බස්නාහිර පළතේ උපකාරක පන්ති ලබන 12 වැනිදායින් පසුව විවෘත කිරීමට අවසර ලබා දෙන බව සෞඛ්ය ඇමැතිනි පවිත්රා වන්නිආරච්චි මහත්මිය අද (06) පාර්ලිමේන්තුවෙදී පැවසුවාය.
සෞඛ්ය ඇමැතිවරිය මෙ බව හෙළි කළේ කුරුණෑගල දිස්ත්රික් මන්ත්රී ගුණපාල රත්නසේකර මහතා යොමු කළ ප්රශ්නයකට පිළිතුරු දෙමිනි.
උපකාරක පන්තියක උපරිම ශිෂ්ය සංඛ්යාව සියයකට සීමා කළ යුතු බවත් මෙය මහා පරිමාණයෙන් පවත්වාගෙන යන පන්තිවලද අදාළ බවත් කී සෞඛ්ය ඇමතිවරිය සෑම පන්තියකම ආසන අතර මීටරයක දුර පවත්වා ගත යුතු බව ද කීවාය.
රේගුවෙන් වෙළෙඳ පොළට නිකුත් කරන භාණ්ඩ 7200 ක් අතුරින් 5800ක් කුමන ආකාරයකින්වත් විමර්ශනයකට ලක් වන්නේ නැති බවත් මේවා අතර පාරිභෝජන භාණ්ඩ මෙන්ම පාරිභෝජන නොවන භාණ්ඩ ද තිබෙන බව සමුපකාර සේවා අලෙවි සංවර්ධන හා පාරිභෝගික ආරක්ෂණ රාජ්ය අමාත්ය ලසන්ත අලගියවන්න මහතා පාර්ලිමේන්තුවේ දී අද (6) පැවසීය.
මේ පිළිබද වැඩි දුරටත් කරුණු හෙළිකළ ඇමති ලසන්ත අලගියවන්න මහතා, ‘මේ භාණ්ඩ කන්ටේනරයෙන් ලංකාවට ගෙනවිත් කෙලින්ම වෙළෙඳ පොළට යනවා. මෙය බරපතළ තත්ත්වයක්. නිදහසින් පසු රට මුහුණ දෙන මේ ක්රමවේදයේ අඩුපාඩුකම් නිවැරැදි කිරීමට අප වැඩ කටයුතු ආරම්භ කර තිබෙනවා. කිසිදු රජයක් ජනතාවට හිතාමතා වහ කවන්න උත්සාහ කරන්නේ නැහැ. වෙළෙඳපොළට විෂකාරක තෙල් නිකුත් වී තිබේ යැයි කිසිම රාජ්ය ආයතනයක් අද වන තෙක් ප්රකාශ කර නැහැ‘
පාස්කු ඉරිදා ප්රහාරයේ මහ මොළකරු අන් කිසිවෙක් නොව නවුෆර් මවුලවි සහ හජ්ජුල් අක්බාර් බව මහජන ආරක්ෂක අමාත්ය සරත් වීරසේකර කියා අවධාරණය කළේය. පාස්කු ප්රහාරය පිළිබඳ ජනාධිපති කොමිසම් වාර්තාව අධ්යයනයට පත් කළ අමාත්ය අනුකමිටුවේ නිර්දේශ පිළිබඳ දැනුම්දීම සඳහා අද (06) රජයේ ප්රවෘත්ති දෙපාර්තමේන්තුවේ පැවැති මාධ්ය හමුවේදී ඇමතිවරයා මේ බව අනාවරණය කළේය.
මෙහිදී වැඩි දුරටත් කරුණු හෙළිකළ සරත් වීරසේකර ඇමැතිවරයා,
“අපි මහ මොළකරු හදුනාගෙන ඉවරයි. මහ මොළකරු කියන්නේ සහරාන්ටත් අන්තවාදී මතවාදය දීපු කෙනා. ඒ තමයි නවුෆර් මවුලවි. සහරාන් මේකට සම්බන්ධ වුණේ 2016දී. නවුෆර් මවුලවි තමයි බග්දාදි සමග එක්වෙලා 2014දී මේ රටට අයි.එස් මතවාදය ගෙනාවෙ ඔහු. දැන් ඔහු ඉන්නේ අත්අඩංගුවේ. ඒක නිසා මහ මොළකරු අපි අල්ලා ගෙන ඉවරයි. මේක පිටිපස්සෙ වෙන මහ මොළකරුවන් නෑ”
මෙහිදී ඇමැතිවරයා කියා සිටියේ මේ වන විට පාස්කු ප්රහාරයට සම්බන්ධ සැකකරුවන් 34 දෙනකු අත්අඩංගුවට ගෙන ඇති බවත් තවත් සැකකරුවන් සිටී නම් ඔවුන් ද කඩිනමින් අත්අඩංගුවට ගන්නා බවත්ය.
පාම් ඔයිල් ආනයනය තහනම් කරමින් ඊයේ (05) නිකුත් කළ ගැසට් නිවේදනය වෙනස් වීමට ඉඩ ඇතැයි ජනමාධ්ය ඇමති කෙහෙළිය රඹුක්වැල්ල මහතා අද (06) රජයේ ප්රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්ය හමුවේදී පැවසුවේය.
පාම් ඔයිල් තහනම් කිරීම සම්බන්ධයෙන් ආණ්ඩුව තුළ විවිධ අදහස් ඇති බවත් අද (06) උදෑසනද ඒ පිළිබඳ සාකච්ඡා කළ බවත් කී ඇමැතිවරයා බොහෝ දුරට අදාළ ගැසට් නිවේදනය සංශෝධනය වීමට ඉඩ ඇතැයි ද සදහන් කළේය.
මේ අතර පාම් ඔයිල් තහනම් කිරීමත් සමග බේකරි නිෂ්පාදන සඳහා ගැටලු ඇතිවන බව සමස්ත ලංකා බේකරි හිමියන්ගේ සංගමයේ සභාපති එන්.කේ ජයවර්ධන සඳහන් කරයි.
මේ සම්බන්ධයෙන් අදහස් පළ කළ ජයවර්ධන මහතා, ‘‘ රජය හදිසියේ පාම් තෙල් ආනයනය සම්පූර්ණයෙන් තහනම් කළා. මේ නිසා අපි බරපතළ ගැටලුවකට මුහුණ දීලා ඉන්නේ. ආණ්ඩුවෙ හදිසියේ මෙවැනි තීරණයක් ගත්තේ විකල්ප හදුන්වා දීමකින් පවා තොරවයි. පොල් තෙල් මිල පවතින ඉහළ තත්ත්වය හමුවේ අපි නිෂ්පාදනවලට බහුලව භාවිත කළේ පාම් තෙල්. දැන් අපි දැඩි අසීරුවක ඉන්නේ. එකම විසදුම බේකරි නිෂ්පාදන මිල ඉහළ දැමීමයි. ඒ ඒ ගැන හෝ සිතිය හැක්කේ නිෂ්පාදන සිදු කිරීමට හැකිනම් පමණයි. මේ ඇති වී තිබෙන තත්ත්වය අනුව නිෂ්පාදන සිදුකිරීමට පවා නොහැකි වේවි. මේ ගැන ආණ්ඩුව වහාම සොයා බැලිය යුතුයි‘‘
හම්බන්තොට යෝජිත අලි කළමනාකරණ රක්ෂිතය තුළ අමාත්ය චමල් රාජපක්ෂ මහතාගේ ප්රධාන ආධාරකරුවන් හා මහවැලි අධිකාරියේ නිලධාරීන්ට යැපීම් දීමනා ලබා දෙන මහ පරිමාණ ව්යාපාරිකයන් අනවසර වගා බිම් පවත්වාගෙන යාම හේතුවෙන් 2011 වසරේ දී යෝජනා කළ හම්බන්තොට අලි කළමනාකරණ රක්ෂිතය වසර 10 ක් ගත වී ඇතත් තව ම ප්රකාශයට පත් කිරීමට අවස්ථාව ලබා නොදෙයි.
