Tag: breaking post

ඉන්ධන වලට සැකසූ මිල සූත‍්‍රය බොහෝ දුරට අද (24) දිනයේ පැවැත්වෙන කැබිනට් මණ්ඩල රැස්වීමට ඉදිරිපත් කරනු ඇතැයි වාර්තා වේ. බොහෝ දුරට ඉන්ධන මිල ඉහළ නැංවීමට අදාළ යෝජනා එහි ඇතුළත් වනු ඇති බවටයි පැවසෙන අතර දැනට වාර්තාවන පරිදි පෙට‍්‍රල් ලීටරයක මිල රුපියල් 12ත් 15ත් අතර අගයකින් ද , ඩීසල් ලීටරයක මිල රුග. 10 කින්වැද ඩිවෙනු ඇතැයි පැවසේ.

මෙම මිල සූත‍්‍රයඉන්ධන වලට සැකසූ මිල සූත‍්‍රය බොහෝ දුරට අද (24) දිනයේ පැවැත්වෙන කැබිනට් මණ්ඩල රැස්වීමට ඉදිරිපත් කරනු ඇතැයි වාර්තා වනවා. බොහෝ දුරට ඉන්ධන මිල ඉහළ නැංවීමට අදාළ යෝජනා එහි ඇතුළත් වනු ඇති බවටයි පැවසෙන්නේ. දැනට වාර්තාවන පරිදි පෙට‍්‍රල් ලීටරයක මිල රුපියල් 12ත් 15ත් අතර අගයකින් ඉහළ යනු ඇති. ඩීසල් ලීටරයක මිල වැඩිවෙනු ඇතැයි පැවසෙන්නේ රුපියල් 10කින්.

මෙම මිල සූත‍්‍රයඅදියර 03කින් සකස් කර ඇති අතර එහි නිර්දේශවලට අනුව ඉන්ධන මිල වැඩිවන්නේ මැයි මස 07වනදායින් පසුව හා මිල සූත‍්‍රය හඳුන්වාදුන් දිනයේ සිට එහි මිල ගණන් ඉහළ යන පරිදි පළමු අදියර යටතේ යෝජනා කර ඇත. කොටස් වශයෙන් මිල ඉහළ නැංවීමට දෙවන අදියරෙන් යෝජනා කර ඇති බව වැඩිදුරටත් සඳහන්න් වේ.

එක් ඉන්ධන වර්ගයක මිල වැඩි වශයෙන් ඉහළ යන්නේ නම් සෙසු ඉන්ධන වල මිල ඉහළ නැංවීම අඩු අගයක පවත්වා ගැනීමට තුන්වන අදියර යටතේ යෝජනා කර ඇති අතර ඉදිරියේදී කී‍්‍රයාත්මක කරන්නේ කුමන් අදියර දැයි මේවනතෙක් නිල තීන්දුවක් ගෙන නොමැත. එහෙත් දේශපාලන ආරංචි මාර්ග සඳහන් කරන්නේ දෙවන අදියරේ යෝජනාව කි‍්‍රයාත්මක වනු ඇති බව හා ඒ අනුව මිල වැඩිවීමක් සිදුවුවහොත් එය සිදුවන්නේ කොටස් වශයෙන් බවත්ය.

භූමිතෙල් සම්බන්ධයෙන්ද ඉකුත් සමයේ ගැටලූකාරී තත්ත්වයක් මතුවූ අතර ඊට පිළියමක් ලෙස භූමිතෙල් මිලදී ගන්නා පුද්ගලයින්ට වවුචර් පතක් හඳුන්වා දීමට යෝජනා වී ඇත. කෙසේ වෙතත් නව සංශෝධනය යටතේ භූමිතෙල් මිලද ඉහළ යනු ඇති බව සඳහන් වෙි.

