Category: සුපිරි Sports

සංචාරක ශී‍්‍ර ලංකා කණ්ඩායම සහ බංග්ලාදේශ කණ්ඩායම අතර දෙවන සහ අවසන් පන්දුවාර විස්ස කි‍්‍රකට් තරගය ශිලේට්හිදී මේ වනවිට පැවැත්වෙනවා. පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 04 දැවී ලකුණු 210 ලබාගත්තේ ඕවරයකට 10.5 දල ලකුණු වේගයක් රදවාගනිමිනි..

තරග දෙකකින් සමන්විත මෙම තරගාවලියේ 1 ට බින්දුවක් ලෙස පෙරමුණ ගෙන සිටින්නේ ශී‍්‍ර ලංකා කණ්ඩායමයි.

අද තරගය පැවැත්වෙන තණතිල්ල බංග්ලාදේශ කණ්ඩායමට වාසිදායක අයුරින් සකසා ඇති බවයි වාර්තා වන්නේ. 

කලක් බංග්ලාදේශ කණ්ඩායමේ ප‍්‍රධාන පුහුණුකරු ධුරය හෙබවූ චන්දික හතුරුසිංහ සම්බන්ධයෙන් ද ක‍්‍රිකට් විචාරකයින් විවිධ අදහස් පළ කර තිබෙනවා.

ඔහු බංග්ලාදේශයේ තණතිලි පිළිබඳව අත්දැකීමක් ලබා තිබීම ශ‍්‍රී ලංකා කණ්ඩායමට වාසිදායක වූ බවයි ඔවුන්ගේ අදහස වී ඇත්තේ.

සංචාරක ශී‍්‍ර ලංකා කණ්ඩායම සහ බංග්ලාදේශ කණ්ඩායම අතර දෙවන සහ අවසන් පන්දුවාර විස්ස කි‍්‍රකට් තරගය ශිලේට්හිදී අද (18) පැවැත්වෙනවා. 

ශී‍්‍ර ලංකා වේලාවෙන් මෙම තරගය පස්වරු 4.30ට ආරම්භ වීමට නියමිතයි.

තරග දෙකකින් සමන්විත මෙම තරගාවලියේ 1 ට බින්දුවක් ලෙස ශී‍්‍ර ලංකා කණ්ඩායම පෙරමුණ ගෙන සිටිනවා.

අඛණ්ඩව පන්දුවාර විස්ස තරග 8ක් පරාජය වූ ශී‍්‍ර ලංකා කණ්ඩායම ඉකුත්දා පැවති පළමු තරගයේදී බංග්ලාදේශ කණ්ඩායමට එරෙහිව කඩුලූ 6ක විශිෂ්ට ජයක් ලබමින් එම පරාජයන් රැල්ලට තිත තැබුවා.

අද තරගයේදී ශී‍්‍ර ලංකා කණ්ඩායමේ එක් වෙනස්කමක් සිදුවනු ඇති බවයි වාර්තා වන්නේ. ෂෙහාන් මධුසංඛ වෙනුවට අසිත ප‍්‍රනාන්දු කැඳවනු ඇති බවයි වැඩිදුරටත් වාර්තා වන්නේ.

මේ අතර තිසර පෙරේරාට පන්දුවාර විස්ස කි‍්‍රකට් පිටියේ සිය පනස්වැනි කඩුල්ල දවා ගැනීමට තවත් අවශ්‍යව ඇත්තේ එක් කඩුල්ලක් පමණයි.

අද තරගයේදී ඔහු කඩුල්ලක් දවා ගැනීමට සමත්කම් දැක්වුවහොත් ශී‍්‍ර ලංකාව වෙනුවෙන් පන්දුවාර විස්ස කි‍්‍රකට් පිටියේ කඩුලූ 50 සීමාව පසු කළ සිව්වන පන්දුයවන්නා ලෙස ඔහු වාර්තා පොත් අතරට එක්වනු ඇති.

මීට පෙර එවැනි දස්කමක් දක්වා තිබුණේ ලසිත් මාලිංග, අජන්ත මෙන්ඩිස් සහ නුවන් කුලසේකරයි.