පසුගිය පෙබරවාරි මස 22 වන දින කැබිනට් අනුමැතිය ලබා ගෙන ඇත්තේ වන සංරක්ෂණ දෙපාර්තමේන්තුවට හා මහවැලි අධිකාරියට අයත් ඉඩම් හෙක්ටයාර 23,747 ක් හම්බන්තොට අලි කළමනාකරණ රක්ෂිතය ලෙස ප්රකාශයට පත් කිරීමට ය.
දැනට වසර ගණනාවකට ප්රථම වනජීවී සංරක්ෂණ දෙපාර්තමේන්තුව විසින් මීට අදාළ ගැසට් පත්රය සකස් කර අවසන් කර තිබිය දී එය ප්රකාශයට පත් කිරීම ප්රමාද කිරීම ස`දහා කැබිනට් අනුමැතිය ලබා ගැනීම හා රෙගුලාසි ගැසට් කිරීමට අවශ්යය යැයි පවසමින් කල් වරමින් ජනතාව මුලා කිරීම මේ වන විට විෂය භාර අමාත්යවරුන් විසින් සිදු කරමින් තිබේ.
නමුත් යථාර්තය නම් මෙම යෝජිත රක්ෂිතය තුළ මහ පරිමාණ අනවසර වගා බිම් පවත්වාගෙන යන ව්යාපාරිකයන් මහවැලි අධිකාරියේ නිලධාරීන්ට මුදල් ලබා දීම හා මහවැලි අධිකාරියේ විවිධ උත්සව ස`දහා මූල්යමය දායකත්වය ලබා දීම සිදු කරන බැවින් එම අධිකාරිය මඟින් රක්ෂිතය ප්රකාශයට පත් කිරීමට විවිධ බාධාවන් එල්ල කරයි. මීට අමතර ව අනවසර වගා බිම් ඇතුළු ව විශාල වනාන්තර කොටසක් ඉවත් කර මෙම රක්ෂිතය ප්රකාශයට පත් කිරීමට මහවැලි අධිකාරිය උත්සාහ දැරීම ද මෙය ප්රකාශයට පත් කිරීම ප්රමාද වීමට ඇති ප්රධාන බාධකයන් වේ.
අනවසරයෙන් පවත්වාගෙන යන වගා බිම් වලට වැව් හා ඇළ මාර්ග වලින් නීති විරෝධී ව ජලය පොම්ප මඟින් ලබා ගෙන යෙදීම සිදු කරන අතර මේ හේතුවෙන් වලව වම් ඉවුර යටතේ වගා කරන සුළු පරිමාණ ගොවි ජනතාව උග්ර ජල හිඟයකට මුහුණ දෙමින් සිටී. නමුත් අනවසර මහ පරිමාණ වගාකරුවන් විසින් මහවැලි අධිකාරියට අල්ලස් ලබා දීම හේතුවෙන් මෙම සියලූ අනවසර වගා බිම් පවත්වාගෙන යාමට හා අනවසර ජලය ලබා ගැනීමට එරෙහි ව නීතිය කි්රයාත්මක නොකරන අතර අලි කළමනාකරණ රක්ෂිතය ප්රකාශයට පත් කිරීමට ද අවස්ථාව ලබා නොදෙයි.
වලව වම් ඉවුර ඒකාබද්ධ ගොවි සංවිධානයේ දැඩි විරෝධතාවය හමුවේ මෙම රක්ෂිතය කෙසේ හෝ ප්රකාශයට පත් කිරීමට එකඟ විය යුතු තත්ත්වයකට මහවැලි අධිකාරිය මේ වන විට පත් වී ඇත. නමුත් මහවැලි අධිකාරියේ වලව විශේෂ නේවාසික ව්යාපාර කළමනාකරු ඔස්මන් ලියනගේ මහතා ස`දහන් කරන්නේ යෝජිත හම්බන්තොට වන අලි කළමනාකරණ රක්ෂිතයෙන් හෙක්ටයාර 2300 ක් නැතහොත් අක්කර 5750 ක් පමණ ඉවත් කර මෙම රක්ෂිතය ප්රකාශයට පත් කිරීමට එකඟ වන බව ය.
එසේ ඉවත් කිරීමට සැලැසුම් කර ඇත්තේ සුවිශේෂී වනාන්තර පද්ධතියක් හා ප්රධාන ජල පෝෂක වනාන්තර ප්රදේශයක් වන අන්දරවැව, උස්ගල කොටසයි. මෙය රක්ෂිතයෙන් ඉවත් කළහොත් නියං සමයේ දී අලි – ඇතුන්ට අන්දරවැවට පිවිසීමට ඇති මාර්ගය සම්පූර්ණයෙන් ම අවහිර වී යයි. මේ හේතුවෙන් මෙම ප්රදේශයේ අලි – මිනිස් ගැටුම උග්ර මට්ටමකට පත් වීමට මෙය තවත් හේතුවක් වනු ඇත. මේ වන විට මෙම වනාන්තර ප්රදේශය ඉවත් කර අධිවේගී මාර්ග ව්යාපෘතියෙන් ලැබෙන මූල්යමය ප්රතිපාදන යටතේ විදුලි වැටක් ඉදි කිරීමට ද සූදානම් වේ.
මහවැලි විෂය භාර අමාත්යවරයා පමණක් නොව මහවැලි අධිකාරියේ අධ්යක්ෂ ජනරාල් ඉංජිනේරු බී. ඒ. සුනිල් එස්. පෙරේරා ඇතුළු කණ්ඩායම විසින් යෝජිත අලි කළමනානරණ රක්ෂිතයේ ඉඩම් සමාගම්වලට හා මහ පරිමාණ ව්යාපාරිකයන්ට ලබා දීම මේ වන විට අඛණ්ඩව සිදු කෙරේ. මේ නිසා අලි කළමනාකරණ රක්ෂිතය ප්රකාශයට පත් කිරීමට දැඩි බාධා එල්ල වෙමින් පවතී.
මේ අතරතුර හම්බන්තොට උග්ර පානීය ජල අර්බුදයක් ඇති බව සදහන් කරමින් ඊට පිළියමක් ලෙස ගිං හා නිල්වලා ගංගාවල ජලය හම්බන්තොටට ලබා ගැනීමේ ව්යාපෘතියක් කි්රයාත්මක කිරීමට සූදානම් වේ. ඒ ස`දහා දැවැන්ත මුදල් ප්රමාණයක් වැය කිරීමට හා විශාල ජනතාවක් අවතැන් කිරීමට නියමිත ව ඇත. මෙම ව්යාපෘතිය වෙනුවට හම්බන්තොට අලි කළමනාකරණ රක්ෂිතය ප්රකාශයට පත් කර ඒ තුළ පිහිටි වැව් පද්ධතියේ ජල සුරක්ෂිතතාව ඇති කිරීම හා අනවසර වගා බිම් ඉවත් කිරීම මෙන් ම වනාන්තර විනාශ කර සිදු කරන පස් කැනීම් හා කළු ගල් වලවල් පවත්වාගෙන යාම පාලනය කිරීම තුළින් හම්බන්තොට ජල සුරක්ෂිතතාව ඇති කළ හැකි ය.
