නීතිවේදියෙකු සහ කෝට්ටේ නාගරික මන්ත්රීවරයෙකු වන විරාජ් වික්රමනායක අනතුරකට ලක්ව ඇත.
ඔහු පැමිණි කාර් රථය මංසන්දියකදී ලොරියක ගැටී ඇති අතර ජනප්රිය ව්යාපාරිකයෙකු ද වන ඔහු Mr කොත්තු සහ Colombo fresh fruits pvt ltd යන ආයතනවල හිමිකරුවා ද වේ.
මෙම අනතුර සිදුව ඇත්තේ ශාන්ත සොයිසා අධ්යක්ෂණයට අනුව මිතූ ටෙලිනාට්යයේ ඔහු විසින් රඟපානු ලබන දර්ශනයක් සඳහා වන අතර එම අවස්ථාවේ දර්ශන පහතින්……
උතුරු දුම්රිය මාර්ගය ඉදිකිරීමේදී රුපියල් මිලියන 8ක වංචාවක් සිදුකිරීම සම්බන්ධයෙන් රාජ්ය දැව සංස්ථාවේ හිටපු සභාපති අනුරුද්ධ පොල්ගම්පොල අපරාධ පරික්ෂණ දෙපාර්තමේන්තුව මගින් අත්අඩංගුවට ගෙන තිබේ.
අනුරුද්ධ පොල්ගම්පොලව රාජ්ය දැව සංස්ථාවේ සභාපති ලෙස පත්කිරීමෙන් අනතුරුව එම පත්කිරීමට දැඩි ලෙස විවේචන එල්ලවීමෙන් පසුව දින කිහිපයක් තුළ ජනපතිවරයා ඔහුව තනතුරෙන් ඉවත් කළ අතර ඔහුට පෙර රාජ්ය දැව සංස්ථාවේ සභාපති ලෙස කටයුතු කළ පී. දිසානායකද රුපියල් මිලියන 20 ක අල්ලසක් ගැනීමේදී අත්අඩංගුවට පත්විය.
කොළඹ ඉසිපතන විද්යාලය හා මහනුවර කිංග්ස්වුඩ් කණ්ඩායම් අතර ඊයේ මහනුවර පැවති රගර් තරගයේදී මහනුවර කිංග්ස්වුඩ් කණ්ඩායමට සහය පල කිරීමට පැමිණි ප්රේක්ෂකයන්ගෙන් දැක ගත හැකි වුයේ ප්රචණ්ඩකාරී හැසිරීමක්. තරගය අවසානයේදී ඔවුන් ඉසිපතන ප්රේක්ෂකයන් වෙත පහර දීමක් සිදු කල අතර ඉසිපතන ක්රීඩකයින්ගේ දෙමව්පියන්, ආදී ශිෂ්යයින් සහ පාසල් ශිෂ්යයින් තුවාල ලබා සිටිනු දක්නට ලැබුණි.
කිංග්ස්වුඩ් කණ්ඩායම ඉසිපතන කණ්ඩායම හමුවේ ලකුණු 10 – 05 ක් ලෙස පරජයට පත්වීමත් සමග මෙම සිද්ධිය ඇතිවී ඇත.
https://www.facebook.com/supirigossip1/videos/1685299071505692/
ඊයේ (13) රාත්රියේ එජාප ප්රභල ඇමති වරු දෙදෙනෙක් සහ මෛත්රී වරුන් 4 දෙනෙක් සමග සජිත් ප්රේමදාසගේ ප්රධානත්වයෙන් රහසිගත හමුවක් තිබී ඇත.අගමැති රනිල් වික්රමසිංහව එම තනතුරින් පහ කිරීමටත් එජාප පක්ෂ නායකත්වය සජිත්ට ලබා ගැනීමේ ඊලඟ කුමන්ත්රනය මෙසේ ඇරඹුන බව මෙම කුමන්ත්රනය සැලසුම් කරන අතරතුර පාවිච්චියට ගත් ඩබල් බ්ලැක් බෝතලයේ රැස් ඒවන විටත් අැඟෙන් පිටවෙමින් තිබූ එක් පසුපෙල මන්ත්රී වරයෙකුගෙන් දැන ගැනීමට ලැබුණි.
මෙම කුමන්ත්රණය පිටුපස රටේ නම ගිය කැසිනෝ ව්යාපිරිකයෙක් වන කැසිනෝ රවී හෙවත් රවී විජේරත්න සිටීමත් මේ වෙනුවෙන් ඇතිපදම් වියදම් කිරීමට ඔහු මැලි නොවීමත් සහ ඊයේ මෙම හමුව ඔහුගේ නිවසේ පැවතීමත් හේතුවෙන්
මෙවර නම් රනිල් වික්රමසිංහට ජාමෙ බේරගන්න බැරි වන බව එහිදී ඔවුන් කතා වූ බව එම මන්ත්රීවරයාගෙන් වැඩිදුරටත් කියවූ අතර රනිල් නෙරපා සජිත් ගෙන ඒමට දැන් අපිට ඕන තරම් සල්ලි විසි කරන්න පුළුවං.. 2020 පක්ෂෙ නායකය විදිහට සජිත්ව ජනාධිපති වරණයට ඉදිරිපත් කර එජාපය දිනවීම ඔවුන්ගේ අරමුණ බවත් ඒ වෙනුවෙන් සජිත් බලේට ආවම එජාපයේ දැනට ඉන්න බලකණු ගොඩක් ගලවා දමා පසුපෙල මන්ත්රීවරුන් කරලියට ගෙන ඒමටත් මේ වෙනුවෙන් ඇතිපදම් සල්ලි විසිකරන රවී විජේරත්නට ලංකාවේ ලංකාවෙ කැසිනෝ එකාධිකාරය හදල දෙනන්නත් සජිත් එකඟ වූ බව ඔහු විසින් වැඩිදුරටත් කියා සිටියේය.
