Blog

 

හර්ෂණ මොකක්ද මේ ෆේස්බුක් අවනඩුව?

මම ෆේස්බුක් එකේ නැහැ. මගේ බිරිඳ වොල්ගත් නැහැ. නමුත් අපේ පිංතූර දාගෙන කවුදෝ පෙනී සිටිනවා. මගෙ යාළුවො එහෙම හමුවුනාම ආ ඔයා ඊයේ චැට් කළානෙ අපි එක්ක. ඇයි අර වගේ පිංතූර එහෙම දාන්නෙ කියලා ඇහුවාම තමයි අපි ඒ සිදුවීම දැනගත්තෙ. කොහොම හරි මම යාළුවන් හරහා අපේ ආදරණීය පේ‍්‍රක්‍ෂකයින්ව දැනුම්වත් කළා. කවුරු නමුත් මායි වොල්ගයි ජීවත්වන විදියට ඊර්ෂ්‍යා කරන මානසික අසහනකාරී කෙනෙක් තමයි එහෙම කරනවා ඇත්තෙ. මොකද යහපත් මිනිසෙක් කවදාවත් අනෙක් කෙනෙකුගේ ජීවිතයට අගෞරවයක් වන විදියට කටයුතු කරන්නෙ නැහැ.

තරහකාරයින් ඔබට ඉන්නවද?

මම දන්නා තරමින් නම් එහෙම නැහැ. මම හිතන්නෙ එහෙමයි. ඒත් තරහකාරයින් ඉන්නවා නම්? ඒ අපි දෙන්නගෙ හැකියාවට, ඉන්න විදියට ඊර්ෂ්‍යා කරන නිසා වෙන්න ඇති.

වොල්ගා ඔබට තරහකාරයින් ඉන්නවද?

මට පුද්ගලිකව තරහාකාරයෝ කියලා හිටියෙ නැහැ. ඒත් අපි දෙන්නගෙ විවාහයෙන් පසුව, කසාදයක් කරගන්න බැරි, හරිහමන් බිරිඳක් නැති, රස්තියාදුකාර චරිත තමයි ඔය විදියට කරනවා ඇත්ත. ලස්සන පවුල් ජීවිතයක් ගත කරන කෙනෙක් නම් කවදාවත් ඔය වගේ පහත් වැඩ කරන්නෙ නැහැ. තමන්ට දෙයක් කර ගන්න බැරි මිනිස්සු තමයි ඔහොම කරන්නෙ.

‘වොල්ගා’’ ඔබ හර්ෂණ එක්ක විවාහයට පෙර ඒ කාලයේ ජීවිතය ගත කළ හැටි සිහිපත් කළොත්?

පාසල් කාලයේදි මම ටිකක් දඟකාර චරිතයක් වුණා. ඒත් වැරදි වැඩ මොනවත් කළේ නැහැ. මගේ මිතුරියකට පෙම්වතෙක් සිටියා නම්? අනේ මටත් පෙම්වතෙක් හිටියොත් හොඳයි කියලා හිතිච්ච අවස්ථා තිබුණා. ඒත් මගේ ජීවිතයේ මට මගේ තාත්තා වගේ රැකවරණය, සෙනෙහස ඇතිව මට ආදරය හිමිවුණේ හර්ෂණගෙන්. ඒක මගේ ප‍්‍රථම පේ‍්‍රමය වගේම විවාහයෙන් කෙළවර වුණා. ඒ ගැන ඇත්තටම හරිම සතුටුයි. මගේ තාත්තාගෙන් පසුව ඒ ගුණාංග ඇති මා දුටු එකම පිරිමියා හර්ෂණයි. මට දැඩි ලෙස ආදරය කරනවා.

‘‘හර්ෂණ’’ ඇයි දැඩි ලෙස ආදරය කරන්නෙ?

