මේ වසංගතයෙන් පැරදුණොත් පැරදෙන්නේ මුළු රටමයි. ඒ වගේම දිනුවොත් දින්නේ මුළු රටමයි.
කොරෝනා වෛරස නිසා රට තුළ මතුව ඇති නව තත්වයන් පිළිබඳව ජවිපෙ පැහැදිලි කිරීමක් මැයෙන් ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතාගේ ප්රධානත්වයෙන් අද (01) බත්තරමුල්ල, පැලවත්ත ප්රධාන කාර්යාලයේදී පැවැති මාධ්ය හමුව සම්පූර්ණයෙන් මෙහි පළ වේ.
ලෝකය පුරාම කොරෝනා වෛරසය ව්යාප්තවීමේ තත්වයක් තුළ රටක් හැටියටත් අපි මේ තත්වයට මුහුණ දෙන්නේ කොහොමද කියන අභියෝගය තියෙනවා. මේ වනවිටත් අපේ රටේ සමාජය තුළ මේ රෝගය ව්යාප්තවීම තැන් තැන්වල හමුවූ පවුල් ආශ්රය කළ සමීතමයන්ගෙන් සිදුවූ ව්යාප්තියක් දකින්න ලැබෙන්නේ.
වැඩිම රෝගීන් සංඛ්යාවක් හමුවුණේ මාර්තු 31වැනිදා. ඒ සංඛ්යාව 21ක්. මේ අනුව බැලූවාම අපිට විශ්වාසයක් තිබෙනවා හැමදෙනාම එක් කරගත් ජාතික කි්රයාකාරී වැඩපිළිවෙළක් සකස් කිරීම තුළින් මේ උවදුරින් අපේ රට බේරාගන්න හැකියාව තිබෙනවා කියලා.
විශේෂයෙන්ම මතක් කළ යුතු වන්නේ ලෝක ව්යාප්ත තත්වයක් තිබෙන මේ වසංගතයෙන් පැරදුණොත් පැරදෙන්නේ මුළු රටමයි. ඒ වගේම දිනුවොත් දින්නේ මුළු රටමයි.
මේ දක්වා වෛද්යවරුන්ගේ සිට පහළම සෞඛ්ය සේවකයන් දක්වා ආරක්ෂක අංශවල සියලූ දෙනාගේ කැපවීම වගේම බැංකු ඇතුළු අත්යාවශ්ය සේවාවල යෙදී සිටින සියලූම දෙනාගේ කැපවීම නිසා අවම මට්ටමක රෝග ව්යාප්තිය පවත්වා ගන්න රටක් හැටියට අපි සමත්වී තිබෙනවා. ඒ නිසා ඒ වෙනුවෙන් කැපවූ සියලූ දෙනාට අපි ස්තූතිවන්ත වෙනවා.
ආණ්්ඩුව පසුගිය කාලයේ අනුගමනය කළ කි්රයාමාර්ගවල යම් යම් අඩුපාඩු නිසා අද පවතින ව්යාප්ත වීමේ තත්වය තිබෙන බව පැහැදිළියි. අපි කරුණු සහිතව මීට පෙරත් පෙන්වා දුන්නා ඒ අඩුපාඩුකම් වළක්වා ගෙන නිසි පරිදි මේ කි්රයාදාමය වෙනුවෙන් යාන්ත්රණයක් ආණ්ඩුව සකස් කරයි කියලා අපේක්ෂාවෙන්. නමුත් අපි පෙන්වා දුන් මේ කරුණු කෙරෙහි ආණ්ඩුව ඒ තරම් අවධානයට ලක්කර නැති බව පේනවා.
