අත්යාවශ්ය ආහාර කිහිපයක මිල අද (08) මධ්යම රාත්රියේ සිට අඩු කෙරෙනවා. අදාල ගැසට් නිවේදනයට අනුව හාල්මැස්සන්, පරිප්පු, අරතාපල්, ලොකු ලූණු, කරවල ඇතුළු අත්යාවශ්ය භාණ්ඩ රැසක් ඒ අතර වනවා.
පොල් තෙල් සහ ෆාම් ඔයිල්ද ඒ අතර වනවා. මුදල් අමාත්ය මංගල සමරවීර මේ බව පැවසුවේ මුදල් අමාත්යංශයේ දී අද (08) පැවැත්වෙන මාධ්ය හමුවකදීය.
ඇතමුන් විවේචන එල්ල කළද තමන් බැදුම්කර කොමිසම පත් කළේ වංචා දූෂණ පිටුදැකීම සදහා ජනතාවට දුන් පොරොන්දු ඉටු කිරීමට බව ජනාධිපති මෛතී්රපාල සිරිසේන මහතා පවසනවා. ජනාධිපතිවරයා මේ බව සදහන් කළේ බත්තරමුල්ල, අපේගම පරිශ්රයේ පැවති පූජ්ය මාදුළුවාවේ සෝභිත හිමියන්ගේ දෙවන ගුණ සමරුවට අද පෙරවරුවේ එක්වෙමින්.
මහ බැංකු සිද්ධිය වෙනකොට ආණ්ඩුව හදල මාස 03යි. මහා විනාශයක් කළා. මේවට වගකිවයුත්තෝ වගකියන්න ඕන යැයිද තමන් ජනාධිපති ධුරයට පත්වූයේ ඕනෑම මොහොතක එම ධුරයෙන් ඉවත්ව යාමට සූදානමින් බවද ජනාධිපතිවරයා මෙහිදී සදහන් කළා.
පූජ්ය මාදුළුවාවේ සෝභිත හිමියන්්ට සිදුකළ හැකි ඉහළම උපහාරය වන්නේ උන්වහන්සේගේ අපේක්ෂාව වූ සාධාරණ සාමාජයක් ගොඩනැගීමට සියළු දෙනා කැපවීම බවයි ජනාධිපතිවරයා වැඩිදුරටත් සදහන් කළේ.
[rns_reactions]
මාළඹේ සයිටම් පෞද්ගලික වෛද්ය විද්යාලය දෙසැම්බර් මස 31 වනදායින් පසු අවසන් කිරීමට පියවර ගන්නා බව ඒ පිළිබද සොයා බැලීමට පත් කළ කමිටුවේ සභාපති නියෝජ්ය අමාත්ය හර්ෂ ද සිල්වා පවසනවා. අමාත්යවරයා මේ බව සදහන් කළේ පාර්ලිමේන්තුවේදී අද (08) විශේෂ ප්රකාශයක් සිදුකරමින්.
[rns_reactions]
මේ වනවිට මතුව ඇති පෙට්රල් ප්රශ්ණයෙන් තමන් හොඳටම බැණුම් අසන බව ජනාධිපති මෛත්රීපාල සිරිසේන මහතා පවසනවා.
පූජ්ය මාදුළුවාවේ සෝභිත හිමියන්ගේ දෙවැනි ගුණ සමරු උත්සවය අද (08) පෙරවරුවේ බත්තරමුල්ල, අපේගම පරිශ්රයේ පැවැත්වුණු අතර එය අමතමින් ජනාධිපතිවරයා සඳහන් කළේ ඇතැමුන් තමන්ගේ කෑලි ගලවන බවයි.
තමන් ඉන්ධන පිරවුම්හල්වල ඉන්ධන පුරවන බවට ඇතැමුන් සිතා සිටින බවයි ජනාධිපති මෛත්රීපාල සිරිසේන මහතා එහිදී පෙන්වා දුන්නේ.
ජනතාව එසේ සිතීම වරදක් නොමැති බවත් ජනාධිපතිවරයා මෙහිදී පෙන්වා දුන්නා.
පාර්ලිමේන්තු වටරවුමේ ඉදිකෙරෙන පූජ්ය මාදුළුවාවේ සෝභිත හිමියන්ගේ පිළිරුව සඳහා මුල්ගල් තැබීමද මෙහිදී සිදු වුණා.
කෝට්ටේ ශ්රි කළ්යාණි සාමග්රී ධර්ම මහා සංඝ සභාවේ මහානායක ආචාර්ය පූජ්ය ඉත්තෑපානේ ධම්මාලංකාර, පෑලියගොඩ විද්යාලංකාරාධිපති ආචාර්ය පූජ්ය වැලමිටියාවේ කුසලධම්ම, ශ්රී ජයවර්ධනපුර විශ්වවිද්යාලයේ කුලපති පූජ්ය ඛෙල්ලන්විල විමලරතන, පූජ්ය තීනියාවල පාලිත යන ස්වාමින් වහන්සේලා ප්රමුඛ මහා සංඝරත්නය ද, කථානායක කරු ජයසූරිය ඇතුළු මැති ඇමතිවරුන් ද සිිවිල් සංවිධාන නියෝජිතයින් ද මෙම අවස්ථාවට එක්ව සිටියා.
