Blog

කෝපයට පත්වීම තුලින් එහෙම නැත්තං තරහායාම තුලින් අපගේ IQ level එක පහල යන බව විද්‍යාත්මකව හොයාගෙන තියෙනවා..

IQ (intelligence quotient) කියන්නේ සම්මත ගැටළු ප්‍රමාණයක් සඳහා ලකුණු ලබාදීමක් තුලින් අපේ බුද්ධි මට්ටම මනින්න භාවිතාකරන ක්‍රමවේදයක්..

ලෝක ජනගහනයෙන් 70%ක්ම ඉන්නේ ඔය කියන IQ 85 – 115 අතර මට්ටමේ.. IQ 130ට වැඩිනම් එයා සුපිරි බුද්ධි මට්ටමක් තියෙන කෙනෙක්.. ඇල්බට් අයින්ස්ටයින් 160+ සහ අයිසැක් නිවුටන් 190+ වගේ IQ තත්ත්ව වල හිටියා කියනවා..

වත්මන් යහපාලන රජය යටතේ අළුත් අමාත්‍යංශයක් නිර්මාණය කරගෙන වසර දෙක හමාරයක් ගත වුවද දැනෙන එකඳු වැඩක්වත් කරගත නොහැකි වැඩ බැරි ටාසන් කෙනෙකු වූ මෙගා පොලිස් අමාත්‍ය පාඨලී චම්පිකගේ තවත් කුප්‍රකට පාදඩ වැඩක් අතේ මාට්ටු වී ඇත.

ඒ ඇමති චම්පිකගේම කලාවියේ එකෙකුගේ මූලිකත්වයෙන් ක්‍රියාත්මක චම්පිකගේ මාධ්‍ය(මඩ) ඒකකය විසින් චම්පිකගේ ඊනියා දේශපාලන සිහිනයට අභියෝගයක් වන සහ ඔහුගේ කොමිස් ගැසීමට බාධාවක් වන වෙනත් ව්‍යාපෘතීන් ඉදිරිපත් කරන රජයේම මැති ඇමතිවරුන්ට මඩගැසීම සිදුවේ. ඊට ඇති හොඳම සාක්ෂිය නම් චම්පිකගේ “හරි ගොසිප්” වෙබ් අඩවිය විසින් තම හාම්පුතාගේ නියෝග මත සැලසුම් සහගතව (සාක්ෂි සහිතයි) බස්නාහිර පළාත් මහ ඇමති ඉසුර දේවප්‍රිය මහතාට එරෙහිව එල්ල කරන ලද මඩ ප්‍රහාරයයි.

බස්නාහිර පළාත් මහ ඇමති ඉසුර දේවප්‍රිය ගෙන එන ලද කසල ප්‍රතිචක්‍රීකරණ ව්‍යාපෘතිය හරහා තමාට කොමිස් මුදලුත්, කීර්තියත් නොලැබෙන බව අවබෝධ කරගත් නමට මෙගා පොලිස් අමාත්‍යංශයේ ඇමති පාඨලී චම්පික විසින් තම මාධ්‍ය සට්ටැඹියාට නියෝග කොට මහ ඇමති ඉසුර දේවප්‍රියට එරෙහිව 2016 ඔක්තෝම්බර් 18 වනදා මෙම මඩ මාධ්‍ය මෙහෙයුම අරඹා ඇත.

ඊට අදාළව එදා චම්පිකගේ ගොසිප් අඩවියේ පළකළ පුවත මෙම කුණු කන්දේ නායයාම පත්තු වීමත් සමඟම මේ වන විට ගලවා ඉවත්කොට ඇත. එහෙත් අපි සංරක්ෂණය කරගත් එම සම්පුර්ණ පුවත කිසිඳු සංස්කරණයකින් තොරව පහත පළකර ඇත. මීතොටමුල්ලේ කුණු කන්ද ඉවත් කිරීම වෙනුවෙන් මහ ඇමති ඉසුර දේවප්‍රිය ගෙන ලද එම කසල ප්‍රතිචක්‍රීකරණ ව්‍යාපෘතිය එදා ක්‍රියාත්මක කිරීමට ඉඩ ලබාදුන්නානම් අද මෙම ව්‍යසනය නොවන්නට ඉඩ තිබුණි.

“බල්ලා පිඳුරු කන්නෙත් නැහැ; කන ගොනාට දෙන්නෙත් නැහැ” කියන්නාක් මෙන් වැඩ නොකරන ඇමති චම්පික තම 2020 -2025 දේශපාලන සිහිනයට අභියෝගයක් වන පුද්ගලයින්ට මඩ ගසමින් ජනතාවගේ ජීවිතත් ආණ්ඩුවේ පැවැත්මත් අනතුරේ හෙලමින් සිටී.

