ශූරයන්ගේ කුසලාන තරගාවලියේ පකිස්තානය සමග පැවති තරගයෙන් අවසනාවන්ත ලෙස පරාජය වූ ශ්රී ලංකා කණ්ඩායම තරගය අවසානයේ පැවති මාධ්ය හමුවේදී ශ්රී ලංකා නායක ඇන්ජෙලා් මැතිව්ස්ගෙන් මාධ්යවේදියෙකු ලසිත් මාලිංග ගැන විමසුවා.
ඒ ඔහු ඉදිරියේදී ජාත්යන්තර පිටියේදී හමුවනු ඇත්ද යන්නයි. ඒ වෙනුවෙන් ඔහු ලබා දුන්නේ තරමක සැක සංකා මතුවන පිළිතුරකි. එනම් එය අවිනිශ්චිත බවකි. මාලිංග කණ්ඩායමේ සිටින චැම්පියන් බෝලර් බවත්, ඔහු තම උපරිමය කළ බවත් මැතිව්ස් මෙහිදී සිහිපත් කළා.
https://youtu.be/L-xzU9RD__g
[rns_reactions]
සෙල්ෆි ඡායාරූපයක් ගැනීමට ගිය අලුත විවාහ උනු යුවලක් දුම්රියකට හසුවුනු පුවතක් අම්බන්ගොඩින් වාර්තා වනවා.
මෙම යුලව අම්බලන්ගොඩ, කහව උඩුවරාගොඩ දුම්රිය මාර්ගයක සෙල්ෆි ඡායාරූපයක් ගනිමින් සිටියදී පැමිනි දුමිරියකට අවාසනාවන්ත අාකාරයට හසුව තිබෙනවා.
අනතුරෙන් තරුණයා මියගොස් ඇති අතර තරුණිය බරපත තුවාල ලබා රෝහල්ගත කර තිබෙනවා.
තරුණ යුවල අවසන් වරට ගත් සෙල්ෆි ඡායාරූපය.
සෙල්ෆි ඡායාරූප ගැනීමට යෑම තුල මිය ගිය වැඩිම පිරිසක් වාර්තා වන ස්ථානයක් ලෙස දුම්රිය මාර්ගද වාර්තා වේ..
[rns_reactions]
පාකිස්තාන ශ්රී ලංකා එක්දින තරගය පරාජය වීම ශ්රී ලංකා ක්රිකට් ලෝලීන්ගේ ඉමහත් සිත් තැවුලට හේතුවූ කාරණාවකි. මෙම තරගය ජයගැනීම මත අවසන් පූර්ව වටයට සුදුසුකම් ලබන්නට අවස්ථාවක් උදාකර තිබීමත් එම අවස්ථාව ගිලිහී යාමත් එයට හේතුවයි. තරගයේ අවසන් පන්දු ඕවර කිහිපයේ දුර්වල පන්දු රැකීමක නිරතවූ ශ්රී ලංකා පිලට මෙම පරාජය වළක්වා ගත හැකිව තිබුනේය යන්නද බොහෝ අයගේ අදහසයි.
මෙම අවාසනාවන්ත පරාජය කල් ඇතිව උදාවන බවට අන්තර්ජාලය තුළ අනාවැකියක් පළව තිබුණි. එයට මුල්වූයේ පාකිස්තානු ක්රීඩා මාධ්යවේදිනියක සෙල්ෆී ඡායාරූප ලබාගන්නා අය දැවීයාමේ ප්රවණතාවයකි.
පසුගියදා ඉන්දීය පිලේ විරාත් කෝලි හා දකුණු අප්රිකාවේ ඩිවිලියර්ස් දෙදෙනා තරඟ දෙකකදී ලකුණු 0ට දැවීයාම හා එම තරග පරාජයවීම පිටුපස සිටින්නේ පකිස්තානු මාධ්යවේදිනියක් බවට සමාජජාලා ඔස්සේ කතාවක් පැතිර ගොස් තිබුනේ පෙරේදා සිටය.
ඇය කෝලි හා ඩිවිලියර්ස් සමඟින් සෙල්ෆි ඡායාරූපවලට පෙනී සිටි අතරම පසුව ඇය ශ්රී ලංකා නායක ඇන්ජලෝ මැතිව්ස් සමඟින්ද සෙල්ෆි ඡායාරූපයක් ගෙන තිබුණි.ඊයේ තරඟයට සුභපැතුම් එක්කරන අවස්ථාවේ “ඔන්න මගේ ජොබ් එක අදත් මම කළා” යනුවෙන් ට්විටර් පණිවිඩයක්ද තබා තිබුණි.
තරඟයේ මැතිව්ස් දැවී ගියේ 39ටය. නමුත් තරගය පරාජය විය.
