මුල්ලිවයික්කාල් ප්රදේශයේ අද (18) පැවැත්වීමට නියමිත මිය ගිය එල්.ටී.ටී.ඊ. සාමාජිකයින් සැමරීමේ උත්සවය එම ස්ථානයේ පැවැත්වීම තහනම් කරමින් මුලතිව් මහේස්ත්රාත් අධිකරණය තහනම් නියෝගයක් ලබා දී තිබෙනවා.
ඒ අනූව අදාළ උත්සවය එම වෙරළ තීරයේ නොපවත්වා එය ආසන්නයේ ඇති දේවස්ථානයේ පවත්වන ලෙසයි අධිකරණය නියෝග කර ඇත්තේ.
ජාතික ආරක්ෂාව සම්බන්ධයෙන් පොලිසිය ඉදිරිපත් කළ කරුණු සලකා බලමින් අධිකරණය මෙම නියෝගය නිකුත් කර තිබෙනවා.
යුද්ධයෙන් මිය ගිය දෙමළ ජනතාව සිහි කරමින් සංවිධාන කරන ප්රධාන සැමරුම් වැඩසටහන මුලතිව් මුල්ලිවයික්කාල් වෙරළ තීරයේදී අද පැවැත්වීට සූදානම් කර තිබෙන්නේ උතුරු පළාත් ප්රධාන අමාත්ය සී.වී. විග්නේෂ්වරන්ගේ ප්රධානත්වයෙන්.
මීට සමගාමීව මිය ගිය දෙමළ ජනතාව සිහිපත් කරමින් මුල්ලිවයික්කාල් වෙරළ තීරයේ යුධ ස්මාරකයක් ඉදි කිරීම ආරම්භ කිරීමට ද නියමිත බවයි වාර්තා වන්නේ.
අද පෙරවරු 9.30 ට සමරුම් වැඩසටහන ආරම්භ කිරීමට සූදානම් කර තිබෙන බව උතුරු පළාත් සභා මන්ත්රි එම්.කේ සිවාජිලිංගම් සඳහන් කරයි. යුද්ධයෙන් මිය ගිය දෙමළ ජනතාවගේ නම් ගල් පුවරු 500 ක සටහන් කර එයින් සැමරුමක් ඉදි කිරීමටද සැළසුම් කර තිබෙනවා.
[rns_reactions]
මේ ලෝකේ විවිධ පුද්ගලයින් එක එක විදියට ආදරය හොයාගෙන යනවා. ඒ ආදරේ නිසා ජීවිතේ ජයගන්න මිනිස්සු වගේම ජීවිතේ නැතිකරගන්න අයත් ඉන්නවා.
තරුණ කාලයේදී මේ ආදරේ ගැන ප්රශ්න ගොඩ දෙනෙකුට තියෙනවා. ඒ නිසාම දැනුවත්ව හෝ නොදැනුවත්ව ඔවුන් ගන්න සමහර හිතුවක්කාර තීරණ නිසා ජීවිත කාලේම දුක් විඳින්නේ ඔවුන් විතරක් නෙවෙයි. තමන්ගේ දෙමාපියන් වගේම ඔහුට ආදරේ කරපු හැමෝම මේ හින්දා පසු තැවෙනවා.
ඒ විදියට තමන් ආදරේ කරපු පෙම්වතිය බය කරන්න හිතාගෙන වස පානය කරපු තරුණයෙන් අවාසනාවන්ත විදියට මියගිය පුවතක් ගැන අපිට අහන්න ලැබුණා. ගෙදර හිටපු එකම පුතා තමයි ඔහු. අම්මා තාත්තගේ ආදරේ එක්ක හැදුණේ ඉගෙනීමටත් උපන් හපන්කම් දක්වමින්.
අපොස සාපෙල වගේම උසස්පෙලත් ඉහළින්ම සමත්වෙලා තිබුණු මේ තරුණයා පහුගිය දවසක තමන්ගේ පෙම්වතිය බය කරන්න හිතලා ඒ ගැන යාලුවොත් එක්ක සැලැස්මක් හැදුවා. හැබැයි මේ වැඩේ කලේ විහිළුවකට නෙවෙයි, පෙම්වතිය එක්ක තිබුණු ප්රශ්නයක් හින්දා ඒක විසඳගන්න හිතාගෙන කියලා තමයි ඔහුගේ ළඟම මිතුරෙක් අපිට කීවේ.
ඒ විදියට වැඩේ සැලසුම් කරලා වහ ටිකක් කටට දාගත්තේ මැරෙන්න හිතාගෙන නෙවෙයි, හැබැයි ඔහු දන්නෙම නැතිව ඒක ඔහුට විෂ වුණා.
“ඉක්මනට යමන් ඉශාරයෝ මට ටිකක් අමාරුයි කියලා” ඔහු මිතුරෙකුට කීවේ තමන් රෝහලට අරන් යන වෙලාවේ. කොණ්ඩෙත් හද හද එහෙම ගියපු තරුණයා අන්තිමේදී පෙම්වතියට බය කරන්න බීම වස නිසා මේ ලෝකේ දාලා ගියා.
කොහොම හරි අන්තිමේදී තමන්ව උස් මහත් කරලා අමාරුවෙන් හදපු අම්මා තාත්තට මේ තරුණයා නිසා හිමිවුනේ කඳුලු විතරයි. ආදරේ කියලා මේ වගේ හිතුවක්කාර තීරණ ගන්න කලින් දෙපාරක් හිතුවානම් අර අහිසංක අම්මා තාත්තා අදටත් හිනාවෙලා ඉන්නවා.
