Category: සුපිරි News

යුද හමුදාපති ශවේන්ද්‍ර සිල්වා මහතාගේ ප්‍රධානත්වයෙන් අද (20) සවස කොවිඩ් මර්දන මධ්‍යස්ථානයේ පැවති සාකච්ඡාවකදී මෙවර මැයි දින සැමරුම් නොපැවැත්වීමට තීන්දු කර ඇති බව වාර්තා වේ. අදාළ තීණයට හේතු වශයෙන් බලධාරීන් දක්වා ඇත්තේ මැදි දින පැවැත්වීමට නියමිතව තිබූ සියලු රැස්වීම් සහ පෙළපාළි නොපැවැත්වීමට පක්ෂ නායකයන් තීරණය කර තිබෙන බවයි.

අන්තර්ජාලය හරහා අසත්‍ය තොරතුරු හා නොමග යවන සුළු ප්‍රකාශ පැතිරවීම වැළැක්වීම සඳහා නව නීති හඳුන්වාදීමට අදාළ පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස්දීම සඳහා ඉදිරිපත් කළ යෝජනාවකට අමාත්‍ය මණ්ඩල අනුමැතිය ලබා දුන් බව කැබිනට් ප්‍රකාශක, ජනමාධ්‍ය අමාත්‍ය, කෙහෙලිය රඹුක්වැල්ල මහතා අද (20) රජයේ ප්‍රවෘත්ති දෙපාර්තමේන්තුවේදී පැවති කැබිනට් තීරණ දැනුම්දීමේ මාධ්‍ය හමුවේදී කියා සිටියා.

පාසල් දෙවනවාරය සඳහා අගෝස්තු මාසයේ ලබාදෙන නිවාඩුව සතියකට සීමා කරන බවත් අධ්‍යාපන ඇමති ජී.එල් පීරිස් මහතා ප්‍රකාශ කළේය. මෙහිදී අධ්‍යාපන අමාත්‍යවරයා කියා සිටියේ මෙම වසරේ දෙසැම්බර් මස පැවැත්වීමට තිබූ අධ්‍යන පොදු සහතික පත්‍ර සාමාන්‍ය පෙළ විභාගය 2022 ජනවාරි මස අවසන් සතියේ පැවැත්වීමට කටයුතු කරන බවයි.

මේ වසරේ පැවැත්වීමට නියමිත අපොස උසස් පෙළ සහ පහ වසර ශිෂ්‍යත්ව විභාගය ගැන ද කරුණු පැහැදිලි කළ අධ්‍යාපන ඇමැතිවරයා කියා සිටියේ අගෝස්තු මාසයේ පැවැත්වීමට නියමිතයව තිබූ උපොස උසස්පෙළ විභාගය ඔක්තෝබර් 04 වෙනි දින සිට 30වෙනි දින දක්වා පැවැත්වෙන බවත් 05 ශ්‍රේණියේ ශිෂ්‍යත්ව විභාගය ඔක්තෝබර් මස 03 වන දින පැවැත්වීමට නියමිත බවත්ය.

සහල් මිල ඉහළ යාම පිළිබඳ ප්‍රශ්නය ලබන යල කන්නය වනවිට සම්පූර්ණයෙන්ම අවසන් කරන බව වෙළඳ ඇමති බන්දුල ගුණවර්ධන මහතා අද (20) පාර්ලිමේන්තුවේදී පැවසීය.

අමාත්‍යවරයා මේ බව පැවසුවේෙ සහල් මිල සම්බන්ධයෙන් නැගුණු ප්‍රශ්නයකට පිළිතුරු වශයෙනි.

මෙහිදී වැඩි දුරටත් සහල් මිල ගැන කරුණු දැක්වූ අමාත්‍යවරයා, “ගරු කතානායකතුමනි සහල් මිල පාලනය කරන්න ඉතාම පහසු ක්‍රමවේදය පසුගිය රජය කළාක් මෙන් ජාත්‍යන්තර වෙළඳපොළෙන් අඩු මිලට සහල් ලංකාවට ගෙනල්ලා වෙළඳපළෙ පුරාම බෙදා හැරීම. මේකෙදි ඕනැම මාෆියාවක් පාලනය කරන්න පුළුවන්. ගෝඨාභය රාජපක්ෂ ජනාධිපති තුමා මේ ප්‍රතිපත්තියට මාරුවෙන්න අපිට ඉඩ දෙන්නේ නැහැ. ඒ කියන්නේ සහල් පිටරටින් ගෙන්නන්න ඉඩ දෙන්නේ නැහැ. ගෙන්නන්න ඉඩ දෙනවනම් ඉතා පහසුවෙන් පහසුවෙන් මේ මිල පාලනය කරන්න පුළුවන්.” 

අමාත්‍යවරයා අද මේ ආකාරයට කරුණු පැහැදිලි කළ ද ඔහු මීට මාස කිහිපයකට පමණ පෙර ප්‍රකාශ කළේ මාස් කන්නයේ අස්වනු නෙළීම සමග සහල් මිල පාලනය කිරීමට හැකිවන බවය. වී අලෙවි මණ්ඩලය හරහා වී මෙට්‍රික්ටොන් 300,000ක් මිලදී ගන්නා බවත් ඒ අනුව සහල් මාෆියාව පාලනය කරන බවත් කෘෂිකර්ම අමාත්‍යවරයා ද ප්‍රකාශ කර තිබුණි.

කෙසේ වෙතත් මේ වන විට වෙළෙදපොළේ නාඩු සහ කීරි සම්බා සහල්වල මිල විශාල වශයෙන් ඉහළ ගොස් ඇති අතර සම්බා සහල්වල විශල හිගයක් ද පවතී.

• 50% පොහොර ආනයනය අඩු කිරීමේ ඉලක්කයක්
• අවුරුදු 05 ක් යහ පාලන ආණ්ඩුව ගොවියාට වස කවලා
• ප්‍රමිතියට පොහොර ආනයනය කිරීමට වත්වන් රජයෙන් පියවර
• ප්‍රමිතියට පොහොර ගෙන ඒමේ කිසි ටෙන්ඩරයකට ආනයනයකරුවෙක් ඉල්ලුම් කර නෑ
• අවුරුදු 05 ක් බැර ලෝහ වැඩි පොහොර ගෙනල්ලා

එළඹෙන යල කන්නයේ සිට පොහොර ලබා දීමට පස පරීක්ෂා කිරීමෙන් පසු වාර්තාව අනිවාර්ය බව ද ඉතිහාසයේ පළමු වතාවට දිවයින පුරා සියලු දිස්ත්‍රික්ක තුළ ඉඩම්වල පස පරීක්ෂා කිරීමෙන් පසුව පොහොර ලබා දීමේ ජාතික වැඩපිළිවෙළක් ආරම්භ කොට ඇති බවද කෘෂිකර්ම අමාත්‍ය මහින්දානන්ද අලුත්ගමගේ මහතා අවධාරණය කරයි.

සියලු ගොවිජන සේවා මධ්‍යස්ථානවලට පස පරීක්ෂා කිරීමේ කට්ටල ලබා දෙමින් ගොවියාට පහසුවෙන් පස පරීක්ෂා කිරීමේ වාර්තාව ලබා ගැනීමේ අවස්ථාව ලැබෙන බව ද මෙහිදී කෘෂිකර්ම අමාත්‍යවරයා පැවසීය.

සියලු ගොවිජන සේවා මධ්‍යස්ථානවලට පස පරීක්ෂා කිරීමේ කට්ටල ලබාජාතික වැඩසටහනේ සමාරම්භය අවස්ථාවට එක් වෙමින් අමාත්‍යවරයා මේ බව ප්‍රකාශ කළේය.

මහනුවර දිස්ත්‍රික් කෘෂිකර්ම දෙපාර්තමේන්තුවේ තොරතුරු හා සන්නිවේදන මධ්‍යස්ථානයේ ශ්‍රවණාගාරයේදී අද (20) දින මෙම වැඩසටහන පැවැත්විණි.

මෙහිදී කෘෂිකර්ම පර්යේෂණ නිලධාරීන්  සහ කෘෂි උපදේශකවරුන්ට පස පරීක්ෂා කරන්නේ කෙසේද, එම කට්ටල භාවිතා කරන්නේ කෙසේද ගොවි ජනතාව ඒ සම්බන්ධයෙන් තාක්ෂණයෙන් සන්නද්ධ කරන්නේ කෙසේද  යන්න පිළිබඳව දැනුම ලබා දීම සිදුවිය. මහනුවර දිස්ත්‍රික්කයේ  ජාතික  වැඩසටහන ආරම්භ වු අතර ඉදිරියේදි දිස්ත්‍රික්ක විසිපහම ආවරණය වන පරිදි මෙම වැඩසටහන ක්‍රියාත්මක කිරීමට නියමිතය.

