උපවාසය අත්හල පාර්ලිමේන්තු මන්ත්රී විමල්ගේ සෞඛ්ය තත්ත්වය ක්රමයෙන් යථා තත්ත්වයට පත්වෙමින් තිබෙන බව අපට වාර්තා වේ. කෙසේ වෙතත් රෝහලේ ප්රතිකාර ලබන විමල් තවමත් ආහාර වර්ජනය කරන බව ශෂී වීරවංස මාධ්යයට පවසා ඇත. කෙසේවෙතත් මෙය දේශපාලන විශ්ලේෂකයන්ගේ උපහාසයට ලක්වී ඇත.
Blog
-
ජය උදෙසා සංගක්කාර යලිත් ක්රිකට් පිලට……
වර්ථමානයේ මතුව ඇති ශ්රී ලංකා ක්රිකට් කණ්ඩායමේ වත්මන් පසුබැසීම සැලකිල්ලට ගනිමින් කුමාර් සංගක්කාර මීළග තරගාවලියේ සිට කණ්ඩායමට එක් කිරීමට තේරීම් කමිටුව කටයුතු කරමින් සිටින බව අද ප්රධාන පුවත් පතක් වාර්තා කර තිබිණ.
2015 ලෝක කුසලාන තරගාවලියෙන් පසු ක්රිකට් පිටියට සමුදුන් කුමාර් සංගක්කාර යළිත් චැම්පියන්ස් කුසලාන එක්දින තරගාවලියේ සිට ශ්රී ලංකා පිල නියෝජනය කිරීමට නියමිත බවත් එහිදි වැඩිදුරටත් අණාවරණය කර තිබුණි.
කෙසේ වෙතත් මෙහි කිසිදු සත්යතාවක් නොමැති බව ක්රිකට් ආරංචි මාර්ග පැවසීය.
පසුගිය වසරේද අප්රේල් 1වනදාට යෙදී ඇති මෝඩයින්ගේ දිනයේ මෙවැනිම පුවත් කිහිපයක් පළවී තිබිණ.
-
පන්දු රැකීම අංක එකට ගෙන ඒමට ගුරුසිංහගෙන් අමුතු සැලසුමක්…
ශ්රී ලංකා හිටපු නායක ඇන්ජලෝ මැතිව්ස්ගේ ආබාධය සියයට සියයක් සුව වීමෙන් පසුව බංග්ලාදේශය සමග පැවැත්වෙන දෙවැනි විස්සයි විස්ස තරගයේ සිට කණ්ඩායමට එක්වීමට සැලසුම් කර තිබෙන බව පවසන ශ්රී ලංකා ක්රිකට් කළමනාකරු අසංක ගුරුසිංහ චැම්පියන්ස් කුසලාන එක්දින තරගාවලිය වන විට ශ්රී ලංකාවේ පන්දු රැකීම අංක එකේ තත්ත්වයට ගෙන එන බවද පවසයි.
”ඇන්ජලෝ මැතිව්ස් දැන් සුව වෙමින් ඉන්නෙ. මම හිතන විදිහට ඔහුට පළමු විස්සයි විස්ස තරගය ක්රීඩා කරන්න ලැබෙන්නෙත් නැහැ. නමුත් ඔහු දෙවැනි විස්සයි විස්ස තරගයේ ඉඳල කණ්ඩායමට එක් වේවි.” යනුවෙන් පැවසීය.
තමාට අවශ්ය කරන්නේ ඉදිරි මාස කිහිපය තුළ ක්රීඩකයන් 15-20 ක් අතර ප්රමාණයක් එක දිගට කණ්ඩායමේ රඳවා ගනිමින් ඔවුන්ව පදම් කිරීම බවත් එසේ නොකිරීම විශාල කනගාටුවක් බවත් ගුරුසිංහ පෙන්වා දෙයි. ”පහුගිය කාලයේ ක්රීඩකයන් ඕනෑ තරම් කණ්ඩායමට ආවා ගියා. නමුත් එහෙම වුණහම එක ක්රීඩකයකුට ස්ථානයකට හුරු වෙන්නවත් කාලයක් නැහැ. අපේ කණ්ඩායමේ දක්ෂ ක්රීඩකයන් ඕනෑ තරම් ඉන්නවා. මම දැන් පුහුණුකරු සහ තේරීම් කමිටුවත් එක්ක කතා කරල තියෙනවා. කොහොම වුණත් මගේ බලාපොරොත්තුව අනුව එක කණ්ඩායමක් ඉදිරියට ටික කාලයක් යා යුතුයි.”
ලසිත් මාලිංග එක්දින තරගාවලිය ක්රීඩා නොකළේ ඔහු පසුගිය සමයේ පන්දුවාර පනහේ තරග ක්රීඩා නොකිරීම නිසා එම තරග සඳහා පදම්වීමට පෙර තරග ක්රීඩා කිරීම නුසුදුසු බැවින් බවද ගුරුසිංහ පවසයි.