ජනාධිපතිවරයා මෙහිදී කළ ප්රකාශය පහතින් නැරඹිය හැකියි.
https://www.facebook.com/maithripalas/videos/10155641911996327/
[rns_reactions]
රගර් ක්රීඩක වසීම් තාජුඩීන් ඝාතන සිද්ධියට අදාළව සැක කටයුතු දුරකතන අංක කිහිපයක් හඳුනාගෙන ඇති බවත් එම අංක හිමි සැකසහිත පුද්ගලයින්ගේ අනන්යතාවය සහ ක්රියාකාරකම් තහවුරු කරගැනීමට රාජ්ය ආයතන කිහිපයකින් විස්තර ලබාගෙන විමර්ශන ආරම්භ කර ඇති බවත් අපරාධ පරික්ෂණ දෙපාර්තමේන්තුව අද(8) කොළඹ අතිරේක මහේස්ත්රාත් ජෙයරාම් ට්රොස්කි මහතා ඉදිරියේ කරුණු වාර්තා කළේය.
අනාවරණය වී ඇති සැක සහිත පුද්ගලයින්ගේ අනන්යතාවය සහ ක්රියාකාරකම් තහවුරු කරගැනීමට ආගමන විගමන දෙපාර්තමේන්තුවෙන්, පුද්ගලයින් ලියපදිංචි කිරීමේ දෙපාර්තමේන්තුවෙන්, මෝටර් රථ ලියාපදිංචි කිරීමේ දෙපාර්තමේන්තුවෙන් හා මැතිවරණ කොමසාරිස් කාර්යාලයෙන් ද එම විස්තර ලබාගෙන විමර්ශන කටයුතු කරගෙන යන බව ඔවුන් වැඩිදුරටත් දැන්වීය
ආසියානු කුසලාන වයස අවුරුදු 19න් පහළ එක්දින ක්රිකට් තරගාවලිය සදහා සහභාගී වීමට ශ්රී ලංකා කණ්ඩායම අද (8) මලයාසියාවට
මෙවර තරගාවලියේ දී ශ්රී ලංකා යොවුන් කණ්ඩායමේ නායකත්වය දරන්නේ කමිදු මෙන්ඩිස් වන අතර
ක්රීඩකයන් 15 දෙනෙකුගෙන් යුත් සංචිතයේ උප නායකයා ලෙස ජෙහාන් ඩැනියල් කටයුතු කරනවා.
මෙවර ආසියානු කුසලාන වයස අවුරුදු 19න් පහළ ක්රිකට් තරගාවලිය ලබන 9 වනදා සිට 20 වනදා දක්වා මලයාසියාවේ දී පැවැත්වීමට නියමිතයි.
තරගාවලිය ඉන්දියාවේ පැවැත්වීමට සැලසුම් කර තිබුනද පකිස්ථාන ක්රිකට් මණ්ඩලය තම ක්රීඩකයන් ඉන්දියාවයට යැවීම ප්රතික්ෂේප කිරීම හේතුවෙන මලයාසියාවේ පැවැත්වීමට නියමිතය.
නම් කර ඇති ශ්රී ලංකා යොවුන් සංචිතය
කවිදු මෙන්ඩිස් (නායක), ජෙහාන් ඩැනියෙල් (උපනායක), අශේන් බණ්ඩාර, ධනංජය ලක්ෂාන්, නිශාන් මධුෂංක, නිපුන ධනංජය, හසිත බෝයගොඩ, ක්රිෂාන් සංජුල, නුවනිදු ප්රනාන්දු, ආර්.රණසිංහ, තිසුරු රශ්මික, නිපුන් රන්සික, පී. ජයවික්රම, කලන පෙරේරා, කේ.කේ.කෙවින්
මෙම මස 16 වන දින ආරම්භ වීමට නියමිත ශ්රී ලංකාවේ ඉන්දීය සංචාරයේ තරග 3කින් සමන්විත ටෙස්ට් තරගාවලිය සඳහා නම් කළ ශ්රී ලංකා සංචිතයට ඉදිරිපෙළ ක්රීඩක කුසල් මෙන්ඩිස් ඇතුළත් නොකිරීමේ තීරණය ශ්රී ලංකා ක්රිකට් තේරීම් කමිටුවේ සභාපති ග්රැහැම් ලැබ්රෝයි සාධාරණීකරණය කරනු ලැබීය.
