Category: සුපිරි Sports

ශ්‍රී ලංකා ක්‍රිකට් ආයතනය විසින් පවත්වනු ලබන ලංකා ප්‍රිමියර් ලීග් ක්‍රිකට් (LPL) තරගාවලියේ නිල ලාංඡනය (Logo) නිල වශයෙන් මාධ්‍යයන් වෙත නිකුත් කිරීමට එම තරගාවලියේ තරග සංවිධාන කටයුතු මෙහෙයවනු ලබන ඉනෝවේටිව් ප්‍රඩක්ෂන් ගෘප් හෙවත් IPG ආයතනය අද (17 වැනිදා) පස්වරුවේ පියවර ගනු ලැබීය.

ශ්‍රී ලංකාවේ ජාතික අනන්‍යතාවය ලොවට පෙන්වන ජාතික ධජයේ ප්‍රධාන සංකේතය ලෙසින් සටහන් වන සිංහ රුවකට සමාන සිංහ රුවක හිසක් භාවිතයෙන් ලංකා ප්‍රිමියර් ලීග් තරගාවලියේ නිල ලාංඡනය නිර්මාණය කර තිබෙන අතර ජාතික ධජයේ සටහන් වන ආකාරයෙන්ම ධෛර්යය, අධිෂ්ඨානය සහ නිර්භීතකම, එම නිල ලාංඡනයේ ප්‍රධාන තේමාව බවට පත්ව තිබේ. 

මීට අමතරව සංස්කෘතීන් සහ උරුමයන් වල මුල් තැනක් ලබා දෙනු ලබන පොහොසත් ශ්‍රී ලාංකේය ජාතියෙහි නිදහස ගලා යෑම මෙන්ම ශ්‍රී ලංකා ක්‍රීඩකයින් පිටිය තුළ ක්‍රීඩා කරන විට ඔවුන් දක්වනු ලබන නිර්භීත ආකල්ප නිරූපනය වන ආකාරයෙන් මෙම නිල ලාංඡනය නිර්මාණය කර තිබේ.

LPL නිල ලාංඡනයේ රතු සහ තැඹිලි වර්ණ තුළ භාවිතා කිරීම මගින් ඓතිහාසික මහනුවර යුගයේ සිතුවම් සහ සීගිරි බිතුසිතුවම් මිනිස් සිත තුළට කා වැද්දීම මෙන්ම නිල සහ කහ වර්ණ උපයෝගී කරගනිමින් ශ්‍රී ලංකා ක්‍රිකට් ක්‍රීඩාවේ වරුණ නිරූපණය කිරීම අපේක්ෂා කරයි. 

තරගාවලිය නියෝජනය කරනු ලබන කණ්ඩායම් 5, සිංහ රුවේ කේශරය සඳහා යොදා තිබෙන වර්ණ වලින් පිළිබිඹු වේ. එම වර්ණ 5 ට අමතරව යොදා තිබෙන වර්ණ වලින් තරගාවලියේ හැඟීම උද්දීපනය කිරීම මෙන්ම තරගාවලියේ වේගය නිරූපණය කරනු ඇත. තවද සියළු දෙනාගේම ආදරය දිනා ගත් ක්‍රීඩාව බවට පත්ව තිබෙන ක්‍රිකට් ක්‍රීඩාව කෙරෙහි දක්වනු ලබන නොනවතින ආශාව සහ උනන්දුවද මෙම කේශර වර්ණ වලින් පිළිබිඹු වනු ඇත. මෙම වර්ණ සියල්ල භාවිතයේ ප්‍රධාන පරමාර්ථය බවට පත්ව ඇත්තේ ශ්‍රී ලාංකේය සන්නාමයක් ලෙසින් දේශීය මෙන්ම විදේශීය ක්‍රීඩා ලෝලීන්ට සමානව ආකර්ශනය වන ආකාරයෙන් පැවැත්වීම වේ.

ලංකා ප්‍රිමියර් ලීග් හි නිල ලාංඡනය පිළිබඳව අදහස් දක්වා සිටින එම තරගාවලි අධ්‍යක්ෂක, ශ්‍රී ලංකා ක්‍රිකට් උප සභාපති රවීන් වික්‍රමරත්න මහතා, “මෙම ලාංඡනය තුළ ශ්‍රී ලාංකේය ක්‍රිකට් නිමිත්තන් සහිත ජාතික වර්ණවල අපූරු සංයෝජනයක් දකින්න ලැබීම ගැන මම අතිශයින් සතුටට පත් වෙනවා. ඒ වගේම මෙම ලාංඡනය හරහා ක්‍රිකට් රසිකයින්ට තරගාවලිය සමඟ පහසුවෙන් සම්බන්ධ වීමේ අවස්ථාව උදාවනවා පමණක් නොව ඔවුන් ඔවුන්ගේ ජාතික කණ්ඩායම හා සමාන කැමැත්තකින් සහයෝගය දැක්වීමට ඉදිරිපත් වනු ඇති බව මට විශ්වාසයි” යැයි සඳහන් කර සිටියේය.

මේ අතර අයි. පී. ජී. ආයතනයේ ප්‍රධාන විධායක නිලධාරී ලෙස කටයුතු කරන අනිල් මොහාන් මහතා ද අදහස් දක්වමින්, “මෙම ලාංඡනය තුළින් ශ්‍රී ලාංකේය ජනතාව, සංස්කෘතිය මෙන්ම ක්‍රිකට් ක්‍රීඩාවට තිබෙන සුවිශේෂී බව වැනි කාරණා නිරූපණය වෙනවා. ක්‍රිකට් ක්‍රීඩාව මේ රටේ සියළු දෙනාගේම හදවත් වල වැදගත් කොටසක් බවට පත්ව තිබෙනවා. ඒ නිසා සැබැවින්ම ජාතියේ අභිමානවත් බව මේ ලාංඡනයෙන් හොඳින්ම පිළිබිඹු වෙනවා”යි සඳහන් කර සිටියේය. 

ලංකා ප්‍රිමියර් ලීග් තරගාවලිය ලබන නොවැම්බර් මස 21 වැනිදා සිට දෙසැම්බර් 13 වැනිදා දක්වා වූ කාල සීමාවේදී පල්ලකැලේ සහ සූරියවැව ජාත්‍යන්තර ක්‍රීඩාංගණවලදී පැවැත්වෙනු ඇත. තරගාවලියේ ක්‍රීඩක වර්ගීකරණය (Player Draft) ලබන ඔක්තෝම්බර් මස 19 වැනි සඳුදා දින අන්තර්ජාල තාක්ෂණය භාවිතා කරමින් පැවැත්වීමට නියමිතය. 

කොළඹ, මහනුවර, දඹුල්ල, ගාල්ල සහ යාපනය යන නගර මුල් කරගනිමින් කණ්ඩායම් 5 ක් මෙම තරගාවලිය නියෝජනය කරනු ලබන අතර දින 15 ක කාලයක් පුරා විහිදෙන තරගාවලිය අවසන් මහ තරගයද ඇතුළුව සමස්ථ තරග 23 කින් සමන්විත වනු ඇත.

ලබන 19 වැනිදා පැවැත්වීමට නියමිතව තිබෙන ක්‍රීඩක වර්ගීකරණයේදී විදේශීය ක්‍රීඩකයින් 6 ක් සහ දේශීය ක්‍රීඩකයින් 10 ක් වශයෙන් 16 දෙනෙකුගෙන් සමන්විත කණ්ඩායමක් තෝරා ගැනීමේ අවස්ථාව කණ්ඩායම් හිමිකාරීත්වයට උදාවේ.

Text by – sri lanka cricket

ක්‍රීඩකයින්ගේ දක්ෂතා එක ලෙසින් පවත්වාගෙන යෑමේ අරමුණින් මෙම ඔක්තෝම්බර් මස 14 වැනිදා සිට 20 වැනිදා දක්වා ශ්‍රී ලංකා ක්‍රිකට් ආයතනය විසින් පැවැත්වීමට සැලසුම් කර තිබූ ‘ශ්‍රී ලංකා ක්‍රිකට් සභාපති කුසලාන’ පන්දුවාර 50 ක්‍රිකට් තරගාවලිය වර්තමාන කොවිඩ් 19 තත්ත්වය හේතුවෙන් දින නියමයක් නොමැතිව කල් දැමීමට ශ්‍රී ලංකා ක්‍රිකට් ආයතනයට සිදුව තිබේ. 

