, මවකගේ චරිත කරන්න කැමැති නැහැ. හැබැයි නිරෝෂා පුංචි තිරයේ මවක් වෙන්න මැළි වෙන්නේ නැහැ නේද?
යම් චරිතයක් කළාම ඒ චරිතයට ඒ කෙනාව කොටු කරන පිරිසක් ලංකාවේ ඉන්නවා. නමුත් මාව එහෙම කොටු වුණේ නැහැ. මම නර්තන ශිල්පිනියක් නිසා මාව සුන්දර විදියට බොහෝ දෙනෙක් දකිනවා. ඒ නිසා රංග භූමිකාවේදී මට විවිධ චරිත කරලා මගේ හැකියාව පෙන්වන්න පුළුවන් වුණා. ඒ වගේම අධ්යක්ෂකවරු මාව චරිතවලට කොටු කළෙත් නැහැ.
.jpg)
[rns_reactions] -
උගන්නන්න වියදම් කරන්නම් යැයි රවටා අවුරුදු පහලොවක සිසුවියට කල දේ…
වයස අවුරුදු පහලොවක සිසුවියක් තාවකාලීක නවාතැන්පළකට රැගෙන ගොස් දරුණු ලිංගික අපයෝණයක් සිදු කල පුද්ගලයෙකු පොලීසිය මගින් අත්අඩංගුවට ගෙන තිබෙනවා.
සිසුවියගේ මවුපියන් දුම්මලසූරීය ප්රදේශයේ වත්තක මුර කරුවන් ලෙස සේවය කරනා දැඩි ආර්ථික අපහසුතා මැද ජීවත් වන අතර සැකකරු ඔහුන්ගේ දියණියගේ අධ්යාපන වියදම් දරන්නම් යැයි කියා ඇය රදවාගෙන තිබේ.
සිසුවියගේ මිතුරියකගේ මාර්ගයෙන් අපයෝජණය පිළිබදව ඇගේ පාසලෙ ගුරුවරුන් දැනගැනීමෙන් පසුව සිදුවීම සම්බන්ධයෙන් පොලීසීයට පැමිණිලි කර තිබේ.
[rns_reactions]
-
ගලගොඩ අත්තේ ඥාණසාර හිමියන් අධිකරණයට බාර වේ
පූජ්ය ගලගොඩඅත්තේ ඥාණසාර හිමියන් අධිකරණයට බාරවී තිබෙනවා.
උන්වහන්සේ අද උදෑසන කොළඹ කොටුව මහේස්ත්රාත් අධිකරණයට පැමිණ භාර වී තිබෙනවා.
පූජ්ය ගලගොඩඅත්තේ ඥාණසාර හිමියන් අත්අඩංගුවට ගන්නා ලෙස ඉකුත් බ්රහස්පතින්දා කොළඹ කොටුව මහේස්ත්රාත් අධිකරණයෙන් වරෙන්තුද නිකුත් කර තිබුණා.
ඒ, පවතින නඩු දෙකක් සම්බන්ධයෙන් අධිකරණයේ පෙනී නොසිටීම හේතුවෙන්.
[rns_reactions] -
මුතුකුඩ 97වන දිගහැරුම මෙන්න..
[rns_reactions]
-
ඔබ ආසාවෙන් බලන සිදු 227 දිගහැරුම මෙන්න…
[rns_reactions]
-
දෙවෙනි ඉනිම 97වන දිගහැරුම මෙන්න…
[rns_reactions]
-
පරාජිත කෝලි ප්රමුඛ ඉන්දීය ක්රිකට් කණ්ඩායම ශ්රී ලංකාවට එන කාලසටහන මෙන්න..
ශ්රී ලංකාව සමඟ ටෙස්ට් තරඟ 3ක්, එක්දින තරඟ 5 ක් ,සහ 20-20 තරඟ 1කට සහභාගි වීම සඳහා විරාජ් කෝලිගේ නායකත්වයෙන් ඉන්දීය ක්රිකට් කණ්ඩායම ජුලි 23 ලංකාවට පැමිණීමට නියමිතය.
ජුලි මස 26 දින දෙරට අතර පැවැත්වෙන පළමු ටෙස්ට් තරඟයෙන් ආරම්භවන තරඟාවලිය සැප්තැම්බර් 6 පැවැත්වෙන T 20 තරඟයෙන් අවසන් වේ.පසුගියදා අවසන්වූ චැම්පියන් කුසලාන තරඟාවලියේ අවසන් තරඟයේ පරාජයෙන් පසු ඉන්දිය කණ්ඩායම සහබාගී වන පළමු විදෙස් සංචාරයද මෙයවෙයි.මෙහි තරඟ ආර්.ප්රේමදාස,පල්ලෙකැලේ,සහ ගාල්ල යන ක්රීඩාංගන වල තරඟ පැවැත්වේ.
