Blog

කුමාර සංගක්කාර නැවතත් ක්‍රිකට් පිටියට පැමිණෙනවා නම් ශ්‍රී ලංකා ප්‍රේක්ෂකයන් ඔහු ආදරයෙන් පිළිගන්නට සැදී පැහැදී සිටී.ලහිරු තිරිමාන්න කාලයක් ප්‍රේක්ෂකයන් හැදින්වුවේ මීළඟ සංගක්කාර ලෙසිනි.

සංගක්කාර පිතිහරබයේ යෙදෙන අකාරයටම පිතිහරම්බයේ යෙදෙන කුඩා දරුවෙකු ගැන පසුගිය කාලයේ අසන්නට ලැබුණි.ඔහු ශාරුජන් ශන්මුගනාදන්ය.ශරුගේ පුහුණුකරුවන් පවසන අකාරයට නම් ශාරු සංගාගේ කාබන් කොපියකි.එමෙන්ම ඉරියව් පමණක් නොව දක්ෂතාවයන්ද ඔහුගේ වයසට වඩා මුහුකුරා ගොස් ඇති බව පුහුණුකරුවන්ගේ අදහසයි.

ශාරු තවමත් වයස 11 වන කුඩා ක්‍රීඩකයෙකු වන අතර,ඔහු ccc පාසලේ අන්තර් නිවාස ක්‍රිකට් තරඟාවලියේ හොඳම පිතිකරු හොඳම පන්දු යවන්නා සහ අවසන් තරඟයේ වීරයා සම්මන ලබාගෙන ඇත්තේ 2013 වයස 10 පහල වයස් කාන්ඩයේය.එමෙන්ම CCC පාසැල නියෝජනය කරමින් බැංගලෝරයේ පැවති තරඟාවලියකට සහභාගී වී ඇති ශාරු එහිදී තරඟාවලියේ වීරයා සම්මානයෙන් පිදුම් ලබා ඇත.

තවමත් සංගලා මහේලලා එනකන් බලා සිටින ශ්‍රී ලංකා ක්‍රිකට් ප්‍රේක්‍ෂකයන්ට ශාරු හොඳ උත්තේජනයක් වනු ඇත.

[rns_reactions]

ඉන්දියාවට පන්නා පන්නා ගහපු සුපිරි ගැහිල්ලත් එක්ක ලංකාවේ ක්‍රිකට් පිස්සෝ ටික මේ දවස් ටිකේ නම් ඉන්නේ සතුටෙන්.මේ ජයත් එක්කම ශ්‍රී ලංකා කණ්ඩායම ශූරයින්ගේ කුසලානයේදී පෙරළිකාර දෙයක් කරාවි කියලා බොහෝ දෙනා සිතමින් ඉන්නවා.

ක්‍රිකට් පිස්සෝ ගැන කතා කරද්දි ජමීල් හසන් ගැන නොකියම බෑ..කවුද මේ ජීම්ල් හසන්?

ඊයේ (09) මෙරට සමාජ ජාල වෙබ් අඩවි වල, එදා තරඟය අතරතුර ලංකාවට චියර් කරන තරුණයෙකුගේ වීඩියෝවක් අතිශය ජනප්‍රියත්වයට පත්වුණා.ඒ තරුණයා තමයි ජමීල් හසන්.

ජමීල් ක්‍රිකට් පිස්සෙක්.ක්‍රිකට් පිස්සෙක්ටත් වඩා ජමීල් ලංකාවේ ක්‍රිකට් රසිකයෙක්..පාකිස්ථානුවෙකු වෙලත් ජමීල් ලංකාවේ ක්‍රිකට් වලට මෙතරම් ආදරය කරන්නේ ඇයි? ඒ ගැන දැනගන්න අපි ජමීල්ව පුංචි කතාබහකට එකතු කර ගත්තා.

‘‘මම ලංකාවට සපෝට් කරන්නේ පොඩි කාලේ ඉඳන්මයි.මම ලංකාවට නිතර එනවා යනවා. ගිය අවුරුද්දේ මාර්තු වල තමයි අන්තිමට ආවේ.‘‘කියලා ජමීල් කියනවා.

