අයිස් නමැති මත්ද්රව්ය ග්රෑම් 50ක් සමග තරුණයින් දෙදෙනකු කොටහේනේදි අත්අඩංගුවට ගත් බව පොලිස් මත්ද්රව්ය නාශක අංශය කියයි.
මෙම මත්ද්රව්යවල වීදි වටිනාකම රුපියල් ලක්ෂ 10ක් පමණ වන බව පොලිසිය පවසයි. මෙම මත්ද්රව්ය වෙළෙඳ පොලිට පැමිණ ඇත්තේ මෑතකදී බවත් මේවා පානය කරන්නන්ගේ ඇටමිදුළු ඉතා ඉක්මණින් දියවීයන බව වෛද්යවරුන්ගේ මතයයි.
[rns_reactions]
https://www.youtube.com/watch?v=tIaaq-PJ1bA
https://www.youtube.com/watch?v=W9gnLvAiNXs
https://www.youtube.com/watch?v=SBKZ2f_H_yY
[rns_reactions]
[rns_reactions]
[rns_reactions]
වෙලාව දවල් 1.30යි. ඉස්කෝලෙ ඇරෙන්න ළඟයි. ඉස්කෝලෙ අරිනකල් මේ අම්මට ඉවසුමක් නැහැ. ඒ තමාගේ පණ සරි දියණිය එනකල්.
අම්මා ඉන්නේ බල්ලකෙටුව ග්රාමීය ආයුර්වේද රෝහලේ ඇඳක් මත. එයාට නැගිටින්න බැහැ. ගොත ගහන්නේ නැතිව කතාකරන්නත් බැහැ. එයා අංශභාග රෝගියෙක්. දුව දැන් ඉගෙන ගන්නේ බල්ලකොටුව සුගත විද්යාලයේ 7 වන ශ්රේණියේ.
දියණියගේ නම ආර්.එම්. නිමේෂා (12). අම්මාගෙ නම මාලනී (46).
ඉස්පිරිතාලේ ඉඳන් අම්මාට සාත්තු කරන ගමන් ඉස්කෝලෙ යන මේ පුංචි කෙල්ල දකින්න තවත් පැය දෙකක පමණ කාලයක් ඉස්කෝලෙ අරින්න තිබුණ නිසා, මම ඇය එන තෙක් රෝහලේ ඇති අසිරිය වින්දා.
මේ රෝහල නම් හරියට අසරණයන්ට සරණ වෙන්නේ පන්සලක් වගේ.
මම එහි යනවිට ධර්ම දේශනයක් පැවත්වෙමින් තිබුණා. නේවාසික රෝගීන් වගේම බාහිර ප්රතිකාර සඳහා පැමිණි සියයකට වැඩි පිරිසක් මේ ධර්ම දේශනාවට සහභාගිවෙලා හිටියා.
රෝහලේ ඉන්න එකම දොස්තර මහත්තයා වන කැලුම් මනම්පේරි මහත්තයා මෙන්ම අට දෙනකු වන සමස්ත රෝහල් කාර්ය මණ්ඩලය ද මෙම ධර්ම දේශනාවට සහාභාගි වී සිටියා.
ඊට පස්සේ තමයි වැඩ පටන් ගත්තේ. සමහරු කොටනවා. සමහරු අඹරනවා. තවත් සමහරු මිරිකනවා.
මේ තම රෝගීන්ගේ බෙහෙත්, පවුලේ ඥාතීන් විසින්ම සාදා ගන්නා අපූරුවයි.
වෛද්ය කැලුම් මෙන්ම ටී.එම්. අමරසිංහ මහත්තයා නිරන්තරයෙන් මේවාට උපදෙස් දෙමින් බෙහෙත් හදන හැටි පරීක්ෂා කරනවා.
ඒ අතරේම තමයි වෛද්ය කැලුම් කඩියෙක් වගේ දුව පැන පැන රෝගීන්ට ප්රතිකාර කරන්නේ.
හරිම පුදුමයි මේ කැපවීම.
මම නිහඬවම හෝරා දෙක තුනක් මේ සිතට වදින දසුන් නැරැඹීමෙන් පසු වෛද්ය කැලුම් එක්ක කතා කළා.
මුලින්ම ඇහුවෙ රෝහලේ ඉන්න අම්මයි දුවයි ගැන.
කැලුම් මහත්තය සියලු වැඩ මොහොතකට නතර කර ඉරිදා ලංකාදීපයට විස්තර කිව්වා.
“නිමේෂා කියන 12 හැවිරිදි මේ දිරිය දැරිය ගැන මුලින්ම දැනගන්න ලැබුණේ, මගේ මිතුරකු වන වැලිමඩ (ජෙමිණි) ගාමිණි විජය බණ්ඩාරගෙන්.
මෙයාලා ඌව පරණගම මැදවෙල මහා විද්යාලයේ සිසුන් සඳහා නායකත්ව හා ජනමාධ්ය වැඩමුළුවක් සංවිධානය කරල තියෙනවා.
හේම නලින් මහත්තය එය මෙහෙයවන ගමන් අහලා තියෙනවා, අම්මාට උදව් කරන දූලා ඉන්නව ද? කියලා.
ඒ වෙලාවේ මේ ළමයා කියල තියෙනවා මම උදෙන්ම නැගිටලා තේ හදනවා. ඊට පස්සේ අම්මාගේ මූණ සෝදවලා, වැසිකිළි යවලා, කෑම හදලා අම්මටත් කන්න දීලා, ඉස්කෝලේ යනවා කියලා.
ඒ වෙලාවේ කාටවත් අදහන්න බැරි වෙලා.
අම්මාගේ අසනීප තත්ත්වය සුවපත් කළොත් මේ දරුවා මෙන්ම මව ද ගොඩගත හැකි බැවින් උදව් කරන්න කියල හේම නලින් මහත්තය මගෙන් ඉල්ලීමක් කළා.
මේක මහා පින්කමක්. අපි සැණින් තීරණයක් ගත්තා, මේ දරුවා සහ මව බලන්න යන්න. මාත් එක්ක අමරසිංහ මහත්තයත් විජය බණ්ඩාර මහත්තයත් මැදවෙල විදුහලේ විදුහල්පති රත්නායක මහත්තයත් ඌවපරණගම ලුණුඅටුගම පදිංචි මේ අම්මයි දුවයි සොයාගෙන ගියා.
ඒ යද්දි විදුහල්පතිතුමා තවත් දුක්බර කතාවක් කිව්වා.
“මැදවෙල කනිෂ්ඨ විද්යාලයේ ඉඳලා මහා විද්යාලයට සිසුන් ගන්න සම්මුඛ පරීක්ෂණය පැවැත්වූ දවසේ අනෙක් ළමයි දෙමාපියන් සමග ඇවිත් හිටියත් මේ ළමයා ඇවිත් හිටියේ තනියමයි.
මේ ළමයා තනියම අදාළ ලිපි ගොනුව ඉතා නිවැරැදිව සකස් කර තිබුණා.
හරිම දක්ෂ ළමයෙක්. අපි ඇහුවම මේ ළමයා මේ සියලු විස්තරය කියද්දි, සම්මුඛ පරීක්ෂණ මණ්ඩලයේ සියලු දෙනාගේ දෑස තෙත් වුණා.
ඊට පස්සෙ අපි ගුරු මණ්ඩලය රුපියල් සියය ගණනෙ එකතු කරලා මාසිකව පරිත්යාගයක් කළා.” යැයි විදුහල්පතිතුමා කිව්වා.
“අපි මේ ගෙදරට ගියාම, මේ දැරිය කරන මහා කාර්ය භාරය ඇස් දෙකටම දකින්න ලැබුණා.
ඒක නම් හිතාගන්නත් බැරි තරම් වූ මාතෘ පූජාවක්.
අම්මා ලෙඩ ඇඳේ පසුවෙද්දි සියලු ඇප උපස්ථාන කරන්නේ මේ දියණියයි.
අපි කොහොම හරි මේ දෙන්නාම ගොඩගන්න ඕනැ කියන අධිෂ්ඨානය ඇතිව ආපසු ආවා.
මම මගේ ප්රධානියා වන ඌව පළාත් ආයුර්වේද කොමසාරිස් පී.ඩබ්ලිව්. දිසානායක මහත්තයට මේ විස්තරේ කිව්වම එතුමත් කිව්වා කොහොම හරි උදව් කරමු කියලා.
අපි ඌව පළාත් ප්රධාන ලේකම් ගාමිණි රාජකරුණා මහත්තයටත් මේ විස්තර කිව්වම, එතුමා බොහොම උනන්දු වෙලා, මේ අම්මයි දුවයි දෙන්නම රෝහලේ නතර කරගන්න අවශ්ය නීතිමය අවසරය ඌව පළාත් පරිවාස හා ළමාරක්ෂක කොමසාරිස්වරිය හරහා ලබාදෙන්න පියවර ගත්තා.”
“ඉන්පසු අම්මයි දුවයි මෙහාට ගෙනැල්ලා, අම්මා මේ රෝහලේ දියණියත් එක්කම නතර කරලා, දුව රෝහලට නුදුරින් තියෙන බල්ලකෙටුව සුගත මහා විද්යාලයට ඇතුළත් කළා” යැයි ද වෛද්ය කැලුම් කීවේය.
මම දෙමහල් වාට්ටු ගොඩනැගිල්ලේ උඩු මහලේ සිට පිටත බැලුවෙමි.
පාසල නිමවී ගෙදර යන සිසුන්ගෙන් මහ පාර පිරී ගියේය.
ඔවුන් සිය නිවෙස් බලා යද්දී මා සොයමින් සිටි ආදරණීය කෙල්ල රෝහල් ගේට්ටුවෙන් ඇතුළු වී අම්මා සිටින වාට්ටුව වෙත දිව ගියාය.
කැමරාව අටවා ගෙන මම ඇය පසුපසින් දුවගෙන ගියෙමි.
