ආණ්ඩුව තුළ ප්රබල වෙනසක් විය යුතු බවට තීන්දු කළ බවත්, අදාළ වෙනස්කම් නීත්යානුකූලව කිරීමට ගත් තීරණය එලෙසම ක්රියාත්මක කිරීමට තීරණය කළ බවත්, ජනාධිපතිතුමා සමග නිදහස් පක්ෂ මන්ත්රීවරුන් පැවැත් වු සාකච්ඡාවෙන් අනතුරුව, එම සාකච්ඡාවේ තීන්දු තීරණ ප්රකාශයට පත්කරමින් අමාත්ය එස්.බී දිසානායක පැවසීය
https://www.facebook.com/supirigossip1/videos/1595322083836725/
පසුගිය පළාත් පාලන මැතිවරණයේ ප්රතිඵලයට අනුව හැටන් දික්ඔය නගර සභාවට ඉදිරිපත් වූ කිසිඳු පක්ෂයකට තනිව බලය පිහිටවීමට නොහැකි තත්ත්වයක් උදා වී තිබෙනවා.
හැටන් දික්ඔය නගර සභාවේ ප්රතිඵලයට අනුව එක්සත් ජාතික පක්ෂයට ආසන 07 ක් ,ලංකා කම්කරු කොංග්රසයට ආසන 06 ක් දිනාගත් අතර ප්රසාද ආසන ලෙස ශ්රීලංකා පොදුජන පෙරමුණ ආසන 02 ක් හා කොමියුනිස්ට් පක්ෂයට ප්රසාද ආසන 01 ක් හිමිවුනා.
එම ප්රතිඵලයට අනුව කිසිඳු දේශපාලන පක්ෂයකට තනිව බලය පිහිටුවිය නොහැකි තත්ත්වයක් ඇතිවී තිබෙන නිසා ප්රභල ඇමතිවරුන්ගේ ලේකම්වරු බව පවසමින් මන්ත්රීවරුන් සඳහා මුදල් ගෙවා බලය පිහිටුවීමට උත්සාහයක නිරතවන බව අනාවරණය වී ඇති බව වාර්තා වෙනවා.
ඒ අනුව මන්ත්රීවරුන් කිහිපදෙනෙකුට දුරකතනය ඔස්සේ අමතා එක් මන්ත්රීවරයෙකු වෙනුවෙන් රුපියල් කොටියක් ගෙවීමට යෝජනා කර තිබෙනවා.
හැටන් දික්ඔය නගර සභාවේ නිල ප්රතිඵලය.
අග්රාමාත්ය රනිල් වික්රමසිංහ මහතා පාර්ලිමේන්තු මන්ත්රීවරුන් කිහිප දෙනෙක් සමග පාර්ලිමේන්තුවේ කමිටු ශාලාවක රහස් සාකච්ඡාවක් පවත්වා තිබෙන අතර අතුරුලියේ රතන හිමි, රිෂාඩ් බදියුදීන්, මිලික් සමරවික්රම, ඩග්ලස් දේවානන්දා, සාගල රත්නායක යන පාර්ලිමේන්තු මන්ත්රීවරුන් සමග අග්රාමාත්යවරයා මෙම සාකච්ඡාව සහභාගි වී ඇත.
ලංකාවේ වර්තමාන දේශපාලන තත්වය පිලිබදව මෙහිදී දීර්ඝ වශයෙන් සකච්ඡා වූ බවට තොරතුරු වාර්තා වේ.
නව පරපුරේ ගායන ශිල්පි චිත්රාල් සෝමපාල සිය ෆේස්බුක් ගිණුමේ තැබු සටහනක් මේවන විට කතාබහට ලක්ව තිබෙනවා. එහිදි චිත්රාල් සෝමපාල පවසා තිබුනේ රටේ නැති සතෙක් ජාතික කොඩියට දාගෙන , වෙන රටක ධර්මයක් ආගම කරගෙන මේ රටේ මිනිසුන් කාලය හා දැනුම විනාශ කරමින් සිටින බවයි.
