Author: Editor

උතුරු පළාත් ප්‍රධාන අමාත්‍ය සී.වී විග්නේෂවරන් මහතාට එරෙහි විශ්වාසභංගය ඉල්ලා අස්කර ගන්නා බවට දෙමළ ජාතික සන්ධානයේ නායක විපක්ෂනායක ආර්.සම්බන්ධන් මහතා විසින් ඊයේ (19) උතුරු පලාත් ප්‍රධාන අමාත්‍ය සී.වී.විග්නේෂ්වරන් මහතා වෙතට ලිපියක් මගින් දැනුම් දී ඇත.

යාපනය රදගුරු ජස්ටින් ඥානප්‍රකාශම් පියතුන් සහ යාපන ප්‍රධාන හින්දු පූජක ශ්‍රී ශ්‍රී සෝමසුන්දරම් පූජකතුමන්ගේ මැදිහත්වීම මත මෙම අර්බුදය විසඳුමකට ගෙන ඒමට හැකි වූ බවද සම්බන්ධන් මහතා එහිදී සඳහන් කර ඇත.

මේ අනුව පළාත් ප්‍රධාන අමාත්‍යවරයාට එරෙහිව ඉලංගයි තමිල් අරසු කච්චි පක්ෂය විසින් ගෙන ආ විශ්වාසභංගය තමිල් අරසු කච්චි පක්ෂය විසින්ම ඉල්ලා අස්කර ගන්නා බවත් අමාත්‍යවරුන් සම්බන්ධයෙන් සිදුකරන විමර්ශන වලටද ඇගිලි ගැසිම් නොකරන බවත් සම්බන්ධන් මහතා මාධ්‍ය නිවේදනයක් නිකුත් කරමින් සඳහන් කරයි.

දූෂණ චෝදනා සනාථ නොවූ අමාත්‍යවරුන් දෙදෙනෙකු මසක නිවාඩුවක් සහිතව අමාත්‍යධූර අත්හිටුවීමට තීරණය කිරීමත් සමග මහ ඇමතිවරයාට එරෙහි විහ්වාසභංගයක් ගෙන ඒමට තමිල් අරසු කච්චි පක්ෂය පියවර ගෙන තිබුණු අතර එකී තීරණය වෙනස් කරන බවට මහ ඇමතිවරයා එකඟතාව පලකිරමින් ලිපියක් යැවීමත් සමග මෙම විශ්වාසභංගය ඉල්ලා අස්කර ගැනීමට පියවර ගන්නා බවට විපක්ෂ නායක වරයා තිරණය කර තිබෙන අයුරු පෙනී යයි.

– වන්නි රොමේෂ් මධුෂංඛ

[rns_reactions]

ග්‍රාමීය ආර්ථිකය පිළිබඳ ඇමති පී. හැරිසන් මහතා විසින් ජනතා මුදල් අවභාවිතයක යෙදෙන බවට සමස්ත ලංකා ගොවිජන සම්මේලනය විසින් අද (19) පෙරවරුවේ දූෂණ මර්ධන කමිටු ලේකම් කාර්යාලයට පැමිණිල්ලක් ඉදිරිපත් කළේය.

එම අවස්ථාවට සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා සහ එහි ලේකම් ටී.බී. සරත් මහතා ඇතුළු පිරිසක් එක් වී සිටියහ.

පී. හැරිසන් ඇමතිවරයා නීති රෙගුලාසි උල්ලංඝණය කරමින් නියමිත ඉන්ධන ප්‍රමාණයට වඩා වැඩි ඉන්ධන ප්‍රමාණයක් ලබා ගනිමින් රුපියල් දසලක්ෂ පනස නවදහස් දෙසිය හැත්තෑ ලහයි ශත පනහක(රු. 1,059,275.50) මුදලක් අවභාවිතා කර ඇති බව එම පැමිනිල්ලේ සඳහන් කර ඇත.

උතුරු පළාත් ප‍්‍රධාන අමාත්‍ය සී.වී.විග්නේෂ්වරන්ට විරුද්ධව ගෙන ඇති විශ්වාසභංග යෝජනාව ඉවත් කිරීමට කටයුතු කරන බව විපක්ෂනායක ආර්.සම්බන්ධන් මහතා විග්නේෂ්වරන් වෙත ලිපියක් යොමු කරමින් දැනුම් දි තිබෙනවා.