ලෙඩ ඇඳේ සිටින අම්මාගේ මුහුණ සිනාවෙන් ආලෝක විය. දියණිය ඇඳටම ගොස් අම්මා බදාගෙන සිපගෙන සිපගෙන ගියාය.
“ඔහොම තමයි හැමදාම ඉස්කෝලේ යන්න කලිනුත් මේ විදියටම හාදු දෙනවා” යැයි අසල ඇඳන්වල සිටි රෝගීන් මා සමග පැවැසුවේ සංවේදී සිතිනි.
අම්මාට කෑම දී තමා ද ආහාරය ගෙන පාසලේ දී නියම කළ ගෙදර වැඩ කිරීමට මෙම දැරිය පුරුදු වී සිටින්නීය. ඒ සඳහා මේසයක් පුටුවක් ඇතුළු සියලු පහසුකම් ද සපයා තිබේ.
ඇය රාත්රී නින්දට යන්නේ ද අම්මාගේ උණුසුමේය.
මේ දිරිය දියණිය නිමේෂා අපට කීවේ මෙවැනි කතාවකි.
“අපේ තාත්තා නැහැ. අම්මයි මමයි අපේ ගෙදර ඉන්දෙද්දි උදේ 5ට නැගිටල, කෑම උයලා, අම්මට කවලා අම්ම සෝදලා තමයි ඉස්කෝලෙ ගියේ.
මම අම්මට හරිම ආදරෙයි.
කැලුම් ඩොක්ටර් අන්කල් අපි දෙන්නම මේ ඉස්පිරිතාලෙට ගෙනාවට පස්සේ මට හිතුණා මේ කරන්නේ මොන තරම් ලොකු පරිත්යාගයක් ද කියලා.
මම මැදවෙල ඉස්කෝලේ ඉන්දෙද්දි පන්තියේ 4 වැනියා. ඩොක්ටර් අන්කල් කියල තියෙන්නේ කොහොම හරි මේ පාර පළමු වැනියා වෙන්න කියලා. දැන් මම පළමු වැනියා වෙන්න උත්සාහ කරනවා” යැයි නිමේෂා දියණිය කීවාය.
“මම කොහොම හරි මේ අම්ම සනීප කරනවා. ඊට පස්සේ අම්මගෙයි දුවගෙයි අනාගතය සඳහා කිසියම් වැඩපිළිවෙළක් සකස් කළ යුතුයි” යැයි වෛද්ය කැලුම් කීවේ මා ඔවුන්ගෙන් සමුගන්නා මොහොතේදීය.
[rns_reactions]
අයි.ඩී.එච් උණ රෝහලේ ගේට්ටු වසා දමයි – රෝගීන් තලංගම, වෑතර සහ පිළියන්දල රෝහල්වලට
උණ රෝගීන්ගෙන් පිරීයාම හේතුවෙන් ඊයේ(14) රාත්රීයේ සිට කිසිදු රෝගියෙකු අංගොඩ අයි.ඩී.එච් උණ රෝහල ඇතුළත් කර නොගැනීමට තීරණය කර තිබේ.
ඒ අනුව නේවාසික ප්රතිකාර සඳහා ඊයේ පස්වරු 6 සිට රෝහල් ගේට්ටුවද වසා දමා ඇති අතර රෝහලට පැමිණෙන රෝගීන් ආපසු හරවා යැවීමටද කටයුතු කර තිබේ.
උණ රෝගීන්ගෙන් රෝහල් වාට්ටු පිරී යාමෙන් ඊයේ රාත්රී සිට අද(15) පෙරවරු කාලය දක්වා උණ රෝගීන් බාර නොගත් බවද රෝහල් ආරංචි මාර්ග සඳහන් කළේය.
අයි.ඩී.එච් උණ රෝහලේ ඇදන් 220ක් පමණ ඇති අතර රෝගීන් 600කට වැඩි ප්රමාණයක් නේවාසිකව ප්රතිකාර ලබයි. ඇතැම් ඇදන්වල රෝගීන් හතර දෙනෙකු බැගින් සිටිති.
මේ හේතුවෙන් රෝහලේ ඉඩකඩ හා පහසුකම් ප්රමාණවත් නොවන බවද වාර්තා වේ.
ගැටළුවට රාජිතගෙන් තීන්දු රැසක්
මේ අතර අයි.ඩී.එච් ජාතික බෝවන රෝග විද්යායතනය ඩෙංගු රෝගීන්ගෙන් පිරී පැවැතීම හේතුවෙන් මතුව ඇති ගැටළුව නිරාකරණය කිරීම සදහා තලංගම, වෑතර සහ පිළියන්දල රෝහල් වලට මෙන්ම කොළඹ ජාතික රෝහලට, දකුණු කොළඹ ශික්ෂණ රෝහලට සහ උතුරු කොළඹ ශික්ෂණ රෝහල්වලට ඩෙංගු රෝගීන් ඇතුලු කිරීමේ වැඩපිළිවෙලක් ක්රීයාත්මක කිරීමට සෞඛ්ය , පෝෂණ හා දේශිය වෛද්ය අමාත්ය රාජිත සේනාරත්න මහතා තීරණය කර ඇත.
එමෙන්ම කොළඹ උතුර සහ කොළඹ දකුණ ශික්ෂණ රෝහල්වල ඩෙංගු අධිසත්කාර ඒකක වැඩිදියුණු කිරිමට පියවර ගෙන ඇත.
ඒ අනුව බස්නාහිර පළාත් සභාව යටතේ ක්රියාත්මක වන තලංගම, පිළියන්දල සහ වෑතර යන ප්රාදේශීය රෝහල් අයි.ඩී.එච්. ජාතික බෝවන රෝග විද්යායතනයට සහ කොළඹ දකුණ ශික්ෂණ රෝහලට තාවකාලිකව අනුබද්ධ කර රෝගී සත්කාරක සේවා කළමණාකරණය කරන ලෙස සෞඛ්ය අමාත්යවරයා සෞඛ්ය සේවා අධ්යක්ෂ ජනරාල් වෛද්ය ජයසුන්දර බණ්ඩාර මහතාට අද (15) පෙරවරුවේ උපදෙස් ලබාදී තිබේ.
දැනට අයි.ඩී.එච් ජාතික බෝවන රෝග විද්යායතනයේ රෝගීන් 450 ක් පමණ ප්රතිකාර ලබති. එම රෝගීන්ගෙන් බහුතරය බස්නාහිර පළාතෙන් පිටත රෝගීන් වීම ද විශේෂත්වයකි.
අයි.ඩී.එච් රෝහලට අනුබද්ධ කරන රෝහල් සදහා ඇඳන් 200 ක් කඩිනමින් මිලදී ගැනීමට ද තීරණය කර ඇති අතර එම රෝහල්වලට අවශ්ය වෛද්යවරුන්, හෙද හෙදියන් ඇතුලු අනෙකුත් කාර්ය මණ්ඩල කඩිනමින් අනුයුක්ත කිරීමට ද පියවර ගෙන ඇත. අයි.ඩී.එච් රෝහලේ තාවකාලික වැසිකිළි පද්ධතියක් පෞද්ගලික අංශයේ සහයෝගය මත ඉදිකිරීමට ද කටයුතු යොදා ඇත.
මේ අතර මීගමුව දිස්ත්රික් මහ රෝහලේ ද රෝගීන් වැඩිවීම හේතුවෙන් දැනට නවීකරණය කරමින් පවතින පස්මහල් ගොඩනැගිල්ලේ එක් මහලක් රෝගීන් ඇතුලු කිරිම සදහා සකස් කරන ලෙස සෞඛ්ය අමාත්යවරයා උපදෙස් ලබා දී ඇත. තවද කොළඹ ජාතික රෝහලට, දකුණු කොළඹ ශික්ෂණ රෝහලට සහ උතුරු කොළඹ ශික්ෂණ රෝහල් වල ද ඩෙංගු ප්රතිකාර ඒකක ක්රියාත්මක වන බැවින් එම රෝහල්වලට ද රෝගීන්ට ඇතුලත් විය හැකි බව සෞඛ්ය අමාත්යාංශය අවධාරණය කර සිටි.
2017 වසරේ මේ වනවිට ඩෙංගු රොගීන් 62,000 ක් වාර්තා වී ඇත. අද (15) සහ හෙට (16) දෙදින ඩෙංගු මදුරු මර්දන වැඩසටහනක් ද ක්රියාත්මක වන අතර, ඒ යටතේ නිවාස පරීක්ෂා කිරිම සහ ධූමායන කටයුතු සිදු කිරීම දිස්ත්රික්ක 21 ක් පුරා අද (15) පෙරවරුවේ ආරම්භ විය.
එහිදී දැකිය හැකි විශේෂ ලක්ෂණයක් වූයේ කසල බැහැර කිරීම විධිමත්ව සිදු නොවන බවයි. දරුවන් පාසල් වලට සහ නිවාස වල රැදී සිටිය දී මදුරු විකාශක භාවිත කරන ලෙස ද, නිදා ගැනීමේ දී මදුරු දැල් භාවිත කරන ලෙස ද සෞඛ්ය අමාත්යාංශය ජනතාවගෙන් ඉල්ලා සිටි.
මේ අතර සෑම සිකුරාදා දිනයකම උදෑසන 9.30 සිට 10.30 දක්වා පැයක කාලය නිවාස, රාජ්ය ආයතන, සියළුම පෞද්ගලික ආයතන පිරිසිදු කිරීමේ පැය ලෙස සෞඛ්ය අමාත්යාංශය හදුන්වා දී ඇත. එම කාලය තුල නිවාස සහ රාජ්ය ආයතන පිරිසිදු කළ යුතු බවත්, ඒවා නිරීක්ෂණය කිරිම සදහා සෞඛ්ය කණ්ඩායම් සහ ත්රීවිධ හමුදා සාමාජිකයින් පැමිණෙන බවත්, සෞඛ්ය සේවා අධ්යක්ෂ ජනරාල් වෛද්ය ජයසුන්දර බණ්ඩාර මහතා සදහන් කරයි.