[rns_reactions]
පසු ගිය දින කිහිපය තුළ ඇද හැලුනු ධාරානිපාත වර්ශාපතනය හේතුවෙන් ගං වතුරෙන් පීඩාවට පත් වූ ජනතාව වෙනුවෙන් මෙරට සතර දෙසින් ජනයා ඔවුන් හට සහනාදාර රැගෙන එමින් උදව් උපකාර කිරීමට පැමිණියේය..මේ අතරින් ෆේස් බුක් නම් සමාජ ජාල මාධ්ය හරහා තරුණ තරුණියන් රාශියක් අවතැන් වූ ජනතාව වෙනුවෙන් දැඩි කැපවීමකින් එකා මෙන් එකතු වී ඔවුන් හට ආධාර රැස් කරමින් විශාල ශක්තියක් වුනි…ඒ අතරින් ජනතාවට උදව් උපකාර කිරීමේ මුවාවෙන් තම දේශපාලන ප්රතිරූපය ෆේස් බුක් සමාජ ජාලය හරහා ගොඩ නගා ගැනීමට උත්සහ කළ පිරිසක් සම්බන්ධයෙන් මේ දිනවල දැඩි කතා බහකට ලක් වී ඇත…ලක්බිමේ දියණියෝ කාන්තා සංවිධානයක් පිහිටුවා ගනිමින් එහි නායිකා සසනිකා ජයලත් ජයසුන්දර ඇතුලු පිරිස අවතැන් වූ ජනතාව ප්රසිද්ධ්යේ අවමානයකට ලක් කර ඇත…ඔවුන් පීඩාවට පත් වූ පවුල් කිහිපයක් සොයා ප්රජාසත්කාරයක් කිරිමේ මුවාවෙන් ෆේස් බුක් සජීවී පටිගත කිරීමකට ඔවුන් හට ඉදිරිපත් වන ලෙස බැගෑපත්ව ඉල්ලීම් කර ඇත..එසේ ඉදිරිපත් වන පුද්ගලයන්ට පමණක් ද්රව්යම හා මූල්යම ආධාර ලබා දෙන බව පවසා ඇත..දින කිහිපයක් පුරා ගං වතුරෙන් බැට කෑ ඔවුන් අසරණ කම හේතුවෙන් මෙමෙ ඉල්ලීමට එකග වී ඇත..ඉන් අනතුරුව ෆේස් බුක් සජිවී පටිගත කිරීම් කිහිපයක් සමාජ ජාලා මාධ්යට නිකුත් කරමින් සසනිකා ඇතුලු පිරිස පවසා සිටියේ ලක්බිමේ දියණියෝ කාන්තා සංවිධානය මගින් අවතැන් වූ ජනයා වෙත විශාල ප්රමාණයෙන් මූලයම අධාර ලබා දෙමින් ප්රජා සත්කාර කරනු ලබන බවයි..ස්වභාවික විපත් අප කාටත් පොදු වන අතර ඉන් අපහසු තාවයට පත්වන පුද්ගලයන් සරණාගතයන් බව මුලු ලංකාවටම මොවුන් පෙන් වා දී ඇත…මෙවැනි සංවිධාන කිසි දීනක ජනතාව වෙනුවෙන් පෙනී සිටින්නේ නැත..ඔවුන් තමන්ගේ ප්රසිද්ධ්ය උදෙසා ජනතාව මුලා කරන බව පැහැදිලිව පෙනෙන්නට ඇත…තවද විපතක් වූ විට ජනතාව විකුණන් කන මේවැනි සංවිධාන වහා නැවැතීමට බලධාරීන් පියවර ගත යුතු වේ..
[rns_reactions]
ඉඩම් ප්රතිසංස්කරණ කොමිෂන් සභාවට අයත් රජයේ ඉඩමක අනවසරයෙන් ගල් කොරියක් පවත්වාගෙන යාමේ සිද්ධියකට අදාළව මූල්ය අපරාධ විමර්ශන කොට්ඨාසය විසින් අත්අඩංගුවට ගනු ලැබූ හිටපු ජනාධිපති මහින්ද රාජපක්ෂ මහතාගේ රියැදුරු ලෙස සේවය කළ යුද හමුදා කපිතාන් තිස්ස විමලසේන ලබන 27 වැනි දා තෙක් රිමාන්ඩ් කරන ලෙස කොළඹ අතිරේක මහේස්ත්රාත් චානිමා විජේබණ්ඩාර මහත්මිය නියෝග කළාය.
මෙම සිද්ධියට අදාළව මූල්ය අපරාධ විමර්ශන කොට්ඨාසයේ ඒකක 08 අංශය විසින් අද අත්අඩංගුවට ගනු ලැබූ මෙම සැකකරු අධිකරණයට ඉදිරිපත් කළ අවස්ථාවේදී මෙම කරුණු අනාවරණය විය.
ප්රකාශයක් ලබා ගැනීම සදහා මුල්ය අපරාධ කොට්ඨාසයට කැඳවනු ලැබූ ඔහු ප්රකාශ ලබාගැනීමෙන් පසු අත්අඩංගුවට ගනු ලැබීය.
මෙම සිද්ධිය සම්බන්ධයෙන් ‘මග නැගුම’ හිටපු සභාපති ජාලිය කුලසේකර නැමැත්තාද අත්අඩංගුවට ගැනීමට නියමිත බව පැවසේ.
[rns_reactions]
ජීවිතයෙන් සමුගත් ගායක ප්රින්ස් උදය ප්රියන්තගේ පෞද්ගලික රෝහල් ගාස්තුව වන රුපියල් ලක්ෂ 25 ක මුදල සොයා ගැනීමට සංගීත ප්රසංගයක් පැවැත්වීම සඳහා ජාතික තරුණ සේවා සභාව නොමිලේ සිය පරිශ්රය සහ සම්පත් ලබා දීමට තීරණය කර තිබෙනවා.