උදාහරණයක් හැටියට මේ රෝගය ලෝක මට්ටමන් ව්යාප්ත වෙන අවස්ථාවේ වරාය සහ ගුවන්තොටුපොළ වසා නිරෝධායන කටයුතු යෙදීමේ අවශ්යතාවය තිබුණා. නමුත් ආණ්ඩුව ඒ කි්රයාමාර්ගය අනුගමනය කළේ නැහැ. ඒ නිසා ගුවන්තොටුපොළෙන් පැමිණි මේ රටේ වැසියන් ඔවුන්ගේ නිවෙස්වලට පිටත් කර යැව්වා. දැන් පොලීසිය යොදවා මෙහෙයුම් සිදුකර ඔවුන්ව සොයා ගනිමින් සිටිනවා. මුලදීම ගත යුතු කි්රයාමාර්ග නොගත් නිසා මේ තත්වය ඇතිවුණා.
වර්තමානයේ ඇඳිරි නීතිය පනවා ගෙනයන කි්රයාමාර්ග නිසා යම් සාර්ථකත්වයක් ලබාගෙන තිබෙනවා. මේ තත්වය තුළ ජනතාවගේ පැත්තෙන් මතුවී තිබෙන ගැටළු අවම කරගැනීමට කි්රයාමාර්ග අනුගමනය කිරීම ආණ්ඩුවේ වගකීමක්. අපට තිබෙන්නේ ඒ සම්බන්ධයෙන් කරුණු පෙන්වා දීමටයි. අපි ඒ විදිහට හඳුනාගත්ත මූලික කරුණු කිහිපයක් තිබෙනවා.
එකක් තමයි අත්යාවශ්ය සෞඛ්ය සේවා පවත්වාගෙන යාම සහ ඖෂධ ලබාදීම. මේ වෙනකොට අනුගමනය කරන ජනතාව දුරස්ථකරන කි්රයාමාර්ගයක් ලෙස ඇඳිරි නීතිය පනවා තිබුණත් ඇඳිරිනීතිය අයින් කළ වහාම ඔවුන් ඖෂධ ලබා ගන්නත් උකස් මධ්යස්ථානවලත්, බැංකුවලත්, එළවළු වෙළඳපොළ, මාළු වෙළඳපොළ වගේ තැන්වලත් පොදි ගැහෙනවා. මේ නිසා ඇඳිරිනීතිය පැනවීමේ අරමුණ ඉෂ්ඨ වෙන්නේ නැහැ.
ඒ තත්වයට පිළියම් යෙදිය යුතුයි. විශේෂයෙන්ම ඖෂධ ලබාදීමේ කි්රයාමාර්ග ගැන ආණ්ඩුව ප්රචාරය කළත් දිගුකාලීනව ඖෂධ ලබාගන්නා වැඩිහිටියන් ගර්භනී මාතාවන් ළමුන් සම්බන්ධයෙන් බරපතළ තත්වයන් මතුවී තිබෙනවා. ඊට ඉක්මනින්ම විසඳුමක් අවශ්යයයි.
ඇඳිරි නීිතිය ඉවත් කරන කාලයේ ෆාමසිවලට ජනතාව රොක්වීම වැලැක්වීමේ කි්රයාමාර්ග වගේම අත්යාවශ්ය ඖෂධ සහ රෝගීන්ට ප්රතිකාර ලබාගැනීමේ කි්රයාමාර්ග ආණ්ඩුවේ චක්රලේඛවලින් සහ ප්රකාශවලින් සීමා නොවී ප්රායෝගිකව කි්රයාත්මක කිරීමේ අවශ්යතාවය තිබෙනවා.
ආහාර බෙදාදීමේ ප්රශ්නයත් ඒ වගේමයි. ජනතාව මේ වනවිටත් යම්කිසි කැප කිරීමක් කරමින් දරාගෙන ඉන්න බව අපි දන්නවා. නමුත් ඒ දරාගැනීමේ සීමාවල් තිබෙනවා. ඒ නිසා ජනතාවට අත්යවශ්ය ආහාර ද්රව්ය ලබාදීමේ නිසි වැඩපිිළිවෙළක් තිබිය යුතුයි.