[rns_reactions]
අයිරාංගනී සේරසිංහ කියන්නේ සුවිශේෂි රංගන ප්රතිභාවක් සහිත රංගන ශිල්පිනියක බව අමුතුවෙන් කිවයුතු නැහැ. ළාබාල වියේදීම කලා ලෝකයට පිවිසි ඇය එතැන් පටන් විවිධ චරිත ඔස්සේ ප්රේක්ෂකයන් හමුවෙමින් ආ ගමන් මගේ කෙළවර හරියේදී මිත්තණියක විදිහටත් මතකයේ සැමදා රැඳෙන විදිහේ භූමිකා රැසක් නිරූපණය කළා. අපි මෙවර ඇයව හමුවුණේ එක්තරා සුවිශේෂි හේතුවක්ද නිමිති කරගෙනයි.
මීට දින දෙකකට කලින් ඔබේ ජීවන ගමනේ සුවිශේෂි සංධිස්ථානයක් සනිටුහන් වුණා. මතක් කරමුද ඒ ගැන?
මගේ උපන් දිනය ජුනි 9 වැනිදාටයි යෙදී තිබුණේ. දැන් මට අවුරුදු 90ක්.
මේ විශේෂ අවස්ථාව උත්සවශ්රීයෙන් සමරන්න ඕනෑ කියලා හිතුණේ නැද්ද?
මගේ උපන් දිනය දවසට නෑදෑයෝ යාළුවෝ වගේ අය මාව බලන්න ඇවිත් මගේ ළඟින් ඉන්නවා නම් මම හැමදාමත් කැමැතියි. හැබැයි මම සාමාන්යයෙන් උපන් දිනය වෙනුවෙන් සාද පවත්වලා ලොකුවට ඒක සමරන්න කැමැති නැහැ. අනික රටේ මිනිස්සු හුඟදෙනෙක් ගංවතුර සහ නායයෑම්වලින් අනාථවෙලා ඉන්දැද්දී මම කොහොමද සාද පවත්වලා සතුටු වෙන්නේ.
මේ දිනවල ඔබ විවේක සුවයෙන්ද කාලය ගතකරන්නේ?
අපොයි ඔව්. දැන් නම් මුළු දවසෙම ඇඳේ වැතිරිලා ඉන්න තමයි මම කැමැති.
හැබැයි ඔබ තවමත් හොඳ සෞඛ්ය තත්ත්වයෙන් නේද ඉන්නේ?
ඒක ඇත්ත. ඒ වුණත් ඇඟට ඉක්මනට වෙහෙස දැනෙනවා. ඒ නිසයි ඉස්සර කරපු දේවල් මට කරන්න බැරි.
නමුත් එදා කරපු සමහර දේවල් ඔබ තවමත් අත්හැර දාලා නැහැ නේද?
අපොයි ඔව්. ලොකුම කටයුත්ත තමයි පරිසරය ආරක්ෂා කරගැනීමේ වටිනාකම ගැන ජනතාව දැනුවත් කරන එක. මම ඉස්සර ඉඳන්ම ගහකොළ, සතා සිවුපාවුන්ට ආදරෙයි. හුඟක් අයට වැටහෙන්නේ නැහැ ස්වාභාවික පරිසරය රැකගැනීම කොතරම් වැදගත්ද කියන එක.
ජීවන ගමන් මගේ 90 වැනි සැතපුම් කණුව පසුකරන මොහොතේ රංගන ජීවිතය දිහා ආපහු හැරිලා බලද්දී මොනවද ඔබට හිතෙන්නේ?
කුඩා කාලයේදී ඉඳන් රඟපෑමට මගේ තිබුණු ආශාව නිසයි ජනතාවගේ ආදරයත් දිනාගෙන කලා ක්ෂේත්රයේ මේ තරම් දුරක් මම අද ඇවිත් තියෙන්නේ. ඒ ආපු ගමන ගැන මට හරිම සතුටුයි.
රංගනයට පිවිසුණු මුල්ම කාලය ඔබට මතකද?
මොකද නැත්තේ. පාසල් වේදිකාවේ රංගනයක් ඉදිරිපත් කරද්දී මට යන්තම් අවුරුදු හයක් විතර ඇති. එදා මම ඇඳගෙන හිටපු ඇඳුම පවා මට අදටත් මතකයි.
සිනමාවේ, පුංචි තිරය සහ වේදිකාවේ යන මාධ්ය තුනෙන්ම දක්ෂතා පෙන්වූ නිළියක විදිහට වඩාත්ම කැමැති මොන මාධ්යයටද කියලා ඇහුවොත්?
මම වැඩිපුරම කැමැති වේදිකාවට. චිත්රපටවල සහ ටෙලි නාට්යවල කැමරාවක් ඉදිරියේ රඟපානකොට සමහර වෙලාවට තනියම රඟපාන්න සිද්ධ වෙන අවස්ථාවලුත් තියෙනවා. වේදිකාවේ අනෙක් නළු නිළියන් එක්ක ප්රේක්ෂකයන් ඉදිරියේ රඟපාද්දී ලබන සතුට චිත්රපටවල සහ ටෙලිනාට්යවල රඟපෑමෙන් ලබාගන්න අමාරුයි.
සිනමා නිළියක විදිහට වඩාත්ම කැමැත්තෙන් කරපු රංගනය සිහිපත් කරන්න පුළුවන්ද?
එවැනි අවස්ථා හුඟක් තිබුණා. නම් වශයෙන් කියනවා නම් මම මුලින්ම රඟපෑ “රේඛාව“ චිත්රපටය තමයි මට පළමුවෙන්ම සිහිපත් වෙන්නේ.
අද කාලේ නළු නිළියන් දිහා බලද්දී මොනවාද හිතෙන්නේ?
වැඩ රාජකාරි වැඩිවීමත් එක්ක අද කාලේ නළු නිළියන්ගේ ජීවිත හුඟක් සංකීර්ණවෙලා කියලයි මට හිතෙන්නේ. අපි තරුණ කාලේ ගත කරපු විදිහට නෙවෙයි ඒ අය අද ජීවත් වෙන්නේ.
ඒ වගේම රංගන ශිල්පීන්ගේ අරමුණුත් කාලයත් එක්ක වෙනස් වෙලා නේද?
අද හුඟක් අය සම්මාන බලාපොරොත්තුවෙන්ම රඟපාන බවක් පේන්න තියෙනවා. තමන් නියැළෙන්නේ ශිල්පයකැයි කියලා හිතට අරගෙන හොඳට රඟපානවා මිස සම්මාන බලාපොරොත්තුවෙන් රඟපාන්න එපා කියන එකයි මට ඒ අයට දෙන්න තිබෙන උපදෙස.
අයිරාංගනී සේරසිංහ කියන ප්රවීණ රංගන ශිල්පිනියගේ දායකත්වය ඉදිරි කාලයේදීත් කලා ක්ෂේත්රයට ලැබේවි නේද?
මාස තුන හතරකින් කිසිම නිර්මාණයකට රංගනයෙන් දායක වුණේ නැහැ. හොඳ නිර්මාණයකට ආරාධනා ලැබුණොත්, මගේ සෞඛ්ය තත්ත්වයත් එක්ක පුළුවන්කමක් තියෙනවා නම් ඒ ආරාධනාව බාරගන්නවා. හැබැයි අදටත් මම හොඳට පිටපත කියවලා තමයි ඕනෑම නිර්මාණයක් බාරගන්නේ.
[rns_reactions]
ගංවතුර බැස යාම සඳහා මෝය කැපීමෙන් ඇතිවූ රළ පහරට මෝය විශාල වීම නිසා මුහුදු රල ගොඩබිමට ගසාගෙන ඒමට පටන් ගෙන ඇති බව වාර්තාවේ.
කළුතර දුම්රිය ස්ථානයේ දුම්රිය මාර්ගය ආරක්ෂා කිරීම සඳහා ගල්වැටි දැමීම ආරම්භ කර ඇති අතර වෙරළ සංරක්ෂණ දෙපාර්තමේන්තුවේ අධීක්ෂණය යටතේ මීටර් 200ක පමණ දුර ප්රමාණයට දුම්රිය මාර්ගය ආරක්ෂා වීමට මෙම ගල්වැටි අතුරන බව ද සදහන්.
ගංවතුර බැසීමට මෝය කැපීම නිසා විශාල වූ මෝය ගඟත් මුහුදත් එක සමාන වී මුහුදු රළ ගොඩබිමට ගසාගෙන ඒමට පටන්ගෙන ඇත.
පොල් ගස් සහ විශාල ගස්කොලන් දැනටමත් විනාශ වී ජලයට පෙරලී තිබේ.
[rns_reactions]
මන්ත්රී උදය ගම්මන්පිලට එරෙහි නඩුවක් ඔක්තෝම්බර් 03 වැනි දින සිට විභාගයට ගන්නැයි අද නියෝග කළේය.
ඒ කොළඹ මහාධිකරණය විසින්.
ඒ ඔස්ටේ්රලියානු ජාතිකයෙකුට අයත් ආයතනයක කොටස් ව්යාපාරිකයෙකුට විකිණීමෙන් රුපියල් මිලියන 21 ක මුදලක් සාපරාදී ලෙස පරිහරණය කිරීමට අදාලවයි.
නඩුවේ ප්රධාන සාක්ෂිකරු වන ඔස්ටේ්රලියානු ජාතික බ්රයන් ෂැඩික් නඩුවට කැඳවීමට ද නියමිතයි.
[rns_reactions]
අතිගරු ජනාධිපතිතුමාගේ නියෝගයකට අනුව ගං වතුරෙන් හානියට පත් වූ සියලු පාසල් පැවති තත්ත්වයට වඩා හොඳ තත්ත්වයකින් නඟා සිටුවිමට පියවර ගන්නා බව අග්රාමාත්ය රනිල් වික්රමසිංහ මහතා පවසයි.
ගං වතුරෙන් හානියට ලක් වූ පිටබැද්දර, දෙහිගස්ප ඩඩ්ලි සේනානායක විද්යාලයේ නිරික්ෂණ චාරිකාවකට එක්වෙමින් අග්රාමාත්යවරයා මේ බව කියා සිටියේය.