තරුණ සේවා සභාපති එරන්ද වැලිඅංගේ මේ බව ගායක ගායිකා සංගමයේ සභාපති කීර්ති පැස්කුවෙල් වෙත දැනුම්දී ඇති බවයි වාර්තා වන්නේ.
කොළඹ පෞද්ගලික රෝහලෙන් ප්රින්ස්ගේ දේහය නිදහස් කර ගැනීම සඳහා රුපියල් ලක්ෂ 25 ක බිල්පතක් රෝහලට ගෙවීමට තිබූ අතර එය මසක් ඇතුළත ගෙවන පොරොන්දුව මත දේහය නිදහස් කර ගනු ලැබුවා.
[rns_reactions]
ඉන්දියාවේ ජෝදාන් හි පොලිස් ස්ථානයේ පොලිස් කොස්තාපල්වරියකගේ මළ සිරුරක් හමුවුණා.
පොලිස් ස්ථානය තුළම ගෙල වැලලාගෙන මියගොස් තිබුණේ වයස අවුරුදු 24 ක පොලිස් කොස්තාපල්වරියක්.
ඇගේ මුල්ම රස්සාව තමයි මේ.
තමන්ට රැකියා ස්ථානයේ පීඩනය දරාගන්න බැරි බවත්, තමන්ව විහිලුවකට අරන් හිරිහැර කරන්න රැකියා ස්ථානයේ අය පෙළඹිලා තිබෙන බවත්, මැරෙන්න කළින් ලියුමක් ලියල ඇය කියල තියෙනවා.
මේ මරණයට තමන්ගේ රැකියා ස්ථානයේ ඉන්න පොලිස් නිලධාරියෝ වගකියන්න ඕන කියලත් ඇය ලියල තියෙනවා.
තමන්ගේ දුව, රැකියාවට ගිය දා ඉඳන් ගෙදර ඇවිත් හිතේ අමාරුවෙන් උන් බවත් ඇගේ මව කියල තියෙනවා.
මේ වෙද්දී මේ මරණය ගැන පරීක්ෂණ වෙන පොලිසියක් භාරයට ගන්න කියලත් පවුලේ අය ඉල්ලීමක් කරලා.
ශුරයන්ගේ කුසලාන තරගාවලියේ පාකිස්තානයට එරෙහිව පැවැති තරගයේදී ශ්රී ලංකා කණ්ඩායම ලද පරාජය හැඳින්විය හැක්කේ අතට ගත් බත්පිඬ ඉහිරී ගිය අවස්ථාවක් ලෙසිනි. තරගයේ 30 වැනි ඕවරය වන විට ශ්රී ලංකා කණ්ඩායම ඒ තරමටම එහි පාලනය සියතට ගෙන සිටියේය. ලකුණු 237 ක ඉලක්කයක් කරා යමින් සිටි පාකිස්තානු පිලේ හය වැනි කඩුල්ලත් ලකුණු 137 දී බිඳ වැටීමෙන් පසුව තරගයේ වාසිය සම්පූර්ණයෙන්ම ශ්රී ලංකා පිල වෙත බර වී තිබිණ.
එතැන් සිට අවදානම් ගමනක යෙදුණු පාකිස්තානු පිලේ නායක සර්ෆ්රාස් අහමඞ්ගේ උඩපන්දු දෙකක්ම 39 වැනි ඕවරයේදී සහ 41 වැනි ඕවරයේදී ගිළිහී යාම පන්දු යවන්නන් හතර දෙනකුගෙන් තරග කළ ශ්රී ලංකා කණ්ඩායමට දරාගත නොහැකි විය. මෙවන් තරගාවලියකදී ලකුණු 236 ක් යනු කිසිසේත්ම ප්රමාණවත් ලකුණු සංඛ්යාවක් නොවේ. 40 වැනි ඕවරය වන විට පාකිස්තානුවන් පීඩනයට පත්කිරීමට ශ්රී ලංකා පිල සමත් වූවද පිට පිටම උඩපන්දු අතහැරීම නිසා පාකිස්තානුවෝ ශ්රී ලංකා පන්දු රකින්නන්ගේ දෑත් අතරින් රිංගා යමින් අවසන් පූර්ව තරගයේ දොරටුව සොයා ගත්හ.
ශ්රී ලංකා පන්දු රකින්නන් වෙතින් ගිළිහී ගිය උඩපන්දු තුනම ලසිත් මාලිංගගේ පන්දු හමුවේ විය.
ශ්රී ලංකා පිලේ පන්දු රැකීම සම්බන්ධයෙන් තරගයෙන් පසුව නායක මැතිව්ස් අදහස් දැක්වූයේ මහත් කළකිරීමෙනි. තරගයෙන් පසුව පැවැති පුවත් පත් සාකච්ඡාවේදී මැතිව්ස්ට ඉදිරිපත් කෙරුණු ප්රශ්න සහ ඔහු ඒවාට දුන් පිළිතුරු මෙසේ වෙයි
ප්රශ්නය – ඇන්ජලෝ, මේ වෙනකොට ක්රිකට් ලෝකය පුරාම තියෙන පොදු හැඟීම වෙලා තියෙන්නේ ලෝකයේ දුර්වලම පන්දු රකින්නන් සිටින කණ්ඩායම ශ්රී ලංකා පිල කියන එකයි. අද (සඳුදා) තරගයේ තිබුණ තත්ත්වයන් එක්ක බැලුවාම ඒ අදහස එක්ක ඔබ එකඟ නොවෙනවා නම් ඒ ඇයි?
