ලංකා ගුරු සේවා සංගමය නියෝජනය කරමින් සමුළුවට සහභාගි වූ එම සංගමයේ ප්රධාන ලේකම් මහින්ද ජයසිංහ මහතාට මෙක්සිකෝවේ පැවැති ලෝක ගුරු සම්මේලනයේ 18 වැනි සමුළුවේදී ඉදිරි වසර 04ක කාලයක් සඳහා නිලධාරී මණ්ඩලය පත්කර ගැනීමේදී සභාපති තනතුර හිමිව ඇත.
පසුගිය 04 වැනිදා සහ 05 වැනිදා මෙම සමුළුව පැවැති අතර රටවල 40කට වැඩි ප්රමාණයක ගුරු සංගම් මෙම සම්මේලනය නියෝජනය කරන ලදී, මෙවන් සමුළුවක ප්රධාන තනතුරක් හිමි වූ පළමු අවස්ථාව මෙය බවද ලංකා ගුරු සේවා සංගමය සඳහන් කරයි.
ඊයේ දිනයේදී අලුත්ගමගේ මහතා අධිකරණයට කැඳවා තිබීම හේතුවෙන්ඔහුට මන්ත්රීවරයෙකු වශයෙන් පාර්ලිමේන්තුවේ රැඳී සිටීමට තිබූ අයිතිය දරුණු ලෙස උල්ලංඝනය වී තිබෙන බව ඒකාබද්ධ විපක්ෂයේ නායක දිනේෂ් ගුණවර්ධන මහතා පාර්ලිමේන්තුවේදී ඊයේ(06දා)පැවසීය .
මීට පෙර කථානායකවරයා හමුවී පාර්ලිමේන්තු මන්ත්රීවරුන්ගේ අයිතිවාසිකම් සම්බන්ධව අවස්ථා දෙකකදී සාකච්ඡා කර තිබෙන බවත්,කථානායකවරයා අදාළ බලධාරීන්ට මේ බව දන්වා තිබූ බවත් ගුණවර්ධන මහතා ප්රකාශ කල අතර මහින්දානන්ද අලුත්ගමගේ මහතාට සිදුවූ ආකාරයට ඉදිරියේදී අනෙකුත් මන්ත්රීවරුන්ටද මෙම තත්ත්වයට මුහුණදීමට සිදුවන බවත්,කථානායකවරයා මේ සඳහා මැදිහත්විය යුතු බවත් හෙතෙම පවසා සිටියේය.
ඩලස් අලහප්පෙරුම මහතා සඳහන් කළේ, මේ සතිය පුරා මහින්දානන්ද අලුත්ගමගේ මහතාට අධිකරණයට හමුවට යෑමට සිදුව තිබෙන බවත්,මෙය ඒකාබද්ධ විපක්ෂයේ මන්ත්රීවරයෙකුගේ ප්රශ්නයක් පමණක් සිතා කටයුතු නොකළයුතු අතර, මෙය පාර්ලිමේන්තුවේ මන්ත්රීවරුන් 225 දෙනාටම එල්ලවන බරපතළ ප්රශ්නයක් ලෙස සැලකිය යුතුබවත්ය.
වාසුදේව නානායක්කාර මන්ත්රීවරයා මෙහිදී සඳහන් කළේ, ඊයේ දිනයේදී පාර්ලිමේන්තුවට සහභාගි වීම සඳහා මන්ත්රීවරයෙකු පාර්ලිමේන්තු මහලේකම්වරයාගේ ලිපියක් අධිකරණයට ඉදිරිපත් කර තිබූ බවත්,එසේ තිබියදී නඩුව අසන බවට විනිසුරුවරයා පවසා තිබෙන බවත්ය.
මෙහිදී අදහස් දැක්වූ කථානායක කරු ජයසූරිය මහතා සඳහන් කළේ, තමන් ඒ පිළිබඳ සොයා බලන බවයි.