ශ්රී ලංකා ක්රිකට් කණ්ඩායමේ අනාගත තරුව ලෙස සැලකුණු 22 හැවිරිදි කුසල් මෙන්ඩිස් සංචිතයෙන් ඉවත් කිරීම පිළිබඳව ක්රීඩාලෝලීන්ගේ ද විරෝධතාවය එල්ල විය. මෙම වසරේ මුල භාගයේ දී ද මෙන්ඩිස් මේ ආකාරයට ලකුණු අතරට පැමිණීමට අපොහොසත් වූ අවස්ථාවේ දී එවකට ශ්රී ලංකා කණ්ඩායමේ ප්රධාන පුහුණුකරු ලෙස කටයුතු කළ ග්රැහැම් ෆෝඩ් මහතා ඔහුව සංචිතයෙන් ඉවත් නොකර ඔහු හට තවදුරටත් අවස්ථාව ලබා දීමට කටයුතු කළේය
කෙසේ නමුත් තේරීම් කමිටුවේ සභාපති ලැබ්රෝයි, මෙන්ඩිස්ව සංචිතයෙන් ඉවත් කිරීමට ගත් තීරණය සාධාරණීකරණය කරමින්, ‘Cricbuzz’ වෙබ් අඩවිය සමඟ අදහස් දක්වමින් ප්රකාශ කර සිටියේ;
“අපිට ඔහුව සම්පූර්ණයෙන්ම අයින් කරන්න හරි, ඉන්දියාවට ඔහුව අරන් ගිහින් ක්රීඩා නොකර නිකං තියන්න හරි ඕන වුනේ නැහැ. අපි උත්සාහ කරන්නේ ඔහුට දේශීය තලය තුළ ක්රීඩා කරන්න ඉඩ ලබා දීලා, ඔහු ක්රීඩා කරන ආකාරය හදා ගන්න දීලා, නැවතත් ඔහුගේ විශ්වාසය ගොඩනංවගන්න අවස්ථාවක් දෙන්න.”
එමෙන්ම ඔහු වැඩිදුරටත් පවසා සිටියේ;
“ඔහු ගොඩක් විශ්වාසය තුළින් ක්රීඩා කරන ක්රීඩකයෙක්. ඔහුගේ ක්රීඩා විලාශය සම්පූර්ණයෙන්ම රැඳිලා තියෙන්නේ ඔහුගේ විශ්වාසය මත. ඔහුට ඉහළ දක්ෂතා දක්වන්න අවශ්ය හැම දෙයක්ම ඔහු සතුව තියෙනවා. ඔහු තව ඉනිම් දෙකක් ක්රීඩා කරලා, එහි දී අඩු ලකුණු ලබාගෙන, එවිට ඔහුව කණ්ඩායමෙන් ඉවත් කරලා ඔහුගේ විශ්වාසය සම්පූර්ණයෙන්ම බිඳ දමන අවස්ථාවක් හදන්න අපිට ඕනේ නැහැ. ඔහුට තවමත් වයස ඉතිරි වෙලා තිබෙනවා. ඒ නිසා අපිට අවශ්යයි ඉදිරියේ දී ඔහු ක්රිකට් ක්රීඩාවේ විශිෂ්ටතමයෙක් වෙනවා දකින්න. තවත් අවුරුදු 10කට ඔහු ක්රීඩා කිරීම අපිට අවශ්යයි.”
එමෙන්ම කණ්ඩායමේ පුහුණුකරු නික් පොතාස් මහතා කෞෂාල් සිල්වා පිළිබඳව අදහස් දක්වමින් ඔහු වැනි ක්රීඩකයින් කණ්ඩායම තුළ සිටීම අතිශය වැදගත් බව ප්රකාශ කිරීමෙන් අනතුරුව ද ඔහුව සංචිතයට ඇතුළත් නොකිරීම පුදුමය දනවන කරුණක් විය. පසුගිය මාසයේ දී පාකිස්තාන කණ්ඩායම සමඟ ටෙස්ට් තරගාවලියේ දී ඔහු ක්රීඩා කරනු ලැබූ ඉනිම් 4 තුළ ඔහු ලබාගත් ඉහළම ලකුණු සංඛ්යාව ලකුණු 27ක් වුවත්, නික් පොතාස් මහතා ඔහුව සාධාරණීකරණය කිරීම නිසා බොහෝ දෙනා අනුමාන කළේ ඔහුව ඉන්දියානු සංචාරය සඳහා ද ඇතුළත් කෙරෙනු ඇති බවයි.
“අපි හිතන්නෙත් නික් හිතන විදිහටම තමයි. කොහොම වුනත් අවසානයේ දී වැදගත් ක්රීඩකයෙක් ලකුණු අතරට එන එක. චරිතය, ආකල්ප, කණ්ඩායම් හැඟීම; මේ හැම දෙයක්ම ඔහු සතුව තියෙනවා. නමුත් අපි පිතිකරණයේ දී ඔහුගෙන් ලොකු දෙයක් බලාපොරොත්තු වෙනවා.” යැයි ලැබ්රෝයි පැහැදිලි කර සිටියේය.
ඛනිජතෙල් අර්බුදය හේතුවෙන් ඊයේ දහවල් පැවැති කැබිනට් රැස්වීමද දැඩි උණුසුම්කාරී වී ඇත.
ඛනිජතෙල් අර්බුදය පිළිබඳව ඇමැති අර්ජුන රණතුංග මහතා ඇමැති මණ්ඩලයට කරුණු පැහැදිලි කළ අවස්ථාවේ ඇමැතිවරුන් කිහිප දෙනකු ඊට පක්ෂව හා විපක්ෂව අදහස් දැක්වීමත් සමඟ මෙම උණුසුම්කාරී තත්ත්වය ඇතිව තිබේ.