ශ්‍රී ලංකා ක්‍රිකට් ක්‍රීඩකයන්ගේ හා ජාත්‍යන්තර ක්‍රිකට් ක්‍රීඩකයන්ගේ සහභාගීත්වයෙන් විස්සයි 20 ප්‍රිමියර් ලීග් තරඟාවලියක් සංවිධානය කිරීමට ශ්‍රී ලංකා ක්‍රිකට් ආයතනය කටයුතු කරලා තියෙනවා.

මේ තරඟාවලිය අගෝස්තු මස 18 ඉඳන් සැප්තැම්බර් මස 10 වෙනකන් පැවැත්වීමට නියමිත බවයි ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈශ්ලිද සිල්වා මහතා කියන්නේ.

මෙම තරඟාවලියට කණ්ඩායම් 6 ක් තරඟ කරන්න නියමිතයි. එක් කණ්ඩායමක් හා තරඟ දෙක බැගින් කණ්ඩායම් තරඟ 10 ක් පවත්වන්න නියමිත වෙලා තියෙනවා. මේ තරඟාවලිය ලංකන් ප්‍රිමියර් ලීග් (LPL) ලෙස තමයි නම් කරලා තියෙන්නේ.

ඒ වගේම මේ LPL තරඟාවලිය පැවැත්වෙන කාලයේදී ශ්‍රී ලංකා ක්‍රිකට් ක්‍රීඩකයන්ට ජාත්‍යන්තර තරඟ නැහැ කියලයි ශ්‍රී ලංකා ක්‍රිකට් ආයතනය කියන්නේ.

ශී‍්‍ර ලංකා කණ්ඩායම සහ බංග්ලාදේශ කණ්ඩායම අතර තරග දෙකකින් යුත් පන්දුවාර විස්ස කි‍්‍රකට් තරගාවලියේ පළමු තරගයේ ජය ශ්‍රී ලංකාවට හිමි වුණා. ඒ පන්දුවාර 16යි පන්දු 4කදී විකට් 6ක් අතැතිවය.

මෙරට විස්සයි 20 තරඟ ඉතිහාසයේ වැඩිම ලකුණු ගණන හඹා යෑමට ශ්‍රී ලංකා කණ්ඩායම අද සමත්වුණා.

ඒ බංගලාදේශ කණ්ඩායම සමගින් අද පැවති පළමු විස්සයි 20 තරඟයේදියි.

මෙම තරඟයේ කාසිය වාසිය දිනා ගත් බංගලාදේශ කණ්ඩායම නියමිත පන්දුවාර 20 අවසානයේ  කඩුලු 5ක් දැවී ලකුනු 193ක් රැස් කළා.

ඒ බංගලාද්ශ කණ්ඩායමක් විස්සයි 20 තරඟයක වාර්තා කළ වැඩිම ළකුණු ගණනයි.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 16.4 කදී එම ඉලක්කය පසුකර යාමට සමත් වුණා.

සාර්ථක පිතිකරණය නියැලුනු කුසල් මෙන්ඩිස් අර්ධ ශතකයක් වාර්තා කිරීමට සමත් වූ අතර ධනුෂ්ක ගුණතිලක,තිසර පෙරේරා, සහ දසුන් ශානකද පිත්තෙන් දස්කම් දැක්වීමට සමත් වුණා.

තරඟයේ වීරයා සම්මානය හිමිවූයේ කුසල් මෙන්ඩිස් හටයි.

ක්‍රිකට් ක්‍රීඩාව වාණිජකරණය වීමත් සමග මූල්‍ය ලාභ මත පැවැත්වෙන ක්‍රිකට් තරගාවලි අතිශය ජනප්‍රියත්වයට පත්වූවා. ක්‍රිකට් ක්‍රීඩාවක් ආගමක් ලෙස සැලකෙන ඉන්දියාවේ ඇරඹෙන ඉන්දියන් ප්‍රිමියර් ලීග් තරගාවලිය ලොව වැඩියෙන්ම මුදල් හුවමාරු වන ක්‍රිකට් තරගාවලිය ලෙස සැලකෙනවා.

