ගවර්ස් කෝපරේට් සමාගම සමග කළ ගනුදෙනුවකදි රුපයල් මිලියන 30ක මුදලක් විශුද්ධිකරණය කිරීමේ චෝදනාවකට පාර්ලිමේන්තු මන්ත්රී නාමල් රාජපක්ෂට ඇතුළු පස් දෙනෙකුට එරෙහිව නීතිපතිවරයා විසින් නඩු පවරා තිබෙනවා.
ඒ, කොළඹ මහාධිකරණය හමුවේයි.
නඩු පවරා ඇති අනෙක් සිවු දෙනා වන්නේ සුජානි බෝගොල්ලාගම, නිත්යා සෙනානි, ඉරේෂා සිල්වා සහ ඉන්දික කරුණාජීවයි.
[rns_reactions]
රටට වැසි ලැබී සෞභාග්යය උදාවේවායි ප්රාර්ථනය කරමින් පසුගිය වසරේ දෙසැම්බර් මාසයේදී සිදු කළ බාර හාර ඔප්පු කිරීමේ මහා මංගල්යයක් ජනාධිපති මෛත්රිපාල සිරිසේන මහතාගේ ප්රධානත්වයෙන් මේ මස 09 වැනිදා ඉරිදා දිඹුලාගල, සොරිවිල ශ්රී මුත්තුමාරි අම්මාන් කෝවිලේ දී පැවැත්වීමට කටයුතු යොදා ඇත.
එම අවස්ථාවට උතුරු මැද මහ ඇමැති පේෂල ජයරත්න, වාරිමාර්ග හා ජල කළමනාකරණ රාජ්ය ඇමැති වසන්ත සේනානායක යන මහත්වරුන් ඇතුළු පොලොන්නරුව දිස්ත්රික්කයේ පාර්ලිමේන්තු, පළාත් සභා මැති ඇමැතිවරුන් සහ පොලොන්නරුව දිස්ත්රික් ලේකම් රංජිත් ආරියරත්න මහතා ප්රමුඛ රාජ්ය නිලධාරීහු රැසක් ද සහභාගි වෙති.
ශ්රී ලංකා මහවැලි අධිකාරියේ පූර්ණ දායකත්වය ඇතිව පොලොන්නරු දිස්ත්රික් ලේකම් කාර්යාලය මෙම පින්කම සංවිධානය කරයි.
[rns_reactions]
නව පළාත් පාලන ඡන්ද ක්රමය ක්රියාවට නංවමින් පළාත් පාලන මැතිවරණය මෙම වසරේ පැවැත්විමට හැකිවනු ඇතැයි තමන් දැඩි ලෙස විශ්වාස කරන බව ජනාධිපති මෛත්රිපාල සිරිසේන මහතා පවසනවා.
පිරිසිදු දේශපාලනයක් උදෙසා ආරම්භ කෙරුනු මාර්තු 12 ව්යාපාරය ඡන්ද දායකයින් දැනුවත් කිරීම සදහා දීප ව්යාප්තව ආරම්භ කරන ලද දැනුවත් කිරීමේ වැඩසටහනේ සමාප්ති උත්සවයට ඊයේ එක් වෙමින් ජනාධිපතිවරයා මේ බව කියා සිටියා.
කොට්ඨාශ නීර්ණය කිරීමේ කමිටුවේ වගකීම නිසි ලෙස ඉටු නොවීම පළාත් පාලන මැතිවරණය කල් යාමට හේතු වූ බවද ජනපතිවරයා සඳහන් කළේය.
[rns_reactions]
වීඩියෝ එකේ දැක්වෙන කරුණු කියවා වටහා ගන්න.
නියෝජ්ය ඇමති රන්ජන් රාමනායක මහතාගේ ප්රධානත්වයෙන් ඊයේ(06) දිවුලපිටිය ප්රාදේශීය ලේකම් කාර්යාලයේ පැවති රැස්වීමකදී දිවුලපිටිය හිටපු විපක්ෂනායක වන හසිත විජේසිංහ විසින් සැලසුම් සහගතව විවිධ චෝදනා නගමින් නියෝජ්ය ඇමතිවරයාට බැණ වැදුනහ.
මෙම රැස්වීම පැවතුනේ ප්රදේශයේ පස් හා මැටි කැපීම සදහා පැවති අහෝසි කරන ලද බලපත්ර නැවත ලබා දීම සම්බන්ධයෙන් සාකච්ඡා කිරීම සඳහාය.