පසුගිය සිකුරාදා පාර්ලිමේන්තුවට ඉදිරිපත් කළ ජෝන් කොතලාවල ජාතික ආරක්ෂක විශ්වවිද්යාල ගැසට් පත්රය මේ රටේ නිදහස් අධ්යාපනය වැනසීම සඳහා 1981 ඉදිරිපත් කළ ධවල පත්රිකාවට වඩා දරුණු එකක් බව අවධානය කරන බව ජනතා විමුක්ති පෙරමුණේ ජාතික සංවිධායක බිමල් රත්නායක මහතා ඊයේ(13) පැවති මාධ්ය හමුවකට එක්වෙමින් කියා සිටියේය.
එහිදී අදහස් දැක්වූ ඒ මහතා,
21වන සියවසේ ඉදිරිපත් කරන අධ්යාපනය පෞද්ගලීකරණය කිරීමේ බරපතළම පනත් කෙටුම්පත මේකයි. සාකච්ඡාවකටවත් කිසිම ඉඩක් ඉතිරි කරන්නේ නැතිව රාජ්ය සරසවි පුද්ගලීකරණය කිරීමට රාජ්ය මුදල්වලින් පෞද්ගලික සරසවි ඇති කිරීමට මේ පනතින් ප්රතිපාදන සලසාගෙන තිබෙනවා. ඒ නිසා, ජනතා විමුක්ති පෙරමුණ හැටියටත් සමාජවාදී ශිෂ්ය ව්යාපාරය හැටියටත් අපි මෙය පරාජය කිරීම සඳහා මේ රටේ සියලූම බහුජන සංවිධානත් ශිෂ්ය ව්යාපාරය, වෛද්ය සංගම්, සරසවි ශිෂ්ය මාපිය සංගම් ආදී මේ අවස්ථාවේ නිදහස් අධ්යාපනය වෙනුවෙන් පෙනී සිටින සංවිධානවලට අමතරව රටේ මුළු මහත් ජනතාව මේ වෙනුවෙන් පෙළ ගැසිය යුතු බව අපි අවධාරණය කරනවා.
ප්රමිතියෙන් තොර වෛද්යවරුන් බිහි කරන්න, පවත්වාගෙන ගිය සයිටම් ආයතනය අහෝසි කරන්න විශාල උද්ඝෝෂණයක් මුළු ජනතාවගෙන්ම ඇති වී තිබෙනවා. එය අහෝසි කරන බව පසුගිය නොවැම්බර් මාසයේ ආණ්ඩුව සහතික වුණා. මේ තත්ත්වය යටතේ සයිටම් ආයතනයේ ඉගෙන ගත් ශිෂ්යයන් එසේ දඩුවම් විඳිය යුතු නැති බව මානුෂික හේතූන් මත සයිටම් විරෝධී අරගලයේ සිටි සියලූම දෙනා පිළිගත්තා. ඒ අනුව වෛද්ය සභාවේ නිර්දේශ මත සුදුසුකම් ලත් සයිටම් සිසුන් තාවකාලිකව රාජ්ය විශ්වවිද්යාලවලට ඇතුළත් කරගන්න එකඟ වුණා. මේ ක්රියාවලිය සඳහා කමිටුවකුත් පත් කළා. ඒ කමිටුවේ කටයුතු කෙරෙමින් තිබියදී තුට්ටුදෙකේ හොර වැඩවලට ආණ්ඩුව යොමු වී මේ පනත ගෙනත් තිබෙනවා.
ජෝන් කොතලාවල ආරක්ෂක විශ්වවිද්යාලය පිහිටුවන්නේ 1981 අංක 68 දරන ජෝන් කොතලාවල ආරක්ෂක විශ්විද්යාල පනතට අනුවයි. එය ආරක්ෂක අංශවල උසස් අධ්යාපනය සඳහා පිහිටුවිය යුතු බව ජෝන් කොතලාවල මහත්මයාගේ අන්තිම කැමති පත්රයේ පවා සඳහන් කර තිබෙනවා. නමුත් ආණ්ඩුව ලෑස්තිවෙන්නේ මේ පනතට පිටින් ඉදිරිපත් කර තිබෙන කෙටුම්පත යොදාගෙන අධ්යාපනය පෞද්ගලීකරණය කිරීම වේගවත් කිරීමටයි. මේ වෙනුවෙන් 1978 විශ්වවිද්යාල පනතට බාහිරව රාජ්ය මුදල් පවා යෙදවීමේ හැකියාව ලබාදීමට සූදානම් වෙනවා. මේ පනත ක්රියාත්මක කළොත් කොතලාවල ආරක්ෂක විද්යා පීඨයට දේශීය හෝ විදේශීය ආයතන සමග ගිවිසුම් අත්සන් කිරීමේ හැකියාවක් ලැබෙනවා. ඒ කියන්නේ මේ රටේ ටියුෂන් කඩවලට පවා ගිවිසුමක් මඟින් කොතලාවල එකට සම්බන්ධ වෙන්න පුළුවන්. මේ හරහා කිසිම අධ්යාපන නිර්ණායකයකින් තොරව මේ ආයතනයෙන් සල්ලි දීලා උපාධි ගන්න අවස්ථාව ලැබෙනවා. උසස් පෙළ සමත්වීම හෝ ඉසෙඞ් ඉස්කෝර් අගය වගේ මොකුත්ම නිර්ණායක අදාළ වෙන්නේ නැහැ. ඕනෑම කෙනෙකුට ප්රමිතියෙන් තොර උපාධියක් ලබාගෙන ඉන්දියාව, ඇමෙරිකාව වගේ රටවල පවතින තත්ත්වයක් මේකෙන් ඇති කළ හැකියි.