[pdfviewer width=”640px” height=”849px” beta=”true/false”]http://supirigossip.com/wp-content/uploads/2017/04/%E0%B6%B6%E0%B7%83%E0%B7%8A%E0%B6%B1%E0%B7%8F%E0%B7%84%E0%B7%92%E0%B6%BB-%E0%B6%B8%E0%B7%84-%E0%B6%87%E0%B6%B8%E0%B6%AD%E0%B7%92-%E0%B6%9A%E0%B7%9C%E0%B7%85%E0%B6%B9-%E0%B6%9A%E0%B7%94%E0%B6%AB%E0%B7%94-%E0%B6%9A%E0%B7%9C%E0%B6%BD%E0%B7%8A%E0%B6%BD%E0%B6%BA%E0%B6%9A-Exclusive-HARI-GOSSIP.pdf[/pdfviewer]

[rns_reactions]

නවතම සොයාගැනීම් සහ නවතම මෘදුකාංග එකතුවීමත් සමඟ ෆේස්බුක් වෙත ලොව පුරා ඇති ජනප්‍රියතාව වර්තමානයේ වැඩිවෙමින් පවතිනවා.

කෙසේ වෙතත් මේ ලොවක් උඩුයටිකුරු කළ සමාජ මාධ්‍ය ජාලයේ නිමැවුම්කරුගේ විශේෂ ප්‍රකාශයක් වෙත ලොව පුරා විශේෂ අවධානයක් යොමුවී තිබෙනවා.

පසුගියදා පැවති උත්සව අවස්ථාවකට එක්වූ මාර්ක් සකර්බර්ග් ගෙන් පැමිණ සිටි අයෙක් විමසන පැනයකට ලබාදුන් අමුතු පිළිතුරක් වෙතයි මේ අයුරින් විශේෂ අවධානයක් යොමුව ඇත්තේ.

එහිදී ඔහුගෙන් එම පුද්ගලයා විමසන්නේ මනස කියවිය හැකි මෘදුකාංගයක් නිපදවීම පිළිබඳව මේ වනවිට ෆේස්බුක් අත්හදාබැලීම් සිදුකරනවාද යන්නයි.

එය සත්‍ය බවත් ඉදිරියේදී ඒ පිළිබඳව ලොවට හෙළිකරන බවත් එහිදී සකර්බර්ග් පිළිතුරැ දෙමින් ප්‍රකාශ කර තිබෙනවා.

ඒ අනුව පුද්ගලයෙකුගේ මනස කියවිය හැකි සකර්බර්ග් සොයාගන්නා මේ නවතම මෘදුකාංගය පිළිබඳව ලොවම මේ වනවිට විශේෂ අවධානයක් යොමුකර තිබෙනවා.

[rns_reactions]

කවදාවත් හිතලා තියෙනවද ලක්ෂ ගණනක හෝ දහස් ගණනක් වටින ඔරලෝසුවක් පාවිච්චි කරන්න? උත්තරේ ඔව් නම් ඔබ සමහරවිට මේ අපි කියන්නට යන දේ ගැන දන්නවත් ඇති, එහෙත් ඔබේ උත්තරේ නැහැ කියන එක නම් කියන්න තියෙන්නේ ඔබ අනිවා මේ ආටිකල් එක කියවන්න ඕනේ කියලා තමයි.

විටෙක එය තමන්ගේ ජෙත්තුකාරකම, ධනවත් කම පෙන්වන ආභරණයක්, ඒ වගේම විටෙක තමන්ගේ තත්වය සහ සමාජ වටපිටාව උද්දීපනය කරන සංඛේතයක්. මේ ඔක්කොටම කලින් අපිට වෙලාව බලාගන්න පුළුවන් ඔරලෝසුවක්. මෙන්න මේ විදිහට තමන්ගේ ජීවන තත්වය, සමාජ තත්වය පෙන්වන කැඩපතක් විදිහට ඔරලෝසුවක් ගැන අවුරුද්දක් හරි කියන්න පුළුවන් වුනත්, ඔබව ලෙහෙසියෙන්ම රවට්ටන්නත් මේ දිලිසෙන අත්පලඳනයට පුළුවන්කම තියෙනවා.

 

1. අනුකරණ? ඉතින් එහෙම එව්වට රැවටෙනවද කට්ටිය?

රැවටෙනවා විතරක් නෙවෙයි තමන් විහින්ම තමන්ගේ හිත රවට්ටාගෙන ඒවා මිලදී ගැනීමත් කරනවා. ඔබ දන්නවද මේ වෙනකොට ලෝකේ ඔරලෝසු පිළිබඳව අන්තර්ජාලයේ කරන සෙවුම් (search) වලින් 15-30% අතර ප්‍රමාණයක් වෙන් වෙන්නේ මේ මිල අධික ඔරලෝසු වල අනුකරණ (replica) ගැන සොයන්නට බව?