[rns_reactions]
බොහෝදුරට යුද්ධයක ජයග්රහණයන්ට වඩා තියෙන්නේ පරාජයන්,අහිමිවීම්,වේදනාවන්,විනාශයන් විතරක් වන අතර කවදා හරි මේ ලෝකේ අන්තිම මනුස්සයා දක්වාම එකිනෙකා මරාගන්න දවසක් එනකම් ඒ දේ, මිනිසුන් තේරුම් ගනිවීදෝ දැයි හීනෙකින්වත් හිතන්න බැරි කාලයකයි අපි මේ ජීවත් වෙන්නේ.
අබ්දුල් හමීඩ් යූසෆ්…අබ්දුල් හමීඩ් යූසෆ් මුහුණ දුන් සංවේදී කතා පුවත ලොව පුරා මාධ්ය වලින් ලැව් ගින්නක් සේ පැතිර ගියේ මේ කතාව අහපු දැකපු හැමෝගෙම හදවත් වලට සිත් සසළ කරමින්..
සිරියානු ජනපති බෂාර් අල් අසාද්ගේ හමුදාව විසින් එල්ල කරපු රසායනික අවි ප්රහාරයකින් යූසෆ්ගේ බිරිඳ සහ දෙමස් වියැති නිවුන් දරුවන් දෙදෙනා ඔහුට අහිමි වුණා.
මේ පුහාරයට එල්ල වෙලා තිබුණේ සිරියාවේ ඉඩ්ලිබ් කියන පළාතේ උතුරු කෙළවරක වෙන්න පිහිටලා තිබුණ ඛාන් ෂෙයිකෝන් කියන ගම්බද ප්රදේශයට.රාත්රී කාලයේදී තමයි මේ ප්රහාරය එල්ල කරලා තිබුණේ..
‘‘මම තද නින්දක හිටියේ..ප්රහාරයත් සමග එක්විටම මා අවදි වුණා.මට හුස්ම ගැනීමේ අපහසුවක් දැනුනා.එ් මොහොතේම මම මගේ බිරිඳ සහ දරුවන් දෙදෙනා වෙත ගියා.ඔවුන්ට අනතුරක් වී තිබුණේ නැහැ.පස්සේ මම බිරිඳට දරුවන් දෙදෙනා එක්ක නිවසට වී ඉන්න කියලා අසළ නිවසක ජීවත් වුණ මගේ දෙමව්පියන් විසූ නිවස වෙත ගියා.මා යනවිටත් මගේ දෙමව්පියන් සහෝදරයින් කිසිවෙකු ජීවතුන් අතර හිටියේ නැහැ..මම නැවත මගේ බිරිඳ හා දරුවන් දෙදෙනා වෙත ආවා.මම එනවිට ඔවුන් වලිප්පුව හැදුනාක් මෙන් කටින් පෙණ දමමින් සිටියා.ඔවුන් මිය ගියා..මට මගේ පවුලම නැති වුණා‘‘ යැයි ලෝක මාධ්ය ඉදිරියේ හඩාවැටෙමින් යූසුෆ් කියලා තිබුණා..
මේ ප්රහාරයෙන් යූසුෆ්ගේ ඥාති හිතුවතුන් 25 දෙනෙකු ඇතුළු 70කට අධික පිරිසක් මියගොස් තිබුණා.
‘‘මම අඩනවා ඒත් මේ සතුටු කඳුලු මගේ දරුවන් දැන් දෙවියන් ළඟ සිරියාවේ ඉන්නවාට ඒක ගොඩක් හොඳයි‘‘ සිය දරු දෙදෙනාගේ සොහොන්කොත් අසළ හඩා වැටෙමින් යූසුෆ් අවසාන වශයෙන් කියලා තිබුණා.
https://www.facebook.com/cnn/videos/10156371129926509/
[rns_reactions]
සයිටම් ආයතනයට විරෝධය පළ කරන්න යැයි පවසමින් සුවහසක් රෝගින් අපහසුතාවයට පත්කරමින් අද රටපුරා වෛද්යවරුන් වැඩ වර්ජනයක නිරත වෙන අතර ඔවුනට කණේ පහරක් එල්ල කරමින් කොළඹ ජාතික රෝහලේ බාහිර රෝගී අංශයේ වෛද්යවරියක රෝගීන්ට ප්රතිකාර කරන අයුරු දැකගත හැකිවිය.
එම ස්ථානයේ පසෙකින් තවත් වෛද්යවරයෙක් ද සිටියේය.