දයාසිරි ජයසේකර, චන්දිම වීරක්කොඩි යන ඇමැතිවරුන් අර්ජුන රණතුංගට එරෙහිව අදහස් දක්වා ඇති අතර දයා ගමගේ ඇමැතිවරයා අර්ජුන රණතුංග ඇමැතිවරයාට පක්ෂව අදහස් දැක්වූ බව වාර්තා වේ.
පාඨලී චම්පික රණවක ඇමැතිවරයා අදහස් දක්වමින් මෙය මාෆියාවක් බවත් මේ ගැන වහාම සොයා බැලිය යුතු බවත් සඳහන් කර ඇත.
ජනාධිපති මෛත්රීපාල සිරිසේන මහතා අදහස් දක්වමින් මේ ගැන වහා පරීක්ෂණයක් කළ යුතු බවත්, වගකිවයුතු අයට දඬුවම් දිය යුතු බවත් සඳහන් කර තිබේ.
ඉන්ධන අර්බුදය සම්බන්ධයෙන් සෙවීමට ඇමැතිවරුන් සිව් දෙනකුගෙන් යුත් කමිටුවක් ද කැබිනට් මණ්ඩලය විසින් පත් කරනු ලැබ ඇත.
සමහර අය පිරිමි විදියට උපත ලැබුවට, හැගීම් ගතිගුණ හැසිරීම් සියල්ල කාන්තාවකගෙ වගේ වෙන්න පුළුවන්. ඒ වගේම ගැහැණියක් විදියට උපන්නත් පිරිමි සිතුම් පැතුම්, ගතිගුණ පිහිටන අයත් ඉන්නව.
එහෙම අය තමන්ගෙ ලිංගික අවයව පවා සැත්කම් මගින් වෙනස්කරගන්න දැන් දැන් යොමු වෙලා තියෙනව. මේ පිරිමියෙක් ගැහැණියක් කරන සැත්කමක් සිදුවන අයුරු දැක්වෙන එක්තරා වෛද්ය ආයතනයක් විසින් සැකසු අධ්යාපනික විඩියෝවකි.
සංවේදී අය නැරඹීමෙන් වලකින්න.
බැදුම්කර කොමිසම හමුවේ සාක්ෂි විමසන ඇතැම් නීතිපති දෙපාර්තමේන්තුවේ නිලධාරීන් හා සාවාද්ය සාක්ෂකරුවන් නිසා තමන්ගේ වරප්රසාද උල්ලංඝණය වී ඇතැයි අමාත්ය රවී කරුණානායක මහතා පවසයි. අද පාර්ලිමේන්තුවේදී විශේෂ ප්රකාශයක් කරමින් අමාත්යවරයා මේ අදහස් පල කලේය.
https://www.facebook.com/FutureSriLanka1/videos/509880916044173/
GOOGLE හා NASA ආයතනයත් එක්ව ක්වොන්ටම් තාක්ෂණය ගැන සරලව ඉදිරිපත් කරන ලද්දකි.මෙහිදී නාසා ආයතනය දැනටමත් භාවිතා කරන D-Wave Quantum Computer ගැනත් ඉතා පැහැදිලිව සඳහන් වෙනවා.
1940 දී පමණ පරිගනක සංකල්ප පඅමිණීමේ සිට මේ වන තුරු වූ සීග්ර සංවර්ධනය අති විශාල වන අතර ඉදිරියේදී එය දෙගුණ තෙගුණ වණුවා නොඅනුමානයි.මුල් කාලයේ (1940 -1956) Vaccum Tube භාවිතා කර විශාල කාබරයක් තුල ්ධික තාපයක් පිට කරමින් නිපදවුන පරිගනකය පසුව (1956 – 1963) Transister ප්රමාණයෙන් කුඩා උවත් අධික තාපය බලවත් ප්රශ්නයක් විය.1963න් පසුව Transister ගණනාවක් එකට එකතු කර සෑදූ Semiconductor භාවිතයෙන් පෙර පැවති ගැටළු බොහෝ අඩු කර ගැනීමට හැකි වුවත් පසුව Semiconductor ගණනාවක් එකට එකතු කර Microprocessor සෑදීමත් සමග පරිගනක විකාශයේ මහා පෙරළියක් ඇතිවිය.අද අපි සිටින්නේ මෙම යුගයේ වන අතර එය Artificial Inteligence ලෙස හඳුන්වයි.