මේ අනුව හම්බන්තොට වන අලි කළමනාකරණ රක්ෂිතය ප්රකාශයට පත් කිරීමෙන් අලි – මිනිස් ගැටුම පාලනය කිරීම පමණක් නොව හම්බන්තොට ජනතාවගේ පානීය හා වාරි ජල සුරක්ෂිතතාවය ද තහවුරු කළ හැකි ය. මේ නිසා පටු පරමාර්ථ මත මහවැලි අධිකාරිය මඟින් මෙම රක්ෂිතය ප්රකාශයට පත් කිරීමට අවස්ථාව ලබා නොදීමට එරෙහි ව දැඩි බලපෑමක් සිදු කළ යුතු ය.
එක්සත් රාජධානියේ ප්රමුඛ වැඩිහිටි වෙබ් අඩවි භාවිතා කරන්නන් සඳහා ප්රවර්ධනය කරන ලද අසභ්ය වීඩියෝ අටෙන් එකක් ලිංගික අතවර ක්රියාවන් විස්තර කරන පෙළ සමඟ ලේබල් කර ඇති බව අධ්යයනයකින් සොයා ගෙන ඇත. එය Pornhub, XVideos සහ XHamster හි දියත් කිරීමේ පිටුවල වීඩියෝ 131,738ක මාතෘකා සහ විස්තර විශ්ලේෂණය කර ඇත. Pornhub, XHamster සහ XVideos තෝරාගෙන ඇත්තේ එක්සත් රාජධානියේ වැඩිපුරම නරඹන ලද අසභ්ය වෙබ් අඩවි තුන වන බැවිනි.
එක් පර්යේෂකයෙක් පැවසුවේ ස්ත්රී දූෂණය, ශාරීරික හිංසනය සහ ව්යභිචාරය පිළිබඳ විස්තර “කම්පනය” ඇති කරන බවයි. වෙබ් අඩවි අදාළ අධ්යයනයට අභියෝග කර ඇති අතර ඒවා නීති විරෝධී අන්තර්ගතයන් ඉවත් කරන බව පවසා තිබේ. සොයාගැනීම් The British Journal of Criminology හි නවතම කලාපයේ පළ කර ඇත.
ඊට සම්බන්ධ පර්යේෂකයන් 2017 සිට 2018 දක්වා මාස හයක කාලයක් තුළ වඩාත් ජනප්රිය අසභ්ය වෙබ් අඩවි තුනක මුල් පිටුවල පැයක තිරපිටපත් ලබා ගත්හ. විස්තර සහ මාතෘකා (නමුත් වීඩියෝවල අන්තර්ගතය නොවේ) ලෝක සෞඛ්ය සංවිධානයේ ලිංගික හිංසනය පිළිබඳ අර්ථ දැක්වීමට අනුරූප වන මූල පද සෙවීම මේ අනුව සිදුවිය. පර්යේෂකයන් පසුව ඔවුන්ගේ සොයාගැනීම් වලින් සම්මුතිවාදී BDSM (බන්ධනය, ආධිපත්යය සහ සාඩෝ-මැසොකිස්වාදය) වීඩියෝව බැහැර කළහ.
වෙබ් අඩවියේ පළමු වරට පැමිණෙන අමුත්තන්ට මෙම අන්තර්ගතය දැකගත හැකි අතර වයස් සත්යාපන ක්රියාවලියකින් තොරව නොමිලේ බැලීමට ලබා ගත හැකි බව අධ්යයනය පවසයි.
පොදු මූල පද අතරට “බලහත්කාරය”, “grope” සහ “අතවරය” ඇතුළත් වේ. “යෞවනය teen” යන වචනය සමස්ත දත්තවලම නිතර දක්නට ලැබෙන වචනය වන අතර එය සියලුම වීඩියෝ වලින් 7.7% කි. මෙය ලිංගික හිංසනය විස්තර කළ බවට හඳුනාගත් වීඩියෝවල 8.5% දක්වා ඉහළ ගියේය.
ඔවුන්ගේ නියමයන් හා කොන්දේසි අනුව, පෝර්න්හබ් සහ එක්ස්වීඩියෝස් ළමා ලිංගික අපයෝජනය, ස්ත්රී දූෂණය, ව්යභිචාරය සහ බලහත්කාරයෙන් ලිංගික ක්රියාවන් “නිරූපණය” කිරීම තහනම් කරයි. තවද XHamster විසින් “නීති විරෝධී, තර්ජනාත්මක, අපයෝජන, හිරිහැර” හෝ “වෛරී” ප්රකාශන තහනම් කරයි. Pornhub හි හිමිකරු Mindgeek මෑතකදී නීති විරෝධී අන්තර්ගතයන් සත්කාරකත්වය ලබා දී ඇති බවට ප්රකාශ කිරීමෙන් පසුව සත්යාපනය නොකළ පරිශීලකයින් විසින් උඩුගත කරන ලද වීඩියෝ මිලියන ගණනක් ඉවත් කරන ලද නමුත් එය අන්තර්ජාලය තුළ රැඳී සිටීමට ඉඩ දී ඇති ක්ලිප් ආරක්ෂා කළේය.
“කැමැත්ත දක්වන වැඩිහිටියන්ට නෛතික හා සම්මුතියක් ඇති තාක් කල් ඔවුන්ගේම ලිංගික මනාපයන් හිමි වේ. මෙම නිර්ණායක සපුරාලන සියලු සම්බන්ධතා පෝර්න්හබ් වෙත සාදරයෙන් පිළිගනී” යනුවෙන් ප්රකාශකයෙක් පැවසීය. අදහස් දැක්වීම සඳහා බීබීසීයේ ඉල්ලීමට අනෙක් වෙබ් අඩවි ප්රතිචාර නොදැක්වීය. පසුගිය සතියේ පෝර්න්හබ් සිය ප්රථම විනිවිදභාවය පිළිබඳ වාර්තාව නිකුත් කළ අතර එහි නීති රීති උල්ලංඝනය කිරීම හේතුවෙන් වීඩියෝ 653,465 ක් ඉවත් කර ඇති බව පවසා තිබේ.
“මතක තබා ගන්න, පහත් හෝ නින්දිත ලෙස පෙනීම යනු නීති විරෝධී, අපයෝජන හෝ සම්මුති විරහිත ක්රියාවක් නොවේ. කැමැත්ත දක්වන වැඩිහිටියන් අතර සිදුවන්නේ හරියටම එයයි: සම්මුතිය. පාලනය අත්හැරීම සඳහා කැමැත්තෙන් එකඟ නොවිය යුතුය”
නමුත් අධ්යයනයේ සම කර්තෘ ඩර්හැම් හි නීති මහාචාර්ය ක්ලෙයාර් මැක්ග්ලින් QC පැවසුවේ “අසභ්ය සමාගම් විසින් පළමු වරට භාවිතා කරන්නන්ට ප්රදර්ශනය කිරීමට තෝරාගෙන ඇති ද්රව්යය මෙය වීම කම්පනයක් බවයි.”
නෛතික පර්යේෂණ සහකාරියක සහ අධ්යයනයේ සම කර්තෘවරියක වන ෆියෝනා වේරා-ග්රේ පැවසුවේ ලිංගික හිංසනය පිළිබඳ තොරතුරු “එකඟ නොවීම කාමුක ලෙස හැසිරවූ” බවත් “ලිංගික සතුට සහ ලිංගික හිංසනය අතර සීමාව” විකෘති කළ බවත්ය.
”මාතෘකා සහ විස්තර වල භාවිතා වන වචන ප්රේක්ෂකයන් පොළඹවා ගැනීම සඳහා සෙවීම් සඳහා ප්රශස්ත කර ඇත, ”හිටපු ලිංගික සේවිකාවක් වන චාලට් රෝස් පැවසුවාය. එක්සත් රාජධානියේ නිපදවන කාමුක දර්ශන බහුතරයක් “සදාචාරාත්මක හා එකඟතාවයකින් යුක්ත” නමුත් ප්රමුඛ වේදිකාවල වීඩියෝ සෑම විටම විනිවිද නොපෙනෙන බව ඇය පැවසුවාය.