”මාලිංග පන්දුවාර පනහේ තරග ක්රීඩා නොකළේ ඔහු දීර්ඝ කාලයක් ඒ තරග ක්රීඩා කළේ නැති නිසා. නමුත් විස්සයි විස්ස තරග දෙකට එයා ක්රීඩා කරනවා. ඊට පස්සෙ අයි.පී.එල්. යනවා. එතනින් ගන්න අත්දැකීම් එක්ක අපි බලාපොරොත්තු වෙනවා චැම්පියන්ස් කුසලානට මාලිංගව අරගෙන යන්න.”
චැම්පියන්ස් කුසලානට යන විට ශ්රී ලංකා පිලේ පන්දු රැකීම අංක එකට ගෙන එම සඳහා සියලු විධි විධාන යොදන බවත් නමුත් ඊට පෙර තියෙන බංග්ලාදේශය සමග තරගයේදීද පන්දු රැකීමේ දුර්වලතා සිදු කළ නොහැකි බවත් ගුරුසිංහ පෙන්වා දෙයි.
කෙසේ වෙතත් ආබාධයක් හේතුවෙන් එක්දින තරගාවලිය අහිමි වූ කුසල් ජනිත් විස්සයි විස්ස තරගාවලියට ක්රීඩා කරන බවත් ඉදිරියේදී ටෙස්ට්, එක්දින සහ විස්සයි විස්සට එකම කණ්ඩායම් පුහුණු කිරීමෙන් අඩුපාඩු මඟහැර ගැනීමට හැකි වනු ඇතැයි තමා විශ්වාස කරන බවත් ගුරුසිංහ පවසයි.
-
ශ්රී ලංකාවේ අට දෙනකුගෙන් එක් අයෙකුට මානසික රෝගයක්…..
ශ්රී ලංකාවේ සෑම පුද්ගලයන් අට දෙනකුගෙන්ම එක් අයෙකු කුමන හෝ මානසික රෝගී තත්ත්වයකින් පෙළෙන බව අනාවරණය වී ඇතැයි ලෝක සෞඛ්ය සංවිධානයේ ශ්රී ලංකා කාර්යාලයේ මානසික සෞඛ්ය නිලධාරි සුවීන් තිරපති මහතා පැවැසීය.
මෙම මානසික රෝගී තත්ත්වයන්ගෙන් පෙළෙන අයගෙන් සියයට 60 ක් ම වෛද්ය ප්රතිකාර සඳහා යොමු නොවන අතර ප්රතිකාර ලබාගනුයේ සියයට 40 ක් පමණකැයි වෛද්ය තිරපති කීවේය.
මෙරට වැඩි වශයෙන් ම පැතිර පවතින මානසික රෝගී තත්ත්වය වනුයේ විශාදය හෙවත් ඩිප්රෙෂන් වන අතර වාර්ෂිකව 80,000 ක් පමණ දෙනා මෙරට විශාදය රෝග තත්ත්වයට ගොදුරු වන බවත් දැනට මෙරට 800,000 කට අධික පිරිසක් විශාදයෙන් පෙළෙන බව හෙතෙම සඳහන් කළේය.
මෙරට ජනගහනයෙන් සියයට 2 ක් දරුණු ඝනයේ විශාදය ඇතුළු උග්ර මානසික රෝගවලට ගොදුරු වී සිටින බව අනාවරණය වී තිබේ.
විශාදය පුද්ගලයකු දුබල බවට පත් කරන ලොව ප්රධානතම හේතුව බව අනාවරණය වී ඇති අතර ඕනෑම වයසක අයෙකුට එය වැළඳීමේ හැකියාව පවතින බව (29 දා) නාරාහේන්පිට රජයේ ප්රවෘත්ති දෙපාර්තමේන්තු ශ්රවණාගාරයේ පැවැති මාධ්ය සම්මන්ත්රණයක් අමතමින් වෛද්ය තිරපති කීවේය.
ශ්රී ලංකාවේ මෙන්ම ගෝලීය වශයෙන් ද විශාදය ශීඝ්රයෙන් ව්යාප්ත වෙමින් පවතින බව අනාවරණයවී ඇති අතර, පිරිමින්ට වඩා වැඩි වශයෙන් කාන්තාවන් මෙම රෝගයට ගොදුරු වන බව වෛද්ය මතය වී තිබේ.
විශාදය සැදුණු අයෙකුට මුල් අවස්ථාවේදී බෙහෙත්වලින් තොරව රෝගය සුවපත් කළ හැකි අතර, රෝගයටද ප්රතිකාර පමා වීමෙන් වර්ධනය වූ විට චර්යාත්මක ප්රතිකාර ඇතුළු මානසික වෛද්ය ප්රතිකාර ක්රම ලබා දිය යුතු බව මානසික රෝග විශේෂඥ වෛද්ය නීල් ප්රනාන්දු මහතා මෙහිදී කීවේය.
