Author: Editor(T)

‘වැඳලා කියන්නම් අපේ ආණ්ඩුව බේරලා දෙන්න’ යැයි පාර්ලිමේන්තු මන්ත‍්‍රී රන්ජන් රාමනායක මහතා මහාධිකරණ විනිසුරු ගිහාන් පිලපිටිය මහතාට දුරකථන ඇමතුමක් ලබා දෙමින් ඉල්ලා ඇතැයි රජයේ රජ පරීක්ෂකවරයා විසින් එවන ලද වාර්තාවක් සහ සිද්ධියට අදාළ වැඩිදුර වාර්තාවක් අධිකරණයට ඉදිරිපත් කරමින් නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දැනුම් දුන්නේය.

රන්ජන් රාමනායක මහතාගේ හඬපට සම්බන්ධ නඩුව ඊයේ (12) යළි විභාගයට ගත් අවස්ථාවේ නියෝජ්‍ය සොලිසිටර් ජනරාල් දිලීප පීරිස් මහතා මේ බව සඳහන් කළේය.

සිද්ධි­යට අදා­ළව දුර­ක­ථන සමා­ග­ම්ව­ලින් ලබා­ගත් තොර­තුරු ඔස්සේ දුර­ක­තන හඩ පට­ව­ලට අදා­ළව ඒවා අව­ස්ථා­නු­කූ­ලව ගල­ප­මින් පුළුල් විම­ර්ශ­න­යක් ආරම්භ කර ඇති බවත් සැක­ක­රුට ඇප ලබා­දු­න­හොත් සාක්ෂි­ව­ලට සහ සාක්ෂි­ක­රු­වන්ට බල­පෑම් එල්ල විය හැකි බවත් අධි­ක­ර­ණ­යට දැනුම් දුන් දිලීප පීරිස් මහතා සැක­ක­රුට ඇප ලබා දීමට විරෝ­ධය ප්‍රකාශ කරන බව අධි­ක­ර­ණය හමුවේ දීර්ඝ කරුණු දැක්වී­මක් සිදු කර­මින් කියා සිටි­යේය.   

සිද්ධිය සම්බ­න්ධ­යෙන් රජයේ රස පරී­ක්ෂ­ක­ව­රයා විසින් එවන ලද සන්දේ­ශ­යක් සහ සිද්ධි­යට අදාළ වැඩි­දුර වාර්තා­වක් ඉදි­රි­පත් කර­මින් දිලීප පිරිස් මහතා මෙම කරුණු අධි­ක­ර­ණය හමුවේ කියා සිටි­යේය.   

අධිකරණය ඉදිරියේ වැඩි දුරටත් කරුණු දැක්වූ නියෝජ්‍ය සොලිසිටර් ජනරාල් දිලීප පීරිස් මහතා,

”කට­හඩ පරී­ක්ෂාව සිදු කිරීම ඉකුත් පෙබ­ර­වාරි මස 7 වනදා රජයේ රස පරී­ක්ෂ­ක­ව­රයා වෙත සැක­කරු ඉදි­රි­පත් කළා. දුර­ක­තන සමා­ග­ම්ව­ලින් ලද තොර­තු­රු­ව­ලට අනුව විම­ර්ශන සිදු කර­මින් පව­ති­නවා. මෙම සිද්ධි­යට සම්බන්ධ විනි­සු­රු­ව­රුන් තිදෙනා වන විශ්‍රා­ම­ලත් මහා­ධි­ක­රණ විනි­සු­රු­ව­රි­යක වන පද්මිණී රණ­වක, වැඩ තහ­න­මට ලක්ව සිටින මහා­ධි­ක­රණ විනි­සුරු ගිහාන් පිල­පි­ටිය, මහේ­ස්ත්‍රාත් ධම්මික හේම­පාල යන මහ­ත්ව­රුන් සහ සැක­කාර රන්ජන් රාම­නා­යක මහතා අතර 2015 සිට 2019 දක්වා දුර­ක­තන සංවාද 63 පවත්වා තිබෙ­නවා. එම දුර­ක­තන පව­තින නඩු කෘත­ව්‍ය­යන් සම්බ­න්ධ­යෙන් සාකච්ඡා කර තිබෙ­නවා.

රන්ජන් රාම­නා­යක මහතා ‘මම වැඳලා කිය­න්නම් අපේ ආණ්ඩුව බේරලා දෙන්න‘ යනු­වෙන් මහා­ධි­ක­රණ විනි­සුරු පිල­පි­ටිය මහ­තාට දුර­ක­ථ­න­යෙන් දැනුම් දුන් අව­ස්ථාවේ ඊට විනි­සු­රු­ව­රයා පිළි­තුරු දෙන හඩ­පට මාධ්‍ය­ය­න්වල පළ වුණා. දුර­ක­තන සංවාද ආකාර දෙකක් ඔස්සේ විශ්ලේ­ෂ­ණය කර­නවා.