මැතිව්ස් – අද තරගයේ සිද්ධවුණ දේවල් බැලුවාම ඒක හරිම කණගාටුදායක තත්ත්වයක් තමා. අපි ඒ උඩපන්දු අල්ලා ගත්තා නම් මේ කතාව වෙනස් විදිහකට ලියැවෙන්න තිබුණා. ඉතාමත් තීරණාත්මක අවස්ථාවලදී තමා ඒ උඩපන්දු ගිළිහී ගියේ. පළමු ඕවරයේදී සහ අවසානයට ළං වෙද්දී. විශේෂයෙන්ම අන්තර්ජාතික මට්ටමේ කණ්ඩායමක් වශයෙන් සර්ෆ්රාස්ට ගැලවෙන්න දුන්න අවස්ථාව හරිම කණගාටුදායකයි.
මා හිතන්නේ අපි ටිකක් දියුණු වෙලා තියෙනවා තමයි. ඒත් නිසැක වශයෙන්ම අද නම් අපේ දවස නෙමේ…
ප්රශ්නය – මේවගේ කතා අපිට හැමදාමත් අසන්නට ලැබෙනවා. පන්දු රැකීම දියුණු වෙලා කියලා ඔබත් කියනවා..අසංග ගුරුසිංහත් කියනවා. ඒත් කාලයක් තිස්සේ ඒක ප්රශ්නයක් වෙලා තියෙනවා. පන්දු රැකීම දියුණු කරගන්න සැබවින්ම අවංක උත්සාහයක් තියෙනවා ඔබ හිතනවාද ?
මැතිව්ස් – ඔව්. ඇත්තටම මේ ක්රීඩකයන් ඒ වෙනුවෙන් විශාල උත්සාහයක් ගත්තා. අදඅ පි උඩපන්දු තුනක් අතහැරියා තමයි. ඒත් ක්රීඩකයනුත් සහායක මණ්ඩලයත් (පුහුණුකරුවන්) ඒ වෙනුවෙන් අවංක උත්සාහයක් ගත්තා. අපි ඒ ගැන කතා කළා. අදහස් හුවමාරු කරගත්තා, ඒ වෙනුවෙන් විශාල ශක්තියකුත් වැය කළා.
ප්රශ්නය – උඩ පන්දු අතහැරීම (මෙම තරගයේ පරාජය සම්බන්ධයෙන්) එක් තීරණාත්මක සාධකයක්. ඒත් ශ්රී ලංකා පිලට ලකුණු කිහිපයක් මදි වුණාය කියා ඔබ හිතනවාද
මැතිව්ස් – ඇත්තටම ඔව්. තරගයක් පැරදුනාම කියන්න පුළුවන් ඒකට හේතුව දුර්වල පිතිහරඹය නැත්නම්, දුර්වල පන්දු යැවීම නැත්නම් දුර්වල පන්දු රැකීම කියලා. ඒත් මා නම් හිතන්නේ ඒක එක්තරා ආකාරයක පුදුම සහගත තණතීරුවක්. අපට ලකුණු 30 ක් 40 ක් මදිවුණා කියලා හොඳටම පෙනෙන්න තිබුණා. ඒ කොහාම වුණත් අපි ඒ ලකුණු සංඛ්යා ආරක්ෂා කරගන්න සටන් වැදුණ ආකාරය ගැන නම් මට විශාල ආඩම්බරයක් තියෙනවා. ඒ ආඩම්බරය අපට තිබුණත් පන්දු රැකීම අපේ බලාපොරොත්තු කඩකළා.
මම විශේෂයෙන්ම මේ පන්දු යවන්නන්ගේ ධෛර්යය අගය කළ යුතු වෙනවා. ඔවුන් පන්දුවට පහර දීමේදීත් හොඳින් ක්රීඩා කළා විතරක් නෙමේ හොඳින් පන්දු යැව්වා. ඒත් අවාසනාවට වගේ ඔවුන්ට අප වෙනුවෙන් තරගය ජයගන්න බැරිවුණා. ඔවුන් පන්දුවට පහර දුන් ආකාරය වගේම පන්දු යැවූ ආකාරයත් අඩම්බරයට කරුණක්.
ප්රශ්නය – ඔබේ කණ්ඩායමේ සමබරතාව පිළිබඳ ඔබගේ කිසියම් කණස්සල්ලක් තියෙනවාද ? ධනංජය ද සිල්වා වුණත් මේ කණ්ඩායමට එක්වුණේ පැය 48 කටත් අඩු කාලයකදී. ඔබට වෙනත් ඉදිරිපෙළ පන්දු යවන්නෙක් සිටියෙත් නෑ.