රෝගය මුල් අවස්ථාවේ හඳුනාගෙන ප්රතිකාර කිරීම සෘන ආකල්ප ධනාත්මක ආකල්ප බවට පත් කිරීම, සිය හැඟීම් පවුලේ සාමාජිකයකුට සමීප මිතුරෙකුට පැවසීම, දිනපතා ව්යායාමයක නිරත වීම, ඵලදායී ක්රියාවක නිරත වීම හරහා ම විශාදය රෝගය සුපවත් කළ හැකි බව හෙතෙම සඳහන් කළේය.
-
එස්.එස්.සී. පිටිය තීරණාත්මක තරගය සදහා සුදානම්….
ආසියාවේ සියලුම කණ්ඩායම්වලට එරෙහිව එක්දින තරගාවලි ජය ගෙන තිබුණද ශ්රී ලංකාවට එරෙහිව එම හපන්කම දැක්වීමට, නොනිමි ආශාවෙන් පෙළෙන බංග්ලාදේශය අද (01 දා) මෝඩයන්ගේ දිනයේදී ශ්රී ලංකාව සමග තීරණාත්මක තරගයකට පිවිසෙයි. දිවා තරගයක් වන මෙය පෙ.ව. 10.00 ට ආරම්භ වීමට නියමිතය.
කාලගුණයේ බාධාවක් හේතුවෙන් තරගය සේදී ගියද තරගාවලි ජය බංග්ලාදේශය සතුවන බැවින් ශ්රී ලංකාව අද පරස්සමින් බංග්ලාදේශය ‘මට්ටු’ කිරීමට සූදානම් විය යුතුය. ඊයේ බංග්ලාදේශ කණ්ඩායම එස්.එස්.සී. පිටියේ පුහුණුවීම් කළද ශ්රී ලංකා පිල පුහුණුවීම් කරනු ලැබුවේ ආර්. ප්රේමදාස ක්රීඩාංගණයේදීය.
වසර හයකට පසුව එස්.එස්.සී ක්රීඩාංගණයේදී එක්දින තරගයක් පැවැත්වෙන අතර අවසන් වරට මෙහි එක්දින තරගයක් පවත්වා ඇත්තේ 2011 වසරේ පෙබරවාරි මස ශ්රී ලංකාව සහ බටහිර ඉන්දීය කොදෙව්වන් අතරයි. කෙසේ වෙතත් බංග්ලාදේශ පුහුණුකරු චන්දික හතුරුසිංහද එස්.එස්.සී. තණතීරුව පිතිකරුවන්ගේ පාරාදීසයක් බව හොඳින් දන්නා අයෙක් වීම බංග්ලාදේශයට අතිරේක වාසියක් බවට එය පත්ව තිබේ. නමුත් ශ්රී ලංකා ක්රිකට් කළමනාකරු අසංක ගුරුසිංහද එස්.එස්.සී. තණතීරුව පිළිබඳව ඉතාමත් සුබවාදී අදහස් ඊයේ (31 දා) පැවැති මාධ්ය හමුවේදී දැක්වීය.
”එස්.එස්.සී. තණතීරුව ඉතාමත් හොඳ තණතීරුවක්. පළමු පැය එකහමාර විතරක් වේග පන්දු යවන්නන්ට සහයක් ලැබෙනවා. නමුත් ඊට පස්සෙ පිතිකරුවන්ට බැට් එකටම පන්දුව එනවා. අපි ගහන කාලෙ ඉඳලම එස්.එස්.සී තණතීරුව මේ වගේ.” යෑයි පැවසීය.
ඒ අනූව අද තරගය ජය ගැනීමට නම් ලකුණු 300 ක් වුවද ප්රමාණවත් නොවන තත්ත්වයකට පත්ව තිබේ. ශ්රී ලංකා සංයුතියේ වෙනසක් මෙහිදී දක්නට නොලැබෙන බව අසංක ගුරුසිංහ තවදුරටත් පැවසීය.
”අපේ කණ්ඩායමේ වෙනසක් නැහැ. මොකද දඹුල්ලේදී ගහපු එකොළොස් දෙනා සහ අතිරේක හිටපු සීක්කුගේ ප්රසන්න යන ක්රීඩකයන්ගෙන් තමයි මේ තරගයේදීත් අපි ක්රීඩා කරන්න සැලසුම් කරල තියෙන්නෙ. තවම අවසන් 11 කියන්න බැහැ. ඒක හැම දෙනාත් එක්කම කතා කරල ගන්න ඕන තීරණයක්.”