මෛත්රීපාල සිරිසේන, රනිල් වික්රමසිංහ, ලක්ෂ්මන් කිරිඇල්ල වගේ අය සයිටම් සිසුන් ගැන කිඹුල් කඳුළු හෙළපු හැටි අපි දැක්කා. ඔවුන්ට අසාධාරණයක් සිදුවෙන්න නොදෙන බව ඔවුන් ප්රකාශ කළා. ඒ සිසුන් යොදාගෙන පෞද්ගලික විශ්වවිද්යාල වෙනත් ආකෘතියකින් ඇති කරන්න මේ පාලකයන් උත්සාහ කරමින් සිටිනවා. ඒ වෙනුවෙන් හමුදාව යොදවාගෙන, හමුදාවලට බලපාන අණපනත් යටතේ ආයතනයක් පිහිටුවා මේ රටේ අධ්යාපනය නොසිතූ විරූ ලෙස විනාශයට ගෙනියන්න මේ කෙටුම්පතින් ඉඩ සලසා තිබෙනවා. මේකට විරුද්ධව අධිකරණය ඉදිරියට යන්න නම් සභානායකවරයා පළමුවර කියවීම වශයෙන් මේ ගැන වාචිකව පාර්ලිමේන්තුවට කරුණු ඉදිරිපත් කළ යුතුයි. නමුත් සිකුරාදා කළේ මන්ත්රීවරුන්ගේ මේස මත මේ පනත් කෙටුම්පත තියල තිබුණු එක විතරයි. ඒ නිසා උසාවි යන්නත් බැහැ. නමුත් මේ වන විට අපිට ලැබෙන ආරංචි අනුව සයිටම් විරෝධී ජනතා පවුර, ශිෂ්ය ව්යාපාරය ඇතුළු සංවිධානවල විරෝධය හමුවේ කෙටුම්පත අයින් කරගන්න සූදානම් වන බව කියැවෙනවා. මේ ආණ්ඩුව කර තිබෙන්නේ ජෝන් කොතලාවල මහතාගේ අන්තිම කැමති පත්රයටත් ෂොට් එකක් දීලා අධ්යාපනය පෞද්ගලීකරණය කරන්න පාවිච්චි කරන එකයි. සාමාන්යයෙන් ශිෂ්ට සම්පන්න සමාජයක කෙනෙකුගේ අන්තිම කැමති පත්රයට ගෞරවයක්, වටිනාකමක් දෙනවා. මේ ආණ්ඩුව ඒකටත් වංචා කරන තත්ත්වයක ඉන්නේ.
මේ පනත අනුව බලාත්මක කරන විශ්වවිද්යාලය පිහිටුවන්නේ ආරක්ෂක අමාත්යාංශය යටතේ. මේ දක්වා කොතලාවල පීඨය තිබුණේ ආරක්ෂක අංශයට උසස් අධ්යාපන කටයුතුවලටය. නමුත් ලෝකයේ පළමුවෙනි වරට ආරක්ෂක අමාත්යාංශය යටතේ පිහිටුවන ආයතනයකින් සිවිල් පුරවැසියන්ගේ දරුවන්ට උපාධි ලබාදෙන්න සූදානම් වෙනවා. කොතලාවල මහත්තයාගේ අන්තිම කැමති පත්රය උල්ලංඝනය කරලා අධ්යාපන කඩ දාන්න සූදානම් වෙන්නේ මේ නිසයි. මේ අනුව පිහිටුවන ආයතනයට සන්නද්ධ හමුදාවලට අයත් නොවන රාජ්ය සේවයේ අනිකුත් නිලධාරීන්ට ලැබී තිබෙන ආයතන සංග්රහය ඇතුළු නීති-රීතිවලට අමතරව ත්රිවිධ හමුදා පිහිටුවීමේ පනත් කෙටුම්පත්වලට අදාළව නීතිත් ඇතුළත් වෙනවා. ඒ වගේම ලංකාවේ විශ්විවිද්යාලවලට බලපාන සියලූ තීන්දු තීරණ ගන්නා 1978 අංක 16 දරන විශ්වවිද්යාල පනතේ කුමක් සඳහන් වුවත්, එය නොතකා ක්රියාකිරීමේ හැකියාව ලබාදීමට සූදානම් වෙනවා. සිසුන් බඳවා ගැනීම්, විභාග පැවැත්වීම, ප්රතිඵල නිකුත් කිරීම ආදී හැමදේම කරන්න සූදානම් වෙන්නේ විශ්වවිද්යාල පනතට පිටින්. ඒ අනුව බඳවා ගන්නා අයට නිශ්චිත සුදුසුකමක් නැතිවා වගේම ඕනෑම කෙනෙකුට උපාධි, ආචාර්ය උපාධි ලබාදීමේ හැකියාවත් මේ මඟින් ඇති වෙනවා.