මැතිව්ස් – ඇත්තටම එහෙම නෑ. මේ වගේ තණතීරුවකදී අපි අතිරේක පිතිකරුවෙක් ක්රීඩා කළ යුතුයි. අනෙක කාසියේ වාසිය දිනාගන්න එක හොඳද නැතිනම් අහිමි වන එක හොඳද කියලත් හිතාගන්න බැරිවයි හිටියේ. ඒ නිසා පළමුව පන්දු යවන්න වුණා නම් වේග පන්දු යවන්නන් හතර දෙනෙක් ඉන්න එක හොඳයි. අනික් අතට පළමුවෙන් පන්දුවට පහර දෙන්න වුණා නම් පිතිකරුවන් හත් දෙනෙක් ඉන්න එක හොඳයි.
කොහොම වුණත් ඒ කිසිදෙයක් අපේ වාසියට වුණේ නෑ. අනෙක් පැත්තෙන් බලනකොට ධනංජයට වුණත් එක පාරටම කණ්ඩායම ඇතුළට ඇවිදින් මේ වගේ තත්ත්වයන් යටතේ ලකුණු ලබාගන්න එක පහසු දෙයක් නෙමේ. ඒත් පිතිකරුවෙක් සම්බන්ධයෙන් අපට වෙනත් විකල්පයක් තිබුණේ නෑ. තරංගත් තරග තහනමකට ලක්වෙලා හිටියේ. ඒ නිසා අපට තිබුණ විකල්ප ඉතාමත් සීමිතයි.
ප්රශ්නය – තවත් ලෝක මට්ටමේ තරගාවලියකදී ලසිත් මාලිංගව දැකගන්න අපට පුළුවන් වේවි කියලා ඔබ හිතනවාද ?
මැතිව්ස් – මට ඒ ගැන හරියටම කියන්න බෑ. ඔහු ඒ ගැන කිසිදෙයක් කතා කරලා නෑ. ඒ කෝක වුණත් ඔහු ශ්රී ලංකාවේ ක්රිකට් ක්රීඩායට අති මහත් සේවයක් කළ ක්රීඩකයෙක්. ඔහු අති විශිෂ්ටයි. ඔහු අද දවසේ දැරූ උත්සාහය කොයි තරම්ද කියලාත් අපි හොඳින්ම දැක්කා.
අනෙක, අද ගිළිහී ගියේ ඔහුගේම පන්දු වලින් ලැබුණ උඩපන්දු වීමත් මහ අවාසනාවක්. ඒවා අල්ලා ගත්තා නම් ඔහු ඊට වඩා වෙනස් පන්දු යවන්නෙක් වෙන්න තිබුණා. එත් ඔහු හදවතින්ම පන්දු යැව්වා. ඔහු අපට ශූරයෙක්
ප්රශ්නය – ඔබට කොහොමත් හොඳ ආරම්භයක් ලැබුණා. කාසියේ වාසිය මෙම තීරණයට කිසියම් බලපෑමක් කළා කියලා ඔබ හිතනවාද ?
මැතිව්ස් – එහෙමම නෑ. මා හිතන්නේ ඒක (කාසියේ වාසිය) ඕනෑම පැත්තකට යන්න පුළුවන්. කාසියේ වාසිය තීරණාත්මක යය හිතෙන්නේ තණතීරුවේ තරමක තෙත ගතියක් තිබුණ නිසා. එහි තරමක කොළ පැහැයක් තිබුණා. ඒත් ඇත්තටම එක පුදුමාකාර තණතීරුවක් තමයි. දෙවැනි වර පන්දුවට පහර දීමත් ඒ තරම් ලේසි නෑ. වේග පන්දු යවන්නන්ට වුණත් ඒක තරමක් මන්දගාමී වුණා.
[rns_reactions]
අනුබුදු මිහිඳු මහ රහතන් වහන්සේ ශ්රී ලංකාද්වීපයට වැඩම කළ පොසොන් පුර පසළොස්වක පොහොය දිනය සමරමින් ඓතිහාසික සිද්ධස්ථාන වැඳ පුදා ගැනීමට පැමිණෙන ලක්ෂ සංඛ්යාත බැතිමතුන් උදෙසා පොළොන්නරුව බෞද්ධ සංගමයේ සභාපති, ජනාධිපති ගරු මෛත්රීපාල සිරිසේන මැතිතුමාගේ උපදෙස් පරිදි වාර්ෂිකව මෙම බත් දන්සැල සංවිධානය කරනවා.
මෙසේ ආරම්භ කරන දන්සලේ ආරම්භක පියවර වන්නේසංඝයා වහන්සේලා වෙත දානය පිරිනැමීමයි. සුපුරුදු පරිදි ජනාධිපති මෛත්රීපාල සිරිසේන මහතා බුද්ධ පුජාවෙන් අනතුරුව සංගයා වහන්සේලා උදෙසා දානය පිරිනැමීම ආරම්භ කරා..
එහිදී ජනාධිපති තුමා එක් පොඩි හාමුදුරු නමකට දානය බෙදන අවස්ථාවේදී උන්වහන්සේ කණගාටුවෙන් සිටිනවා දැක “ඇයි පොඩි හාමුදුරුවනේ දුකින් වගේ“ යයි විමසුවා.