ශ්රී ලංකාව මේ වන විට පිට පිටම එක්දින තරග හයක් පරාජය වී තිබේ., ”ඔව් පරදින කොට පීඩනය වැඩියි. අපි ගහන කාලේ පැරදුනහම පත්තරෙනුයි රූපවාහිනියෙනුයි විතරයි විවේචන එල්ල වෙන්නෙ. දැන් ෙµaස්a බුක් සහ එක එක වෙබ් අඩවි වලිනුත් විවේචන එල්ල වෙනවා. කොහොම වුණත් මම ක්රීඩකයන්ට කියල තියෙනවා මේ දේවල් ඔයාල බලාපොරොත්තු වෙන්න ඕන ඒකට හැඩගැහෙන්න ඕන කියලා. මොකද හොඳට කරන කොට හොඳ වගේම නරකට කරන කොට නරක අහන්න වෙනවා. නමුත් අපේ කණ්ඩායමේ ක්රීඩකයන් සියලු දෙනා හොඳින් පුහුණුවීම් කරල හොඳ මානසිකත්වයකින් ඉන්නවා.” යෑයි ගුරුසිංහ පැවසීය.
ශ්රී ලංකාව එස්.එස්.සී. ක්රීඩාංගණයේදී තරග වැදුන අවස්ථා 32 කදී ජයග්රහණ 22 ක් ලබද්දී පරාජයන් 11 ක් ලබා තිබේ. එහිදී ශ්රී ලංකාවේ ජයග්රාහී ප්රතිශතය 66.66% ක් ලෙස සටහන් වේ. බංග්ලාදේශයද මෙහිදී තරග වැදුන අවස්ථා 10 න් නවයක්ම පරාජයට පත්ව තිබේ. නමුත් ඔවුන් 2004 වසරේ පැවැති ආසියානු කුසලාන තරගාවලියේදී මෙම ක්රීඩාංගණයේදි හොංකොං පිල පරාජය කිරීමට සමත්ව ඇත.
අද තරගය බංග්ලාදේශය ජය ගතහොත් ඔවුන් එක්දින ජාත්යන්තර ශ්රේණිගත කිරීම්වල ප්රසාද ලකුණු සංඛ්යාව 95 දක්වා ඉහළ නංවා ගන්නා අතර ශ්රී ලංකාව පරාජය වුවහොත් ප්රසාද ලකුණු සංඛ්යාව 96 දක්වා පල්ලම් බසී. එහෙත් ශ්රී ලංකාවට හයවැනි තැන සහ බංග්ලාදේශයට හත්වැනි තැන ස්ථිරව තිබේ.
-
රෝම සම්මුතියට ලංකාව නෑ – රජයෙන් දැඩි තීන්දුවක්……
රෝම සම්මුතිය අත්සන් කිරීම ශ්රී ලංකා රජය විසින් මුළුමනින්ම ප්රතික්ෂේප කර ඇති බව අපට වාර්තා වේ. එයට අත්සන් කළහොත් ශ්රී ලංකාව යුද අපරාධ චෝදනා උගුලට හසුවීමේ දැඩි අවදානමක් පවතියි.
ස්විට්සර්ලන්තය, එස්ටෝනියාව යන රටවල් ශ්රී ලංකාව රෝම සම්මුතිය අත්සන් කළ යුතු යෑයි ඉල්ලා තිබිණු අතර එසේම ද්රවිඩ දේශපාලනඥයන් ද ශ්රී ලංකාව රෝම සම්මුතිය නමැති උගුලට අසු කිරීමට උත්සාහ කර ඇත.
ශ්රී ලංකා රජය රෝම සම්මුතියට අත්සන් නොකරන බව රජය මානව හිමිකම් කවුන්සිලයට දන්වා තිබේ.
-
ගව ඝාතකයන්ට ජිවිතාන්තය දක්වා සිර දඩුවම්……….
ගව ඝාතනයට ජිවිතාන්තය දක්වා සිර දඩුවම් ලබාදීමේ නීතියක් ඉන්දියාවේ ගුජරාට් ප්රාන්ත මන්ත්රී මණ්ඩලය සම්මත කර තිබෙනවා. ඒ අනුව එම නීතිය අද(01) සිට ක්රියාත්මක බවයි එරට මාධ්ය වාර්තා කළේ. ඊට අනුව ගව ඝාතනය ඇප ලබානොදෙන වරදක් ලෙස ද ප්රකාශයට පත්කෙරෙනවා.
ගුජරාට් ප්රාන්තයේ දැනට පවතින සත්ව ආරක්ෂණ පනතට සංශෝධනයක් ලෙසයි මෙම නව නීතිය ඇතුලත් කර ඇත්තේ. යම් අයෙකු ගවමස් ප්රවාහනය කිරීමේ වරදට හසුවුවහොත් වසර 10ක සිර දඩුවම් නියම කිරීමේ හැකියාව ද මෙම නීතිය යටතේ පවතිනවා.
ප්රාන්තයේ ජනතාව සමග සාකච්ඡා කර නීතිය ගෙන ආ බවයි ප්රාන්ත අමාත්ය ප්රදීප් සිං ජඩේජා මාධ්ය හමුවේ සදහන් කර තිබෙන්නේ.
-
තරුණියන්ට නවාතැන් දුන්නේ මහින්දගේ උපදෙස් මත – නාමල් සියල්ල හෙළිකරයි…..