ඉන්දියන් ඔයිල් සමාගම ඉකුත්දා සිය මිල ගණන් ඉහළ නැංවීමට කටයුතු කල බැවින් ලංකා ඛණිජ තෙල් නීතිගත සංස්ථාව පැවසුවේ තමන් මේවනවිට පාඩු ලබමින් සිටින බවයි

ඩිජිටල් තාක්‍ෂණය යොදාගෙන පෞද්ගලිකව නිකුත් කරනු ලබන “අතථ්‍ය මුදල්” භාවිතය පිළිබඳව තිබෙන උනන්දුව ශ්‍රී ලංකාව තුළද වැඩි වෙමින් පවතින බව ශ්‍රී ලංකා මහ බැංකුව පවසයි.

මෙම “අතථ්‍ය මුදල්” භාවිතය අංශ ගණනාවකින් මහජනයාට අවදානමක්‌ ඇති කරනු ලබන බවත් මහ බැංකුව මහජනතාවට දැනුම් දෙයි.

මේ “අතථ්‍ය මුදල්” යනු ඩිජිටල් තාක්‍ෂණය යොදාගෙන පෞද්ගලිකව නිකුත් කරනු ලබන වටිනාකම් සහිත ඒකකයන් බවත් ඒවාට ආවේණික ගිණුම් ඒකකද ඇති බවත් ශ්‍රී ලංකා මහ බැංකුව පවසයි.

මේවා මහ බැංකුව විසින් නිකුත් කරන ඒවා නොවන බවද පවසන ශ්‍රී ලංකා මහ බැංකුව මේ සම්බන්ධයෙන් නිකුත් කළ කරුණු පැහැදිලි කිරීමක මෙසේද සඳහන් වේ.

ශ්‍රී ලංකාව තුළ හා ජාත්‍යන්තර වශයෙන් අතථ්‍ය මුදල් (ඩසරඑම්ක ජමරරුබජසැs) පිළිබඳව තිබෙන උනන්දුව වැඩි වෙමින් පවතින බව ශ්‍රී ලංකා මහ බැංකුවේ අවධානයට යොමුවී ඇත.

“අතථ්‍ය මුදල්” යන යෙදුම පොදුවේ භාවිත වන්නේ, ඩිජිටල් තාක්‍ෂණය යොදා පෞද්ගලිකව නිකුත් කරන ලද වටිනාකම් සහිත ඒකකයන් වන අතර ඒවාට ආවේණික ගිණුම් ඒකක ද ඇත. අතථ්‍ය මුදල් සඳහා පොදු උදාහරණ වන්නේ බිට්‌කොයින් (ඊසඑජදසබ)ල ලයිට්‌කොයින් (ඛසඑeජදසබ) සහ එතීරියම් (Eඑයෑරුමප) වැනි අප්‍රකාශිත විද්යුත් මුදල් (Cරහචඑදජමරරුබජසැs) ය.

අප්‍රකාශිත විද්යුත් මුදල් වැනි අතථ්‍ය මුදල්, ගනුදෙනු බලාත්මක කිරීම සඳහා පුද්ගලයන් සෘජුව සම්බන්ධවී විමධ්‍යගත ලෙස සේවා සැපයිය හැකි වන අයුරින් ඩිජිටල් ජාල භාවිත කරයි. එම මුදල්වල වටිනාකම පිළිබඳව සහතික කිරීමට සහ එම ගනුදෙනු නියාමනය කිරීමට මහ බැංකුව වැනි කේන්ද්‍රස්‌ථ අධිකාරියක්‌ නොමැති වීම හේතුවෙන් ඒවා භාවිත කරන්නන් අතර හෝ ගනුදෙනු ආශ්‍රිත ගැටලු ඇතිවීමේදී ඒ සඳහා මැදිහත්වන වගකිවයුතු පාර්ශ්වයක්‌ නොමැත. අතථ්‍ය මුදල්වල වටිනාකම තීරණය වනුයේ සමපේක්‍ෂණ මත වන අතර එයට පාදක වූ වත්කම් හෝ ඒ සඳහා බලපවත්වන නියාමන රාමුවක්‌ නොමැත. මේනිසා ඒවායේ වටිනාකම විශාල වශයෙන් උච්චාවචනය විය හැක. ඒ හා සමානවම, නීති විරෝධී කටයුතු සඳහා අතථ්‍ය මුදල් භාවිත කිරීමේ සම්භාවිතාවය ද ඉහළ යා හැකිය. තවද, අතථ්‍ය මුදල් භාවිතය මගින් මුදල් විශුද්ධිකරණය වැළැක්‌වීමට හා ත්‍රස්‌තවාදයට අරමුදල් සැපයීම මැඩ පැවැත්වීමේ නීති උල්ලංඝනය වීමට ද අවකාශ ඇත. එම නිසා වර්තමානයේදී අප්‍රකාශිත විද්යුත් මුදල් භාවිත කිරීමෙන් පාරිභෝගිකයන්ට මෙන්ම රටෙහි ආර්ථිකයට ද මූල්‍යමය, මෙහෙයුම්, නීතිමය, පාරිභෝගික සුරක්‍ෂිත භාවය සහ ආරක්‍ෂාව යන අංශවලින් සැලකිය යුතු අවදානමක්‌ ඇති කරයි.