ක්‍රීඩකයන්ට වැඩිම මුදලක් ගෙවනා තරගාවලිය මෙන්ම කණ්ඩායම් හිමිකරුවන් විශාලතම ලාභයක් හිමි කර ගන්නා තරගාවලිය වන්නේද ඉන්දියානු ප්‍රිමීයර් ලීග් තරගාවලියයි. එම නිසාම බොහො විදෙස් ක්‍රීඩකයන් සිය මවුබිමට ක්‍රීඩා කරන තරග අතපසු කරමින් ඉන්දියානු ප්‍රිමීයර් ලීගයට ක්‍රීඩා කරන අයුරු පවා පසුගිය කාලයේ දැකගත හැකිවුනා. මේ අතර 2018 වසරට අදාල ඉන්දීය ප්‍රිමීයර් ලීග් ක්‍රීඩක වෙන්දේසීය පසුගිය දින දෙකෙහි (27, 28) පැවැත්වුනා.

මෙවර තරගාවලි වෙන්දේසියේ අතිශය කැපි පෙනෙන සිදුවීමක් වූයේ ඉන්දීය ප්‍රිමීයර් ලීග් ඉතිහාසයේ වැඩිම කඩුලු ලාභියා මෙන්ම , ඉන්දීය ප්‍රිමීයර් ලීග් තරගාවලිය ආරම්භයේ පටන් අඛණ්ඩව එකම කණ්ඩායමක් නියෝජනය කළ එකම විදෙස් ක්‍රීඩකයාද වූ ශ්‍රී ලංකා වේග පන්දු යවන්නා ලසිත් මාලිංග කිසිදු කණ්ඩායමක් විසින් ලබා නොගැනීමයි. ඒ අනුව ඉන්දීය ප්‍රිමියර් ලීග් තරගාවලියේ ආරම්භයේ පටන්ම ක්‍රීඩා කළ , ඉන්දීය ප්‍රිමීයර් ලීග් තරගාවලියේ ප්‍රධානම වෙළද සන්නාමයක් වූ ලසිත් මාලිංග මෙවර තරගාවලියට ක්‍රීඩා නොකරනු ඇත.

ඉන්දීය ප්‍රීමියර් ලීග් තරගාවලියේ සාර්ථකම පන්දු යවන්නා පමණක් නොව සාර්ථකම ක්‍රීඩකයා ලෙසද විචාරකයන් විසින් හදුන්වන්නේ ලසිත් මාලිංගයි. මෙලෙසින් ලසිත් මාලිංග අලෙවි නොවෙද්දි අයි.පී.එල් වෙන්දේසියකදී අලෙවි වූ පළමු නේපාල ක්‍රීඩකයා ලෙස දකුණත් පාදඟ පන්දු යවන සන්දීප් ලැමිච්චේන්ගේ නම සටහන් වන අතර රෂිඩ් කාන්, මුජිබ් සද්රාන් හා මොහොමඩ් නාබි යන ඇෆ්ගන්ස්තාන් ක්‍රීඩකයෝ තිදෙනෙක්ම අලෙවි වීමද විශේෂත්වයකි.

ලසිත් මාලිංගගේ අයි.පී.එල් වියෝව පිළිබදව සමාජජාලා වෙබ් අඩවි වලද කතාබහට ලක්වූ අතර එහිදි ඇතැමෙක් ප්‍රකාශ කර තිබුනේ ක්‍රිකට් ක්‍රීඩකයන්ට ගෞරවනීය සමුගැනීමක් ලැබෙන්නේ මවුබිම වෙනුවෙන් ක්‍රීඩා කිරීමේදී පමණක් බවය.

ක්‍රීඩකයෙකු ලෙස නොහැකි නම් පුහුණුකරුවෙක් ලෙස හෝ උපදේශකයෙකු ලෙස ලෝක කුසලානයට එක්වීමට තමා සූදානම් බව සුපිරි වේග පන්දු යවන ක්‍රීඩක ලසිත් මාලිංග පවසනවා.තමාගේ දැනුම අනෙකුත් ක්‍රීඩකයන් සමග බෙදා ගැනීමට තමා මහත් කැමැත්තෙන් පසුවන බවද මාලිංග මෙහිදී සඳහන් කරයි.

