යාපනය චාවකච්චේරි මද්දුවිල් ප්රදේශයේදී පසුගිය 2017 වසරේ දෙසැම්බර් මාසයේ සිදුවූ රිය අනතුරකින් මිය ගිය කොනේස්වරන් ගාරුසන් නැමති සිසුවා 2017 සාමාන්ය පෙල විභාගයේ ප්රතිඵලයන්යන්ට අනුව ඒ- සාමාර්ථ 9 ක් ලබාගෙන ඇත.
යාපනය මද්දුවිල් කමලාසිනි විදුහලේ ඉගෙනුම ලැබූ මෙම 17 හැවිරිදි මෙම සිසුවාගේ විභාග ප්රතිඵල විශිෂ්ඨ අයුරින් පැවතීම හේතුවෙන් දෙමාපියන් ඇතුල ඥාතීන් මෙන්ම ගම්මානයම ඉතා ශෝකාකූලව සිටින බවට කොඩිකාමම් පොලීසිය වැඩි දුරටත් කියා සිටියේය.
අගමැති රනිල් වික්රමසිංහ මහතාට එරෙහිව පාර්ලිමේන්තුවට ඉදිරිපත්ව ඇති විශ්වාසභංගයට සහය පළකරමින් ප්රධාන කරුණු කිහිපයක් මුල්කරගෙන නුවර සිට කොළඹට පා ගමනක් සංවිධානය කොට ඇත.
අග්රාමාත්යවරයා විසින් ඒකාධිපතියෙකු ලෙස තම ගජ මිතුරු සමාගමට රටේ පොදු දේපළ හා රටේ වටිනා කියන මුල්ය ආයතන කොල්ල කන්නට ඉඩදෙමින් කරගෙන යන ගජ මිතුරු පාලනය අවසන්කොට රට තුල ශක්තිමත් ආර්ථිකයක් ඇතිකළ හැකි අග්රාමාත්යවරයෙක් තෝරා ගැනීමට බල කිරීම මෙම පා ගමනේ අරමුණ බව සංවිධායකයන් පවසයි.
යහපාලනය පැමිණ වසර තුනක් ගත වුවද රටේ මහජනතාව බලාපොරොත්තු වූ කිසිදු යහපත් දෙයක් සිදුවී නොමැති බව ප්රකාශ කරන ජනබල අරගල ව්යාපාරය තමන් ප්රධාන කාරණා කිහිපයක් මුල්කර ගනිමින් මෙම පා ගමන සංවිධානය කල බව ප්රකාශ කරයි. එනම්,
යන්න එම සටන් පාඨයි.
“ ජනබල අරගලය ” ව්යාපාරය මෙය සංවිධානය කිරන අතර තමන් මූලිකත්වය ගත්තද මේ සදහා රටේ තිබෙන සියලුම දේශපාලන සංවිධානවලට විවෘත ආරාධනයක් කර ඇති බව ඔවුන් පවසයි.
අගමැති රනිල් වික්රමසිංහ මහතාට එරෙහි විශ්වාසභංග යෝජනාව පරාජය කිරීම සඳහා ඡන්දය ලබාදීමට එක්සත් ජාතික පක්ෂ කෘත්යාධිකාරී මණ්ඩලය ඊයේ (29 දා) ඒකමතිකව තීරණය කර ඇත.
විශ්වාසභංගය විවාදයට පසුදිනම එනම් 6 සහ 7 යන දිනවල පක්ෂ ප්රතිසංවිධාන කටයුතු සිදුකිරීමටත් එජාප නායක අග්රාමාත්ය රනිල් වික්රමසිංහ මහතාගේ ප්රධානත්වයෙන් සිරිකොත පක්ෂ මූලස්ථානයේ ඊයේ පැවැති විශේෂ කෘත්යාධිකාරී මණ්ඩල රැස්වීමේදී තීරණය කර ඇති අතර පක්ෂ ප්රතිසංවිධාන කටයුතු විශ්වාසභංග යෝජනාවට පෙර 1 සහ 3 යන දිනවලදී සිදුකළ යුතු බවට පාලිත රංගෙ බණ්ඩාර, සුජීව සේනසිංහ, නියෝජ්ය ඇමැතිවරුන් ඇතුළු කිහිප දෙනකුම එහිදී යෝජනා කර ඇත.