විවාහ ජීවිතයට එළැඹුනාම දෙදෙනාට දෙන්නාම විතරයි. අම්මා – තාත්තා වගේම වටපිටාවේ සිටි ඥාතීන් පවා අපෙන් දුරස් වෙනවා. නමුත් ජීවිතේ වැටීම්, නැගිටීම්, දුක – සැප, පරාජයන් මේ සියල්ල වගේම අසනීපයක් වුණත් අන්තිමට ළඟ ඉන්නෙ බිරිඳ විතරයි. වොල්ගා කවදාවත් වෙනස්වන කෙනෙක් නෙවෙයි. එයාටත් ආදරය ගොඩාක් අවශ්‍යයි. කවදාවත් එයා එහෙම වෙනස් වන කෙනෙක් නෙවෙයි. එයා මට පුදුම විදියට ආදරෙයි. අපි දෙන්නට දෙන්නා නොසෑහෙන්න ආදරය කරමින් තමයි ජීවත් න්නෙ. මැරෙන මොහොතෙන් අපි දෙන්නට දෙන්නා ඒ විදියට බැඳී සිටිය යුතුයි කියලයි අපි දෙන්නා හිතන්නෙ.

දැන් ඔබ දෙපෙළගෙ විවාහයේ පළමු සංවත්සරය සමරන්න නේද සූදානම් වන්නෙ?

මේ මැයි මාසෙට අපි විවාහ වෙලා අවුරුද්දයි. ඒක ඇත්තටම අපි සමරන්න තමයි හදන්නෙ.

‘‘වොල්ගා’’ මොන විදියට එය සමරන්නද හදන්නෙ?

සමහර වෙලාවට අපේ යාළුවො විහිළුවට අහනවනෙ ‘‘ආයෙ බඳින්නෙ නැද්ද?’’ කියලා. ඉතින් අපි මොකක්ද කරන්න හදන්නෙ කියලා දැන්ම කියන්නෙ නැහැ. මැයි මාසයේදි ඒ ගැන කියන්නම්.

වොල්ගා, සැමියා ගැන අද ඔබට හැ‍ඟෙන්නෙ මොන විදියටද?

අපි දෙන්නගෙ හමුවට වසර ගණනාවක් වෙනවා. කුඩා කාලයේදිම අපි දැන ගෙන හිටියා. පසු කාලයක යාළුවෝ වුණා. ඉන්පසුව පෙම්වතුන් වුණා. දැන් විවාහකයි. අමුත්තක් නැහැ.

එදා ඉඳලා දැකලා – දැකලා එපා වෙලා නැද්ද කියලා කවුරුහරි ඇහුවොත්?

ඒක තමයි ප‍්‍රශ්නෙ. හර්ෂණ කියන්නෙ හරියට ඊයේ හමුවුණා වගේ කියලයි. ඒක ඇත්තටම හරි පුදුම දෙයක්. හර්ෂණ හරි නිර්මාණශීලීි චරිතයක්. ඉතින් අපි දෙන්නගෙ ආදරය පවා අර්ථාන්විත කරන්න එයාට පුළුවනි. අනෙක අපි දෙන්නා යාළුවොත් වගේනෙ. ඒ නිසා හරි ප‍්‍රීතිමත්.

හර්ෂණ එය ඔබට හැගෙන්නෙ මොන විදිහටද?

ජීවිතයේ නිතරම දකින කෙනා එපාවෙනවා. කරන දේ එපා වෙනවා. ඔන්න එතකොට තමයි වෙන වෙන දේ කෙරෙහි හිත ගිහින් ජීවිතය විනාශ වන්නෙ. ඒ නිසා එක දිගට අපට ෂූටිං ගිහින් ඉඳලා මහන්සි නම් ඒක ඒකාකාරි වගේ නම් එක පාරටම අපි දෙන්නා කොහේ හරි සංචාරයක යෙදෙනවා. ඒක කලින් ප්ලෑන් කරලා කරන දෙයක් නෙවෙයි. ජීවිතය ඒ විදියට ගත නොකළොත් තමයි ඒකාකාරී වෙන්නෙ. ඒකාකාරී නොවීමට අපිට සැළැස්මක් අවශ්‍ය නැහැ. නමුත් යම්කිසි ක‍්‍රමවේදයක් අවශ්‍යයි.

දවස සැළසුම් කරගෙනද ජීවිතය ගත කරන්නෙ?

අනිවාර්යයෙන්ම අපි දෙන්නා හෙට දවස අද ප්ලෑන් කරනවා. ඒ කාල සටහනට අනුව ගියාම හරි ලෙහෙසියි.