කණ්ඩායම් 4 කගේ සහභාගිත්වයෙන් පැවැත්වීමට නියමිතව තිබූ මෙම තරගාවලියේ සෑම කණ්ඩායමක් සඳහාම ජාතික සංචිතයේ සිට පළමු පෙළ ක්‍රිකට් තරගාවලිය නියෝජනය කරමින් දක්ෂතා දක්වන ලද ක්‍රීඩකයින් ඇතුළත්ව සිටියහ. දිමුත් කරුණාරත්න, කුසල් මෙන්ඩිස්, නිරෝෂන් දික්වැල්ල සම දසුන් ශානක විසින් නායකත්වය ලබාදීමට නියමිතව තිබූ මෙම කණ්ඩායම් සියල්ල ක්‍රීඩකයින් 14 දෙනෙකුගෙන් යුක්ත වේ. 

ජාත්‍යන්තර ක්‍රිකට් ක්‍රීඩාව සම්බන්ධව කටයුතු කරනු ලබන ශ්‍රී ලංකා ක්‍රිකට් උප සභාපති ජයන්ත ධර්මදාස මහතාගේ සංකල්පයක් අනුව මෙම තරගාවලිය පැවැත්වීමට සැලසුම් කර තිබූ අතර එහිදී පළමු වටය ලීග් ක්‍රමයට පැවැත්වෙන අතර එහිදී ඉදිරියෙන් සිටින කණ්ඩායම් 2 අවසන් මහ තරගය සඳහා සුදුසුකම් ලැබීමට නියමිතව තිබුණි. තරගාවලි ව්‍යුහයේ ඇති තවත් විශේෂත්වයක් බවට පත්වූයේ තෙවැනි ස්ථානය තේරීම සඳහාද තරගයක් පැවැත්වීමට සැලසුම් කර තිබීමය. 

මෙම තරගාවලිය සංවිධානය කිරීම පිළිබඳව අදහස් දක්වා සිටි උප සභාපති ජයන්ත ධර්මදාස මහතා, “කොවිඩ් 19 වසංගතයත්සමඟ ජාත්‍යන්තර මට්ටමේ ක්‍රීඩකයින්ට තරගකාරී ක්‍රිකට් ක්‍රීඩාවක නියැළීමේ අවශ්‍යතාවය තදින්ම දැනිලා තිබුණා. ඒ පිළිබඳව වූ අවශ්‍යතාවය වැටහී යෑම නිසා තමයි අපි මේ වගේ තරගකාරීත්වයකින් යුතු තරගාවලියක් පැවැත්වීමට සැලසුම් කළේ. නමුත් වර්තමාන තත්ත්වයත් එක්ක යළිත් ක්‍රිකට් ක්‍රීඩා කිරීමට සුදුසු පරිසරයක් නිර්මාණය වන තෙක් මෙම තරගාවලිය කල් දැමීමට ශ්‍රී ලංකා ක්‍රිකට් විධායක කමිටුව තීරණය කළා” යනුවෙන් සඳහන් කර සිටියේය.  

කුසල් මෙන්ඩිස් පිල	නිරෝෂන් දික්වැල්ල පිල	දසුන් ශානක පිල	දිමුත් කරුණාරත්න පිල
ඕෂධ ප්‍රනාන්දු	ධනුෂ්ක ගුණතිලක	ළහිරු තිරිමාන්න	දිමුත් කරුණාරත්න (නායක)
මිනෝද් භානුක	නිරෝෂන් දික්වැල්ල (නායක)	ළහිරු උදාර	අවිශ්ක ප්‍රනාන්දු
කුසල් මෙන්ඩිස් (නායක)	දිනේෂ් චන්දිමාල්	කුසල් පෙරේරා	ඇන්ජලෝ මැතිව්ස්
භානුක රාජපක්ෂ	ධනංජය ද සිල්වා	රොෂේන් සිල්වා	කමිඳු මෙන්ඩිස්
අශාන් ප්‍රියන්ජන්	සංතුෂ් ගුණතිලක	ඇන්ජලෝ පෙරේරා	සධීර සමරවික්‍රම
අශේන් බණ්ඩාර	අසේල ගුණරත්න	දසුන් ශානක (නායක)	අකිල ධනංජය
තිසර පෙරේරා	සුරංග ලක්මාල්	වනිඳු හසරංග	ලසිත් අබේරත්න
ඩිල්රුවන් පෙරේරා	දුවිඳු තිලකරත්න	දුෂ්මන්ත චමීර	ළහිරු කුමාර
ලක්ෂාන් සඳකැන්	විශ්ව ප්‍රනාන්දු	ලසිත් ඇඹුල්දෙණිය	නුවන් ප්‍රදීප්
කසුන් රජිත	ජෙෆ්රි වැන්ඩර්සි	අසිත ප්‍රනාන්දු	මොහොමඩ් ශිරස්
බිනුර ප්‍රනාන්දු	ළහිරු මධුශංක	රමේෂ් මෙන්ඩිස්	ප්‍රභාත් ජයසූරිය
චතුරංග ද සිල්වා	දුශාන් විමුක්ති	කවිෂ්ක අංජුල	සඳුන් වීරක්කොඩි
ඩිල්ශාන් මදුශංක	ලසිත් කෲස්පුල්ලේ	චාමික කරුණාරත්න	කවිඳු නදීශාන්
සචිඳු කොළඹගේ	අමිල අපෝන්සු	නිපුන් ධනංජය	අෂේන් ඩැනියල්
ග්‍රාන්ට් ෆ්ලවර්-පුහුණුකරු	ෂේන් මැක්ඩමට්-පුහුණුකරු	රුමේෂ් රත්නායක-පුහුණුකරු	චමින්ද වාස් (පුහුණුකරු)
රුවින් පීරිස්-ස. පුහුණුකරු	මනෝජ් අබේවික්‍රම-ස. පුහුණුකරු	සජීව වීරකෝන්-ස. පුහුණුකරු	මලින්ද වර්ණපුර-ස.පුහුණුකරු

IPL ක්‍රිකට් තරගාවලියේ ස්ටාර් ස්පෝර්ට්ස් හි විස්තර විචාරකයෙකු ලෙස කටයුතු කරමින් සිටි හිටපු ඕස්ට්‍රේලියානු ක්‍රිකට් ක්‍රීඩක ඩීන් ජෝන්ස් Dean Jones මුම්බායි හිදී අභාවප්‍රාප්ත වුණා. 

මිය යන විට ජෝන්ස් 59 වැනි වියේ පසු වූ බව සදහන් වන අතර මරණයට හේතුව ලෙස සැලන්නේ හෘදයාබාධයක්.

ඩීන් ජෝන්ස් ඕස්ට්‍රේලියානු කණ්ඩායම වෙනුවෙන් ටෙස්ට් තරග 52ක් සහ එක්දින තරග 164ක් ක්‍රීඩා කර ඇති අතර ටෙස්ට් ශතක 11ක් සහ අර්ධ ශතක 14ක් සමගින් ලකුණු 3631ක් ද එක්දින තරග වලදී ශතක 7ක් සහ අර්ධ ශතක 46ක් සමගින් ලකුණු 6068ක් වාර්තා කිරීමට සමත්ව තිබුණි.

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ අන්තර් සමාජ ප්‍රධානතම ක්‍රිකට් තරගාවලියේ තෙවැනි සති අන්තය අවසන් වන විට යුද හමුදාව, හලාවත මේරියන්ස්, කෝල්ට්ස් සහ එස්. එස්. සී. අදාළ කාණ්ඩවල පෙරමුණ ගෙන සිටියහ.

පැවැති තරග වලදී යුද හමුදාව, කෝල්ට්ස් සහ එස්. එස්. සී. කණ්ඩායම් මුහුණ දුන් තරග 3 න් 3 ම ජය ගනිමින් එහි ප්‍රමුඛත්වය ලබා ගනිද්දී හලාවත මේරියන්ස් පිල ක්‍රීඩා කරන ලද තරග 3 න් 2 ක් ජය ලබා බී කාණ්ඩයේ පෙරමුණට පැමිණ සිටියි.