නිල් බළකායේ තරුණියන්ට පුහුණුවීම් ලබාදීමට නේවාසික පහසුකම් ලබාදුන්නේ හිටපු ජනපතිගේ උපදෙස් මත බව පුද්ගලික හෝටල් වලට නේවාසික පහසුකම් සදහා රුපියල් මිලියන ගණනක් මුදල් ගෙවූ ආකාරය පිළිබඳව පරීක්ෂණ පවත්වන බරපතළ වංචා විමර්ශනය සඳහා පත්කළ ජනාධිපති කොමිසම පාර්ලිමේන්තු මන්ත්රී නාමල් රාජපක්ෂගෙන් ඊයේ (31 වැනිදා) පැයක් ප්රශ්න කර ප්රකාශ ලබාගෙන ඇත.
මෙහිදී ප්රකාශයක් ලබාදෙමින් නාමල් රාජපක්ෂ මහතා පවසා ඇත්තේ එවකට හිටපු ජනපතිගේ උපදෙස් මත නිල් බළකායේ තරුණියන්ට පුහුණුවීම් සමය තුල අදාළ නේවාසික පහසුකම් ලබාදුන් බවයි.
නිල් බළකාය විසින් මෙම මුදල් ගෙවා දැමුවේ කෙසේද යන්න පිළිබඳව ජනාධිපති කොමිසම පරීක්ෂණ ආරම්භ කළ අතර ඒ අනුව නිල් බළකායේ සභාපතිවරයා ලෙස කටයුතු කළ නාමල් රාජපක්ෂ මහතාගෙන් මෙසේ ප්රකාශ ලබාගෙන තිබේ.
-
ඉත්තෑවෙකු කන්න ගියපු සර්පයෙකුට වෙච්ච දේ මෙන්න.. (VIDEO)
ඉත්තෑවෙකු ගොදුරු කරගැනීමට ගිය බ්රසීලයෙන්. සර්පයෙකුට සිදූවූ ඇබැද්දියක් පිළිබඳ පුවතක් විදෙස් මාධ්ය වාර්තා කර තිබේ.
අන්තර්ජාලය ඔස්සේ බොහෝ දෙනෙකු මෙම වීඩියෝව නරඹා තිබුණු බව සදහන්.
-
ඉතිහාසය වෙනස් කරමින් නව මාදිලියේ සාක්ෂියක් කරලියට……
එංගලන්තයේ යෝක්ෂර් ප්රාන්තයේ ගොඩනැගිල්ලක් ආශ්රිත කැණීම් භූමියකින් අශ්වයින් දෙදෙනෙකුගේ ඇටසැකිලි සමග අශ්ව රියක නටබුන් සොයාගැනීමට බ්රිතාන්ය විද්යාඥයන් පිරිසික් සමත්වී තිබේ.
මෙය වසර 2500ක් පමණ පැරණි අැතැයි පුරා විද්යාඥයෝ පවසන අතර එමෙන්ම මෙම විශ්මිත සොයාගැනීම මගින් යකඩ යුගය පිළිබඳ වැදගත් තොරතුරු රැසක් සොයාගැනිමට ඉවහල් වනු ඇති බවත් ඔවුන් පවසා තිබේ.
-
ජීවිතයත් මරණයත් සටනක නියැලෙමින් මී කඩන නේපාල පාරම්පරික මී දඩයම්කරුවන්ගේ කදුළු කතාව…
ඔබ මේ දකින්නේ මේ නේපාලයේ පාරම්පරික මී වද දඩයම්කරුවන්ගේ විශ්මිත ඡායාරූප එකතුවක් වන අතර ඔවුන් සෑම වසරකම දෙවතාවක් නේපාල කඳු ආශ්රීත ප්රදේශ වෙත ගොස් මී වද කඩති.
ඔවුන් මේ සඳහා භාවිත කරන්නේ සිය ආදි මුතු මිත්තන් මී වද කැඩීම සඳහා භාවිත කළ, අතින් වියන ලද ලණු ඉනිමං,දිගු උණ බට වැනි මෙවලම් වන අතර අඩි සිය ගණනක් ඉහළ ලණු ඉනිමගක එල්ලී, කඩන මී වදය යටින් විශාල කූඩයක් එල්ලා, දිගු උණ බටයකින් මීවද කඩන අයුරු සැබැවින්ම ඉතා ත්රාසජනක ක්රියාවක් බව මේ ඡායාරූප නරඹන ඔබට පැහැදිලි වනු ඇත.
නේපාලයේ වෙසෙන හිමලයානු මී මැස්සා ලොව විශාලතම මී මැස්සා බවද කියැවෙයි.ට ඔවුන් ප්රමාණයෙන් සෙන්ටි මීටර 3ක් පමණ විශාලය.