ඒ වගේම තවත් පැත්කින් මේ රටේ විශාල ජනතාවක් එදාවේල හොයාගන්න දෛනික වැටුප් මත වැඩකරන බව අපි දන්නවා. ඔවුන්ට මේ වනවිට ආදායම් අහිමිවී තිබෙනවා. ඒ වගේම ඒ අයට අත්යවශ්ය ද්රව්ය ලබාගැනීමට නොමැති හිඟයකුත් තිබෙනවා. ඒ කියන්නේ ඒ අයට සල්ලිත් නැහැ, බඩුත් නැහැ. මේ තත්වය වැළැක්වීමට ආණ්ඩුව පියවර ගත යුතුයි.
ආණ්ඩුව මේ වනවිට අරමුදලක් හදලා තියෙනවා. නමුත් ඒ අරමුදල තැන් තැන්වල කි්රයාත්මක වීම නවත්වා අත්යාවශ්ය අයට සහන ලැබෙන පරිදි යොදාගන්න කටයුතු කළ යුතුයි. මේ කටයුතු වෙනුවෙන් ග්රාම නිලධාරී මූලික කරගත්ත යාන්ත්රණයක් සකස්කිරීම ඉක්මනින්ම කළ යුතුයි. ඒ යාන්ත්රණයට සහයෝගය ලබාගැනීටම ස්වේච්ඡුා සංවිධාන සහ පුද්ගලයන් එකතු කරගත හැකියි.
ජනතා විමුක්ති පෙරමුණේ අපි ඒ වෙනුවෙන් මැදිහත්වීමට සූදානම් බව ආණ්ඩුවට දන්වා තිබෙනවා.
ඇතිවී තිබෙන මේ තත්වය ගංවතුර, නාය යෑම, සුනාමිය වගේ තත්වයක් නෙවෙයි. මුළු රටටම බලපාන ආපදාවක්. මේ වගේ තත්වයක් තුළ සෞඛ්ය කාර්යමණ්ඩල වගේම ආරක්ෂක අංශ සහ අනෙකුත් අත්යවශ්ය සේවා සපයන අයට සහයෝගය ලබාදීමේ ස්වේච්ඡුා කණ්ඩායම්වල දායකත්වය ලබාගැනීම අවශ්යයි. අපි පක්ෂයක් හැටියට මේ වනවිටත් ආරක්ෂක අංශවලට, සෞඛ්ය කාර්යමණ්ඩවලට මුඛ ආවරණ ඇතුළු වෙනත් ආරක්ෂක උපකරණ ලබාදී තිබෙනවා. ඒ වගේ රෝහල් පිරිසිදු කිරීම සහ රෝහල් තුළ වෙනත් අත්යාවශ්ය කටයුතු සම්පාදනය කරදී තිබෙනවා.
නමුත් පක්ෂයක් හැටියට අපිට තිබෙන මානව සම්පත සහ මන්තී්ර වැටුප් අරමුදලේ සීමාවන් තිබෙනවා. ඒ තුළ උපරිම කටයුතු කරමින් ඉන්න අතර සකස් කරන යාන්ත්රණයක කොටස්කරුවෝ හැටියට අපිට ස්වේච්ඡුාවෙන් ජනතාවට සහන ලබාදීමේ මැදිහත්කරුවන් විය හැකියි. අත්යවශ්ය ආහාර ද්රව්ය සහ ඖෂධ ලැබිය යුතු අවසානම කෙනා දක්වා ඒවා සපයා දීමේ කටයුතු අපිට ස්වේච්ඡුාවෙන් කළ හැකියි.
මේ වෙනුවෙන් ඉක්මනින් යාන්ත්රණයක් ආණ්ඩුව සකස් නොකළහොත් කොරෝනා වෛරසයේ බලපෑමට වඩා වෙනත් විශාල ගැටළු ප්රමාණයක් මතුවීමේ අනතුර අපි දකිනවා. මේ වනවිටත් සමාජයේ බොහෝ තැන්වලින් ඒ ගැටලූ සම්බන්ධයෙන් තොරතුරු අපිට ලැබී තිබෙනවා.
අමතර කාරණයක් හැටියට අපේ රටේ ආගමික හා සංස්කෘතික ගැටළුත් මේ තත්වය තුළ මතුවෙමින් තිබෙනවා. විශේෂයෙන්ම කොරෝනා වෛරසයෙන් මියගිය අය වගේම වෙනත් තත්වයන් යටතේ මියගිය අයගේ අවසන් කටයුතු කිරීමේදී ගැටළු ප්රමාණයක් මතුවී තිබෙනවා.