දුර­ක­තන සමා­ග­ම්ව­ලින් ලද තොර­තුරු වාර ප්‍රමා­ණ­යන් හඩ­පට සමඟ සංස­න්ද­නා­ත්ම­කව සලකා බැලෙ­නවා. 2008 වසරේ සිට අස්වා­භා­වික දුර­ක­තන සංවාද පටි­ගත කරීම් සැක­කාර මන්ත්‍රි­ව­රයා සිදු කර තිබෙ­නවා. සන්නි­වේ­දන ආය­ත­න­යක් දුර­ක­ථන සමා­ග­මක් වගෙයි දුර­ක­තන පටා­ගත කිරීම් ඔහු කර තිබෙන්නේ. ක්ලෝන කිරීම සිදු කර වාර්තා­වක් එවන ලෙස රජයේ රස පරී­ක්ෂ­ක­ව­ර­යාට දැනුම් දෙන්න. මැලේ­ෂි­යා­වෙන් හොංකොං රාජ්‍ය­යෙන් අදාළ දෘඩ තැටි ගෙන්වී­මට සිදූ වුණා. මේ හා සැදි නඩු­වට රාජ්‍ය ආර­ක්ෂක අමා­ත්‍යාං­ශ­යෙන් වාර්තා­වක් කැඳවා තිබෙ­නවා. ඇම­තුම් 10 ක් පමණ වීඩියෝ පටි­ගත කිරීම් ඇති බවට සැක කර­නවා.

විනි­සු­රු­ව­රුන් තිදෙනා සහ හිටපු අල්ලස් කොම­සා­රි­ස්ව­රිය දුර­ක­තන සංවාද සම්බ­න්ධ­යෙන් පුළුල් විම­ර්ශන සිදු කර­නවා. මෙම විනි­ස­රු­ව­රුන් සමග දීර්ඝ සංවා­ද­යන් පවත්වා ඇති බවට විම­ර්ශන අනා­ව­ර­ණය කර තිබෙ­නවා. ගිහාන් පිල­පි­ටිය මහතා සමග යෙදී ඇති දුර­ක­තන සංවාද සම්බ­න්ධ­යෙන් විම­ර්ශන සිදු කළ ආකා­ර­යෙන්ම අනෙ­කුත් විනි­සු­රු­ව­රුන් සම්බ­න්ධ­යෙන් ද පව­තින පර්වේ­ශ­නීය සාක්ෂි මත විම­ර්ශන සිදු කර­නවා.

රන්ජන් රාම­නා­යක මහතා සැක­ක­රු­වකූ ලෙස සිටි­මින් මාධ්‍ය සංද­ර්ශන පව­ත්ව­නවා. ඔහු මන්ත්‍රි­ව­ර­යෙක් වුනත් මේ වන­විට සැක­ක­රු­වෙක්. බන්ධ­නා­ගාර නිල­ධා­රින් ඉදි­රියේ මාධ්‍ය දුටු පම­ණින් බස් රථ­යෙන් ඔලුව පිට­තට දම­මින් අද­හස් පළ කර­නවා. මේ වර­ප්‍ර­සාද කාටද තිබෙන්නේ. හෙට වන­විට පාතාල නායක මාක­දුරේ මතක් කංජි­පානි ඉම්රාන් පවා මෙහෙම අද­හස් පළ කරාවී. මෙය අති­ශය සංකීර්ණ විම­ර්ශ­න­යක්. දුර­ක­තන සිම්පත් ඉල්ලා සිටි­නවා.

නව සිම්පත් නිකුත් කළ පම­ණින් පැරණි සිම්පත අක්‍රිය වෙනවා. සිම්පත පර්වේ­ශ­නීය සාක්ෂි­යක්. ඔහු මේ වන­වි­ටත් මුහුණු පොත වූ ටියුබ් එකේ සැරි­ස­ර­නවා. එහි වීර­යෙකු වීමට උත්සාහ ගනි­මින් සිටි­නවා. මොහුගේ ක්‍රියා­ක­ලා­පය සාක්ෂි­ක­රු­වන් පසු­බැ­ස්ස­වී­මට සිදු­වෙ­නවා ඔවුන්ට තර්ජ­න­යක් බල­පෑ­මක් වෙනවා. මේ තත්ත්වය නොදැක්කා සේ සිටී­මට බැහැ. ඔහු අප­රා­ධ­මය වර­දක් සිදු කර ඇති අයෙක්. ඔහුට ඇප ලබා දීමෙන් විම­ර්ශන අඩාළ විය හැකියි.  රන්ජන් රාම­නා­යක මහතා එම හඬ ඔහුගේ නොවන බවට මුල් දිනයේ අධි­ක­ර­ණ­යට කියා සිටියා.   