එවිට පොඩි හාමුදුරුවන් පවසා ඇත්තේ “නෑ මොකවත් නෑ… “ කියායි. කෙසේ වෙතත් හාමුදුරුවන් වහන්සේ දානය ගැනවත් නොසතුටින් පසුවෙතැයි සිතු ජනාධිපති තුමා නැවතත් “අපේ හාමුදුරුවනේ මොකක්ද ප්රශ්නේ මට කියන්නයි” පැවසුවා.
එවිට පොඩි නම පවසා ඇත්තේ “එහෙනම් පොඩ්ඩක් ඔලුව පාත් කරන්න….” ජනාධිපති තුමාද බොහෝ බැතිබර සිතින් පොඩිහාමුදුරුවන් වෙත ඔලුව නමා කාරණය විමසා තිබෙනවා. එවිට පොඩි හාමුදුරුවන් පවසා ඇත්තේ “මේ ඔයාට පුලුවන්ද මට උඩ යවන ප්ලේන් එකක් අරන් දෙන්න”
එකවරම ඒ ප්රකාශයට එකඟ නොවී ජනාධ්පති තුමා පැවසුවේ “අපේ හාමුදුරුවනේ අපි එහෙනම් ලොකු හාමුදුරුවන්ගේනුත් අහාලාම ප්ලේන් එකක් ගමු” කියායි..
“ආ එහෙනම් ඉතින් ඒක ගන්න වෙන එකක් නෑ” කියා පොඩි හාමුදුරුවන් පැවසුවද ජනාධිපති තුමා විසින් ජනාධිපති සම්බන්ධිකරණ නිලධාරියකුට පැවසුවේ ලොකු හාමුදුරුවන්ගේ අවසරය ගෙන පොඩි හාමුදුරුවන් හට අවශ්ය සෙල්ලම් භාණ්ඩය අරන්දෙන ලෙසයි.
[rns_reactions]
අවසරයකින් තොරව එම්.එස්. ප්රනාන්දු මහතාගේ ගීත ගායනා කළ බවට චෝදනා පිළිගත් එම්.ඩී. ධනුෂ්ක ප්රනාන්දු මහතාගේ පවුලේ අයට රුපියල් තුන්ලක්ෂයක වන්දි මුදලක් ගෙවීමෙන් පසු ඔහු කොන්දේසි සහිතව ඇප මත මුදා හැරීමට කොළඹ ප්රධාන මහේස්ත්රාත් ලාල් රණසිංහ බණ්ඩාර මහතා ඊයේ (12) නියෝග කළේය.
තුන්වසරක් යනතෙක් එම්.එස්. ප්රනාන්දු ම හතාගේ ගීත නිසි අවසරයකින් තොරව ගායනා නොකරන ලෙසට එම්.ඩි. ධනුෂ්ක හට ඊයේ (12) නියෝග කළ මහේස්ත්රාත්වරයා ඔහු රුපියල් ලක්ෂ පහක පුද්ගලික ඇපයක් හා රුපියල් ලක්ෂ පහ බැගින් වූ ශරීර ඇප දෙකක් මත මුදාහැරීමට ද නියෝග කළේය.
අධිකරණය හමුවේ මෙම නඩුව ඊයේ (12) කැඳවූ අවස්ථාවේ මුල් අවස්ථාවේදීම වරද පිළිගත් එම්.ඩී. ධනුෂ්ක මින් ඉදිරියට එම්.එස්. ප්රනාන්දු මහතාගේ පවුලේ අයට අගතියක් වන අයුරින් ඔහුගේ ගීත ගායනා නොකරන බවට දිවුරුම් ප්රකාශයක් මඟින් අධිකරණයට දැන්වීය.
මුල් අවස්ථාවේදීම වරද පිළිගැනීමත්, නැවත එම ගීත ගායනා නොකරන බවට දිවුරුම් ප්රකාශයකින් කරුණු දැක්වීමත්, වන්දි මුදල් ගෙවීම හා වයස සලකා බලා මහේස්ත්රාත්වරයා විසින් එම්.ඩී. ධනුෂ්ක කොන්දේසි සහිත ඇප මත මුදා හැරීමට එසේ නියෝග කළේය.
නිසි අවසරයකින් තොරව එම්.එස්. ප්රනාන්දු මහතාගේ ගීත ගායනා කරන බවට ඔහුගේ පවුලේ සාමාජිකයන් රහස් පොලිසියට කළ පැමිණිල්ලක් මත රහස් පොලිසිය බුද්ධිමය දේපළ පනත යටතේ එම්.ඩී. ධනුෂ්කට එරෙහිව මෙම නඩුව පවරා තිබුණි.
[rns_reactions]
මාධ්යවේදී බෙනට් ෆර්ඩිනැන්ඩස්ගේ මාධ්ය ක්රියාකාරීත්වය පිළිබඳ බරපතළ ගැටලු රැසක් අප හමුවේ තිබේ. ඒ ඔහු විවිධ පාර්ශ්වයන්ගෙන් අල්ලස් ලබා ගනිමින් උතුම් මාධ්ය වෘත්තීය බරපතළ අවභාවිතාවක යෙදීමය.