උතුරු පළාත් සෞඛ්‍ය අමාත්‍ය පී.සත්‍යලිංගම්ට හා පළාත් ධීවර අමාත්‍ය පී.ඩෙනිශ්වරන් වෙත මසක කාලයක් නිවාඩු ලබා ගන්නා ලෙසට තමන් කළ නියෝගය වෙනස් කරන බව උතුරු පළාත් ප‍්‍රධාන අමාත්‍ය සී.වී.විග්නේෂ්වරන් විපක්ෂ නායක ආර්.සම්බන්ධන් මහතා වෙත යැවු ලිපියෙන් අනතුරුව ඊට ප්‍රතිචාර දක්වමින්  සම්බන්ධන් මහතා එලෙස දැනුම් දි තිබෙනවා.

අර්. සම්බන්ධන් මහතා එහිදි වැඩිදුරටත් පෙන්වා දී ඇත්තේ අදාළ අමාත්‍යවරුන් වෙත පවතින ස්වාධීන පරීක්ෂණ වෙනුවෙන් තමන් කිසිඳූ බලපෑමක් නොකරන බවයි.

විග්නේෂ්වරන්ට එරෙහිව පවතින විශ්වාසභංග යෝජනාව ඉවත් කරන ලෙසට ඉලංගෙයි තමිල් අරසු කච්චි පක්ෂ පළාත් සභා මන්ත‍්‍රීවරුන්ට දැනුම්දෙන බවද එහි තව දුරටත් සඳහන් කර තිබෙනවා.

ඉදිරියේදි විග්නේෂ්වරන් හමුවී සාකච්ජා කිරීමට සුදානම් බවද ආර්. සම්බන්ධන් මහතා අදාළ ලිපියෙන් දන්වා තිබෙනවා.

[rns_reactions]

ලංකා කමිකරු කොංග්‍රසයේ මහ ලේකම් හා නුවරඑළිය දිස්ත්‍රික් පාර්ලිමේන්තු මන්ත්‍රි අරුමුගන් තොන්ඩමන් ඉල්ලා අස්විමේ ලිපියක් ජනාධිපති මෛත්‍රිපාල සිරිසේන මහතා වෙත භාර දී තිබෙනවා.

අදාළ ඉල්ලා අස්වීම මගින් ඔහු පෙන්වා දී ඇත්තේ නුවරඑළිය දිස්ත්‍රික් සංවර්ධන කමිටු සභාපති ධුරයෙන් තමන් ඉවත් වෙන බවයි.

හැටන් නගරයේ කැළි කසල බැහැර කිරිමට ඉඩමක් ලබා දීමට එයට අදාල රජයේ නිළධාරින් කටයුතු නොකිරිම හා එකතුවී ඇති කසල බැහැර කිරිමට නිසි පියවරක් නොගෙනීම හේතුවෙන් ඔහු මෙම තීරණය ගෙන තිබෙනවා.

හැටන් නගරයේ කැළි කසල ගැටළුව විසදිමට තමන් දිස්ත්‍රික් කමිටු සම සභාපති වශයෙන් අවස්ථා කිහියකදී ගත් තිරණ අදාල නිළධාරින් ක්‍රියාත්මක කිරිමට අපොහොසත් වීම නිසා තමන් දරණ එම නිලයෙන් ඵලක් නොවන බව සඳහන් කරමින් මෙම ඉල්ලා අස්වීමේ ලිපිය ජනාධිපතිවරයා වෙත යොමු කර ඇති බවයි වැඩි දුරටත් වාර්තා වෙන්නේ.

[rns_reactions]

බොහෝ දිනකට පසු අද(19) දින ලෝක ව්‍යාපාරික මධ්‍යස්ථානයේ 23 වන මහලේදී නාමිකව වැඩ භාරගත් ලක්ෂමන් යාපා අබේවර්ධන අමාත්‍යවරයා තම අමාත්‍යංශ ගොඩනැඟිල්ල දඩමීමා කරගෙන අළුත් ගැහිල්ලකට සැරසෙන බවට වාර්තාවේ.