[rns_reactions]
බංග්ලාදේශය සමඟ ඊයේ පැවති පන්දුවාර විස්ස ක්රිකට් තරගය පරාජයවීම හේතුවෙන්න් විස්සයි විස්ස කණ්ඩායම් ජාත්යන්තර ශ්රේණිගත කිරීමේ ලැයිස්තුවේ අටවන ස්ථානයේ සිටින ශ්රී ලංකා කණ්ඩායමේ ප්රසාද ලකුණු අඩු වී තිබෙනවා.
101ක් වූ ශ්රී ලංකා කණ්ඩායමේ ප්රසාද ලකුණු 99 දක්වා අඩු වී ඇති අතර 71ක්ව තිබූ බංග්ලාදේශ කණ්ඩායමේ ප්රසාද ලකුණු 74ක් දක්වා ඉහළ ගොස් තිබෙනවා.
මේ අතර බංග්ලාදේශය සමඟ නිමාව දුටු ක්රිකට් තරගාවලිය ශ්රී ලංකාව අනිවාරයෙන් ජයගත යුතුව තිබූ බව කණ්ඩායමේ කළමනාකරු අසංක ගුරුසිංහ පවසනවා.
ඔහු කියා සිටියේ ටෙස්ට්, එක්දින සහ පන්දුවාර විස්ස තරගාවලි 03ම ජය පරාජයෙන් තොරව නිමාවීම ප්රමාණවත් නොවන බවයි. ශ්රී ලංකාවේ දී තරග වැදුණු බැවින් ශ්රී ලංකාවට තරගාවලිය ජයගත හැකි වනු ඇතැයි අපේක්ෂාවෙන් පසු වූ බව ගුරුසිංහ පවසනවා.
පරාජය පිළිබඳ කණගාටු වන බවයි ඔහු පවසන්නේ.
ශ්රී ලංකා කණ්ඩායමේ මුල්පෙල පිතිකරුවන් පස් දෙනා ලකුණු අතරට පැමිණිය යුතු බවත් එසේ නොවුණහොත් එය ගැටළුවක් වනු ඇති බවත් අසංක ගුරුසිංහ ප්රකාශ කර තිබෙනවා.
අපවත් වී වදාල ශ්රී ලංකා අමරපුර මහා සංඝ සභාවේ උත්තරීතර මහා නායක අග්ගමහා පණ්ඩිත අතිපූජ්ය දවුල්දෙණ ඤාණිස්සර මහා නාහිමිපාණන් වහන්සේගේ ආදාහනෝත්සවය ඊයේ සවස පූර්ණ රාජ්ය ගෞරව සහිතව පැවැත්වූ නමුත් එහිදී මෙතෙක් ලංකා ඉතිහාසයේ කෙදිනකවත් දකින්නට නොලැබුණු ඉතාමත් අශෝබන අශීලාචාර ප්රදර්ශණයක් දකින්නට ලැබිණ.
එනම් ලෝක බෞද්ධ ප්රජාවගේ පවා ගෞරවාදරයට පාත්ර වූ මහා නායක හිමි නමකගේ අපවත්වීම තමාගේ දේශපාලනයට ලකුණු දමා ගැනීමට අවස්ථාවක් කරගනිමින් මහින්ද රාජපක්ෂ විසින් පෝස්ටරයක් ප්රදර්ශනය කිරීමයි.
මහානායක හිමියන්ට නිවන් සුව ලැබේවායි කියමින් මහින්ද රාජපක්ෂ නා හිමියන්ට වැඳ සිටින අයුරු විශාලව දක්වා පමණක් නොව මහා නායක හිමියන්ට පිදූ පිරිකරෙහි සේයාරුවක් පවා පසෙකින් විශාලව දක්වා මෙම අශීලාචාර පෝස්ටරය නිර්මාණය කර තිබෙනු දුටු බෞද්ධ ජනතාව ‘අනේ අපොයි‘ කීහ.
මහා යතිවරයෙකුගේ අපවත්වීමකින් ලකුණු දමා ගැනීමට තමන් පිදූ පිරිකරද ප්රදර්ශනය කරමින් තමා විසින්ම පෝස්ටර් ගසා ගත් මහින්ද රාජපක්ෂ යනු වසලයෙකැයි බුදුන් වහන්සේ වදාළේ මෙසේය.