ජීමීල් ලංකාවේ ක්‍රිකට් වල මෙතරම් රසිකයෙක් වුනේ කොහොමද?ඒ කවුරුන් නිසාද?කැමති ක්‍රීඩකයෙක් ඉන්නවද කියලත් අපි ජමීල්ගෙන් ඇහුවා.ඒකට ජමීල් දුන්නේ මෙන්න මේ වගේ උත්තරයක්.

‘මම මහේලට පොඩි කාලේ ඉඳන්ම කැමතියි.. මහේල නිසා තමයි මම ශ්‍රී ලංකා ක්‍රිකට් වල මෙච්චර ලොකු රසිකයෙක් වුනේ‘

ඒ විතරක් නෙමෙයි ලංකාව හා පකිස්ථානය අතර තරඟයක් තිබුණොත් ඒ තරඟයේදීත් ඔහු චියර් කරන්නේ ලංකාවට කියලා ජමීල් කියනවා.

‘‘ලංකාවයි පාකිස්තානයයි අතර තරඟයක් තියෙනවනම් මම අනිවාර්යෙයන් ආපහු ලංකාවට එනවා.ඒ තරඟයෙදීත් මම චියර් කරන්නේ ලංකාවට…මම මැරෙනකන්ම ලංකාවේ ක්‍රිකට් රසිකයෙක්‘‘ කියලා අවසාන වශයෙන් ජමීල් අපි එක්ක කිව්වා

[rns_reactions]

11 වැනි එක්‌දින ක්‍රිකට්‌ අර්ධ ශතකය වාර්තා කරමින් ඉන්දියානුවන්ට එරෙහිව තරගයේ වීරයා වූ කුසල් මෙන්ඩිස්‌ වෙනත් රටවල් සමඟ ක්‍රීඩා කළාට වැඩි පීඩනයක්‌ මෙම තරගයේදී ලැබූ බව තරගයෙන් පසුව පවසා සිටියේය.

”ඇත්තටම මම ඉන්දියාවත් එක්‌ක ක්‍රීඩා කළ පළමු වතාව මේක. වෙන කණ්‌ඩායම් වගේ නෙවෙයි ඔවුන්. පිට්‌ටනිය මැදදි එක එක දේවල් කියල බණිනවා. නමුත් ඒ ගැන මම දැනගෙන තමයි ක්‍රීඩා කළේ. ටික වෙලාවක්‌ කඩුල්ලේ ඉන්න කොට ධනුෂ්ක අයියත් කිව්ව අපිට ලකුණු තියෙනවා ඉඳල ගහන්න කියලා.”

කෙසේ වෙතත් තමා පන්දුවට පහරදීමට පැමිණි අවස්‌ථාවේ ලකුණු ලබා ගැනීම පීඩනයක්‌ වූ බවද මෙන්ඩිස්‌ පවසයි., ”මට ගිය වෙලාවෙ ඉඳල ලකුණු ගන්න ටිකක්‌ අමාරු වුණා. නමුත් මට පුලුවන් තරම් කඩුල්ලේ ඉන්න කියන උපදෙස තමයි ඒ වෙලාවෙ ලැබුණෙ. මේ තරගයේදී මම ලොකු අත්දැකීමක්‌ ලැබුවා. මොකද අපිට කඩුල්ලේ රැඳී සිටියොත් ඕනම ගාණක්‌ ගහන්න පුලුවන් කියන විශ්වාසය ඇති වුණා.”

මහත්මා ක්‍රිකට් ක්‍රීඩාව කෙලෙසන ක්‍රියාවන් ඉන්දියාව කල පළමු අවස්ථාව මෙය නොවේ.මවුන්ගේ මෙවැනි ක්‍රියාවන් නතර කිරීමට කල හැකි එකම දෙයනම් ඔවුන් ක්‍රිකට් ක්‍රීඩාවෙන් පරාජය කිරීමයි.මන්ද ඔවුන්ගේ මුදල් බලය හමුවේ ඉන්දියාවට බලපෑමක් කිරීමට ICC යද ඉදිරි පත් නොවන නිසාවෙනි.