ඊට අමතරව 2020 ජනාධිපතිවරණය සඳහා පොදු අපේක්ෂකයකු වෙනුවට අනිවාර්යයෙන්ම අලියා ලකුණ යටතේ එක්සත් ජාතික පක්ෂ අපේක්ෂකයකු ඉදිරිපත් කළ යුතු බවටද ඔවුන්ගේ අදහස වී ඇති අතර තවදුරටත් බොරු නොකොට පක්ෂ ප්රතිසංවිධාන කටයුතු කඩිනමින් සිදුකොට පක්ෂයේ පැහැදිලි වෙනසක් කළ යුතු බව කෘත්යාධිකාරී මණ්ඩලයේ අදහස වූ බව සුජිව සේනසිංහ මහතා මාධ්යට පැවැසීය.
මේ අනුව විශ්වාසභංග යෝජනාව පරාජය කර ඊට පසුව පක්ෂ ප්රතිසංවිධාන කටයුතු සිදුකිරීමට අවසානයේදී තීරණය වී ඇත.
පක්ෂය තුළ සිදුවිය යුතු වෙනස්කම් පිළිබඳ නිර්දේශ කිරීමට පත්කළ රුවන් විජයවර්ධන කමිටුවේ උපදෙස් මෙන්ම ප්රාදේශීය සභා, පළාත් සභා නියෝජිතයන්ගේ සහ පාක්ෂිකයන්ගේ අදහස් සැලකිල්ලට ගනිමින් පක්ෂ ප්රතිසංවිධාන කටයුතු සිදු කරන ලෙස අගමැතිවරයා එහිදී පවසා ඇත.
මහ බැංකු සිද්ධිය සම්බන්ධයෙන් තිලක් මාරපන කමිටුවේ නිර්දේශයක් වන උපනායක තනතුරින් රවී කරුණානායක මහතා ඉවත් කළ යුතු බවට වන යෝජනාවද සාකච්ඡාවට ගෙන ඇති අතර එහිදී ඒ සම්බන්ධව නීතිපතිවරයා තවම නිසි තීන්දුවක් ගෙන නැති බැවින් ඒ පිළිබඳ තීරණය පසුවට ගැනීමට පක්ෂය තීරණය කළ බව එජාප කෘත්යාධිකාරී මණ්ඩල සාමාජිකයෙක් වැඩිදුරටත් පවසයි.
Facebook සමාජ ජාල අඩවියෙහි Partner Categories යනුවෙන් වර්ගීකරණය කොට ඇති දැන්වීම් ප්රචාරණ ක්රමවේදය අවලංගු කරන බව Facebook ආයතනය පවසයි.
මිල දී ගැනීමේ ක්රියාවලිය වැනි මාර්ග අපගත දත්ත එක්රැස් කර තම සේවා ලාභීන්ට සැපයීමට Experian සහ Acxiom වැනි ප්රමුඛ පෙළේ තෙවැනි පාර්ශ්වකාර ආයතනවලට මෙම ප්රචාරණ ක්රමවේදයෙන් ඉඩ ලබා දුන් අතර Cambridge Analytica විසින් Facebook පරිශීලනය කරන්නන් මිලියන 50ක් දෙනාගේ පෞද්ගලික තොරතුරු සොරාගත් බවට චෝදනා එල්ල වීමෙන් පසුව මෙම අවලංගු කිරීම සිදු කර ඇත.
මීට අමතරව තම දැන්වීම් ප්රචාරණ පහසුකම් අවභාවිතයට එරෙහිව Facebook ආයතනය ගත් තවත් එක් පියවරක් ලෙසින් මෙය සැලකේ.ඉදිරි මාස හයක කාලයේදී ක්රම ක්රමයෙන් සිදු කරනු ලබන මෙම අවලංගු කිරීමෙන්, Facebook පරිශීලනය කරන්නන්ගේ පෞද්ගලිකත්වය වැඩිදියුණු කිරීමට උපකාරී වනු ඇති බවට එම ආයතනය විශ්වාසය පළ කරයි.