විම­ර්ශ­න­යට අදාළ වැඩි­දුර වාර්තා ඉදි­රි­පත් කර­නවා. ආණ්ඩු­ක්‍රම ව්‍යව­ස්ථාව ප්‍රකා­රව සාක්ෂි­ක­රු­වන්ට හා සාක්ෂි­ව­ලට බල­පෑම් කිරී­මට විත්ති­කරු ඇප ලබා දුන­හොත් කට­යුතු කරාවි. එම නිසා ඇප ලබා දීමට විරෝ­ධය ප්‍රකාශ කර­නවා”  

විත්ති­කරු වෙනු­වෙන් කරුණු දැක්වූ ජනා­ධි­පති නිතිඥ නෙවිල් අබේ­රත්න මහතා,

”මෙම සිද්ධි­යට රන්ජන් රාම­නා­යක මහතා වර­ද­ක­රු­වකු වුව­හොත් නීතිය ප්‍රකා­රව දඩු­වම වන්නේ වස­රක සිර­ගත කිරී­මක් සහ දඩ මුද­ලක් නියම කිරී­මයි. මේ වන­වි­ටත් ඔහු දඩු­ව­මෙන් දොල­හෙන් එකක් දින 30 රක්ෂිත භාරයේ සිටියා. මෙම වරද ඇප ලබා දිය හැකි වර­දක්. මහා­චාර්ය ජී එල් පීරිස් මහතා පාර්ලි­මේ­න්තු­වට ඇප පනත ඉදි­රි­පත් කළේ ඇප කොන්දේසි ලිහිල් කිරී­ම­ටයි. ඕනෑම කොන්දේ­සි­යක් මත හෝ සැක­ක­රුට ඇප ලබා දෙන ලෙස ඉල්ලා සිටි­නවා.   

රජයේ අති­රේක සොලි­සි­ටර් ජෙන­රාල් දිලීප පීරිස් මහතා –   

”ජනා­ධි­පති නීති­ඥ­ව­රයා ඉදි­රි­පත් කළ නීති­මය කරුණු හා හබ කරන්නේ නැහැ. ආණ්ඩු­ක්‍රම ව්‍යව­ස්ථාවේ 111-1 වග­න්තිය අධි­ක­ර­ණය කොයි­ත­රම් උත්ත­රී­ත­රද පූජ­නී­යද කියා සද­හන් වෙනවා. මෙය අධි­ක­ර­ණයේ උත්ත­රී­ත­ර­භා­වය ආරක්ෂා කිරීම පිළි­බද ප්‍රශ්න­යක්. වර­දක් කළ අයකු මන්ත්‍රි­ව­ර­යකු හෝ වෙනත් අයකු ලවා ආරක්ෂා වීමක් සිදු වන බව සමා­ජ­යට යාම සුදුසු නැහැ. නිද­හස් අධි­ක­ර­ණ­යක් තිබිය යුතුයි. එවි­ටයි අධි­ක­ර­ණයේ ගෞර­වය රැකෙන්නේ.

ඇප පනතේ බ්ලැන්කට් එකක් දාලා ඕනෑම කෙනෙක් ආවාම ඇප දෙන්න කියා දන්වා නැහැ. සාක්­ෂි­ක­රු­වන්ට සාක්ෂි­ව­ලට යුක්තිය ඉෂ්ට වීමේදී බාධා සිදු විය හැකියි. මගේ ළග හඩ­පට තිබෙ­නවා, ඒවා එළි­යට දානවා කියා සාක්ෂි කරු­වන්ට බල­පෑම් කරාවී. මම ඔහු කළ ප්‍රකා­ශ­යක් දුටුවා. මේක ලැජ්ජා සහ­ගත වේද­නා­ත්මක සිදු­වී­මක්. අධි­ක­ර­ණයේ ගෞර­වය ආරක්ෂා කරන්න නිල­ධා­රීන් ලෙස අපි බැඳී සිටි­නවා. අධි­ක­ර­ණයේ ස්වාධී­න­ත්වය, ගෞර­වය ආරක්ෂා කරන්න බර­ප­තළ ලෙස සිතා කට­යුතු කළ යුතුයි”