[rns_reactions]
රටේ සිංහල බෞද්ධ ජනතාවට තමා පිළිබඳ විශ්වාසයක් ඇති බව ජාතික සහජීවනය,සංවාද හා රාජ්ය භාෂා අමාත්ය මනෝ ගනේෂන් මහතා පැවසීය.
බොදු බල සේනා සංවිධානයේ ප්රධාන ලේකම් පූජ්ය ගලගොඩඅත්තේ ඥානසාර හිමියන් ඇතුළු භික්ෂූන් වහන්සේලා පිරිසක් අද පෙරවරුවේ අමාත්යවරයා හමු අවස්ථාවේදී ඔහු මේ බව පවසා සිටියේය.
මෙරටේ ජාතික සහජීවනය මෙන්ම සංහිඳියාව ඇති කිරීම පිළිබඳව දීර්ඝ ලෙස මෙමහිදී සාකච්ඡාවූ බව පැවසූ අමත්යවරයාවැඩිදුරටත් මෙසේද පැවසීය
බෞද්ධ නොවන මම බෞද්ධයෝ ගැන හොයලා බලනවා. සිංහල ජනතාව අතර ඉන්න ඔවුන් පිළිබඳ හොයලා බලන දමිළ ඇමතිවරයෙක් මම. ඒගැන මට අමුතුවෙන් කියන්න අවශ්ය නැහැ. මේ රටේ කිසිම පුද්ගලයෙකුට ජාතියක් නිසාවෙන් අසාධාරණයක් නොවීමට වගබලාගැනීම මගේ වගකීමක්.
[rns_reactions]
දැන් පැවැත්වෙන සයිටම් විරෝධී පාගමන වළක්වන ලෙස පෑලියගොඩ පොලිසිය අධිකරණයෙන් කළ ඉල්ලීම ප්රතික්ෂේප කළ කොළඹ අතිරේක මහේස්ත්රාත් ශානිමා විජේබණ්ඩාර මහත්මිය එම සිසුන් නීති විරෝධීව හැසිරෙන්නේ නම් පොලිස් බලතල පාවිච්චි කරන ලෙස පොලිසියට උපදෙස් දුන්නාය.
[rns_reactions]
කොළඹ කොටුවේ සිට පැමිණි සයිටම් විරෝධීන් වන අන්තර් විශ්ව විද්යාල ශිෂ්ය බල මණ්ඩලය ඇතුළු පිරිස පුරහල දෙසට පැමිණීමත් සමගින් පුරහල ඉදිරිපිට මාර්ගය මාර්ග බාධක යොදා වසා දමන ලදි.
පුරහල ඉදිරිපිට පොලිස් කැරලි මර්දන රථ නවතා ඇති අතර කොළඹ නියෝජ්ය පොලිස්පතිවරයා විරෝධතාකරුවන්ට උසාවි නියෝගයක් පෙන්වූවේය.
එක් මංතීරුවක කැරලි මර්දන රථ නවතා තිබූ අතර නියෝජ්ය පොලිස්පතිවරයාගේ පෙන්වූ උසාවි නියෝගය නොසලකා කැරලි මර්දන රථ මගහරිමින් පුරහල දෙසට ගමන් කිරීමට විරෝධතා කරුවෝ උත්සාහ ගත්හ.
ඉන්පසු පොලිසිය කඳුලු ගෑස් ප්රහාර එල්ල කළ අතර විරෝධතාකරුවෝ විහාර මහා දේවී උද්යානය තුළට පැනගත්හ.
පොලිසිය මේ වන විට විහාර මහා දේවි උද්යානය තුළටද කඳුළු ගෑස් ප්රහාර එල්ල කරමින් සිටී. උද්යානයේ සිටි සාමාන්ය ජනතාවද කඳුළු ගෑස් වැදීමෙන් අපහසුතාවට පත්ව සිටිති.
[rns_reactions]
සයිටම් ජන සතු කරන ලෙස බලකරමින් අන්තර් විශ්ව විද්යාල ශිෂ්ය බල මණ්ඩලය සංවිධානය කරන විරෝධතාව පස්වරු 2.00ට පමණ කොටුව දුම්රියපළ ඉදිරිපිටින් ආරම්භ වීමට නියමිතය.
පෙළපාලි පැවැත්විම සහ පා ගමන් තහනම් කරමින් කොළඹ ප්රධාන මහේස්ත්රාත් අධිකරණයෙක් අහඟහරුවාදා (16) තහනම් නියෝග නිකුත් කර තිබියදීත් අන්තර් විශ්ව විද්යාල ශිෂ්ය බලමණ්ඩල සහ වෛද්ය ශිෂ්ය ක්රියාකාරී කම්ටු සාමාජිකයෝ සහ පෙරටුගාමි පක්ෂයේ සාමාජිකයින් 200 පමණ සයිටම් විරෝධි පා ගමන යාම සඳහා කොටුව දුම්රිය ස්ථානයට පැමිණ සිටිති.
[rns_reactions]
ශ්රී ලංකා සුපිරි පිතිකරු කුමාර සංගක්කාර ජාත්යන්තර ක්රිකට් පිටියෙන් සමු ගත්තද ඔහුගේ දක්ෂතා සහ ඔහුගේ නම වෙනදාටත් වඩා ක්රිකට් ලෝකයේ මේ දිනවල අසන්නට ලැබේ.