මේ දින වල පවතින වර්ෂාව හේතුවෙන් තරග කිහිපයක්ම නොවිසඳුණු තරග ලෙසින් නිමාවට පත් වුණු අතර එහි වැඩිම බලපෑම පානදුර ක්‍රීඩා සමාජයට අත් විඳීමට සිදුව තිබේ. පානදුර ක්‍රීඩා සමාජය ක්‍රීඩා කරන ලද තරග 3 න් 2 ක්ම වර්ෂාව හේතුවෙන් ප්‍රතිඵල රහිත වී තිබෙන තරග වන අතර මීගමුව සහ රාගම එක් තරග බැගින් අතහැර දැමීමට සිදුව ඇති අනෙක් කණ්ඩායම් යුගල වේ.

ශ්‍රී ලංකා ක්‍රිකට් ආයතනය මෙහෙයවන අවුරුදු 23න්පහළ ප්‍රධානතම ක්‍රිකට් තරගාවලියේ දෙවැනි සති අන්තය වූ අද (19) විශේෂත්වයක් වූයේ මේ තරගාවලියේ ප්‍රථම ශතකය වාර්තා කිරීමට හලාවත මේරියන්ස් කණ්ඩායමේ කමිඳු මෙන්ඩිස් සමත්වීමය.

    මීගමුවට එරෙහි තරගයේදී කමිඳු මෙන්ඩිස් ලකුණු 117ක් ලබාගත්තේ පන්දු 115කට මුහුණ දෙමින. හයේ පහර 3කින්හ සහ හතරේ පහර 8කින්ත සමන්විතවුණු එම ඉනිමත් සමග මේරියන්ස් කණ්ඩායමට ලකුණු 109 ක ජයක් අත්විය.

    මේ දිනවල පවතින අයහපත් කාලගුණ මත තරග දෙකක ජය ඩක්වර්ත් ලුවිස් ක්‍රමයට හිමිවූ අතර රාගම සහ පානදුර අතර තරගය නොපැවැත්විණි.

    එන්.සී.සී, කෝල්ට්ස්, හලාවත මේරියන්ස්, ගාල්ල, බී.ආර්.සී, යුද හමුදාව, එස්.එස්.සී, නුගේගොඩ, මුවර්ස් සහ ටැමිල් යූනියන් කණ්ඩායම් දිනයේ ජයග්‍රහණ වාර්තා කළහ.

යුද හමුදාව සහ එස්.එස්.සී ජයග්‍රහණ තීරණය වූයේ ඩක්වර්ත් ලුවිස් න්‍යායට අනුවය.

එන්.සී.සී.කලුතර

එන්.සී.සී ට ලකුණු 87ක ජයක්

එන්.සී.සී පන්දුවාර 50 දී කඩුලු 9ට 225යි 

හසිත බෝයගොඩ 81, දිනෙත් ජයකොඩි 56, තෙවින් අමරසිංහ 25, ළසි ඳු අරෝෂණ 32/4 යි)

කලුතර පන්දුවාර 40.4කදී ලකුණු 138යි 

(සෙනල් බාස්කරන් 51, ෂෙනාස් ප්‍රනාන්දු 27, දනාල් හේමන්ද නොදැවී 27, වෙනුර ජයකොඩි 17/3, චාමික ගුණසේකර 14/2, අෂේන් ඩැනියෙල් 34/2)

කෝල්ට්ස් – වරාය අධිකාරිය

කෝල්ට්ස්ට ලකුණු 141ක ජයක්

කෝල්ට්ස් පන්දුවාර 50කදී කඩුලු 8කට ලකුණු 255යි 

(අවිශ්ක ප්‍රනාන්දු 69, සංතූෂ් ගුණතිලක 60, විෂාඩ් රන්දික 38, ජෙහාන් ඩැනියල් 20, රොහාන් සංජය නොදැවී 36, තෙමල් බණ්ඩාර 35/2)

වරාය පන්දුවාර 37.4කදී ලකුණු 114යි

(දිල්හාර පොල්ගම්පොල 25, රශ්මික මෙවන් 17, රොහාන් සංජය 28/3, අමන්ත ගුණරත්න 15/2, සුලේක්ෂන විජේවර්ධන 7/2)

හලාවත මේරියන්ස් – නිගම්බු

හලාවත මේරියන්ස්ට ලකුණු 109ක ජයක්

හලාවත මේරියන්ස් පන්දුවාර 50කදී කඩුලු 9කට 264යි 

(කමිඳු මෙන්ඩිස් 117, සනෝජ් දර්ශික 27, ලසිත් කෲස්පුල්ලේ 26, රිසිර වීරසූරිය 24, ෂෙහාන් ප්‍රනාන්දු 45/2, චමත් වික්‍රමසිංහ 61/2

මීගමුව පන්දුවාර 40.2 කදී ලකුණු 155යි

(අභිෂේක් ආනන්ද කුමාර 32, චමත් වික්‍රමසිංහ 24, ශෂින් රසන්ත 20, නිශාන් පීරිස් 20, දසුන් සේනාරත්න 24/2, නවීන් ගුණවර්ධන 8/2, සනෝජ් දර්ශික 16/2)

බ්ලූම්ෆීල්ඩ් – ගාල්ල 

ගාල්ලට කඩුලු 7ක ජයක්

බ්ලූම්ෆීල්ඩ් පන්දුවාර 49කදී 156යි 

(නඳුන් අංගමගේ 34, විනුජ රන්පුල් 20, සෙනාල් හේරත් 19, රසාන්ත දිසානායක 18, චනුල චමෝද් 30/3, කුෂාන් මධූෂ 20/2)

ගාල්ල පන්දුවාර 38.3කදී කඩුලු 3ට 157යි

(පවන් සංදේශ් 57, විනුර දුල්සර නොදැවී 52, දිනෙත් සමරවීර 31/1, චතුර ඔබේසේකර 37/1, දිලීප ජයලත් 34/1)

බී.ආර්.සී – පොලීසිය 

බී.ආර්.සීට කඩුලු 6ක ජයක්

පොලීසිය පන්දු වාර 44.1කදී 150යි

(අසේල සිහේරා 71,නදීර බාලසූරිය නොදැවී 27, රිසිදු දිල්ෂාන් 14, කෙවින් කොත්තිගොඩ 29/3)

බී.ආර්.සී.පන්දු වාර 32.4කදී කඩුලු 4ට 151යි 

(නිසල් ෆ්‍රැන්සිස්කෝ නොදැවී 64, කළණ මධුශංඛ නොදැවී 17, ඉසිවර දිසානායක 18, රෙසදු තිලකරත්න 20/1, නදීර බාලසූරිය 37/1,දිෂේන් වීරසිංහ 16/2)

යුද හමුදාව – සෙබස්තියනයිට්ස්

යුද හමුදාව ඩක්වර්ක් ලුවිස් ක්‍රමයට ලකුණු 63ක ජයක්

යුදු හමුදාව පන්දුවාර 50කදී කඩුලු 9ට 248යි 

(ෂෙහාන් ප්‍රනාන්දු 57යි, පැතුම් කුමාර 40, ගිහාන් කෝරලගේ 39, සමිත දිල්ෂාන් 28, සංජීව කුමාරස්වාමි නොදැවී 22, තරුෂ ප්‍රනාන්දු 44/2, සවිදු පීරිස් 45/2, කළණ සංදීප් 56/2)

සෙබස්තියනයිට්ස් පන්දුවාර 29කදී කඩුලු 6ට 129යි.

(ජයග්‍රාහී ඉලක්කය පන්දුවාර 29දී ලකුණු 193කි)

තරූෂ ප්‍රනාන්දු නොදැවී 72, සචින් ප්‍රනාන්දු 30, හේෂාන් හෙට්ටිආරච්චි 10/2

එස්.එස්.සී – කැන්ඩිකස්ටම්ස් 

එස්.එස්.සී.ඩක්වර්ක් ක්‍රමයට කඩුලු පහක ජයක්

කැන්ඩි කස්ටම්ස් පන්දුවාර 45කදී කඩුලු 8කට ලකුණු 173යි

(මධුෂාන් ගුණසිංහ 44, ගමිදු දෙව්මිණ 32, රශ්මික මධුශංඛ 32, කළණ පෙරේරා 32/2, දිලුම් තිලකරත්න 35/2, ලක්ෂිත මානසිංහ 19/2,)

එස්.එස්.සී පන්දු වාර 31කදී කඩුලු 5ට 171යි

 (ලක්ෂිත මානසිංහගේ නොදැවී 36, චමිඳු වික්‍රමසිංහ නොදැවී 30, ෂම්මු අෂාන් 28, නිපුන් ධනංජය 21, නිශාන් සංජුල 21, තිමිර මල්ෂාන් 64/4) මේ තරගය ඕවර 42කට සීමාකර ජයග්‍රාහී ඉලක්කය 171 කර බවට පත්කැරිණි.