අපේ රටේ වෛද්ය, ඉංජිනේරු, නීතිඥ වගේ වෘත්තීයමය ක්ෂේත්රවලට ඇතුළත්වන කෙනෙකුගේ සුදුසුකම් පරීක්ෂාකර බලන්න වෘත්තීයමය සභා පිහිටුවා තිබෙනවා. උදාහරණයක් හැටියට ශ්රී ලංකා වෛද්ය සභාව මේ රටේ වෛද්යවරුන් සම්බන්ධ ප්රමිතීන් තීරණය කරනවා. ලංකාවේ රජය පිළිගෙන තිබෙන පිටරට විශ්වවිද්යාලයක වෛද්ය උපාධිය ලබා එන අය වගේම මේ රටේ වෛද්ය උපාධිය ලබාගත් අයත්, වෛද්ය සභාවේ නිර්ණායක සම්පූර්ණ කළ යුතුයි. නමුත් මේ පනතට අනුව කොතලාවල ඇකඩමියට එවැනි කිසිම ප්රමිතියක් අයත් නොවන විශේෂ වරප්රසාද ලබාදෙනවා. නමුත් විශ්වවිද්යාල ප්රතිපාදන කොමිසම යටතේ තිබෙන රාජ්ය විශ්වවිද්යාලවලට ඒවගේ අවස්ථාවක් නැහැ. මේ පනත කි්රයාත්මක කළොත් සිද්ධ වෙන්නේ මහජනතාවගේ බදු මුදල් යොදවා පෞද්ගලික ව්යාපාර ආරම්භ කිරීමට පුළුල් ඉඩකඩක් ලබාදීමයි. ඒවගේම හමුදාකරණය වූ විශ්වවිද්යාල බිහිකරන්නත් මේකම යොදා ගැනීමේ අනතුර තිබෙනවා. ආරක්ෂක විශ්වවිද්යාලයක් නම්, ආරක්ෂක හමුදාවලට අදාළ උපාධි පිරිනැමීම සාමාන්ය දෙයක්. නමුත් මේ වනවිටත් කොතලාවල ඇකඩමියේ පෞද්ගලික පාඨමාලා හදාරණ සිසුන් විශාල පිරිසක් ඉන්නවා. ඒ අය වෙනුවෙන් අනෙක් කිසිම විශ්වවිද්යාලයක සිසුන්ට වියදම් නොකරන විශාල මහජන මුදලක් ද, යොදවමින් තිබෙනවා.
අනික් පැත්තෙන් අධ්යාපනය පෞද්ගලීකරණය කිරීමට ශ්රී ලංකා ආරක්ෂක හමුදාවන් යොදාගැනීමටත් ආණ්ඩුව මේ හරහා උත්සාහ කරනවා. මේ වනවිට සයිටම් විරෝධී ශිෂ්ය අරගල වගේම නිදහස් අධ්යාපනය වෙනුවෙන් ගෙනයන අරගලවලට ඍජුවම මුහුණ දෙන්න සිදුවෙන්නේ ආණ්ඩුවට. නමුත් මේ පනත ක්රියාත්මක කිරීම හරහා ඒවගේ ශිෂ්ය විරෝධතාවලට විරුද්ධව කෙළිින්ම ආරක්ෂක හමුදා යොදාගැනීමේ හැකියාව තිබෙනවා. ශිෂ්යන්ගේ විරෝධය එල්ලවෙන්නේ ආරක්ෂක හමුදාවල ක්රියාකාරිත්වය සම්බන්ධයෙන් වීම ඒකට හේතුවයි. ආණ්ඩුව මේ තක්කඩි විදිහට උත්සාහ කරන්නේ මේ දක්වා පෞද්ගලීකරණය කරන්න බැරිවූ රාජ්ය විශ්වවිද්යාල පෞද්ගලීකරණය කිරීමේ ව්යාපෘතියට ආරක්ෂක හමුදා යොදවා ගන්නයි. මේ නිසා ජනතා විමුක්ති පෙරමුණ ඉතා පැහැදිලිවම මෙය පරාජය කිරීමේ සියලූම සංවිධාන එකතු කරමින් මේ දක්වා අධ්යාපනය වෙනුවෙන් නොතිබූ තරම් මහජන බලවේග පෙළගස්වනවා. අපි ජනතාවටත් අවධාරණය කරන්නේ මේ විනාශකාරී පනත් කෙටුම්පත පරාජය කිරීමට පෙළ ගැසෙන්න කියලයි. දැනටමත් විවිධ මට්ටම්වලදී අධ්යාපනය වෙනුවෙන් අරගල කරන විශ්වවිද්යාල ආචාර්ය මහාචාර්යවරු, මාපිය සංගම්, ශිෂ්ය ව්යාපාරය ඇතුළු සියලූම බලවේග එකට එකතු වී මෙය පරාජය කළ යුතුයි. ඒ සටනේ පෙරමුණේම ජනතා විමුක්ති පෙරමුණත්, සමාජවාදී ශිෂ්ය සංගමයත් ඉන්න බව අපි අවධාරණය කරනවා.
අතිවිශාල මුදලක් වැය කරමින් මහරගම අපේක්ෂා රෝහල වෙත ලබා දී ඇති පෙට් ස්කෑන් යන්ත්රය සඳහා අවශ්ය විශේෂ රසායනික වර්ණක ආනයනය කර රෝහල් වෙත ලබා නොදීම හේතුවෙන් රෝගීන් වෙනුවෙන් භාවිතයට ගැනීමට නොහැකි වී ඇති බව වාර්තා වේ.