ශ්රී ලංකාවේ මුල් පෙළේ විශේෂඥ ප්රජා වෛද්යවරයෙකු, කීර්තිමත් ලේඛකයෙකු සහ නිදහස් චින්තකයෙකු වන වෛද්ය ආරියසේන යූ ගමගේ මහතා මීට ස්වල්ප වේලාවකට පෙර අභාවප්රාප්ත විය.
කලක් රෝගාතුරව සිටි ඒ මහතා මිය යනවිට 65 වන වියේ පසුවූ අතර මාළබේ පෞද්ගලික රෝහලක ප්රතිකාර ලබමින් සිටියදී අභාවප්රාප්ත වී ඇත.සිය වෛද්ය වෘත්තියට අමතරව මුද්රිත සහ විද්යුත් මාධ්ය මගින් ජාතියේ සෞඛ්ය සංරක්ෂණය පිළිබඳ ජනතාව දැනුවත් කිරීමේ උදාර මෙහෙවරක යෙදුණු ඔහු බලවත් සේ රෝගීව සිටියදී පවා ග්රන්ථකරණයේ යෙදී ඇත.
අවසන් කටයුතු පසුව දැනුම් දෙනු ලැබේ.
ඇවන්ගාර්ඩ් පාවෙන අවි ගබඩාව සම්බන්ධව අපරාධ පරික්ෂණ දෙපාර්තමේන්තුව විසින් සිදුකරනු ලබන විමර්ශන සමිබන්ධයෙන් අවශ්යව සිටි හිටපු යුධ හමුදා කර්නල්වරයෙක් වන විජේතුංග තිලකරත්න යන අයව පොලිස් අපරාධ විමර්ශන ඒකකය විසින් අත්අඩංගුවට ගෙන ඇති බව පොලිස් මාධ්ය ප්රකාශක පොලිස් අධිකාරි රුවන් ගුණසේකර ප්රකාශ කර ඇත.
අත්අඩංගුවට ගන්නා ලද හිටපු හමුදා කර්නල්වරයාව අද (29) දින ගාල්ල මහේස්ත්රාත් අධිකරණයට ඉදිරිපත් කිරීමට නියමිත බව ඔහු වැඩිදුරටත් සඳහන් කලේය.
පිවිතුරු හෙල උරුමය පක්ෂ මූලස්ථානයේ පැවැති මාධ්ය හමුවකදී එම පක්ෂ නායකයන් මෙසේ අදහස් පල කලහ.
නියෝජ්ය නායක මධු මාධව අරවින්ද මහතා
මේ සියවසේ නෙවෙයි ලංකා ඉතිහාසයේම වෙච්ච විශාලතම තක්කඩිකම නැත්නම් හොරකම බැදුම්කර වංචාව සිදුවුනේ අපි ජීවත්වෙන මේ කාලයේදීයි. එහි අර්ජුන් මහේන්ද්රන් නැමැති සාධකය මිනිසුන්ගේ අවධානයෙන් ඉවත්කරන්න රජය විසින් විවිධ උත්සාහයන් දරමින් සිටිනවා. අර්ජුන් මහේන්ද්රන් පත්කිරීමේදී දිගින් දිගටම විවිධ පාර්ශවයන් අගමැතිවරයාට චෝදනා ගෙන ආවා ඔහුව පත්කරන්නට එපා කියලා.
නමුත් ඒ දිනවල නම් අගමැතිතුමන් ප්රසිද්ධියේ එතුමන් වෙනුවෙන් පෙනී සිටියා. මීට පෙර අවස්ථාවක අර්ජුන් මහේන්ද්රන් විදේශගත වීම පිළිබදව පාර්ලිමේන්තුවේදී අගමැතිවරයාගෙන් ප්රශ්නකල අවස්ථාවේදී එතුමන් කියා සිටියේ අර්ජුන් මහේන්ද්රන් තමාට හමුවූ අවස්ථාවේදී විදෙස්ගත වී එන බවට පැවැසූ බවයි. අර්ජුන් මහේන්ද්රන් උදයංග වීරතුංග මෙන් පැන ගියේ නැති බවයි. එදා එසේ අර්ජුන් මහේන්ද්රන් ගැන කතා කල අගමැතිවරයා මෙදා අර්ජුන් මහේන්ද්රන් විදෙස්ගතවීමෙන් පසු පවසන්නේ මොනවාද?