කලින් මුදල් රාජ්‍ය ඇමැති ලෙස කටයුතු කළ ලක්‍ෂ්මන් යාපා අබේවර්ධන මහතා පසුගිය අමාත්‍ය මණ්‌ඩල සංශෝධනයේදී ව්‍යවසාය සංවර්ධන රාජ්‍ය ඇමැතිවරයා ලෙස පත්විය. ඉන්පසු හිටපු නියෝජ්‍ය ඇමැති එරාන් වික්‍රමරත්න මහතා භාවිත කළ කොටසේ වැඩභාර ගැනීමට සියලු කටයුතු සූදානම්ව තිබියදී ඊට පෙරදින රාත්‍රියේ ඇමැති කබීර් හෂීම් මහතා විසින් එම කාමර නවයෙන් හයක්‌ තම ව්‍යාපෘති සඳහා අවශ්‍ය බව පවසමින් එය ලබාගත් නිසාවෙන් ඊට විරෝධය පළකළ ලක්‍ෂ්මන් යාපා ඇමැතිවරයා වැඩභාර නොගෙන මාතර බලා පිටත්ව ගියේය. ඉන් අනතුරුව තම අමාත්‍යංශයට කාමරයක් නැතිබව පවසමින් දිගින් දිගටම වැඩක් නොකොට මාතර වී සිටින අතරතුර අමාත්‍යවරයාට අළුත් පොටක් පෑදී ඇත.

ගාල්ල ප්‍රදේශයේ තම මිතුරකුට අයත් කොළඹ පිහිටි ගොඩනැගිල්ලක් කෝටි ගණනකට තම අමාත්‍යංශ ගොඩනැඟිල්ල සඳහා මිලට ගැනීමයි. මෙම ගනුදෙනුව 50 ට 50 අතයට ගනුදෙනුවක් ලෙස සිදුකිරීමට සැලසුම් කර ඇති අතර මෙය එකවර සැක නොසිතන පරිදි කළ නොහැකි නිසා අද දින අඩුපාඩු මැද වුවත් වැඩ භාරගත් බව පෙන්වීම සඳහා වැඩ භාරගත් බවට වැඩිදුරටත් වාර්තාවේ. මෙම සැලැස්මට අනුව නුදුරු දිනයකදී මාධ්‍ය හමුවේ ලක්ෂ්මන් යාපා ලෝක ව්‍යාපාරික මධ්‍යස්ථානයේ තම අමාත්‍යංශ කාමර සඳහා යන මිලගණන් පෙන්වා; එතරම් ධනස්කන්ධයක් ජනතාවට ඉතිරිකිරීම වෙනුවෙන් තම මෙවැනි ගොඩනැගිල්ලක් රට වෙනුවෙන්, ජනතාව වෙනුවෙන් මිලදී ගන්නවා යැයි කිවහොත් එය අපට නම් කරුමක් මිස අරුමයක් නොවනු ඇත.

[rns_reactions]

උතුරු පලාත් ප්‍රධාන අමාත්‍ය වරයා විසින් අත්තනෝමතිකව උතුරු පලාත් සෞඛ්‍ය අමාත්‍ය වරයා වශයෙන් සිටි පී.සත්‍යලිංගම් මසකට අනිවාර්ය නිවාඩු ගැන්වීම දැඩි අසාධාරණයක් කියමින් ඉලංගෙයි තමිල් අරුසකච්චි පක්ෂයේ ක්‍රියාකාරීන් පිරිසක් උතුරු මහඇමති වරයාට විරුද්ධව වව්නියාවේ විරෝධතාවක නිරත වූහ.

වව්නියාව දිස්ත්‍රීක් ලේකම් කාර්යාලය ඉදිරිපිට පැවති මෙම විරෝධතාව ආසන්නයට උතුරු මහඇමති විග්නේෂ්වරන්ගේ ක්‍රියාකාරීන් පිරිසක් විසින් පැමිණි අදාල විරෝධතාවට විරෝධය පෑමත් සමග දෙපිරිස අතර දැඩි උණුසුම් තත්වයක් හට ගත් අතර තත්වය පාලනය කිරීමට වව්නියාව පොලීසියට මැදිහත් වීමට සිදු විය.