නාවික හමුදාව – නුගේගොඩ

නුගේගොඩට කඩුලු හයක ජයක්

නාවික හමුදාව පන්දුවාර 27කදී 116යි 

(විමුද් සප්නක 38, සමිත රංග 38, නිපුන් ලක්ෂාන් 19/3, කවිදු ඊශ්වර 25/3,මුදිත ලක්ෂාන් 17/2, විමුක්ති කුලතුංග 25/2)

නුගේගොඩ පන්දුවාර 14.4කදී කඩුලු 4ට 120යි 

(මුදිත ලක්ෂාන් 30, සකුණ ලියනගේ නොදැවී 26,අභිෂේක් ලියනආරච්චි 24, අකිදු කරුණාරත්න 63/2)

සරසන්ස් – මුවර්ස්

මුවර්ස්ට කඩුලු 8ක ජයක්

සරසන්ස් පන්දුවාර 22කදී කඩුලු 9ට 68යි 

(නවිඳු නිර්මාල් නොදැවී 19, ප්‍රවීන් සඳමාල් 12, ප්‍රවීන් ජයවික්‍රම 9/3,කවිශ්ක අංජුල 9/2)

සරසන්ස් පන්දු වාර 14.1කදී කඩුලු 2ට 69යි

(මොහොමඩ් ෂමාස් නොදැවී 34, දිනුක දිල්ෂාන් 20, තරිදු ළමාහේවගේ 14/1, කවික දිල්ෂාන් 25/1)

ටැමිල් යූනියන් – කුරුණෑගල යූත්

ටැමිල් යූනියන්ට කඩුලු හතක ජයක්

කුරුණෑගල යූත් පන්දුවාර 48කදී 150යි 

(දිල්ෂාන් කොල්ලුරේ 41, තරිඳු විජේසිංහ 20, කේෂාන් වන්නිආරච්චි 19, ගිහාන් අංජන 24, තරංග වික්‍රමගේ 25/4, සවිදු කොළඹගේ 23/2, ට්‍රිෂේන් වික්‍රමසිංහ 36/2)

ටැමිල් යූනියන් පන්දු වාර 29.2කදී කඩුලු 3ට 153යි

(කමේෂ් නිර්මාල් නොදැවී 62, සුපුන් කාවින්ද 43)

Text copied by sri lanka cricket

ශ්‍රී ලංකා ක්‍රිකට් ආයතනයේ මෙහෙයවීමෙන් අද (16 දා) ආරම්භ වුණු වයස අවුරුදු 23 න් පහළ අන්තර් සමාජ ප්‍රධානතම ක්‍රිකට් තරගාවලියේදී පැවැති තරග වලදී තරග 6 ක් දෙවැනියට පන්දුවට පහර දුන් කණ්ඩායම් ජයග්‍රහණ වාර්තා කිරීමට සමත්වීම කැපී පෙනිණ.

සමස්ථ දිනයේ පැවැති තරග අතුරින් සී.සී.සී., හලාවත මේරියන්ස්, ටැමිල් යුනියන්, බදුරලිය, එස්. එස්. සී. සහ මුවර්ස් කණ්ඩායම් එසේ දෙවැනියට පන්දුවට පහර දෙමින් ජයග්‍රහණ වාර්තා කළ කණ්ඩායම් බවට පත්වූහ.

මෙවර තරග වාරය ආරම්භ කරමින් පළමු ජයග්‍රහණය සී. සී. සී. පිල වාර්තා කරන ලද්දේ ජයග්‍රාහී ලකුණු 98 ක ඉලක්කය 14 වැනි පන්දුවාරයේ පළමු පන්දුවේදීම සපුරා ගනිමිනි. ඒ වෙනුවෙන් දක්ෂ පිතිහරඹයක නියැළුණු මලිඳු මදුරංග වේගවත් ලකුණු 55 ක් රැස් කරමින් පිතිකරණයෙන් කැපී පෙනුණි. එහෙත් බ්ලූම්ෆීල්ඩ් පිල ලකුණු 100 කටත් වඩා අඩු ලකුණු සංඛ්‍යාවක නතර කර දැමීම සම්බන්ධව පූර්ණ ගෞරව පන්දු යවන්නන් සතු වන අතර එහිදී අම්ෂි ද සිල්වා කැපී පෙනුණි. ඔහු ලකුණු 12 ක් ඇතුළත ප්‍රතිවාදී පිලේ කඩුලු 5 ක් දවා ගනිමින් බ්ලූම්ෆීල්ඩ් පිල අසීරුතාවයට ඇද දැම්මේය. 

පැවැති තරග වලදී කණ්ඩායම් 5 ක් පමණක් ලකුණු 200 සීමාව ඉක්මවමින් පිතිකරුවන්ගේ දක්ෂතා කැපී පෙනුණු නමුත් සෙසු බහුතරය පන්දු යවන්නන්ගේ දක්ෂතා කැපී පෙනෙමින් නිමාවට පත්විය. අද දිනයේ පැවැති තරග වලදී ප්‍රථමයෙන් පන්දුවට පහර දුන් කණ්ඩායම් අතරින් පන්දුවාර 50 ක්‍රීඩා කිරීමට සමත්වූයේ කුරුණෑගල තරුණ කණ්ඩායම සහ නාවික හමුදා කණ්ඩායම් පමණක් වන අතර ලකුණු 300 සීමාව ඉක්මවා ගිය යුද හමුදා කණ්ඩායම පවා පන්දුවාර 50 ක්‍රීඩා කිරීමට අපොහොසත් වීම කැපී පෙනෙයි.

අද පැවැති තරග අතරින් තියුණුම මුහුණු වරක් ගනු නැබුවේ පොලිස් සහ නාවික හමුදා අතර තරගය වන අතර එහිදී පොලිසිය හමුවේ නාවික හමුදා පිල එක් ලකුණක පරාජයක් අත්වින්දේය. ප්‍රථමයෙන් පන්දුවට පහර දුන් පොලිස් පිල ලකුණු 225 ක් ලබා ගත් නමුත් එය හඹා ගිය නාවික හමුදා පිලට නියමිත පන්දුවාර 50 දී කඩුලු 9 ක් දැවී රැස් කරගත හැකි වූයේ ලකුණු 224 ක් පමණි. 

බ්ලූම්ෆීල්ඩ් – සී.සී.සී.

සී.සී.සී.ට කඩුලු 8 ක ජයක්

බ්ලූම්ෆිල්ඩ් පන්දුවාර 41.1 කදී ලකුණු 97 යි – (විංජුල රන්පුල් 35, නඳුන් හෙට්ටිආරච්චි 19, මිශේන් සිල්වා 10, අම්ෂි ද සිල්වා 12/5, පවන් රත්නායක 10/2, වනිඳු හසරංග 17/2)

සී.සී.සී. පන්දුවාර 13.1 කදී කඩුලු 2 ට ලකුණු 98 යි – (මලිඳු මදුරංග 55, සොනාල් දිනූෂ 27*, පවන් රත්නායක 12*)

පානදුර – හලාවත මේරියන්ස් 

හලාවත මේරියන්ස් පිලට කඩුලු 6 ක ජයක්

පානදුර පන්දුවාර 31.5 කදී ලකුණු 122 යි – (නිපුන් දේශාන් 21, පසිඳු පැතුම් 16, රෂාන් කවිෂ්ක 19, දසුන් සෙනෙවිරත්න 29/3, චාරුඛ තරිඳු 24/3, කමිඳු මෙන්ඩිස් 31/2)

හලාවත මේරියන්ස් පන්දුවාර 24.3 කදී කඩුලු 4 ට ලකුණු 125 යි – (කමිඳු මෙන්ඩිස් 66*, රිසිර වීරසූරිය 22, ලසිත් කෲස්පුල්ලේ 13, පසිඳු පැතුම් 14/3)

ගාල්ල – ටැමිල් යුනියන් 

ටැමිල් යුනියන් ට කඩුලු 4 ක ජයක්

ගාල්ල පන්දුවාර 47.4 කදී ලකුණු 160 යි – (විනුර දුල්සර 50, ශක්‍ය සම්පත් 18, රවිෂ්ක විජේසිරි 33, මිරංග වික්‍රමගේ 28/2, දේශාන් ප්‍රනාන්දු 16/2, සචිඳු කොළඹගේ 31/2, කවිඳු පතිරත්න 31/2)

ටැමිල් යුනියන් පන්දුවාර 27.1 කදී කඩුලු 6 ක් දැවී ලකුණු 165 යි – (නවෝද් පරණවිතාන 55, කමේෂ් නිර්මාල් 37, රවිඳු ප්‍රනාන්දු 33*, තනුල චමෝද් 21/2, කුෂාන් මදූෂ 39/2)

බදුරලිය  – බී.ආර්.සී. 