නිදහස්කුසලාන පන්දු වාර විස්සයි විස්ස ක්රිකට් තරඟාවලිය හෙට දින (6) ආරම්භ වේ.
තරඟ 06කින් සමන්විත තරඟාවලියේ පළමු තරඟය ශ්රී ලංකාව හා ඉන්දියාව අතර පැවැත්වීමට නියමිත අතර ශ්රී ලංකා කණ්ඩායම නව මුහුනුවරකින් පිටියට පිවිසෙන බව සඳහන් වේ.
නිදහස් කුසලාන තරඟාවලිය සඳහා පමණක් විශේෂ කණ්ඩායම් නිල ඇඳුමක් නිර්මාණය කර ඇති අතර90 දශකයේ අග බාගයේ ශ්රී ලංකා කණ්ඩායමේ ඇඳුමට සමාන වන අයුරින්නිදහස් කුසලානයේ නිල ලාංඡනය ද එක්කර නිර්මාණය කර ඇති බව වාර්තා වේ.
මේ අතර ඉන්දීය සහ බංගලාදේශ කණ්ඩායම් ඊයේ (4) රාත්රියේ දිවයිනට පැමිණෙනු ලැබුවා.
යුරෝපාකරය පුරා දැන් පවතින අධි ශිත කාලගුණය සහ හිමපතනය හේතුවෙන් මේ වනවිට ජීවිත හානි 60 ක් පමණ වාර්තා වන බව විදෙස් වාර්තා වල සඳහන් වන අතර ඉන් 23 දෙනෙකුම පෝලන්තයේ අධි ශීත තත්ත්වයට ගොදුරු වූවන් වේ.
අධික හිමපතනය නිසා අයර්ලන්තයේ ප්රවාහන සහ ගුවන් ගමන් අදාළ වී ඇති අතර, දහස් සංඛ්යාත පිරිසකට විදුලිබලය ඇණ හිට ඇති අතර සයිබීරියානු කාලගුණ සංසිද්ධියේ බලපෑමෙන් යුරෝපයේ දැන් ඇති වූ තිබෙන අධි ශීත කාලගුණ තත්ත්වය දකුණු දිග මධ්යධරණී ප්රදේශය දක්වා බලපෑම් සිදුකිරීම විශේෂත්වයක් වේ.
මෙම කාලගුණ තත්ත්වය යුරෝපීයයන් නැගෙනහිර – මෘගයා, සයිබීරියානු වළසා සහ හිම කාලතුවක්කුව යන අන්වර්ථ නම්වලින් ද හඳුන්වනු ලැබේ
ජාත්යන්තර උපත් ආබාධ දිනය අදට(03) යෙදෙන යෙදී ඇත. ඒ වෙනුවෙන් ඊයේ කොළඹ දී පැවැති සම්මන්ත්රණයකට එක්වෙමින් ප්රජා විශේෂඥ වෛද්ය කපිල ජයරත්න මහතා කියා සිටියේ ශ්රී ලංකාවේ වසරකට ස්වභාවික ගබ්සාවීම් 48,000ක් පමණ සිදුවන බවයි.
ලංකාව තුල වසරකට ලක්ෂ 4 ක් ගැබ් ගන්නා බවත් ඒ අතරින් තුන් ලක්ෂ තිස් එක්දහසක් පමණක් සජීවි දරු උපත් බිහිකරන බවත් එහිදී ඔහු වැඩිදුරටත් කියා සිටියේය.
කොළඹ ශ්රී සම්බෝධි විහාරයේ විහාරාධිපති පූජ්ය දරණාගම කුසලධම්ම ස්වාමීන් වහන්සේ අපවත් වී ඇත.
කාලයක් තිස්සේ අසනීප තත්වයේ සිටි උන්වහන්සේ අද (03) අලුයම අපවත් වී ඇති අතර අපවත් වන විට වන්වහන්සේ 54 වැනි වියේ පසුවිය.බෞද්ධයා මාධ්යජාලයේ ප්රධානත්වය දැරූ උන්වහන්සේ ධර්මප්රචාරය වෙනුවෙන් විශාල මෙහෙවරක් ඉටු කල සඟරුවණකි.