මෙහිදී වැඩි දුරටත් කරුණු පැහැදිලි කළ කෘෂිකර්ම අමාත්‍යවරයා,

‘‘අපේ රටේ කෘෂිකර්මයට වසර 2500ක ඉතිහාසයක් තියනවා. එදා මෙදාතුර ඉතිහාසයේ තවත් සුවිශේෂී දවසක් අද. අපේ රටේ ගොවියා හිතුවේ වැඩියෙන් පොහොර දැම්මොත් වැඩියෙන් අස්වැන්න ලැබෙනවා කියලා මනසේ ඇදිලා තිබුණේ. එහෙම පස පරීක්ෂා කරලා පොහොර භාවිතය පිළිබඳව ජාතික වැඩසටහනක් ක්‍රියාත්මක කරන්න මෙතෙක් බැරි වුණා. මේක ක්‍රියාත්මක කරන්න වෙහෙසුනත්  විශාල ධනස්කන්ධයක් මේ වෙනුවෙන් වැය වුණත් කිසි කෙනෙක්ට මෙය කරන්න බැරි වුණා. මොකද පොහොර ආනයනකරුවන් ඒ වැඩපිලිවලට වඩා ඉදිරියෙන් හිටියා. රටට පොහොර ගේන්න උවමනා වුණා මිසක් රටට වෙන හානිය,ගොවියට වෙන හානිය, පොළොවට වෙන හානිය කවුරුවත් සැළකුවේ නෑ.

පස පරීක්ෂා කිරීමේ මධ්‍යස්ථාන රටපුරා මිලියන ගණන් වැය කර ඉදිකර තිබුණත් දෙපාර්තමේන්තුවේ චක්‍රලේඛන උපදෙස් දීලා තිබුණත් එය මහ පොළොවේ යථාර්තයක් වෙලා තිබුණේ නෑ, දවසින් දවස පොහොර ඉල්ලුම වැඩිවුණා මිසක්. ජනාධිපතිතුමා එතුමාගේ සෞභාග්‍යයේ දැක්මේ පැහැදිලිව කියලා තියනවා රසායනික පොහොර වෙනුවට කාබනික පොහොරවලට යොමු වන බවත් වස විසෙන් තොර ආහාර ජනතාවට ලබාදීමට පියවර ගන්නා බවත්. ඒ අනුව ඊළග කන්නයේ සිට පොහොර ලබා දෙන්නේ ගොවි හැදුනුම්පත මගින් පස පරීක්ෂා කිරීමෙනුයි. ගොවි හැදුනුම්පත වගේම සියලු විස්තර ජායාරූප සහිතව සකස් කර ඉඩමේ පස් පරීක්ෂා කිරීමේ වාර්ථාව අපි ගොවියා අතට දෙනවා. ඒ කාඩ්පත අනුවයි ඊළග සිට කන්නයේ පොහොර නිකුත් කරන්නේලබා දෙන්නේ. පස පරික්ෂාව ගොවි හැදුනුම්පත සමාන සියලු විස්තර ජායාරූප සහිතවසකස් කර ඉඩමේ පස පරීක්ෂා කිරීමේ වාර්තාව අපි ගොවියා අතට දෙනවා. අපි කවුරුත් මේ ගැන කතා කරන්නේ නෑ. අන්ධ ළමයි උපදිනවා, වකුගඩු රෝගීන්, පිළිකා රෝගීන් රටේ වැඩි වෙනවා රසායනික පොහොර භාවිතය නිසා.

මේ වැඩසටහන මීට පෙර පටන් ගත්තා නම් අද මේ රෝගීන් නෑ.මේ රෝග නිවාරණයට මිලියන ගණන් වියදම් කරනවා. නියමිත විදියට පොහොර භාවිතා කළා නම් අද අපේ රටේ තත්ත්වය ගොඩක් වෙනස්. පහුගිය අවුරුදු පහේම පොහොර නෙවෙයි ගොවියට දීලා තියෙන්නේ වස. පරික්ෂණාගාර වාර්ථා වෙනස් කරලා පොහොර සංඝටක වෙනස් කරලා ටී.එස්.පී. පොහොර ගෙන්නලා තියෙන්නේ.

විගණන වාර්ථාව මේ පිළිබඳ සියලු විස්තර නිකුත් කරලා තියනවා. පොහොර ආනයනකරුවන් කලේ සාම්පල් ටික ප්‍රමිතියට දීලා බාල පොහොරගෙන්නුවා. රාජ්‍ය නිලධාරීන්, මැති ඇමතිවරු ඔක්කොම අල්ල ගෙන පරීක්ෂණ වාර්ථා වෙනස් කරලා,වස ගෙනල්ලා ගොවියට කවලා. 2019 විතරක් බිලියන 1.5ක පොහොර මෙට්‍රික් ටොන් අසූ එක් දාහක් ගෙන්නලා තියනවා. ඒ ටිකට විතරක් රසායනාගාර වාර්ථා 55ක් වෙනස් කරලා තියනවා. ඒ අවුරුදු පහේම මඩ පොහොර කියලා දීලා තියෙන්නේ වස.

පසුගියදා අපි මේ ප්‍රමිතීන් වෙනස් කරලා ජාත්‍යන්තර ප්‍රමිතියට අනුව ටෙන්ඩර් කළා.කිසිම ආනයනකරුවෙක් ඉල්ලලා නෑ. මොකද අපේ ප්‍රමිතියට පොහොර ගෙන්වන්න එයාලට බෑ.බැර ලෝහ ප්‍රමාණය වැඩීපොහොර ඒ අය ගේන්නේ..පහුගිය රජය මේ විදියට පොහොර ගෙන්නලා තියෙන්නේ කියලා විගණන  වාර්ථාවේ පැහැදිලිව කියලා තියනවා. මේ වැඩසටහන  ප්‍රතිපාදන නොමැතිව යම් යම් තරමක් පරක්කු වුණත් ලෝක ආහර සංවිධානය හා අනෙකුත් අමාත්‍යාංශවල සහයත් ඇතිව අපට මෙම වැඩසටහන පළමු වතාවට ක්‍රියාත්මක කරන්න පුළුවන් වුණා. මින් ඉදිරියට පොහොර නිකුත් කරන්නේ පස පරික්ෂණ වාර්ථාවේ නිර්දේශවලට පමණයි. මොනම හේතුවක් නිසාවත් මේක වෙනස් කරන්නේ නෑ.

පොහොර ආනයනය 50% කින් අඩුවේ යැයි අපි බලාපොරොත්තු වෙනවා.සමහර තැන්වලට පොහොර අවශ්‍ය නෑ.නිකන් දෙන නිසා පොහොර දානවා.පොහොර භාවිතයෙන් මිනිස්සුන්ට වෙච්ච හානිය කොතෙක්දැයි කියා ගණන් කරන්න බෑ. ඕස්ටේලියාවේ හෙක්ටයාරයකට කිලෝග්‍රැම් 50ක් පමණ යොදන්නේ. ඒත් ලංකාවේ කිලෝග්‍රෑම් 300ක් හෙක්ටයාරයකට යොදනවා. මෙලෙස අධික ලෙස රසායනික පොහොර භාවිතා කරනවා. පස විනාශ වෙලා තියෙන්නේ රසායනික පොහොර නිසා.අතිගරු ජනාධිපතිතුමාගේ බලාපොරොත්තුව මේ රටේ කෘෂිකර්මයෙන් නිෂ්පාදනය කළ හැකි සියලු දේ මෙරට තුළම නිෂ්පාදනය කිරීමටයි.70% ක් රසායනික පොහොර වලටත් 30%ක් කාබනික පොහොර වලටහ් පළවෙනි අදියරේදී ගොවියන් යොමු කිරීමට බලාපොරොත්තු වෙනවා.

එක පාරටම මේක වෙනස් කරන්න බෑ. ඒක නිසා අපි ක්‍රමක්‍රමයෙන් වෙනස් කරලා 100%ක් කාබනික පොහොරවලට යොමු කිරීමට කටයුතු කරනවා. එම නිසා පස පරීක්ෂා කිරීමේ කට්ටල ලබා දීලා මේ විදියට ජාතික වැඩසටහනක් ආරම්භ කරන්නේ. ගොඩක් අය අහනවා මේ ආණ්ඩුව මොකද්ද කළේ ලියලා. ඩීසල් බලාගාර වෙනුවට අද පුනර්ජනනීය බලශක්තිය භාවිතයට රජය යොමු වෙමින් සිටිනවා.අද ඉතිහාසයේ වැඩිම විදියට පරිසරයට ගැන හිතන ආණ්ඩුවක් විදියට අපි කටයුතු කරන්නේ. අපි දන්නවා ඩීසල් බලාගාර වලින් කොච්චර විස වායු ප්‍රමාණයක් නිකුත් වෙනවද කියලා.ඒ නිසා මධ්‍යම ආණ්ඩුව පළාත් සභා සියල්ල එකට එක් වෙලා අපේ රට ගොඩ නගන්න ඕන. ඒ නිසා පස පරීක්ෂා කිරීමේ වැඩසටහනක් සියලු සංවිධාන එකට එකතු වෙලා මහ පොළොවේ යතාර්තයක් කරන්න ඕනි.

කාර්යාලයේ ඉඳලා වාර්තා පුරවලා දෙන්න බෑ. ගොවියා ළගට ගිහිල්ලා සෑම ඉඩමකම වාර්ථාව හරියට දෙන්න ඕනි. හරියට ගමේ තොරතුරු ගන්න ඕනි. කෘෂි උපදේශ මහත්වරු කෘ.ප.නි.ස. මහත්වරු පෞද්ගලිකව මේ  ගැන අධීක්ෂණය කරන්න ඕනි.