කොළඹ ජාතික රෝහල වෙතද මීට වසර හතරකට පෙර ගෙන එන ලද පෙට් ස්කෑන් යන්ත්රයත් මේ හේතුවෙන්ම නිසි භාවිතයෙන් තොරව පවත්නා බව ද වාර්තා වී තිබේ.
පෙට්ස්කෑන් පරීක්ෂණයක් සඳහා විශාල මුදලක් වැය වන අතර මෙම වියදම කිසිසේත්ම රෝගියෙකු හට දරාගැනීමට නොහැකි බැවින් පිළිකා රෝගීන්ට සහනයක් ලෙස මේ විශේෂිත රසායනික වර්ණක සෞඛ්ය දෙපාර්තමේන්තුව හෝ පෞද්ගලික අංශය මගින් ආනයනය කොට ලබාදී මේ යන්ත්ර දෙක රෝගීන් වෙනුවෙන් භාවිතයට ගැනීමට කටයුතු කළ යුතු බව විශේෂඥ වෛද්ය ඩෙහාන් ගුණසේකර මහතා පවසයි.
කොතලාවල ආරක්ෂක විශ්වවිද්යාලය සම්බන්ධයෙන් වන පනත ආණ්ඩුව විසින් පාර්ලිමේන්තුවේදී සංශෝධනය කර නැවත පෞද්ගලික විශ්වවිද්යාල ස්ථාපිත කිරීමේ උත්සාහයක නිරත වන බව රජයේ වෛද්ය පීඨ ශිෂ්ය ක්රියාකාරී කමිටුවේ කැඳවුම්කරු රයන් ජයලත් පවසයි.
වත්මන් ආණ්ඩුව විසින් සයිටම් ගැටලුවට විසදුම් සෙවීම වෙනුවට උසස් අධ්යාපන ක්රමය විකෘති කරන බව ඔහු විසින් වැඩිදුරටත් කියා සිටී.
කිසියම් දේශපාලන පක්ෂයක් සිය දේශපාලන අරමුණු මුදුන්පත් කර ගැනීම සඳහා රණවිරුවන් භාවිත කිරීම සදාචාරාත්මක නොවන බව ජනාධිපති මෛත්රීපාල සිරිසේන මහතා පවසන අතර ජනාධිපතිවරයා වැඩිදුරටත්ෙ කියා සිටියේ රණවිරුවන්ට ජාතියේ උපහාර පුද කරමින් ඔවුන්ගේ වරප්රසාද දිනා දීමට කටයුතු කරනවා මිස කිසිදු අවස්ථාවක ඔවුන් අවතක්සේරුවට ලක් කිරීමට වත්මන් රජය කටයුතු නොකළ බවයි.
‘‘ වයඹ රණ අභිමන්’’ රණවිරු ස්මාරකය විවෘත කිරීමේ අවස්ථාවට ඊයේ පස්වරුවේ එක්වෙමින් ජනාධිපතිවරයා මෙම අදහස් පළකෙලේය. කුරුණෑගල – දඹුල්ල මාර්ගය සංවර්ධනය කිරීමේ දී තාවකාලිකව ඉවත් කෙරුණු රණවිරු ස්මාරකය වෙනුවට මෙම නව රණවිරු ස්මාරකය කුරුණෑගල මාලිගාපිටිය ක්රීඩාංගණය අසල ඉදිකර ඇත.
මෙහිදී වැඩිදුරටත් අදහස් දැක්වූ ජනාධිපතිවරයා කියා සිටියේ රණවිරු දඩයමක් පිළිබඳ ඇතැමුන් රජයට චෝදනා කළද සැබෑ ලෙසම රණවිරු දඩයම සිදු කළේ පසුගිය රජය බවයි. වත්මන් රජය අන්තර්ජාතික සහයෝගීතාව තුළ රණවිරුවන්ගේ අභිමානය සුරැකීමට උපරිම අයුරින් කටයුතු කළ බවද ජනාධිපතිවරයා මෙහිදී අවධාරණය කළහ.
දුම්බර අඩවිය හෙවත් නකල්ස් කදුකරයේ පිහිටි අක්කර 21,000 ක පමණ වතු ඉඩම් විවිධ ව්යාපෘති කි්රයාත්මක කිරීම සදහා රාජ්ය ව්යවසාය හා මහනුවර සංවර්ධන අමාත්යංශයේ හිටපු අමාත්ය කබීර් හෂීම් හා වත්මන් අමාත්ය ලක්ෂ්මන් කිරිඇල්ල යන මහත්වරුන් විසින් ඔවුන්ගේ හිතවතුන් හා ඥාතීන් වෙත පවරා දී තිබේ. මෙලෙස විවිධ පුද්ගලයින්ට පැවරීම සිදු කර ඇත්තේ රාජ්ය වැවිලි සංස්ථාව හා ඇල්කඩුව වැවිලි සමාගම ම`ගින් කළමනාකරණය කරනු ලබන වතු ඉඩම් ය
නකල්ස් සංරක්ෂිත වනාන්තරය මායිමේ පිහිටි අලකොළේ, කොටගල, ගල්පිහිල්ල, ගෝමරේ, හග්ගල්ල, හෙයාර් පාර්ක්, හුන්නස්ගිරිය, කැළෑබොක්ක, මැදවත්ත, නිකොලොය, රංගල හා ඕපල්ගල යන රාජ්ය වැවිලි සංස්ථාවට අයත් හෙක්ටයාර 9675 ක් වන වතු ඉඩම් වලින් හෙක්ටයාර 6192 ක් සහ ඇල්කඩුව වැවිලි සමාගමට අයත් බණ්ඩරපොළ, ඇල්කඩුව, හුණුගල, පිටකන්ද, රත්වත්ත, සැලගම, හපුගස්පිටිය, මිල්ලවාන හා නාලන්දා වතු ඉඩම් වලට අයත් හෙක්ටයාර 3693 න් හෙක්ටයාර 2363 ක් වශයෙන් විවිධ පුද්ගලයින් හා සමාගම් වලට හෙක්ටයාර 8555 ක් නැතහොත් අක්කර 21,400 ක වතු ඉඩම් පැවරීම සිදු කර ඇත. මෙම පැවරීම සිදු කර ඇත්තේ අක්කරයකට වාර්ෂික ව රුපියල් 2857 ක මුදලකට තිස්පස් අවුරුදු බදු පදනම යටතේ ය.