බදුරලියට කඩුලු 4 ක ජයක්

බදුරලිය පන්දුවාර 46.3 කදී ලකුණු 162 යි – (නිසල් ෆ්‍රැන්සිස්කෝ 41, හිරන්ත ජයසිංහ 42, යසිත් රණසිංහ  18, නෙරංජන වන්නිආරච්චි 18, තමිඳු වික්‍රමආරච්චි 11/4, අවිෂ්ක ලක්ෂාන් 29/3, මලින්ද ජයෝද් 25/2)

බදුරලිය පන්දුවාර 37.1 කදී කඩුලු 6 ට ලකුණු 166 යි – (මලින්ද ජයෝද් 86, රනේෂ් සිල්වා 23*, ෂෙරන් ෆොන්සේකා 16, මලින්ද අබිෂේක් 40/3)

කරුණෑගල තරුණ  – එස්.එස්.සී.

එස්.එස්.සී. ට කඩුලු 7 ක ජයක්

කුරුණෑගල තරුණ පන්දුවාර 50 කදී කඩුලු 8 ට ලකුණු 170 යි – (අසිත වන්නිනායක 25, කේෂාන් වන්නිආරච්චි 24, කවීන් බණ්ඩාර 24*, රන්ධීර රණසිංහ 20, සංජීව ප්‍රියදර්ශන 24*, චමිඳු වික්‍රමසිංහ 11/2, කවිඳු නදීෂාන් 37/2)

එස්.එස්.සී. පන්දුවාර 37.2 කදී කඩුලු 3 ට ලකුණු 173 යි – (නිපුන් ධනංජය 77, ශම්මු අශාන් 72*)

කෝල්ට්ස් – මුවර්ස් 

මුවර්ස් පිලට කඩුලු 4 ක ජයක් 

කෝල්ට්ස් පන්දුවාර 36.1 කදී සියලු දෙනා දැවී ලකුණු 151 යි – (පසිඳු සූරියබණ්ඩාර 39, කවිෂ්ක අංජුල 25, මොහොමඩ් ශමාස් 15, තිලාන් ලොරෙන්සෝ 13, නිපුන් මාලිංග 26/3, ඩිල්ෂාන් මදුශංක 26/2, රොහාන් සංජය 20/2)

 මුවර්ස් පන්දුවාර 36.2 කදී කඩුලු 6 ක් දැවී ලකුණු 154 යි – (සංතුෂ් ගුණතිලක 58, ජෙහාන් ඩැනියෙල් 31, අවිෂ්ක ප්‍රනාන්දු 22, කවිෂ්ක අංජුල 41/2)

මීගමුව – ගුවන් හමුදාව

මීගමුවට ලකුණු 68 ක ජයක් 

මීගමුව පන්දුවාර 48.2 කදී ලකුණු 202 යි – (දිමුත් සඳරුවන් 35, භානුක මනෝහර 25, අභිෂේක් ආනන්දකුමාර් 19, ෂෙහාන් ප්‍රනාන්දු 32, නිශාන් පීරිස් 17, කවිඳු නිර්මාණ 30, හරීන් වීරසිංහ 13*, රවිඳු සම්බකුට්ටිගේ 41/3, නුස්කි අහමඩ් 42/2, කසුන් ඒකනායක 23/2)

ගුවන් හමුදාව පන්දුවාර 40.2 කදී ලකුණු 134 යි – (චාමිකර හේවගේ 25, රවිඳු සම්බකුට්ටිගේ 23, දිනිත සිරිවර්ධන 18, ශබික් ඉෆතරි 16, මොවින් සුබසිංහ 17, නිශාන් පීරිස් 17/3, චමත් වික්‍රමසිංහ 40/3, හරීන් වීරසිංහ 29/3) 

යුද හමුදාව – නුගේගොඩ 

යුද හමුදාව පන්දුවාර 49.2 කදී ලකුණු 304 යි – (හරිත් ප්‍රනාන්දු 88, බිෂාන් මෙන්ඩිස් 79, ෂෙහාන් ප්‍රනාන්දු 21, පැතුම් කුමාර 24, ලක්ෂාන් ගමගේ 12, මහේෂ් තීක්ෂණ 33, නිපුන් ලක්ෂාන් 65/4, සඳරු චන්දිත 37/3)

නුගේගොඩ පන්දුවාර 45.4 කදී ලකුණු 244 යි – (මුදිත ලක්ෂාන් 69, සකුන ලියනගේ 72, සඳරු චන්දිත 18, තෂික නිර්මාල් 34, සුකිත ප්‍රසන්න 17, හෂාන් සංදීප 36/4, හේෂාන් හෙට්ටිආරච්චි 40/2, මහේෂ් තීක්ෂණ 55/2)

කලුතර නාගරික – සැරසන්ස් (එක් පිලකට පන්දුවාර 36 යි) 

කලුතර නාගරික පිලට ලකුණු 79 ක ජයක් 

කලුතර නාගරික පන්දුවාර 36 කදී ලකුණු 156 යි – (ඉන්ෂක සිරිවර්ධන 48*, ලසිඳු අරෝෂන 20, ලක්ෂාන් සසංග 20*, ළහිරු තඹවිට 18, කවිඳු දිල්හාර 27/3, බිහංග මෙන්ඩිස් 32/2)

සැරසන්ස් පන්දුවාර 27 කදී ලකුණු 91 යි – (නවිඳු නිර්මාල් 21, බිහංග මෙන්ඩිස් 18, සෙනරු සිල්වා 16, ලික්ෂාන් සසංග 26/2, ඉන්ෂක සිරිවර්ධන 26/2)

පොලිස් – නාවික හමුදාව

පොලිස් පිලට එක් ලකුණක ජයක් 

පොලිස් පන්දුවාර 49.1 කදී ලකුණුඅ 225 යි – (බවන්ත උඩංගමුව 36, අසේල සිගේරා 41, රුවින්ද ඩිල්ෂාන් 31, නදීර බාලසූරිය 38, කවිඳු කරුණාරත්න 37/2, අමීම් නිෆ්ලාල් 37/2)

නාවික හමුදාව පන්දුවාර 50 කදී කඩුලු 9 ට ලකුණු 224 යි – (ජොආන් ද සිල්වා 16, භාග්‍ය දිසානායක 60, ශම්මු දිමුත් 36, සලිත් ප්‍රනාන්දු 44, දමින්ද රිෂාන් 31, තාෂික් පෙරේරා 24/2, නදීර බාලසූරිය 44/2) 

Text by – sl cricket

නීරෝගිමත්, විනයගරුක සහ ජව සම්පන්න සමාජයක් බිහිකිරීම උදෙසා ඉවහල්වන ක්‍රීඩා සංස්කෘතියක් ගොඩනැගීම යුගයේ වගකීමක් බව ජනාධිපති ගෝඨාභය රාජපක්ෂ මහතා අවධාරණය කරයි.

ක්‍රීඩාව තරුණ පරපුරේ භාෂාවයි. අධ්‍යාපනයට සමගාමීව දරුවා ක්‍රීඩාවට යොමු කිරීමෙන් පරිපූර්ණ පුරවැසියකු සමාජයට දායාද කළ හැකි බව එතුමා පෙන්වා දෙයි.

අධ්‍යාපන, ක්‍රීඩා හා තරුණ අමාත්‍යාංශවලට ඒ වෙනුවෙන් විශාල වගකිමක් පැවරී ඇතැයි  රාජපක්ෂ ජනාධිපතිතුමා කියා සිටී.