සැක­කාර මන්ත්‍රී­ව­ර­යාට ඇප ලබා දෙන ලෙස ජනා­ධි­පති නීතිඥ නෙවිල් අබේ­රත්න මහතා ප්‍රමුඛ නීතිඥ මඩුල්ල දීර්ඝ කරුණු දැක්වී­මක් සිදු කර­මින් ඕනෑම කොන්දේ­සි­යක් මත ඇප ලබා දෙන ලෙස අධි­ක­ර­ණ­යෙන් ඉල්ලා සිටි අතර එම ඉල්ලීම ප්‍රති­ක්ෂේප කළ නුගේ­ගොඩ අති­රේක මහේ­ස්ත්‍රාත් එච් යූ කේ පැල්පොල මහතා සැක­කාර මන්ත්‍රී­ව­රයා ලබන පෙබ­ර­වාරි මස 26 වනදා දක්වා රක්ෂිත බන්ධ­නා­ගාර ගත කරන ලෙස නියෝග කළේය. 

පැමි­ණිල්ල වෙනු­වෙන් රජයේ අති­රේක සොලි­සි­ටර් ජෙන­රාල් දිලීප පීරිස් මහතා, රජයේ ජ්‍යෙෂ්ඨ අධි­නී­තිඥ ජනක බණ්ඩාර මහතා, කොළඹ අප­රාධ කොට්ඨා­සයේ ස්ථානා­ධි­පති නෙවිල් ද සිල්වා යන මහ­ත්ව­රුන් අධි­ක­ර­ණයේ පෙනී සිටි­යේය.   

විත්ති­කරු වෙනු­වෙන් ජනා­ධි­පති නීතිඥ නෙවිල් අබේ­රත්න, ජ්‍යෂ්ඨ නීතිඥ වසන්ත රණ­සිංහ, ආශා කහ­වත්ත උදුල් ප්‍රේම­රත්න යන මහත්ම මහ­ත්මීන් ඇතුළු නිතිඥ මඩු­ල්ලක් අධි­ක­ර­ණයේ පෙනී සිටි­යහ.    

අතිපූජ්‍ය ගංගොඩවිල සෝම හිමියන්ගේ දැක්ම සහ නිසල දේහය විකුණන් කමින් ජාතික හෙළ උරුමය හරහා පාර්ලිමේන්තුවට රිංගා ගත් පා.ච.රණවක නොහොත් චම්පික වසර කිහිපයක් තුළ සඟ සතු පාර්ලිමේන්තු ආසන ප්‍රමාණය කොල්ල කමින් එම පක්ෂයද විනාශ කොට තම පුද්ගලික බූදලයක් බවට පත් කරගත්තේය. එහෙව් අමන ගති ඇත්තෙකු වන පච රණවක මේ වන විට එජාපයේ පරාජිත ජනාධිපති අපේක්ෂයා වූ සජිත් ප්‍රේමදාසවද ගොනාට අන්දවමින් එක්සත් ජාතික පක්ෂය දෙකඩ කොට එජාපයට සියතට ගැනීමට සැලසුම් සකස් කොට ඇත.

විපක්ෂ නායක සජිත් ප්‍රේමදාසගේ නායකත්වයෙන් බිහිකරන ‘පුළුල් ජනතා සන්ධානයට’ පූර්ණ සහාය ලබා දෙන බව පක්ෂ 03ක් විසින් ඒකාබද්ධ නිවේදනයක් නිකුත් කරමින් පවසයි.

මෙම නිවේදනය නිකුත් කර ඇත්තේ, ජාතික හෙළ උරුමය වෙනුවෙන් පාඨලී චම්පික රණවක, දමිළ ප්‍රගතිශීලී සන්ධානය වෙනුවෙන් මනෝ ගනේෂන් සහ ශ්‍රී ලංකා මුස්ලිම් කොන්ග්‍රසය වෙනුවෙන් රවුෆ් හකීම් යන පක්ෂ නායකයින් විසිනි.

‘විජයග්‍රහණයක නව ඇරඹුමකට සන්ධානගත වීම’යන ශීර්ෂයෙන් නිකුත්කර ඇති එම සම්පූර්ණ නිවේදනය පහත දැක්වෙයි.

‘විජයග්‍රහණයක නව ඇරඹුමකට සන්ධානගත වීම’

ඉතා නුදුරේදී තීරණාත්මක පාර්ලිමේන්තු මැතිවරණය පැවැත්වෙන අතර ඒ සඳහා අවශ්‍ය වටපිටාව මේ වනවිට නිර්මාණය වී තිබේග වත්මන් ආණ්ඩුව මේ වනවිටත් ජනතා අපේක්ෂාවන් සියල්ලම පාහේ බිද දමා ඇති අතර දේශපාලන පලි ගැනීම් සහ ආර්ථික අවපාතයක් වෙතට රට තල්ලුකොට තිබේ.