නමුත් අනාගතයේදී ක්වොන්ටම් තාක්ෂණයත් සමග අප විද්යා පුබන්ධ වලින් දුටු ලෝකය අපට විවර වෙනවා නොඅනුමානයි.දැනට අපි භාවිතා කරන ඩිජිටල් පරිගනක වල අපිට සියළු වැඩ කරලා දෙන්නේ 0 හා 1 යන ඉල්කම් දෙකෙන් බව ඔබ දන්නවා.මෙහිදී එක අවස්ථාවකදී 0හෝ 1 ලෙසනිරූපනය වී අපට bit ලෙස දත්ත ලබාදෙනවා.නමුත් මෙහිදී එනක් ක්වොනටම් තාක්ෂනයේදී 0 හා 1 යන දෙකම එකවර නිරෑපනය වෙමින් Supperpossition තත්වයට පත්වී එකවර දත්ත අති විශාල ප්රමානයක් සංසලේෂණය වෙනවා.0 හා 1 එකට ගත් විට qbit(Quantum bit) ලෙස හැදින්වෙන අතර තවමත් මෙම තාක්ෂණය පර්යේෂණ මට්ටමේ පවතිනවා.
Serge Haroch හා David Wineland යන දෙදෙනා ක්වොන්ටම් විද්යාව හා ක්වොන්ටම් පරිගණක තාක්ෂණය උදෙසා කල සේවය ඇගයීමට 20122 වර්ෂයේ ඔවුන් දෙදෙනාට භෞතික විද්යාව සඳහා වන නොබෙල් ත්යාගයද හිමිවී තිබෙනවා.අදට වඩා මිලියන ගනනක වේගයකින් වැඩ කිරීමට හැකි මෙම තාක්ෂනය සහික ලරිගනක 2025 පමණ වන විට පැමිණේවි යයි සැලකෙන අතර එතෙක් අපි ඉවසීමෙන් බලාගෙන සිටිමු…
ඔස්ටින් අයියා” යන නම කියූ සැණින් බොහෝ දෙනාගේ සිහියට නැගෙනු ඇත්තේ මේ දිනවල විකාශය වන ජනප්රිය ටෙලි නාට්යයක චරිතයක්. එම චරිතය ඇතුළත් වෙන්නේ කූඹියෝ ටෙලි නාට්යයේ. ටෙලි නාට්යය තුළ නිතර පෙනී නොසිටියත්, ලැබෙන සෑම අවස්ථාවකදීම පාහේ ප්රේක්ෂකයන්ට මතක හිටින යමක් ඉතිරි කිරීම නිසාවෙන් ඔස්ටින් අයියා ගේ චරිතයට අද වෙද්දී බොහෝ ප්රේක්ෂකයන් ඇළුම් කරනවා. අපට ඔස්ටින් අයියා ගැන මෙබඳු සටහනක් තබන්නට සිදුවූයේ එම චරිතය පිටුපස සිටි ප්රතිභාපූර්ණ රංගන ශිල්පියා මීට දින කිහිපයකට පෙර හදිසියේ මෙලොවින් සමුගත් නිසායි. කූඹියෝ මෙන්ම ‘ගිනි අවි සහ ගිනිකෙළි’, ‘ඇඩ්රස් නෑ’ ආදි කලා නිර්මාණවලින්ද ඔහු ප්රකට කළ ප්රතිභාව ප්රේක්ෂක ජනතාවට අමතක නැතුවාට සැකයක් නැහැ. ඔහු ප්රවීණ රංගන ශිල්පී සේනක ටයිටස් ඇන්තනී. ටෙලි නාට්ය සහ වේදිකා නාට්ය රැසකට සිය රංගන දායකත්වය සැපයූ ඔහු, වේදිකා නාට්යයක් රංගගත කිරීම සඳහා විදෙස් ගතව සිටියදීයි මෙලොව හැර ගියේ. සේනක, ප්රවීණ කලාකරු ජැක්සන් ඇන්තනීගේ වැඩිමල් සොහොයුරායි. සිය සොහොයුරාගේ හදිසි වියෝවෙන් පසු ජැක්සන් ඔහු ගැන මතකය දිග හැරියේ මේ අයුරින්.
සේනක ටයිටස් කියන කලාකරුවා ගැන කතාබහ කරන්න සුදුසුම පුද්ගලයා තමයි ඔබ. මොකද, කලාවේදී වගේම පෞද්ගලික ජීවිතයේදීත් ඔබ තමයි ඔහුව ළඟින්ම ඇසුරු කළේ?
ඔව්, අපේ පවුලේ සහෝදරයෝ පස්දෙනයි. වැඩිමලා තමයි අයියා. මම පවුලේ දෙවැනියා. අපි දෙන්නා අතරේ වයස් පරතරය අවුරුදු එකහමාරක් දෙකක් විතර ඇති. ළමා කාලයේදී සහෝදරයෝ වගේම යාළුවෝ විදියට තමයි අපි දෙන්නා එකට හැදුණේ වැඩුණේ.
ඔබට සොහොයුරා ගැන අමතක කරන්න බැරි ළමා වියේ මතකයන් ඇති?