සාමාන්යයෙන් ඕනෑම වෘත්තිකයෙකු තමන්ගේ වෘත්තියට අදාළ පුද්ගලයකුගේ කුමන වරදක්, අඩුපාඩුවක් තිබුණත් අන්ය පාර්ශ්වයන්ගෙන් ඔහු වෙත එල්ල වන තර්ජන ගර්ජන බාධාවලට එරෙහිව නැගී සිටීම ‘පොදු වෘත්තීය‘ සිරිතකි.
එහෙත් මේ අවස්ථාවේදී වෘත්තීය ගරුත්වය සුරකින ගම්පහ දිස්ත්රික් ජනමාධ්යවේදීන් වන අපට ජෝන් අමරතුංග ඇමතිවරයා කළ සදාචාර විරෝධී ම්ලේච්ඡ ක්රියාව මුල් කොට බෙනට් ෆර්ඩිනැන්ඩස් නම් වන මාධ්යවේදියා වෙනුවෙන් පෙනී සිටීමට කිසිසේත්ම නුපුළුවන. ඊට හේතුව විවිධ පාර්ශ්වයන්ගෙන් ලැබෙන අයථා ලාභ ප්රයෝජන මුල් කොට තම මාධ්ය සගයන් හට අසභ්ය වචනයෙන් බැන වදිමින් සහ ඔවුන් යටපත් කරමින් වනයේ නීතිය අනුව මාධ්යකරණයෙහි නියැලීම ඔහුගේ සාමාන්ය ක්රියා පටිපාටිය වී ඇති බැවිනි. මෙම වීඩියෝවෙන් ඉදිරිපත් වනුයේ ඔහුගේ එම වනචාරී හැසිරීම් රටාවෙන් අංශු මාත්රයක් පමණි
[rns_reactions]
රාජ්ය අමාත්ය ලක්ෂ්මන් යාපා අබේවර්ධනගේ පුත් ඔසඳ යාපා අබේවර්ධන අත්අඩංගුවට ගන්නැයි කොළඹ රථ වාහන මහේස්ත්රාත් අධිකරණය අද වරෙන්තු නිකුත් කළා.
ඒ, නොසැලකිලිමත් ලෙස රිය ධාවනය කිරීමෙන් අනතුරක් සිදු කර යතුරුපැදිකරුවෙකුට තුවාල සිදු කිරීම සම්බන්ධයෙන් වන නඩුවක් විභාගයට ගත් අවස්ථාවේදීයි.
අද දිනයේ ඔසඳ යාපා අබේවර්ධන අධිකරණය හමුවේ පෙනී නොසිටි බැවින් ඔහු අත්අඩංගුවට ගැනීමේ වරෙන්තුව නිකුත් කෙරුණා.
ඉකුත් 2016 වසරේ දෙසැම්බර් මාසයේ කුරුඳුවත්ත ප්රදේශයේ දී මෙම අනතුර සිදුව තිබෙනවා.
[rns_reactions]
ක්රිකට් පාලක මණ්ඩලයේ හිතවත්කම් මත ක්රීඩකයන් තේරීම හේතුවෙන් කිසිඳු තරඟයක් ජය ගැනීමට හැකියාවක් නොමැති බව ශ්රී ලංකා ක්රිකට් කණ්ඩායමේ නායක ඇන්ජලො මැතිව්ස් තරඟ සංචාරයේ යෙදී සිටින මෙරට මාධ්යවේදීන් හමුවේ පවසා ඇත.
තිලංග සුමතිපාලගේ තේරීම මත ක්රීඩකයන් තෝරන නිසා ඇතැම් ක්රීඩකයන් සම්බන්ධයෙන් නැවත් නැවතත් සිතන තැනට පැමිණීමට සිදුවී ඇති බව ඔහු පවසා ඇත.
මේ තත්වය මෙසේ තිබේ නම් තමන් නායකත්වය ගැන තීරණයක් ගන්නා බවත් ක්රිකට් තේරීම් කමිටුවද පාලක මණ්ඩලයට බාරදී ගෙදර යායුතු බව ඔහු පවසා තිබේ.
මේ අතර කණ්ඩායම් කළමණාකරු අසංක ගුරුසිංහ සමග ඇති මතභේදයක් නිසා කණ්ඩායමෙ පුහුණුකරු ග්රැහැම් ෆෝර්ඩ් චැම්පියන්ස් කුසලානය අවසන් වූ වහාම ඉල්ලා අස් වීම භාර දීමට සුදානම් බව වාර්තා වී තිබේ.
ගුරුසිංහ සමග ඇති නොහොද නෝක්කාඩු නිසා ෆෝර්ඩ් ට සහය දක්වා සහ ගුරුසිංහ කළමණාකරු තනතුරෙන් ඉවත් කර ගැනීමට ඇන්ජලො මැතිවුස් ද නායකත්වයෙන් ඉල්ලා අස් වීමට සුදානම් වන අතර ඇන්ජලො නැවත්වීමට් ක්රීකට් ආයතනයෙ පිරිසක් කටයුතු කරන අතර මෙතෙක් එය සාර්ථක වී නැහැ.
[rns_reactions]
කුල ප්රශ්නය හේතුකොටගෙන යාපනයේ දෙමළ වැසියන් කිසිදු රෝහලකට ලේ නොදීම නිසා යාපනයේ ලේ බැංකුවල ඇතිවූ ලේ හිඟයක් නිසා වහාම යුද හමුදාවේ සහාය දෙන්නැයි පොසොන් පොහෝ දින යාපනය ශික්ෂණ රෝහලේ ප්රධානීන් කළ ඉල්ලීමක් මත බස් රථවල නැගී ගිය සෙබළුන් දෙසීයක් ලේ පරිත්යාග කර ඇත.