දහසකුත් එකක් ජනතා බලාපොරොත්තුවලට සහමුලින්ම ප්‍රතිවිරුද්ධ ගමනක යෙදෙන වත්මන් ආණ්ඩුවට එරෙහිව පුළුල්තම ජනතා බලවේගය නිර්මාණය කිරීමේ භාරධූර වගකීම අප වෙත පැවරී තිබේ.

ඒ අනුවල මෑත කාලීනව අප එක්සත් ජාතික පක්ෂය හා එක්ව දේශපාලනික කටයුතුවල යෙදුණු අතර ඒ තුලින් ජනතා ජයග්‍රහණ රැසක් අත්පත් කර දීමටද අපට හැකි විය.

එළැඹෙන මහ මැතිවරණය උදෙසා නව සන්ධානයක් බිහි කිරීමට එක්සත් ජාතික පක්ෂ කෘත්‍යාධිකාරී මණ්ඩලය අනුමැතිය ලබා දී ඇති අතර එලෙස පිහිටුවන සන්ධානයේ නායකත්වය, සන්ධාන මහලේකම් පත්කිරීම, අගමැති අපේක්ෂකත්වය මෙන්ම නාමයෝජනා කමිටුවේ ප්‍රධානත්වයද විපක්ෂ නායක සජිත් ප්‍රේමදාස මහතාට පැවරීමටද එකී කෘත්‍යධිකාරී මණ්ඩලය තීන්දුකොට තිබේ.

ඉහත කාරණා කෙරෙහි අපගේ දැඩි අවධානය යොමුකොට සජිත් ප්‍රේමදාස මහතාගේ නායකත්වයෙන් බිහිකරනිපුළුල් ජනතා සන්ධානයට’ අපගේ පක්ෂද එක්ව ජනතා අපේක්ෂාවන් සහතික කරන ආණ්ඩුවක් බිහි කිරීමේ උදාර මෙහෙවරට දායක වන බව නිවේදනය කරමු.

ඒ අනුව ජාතික හෙළ උරුමය, දමිළ ප්‍රගතිශීලී සන්ධානය, ශ්‍රී ලංකා මුස්ලිම් කොන්ග්‍රසය යන දේශපාලන බලවේගද නව සන්ධානය සමඟ අත්වැල් බැඳගනු ඇත.

ව්‍යාජය සහ ප්‍රලාප තුලින් බලය ලබාගෙන මේ වනවිට ව්‍යාකූල රටක් නිර්මාණය කොට ඇති වත්මන් ආණ්ඩුව පරාජය කොට ශක්තිමත්ල ප්‍රගතිශීලී සහ ජවසම්පන්න ආණ්ඩුවක් බිහි කිරීම උදෙසා විපක්ෂ නායක සජිත් ප්‍රේමදාස මහතාගේ නායකත්වයෙන් බිහිකරන සමගි ජන බලවේගයේ ජයග්‍රහණය වෙනුවෙන් අප ඇප කැපවෙන බවද නිවේදනය කරමු.

‘සෝෆා ගිවිසුම’ අත්සන් කිරීමට රජය තීරණයක් ගෙන නැතැයි ආණ්ඩුවේ මාධ්‍ය ප‍්‍රකාශක හා ආයෝජන ප‍්‍රවර්ධන රාජ්‍ය අමාත්‍ය කෙහෙළිය රඹුක්වැල්ල මහතා පැවසුවා.

අග‍්‍රාමාත්‍ය ලේකම් කාර්යාලයේ අද (12) පැවැති මාධ්‍ය හමුවකට එක්වෙමින් රාජ්‍ය අමාත්‍යවරයා මේ බව පැවැසුවා.

එහිදී ඇමැති කෙහෙළිය රඹුක්වැල්ල මහතා කියා සිටියේ ‘මෙවැනි ගිවිසුම් අත්සන් කිරීමට පෙර ගිවිසුම පාර්ලිමේන්තුවට ඉදිරිපත් කළ යුතුයි. ඒ වගේම එම ගිවිසුමට නීතිපති දෙපාර්තමේන්තුවේ අනුමැතිව හිමිවිය යුතුයි. එවැනි අනුමැතියකින් තොරව වත්මන් රජය කිසිදු ගිවිසුමක් අත්සන් කරන්නේ නැහැ. සොෆා ගිවිසුම පමණක් නොවෙයි රටට අහිතකර කිසිදු ගිවිසුමකට රජය අත්සන් කරන්නෑ.

සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගය (එස්.ජේ.බී) යටතේ ඉදිරි මැතිවරණයට තරග කරන බවත්, මෙම සන්ධානයේ ඡන්ද ලකුණ ලෙස අලියා ලකුණ ලබාදෙන ලෙස ඉල්ලා ඇති බවත් ගාල්ල දිස්ත්‍රික් පාර්ලිමේන්තු මන්ත්‍රී මනුෂ නානායක්කාර මහතා පැවසුවේය.

සියලුම පක්ෂවල එකගතාවයෙන් රාජපක්ෂවරු පරාජය කිරීම සදහා සමගි ජන බලවේගය නායකත්වය ලබාදෙන බවත්, ආණ්ඩුව සමග ඩීල් නොමැති සියලු දෙනාටම මේ සමග එක්විය හැකි බවත් මන්ත්‍රීවරයා කොළඹදී පැවති ප්‍රවෘත්ති සාකච්ඡාවකදී සදහන් කළේය.

වැඩිදුරටත් අදහස් දැක්වූ මන්ත්‍රීවරයා මෙසේද පැවසුවේය

එක්සත් ජාතික පක්ෂයේ කෘත්‍යාධිකාරී මණ්ඩලයේ ආශිර්වාදයෙන් අලුත් දේශපාලන සන්ධානයක් නිර්මාණය කිරීමටත්, එම සන්ධානයේ නායකත්වය සජිත් ප්‍රේමදාස මහතාට ලබාදීමටත් තීරණය කර තිබෙනවා. ඒ වගේම මෙම සන්ධානයේ මහ ලේකම්වරයා විදියට රංජිත් මද්දුමබණ්ඩාර මහතාගේ නමත් කෘත්‍යාධීකාරී මණ්ඩලය අනුමැතිය ලබාදුන්නා. ඒ අනුව අපි සමගි ජන බලවේගය යටතේ ඉදිරි මහ මැතිවරණයට තරග කරනවා.

මේ සමගි ජන බලවේගය සම්බන්ධයෙන් නොයෙක් මතවාද පළ කර තිබෙනවා. මෙහි ලාංඡනය සම්බන්ධයෙන් විවිධ අදහස් විවිධ අය දක්වා තිබෙනවා. එක්සත් ජාතික පක්ෂය මෙතෙක් කල් තරග කළ අලියා ලකුණින් තරග කිරීමට අපි කැමැතියි. සමගි ජන බලවේගය සදහා අලියා ලකුණ ලබාදෙන්න කියලා අපි ඉල්ලීම් කර තිබෙනවා.

සමගි ජන බලවේගය පක්ෂය මීට පෙර අපේ ජාතික පෙරමුණ නමින් තිබුණේ. අපේ ජාතික පෙරමුණේ නායකයා ලෙස රනිල් වික්‍රමසිංහ මහත්තයාත්, රාජිත සේනාරත්න මහත්තයා මහ ලේකම්වරයා විදියටත් නම් කරලා පසුගිය අවුරුද්දේ සැප්තැම්බර් මාසයේදී ලියාපදිංචියට අවශ්‍ය කටයුතු කරලා තිබුණා.  මේ පක්ෂය තමයි අලුත් සන්ධානය හදන්න ගත්තේ. මේ පක්ෂයේ ඉංග්‍රීසි අක්ෂරවලින් කියවෙන දේ එක්සත් ජාතික පක්ෂයට සමාන බව කියලා නීතීඥයෙක් මැතිවරණ කොමසාරිස්වරයා ලිපියක් යවා තිබෙනවා.  නමුත් ඒ නීතීඥයා යවපු කාරණයේ කිසිදු සත්‍යතාවයක් නැහැ. . එස්.ජේ.බී. යන නමින් තමයි අපි කටයුතු කරන්නේ.

සියලු දෙනාගේම සහයෝගයෙන්, සියලු පක්ෂවල එකගතාවයෙන්, රාජපක්ෂවරු ගෙදර යවන්න, පීඩාවට පත් වෙලා සිටින ජනතාව ආරක්ෂා කරගැනීමට, පාක්ෂිකයින් ආරක්ෂා කරගැනීමට, ආණ්ඩුව සමග ඩීල් නැතිව කටයුතු කිරීමට අපි සමගි ජන බලවේගය ශක්තිමත්ව ඉදිරියට රැගෙන යනවා. 