ළමා කාලය ගැන සිහිපත් කරද්දී මට අයියා ගැන එක්වරම සිහියට එන එක්තරා සිදුවීමක් තියෙනවා. පොඩි කාලේ අපි ජීවත් වුණේ පේරාදෙණියේ කුලී නිවසක. අපේ අම්මාට තුන්වැනි දරුවා ලැබෙන්න සිටියදී මාවයි අයියවයි අල්ලපු ගෙදර නවත්තලා අම්මයි තාත්තයි මහගෙදර ගියා. අපිට ඒ කාලේ හරිම දුකයි. වෙනදාට හැමදාම කඩල කන්න කියලා ගෙදරින් ලැබුණු සත පහත් ඒ දවස්වල අපට නැතිව ගියා. දවසක් අපි දෙන්නා බඩගින්නට කඩල ටිකක් හොරකම් කරන්න හිතුවා. මම තමයි ඒ හොරකම කරන්න ඉදිරිපත් වුණේ. නමුත්, ඒ හොරකම කරද්දී මාව අහුවුණා. අපිව පොලීසියට අල්ලලා දෙනවා කියලා මිනිස්සු අපව බය කරද්දී අයියා තමන් පන්තියේ පළමුවැනියා බව සටහන් වෙලා තිබුණු රිපෝට් කාඩ් එක පෙන්නලා අනුකම්පාව දිනාගෙන මාව බේරගත්තා.
සේනක සහ ජැක්සන් (ඉදිරිපස වාඩිවී) සිය සොහොයුරන් සමග කලකට ඉහත දී ගත් ඡායාරූපයක්
ඔබ දෙදෙනා කලා කටයුතු පටන් ගත්තෙත් එකටමයි?
ඔව්, රාගම පොඩිවී කුඹුරේ පදිංචියට ආවාට පස්සේ අපි දෙන්නා වේදිකා නාට්ය පෙන්වන්න පටන් ගත්තා. අපේ තාත්තා ඒකට අපිට වේදිකාවකුත් හදලා දීලා තිබුණා. 1977 අවුරුද්දේ අපි දෙන්නා නෙවිල් ඩයස් සුබසිංහගේ වාරුවෙන් යන මිනිස්සු වේදිකා නාට්යයේ රඟපෑවා. අයියා තමයි එහි ප්රධාන චරිතය රඟපෑවේ. මම කළේ සුළු චරිතයක්. ඒ නාට්යය සම්මාන හතක් දිනා ගනිද්දී ඒ අතරින් එකක් ලැබුණේ අයියාට.
ඒ අතරතුර ඔහු පුවත්පත් කලාවේදියෙකු ලෙසත් නමක් දිනාගන්නවා
මම විශ්ව විද්යාලයට යන කාලේ වෙනකොට අයියා මල්ටිපැක්ස් පුවත්පත් ආයතනයේ සේවයට බැඳුණා. පුවත්පත් කලාවේදීයෙක් විදිහටත් ඔහු බොහෝ අයට උදව් උපකාර කළා. ජයන්ත චන්ද්රසිරිගේ පවා පළමු පුවත්පත් ලිපිය කරන්න අයියා තමයි ඔහුව ආතර් යූ. අමරසේන මහතාට හඳුන්වා දුන්නේ. මම ඇඳපු මුල්ම චිත්ර කතාවට කතාව ලිව්වෙත් අයියා. මේවගේ අපි හැමෝගෙම ජීවිතවල සේනක ටයිටස් කියන චරිතය හිටියා.
ඔබ දෙදෙනා එකට රඟපෑ නිර්මාණ අතරේ ප්රේක්ෂකයන්ගේ තදින් මතකයේ රැඳුණු විදිහේ ඒවාත් තියෙනවා නේද?
ඔව්, වීර විකුම් පෑ ජෙනරල් වැලන්ටයින් උතුමාණෙනි කියන ගීතය ඇතුළත් වෙන්නේ මෙතනින් මාරුවෙනු කියන වේදිකා නාට්යයේ. ඒ ගීතය අදටත් හිටි ගමන් රූපවාහිනියෙන් විකාශය වෙනවා. හැබැයි එම දර්ශනයේ මා සමග රඟපාන්නේ මගේ අයියා කියලා හුඟක් අය දන්නේ නැහැ. ඔහු තමයි එහි පැබ්ලෝ ගේ චරිතය නිරූපණය කළේ.
ඔබේ නිර්මාණවලට ඔහු ඉතා කැමැත්තෙන් දායක වුණා නේද?
ඔව්, ජුලියට්ගේ භූමිකාවෙන් පටන් ගත්තාම, අබා, ඇඩ්රස් නෑ, සී රජ ආදිය ඇතුළුව මගේ හැම නිර්මාණයකට පාහේ අයියා රංගනයෙන් දායක වුණා.
දශක ගණනාවක් කලා ක්ෂේත්රයේ රැඳී සිටි ප්රතිභාපූර්ණ නළුවකු වූ ඔහුට කලා ජීවිතයේදී සිය හැකියාවන් එළිදැක්වීමට ලැබුණු අවස්ථාවන් ගැන ඔබට මොනවාද හිතෙන්නේ?