චිත්රාල් සිය ගිණුමේ තැබු සටහන පහතින් ,
කෙසේ වෙතත්ග් පසුව මෙම සටහ්යන චිත්රාල් විසින් ඉවත් කර ගෙන තිබු අතර සමාජජාලා මාධ්ය වලින් ඔහුගේ මෙම ප්රකාශයට දැඩි ප්රතිරෝධයක් එල්ලව තිබුණා. එවැනි නිර්මාණ කිහිපයක් පහතින් ,
ශ්රී ලංකා නිදහස් පක්ෂය ඒකාබද්ධ විපක්ෂයේ සහාය ඇතිව පිහිටුවන රජයකට සම්බන්ධ වීමට කිසිසේත්ම නොහැකිවීමට නිසා තමන්ට කැමති වෙනත් පක්ෂයට බැඳීමට අවසර දෙන්නැයි ශ්රී ලංකා නිදහස් පක්ෂයේ මහ ලේකම් දුමින්ද දිසානායක මහතා ජනාධිපතිවරයාගෙන් ඉල්ලීමක් කර ඇති අතර අමාත්යවරයාගේ ඉල්ලීම තරයේම ප්රතික්ෂේප කර ඇති ජනපතිවරයා පක්ෂය වෙනුවෙන් තමන් පවරන ලද වගකීම ඉටුකරන ලෙස දුමින්ද අමාත්යවරයාට දන්වා ඇත.
එක්සත් ජාතික පක්ෂය විසින් නියෝජ්ය කතානායක තිලංග සුමතිපාල මහතාට එරෙහිව විශ්වාසභංග යෝජනාවක් ගෙනඒමට සූදානම්වන බව එම පක්ෂයේ ආරංචි මාර්ගවලින් වාර්තා වේ.
ඒ ඔහු නියෝජ්ය කථානායක ධූරයේ සිටිමින් පක්ෂග්රාහීව කටයුතු කළ බව පවසමිනි.
ඒ අතර අපි මේ පිළිබදව ශ්රි ලංකා නිදහස් පක්ෂයේ ප්රබලයෙකුගෙන් විමසු විට ඔහු සදහන් කලේ පුළුවන් නම් විශ්වාසභංග ගේන්න කියන්න.අපි ඕක පරාජය කරලා එජාපයේ රෙදි ගලවලායි ගෙදර යවන්නේ යනුවෙනි.
ඒකාබද්ධ විපක්ෂයේ යෝජනාව අනුව අද (19) පස්වරු 4.00 සිට රාත්රි 7.00 දක්වා රටේ වත්මන් තත්ත්වය පිළිබඳ විවාද කිරීමට පක්ෂ නායකයින්ගේ එකඟතාව පළ වී තිබෙනවා.
පාර්ලිමේන්තු කටයුතු අද පෙරවරුවේ ආරම්භ කෙරුණු මොහොතේ දී නැගී සිටි පාර්ලිමේන්තු මන්තී්ර දිනේෂ් ගුණවර්ධන කථානායකවරයාගෙන් විශේෂ ඉල්ලීමක් සිදු කරමින් මෙම ඉල්ලීම ඉදිරිපත් කළා.
ඒ අනුවයි යළි පක්ෂ නායක රැස්වීමක් කැඳවීම සඳහා සභාවේ කටයුතු විනාඩි 15කට අත්හිටුවීමට කථානායකවරයා තීරණය කළේ.
එහිදී මෙම එකඟතාවයන්ට පැමිණ තිබෙනවා.
ඩබ්ලිව්. එම්. මෙන්ඩිස් සමාගමේ ගිණුමකින් රුපියල් කෝටි සියයකට අධික මුදලක් ලබාගෙන එම මුදල විවිධ තරාතිරම්වල පුද්ගලයන්ට තෑගී දී ඇති බව රහස් පොලීසිය විසින් හෙළි කරගෙන ඇතැයි අතිරේක සොලිසිටර් ජනරාල් ජනාධිපති නිතීඥ යසන්ත කෝදාගොඩ මහතා කොටුව මහේස්ත්රාත් ලංකා ජයරත්න මෙනෙවියට දැනුම් දුන්නේය.
පර්පෙචුවල් ට්රෙෂරීස් සමාගම් සමූහයේ අධ්යක්ෂ අර්ජුන් අලෝසියස් සහ ඔහුගේ පියා වූ ජෙෆ්රි ඇලෝසියස් නමැත්තන්ට ඩබ්ලිව්. එම්. මෙන්ඩිස් සමාගම අයත් බවත්, ඔවුන් දෙදෙනා විසින් පසුගිය පෙබරවාරි 07 වැනිදා දක්වා බිලියන 1.19ක මුදල් ලබාගෙන විවිධ තරාතිරම්වල පුද්ගලයන්ට තෑගී දී ඇති බවත් යසන්ත කෝදාගොඩ මහතා දැනුම් දුන්නේය.