රට තුළ අද ශක්තිමත් විපක්ෂයක් නොමැති බවත්, විපක්ෂය රනිල් පිල හා සජිත් පිල ලෙස පිල් දෙකකට බෙදී ඇති බවත් නිවාස පහසුකම් රාජ්‍ය අමාත්‍ය ඉන්දික අනුරුද්ධ මහතා පැවසීය.   ආණ්ඩුවට ඇගිලි දිගුකර පෙන්වීමට තරම් චෝදනාවක් අද විපක්ෂයට සොයාගත නොහැකි බවද අමාත්‍යවරයා පැවසීය.  

අමාත්‍යවරයා මේ බව කියා සිටියේ දේශීය උළු කර්මාන්ත හිමියන් සමග පැවති විශේෂ හමුවකට  සහභාගී වෙමිණි. මෙම හමුව පුත්තලම දිස්ත්‍රික්කයේ වයික්කාල, රිවෝරිච් හෝටලයේදී පැවැත්විණි.      

මෙහිදී වැඩිදුරටත් අදහස් දැක්වූ අමාත්‍යවරයා,

 “අපේ ඉලක්කය මෙරට නිවාස නොමැති ජනතාව වෙනුවෙන් නිවාස අමාත්‍යංශය හරහා නිවසක් ලබා දීමයි. විෂය භාර ඇමතිවරයා ලෙස අගමැතිතුමාටත්, රාජ්‍ය ඇමතිවරයා ලෙස මටත් පැවරුනු වගකීම වූයේ අතිගරු ජනාධිපතිතුමාගේ ප්‍රතිපත්ති ප්‍රකාශයට අනුව නිවාස ඉදිකිරීම සදහා අමාත්‍යංශය මෙහෙය වීමයි. ඒ සදහා කෙටිකාලීන හා දිගුකාලීන සැලසුම් සකස් කරන විට අපේ පළමු සැලැස්ම වූයේ නිවාස නොමැති අසරණ දුගී දුප්පත් ජනතාව සදහා ‘ගමට ගෙයක්’ ලබා දීමේ වැඩසටහන ක්‍රියාත්මක කිරීමයි.

මේ හරහා ග්‍රාමසේවා වසමකට එක් නිවසක් වශයෙන් මුළු රටේම නිවාස 14,022 ක් ඉදිකරනවා. මේ සදහා අගමැතිතුමා විසින් ඉදිරිපත් කළ කැබිනට් පත්‍රිකාව අනුමත වීමෙන් පසුව මෙම වැඩසටහන පිළිබදව උපදෙස් ලබා ගැනීමට මා එතුමාව හමු වුණා. ‘අගමැතිතුමනි, උතුරු නැගෙනහිර නිවාසවලට නම් උළු සෙවිලි කරන්න වෙනවා. නමුත් ගාණ ටිකක් සැරයි’ කියා මා එහිදී අගමැතිතුමාට පැවසුවා. එවිට අගමැතිතුමා ප්‍රකාශ කළේ ‘කොච්චර මුදල් ගියත් කමක් නැහැ. නිවාස සියල්ලටම උළු සෙවිලි කිරීමට කටයුතු කරන්න’ කියායි. අගමැතිතුමාට කර්මාන්ත පිළිබදව මනා දැනුමක් තිබෙනවා. එම නිසා දේශීය උළු කර්මාන්තයට අතහිත දීමක් ලෙස අප ඉදිකරන නිවාසවලට උළු සෙවිලි කිරීමට අවස්ථාව උදා වුණා.  

අද තියෙන්නේ මනා දැක්මක් සහ දර්ශනයක් සහතිව වැඩ කරන ආණ්ඩුවක්. පසුගිය ආණ්ඩුවේ අපි එය දුටුවේ නැහැ. අපි එදා උළු කර්මාන්ත හිමියන් මුහුණ දෙන ගැටළු සම්බන්ධයෙන් හිටපු නිවාස ඇමතිවරයාගේ අවධානයට යොමු කළා. රජයේ නිවාස වැඩසටහනට දේශීය උළු හිමියන්ගෙන් උළු ලබා ගන්නා වැඩපිළිවෙලක් සකස් කරන්න කියා එදා අපි එතුමාගෙන් ඉල්ලා සිටියා. එහිදී එතුමා පැවසුවේ, නිවාසවලට උළු සෙවිලි කරනවාට වඩා සීට් සෙවිලි කළාම පරිසරය ආරක්ෂා වනවා කියායි. වත්මන් විපක්ෂ නායකයාට තියෙන්නේ මෙවැනි දැක්මක්.