නකල්ස් සංරක්ෂිත වනාන්තරය මායිමේ පිහිටි හෙයාර් පාර්ක් වත්තේ අක්කර 900 ක් පමණ මේ ආකාරයෙන් මහ පරිමාණ කුකුළු ගොවිපොළක් ස`දහා කි්රස්බ්රෝ සමාගමට ලබා දී තිබේ. සංරක්ෂිත වනාන්තරය මායිමේ පිහිටි රත්වත්ත වතු යාය රෝස තිරුවානා ඛණිජ කැණීම ස`දහා ලබා දී ඇති අතර මේ වන විට මහ පරිමාණයෙන් නීති විරෝධී ලෙස මෙම ඛණිජ කැණීම් කටයුතු සිදු කෙරේ. මැදවත්ත වතු යායේ අක්කර 35 ක් මහ පරිමාණ හෝටල් ව්යාපෘතියක් ස`දහා ලබා දී තිබේ. මේ සියල්ල මේ වන විට සිදු වන්නේ ජාතික පාරිසරික පනත උල්ලංඝනය කරමින් නීති විරෝධී ලෙස ය.
කි්රස්බ්රෝ සමාගම දිගින් දිගට ම මේ ආකාරයෙන් සංවේදී පරිසර පද්ධති ආක්රමණය කරමින් සිටී. 2007 වසරේ දී මහවැලි ‘‘සී’’ කලාපයට අයත් ඇළකොටලිය හෙවත් මහපිටිය අලිමංකඬේ අක්කර 150 ක තෘණ භූමි පවරාගෙන කුකුළු ආහාර ලෙස භාවිතයට ගැනීමට බඩ ඉරිගු වගා කිරීම ඇරැුඹින. මෙම ව්යාපෘතිය ස`දහා එවකට මධ්යම පරිසර අධිකාරියේ හිටපු සභාපති උදය ගම්මන්පිල මහතා විසින් අවසර ලබා දීම සිදු කෙරින. මේ ආකාරයෙන් ම කි්රස්බ්රෝ සමාගම දුම්බර අඩවියේ ඉතා සංවේදී ඉඩම් අත්පත් කර ගෙන මහ පරිමාණ කුකුළු ගොවිපොළවල් සැකැසීමට සූදානම් වේ.
දුම්බර අඩවිය යනු සුවිශේෂී ජෛව කලාපයකි. දේශගුණික විවිධත්වය, මහවැලි ගෙ`ග් ප්රධාන ජල පෝෂකයක් වීම නිසා මෙහි ඇති වටිනාකම ඉතා අධික මට්ටමක පවතී. මේ සියල්ල දුම්බර අඩවියේ ඉඩම් අවභාවිතාව හේතුවෙන් විනාශ වී යාමට ඉඩදිය යුතු නැත.
සමස්ත දුම්බර කඳුකරය ම ලංකාවේ දිග ම ගංගාව වන මහවැලි ගෙඟ් ප්රධානතම ජල පෝෂක ප්රදේශය යි. මහවැලි ජල පෝෂක ප්රදේශ අතුරින් 30%ක් පමණ ආවරණය වන්නේ දුම්බර කඳුකරයෙනි. හෙක්ටයාර 21,000 ක් පමණ ප්රදේශයක් පුරා ව්යාප්ත ව ඇති දුම්බර කඳුකරයෙන් ලංකාවේ මුළු භූමි ප්රමාණයෙන් 0.32්ර ක් පමණ ආවරණය වී ඇත. මධ්යම පළාතේ මහනුවර දිස්තී්රක්කයේ මිණිපේ, උඩදුම්බර, පාතදුම්බර හා පන්විල යන ප්රාදේශීය ලේකම් කොට්ඨාස හතරේ සහ මාතලේ දිස්තී්රක්කයේ උකුවෙල. රත්තොට, ලග්ගල, පල්ලේගම හා විල්ගම යන ප්රාදේශීය ලේකම් කොට්ඨාශ පහේ දුම්බර කඳුකරය ව්යාප්ත ව තිබේ. 2009 අංක 65 දරන පනතින් සංශෝධිත 1907 අංක 16 දරන වන සංරක්ෂණ ආඥා පනතේ 3අ(1* වැනි උප වගන්තිය යටතේ 2000 මැයි මස 05 වන දින අංක 1130/22 දරන ගැසට් නිවේදනය මඟින් දුම්බර කඳුකරයේ රජයට අයත් වනාන්තර හෙක්ටයාර 17825 ක් පමණ වන භූමි ප්රමාණයක් ලංකාවේ ප්රථම සංරක්ෂණ වනාන්තරය ලෙස ප්රකාශයට පත් කර තිබේ. සංරක්ෂණ වනාන්තරය ලෙස ප්රකාශයට පත් කළ භූමියේ පෞද්ගලික ඉඩම් හා වෙනත් රජයේ ඉඩම් හෙක්ටයාර 2000 ක් පමණ වේ. එ්වා මේ වන විට ක්රමාණුකූල ව වන සංරක්ෂණ දෙපාර්තමේන්තුව යටතට පවරා ගැනීමේ කටයුතු සිදු වෙමින් පවතී. එහෙත් එහි මන්දගාමි ස්වරූපය හා වන්දි ගෙවීම්වල ප්රමාද වීම් හේතුවෙන් මේ වනාන්තර ඉඩම් පවරා ගැනීමේ කටයුතු ව්යාකූල තත්ත්වයට පත් ව තිබෙන අතරතුර එම ඉඩම් විවිධ සමාගම් වලට හා ව්යාපාරිකයන්ට පැවරීමේ කටයුතු සිදු කෙරෙමින් පවතී.