හානි සිදු වූ පාසල්වල පරිඝණක ඇතුළු සියලු පාසල් උපකරණ කඩිනමින් ලබාදිමට අවශ්ය පියවර ගන්නා ලෙසද අග්රාමාත්යවරයා නිළධාරින්ට උපදෙස් ලබා දී තිබේ.
[rns_reactions]
එසේම දැනට තිබෙන එවැනි මුදල් නෝට්ටු බලපත්රලාභී වාණිජ බැංකු ශාඛාවන් සමඟ හුවමාරු කරගන්නා මෙන් ඉල්ලා සිටියි.
[rns_reactions]
ටියුෂන් පන්ති යන්න එන කොල්ලෝ කෙල්ලෝ මුහුදු වෙරළ අසබඩ වැටකෙයි පඳුරු ඇතුලේ රිංගගෙන පෙම් සුව විඳින අතරේ සුරංගනා ලෝක වල තනිවෙනවා. එහෙම තනිවෙන බොහොමයක් පෙම්වතුම් අසීමිත හැඟීම් වලින් වල් මත් වී රාගයට ලොල් වී තුරුළු වී සිපගත්තත් සුරාන්තය දක්වා හැසිරීමට වටපිටාවෙන් බාධා පැමිණෙන නිසා සීමා සහිතව පාලනය වනවා.
නමුත් සමහරක් සුළුතරයක් ටියුෂන් පෙම්වතුන් එම සීමාවත් පැන වැටෙකෙයි පඳුරු ඇතුලෙම අඹුසැමි සුව විඳිමින් අනාථ වනවා. එහෙම සිටියදී වෙනත් කාමුක පිරිමින්ගේ ගොදුරු බවට පත් වූ අවස්ථාද මාධ්ය ඔස්සේ ඕනෑතරම් වාර්තා වී තිබෙනවා. 2004 සුනාමි ව්යසනයේදීත් නිර්වස්ත්රව වැටකෙයියා ගාල් ඇතුලේ සිට ගම්මාන වලට දුව ආ මියගොස් සිටි පෙම්වතුන් අනන්තයි.
මෙහෙව් බාධා වලින් ටිකක් එලියට පනින සමහර ටියුෂන් පෙම්වතුන් අපදන්නා වචනින් “ෆිල්ම් හෝල් වල බොක්ස්” ඇතුලේ සුරාන්තය සෙවීමට පොරකනවා. ඕනෑතරම් ජංගම දුරකථන වලින් වීඩියෝ කල කුඩා වීඩියෝ පට අන්තර්ජාල වල සමාජ මාධ්ය ජාල වල සැරිසරනවා.
තවත් සමහර පෙම්වතුන් කාගේ හෝ පිළිසරණක් ඇතිව රූම් වලට ගොස් හිතුසේ පෙම්සුව විඳිමින් අඹුසැමියන් සේ හැසිරෙනවා. එය අද නොරහසක්. නමුත් වරින් වර සිදුකරන වැටලීම් නිසා කාමර පහසුකම් සපයන්නන් අවුරුදු 18න් පහල පෙම්වතුන්ට කාමර පහසුකම් දීමට මැලි කමක් දක්වනවා.
ඊළඟට පෙමෙහි සුරාන්තය සෙවීමට මේ ටියුෂන් පෙම්වතුන් තෝරාගන්නා තැන්නම් කොපමණ තිබෙනවා ඇත්ද?
බොරලැස්ගමුවේ දියත උයන අසල හංස බෝට්ටුවක් තියාගෙන තම දෛනික රැකියාව කරගත් කිහිප දෙනෙකුගේ රැකියාවේ මල්පල දරන්නේ කාමයෙන් වත්මත් වී මෙසේ පැමිණෙන පෙම්වතුන්ට පින්සිදු වන්නටය. ඔවුනට වයස ප්රශ්නයක් නැත. පැය භාගයකට අවශ්ය වන්නේ රු.500ක සුළු මුදලිකි. වතුරේ හංස බෝට්ටු පැදීමට පැය භාගයක් දී ඔවුන් තොටුපලේ සිටියි.
කුලියට හංස බෝට්ටුව ගත් ටියුෂන් පෙම්වතා තම පෙම්වතිය එයට ගොඩ කරගන්නේ වැවෙහි සිරි නැරඹීමට වැව පුරා බෝට්ටුව පදින ආකාරයට. නමුත් බෝට්ටුව කෙලින්ම යාත්රා කොට වැව මැද පිහිටා ඇති දුපතේ ඉවුරක නතර වනු දක්කනට පුළුවන. පැය භාගයම දුපත් ඉවුරේ නැංගුරම් ලන හංස බෝට්ටුව ඇතුලේ ගෙදරින් ටියුෂන් පන්ති පැමිණෙන කෙල්ලන් ගැහැනුන් බවට පත්වෙයි. මෙහා තොටුපලට ඈත දුපත් ඉවුරේ නැවති ඇති බෝට්ටුව ඇතුලේ සිදුවන්නේ කුමක්ද නොපෙනෙයි. පෙම් සුව උපරිමෙන් විඳීමට ඉඩහැර තොටිල්ලක් සේ පැද්දෙමින් හංස බෝට්ටු නිහඬව සිටියි.
නමුත් දුරදිග නොපෙනෙන ටියුෂන් පෙම්වතියන් තම ජීවිතය මේ හංස බෝට්ටු ඇතුලේ අනාථ කරගනියි. තම පතිවත තම අනාගත ස්වාමියාගේ වෙස් ගත් පෙම්වතෙකුට දුරදිග නොබලා පූජා කරයි. ඔවුන්ගේ කාමාශාවන් පැයභාගයක් තුල සිතුසේ ඉටුකරගැනීමට ඉඩහැර බලා සිටියි.
මේ සියල්ල නොපෙනෙන බෝට්ටු හිමිකරුවන් පයභාගය ඉවර වූ පසු තම අතෙහි ඇති නලාව පිඹියි. එවිට සුවවිඳි පෙම්වතුන් නැවත තොටුපල වෙත පැමිණෙයි. මෙසේ පැමිණෙන බෝට්ටුවට ගොඩ වීමට තවත් පිරිස් පෝලිමේ බලා සිටියි.
දිනෙන් දින බෝට්ටු හිමිකරුවන් ලාභ ලබද්දී ටියුෂන් පන්තියාමට පැමිණෙන දස දහසක් අහිංසක දැරියන් ගැහැනුන් බවට පත්වෙයි.
ඔවුන්ගේ ඉරණම ලස්සනට හැඩ ගැන්වූ බෝට්ටුවක් පැය භාගයකදී තීරණය කරයි. රටේ මතු පරම්පරාවට නොමඟ යාමට ජිවිත අනාථ කර ගැනීමට බෝට්ටුවක් රුකුල් වෙයි.
රූම් වලට පනින වැටලීම් අංශ මේ බෝට්ටුවලට පනින්නේ කවදාද?
සචින් තෙන්ඩුල්කාර් කියලා කියන්නේ මුළු ඉන්දියාවම ආදරේ කරන ක්රීඩකයෙක්.ක්රිකට් දේවත්වයෙන් අදහන ඉන්දීය ක්රීඩා ලෝලින්ට සචින් කියන්නේ දෙවි කෙනෙක්.ටෙස්ට් සහ එක්දින තරඟවලදී වැඩිම ලකුණු ලබා ගැනීම ඇතුළු වාර්තාවන් රැසක්ම සචින්ගේ නම ඉදිරියේ ලියවී තිබෙනවා.ඔහු මුලින්ම ටෙස්ට් තරඟයකට ක්රීඩා කළේ පාකිස්තානයට එරෙහිව 1989 අවුරුද්දෙදි ජනවාරි 20 වෙනිදා.
ඒත් ඔහු ඊට පෙර මුලින්ම පාකිස්තානු කණ්ඩායම නියෝජනය කළ බව ඔබ දන්නවාද?ඒ 1987 අවුරුද්දෙදි මුම්බායි වලදි.ඒ කාලයේදි පාකිස්තානු කණ්ඩායම ඉන්දියාවේ සංචාරයක නිරත වුනා.එහිදී ඇතැම් පාකිස්තානු ක්රීඩකයින් තරඟය අතරතුර විවේක ගැනීම සඳහා ඔවුන්ට වෙන්වෙලා තිබුනු හෝටලය වෙත ගියා.එම නිසා පාකිස්තානු කණ්ඩායමට ක්රීඩකයින් කිහිප දෙනකුගේ අවශ්යතාවය දැනුනා.එහිදී ඉම්රාන් ඛාන්ගේ ආදේශක ක්රීඩකයා ලෙස පන්දු රැකීමට පිටියට පිවිසියේ සචින් තෙන්ඩුල්කාර්.පන්දුවාර 40 කට සීමාවුනු මෙම තරඟය පැවැත්වුනේ ප්රදර්ශනාත්මක තරඟයක් ලෙසිනුයි.
[rns_reactions]
ශූරයන්ගේ කුසලාන එක්දින ක්රිකට් තරගාවලියේ අවසානයේ මේ වෙන කොට ළංවෙලා තියෙනවා.
ඒ කිව්වේ අවසන් මහා තරගයට.
අවසන් මහා තරගය ලබන 18 වැනිදා පැවැත්වෙන්න නියමිත වෙලා තියෙන මේ වෙලාවේ අන්තර්ජාතික ක්රිකට් කවුන්සිලය එක්දින ක්රිකට් ශ්රේණිගත කිරීමේ කණ්ඩායම් ලැයිස්තුව අන්තර්ජාලයට එක්කරලා තියෙනවා.
මේ වන විට පැවැත්වෙන ශූරයන්ගේ කුසලාන ක්රිකට් තරගාවලියේ කණ්ඩායම් වල ජයග්රහණයත් යොදාගෙන වෙනස් වී ඇති මෙම ශ්රේණිගත කිරීමේ 8 වැනි ස්ථානයට දක්වා පහතට වැටිලා තියෙනවා.