මේ වැඩපිළිවෙල නිවැරදිව කරනවද කියලා සෘජුවම අපි අධීක්ෂණය කරනවා. පසුගිය කාලයේ ගොවිජන සේවා දෙපාර්තමේන්තුවෙන් කරලා තියෙන්නේ කුඹුරු පුරවපු එක. මෙම දෙපාර්තමේන්තුව තියෙන්නේ කුඹුරු වගා කරන්න මිසක් පුරවන්න නෙවෙයි. මහනුවර වටේම කඹුරු පුරවලා තියෙන්නේ. මිලියන ගානක් ඒ මතින් හොරා කලා තියෙනවා. නීතිය කැඩු සියළු දෙනාට නීතිය ක්‍රියාත්මක කරනවා .  ඒ සඳහා අපරාධ පරීක්ෂණ දෙපාර්තමේන්තුවට ඒ සම්බන්ධව අපි පැමිණිලි කරලත් තියෙනවා.

අපි යැපුම් ආනයනික ආර්ථිකයක ඉන්නේ. ඒක නිෂ්පාදන ආර්ථිකයක් කරන්න අපි කටයුතු කරනවා. මේ යන්නේ කෘෂිකර්ම අමාත්‍යාංශයේ නව ගමනක්. කෘෂිකර්ම අමාත්‍යාංශය නැමති එන්ජීම ගඩ ගඩ ගලා දුවන්නේ. එන්ජීම බොයිල් වෙලා තියෙන්නේ. දැන් තමයි තෙල් ටික දාලා, වතුර ටික දාලා හරි විදියට ස්ටාර්ට් කරලා දුවන්න පටන් ගෙන තියෙන්නේ. පසුගිය කාලයේ නිලධාරීන්ට වැඩ පවරා තිබුණේ නෑ. පසුවිපරම් කරලා තිබුණේ නෑ.  ඒ නිසා අපි කොළඹ ඉදලා වැඩක් නෑ. කාර්යාලයේ ඉදලා වැඩක් නෑ. හෑම කෙනෙක් ම ගොවියා ළඟට යන්න ඕනේ. ගමට යන්න ඕනේ. ප්‍රශ්න හොයලා බලන්න ඕනේ. ගොවියත් එක්ක බද්ඳ වෙලා ඉන්න ඕනේ. නිකන් ඉන්න බෑ කාර්යාලවල එහෙම අයට විරුද්ධව නීතිය තදින් ක්‍රියාත්මක කරනවා.

මඩකලපුවේ අක්කර 1200 ක මිරිස් වගාවක් පසුගිය සතියේ මං බලන්න ගියා. නිලධාරීන් කිසි කෙනෙක් ඇවිල්ලා නෑ. කිසි ම සහයෝගයක් කෘෂිකර්ම දෙපාර්තමේන්තුවේන් හෝ කෘෂිකර්ම අමාත්‍යාංශයෙන් ලබා දීලා නෑ. කෘෂිකර්ම අමාත්‍යාංශයට වඩා ඉදිරියෙන් පෞද්ගලික අංශය ඉන්නේ. කිසි ම උදව්වක් නැතිව තරුණ ව්‍යවසායකයෝ තනියම වවලා දියුණුම තත්ත්වයට ඇවිල්ලා ඉන්නවා. ඔවුන් තනියම මේ ගමන ගිහිල්ලා රජයට අභියෝග කරමින් ඉන්නවා වවන විදිය ගැන. මෙහෙම ගියොත් එහෙම කෘෂිකර්ම දෙපාර්තමේන්තුව වහන්න වෙන්නේ. ඒ නිසා වැඩ කරන්න. නිකන් ඉන්න එපා. සියළු දෙනා ම  ක්ෂේත්‍රයට යන්න‘‘

මෙම අවස්ථාවට කෘෂිකර්ම අමාත්‍යාංශයේ නිලධාරීන්, ගොවිජන සංවර්ධන දෙපාර්තමේන්තුවේ නිලධාරීන්, කෘෂිකර්ම පළාත් නිලධාරීන් ඇතුළු පිරිසක් එක්ව සිටි අතර. මහනුවර දිස්ත්‍රික්කයේ කෘෂිකර්ම පර්යේෂණ හා නිෂ්පාදන සහකාර නිලධාරීන්, කෘෂිකර්ම උපදේශයකවරුවන්, පොහොර රාජ්‍ය අමාත්‍යාංශයේ නිලධාරීන් ද මෙම අවස්ථාවට එක් වූහ.

කෘෂිකර්ම අමාත්‍යාංශයේ නිල වෙබ් අඩවිය ඇසුරිණි

පාර්ලිමේන්තු රැස්වීම් හෙට (20) සිට ලබන අප්‍රේල් 23 වනදා දක්වා පෙරවරු 10.00 සිට පස්වරු 5.30 දක්වා පැවැත්වීමට ගරු කථානායක මහින්ද යාපා අබේවර්ධන මහතාගේ ප්‍රධානත්වයෙන් අද (19) පැවති පාර්ලිමේන්තු කටයුතු පිළිබඳ කාරක සභාවේ දී තීරණය කර තිබේ.

ලබන අප්‍රේල් 22 සහ 23 යන දිනවලදී, 2015 ජනවාරි 8 වැනිදා ආරම්භ වී 2019 නොවැම්බර් 16 වැනිදා අවසන් වූ කාලසීමාව තුළ නිලතල දැරූ රජයේ නිලධරයන්, රාජ්‍ය සංස්ථා සේවකයන්, සන්නද්ධ හමුදා සහ පොලිස් සේවයේ සාමාජිකයන්ට සිදුව ඇතැයි කියනු ලබන දේශපාලන පළිගැනීම් පිළිබඳව පරික්ෂා කර තොරතුරු ලබා ගැනීම සඳහා වන ජනාධිපති කොමිෂන් සභාවේ අවසන් වාර්තාව සභාව කල් තැබීමේ යෝජනාවක් ලෙස විවාදයට ගනු ඇත.

එම දින දෙකේදී ම පාර්ලිමේන්තු මන්ත්‍රීවරුන්ගේ වාචික ප්‍රශ්න සඳහා කාලය වෙන් කිරීමකින් තොරව පෙරවරු 10.00 සිට පස්වරු 5.30 දක්වා සභාව කල්තැබීමේ යෝජනාව විවාදයට ගැනීමට තීරණය කළ බව පාර්ලිමේන්තුවේ මහ ලේකම් ධම්මික දසනායක මහතා පැවසීය.

හෙට (20) දිනයේ දී විදේශ විනිමය පනත යටතේ රෙගුලාසි 05ක්ද සුරා බදු ආඥා පනත යටතේ නියෝග 02ක් සහ ආනයන සහ අපනයන පනත යටතේ රෙගුලාසි කිහිපයක් විවාදයට ගැනීමට නියමිතව ඇත. එදින පෙරවරු 10.00 සිට පෙරවරු 11.00 දක්වා කාලය පාර්ලිමේන්තු මන්ත්‍රීවරුන්ගේ වාචික ප්‍රශ්න සඳහා වෙන් කෙරෙනු ඇත.

ඊට අමතරව එදින පස්වරුවේ විපක්ෂයෙන් සභාව කල් තැබීමේ අවස්ථාවේ ප්‍රශ්න දෙකක් සඳහා පස්වරු 4:30 සිට විනාඩි 20ක කාලයක් වෙන්කර ඇති අතර, ඉන් පසු ආණ්ඩු පක්ෂය නියෝජනය කරන කොළඹ දිස්ත්‍රික් පාර්ලිමේන්තු මන්ත්‍රී මධුර විතානගේ මහතා කෝට්ටේ නගර සීමා බල ප්‍රදේශය පිළිබඳව ගෙන එනු ලබන සභාව කල් තැබීමේ අවස්ථාවේ විවාදය සඳහා පස්වරු 4.50 සිට පස්වරු 5:30 දක්වා කාලය වෙන්කර ඇති බව මහ ලේකම්වරයා සඳහන් කළේය.

ඉන්පසු දිනය වූ අප්‍රේල් 21 වෙනිදා ලෝක උත්තේජන මර්දන නියෝජිතආයතනය විසින් 2021 වර්ෂයේදී විවිධ ක්‍රීඩාවන් සඳහා හඳුන්වා දෙනු ලැබූ තහනම් උත්තේජක ඇතුළු තහනම් ද්‍රව්‍ය පිළිබඳව තරුණ හා ක්‍රීඩා අමාත්‍ය නාමල් රාජපක්ෂ මහතා විසින් නිකුත් කළ ගැසට් නිවේදනය විවාදයට ගනු ලබන බව ද දසනායක මහතා පැවසීය.

එදින පස්වරු 4:30 සිට පස්වරු 4.50 දක්වා සභාව කල් තැබීමේ අවස්ථාවේ ප්‍රශ්න 02ක් සඳහා වෙන් කර ඇති අතර, පස්වරු 4.50 සිට පස්වරු 5.30 දක්වා විපක්ෂය විසින් ගෙන එනු ලබන සභාව කල් තැබීමේ අවස්ථාවේ යෝජනාව විවාදයට ගැනීම සඳහා වෙන් කර තිබේ.

මහපොළ  භාරකාර  අරමුදලේ මාර්ගගත (Online) ලොතරැයියක් වෙනත් අතරමැදියෙකු  හරහා අළෙවි  කිරීම හේතුවෙන් එම පුද්ගලයා  එමගින් උපයා රුපියල් මිලියන 673 ක මුදල මහපොළ  භාරකාර  අරමුදල වෙත ලැබී නොමැති බව කෝප් කමිටුවේදී අනාවරණය විය.