එංගලන්ත ප්රාන්ත තරඟාවලියේ සරේ ප්රාන්තය වෙනුවෙන් සුපිරි දක්ෂතා පෙන්වන සංගා,ඉදිරි අගෝස්තු මාසයේ ඇමරිකාවේ T20 තරඟ දෙකකට ක්රීඩා කිරීමට නියමිතය.
කැරිබියන් ප්රිමියර් ලීග් තරඟ මාලාවේ Jamaica Tallawahs කණ්ඩායම නියෝජනය කරන සංගක්කාර එලබෙන අගෝස්තු 5 සහ 6 දිනවල මෙම තරඟ පැවැත්වීමට නියමතය.
මෙම තරඟ සම්බන්දෙන් අදහස් දක්වන සංගා,
“ඇත්තටම ඇමරිකාවේ ක්රීඩාකරන එක හොඳ අත්දැකීමක්,එහෙ තියෙන්නේ ගොඩක් ලකුණු තියන තණතිලි ඒ වගේම මම ලොකු ප්රේක්ෂක ප්රතිචාරයක් තියනවා ක්රිකට් වලට,මම ඇමරිකාවේ අන්තිම වරට ක්රීඩා කරපු ඕල්ස්ටාර් තරඟවලියෙදිත් ලොකු අත්දැකීමක් ලැබුවා,ඒ වගේම මේ දවස් දෙකත් හොඳ අත්දැකීමක් වේවි අපිට.’
[rns_reactions]
අයි. පී. එල්. ක්රිකට් තරගාවලියේ මුම්බායිහිදී පැවැති අවසන් මහ තරගයට සුදුසුකම් ලබාගැනීමේ පළමු තරගයෙන් මුම්බායි ඉන්දියන්ස් පිලට එරෙහිව ලකුණු 20 ක ජයක් හිමිකරගත් ස්ටීවන් ස්මිත් මෙහෙයවන රයිසින් පූනේ සුපර්ජයන්ට්ස් පිල අවසන් මහා තරගයට සුදුසුකම් ලබාගැනීමට සමත්විය.
ජයග්රහණය සදහා ලකුණු 163 ක ඉලක්කයක් හඹාගිය මුම්බායි ඉන්දියන්ස් පිලට ඕවර 20 අවසානයේදී කඩුලු 9 ක් දැවී රැස්කිරීමට හැකිවූයේ ලකුණු 142 ක් පමණි.
හුදකලා සටනක නිරතවූ ආරම්භක පිතිකරු පාර්තිව් පටෙල්ට අනෙක් පිතිකරුවන්ගෙන් නිසි සහයෝගයක් නොලැබීම හේතුවෙන් පරාජය වැළඳ ගැනීමට මුම්බායි ඉන්දියන්ස් පිලට සිදුවිය. පන්දු 43 කදී හයේ පහර තුනක් සහ හතරේ පහර තුනක් සමගින් ලකුණු 52 ක් රැස්කිරීමට පාර්තිව් පටෙල් සමත්විය.
වොෂිංටන් සුන්දර් විශිෂ්ට පන්දු යැවීමක නිරත වෙමින් ඕවර 4 කදී ලකුණු 16 කට මුල්පෙළ පිතිකරුවන් තිදෙනෙකු දවාගැනීමට සමත්විය. ශාර්දුල් ඨාකූර්ට ඕවර 4 ක් යවමින් ලකුණු 37 කට කඩුලු තුනක් දවාගැනීමට සමත්විය.
පළමුවෙන් පන්දුවට පහරදුන් රයිසින් පූනේ සුපර්ජයන්ට්ස් කණ්ඩායම ඕවර 20 අවසානයේ කඩුලු 4 ක් දැවී ලකුණු 162 ක් ලබාගත්තේය.
ලකුණු 9 කට කඩුලු 2 ක් බිඳ වැටී පූනේ කණ්ඩායම අසරණ තත්ත්වයට පත්ව තිබූ අවස්ථාවේ ආරම්භක පිතිකරු අජින්ක්යා රහනේ (56) සමග එක්ව තෙවැනි කඩුල්ල වෙනුවෙන් පන්දු 65 කදී ලකුණු 80 ක සම්බන්ධතාවක් ගොඩනැගූ මනෝජ් තිවාරි (58) සිය කණ්ඩායම ඉහළට ඔසවා තැබීය.
පන්දු 43 කදී වාර්තා වූ රහනේගේ අර්ධ ශතකයට හයේ පහරක් සහ හතරේ පහර 5 ක් ඇතුළත් වූ අතර පන්දු 48 කදී වාර්තා වූ අර්ධ ශතකයට හයේ පහර 2 ක් සහ හතරේ පහර 4 ක් අන්තර්ගත විය.
පූනේ ඉනිමේ අවසන් ඕවර කිහිපයේදී තරඟයේ රටාව වෙනස් කරමින් වේගවත් පිතිහරඹයක නිතර වූ මහේන්ද්ර සිං දෝනි පන්දු 26 කදී නොදැවී ලකුණු 40 ක් රැස්කළේ හයේ පහර 5 ක් සමගිනි.
මෙම තරඟයේදී ලසිත් මාලිංග විසින් පන්දුවාර 3 ක් පමණක් යවමින් ලකුණු 14 කට නායක ස්මිත්ගේ කඩුල්ල දවාගැනීමට සමත්විය.
පුනේ ඉනිමේ 19 වන පන්දුවාරය යැවූ මිචෙල් මක්ල්රගන් ලබාදුන් ලකුණු 26 තරඟයේ තීරණයට ඍජු වම බලපෑමක් විය.