ශ්‍රී ලංකා මහ බැංකුව කිසිදු ආයතනයකට හෝ සමාගමකට අප්‍රකාශිත විද්යුත් මුදල් ඇතුළු අතථ්‍ය මුදල් සම්බන්ධව ක්‍රියා මාර්ග ගැනීමට බලපත්‍ර ලබාදී හෝ බලය පැවරීමක්‌ කර නොමැති බව සහ කිසිදු ආයතනයකට මූලික කාසි අර්පණයන් (ෂබසඑස්‌ක ඤසබ ධෙෙeරසබටි ෂCධී) සඳහා බලය පැවරීමක්‌ කර නොමැති බවද මහජනතාවට මෙයින් දැනුම් දෙනු ලැබේ.

අලුත් අවුරුදු සමයේ මගී ජනතාවගේ පහසුව සඳහා අද (12) සිට විශේෂ දුම්රිය 12ක් ධාවනයට යොදවා ඇත.ඒ අනුව, රාත්‍රී 7.20 ට කොළඹ කොටුව සිට බණ්ඩාරවෙල දක්වා වායු සමනය කළ මැදිරියක් ද සහිත දුම්රියක්,අද රාත්‍රී 10ට කොළඹ කොටුව සිට යාපනය දක්වාත්, පස්වරු 6.50 ට කොළඹ – කොටුව සිට ගාල්ල දක්වාත් දුම්රිය දෙකක්,පස්වරු 1.55 ට කොළඹ – කොටුව සිට මහව දක්වාත්, පස්වරු 5.10 ට මහව සිට කොළඹ – කොටුව දක්වාත් විශේෂ දුම්රිය දෙකක්,උදෑසන 9.20ට සහ උදෑසන 11.50 ට මරදාන සිට ගාල්ල දක්වා විශේෂ දුම්රිය 2ක්ද, රාත්‍රී 9.50ට ගාල්ල සිට මරදාන දක්වා දුම්රියක්,පස්වරු 2.55 ට මරදාන සිට මාතර දක්වාත්, රාත්‍රී 7 ට මාතර සිට මරදාන දක්වා දුම්රිය 2 ක්,පස්වරු 1.15 ට සහ පස්වරු 5.55 ට ගාල්ල සිට කොළඹ කොටුව දක්වා දුම්රිය දෙකක්ද ධාවනය වන බවයි දුම්රිය දෙපාර්තමේන්තුව ප්‍රකාශ කරයි.

නාච්චාදූව සෙලෙස්‌ති මඩුව ප්‍රදේශයේ නිවසකට පසුගිය 29 වනදා අලුයම පැමිණි විශාල කිඹුලකු, අල්ලා, වනජීවී නිලධාරීන් හට භාර දීමට ප්‍රදේශවාසීන් විසින් කටයුතු කර ඇත.
 
 අලුයම 3.00 ට පමණ නිවෙස්‌ හිමියා විසින් මෙම කිඹුලා දැක ඇති අතර පසුව ප්‍රදේශවාසීන් දැනුවත් කර ඔවුන් සමග එක්‌ව මහත් පරිශ්‍රමයක්‌ යොදා මෙම කිඹුලා අල්ලා ගෙන ප්‍රදේශවාසීන් විසින් වන ජීවී නිලධාරීන් දැනුවත් කිරීමෙන් අනතුරුව එම ස්‌ථානයට පැමිණි වන ජීවී නිලධාරීන් අඩි දහයක්‌ පමණ දිග මෙම හැල කිඹුලා රැගෙන ගොස්‌ වෙනත් ප්‍රදේශයකට මුදාහැරීමට කටයුතු කර තිබේ.
 