(-බුදුන් වහන්සේ – සූත්ර පිටකය, බුද්දක නිකාය, සුත්ත නිපාතය, උරග වග්ගය, වසල සූත්රය, අංක 132
[rns_reactions]
ඊයේ දින නිමාව දුටු ක්රිකට් තරගාවලියේදී බංග්ලාදේශය දැක්වූ දක්ෂතා පිළිබඳව තමන් පුදුම නොවන බව ශ්රී ලංකා කණ්ඩායමේ කළමනාකරු අසංක ගුරුසිංහ පවසන අතර වැඩිදුරටත් ඔහු පෙන්වා දී ඇත්තේ බංග්ලාදේශ කණ්ඩායමේ වත්මන් පුහුණුකරු චන්දික හතුරුසිංහ යටතේ ඔවුන් දක්ෂතා දක්වන බවයි.
ඔහුගේ පුහුණුකාරිත්වය පිළිබඳ ලාංකිකයෙක් හා මිත්රයෙක් ලෙස තමන් සතුටුවෙන බව අසංක ගුරුසිංහ පවසනවා.
චන්දික හතුරුසිංහ 1986 වසරේ සිට තමන් දැන සිටි බවත්19න් පහළ කණ්ඩායමේ නායකත්වය දරන කාලයේ සිට ඉහළ ක්රිකට් දැනුමක් තිබූ බවත් ඔහු පෙන්වා දෙනවා.
2019 ලෝක කුසලාන තරගාවලිය දක්වා කණ්ඩායම ගෙනයාමේ වගකීම හතුරුසිංහට පැවරී ඇති බවත් චන්දික හතුරුසිංහ ශ්රී ලංකාවට පැමිණිය හොත් හොඳ ස්ථානයකට යාමට ලංකාවට හැකිවනු ඇති බවත් ශ්රී ලංකා කණ්ඩායමේ කළමනාකරු අසංක ගුරුසිංහ වැඩි දුරටත් සඳහන් කළා.
[rns_reactions]
ඉන්දීය – නේපාල දේශසීමාව ආසන්නයේ වනාන්තරයක සිටි වයස අවුරුදු 8 ක විතර ගැහැණු ළමයෙක් හමුවී තිබෙන අතර මේ දැරියව සොයා ගනිද්දි ඇය සිට ඇත්තේ නිරුවතින් කියලා තමයි විදෙස් මාධ්ය සඳහන් කරලා තියෙන්නේ.
මෙහි විශේෂත්වය වන්නේ මේ දැරියගේ හැසිරීම් රටාව තනිකරම වඳුරෙක්ගේ හැසිරීම් රටාව වගේ වීමයි.
ඒ වගේම වඳුරු රැළකුත් මේ ගැහැණු ළමයව කැලෙන් එළියට ගෙනියන්න දීලා නෑ. ලොකු වෙහෙසක් දැරීමෙන් අනතුරුව තමයි ඇයව මෙහෙම කැලෙන් එළියට අරන් තියෙන්නේ.
කොහොම හරි මේ දැරියව අමාරුවෙන් අල්ලාගෙන කැලෙන් එළියට අරන් ඇවිත් තියෙන්නේ මේ දැරියගේ දැඩි විරෝධය මතයි.
ගාත් සතරෙන් ගමන් කරන සහ වඳුරෙකු වගේ කෑ ගහන මේ දැරිය, රෝහලට ගෙනාවට පසු දීපු ආහාරත් ඇය ප්රතික්ෂේප කරලා. මේ දැරිය හැසිරෙන විදිහ අනුව ඇය යන්තම් තේරෙන වයසක ඉඳන්ම ජීවත්වෙලා තියෙන්නේ වඳුරෝ එක්ක කියලයි මේ වෛද්යවරු කියන්නේ.
හැබැයි කතාබහ කරන්න ඉගෙනගන්න තරමේ කුඩා දැරියක් තනියම කැලයක දිවි බේරාගෙන හිටිය කියල හිතන්න අමාරු නිසා වඳුරෝ ඇයව රැක බලාගන්න ඇති කියලත් වෛද්යවරු කියනවා.
ඒ වගේම මේ දැරියව ආයෙත් මනුෂ්යයෙක් විදිහට හැසිරෙන්න පුරුදු කරන්න හුඟක් කල් යයි කියලත් වෛද්යවරු කියලා තියනවා. තව ද මේ දැරියගේ භාරකරුවන් ද තවම සොයාගෙන නැති බවත් විදෙස් මාධ්ය වැඩිදුරටත් සදහන් කර තිබෙනවා.