කොල්කටා සහ සංරයිසස් අතර තරඟයේ ජය ලබන කණ්ඩායම මුම්බායි සමඟ තරඟ වැදීමෙන් අනතුරුව පුනේ කණ්ඩායමේ අවසන් තරඟයේ ප්රතිවාදියා තීරණය වනු ඇත.
[rns_reactions]
මෙරට සමස්ත ජනගහනයෙන් පොහොසත්ම 10%ට අයත් පිරිස සමස්ත ආදායමෙන් 38%ක් ලබන බවත් දුප්පත්ම 20%ට හිමි වී ඇත්තේ සමස්ත ආදායමෙන් 4.5%ක් පමණ බවත් ශ්රී ලංකා මහ බැංකුව 2016 වසර සඳහා නිකුත් කළ නවතම වාර්තාවෙන් අනාවරණය වෙයි.
එම තොරතුරු අනාවරණය කොට ඇත්තේ 2012-2013 කාලයට අදාළවය. එමෙන්ම සමස්ත ජනගහනයෙන් 70%ක් තරම් බහුතර පිරිසකගේ ආදායම සමස්ත ආදායමෙන් 34.5%ක අගයක් ගන්නා බවද එමඟින් හෙළි කොට තිබේ.
කෙසේ වෙතත් ඊට පෙර වසර කිහිපයක් හා සස¼දා බැලීමේදී දශම කිහිපයකින් පමණ ආදායම් පරතරය අවම වී ඇති බවද හෙළි වෙයි.
[rns_reactions]
ජනාධිපතිවරයා කැබිනට් සංශෝධනයට පෙර අවසන් කැබිනට් රැස්වීම කැඳවා ඇත්තේ අගමැතිවරයා සමග කැබිනට් සංශෝධනය පිළිබඳ එකඟතාවයකට පැමිණීමට හැකිවූ බැවින් හා අමාත්යංශවල කටයුතු අවසන් කරන ලෙස අමාත්යවරුන්ට උපදෙස් ලබා දීමටත් බව ජනාධිපති කාර්යාල ආරංචි මාර්ග පවසයි.
ඉදිරි කැබිනට් සංශෝධනයේදී අමාත්ය සාගල රත්නායක මහතාට විදෙස් කටයුතු අමාත්යංශය ලබා දීමටත් ජනාධිපතිවරයා හා අගමැතිවරයා ගනු ලැබූ තීරණයට ශ්රී ලංකා නිදහස් පක්ෂයෙන් දැඩි විරෝධයක් එල්ල වී තිබේ.
ශ්රීලනිප අමාත්යවරුන් පෙන්වා දී ඇත්තේ විදේශ කටයුතු අමාත්යංශයෙන් මංගල සමරවීර මහතා ඉවත් කරනවා නම් එය මහින්ද සමරසිංහ මහතාට ලබා දිය යුතු බවයි. ශ්රී ලංකාවේ විදෙස් ප්රතිපත්තිය හා එකඟ නොවන ප්රතිපත්ති සඳහා සහය දැක්වීමට මංගල සමරවීර මහතා කටයුතු කිරීම ඔහුව ඉවත් කිරීමට හේතුව බවත් එහෙත් ඔහුගේ විදෙස් සබඳතා ශක්තිමත් බවත් එවැනි ශක්තිමත් විදෙස් සබඳතාවයක් ගොඩ නැගිය හැකි වෙනත් පුද්ගලයෙක් වේ නම් ඒ මහින්ද සමරසිංහ මහතා බවත් ඔවුන් ජනාධිපතිවරයාට පෙන්වා දී ඇත. රවී කරුණානායක මහතාට වරාය අමාත්යංශය ලබා දීමට එරෙහිවද දැඩි විරෝධයක් පළ කරමින් ශ්රීලනිප අමාත්යවරුන් ජනාධිපතිවරයාට කරුණු දක්වා තිබේ.
මේ අතර කැබිනට් සංශෝධනයෙන් පසු අමාත්යංශ ලේකම්වරුන්ගේ සංශෝධනයක් හා රාජ්ය ආයතන ගණනාවක සභාපතිවරුන් හා අධ්යක්ෂ ජනරාල්වරුන්ගේ මාරු කිරීම්ද සිදු කිරීමට නියමිතයි.
[rns_reactions]
ඇමැති මණ්ඩල සංශෝධනයේදී තමන් දැනට දරන ඇමැති ධුරවල වෙනසක් සිදුකළහොත් ආණ්ඩුවේ සියලු තනතුරුවලින් ඉල්ලා අස්වීමට එක්සත් ජාතික පක්ෂය නියෝජනය කරන ප්රබල ඇමැතිවරු තිදෙනෙක් තීරණය කර තිබෙනවා.
හදිසියේ සිදුකිරීමට යන ඇමැති මණ්ඩල සංශෝධනයට තමන් විරුද්ධ බව සිරිකොත පක්ෂ මූලස්ථානයට නිල නොලත් ලෙස දැනුම් දී තිබෙන මෙම ඇමැතිවරු චීන සංචාරයේ නිරතව සිටින අගමැති රනිල් වික්රමසිංහ මහතා දිවයිනට පැමිණි පසු ඒ ගැන සාකච්ඡා කිරීමට ද සූදානමින් සිටින බවයි වාර්තා වන්නේ.