2014 මැයි මස 29 වැනිදා සිට2018 පෙබරවාරි මස 07 දක්වා වසර 3 1/2ක පමණ කාලය තුළදී පිය යුතු දෙදෙනා විසින් පර්පෙචුවෙල් ට්රෙෂරීස් සමාගමේ මුදල් ඩබ්ලිව්. එම්. මෙන්ඩිස් සමාගමට අයත් සෙලාන් බැංකු ගිණුමකට 66 වතාවක් බැරකර ඇතැයි දැනුම් දුන් යසන්ත කෝදාගොඩ මහතා, අවස්ථා 154කදී එම මුදල් නැවත ඉවත් කරගෙන ඇතැයිද අධිකරණයට දැනුම් දුන්නේය.
එමෙන්ම 2018 පෙබරවාරි 07 වැනිදා වන විට අදාළ ගිණුමේ මුදල් අගය රුපියල් බින්දුවක් වශයෙන් සඳහන් වන බවත් පැවසූ කෝදාගොඩ මහතා විවිධ තරාතිරමේ පුද්ගලයන්ට ත්යාග ලබාදීම සඳහා එම ගිණුමේ මුදල් උපයෝගී කරගෙන ඇති බවට සාධාරණ සැකයක් මතුවී ඇතැයිද පැවසීය.
රන්ජන්ගෙන් හෙළිදරව්වක්
මෙන්ඩිස් සමාගම සතු රුපියල් බිලියන 1.7ක් වටිනා චෙක්පත් 157කින් පක්ෂ විපක්ෂ දේශපාලඥයන් බොහෝ පිරිසකට මුදල් ගෙවා ඇතැයි නියෝජ්ය අමාත්ය රන්ජන් රාමනායක මහතා පැවසීය.
පසුගිය පෙබරවාරි 04 දක්වා පක්ෂ විපක්ෂ දේශපාලඥයන් බොහෝ පිරිසකට අල්ලස් වශයෙන් චෙක්පත් ලබාදුන් ලැයිස්තුව ජනාධිපතිවරයා සතුව තිබෙන බවද ඒ මහතා කීවේය.
එම නම් ගම් හෙළිවුවහොත් තවත් අර්බුදයක් හටගනු ඇති බව රන්ජන් රාමනායක මහතා ප්රකාශ කළේය.
සිය කැබිනට් මණ්ඩලයේ අමාත්යවරුන්ට ඔවුන්ගේ කාර්ය මණ්ඩලයේ සේවකයන් සමග ලිංගික පහස ලැබීම තහනම් කරන බවට ඕස්ට්රේලියානු අගමැති මැල්කම් ටර්න්බුල් පවසනවා. ඕස්ට්රේලියානු අගමැතිවරයා මේ බව නිවේදනය කළේ, ඔහුගේ නියෝජ්ය අගමැතිවරයා සිය කාර්ය මණ්ඩලයේ හිටපු සාමාජිකාවක සමග ලිංගික සබඳතාවක් පැවැත්වූ බව අනාවරණය වීමෙන් අනතුරුවය.
මාධ්ය හමුවක් අමතා අදහස් දැක්වූ අගමැති මැල්කම් ටර්න්බුල්, නියෝජ්ය අගමැති බානබි ජොයිස්ගේ හැසිරීම හෙළා දකිමින් ප්රකාශයක් නිකුත් කිරීම ජාත්යන්තර මාධ්යයේ අවදානය දිනාගෙන තිබේ. උප අගමැතිවරයා අමාත්යවරුන් සම්බන්ධ ආචාර ධර්ම උල්ලංඝනය කළේ දැයි විමර්ශනය කෙරෙන තුරු ඔහු තාවකාලිකව නිවාඩු ලබාගෙන තිබීමද විශේෂත්වයකි.
නියෝජ්ය අගමැති බානබි ජොයිස් ඔස්ටේ්රලියාවේ පවතින නීතිය උල්ලංඝනය කර නැති බව නියෝජ්ය අගමැතිවරයා මෙන්ම අගමැතිවරයා ද අවධාරණය කර තිබුනේය එහෙත් අගමැතිවරයා පවසන්නේ මින් අනතුරුව අමාත්යවරුන්ට දැනට වඩා දැඩි ආචාර ධර්ම පද්ධතියක් හඳුන්වා දෙන බවය.
මේ පිළිබදව අදහස් දක්වමින් එරට අගමැතිවරයා මාධ්ය හමුවේදී ප්රකාශ කළේ “ඇමැතිවරු ඒ ආචාර ධර්ම පද්ධතියට අනුකූලව හැසිරිය යුතුයි. ඔවුන් තමන්ගේ කාර්ය මණ්ඩලය සමග ලිංගිකව නොහැසිරිය යුතුයි,” යනුවෙනි. ඕස්ට්රේලියානු නියෝජ්ය අගමැතිවරයා සහ ඔහුගේ හිටපු මාධ්ය උපදේශිකාව විකී චැම්පියන් අතර සම්බන්ධතාව හෙළිදරවුවීමෙන් අනතුරුව ඒ පිළිබඳව ඔස්ටේ්රලියානු දේශපාලන ක්ෂේත්රයේ ප්රබල සංවාදයක් මතු කර තිබේ.