උතුරු මහඇමතිට විරෝධය පෑ ඉලංගෙයි තමිල් අරුසකච්චි පක්ෂයේ ක්‍රියාකාරීන් කියා සිටියේ උතුරු පලාත් සභාවේ අමාත්‍ය වරුන් සිවු දෙනාගෙන් දෙදෙනෙකුට පමණක් දූෂණ චෝදනා එල්ල වී ඇති අවස්ථාවේදී උතුරු මහඇමති වරයා විසින් අනෙක් අමාත්‍ය වරුන් දෙදෙනාද මසක අනිවාර්ය නිවාඩු ගැන්වීම දැඩි අසාධාරණයක් බවටත් වහාම එම තීරණය ඉවත් කර ගත යුතු බවටත්ය.

එම අවස්ථාවේදී අදාල විරෝධතාව ඉදිරිපිටට පැමිණී උතුරු මහඇමතිට පක්ෂ ක්‍රියාකාරීන් පිරිසක් විසින් පැමිණ කියා සිටියේ උතුරු පලාත් සභාවේ සිටි දූෂකයින් පලවා හැරීමට උතුරු මහඇමතිගේ තීරණය අගය කරන බවටත් උතුරු මහඇමති විග්නේෂවරන් ඉදිරියටද මහඇමති වශයෙන්ම සිටිය යුතු බවටත් එතුමන්ට එරෙහිව කිසිවෙකුටත් එරෙහි වීමට ඉඩ නොතබන බවටයි.

කෙසේ වෙතත් දෙපිරිස අතර බහින් බස් වීමක් ඇති දැඩි උණුසුම් තත්වයක්ද ඇති වූ අතර පසුව එය ගැටුමක් වීමට ගිය අවස්ථාවේදී වව්නියාව පොලීසිය මැදිහත් වී තත්වය පාලනය කරන ලදි.

– වන්නි රොමේෂ් මධුෂංඛ

කොළඹ නගරය හා තදාසන්න ප්‍රදේශවල එක් රැස්වන කැළි කසල මෙතෙක් නිසි පරිදි ඉවත් කිරීමක් දක්නට නොලැඛෙන බවට ජනතාව චෝදනා කරනවා. 

ඩෙංගු ව්‍යප්තියට වැඩි වශයෙන් බලපා ඇත්තේ එම තත්ත්වය බවයි ඔවුන් පවසන්නේ. 

එහෙත් කොළඹ මහනගර සභාව සඳහන් කරන්නේ ජනතාව නිසි පරිදි කසල වර්ගීකරණය කර බැහැර නොකිරීම හේතුවෙන් ගැටළුව තවත් වර්ධනය වී ඇති බවයි. 

කොළඹ නගරයේ එක් රැස්වී ඇති කැළි කසල හා අපද්‍රව්‍ය හැකි ඉක්මණින් ඉවත් කිරීමට පියවර ගන්නා ලෙස ද අග්‍රාමාත්‍ය රනිල් වික්‍රමසිංහ මහතා ද කොළඹ නාගරික කොමසාරිස්වරයා වෙත උපදෙස් ලබා දී තිඛෙනවා. 

ඒ අග්‍රාමාත්‍යවරයා කොළඹ නගරයේ කැළි කසල ගොඩ ගැසී ඇති ස්ථාන කිහිපයක සිදු කළ නිරීක්ෂණ චාරිකාවකින් අනතුරුවයි. 

අද දිනයේ ද කැලි කසල ඉවත් කිරීමේ කටයුතු අඛණ්ඩව සිදු කරන බවයි කොළඹ මහනගර සභාව කියා සිටියේ. 

[rns_reactions]

මේ ඔහු තම ෆේස්බුක් පිට්ටුව  මත පල කල අදහසසයි…

“එක්සත් ජාතික පක්ශයේ ප්‍රජාතන්ත්‍රවාදයට සිදු වූයේ කුමක්ද?

පාක්ශිකයාට වන අසාධාරණය වෙනුවෙන් හඩනැගීම හා රජයේ මැති ඇමතිවරැන්ගේ ජනතා විරෝධි තීරණ විවේචනය කිරීමේ වරදට මාගේ පක්ශ සාමාජිකත්වය අත්හිටවු බවට එක්සත් ජාතික පක්ශ නායක ගරැ රනිල් වික්‍රමසිංහ මහතා ⁣විසින් මා හට දැනුම් දී ඇත.