මිල අධික ඔරලෝසු වල අනුකාරක විදියට තනපු වෙනත් ඔරලෝසු මේ වෙනකොට ලොව පුරා ම ගොඩාක් ජනප්‍රිය වෙලා. විශේෂයෙන්ම ආසියාතික රටවල් වල මේ කර්මාන්තය වැඩිපුර ම කෙරෙනවා. නිකම ට මෙහෙම කරලා බලන්නකෝ, ඔයා MC එක ට ගිහින් ඔය ඔරලෝසු තියෙන කඩවල් වලින් පොඩ්ඩක් ජනප්‍රිය වර්ගයේ ඔරලෝසුවක මිල ගණන් අහලා බලන්නකෝ. වෙළඳපොලේ එවැනි ඔරිජිනල් අත් ඔරලෝසුවක මිල ලක්ෂ ගණනක් වුනාට ඔබට පහසුවෙන්ම රුපියල් 5000 සිට 15000 අතර මුදලක් වියදම් කරලා කිසිම වෙනසක් නැති අනුකාරක ඔරලෝසුවක් මිලදී ගන්නට පුළුවන්.

හැබැයි එකක්, මේ ඔබ මිලදී ගන්න රෙප්ලිකා ඔරලෝසුවක් කුමක් හෝ කාර්මික දෝෂයකදී රෙපෙයාර් කරන්නට නම් හිතන්නවත් එපා. මොකද එවැනි සේවයක් ඔබ එම ෆේක් ඔරලෝසු මිලදී ගන්න තැන් වලින් සපයන්නේ නැති නිසා.

මේ ගැන දැනගෙන ඔබ මිලදී ගන්නට කලින් වගකීමේ සහතිකයක් ගැන ඇසුවොත් ඔවුන් එයට කාඩ් පතක් මාස 6 හෝ වසරක කාලයක් දමා ලබා දේවි. එහෙත් ඔබ ඔරලෝසුවක් රැගෙන ගිය තැන ඔවුන් කරන්නේ ඒ අසල තිබෙන ඔරලෝසු සේවා කරන තැනකට දීලා ආපසු ඔරලෝසු හදවලා දෙන එක විතරයි.

මේ නිසා රෙප්ලිකා සල්ලි දීලා අරගෙන ජෙනුවින් සර්විස් එකක් බලාපොරොත්තු වෙන්න එපා!

 

2. ඔරිම ජිනල් ද? කොහොමද ෆේක්ද නැතිද කියලා හඳුනාගන්නේ?

ඇතුලත කොටස් :

එක එක වර්ගයේ ඔරලෝසු හඳුනා ගන්න එක එක විදියේ ක්‍රම තියෙනවා, නිදසුනක් විදියට කා’ටීර්(Cartier) වර්ගයේ ඔරලෝසුවක ෆේක්ද  නැතිද කියලා හඳුනා ගන්නට පුළුවන් ක්‍රම කිහිපයක් තිබෙනවා. තියුණු නිමාවකින් යුතු ඩයල් එක, ඇතුලත කොටස් වල Cartier නම කොටා තිබීම, පිටත ආවරණයේ අගනා නිමාව, ආදී කොටස් වලින්.

 

3. Serial Number

හැම මිල අධික ඔරලෝසුවක් සමගම එයටම වෙන් වූ සීරියල් නොම්මරයක් පැමිණෙනවා. එය එම ඔරලෝසුව සඳහාම නිකුත් කෙරුණු එකක් පමණයි. ඔබ සතුව මිල අධික ඔරලෝසුවක් තිබෙනවා නම් එහි Serial Number1 එක හරහා අදාළ සමාගම එම ඔරලෝසුව සේවා කර ඇති කාලයන් ගැන තොරතුරු ඔබට නොවලහා සපයාවි.

 

4. සුපිරි නිමාව

ඔබ ඔරලෝසුවක් ගන්නට හදනවා නම් ඔබ මිලදී ගන්නට සිතා සිටින ඔරලෝසුවේ වර්ගය ගැන පොඩ්ඩක් අන්තර්ජාලයේ සෙවුමක් දාලා බලන එක වටිනවා එවිට එහි සුපිරි නිමාව සහ එම ඔරලෝසුවට ම ආවේනික ලක්ෂණ ගැන ඔබට අවබෝධයක් ලබා ගත හැකි වේවි.

නිදසුනක් ලෙසට අපි ඉහතදී කතා කරපු කා’ටීර් (Cartier) වර්ගයේ ඔරලෝසුවල වයින්ඩරයට අල්ලා තිබෙන මැණික් ගල එයට හොඳම උදාහරණයක් වෙනවා.