මෙය මහා පරිමාණ දුෂණයක් බවත් මේ කාරණාව සම්බන්ධයෙන් නීතිපතිවරයා දැනුවත් කොට අපරාධ පරීක්ෂණ දෙපාර්තමේන්තුව  වෙත විධිමත් පරීක්ෂණයක් සඳහා යොමු කරන ලෙසට වෙළඳ අමාත්‍යාංශයේ ලේකම් ජේ.එම්.භද්‍රානි ජයවර්ධන මහත්මිය හට කෝප් කමිටු සභාපති මහාචාර්ය චරිත හේරත් මහතා දැනුම් දුන්නේය.

ඒ මහතා මෙම දැනුම් දීම සිදු කළේ පසුගිය 08 වනදා කෝප් කමිටුව පාර්ලිමේන්තුවේදී රැස් වූ අවස්තාවේදීය.

රාජ්‍ය අමාත්‍ය සුසිල් ප්‍රේමජයන්ත, රාජ්‍ය අමාත්‍ය (ආචාර්ය) නාලක ගොඩහේවා මහතා පාර්ලිමේන්තු මන්ත්‍රිවරු වන එරාන් වික්‍රමරත්න, නලින් බණ්ඩාර ජයමහ මහතා, ප්‍රේම්නාත් සී. දොලවත්ත සහ එස්.එම්. මරික්කාර්, යන මහත්වරු මීට සහභාගී වුහ.

තවද, මහපොළ  භාරකාර  අරමුදල යටතේ පවතින පාලිත සමාගම්හි  සුරැකුම්පත් ගණුදෙනු තුළින් ප්‍රමාණවත් ප්‍රාග්ධන ප්‍රතිලාභ නොලැබීම හේතුවෙන් 2015/2016 වර්ෂ වලදී රු. මිලියන 18ක් හා රු. මිලියන 102 අලාභයක්ද, 2017 වර්ෂයේ නැෂනල් වෙල්ත් සංස්ථාව හි ආයෝජන උපයෝගී කොට ගෙන කළ ප්‍රතිමිළදී ගැනීම් වල ගණුදෙනු තුළ රු. මිලියන 13ක අලාභයක් සිදුවී තිබෙන බවද  පෙන්වා දුන් කෝප් කමිටුව මෙම අක්‍රමිකතා හේතුවෙන් අරමුදලට  මහත් වූ අලාභයක් සිදුව ඇති බව අවධාරණය කරනු ලැබීය.

මේ සම්බන්ධයෙන් කරණු  දැක්වූ නිලධාරීහු  මෙම ආයතන තවදුරත් පාඩු මත පවත්වාගෙන යාම අනවශ්‍ය බැවින් ඈවර කිරීම සඳහා කැබිනට් මණ්ඩලයෙන් අනුමැතියක් ලැබී තිබෙන බව පැවසුහ. ඒ සම්බන්ධයෙන් ආදහස්  දැක්වූ කෝප් කමිටු සභාපති  මහාචාර්ය චරිත හේරත් මහතා පැවසුයේ නිසි පුද්ගලයන් හට නිසි දඩුවම් ලබා දීමෙන් අනතුරුව මෙය ඈවර කිරීම ගැටළුවක් නොවන නමුදු මෙවැනි මහා පරිමාණ වංචාවක් සිදුව ඇති අවස්ථාවක නිසි පරීක්ෂණයකින් තොරව  මෙම ආයතන එලෙස ඈවර කිරීම නුසුදුසු බවය.

ඒ අනුව මහපොළ  භාරකාර  අරමුදල  යටතේ පවතින පාලිත සමාගම් වන නැෂනල් වෙල්ත් සංස්ථාව සහ නැෂනල් වෙලත් සිකියුරිටිස් සංස්ථාව  මගින් සිදුව ඇති අක්‍රමිකතාවය පිළිබඳව නිසි අධ්‍යනයක් සිදු කිරීමෙන් අනතුරුව  එම ආයතන දෙකම හැකි ඉක්මනින් කෝප් කමිටුව හමුවට කැඳවීමටත්, මෙම අක්‍රමිකතාවය පිළිබඳව නිසි ලෙස නිරීක්ෂණය කරන තුරු  ඈවර කිරීම ප්‍රමාද කිරීම කළ යුතු බවට කෝප් කමිටුව විසින් නිර්දේශ කරන ලදී.

ශ්‍රී ලංකා තොරතුරු තාක්ෂණ සම්බන්ධව ආයතනයේ (SLIIT)  වර්තමාන තත්වය පිළිබඳවද සාක්ච්ඡාවට බඳුන් වූ අතර ආයතනයේ වර්තමාන තත්වය පිළිබඳවද සාක්ච්ඡාවට බඳුන් වූ අතර එම ආයතනය කෝප් කමිටුව හමුවට කැඳවා තිබුනද එම ආයතනය එසේ පැමිණීම නෛතිකව කිරීමට එම ආයතනය බැඳී නොමැති බව ජුලියස් ක්‍රේසි (Julius & Creasy) ආයතනය මගින් කෝප් කමිටුවට දන්වා එවීම පිළිබද සිය අප්‍රසාදය පළ කළ කෝප් කමිටුව මේ තත්වය පිලිබදව කරුණු නිරාකරණය කරලීම සඳහා පළමු කොට  ජුලියස් ක්‍රේසි (Julius & Creasy) ආයතනය කැදවිය යුතු බව තීරණය කරනු ලැබීය.

ඒ අනුව SLIITආයතනය ජාතික  වැදගත්සකමකින් යුත් ආයතනයක් වන බැවින්, එම ආයතනය  සම්බන්ධ සාකච්ඡාවේ දිගුවක් ලෙස   අභ්‍යන්තර වාර්තාවක් සකස්  කොට පාර්ලිමේන්තුවට වාර්තා කරනු ලැබීමෙන් අනතුරුව  මේ සම්බන්ධයෙන් ගතයුතු ක්‍රියා මාර්ග පිළිබඳව නිගමනයකට ඒළඹීම යෝග්‍ය බව කෝප් කමිටුව විසින් තවදුරටත්  නිර්දේශ කරනු ලැබිය.

තවද, අභ්‍යන්තර විගණකාධිපතිවරයෙකු හා ගණකාධිවරයෙකු  ආයතනය සතුව නොමැති බවට අනාවරණය විය. හැකි ඉක්මනින්  මෙම පුරප්පාඩුව පිරවීමට කටයුතු කරන මෙන් කෝප් කමිටුව නිර්දේශ කරන ලදී

මහපොළ උසස් අධ්‍යාපන ශිෂ්‍යත්ව භාර අරමුදලේ ආයෝජන කළමණාකාරය සම්බන්ධව විශේෂ විගණන වාර්තාව මත සහ එම අරමුදලේ වර්තමාන කාර්යසාදනය පරික්ෂා කිරීම සඳහා විගණකාධිපති දෙපාර්තමේන්තුව විසින් ඉදිරිපත් කරන ලද විශේෂ වාර්තාව ඒ අනුව කෝප් කමිටුව හමුවේ සාකච්ඡාවට බදුන් කරනු ලැබිය.

ශ්‍රී ලංකා පොදුජන පෙරමුණ ප්‍රමුඛ ශ්‍රී ලංකා නිදහස් සන්ධානයේ පක්ෂ නායක හමුව අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන්  අද (19) දින පෙරවරුවේ අරලියගහ මන්දිරයේ දී පැවැත්විණි.

එළැඹෙන මැයි පළමු වන දිනට යෙදෙන කම්කරු දිනය සැමරීම පිළිබඳව මෙහි දී  සාකච්ඡා විය. කොරෝනා වසංගත තත්ත්වය හේතුවෙන් මැයි දින පෙළපාලි නොපවත්වා සෞඛ්‍ය මාර්ගෝපදේශ අනුව මැයි දින රැලිය පමණක් පැවැත්වීම පිලිබඳව මෙහි දී පක්ෂ නායකයිගේ අවධානය යොමු වීම විශේෂත්වයකි.

මෙම අවස්ථාවට හිටපු ජනාධිපති මෛත්‍රීපාල සිරිසේන, ජනාධිපති කාර්යය සාධක බලකායේ සභාපති බැසිල් රාජපක්ෂ, අමාත්‍යවරුන් වන ජී. එල්. පීරිස්,දිනේෂ් ගුණවර්ධන මහත්වරු ඇතුලු ශ්‍රී ලංකා නිදහස් පොදුජන සන්ධානයේ පක්ෂ නායකයින් රැසක් සහභාගී වූහ.