[rns_reactions]

ශ්‍රී ලංකා වේගපන්දු යවන ක්‍රීඩක චමින්ද වාස් විසින් මීට වසර 16 කට පෙර පිහිටවා තිබු හොඳම පන්දු යැවීමේ වාර්තාව ඇෆ්ගන් පා දඟ පන්දු යවන ක්‍රීඩක රෂීඩ් ඛාන්ට බිද දැමීමේ අවසථාව ඊයේ කොදෙව් කණ්ඩායම සමග පැවති තරඟයේදී එක ලකුණකින් සහ එක කඩුල්ලකින් මඟ හැරී ගියේය.

වාස් ලකුණු 17 කට කඩුලු 8 ක් බිඳ දමා තිබු අතර රෂීඩ් ඊයේ ලකුණු 18 කට කඩුලු 7ක් දවා ගැනීමට සමත් විය.

එක්දින හොඳම පන්දු යැවීමේ වාර්තා..

T20 තරඟාවලිය 3-0 ලෙස සමත්ප වූ අතර රාජය වීමෙන් පසුව එක්දින තරඟාවලියට පැමිණි ඇෆ්ගනිස්ථාන කණ්ඩායම කොදෙව් කණ්ඩායම කණ්ඩායම පළමු එක්දින තරඟයේදීම පරාජයට පත් කිරීමට සමත් වුනේ ලකුණු 63 කිනි.

ඇෆ්ගනිස්ථානය තම පන්දුවාර 50 තුල ලකුණු 212 කට සීමා කිරීමට කොදෙව් පන්දු යවන්නන් සමත් වූ අතර ආරම්භක පිතිකරු ජාවෙඩ් අහමඩි ලකුණු 82 ක් ලබා ගැනීමට සමත් විය.

ලකුණු 213 ක ජයග්‍රාහී ඉලක්කය හඹා යාමට පිටියට පැමිණි කොදෙව් පිතිකරුවන්ට සාර්ථක වීමේ අවසථාවක් ලබා නොදුන් ඇෆ්ගන් පන්දු යවන්නන් කොදෙව් පිතිකරුවන් දවා ගත්තේ ලකුණු 149 ක් තුළදීය.සුපිරි පන්දු යැවීමක් නිරත වූ රෂීඩ් ඛාන් කොදෙව් කඩුලු 7ක් දවාගැනීමට සමත් වුනේ ලකුණු 18ක් තුළදීය.

[rns_reactions]

ඔහු ක්‍රීඩා පිටියට පිවිසෙන්නේ ශ්‍රී ලංකා කණ්ඩායමට ජයග්‍රහණය වෙනුවෙන් පන්දු 42ක් තුල දී ලකුණු 51ක් අවශ්‍ය වුන වටපිටාවක් තුලයි. ඒ වන විට අනෙක් අන්තයේ රැඳී සිටි නායක ඇන්ජෙලෝ මැතිව්ස් ඉන්දියානුවන්ගෙන් ජයග්‍රහණය පැහැර ගැනීම සඳහා දැවැන්ත සටනක නියැලී සිටියේය.

ජාත්‍යන්තර තරගයක දී මුල් වරට ප්‍රතිවාදීන් මැඩලීම වෙනුවෙන් එකට එක්වුණු මේ දෙදෙනා පහසුවෙන්ම අදාළ ඉලක්කය පසුකර යමින් ශ්‍රී ලංකා ප්‍රේක්ෂකයින් ප්‍රීතියෙන් පිනවීය.