හර්ෂණ කැමතිම කෑම වේල වොල්ගා හදනවා වගේම වොල්ගා කැමති කෑම වේලත් හර්ෂණ හදලා දෙනවා කියන්නෙ?

ඔව්. ඒක අපි දෙන්නා කැමැත්තෙන් කරන අවස්ථා තියෙනවා. ඕක නිතරම සිද්ද වෙන්නෙ නැහැ. මාසයකට සැරයක් වගේ වෙන්නෙ. නැත්නම් බොහෝ දවස්වලට අපි එක්කෝ අපේ අක්කලගෙ ගෙදරින් කන්නෙ. මොකද කාර්ය බහුල නිසා. පිටතින් අවන්හලකට ගිහින් කෑම කන්නෙ නැහැ කියලා කොච්චර ප්ලෑන් කළත් අපි දෙන්න කාර්ය බහුල වුණොත් එළියට ගිහින් කෑම කාලා එනවා.

ඒ වගේ අවස්ථාවලදි දෙන්නගෙ රුචි – අරුචිකම් මොන වගේද?

මම කැමතිදේට වඩා වොල්ගා කැමති දේ වෙනස්. ඉතින් එයා කැමති වට්ටෝරුව ඕඩර් කළාම අන්තිමට මගේ කෑම එකත් එයා කනවා. දෙන්නාම ඔහොම තමයි ඉතින්. අන්තිමට වෙලාවකට එයා ඕඩර් කළ එක මම කනවා. දෙන්ටම හිනා ඉතින්.

දෙන්නා ළඟ පැරණි ගීත එකතුවකුත් තියෙනව නේද?

ඔව්. දෙන්නගෙම තේරීම් බොහෝ වෙලාවට එක වගේ වෙනවා.

සටහන සඳුන් ගමගේ

වික්ටර් රත්නායක ට පසුව මේ දින වල නිතරම කතා වන්නේ සාරංග උමාලි ආදර කතාන්දරයේ  තැන තැන ඇහෙන එක එක කතායි… මේ පිළිබඳව සාරංග ප්‍රථම වතාවට තම අදහස් දක්වා තිබෙනවා. හැබැයි ඔහු නම් කියන්නේ ඔහුගේ  පෞද්ගලිකත්වය සොයනවාට වඩා ඔහුගේ  නිර්මාණ රසවිදින්න කියලයි..

මේ ඒ සාකච්ඡාවයි….

සාරංග මොනවද මේ දවස්වල මෙල්බන්වල කරන්නේ?

මෙල්බන්වල ‘ටෙලිතරු රැයක්’ නමින් ප්‍රසංගයක් තිබුණා. ටෙලිනාට්‍ය රංගන ශිල්පි ශිල්පිනියන් සහභාගි වී ඔවුන්ගේ දක්ෂතා සහ මිත්‍රත්වය මෙල්බන් රසික රසිකාවියන් සමග බෙදාහදා ගත් ප්‍රසංගයක් ඒක. මමත් එම ප්‍රසංගයට සහභාගී වුණා.

මේ දිනවල ඔබ සහ ඔබගේ බිරිඳ උමාලි සම්බන්ධයෙන් විවිධ මාධ්‍ය ඔස්සේ පැතිරී යන පුවත් අප්‍රමාණයි. ඒ ගැන මොනවද ඔබට කියන්න තියෙන්නේ?

මම ඒ සම්බන්ධයෙන් දැනට කිසිම දෙයක් කියන්න සූදානමක් නැහැ. මොකද, නිසි කාලය ඉදිරියේදී එනවා මම එදාට කතා කරන්නම්.

ඔබත් උමාලිත් වෙන්වන්නට සියල්ල සූදානම් බවට කතාවක් පැතිරෙනවා. සුන්දර විවාහයක් ගතකරන අහිංසක පවුලක් විදිහටයි මුළු රටම ඔබ දෙපළ හඳුනාගෙන සිටියේ. මේවා පිටුපස තිබෙන බාහිර බලවේග මොනවාද?

ඒ බලවේග මොනවද කියලා නිවැරදිව හඳුනා නොගෙන කාටවත් චෝදනා කිරීම සාධාරණ නැහැ. නිසි කාලය පැමිණියාට පසු මගේ රසික රසිකාවියන්ට සහ මාධ්‍යයට සියල්ල හෙළිකරන්න පුළුවන් වෙයි. මේක ඊට සුදසු කාලය නොවෙයි.

