අද කාලේ ෆෝන් එකක් ටැබ් එකක් අතේ තියාගෙන ඉන්න කෙනෙක්, එහෙමත් නැතිනම් අන්තර්ජාලය භාවිතා කරන්නෙක් youtube ගැන නොදැන ඉන්න විදියක් නැහැ. ඒ තරමට අපේ තරුණ ජනතාව අතරේ මේ අපුරු අන්තර්ජාලයේ වීඩියෝ නිධානය ජනප්‍රියයි.
වෙනදා සර්ච් බාර් එකේ ටයිප් කරලා වීඩියෝ බලලා සෑහීමට පත්වෙන ඔබට ඉන් ඔබ්බට ගිය youtube වැඩ කිඩ ටිකක් ගැන කියලා දෙන්න තමයි අපි මේ හදන්නේ.
1. ට්‍රාන්ස්ලේට්
Source – marcusoft.net
ඔයා විදේශීය භාෂාවකින් මොනවා හරි වීඩියෝ එකක් බලනවා නම් පොඩ්ඩක් විමසලා බලන්න වීඩියෝ එකේ Menu බාර් එකේ දකුණු පැත්තේ CC ලෙස සඳහන් බට්න් එකක් තිබෙනවද කියල. එහෙම බට්න් එකක් තියනවනම්, ඒක ක්ලික් කිරීමෙන් ඔයාට ප්ලේ කරලා තිබෙන වීඩියෝ එකට වෙනත් භාෂාවකින් උපසිරසි යොදාගෙන බලන්නට හැකියාව තිබෙනවා. (මේ වීඩියෝ එකෙන් ඔබට එය උත්සහ කර බලන්නට හැකියි)
එහෙම බට්න් එකක් නැතිනම් වීඩියෝ එක අප්ලෝඩ් කල එහි හිමිකරුවා වීඩියෝව ට්‍රාන්ස්ලේට් කිරීමට ඇති අවසරය ඉවත් කර ඇති බව කියන්නට උවමනායි.
2. ට්‍රාන්ස්ක්‍රිප්ට්
Source – hubspot.com
Youtube වීඩියෝ එකේ Share බට්න් එකට යටින් “…More” කියලා බට්න් එකක් තියෙනවා. ඒක ක්ලික් කලාට පස්සේ Transcript නමින් ටැබ් එකක් ඔබට දකින්නට හැකිවේවි.
මේක YouTube වෙතින් ලබාදෙන තවත් එක පහසුකමක් කිව්වොත් නිවැරදියි. ඔවුන් YouTube අප්ලෝඩ් කරන හැම වීඩියෝ එකකටම Automatically ජෙනරේට් වෙන ආකාරයට පිටපතක් සකසා ගන්නවා. ඒ වගේම වීඩියෝ එක අප්ලෝඩ් කරන කෙනෙකුට තමන්ට කැමති නම් මෙම පිටපත කියවීමේ පහසුකම සඟවා තබන්න පුළුවන්.
මේ ට්‍රාන්ස්ක්‍රිප්ට් ක්‍රියාවලියේ තවත් පහසුකමක් තිබෙනවා. හිතන්න ඔබට යම්කිසි අවස්ථාවක වීඩියෝ එකේ යම් තැනක් නැවත නරඹන්නට උවමනා වෙනවා කියලා. එහිදී ඔබට පහසුවෙන්ම ඔබට ට්‍රාන්ස්ක්‍රිප්ට් එක ඔස්සේ තෝරාගත් අවශ්‍ය කොටස නරඹන්නට පුළුවන් කම තිබෙනවා. මුලු වීඩියෝවම නරඹලා මේ තැන හොයාගන්න අවශ්‍ය වෙන්නේ නෑ.
3. Playlist හදන්න ශෙයා කරන්න
Source – youtube.com
අපි කැමති වීඩියෝස් සෝෂල් මීඩියා වල ශෙයා කරනවා වගේ අපට පුළුවන් අපේ කැමැත්තට හදපු ප්ලේ ලිස්ට්ස් යුටියුබ් ඇතුලේ හදන්න. ඒවගේම ඒවා අනිත් අයට පෙනෙන්න ශෙයා කරන්නත් හැකියාව තිබෙනවා. ඒවගේ ම මේ ප්ලේලිස්ට්ස් තමන්ට විතරක් පෙනෙන්න හෝ එහෙම නැතිනම් තමන්ගේ මිතුරන්ට පමණක් පෙනෙන්න වුනත් සෙටින්ග්ස් වලින් හදන්න හැකියාව තිබෙනවා. ඒ විදිහට ප්ලේ ලිස්ට් එකක් නිර්මාණය කරගන්න ආකාරය ගැන පහත වීඩියෝවෙන් බලාගන්න පුලුවන්.
4. කැමති වීඩියෝව ඩවුන්ලෝඩ් කරගන්න
Source – techriff.com
ඔබ කැමති යම් වීඩියෝවක් Youtube හි තිබෙනවා නම් ඔබට පහසුවෙන්ම එය භාගත කරන්නට හැකියාව තිබෙනවා. එය ඔබට වීඩියෝ විදිහටත් එහෙමත් නැතිනම් mp3 විදිහටත් එහෙමත් නැතිනම් වෙනත් ෆෝර්මැට් එකක් විදිහටත් භාගත කර ගන්න පුළුවන්.
- SS යෙදීම
ඔබ කැමති වීඩියෝ URL එකේ http://www. යන කොටස ඉවත් කර ඒ වෙනුවට ss යෙදීමෙන් (උදා- ssyoutube.com/xxxxxxxxxxxx ) save from net වෙබ් අඩවියට ගොස් ඔබට අවශ්‍ය වීඩියෝව භාගත කරන්නට හැකියාව තිබෙනවා.
- Youtube to MP3
ඔබ “Youtube to MP3” ලෙසට ගූගල්හි සෙවුමක් දමා බැලුවොත් යුටියුබ් වෙතින් MP3 කොපි කරගන්නට ඕනෑ තරම් වෙබ් අඩවි ඔබට හමුවේවි. එයිනුත් YOUTUBE CONVERTER නම් වෙබ් අඩවියෙන් කිසිදු POPUP ලෝඩ් වීමකින් තොරව ඔබට කැමති ගීතය ඕඩියෝ ලෙස භාගත කරන්නට පුළුවන්.
5. Subscribe වුනොත් ඔයාව අලුත්ම දේවල් ගැන දැනුවත් කරාවි
Source -amazonaws.com
ඔබට ඔබේ ජීමේල් එකෙන් පහසුවෙන් ම YOUTUBE හි ලියාපදිංචි වන්නට හැකියාව තිබෙනවා, එහිදී ඔබට YOUTUBE CHANNELS වලට SUBSCRIBE වීමේ පහසුකම සපයා තිබෙනවා. මෙහි වාසිය තමයි, එම අදාළ චැනලයෙන් අලුත් වීඩියෝවක් අප්ලෝඩ් වුනොත් ඔබට ඒ මොහොතේම එය ඊමේල් මගින් දන්වා සිටිනවා.
6. GIF හදමුද?
Source – giphy.com
අපි අනිවා ලිපිවල පල කරන gifs බොහොමයක් තනා ගන්නේ YouTube හරහා තමයි. අපි ඊට භාවිතා කරන්නේ Giphy.com , gifs.com, makeagif.com වගේ වෙබ් අඩවි සේවා කිහිපයක්. ඔබට කරන්නට තිබෙන්නේ මෙවැනි වෙබ් අඩවියකට ගොස්, YouTube වීඩියෝවෙන් GIF එකක් නිර්මාණය කරගන්න අපට අවශ්‍ය වන කොටස ආරම්භ වෙන වෙලාව සහ අවසන් වෙන වෙලාව සටහන් කිරීමයි, ඉන්පසුව ඔවුන් විසින් අදාල වීඩියෝ කොටසින් GIF එකක් නිර්මාණය කොට අපට එය භාගත කර ගන්නට හෝ වෙනත් අඩවියක පළකරන්නට හැකියාව ලබා දෙනවා.
7. කැමති තැනකින් පටන් අරගෙන බලමුද?
Source – hubspot.com
හිතන්න අපිට කෙනෙක්ට යම් YouTube වීඩියෝ එකක විනාඩි 10 ඉඳන් ඉස්සරහට වෙන දේවලුයි පෙන්නන්න ඕනෙ කියලා. එවිට අපි කල යුත්තේ Share බට්න් එක ඔබලා, එහි ෂෙයාරින් බට්න් වලට පහතින් තිබෙන කෙටි url එක කොපි කරගන්නට ඇති ඉඩ යටින් ඇති කොටසේ Start at කියන තැන “ටික්” කර, අපට අවශ්‍ය වෙලාව එතන සඳහන් කිරීම පමණයි.
ඉන් පසුව ඒ වීඩියෝ ලින්ක් එක ලෝඩ් කල විට එය ප්ලේ වන්නේ අපි නියම කල තැන සිටයි.
8. කැමති වීඩියෝ සේව් කරගෙන පස්සෙ බලන්න
Source – stack.imgur.com
සමහර වෙලාවට YouTube එකේ ඔයා කැමති වීඩියෝවක් ඔයාගෙ ඇස ගැටුනත් ඒක බලන්න වේලාවක් නැති වෙන්න පුලුවන්. මේ වගේ වෙලාවට කරන්න පුලුවන් හොඳම වැඩක් තමයි පස්සෙ බලන්න ඒ වීඩියෝ එක සේව් කරගන්න එක. මේක කරන්න හරිම ලේසියි. යූටියුබ් වීඩියෝවට යටින් වම්පැත්තට වෙන්න තියන Add to කියන එක ක්ලික් කරල Watch later කියන එක තෝරන්න විතරයි තියෙන්නෙ. එහෙම කලාම ඒ ප්ලේ ලිස්ට් එක යටතට අදාල වීඩියෝව සේව් වෙනවා. ඊට පස්සෙ නිවාඩු පාඩුවේ YouTube බලන වෙලාවක වම්පස කෙළවරේ පෙන්වන Watch Later ප්ලේ ලිස්ට් එක ක්ලික් කරල තමන් සේව් කරගත්ත වීඩියෝව නරඹන්න පුලුවන්.
[rns_reactions]