 

5. කොහොමද ඔරලෝසුව නිසි පරිදි රැක ගන්නේ?

පිරිසිදු කරනු

කොහේ හරි ගිහිල්ලා ආපු ගමන් තමන්ගේ ඔරලෝසුව වෙනම රෙදි කෑල්ලකින් සුද්ද පවිත්‍ර කරලා තියෙන එක බොහොම නුවණැති වැඩක්. එයින් එහි කුණු දුහුවිලි රැඳිලා තියෙන එක වලකිනවා.

 

කාන්දම් වානා

ඕනෙම වර්ගයක ඔරලෝසුවකට කාන්දම් කියන්නේ “වස” වගේ ජාතියක් තමා. එයින් ඔරලෝසුවේ තත්වය වගේම කල්පවත්මත් බොහොම අඩු වෙනවා.

 

පටිය ලෙදර්ද?

ඔරලෝසුවේ බෙල්ට් එක ලෙදර් වුනොත් ඒකත් ඔරලෝසුවේ ඩයල් සහ වටේ කොටස් පිරිසුදු කරනවා වගේම පිරිසිදු කරන්නට වෙනවා. මොකද සුද්ද කරන්නේ නැතුව තිබ්බොත් එය පුස් කෑමට ලක්වෙන්න පුළුවන්.

 

වියලිව සතපන්න

ඔරලෝසු කොහේ හෝ තැන්පත් කරනවා නම් කරුණාකරලා වියලි බව රැකෙන පෙට්ටියක, වාතය ඇතුල් නොවෙන ලෙසට ගබඩා කර තබන්න.

 

වැඩ දන්නවා වුනාට පෙන්නන්න යන්නෙපා.

මොනම වෙලාවකවත් ඔබේ ඔරලෝසුව ඔබ විසින් විවෘත කරන්නට යන්නෙපා, ඔබ සතුව ඔරලෝසු කාර්මිකකරණය ගැන දැනුමක් නැති නම්. එය දැනුවත් ඔරලෝසු කාර්මිකයෙකුට ඉතුරු කරන්න.

 

මේවායින් ඈත්කර තබන්න

තද හිරු එලියට නිරාවරණය වීම සහ රසායනික ද්‍රව්‍ය වලට විවෘත වීමෙන් වලක්වන්න. ඔරලෝසු කියන්නේ බොහොම සංවේදී කාර්මික නිර්මාණයක්. එහි පැවතීමට නිශ්චිත පරිසරයක ගබඩා කිරීම වැදගත්.

 

6. පරණ වෙන්න, වෙන්නද වටින්නේ?

සාමාන්‍යයෙන් අපි භාවිතා කරන ඔරලෝසුවක භාවිතාවෙන් පසු එතරම් වටිනා කමක් නො තිබුනත්, මෙම මිල අධික ඔරලෝසු වල මිල කල් යන්න යන්න ඉහල යනවා. මෙයට හේතුව තමයි මේ ඔරලෝසු සියල්ලක් ම පාහේ නිෂ්පාදනය කරන්නේ මිනිස් අතින් (Hand made) වීම. ඒ වගේම මේ සියල්ලම වගේ බොහෝ අවස්ථා වල වෙළඳපොළට එන්නේ සීමා සහිත (Limited Edition) ප්‍රමාණයක් ලෙසයි. මෙන්න මේ සාධකයත් එහි පවතින ඉහල ගණයේ තත්වය, පවත්වාගෙන යන ලොග් සටහන්,  සේවා කරන සමාගම සහ අයිතිකරුවන් සතුව පවතින ඔරලෝසුව පිලිබඳ මිල තීරණය කරන්නට හේතුවක් බවට පත් වෙනවා.

ඉතින් මේ හේතු නිසා එවැනි ඔරලෝසුවක් භාවිතා කිරීම ඔබේ සමෘධිමත් ඉතිහාසය ගැන නිහඬව කියාපාන්නක් වෙන බව නම් නොකියා ම බැහැ.

 

7. ලංකාවේ කොහෙද මේ වගේ සේවා දෙන්නේ?

මෙවැනි ඔරලෝසු වලට විමලධර්ම සහෝදරයෝ සහ සමාගම , Colombo Jewelry Stores , ඩබ්ලිව්. ඒ. ද සිල්වා,  Chatham Luxury watches යන සමාගම් සේවා ලබාදෙනවා. මෙයට අමතරව Galleria, Turret වැනි ආයතනත් මේ සේවා ලබා දෙන බව කියන්නට පුළුවන්.

 

8. ඔරලෝසුවක් මිලදී ගැනීම ආයෝජනයක් ද?