ශූරයන්ගේ කුසලාන ක්රිකට් තරගාවලිය ආරම්භයේදි ශ්රී ලංකා සිටියේ 7 වැනි ස්ථානයේ.
එ්ත් මේ තරගාවලියේ ජය පරාජයන් එක්ක ලංකාවට 8 වැනි ස්ථානයට එන විට පකිස්ථානය 7 වැනි ස්ථානයට ඇවිත් තියෙනවා.
ඒ විතරක් නෙමෙයි ඉන්දියාව තෙවැනි ස්ථානයේ සිට දෙවැනි ස්ථානය දක්වා ඉදිරියට ඇවිල්ලා.
දෙවැනි ස්ථානයේ හිටපු ඕස්ට්රේලියාව තුන්වැනි තැනට වැටිලා.
ඒ වගේම පස්වැනි ස්ථානයේ හිටපු එංගලන්තය මේ වන කොට සිව්වැනි තැනට ඇවිල්ලා තියෙනවා.
නවසීලන්තය සිව්වැනි ස්ථානයේ සිට පස්වැනි ස්ථානය දක්වා පසුබැහැලා තියෙනවා.
කොහොමවුනත් අවසානයේ කියන්න තියෙන්නේ 2019දී එංගලන්තයේදී පැවැත්වෙන ලෝක කුසලාන ක්රිකට් තරගාවලියට එක එල්ලේම සුදුසුකම් ලබාගැනීමට නම් 2017 සැප්තැම්බර් 30 වැනිදා වන විට ශ්රේණිගත කිරීම් අතරේ ඉහළින්ම සිටින කණ්ඩායම් 7ට අවස්ථාව හිමිවෙනවා.
ජනාධිපති මෛත්රිපාල සිරිසේන මහතාගේ ග්රහබලය ඉතාම ප්රබලයි. කිසිම කෙනකුට එතුමාට ගුප්ත ශාස්ත්රීය ක්රමවලින් හෝ වෙනත් අයුරකින් හිරිහැර කිරීමට නොහැකි යැයි ඇළහැර, බකමූණ, ප්රාදේශීය සංඝනායක ශාස්ත්රපති ප්රවීණ ජේයා්තිෂවේදී ලියන්ගස්වගුරේ දේවානන්ද හිමියෝ පැවැසූහ.
විශේෂ ප්රකාශයක් කරමින් ලියන්ගස්වගුරේ දේවානන්ද හිමියෝ මෙසේද කීහ.
එතුමාගේ වාසනාගුණය අනුව මේ රටේ රාජ්ය නායකයා වශයෙන් පත්වුණා. එම ග්රහබලය ඉතාමත්ම ශක්තිමත් කිසිම සතුරකුට එතුමාට එරෙහි වන්නට හැකියාවක් නැහැ.
ඇතැම් පුද්ගලයන් ගුප්ත ක්රියා මඟින් එතුමාට නපුරක් කරන්නට උත්සාහ කරන්නේ මානසික මට්ටම පහත දමන්නටයි. එවැන්නක් කිසිසේත්ම සිදුවන්නේ නැහැ. මා දන්නා තරමින් ජනාධිපතිතුමා එම කටයුතු කෙරෙහි කිසිදු විශ්වාසයක් තබන්නේ නැහැ.
ජනාධිපතිතුමා තෙරුවන් නමැඳ පුද පූජා පවත්වමින් ආශීර්වාද ලබාගන්නවා. ඒ අනුව ධර්මානුකූලව හැසිරෙන තැනැත්තා ධර්මය විසින්ම ආරක්ෂා කරනවා. ජනාධිපතිතුමාගේ ග්රහබලය 2006 වසරේ සිට ඉතාම බලවත්, එය 2025 වනතුරු බලපවත්වයි. එබැවින් ඉදිරියේදී කිසිදු බාධාවකින් හා අනතුරකින් තොරව ජයග්රාහිව දේශපාලන කටයුතු කල හැකි අතර ඉදිරි මැතිවරණ වලින්ද නොසිතු ජය ලබන්නටද හැකියාව තිබෙනවා.
මේ අවස්ථාවේදී එතුමාට සිතින් හෝ හිරිහැරයක් කරන්නට මොනයම් කෙනෙක් උත්සාහ ගන්නේ නම් ඒ අයට විශාල අකුසලයක් සිදුවන බවද නාහිමියෝ සඳහන් කළහ.
[rns_reactions]
දින කිහිපයකට පෙර මාධ්ය හමුවක් පවත්වමින් හා පුවත්පත්වලට සම්මුඛ සාකච්ඡා ලබාදෙමින් පාර්ලිමේන්තු මන්ත්රී උදය ගම්මන්පිල, 2015 ජනවාරි 8වැනිදා හමුදා කුමන්ත්රණයක් සිදුවුණු බවට පළවුණු වාර්තා අසත්ය බව කිව්වේය. කුමන්ත්රණය ගැන විදේශ ඇමති මංගල සමරවීර පොලිසියට පැමිණිල්ලක් ඉදිරිපත් කළ නමුත්, නඩු පවරන්නට තරම් දෙයක් නැතැ’යි නීතිපතිවරයා පොලිසියට දන්වා ඇති බැවින් කුමන්ත්රණ කතාව අමූලික බොරුවක් බව ගම්මන්පිල මහතාගේ ස්ථාවරයයි. පසුගිය ජුනි 4වැනිදා ලක්බිම ඉරිදා සංග්රහයට ‘ජනවාරි 8 හමුදා කුමන්ත්රණ කතාව අතේ රෝලක්’ යන මැයෙන් සම්මුඛ සාකච්ඡාවක් ලබාදෙන ගම්මන්පිල මහතා එහිදී මෙසේ කියයි. ‘2015 නොවැම්බර් 13දා මා නීතිය හා සාමය පිළිබඳ ඇමතිවරයාගෙන්, මංගල සමරවීර ඇමතිවරයා කළ පැමිණිල්ලේ ප්රගතිය ගැන විමසුවා. 2016 මාර්තු 9 දින එයට පිළිතුරු ලෙස ඔහු පැවසුවේ, සියල්ලන්ගෙන් ප්රකාශ ලබාගෙන නීතිපතිට යොමුකළා කියලා.
නීතිපති උපදෙස් නොලැබීමෙන් එය අතරමග නතරවී ඇති බව ඔහු කිව්වා. අනතුරුව මේ සම්බන්ධයෙන් නීතිපති උපදෙස් පැතූයේ කවදාද, නීතිපති උපදෙස් දුන්නේ කවදාද, එසේ උපදෙස් ලබාදී නැත්නම් ඊට හේතුව කුමක්ද යන්න මා අධිකරණ ඇමතිගෙන් විමසා සිටියා. එයට පිළිතුරු 2017 මැයි 26 අධිකරණ ඇමති දුන්නා. මෙතරම් දිගු කාලයක් නීතිපති පිළිතුරු නුදුන්නේ මංගල සමරවීර ඇමතිවරයා නිරුවත්වීම වළක්වන්නයි. නමුත් අනාගතෙයේදී මෙම ප්රශ්නයට පිළිතුරු දිය යුතුම වූ බැවින් නීතිපති පොලිසියට පිළිතුරක් යවා තිබුණා. නීතිපතිගේ පිළිතුර, ‘ලබා දුන් තොරතුරු මත නඩු පැවරීමට ප්රමාණවත් කරුණු නැහැ. වෙනත් තොරතුරු ඇත්නම් සලකා බැලීම සඳහා එවන්න.’ කියායි. මංගල සමරවීර ඇමතිවරයාගේ පැමිණිල්ල අතේ පත්තුවෙන රෝලක්, හිතලුවක් බව මේ වන විට නීතිපතිවරයා තීරණය කර තිබෙනවා.’
ගම්මන්පිල මහතා කියන විදියට, කුමන්ත්රණයක් සිදුවී නැත. එය අතේ රෝලකි. එහෙත්, 2015 ජනවාරි 18 රාවය පුවත්පත ‘මහජන බලයට පිටුපා රාජපක්ෂ බලයේ රඳවාගැනීමට කළ පැය 72 මෙහෙයුම’ මැයෙන් යුතුව දීර්ඝ විස්තරයක් පළකළේ ජනවාරි 8 වැනිදා රාත්රියේ අසාමාන්ය ලෙස හමුදාව කොළඹ හා අවට විවිධ ස්ථානවල ස්ථානගත කර තිබීම ගැනය.
‘රාවයට වාර්තා වන අන්දමට මේ වැඩපිළිවෙළ පසුපස සිටි ප්රධානීන් වන්නේ ගජබා රෙජිමේන්තුවේ මේජර් ජෙනරාල් එස්. පෙරේරා හා මේජර් ජෙනරාල් පී. සමරසිංහය. වැඩසටහනේ තිරපිටපත ගෝඨාභය රාජපක්ෂගේය. එය හැඳින්විය හැක්කේ ‘පැය 72 මෙහෙයුම’ හැටියටය.
මෙහෙයුමේ වැඩපිළිවෙළ අනුව, ජනාධිපතිවරණය පැවැත්වුණු 8වැනිදා රාත්රිය වන විට කොළඹ හා රට පුරා ඉතා වැදගත් ස්ථානවල හා ඒ ආශි්රතව හමුදා ඛණ්ඩ ‘ස්ටෑන්ඞ්බයි’ රැඳවිය යුතුය. රූපවාහිනී විකාශන කුලුනු, රජයේ රූපවාහිනී ආයතන, දුරකතන සේවා ආයතන වැනි විශේෂ ස්ථාන ඒ අතර විය. ජනාධිපතිවරණයේ ප්රතිඵල මහින්ද රාජපක්ෂට අවාසි සහගත වන්නේ නම්, මැතිවරණ කොමසාරිස් දෙපාර්තමේන්තුව විසින් කෙරෙමින් පවතින ප්රතිඵල නිකුත්කිරීම බලය යොදා නැවැත්විය යුතු අතර, එවකටත් ධුරයේ සිටින රාජපක්ෂ ජනාධිපතිවරයා විසින් රට පුරා හදිසි නීතිය පැනවිය යුතුය. ඉන්පසු රඳවා තැබුණු හමුදා ඛණ්ඩ මහාමාර්ගයට හා අනෙකුත් වැදගත් ස්ථානවලට පැමිණෙන අතර ඒවායේ බලය අල්ලාගත යුතුය.