අයි පී එල් තරඟ ඉතිහාසයේ වැඩිම කඩුලු ලාභායා මෙන්ම වටිනාම ක්‍රීඩකයා ලෙසද වරෙක හැඳින්වූ මාලිංගව 2018 අයි.පී.එල්. වෙන්දේසියේදී කිසිදු කන්ඩායමක් විසින් මිලට ගැනීමට ඉිදිරිපත් නොවිණි.එසේම පසුගිය සමයේ ශ්‍රීලංකාව ක්‍රීඩා කළ එක්දින හා විස්සයි 20 තරඟ ගණනාවටම මාලිංග ඇතුළත් නොවිණි.

“.ක්‍රීඩකයෙක් ලෙස මගේ සේවය දිගු කාලීනව අවශ්‍ය නොවේ නම් යන්න කාලය ඇවිල්ලා. මම දන්නවා මගේ ජීවිතයේ තවත් ක්‍රිකට් තියෙනවා. මම උපදේශකයෙක් ලෙස ලෝක කුසලානයට එක්වීමට ලෑස්තියි.

කවුරුහරි මට කතාකරලා කිව්වොත් ‘බලන්න ලෝක කුසලානය තරගාවලියට අපිට ඔබගේ අපගේ පුහුණුකරු කණ්ඩායමට අවශ්‍යයි’ කියලා මම ඒක බාරගන්න කැමතියි. ඒ වෙන මොකක් නිසාවත් නෙමෙයි මට මගේ දැනුම අනෙක් අය සමග පුළුවන් වෙලාවක බෙදාගන්න කැමතියි.

මට පිටියට ගිහින් යෝකර් පන්දුවක් දාන්නේ කොහොමද කියලා කියන්න පුළුවන්. මට ක්‍රීඩකයෙක් ලෙස බැරිනම් මේ විදියට හරි ලෝක කුසලානයට යන්න කැමතියි. ඔව් මට සිම්බාබ්වේ කණ්ඩායමට හා ඉන්දීය කණ්ඩායමට එරෙහිව නරක තරගාවලියක් තිබුණා තමයි. එයින් කියනවද මගේ කාර්යය දැන් අවසන් කියලා.

ගොඩක් මිනිස්සු කියනවා මම මුදල්වලට ක්‍රීඩා කරනවා කියලා. ඔව් මම කරනවා. මේක මගේ රැකියාව. නමුත් මම මේ වසර කිහිපයේදී මම මහන්සියෙන් කරන වැඩ ඒ අය කතා කරන්නේ නෑ. මම පැය ගණන් යොකර් පන්දු යවන්න පුහුණු වෙනවා. කවුරුත් මම මගේ රට වෙනුවෙන් දිනවපු තරග ගැන කතා කරන්නේ නෑ. නමුත් මම මුම්බායි ඉන්දියන්ස් කණ්ඩායම සමග දැක්වූ දක්ෂතා ගැන කතා කරනවා. මගේ රට වෙනුවෙන් ක්‍රීඩා කිරීමට අවස්ථාව ලැබීම තමයි මගේ ජීවිතයේ සිදුවූ ශ්‍රේෂ්ඨතම දෙය.”

මට මං ගැනම කණගාටුයි.මට එක්දින කඩුලු 301 තිබෙනවා ටෙස්ට් කඩුලු 101 තිබෙනවා විස්සයි 20 කඩුලු 90 තිබෙනවා.මම ඒවා ලබාගත්තේ මගේ රට වෙනුවෙන් ක්‍රීඩා කරලයි.සිම්බාබ්වේ තරඟාවලිය හා ඉන්දියානු තරඟාවලිය අසාර්ථක වුණා කියලා මං පිලිගන්නවා නමුත් එයින් කියවෙන්නේ මගේ සේවය අවසන් කියලද?