සිය පක්ෂය සමග එක්වන බවට ඒකාබද්ධ විපක්ෂය වාචිකව ප්රකාශ කලද ඒ පිළිබඳව විශ්වාසය තබා ජාතික ආණ්ඩුවෙන් ඉවත් වීමට නොහැකි බව ශී්ර ලංකා නිදහස් පක්ෂය පවසනවා.
එහි ජ්යෙෂ්ඨ උප සභාපති ඩබ්ලිව්. ඩී. ජේ. සෙනෙවිරත්න අප වෙත කියා සිටියේ නව ආණ්ඩුවක් බිහිකිරීමට ඒකාබද්ධ විපක්ෂය වගකීමක් ගත යුතු බවයි.
මේ පිළිබඳව අප ඒකාබද්ධ විපක්ෂයෙන් විමසීමක් කළා. එහි ප්රකාශකයෙක් කියා සිටියේ අග්රාමාත්යධූරයට පත්වන පුද්ගලයා අනුව තනතුරු භාරගැනීම තීරණය වන බවයි.
පක්ෂ නායක රැස්වීමකින් පසු අද (19) පෙරවරුවේ ආරම්භ වූ පාර්ලිමේන්තු රැස්වීම මේ වන විට හදිසියේ විනාඩි කිහිපයක් සඳහා කල් තැබීමට පියවර ගත්තා.
න්යාය පත්රයට අනුව ලිපිලේඛණ පිලිගැන්වීමෙන් අනතුරුව ප්රධාන කටයුතු ආරම්භ කිීීරීමට නියමිත අවස්ථාවේදී නැගී සිටි පාර්ලිමේන්තු මන්තී්ර දිනේෂ් ගුණවර්ධන කථානායකවරයාගෙන් විශේෂ ඉල්ලීමක් සිදු කළා.
ඒ, රට තුළ පවතින දේශපාලන අස්ථාවරභාවය පිළිබඳ අද දිනයේ විශේෂ විවාදයක් පවත්වන ලෙසයි.
ඊට අදාළව ඒකාබද්ධ විපක්ෂයේ මන්තී්රවරුන්ගේ අත්සනින් යුතු ලිපියක් කථානායකවරයා වෙත භාර දුන් බවද දිනේෂ් ගුණවර්ධන මන්තී්රවරයා එහිදී ප්රකාශ කළා.
එම අවස්ථාවේදී සභාවේ රැඳී සිටි ඒකාබද්ධ විපක්ෂයේ මන්තී්රවරුන් සිය අසුන්වලින් නැගිට එම යෝජනාවට සහාය පළ කළා.
එම අවස්ථාවේ නැගී සිටි සභානායක අමාත්ය ලක්ෂමන් කිරිඇල්ල කියා සිටියේ අද උදෑසන පැවැති පක්ෂ නායක රැස්වීමට එවැනි ඉල්ලීමක් ඉදිරිපත් නොවූ බවයි. ඒ අනුව යළි පක්ෂ නායක රැස්වීමක් කැඳවීම සඳහා සභාවේ කටයුතු විනාඩි 15කට අත්හිටුවීමට කථානායකවරයා තීරණය කළා.
ඒ අනුව යළිත් පක්ෂ නායක රැස්වීමක් කැඳවා ඇති බවයි වාර්තා වෙන්නේ.
මේ වන විට බලහත්කාරයෙන් අගමැතිධුරය අත්පත් කරගෙන සිටින රනිල් වික්රමසිංහ තවදුරටත් එම ධුරයේ රැඳී සිටියයුතුද? නැද්ද? යන්න සම්බන්ධයෙන් ජනමත විචාරණයක් පැවැත්වීමට ජනාධිපතිවරයාට නීති විශාරදයින්ගේ උපදෙස් ලැබී ඇති අතර ඊට අවශ්ය කටයුතු සම්පාදනය සඳහා ජනාධිපතිවරයා විසින් උපදෙස් ලබා දී ඇති බව අභ්යන්තර ආරංචි මාර්ග වාර්තා කරයි.