මෙවර සිංහල හා දෙමළ අලූත් අවුරුද්ද නිමිත්තෙන් දිවයින පුරා සතොස අලෙවිසැල් හරහා මහජනතාවට අඩු මිලට අත්යවශ්ය ආහාර ලබාදීමට රජය තීරණය කර තිබෙන අතර ඒ අනුව රුපියල් 1515ක් වටිනා අත්යවශ්ය ද්රව්ය 10ක් අඩංගු ආහාර මල්ලක් රුපියල් 975 ක මිලකට ලබාදීමටයි පියවර ගෙන ඇත්තේ.
මුදල් අමාත්යංශය සඳහන් කළේ ලබන 10 වනදා සිට 20 වනදා දක්වා කාලය තුළ දිවයින පුරා පිහිටි ලක් සතොස අලෙවිසැල් හරහා මෙම ආහාර ද්රව්ය අඩංගු මල්ල පාරිභෝගිකයින්ට මිල දී ගත හැකි බවයි.
කිරිපිටි, සීනි, සහල්, පරිප්පු, අල, ළුෑණු ඇතුළු අත්යවශ්ය ආහාර අඩංගු මළු ලක්ෂ 10ක් පමණ මෙම කාලය තුළ පාරිභෝගික ජනතාවට ලබාදීමට කටයුතු කරන බවද මුදල් අමාත්යංශය සඳහන් කළා.
අම්පාර දමන දහය කොළණිය වනේගමුව පල්ලියේ පැවති උත්සවයක දී ආහාර විෂ වීම හේතුවෙන් ජීවිතක්ෂයට පත් වූ සංඛ්යාව හතරක් දක්වා ඉහළ ගොස් තිබෙනවා.
එම පිරිසට කාන්තාවන් දෙදෙනෙකු ද ඇතුළත්. ආහාර විෂවීම හේතුවෙන් එරගම රෝහලට ඇතුළත් කළ දෙසිය තුන් දෙනෙකුගෙන් එකසිය විසි දෙනෙකු ප්රතිකාර ලබා රෝහලෙන් පිටව ගොස් තිබෙනවා.
එම රෝහලේ ප්රතිකාර ලබන පිරිසට කාන්තාවන් 18 දෙනෙකු ඇතුළත්.
අක්කරේපත්තුව මූලික රෝහලේ කාන්තාවන් අට දෙනෙකු හා ළමුන් 17ක් ඇතුළුව විසිනව දෙනෙකු ප්රතිකාර ලබනවා.
අක්කරේපත්තුව අම්පාර පාර රෝහලේ කාන්තාවන් 12 දෙනෙකු හා ළමුන් තිදෙනෙකු ද ඇතුළුව දහඅට දෙනෙකු ප්රතිකාර ලබන බවයි පොලිසිය පැවසුවේ.
ඔලූවිල් රෝහලේ ප්රතිකාර ලබන සංඛ්යාව 14ක්. ඒ අතරට කාන්තාවන් නව දෙනෙකු සහ එක් ළමයෙකු ද අයත්.
වාලච්චේන රෝහලේ කාන්තාවන් තිදෙනෙකු හා ළමුන් හතර දෙනෙකුද ඇතුළුව අට දෙනෙකු ප්රතිකාර ලබන බවයි අප වෙත වාර්තා වන්නේ.
ඉකුත් පස්වනදා රාත්රී 12 සිට ආහාර විෂ වී රෝගී වූ පිරිස් මේ දක්වා වරින් වර රෝහල්ගත වී තිබෙනවා.
ඒ අතරට ප්රතිකාර ලබා රෝහල්වලින් පිටව ගිය පිරිස් ද ඇතුළත්. ඉකුත්දා ඇති වූ සිද්ධියෙන් පසුව හයසියයකට ආසන්න පිරිසක් ප්රතිකාර සඳහා රෝහල් වෙත පැමිණ ඇති බවටයි වාර්තා වන්නේ.
මෙම පල්ලියේ පැවති උත්සවයේ දී පන්දහසකට පමණ ආහාර ලබාදී තිබෙනවා.
එහිදී ඔවුන්ට ආහාර ලබාදීම සඳහා සහල් කිලෝ දහසක් සහ ගවයින් හත් දෙනෙකුගේ මස් යොදාගෙන තිබූ බවද සදහන්.
නේපාලයේ පැවති ආගමික උත්සවයක දී ගවයින් පන්දහසක් ඇතුළු සතුන් ලක්ෂ 03කට ආසන්න සංඛ්යාවක් ඝාතනය කිරීමේ සිද්ධිය පසුගිය සමයේ ලොව පුරා දැඩි ආන්දෝලනයක් ඇති කළා.