මේ අතර අගමැතිවරයාගේ ප්‍රධානත්වයෙන් අද (19) කැදවා තිබූ ශ්‍රී ලංකා පොදුජන පෙරමුණේ පක්ෂ නායක හමුවට පොහොට්ටුවට සම්බන්ධ දේශපාලන පක්ෂ 10ක නායකයින් සහභාගී නොවූ බව වාර්තා වේ.ෙ

ජාතික නිදහස් පෙරමුණ නායක විමල් වීරවංශ, ප්‍රජාතන්ත්‍රවාදි වාමාංශික පෙරමුණේ නායක වාසුදේව නානායක්කාර, පිවිතුරු හෙළ උරුමයේ නායක උදය ගම්මන්පිල, ශ්‍රී ලංකාවේ කොමියුනිස්ට් පක්ෂයේ ප්‍රධාන ලේකම් විශේෂඥ වෛද්‍ය පී.වීරසිංහ, ලංකා සම සමාජ පක්ෂයේ ප්‍රධාන ලේකම් මහා චාර්ය තිස්ස විතාරණ, ජාතික කොංග්‍රසයේ නායක ඒ.එල්.එම්. අබ්දුල්ලා, ටිරාන් අලස්, ගෙවිඳු කුමාරතුංග යන මහත්වරුන් ඇතුළු පක්ෂ නායකයන් කිප දෙනකු මෙම සාකච්ඡාවට සහභාගී නොවූ බවයි වාර්තා වන්නේ.

ලංකාවට පළාත් සභා ක්‍රමය හදුන්වා දුන්නෙත් ජනමතයට පිටුපා බලහත්කාරයෙන් බවත් වත්මන් රජය කොළඹ වරාය නගරය ස්ථාපිත කිරීමට සූදානම් වන්නේ 69 ලක්ෂයේ ජනවරමට පිටුපා බලහත්කාරයෙන් බව සිංහල රාවය පක්ෂයේ නායකල හිටපු පාර්ලිමේන්තු මන්ත්‍රී අක්මීමණ දයාරතන හිමියෝ පැවසූහ.

උන්වහන්සේ මේ බව ප්‍රකාශ කළේ අද (19) දෙහිවල එම පක්ෂ මූලස්ථානයේ පැවැති මාධ්‍ය හමුවේදීය.

මෙහිදී දයාරතන හිමියෝ මෙසේද පැවසූහ.

‘‘වරාය නගරය නිසා රටට සිදුවන යහපත හා අයහපත පිළිබද ව මෙ දිනවල විවිධ මත පළ වෙනවා රටක් විදිහට මෙවැනි නගර නිර්මානය කරලා ආයෝජන ගෙනත් ආර්ථික වශයෙන් රට දියුණු වන එකට අපි සතුටු වෙනවාග මේ සදහා පූර්ණ ආශිර්වාදය පුද කර සිටින්න කැමතියි.

නමුත් මෙය පරිපාලනය කිරීමේදී රටේ ස්වාධිපත්‍යයට හා ස්වෛරීභාවයට හානියක් වනවනම් අපි එයට දැඩි විරෝධය පලකරනවා. මේ පිළිබදව පරිපාලනය සදහා පත්කරන කමිටුව පිළිබදව නීතිමය ගැටලූ රැුසක් මතුවෙනවා. ඒ වගේම මතුවන කරුණු සැලකීමේදී මෙම පරිපාලන නගරය සදහා වෙනම නිශ්චිත භූමියක්, වෙනම මුදල් ඒකකයක්, වෙනම නීති පද්දතියක් හා වෙනම ජන කණ්ඩායමක් ආදි කරුණු සැලකිල්ලට ගත් කල මෙහි වෙනම රටක් නිර්මාණයට අවශ්‍ය වපසරිය නිර්මාණය වෙනවා. මෙය භයානක තත්වයක්

මෙහි අපේ රටේ පුද්ගලයෙක් යම්කිසි භාණ්ඩයක් මිලදී ගත යුත්තේ වෙනත් මුදල් ඒකකයකින්, පසුව ඔහු රටට ඇතුළු වන විට ඒ සදහා බද්දක්ද ගෙවිය යුතු වෙනවා, මෙය වෙනම රටකට ගියා හා සමානයි. මෙතන පරිපාලනය වන හා සංසරණය වන මුදල් පිලිබුදව මහ බැංකුවට කිසිම බැදීමක් නෑ. එතකොට මෙතන කලූ සල්ලි ඇවිත් විවිධ ජාවාරම් කරන්න පටන් ගත්තොත් කොහෙන්ද නියාමනය වෙන්නෙ කියල පැහැදිලි නැ. මෙතන තනිකරම ජාවාරම් කාරයින්ට ඉඩදීල වගේ පේන්න තියෙන්නේ.

මෙම කොමිසමට පත්කරන සියලූ සාමාජිකයින් පත් කිරීමේ සම්පූර්ණ බලය තියෙන්නේ ජනාධිපති තුමාට ඔහුට ඕනෑම කෙනෙක් පත්කිරීමේ බලය තියෙනවා. මේවට විදේශිකයින් වුණත් පත්කළ හැකියි. මොවුන් අයින් කළ හැක්කේ ජනාධිපතිට පමණයි. අපි හිතමු අර්ජුන් මහේන්ද්‍රන් වගේ කෙනෙක් පත්කරල මෙකේ දූෂණ වංචා කරල පැනල ගියහොත් කව්ද වගකියන්නනේ ? කව්ද ඒ වගකීම ගන්නේ ? කොතනද නියාමනය වන්නේ කියල අපි අහනවා.

ලංකාවට පළාත් සභා ගෙනාවේත් ජනතා පරමාධිපත්‍යයට පිටුපාලා බලහත්කාරයෙන්, ඒකේ විපාක තාම අපි විදවනවා, ඒ නිසා රටේ ඒකීයභාවයට, පරමාධිපත්‍යට බලපාන අණපනත් නීතී ගේන කොට අනිවාර්යෙන් ජනතාවගේ පරමාධිපත්‍ය බලයට යටත් විය යුතුයිග ඒ නිසා මෙම පනතට අනිවාර්යෙන් ජනමත විචාරණයක් පැවැත්විය යුතුයි.

මෙහිදී අදහස දැක්වූ සිංහල රාවය පක්ෂයේ මහ ලේකම් ශාලික පෙරේරා මහතා කියා සිටියේ කොළඹ වරාය නගරය නිසා විදුලිබලල ජල හා කසළ කළමනාකරණය සම්බන්ධ බරපතළ ගැටලු ඇති විය හැකි බවත් ඒවාට මේ දක්වා කිසිම බලධාරියෙකු විසින් පිළිතුරු ලබා දී නොමැති බවත්ය.

ඔහු මෙසේද පැවසුවේය,

‘‘වරාය නගරය සම්භන්දයෙන් දෙපැත්තෙන් කරුණු දෙකක් මතු කරනවා. වෙනම රටක් වෙනම නීතියක් හා එකම රටක නීතී රාමුව වෙනස් යන්න. මේ කොහොම අර්ථ කතනය කලත් වෙනම පරිපාලන ඒකකයක් නිර්මාණය වනවා කියන්නෙම රටේ ඒකීයභාවය අහෝසි වීම තමයි, කෝ එකම රටක් එක නීතියක් කියල ගත්තු ජනවරම, වෙනම පරිපාලන කලාප, වෙනම පරිපාලන නීති කියන්නෙම මධ්‍යම රජයෙන් පරිභාහිර වීමයි. ඒක සංධීය ක‍්‍රමයක් තමයි මේ වගේ වෙනම පරිපාලන ඒකක යෝජනා අපට මීට පෙරත් පටවන්න හැදුවා, චන්ද්‍රිකාගේ කාෙළ්් සුනාමි සහන මණ්ඩලය, රනිලගේ ස්වයං පාලන කලාප, රිගේන් ශී‍්‍ර ලංකා කියන්නෙත් ඔය වගේම වෙනම පරිපාලන ඒකක කලාප තමා, ඒවා හොද නැතිනම් මේක හොද වෙන්නෙ කොහොමද ?

මේක අනුමත කළ හොත් අනාගතයට වැරදි පූර්වාදර්ශයක් සපයනවා උතුරට, නැගෙනහිරට වෙනම දෙමළ මුස්ලීම් කලාප ඇතිවේවි, මොකද මේක නරක පූර්වාදර්ශයක්ග ඒ වගේම මෙම ව්‍යාපෘතියේ තවමත් නොවිස`දුනු අපේ රටට බලපාන බරපතල ප‍්‍රශ්න රිශියක් තියෙනවාග
අපේ රටේ දැනටමත් මුහුණපාන විශාල බල ශක්ති අර්බුදයක් තියෙනවා. මාස 2ක් පෑව්වොත් අපිටත් විදුලිය නෑ, ඒ වගේම ජල ප‍්‍රශ්නය හා අනිත් බරපතලම ප‍්‍රශ්නය අප මුහණ දෙන කැළි කසළ හා අපද්‍රව්‍ය ප‍්‍රශ්නය. මේවාට අලූත් මූලාශ‍්‍ර තියෙනවාද ? අපද්‍රව්‍ය කළමනාකරණය කරන්නේ කෙසේද යන්න තවමත් එළිකර නෑ. අපි අදුරේ ඉදන් ඔවුන් එළියේ තියමුද ? අපි වතුර නොබී ඔවුන්ට ජලය දෙමුද ? කොලොන්නාව, බ්ලූමැන්ඩල්, කරදියාන වගේ තවත් කසළ ක¥ ගොඩ නගමුද ? එසේනම් එ්වා කළමනාකරණයට අවම වශයෙන් එම ආයතන හා ඇති සම්භන්ධයක් ඇතිකරගෙන තිබෙනවාද ? මේ ප්‍රශ්නවලට ආණ්ඩුව සහ වරාය නගර පනත වෙනුවෙන් පෙනී සිටින අය වහාම පිළිතුරු ලබාදිය යුතුයිග ඒත් අපි දකින්නේ ඔවුන් ඒ ගැන එක වචනයක් නොකියන බවයි.