ඔබගේ බිරිඳ උමාලිට තවමත් ඔබ ආදරෙයිද?

ඔව්. මම එයාට ආදරෙයි.

උමාලිත් ඔබට ආදරෙයිද පෙර වාගේම?

උමාලිත් ආදරෙයි.

ඔබගේත් උමාලිගේ පවුල් ජීවිතය විනාශ කරන්න කාටවත් බැහැ නේද?

එහෙම කරන්න කාටවත් බැහැ. නමුත් කොයිකාගේ වුණත් පවුල් ජීවිත තුළ ප්‍රශ්න ඇතිවෙන්න පුළුවනි. ඒවා දෙන්නා දෙමහල්ලෝ සාකච්ඡා කරලා විසඳාගන්න ඕන දේවල්නේ. මමත් උමාලිත් අනිත් අය වගේම සාමාන්‍ය පවුලක්. අපි අසාමාන්‍ය මිනිස්සු නොවෙයි. ඉතින් යම්, යම් ප්‍රශ්න පවුල්වල හටගත්තම ඔවුන්ගේ වැඩිහිටියන්වත් සම්බන්ධ කරගෙන ප්‍රශ්න විසඳාගන්න ඕනේ කියන ස්ථාවරයේ තමයි මම ඉන්නේ.

මෙවැනි තත්ත්වයක් තුළ ඔබගේ සසලවීමක් දකින්න නැති බවයි මට පෙනෙන්නේ.

ඇයි මම සසල වෙන්නේ. මම බෞද්ධ දර්ශනය අනුව බුදු දහම අදහන පුද්ගලයෙක්. අටලෝ දහම ගැන මට යම් දැනීමක් තිබෙනවා. කොයිම දෙයකින්වත් මම හිස උදුම්වා ගන්නේ නැහැ. මම වැටෙන්නෙත් නැහැ. මාව වට්ටන්නත් බැහැ. අපිට කීර්ති, ප්‍රශංසා ලැබෙනකොට අනිත් පැත්තෙන් විසිවෙන ගල්, මුල් ගැනත් අවබෝධයෙන් ඉන්න ඕනේ. අපහාස, චෝදනා මොනතරම් මිනිසුන් පසුපස ලුහුබඳිනවද? මට ඒ ගැන නිසි අවබෝධයක් තිබෙනවා. කිසි වෙලාවක මම කලබල වෙන්නේ නැහැ. කාලයට ඉඩදී ඉතා පැහැදිලි තීරණ ගන්නවා.

ලංකාවේ ‘ඕපදූප කලාවක්’ බිහිවෙලා ප්‍රසිද්ධ චරිත ඝාතන කරනවා යැයි සමහරු කියනවා. ඔබට ඒ ගැන තිබෙන අත්දැකීම් මොනවාද?

අපි ප්‍රතිචාර දක්වන විදිහට තමයි ‘ඕපදූප කලාවට’ අත්තටු ලැබෙන්නේ. ඒවා රසවිඳින පිරිසකුත් ඉන්නවනේ. ඒ රසඥතාව අපට වෙනස් කරන්න බැහැ.

ඒ ඒ පුද්ගලයන්ගේ සමාජ තත්ත්වයන් අපට වෙනස් කරන්නත් බැහැ. මේ තත්ත්වය ප්‍රයෝජනයට ගනිමින් ඉතා සාර්ථක ආකාරයට ‘ඕපදූප කලාවෙන්’ මුදල් හම්බ කරගන්න පිරිසකුත් බිහිවෙලා ඇති. මට ඒ කිසිවක් අදාළ නැහැ. මම අවධානය යොමුකරන්නේ මගේ රාජකාරිය ගැනයි. මගේ වෘත්තීය කටයුතුවලට කිසිම බාධාවක් නොකර ගෙන ජීවිතය ඉදිරියට ගෙන යාමයි මගේ අරමුණ.

ඔබ කලකිරීමෙන්ද කතා කරන්නේ?