අපට මතකයි නුවර දිගන සිද්ධීන් අතරතුර ආණ්ඩුව අතුරුදහන්වූවන් පිළිබඳ කාර්යාලය බලපවත්වන තැනට මේ රජය කටයුතු ක්රියාත්මක කලා. අතුරුදහන්වූවන්ගේ කාර්යාලයට පිවිතුරු හෙළ උරුමය පලමු නඩුව ගේනවා. මොකද මේ වන විට අර්ජුන් මහේන්ද්රන් අතුරුදහන් වූ පුද්ගලයෙක්. මේ අතුරුදහන්වීම සම්බන්ධයෙන් අපට සැක අගමැතිවරයාවයි .
ප්රචාරක ලේකම් නීතිඥ තුෂාර දිසානායක මහතා දැක්වු අදහස්.
අගමැතිතුමාට එරෙහිව විශ්වාසභංග යෝජනාව කරළියට ඇවිල්ලා තියෙන වෙලාවේ දැන් අලුතෙන්ම පටන් අරගෙන තියෙන මාතෘකාව තමයි අගමැතිතුමාට විශ්වාසය පල කිරීම. කිරි ඇල්ල ඇමතිවරයා කියන විදිහට පළමු විනාඩි 15 තුළ අගමැතිවරයාට විශ්වාසය පළ කරපු මන්ත්රී සංඛ්යාව 85ක් කියලා. එතැනින් පස්සේ එක්සත් ජාතික පක්ෂයේ මන්ත්රී වරුන්ගේ විශ්වාසය පල වේලා ද නැද්ද කියලා අද ප්රශ්නාර්තයක් බවට පත් වෙලා තියෙනවා. 85ට එහාට අගමැතිට විශ්වාසය පල කළේ නැද්ද?
නමුත් පසුගිය වකවානුව තුල අගමැතිතුමා ගෙන ගිය වැඩ පිළිවෙළ අනුව නම් මේ රටේ ජනතාවට අගමැතිවරයාට විශ්වාසය පල කරන්නට හැකියාවක් නෑ කියන කාරණය අපි කියනවා. ඒ නිසා අප්රේල් මාසයේ 4වෙනිදා උදා වෙන්නේ අගමැතිවරයාගේ විශ්වාසය පල කිරීම කෙසේ වෙතත් ජනාධිපතිවරයා අගමැතිවරයා රකින්නේ ද? එක්සත් ජාතික පක්ෂය තම නායකයා රකින්නේ ද? ශ්රී ලංකා නිදහස් පක්ෂය මෙම ආණ්ඩුව රකින්නේ ද? නොයසේ නම් මේ රටේ ජනතාවට කන් දෙනවා ද යන ප්රශ්නයයි අප්රේල් 04 වෙනිදා ට විසඳා ගත යුත්තේ.
මෙබඳු සන්දර්භයක් තුල අපි පැහැදිලිව ම කියනවා මේ රටේ ජනතාව එක්සත් ජාතික පක්ෂය 29%කට බස්සලා පල කරපු විශ්වාසභංගය, මේ රටේ ජනාධිපතිවරයා මෙතෙක් ආර්ථික කටයුතු පාලනය කරමින් සිටි අගමැතිවරයාගේ ආර්ථික පාලනය සියතට ගෙන කරපු මෙහෙයුම තුල මේ රටේ ජනාධිපතිවරයාටත් මේ රටේ ජනතාවටත් එරෙහිව මේ රටේ පාර්ලිමේන්තුව ක්රියා කරයි ද කියන ප්රශ්නය අපි තුළ තියෙනවා.