කොවිෂීල්ඩ්  එන්නත හේතුවෙන් ඇතිවන අතුරු ආබාධ පිළිබඳව ලොව පුරා තීන්දු  ගනිමින් සිටියදී, එක් මාත්‍රාවක් පමණක් අයාලේ විද, දෙවන මාත්‍රාව සොයාගත නොහැකිව සිටින ශ්‍රී ලංකාව, එන්නතෙහි සංකූලතා පිළිබඳව කිසිදු විද්‍යාත්මක සාක්ෂියක් නොමැති තත්ත්වයකට පත්ව සිටින බව වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමය කියයි.

අද (18) දින එම සංගමය විසින් නිකුත් කළ මාධ්‍ය නිවේදනයක මේ බව සදහන් වේ.

එහි වැඩි දුරටත් මෙසේ ද සදහන් වේ.

‘‘ශ්‍රී ලංකාව තුළ ද රුධිර කැටි ගැසීම පිළිබදව  සැකසහිත මරණ සිදුවී ඇති නමුත්, ඒවා එන්නත හේතුවෙන් සිදු වූයේද යන්න හෝ එසේ නොවන්නේ ද යන්න පිළිබඳව තහවුරු කිරීමට හැකියාවක් නැති බවත් පසු එන්නත් කරණය පිළිබඳව කිසිදු පර්‍යේෂණයක් හෝ  අවම තරමින් ජාතික මට්ටමේ සායනික තොරතොරු පිළිබඳව විමසිලිමත්වන කමිටුවක් පවා මෙතෙක් පත් කර නැහැ.

️එන්නත්වේදය පිළිබඳව විශේෂඥ හැකියාව ඇති වෘත්තිකයන් සෞඛ්‍ය අමාත්‍යාංශය තුළ නැහැ. වෛද්‍ය පර්යේෂණ ආයතනයේ එන්නත්වේදී තනතුරට ක්ෂුද්‍රජීවීවේදියෙකු පත්කර එන්නත් වේදය පිළිබඳ අඳුරේ අතපත ගෑම වෙනුවට විශේෂඥ හැකියාව ඇති වෘත්තිකයකු සෞඛ්‍ය අමාත්‍යාංශයට පිටතින් හෝ විදේශයකින් හෝ බඳවා ගනිමින්, එන්නත්කරණයේ පසු තත්ත්වයන් පිළිබඳව ජාතික මට්ටමේ පර්යේෂණ වහා ඇරඹිය යුතුයි.

️එන්නත මත පමණක් පදනම් නොවෙමින්, කොවිඩ් පාලනය සිදු කල රටවල් ගණනාවක්, කෝවිඩ් පාලනයේ ඉදිරි රටවල් බවට පත්ව ඇති මොහොතක, “පරීක්ෂණ කිරිම – වෙන් කිරීම” යන ක්‍රමවේදය යටතේ කොවිඩ් මර්දන ක්‍රියාවලිය සිදුකළ හැකිව තිබියදී, එය නොසලකා හැරීම, අමාත්‍යාංශයේ වැරදි තීරණයක්‘‘බවයි එම නිවේදනයේ වැඩි දුරටත් සදහන් වන්නේ.

රසායනාගාර සේවාවේ නිල දත්තයන්ට අනුව ශ්‍රී ලංකාවේ කොවිඩ් අසාධිතයින් සංඛ්‍යාව  103.640ක් බව වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමය මාධ්‍ය නිවේදනයක් නිකුත් කරමින් කියයි.

වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමයේ සංඛ්‍යාලේඛණ වලට අනූව 2021.04.03 දින වන විට ලංකාවේ කොවිඩ් ආසාදිතයින් ප්‍රමාණය ලක්ෂයේ සීමාව පසු කර ඇති නමුත් සෞඛ්‍ය අමාත්‍යාංශයේ වසංගත රෝග අංශය විසින් නිකුත් කරණු ලබන නිල වාර්ථාවන්ට අනූව ශ්‍රී ලංකාව තුල කොවිඩ් අසාධිතයින් ප්‍රමාණය ලෙස දක්වා ඇත්තේ 96,000ක පමණ ප්‍රමාණයක් බවත් එම නිවේදනයේ වැඩි දුරටත් සදහන් වේ.

එම නිවේදනයේ වැඩි දුරටත් සදහන් වන්නේ මාස අටක පමණ කාලයක් තිස්සේ එලෙස, සෞඛ්‍ය අමාත්‍යාංශ නිල දත්ත අතර පරස්පරයක් පවතින නමුත්, ඒ පිළිබඳ නිවැරදි කිරීමක් මෙතෙක් සිදු වී නොමැති බවයි. 

එම නිවේදනයේ මෙසේද සදහන් වේ,

‘‘එසේම මෙකී නිල දත්ත පරස්පරය මගින් ඉතා පැහැදිලිව පෙනෙන්නට ඇත්තේ සෞඛ්‍ය අමාත්‍යාංශය කොවිඩ් වසංගතය පිළිබඳව සංඛ්‍යාත්මක දත්ත පිළිබඳව පටලැවිල්ලක සිටින බවය. ඒ හේතුව නිසාම ඒ මත පදනම්ව සිදු කරන ප්‍රකාශ විද්‍යාත්මක නොවන, හුදු ප්‍රකාශ පමණක් බවට පත් විය හැකි බැවින්, ප්‍රකාශ නිකුත් කිරීමේදී සැලකිලිමත් වන ලෙස අප සෞඛ්‍ය අමාත්‍ය වරියගෙන් ඉල්ලා සිටිමු. වසංගතය පැතිරී වසරකට අධික කාලයක් ගත වී තිබියදී පවා, වසංගතයට අදාලා දත්ත නියාමනය කිරීම සඳහා නිශ්චිත “තොරතුරු කලමනාකරණ පද්ධතියක්” ස්ථාපිත කර ගැනීමට වසංගත රෝග අංශයට නොහැකිවීම බරපතල නොසලකා හැරීමකි‘‘

ශ්‍රී ලංකාවේ කොවිඩ් පලනයය වී ඇති බටත්,  විදේශිකයින් මගින් කොවිඩ් පැතිරීම ඉහල ගොස් ඇති බවටත් සෞඛ්‍ය අමාත්‍යාංශය විසින් සිදු කරන ප්‍රකාශ විද්‍යාත්මක  නැතැයි වෛද්‍ය රසායනාගාර විද්‍යාඥ වෘත්තීයවේදීන් විද්වත් සංගමය රවී කුමුදේශ් මහතා අද (18) දින මාධ්‍ය නිවේදනයක් නිකුත් කරමින් සදහන් කරයි.

එම මාධ්‍ය නිවේදනයේ මෙසේද සදහන් වෙයි,

කොවිඩ් පිළිබඳව  සෞඛ්‍ය අමාත්‍යාංශයේ දත්ත පිළිබඳව සැලකීමේදී විද්‍යාත්මක ආවේක්ෂණ ක්‍රියාවලියක් ක්‍රියාතමක නොවන බව පැහැදිළි වේ.  රට තුළ රෝගය අඩු වනවා ද යන්න පිළිබඳව විද්‍යාතමක පුරෝකථන කිරීම  සඳහා විධිමත් කෝවිඩ් පරීක්ෂණ ක්‍රියාවලියක් මගින් ලබා ගන්නා නිවැරදි දත්ත ඊට පදනම් කර ගත යුතුය. 

ඒ සදහා අහඹු පරීක්ෂණ, සක්‍රිය ලෙස හාඹා යෑමේ පරීක්ෂණ සහ රෝහල් වලට ඇතුල් වූ රෝගින්ගේ අක්‍රීය පරීක්ෂණ නිසි ව්‍යාප්තියකින් සිදු විය යුතුය. මේ වන විට අප අහඹු  පරීක්ෂණ රෝගී ප්‍රවණතාවය, සක්‍රීය සහ අක්‍රීය පරීක්ෂණ ප්‍රවණතාවයන් පිළිබඳ කිසිදු දත්තයක් සෞඛ්‍ය අමාත්‍යාංශය විසින් ඉදිරිපත් නොකරන බැවින් සහ එම දත්ත ජනනය කර ගැනීම සදහා නිසි පරීක්ෂණ ක්‍රියාවලියක් නොපවතින බැවින්, අවිධිමත් දත්ත පදනම් කර ගනිමි සිදු කරණු ලබන බොහෝ ප්‍රකාශ සහ පුරෝ කථනයන් නිවැරදි නොවීමට ඇති ඉඩ වැඩිය.
ඒ අනුව ශ්‍රී ලංකාව තුළ රෝගය අඩුවෙමින් හෝ පාළණය කර ඇති බවට සෞඛ්‍ය අමාත්‍යවරිය විසින් සිදුකරන  ප්‍රකාශයට ද විද්‍යාත්මක පදනමක් නැත. 

පසුගිය දින දහය තුළ පමණක් PCR පරීක්ෂණ 68000 ක පමණ ප්‍රමාණයක් සිදුකර ඇති අතර එමගින් 2500කට වඩා වැඩි අසාධිතයින් පරමාණයක් සොයා ගැනීමට හැකි වී ඇත. ආසාදිතයන් හමුවීමේ ප්‍රමාණය, සැබෑ ආසාධිතයින් ප්‍රමාණයට වඩා, පරීක්ෂණ සිදු කරන ප්‍රමාණය අනූව විචලනය වන බව අදාල දත්‍ත සරල අධ්‍යනයේදී පැහැදිලිවම පෙනෙන්නට තිබේ.  