 දැඩි නියඟය හේතුවෙන් ප්‍රදේශයේ සිඳී ගිය වැවකින් එම කිඹුලා පැමිණෙන්නට ඇති බවට සැක කරන බව ප්‍රදේශවාසීහු පවසති.

පවතින වියළි කාලගුණය හමුවේ විදුලිය උත්පාදනය කිරීම අභියෝගයක්‌ වුවද විදුලිය කප්පාදුවක්‌ සිදු කිරීමට තවමත් කිසිදු තීරණයක්‌ ගෙන නැතැයි ලංකා විදුලිබල මණ්‌ඩලය පවසයි.

ලංකා විදුලිබල මණ්‌ඩලයට අයත් වික්‌ටෝරියා, රන්දෙණිගල කොත්මලේ, කාසල්රී, සමනල වැව යන ප්‍රධාන ජල විදුලි බලාගාරවල ජල මට්‌ටම සියයට 50.2 දක්‌වා පවතින බවද පසුගිය වසරේ මෙම කාලය වන විට බලාගාර ජල මට්‌ටම සියයට 35 දක්‌වා අඩු වූ විටද කප්පාදුවකින් තොරව විදුලි බලය ලබා දීමට විදුලිබල මණ්‌ඩලයට හැකිවූ බවද ලංකා විදුලිබල මණ්‌ඩලයේ සංවර්ධන (අධ්‍යක්‍ෂ) සුලක්‍ෂණ ජයවර්ධන මහතා මාධ්‍යට පැවැසීය.

නව දේශීය ආදායම් පනත අනුව ජ්‍යෙෂ්ඨ පුරවැසියන්ගේ හැර අනෙකුත් සියලුම තැන්පතු ගිණුම්වලට සියයට 5 ක වාර්ෂික බද්ද අය වන්නේ පොලී ආදායමේ කිසිදු සීමාවකින් තොරව බව මුදල් අමාත්‍යාංශයේ ආරංචි මාර්ග වල සඳහන් වේ.

බදු නිදහස්‌ සීමාවක්‌ ඇත්තේ ජ්‍යෙෂ්ඨ පුරවැසියන්ට පමණක්‌ වන අතර මේ අනුව ඔවුන්ගේ පොලී ආදායම රුපියල් ලක්‍ෂ 15 ක්‌ දක්‌වා බද්දෙන් නිදහස්‌ වේ. එනම් මසකට රු. 125000 ක්‌ දක්‌වා ඔවුන්ගේ පොලී ආදායමට බදු අය නොකෙරේ.

මේ අනුව සාමාන්‍ය හා ස්‌ථාවර තැන්පතු ගිණුම්වල ඇති ශේෂයන් සඳහා බැංකුව ගෙවන පොලී ආදායම මත මේ සියයට 5 ක පොලී ආදායම ජ්‍යෙෂ්ඨ පුරවැසියන්ගේ හැර සියලු දෙනාගෙන් බැංකුව විසින් අඩු කරගනු ලබන අතර ඊට අමතරව විදේශ සේවා නියුක්‌තිකයන්ගේ විදේශ ව්‍යවහාර ගිණුම්වල පොලී ආදායමෙන්ද සීමාවකින් තොරව සියයට 5 ක බද්ද අය කෙරෙනු ඇත. මෙය ඉදිරියේදී විදේශ සේවා නියුක්‌තිකයින් රටට විදේශ විනිමය එවීම අධෛර්යවත් වීමට හේතු වනු ඇතැයි ආර්ථික හා මූල්‍ය අංශ නියෝජිතයෝ සඳහන් කරති.