යාපනය ආරක්ෂක සේනා ආඥාපති මේජර් ජෙනරාල් දර්ශන හෙට්ටිආරච්චි මහතාගෙන් යාපනය ශික්ෂණ රෝහල් ප්රධානීන් කළ ඉල්ලීමක් මත භට පිරිස් එහි යවා තිබෙනවා. බ්රහස්පතින්දා දිනයේදී හමුදා සෙබළුන් ලේ පයින්ට් 170ක්දී ඇති අතර පසුගිය සිකුරාදා (09) සවස් වන විට ලේ පයින්ට් 100ක් ලබාදී ඇත. උතුරේ ජනතාවගේ ජීවිත බේරාගැනීමේ අරමුණින් මෙම ලේ පරිත්යාගයන් කළ බවත් මෙම වසරේ පමණක් දැනට ලේ පයින්ට් දහසක් යාපනේ පිහිටි මහ රෝහල. පේදුරුතුඩුව, තෙලිප්පලේ, චාවාකච්චේරි, පලෙයි, අච්චුවේලි රෝහල් වෙත ලබාදී ඇති බවයි මේජර් ජෙනරාල් දර්ශන හෙට්ටිආරච්චි මහතා පවසන්නේ
හමුදා භට පිරිස් මෙසේ ලේ දන් දීමට නොසිටියා නම් උතුරේ රෝගීන්ට ලේ නොමැතිව දැඩි අර්බුදයක් ඇති වන බව උතුරේ ආරක්ෂක අංශ පෙන්වා දෙනවා.
[rns_reactions]
පාකිස්ථානයට එරෙහි ඊයේ ලද පරාජයට ශ්රී ලංකා කණ්ඩායමේ අතිශය දුර්වල පන්දු රැකීම ප්රබල සාධකයක් විය.
තරඟය පුරාවටම ශ්රී ලංකා කණ්ඩායමේ දුර්වල පන්දු රැකීම ප්රදර්ශණය වූ අතර උඩපන්දු මෙන්ම දුවද්දී දැවීයාම් අවස්ථා ගණනාවක්ද ශ්රී ලංකා කණ්ඩායමෙන් ගිලිහී ගියේය.
පාකිස්ථානු කණ්ඩායම ජයග්රහණය රැගෙන ගිය සෆ්රාස් අහමඩ් තිසර පෙරේරාට ලබාදුන් පහසු උඩපන්දුව අත්හැරීම පිළිබඳ මේ වනට ලොව පුරා ක්රිකට් ලෝලීන් අදහස් දක්වමින් තිබේ.
එහිදී ට්විටර් මගින් අදහස් දැක්වූ අයෙකු සඳහන් කර තිබුණේ තිසර පෙරේරාට පාකිස්ථානු පුරවැසිභාවයද ලබාදිය යුතුය යන්නයි.
කෙසේ වෙතත් ශ්රී ලංකා කණ්ඩායම අතින් ඊයේ උඩපන්දු 3ක් ගිලිහී ගිය අතර එම අවස්ථා තුනෙහිම පන්දු යැව්වේ ලසිත් මාලිංගයි.
තිසර පෙරේරා අතින් ගිලිහුණ උඩපන්දුව පිළිබඳ ට්විටර් මගින් දක්වා තිබූ අදහස් පහතින් නරඹන්න.
[rns_reactions]
පාකිස්තානය හමුවේ ඊයේ (12) ලද පරාජයට ශ්රී ලංකා කණ්ඩායමේ අතිශය දුර්වල පන්දු රැකීම ප්රබල සාධකයක් විය. තරඟය පුරාවටම ශ්රී ලංකා කණ්ඩායමේ දුර්වල පන්දු රැකීම ප්රදර්ශණය වූ අතර උඩපන්දු මෙන්ම දුවද්දී දැවීයාම් අවස්ථා ගණනාවක්ද ශ්රී ලංකා කණ්ඩායමෙන් ගිලිහී ගියා.
පාකිස්තානු කණ්ඩායම ජයග්රහණය රැගෙන ගිය සෆ්රාස් අහමඩ් තිසර පෙරේරාට ලබාදුන් පහසු උඩපන්දුව අත්හැරීම පිළිබඳ මේ වනට ලොව පුරා ක්රිකට් ලෝලීන් අදහස් දක්වමින් තිබේ. තිසර පෙරේරාට ඒ සම්බන්ධයෙන් බොහෝ දෙනකු චෝදනා මුඛයෙන් කතා කරන අයුරුද දක්නට ලැබෙනවා.
කෙසේ වෙතත් අද මෙසේ චෝදනාවට ලක්වන තිසර පෙරේරා 2012 වසරේදී සෆ්රාස් අහමඩ්ද ඇතුළුව කඩුළු ත්රිත්වයක් ලබමින් පකිස්ථානු කණ්ඩායම දුර්වල කරනු ලැබූවේ මෙලෙසිනි.
https://youtu.be/QLp6vg24A-g
[rns_reactions]