-
තම ජීවිතයට වඩා O/L වටින නිසා මාරයා තුරුලට ගිය දරුවෝ…
අ.පො.ස. (සාපෙළ) ප්රතිඵලත් ආවා. ඇතැම් සිසුන් සතුටු කඳුළු හෙළුවා. තවත් අය දුකට ඇඬුවා. ඒ දෙකම කරගන්න බැරි පස් හය දෙනෙක් දිවි නහගන්න උත්සාහ ගත්තා. දෙන්නෙක් දිවි නහගත්තා. මේ ගැන දැනගත් බොහෝ දෙනා දරුවන්ටත්, මවුපියන්ටත් පොදුවේ කියන්න ගත්තා. කරුණු කාරණා කොහොම වුණත් සෑම වසරකම නිකුත් වන මෙවැනි විභාග ප්රතිඵලවලදී ඔය වගේ සිදුවීම් සිදුවෙනවා. මේ පළමු අවස්ථාව නම් නොවෙයි.
කහතුඩුව පොලිස් වසමේ කිරිවත්තුඩුව, කිතුලවිල පාරෙහි පදිංචි චලනි ලක්ෂානි එලෙස දිවි නසාගත් සිසුවියක්. 28දා රාත්රියේ ඇය ගෙල වැලලාගෙන දිවි හානි කරගත්තේ නිවෙස පිටුපස තිබූ ඇඹරැල්ලා ගසක අත්තක එල්ලිලා. හේතුව ගණිතය විෂය අසමත් වීම. හෝමාගම ප්රදේශයේ පාසලක 12 වැනි වසරේ ඉගෙනුම ලබමින් සිටි චලනිගේ වයස අවුරුදු 17යි.ඇය කලින් වසරේදීත් සාමාන්ය පෙළ විභාගයේ ගණිතය විෂයට පෙනී සිටියා. එහිදී ඇයට හිමිවුණේ සාමාන්ය සාමාර්ථයක්. ඒ හේතුව නිසාම චලනිට උසස් පෙළට වාණිජ විෂය ධාරාවන් හැදෑරීමට තිබූ ඉඩ ප්රස්තාව වැළකී ගියා. මේ නිසා ඇය දැඩි සිත් තැවුලකින් සිටි බවයි ආරංචි.
චලනි ප්රථම වතාවට සාමාන්ය පෙළ විභාගයට මුහුණ දී තිබෙන්නේ 2015දී. එදා ලද ප්රතිඵල අනුව ඇය කලා විෂය ධාරාවෙන් කලක් උසස් පෙළ හදාරා ඇති අතර එය ඇගේ සිහිනය නොවන බව වැටහීමත් සමඟ පාසල් බලධාරීන්ට ඇය පොරොන්දුවක් දුන්නා. ගණිතය විෂයට සාමාර්ථයක් හෝ ඊට වැඩි ප්රතිඵලයක් ලබාදෙන බවට අදාළ නිලධාරීන්ට පොරොන්දු වී ඇය වාණිජ විෂය ධාරාව හැදෑරීමට යොමු වුණේ කෙසේ හෝ පොරොන්දුව ඉටු කරනවාය යන අදිටන පෙරදැරි කරගනිමින්. ඒ අනුවයි චලනි 2016 දී ගණිතය විෂය විභාගයට මුහුණ දුන්නේ.
අපේක්ෂා භංගත්වය එහෙමත් නැතිනම් බලාපොරොත්තු කඩවීම ඇයට දරාගත නොහැකි වුණා. ඉන් මිදීමට ඇය තෝරා ගත් එකම මාර්ගය මෙලොවින් යෑම පමණයි. වැඩිහිටියකුගේ උපදෙසක්වත්, යාළු මිත්රයකුගේ අදහසක්වත් ඇසීම නොඉවසූ අෑ නොඑන ගමන් ගියා.
අනෙක් ඛේදජනක පුවත අපට අහන්න ලැබෙන්නේ අනුරාධපුරයෙන්. ඒ 29දා. අවුරුදු 18ක් වයසැති චමෝද් ලලන්තගේ පදිංචිය අනුරාධපුරයේ වුවත් ඔහු දුම්රියට බිලි වූයේ ජාඇළ කණුවන දුම්රිය මංසන්ධිය ආසන්නයේදී. ප්රදේශවාසීන්ගෙන් ලද තොරතුරු මත එම ස්ථානයට ගිය පොලිස් නිලධාරීන්ට දැකගත හැකි වූයේ තුවාල සහිතව මියගොස් සිටි චමෝද්වයි.චමෝද්ට අයත් යැයි සැක කරන ජංගම දුරකතනයක්, මුදල් සහිත පසුම්බියක්, කර බෑගයක් හා ජාතික හැඳුනුම්පතද පොලිසියට සොයාගත හැකි වුණා. අදාළ ජංගම දුරකතන සිම්පත ඔස්සේ චමෝද්ගේ මිතුරකුට ලබා දුන් ඇමතුමින් දැනගත හැකිවූයේ චමෝද් මෙවර සාමාන්ය පෙළ විභාගයෙන් ගණිතය විෂය අසමත් වීම නිසා සිත්තැවුලෙන් සිටි බවයි. එසේ නම් චමෝද්ගේ දිවි නසා ගැනීමට එකම හේතුව එය වනු ඇති බවයි බොහෝ දෙනා විශ්වාස කරන්නේ.