මෙම ඉඩම් පවරා ගැනීම කඩිනම් කිරීමට අවශ්යවන ඉතා වැදගත් වන අමාත්ය මණ්ඩල තීරණයක් 2004 වසරේ දී ගැනිණ. එහෙත් එය අද වන තෙක් නිසි පරිදි කි්රයාත්මක නො වේ. අංක පීඑස්/සිපී/26/2004 හා 2004 ජූලි 22 වන දින දරන අමාත්යමණ්ඩල සංදේශයට අනුව නකල්ස් සංරක්ෂණ වනාන්තරයට යාව හෝ ඉන් කිලෝමීටර් බාගයක් ඇතුළත පිහිටි සියලූ ම ඉඩම් ප්රතිසංස්කරණ කොමිෂන් සභාවට අයත් වනාන්තර, 1972 අංක 01 දරන ඉඩම් ප්රතිසංස්කරණ නීතියේ 22(1*ඊ සහ 44(එ්* වගන්ති ප්රකාරව වන සංරක්ෂණ දෙපාර්තමේන්තුවට පැවරීම සඳහා නිර්දේශ ලැබී තිබේ. එහෙත් මේ සම්බන්ධයෙන් පරිසර අමාත්යංශය හා වන සංරක්ෂණ දෙපාර්තමේන්තුව ඉදිරි කටයුතු කඩිනමින් සැලැසුම් කිරීම හෝ ඉඩම් පවරා ගැනීමට අවශ්ය කි්රයාමාර්ග ගැනීම හෝ මේ වන තුරු අවසන් කර නොමැත.
මේ කි්රයාමාර්ගයන්ට එළැඹීම පැහැර හරින සෑම දිනයක් පාසා ම ඒ වනාන්තර බිම් වෙනත් සංවර්ධන කටයුතු ස`දහා ක්රමක්රමයෙන් යොදා ගැනේ. මේ නිසා අවසානයේ ඉතිරි වන්නේ හුදෙකලා වූ නකල්ස් සංරක්ෂණ වනාන්තර කුට්ටි කිහිපයක් පමණි. මේ තත්ත්වය පාලනය කිරීම සඳහා පළමු ව සිදු කළ යුතු වන්නේ නකල්ස් සංරක්ෂණ වනාන්තරය ලෙස ප්රකාශයට පත් කළ භූමි ප්රදේශය තුළ පිහිටි පෞද්ගලික වනාන්තර බිම් විධිමත් ව වන සංරක්ෂණ දෙපාර්තමේන්තුව යටතට පවරා ගැනීමේ කටයුතු කඩිනමින් සිදු කිරීම යි. ඊට අමතර ව මේ ප්රදේශයේ පිහිටි ඉඩම් ප්රතිසංස්කරණ කොමිෂන් සභාවට අයත් හා වැවිලි සංස්ථාවට අයත් වනාන්තර බිම් නකල්ස් සංරක්ෂණ වනාන්තරයට පවරා ගැනීම සිදු කළ යුතු ය. ඉන් පසු ව නකල්ස් සංරක්ෂණ වනාන්තරය වටා කිලෝමීටරයක් පමණ ප්රදේශයක් ජාතික පාරිසරික පනත යටතේ නකල්ස් හෝ දුම්බර පරිසර ආරක්ෂක ප්රදේශය ලෙස ප්රකාශයට පත් කර ඒ ප්රදේශය තුළ සංවර්ධන කටයුතු පාලනය කළ යුතු ය. මෙමඟින් දුම්බර අඩවියේ සුරක්ෂිතතාව තහවුරු කළ හැකි ය. නමුත් සිදු වන්නේ මේ සුවිශේෂී ජෛව කලාපය වැනසීම ස`දහා වන කි්රයාවලීන් කි්රයාත්මක කිරීම ය.