අපි ජනතාවට අවධාරණය කරන්නේ වෛද්ය අංශ ලබාදෙන තොරතුරු අනුව රෝගයේ භයානකකම අවබෝධ කරගෙන එයින් වැළකීමේ කි්රයාමාර්ග මූලික කරගත යුතු බවයි. ආගමික හා සංස්කෘතික කටයුතු ඊට දෙවැනිව කල්පනා කළ යුතුයි. ලෝක සෞඛ්ය සංවිධානය පවා මේ වනවිට නිර්දේශ මාලාවක් ලබාදී තිබෙනවා. ඒ අනුව කි්රයා කිරීමේ අවබෝධය ජනතාවට ලබාදී ජන ජීවිතය පවත්වාගැනීමේ යාන්ත්රණය සකස් කිරීම ආණ්ඩුව ඉක්මනින් කළ යුතු බව නැවත අවධාරණය කරනවා.
ඒ අඩුව නිසා සමාජයේ විවිධ තැන්වලින් මේ වගේ ගැටළු මතුවෙනවා. අපි අවධාරණය කරන්නේ ජාතික මට්ටමින් කල්පනා කර බලා කි්රයාකාරී සැලැස්මක් සකස්කර ස්වේච්ඡුා සංවිධාන සහ අපි වගේ පක්ෂවල සහයෝගයත් ලබාගෙන මේ උවදුර ඉක්මනින් පරාජය කිරීමට ආණ්ඩුවේ තිබෙන වගකීම නිසි ලෙස ඉටුකළ යුතු බවයි.
මාධ්යවේදීන් එවා තිබූ ප්රශ්නවලට පිළිතුරු ලබාදෙමින්
බස්නාහිර පළාතේ සහ පුත්තලම, යාපනය ඇතුළු දිස්ති්රක්කවල ඇඳිරි නීතිය තාවකාලිකව ඉවත් කිරීමෙන් පසු ජනතාව ඒකරාශීවන තැන්වල රෝග ව්යාප්තියට ලැබෙන අනුග්රහය ගැන මම පැහැදිළි කළා. ඒ නිසා ග්රාමනිළධාරී වසම් මට්ටමින් හැකි ඉක්මනින් යාන්ත්රණයක් සකස් කිරීම අවශ්ය බව නැවත අවධාරණය කරනවා. පීඩාවට පත් ජනතාවට ආහාර සහ බෙහෙත් ලබාදීම අතපසු නොකළ යුතුයි.
ගුවන්තොටුපොළෙන් පැමිණි මගී ජනතාව පළාගිය බව විවිධ ආකාරයට ප්රචාර කර තිබුණා. ගුවන්තොටුපොළකින් එහෙම පළායන්න බැහැ. එහෙම කියනවනම් ඒක රටකට අපහාසයක්. ආණ්ඩුව මැදිහත්වී රෝග නිරෝධායන කටයුතු මුල සිටම කළේ නැහැ. පිටරට ඉඳලා ආපු අයට නිදහසේ නිවෙස්වලට යන්න ඉඩ ලබාදුන්නා. දැන් ඒ අයට දොස් කියලා වැඩක් නැහැ. ප්රමාද වෙලා ගුවන් තොටුපොළ වසා දැමීමට ආණ්ඩුවට සිදුවුණේ තත්වය බරපතල වුණු පසුවයි. මේ වෙලාවේ විවේචනය කළ යුතු තත්වයක් නොවුණත් පැවති ඇත්ත තත්වය කවුරුත් වටහා ගත යුතුයි.