ඔහු හොඳ කටහඬක් තිබුණු, ඉතා දක්ෂ චරිතාංග නළුවෙක්, නමුත් අපේ රටේ එවැනි චරිතාංග නළුවන්ට නිසි තැනක් ලැබෙන්නේ නැහැ. ඒ නිසා දන්නා කියන නිර්මාණකරුවන්ගේ කලා නිර්මාණවලට පමණයි ඔහුට දායක වෙන්න ලැබුණේ. කූඹියෝ ටෙලි නාට්යයේ ඔස්ටින් අයියාගේ චරිතය නිසා ඔහු ගැන ලොකු අවධානයක් ඇති වෙමින් තිබුණා. ඉදිරියේදී එහි ඔහුගේ චරිතය තවත් ප්රබල ලෙස ඉස්මතු වේවි. සාමාන්ය ප්රේක්ෂකයා තුළ ඔහු ගැන කතාබහක් ඇති වෙමින් තිබියදී තමයි ඔහු වියෝ වුණේ. ඇත්තටම ඔහු ජීවත්ව සිටිය යුතුව තිබුණු කාලයේ තමයි ඔහුට මෙලොව හැරයාමට සිදුවුණේ.
-උපුටා ගැනීමකි-
සෞඛ්ය, පෝෂණ හා දේශීය වෛද්ය අමාත්ය රාජිත සේනාරත්න මහතාගේ තීරණයකට අනුව අත්යාවශ්ය ඖෂධ වර්ග 48 ක මිල අඩු කිරිම රෝගීන් ලැබූ විජයග්රහණයක් බව ලෝක සෞඛ්ය සංවිධානය සිය 2016 වර්ෂය වෙනුවෙන් නිකුත් කළ වාර්තාවෙන් ප්රකාශ කරයි.
එම වාර්තාවට අනුව අත්යාවශ්ය ඖෂධ වර්ග 48 ක මිල අඩු කිරීම සහ සීනි පරිභෝජනය අවම කිරීම සඳහා වර්ණ සංකේත ක්රමයක් හඳුන්වාදීම ලෝක සෞඛ්ය සංවිධානය අගය කරයි. ඒ පිළිබඳව සෙසු රටවල් අධ්යයනයක නිරත විය යුතු බව ද ලෝක සෞඛ්ය සංවිධානය පෙන්වා දෙන අතර, අත්යාවශ්ය ඖෂධ වර්ග 48 ක මිල අඩු කිරීම බෝනොවන රෝග අවම කිරීම සඳහා රුකුලක් වන බව ද පෙන්වා දෙයි.
දියවැඩියාව, හෘද රෝග, අධිරුධිර පීඩනය, කොලෙස්ටරෝල් ඇතුලු රෝග රැසකට භාවිත කරන ඖෂධ මෙහිදී මිල අඩු කර ඇත. වසරක දී ශ්රී ලංකාවේ ඖෂධ වෙළෙදපොල වටිනාකම ඇමරිකානු ඩොලර් මිලියන 400 ක් පමණ වෙයි. අත්යාවශ්ය ඖෂධ වර්ග 48 ක මිල අඩු කිරිමට ගත් තීරණය යහපත් බලපෑමක් ඇති කරන බව ලෝක සෞඛ්ය සංවිධානය සඳහන් කරයි. මිල අඩු කිරීම යටතේ ඇතැම් ඖෂධවල මිල සියයට 85 කින් පමණ අඩු වී ඇත.
අත්යාවශ්ය ඖෂධ වල මිල අඩු කිරීමේ ක්රමවේදය පිළිබඳ ව ලෝක සෞඛ්ය සංවිධානය ද අධ්යයනයක නිරත වී ඇත. එහිදී වැදගත් තොරතුරු රැසක් හෙළි වූ බවත් එම ක්රමවේදය සාර්ථක ක්රියාවලියක් බවත් ලෝක සෞඛ්ය සංවිධානය සඳහන් කරයි. ශ්රී ලංකාව රෝගී අයිතිවාසිකම් රැක ගැනීම සාක්ෂි සහිතව මෙහිදී පෙන්වා දී ඇත. එමගින් රෝගී ජනතාවට මුල්ය පහසුකමක් ද ලැබී ඇත. අත්යාවශ්ය ඖෂධ වර්ග 48 ක මිල අඩු කිරීම විශ්වීය සෞඛ්ය රැකවරණ මුලධර්මයට ද රුකුලක් වී ඇති බව ලෝක සෞඛ්ය සංවිධානය අවධාරණය කර සිටියි. තිරසර සංවර්ධන ඉළක්ක ජය ගැනීම සඳහා ශ්රී ලංකාව යන ගමනට පුර්ණ සහයෝගය ලබාදෙන බව ද ලෝක සෞඛ්ය සංවිධානය අවධාරණය කරයි.
ඇතීවී තිබෙන ඉන්ධන හිඟය හේතුවෙන් බොහෝ රථ වාහන හිමියන් මේ වන විට දැඩි අපහසුතාවට මුහුණදී තිබෙනවා.පෙට්රල් ලබා ගැනීමේ බගාපොරොත්තුවෙන් ඉන්ධන හල් වෙත පැමිණි බොහෝ පිරිසක් දිගු පොලිම් වල රැඳී සිටිනු දක්නට ලැබෙනවා.