ප්රභාකරන්ගේ මස්සිනා වන උතුරු පළාත් සභා මන්ත්රී එම්. කේ. සිවාජිලිංගම් ඊයේ (02දා) දහවල් ජිනීවා මානව හිමිකම් සමුළුවට පැමිණ ඇති අතර එහිදී ඔහු තමිල්නාඩුවේ කොටි හිතවාදී වයිකෝගේ ඡායාරූප ශිල්පියා වූ ගජන් හමුවී සාකච්ඡා කර ඇත.
මෙසේ ජිනීවා වෙත පැමිණීමට පෙර ඔහු ශ්රී ලංකා හමුදාවට එරෙහිව පෙත්සමක් මානව හිමිකම් කොමසාරිස්ට යවා ඇති අතර ශ්රී ලංකා හමුදාවට දඬුවම් කරන ලෙස මානව හිමිකම් කොමසාරිස්වරයාගෙන් ඉල්ලීමට තමා සමුළුවට පැමිණි බව ඔහු ප්රකාශ කර ඇත.
රනිල් වික්රමසිංහ අගමැති ධුරයෙන් ඉවත් කළ යුතු බවට ගෙන ඒමට නියමිත විශ්වාසභංග යෝජනාවට අත්සන් එකතු කිරීම මේ වනවිටත් කොළඹ පිහිටි විහාරස්ථානයක සිට ආරම්භ කර ඇති අතර පාලිත රංගේ බණ්ඩාර ඇතුළු එජාපයේම පිරිසක් ඊට මුල් වී කටයුතු කරන බව දේශපාලන ආරංචි මාර්ග සඳහන් වන අතරශ්රී ලංකා නිදහස් පක්ෂයේ ඒකාබද්ධ විපක්ෂයේ හා එක්සත් ජාතික පක්ෂයේ කණ්ඩායමකගේ සහ තවත් පක්ෂ රැසක සහය ලැබි ඇතැයි හම ආරංචි වල වැඩිදුරටත් සඳහන් වේ.
මෙම විශ්වාස භංගයට එජපයේ මන්ත්රීවරු තිහකගේ පමණ සහයෝගය ලැබෙන බවත් ඒ අතර ඇමැතිවරු කිහිප දෙනෙකුද සිටින බවත් එම ආරංචි මාර්ග තවදුරටත් පවසන අතරඅගමැති රනිල් වික්රමසිංහගේ ක්රියා කලාපයට විරෝධය පළ කරමින් ඔහු එම ධුරයෙන් ඉවත් කරන්නැයි ආණ්ඩුව නියෝජනය කරන ශ්රී ලංකා නිදහස් පක්ෂයේ කණ්ඩායම ජනාධිපතිවරයාගෙන් ඉල්ලීමක් කර තිබූ අතර එසේ නොකරන්නේ නම්, පුළුල් කැබිනට් මණ්ඩල සංශෝධනයක් කළ යුතු බව මෙම කණ්ඩායම ජනාධිපතිවරයාට දැනුම් දුන් බව ශ්රී ලංකා නිදහස් පක්ෂයේ ජ්යෙෂ්ඨ ප්රකාශකයකු සඳහන් කළේය. එහිදී මාසයක කාලයක් ලබා දෙන්නැයි ජනාධිපතිවරයා තම කණ්ඩායමෙන් ඉල්ලීමක් කර ඇත.