යුද හමුදාව විසින් ප්‍රයෝජනයට ගත් ඉඩම් වලින් විශාල ප්‍රමාණයක්‌ සිංහල හින්දු අලුත් අවුරුදු සමයත් සමඟම උතුරේ වැසියන්ට ලබාදීමට කටයුතු කරන බව යුද හමුදාපති ලුතිනන් ජෙනරාල් මහේෂ් සේනානායක මහතා 29 දා යාපනයේදී පැවැසීය.

යුද හමුදාපතිවරයා හා උතුරු පළාත් ප්‍රධාන අමාත්‍යවරයා අතර විශේෂ හමුවක්‌ යාපනයේ කයිතඩි ප්‍රදේශයේ පිහිටි උතුරු පළාත් ප්‍රධාන අමාත්‍යවරයාගේ කාර්යාලයේදී පැවැත්වුණු අතර එම හමුවෙන් පසුව අදහස්‌ දැක්‌වූ යුද හමුදාපතිවරයා කියා සිටියේ අවුරුදු මාසය උතුරේ වැසියන්ට ඉතාම වැදගත් මාසයක්‌ වන බව නිසැක බවයි.

ඉඩම් ප්‍රශ්නය පිළිබඳව ප්‍රධාන අමාත්‍යවරයා සමඟ ඉතා දීර්ඝ වශයෙන් කරුණු සාකච්ඡා කළ බවත් ඊට අවශ්‍ය විසඳුම් ඉතා ඉක්‌මනින් පියවරෙන් පියවර සිදුකරමින් පවතින බවත් යුද හමුදාපතිවරයා කියා සිටි අතර ආරක්‍ෂක අංශ විසින් භාවිත කරනු ලබන යාපනයේ වැසියන්ට අයත් ගොඩනැඟිලි කීපයක්‌ පිළිබඳවද ප්‍රධාන අමාත්‍යවරයා තොරතුරු ඉදිරිපත් කළ බවත් එම ගොඩනැඟිලි ඉතා ඉක්‌මනින් නිදහස්‌ කිරීමට පියවර ගන්නා බවත් යුද හමුදාපතිවරයා පැවැසීය.

ඉන්දීය ධීවරයන්ගේ ප්‍රශ්නය පිළිබඳවද ප්‍රධාන අමාත්‍යවරයා මේ සාකච්ඡාවේදී කරුණු ඉදිරිපත් කොට ඇති අතර එම ප්‍රශ්නය සම්බන්ධයෙන් නාවික හමුදාව ඉතා අගනා කාර්යභාරයක්‌ ඉටුකරන බව දෙදෙනා අතර වූ සාකච්ඡාවේදී අවධාරණය වූ බවත් මේ සාකච්ඡාවේදී උතුරු පළාතේ වත්මන් තත්ත්වය පිළිබඳව ඉතා දීර්ඝ වශයෙන් කරුණු සාකච්ඡා කළ බවද යුද හමුදාපතිවරයා කියා සිටියේය.

මානව හිමිකම් සමුළුවේදී මංගල සමරවීර ඇමැතිවරයා සම අනුග්‍රහය දැක්‌වූ 30.1 යෝජනාව නිසා මෙරට ස්‌වාධීනත්වය සහ ස්‌වාධිපත්‍යය නැති වී ඇති බවත්, එම නිසා ඔහුට එරෙහිව ද විශ්වාසභංග යෝජනාවක්‌ ගෙන ආ යුතු බව රියර් අද්මිරාල් හිටපු පාර්ලිමේන්තු මන්ත්‍රී සරත් වීරසේකර මහතා පැවසීය. වීරසේකර මහතා එම අදහස්‌ ප්‍රකාශ කළේ ඉකුත් 29 වැනිදා එළිය සංවිධානය ජාතික පුස්‌තකාල හා ප්‍රලේඛණ සේවා ශ්‍රවනාගාරයේදී පැවැත්වූ මාධ්‍ය හමුවේදීය. එහිදී ඒ පිළිබඳව තවදුරටත් අදහස්‌ දැක්‌වූ වීරසේකර මහතා මෙසේ ද පැවසීය.
 