දුම්රිය මාර්ගයේ පීල්ලක් අසල සිසුවා මියගොස් සිටියත් අනතුරක් සිදුවීමේදී දුම්රිය එම ස්ථානයේ නැවැත්වීම සම්ප්රදාය වුවත් කිසිදු දුම්රියක් එම ස්ථානයේ නතර කර තිබී නැහැ.
එමෙන්ම අනතුර සිදුවූ ස්ථානය අසල පදිංචි කාන්තාවක්ද චමෝද්ගේ මරණය පිළිබඳ කතා කළා. පාන්දර 3ට පමණ මාළු රැගෙන ඒමට තමන් යමින් සිටියදී මියගිය චමෝද් දුම්රිය හරස් මාර්ගය අසල රැඳී සිටින අයුරු දුටු බව ඇය පවසනවා. ඒ මොහොතේදී චමෝද් කිසිවකු හා දුරකතනය ඔස්සේ කතා කරමින් සිටි බවත් තමන්ට ඇසුණු බවයි එම කාන්තාව කියන්නේ.මීට අමතරව ගණිතය අසමත් වූ ගම්පොළ ප්රසිද්ධ පාසල් දෙකක සිසුවියන් තිදෙනකු අධික ලෙස ඔෟෂධ භාවිත කිරීමෙන් ගම්පොළ රෝහලට ඇතුළත් කළ ආරංචිය ආවෙත් මේ අතරෙමයි. එක් සිසුවියක් පැනඩෝල් පෙති 40ක් පමණ බී ඇති බවත් තවත් සිසුවියක් ඉන්හෙලර් සඳහා භාවිත කරන ඔෟෂධ කරල් අධික ලෙස පානය කර ඇති බවත් වාර්තා වෙනවා. විභාගය අසමත් වීම තමන්ට දරාගත නොහැකි වීම නිසා දිවි නසා ගැනීමේ අරමුණින් මෙලෙස ඔෟෂධ පානය කළ බවයි මෙම සිසුවියන් පවසා තිබුණේ.
මේ සියලු කතා ඇතුළේ හිතන්න දේ ගොඩයි. දරුවන් මේ තරම් අපේක්ෂා භංගත්වයට පත්වන්නේ ඇයි? සියලු ගැටලුවලට විසඳුම දිවි නසා ගැනීම බව හිතන්නේ ඇයි? මේ තත්ත්වයෙන් අපි මිදෙන්න නම් මවුපියන්ගේ පැත්තෙන් ඇත්තේ සුළුපටු වගකීමක් නම් නොවෙයි. තමන්ගේ දරුවා සිටින්නේ කුමන මානසික තත්ත්වයකද යන දැනීම සෑම අම්මෙක් තාත්තෙක්ටම අවශ්යම දෙයක්. සමාජය තුළින් තම දරුවා තෙරපීමකට ලක්වන ඕනෑම අවස්ථාවක සහනදායී මානසික වටපිටාවක් දරුවා තුළ ඇති කිරීමට අම්මාට හෝ තාත්තාට හැර වෙන කිසිවකුටත් කළ නොහැකියි. ආදරණීය අම්මේ, තාත්තේ, හිතන්න. තවත් වරක් හිතන්න. ඒ පසුපස දරුවන් හඹා නොයවන්න. ඔහුට හෝ ඇයට තම ශක්ති පමණින් පමණක් නැඟී සිටින්නට ඉඩ හරින්න.චාමිණී ගම්මන්පිල
ඒකල – ප්රසංග පාවුළුහේවා
කොළඹ – එම්.සී. පෙරේරා -
වරකා ගෙඩිය ඇතෙක්ට මරු කැදවලා……
ඉන්දියාවේ, පචේයිද්රම් රාමනගර්හි, කොවායි වනසංරක්ෂණ ප්රදේශයේ දී කොස් ගසකින් ඉදුණු ගෙඩි කැඩීමට යාමේදී ඉදිරි පාදය ගස් දෙබලක සිරවීමෙන් සිදුවුණු අනතුරකින් ඉතා අවාසනාවන්ත ලෙස දළ ඇතෙකු මියගිය ගොස් තිබේ.
ආසියාවේ වැඩිම වන අලි ගහණයකට හිමිකම් කියන ඉන්දියාවේ වනගත දළ ඇතුන් ඉතා සුලබ අතර කේරළ ප්රදේශයේ පමණක් වන අලි ගහණය 6,000කට ආසන්න වේ.
-
ඒකාබද්ධය තිගැස්සෙයි. මැයි රැලියට ගෝල්ෆේස් පිටිය ලබාදෙයි!