මේ අතර ඇමැති මණ්ඩල සංශෝධනයක් සිදුකරනවාට එක්සත් ජාතික පක්ෂයේ පසුපෙළ මන්ත්රීවරුන්ගේ ද දැඩි විරෝධය පළ වී ඇති බව වාර්තා වනවා.
මේ සම්බන්ධව කළ විමසුමකට පිළිතුරු දෙමින් ගාල්ල දිස්ත්රික් එක්සත් ජාතික පක්ෂ පාර්ලිමේන්තු මන්ත්රී බන්දුලාල් බණ්ඩාරිගොඩ මහතා කියා සිටියේ ඒකාබද්ධ විපක්ෂයේ කුමන්ත්රණයකට අනුව කැබිනට් සංශෝධනය සිදුකරන බවත් එය එසේ සිදුවුවහොත් අනවශ්ය දේශපාලන අර්බුදයක් ඇතිවන බවත්ය.
කැබිනට් සංශෝධන අවශ්යම නම් ශ්රී ලංකා නිදහස් පක්ෂයට හිමිව ඇති ඇමැතිධුරවල වෙනස්කම් සිදුකරගත හැකි බවත් එ.ජා.ප.යට හිමිව ඇති ඇමැති ධුරවල වෙනස්කම් සිදුකර අනවශ්ය අර්බුදයක් නිර්මාණය නොකළ යුතු බවත් බන්දුලාල් බණ්ඩාරිගොඩ මහතා වැඩිදුරටත් සඳහන් කර තිබෙනවා.
ඇමැති තනතුරු වෙනස් වනු ඇතැයි පැවැසෙන ඉහත ප්රබල ඇමැතිවරුන් තිදෙනාගෙන් දෙදෙනෙක් ඊයේ (16)කියා සිටියේ තම ඇමැති ධුරවල වෙනසක් සිදුකළොත් ඒ තුළින් ජනතාව වැරැදි අවබෝධයක් ඇතිකර ගැනීමේ ඉඩ ප්රස්ථා ඇති නිසා සිය විරෝධය නොතකා එවැන්නක් සිදු කළොත් දේශපාලනයේ ඉන්නවාද නැද්ද කියා තීරණයක් ගැනීමට සිදුවන බවයි.
(උපුටා ගැනීම දිවයින )
[rns_reactions]
අන්තර්ජාලයේ තිබෙන අසභ්ය වීඩියෝ දර්ශන අනුගමනය කරමින් පවුල් කෑමට අකමැතිවූ තරුණ බිරිද වෙඩිතබා මරා දැමිමට ගෙනා බවට සැකකරන පතුරම් තුවක්කුව සමග අත්අඩංගුවට ගෙන අධිකරණයට ඉදිරිපත්කල යුද හමුදා සෙබළෙකු මේ මස (25) වනදා දක්වා රක්ෂිත බන්ධනාගාරගත කරන ලෙස අනුරාධපුර ප්රධාන මහෙස්ත්රාත් අතිරේක දිසා විනිසුරු (15) නියෝග කලේය.
මෙසේ රක්ෂිත බන්ධනාගාර ගතකෙරුණේ මීඇල්ලෑව ලැඹුණෝරුව හා දඹගොල්ලාව මීමින්නාවල කහටගස්දිගිලිය යන ලිපිනයන්හී පදිංචි පුදුකුඩුඉරුප්පු මුලතිව්හි පිහිටි තුන්වන ජාතික ආරක්ෂක බළමුළු සේනාංකයේ සේවයේ නිරතවන පී.ඩී.ප්රේමසිරි යන 35 හැවරදි යුද හමුදා සෙබළායි.
සැකකරු මිට මාස තුනකට පමණ ඉහතදී විවාහවි තිබෙන බවත් බිරිද සමග පවතින පවුල් ආරවුල හේතුවෙන් මීට පෙර අවස්ථාවකදීත් ඇයව මරා දැමීමට මෙරට නිෂ්පාදිත කැප් තුවක්කුවක් සන්තකයේ තබාගෙන සිටියදී පොලිසිය අත්අඩංගුවටගෙන අධිකරණයට ඉදිරිපත් කල බව කහටගස්දිගිලිය පොලිසිය අධිකරණයට දැන්වීය.
සැකකරු නිවාඩු ලබා නිවසට පැමිණෙද්දී බිරියට වෙඩි තැබීම සදහා තුවක්කුවක් ගෙනවිත් සගවාගෙන සිටින බවට ලැබුණු තොරතුරක් මත සැකකරු අත්අඩංගුවටගෙන සිදුකල ප්රශ්න කිරීම්වලදී නිවාඩු පැමිණෙනවිට රැගෙනවිත් දඹගොල්ල කැලෑවේ සගවා තිබූ බෝර දොළහ වර්ගයේ පතුරම් තුවක්කුවක් හා ඊට යොදන ජීව උණ්ඩ හතරක් පොලිස් බාරයට ගෙන තිබෙන බව පොලිසිය අධිකරණයට කීවේය.
සැකකරුට තුවක්කුව ලැබුණු ආකාරය අනාවරණය කර ගැනීමට පරික්ෂණ සිදුකරන බවත් සැකකරු අන්තර්ජාලයේ සැරිසරා එහි ඇති අසභ්ය වීඩියෝ දර්ශන ජංගම දුරකථනයේ ගබඩා කර බිරිඳට එම දර්ශන අනුගමනය කරන ලෙස බලකිරීමට විරෝධය පෑම නිසා පවුල් ආරවුල නිර්මාණය වී තිබෙන බව පොලිසිය අනාවරණය කර ගත්තේ යැයි වැඩිදුරටත් අධිකරණයට කරුණු දක්වමින් පොලිසිය කීවේය.