ඔබ පිටරටක වෙසෙනවා නම් මේ වාගේ ඔරලෝසුවක් මිලදී ගන්න එක නියත වශයෙන්ම ආයෝජනයක් තමයි. ලංකාවේ රන් ආභරණ බැංකු වල සහ උකස් වෙළඳ සල් වල ගන්නවා වගේ පිටරටවල් වල මෙවැනි අධික වටිනාකමක් ඇති ඔරලෝසුවක් උකස් තබා ඔබට හදිසියකට මුදලක් ගන්න පුළුවන්. ඒ වගේම පැරණි ඔරලෝසු විවිධ වෙන්දේසි වලට ඉදිරිපත් කරලා අධික මිලකට ලංසු ලැබීමේ ප්‍රවණතාවකුත් තියෙනවා. මේ නිසා, ඔව්…! හොඳ ඔරලෝසුවක් කියන්නේ හොඳ ආයෝජනයක් තමයි. ඒ ඔබ පිටරටක වෙසෙනවා නම් පමණයි.

 

9. ඔබ මිලදී ගන්නවා නම්,

ඔබ අලුතින් මෙවැනි ඔරලෝසුවක් මිලදී ගන්නට සිතනවා නම් පාරම්පරික නමක් සහිත එහෙත් නිරතුරුව නව්‍යකරණය වෙන වෙළඳ නාමයකින් යුතු ඔරලෝසු මිලදීගන්න එක බොහොම වැදගත් වෙනවා.

ටැග් හෝයා ( ) කියන්නේ එවැනි ප්‍රචලිත ඔරලෝසු නාමයකට හොඳ උදාහරණයක් ඔවුන් සතුව වසර 150ක ඉතිහාසයක් තිබෙනවා වගේ ම ඔවුන් පාරම්පරික ස්විස් (swiss) ඔරලෝසු කාර්මිකයින් (watchsmith) ද වෙනවා. මෙම ඔරලෝසුවට අමතරව Rado, Rolex, Hublot, Raymond Weil, Patek Philippe, Tissot, Breitling, Omega, Corum, IWC, Longines වැනි වර්ගත් එවැනි සේවා ඉතිහාස පවතින ඔරලෝසු නිෂ්පාදන සමාගම්.

ඒ වගේම අලුතින් වෙළඳ පොලට ආ ඔරලෝසු වර්ගයක් වෙන Seven Friday ඔරලෝසුවත් හොඳ තෝරාගැනීමක් කියලා කියන්නට හැකියි.

 

10. ඔයා ලොකු වෙලා කෝටිපතියෙක් වුනාම,

අන්න එහෙම කාලෙක ගන්න නම් ඔයාට තියෙන්නේ බොහොම සිමා සහිත ඔරලෝසු ප්‍රමාණයක් තමා ඒවායේ මිල ආරම්භ වෙන්නේ ඩොලර් 500,000 පමණ මට්ටමේ සිටයි. නිදසුනක් විදිහට මේ මුදල වියදම් කරලා ඔබට ගේමක් නැතුව ලැම්බෝර්ගිනියක් මිලදී ගන්නට පුළුවන්.

 

11. මොනවද ඒ වර්ග? කොහොමද ඒවා ගන්නේ?

Bulgari, Choprad L.U.C, Maitres du Temps, Christophe, Frank muller එත් මදි නම් George Daniel, MB&F HM4, Audemars Piguet, Jean dunand වගේ වර්ග මිලදී ගන්න ඉතින් ඔබ එක්කෝ මාර්ක් සකර්බර්ග් ගේ දෙවෙනි ළමයා හරි, බිල්ගේට්ස් ගේ බෑණා හරි වෙන්න ම වෙනවා.

 

12. ඔබෙන් පසුව? වෙන කාටද!!

ඒ වගේම ඔබ මිලදී ගන්නා ඒ ඔරලෝසුව ඔබෙන් පසුව ඉවත් කිරීමේ කිසිම උවමනාවක් වන්නේ නැහැ. නියමිත පරිදි සේවා කර තිබෙනවා නම්, ඔබේ භාවිතයෙන් පසුව ඔබේ දරුවන්ට, දරුවන්ගේ දරුවන්ට වුනත් මෙවැනි ඔරලෝසු පරම්පරාවෙන් පරම්පරාවට ලබාදෙන්නට පුළුවන්. මෙයට හේතුව වෙන්නේ, අපි ඉහතින් කියූ ඉතා ඉහල තත්වයේ පවතින එම සමාගම් වල අලෙවියෙන් පසු සේවාවයි.