“ඔබේ සාමාන්ය නරඹන්නාට සැබෑ දේ සහ මනංකල්පිත දේ කීමට අපහසු විය හැකියි” ඇය පැහැදිලි කළාය. “කාමුක රංගන ශිල්පීන්ට දේවල් ඒත්තු ගැන්විය හැකි අතර, ඔවුන්ට හානියක් නිරූපණය කළ හැකි නමුත් ඇත්ත වශයෙන්ම නළුවන් එය භුක්ති විඳින්නේ එය ඔවුන්ගේ වෘත්තිය බැවිනි.
ආන්තික හා නියාමනය නොකළ සමහර කාමුක දර්ශන “වෙනත් ප්රචණ්ඩකාරී ක්රියාවන්ට තුඩු දෙන පාලමක් නිර්මාණය කළ හැකි” බව රෝස් මහත්මිය පැවසූ අතර “සැබෑ ජීවිතය නොව සදාචාරාත්මක, සම්මුතිවාදී සහ මනංකල්පිත” අසභ්ය වීඩියෝ පිළිබඳව ප්රේක්ෂකයින් දැනුවත් කළ යුතු යැයි තර්ක කළාය.
Text by bbc – by Thushadhavi
‘ගස් කපා දැමීම නිසා ඔක්ෂිජන් අඩුවන බව පැවසීම අසත්යයක් බවත් ගස් කපා දැමීම මගින් ඔක්සිජන් අඩු කළ නොහැකි බවත් මධ්යම පරිසර අධිකාරියේ සභාපති සිරිපාල අමරසිංහ මහතා අවධාරණයෙන් සදහන් කළා.
මධ්යම පරිසර අධිකාරියේ සභාපතිවරයා මෙම ප්රකාශය කළේ රජයේ ප්රවෘත්ති දෙපාර්තමේන්තුවේදී පැවැති ‘තිරසර සංවර්ධන සංවාදය‘ නම් වැඩසටහනේදීයි. කොළඹ නගරයේ ඔක්සිජන් අඩුවීම හා වනාන්තර එළි කිරීම සම්බන්ධයෙන් මාධ්යවේදියෙකු මධ්යම පරිසර අධිකාරියේ සභාපතිවරයාගෙන් ප්රශ්න කළ අවස්ථාවේදීයි ඔහු මේ පැහැදිලි කිරීම කළේ.
වත්මන් ආණ්ඩුව බලයට පත් වූ පසු කොළඹ ඔක්සිජන් අඩු වෙලා යැයි කියන කතාව දේශපාලන කතාවක් මිස විද්යාත්මක සත්යයක් නොවන බවයි ඔහු සදහන් කළේ.
මෙහිදී තම ස්ථාවර තව දුරටත් පැහැදිලි කළ මධ්යම පරිසර අධිකාරියේ සභාපතිවරයා, ‘‘ගස් කැපුවා කියලා ඔක්සිජන් අඩුවෙන්නේ නැහැ. මේ ගැන විද්යාත්මක පරීක්ෂණ කරලා තිබෙනවා. දැනට ලෝකයේ තිබෙන ඔක්සිජන් ප්රමාණය 0.7%කින් අඩු කරන්න පවා වසර මිලියන 8ක් පමණ ගත වෙන බවයි විද්යාත්මකව ඔප්පු වෙලා තිබෙන්නේ. සරල කිව්වොත් ගස් කපන නිසා හුස්ම නැති වෙනවා කියලා එක්තරා සංවිධානයක් කියනවා මම දැක්කා. නමුත් ඒක ඇත්තක් නොවෙයි.
තර්කානුකූලව හිතුවොත් දැනට ලෝකයේ වැඩිම කර්මාන්තශාලා ගණනක් තියෙන්නේ සහරාවල. මැදපෙරදිග රටවල කැලෑ නැහැ. ගස් නැහැ. කලාතුරකින් පාර මැද රටඉදි ගහක් නම් තියෙනවා. ඒ රටවල් වල ගස් නැහැ කියලා ඔක්සිජන් අඩුවෙලා නැහැනේ. ඒ රටවල්වල හොදට ඔක්සිජන් තියෙනවා. ඒ නිසා මේ ගැන තර්කානුකූලව බලන්න ඕනෑ.
මම ජනතාවට කියන්නේ කොළඹ නගරයේ ඔක්සිජන් අඩුවෙලා නැහැ. ලෝකය පුරා තිබෙන ඔක්සිජන් එහෙ මෙහෙ ගමන් කරනවා. ඒක සංකීර්ණ රටාවක්. ජාත්යන්තර සංවිධාන අපේ වනාන්තර රැකබලා ගන්න මේ තරම් උනන්දු වෙන්නේ ඒක මුළු ලෝකයටම බලපාන කරුණක් නිසා. ලෝකයේ වැඩියෙන්ම වන විනාශයක් සිදුවෙලා තිබෙන්නේ නයිල් නදිය ආශ්රිතව. ඒක නම් මුළු ලෝකයටම බලපානවා‘‘
වහාම ක්රියාත්මක වන පරිදි පාම් ඔයිල් ආනයනය සම්පූර්ණයෙන් තහනම් කිරීමට ජනාධිපති ගෝඨාභය රාජපක්ෂ මහතා දී ඇති උදෙස් පරිදි ඊට අදාල ගැසට් නිවේදනය අද (05) නිකුත් කරන ලෙස ජනාධිපති ලේකම් විසින් ආනයන අපනයන පාලක වෙත දැනුම් දී ඇත.
දැනට ආනයනය කර ඇති පාම් ඔයිල් නිකුත් කිරීම සම්පූර්ණයෙන්ම නතර කරන ලෙස ද රේගු අධ්යක්ෂ ජනරාල්වරයාට උපදෙස් දී තිබේ. මේ සමගම කටු පොල් වගාව ද සම්පූර්ණයෙන්ම තහනම් කෙරේ.
මේ අතර කටු පොල් වගාව සම්පූර්ණයෙන්ම තහනම් කිරීමට ජනාධිපතිවරයා දී ඇති උපදේශය බලාත්මක කරමින් අදාළ නීති යටතේ නියෝග පනවා ඇත. මෙරට කටු පොල් වගාව ක්රමයෙන් නතර කිරීමට ජනාධිපතිවරයා විසින් උපදෙස් දී තිබුනේ මීට මාස 6කට පමණ පෙරය.
දැනට පවතින කටු පොල් වගාව අදියරෙන් අදියර වරකට 10% බැගින් ගලවා ඉවත් කර ඒ වෙනුවට රබර් හෝ පරිසර හිතකාමී වෙනත් වගාවන් කිරීමට එම සමාගම් හා ආයතන සමඟ නීතියෙන් බැඳීම සඳහා අවශ්ය පියවර ගැනීමට ද උපදෙස් දී ඇත.
මෙය සම්පූර්ණයෙන් ක්රියාත්මක වූ විට කටු පොල් වගාව සහ ෆාම් ඔයිල් පරිභෝජනය සම්පූර්ණයෙන්ම නතර කිරීම රජයේ අරමුණයි.
”කොළඹ හතේ වාසය කරන නෝනලා, මහත්තුරු එකතුවෙලා හදන කොවිඩ්-19 මාර්ගෝපදේශ නිසා සෞඛ්ය අමාත්යාංශය විහිළුවක් බවට පත්ව ඇතැයි ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසනවා.