නමුත් බලාපොරොත්තු වූ පරිදි එම සංශෝධනය සිදු නොවූ අතර ඔළු ගෙඩි මාරුවීමක් පමණක් වූ බැවිනුත් ජනාධිපතිවරයා ඉල්ලා සිටි මාසයක කාලයෙන් මේ වන විට සති දෙකක් පමණ ගතවී තිබෙන බවත් ඉදිරි සතිදෙක තුළදී සාධනීය පිළිතුරක් නොලැබුණහොත් පාර්ලිමේන්තුවේ ස්වාධීන කණ්ඩායමක් ලෙස කටයුතු කරන බවටශ්රීලනිපයේ ආණ්ඩුව නියෝජනය කරන දොළොස් දෙනෙකුගේ පමණ කණ්ඩායමක් කටයුතු කරනු ඇතැයි එම ආරංචි වල තව දුරටත් සඳහන් වේ.
පසුගිය පළාත් පාලන මැතිවරණයෙන් තේරී පත් වූ එක් මන්ත්රීවරයෙකුට කොට්ටඨාෂයේ සංවර්ධනය සඳහා රුපියල් ලක්ෂ 50 බැගින් ලබාදීමට කටයුතු සකස් කරන බවත් ඔවුන් එම මුදලින් හොඳින් වැඩ කරනවා ද කියා සොයා බලා වංචා දූෂණ නැතිව හොඳින් වැඩ කගහොත් ඒ අයට ලක්ෂ 100 ක මුදලක් දීමට බලාපොරොත්තු වන බව ජනාධිපති මෛත්රීපාල සිරිසේන මහතා ඊයේ (01) පොළොන්නරුව දිස්ත්රික්කයේ හිඟුරක්ගොඩ අධ්යාපන කලාපයට අයත් ගිරිතලේ ජනපද කනිෂ්ඨ විද්යාලයට “පිබිදෙමු පොළොන්නරුව” සංවර්ධනන වැඩසටහන යටතේ ලබා දී ඇති රුපියල් ලක්ෂ 60 ක වියදමින් ඉදි කරන ලද නව දෙමහල් පන්ති කාමර ගොඩනැගිල්ල සිසු අයිතියට පවරා දීමෙන් අනතුරුව පැවති උත්සව සභාව අමතමින් ජනාධිපතිවරයා ඒ බව කියා සිටියේය.
ඇමෙරිකාවේ, දකුණුදිග කැලිෆෝනියා ප්රාන්තයේ 29 හැවිරිදි ලුයිස් පෙරේස් නැමති පුද්ගලයා එම ප්රාන්තයේ ප්රධාන මහා මාර්ගයක බීමතින් අසුපිට නැගී ගමන් කරමින් සිටියදී අධිවේගී මාර්ග රථවාහන පොලීසිය විසින් අත්අඩංගුවට ගෙන දඩ නියම කර තිබේ.
අසාමාන්ය ලෙස ප්රධාන මහා මාර්ගයක අශ්වයෙකු පිට නැගී පුද්ගලයෙකු ගමන් කරන ආකාරය නිරීක්ෂණය කළ පොලීසිය ඔහු ලුහුබැඳ ගොස් අත්අඩංගුවට ගෙන ඇති අතර එහිදී, ඔහු අධික ලෙස මත්පැන් පානය කර සිට ඇති බව පොලීසියට වැටහී ඇති අතර, පසුව සිදුකළ මත්පැන් පරීක්ෂාවේදී සාමාන්ය මට්ටමට වඩා දෙගුණයක ඇල්කොහොල් මාත්රාවක් ඔහුගේ රුධිරයේ පැවති බවද පොලීසිය කියයි.
සාමාන්යයෙන් බීමතින් මෝටර් රථයක් ධාවනය කර පොලීසියට අසුවූ අවස්ථාවක මෝටර් රථයද පොලීසියට රැගෙන ගියත්, මෙම සිදුවීම සැලවීමත් සමග එම ස්ථානයට පැමිණි මෙම පුද්ගලයාගේ මව වෙත ඔහු පැමිණි අශ්වයා භාරදීමට පොලීසිය කටයුතු කර ඇති අතර මෙම සිදුවීමෙන් ඔහුට විශාල දඩ මුදලකටද යටත් වීමට සිදුවනු ඇති බව පවසන පොලීසිය ඔහු අත්අඩංගුවට ගත් අවස්ථාවේ ඡායාරූප කිහිපයක්ද මාධ්ය වෙත මුදාහැර තිබුණේ මේ පිළිබඳ ජනතාව දැනුවත් කිරීමේ අරමුණෙනි.