මෛත්රීපාල සිරිසේන මහතාට වාසිසහගත වන පරිදි නිකුත් වෙමින් පවතින ප්රතිඵල නැවැත්වුවහොත් ඇතිවිය හැකි මහජන නැගිටීම බලය යොදා මැඬපැවැත්වීම කුමන්ත්රණකරුවන්ගේ බලාපොරොත්තුව විය. පැය 72ක කාලයක් එක දිගට කොළඹ හා රට පුරා ජනතාව එක්රොක්වීම නවතාගෙන සිටියහොත් ජනතා බලය හා උණුසුම දියවී යනු ඇති අතර ඉන්පසු හමුදාවේ සහාය ඇතිව මහින්ද රාජපක්ෂ මහතා තවදුරටත් ජනාධිපති ධුරයේ තබාගත හැකිය යන්න ඔවුන්ගේ තක්සේරුව වී තිබුණි. තවදුරටත් ධුරයේ රැඳීසිටීම ගැන නීත්යනුකූල පසුබිමක් ඇතිකිරීම සඳහා වහාම ශ්රේෂ්ඨාධිකරණයේ මතය විමසන්නට නියමිතව තිබුණු අතර, රාජපක්ෂ මහතාට හිතවත් අගවිනිසුරුවරයා අතින්, තවත් අවුරුදු දෙකක කාලයක් රාජපක්ෂ මහතාට බලයේ සිටිය හැකි බවට මතයක් ප්රකාශ කරවාගන්නට නියමිතව තිබිණි. (තවත් අවුරුදු දෙකක් ජනාධිපතිවරයාට ධුරයේ සිටිය හැකි බවට ප්රසිද්ධියේ ප්රකාශ කළ බෙංගමුවේ නාලක හිමියන් ලවා මීට පෙර ශ්රේෂ්ඨාධිකරණයේ නඩුවක් ගොනුකොට, පෙර සූදානමක් ලෙස තබාගත නොහැකිවීම සම්බන්ධයෙන් කුමන්ත්රණයේ සැලසුම්කරුවන් කනගාටුවට පත්ව තිබුණු බවද වාර්තා වෙයි. එම අතපසුවීම නොවී නම්, නාලක හිමියන් විසින් පවරන ලද නඩුවේ තීරණය පහසුවෙන්ම ජනවාරි 9වැනිදා නිකුත්කරවා ගත හැකිව තිබුණු බව ඔවුන්ගේ මතය වී තිබිණි.)
මේ සැලැස්ම සාර්ථක කරගත හැකි වන පරිදි හමුදා භටපිරිස් රටේ වැදගත් තැන් සියල්ලේම පාහේ රඳවා තිබුණු බවට තහවුරු කරන ලද වාර්තා තිබේ. මාණ්ඩලික ප්රධානී ජගත් ජයසූරියගේ බලකාය වන සන්නාහ සන්නද්ධ බලකායේ මූලස්ථානය වන මෝදර රොක්හවුස් කඳවුර, ජනාධිපතිවරණය දා රැයෙහි එවැනි ස්ටෑන්ඞ්බයි තත්ත්වයේ භටපිරිස් රඳවා තිබුණු එක් ස්ථානයකි. කඳවුර තුළ ගාල්කර තිබූ සන්නාහ සන්නද්ධ රථ කඳවුරෙන් පිටතට ගෙනවුත් ප්රදර්ශනකාරී ලෙස තබන හැටියට බි්රගේඩියර් නිවුන්හැල්ල විසින් එහි ස්ථානභාර නිලධාරියාට කරන ලද නියෝගයක් එම නිලධාරියා විසින් ප්රතික්ෂෙප කරන ලද බවද වාර්තා වෙයි. හමුදා සන්නාහ සන්නද්ධ රථ කොළඹ නගරය පුරා සංචාරය කරවීමට සැලැස්වීමෙන් හා ස්ථානගත කිරීමෙන් නැග එන මහජන බලයක් පහසුවෙන් දුර්වල කළ හැකි බව හා මැඬලිය හැකි බව සාමාන්යයෙන් පිළිගැනෙන දෙයකි.
මෙලෙස අඩුම ගණනේ හමුදා බැටෑලියන (බැටෑලියනයකට සාමාන්යයෙන් 800 සිට 1100 දක්වා සෙබළු පිරිසක් අයත්වෙති.) 10ක් කොළඹ වටකොට ස්ටෑන්ඞ්බයි තත්ත්වයෙන් තබා තිබිණි. ඉන් බැටෑලියන 4ක් සිටියේ සිවිල් ඇඳුමෙනි. තවත් බැටෑලියනයක් මරදාන ටි්රපොලි වෙළෙඳ සංකීර්ණයේ රඳවා තිබිණි. තවත් එකක් රැඳවූයේ මීගමුවේ කඩොල්කැලේ නම් ප්රදේශයේය. එහි බැටෑලියනයක් සිටින්නේ ඇයිදැ’යි ඇසූවකුට ලැබුණු පිළිතුර වූයේ පාප්වහන්සේගේ ගමනට ආරක්ෂාව සඳහා එලෙස රැඳවූ බවය.’
මේ විස්තරයේ මුලින්ම එන ගජබා රෙජිමේන්තුවේ ‘මේජර් ජෙනරාල් එස්. පෙරේරා’ යනු මේ වන විට විශ්රාමික නියෝජ්ය මාණ්ඩලික ප්රධානී මේජර් ජෙනරාල් සුමේධ පෙරේරාය. ජුනි 4වැනිදා ලක්බිම පුවත්පත ඔහුගෙන්ද ප්රකාශයක් ඉදිරිපත්කර තිබුණි. මෙන්න, ඒ ප්රකාශයේ වැදගත් කොටස්. ‘ඇත්ත වශයෙන්ම එම අවස්ථාවේදී සිදුවුණේ ක්රියාන්විත නියෝග අනුව ක්රියාන්විත සටහන් පිළිබඳ කටයුතු කිරීමක්. හැම දේකටම අවශ්ය ක්රියාන්විත නියෝග ඒ වන විටත් ක්රියාත්මක කර තිබුණා. යුද හමුදාව පමණක් නෙවෙයි ත්රිවිධ හමුදාවම ඊට සම්බන්ධ වුණා. ප්රථම ක්රියාන්විතයේ සටහන් ආවේ පොලිස්පතිවරයාගෙන්. එය යොමුකර තිබුණේ ආරක්ෂක මාණ්ඩලික ප්රධානි ජගත් ජයසූරිය වෙතයි. අනතුරුව එතුමා පොලිසිය හා ත්රිවිධ හමුදාව කැඳවූවා. ඒ පොලිස්පතිගේ ඉල්ලීමට අනුවයි. පසුව හමුදාපතිවරුන් විසින් මෙම ක්රියාන්විත නියෝගය නිකුත් කළා. කොළඹ ප්රදේශය භාර මේජර් ජෙනරාල් උභය මැදවල හමුදාපතිගේ නියෝග අනුව තමා යටතේ සිටි බලසේනා සූදානමින් තැබුවා.’
මේ ප්රකාශයෙන් කියැවෙන්නේ කුමක්ද? හමුදාපතිගේ නියෝග අනුව කොළඹ ප්රදේශයේ හමුදා බලසේනා සූදානමින් තැබූ බව නොවේද? ‘හැම දේකටම අවශ්ය ක්රියාන්විත නියෝග ඒ වනවිටත් ක්රියාත්මක කර තිබුණා.’ මේ කියන්නේ හමුදාව ඕනෑම දෙයකට සූදානම්ව සිටි බව නොවේද? සුමේධ පෙරේරාගේ කතාවෙන් කියවෙන දේ උදය ගම්මන්පිලගේ අහිංසක කතාවට වඩා සම්පූර්ණයෙන්ම වෙනස්ය. ඡන්ද ගණින රාත්රියේ මෙලෙස හමුදා ස්ථානගත කිරීමක් හෝ ක්රියාන්විත නියෝග හෝ නීත්යනුකූලව අවශ්යවී තිබුණේද?
ඒ ගැන අදහසක් ගැනීමට මලිත් ජයතිලක ලියූ ‘මා දුටු ජනවාරි 8’ පොත කියවිය යුතුය.
‘.. මැතිවරණ කොමසාරිස්වරයා සමඟ පැවති මෙම සාකච්ඡාවේදී චන්ද්රිකා මැතිනිය විසින් විය හැකි හමුදා කුමන්ත්රණයක් පිළිබඳ අනතුරු ඇඟවීමක් කොමසාරිස්වරයා වෙත ඉදිරිපත් කළේය. එහෙත් එය කොමසාරිස්වරයා අවඥාවෙන් බැහැර කිරීමට උත්සාහ ගනිද්දී, එවිට කොළඹ නගරයේ හමුදාව ස්ථානගත කිරීමට හමුදා මූලස්ථානය විසින් සැකසූ ආඥාපත්රයක පිටපතක් සමඟ විශ්රාමික හමුදා නිලධාරීන් යළි සේවයට කැඳවීමේ නියෝගයක පිටපතක් චන්ද්රිකා මැතිනිය කොමසාරිස්වරයාට ඉදිරිපත් කළාය. ඒ සමඟම කොමසාරිස්වරයා යළි තිගැස්මකට ලක්වුණා වැනිය. තමා මේ ගැන හමුදාපතිවරයා ගෙන්වා සාකච්ඡා කරන බව එහිදි කොමසාරිස්වරයා පොරොන්දු විය.’
(මා දුටු ජනවාරි 8, මලිත් ජයතිලක 2016, 488 පිටුව)
පොතේ තවත් තැනක මීට අදාළ ඊළඟ අවස්ථාව ගැන කියැවෙයි.