උපුල් රෝහණ මහතා මේ බව ප්රකාශ කළේ අලුත් අවුරුදු සමය වෙනුවෙන් සෞඛ්ය අමාත්යාංශ විසින් ඊයේ (03) නිකුත් කළ මාර්ගෝපදේශ මාලාව සම්බන්ධයෙන් අප කළ විමසීමකට පිළිතුරු වශයෙනි.
මෙහිදී වැඩි දුරටත් කරුණු පැහැදිලි කරමින් උපුල් රෝහණ මහතා අවධාරණය කළේ කොවිඩ් ආසාදිතයින් ලෙස හඳුනානොගත් පුද්ගලයින් රට පුරා සිටින අතර අවුරුදු උත්සව පැවැත්වුවහොත් අලුත් අවුරුද්දෙන් පසුව දිවයින පුරා කොවිඩ් ආසාදිතයන් දැඩි ලෙස ව්යාප්තවීමේ අවදානමක් මතුවන බවයි.
උපුල් රෝහණ මහතා මෙසේද ප්රකාශ කළේය,
“කොවිඩ් – 19 තත්වය ගැන කිසිම ප්රායෝගික අත්දැකීමක් නැති, කොළඹ 07 වාසය කරන නෝනලා, මහත්තුරු එකතුවෙලා හදපු මාර්ගගෝපදේශයක් ඊයේ (03) සෞඛ්ය අමාත්යාංශය විසින් නිකුත් කළා. මේ වාගේ වැඩ නිසා අද ජනතාව අතර සෞඛ්ය අමාත්යාංශය විහිළුවක් බවට පත් වෙලා තිබෙනවා.
‘‘ මේ මාර්ගගෝපදේශය ප්රායෝගිකව කිසිසේත් බිමේ ක්රියාත්මක වෙන්නේ නැහැ. විශේෂයෙන්ම මේ මාර්ගෝපදේශයේ සඳහන් වෙනවා මුහුණු ආවරණ පැළඳ ගත්ත අවුරුදු කුමරා සහ කුමරිය තේරීම ගැන. ඒ වගේම ආධාරකරුවන් රහිත ජලය පාලනය කිරීමට බෝතල් රහිත බයිසිකල් ධාවන තරඟ පැවැත්වීම වැනි ජනතාවට විහිළු සපයන අංග සහ ආරක්ෂිත ක්රමවේද මෙහි සඳහන් වෙනවා. මේ කිසිවක් ප්රායෝගිකව මේක බිමේ ක්රියාත්මක කරන්න බැහැ. ඒ වගේම මේකේ සඳහන්වෙන 100ක සීමා කිරීම ප්රායෝගිකව කිසිසේත් වෙන්නේ නැහැ. අවුරුදු උත්සව පැවැත්වීම හෝ නොපැවැත්වීම යන තීරණය පමණයි මහජනතාවට අවශ්ය වෙන්නේ. ඔවුන් පැවැත්වීමට අවශ්ය අනුමැතිය දුන්නොත් මේ සියලුම මාර්ගගෝපදේශය උල්ළංඝණය කරමින් අවුරුදු උත්සව ලංකාව පුරා පවත්වනවා. මෙවැනි තත්ත්වයක් තුළ අවුරුදු උත්සව පැවැත්වුවහොත් අලුත් අවුරුද්දෙන් පසුව දිවයින පුරා කොවිඩ් ආසාදිතයන් දැඩි ලෙස ව්යාප්තවීමේ අවදානමක් නිර්මාණය විය හැකියි‘
අලුතින් පොලිස් ස්ථාන 190ක් ස්ථාපිත කිරීමට පියවර ගන්නා බව මහජන ආරක්ෂක අමාත්ය රියර් අද්මිරාල් සරත් වීරසේකර මහතා පැවසීය. අමාත්යවරයා මේ බව කියා සිටියේ අයියන්කන්කුලම් නව පොලිස් ස්ථානය විවෘත කිරීමෙන් අනතුරුව මාධ්ය හමුවේ අදහස් දක්වමිනි.
ලංකාවේ මේ වන විට තිබෙන්නේ පොලිස් ස්ථාන 494ක් බව කී අමාත්යවරයා ජනතාවට බියෙන් – සැකෙන් තොර සමාජයක් බිහි කිරීම තම අරමුණ බව ද පැවසුවේය.
මද්දකට අසුව බෝපත්තලාව රජයේ සත්ත්ව ගොවිපොළ භූමියේ ඉතා අසාධ්යය තත්ත්වයෙන් සිටියදී ඉකුත් 24 දා සොයාගත් කොටියා රණ්දෙණිගල පශු වෛද්ය රෝහලේ ප්රතිකාර ලබමින් සිටියදි ඊයේ (31) මියගිය බවත් උදර ප්ර දේශයට දැඩි ලෙස තුවාල සිදුවීම මරණයට හේතුව බවත වනජිවි දෙපාර්තුමේන්තුවේ පශු වෛද්ය අධ්යක්ෂක තාරක ප්රසාද් මහතා පැවසීය.
මියගිය කොටියා දිගින් අඩි 08ක් පමණ වන හොදින් වැඩුණ වයස අවුරුදු 10 ක් පමණ වන පිරිමි සතෙකු වන බව ද ප්රසාද් මහතා පැවසීය.
මේ සම්බන්ධයෙන් වැඩි දුරටත් කරුණු පැහැදිලි කළ තාරක ප්රසාද් මහතා ‘‘බෝපත්තලාව මැණික්පාළම ආශ්රිත රක්ෂිතයේ දඩයම්කරුවන් විසින් අටවා තිබූ මන්දකට මෙම කොටියා හසුවීමෙන් පසු ඌ මන්ද සවිකර තිබූ මුගුරද කඩාගෙන බෝපත්තලාව රජයේ සත්ත්ව ගොවිපොළ භූමියට පැමිණ සිටියදී ප්රදේශවාසීන් දැක ඒ පිළිබඳව පොලීසියට දැනුම්දී තිබෙනවා. පසුව රණ්දෙණිගල පශු වෛද්ය රෝහලේ වෛද්ය අකලංක පිණිදෙණිය මහතා ඇතුළු වනජිවි නිලධාරින් කණ්ඩායමක් පැමිණ කොටියා නිර්වින්දනය කර රෝහල වෙත රැගෙන ගොස් තිබෙනවා. පසුගිය කාලය තුළ මේ ආකාරයෙන් කොටි ගණනාවක් දඩයක්කාරයින් අතින් ඝාතනය වී තිබෙනවා. මෙය බරපතළ තත්ත්වයක්‘
කොළඹ පාරිභෝගික මිල දර්ශකයෙහි (2013 = 100) වාර්ෂික ලක්ෂ්යමය වෙනස මගින් මනිනු ලබන මතුපිට උද්ධමනය, 2021 පෙබරවාරි මාසයේ පැවති සියයට 3.3හි සිට 2021 මාර්තු මාසයේ දී සියයට 4.1 දක්වා ඉහළ ගියේ ය.
2020 මාර්තු මාසයේ පැවති පහළ පදනම් අගය මගින් ඇති වූ සංඛ්යානමය බලපෑම මේ සඳහා හේතු විය. මේ අතර, ආහාර කාණ්ඩයෙහි වාර්ෂික ලක්ෂ්යමය උද්ධමනය 2021 පෙබරවාරි මාසයේ පැවති සියයට 7.9හි සිට 2021 මාර්තු මාසයේ දී සියයට 9.6 දක්වා ඉහළ ගියේ ය. එමෙන් ම, ආහාර නොවන කාණ්ඩයෙහි වාර්ෂික ලක්ෂ්යමය උද්ධමනය 2021 පෙබරවාරි මාසයේ පැවති සියයට 1.3හි සිට 2021 මාර්තු මාසයේ දී සියයට 1.8 දක්වා ඉහළ ගියේ ය.