 

 

බැටරියක ආලෝක ධාරාවකින් බයිපාස් සැත්කමක් සිදු කළ කරාපිටියේ හිත හොඳ දොස්තර

ඒ ඉකුත් (08 දා) හිමිදිරියයි. කරාපිටිය රෝහලේ හෘද හා උරස් ශල්‍ය වෛද්‍ය ඒකකය වෙනදා මෙන් රෝගීනගේ හිත සුව සඳහා ක්‍රියාත්මක වෙමින් තිබිණ. මොර සූරන මහ ධාරානිපාත වර්ෂාවක් ගාල්ල හා කරාපිටිය හබරාදුව මතු නොව මාතර පුරවරයට ද වේගයෙන් ඇදහැලෙන්නට විය. දිවයිනේ වෙනත් ප්‍රදේශ ද මේ මහ වැස්සෙන් තෙතබරිත වී ගිය බව පසුව දැනගන්නට ලැබිණ. විටින් විට අහසේ නැගුණු රිදී එළි හා ගොරබිරම් හඩ සමග බක් මහ අකුණු දස අත නැ‍ගෙන්නට වීය. රෝහල අසල ට්‍රාන්ස්ෆෝමරය ද රෝහලේ ජෙනරේටර් ද මේ අකුණු පහරින් මුළුමනින්ම අක්‍රීය විය. හෙණ හඩ නගන අකුණු ශල්‍ය වෛද්‍ය ඒකකය ඉස්මත්තේ ද පුපුරන්නට වීය.

කීර්තිමත් හෘද හා උරස් ශල්‍ය වෛද්‍ය නාමල් ගමගේ මහතා එදා උදෑසන වැඩ ආරම්භ කළේ පාන්දර 3 ට පමණය. ඒ වන විටත් එතුමා හෘද රෝගියකු වෙනුවෙන් මහත් කැපවීමක් කරමින් සිටියේය. රෝගියා මුස්ලිම් ජාතික මහතෙකි. අවුරුදු 55 ක් පමණ වයසය. ඔහුගේ උරහිස පලා දෙපැත්තට වන්නට කපා තිබුණු මොහොතක විදුලිය විසන්ධි වී ශල්‍ය වෛද්‍ය ඒකකය ද අඳුරේ ගිලුණේය. ඒත් හීපොක්‍රටීස් ප්‍රතිඥාව අනුව නියම ජීවකයා තමා වෙත ආ රෝගියා අත්හරින්නේ නැත. මිනීමරුවකු වුව පොලීසියටවත් තමා

සන්තකයේ සිටි රෝගියා ගෙන යන්නට ඉඩ නොදුන් ඇතැම් ජීවකයන් පිළිබඳ පුවත් මම අසා ඇත්තෙමි.

වෛද්‍ය නාමල් ගමගේ බැටරියක දුබල ආලෝකය ඇසුරු කැර රෝගියාගේ උරහිස මැස්ම පටන් ගත්තේය. ඒ වන විට කරන්නට තිබුණේ ද ඒ ටික පමණය. විදුලි එළියෙන් කරන කාර්යභාරයටත් වඩා පරිස්සමින් වසර 16 ක ක අත්දැකීම් හා පරිචය ඇසුරුකොට එතුමා සාර්ථකව ශල්‍යකර්මය නිමා කළේය. මෙය ලෝක වාර්තාවක් බව අප දන්නා වුවත් වෛද්‍ය නාමල්ට එය ගණනක් නැතිය. ඒ නිසා එතුමා ඉන් උදම් නොවේ.

ඒක ඒ තරම් දෙයක් නෙවෙයි. හදිසි අවස්ථාවක ක්‍රියා කරන්න මා පුරුදු වෙලා ඉන්නවා. ඔය වෙලාව වෙනකොට ඔපරේෂන් එකේ ගොඩක් කරලා ඉවරයි. කරන්න තිබුණෙ දෙකට කපා පැලු උරහිස නැවත මැසීමයි. අකුණක් වැදිලා ට්‍රාන්ස්පෝමර් හා ජෙනරේටර් දෙකම පිච්චිලා ගියා. රෝහල අඳුරේ ගිලුණා. මං බයිෆාස් සැත්කම නැවැත්තුවෙ නෑ. එහෙම වුණානම් අනතුරුදායකයි. එදා උදේ 3 ට විතර වැඩ පටන් ගත්තේ. මේ සිද්ධිය වෙනකොට උදේ 5.45 ට විතර ඇති. මං සීරුවට පුංචි බැටරියක ආලෝක ධාරාවකින් මැස්ම කළා. රෝගියා දැන් සුවෙන් ඉන්නවා. වෛද්‍යතුමා මට එසේ කීවේ එය ඉතා සුළු සිද්ධියක් ලෙස සලකමිනි.