දුම්බර කඳුකරයේ වනාන්තරයන්ට පළමු ව ආරක්ෂාව ලබා දෙන ලද්දේ ඉංගී්රසින් විසිනි. එ් 1873 දී දුම්බර කඳුකරයේ මීටර 1500 ට වඩා ඉහළ (අඩි 5000 ට වඩා ඉහළ* වළාකුළු වනාන්තර ප්රදේශ දේශගුණික රක්ෂිතයක් ලෙස ප්රකාශයට පත් කරමිනි. ඉන් වසර 127ක ට පසුව 2000 වසරේ දී වන සංරක්ෂණ ආඥා පනත යටතේ සංරක්ෂණ වනාන්තරයක් ලෙස ප්රකාශයට පත් කෙරින. පසුව 2007 වසරේ දී ජාතික පාරිසරික පනත යටතේ පරිසර ආරක්ෂණ ප්රදේශයක් ලෙසත් 2008 වසරේ දී පස සංරක්ෂණ පනත යටතේ පස සංරක්ෂණ ප්රදේශයක් ලෙසත් ප්රකාශයට පත් කර ඇත. මෙවන් වූ නීතිමය ආවරණයන් ගණනාවක් දුම්බර අඩවියට ලබා දී ඇත්තේ එහි ඇති මිල කළ නොහැකි භූ විද්යාත්මක, ජෛව විද්යාත්මක හා සාම්ප්රදායික ජන උරුමයේ වටිනාකම නිසා ය. ඒ හේතුවෙන් ම 2010 වසරේ දී ලංකාවේ ඉහළ කඳුකරයට අයත් දුම්බර අඩවිය ලෝක උරුම ප්රදේශයක් ලෙස එක්සත් ජාතීන්ගේ යුනෙස්කෝ ආයතනය මඟින් ප්රකාශයට පත් කරනු ලැබ තිබේ.
මෙවන් වූ සුවිශේෂී නීතිමය ආවරණයක් සහිත භූමි ප්රදේශයක පිහිටි ඉඩම් දේශපාලකයන්ට වුවමනා පරිදි විවිධ පුද්ගලයින්ට හෝ සමාගම් වලට පැවරිය නොහැකි ය. 2000 අංක 53 දරන පනතින් අවසන් වරට සංශෝධිත 1980 අංක 47 දරන ජාතික පාරිසරික පනතේ 24ඇ සහ 24ඈ වගන්ති වලට අනුව 2007 ජූලි 23 වන දින අංක 1507/9 දරන ගැසට් නිවේදනය යටතේ නකල්ස් පාරිසරික ආරක්ෂක ප්රදේශයක් ලෙස ප්රකාශයට පත් කර ඇති භූමියක ඉඩම් සංවර්ධන කාර්යයන් ස`දහා නිදහස් කළ නොහැකි ය. මෙම ගැසට් නිවේදනයට අනුව නකල්ස් සංරක්ෂිත වනාන්තරයට අයත් රජයේ ඉඩම් හැර ඉතිරි රජයේ ඉඩම් හා පෞද්ගලික ඉඩම් සියල්ල ආවරණය වන පරිදි මෙම පාරිසරික ආරක්ෂක ප්රදේශය ප්රකාශයට පත් කර තිබේ. මෙම ප්රදේශය කළමනාකරණය ස`දහා රාජ්ය හා රාජ්ය නොවන සංවිධානවල නියෝජිතයින්ගෙන් සැදුම්ලත් නකල්ස් පාරිසරික ආරක්ෂක ප්රදේශ කළමනාකරණ කමිටුවක් පිහිටුවා තිබේ. එම කමිටු නිර්දේශ වලින් පරිබාහිර ව කිසිදු සංවර්ධන කාර්යයක් මෙම කලාපය තුළ සිදු කළ නොහැකි ය. නමුත් දැනට මෙම ඉඩම් විවිධ පුද්ගලයින්ට බදු පදනම මත ලබා දී ඇත්තේ එවන් කිසිදු අනුමැතියකින් තොරව ය.
ජනාධිපතිවරයා පාර්ලිමේන්තුවේ නව සැසිවාරය විවෘත කරන අවස්ථාවේ ආණ්ඩු පක්ෂයේ මන්ත්රීවරු 15 ක් සහ විපක්ෂයේ මන්ත්රීවරු 12 ක් සභා ගැබෙහි නොසිටියහ.
ආණ්ඩුවේ මන්ත්රීවරුන් වන අතුරලියේ රතන හිමි, ඇමැති කබීර් හෂීම්, රාජ්ය ඇමැති වරුන් වන වසන්ත සේනානායක, සුජීව සේනසිංහ, දිලිප් වෙද ආරච්චි, ආචාර්ය හර්ෂද සිල්වා, නියෝජ්ය ඇමැති රන්ජන් රාමනායක, මන්ත්රීවරුන් වන රවී කරුණානායක, මයන්ත දිසානායක, සිරිනාල් ද මැල්, එම් වේලුකුමාර්, මහාචාර්ය ආශු මාරසිංහ, චමින්ද විඡේසිරි, චතුර සේනාරත්න සහ සන්දිප් සමරසිංහ යන මහත්වරු මෙම අවස්ථාවේදී සභා ගැබෙහි සිටියේ නැත.
විපක්ෂයේ මන්ත්රීවරුන් හිටපු ජනාධිපති මහින්ද රාජපක්ෂ, හිටපු කථානායක චමල් රාජපක්ෂ, නාමල් රාජපක්ෂ, විමල් වීරවංශ, සාලින්ද දිසානායක, පවිත්රා වන්නිආරච්චි, ඩලස් අහලප්පේරුම කෙහෙලිය රඹුක්වැල්ල, ප්රේමලාල් ජයසේකර, වෛද්ය රමේෂ් පතිරණ, ලොහාන් රත්වත්ත සහ නිහාල් ගලප්පත්ති යන මහත්ම මහත්මීන්ද පැමිණ සිටියේ නැත.