සර්වපාක්ෂක හමුවට පෙරත් එක් පොදු වැඩපිළිවෙළක් සකස් කළ යුතු බව අපි දිගින් දිගටම අවධාරණය කළා. එසේ තිබියදී අනික් පැත්තෙන් බැසිල් රාජපක්ෂ මහත්තයා ජනාධිපති කාර්ය සාධන බලකායේ ප්රධානියා හැටියට පත්කර ජන ජීවිතයේ අත්යවශ්යය කටයුතු පවත්වාගෙන යාමට පවරා තිබෙනවා. මෙය කොයිතරම් දුරට ගැලපෙන දෙයක්ද කියලා කල්පනා කරන්න ඕනෑ.
මේ වෙලාවේ දේශපාලන විවේචන තිබුණත් ඒ ගැන අවධානය යොමු නොකර මේ ව්යසනයෙන් රට මුදවාගැනීමට අපි මැදිහත් වෙනවා. මේ වගේ වෙලාවක මෙවැනි යාන්ත්රණයක් කිසියම් දේශපාලන කණ්ඩායමක අතට ගන්නවානම්, එය මැතිවරණ ප්රචාරණය සඳහා යොදා ගන්නවානම් නොගැලපෙන දෙයක්.
බැසිල් රාජපක්ෂ මන්ත්රීවරයෙක් නෙවෙයි. ඇමතිවරයෙක් නෙවෙයි. රජයේ තනතුරක් දරණ කෙනෙක් නෙවෙයි. ඔහු අලූතෙන් හදපු, මෙවර මැතිවරණයට තරග කරන පක්ෂ සන්ධානයක නායකයෙක්. එවැනි කෙනෙකුට මෙය බාරදීම ආණ්ඩුවේ දේශපාලන සදාචාරය සහ විනිවිදභාවය පිළිබඳ ප්රශ්නයක්.
ජාතික මට්ටමේ ව්යසනයක් තුළ ඡුන්දය බලාගෙන කටයුතු කරනවා නම් ඒක කොහොමවත් අනුමත කරන්න බැහැ. අපි යෝජනා කරන ජාතික මට්ටමේ වැඩපිිළිවෙළක් තවම ගොඩනැගිලා නැහැ. එවැනි පොදු යාන්ත්රණයක් අවශ්ය අපිට නෙවෙයි රටට. ඒ වුවමනාව තමයි අපි ඉදිරිපත් කරන්නේ. නමුත් ඒ වෙනුවෙන් අවධානය යොමු කරන්න ආණ්ඩුව සූදානම් නැති බවක් පේනවා.
පාර්ලිමේන්තුව නැවත කැඳවීම ගැන ප්රශ්නයක් අහලා තිබෙනවා. ඒ වගේ දෙයක් කළ හැක්කේ හදිසි නීතිය පැනවීමෙන් විතරයි. නමුත් ගෝඨාභය රාජපක්ෂ මහත්තයා මුල ඉඳලාම කි්රයා කළේ නාමයෝජනා කැඳවා පාර්ලිමේන්තුව අකී්රයවීමට ඉඩහැර මේ ක්රියාවලිය තමන් යටතේ තබාගැනීමේ අරමුණින් බව අපි මීට කලින් පැහැදිළි කළා. දැන් පාර්ලිමේන්තුව කැඳවූවත් නැතත් අපි හැමෝම එකතු වෙලා ජාතික වැඩපිළිවෙළක් අනුව කි්රයා කළ යුතුයි. අපි නැවත නැවත අවධාරණය කරන්නේ මේ උවදුරෙන් පැරදුනොත් පැරදෙන්නේ අපේ රට. දිනුවත් දිනන්නේ අපේ රට. ඒ නිසා පටු දේශපාලන බෙදීම් පැත්තක තියලා රට ජයග්රහණය කරවීමට හැමෝම කි්රයා කළ යුතුයි.
ජනතා විමුක්ති පෙරමුණ හැටියට අපි ඒ වෙනුවෙන් මැදිහත්වී කටයුතුකර තිබෙනවා වගේම ඉදිරියටත් කටයුතු කරනවා. නමුත් ආණ්ඩුව නිසි පරිදි යාන්ත්රණයක් සකස්කර ජාතික වගකීමකින් කටයුතු කරන ලෙස අපි අවධාරණය කරනවා.