එහෙත් අපට එය බරපතළ පාඩමකි. චැනල් කරමින් අතිවිශාල මුදල් නියම කරන ඔපරේෂන්වලට තම හත්මුතු පරම්පරාවක් හම්බ කළ සල්ලි ඉල්ලන ඉන්ෂුවරන්ස් එක ඉවරනම් තම පෞද්ගලික රෝහලින් ලෙඩා රජයේ රෝහලට ගෙන යන්නට නියම කරන, ඔපරේෂන් කරන අතර වෙනත් බහුවිධ කාරණාවලට හිත යොමු කරන ඇතැම් ජීවක පරම්පරාවක් සිටින මේ රටේ එතුමා අපට පරමාදර්ශයකි. හිපොක්‍රටිස් නියමය රකින සැබෑ වෛද්‍යවරයෙකි.

ශල්‍ය වෛද්‍ය නාමල් ගමගේ ගැන මම අතිශයෝක්ති වර්ණනයක් නොකරමි. ප්‍රායෝගික ලෝකයෙන්ම එතුමා වීර්යවන්ත සැබෑ මානවවාදියකු බවට ඕනෑතරම් නිදර්ශන රෝගීන් අතරින්ම සොයා ගත හැක්කේය. එතුමා 98 වසරේ සිට 2015 මේ දක්වා ජීවිත 12,000 ක් ශල්‍ය වෛද්‍යකර්ම සිදුකැර සුවකළ ජීවකයෙකි. පුරා අවුරුදු 16 ක් හරිහැටි නින්දක් පවා නොලබා රජයේ වැටුපට කටයුතු කරන්නෙකි. පොරොත්තු ලේඛනයේ සිටින සුවහසක් ලෙඩුන් වෙනුවෙන් කඳුළක් හලන එකම වෛද්‍යවරයා බව මම දනිමි. එනිසා මුල් කාලයේ ඔහුට කිසිඳු ඉඩක් විශ්‍රාමයක් නොලැබුණේය.

එහෙත් දැන්නම් ඔහු සමග මහන්සිව කටයුතු කරන තවත් වෛද්‍යවරු දෙදෙනෙක් කරාපිටිය හෘද හා උරස් ශල්‍ය ඒකකයේ සිටිති. මුල් කාලේ යාපනයෙන්, ත්‍රිකුණාමලයෙන්, ‍කොළඹින් මතු නොව මහනුවරින් ද ලෙඩ්ඩු මෙහි ගෙන ආහ. ඒ මෙහි ඔපරේෂන් කටයුතුවල වේගවත්කම හා පරිස්සම නිසාය. පෞද්ගලික රෝහලක ලක්ෂ ගණනකට ඔපරේෂන් කිරීමට වඩා තම මවගේ අභිප්‍රාය අනුව අහිංසක දුප්පතුනට සේවය කිරීම මේ වෛද්‍යවරයාගේ පැතුමය. මේ සිදුවීමත් එක්කම එතුමන්ගේ අතීත කතාව ස්මරණය කිරීම වැදගත්ය. 2010 වසරේදී සිළුමිණ ජාතික පුවත්පතට මා ලියූ ‘මගේ අම්මා’ නම් හෘදයාංගම ලිපි සරණියේදී මෙතුමන් ගැන කියැවුණු කොටසක් නැවත ලියමි.

දුප්පතුනට සේවය කරන්ට මට උගැන්නුවෙ මගේ අම්මා. මං වෛද්‍ය විද්‍යාලයයට ඇතුළුවන කාලෙත් මගේ අම්මාගේ අතේ මැණික් කටුවේ ඇදයක් තිබුණා. ඒ ඇදය කෙසේ හෝ හරිගස්සන්ට ඕනෑ කියලා හිතලා මං ප්‍රාර්ථනා කළා. මට ‍ශල්‍ය වෛද්‍යවරයෙක් වෙන්ට ලැබේවා` යි කියලා. අම්මත් ඒ පැතුමෙන් හිටියෙ. මගේ ජීවිතේ බොහෝ පිරිසක් අම්මලා පුංචි දරුවන් මං ඔපරේෂන් කරලා සුව කරපු අවස්ථා තිබුණා. තිඛෙනවා. එහෙත් මගේ වෛද්‍ය ජීවිතයේ මා වඩාත්ම සතුටු වෙච්ච දවස මගේ අම්මාගේ අත ඔපරේෂන් කරලා අර පුංචි කාලෙ දුටු ඇදය හරිගැස්සු දවසයි.

ඇයි` මේ ලෙඩා හෙණ ගහන වැස්සේ කළුවරේ ඔපරේෂන් කරලා ගලවාගත්ත එක ගැන සතුටු නැද්ද? මම ඇසුවෙමි. මොකෝ නැත්තෙ, මම හරිම සතුටුයි. ඒත් වෛද්‍යවරයෙක් වශයෙන් ඒක මගේ රාජකාරිය. මේක ඒ අතරින් එක අවස්ථාවක් විතරයි.

ඔබතුමා වඩාත්ම සසල වූ දවස් ඇද්ද?