නැහැ. ඕනෑම ඕපදූපයකට ආයුෂ තියෙන්නේ සතියයි. නැත්නම් සති දෙකයි. ඕපදූප හදන සහ රසවිඳින සියලු දෙනාට අලුත් ඕපදූපයක් සති දෙක අවසානයේදී ලැබෙනවා. පරණ කතා අමතක වෙනවා. නමුත් ඒ කිසිම කෙනෙක් අපේ ජීවිත සමග ගැටගැසී නැහැ. ඒ අනුව බලනවිට බොහෝම සරල, සුන්‍ය අර්ථයක් නේද ‘ඕපදූප කලාවට’ තිබෙන්නේ.

ඔබගේත් උමාලිගේත් වෙන්වීම සම්බන්ධයෙන් ඔබ දෙපළට ඇලුම්කරන රසික රසිකාවියන් බොහෝ කලකිරීමෙන් පසුවන අවස්ථාවක් මේක. මොනවද ඔබට ඔවුන් වෙනුවෙන් පැවසීමට තිබෙන්නේ?

ඔබලාගේ පවුල්වල වාගේම දෙන්නා දෙමහල්ලෝ අතරේ හටගත් ප්‍රශ්නයක් විතරයි මේක. මේ ප්‍රශ්නය ඔබලාගේ ප්‍රශ්නයක් කරගන්න එපා කියලා කාරුණිකව ඉල්ලා සිටිනවා. මගේ පෞද්ගලිකත්වය සොයනවාට වඩා මගේ නිර්මාණ රසවිඳින, ඒවා විවේචනය කරන පිරිසක් බලන්න තමයි මම කැමැති. මගේ පෞද්ගලිකත්වය ගැන සොයනවාට වඩා මගේ නිර්මාණ සම්බන්ධයෙන් වද විඳින ප්‍රේක්ෂක පිරිසක් මට අවශ්‍යයි.

 

දෙමසකට පමණ පෙර අගර දගර සුරතලිය ලෙසින් ප්‍රසිද්ධියක් ලබා ඇති ලංකාවේ සුප්‍රසිද්ධ යොවුන් ජනප්‍රිය නිලියක් කොල්ලුපිටියේ සුපිරි නවාතැන් පොළක ලිංගික කටයුත්තක නිරතවෙමින් සිටියදීම අත්අඩංගුවට ගෙන ඇති බව ඔබ දන්නවා ඇති. පැයකට 75000 පමණ ඉහල මුදල් අගයන් වලට ලිංගික කටයුතු වල නිරත වූ වර්තමානයේ චිත්‍රපට නිලියන් අතරින් ඉදිරියෙන්ම සිටින මෙම නිළිය වර්තමානයේ අවිස්සාවේල්ල ආසනයේ පළාත් සභාව නියෝජනය කරන සන්ධාන ප්‍රබලයෙක් සමගින් වෙසෙන අතර ඇයව දේශපාලණ කටයුතු වලටද සම්බන්ධ කරගැනිමේ සුදානමක් ඇති බව අපට වාර්තා වේ..

සෝමාලියාවේ ‘ෆෝස් ‘ එකෙන් ‘ඇටෑක්‌’ කළ විට
මුහුදු කොල්ලකරුවන් අපිව එළියට දැම්මා
උඹලා ඔක්‌කොම මරනවා කියා තර්ජනය කළා
ඒරිස්‌ 13 නැවේ සිටි ප්‍රධාන නිලධාරි රුවන්

සෝමාලියාවේ  ෆෝස්  එකෙන් ඇටෑක්‌ කළ හැම මොහොතකම මුහුදු කොල්ලකරුවෝ අපව එළියට දැම්මා. ඒ හැම වෙලාවකම මුහුදු කොල්ලකරුවෝ “උඹලා ඔක්‌කොම මරනවා” කියා තර්ජනය කළා යෑයි පැහැරගත් ඒරිස්‌ 13 නැවේ සිටි ප්‍රධාන නිලධාරී රුවන් සම්පත් මහතා මාධ්‍ය සමඟ දුරකථනයෙන් සම්බන්ධ වෙමින් පැවැසීය.

තමන් මුහුණ දුන් අත්දැකීම් පිළිබඳව වැඩිදුරටත් අදහස්‌ දැක්‌වූ රුවන් සම්පත් මහතා මෙසේද පැවැසීය.