මෙම සිද්ධියෙන් පසුව එරට ඇතිවූ භූ කම්පනයකින් පුද්ගලයින් දහස් ගණනකට ජීවිත අහිමි වීම ද බොහෝ දෙනාගේ කතා බහට ලක් වූ කරුණක් වුණා.
දිගින දිගටම සිය දියණියගේ සෙෘඛ්ය තත්වය උකස් කරමින් ඇප ඉල්ලු විමල් වීරවංශ මීට නොබෝ වේලාවකට පෙර ඇප මත මුදා හැරුනු බව අපට වාර්තා වන අතර ඒ, කොළඹ කොටුව මහේස්ත්රාත් ලංකා ජයරත්නගේ නියෝගයකට අනුව බව සදහන්.
රුපියල් පනස් දහසක මුදල් ඇපයක් හා රුපියල් ලක්ෂ පහ බැගින් වූ ශරීර ඇප දෙකක් මත මන්ත්රීවරයා මුදා හැරීමටයි නියෝග කෙරුණේ. ඊට අමතරව විදේශ ගමන් තහනමක් ද පණවා ඇත.
දියණියගේ සෞඛ්ය තත්වය සැලකිල්ලට ගෙන ඇප ලබාදීම සිදු කරන බවයි මහේස්ත්රාත්වරිය වැඩිදුරටත් කියා සිටියේ.
[rns_reactions]
මුළු මහත් බෞද්ධ සමාජයටම ආදර්ශවත් ශ්රේෂ්ඨ පඬිරුවනක් වූ ගෞරවනීය දවුල්දෙණ ඤාණීස්සර මහානායක ස්වාමින් වහන්සේගේ අපවත්වීම මෙරට භික්ෂු සමාජයට පමණක් නොව සමස්ත ලෝක බෞද්ධ සමාජයටම සිදුවූ දැරිය නොහැකි පාඩුවක් බවත්, උන්වහන්සේගේ අපවත්වීමෙන් සිදුවූ හිදැස පිරවීමට නොහැකි බවත් ජනාධිපති ගරු මෛතී්රපාල සිරිසේන මැතිතුමා පැවසීය.
අපවත්වී වදාළ ශී්ර ලංකා අමරපුර මහා නිකායේ උත්තරීතර මහානායක අග්ගමහා පණ්ඩිත අතිපූජ්ය දවුල්දෙණ ඤාණීස්සර මහානායක ස්වාමින් වහන්සේගේ ආදාහන පූජෝත්සවය රාජ්ය ගෞරව සහිතව අද (06) පස්වරුවේ කොළඹ නිදහස් චතුරස්රයේදී පැවැත්වුණු අතර එම ආදාහන පූජෝත්සවය අමතමින් ජනාධිපතිතුමා මේ බව ප්රකාශ කළේය.
ගත වූ සියවසේ ශී්ර ලංකාවේ බිහි වූ අග්රගණ්ය සංස්කෘත භාෂා විශාරදයෙකු මෙන්ම පරමාදර්ශී සංඝ පීතෘවරයෙකු වන අප නාහිමිපාණෝ මුළු මහත් මානව සමාජය වෙත කරුණාව, මෛතී්රය, දයාව දැක්වූ ධර්මධර, විනයධර මහා යතිවරයාණන් වහන්සේ නමක් බව ද ජනාධිපතිතුමා සඳහන් කළේය.
උන්වහන්සේගේ සිල්වත්භාවය, ඥානාන්විත භාවය, ගුණවත් භාවය මෙන්ම ධර්ම ශාස්ත්රීය ඥානයත්, පාණ්ඩිත්යයත් හේතුවෙන් ෂඩ්භාෂා පරමේෂ්වර, දෛවිභාෂා විශාරද, ශාසන කීර්ති වැනි මහා ගෞරවනීය සම්මාන රාශියකින් උන්වහන්සේ පිදුම් ලැබූ බව ද ජනාධිපතිතුමා සඳහන් කළේය.
මෑත කාලය තුළ උන්වහන්සේ සමීපව ඇසුරු කිරීමට තමාට අවස්ථාව ලැබුණු බව ද සිහිපත් කළ ජනාධිපතිතුමා සියවසක් ඉක්මවමින්, අපවත්වන තුරුම මනා සිහිනුවණින් යුතුව සම්බුද්ධ ශාසනයත්, මුළු මහත් මානව සමාජයත් වෙනුවෙන් උන්වහන්සේ සිදු කළ කැපවීම අපරිමිත බව ද කියා සිටියේය.