‘ජනාධිපතිවරණයට පෙර දින වන විට කොළඹ නගරය තුළට හමුදාව කැඳවීම පිළිබඳව මැතිවරණ කොමසාරිස්වරයාට පැමිණිලි කිරීමේ අරමුණෙන් නිශාන්ත වර්ණසිංහ මැ.කො. කාර්යාලයට ගියේය. නිශාන්ත තමා සතු තොරතුරු කොමසාරිස්ට දන්වා සිටියත් කොමසාරිස්වරයා ඒ සියල්ල අවඥාවෙන් බැහැර කිරීමට මෙන් ප්රතිඋත්තර දුන්නේය. කෙසේ වෙතත් මේ අතරතුර හදිසියේම හමුදා මූලස්ථානයෙන් පැමිණි යුද හමුදාපතිවරයාගේ නියෝජිතයෙක් කොමසාරිස්වරයා ඉදිරියේ පෙනීසිටියේය. එම හමුදා නිලධාරියා රැගෙනවිත් තිබුණේ මැතිවරණ දිනයේදී කොළඹ නගරය තුළට හමුදාව කැඳවීමටත්, එම භට පිරිස් ස්ථානගත කිරීමටත් අදාළ ආඥාපත්රයට, මැතිවරණ කොමසාරිස්වරයාගේ නිල අනුමැතිය ලබාගැනීමට අදාළ ලියවිල්ලය. මේ වන විට කොමසාරිස්වරයා තම උපරිම කතා විලාසය යොදාගනිමින් නිශාන්තට කියමින් සිටියේ කොළඹට හමුදාව එන කතාව බොරුවක්, කටකතාවක් පමණක් බවය. නමුත් මෙම දෛවෝපගත සිදුවීමත් සමඟ කොමසාරිස්වරයා මහත් අපහසුතාවට පත්විය. වහා පුටුවෙන් නැගිට සිටි කොමසාරිස්වරයා නිශාන්ත ඉදිරියේම හමුදා නිලධාරියාට මහ හඬින් කෑගැසීය. ‘හමුදාව ගේනවාද නැද්ද කියලා තීරණය කරන්නේ මම මිසක් හමුදාපති නෙවෙයි.’ යනුවෙන් ඔහු පැවසීය. ඒ සමඟම කොමසාරිස්වරයා පොලිස්පති ඉලංගකෝන්ට දුරකතන ඇමතුමක් ලබාගත්තේය.
ඔහු පොලිස්පතිට, කොළඹ නගරයේ ආරක්ෂාවට සම්පූර්ණයෙන්ම පොලිසිය යෙදවිය යුතු බවත් මැතිවරණ කාර්යාලයේ ආරක්ෂාවට විශේෂ කාර්ය බලකාය යෙදවිය යුතු බවත් ඉහළ ස්වරයෙන්ම පැවසීය. තවද කිසිදු ලෙසකින් හමුදාව දැමිය නොහැකි බවත් ඔහු තරයේ කියාසිටියේය.
පොලිස්පති සමඟ කළ දුරකතන සංවාදයෙන් පසු නිශාන්ත දෙසට යොමුවූ කොමසාරිස්වරයා ‘මෙතන මොකක් හරි දෙයක් වෙන්න වගේ හදන්නේ’ යනුවෙන් ඔහු තුළවූ සැකයද එළිදැක්වීය. ඒ සමඟම නිශාන්තගේ පැමිණිල්ල සම්පූර්ණයෙන්ම පිළිගැනීමටද කොමසාරිස්වරයා කටයුතු කළේය. නිශාන්තගේ එම පැමිණිල්ලේ, බණ්ඩාරනායක සම්මන්ත්රණ ශාලාව, නිදහස් චතුරස්රය හා මරදාන ටි්රපොලි යන ස්ථානවල අනවශ්ය පරිදි ගජබා රෙජිමේන්තු සෙබළුන් ස්ථානගතවී සිටින බව සඳහන් විය. නිශාන්ත තවදුරටත් කොමසාරිස්වරයාට කියා සිටියේ ගජබා මෙහෙන් ලෑස්ති වෙනකොට සිංහ අනෙක් පැත්තෙන් සිටිනු ඇති බවයි.’ (493 පිටුව)
මේ විස්තරයෙන්ද පැහැදිලි වන්නේ කුමක්ද? අපේ ආණ්ඩුක්රම ව්යවස්ථාවේ 104ඈ ව්යවස්ථාවට අනුව, නිදහස් සාධාරණ ඡන්ද විමසීමක් පැවැත්වීමට අහිතකර ක්රියා, සිද්ධි වැළැක්වීම හෝ පාලනය සඳහා සන්නද්ධ හමුදා යෙදවීම සම්බන්ධයෙන් මැතිවරණ කොමිසම (එවකට කොමිසම නොතිබුණු නිසා මැතිවරණ කොමසාරිස්) ජනාධිපතිවරයා වෙත නිර්දේශ කළ යුතුය. එහෙත්, කොළඹ වටකරගෙන හමුදාව ස්ථානගත කර තිබුණේ මැතිවරණ කොමසාරිස්වරයා එවැනි කිසිම නිර්දේශයක් කර නොතිබුණ තත්ත්වයක් යටතේය. හමුදාව යෙදවීමට තරම් ආරක්ෂාව පිළිබඳ අර්බුදයක් මැ.කොමසාරිස්වරයාට නොතිබුණා නම්, හමුදාව එසේ රැඳවූයේ ඇයි..?
ලක්බිම පුවත්පතේ සම්මුඛ සාකච්ඡාවේදී ගම්මන්පිල මහතා තවදුරටත් මෙසේ කියයි. ‘අලුයම එකහමාර වන විට ජනාධිපති මහින්ද රාජපක්ෂ පරාජය වී ඇති බව අපට වැටහුණා. ඡන්ද මධ්යස්ථානවලින්ද එජාප ගණන් කිරීමේ නියෝජිතයන් ප්රචණ්ඩකාරී ලෙස හැසිරෙන බව වාර්තා වුණා. ඒ අනුව අපි රැස්වුණේ කළ යුත්තේ කුමක්ද යන්න සාකච්ඡා කිරීමටයි. මෙවැනි දෑ හතරවටින් වාර්තාවෙද්දී අප දීර්ඝව සාකච්ඡා කළේ ඇඳිරි නීතිය පැනවිය යුතුද නැද්ද යන්නයි.’ ගම්මන්පිල මෙහිදී මහතා කුමක් කිව්වත්, ඇඳිරි නීතිය පැනවීමට හේතුවන තරමේ කිසිම සැලකිය යුතු අවුලක් ජනවාරි 8 වැනිදා රාත්රියේ රටේ කිසිම තැනකින් වාර්තා නොවුණු බව එදා ඇස් කන් ඇරගෙන සිටි සියල්ලෝම දනිති. ඒ නිසා, මේ ඇඳිරි නීතිය පැනවීමේ වුවමනාව හුදෙක් වෙනත් කතාවක කොටසක් බව නම් පැහැදිලිව පෙනෙයි. ඒ බව ගම්මන්පිළ මහතා නොදැන සිටින්නටද ඇත.
කොහොම වුණත්, කුමන්ත්රණ සැලසුම හකුළාගන්නට සිදුවිය. ඒ, ප්රතිඵල නවත්වා, ඇඳිරි නීතිය හා හදිසි නීතිය පනවා, හමුදාව පාරට කැඳවා, මහින්ද රාජපක්ෂ තව අවුරුදු දෙකක් ජනාධිපති ධුරයේ තබාගැනීමේ කුමන්ත්රණ සැලැස්මට එම රාත්රියේ අරලියගහ මන්දිරයට කැඳවා සිටි පොලිස්පති එන්කේ ඉලංගකෝන්, හමුදාපති දයා රත්නායක මෙන්ම නීතිපති යුවන්ජන් විජේතිලකද එකහෙළා විරුද්ධ වීම නිසාය. නීතිපති යුවන්ජන් විජේතිලක මේ හමුවට ගියේ, නීතිපති දෙපාර්තමේන්තුවේ ඉහළම නිලධාරියකුගෙන් හා නිලධාරිනියකගෙන් ඔවුන්ගේ නීතිමය මතයද ලබාගෙනය. ඔවුන් දෙදෙනාගේ මතය වී තිබුණේ, ඇඳිරි නීතිය- හදිසි නීතිය පනවා, ප්රතිඵල කල් දමා, අවුරුදු දෙකක් මහින්ද ජනාධිපති ධුරයේ තැබීමට කිසිම නීතිමය ඉඩක් නැති බවය. දැඩි මහින්ද භක්තිකයකු වුණත්, ජනාධිපතිවරණ කාලය තුළ ප්රසිද්ධියේම මහින්ද රාජපක්ෂ දිනවීම සඳහා හමුදාව තුළ රැස්වීම් පැවැත්වුවා වුණත්, යුද හමුදාපති දයා රත්නායකද මේ විනාශකාරී සැලසුමට විරුද්ධ විය.
ඒ හිටපු හමුදාපති දයා රත්නායක, 2015 ජුනි 16 වැනිදා ‘සිරස’ රූපවාහිනියේ ‘මුහුණට මුහුණ’ වැඩසටහනට සහභාගිවිය. ජනවාරි 8 කුමන්ත්රණය ගැන නැගූ ප්රශ්නයකට පිළිතුරු ලෙස ඔහු එහිදී මෙසේ කීවේය.