වාර්ෂික සාමාන්ය පදනම මත මනිනු ලබන කොළඹ පාරිභෝගික මිල දර්ශකයෙහි වෙනස 2021 පෙබරවාරි මාසයේ පැවති සියයට 4.1හි සිට 2021 මාර්තු මාසයේ දී සියයට 4.0 දක්වා පහළ ගියේය.
2021 මාර්තු මාසයේ දී කොළඹ පාරිභෝගික මිල දර්ශකයෙහි මාසික වෙනස සියයට -0.18ක් ලෙස වාර්තා විය. ආහාර කාණ්ඩයේ අයිතමවල මිල ගණන් පහළ යෑම මේ සඳහා හේතු විය. තවද, 2021 මාර්තු මාසයේ දී ආහාර සහ ආහාර නොවන කාණ්ඩවල මාසික වෙනස්වීම් පිළිවෙළින්, සියයට – 0.49ක් සහ සියයට 0.31ක් ලෙස වාර්තා විය. ඒ අනුව, 2021 මාර්තු මාසයේ දී ආහාර කාණ්ඩයෙහි එළවළු, අමු මිරිස්, නැවුම් මත්ස්ය සහ කහ කුඩු මිල ගණන් පහළ ගියේය. මේ අතර, ප්රධාන වශයෙන්, ආපනශාලා සහ හෝටල් උප කාණ්ඩයේ මිල ගණන් ඉහළ යෑම් හේතුවෙන්, ආහාර නොවන කාණ්ඩයෙහි අයිතමවල මිල ගණන්හි ඉහළ යෑමක් 2021 මාර්තු මාසයේ දී වාර්තා විය.
ආර්ථිකයෙහි යටිදැරි උද්ධමනය නිරූපණය කරන වාර්ෂික ලක්ෂ්යමය මූලික උද්ධමනය, 2021 පෙබරවාරි මාසයේ දී පැවති සියයට 2.6හි සිට 2021 මාර්තු මාසයේ දී සියයට 3.1ක් දක්වා ඉහළ ගියේය. මීට අමතරව, වාර්ෂික සාමාන්ය මූලික උද්ධමනය 2021 මාර්තු මාසයේ දී ද සියයට 3.0හි නොවෙනස්ව පැවතුණි.
මතභේදාත්මක “සාතන් සපත්තු” යුගලයක් සම්බන්ධයෙන් නයිකි (Nike) සමාගම එක්සත් ජනපදයේ බෲක්ලින්හි කලා සමූහයක් වන MSCHFට එරෙහිව නඩු පවරා තිබේ.
යටිකුරු කුරුසියක්, පස්කොන් තරුවක් සහ “ලූක් 10:18” යන වචන කෙටූ පාවහන් යුගල ඩොලර් 1,018කට (රුපියල් 202000කට වැඩි) මිල කර තිබූ අතර එය වෙනස්කරන ලද ‘නයිකි එයාර් මැක්ස් 97’ පාවහන් භාවිත කර නිපදවා තිබේ.
MSCHF කලා සමූහය රැප් ගායක ලිල් නාස් එක්ස් (Lil Nas X) සමග එක්ව සඳුදා (මාර්තු 29) පාවහන් යුගල 666 ක් නිකුත් කළ අතර ඒවා මිනිත්තුවකට අඩු කාලයකදී අලෙවි වූ බව පවසයි.
මෙහිදී සිය වෙළෙඳ ලකුණ උල්ලංඝනය වීමක් සිදුව ඇති බවට නයිකි සමාගම චෝදනා කරයි.
ලිල් නාස් එක්ස්ගේ නවතම ගීතය වන මොන්ටෙරෝ (Montero) පසුගිය සිකුරාදා (මාර්තු 26) යූ ටියුබ් හි එළිදැක්වීමට සමගාමීව මෙම කළු සහ රතු පැහැති පාවහන් සඳුදා (මාර්තු 29) “මුදා හැරීමට” MSCHF ක්රියා කළේය.
රැප් ගායකයා මෙම පාවහන් යුගලක් පැළඳගෙන ස්වර්ගයේ සිට නිරයට රිටකින් පහළට ලිස්සා යන අයුරු මියුසික් වීඩියෝවෙහි නිරූපණය කරනු දැකගත හැකිය.
සපත්තුවේ සටහන් ‘ලූක් 10: 18’ බයිබලයේ සඳහන් වැකියකි. “ඉතින් ඔහු ඔවුන්ට කිව්වා, ‘ස්වර්ගයෙන් ආ අකුණක් මෙන් සාතන් වැටුණ බව මම දුටුවා කියා,” එහි සඳහන් වේ.
සෑම සාතන් පාවහන් යුගලකම, නයිකි නිර්මාණවලට විශේෂිත වායු බුබුළු සහ ‘කුෂන්’ සහිත පතුලට රතු තීන්ත ඝන සෙන්ටිමීටර 60 ක් සහ මිනිස් රුධිර බිංදුවක් අඩංගු වේ. ඊට එම රුධිරය පරිත්යාග කර තිබෙන්නේ කලා සමූහයේ සාමාජිකයින් විසිනි.
මෙම විශේෂ සාතන් පාවහන් සඳහා අවසර දී හෝ අනුමත කර නොමැති බව ක්රීඩා සපත්තු දැවැන්තයෙකු වන නයිකි සමාගම නිව්යෝර්ක් හි නැගෙනහිර දිස්ත්රික් අධිකරණයේ ගොනු කළ නඩුවක සඳහන් කර ඇත.
MSCHF මෙම පාවහන් අලෙවිකිරීම නවත්වන ලෙසත් එහි සුප්රසිද්ධ ‘ස්වෝෂ්’ (නයිකි) මෝස්තර සලකුණ භාවිත කිරීම වලක්වන ලෙසත් නයිකි සමාගම අධිකරණයෙන් ඉල්ලා සිටියි.
“MSCHF සහ එහි අනවසර සාතන් සපත්තු නිසා ව්යාකූලත්වයක් සහ බාල කිරීමකට හේතු වන අතර MSCHF හි නිෂ්පාදන සහ නයිකි අතර වැරදි සම්බන්ධතාවක් ඇති කරනවා” යැයි නයිකි සමාගම සිය නඩුවෙහි සඳහන් කර ඇත.
“ඇත්ත වශයෙන්ම, දැනටමත් වෙළෙඳපොල තුළ සැලකිය යුතු ව්යාකූලත්වයක් සහ බාලවීමක් සිදුව ඇති බවට සාක්ෂි තිබෙනවා. MSCHF හි සාතන් සපත්තු එළිදැක්වීමට ප්රතිචාර වශයෙන්, නයිකි සමාගම මෙම නිෂ්පාදනයට අවසර දී හෝ අනුමත කර ඇති බවට ඇති වැරදි මතයක් සමග, නයිකි වර්ජනය කරන ලෙස ඉල්ලා සිටීමක් දකින්න පුළුවන්.”
සමාජ මාධ්ය ජාලවල පාවහන් සඳහා ජනප්රිය (influencer) @Saint පසුගිය සිකුරාදා මෙම සාතන් සපත්තු කුට්ටම එළිදැක්වීම සම්බන්ධයෙන් ට්විටර් පණිවිඩක් නිකුත් කළ බව අදාළ නඩුවේ සඳහන් වේ. එමෙන්ම, සති අන්තයේ දී සමාජ මාධ්යවල සහ එක්සත් ජනපදයේ මාධ්යවල ද මෙම පාවහන් යුගල ගැන ප්රචාරය විය.