අපේ වෛද්‍ය කර්ම‍යන්ගේ ප්‍රතිඵල නැතිව ලෙඩ්ඩු මැරුණාම අපට හිතට කරදරයි. කනගාටුයි. පුංචි දරුවන් ගැන අහිංසක දුප්පත් වයසක අම්මලා ගැන ඔබ අහනවා. ඒ වගේ වෙච්ච අවස්ථා නැති තරම්. ඒත් පොරොත්තු ලේඛනය දිග වැඩියි. 1000 ක් විතර ලෙඩ්ඩු ඉන්නවා දවසකට ඔපරේෂන් 10 ක් කරන්ඩ බෑ. සමහර දිනට මා කියනවා අහවල් දවසෙ අහවල් ලෙඩාව ඔපරේෂන් එකට එන්ඩ කියලා ඒ ලිපිනයට ලියුම් යවන්ඩ. දුරකථන ඇමතුමක් දෙන්ට කියලා. සමහර විටක එහෙම ඔපරේෂන් එකට ගන්ඩ සූදානම් වුණු ඇතැම් අම්මා කෙනෙක්, තාත්තා කෙනෙක්, දුවෙක්, පුතෙක් පොරොත්තු ලේඛනය අනුව ගෙන්වන්ඩ ගියාම ඒ ඥාතින් මා හමුවෙලා කියනවා ඩොක්ටර් අම්මා මැරිලා දැන් තුන් මාසෙත් ‍ඉවරයි කියලා. අන්න` ඒ වෙලාවට මගේ හිත හුගාක් සසල වෙලා තියෙනවා. මේ අම්මා මිය ගියේ අපේ අඩුපාඩුකමක් නිසා නොවුණත්, ඒකට අපත් සම්මාදම් වුණා ද කියලත් හිතෙනවා. එහෙම අපට ඇති පහසුකම්වලට මේ එන ලෙඩ්ඩු ප්‍රමාණයට ඔක්කොම ඔපරේෂන් කරගන්ඩ බෑ. ඒකට කාලයක් යනවා.

මේ දොස්තර සංවේදිය. අවංකය. අවංක මිනිසාගේ කැමැත්ත මිලදී ගැනීමට මුළුමහත් විශ්වයම අපොහොසත් යැයි වරක් නීග්‍රෝ ජාතිකයන්ගේ අසහාය නායක මාටින් ලුතර් කිං කීවේය. මේ ජීවකයා සල්ලිවලට ගන්නට බහුවිධ පෞද්ගලික වෛද්‍ය ව්‍යාපාරවලට බැරිය. ඔහු අහිංසක ජනතාව වෙනුවෙන්ම කැපවී හිඳී. එතුමාගේ අවංකකම ගැන දොරමඩලාව, අමාදහර වැනි වැඩසටහන්වලදී පේරාදෙණිය සරසවියේ සිංහල අධ්‍යයන අංශයේ ජ්‍යෙෂ්ඨ කථිකාචාර්ය අත්තනායක එම්. හේරත් මහතා නිතර කතා කරයි.

ඒ කාලයේ වෛද්‍ය නිවාසයේ සිට අරුණැල්ලේම පිබිද හෙතෙම බයිසිකලයක් පදිමින් තම කුඹුරට ගියේය. අද එතුමා පදිංචිව සිටින්නේ ද ඒ කුඹුරු යාය අද්දරමය. කෘමිනාශක පොහොර යොදා සතුන් මරනවාට විරුද්ධ මේ වෛද්‍යවරයා කාබනික පොහොර යොදා ගනිමින් වී බුසල් 12 ක වපසරියකින් යුතු අක්කර 6 ක කුඹුරක්, කුඹුරට බැස අස්වද්දන්නෙකි. ඊට ගැමියෝ ද උදව් උපකාර කරති. ඒ අනුව ලංකාවේ එකම දොස්තර ගොවියා ද නාමල් ගමගේ මහතා විය යුතුය. පැහෙන කිරි වැදෙන වී කරල් තම කුඹුරේ නැළවෙන කාලයට සකලයන් හඹා යන (කුරුල්ලන් එළවා දමන) මේ දොස්තර ජීවිතය ද නිවැරැදිවම හඹා යන්නෙකි.

යම් හෙයකින් අඳුරේ කටයුතු කරන්නට බැරියැයි ශල්‍ය වෛද්‍යවරයා කීවානම් එය කෙතරම් බරපතළ ඛේදවාචකයක්දැයි මම ඔඛෙන් අසමි. ජාතීන් අතර සංහිඳියාව ද සුරකින මුස්ලිම් මහතකුගේ ජිවිතය වෙනුවෙන් තම රාජකාරිය අකුරට ඉටුකළ මේ වෛද්‍යවරයාට ජාතියේ ප්‍රණාමය හිමිවිය යුතුය.