“අවාසනාවන්ත ලෙස කුසල් පෙරේරාට පිටිය හැර යන්නට සිදුවුනත් අපිට තවත් කඩුලු ඉතිරිව තිබුණා. ඇන්ජෙලෝ මට කලබල නොවී තරගය නිමාවන තුරුම පිටියේ රැඳී සිටින ලෙසත්, මාගේ සාමාන්‍යය පිතිකරණ ශෛලියෙන් ක්‍රීඩා කරන ලෙසත් ඉල්ලීමක් කලා. පිතිකරුවෙකු ලෙස ඊයේ දිනයේ සාර්ථක වෙන්න ඇන්ජෙලෝගෙනුත් මට හිමිවුනේ ලොකු සහයෝගයක්.” අසේල තරගයෙන් අනතුරුව පවසා සිටියේය.

තරගයක දී ඇති වන ඕනෑම පීඩනය සහිත තත්ත්වයක් යටතේ සන්සුන්ව සිටීමට හපන්කම් දක්වන මැතිව්ස් තවමත් ජාත්‍යන්තර අත්දැකීම් හිඟ අසේල ගුණරත්නට වැඩි සහයෝගයක්  ලබා දෙනු තරගයේ අවසන් කොටසේ දී දැක ගන්නට ලැබුණු අතර අසේල ලොව හොඳම තීරණාත්මක ඕවරවල දී පන්දු යවන්නෙකු (Death bowler) වශයෙන් සැලකෙන ජස්ප්‍රිට් බුම්රාහ් ඔහු වෙත යැවූ පළමු පන්දුවටම මනරම් හයේ පහරක් එල්ල කිරීමට ද සමත්කම් දැක්වීය.

බුම්රාහ්ගේ සුරතින් ගිලිහී පැයට කිලෝමීටර් 138ක වේගයෙන් පැමිණි පන්දුව තණතිල්ල මත දණහිස තබා කිසිදු චකිතයකින් තොරව පිළිගත් මෙම යුධ හමුදා ක්‍රීඩකයා එය ඩීප් ස්ක්වෙයාර්-ලෙග් කලාපයට ඉහළින් යොමු කළේ තරගයේ එල්ල වුන සුපිරිතම පහර සටහන් කරමිනි. ලොව ඇති ඕනෑම ක්‍රීඩාංගණයක හයේ පහරක් වීමට සුදුසුකම් ඇති එම පහර මීටර් 94ක දිගකින් යුක්ත විය. එතකින් නොනැවතුනු අසේල පන්දු 21ක් තුල දී නොදැවී ලකුණු 34ක් රැස්කර ගනිමින් 161.90ක දැවැන්ත ප්‍රහාරාත්මක වේගයක් රඳවා ගනිමින් ශ්‍රී ලංකා පිළේ ඓතිහාසික හඹායෑමක කොටස් කරුවෙකු බවට පත්විය.

“අයි.පී.එල්. වල දී මට කිසිම තරගයක් ක්‍රීඩා කිරීමට නොහැකි වුනත් මං පුහුණුවීම් අතරතුරේ දි බුම්රාහ් සහ පාණ්ඩ්‍යා යන දෙදෙනාටම මුහුණ දුන්නා. ඒ හින්දා ඔවුන් මොන විදිහෙ පන්දු එවාවි ද කියලා හොඳ අවබෝධයකින් හිටියේ. ඒක මට එම පහර එල්ල කිරීමටත්, ඉනිම ගොඩනැගීමටත් වැදගත් වුනා. මාලිංගත් මට බුම්රාහ් පන්දු යැවීමේ දී කරන වෙනස්කම් ගැන කියා දුන්නා. ඒ නිසා මට විශාල පහරවල් වලට යෑමේ දී චකිතයක් ඇති වුනේ නැහැ.” අසේල කියා සිටියි.