දකුණු ඩැකෝටාහි ආණ්ඩුකාර ක්රිස්ටි නොයෙම් වැනි ඇතැම් ගතානුගතිකයින් මෙන්ම ඇතැම් ආගමික අනුගාමිකයෝ, මෙම මතභේදාත්මක පාවහන් නිර්මාණය සම්බන්ධයෙන් සිය අමනාපය පළ කර තිබූ අතර, ලිල් නාස් එක්ස් සහ MSCHF ට්විටර් ඔස්සේ විවේචනය කළහ.
ලිල් නාස් එක්ස් ට්විටර් ඔස්සේ ආණ්ඩුකාරවරියට සහ අනෙකුත් විවේචකයින්ට ප්රතිචාර දක්වා තිබුණු අතර, සඳුදා දින (මාර්තු 29) නයිකි නඩුව පිළිබඳ පුවතට ප්රතිචාර වශයෙන් ‘මීම්ස්’ කීපයක් පළ කර තිබිණි.
Text by – bbc
වර්ෂාව හේතුවෙන් පන්දුවාර 42.1 කට සීමා වුණු තෙවැනි දිනයේදී සංචාරක ශ්රී ලංකා කණ්ඩායමේ පිතිකරුවන් ලකුණු 114 ක් පමණක් රැස් කර ගැනීමට සමත් වද්දී සත්කාරක බටහිර ඉන්දීය කොදෙව් පන්දු යවන්නෝ තවත් කඩුලු 5 ක් දවා ගනිමින් පීඩනය ශ්රී ලංකා කණ්ඩායම දෙසට එල්ල කළහ. ඒ අනුව ශ්රී ලංකා කණ්ඩායම පළමු ඉනිමේදී සත්කාරකයින්ට වඩා ලකුණු 104 ක් පිටුපසින් සිටින අතර ඉතිරිව ඇත්තේ කඩුලු 2 ක් පමණි.
ශ්රී ලංකාව සතු එකම සැනසිල්ල වන්නේ පෙර තරගයේදී ශතක ලාභියා වුණු පැතුම් නිස්සංක කඩුල්ලේ රැඳී සිටීමයි. එහෙත් කණස්සල්ලට හේතුවන කරුණ වන්නේ ඔහු සමඟ පන්දුවට පහර දීමට සිටින්නේ පන්දු යවන්නන් වන ලසිත් ඇඹුල්දෙණිය සහ විශ්ව ප්රනාන්දු පමණක් වීමයි. වඩා ඉවසිලි වන්ත වුණු පැතුම් දැන් ක්රීඩා කරමින් සිටින්නේ තමන්ගේ තෙවැනි ටෙස්ට් ඉනිමට වන අතර එහිදී ඔයු පළමු අර්ධ ශතකයට ලකුණක් පසු පසින් සිටින්නේය.
ශ්රී ලංකා ඉනිමේ සාර්ථකම පිතිකරුවා බවට පත්ව සිටින පැතුම්ගේ ලකුණු 49 ඉනිම සඳහා ඔහු පන්දු 119 කට මුහුණ දී සිටින අතර ඒ සඳහා හතරේ පහර 4 ක් පමණක් එල්ල කර තිබුණි. පැතුම්ගේ ඉනිමට අභියෝග කිරීමට බටහිර ඉන්දීය කොදෙව් පන්දු යවන්නන් අසමත් වුවත් සමස්ථ දිනය ගත් විට ඔවුන්ගේ පන්දු යැවීමේ දක්ෂතා කැපී පෙනුණි.
ශ්රීමත් විවියන් රිචර්ඩ්ස් ක්රීඩාංගණයේ පැවැත්වෙන මෙම තරගයේදී දිනයේ වැඩි වේලාවෙක් ශ්රී ලංකා පිතිකරුවන් දවා ගැනීම වෙනුවෙන් අටවල ලද උගුල් වලට ඔවුන්ගේ පන්දු යවන්නන් ඉතාමත් සූක්ෂම සහ නිවැරදි එල්ලයකට පන්දු යවනු දක්නට ලැබිණ.
ඒ සඳහා වුණු හොඳම උදාහරණය වූයේ චන්දිමාල්ගේ දවා ගැනීමය. පා ඉන්න ප්රදේශයට ආසන්නයෙන්, ලෙග් සයිඩ් කළාපයේ සහ ඩීප් ස්කෙවයාර් ලෙග් යන කළාප වල පන්දු රකින්නන් රැඳවූ ෂෙල්ඩන් ගේබ්රියල් චන්දිමාල්ට කෙටි පන්දු වැළක් යොමු කළේය. අටවන ලද උගුල පිළිබඳව හොඳ අවබෝධයක් චන්දිමාල් සතුව පැවැතියද දිගින් දිගටම එල්ල කරන ලද කෙටි පන්දු හේතුවෙන් ඔහුගේ සංයමය බිඳී ගියේ ඔහුටත් නොදැනීමය. පපුව ප්රදේශයට එවන ලද කෙටි පන්දුවට හුක් පහරක් එල්ල කිරීමට යෑමේදී එය ස්ක්යෙවයාර් ලෙග් කළාපයේ පන්දු රකිමින් සිටි අතිරේක පන්දු රකින්නෙකු වූ හේඩ්න් වෝල්ස් විසින් සුරැකිව රැක ගනිද්දී චන්දිමාල්ගේ ඉනිම ලකුණු 44 කදී නිමාවට පත් විය.
එපමණක් නොව පන්දු 186 ක් පුරා ඉනිමේ වාර්තා වුණු චන්දිමාල් – ධනංජය අතර වුණු වඩාත් ඵලදායීම සිව්වැනි කඩුල්ලේ සම්බන්ධතාවයද ලකුණු 75 දී නිමාවට පත්විය. එම දැවී යෑමට ප්රථම චන්දිමාල් දවා ගැනීම වෙනුවෙන් තවත් අවස්ථාවක් ලබා දුන් නමුත් ස්ලිප් ස්ථානයේ පන්දු රකිමින් සිටි රකීම් කෝන්වෝල් අතින් එය ගිලිහී ගියේය. ග්රේබ්රියල් එවන ලද කෙටි පන්දුවකට පහරක් එල්ල කිරීමට උත්සාහ කිරීමේදී එම උඩ පන්දුව ඇදි යන විට චන්දිමාල් ලකුණු 34 ක් ලබා සිටියේය.
ශ්රී ලංකා ඉනිමේ අවාසනාවන්තදායකම සිදුවීම වූයේ ධනංජය ද සිල්වාගේ දැවී යෑමයි. ජර්මේන් බ්ලැක්වුඩුගේ පන්දුවකට කඩුල්ල මුවා කිරීමේ වරදකට හසුවූයේ යැයි කරන ලද ඉල්ලීමට ප්රතිචාර දැක්වූ ප්රධාන විනිසුරු ජොයෙල් විල්සන් එය දැවී යෑමක් ලෙසින් සටහන් කළේය. පිට ඉන්නට පිටතින් පතිතව තියුණු ලෙස දඟ කැවෙමින් ආ පන්දුවට ප්රධාන විනිසුරුවරයා ලබා දුන් තීරණයට හිස නමමින් ධනංජය කිසිත් නොදොඩා පිටියෙන් ඉවත් විය. එහෙත් පුණරූපවණවලදී ලබා දෙනු ලබන බෝල් ට්රැකිං (Ball Tracking) හෙවත් පන්දුවේ ගමන් මඟ හඳුනා ගැනීම සඳහා යොදා ගනු ලබන තාක්ෂණයේදී එම පන්දුව කඩුල්ලේ නොවැදී යන පන්දුවක් ලෙසින් සටහන් විය. ජොයල් විල්සන් විනිසුරුගේ තීරණය අභියෝගයට ලක් කරමින් තෙවැනි විනිසුරු දක්වා එම රැගෙන යෑමට ධනංජය උනන්දු වූයේ නම් තව දුරටත් පිටියේ රැඳී සිටීමේ අවස්ථාව ඔහුට නියතයෙන්ම හිමිවනු ඇත.