“ඇත්තෙන්ම මං ඒ අවස්ථාවේ එතැන හිටියා. මං සමාජය පිළිබඳව, රට පිළිබඳව අවබෝධයක් තියෙන නිලධාරියෙක් හැටියට මම හිතනවා, මම සහ අපේ හමුදා කණ්ඩායම එතැන හිටපු එක අපේ රටට ඉතාම හොඳ දෙයක් කියලා. ඒක එහෙම කියන්න හේතුව, ඒ අවස්ථාවේ සිදුවෙච්ච සිදුවීම්වලදී අපේ දායකත්වය නිසා ඉතාමත්ම ලස්සනට, ඉතිහාසයේ කවදාවත්ම නොවූ විරූ ආකාරයට, ඉතාමත්ම හොඳට මේ බල මාරුව සිද්ධවුණා. ඒක වෙන්නේ නිකං ආවාට ගියාට ඉබේ නෙවෙයි, අපි සියලු දෙනාගේම ක්රියාකාරිත්වය නිසා කියලා මම විශ්වාස කරනවා. .. අපේ හමුදාව තරම් ප්රජාතන්ත්රවාදය මේ රටේ ආරක්ෂා කරගන්ට කැපකිරීම් කළ වෙන කිසිම සංවිධානයක් නැහැ… පහුගිය අවුරුදු තිහක කාලයේත් ජීවිත දානයෙන් කාය දානයෙන් ප්රජාතන්ත්රවාදය ආරක්ෂා කරගන්නේත් හමුදාවයි. කිසිම විදියකින් අබමල් රේණුවකවත් ප්රශ්නයක් ඇතිවුණේ නැහැ. ඒවා නිකං අහම්බෙන් ඉබේ සිදුවෙන්නේ නැහැ. ඒ වෙලාවේ ආරක්ෂක ලේකම්තුමා හිටියා.. ආරක්ෂක මණ්ඩලයේ සියලුම දෙනා හිටියා. රටේ දේශපාලන මාරුවක් සිදුවෙනවා, එතකොට රටේ අස්ථාවරභාවයක්, ප්රශ්න ඇතිවෙන්න පුළුවන්.. ඒ වගේ වෙලාවට වැඩකරන්න ආරක්ෂක මණ්ඩලය එතැන හිටීම හොඳ දෙයක්. ත්රිවිධ හමුදාපතිවරු, පොලිස්පති හිටියා. දිනපු අය ඇවිත් අරලියගහ මන්දිරය වටකරයි කියලා අදහසක් ඒ අයගේ තිබුණා. රටේ සාමකාමී වාතාවරණයක් තියෙන බව බුද්ධි අංශ හරහා දැනගෙන ඒ සියලු දෙනා දැනුවත් කළේ මම. අපි ජනාධිපති ලේකම්තුමාට කිව්වා, ‘මේ වෙලාවේ හොඳම දේ තමා මාධ්ය මගින් ජනතාව දැනුවත් කරන්න, ඉන්න ජනාධිපතිතුමා ජනතා මතයට හිස නමලා බලය භාරදීමට සූදානම් වෙනවා කියලා.’ ඒක සිදුවුණා. මේ තුළින් තිබුණු බැරෑරුම් තත්ත්වය අඩුවුණා. කාට වුණත් පුද්ගලයන්ට මේක බොහොම සංවේදී හැඟීම්බර අවස්ථාවක්. මේ වගේ වෙලාවක තීරණ ගැනීමට තමයි අපි පුරුදු පුහුණු කරලා තියෙන්නේ. ඒ නිසා ඒ අවස්ථාවේ කිසිම දේකට ප්රශ්නයක් නොවී ලස්සනට සිදුවෙන අයුරින් කටයුතු කරන්නට අපට හැකියාව තිබුණා.’
හිටපු හමුදාපතිගේ බැලූ බැල්මට පරෙස්සම් සහගත ලෙස පෙනෙන මේ කතාවෙන් පැහැදිලි වන්නේ කුමක්ද? 8 වැනිදා රාත්රියේ ‘බල මාරුව’ ලස්සනට සිදුවූයේ ඔහුත් හමුදා නිලධාරීනුත්, රටේ ප්රජාතන්ත්රවාදය කෙරෙහි කැපවීමෙන් මැදිහත්ව කටයුතු කළ නිසා බවය. ‘ඒක වෙන්නේ නිකං ආවාට ගියාට ඉබේ නෙවෙයි, අපි සියලු දෙනාගේම ක්රියාකාරිත්වය නිසා කියලා මම විශ්වාස කරනවා.’ ඔහු කියයි. ‘මම සහ අපේ හමුදා කණ්ඩායම එතැන හිටපු එක අපේ රටට ඉතාම හොඳ දෙයක්.’ යන්නෙන් පැහැදිලි වන්නේත් ඔවුන්එහි නොසිටියා නම් රටට හොඳ නොවන දෙයක් එහි සිදුවීමට ඉඩ තිබුණු බව නොවේද?
මේ කතා, අනුකතාවලින් හැදෙන සමස්ත කතාන්දරය කුමක්ද? මහින්ද රාජපක්ෂගේ බලය තවදුරටත් රඳවාගැනීමේ සැලැස්මක් තිබුණ බවත්, එය අර්ධ වශයෙන් ප්රායෝග ිකව ක්රියාත්මක කැරුණු බවත්, අවසානයේ නිලධාරීන් කිහිපදෙනකුගේ විරෝධය හමුවේ සැලැස්ම අකුළාගත් බවත් නොවේද..?
කුමන්ත්රණ චෝදනාවට නඩු පවරන්නට තොරතුරු ප්රමාණවත් නැතැ’යි පොලිස් කටඋත්තර මත පදනම්ව නීතිපතිවරයා කී පමණින් සිද්ධියක් නොවුණු බවක් ඇඟවෙන්නේ නැත. අනෙක් අතට පොලිසිය කටඋත්තර ගත්තේ ඒ රාත්රියේ අරලියගහ මන්දිරයේ සිටි ගෝඨාභය රාජපක්ෂ, ජීඑල් පීරීස්, ත්රිවිධ හමුදාපතිවරුන්, පොලිස්පති, අගවිනිසුරු හා උදය ගම්මන්පිල වැනි අයගෙන් නම්, තමන් කුමන්ත්රණයක් කළ බවට ඔවුන් කිසිවෙක් පොලිසියට කියාවිද? එසේම පොලිසිය, රජයේ නිලධාරීන්ද ඇතුළුව මේ සිදුවීමට සම්බන්ධකම් ඇති සියල්ලන්ගෙන්ම ප්රකාශ සටහන් කරගත් බවට සෑහීමට පත්විය හැකිද? ඒ අනුව බලන කල ගම්මන්පිල මහතා අල්ලාගෙන ඇත්තේ ලොකු චිත්රයකින් කෑල්ලක් පමණක් බව කිව යුතුය. ඔහු දැන හෝ නොදැන හෝ සිටින චිත්රයේ තවත් ලොකු කොටසක් තිබෙන්නේය. ඒ ගැන අදහසක් ගැනීමට ඉහත කරුණු ප්රමාණවත්ය.
මේ හමුදා සැලසුම ගැන පැහැදිලි කිරීමට ජනවාරි 7වැනිදා, ආරක්ෂක මාණ්ඩලික ප්රධානී ජගත් ජයසූරියගේ කාර්යාලයෙහිදී එක් රැස්වීමක් පැවැත්වුණු බවත්, ඊට මේජර් ජෙනරාල්වරුන් 7 දෙනෙකු, බි්රගේඩියර්වරුන් 8 දෙනෙකු හා පොලිසියේ ඉහළ නිලධාරීන් දෙදෙනෙකු සහභාගිවුණ බවත් රාවය 2015 ජනවාරි 18වැනිදා ලිපියෙන් වාර්තා කළේය. එහි දෙවැනි රැස්වීම, ජනවාරි 8 වැනිදා සවස යුද හමුදා මූලස්ථානයේ මෙහෙයුම් අධ්යක්ෂ කාර්යාලයේ සම්මන්ත්රණ ශාලාවේදී පැවැත්වුණු බවත්, පෙර දින රැස්වීමට සහභාගිවූ පිරිසම එදින ඊට සහභාගිවූ බවත් රාවය වාර්තා කළේය. ඒ රැස්වීමේදී පොලිසියේ ඉහළ නිලධාරීහු දෙදෙනා සැලැස්මට මුළුමනින්ම විරුද්ධ වූහ.
2015 මැයි අවසානයේ ජනාධිපතිවරයා මාධ්ය ප්රධානීන් සමග පැවැත්වූ සාකච්ඡාවේදී, අරලියගහ මන්දිරයේ සිදුවූ මේ කුමන්ත්රණය ගැන පොලිස් පරීක්ෂණවලට සිදුවී ඇත්තේ කුමක්දැ’යි මාධ්ය ප්රධානියෙක් ප්රශ්න කළේය. ‘ඒකට කුමන්ත්රණයක් කියන වචනේ පාවිච්චි කරන්න පුළුවන්ද කියලා මම දන්නේ නැහැ. ඒත්, මැතිවරණ ප්රතිඵල අත්හිටුවලා තවදුරටත් බලය රඳවා ගැනීම ගැන සාකච්ඡාවක් එතැන සිදුවුණු බව පැහැදිලියි. ඒ ගැන පොලිස් පරීක්ෂණ වාර්තාව තව ටික දවසකින් මට ලැබේවි.’යි ජනාධිපතිවරයා කීවේය.
දැන් ජනාධිපතිවරයාට පොලිස් පරීක්ෂණ වාර්තාව ලැබී ඇත්දැයි පැහැදිලි නැත. එහෙත්, ජනාධිපතිවරයා සොයා බැලිය යුත්තේ ඒ පොලිස් පරීක්ෂණය, සිදුවීමට අදාළ සියලු පාර්ශ්වයන්ගෙන් ලත් තොරතුරු මත සිදුවුණාද, පොලිසියට ප්රකාශ දුන් පාර්ශ්ව කීවේ මොනවාද යන්නය. ඒ වෙලාවේ අරලියගහ මන්දිරයේ සිටි අය, ‘අපි නම් කුමන්ත්රණයක් කළේ නැතැ’යි එක හඬින් කියා ඇත්නම්, ඒ ප්රකාශ මත නඩු පවරන්නට හැකියාවක් නැති බව ඇත්තය. එහෙත්, කුමන්ත්රණයක් සිදු නොවුණු බව හා මහින්ද රාජපක්ෂ තවදුරටත් බලයේ තබාගැනීමට හමුදා සැලසුමක් නොතිබුණු බව නම් ඉන් කිසිසේත් අදහස් නොවේ.
[rns_reactions]