මීට මාස දෙකකට පමණ පෙරාතුව අසේල ප්‍රබල ඕස්ට්‍රේලියානුවන්ට එරෙහිව ඔවුන්ගේ ජන්ම භූමියේ දී ම ලකුණු 84ක විශිෂ්ට ඉනිමක් ක්‍රීඩා කළ අතර ඒ නිසාම ශ්‍රී ලංකා කණ්ඩායමට විස්සයි විස්ස තරගාවලි ජයග්‍රහණයක් ද හිමි විය. ඉන් දිනක් ගෙවී යද්දී අයි.පී.එල්. තරගාවලියේ පොහොසත්ම කණ්ඩායමක් වන මුම්බායි ඉන්දියන්ස් පිළ ඔහුව මිල දී ගත්තේය. එහිදී ඔහුට මුම්බායි ඉන්දියන්ස් කණ්ඩායමට ක්‍රීඩා කිරීමට නොහැකි වුවත් ශූරතාවය දිනා ගත් කණ්ඩායමේ කොටස්කරුවකු බවට පත්වීමට ඔහුට අවස්ථාව උදාවිය.

මැතිව්ස් සහ අසේල යන දෙදෙනාම දැන් ශ්‍රී ලංකා මැදපෙළ ශක්තිමත් කරන නිසා දැන් ශ්‍රී ලංකා සිංහ පෝතකයින්ට ඕනෑම අවස්ථාවක දී ම තරගයක් ජයග්‍රහණයකින් කෙළවර කිරීමට හැකි ආකාරයේ තරග නිමා කරන්නන් දෙදෙනෙකුම හිමි වී තිබේ. “මං තරමක් සෙමින් ඉනිම ආරම්භ කරලා මට හොඳ යැයි හැඟෙන අවස්ථාවේ දි ප්‍රහාරය දියත් කළා. ජයග්‍රහණය වෙනුවෙන් පන්දුවාරයකට ලකුණු 7.5ක් පමණ අවශ්‍ය වූ නිසා මට ලොකු පහරවල්වලට යාම හැර වෙන විකල්පයක් තිබුණේ නැහැ. ඔව්, මට අවසානය දක්වා පිටියේ රැඳී සිටිමින් තරගයක් කෙළවර කිරීමට හැකියාවක් තිබෙනවා.” අසේල ගුණරත්න වැඩිදුරටත් පවසා සිටියේය.

මේ වන විට 31 වැනි වියේ පසුවන අසේල ගුණරත්න තම ක්‍රීඩා දිවිය ශ්‍රී රාහුල විද්‍යාලයේ දී අරඹන්නේ ලංකාවට ටෙස්ට් තත්ත්වය හිමිවීමටත් පෙර ශ්‍රී ලංකා කණ්ඩායමට ක්‍රීඩා කළ ඕබ්‍රි කුරුප්පුගේ අධීක්ෂණය යටතේයි. අසේල 2008 වසරේ දී තම පළමු පෙළ ක්‍රිකට් දිවිය ආරම්භ කළ අතර 2016 දී ජාත්‍යන්තර වරම් හිමිවීමට පෙරාතුව සීක්කුගේ ප්‍රසන්න, අජන්ත මෙන්ඩිස් වැනි ක්‍රීඩකයින් සමඟ ශ්‍රී ලංකා යුධ හමුදා ක්‍රීඩා සමාජයේ එකට ක්‍රීඩා කළේය.

“අසේල හොඳ ක්‍රීඩකයෙක්, ඒ වගේම වැදගත්ම දේ තමයි ඔහු තමන්ගේ හැකියාවන් පිළිබඳව තබන විශ්වාසය. පාසල් කාලයේ දී ඔහු අංක 4 පිතිකරු ලෙසින් වගේම මද වේග පන්දු යවන්නෙකු ලෙසත් දක්ෂතා දැක්වූවා. මේ වන විට ඔහුට කටර් පන්දු යැවීමටත් හැකියි. අද වන විට මට දකින්න ලැබෙන්නේ ඔහු මේ දක්වා ආ ගමන් මගේ කළ කැපකිරීම් සහ වෙහෙසවීම් වල අනර්ඝ ප්‍රතිඵලයයි.” තම අතීත ශිෂ්‍යයා පිළිබඳ මතකය ආවර්ජනය කරමින් ඕබ්‍රි කුරුප්පු මහතා පවසා සිටියි.

[rns_reactions]