ග්‍රාමීය හා පාසල් ක්‍රීඩා, යටිතල පහසුකම්, ප්‍රවර්ධන රාජ්‍ය අමාත්‍යාංශයේ ඉදිරි සැලසුම් පිළිබඳව අද (16) දහවල් ජනාධිපති කාර්යාලයේ පැවති සාකච්ඡාවේ දී ජනාධිපතිතුමා මේ බව පැවසීය.

දිවයින පුරා පාසල්වල ක්‍රීඩාවට දක්ෂතා දක්වන දරුවන් කුඩා කලම තෝරාගෙන ඔවුනට අවශ්‍ය නිසි පෝෂණය සහ ජාතික සහ අන්තර්ජාතික පුහුණුව ඇතුළු පහසුකම් සලසන වඩසටහනක අවශ්‍යතාව ජනාධිපතිතුමා විසින් පෙන්වා දෙනු ලැබීය.

ග්‍රාමීය පාසල්වලට ක්‍රීඩා පිටි දෙන ලෙස ඉල්ලා සිටියද, ඒවා ඉදිකර දීමෙන් පසු නඩත්තු නොකෙරෙන බව බොහෝ ස්ථානවලදී දක්නට ලැබුණු බව ජනාධිපතිතුමා පැවසීය. තණකොළ කැපීම ඇතුළු ඉතා පහසුවෙන් කළ හැකි නඩත්තු  සඳහා එතරම් මුදලක් වැය නොවන බව ද ජනාධිපතිතුමා සඳහන් කළේය. 

සියලු දිස්ත්‍රික්කවල පාසල්වල ක්‍රීඩා පිටි නඩත්තුව සඳහා වෙනම ඒකකයක් ස්ථාපනය කිරීමට පියවර ගන්නැයි ජනාධිපතිතුමා නිලධාරීන්ට උපදෙස් දුන්නේය.

ක්‍රීඩා පිටි නඩත්තු කිරීමේ හැකියාව පළාත් පාලන ආයතන සතුව ඇත. තෙමසක් ඇතුළත දිවයිනේ සියලු ක්‍රීඩා පිටි අලංකාරවත් ලෙස පවිත්‍ර කර දෙන්නැයි ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ මහතා නිලධාරීන්ගෙන් ඉල්ලා සිටියේය.

කොළඹ 07, ටොරින්ටන් මාවතේ පිහිටි ජාතික ක්‍රීඩා විද්‍යායතනය දියගම ක්‍රීඩා සංකිර්ණ පරිශ්‍රය සමග බද්ධ කොට අන්තර්ජාතික මට්ටමේ ප්‍රමිතියෙන් යුත් ක්‍රීඩා විශ්ව විද්‍යාලයක් ආරම්භ කිරීමට සැලසුම් කර ඇතැයි තරුණ හා ක්‍රීඩා අමාත්‍ය නාමල් රාජපක්ෂ මහතා පැවසීය.

ක්‍රීඩා සංස්කෘතියක් ගොඩනැගීමට කුඩා දරුවන් සෙල්ලම් කරන තැන් සොයා ගොස් ක්‍රීඩා පිටි සකස් කළයුතුව ඇතැයි නාමල් රාජපක්ෂ මහතා කීය.

ප්‍රධාන ක්‍රීඩා පිටි එක් ආයතනයක් යටතේ පවත්වාගෙන යාම, අංග සම්පූර්ණ ක්‍රීඩා පාසල් 25ක් ස්ථාපනය, ක්‍රීඩා පනතට නව යෝජනා ඇතුළත් කිරීම සහ නව පනතක් සම්පාදනය, ක්‍රිඩාවේ උන්නතිය උදෙසා පෞද්ගලික අංශයේ දායකත්වය ගැනීම වැනි කාර්යයන්ට ගත වූ මාසය තුළ සිය අමාත්‍යාංශය අවධානය යොමු කළ බව අමාත්‍යවරයා පැවසීය.

ප්‍රාදේශීය වශයෙන් ක්‍රීඩාව දියුණු කිරීමේ අවශ්‍යතාව රාජ්‍ය අමාත්‍ය තේනුක විදානගමගේ මහතා පෙන්වා දුන්නේය.

ග්‍රාමීයව වැඩිම ආකර්ශණයක් ඇති සහ ඒ ඒ පළාත්වල ජනප්‍රිය ක්‍රීඩා හඳුනාගෙන  දක්ෂ ක්‍රීඩකයන් කඩිනමින් පුහුණු කළ යුතුව ඇතැයි ජනාධිපතිතුමා පැවසීය.

ක්‍රීඩා ශ්‍රේණිගතකර අන්තර්ජාතික තරග සඳහා යොමු කළ හැකි පිරිසක් පුහුණු කිරීමේ වැදගත්කම ක්‍රීඩා සභාවේ සාමාජික කුමාර සංගක්කාර මහතා පෙන්වා දුන්නේය.

විශ්ව විද්‍යාලවලට ඇතුළත් කර ගැනීමේ දී ක්‍රීඩා දක්ෂතා වෙනුවෙන් ලකුණු දීමේ ක්‍රමය ප්‍රචලිත කිරීමට සහ විශ්ව විද්‍යාල තුළින් ජාතික තලයේ ක්‍රීඩකයන් බිහි කිරීමට ඇති හැකියාව සංගක්කාර මහතා විසින් පෙන්වා දෙනු ලැබිණ.

සුගතදාස ක්‍රීඩා අධිකාරියේ පූර්ණ ප්‍රතිව්‍යුහකරණය පිළිබඳවද සාකච්ඡාවේදී අවධානය යොමු විය.

ඔලිම්පික් පදක්කම් දිනාගත හැකි ක්‍රීඩා ලෙස හඳුනාගෙන ඇති දුනු විදීමේ සහ ඉලක්කයට වෙඩි තැබීමේ  ක්‍රීඩා පාසල් මට්ටමේ සිට ප්‍රගුණ කිරීමේ ඉඩකඩ ද සාකච්ඡා කෙරිණ.

විවිධ ක්‍රීඩා  සඳහා දක්ෂතා දක්වන ලෝකයේ සෙසු රටවල වෙසෙන ශ්‍රී ලාංකික සම්භවයක් සහිත ක්‍රීඩක ක්‍රීඩිකාවන්ට ජාතික ධජය යටතේ එක් වන්නැයි කැබිනට් සහ රාජ්‍ය අමාත්‍යවරු ඉල්ලා සිටියහ.

අධ්‍යාපන අමාත්‍ය මහාචාර්ය ජී.එල්. පීරිස්, ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ, ජනාධිපති ලේකම් පී.බී. ජයසුන්දර යන මහත්වරු, කැබිනට් සහ රාජ්‍ය අමාත්‍යාංශ ලේකම්වරු, රේඛීය ආයතනවල නිලධාරීහූ, ක්‍රීඩා සංගම් නියෝජිතයෝ සහ ප්‍රවීණ ක්‍රීඩක ක්‍රීඩිකාවෝ සාකච්ඡාවට එක්ව සිටියහ.

ඉකුත් දා නිමාවට පත් වුණු අන්තර් සමාජ පළමු පෙළ ලීග් ක්‍රිකට් තරගාවලියේදී පිතිකරුවන් රැසක් දක්ෂතා දැක්වීමට සමත්වූ අතර එහිදී ලකුණු 1000 සීමාව ඉක්මවා යෑමට පිතිකරුවන් දෙදෙනකු සමත්විය. හිටපු ටෙස්ට් නායක වත්මන් යුද හමුදා කණ්ඩායමේ පිතිකරු දිනේෂ් චන්දිමාල් සහ එන්. සී. සී. කණ්ඩායමේ ළහිරු උදාර ලකුණු 1000 සීමාව ඉක්මවා ලූ පිතිකරුවන් යුගලය බවට පත්විය. මොවුන් දෙදෙනා අතරින් වැඩිම ලකුණු වාර්තා කරන ලද පිතිකරුවා බවට පත් වූයේ ළහිරු උදාර වන අතර හේ ලකුණු 1039 ක් වාර්තා කරමින් පිතිකරුවන් අතර පෙරමුණට පැමිණ සිටියි.