ඉන්දීය කණ්ඩායමේ ශ්රී ලංකා සංචාරයේ තරඟ පැවැත්වෙන කාලසටහන පහතින්.
[rns_reactions]
-
තිස්ස තිස්ස නවතිනු කිවුවේ මහින්ද නොව රනිල් බව ගිරිරාජ් සිනාසෙමින් කියයි…
ෆේස්බුක් ඔස්සේ මේ දිනවල හුවමාරු වන ජනප්රිය කෙටි විඩියෝවක ‘තිස්ස තිස්ස නවතිනු කියලා කිව්වේ කවුද’ ගුරුවරයා ලමයාගෙන් විමසයි. ලමයා පිලිතුරු දෙමින් කියන්නේ ඒ රනිල් බවයි.
එවිට ගුරුවරයා එම උත්තරය වැරදි බවත් එසේ පැවසුවේ මිහිඳු හාමුදුරුවෝ හෙවත් මහින්ද බව පවසයි.
එවිට ලමයා පවසන්නේ ‘අපි නම් දන්නේ මහින්ද තිස්සට එනු එනු කෝපි බොමු ආප්ප නම් නොකනු කියලායි මන්දා අපි නම් දන්නේ එච්චරයි’ යනුවෙනි.
ප්රියන්ත සෙනෙවිරත්න, ගිරිරාජ් කෞශල්ය එහි රංගනයේ යෙදේ.
[rns_reactions]
-
රජ සිහිනය උදෙසා කල මාධ්ය සංදර්ශනය නිමාකරමින් ඥාණසාර හිමි ඉන්න තැනින් එළියට එන්න සූදානම්
බොදුබල සේනා සංවිධානයේ මහලේකම් පූජ්ය ගලගොඩ අත්තේ ඥාණසාර හිමියන්ගේ ආරක්ෂාව තහවුරු වන්නේ නම් උන්වහන්සේ අධිකරණය හමුවේ පෙනී සිටිමට සූදානම් බව ප්රකාශ කෙරුණා.
සිංහල රාවය සංවිධානයේ මහලේකම් පූජ්ය මාගල්කන්දේ සුදත්ත හිමියන් මේ බව සඳහන් කළා.
එහිදී වැඩි දුරටත් සඳහන් කෙරුණේ (22) ශ්රේෂ්ඨාධිකරණයේ ඇති මූලික අයිතිවාසිකම් පෙත්සමට පෙනී සිටිනු ඇති බවයි.
පූජ්ය ගලගොඩ අත්තේ ඥාණසාර හිමියන්ගේ අනාගතය සම්බන්ධයෙන් උන්වහන්සේ මෙහිදී අදහස් පළ කළා.
“අරයගෙ ගෙදර ඉන්නවා.. මෙයාගෙ ගෙදර ඉන්නවා… කියලා දැන් ඥාණසාර හිමි ගැන දේශපාලඥයින් විවිධ කතා කිව්වනේ. අපි බලමු කොහේ ඉඳන්ද එන්නේ කියලා. දැවැන්ත රාජ යෝගයක් තියෙනවා ඥාණසාර හාමුදුරුවන්ට. රජ්ජුරුවෝ වෙන්න බැරිද රටේ. අපි හිතන්නෙවත් නැති මිනිස්සු රටේ පාලන බලය අරගෙන තියෙනවා. බලමු කොහොමද රාජ යෝගය කැරකෙන්නේ කියලා. දැන් ඉතින් මේක කියපු කමන් අර ඇත්තන්ට හීන්දාඩිය දායි.”
[rns_reactions]
-
ඩෙංගු ගැන වාසුගේ ප්රශ්නයට ඇමති රාජිතගෙන් විශ්ලේෂණාත්මක පිළිතුරක්..
පාර්ලිමේන්තුවේ ඩෙංගු තත්ත්වය සම්බන්ධයෙන් විශේෂ ප්රකාශයක් සෞඛ්ය ඇමැති රාජිත සේනාරත්න විසින් සිදු කළා.
එහිදී වසර ගණනාවකින් බී.ටී.අයි.බැක්ටීරියාව ලංකාවට නොගෙනාවේ ඇයිදැයි යන්න පාර්ලිමේන්තු මන්ත්රී වාසුදේව නානායක්කාර විසින් ප්රශ්න කළා.අප සතුව බී.ටී.අයි.බැක්ටීරියාව විශාල ප්රමාණයක ඇති බවත් ඩෙංගු මර්දන වැඩපිළිවල සඳහා නීති පැනවීම වගේම සියලු දෙනාගේ සහයෝගයෙන් කීටයන් බෝවීම අවම කිරීමට කටයුතු කල යුතු බවත් පිළිතුරු සපයමින් අමාත්යවරයා සඳහන් කළා.
[rns_reactions]