ඉතින් මේ අගමැති රනිල් වික්රමසිංහ මහතා ගැන තව කුමන කතා ද? එතුමා තමයි පාර්ලිමේන්තුවේ හැන්සාඩ් ගත කෙරුවේ සබරගමුව, නැගෙනහිර සහ උතුරු මැද පළාත් සභා වල ඡන්දය මාර්තු මාසයේ 31 වෙනිදා ට පෙර තැබීමට එතුමන් බලාපොරොත්තු වන බව. එතුමා දින වකවානු දුන්නා. එතුමා පාර්ලිමේන්තුවේ හැන්සාඩ් ගත කළා. මාර්තු මාසයේ 22වෙනිදා වන විට පළාත් සභා සීමා නිර්ණය කිරීමේ කමිටු වාර්තාව පාර්ලිමේන්තුවේ අනුමැතිය සඳහා ඉදිරිපත් කරන්න න්යාය පුස්තකයට ඇතුලත්වෙලා තිබුණත් මාර්තු මාසයේ 22වෙනිදා ඒ න්යාය පුස්තකය අනුව කටයුතු කළේ නෑ. අද මේ රටේ පළාත් පාලන ඡන්දය දවසින් දවස කල් දමලා වසර තුනකට ආසන්න කාලයක් මේ රටේ ජනතාවගේ ප්රජාතන්ත්රවාදී අයිතිය අවහිර කරපු මේ ආණ්ඩුව දැන් පාළාත් සභා සීමා නිර්ණය කිරීම හරහා පළාත් සභා මැතිවරණය තුළ ජනතාවගේ ප්රජාතන්ත්රවාදී අයිතිය උල්ලංඝණය කරමින් ඉන්න බව අපි මේ අවස්ථාවේ අපි සිහිපත් කරන් ඕනේ.
අද ආණ්ඩුවේ පාර්ශව කරුවෙක් වෙච්ච මනෝගනේෂන් ඒවගේම රවුෆ් හකීම්,වැනි සුලු ජාතික පක්ෂ කණ්ඩායම් කිහිපයක්ම ප්රකාශ කරනවා පළාත් පාලන ආයතන වල අත්හදා බලපු මෙ නියෝජන ක්රමය අසාර්ථක බව. මැතිවරණ කොමිසමේ සභාපතිවරයා දාහතේ කල්පනා කරමින් ප්රශ්න වල ගැටෙමින් කොහොල්ල බබෙක් වගේ ප්රශ්න වල එතෙමින් ඉන්නවා මේ පිහිට වපු ජනතා සභාවක් ඉදිරියේ දී සංස්තාපණය කරන්නේ කෙසේද කියලා. අද දිනන පැත්ත නෙවෙයි පරදින පැත්ත පළාත් පාලන ආයතන වල ආණ්ඩු පිහිටනවා. පළාත් පාලන මැතිවරණය පළාත් පාලන ක්රමය අද මේ විකෘතියක් බවට තහවුරු වෙලා තියෙනවා. ඉතින් මේ ක්රමය ඉදිරියට ගෙනියන්න එපා කියන කාරණය ආණ්ඩුවේ පාර්ශවකරුවනුත් විරුද්ධ පක්ෂයත් කරුණු දැක්වීම් මේ වේලාවේ දී සිදුවෙනවා.
ඒ නිසා අපි ගෙදර යන ගමන් ඉන්න අගමැතිතුමාට කියනවා ඔබතුමා ගෙදර යන්න බලාපෙරොත්තුවෙන් ඉන්න වෙලාවේ ඔබතුමා පළාත් සභා ඡන්දය මාර්තු 31 වෙනිදා තියනවා කියලා කිව්වා. ඒකවත් හරියට කරන්න උත්සහ කරන්න සත්භාවයෙන් යුතුව කියලා.
අපේ්රල් 04 වැනිදා ඡන්ද විමසීමට ගන්නා විශ්වාස භංගයට පෙර එක්සත් ජාතික පක්ෂය පූර්ණ ප්රතිසංවිධානයකට ලක් නොකරන්නේ නම් තවත් එක්සත් ජාතික පක්ෂ මැති ඇමතිවරුන් 27 දෙනෙකු සමග විශ්වාස භංගයට පක්ෂව ඡන්දය ලබා දීමට හෝ ඡන්ද විමසීමට නොපැමිණීමට කටයුතු කරන බව රාජ්ය ඇමති පාලිත රංග බණ්ඩාර මහතා ආනමඩුව ආසනය සදහා තේරී පත් වූ පළාත් පාලන මන්ත්රීවරුන් දිවුරුම් දීමේ අවස්ථාව අමතමින් කියා සිටියේය.