එහිදී, පොලීසිය පවසා තිබුණේ “ඔබට මහා මාර්ගයක නිකරුණේ අසුන් පැදීමට අවස්ථාවක් නැහැ. ඒ වගේම, බීමතින් එවැන්නක් කිරීමට කිසිම අවස්ථාවක් නැහැ” යනුවෙනි.මෙවැනි ක්රියාවන් සිදුකිරීමෙන් ඔබේ ජීවිතය, ඔබේ සුරතලාගේ ජීවිතය මෙන්ම, මාර්ගයේ යන අන් අයගේ ජීවිතත් අනතුරට ලක් නොකරන ලෙසද පොලීසිය එම ඡායාරූප පළ කරමින් පවසා තිබුණි.
අග්රාමාත්ය රනිල් වික්රමසිංහ මහතාව එම ධුරයෙන් හා එක්සත් ජාතික පක්ෂ නායකත්වයෙන් ඉවත් කිරීම සඳහා එක්සත් ජාතික පක්ෂයේ අභ්යන්තර කැරැල්ලක් ආරම්භ වී ඇති බව සිරිකොතින් වාර්ථා වෙයි.
පසුගිය පළාත් පාළන මැතිවරණයේදී මෙන්න ඊට පෙරත් ජනමතය හඳුනාගෙන වැඩපිළවෙළක් ඉදිරිපත් කිරීමට අපොහොසත්වීමත්, පදුගිය කැබිනට් මණ්ඩල සංශෝධනයේ යහපත් ප්රතිචාරයක් නොලැබිමත් හේතුවෙන් එජාප නවක මන්ත්රීවරුන් පක්ෂ නායකත්වය දැඩි ලෙස විවේචනය කරමින් සිටින බව හම ආරංචි වල සඳහන් වන අතර එජාප ප්රභලයෙකුගේ නුගේගොඩ නිවසේදී පෙරේරදා (25දා) රාත්රියේ මෙයට අදාළ රහස් සාකච්ඡාවක් පවත්වා තිබෙන බවත් එම අවස්ථාවට එජාපයේ හිටපු අමාත්යවරයෙක් සමග නියෝජ්ය අමාත්යවරුන් හා පාර්ලිමේන්තු මන්ත්රීවරුන් කිහිප දෙනෙකු සහභාගි වී තිබෙන බවත් වාර්තා වෙයි.
බැඳුම්කර හොරකමේ මූලික සැකකරුවකු වන මහ බැංකුවේ හිටපු අධිපති අර්ජුන් මහේන්ද්රන් සිංගප්පුරු ලිපිනයේ නොමැති බව අධිවේගී තැපෑල (කුරියර් සේවය) අපරාධ පරීක්ෂණ දෙපාර්තමෙන්තුව වෙත වාර්තා කොට ඇතැයි ආරංචි මාර්ග සඳහන් කරයි.
ලබන මාර්තු මස 08 වැනිදාට පෙර ලංකාවට පැමිණ අපරාධ පරීක්ෂණ දෙපාර්තමේන්තුවට ප්රකාශයක් ලබා දෙන ලෙස දෙවැනි වරටත් නියම කරමින් කොටුව මහෙස්ත්රාත් ලංකා ජයරත්න මහත්මිය විසින් කළ නියෝගය අධිවේගී තැපෑල ඔස්සේ ශ්රී ලංකා මහ බැංකුවේ හිටපු අධිපති අර්ජුන් මහේන්ද්රන්ට බාරදීමට උත්සහ කළ අවස්ථාවේදී මහේන්ද්රන් සිංගප්පුරූ ලිපිනයේ නොමැති බව අනාවරණය වී ඇතැයි වාර්තා වේ.