මේ අතර ඉන්ධන නිකුත් කරමින් පවතින ඉන්ධන හල්වල දැඩි උනුසුම් කාරි තත්වයන්ද මතුව තිබෙන අතර අතැම් ඉන්ධනහල් වලින් සුපිරි මොටර් රථ සඳහා වැඩි වශයෙන් ඉන්ධන ලබාදෙන බවත් ත්රීරොද රථ හා යතුරුපැදි සඳහා ඉන්ධන ලබාදීමේදී මන්දගාමී ස්භාවයක් අනුගමනය කරන බවත් වාර්තාවනවා.
මේ ආකාරයේ සිදුවීමක් අද කළුතර ප්රදේශයෙන් වාර්තා වුණා.මෙහිදී එක්තරා ප්රභූවරයෙක් පොලිස් ආරක්ෂාව මැද ඉන්ධන ලබාගැනීමට අදාළ ඉන්ධන හල වෙත පැමිණ තිබූ අතර ඒ මොහොතේ බොහෝ දෙනෙකු ඉන්ධන ලබාගැනීමේ අපේක්ෂාවෙන් දිගු පෝලිමක සිට තිබෙනවා.
කෙසේ වෙතත් එතැන සිටි පුද්ගලයෙකු මෙම අසාධාරණයට එරෙහිව නිර්භීතව සිය අදහස් ප්රකාශ කරන අයුරු දැක්වෙන වීඩියෝවක් අප වෙත වාර්තා වුණා.
එම වීඩියෝව පහතින් නරඹන්න.
මාරාන්තික උපවාස සිදුකළද ලබාදුන් අධිකරණ තීන්දු වෙනස් කළ නොහැකි බව උසස් අධ්යාපන අමාත්ය ලක්ෂ්මන් කිරිඇල්ල පවසනවා.
රජයේ වෛද්ය පීඨ ශිෂ්ය දෙමාපිය සංගමය සයිටම් ආයතනයට එරෙහිව ඊයේ (06) පස්වරුවේ සිට මාරාන්තික උපවාසයක් ආරම්භ කළා. ඒ, විශ්ව විද්යාල ප්රතිපාදන කොමිෂන් සභාව ඉදිරිපිටදීයි.
රජයේ වෛද්ය පීඨ ශිෂ්ය දෙමාපිය සංගමය ආරම්භ කළ මෙම උපවාසය සම්බන්ධයෙන් උසස් අධ්යාපන අමාත්ය ලක්ෂ්මන් කිරිඇල්ල අප වෙත අදහස් පළ කළා.
එහිදී ඔහු පෙන්වා දුන්නේ “ජනාධිපතිතුමාගේ විසඳුම වෛද්යවරුත් පිළි අරගෙන තියෙනවා. විශ්ව විද්යාල කථිකාචාර්යවරුත් පිළි අරගෙන තියෙනවා. සයිටම් ළමයිනුත් පිළි අරගෙන තියෙනවා. ඉතින් මේකේ විසඳුමකට යන්න සියලු දෙනාගෙන සහයෝගය අවශ්යයි. මේ විසඳුම ඉදිරියට ක්රියාත්මක කරන්න අවස්ථාව දෙන්න ඕනේ. මේ ආයතනයේ පළවෙනි කණ්ඩායම පිට වුණේ අපේ රජය කාළේ. පස්සේ ඒ අය අධිකරණයට ගියා. අධිකරණයෙන් කිව්වා ඒ අයව පිළිගන්න කියලා. දැන් ශ්රේෂ්ඨාධිකරණයට අභියාචනයක් ඉදිරිපත් කරලා ඒක විභාග වෙනවා. ඉතින් උසාවි තීන්දුවට අපි හැමෝම හිස නමන්න ඕනේ.” යනුවෙනි.
සයිටම් ගැටළුව විසඳීමට ජනාධිපතිවරයා විසින් පත්කිරීමට අපේක්ෂිත නව කමිටුවේ සංයුතියට දේශපාලනඥයින් ඇතුළත් නොවිය යුතු බවයි රජයේ වෛද්ය නිලධාරීන්ගේ සංගමය ප්රකාශ කළේ.
[rns_reactions]
ඉරාජ් වීරරත්න සහ සිරි සමන්තබද්ර හෙවත් පිටදූවේ සිරිධම්ම යනු ක්ෂේත්රයන් දෙකක පෙරළිකාර චරිත ද්විත්වයක්. අලෙවිකරණය සඳහා දෙදෙනාටම ඇත්තේ ඉතා හොද හැකියාවක්.
මීට සුලු මොහොතකට පෙර ඉරාජ් සිය ෆේස්බුක් ගිණුමේ තැබූ සටහනක් පහතින් දැක්වෙනවා.
මල්වතු මහානායක හිමියන්ගේ ආශිර්වාදය සහ උපදෙස් අනුව කටයුතු කරන බවට දණින් වැටී පොරොන්දු වී පිටදූවේ සිරිදම්ම හිමි ඉරාජ්ගේ මියුසික් වීඩියෝ වල අඩුපාඩු බැලීම මල්වතු පාර්ශවයේ සංඝ්යා වහන්සේලාට කැපද? අකැපද? එය භික්ෂූන් වහන්සේලාට අයත් රාජකාරියක්ද? නැද්ද?
[rns_reactions]