ඒකාබද්ධ විපක්ෂයේ මේ දින වල ප්රධාන මාතෘකාව වී ඇත්තේ තම මැයි රැලියට ගෝල්ෆේස් පිට්ටනිය ලබානොදීම පිළිබඳවයි.
එම හේතුවෙන්ඒ කාබද්ධ විපක්ෂයේ මැයි දින රැලිය පැවැත්වීම සඳහා ගෝල්ෆේස් පිටිය ලබාදීමට කටයුතු කරන ලෙස අගමැති රනිල් වික්රමසිංහ මහතා අදාළ අංශ වෙත උපදෙස් ලබාදී ඇත.
හිටපු ජනාධිපති මහින්ද රාජපක්ෂ මහතාගේ ප්රධානත්වයෙන් පැවැත්වීමට තීරණය කර ඇති එම මැයි රැලිය සඳහා අවශ්ය අනෙකුත් සියලු පහසුකම් සපයන ලෙස ද අගමැතිවරයා උපදෙස් දුන් බව සඳහන් වේ.
ඒකාබද්ධ විපක්ෂයට මුළු ගෝල්ෆේස් පිටියම අවශ්ය වන්නේ නම් එයද, ඊට අමතරව, ආරක්ෂාව, පානීය ජලය, ජංගම වැසිකිළි පහසුකම් ද ලබා දෙන්නැයි ද අගමැතිවරයා උපදෙස් දී තිබේ.
එම පිටිය අවට මාර්ග වසා දමමින් හෝ කිසිදු බාධාවකින් තොරව ඒ සඳහා අවශ්ය පහසුකම් ලබාදෙන ලෙස ද ඒකාබද්ධ විපක්ෂයේ නායකයන්ට ආරක්ෂාව සඳහා ඉල්ලා සිටින පරිදි පොලිස් ආරක්ෂාව ලබා දෙන ලෙස ද අගමැති වික්රමසිංහ මහතා නීතිය හා සාමය පිළිබඳ අමාත්යාංශයට උපදෙස් දී ඇත.
මැයි රැලිය ගෝල්ෆේස් පිටියේදී පැවැත්වීමට අවශ්ය කටයුතු සම්පාදනය කිරීම සඳහා ඉහළ පෙළේ පොලිස් නිලධාරීන් පිරිසකට ඒකාබද්ධ විපක්ෂ නායකයන් හමුවන ලෙස ද රනිල් වික්රමසිංහ මහතා වැඩිදුරටත් උපදෙස් දී තිබේ.
-
මැතිව්ස් ලෝකයෙන්ම පළමු තැනට – චන්දිමාල් සහ කපුගෙදරත් ලැයිස්තුවට…..
ජාත්යන්තර විස්සයි විස්ස තරඟවල කිසිදු ලකුණක් නොලබා දැවී නොගිය ක්රීඩකයන්ගේ ලයිස්තුවේ පළමු තැන ශ්රීලංකා නායක ඇන්ජලෝ මැතිව්ස්ට හිමිව තිබෙන බව අපට වාර්තා වන අතර 2009- 2017 කාල පරිච්ඡේදය තුළ විස්සයි තරඟය ක්රීඩා කළ තරඟ54කදී ඇන්ජලෝ මැතිව්ස් කිසිදු ලකුණක් නොලබා දැවී ගොස් නැත.
මේ අතර මෙහි දෙවන හා තෙවන ස්ථාන පිළිවෙලින් බටහිර කොදෙව්හි මාර්ලන් සැමුවෙල්ස්ට හා සිම්බාබ්වේහි හැමිල්ටන් මසකස්සාට හිමිව තිබෙන අතර ශ්රී ලංකා කන්ඩායමේ දිනේෂ් චන්දිමාල්ට හා චාමර කපුගෙදරට මෙහි පස්වන හා හත්වන ස්ථාන ලැබී ඇති අතර ඔවුන් දෙදෙනා පිළීවෙලින් තරඟ 42ක් 37ක් ලකුණු 0ට නොදැවෙමින් ක්රීඩා කොට ඇත.
-
මියෙන්නට පෙර මොහොතක් ජීවත් වන්න – සාරංග උමාලිට කියයි…..
ආන්දෝලනාත්ම දේපලක් වන සාරංග සහ උමාලිගේ විවාහ ජීවිතය ගැන වැඩි වශයෙන් සමාජයේ කතා බහක් ඇති කාලෙක සාරංග FB හි සටහනක් තබා තිබෙනවා.
උමාලි රංගනයෙන් සහ ගායනයෙන් දායක වන ‘ඔබේ ආදරය’ සංගීත රූප රචනය අන්තර්ජාලයට මුදා හැරුණු අතර සාරංග එම වීඩියෝව සිය ෆේස්බුක් ගිණුමට හුවමාරු කරමින් ‘මියෙන්නට පෙර මොහොතක්වත් ජීවත්වෙන්න…’ යනුවෙන් වූ ගීතයේම කොටසකුයි මෙලෙස සටහනක් ලෙස යොදාඇත්තේ.