රක්ෂිත බන්ධනාගාර ගතකල සැකකරු මානසික රෝගයකින් පෙලෙන්නේද යන්න අනාවරණය කර ගැනීම සදහා ඔහුව අනුරාධපුර ශික්ෂණ රෝහලේ විශේෂඥ මානසික වෛද්යවරයා වෙත ඉදිරිපත්කර වාර්ථාවක් ලබාගෙන ඉදිරි දිනයේදී එය අධිකරණයට ඉදිරිපත් කරන්නැයි අනුරාධපුර බන්ධනාගාර අධිකාරීයට විනිසුරුවරයා නියෝග කලේය.
[rns_reactions]
ගීත ලෝලීන්ගේ සිහින කුමාරයකු බවට කලක් පත්ව සිටි ගායන ශිල්පි ප්රින්ස් උදය ප්රියන්ත බරපතළ ලෙස රෝගිවෙලා දැන් ටික කාලයක් වෙනවා. ගීත ගායනා කරමින් යළිත් රසික රසිකාවින් හමුවට එන්න පුළුවන් තත්ත්වයක නෙවෙයි ඔහු තවමත් ඉන්නේ. ප්රින්ස්ගේ ප්රතිකාර සඳහා විශාල මුදලක් වැයවෙන නිසා එම ගැටලුවට ඔහුගේ ගීතවලින්ම විසඳුමක් හොයන්න ප්රින්ස්ගේ නැගණිය වන ශිරෝනි ප්රියංගිකා සූදානමින් සිටිනවා කියලා අපට ආරංචි වුණා. ඒ ගැන වැඩිදුර තොරතුරු පාඨකයන් වෙත ගෙන එන්නයි අපි ඇයව මෙලෙස සංවාදයකට එක් කර ගත්තේ.
ප්රින්ස්ගේ ජීවිතය බේරා ගැනීමේ අරමුණින් ඔබ තවත් ඉදිරි පියවරක් තබන්න සූදානමින් ඉන්නවා කියන්නේ ඇත්තද?
ඔව්. මේ වෙනකොට උදාවෙලා තියෙන තත්ත්වයේ හැටියට වෙන කරන්න දෙයක් නැති නිසයි ඒ වගේ තීරණයක් ගත්තේ. අයියාගේ ප්රතිකාරවලට යන වියදම අපට තවදුරටත් දරාගන්න අපහසුයි. ඒ නිසා අපි තීරණය කළා “ඔබ මා හදින් සැඟවී නොයන් සහ “ඔබ හා ගෙවූ අතීතේ” කියන ගීත වැඩිම ඉල්ලුමට විකුණා දමන්න
මතෛක් කාලයක් කරපු ප්රතිකාරවලින් ප්රින්ස්ට ස්ථිර සුවයක් නොලැබුණු නිසාද දිගටම ප්රතිකාර කරන්න වෙලා තියෙන්නේ?
ඔව්. එන්සෙපලයිටිස් කියන රෝගී තත්ත්වය තමයි වසර දෙකක පමණ සිට අයියාට තියෙන්නේ. විටින් විට සිහි නැතිවෙන ගතිය තවමත් මගහැරලා ගිහින් නැහැ. එහෙම වෙලාවට එන්නත් ප්රතිකාර ලබාදෙන්න කියලයි වෛද්යවරු නිර්දේශ කරලා තියෙන්නේ.
ඒ ප්රතිකාරවලින් තවමත් ලැබෙන්නේ තාවකාලික සුවයක්ද?
ඔව්. මීට මාසයකට විතර කලිනුත් අයියාට අසාධ්යවෙලා පෞද්ගලික රෝහලකදී ප්රතිකාර ලබා දුන්නා. සමහර වෙලාවට අයියා හොඳ සුවයෙන් ඉන්නවා. ඉක්මනට සනීප වෙලා ආයෙමත් ගීත ගයන්න ඕනෑ කියලා කියනවා. නමුත් හිටිහැටියේ අසනීප වුණාම අයියාට මාවවත් අඳුරගන්න බැහැ.
ප්රතිකාර සඳහා දැනට කොච්චර විතර මුදලක් වැයවෙලා තියෙනවාද?
දැනට පස් වතාවක් පෞද්ගලික රෝහලක නවත්වලාත් ප්රතිකාර ලබාදුන්නා. මේ කාලය තුළ කෝටි 2ක විතර මුදලක් ඒ වෙනුවෙන් වියදම් වුණා.
රජයේ රෝහල්වලින් ප්රතිකාර ලබා දුන්නා නම් එවැනි මුදලක් වැයවෙන්නේ නැහැ නේද?
කිහිප වරක්ම රජයේ රෝහල්වල නවත්වලා ප්රතිකාර ලබාදුන්නා. නමුත් රජයේ රෝහල්වලින් ලබාගන්නා ඖෂධ වලින් අයියාට තරමක සුවයක්වත් ලැබෙන්නේ නැහැ.
කොහොමද මෙතරම් කාලයක් ප්රතිකාරවලට මුදල් හොයාගත්තේ?
අයියාට ව්යාපාර ඉඩ කඩම් බස් ආදිය තිබුණා. ඔහුටත් මටත් අයිතිව තිබුණු දේවල් විකුණනවා හැරෙන්න වෙනත් විකල්පයක් අපට තිබුණේ නැහැ.