ත්රෛනිකායික මහා නායක ස්වාමීන් වහන්සේලා, අනුනායක ස්වාමින් වහන්සේලා ප්රමුඛ වන්දනීය මහා සංඝරත්නය ද, අන්යාගමික පූජකවරුන් ද, අග්රාමාත්ය රනිල් වික්රමසිංහ, කථානායක කරූ ජයසූරිය, බුද්ධශාසන අමාත්ය විජයදාස රාජපක්ෂ, ස්වදේශ කටයුතු අමාත්ය වජිර අබේවර්ධන යන මහත්වරුන් ඇතුළු මැති ඇමතිවරු, පළාත් ආණ්ඩුකාරවරු, ප්රධාන අමාත්යවරුන් ද, විදේශීය තානාපතිවරු, රාජ්ය නිලධාරින් ඇතුළු විශාල පිරිසක් ආදාහන පූජෝත්සවයට එක්ව සිටියහ.
අපවත්වී වදාළ ශී්ර ලංකා අමරපුර මහා නිකායේ උත්තරීතර මහා නායක අතිපූජ්ය දවුල්දෙණ ඥානීස්සර මහානායක ස්වාමින්ද්රයාණන් වහන්සේගේ ආදාහන පූජෝත්සවය අමතා ජනාධිපතිතුමා පැවැත්වූ කතාව (2017-04-06)
අපේ රටේ මෑත භාගයේ ශී්ර සම්බුද්ධ ශාසනයට, සමස්ත මානව සමාජයට අපිරිමිත වූ උතුම් ශාසනික මෙන්ම සමාජයීය සේවාවක් ඉටුකළ ශී්ර ලංකා අමරපුර මහා නිකායේ උත්තරීතර මහා නායක අතිපූජ්ය දවුල්දෙණ ඥානීස්සර මහානායක ස්වාමින්ද්රයාණන් වහන්සේගේ අපවත්වීම පිළිබඳ ශී්ර ලංකාවාසී ජනතාවත්, ශී්ර ලංකා ජන රජයත්, ඒ වගේම විදේශ රටවල සිටින ශී්ර ලාංකිකයින් මෙන්ම ලෝක බෞද්ධ ජනතාවත්, උන්වහන්සේ පිළිබඳ පැහැදීමක් හැඳිනීමක් ඇති සමස්ත ජනතාවගේ දැඩි සංවේගය සහ ශෝකය පළ කෙරෙන අවස්ථාවක් මේ අවස්ථාව.
අපේ රටේ මහා සංඝ පීතෘවරුන් පිළිබඳ ඉතිහාසයේ තිබෙන මතක සටහන් සමග මේ වසර දහස් ගණනක කීර්තිමත් ඉතිහාසයේ ශ්රේෂ්ඨත්වය සහ විශිෂ්ටත්වය ගොඩනැගු, රාජ්ය රාජ මහාමාත්යවරුන්ගේ මෙන්ම එදවස, මෙදවස සෑම ක්ෂේත්රයකම නායකයින්ට, විද්වතුන්ට, උගතුන්ට, බුද්ධිමතුන්ට සෑම විටම උපදෙස් දුන්නේ අනුශාසනා ලබා දුන්නේ මග පෙන්වූයේ ගෞරවනීය මහා සංඝරත්නයයි.
මෑත භාගයේ අපේ වන්දනීය, පූජනීය මහා සංඝරත්නයට මහා ශක්තියක් වෙමින්, ධෛර්යයක් වෙමින් මුළු මහත් ලෝක ජනතාවට මහා ආදර්ශවත් ශ්රේෂ්ඨ පඬිරුවනක් වූ ගෞරවනීය දවුල්දෙණ ඥානීස්සර මහානායක ස්වාමින් වහන්සේගේ චරිතය පිළිබඳව අපට බොහෝ දේ කථා කරන්න පුළුවන්කම තිබෙනවා.
උන්වහන්සේගේ සිල්වත් භාවය, ඥානාන්විත භාවය, ගුණවත් භාවය, උන්වහන්සේගේ ධර්ම ශාස්ත්රීය ඥානය, උන්වහන්සේගේ මහා කරුණාව, උන්වහන්සේගේ පාණ්ඩිත්වය, පරිණතභාවය තුළින් උන්වහන්සේ ෂඞ් භාෂා පරමේශ්වර, භාෂා විශාරද, සාහිත්ය කීර්ති මෙවැනි මහා ගෞරවනීය සම්මාන රාශියකින් පුුද ලැබුවා.