කුමන අභියෝගය පැමිනියත් හෘදශාක්ෂියට එකගව ක්‍රියා කිරීම හරහා ඕනෑ තරම් බැටකා පුරැදු මාහට ඇති එකම කණගාටුව නම්, රටට හෙන ගැසුවත් තම දේශපාලන බලය ස්ථාපිත කරගැනීමට වෙර දරන ජනපති වරයකු යටතේ, එක්සත් ජාතික පාක්ශිකයා හා සාදාරනය අමතක කරමින්, අද අප පක්ශය ගමන් කරන දිශාව පිලිඹදවයි.

මාධ්‍ය හමු වලට කඩා වැදී ගොං ප්‍රශ්න නගන ‘(හ)මීඩියා කිඹුලන්‘ නිසා ලංකාවේ සමස්ථ මාධ්‍යවේදීන්ගේම ගෞරවය බින්දුවට වැටෙන සිද්ධියක් ඊයේ කැබිනට් මාධ්‍ය හමුවේදී දක්නට ලැබිණ. එවන් ‘(හ)මීඩියා කිඹුලන්‘ දෙදෙනෙකු ඊයේ (14) සිටියෝ ය.  අප මෙහිදී මොවුන් ‘කිඹුලන්‘ ලෙස හඳුන්වන්නේ කිඹුලා කට අරින විට ඉබේටම උගේ  ඇස් වැසී යන බැවින් මොවුන්ද ප්‍රශ්න නගන්නට කට අරින විටම දෑස් අන්ධව ඇති නිසාය.

මෙහි පළමු සේයාරුවේ දැක්වෙන ‘(හ)මීඩියා කිඹුලා‘ කැබිනට් ප්‍රකාශක රාජිතගෙන් ඇසුවේ අපූරු ප්‍රශ්නයකි. “පසුගිය ආණ්ඩුව කාලේ ආගමික අන්තවාදීන්ගේ ප්‍රහාර සහ සිද්ධීන් 30 ක් පමණක් වාර්තා වුවද මේ ආණ්ඩුව යටතේ එවන් සිදුවීම් 80 ක් වාර්තා වී ඇති බවයි.“ රාජිත ඊට පිළිතුරු ලෙස කීවේ ‘ඔබ ඒ කාලේ රටේ සිටියේ නැතිද‘ කියා ය.

පසුගිය ආණ්ඩුවේ 2013 වසරේ දී පමණක් ජිනීවා මානව හිමිකම් සමුළුවට වාර්තා වූ පරිදි මුස්ලිම් පල්ලි වලට සහ පුද්ගලයන්ට එල්ල වූ ප්‍රහාර සහ වෛරී සිද්ධීන් ගණන 284 කි. ක්‍රිස්තියානි පල්ලි වලට එල්ල වූ ප්‍රහාර සහ වෛරී සිද්ධීන් ගණන 103 කි. එහිදී එකළ ආණ්ඩුව පිළිගත් ගණනද 182 කි. පොලිසියට වාර්තා වූ ගණන 143 කි. 

2014 දී මුස්ලිම් පල්ලි වලට එල්ල වූ ප්‍රහාර සහ වෛරී සිද්ධීන් ගණන 113 කි. ඉන් 80 ක්ම එල්ල කර තිබුනේ බොදු බල සේනාව ය. ඊළඟට වැඩියෙන්ම ප්‍රහාර එල්ල කර තිබුනේ අද බයිලා කියන, එදා රාජපක්ෂලා සමග එකගෙයි කෑ චම්පික රණවකගේ ජාතික හෙළ උරුමය විසිනි. එම ගණන 24 කි. සිහල රාවය සිදුවීම් 7 කට වගකිව යුතුය.

2015 දී වත්මන් ආණ්ඩුව බලයට ආ පසුව මුස්ලිමුන් ඉලක්ක කර එල්ල කළ ප්‍රහාර ගණන 37 ක් තරම් විශාල ප්‍රමාණයකින් අඩු වී තිබිණ. එම 37 න්ද 13 ක්ම එල්ල කර තිබුනේ බොදු බල සේනාව විසිනි. 

මේ ගණන් හිලව් මානව හිමිකම් කොමිසමේ වාර්තාවන් ය.

එසේ තිබියදී පළමු සේයාරුවේ වීරයා සේ ප්‍රශ්න නගන ‘(හ)මීඩියා කිඹුලා‘, පසුගිය ආණ්ඩුව කාලේ 30 දැන් 80 ට වැඩි වෙලා යයි කියන්නේ ගොං කමට හෝ පයිත්තියං නිසා හෝ විය යුතුය.