ඒ අතරේ ප්රින්ස්ට ආදරය කරන අයගෙනුත් උදවු උපකාර ලැබෙන්නට ඇති නේද?
අයියා මුලින්ම රෝහලක නැවතිලා ප්රතිකාර ලබද්දී නම් හුඟක් අය උදවු කළා. ඒ වතාවේ ලක්ෂ 15 විතර මුදලක් පරිත්යාග විදිහට අපට ලැබුණා. ඊට පස්සේ නම් ආධාර ලැබෙන එක ටිකෙන් ටික අඩු වුණා.
ප්රින්ස්ට ආධාර පිණිස උපහාර ප්රසංග ආදියත් සංවිධානය කළා නේද?
උපහාර ප්රසංගවලින් බලාපොරොත්තු වුණු තරම් මුදලක් එකතු වුණේ නැහැ. වතාවක් අයියාට උපහාර පිණිස කියලා “රජ කපටියෝ” නමින් වේදිකා නාට්යයක් පෙන්නුවා. මම බොහොම අමාරුවෙන් එදා අයියාවත් එක්කරගෙන ගියා. නමුත් නාට්යයෙන් ලැබුණු මුදලින් සත පහක්වත් අපට ලැබුණේ නැහැ. අපි අසරණ වෙලා ඉන්න වෙලාවේ ඒ වගේ කපටිකම් කරන අයත් ඉන්නවා.
ප්රින්ස් නැති අතරේ සමහරු ඔහුගේ ගීත ප්රසංග වේදිකාවේ ගායනා කරනවා. එහෙම කරන්නේ ඔහුගෙන් අවසර අරගෙනද?
නැහැ. සමහර සංගීත කණ්ඩායම් අයියාට උපහාර පිණිස කියල ප්රසංගවල ගීතයක් දෙකක් ගායනා කරනවා. ඒකට කමක් නැහැ. ඒත් අදටත් ප්රසංග වේදිකාවේ අයියගේ ගීත ගයලා මුදල් හම්බ කර ගන්නා පිරිසක් ඉන්නවා. ඒ අය අයියාගේ දුක සැප හොයලා සත පහකින්වත් ආධාර කරන අය නෙවෙයි. එහෙම ගායකයෙක් තමයි අයියා මියගිය බවට පෝස්ට් එකක් ෆේස් බුක් එකේ ප්රසිද්ධ කරලත් තිබුණේ.
ඔය කියන ගැටලුවට විසඳුමක් හොයන්න හැකිවේවිද?
අයියාට තරම් දක්ෂතාවයක් නැති වුණාට මමත් සංගීතය හදාරලා ගීත ගායනා කරපු කෙනෙක්. මම තීරණය කළා අයියා වෙනුවෙන් වේදිකාවට නැගලා අයියාගේ ගීත ගායනා කරන්න. මොකද වෙනත් අය හොරෙන් ගායනා කරනවාට වඩා මට අයිතියක් තියෙනවා අයියාගේ ගීත ගයන්න. අයියාට ප්රතිකාර කිරීම සඳහා මුදලකුත් එයින් උපයාගන්නට හැකි වේවි.
ප්රින්ස් වෙනුවෙන් උදවු උපකාර කරන්න කැමැත්තෙන් සිටින අයට 0769111838 සහ 0777366128 යන දුරකථන අංකවලට කතා කරලා වැඩිදුර තොරතුරු දැන ගන්න පුළුවන්.
[rns_reactions]
ඇයට සිය සිරුරේ වේදනාව දරාගත නොහැක. එහෙත් ඇය සිය දෙවන දරුවාට ලේ කිරිකරමින් පොවන්නේ සෙසු තරුණ මව්වරුන්ට පරමාදර්ශයක් වෙමිනි.
මේ කතාව කියන ඇමෙරිකා එක්සත් ජනපදයේ මිචිගන් ප්රාන්තයේ උපත ලද චමිකා ස්ටීවන්සන් (Schamica Stevenson) නම් කාන්තාවගේ ජීවිත කතාව කණපිට හැරුණේ දෙහැවිරිදි සිඟිති දැරියකව සිටියදී ඇය ජීවත් වූ නිවස ගිනි ගැනීමෙනි.
‘මිමී’යන ආදරණීය නාමයෙන් අමතනු ලබන චමිකා ස්ටීවන්සන් වයස අවුරුදු දෙකේ දැරියක් ව සිටිද්දී නිවසේ බොයිලේරුවක් පිපිරීමත් සමඟ පැතිර ගිය ගින්නෙන් අටමාසයක් වයසැති ඇගේ බාල සහෝදරයා මරණයට පත්වූ අතර නිවසේ කවුළු යකඩ කූරුවලින් ආවරණය කර තිබුණු හෙයින් දරුවන් රැගෙන ගෙයින් පිටතට පැන ගැනීමට ඔවුන්ගේ මව අසමත් වූවාය.
ගින්නට ගොදුරුව දැවුණත් කුඩා මිමී ගේ ජීවිතය රැකුණාය.
මිමීගේ ජීවිතයේ ඉතිරි කාලයෙන් වැඩි හරියක් ගෙවුණේ චර්ම බද්ධ කිරීම් ඇතුළත් ප්රතිකාරවලටයි.
තිස් හතර වැනි වියේ පසුවෙන ඇය දැනට සහකාර සෞඛ්ය සේවිකාවක් හැටියට රැකියාවක නිරත වෙයි.