මට අවස්ථාවක් නොදී මගේ දක්ෂතා ගැන කියන්නේ කොහොමද?2017 සැප්තැමබර් මාසයෙන් පසු මං එක්දින තරඟයක් ක්‍රීඩා කරලා නෑමම තේරීම් කමිටු කිහිපයක් යටතේ ක්‍රීඩා කරලා තියෙනවා.නමුත් ප්‍රශ්ණය තමයි ඔවුන් කිසිවෙකුට දිගු කාලින සැළසුමක් තිබුණේ නැහැ.2014 ලෝක කුසලානය බැලුවොත් අපට හොඳ පළපුරුදු කණ්ඩායමක් හිටියා.නවක ක්‍රීඩකයන් කණ්ඩායමට ඇතුළත් කළාට කිසිම ප්‍රහ්ණයක් නැමැ.නමුත් එය දිගු කාලින සැළසුමකට අනුව විය යුතුයි.ඇයි මට විස්සයි 20 තරඟයක අවස්තාවක් දෙන්න බැරි.මම අසාර්ථක වුනොත් ඔවුන්ට පැහැදිලි වේවි මම අසාර්ථකයි කියලා නමුත් අවස්ථාවක් නොදී එය ඔප්පු කරන්නේ කොහොමද?

2018 වසරේ ඉන්දීය ප්‍රිමියර් ලීග් තරගාවලියට අදාළව එක් එක් කණ්ඩායම් විසින් රඳවා ගනු ලබන ක්‍රීඩකයන්  (04) ප්‍රකාශයට පත් කළා.

ඒ අනුව, වාර්තාගත වැඩිම මුදලකට එනම්, ඉන්දීය රුපියල් කෝටි 17 කට ඉන්දීය නායක විරාට් කෝලි රඳවා ගැනීමට රෝයල් චැලෙන්ජර්ස් බැංගලෝර් පිල තීරණය කර තිබෙනවා.

මුම්බායි ඉන්දියන්ස් පිල වෙනුවෙන් අයි.පී.එල් පළමු තරඟ වාරයේ සිට රඳවා ගත් ශ්‍රී ලංකා පිලේ වේග පන්දු යවන ක්‍රීඩක ලසිත් මාලිංග මෙවර එලෙස රඳවා ගෙන නොමැති අතර ඔහු අයි.පී.එල් ක්‍රීඩක වෙන්දේසියට කිරීමට නියමිතව ඇත.

ඒ අනුව මෙවර මුම්බායි කණ්ඩායම රඳවාගෙන ඇත්තේ රෝහිත් ශර්මා ,හර්දික් පාන්ඩේ සහ ජශ්පිට් බුම්රා යන ක්‍රීඩකයන්ය.

පසුගිය කාලයේ තරඟ තහනමෙන් පසුව නැවතත් IPL තරඟාවලියට එකතු වන චෙන්නායි සුපර්කින්ස් කණ්ඩායම රඳවාගෙන තිබෙන්නේ MS දෝණි ,සුරේෂ් රයිනා සහ රවීන්ද්‍ර ජඩේජාය.

රෝයල් චැලෙන්ජර්ස් බැංගලෝර් කණ්ඩායම විරාත් කෝලි ,AB ඩිවිලියස් සහ සෆ්රාස් ඛාන් රඳවාගෙන ඇති අතර මෙවර තරඟාවලියේ ඔවුන්ගේ පුහුණුකරු ලෙස රිකී පොන්ටින් එකතු වන බවද වාර්තා වේ.

කල්කටා නයිට් රයිඩර් කණ්ඩායම සුනිල් නාරායන් සහ ඇන්ඩ්රි රසල් රඳවා ගැනීමට තීරණය කර ඇති අතර පසුගිය තරඟාවලි වල නායකයා ලෙස කටයුතු කල ගෞතම් ගාම්භීර්ද අමතක කර දමා තිබීම විශේෂත්වයකි.

දිල්ලි ඩෙයාර්දිවල්ස් කණ්ඩායම ක්‍රිස් මොරිස් ,රිශාබ් පාන්ට් සහ සායර් අයර් වෙන්දේසියට නොයවා රඳවා ගැනීමට තීරණය කර ඇත.

රාජස්ථාන රෝයල්ස් කණ්ඩායම ස්ටීවන් ස්මිත්ද,කිංග්ස් ඉල්වන් පන්ජාබ් කණ්ඩායම අර්ෂා පටෙල්ද රඳවාගෙන ඇති අතර සන්රයිසස් කණ්ඩායම ඩේවිඩ් වෝනර් සහ බුවනේශ්වර් කුමාර් රඳවාගෙන ඇත.