මෙවර තරග වාරයේදී පිතිකරුවකු ලෙස දස්කම් දැක්වීමට හැකිවීම පිළිබඳව අදහස් දක්වමින් පවසා සිටියේ නුදුරේදීම ශ්‍රී ලංකා ටෙස්ට් සහ එක්දින කණ්ඩායම්වල ආරම්භක පිතිකරු ස්ථානයේ ක්‍රීඩා කිරීම තම ඉලක්කය වී තිබෙන බවයි. 

2018-19 තරග වාරයේදීත් ශතකයක් සහ අර්ධ ශතක 7 ක් සමඟින් ලකුණු 861 ක් ලැබූ ළහිරු සමස්ථ තරගාවලියේ වැඩිම ලකුණු ලද පිතිකරුවන් අතර පස්වැනි ස්ථානයට පැමිණියේය. සිය උත්සාහය අත් නොහළ උදාර මෙවර තරග වාරයේදී එම දක්ෂතා තව ඔප් නංවා ගනිමින් ද්විත්ව ශතකයක් ඇතුළුව ශතක 3 ක් සහ අර්ධ ශතක 6 ක් සමඟින් වැඩිම ලකුණු ලද පිතිකරු ශ්‍රේණියේ පළමු ස්ථානය තම නම වෙනුවෙන් වෙන් කර ගත්තේය. රාගම ක්‍රීඩා සමාජයට එරෙහිව නොදැවී රැස් කරන ලද ලකුණු 290 මෙවර තරගවාරයේ ළහිරු ඉනිමක ලද ඉහළම ලකුණු සංඛ්‍යාව වේ.

“ඇත්තටම මේ තරග වාරයේදී මම හිතුවේ ලකුණු 1000 සීමාව ඉක්මවනවමයි කියල අරමුණකින්මයි හිටියේ. ඇත්තටම ඉනිමක ලකුණු ලබා ගැනීමේ සාමාන්‍ය 87 ක් වන පරිදි (86.72) රඳවා තබා ගනිමින් ඒ දේ කරන්න ලැබීම ගැන මම සතුටු වෙනවා” යි ළහිරු තම සතුට වචන වලට පෙරැළීය.

මෙවර තරග වාරයේ පළමු තරගයේදීම ත්‍රිත්ව ශතකය ආසන්නයට පැමිණි ළහිරුට ත්‍රිත්ව ශතකය අහිමි වූයේ අනෙක් අන්තයේ පිතිකරුවන් සියල්ල දැවී යෑම හේතුවෙනි. එම තරගයේදී අංක 3 පිතිකරුවා ලෙස පිටියට පිවිසි ළහිරු දක්වන ලද දක්ෂතාවය හේතුවෙන් ඉතිරි තරග සියල්ලටම ආරම්භක පිතිකරුවකු ලෙස උසස්වීම් ලැබුවේය.

1993 වසරේ දී ඇල්පිටිය, බටුවන්හේනේදී උපත ලද ළහිරු උදාර, සහජ හැකියාවන්ගෙන් හෙබි ක්‍රීකයින්ට ජාතික කණ්ඩායමට ගෙන ඒම වෙනුවෙන් ශ්‍රී ලංකා ක්‍රිකට් ආයතනය සකස් කර ඇති වැඩපිළිවෙළහි සාර්ථක භාවයට එක් උදාහරණයක් සපයන්නෙකි. ඇල්පිටියේ ආනන්ද ශාස්ත්‍රාලයේ සිට සිට නුගේගොඩ සාන්ත ජොන් විදුහලට පැමිණෙන ළහිරු වයස අවුරුදු 19 න් පහළ නියෝජනය කරන අවධියේදී දක්ෂතම පිට පළාත් ක්‍රීඩකයාට හිමි සම්මානයෙන්ද පිදුම් ලබන්නේ ශ්‍රී ලංකා ක්‍රිකට් වැඩපිළිවෙළෙහි සාර්ථකත්වය යළි යළිත් විදහා පාමිනි.

Text by sl cricket

ජර්මනියේ පැවැත්වෙන ජාත්‍යන්තර මළල ක‍්‍රීඩා තරගාවලියකදී පිරිමි මීටර 100 ධාවන ඉසව්වේ දකුණු ආසියානු වාර්තාව සහ ශ්‍රී ලංකා වාර්තාව තමන් සතු කර ගැනීමට ශ‍්‍රී ලාංකික ක‍්‍රීඩක යුපුන් අබේකෝන් ඊයේ (08) සමත් වුණා.

මෙහිදී පිරිමි මීටර් 100 ඉසව්ව සඳහා දකුණු ආසියාවේ සහ ශ‍්‍රී ලංකාවේ හොඳව කාලය ලෙස ඔහු වාර්තා කළ කාලය තත්පර 10යි දශම 1යි 6ක්. (10.16ක්)

මෙම වාර්තාවට මීට පෙර හිමිකම් කියනු ලැබුවේ හිමාෂ ඒෂාන් විසින් වන අතර පසුගිය වසරේ ඔහු වාර්තා කළ කාලය තත්ත්පර 10යි දශම 2ක්.

යුපුන් අබේකෝන් ඉතාලියේ නේවාසිකව සිය පුහුණුවීම් කටයුතු සිදුකරන ක්‍රීඩකයෙක් වීම ද විශේෂත්වයක්.

නොඉවසිල්ලෙන් බලා සිටි ලංකා ප්‍රිමියර් ලීග් විස්සයි-20 ක්‍රිකට් තරගාවලිය ලබන නොවැම්බර් මස මුල් භාගයේදී නිල වශයෙන් දියත් කිරීමට ශ්‍රී ලංකා ක්‍රිකට් ආයතනය බලාපොරොත්තු වේ. තරගාවලිය නොවැම්බර් මස 14 වැනිදා සිට දෙසැම්බර් 06 වැනිදා දක්වා පැවැත්වෙනු ඇත.

කණ්ඩායම් 5 ක්, දින 15 ක කාලයක් තුළ තරග 23 කදී එකිනෙකා සමඟ ගැටෙන මෙම තරගාවලිය කළමනාකරණය කිරීම සහ මෙහෙයවීම සඳහා අයි. පී. ජී. (IPG) හෙවත් Innovative Production Group ආයතනය සමඟ ශ්‍රී ලංකා ක්‍රිකට් ආයතනය ගිවිසුමකට එළැඹ සිටියි. 

තරගාවලිය නියෝජනය කරනු ලබන කණ්ඩායම් 5 හි හිමිකරුවන්ගේ අයිතිවාසිකම්, රූපවාහිනී විකාශනය, නිෂ්පාදනය සහ ක්‍රීඩාංගණවල අයිතීන් පිළිබඳව සියළු මෙහෙයවීම් කටයුතු අයි.පී.ජී. ආයතනය විසින් සිදුකරනු ඇත.

කොළඹ, මහනුවර, ගාල්ල, දඹුල්ල සහ යාපනය යන දිස්ත්‍රික්ක 5 කේන්ද්‍ර කර ගනිමින් නම් කොට තිබෙන කණ්ඩායම් 5 සියළුම තරග රංගිරි දඹුල්ල, හම්බන්තොට මහින්ද රාජපක්ෂ සහ පල්ලකැලේ ජාත්‍යන්තර ක්‍රීඩාංගණයන්හිදී පැවැත්වෙනු ඇත.

මෙම තරගාවලිය හරහා දේශීය තරග පිටියේ ක්‍රීඩකයින්ට ලොව ප්‍රමුඛ පෙළේ ක්‍රීඩකයින් සමඟ කරට කර ක්‍රීඩා කරමින් ඔවුන්ගේ කුසලතා වර්ධනය කර ගැනීමට වේදිකාවක් නිර්මාණය කරන අතරම ශ්‍රී ලාංකේය ක්‍රිකට් රසිකයින්ටද ගුණාත්මක ක්‍රිකට් තරගාවලියක් නැරඹීමේ අවස්ථාව සැලසෙනු ඇත.

ශ්‍රී ලංකා ක්‍රිකට් කණ්ඩායම නියෝජනය කරන ලද ඉදිරි පෙළ පිතිකරුවකු වන තරංග පරණවිතාන සිය අන්තර්ජාතික ක්‍රිකට් පිටියෙන් සමුගැනීම ප්‍රකාශයට පත් කර තිබේ. ඒ පිළිබඳව තරංග විසින් ශ්‍රී ලංකා ක්‍රිකට් ආයතනය වෙත නිල වශයෙන් දැනුම් දී ඇත.