දෙවැනි සේයාරුවේ සිටිනා ‘(හ)මීඩියා කිඹුලා‘ කැබිනට් ප්‍රකාශකගෙන් නගන්නේ තවත් අමු ගොබ්බ ප්‍රශ්නයකි. එනම් අන්තවාදය වපුරන බොදු බලයේ නානසාරලා වැනි තක්කඩියන් අත් අඩංගුවට ගත යුතු යැයි කියන අය වපුරන්නේද ආගමික අන්තවාදය යයි ඔහුගේ ගොබ්බ තර්කය විය. ඊට පිළිතුරු දුන් රාජිත කීවේ ආගමික අන්තවාදයට විරුද්ධ වීම තවත් අන්තවාදයක් යැයි කියා කියන්නේ කොයි ලෝකයේ ද කියා ය.

මෙවන් ගොං ප්‍රශ්න නගන ‘(හ)මීඩියා කිඹුලන්‘ නිසා සැබෑ මාධ්‍යවේදීන්ගේ ගරුත්වය අහිමි වීම කියන්නට දෙයක් නොවේ. මෙවන් ගොං ප්‍රශ්න වලට ජෝන් අමරතුංග වැන්නන් ‘තොගේ අම්මට‘ කියා පිළිතුරු දීම සාධාරණය වන්නේ මේ ‘(හ)මීඩියා කිඹුලන්‘  නිසා ය. ජෝන්ලා මාධ්‍ය නිදහස නැතිකරන්නෝය. (හ)මීඩියා කිඹුලන් සුද්ධවන්තයෝ ය.

කිසිදු අධ්‍යාපන සුදුසුකමක් නොමැතිව ගත හැකි රස්සාවල් දෙකක් ලංකාවේ තිබේ. එකක් ‘දේශපාලකයා‘ රස්සාවය. අනෙක ‘මාධ්‍යවේදියා‘ රස්සාවය. මේ දෙකම ජනතාවගේ ඉරණමට බලවත් සේ බලපාන රස්සා දෙකකි. වෙනත් ශිෂ්ඨාචාර රටවල එලෙස නැත. ලංකා ඊ නිව්ස් අත්දැකීම් අනුව එංගලන්තයේ රාත්‍රී රෙස්ටොරන්ට් එකක පාට් ටයිම් වීඩියෝ කාරයෙක් වීමට පවා වීඩියෝග්‍රැෆි පිළිබඳ තුන් අවුරුදු උපාධියක් අවශ්‍යය. මාධ්‍යවේදියෙක් වීම ගැන කවර කතාද? රූපවාහිනියක කාලගුණ වාර්තාව ඉදිරිපත් කරන නිවේදකයෙකුට අඩුම ගණනේ කාලගුණ විද්‍යාව පිළිබඳ ආචාර්ය උපාධියක් තිබිය යුතුය.  

ලංකාවේ එහෙම බැරි යැයි කාට හෝ කිව හැකිය. නමුත් එසේ විය යුතු නැත. කෙසේ හෝ මාධ්‍යවේදීන්ගේ කොලිටිය වැඩි කළ යුතුම ය. පාර්ලිමේන්තුවේ මන්ත්‍රීවරුන්ට ආචාර ධර්ම ඉල්ලන මාධ්‍යවේදීන් පිළිපැදිය යුතුයැයි කියා කිසිදු ආචාර ධර්මයක් රටේ නැත. මේවා නිසා ලෝකයාට මුහුණ දීමට බැරි වන්නේ සැබෑ මාධ්‍යවේදීන්ට ය. එබැවින් ඉහත පින්තූර වල සිටිනා වැනි ගොං බිජ්ජන් වැදගත් මාධ්‍ය හමු වලට එවීමට පෙර  ඔවුන්ගේ ප්‍රධානීන් අඩුම ගණනේ මේකාලාට ‘ගෙදර වැඩ ටිකක්‘ (home work) පවරා හෝ ඔවුන්ගේ අධ්‍යාපනය දියුණු කිරීමට කටයුතු කළ යුතුය. දැනුම වවා ගන්නේ නැතිව රැවුල කොණ්ඩය වැව්වාට වැඩක් නැත.

(14) ගොබ්බ ප්‍රශ්න ඇසීම සම්බන්ධ වීඩියෝවක් පහතින්

උපුටා ගැනීම e news

[rns_reactions]