• අප්‍රේල් 10 පරීක්ෂණ 8000/412
• අප්‍රේල් 14පරීක්ෂණ 4074/151
• අප්‍රේල් 17පරීක්ෂණ 6000/357

ඒ අනූව, සෞඛ්‍ය අමාත්‍යාංශයේ  විසින් පරීක්ෂණ සිදු කරන ප්‍රමාණය ඉහළ පහළ දැමීමේ විද්‍යාත්ම හේතුව පැහැදිලි නොමැති  නමුත්, පරීක්ෂණ සිදු කරනු ලබන ප්‍රමාණයට අනුව හමුවන රෝගීන් ප්‍රමාණය අඩු වැඩි වන බව ඉතා පැහැදිලිය.

තවද, වසංගත රෝග අංශයේ ප්‍රකාශනයකට අනුව විදේශිකයින්ගේ ආසාදිතයන් හමුවීම ඉතා ඉහළ අගයක පවතින බව ප්‍රකාශ වුවද,  ඒ පිළිබඳව ද විද්‍යාත්මක දත්ත ඒකරාශී කරගත් විද්‍යාත්මක ක්‍රියාවලිය පිළිබදව ඔවුන් මෙතෙක් අනාවරණය කර නැත. එබැවින් පදනම් විරහිත දත්ත අවිධිමත්ව සලකා බලා, රටට විදේශ ආගමනිකයින් ගෙන්වා ගැනීම පිළිබඳව නිති රෙගුලාසි සංශෝධනය කිරීම නිෂ්ඵල ක්‍රියාවකි.
පෞද්ගලික රසායනාගාර වලට මුදල් ලබා ගැනීමේ අපේක්ෂාව පෙරදැරිව සියළු විදේස් ආගමනිකයින්ගේ PCR පරීක්ෂණ හඹා ගොස් එකක් නෑර සිදු කලද, රට තුල සිදුවන PCR ප්‍රමාණය දිනපතා අඩු කෙරෙමින් පවතී. ඒ අනූව විදේශිකයින්ගේ නියැදිය 100% පරීක්ෂා කිරීමට සාපෙක්ෂව, රටතුල නියැදියෙහි පරීක්ෂණ පන්දහසක්වත් සිදු නොකරමින්, වාර්ථාවන ආසාධිතයින් ගණන පමණක් සංසන්දනය කිරීම අවිද්‍යාත්මකය. 

දැනට රටතුල ලැබෙමින් පවතින හා ලැබෙන ප්‍රතිඵල සැලකීමේදීද, අප්‍රේල් මස දහවන දින පමණක් වැලිකඩ  බන්ධනාගාර  රැඳවියන් 131 දෙනෙකු පරික්ෂා කිරීමේදී සියයකට අධික ප්‍රමාණයක් ආසාදිතයන් ලෙස හඳුනාගෙන ඇත. එම එක් ආසාදිතයකු ට අදාළව ආශ්‍රිතයන් දෙදෙනකු හදුනා ගත්තේ නම් අවම වශයෙන් 300ක පමණ පරීක්ෂණ ප්‍රමාණයක් සිදු කළ යුතු වුව ද, ඊයේ දින දක්වා සිදු කර ඇත්තේ පරීක්ෂණ සියයකට වඩා අඩු ප්‍රමාණයකි. 

තවද අප්‍රේල් මස 16 වන දින කුලියාපිටිය ප්‍රදේශයේ සිදු කල PCR පරීකෂණ 50 කින් පමණ, අසාධිතයින් 40ක් පමණ හදුනාගෙන ඇත.  එසේම පසුගිය දින 10ක කාලය තුළ රට තුල සිදු කර ඇත්තේ පරීක්ෂණ 68,000ක පමණ අවම ප්‍රමාණයක් වන අතර, ඉන් 2500කට වඩා වැඩි ප්‍රමාණයක් ආසාධිතයින් ලෙස වර්ථා වී ඇත. 

එම තත්ත්වයට අනුව ශ්‍රී ලංකාව තුළ විදේශිකයන්ට වඩා රෝගය අඩු ප්‍රමාණයකින් පවතින බව සඳහන් කිරීම විද්‍යාත්මක යථාර්ථයක් නොවේ. 

“ඇෆ්ලටොක්සීන්” නැමැති පිළිකා කාරකය ආනයනික පොල්තෙල් වල පමණක් නොව දේශීය තෙල් මොල් මගින් සහ ගෘහ ඒකක මට්ටමින් ද නිෂ්පාදනය කරන පොල්තෙල්වල අඩංගු විය හැකි බව පොල්තෙල් කර්මාන්තය සම්බන්ධයෙන් උන්දුවක් දක්වන විශේෂඥ වෛද්‍යවරයෙක් සහ අදාළ කර්මාන්තය ගැන උනන්දුවක් දක්වන තවත් විශේෂඥයින් කිහිප දෙනකුම පවසනවා.

ඔවුන් අවධාරණය කරන්නේ ආණ්ඩුව හෝ යම් පුද්ගලයෙන් හඹා යාම වෙනුවට ජනමාධ්‍ය සහ සමාජමාධ්‍ය වඩාත් අවදානම් අනතුර සහ සුලභ තත්ත්වය ගැන මේ දක්වා කිසිම අවධානයක් යොමු නොකිරීමට ගැන තමන් විස්මයටත් කනගාටුවටත් පත්ව සිටින බවයි.

‘ඇත්තටම මෙවැනි තත්ත්වයකදී සිදුවිය යුතු විද්වත් සංවාදය, නැතිනම් විද්‍යාත්මක කතාව සිදුවන්නේම නැහැ. පොල්තෙල්වලට මේ කියන පිළිකාකාරකය එකතු කිරීමක් කරන්න බැහැ. ඒක පොල්තෙල් නිෂ්පාදනයට යොදා ගන්නා අමුද්‍රව්‍ය වන කොප්පරා සමග ස්වභාවිකව වර්ධනය වන විෂ රසායනයක්. ඒක සිදුවන්නේ කොප්පරා නියමිත ප්‍රමාණය වේලීමට ලක් නොවීම නිසා. ඒ කියන්නේ නිසි පදමට (කොප්පරාවල අඩංගු විය යුතු ජල ප්‍රමාණය 10%ක්) වියළුණේ නැති කොප්පරාවල අපි කවුරුත් දන්න ‘පුස් බැදෙනවා‘. ඒ පුස්මගින් බිහිවන රසායනික සංයෝගයකට තමයි මේ ‘ඇෆ්ලටොක්සින් පිළිකාකාරකය‘ කියලා කියන්නේ. මේක පැහැදිලිවම අපේ දේශීය පොල්තෙල්වලත් අඩංගු විය යුතුයි. මොකද නිසි පදමට නොවියළුණු කොප්පරා අපේ පොල්තෙල් මෝල් හිමියන් සහ ගෘහණියන් පොල්තෙල් නිෂ්පාදනයට යොදා ගන්න බව අපට පැහැදිලිවම කිව හැකියි. ඒ නිසා අපි කියන්නේ සෞඛ්‍ය අවධානමක් ගැන මේ තරම් සංවේදී නම් කරුණාකාර දේශීය පොල්තෙල් වගේම ගෘහ ඒකක මගින් නිෂ්පාදනය කරන පොල්තෙල් ගැනත් අවධානය යොමු කරන්න. මොකද අනතුර අප අතරම අවශ්‍ය ප්‍රමාණයටත් වඩා තිබෙනවා‘ අප සමග විස පොල්තෙල් ගැන අදහස් දක්වමින් විශේෂඥ වෛද්‍යවරයෙක් සදහන් කළා.

‘පොල්තෙල් පමණක් නොවෙයි, පුස්කෑ රටකජුවලින් නිෂ්පාදනය කරන රටකජු තෙල් වල වගේම රටකජු බටර්වලත් මේ පිළිකාකාරකය අන්තර්ගතයි. අපි කිසිවෙක් මේ ගැන අවධානය යොමු කරන්නේ නැහැ. ඒ වගේම පොල්කුඩුවලින් ඇතැම් කාන්තාවන් තෙල් හිද ගන්නවා. ඒ තුළත් මේ පිළිකාකාරකය අඩංගු විය හැකියි. ඒ නිසා අපි ඉල්ලන්නේ රටේ ජනතාවගේ සෞඛ්‍ය ගැන ඇත්ත කැක්කුමක් තිබෙනවා නම් ආනයනික පොල්තෙල් ගැන වගේම දේශීය නිෂ්පාදන ගැනත් අවධානය යොමු කරන්න‘

මෙහිදී ඔහු කියා සිටියේ ප්‍රමති ආයතනයෙ අධ්‍යක්ෂ ජනරාල්වරිය කී ආකාරයෙන් දේශීය නිෂ්පාදකයින් ආරක්ෂා කිරීමේ අරමුණින් හෝ ‘ටිකක් වස කෑවාට කමක් නෑ‘ යන පදනමින් පිළිකාව වැනි මාරාන්තික රෝගවලට පදනම් වන හේතු ගැන අඩු අවදානයක් යොමු නොකළ යුතු බවයි.