අගමැතිවරයාට සහාය පලකරමින් අත්සන් කරන ලද යෝජනාවට තමන් අත්සන් නොකල බවත් කිරීමටද අදහසක් නැති බවත් ඔහු විසින් වැඩිදුරටත් ප්රකාශකර සිටින අතර අගමැති රනිල් වික්රමසිංහ මහතා ගැන තමනට කිසිදු විශ්වාසයක් නැති බවත් මින් පෙර කිසි දිනෙක එක්සත් ජාතික පක්ෂ නායකයෙකු මෙතරම් අපකීර්තියට ලක් වී නැති බවද පෙන්වා දෙයි.
හිටපු පාර්ලිමේන්තු මන්ත්රී භාරත ලක්ෂ්මන් ප්රේමචන්ද්ර මහතා ඇතුළු සිව්දෙනෙකු ඝාතනය කිරීම සම්බන්ධයෙන් වරදකරුවන් වී මරණ දඩුවම් නියම වු හිටපු පාර්ලිමේන්තු මන්ත්රී දුමින්ද සිල්වා ඇතුළු විත්තිකරුවන් පස්දෙනෙකු එම දඬුවමින් නිදහස් කරන ලෙස ඉල්ලා ගොනු කළ අභියාචනය යළි අද(27) විභාගය ගැනීමට නියමිතය.
අගවිනිසුරු ප්රියසාත් ඩෙප් , බුවනෙක අළුවිහාරේ , ප්රියන්ත ජයවර්ධන , නලින් පෙරේරා සහ විජිත් මළල්ගොඩ යන පංච පුද්ගල ශ්රේෂ්ඨාධිකරණ විනිසුරු මඩුල්ල හමුවේ මෙම පෙත්සම් ඊයේද(26) විභාගයට ගන්නා ලදි.
මෙහිදී විත්තිකාර දුමින්ද සිල්වා වෙනුවෙන් පෙනී සිටි ජනාධිපති නීතීඥ අනිල් සිල්වා මහතා මහාධිකරණයේ පැවති නඩු විභාගයේ සාක්ෂි එකිනෙකට පරස්පර බැවින් මෙය සාධාරණ නඩු තීන්දුවක් නොවන බව කියා සිටි අතර මහාධිකරණ ත්රිපුද්ගල විනිසුරු මඩුල්ලේ බහුතර තීන්දුව මත මරණීය දණ්ඩනයක් පැනවීම නීතියට පටහැනි බවත් එම දඩුවම් අහෝසි කර විත්තිකරු සියලු චෝදනා වලින් නිදොස් කොට නිදහස් කරන මෙන්ද ඉල්ලා ඇත.
එජාපය විසින් ජයග්රහනය කරන ලද දෙහිවල ගල්කිස්ස මහ නගර සභාවේ නව නගරාධිපති ලෙස ශ්රී ලංකා පොදුජන පෙරමුණේ නාවලගේ ස්ටැන්ලි ඩයස් මහතා පත් කර තිබේ.
ඒ නගරාධිපතිවරයා තෝරා ගැනීම සදහා අද(26) පැවති විවෘත ඡන්ද විමසීමේදී ස්ටැන්ලි ඩයස් මහතා සභිකයන්ගේ ඡන්ද 23ක් ලබා ගත් නිසාවෙනි.එක්සත් ජාතික පක්ෂයෙන් ඉදිරිපත් කරන ලද සුනේත්රි රණසිංහ ලබා ගත්තේ සභික ඡන්ද 21ක් පමණි.
කොළඹ කලාපයේ කළාපයේ පළාත් සභා පාසල්වල පවත්වන විශේෂ උත්සව, විවෘත කිරීම්, මුල්ගල් තැබීම් වැනි පොදු උත්සව අවස්ථා සඳහා එම පාසල පවතින ප්රදේශයේ පාර්ලිමේන්තු හා පළාත් සභා මන්ත්රීවරුන්ට ආරාධනා පත්ර දී අරාධනා කරන්න යැයි කොළඹ කළාප අධ්යාපන අධ්යක්ෂ ජී.එන් සිල්වා මහතා විදුහල්පතිවරුන්ට ලිපියක් යොමුකරමින් පවසා ඇත.
