අපේ ගම්වල දුප්පත් මිනිස්සු කුකුල් මස් ටිකක් උයලා කටට රහට කෑම වේලක් කන්නේ සිංහල අවුරුද්ද වගේ උත්සව දවසකට විතරයි. හැබැයි අද බලන්න කුකුල් මස් කිලෝ එකක් රුපියල් 750ත් පැනලා. අල කිලෝ එකක් රුපියල් 150යි. ඇඳුම් පැළඳුම් ගත්තත් එහෙමයි. මිනිස්සුන්ට මේ උදා වෙලා තියෙන් කන්න නෙමෙයි ලෙවකන්න වෙන අවුරුද්දක් කියලා අපි කියන්නේ ඒකයි.
මෙලෙස ප්‍රකාශ කර ඇත්තේ ශ‍්‍රී ලංකා පොදුජන පෙරමුණේ ගම්පහ දිස්ත‍්‍රික් නායක, පාර්ලිමේන්තු මන්ත‍්‍රී ප්රසන්න රණතුංගය.
කෙසේ වෙතත් ප්රසන්න රණතුංගගේ මස් කිලෝවක් රුපියල් 750 වුත් සාමාන්‍ය වෙළෙඳපොලේ කුකුල් මස් කිලෝව පැවතියේ රුපියල් 400 ත් රුපියල් 500 ත් අතරය. රජය විසින් පනවන ලද කුකුල් මස් කිලෝවක උපරිම සිල්ලර රුපියල් 420 කි. එවැනි තත්වයක් තුළ දේශපාලඥයෙකු වන ප්රසන්න රණතුංග වැන්නෙකු රුපියල් 750ක් දී කෑවේ කාගේ මස් දැයි සැකයක් උපදී.
තම දේශපාලන වාසි උදෙසා මෙවැනි බොරු ගණන් හිලව් පවසමින් ජනතාව නොමඟ යැවීම පිළිකුල් සහගත ක්‍රියාවකි.