මේ අතර මිමී විසිවැනි වියේ පසුවෙද්දී සිය පළමු පුතු ජොෂියා (Josia) ප්රසූත කළ අතර තමන් පෙළන ශාරීරික වේදනා හමුවේ බිලිඳාට මව්කිරි දීමට ඇය අසමත් වූවාය.
“පුතා ඉපදුණ වෙලාවේ අවශ්ය තරම් කිරි එරුණේ නැහැ. මැෂිමකින් කිරි දොවල සිරින්ජරයක් මගිනුයි මම පුතාට කිරි පෙව්වේ. මට රෝහලේ පෝෂණය පිළිබඳ හෙදියක් උදව් කළා”
“පුතාට කිරි දීමකින් පසු හැම පැය තුනකට වරක් මම කිරි දොවන්න සිද්ධ වුනා.ඒත් මම දැක්ක දේ තමයි – ඇති වෙන්න තරම් කිරි නොතිබුණ බව” මිමී පවසන්නීය.
දොවන ලද කිරි සිරින්ජයකින් පෙවීම නොව කෙළින්ම දරුවාට මව්කිරි උරා බීමට සැලසිය යුතු බව පවසන මිමී සිය දෙවන දරුවාට එපරිද්දෙන් මව්කිරි දෙමින් සෙසු තරුණ මව්වරුන්ටත් ආදර්ශයක් වීමේ අධිෂ්ඨානයෙහි තමා සිටින බව පවසන්නීය.
“මට වයස අවුරුදු විස්සේ දී උපන් මගේ පුතාට කිරි පොවන්න මට බැරි වුනා. මම අනිත් අම්මාවරුන්ට මේ කතාව කියන්නේ එදා මම කළා වගේ මව්කිරි දීම අත්හැර දමන්න එපා කියන්නයි’
“දැන් මගේ දෙවැනි දරුවාට මව්කිරි උරා බීමට පුරුදු කිරීමේ අධිෂ්ඨානයකයි මම ඉන්නේ. මොකද? මගේ නෑනා සහ ඥාති සහෝදරිය ඔවුන්ගේ දරුවන්ට මව්කිරි පොවන හැටි මම දැක්කා. මමත් උත්සාහ කරන්න ඕන” ඇය පවසයි.
බරපතළ ලෙස පිළිස්සීමෙන් ලද තුවාල කැළැල් දැක්වෙන සිය ඡායාරූප ප්රසිද්ධ කිරීමට එකඟවීම තුළින් මිමී බලාපොරොත්තු වන්නේ සෙසු මව්වරුන් ද ඔවුන්ගේ සිරුරු කෙරෙහි විශ්වාසයක් ගොඩ නැඟීමෙහි ලා දිරි ගැන්වීමයි.
“මම මගේ ආත්ම විශ්වසනීයත්වය ගොඩ නගා ගත්තේ එක රැයකින් නොවෙයි. ඒත් මම දැන් අධිෂ්ඨානයක් තියෙනවා. ඒ ගැන මට සතුටුයි. මම මනසින් වැටිල හිටිය කාලයක් තිබුණා. මොකද? මමත් මනුස්සයෙක්! ඒත් මම නැඟී සිටිය. හරි පැත්තට. මගේ දරුවන්ට සහ දෙවියන්ට ස්තුතියි. මම දරුවන් බිහිකළා. ඔවුන් ඇති දැඩි කරනවා” මිමී පවසන්නීය.
කොළඹ නගර සීමාවේදී නිර්මාණය කරන ලද තොරණ අතරින් විශාලතම තොරණ වැලිකඩ බන්ධනාගාර පරිශ්රය ඉදිරිපිට නිර්මාණය කිරීමට ඇප කැපවූ මරණීය දණ්ඩනය ලත් සහ නොලත් සියලු සිරකරුවන්ට ශ්රී දළදා වහන්සේ වැඳපුදා ගැනීමට අවස්ථාව සලසා දෙන බව වැලිකඩ බන්ධනාගාර අධිකාරි චන්දන ඒකනායක මහතා පවසයි.
ලක්ෂ සංඛ්යාත ජනතාවගේ පැසසුමට ලක්වූ මේ තොරණ සකස් කිරීම සඳහා මේ සිරකරුවන්ට මාස දෙකකට ආසන්න කාලයක් ගතවූ බවත් එකී කාලසීමාවේදී දිවා රෑ නොතකමින් ඔවුන් කළ අගනා කාර්යභාරයට උපහාරයක් පිණිස ඔවුන්ට එසේ දළදා වහන්සේ වැඳපුදා ගැනීමට අවස්ථාව සලසා දෙන බවද ඒ මහතා කීය.
දළදා වහන්සේ වැඳපුදා ගැනීමට අවස්ථාව සලසා දීමෙන් පමණක් නොනැවතී එකී සිරකරුවන් සම්බන්ධයෙන් බන්ධනාගාර දෙපාර්තමේන්තුවේ පවත්වාගෙන යන ලේඛනවලට පැසසුම් ලිපි ඇතුළත් කිරීමට පියවර ගන්නා බවද ඒ මහතා පැවැසීය.
සිරකරුවන් බලපත්ර මත නිදහස් කිරීමට කටයුතු කරන අවස්ථාවන්හිදී එකී සිරකරුවන්ගේ එකී පැසසුම් ලිපිවලට ප්රමුඛතාවක් ලබාදීමට පියවර ගන්නා බවද ඒ මහතා වැඩිදුරටත් පැවැසීය.
[rns_reactions]