ධනංජයගේ දැවී යෑමෙන් පසු පිටියට පිවිසි කණ්ඩායමේ නම් දැරූ අවසන් පිතිකරුවා වන නිරෝෂන් දික්වැල්ලද ලකුණු 20 කට දැවී ගියේ ශ්රී ලංකා පිල තවත් අසීරුතාවයට ඇද දමමිනි. ජේසන් හෝල්ඩර් විසින් යොමු කරන ලද පන්දුවට කඩුලු රකින්නා උඩ පන්දුවක් ලෙස රැක ගත්තේ යැයි කරන ලද ඉල්ලීම ප්රධාන විනිසුරු ප්රතික්ෂේප කළේය. ශරීරයත් පිත්තත් අතරින් පන්දුව දික්වැල්ලගේ ශරීරය පසු කර යද්දී ශබ්ද 2 ක් ඇසීම මත කඩුලු රකින ජොෂුවා ද සිල්වා යෝජනා කර සිටියේ එය තෙවැනි විනිසුරු වෙත යොමු කළ යුතු බවයි. එසැනින් එය තෙවැනි විනිසුරු දක්වා යොමු කිරීමට නායකයා තීරණය කළ අතර පුණරූපණවලට අනුව එය ශරීරයේ වැදීමට ප්රථම පිත්තේ ඇතුල් දාරයේ වැදී ගිය උඩ පන්දුවක් ලෙසින් දිස් විය. දික්වැල්ල දැවී යන විට ශ්රී ලංකා ලකුණු පුවරුව කඩුලු 6 ට ලකුණු 203 ක් ලෙසින් සටහන් විය. පන්දු යවන්නන් අතරින් රකීම් කෝන්වෝල් පමණක් කඩුල්ලක් දවා ගැනීමට අසමත් වද්දී පන්දු යැවූ සෙසි පන්දු යවන්නන් 6 දෙනා කඩුලු දවා ගැනීමට සමත්වූහ. ඒ අතරින් අල්සාරි ජෝසප් සහ ජේසන් හෝල්ඩර් කඩුලු 2 බැගින් දවා ගෙන පන්දු යැවීමෙන් කැපී පෙනුණහ. හෙට තරගයේ සිව්වැනි දිනයයි.
චීන රජය ප්රදානය කළ කොවිඩ් මර්දන එන්නත් තොගය චීන තානාපති චී.ජෙන්හොන් (Qi Zhenhong) මහතා විසින් අද (31) දහවල් කොළඹ බණ්ඩාරනායක අන්තර් ජාතික ගුවන් තොටුපොළේ දී ජනාධිපති ගෝඨාභය රාජපක්ෂ මහතා වෙත නිල වශයෙන් භාරදෙනු ලැබීය.
ජනාධිපතිවරයා චීන ජනාධිපති ෂී ජිං පින් මැතිතුමාගෙන් කළ ඉල්ලීම අනුව එන්නත් තොගය ශ්රී ලංකාවට ප්රදානය කෙරිණ.
චීනයේ බීජිං අගනුවර ජාතික බයෝටෙක් ඖෂධ සමාගම “සිනොෆාම්” කොවිඩ් මර්ධන එන්නත නිෂ්පාදනය කර තිබේ.
එන්නත් මාත්රා ලක්ෂ 06 රැගත් ශ්රී ලන්කන් ගුවන් සේවයට අයත් යූ.එල් 869 දරණ ගුවන් යානය අද (31) පෙ.ව 11.28 ට බණ්ඩාරනායක අන්තර්ජාතික ගුවන් තොටුපොළට ළගා විය.
ගුවන් යානයේ විශේෂ ශීතාගාරයක් තුළ ගබඩාකර, රැගෙන ආ එන්නත් තොගය ගුවන්තොටුපොළ ගුවන් ගැල් ගම්මානයේ ශීතාගාර තුළ ගබඩා කෙරේ. අනතුරුව ශීතාගාර සහිත වාහනවලින් සෞඛ්ය අමාත්යාංශයේ මධ්යම එන්නත් ගබඩා සංකීර්ණය වෙත රැගෙන යාමට සැලසුම් කර ඇත.
මෙරට සිටින චීන ජාතිකයන්ට එන්නත දීම ලබන සඳුදා සිට ආරම්භ කෙරේ. ශ්රී ලාංකීය ජනතාවට එන්නත් ලබාදීම විශේෂඥ කමිටුවක අධ්යයනයෙන් පසු සිදු කෙරෙන බව ඖෂධ නියාමන අධිකාරිය පවසයි.
එන්නත් ලක්ෂ 06 භාරදීමට අදාළ ලියකියවිලිවලට චීන තානාපති චී.ජෙන්හොන් (Qi Zhenhong) මහතා සහ රාජ්ය අමාත්ය මහාචාර්ය චන්න ජයසුමන මහතා අත්සන් තැබූහ.
දේශපාලන පළිගැනීම පිළිබඳ උපාලි අබේරත්න ජනාධිපති විමර්ශන කොමිසන් සභා නිර්දේශ ක්රියාත්මක කිරීම දෙවැනි කොමිසමේ නිර්දේශ ලබාගැනීමෙන් පසුව සිදුකරන බව දේශපාලන පළිගැනීම පිළිබඳ උපාලි අබේරත්න ජනාධිපති විමර්ශන කොමිසන් සභා නිර්දේශවලට එරෙහිව ජවිපෙ නායක අනුර දිසානායක විසින් ගොනු කර තිබූ පෙත්සම පිළිබඳ කරුණු දක්වමින් ජනාධිපතිවරයා වෙනුවෙන් පෙනී සිටි ජනාධිපති නීතිඥ සංජීව ජයවර්ධන අභියාචනාධිකරණයට අද (30) ප්රකාශ කළේය.
ජනපතිවරයා වෙනුවෙන් පෙනී සිටි නීතිඥවරයා වැඩිදුරටත් සඳහන් කර සිටියේ උපාලි අබේරත්න කොමිසමේ නිර්දේශ තවදුරටත් සලකා බලන ලෙස නිර්දේශ ක්රියාත්මක කිරීමට පත්කළ දෙවැනි කොමිසමට උපදෙස් ලබාදී ඇති බවයි.
ජවිපෙ නායක අනුර දිසානායක වෙනුවෙන් පෙනී සිටින නීතිඥයින්ට කරුණු දැක්වීම සඳහා අවස්ථාව අද ලබාදී තිබූ නමුත් ජනාධිපතිවරයාගේ මෙම තීරණය ජනපතිවරයා වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා විසින් අධිකරණයට දැනුම් දීම නිසා නැවත දිනයක් ලබාදීමට විනිසුරුවරයා තීරණය කළේය. ඒ අනුව නඩුවේ එම කරුණු දැක්වීම මැයි මස 12 වැනිදා දක්වා කල් දැමීමට අභියාචනාධිකරණය තීරණය කළේය.
මේ අතර ජනපති ලේකම් කාර්යාල ආරංචි මාර්ග සදහන් කරන්නේ පසුගිය ජනවාරි මස 02 වැනිදා පත් කළ දෙවැනි කොමිසම අප්රේල් මස 29 වෙනි දින දක්වා ක්රියාත්මක වීමට නියමිත නමුත් මේ දක්වා දෙවැනි කොමිසම රැස්වී නොමැති බවයි.