ජනාධිපතිවරයා සතු විධායක බලතල යටතේ, ජනතාවට ඇති උපරිම සෘජු ප්රජාත්රන්තවාදය සහතික කරන ජනමත විචාරණයක් තුලින් මෙම දේශපාලන අර්බුදය නිමා කිරීමට ජනාධිපතිවරයා මෙලෙස කටයුතු කිරීමට තීරණය කර අත.
ඒ අනුව ජනාධිපතිවරයා විසින් ජනමත විචාරණයක් පැවැත්වීමට මැතිවරණ කොමිසමෙන් ඉල්ලා දින 30ක් ඇතුලත මෙම ජනමත විචාරණය පැවැත්වීම සිදුකෙරෙනු ඇත.
සියයට 50කට වැඩි එක ඡන්දයක තීරණය අනුව රනිල් වික්රමසිංහගේ අනාගත ඉරණම තීරණය වනු ඇත.
මනාප ක්රමය ඉවතලා කොට්ඨාෂ කරමයට පැවැත්වූ මෙවර පළාත් පාළන මැතිවරණයෙන් පසුව සමහර පළාත් පාලන ආයතනවලට පත්ව ඇති සභිකයින් සංඛ්යාව ඒවායේ සේවයෙහි නිරත කම්කරුවන් පිරිස ද ඉක්මවා යන බවත් පත්ව සිටින සභිකයින් සංඛ්යාවන් පෙරට වඩා දෙගුණයක් වන බැවින් තම රැස්වීම් පැවැත්වීම සඳහා ශාලා කුලියට ගැනීමට පළාත් පාලන ආයතන උත්සාහ දරමින් සිටින බවත් වාර්තා වෙයි.
දෙවිනුවර ප්රාදේශීය සභාවට සභිකයින් 21 දෙනෙකු පත්ව සිටියදී, එහි සනීපාරක්ෂක කටයුතු සහ මාර්ග පිරිසිදු කිරීමට සිටින්නේ කම්කරුවන් 18 දෙනෙකු පමණක් වන අතර අකුරැස්ස ප්රාදේශීය සභාවේ කම්කරුවන් 24 සිටියදී පත්ව සිටින සභිකයින් ගණන 25කි.
යාපනය මහනගරාධිපති වශයෙන් දෙමළ ජාතික සන්ධානයේ හිටපු පාර්ලිමේන්තු මන්ත්රී සොලමන් සිරිල් නැමත්තා සුදුසු බවට ඉලංගෙයි තමිල් අරුසකච්චි පක්ෂ නායක මාවෙයි සේනාධිරාජා ඇතුලු පිරිසක් නම් කළඅවස්ථාවේදී පාර්ලිමේන්තු මන්ත්රී එම්.ඒ සුමන්තිරන් මහතා වසින් පවසා ඇත්තේ සොලමන් සිරිල්ට වඩා යාපනයේ ජනතාවගේ කැමත්ත ප්රකාශ කොට ඇත්තේ එම්මානුවෙල් ආනෝල්ට බැවින් බහුතර ජනතාවගේ කැමත්තට ඉඩදිය යුතු බැවින් එම්මානුවෙල් යාපනය මහනගරාධිපති විය යුතු බවයි.
සමුන්තිරන් මහතා මේ බව පවසා ඇත්තේ යාපනයේ පිහිටි ඉලංගෙයි තමිල් අරුසකච්චි පක්ෂ කාර්යාලයේදී දෙමළ ජාතික සන්ධානයේ පක්ෂ සාමාජිකයින් විසින් පලාත් පාලන මැතිවරණයෙන් පසුව පලාත් පාලන අයාතනල පාලන කටයුතු සම්බන්ධයෙන් පැවති රැස්වීමකට සහභාගී වෙමිනි.සුමන්තිරන් මන්ත්රීවරයාගේ එම ප්රකාශයෙන් පසුව අවසානයේදී එම රැස්වීමේදී යානපය මහනගරාධිපති වශයෙන් එම්මානුවේල් ආනොල්ඩ් සුදුසු බවට සෙසු සාමාජිකයින්ද කැමත්ත පලකොට ඇත.
එම්මානුවේල් ආනොල්ඩ් උතුරු පලාත් සභාවේ දෙමළ ජාතික සන්ධානයේ මන්ත්රී වරයෙකු වශයෙන් කටයුතු කළ අතර පසුව පලාත් පාලන මැතිවරණය වෙනුවෙන් ඔහු එම මන්ත්රී ධූරයෙන් ඉල්ලා අස්වී යාපනය මහනගරාධිපති වරණයට තරග කිරීමෙන් ජයගහනය කරනු ලැබීය.