අපි ආණ්ඩුව ලබා ගත්තට වඩා එතුමාගෙන් රට ගලවා ගැනීම ගැන සතුටු වෙන්නට ඕන. කිසිම කළමනාකාරීත්වයක් නැති නායකයෙක්. ආණ්ඩුවක් පත් වුණාම තිබෙන ලොකුම තර්ජනය විපක්ෂයයි. පසුගිය ආණ්ඩුව බලයට පත්වූ දින සිටම අපි විපක්ෂය ලෙස රටේ ප්‍රශ්නවලට අරගල කළා. එදා අරගල කරන්න අපට හේතු තිබුණා. මහ බැංකු කොල්ලයේ සිට රාජ්‍ය සම්පත් විකිණීම දක්වා පෙන්වීමට විවිධ චෝදනා ඇති තරම් තිබුණා. එම නිසා එදා විපක්ෂය බලවත් වුණා. අද විපක්ෂය බලවත් වී ඇත්තේ පිල් දෙකකට පමණයි. ඒ රනිල් පිල සහ සජිත් පිල ලෙසයි. අද සිරිකොතට වෙලා ගහගන්නවා ඇරෙන්න රටේ වැඩපිළිවෙලට යෝජනාවක් දෙන්න විපක්ෂය අසමත් වෙලා. මේ ආණ්ඩුවට ඇගිල්ල දිගු කර පෙන්වන්නට තරම් චෝදනාවක් අද නැහැ.  

ජනාධිපතිතුමා අද නව දේශපාලන සංස්කෘතියක් නිර්මාණය කර තිබෙනවා. තාප්පයක් ගානේ පෝස්ටර් ගහනවා වෙනුවට තරුණයින් චිත්‍ර අදිමින් රට ලස්සන කරනවා. අද තරුණයෝ තම උත්සහයෙන් පුරන් වුනු කුඹුරු අස්වද්දන්න පටන් ගෙන තිබෙනවා. ජනාධිපතිතුමාගේ පරිවාර රථ සහ කාර්ය මණ්ඩලය අඩු කරමින් රටට ආදර්ශයක් ලබා දී තිබෙනවා. මුදල් විශාල වශයෙන් ඉතිරි කර තිබෙනවා. මෙවර නිදහස් උත්සවයත් පැවැත්වුණේ චාම් ආකාරයටයි.

පසුගිය ආණ්ඩුව එදා නිදහස් උත්සවයේදී තරුණ ළමයි ගෙන්වා ලැප්ටොප් දර්ශනයක් දැම්මා. ඒ සදහා ලැප්ටොප් වෙනමම මිලදී ගත්තා. පසුගිය ආණ්ඩුවේ තිබුණු නාස්තිය එයයි.  ප්‍රතිරූපය නංවනවා කියා 2015 ට පෙර පැවති රජය ගෙදර යවපු අය ඊට දෙගුණයකට, තෙගුණයකට එහා ගොස් තමන්ගේ ප්‍රතිරූපය නංවා ගන්න කටයුතු කළා. මහින්ද මහත්තයට අප්පච්චි කියා කිව්වා. නමුත් 2005 ට කලින් අසූ ගණන්වල ජනාධිපති උත්මාණන් හිටියේ. එදා ඵලකයක් විවෘත කරන විට එහි සදහන් කළේ රණසිංහ ප්‍රේමදාස උතුමාණන් කියායි.

අද රටට අවශ්‍ය දේශපාලන සංස්කෘතියක් නිර්මාණය වී තිබෙනවා. අද ජනාධිපතිතුමාව බොහෝ අය අගය කරනවා. සජිත් මහත්තයා කියනවා ජනාධිපතිතුමා යටතේ එයාට අගමැතිකම කරන්න පුළුවන් කියා. සජිත් මහත්තයා මැතිවරණ සමයේ වේදිකාවලදී මොනවා කිව්වුත්, ජනාධිපතිතුමාගේ වැඩපිලිවෙල හොදයි කියා අද එතුමත් ප්‍රකාශ කරනවා. රජයේ නිවාස වැඩසටහනට උසස් ප්‍රමිතියෙන් යුතු උළු ලබා දෙමින් උළු හිමියන්වන ඔබගේ සහය අපට ලබා දෙන්න කියා මා ඉල්ලා සිටිනවා. එක නිවසකට උළු කැට 1,200 ක පමණ ප්‍රමාණයක් අව්‍යශ වනවා. නිවාස 14,022 ටම එම ප්‍රමාණය අවශ්‍යයි. ඉදිරි අයවැය තුළින් දේශීය උළුමෝල් හිමියන් සදහා සහනදායි පොලී ණය මුදලක් ලබා දෙන්න කටයුතු කරන්නට කියා මා ජනාධිපතිතුමාට යෝජනා කරනවා” යනුවෙන්ද පැවසීය.