උන්වහන්සේගේ චරිතය තුළ තිබූ මහා ආදර්ශය අපේ බෞද්ධ ජනතාවට පමණක් නොව සමස්ත ලෝකයාටම මහා ආදර්ශයක්.
මෑත දශක කිහිපය තුළ මා ඉතාමත් ළඟින් ඇසුරු කළ උන්වහන්සේ තුළ තිබූ ශාසනික, සමාජයීය කැපවීම සහ මුළු මහත් මානව සමාජය වෙනුවෙන් තිබූ කැපවීම අද මේ සිටින පූජනීය, වන්දනීය මහා සංඝරත්නය ප්රමුඛ අපි සෑම කෙනෙක්ම දැන හඳුනාගෙන තිබෙනවා.
උන්වහන්සේ තුළ තිබූ මහා ධර්ම ඥානය, පාණ්ඩිත්ය ඒ වගේම වසර සීයක් ඉක්මවුව ද සෑම අංශයක් පිළිබඳවම උන්වහන්සේ තුළ තිබූ මතකය අපට උන්වහන්සේ පිළිබඳ කථා කරන විට, ගුණ ගයන විට අමතක කරන්න පුළුවන්කමක් නැහැ.
දවුල්දෙණ ඥානීස්සර මහානායක ස්වාමින් වහන්සේගේ අපවත්වීම අපේ රටේ භික්ෂු සමාජයට මෙන්ම ලෝකයේ බෞද්ධ සමාජයට ඇතිවූ පුරප්පාඩුව, ඒ හිදැස පිරවීමට පුළුවන්කමක් ඇතැයි කියා මා විශ්වාස කරන්නේ නැහැ.
උන්වහන්සේ අපවත්වන ඒ දවස, ඒ අවස්ථාව වන තෙක්ම උන්වහන්සේට උත්සවයක්, පිංකමක්, සමාජමය කටයුත්තක් සඳහා කෙනෙක් ආරාධනා කළහොත් උන්වහන්සේ දුර නොබලා, දුෂ්කරතාවය නොබලා, උන්වහන්සේගේ ශරීර සෞඛ්ය පිළිබඳ නොසලකා ඒ සෑම තැනකටම වැඩම කළා.
උන්වහන්සේගේ මහා කාරුණික වූ හඬින් අනුශාසනා කරනු ලැබුවා. උන්වහන්සේගේ මහා සෙනෙහස, දයාව, කරුණාව, ආදරය මුළු මහත් සමාජයට දායාද කරනු ලැබුවා. ඒ නිසා අද වගේ දවසක උන්වහන්සේගේ අපවත්වීම පිළිබඳව එක් පැත්තකින් බෞද්ධයින් විදියට තවත් පැත්තකින් මුළු මහත් ලක්වැසි ජනතාව විදියටත් ඒ වගේම විදේශයන්හි සිටින උන්වහන්සේ දැන හඳුනන බෞද්ධ සහ බෞද්ධ නොවන සියලු ජනතාව අද දැඩි ලෙස ශෝකයට සහ සංවේගයට පත්ව සිටිනවා.
මේ අවස්ථාවේ මම ශ්රී ලංකා ජනරජය වෙනුවෙනුත් සමස්ත ජනතාව වෙනුවෙනුත් උන්වහන්සේ අපවත්වීම පිළිබඳ දැඩි ශෝකය, සංවේගය ප්රකාශ කරමින් උන් වහන්සේට නිවන් සුව අත්පත් වේවායි ප්රාර්ථනා කරමින් කෙටි ගුණ කථනය අවසන් කරනවා.
[rns_reactions]
මූල්ය අපරාධ කොට්ඨාසයේ මෑත ක්රියාකාරකම් සහ ප්රගතිය විමසීම සඳහා අග්රාමාත්ය රනිල් වික්රමසිංහ මහතා එහි නිලධාරීන් අරලිය ගහ මන්දිරයට කැඳවා තිබේ.
මූල්ය අපරාධ කොට්ඨාසයේ මෑත කාලීනව සිදු කෙරුණු වැඩ කටයුතු සම්බන්ධයෙන් ජනාධිපති මෛත්රිපාල සිරිසේන හා අග්රාමාත්ය රනිල් වික්රමසිංහ මහත්වරුන්ට ලැබුණු පැමිණිලි රැසක් මත මෙම කැඳවීම සිදුකර ඇති බව රජයේ ආරංචි මාර්ග පවසයි.
[rns_reactions]