 “පසුගියදා පැවැති 37 වැනි මානව හිමිකම් සමුළුවේදී මානවහිමිකම් කොමසාරිස්‌ විශේෂ ප්‍රකාශයක්‌ කළා. එම ප්‍රකාශයේදී 30.1 යෝජනාවේ සමහර කොන්දේසි ඉටුකිරීම පිළිබඳව සතුට පළ කළා. සමහර කොන්දේසි ඉටුනොකිරීම පිළිබඳව කනගාටුව පළ කළා. අතුරුදහන්වීම පිළිබඳව සෙවීමේ කාර්යාලය පිහිටවුවත් එයට නිලධාරීන් පත් නොකිරීම පිළිබඳව කනගාටුව පළ කළා. ආණ්‌ඩුව පසුවදාම එම කාර්යාලයට නිලධාරීන් පත් කළා.
 
 30.1 යෝජනාව අපි සම අනුග්‍රහය දැක්‌වූ නිසා එම යෝජනා ක්‍රියාත්මක කිරීමට අප බැඳී සිටිනවා. ඊශ්‍රායලයට එරෙහිව යෝජනා 65 ක්‌ පමණ සම්මත කර තිබෙනවා. නමුත් එම රට ඒවා ක්‍රියාත්මක කරන්නේ නෑ. නමුත් ආණ්‌ඩුව 30.1 යෝජනාවට සම අනුග්‍රහය දැක්‌වූ නිසා එම යෝජනා ක්‍රියාත්මක කිරීමට බැඳී සිටිනවා. අතුරුදහන් කිරීම් සෙවීමේ කාර්යාලය බලහත්කාරයෙන් අතුරුදහන් කිරීම් සෙවීමේ පනත ගෙන ඒමට සිද්ධ වූයේ එම නිසා තමයි. එබඳු පනත් සම්මත කරල තිබෙන්නේ රටවල් 20 ක පමණයි. ඇමරිකාව, ඔස්‌ටේ්‍රලියාව වැනි රටවල් පවා එබඳු පනත් සම්මත කර නැහැ. ඒ වගේම කිසිදු ජනවරමක්‌ නැතිව ජාත්‍යන්තරයේ සහ දෙමළ බෙදුම්වාදීන්ගේ අවශ්‍යතාවය මත ආණ්‌ඩුව ව්‍යවස්‌ථාවක්‌ ගෙන ඒමටත් කටයුතු කරමින් සිටිනවා.
 
 ඒ වගේම මානව හිමිකම් කොමිසම සංක්‍රමණික යුක්‌තිය ඉටුකළ යුතු බව පවසනවා. එබඳු නීති පනවන්නේ වසර ගණනාවක්‌ පුරා ප්‍රජාතන්ත්‍රවාදය කඩ කළ රටවල් පමණයි. නමුත් අපි 1947 සිටම ප්‍රජාතන්ත්‍රවාදීව කටයුතු කර තිබෙනවා. එම නිසා එම නීතිය අපට අදාළ වන්නේ නෑ.”
 
 ඊට පසු අදහස් දැක්වූ අනුරාධා යහම්පත් මහත්මිය,
 
 “30.1 යෝජනාව 2015 ජනවාරි 08 ලැබුණු ජනවරමට අනුව ඉදිරිපත් වූ බව ප්‍රකාශ වූවා. නමුත් අපි පෙන්වා දුන්නා පසුගිය පෙබරවාරි 10 වැනි දින පැවැති මැතිවරණයේ ප්‍රතිඵල වලින් සියල්ල ප්‍රතික්‍ෂේප කර ඇති බව.
 
 මානව හිමිකම් සමුළුව ඇමතූ සමහරුන් තමන්ව හඳුන්වා දුන්නේ ඊළාම් රාජ්‍ය බව පවසමින්. ඔවුන් අපගේ ඉතිහාසය විකෘති කරමින් අදහස්‌ දැක්‌වූවා. සමහරුන් ඔවුන්ගේ රට සිංහලයන් බලෙන් ලබාගෙන ඇති බවත් ප්‍රකාශ කළා. ඔවුන් යුද්ධයෙන් කිරීමට නොහැකි වූ දේ නීතියෙන් ලබාගැනීමට කටයුතු කරමින් සිටිනවා.”