එසේ පැමිණෙන මන්ත්රීවරුන්ට නිසි ගෞරව දක්විම රාජ්ය නිලධාරියෙකු වශයෙන් කටයුතු කළ යුතු බවත් ඒ සඳහා විශේෂ අවධානය යොමුකරන ලෙසත් එම ලිපියේ දැක්වෙයි
පෞද්ගලික රෝහල්වලින් අය කෙරෙන මිල ගණන් නියාමනය කිරීමේ වැඩපිළිවෙළ ඉදිරි දෙසතිය ඇතුළත ප්රකාශයට පත් කරන බව සෞඛ්ය ඇමැති වෛද්ය රාජිත සේනාරත්න මහතා පවසයි.
පෞද්ගලික රෝහල්වල මිල ගණන් නියාමනය කිරීම සිදුව ඇත්තේ එක් එක් රෝහල් සිය සේවාවන් සඳහා රෝගීන්ගෙන් එකිනෙකට වෙනස් මිල ගණන් අයකර ගැනීම නිසා බවත් මෑතකදී එක්තරා පෞද්ගලික රෝහලක් හෘද සැත්කමක් සඳහා රෝගියකුගෙන් රුපියල් ලක්ෂ 23 ක් අය කරගෙන තිබූ බවත් ඇමැතිවරයා කියයි.
එසේ වැඩි මුදලක් සැත්කම සඳහා අයකර ගත්තද එම රෝගියා සැත්කමින් පසුව මිය ගොස් ඇති අතර සැත්කම සිදු කළ වෛද්යවරයා තමන්ට හිමි මුදල ලබා නොගත් බව ඇමැතිවරයා පෙන්වා දුන්නේය.
මහනුවර පසුගියදා ඇතිවූ කලහකාරී සිද්ධීන් සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාර ගත කර සිටින මහසෝන් බළකායේ අමිත් වීරසිංහ ඇතුළු කණ්ඩායමේ සුවදුක් විමසීම සඳහා පෙරේදා (24) බොදු බල සේනා සංවිධානයේ මහ ලේකම් ගලගොඩ අත්තේ ඥාණසාර හිමියන් ඇතුළු භික්ෂූන් වහන්සේලා කිහිප නමක් අනුරාධපුර බන්ධනාගාරය වෙත වැඩම කළ අතර ඔවුන්ගේ සුවදුක් විමසීමෙන් අනතුරුව ගලගොඩ අත්තේ ඥානසාර හිමියෝ මාධ්ය වෙත අදහස් දක්වමින් මෙසේ ප්රකාශ කරන ලදී.
“අපි ඉතා වගකීමෙන් කියනවා දැන් වත් මේ රට තුළ ගොඩනැගෙමින් තියන බරපතළ ගණයේ සංස්කෘතික ආක්රමණය නතර කරන්න කියලා. සාම්ප්රදායික මුස්ලිම් ජනතාව වහාබ්වාදී අන්තවාදයට ගොදුරු වෙමින් සිටිනවා. සාම්ප්රදායික කතෝලික ජනතාව ක්රිස්තියානි මූලධර්මවාදයට ගොදුරු වෙමින් සිssටිනවා. මේ රටේ හින්දු බෞද්ධ ජනතාව වහාබ්වාදී අන්තවාදීන්ට හා ක්රිස්තියානි මූලධර්මවාදීන් යන දෙපිරිසටම ගොදුරු වෙමින් සිsටිනවා. ඒ නිසා තැන්තැන්වල විශාල ආතතියක්, විශාල අවිශ්වාසයක්, මේ ආගමික කොටස් අතර ගොඩනැගෙමින් තිබෙනවා. අවාසනාවකට මේවා පාලනය කිරීමට හරි හමන් වැඩපිළිවෙලක් නොමැති කම ගැන අපි ජාතියක් විදියට කනගාටුවනවා. කොයි තරම් කාලයක් එකිනෙකාට වෛර කරමින් අපි මේ ගමන යන්නද? එකිනෙකාගේ මුහුණ නොබලා විරසකව ද්වේශයෙන් අපිට මේ ගමන යන්න බැහැ. සිංහල, දමිළ හා මුස්ලිම් භේදයක් නැතිව මේ රටේ පරිසරයක් හදන්න, මේ අවිද්යාත්මක දේශපාලන ක්රමය පැත්තකට දාලා රටක් හැටියට එකට හිටගන්න පුළුවන් පරිසරයක් තමයි අප නිර්මාණය කරගත යුතු වන්නේ, එහෙම නොමැති වුව හොත් මේවා කෙළවර වෙන්නේ මහා ගැටුම් මැදින්. තෙල්දෙනිය හා මහනුවර ප්රදේශවල ඇතිවූ ගැටුම්වලට මහසෝන් බළකායේ අමිත් විරසිංහ වත් අනෙක් තරුණයින් වත් නෙවේ අත්අඩංගුවට ගන්න ඕනේ, මේ රටේ නිදහසින් පසුව ගෙවුණු වසර 70 ක කාලය තුළ මේ රටේ පාලකයෝ අසමත් වෙලා තියෙනවා රටේ වාර්ගික සංහිදියාව ඇති කරන්න. ජනවර්ග අතර ඇතිවෙලා තියෙන මේ ඝට්ටනය ඒ වගේම වාර්ගික කොටස් අතර ඇතිවෙලා තියෙන ආතතිය දුරලන්න පමණක් නොවෙයි, මේ රටේ මිනිසුන්ගේ බලාපොරොත්තු ඉහළ නංවන්නත් මෙරට කරවපු සියලු පාලකයෝ අසමත් වුණා. එවැනි වටපිටාවක රටේ ඇතිවන බොහෝ නොසන්සුන්තාවලදී ජාතික සංවිධාන වෙනත් ආවේගකාරී තරුණ කොටස් විවිධ කණ්ඩායම් සිතනව ජාතිය වෙනුවෙන් අපි කුමක් හරි කරන්න ඕන කියලා. ඔවුන් යම් යම් දේ කරනවා ඉතින් අවසානයේදී ඒ අය අපරිමිත ලෙස අදුරදර්ශීව මේ කටයුතුවලට අත පෙවීමේදී නීතියේ රැහැනට හසු වෙනවා. අවසානයේදී ඒ අයගෙ දෙමම්පියන් හා ඒ පාර්ශ්වයන් පීඩාවට පත් වෙනවා.
තෙල්දෙණිය හා මහනුවර ඇතිවූ සිද්ධීන් වලදී අපි දැක්කා පාලනයකින් තොරව මේ රටේ පොලීසිය හැසිරිච්චි ආකාරය, අපි ඉතා පැහැදිලිව කියනවා මේ මහනුවර සහ තෙල්දෙණිය ප්රදේශවල ඇතිවූ අවාසනාවන්ත සිද්ධීන්වලට මේ රටේ අගමැතිවරයා සෘජු ලෙස වගකිව යුතුයි කියා. ඒ සිද්ධිය වෙනකොට අගමැතිවරයා තමයි මේ රටේ නීතිය හා සාමය භාර අමාත්යවරයා. තෙල්දෙණියේ සිට දිගන බලගොල්ල දක්වා කිලෝ මීටර් දා හතක ප්රමාණයක දේපළවලට හානි කරමින් පිටස්තර ප්රදේශවලින් පැමිණිs කණ්ඩායම් පහරදි තිබෙනවා. නමුත් අත්අඩංගුවට අරන් තියෙනවා මේ කිසිම දේකට සම්බන්ධ නැති මේ ඇවිලෙන ගින්න නිවන්න මැදිහත් වුණු තරුණයින් කීප දෙනෙක්. ඔවුන් බන්ධනාගාර ගත කරලා තිබෙනවා. විලි වසා ගන්න බොහොම ලැඡ්ජා සහගත ක්රියාවලියක ආණ්ඩුව නිරත වනවා. අපි මේ රටේ ජනාධිපතිවරයාට කියනවා මේ ක්රියාවලිය නතර කරන්න කියලා.”