අපව මුදා ගැනීමට මැදිහත්ව සහයෝගය දුන් ජනාධිපතිවරයාටත් විදේශ අමාත්‍ය මංගල සමරවීර මහතා ඇතුළු රජයේ මැති ඇමැතිවරුන් ඇතුළු සියලුදෙනාට බෙහෙවින් ස්‌තුතියි.

මුලින්ම 13 හවස තමයි ඒ ගොල්ලෝ ඇටෑක්‌ කරලා අපිව අල්ල ගත්තේ. ඒ ගොල්ලන්ගේ ලෑන්ඩ් එක පැත්තට අරන් ගියා අපේ නැව. ඒ අය අතේ ආයුධ තිබ්බා ගොඩක්‌. ඊට පස්‌සෙ එතැනට වෙන ටීම් එකක්‌ ආවා. ඒ ටීම් එකට ඒ ගොල්ලෝ භාරදුන්නා. මේ ගොල්ලෝ දැන ගත්තා මෙහෙ ආමි එක ඇටෑක්‌ කරනවා. ඒ කියන්නේ බෝට්‌ටු වටේ කරකැවෙනවා කියලා. ඊට පස්‌සේ වෙන තැනකට අපේ නැව අරන් ගියා රෑම, ලයිට්‌ ඔක්‌කොම ඕෆ් කරලා. නැවේ නැවිගේෂන් ඕෆ් කළා. ඊට පස්‌සේ ඒත් අපේ නැවේ තියෙන ඒ අයි එක එහෙම ඕෆ් කළේ නැහැ. හොරෙන් කවර් කරලා තිබුණේ.

ටික වේලාවකින් වෙනම ටීම් එකක්‌ ආවා ෆලූලා කියලා. ඒ අය ඇන්කර් එකට නැග්ගා. එතැනින් තව ටීම් එකක්‌ ඇවිල්ලා ඒ ගොල්ලෝ බාර අරගෙන ඇන්කර් කළාම තමයි ෆෝස්  එකෙන් ඇටෑක්‌ කළේ. ඇටෑක්‌ කරන හැම වෙලාවෙම අපිව එළියට දැම්මා. ඒ ගොල්ලෝ ඇටෑක්‌ කරන වෙලාවට “උඹලා ඔක්‌කොම මරනවා” කිව්වා. මානසික අතින් තමයි හුඟක්‌ වැට්‌ටුවෙ. එක පාරක්‌වත් ගැහුවේ නැහැ. කෑම බීම එහෙම නම් එච්චර ලොකුවට ලැබුණේ නම් නැහැ. අපේ කෑමත් තිබ්බා. ඒවත් ඒ ගොල්ලෝ අරගෙන ගියා. කිසිම දෙයක්‌ ඉතුරු කරලා ගියේ නැහැ. අපිට නම් ඉතින් ඩැමේඡ් එකක්‌ වුණේ නැහැ. නැවට පොඩි පොඩි ඩැමේජස්‌ තිබ්බා.

මේ මුහුදු කොල්ලකරුවන්ටම ඇටෑක්‌ කරන්නට සෝමාලියාවේ ස්‌පෙෂල් ෆෝස්  එකක්‌ තියෙනවා. ඒක සෝමාලියන් ෆෝස්  එකක්‌. ඒ ගොල්ලො තමයි අපිව බේර ගන්න ඇටෑක්‌ කළේ. ඊට පස්‌සෙ කොල්ලකරුවො බැහැලා ගියාට පස්‌සේ අපි නැව එළියට ගත්තා. ගන්නකොට මේ ගොල්ලෝ අපේ නැවට ඇවිල්ලා නැව බාර අරගෙන අපිත් එක්‌ක මේ එන ගමන් තමයි ඉන්නේ.

විශේෂ කොමාන්ඩෝ ඒකකය වට කරලා ගහද්දී මුහුදු කොල්ලකරුවන්ට කරකියා ගන්න දෙයක්‌ නැති වුණා. ඒ හැම මොහොතකම උන් අපව පලිහක්‌ විදිහට පාවිච්චි කළා. රාත්‍රි 9.00 ට පමණ වෙද්දී ඔවුන් නැවේ තිබුණු දේවල් අරන් පැනලා ගියා.