ශ්‍රී ලංකා කණ්ඩායමේ ආරම්භක පිතිකරුවකු ලෙස කටයුතු කළ පරණවිතාන තම ජාත්‍යන්තර ක්‍රිකට් පිටියෙන් විශ්‍රාම යන විට 38 හැවිරිදි වියේ පසුවන්නේය. ටෙස්ට් තරග සඳහා විශේෂඥ පිතිකරුවකු ලෙසින් කටයුතු කළ පරණවිතාන ශ්‍රී ලංකාව වෙනුවෙන් ටෙස්ට් තරග 32 කට සහභාගිවී තිබේ.

මෙරට පාසල් ක්‍රීඩාව ඉහළ නැංවිම සඳහා දැනට ක්‍රියාත්මක ව පවත්නා ක්‍රීඩා පාසල් සංවර්ධනය කළ යුතු ආකාරය සහ එහි ව්‍යූහය සකස් කළ යුතු ආකාරය සම්බන්ධයෙන් සාකච්ඡා කිරීමේ විශේෂ හමුවක් අද (27) අධ්‍යාපන අමාත්‍යාංශයේ දී පැවැත්විණි.

අධ්‍යාපන අමාත්‍ය මහාචාර්ය ජී එල් පීරිස්, ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතාගේ ප්‍රධානත්වයෙන් මෙම හමුව පැවැත්විණි.

මෙහි දී අදහස් දැක්වූ අධ්‍යාපන අමාත්‍යවරයා, කායිකව හා මානසික ව සංවර්ධනය වූ නිරෝගී දරු පරපුරක් ගොඩනැංවීමේ දී පාසල් තුළ ක්‍රීඩාව සංවර්ධනය කිරීම අත්‍යවශ්‍ය කරුණක් බවත්, ඒ සඳහා දැනට සෑම දිස්ත්‍රික්කයක් ම නියෝජනය වන පරිදි පවත්නා ක්‍රීඩා පාසල්වල භෞතික හා මානව සම්පත් සංවර්ධනය කිරීමට පියවර ගත යුතු බවත් සඳහන් කළේය. එමෙන් ම ක්‍රීඩාව කෙරෙහි දරුවන් නැඹුරු කරවිමට හා ක්‍රීඩා ක්ෂේත්‍රයේ සංවර්ධනය වෙනුවෙන් පෞද්ගලික හා ව්‍යාපාරික ප්‍රජාවගේ සහාය ලබාගැනීමට ද වැඩපිළිවෙළක් සකස් විය යුතු බව ද අමාත්‍යවරයා මෙහි දී පෙන්වා දුන්නේ ය.

මෙහි දී අදහස් දැක් වූ ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා සඳහන් කළේ, අදක්ෂයින් අතර දක්ෂයින් මතුකර ගැනීම වෙනුවට දක්ෂයින් අතරින් අතිදක්ෂයින් බිහිකිරීමත්, ජාතික තලය ඉක්මවා යමින් ජාත්‍යන්තරය ජය ගන්නා ක්‍රීඩකයින් බිහිකිරීමත් වෙනුවෙන් පාසල් ක්‍රිඩාව සංවර්ධනය කළ යුතු බවයි. ඒ සඳහා දැනට ක්‍රියාත්මක ව පවත්නා ක්‍රීඩා පාසල්වල පහසුකම් තවදුරටත් සංවර්ධනය කිරීමට හා එක් එක් ක්‍රීඩා පාසල්වල ප්‍රමුඛ අවශ්‍යතා හඳුනාගනිමින් ඒවායේ ප්‍රමිතිය ඉහළ නැංවීමට පියවර ගන්නා බව ද සඳහන් කළේ ය. දැනට පවත්නා ක්‍රීඩා පනත වෙනුට නව පනතක් ඉදිරියේ දී ගෙන එන බවත්, ඉලක්ක සහ ක්‍රියාකාරකම් මූලික කරගත් සංවර්ධන සැලැස්මකට අනුව මෙරට පාසල් ක්‍රීඩාව ඉහළ නැංවීමට ක්‍රීඩා පාසල් හරහා පියවර ගන්නා බවත් අමාත්‍යවරයා වැඩිදුරටත් සඳහන් කළේය.

ක්‍රීඩා උපදේශකවරුන් යාවත්කාලීන කිරීම හා පුහුණු කිරීම සඳහා ජාතික සංචිතය හරහා සහාය ලබාදීමට ද ක්‍රීඩා පාසල්වල දැනට පවත්නා නේවාසිකාගාර පහසුකම් වැඩිදියුණුකිරීම, පහසුකම් සහිත ක්‍රීඩා පිටි නොමැති වීම, ක්‍රීඩා පාසලට සිසුන් ඇතුළත් කිරීමේ දී පන්ති කාමර ඉඩ පහසුකම් ප්‍රමාණවත්ව නොපැවතීම වැනි ගැටළු කෙරෙහි ද මෙහි දී අමාත්‍යවරුන්ගේ අවධානය යොමු කෙරිණි. ඒ අනුව ක්‍රීඩා පාසල් සඳහා සිසුන් ඇතුළත් කිරීමේ ක්‍රියාවලිය සඳහා නිශ්චිත ක්‍රමවේදයක් සකස් කිරීමට්‍ත් දැනට පව්‍ත්නා ක්‍රමවේදය තුළ මතුව ඇති ගැටළු නිරාකරණය වන අයුරින් එම ක්‍රියාවලිය සිදුකිරීමටත් මෙහි දී යෝජනා කෙරිණි.  ඉදිරියේ දී සියලු ක්‍රීඩා පාසල් සම්බන්ධ කරගනිමින් ක්‍රීඩා කටයුතු සඳහා ජාතික සංචිතය සම්බන්ධ කරවිය හැකි පරිදි ඩිජිටල් කුටි සෑම ක්‍රීඩා පාසලකම ස්ථාපනය කිරීමට ද පියවර ගන්නා බවත් අධ්‍යාපන අමාත්‍යාංශය හා ක්‍රීඩා අමාත්‍යාංශය එක්වෙමින් ක්‍රීඩා පාසල් හරහා මෙරට පාසල් ක්‍රීඩාව ඉහළ නැංවීමට විධිමත් යාන්ත්‍රණයක් සකස් කිරීමට පියවර ගන්නා බව ද  මෙහි දී ක්‍රීඩා අමාත්‍යවරයා වැඩිදුරටත් සඳහන් කළේය. ආරක්ෂක අමාත්‍යාංශය විසින් ක්‍රීඩකයින් පුහුණු කිරීම සඳහා මේ වනවිටත් ලබාදෙන දායකත්වය ද කෘතවේදී ව අගය කළ අමාත්‍යවරයා ඉදිරියේ දී ක්‍රීඩා පාසල් අතර ජාතික තරගාවලියක් පැවැත්වීම සඳහා ද කටයුතු යොදන ලෙස ද ක්‍රීඩා අමාත්‍යවරයා අධ්‍යාපන අමාත්‍යාංශය වෙත යෝජනා කළේය.

මෙම අවස්ථාවට ක්‍රීඩා රාජ්‍ය අමාත්‍ය තේනුක විදානගමගේ මහතා, පාර්ලිමේන්තු මන්ත්‍රී ප්‍රේම්නාත් දොළවත්ත මහතා,  අධ්‍යාපන ලේකම් කේ.කේ.සී.කේ පෙරේරා මහතා, තරුණ කටයුතු හා ක්‍රීඩා අමාත්‍යාංශ ලේකම් අනුරාධ විජේකෝන් මහතා, ග්‍රාමීය පාසල්, ක්‍රීඩා හා යටිතල පහසුකම් ප්‍රවර්ධන රාජ්‍ය ලේකම් රවීන්ද්‍ර සමරවික්‍රම මහතා ඇතුළු ජ්‍යේෂ්ඨ නිලධාරීන් රැසක් ද, ක්‍රීඩා පාසල්වල විදුහල්පතිවරුන් ද, ක්‍රීඩා අමාත්‍යාංශයේ සහ ආරක්ෂක අමාත්‍යාංශයේ නිලධාරීන් රැසක් ද  එක්ව සිටියහ.