‘මේ අවස්ථාවේ දේශීය පොල්තෙල් නිෂ්පාදකයින් හා මෝල් හිමියන් බොරදියේ මාළු බාන බවක් අපි දකිනවා. අපි පැහැදිලිවම කියනවා ඔවුන් ආනයනික පාම්තෙල්වලට පොල්තෙල් මිශ්‍රකර අධික ලාභයක් ලබනවා. ඒ වගේම ඔවුන් තම නිෂ්පාදනවල ප්‍රමිතිය ගැන කිසිම උනන්දුවක් දක්වන්නේ නැහැ. මෙතැන තියෙන්නේ දේශපාලන අවුලක් නිසා කිසිවෙකු ඒ ගැන කතා කරන්නේ නැහැ‘

ශ‍්‍රී ලංකාවට පාම් තෙල් ආනයනය කිරීම සම්පූර්ණයෙන් තහනම් කරමින් ජනාධිපතිවරයා විසින් පසුගිය 05 වැනිදා ගැසට් නිවේදනයක් නිකුත් කර තිබුණ ද බිස්කට් කර්මාන්ත හා බේකරිවල අවශ්‍යතා සඳහා පාම් ඔයිල් ගෙන්වීමට බලපත්‍ර දෙන බව වෙළෙඳ අමාත්‍ය ආචාර්ය බන්දුල ගුණවර්ධන මහතා අද (07* පාර්ලිමේන්තුවේ දී පැවැසීය.

මේ පිළිබඳව වැඩි දුරටත් කරුණු පැහැදිලි කළ වෙළෙඳ ඇමැතිවරයා ‘‘මුදල් අමාත්‍යංශයේ ලේකම්වරයාට අභියාචනයක් ඉදිරිපත් කර අවශ්‍යතාවයට අනුව අවශ්‍ය ප්‍රමාණයට පාම් තෙල් ලබාගත හැකියි.පාම් තෙල් ආනයනය තහනම් කිරීමේ අරමුණ වන්නේ පාම් තෙල් ආනයනය හරහා විදේශ වෙත ඇදී යන විදේශ විනිමය අවම කර ගැනීමයි. මේ සමග දේශීය තෙල් හා පොල් කර්මාන්තය නඟා සිටුවීමට කටයුතු කරනවා’ යැයි ද ඇමති බන්දුල ගුණවර්ධන මහතා පැවසීය.

මේ අතර ජනතාව මේ තීරණය දෙස හාස්‍යයෙන් මෙන්ම දැඩි විරෝධාකල්පයකින් බලන බවක් ද නිරීක්ෂණය කළ හැකිය. පාම් තෙල් තහනම නිසා මේ වන විට දරාගත නොහැකි මිලක තිබෙන පොල් තෙල් මිල ද තව දුරටත් ඉහළ යා හැකි බවයි. විශේෂයෙන් උත්සව සමයේ අත්‍යවශ්‍ය භාණ්ඩයක් වන පොල් තෙල් අධික මිලක් ගෙවා ලබාගැනීමට සිදුවීම තමන් කබලෙන් ලිපට වැටීමක් බව ඔවුන්ගේ් අදහසයි.

‘ආණ්ඩුවට මේ උපදෙස් දෙන්නේ කේවට්ටයො ද කියලා අපි දන්නෑ. විදේශ විනිමය ඉතිරි කර ගන්න කියලා මුංඇට, කහ තහනම් කළා. දැන් ඒවා අහස උසට ගණන් ගිහින්. මේ අවුරුදු කාලේ මුංඇට, තෙල්තෙල්, උඳු අත්‍යවශ්‍ය දේවල්. ඒත් දැන් ඒවා මිලදී ගැනීම හීනයක්’ යැයි අප සමග අදහස් දක්වමින් කඩවත විශ‍්‍රාමික ගුරුවරියක් පැවසුවාය.

විවාහක ශ්‍රී ලංකා රූ රැජිණ තරගයේදී තමන්ට සිදුවූ අපකීර්තිය සම්බන්ධයෙන් ඉදිරියේදී සිය නීතිඥවරුන් අවශ්‍ය නීතිමය ක්‍රියා මාර්ග ගනු ලබනු ඇති බව විවාහක රූ රැජිණ තරගයේදී සිය කිරුළ අහිමි වූ පුෂ්පිකා ද සිල්වා මහත්මිය අද (06) පැවැති මාධ්‍ය හමුවකදී සඳහන් කළාය.

කාන්තාව වෙනුවෙන් පෙනී සිටිමින් ඉදිරියට ශක්තිමත් ලෙස කටයුතු කරන බවත් ඉදිරියේ දී දේශපාලන කටයුතු වලට ද දායකත්වය දක්වන බව ද ඇය වැඩි වැඩි දුරටත් සදහන් කළාය.

මේ අතර අදාළ සිදුවීම ගැන තම ෆෙස්බුක් ගිනුමේ සටහනක් තබමින් පුෂ්පිකා ද සිල්වා මහත්මිය මෙසේ සදහන් කළාය.

පුෂ්පිකා ද සිල්වා මෙම සිද්ධිය සම්බන්ධයෙන් සිය ෆේස්බුක් ගිණුමේ සටහනක් පළ කර ඇත:

“මම දික්කසාද ගැහැණියක් නොවෙමි. මේ ලියන මොහොතේත් මා දික්කසාද ගැහැණියක් නොවන බව ඉතා වගකීමෙන් කියමි. මම දික්කසාද නම්, මගේ දික්කසාද ලියවිලි ඉදිරිපත් කරන ලෙස මම ඔවුන්ට අභියෝග කරමි. මම මගේ දරුවා සමග සිටින බව මම ලෝකයෙන් සඟවා නැත. එසේ සිටින්නට මට පෞද්ගලික හේතු ද ඇත. නමුත්, වෙන් ව සිටීම එකකි. දික්කසාදය යනු වෙනම එකකි. මම තවම දික්කසාද නො වූ තැනැත්තියක් වෙමි.”

“මේ තරගාවලිය ආරම්භයේදීම මා ඊට නුසුදුසු නම්, මා එයින් ඉවත් කරන්නට ඔවුන්ට ඉඩ තිබුණි. අවශේෂ තරග ඉසව් එකින් එක පසුකර මා මෙතෙක් දුර එනතෙක් ඔවුන් සිටියේ නින්දේ නොවේ.”

“මම 2011 ශ්‍රී ලාංකික රූ රැජිණ වූයෙමි. ඉන් දස වසරකට පසු ඊයේ රාත්‍රී විනිශ්චය මණ්ඩලයේ තීරණයෙන් විවාහක රූ රැජිණ කිරුළ පැලඳුවෙමි. ඒ මොහොතේම මම ලංකාවේත් ලෝකයේත් සිටින ඔබ සියලු දෙනාගේ හදවතේ විවාහක රූ රැජිණ බවට පත් වූයෙමි.”

“ඉතින්, සංකේතාත්මක ඒ කිරුල මගේ හිසෙන් උදුරා ගත්ත ද, මම ඒ සිදුවූ අසාධාරණය සහ අපහාසය වෙනුවෙන් අවශ්‍ය නීතිමය ක්‍රියාමාර්ග වෙත දැනටමත් අවතීර්ණ වී ඇති බව, ඔබට දැනුම් දෙමි.”

“අවසාන වශයෙන්, සැබෑ රැජිණක් යනු, අනෙක් ගැහැණියගේ කිරුල උදුරාගන්නා ගැහැණියක් නො ව, අනෙක් ගැහැණිය ගේ ඔටුන්න රහසේ සකසන ගැහැණියක් බව කියමි!!!”

“කිරුල උදුරාගන්නා ලද පලමු ශ්‍රී ලාංකික විවාහක රූ රැජිණ,” 

මේ අතර අද පැවැති මාධ්‍ය හමුවේදී අදහස් දක්වමින් විවාහක රූ රැජිණ තරගයේ මෙරට ජාතික තරග සංවිධායක චන්දිමාල් ජයසිංහ සඳහන් කර සිටියේ පසුගියදා සිදුවූ සිදුවීම සම්බන්ධයෙන් තමන් දැඩි සේ කණගාටුවට පත්වන බවයි.

ලෝක විවාහක රූ රැජින තරග සංවිධාන කමිටුවේ උපදෙස් මත ශ්‍රී ලංකා විවාහක රූ රුජින කිරුළ පුෂ්පිකා ද සිල්වාට නැවත කිරුළ පැළද වූ බව කී චන්දිමාල් ජයසිංහ මහතා ඇය තරගය අතරතුරදී දික්කසාද වී සිටියේ නම් ජාත්‍යන්තර නීති රීතිවලට අනුව තරගයට සහභාගි වීමට අවස්ථාව නොමැති බවත් ඇය මේ දක්වා දික්කසාද වී නොමැති වීම නිසා කිරුළට හිමිකම් කියන බවත් සදහන් කළේය.

ප‍්‍රධාන සංවිධායක ලෙස කිසිදු විටක මෙවැනි අවාසනාවන්ත තත්ත්වයක් බලාපොරොත්තු නොවූ බවත් එම සිද්ධිය පිළිබදව පුෂ්පිකාගෙන් සමාව ඉල්ලා සිටින බවත් චන්දිමාල් මහතා කීය.