Category: සුපිරි Sports

කොවිඩ් 19 වෛරසය ගෝලීය වසංගතයක් වීම හේතුවෙන් ජූනි මස අග දක්වා සියලු තරගාවලි කල් දැමීමට තීරණය කළ බව ජාත්‍යන්තර ක්‍රිකට් කවුන්සිලය නිවේදනය කළේය.

2021 වසරේ පැවැත්වෙන විස්සයි20 ලෝක කුසලාන තරගාවලියට සුදුසුකම් ලැබීමේ තරග සහ වසර 2023 එක්දින ලෝක කුසලාන තරගාවලියට සුදුසුකම් ලැබීමේ තරග ද ඊට ඇතුළත් බවයි ජාත්‍යන්තර ක‍්‍රිකට් කවුන්සිලය සදහන් කළේ.

මේ අනුව අප්‍රේල් මස 16 සිට 21 දක්වා පැවැත්වීමට නියමිතව ක්වේට්හි සත්කාරකත්වයෙන් පැවැත්වීමට නියමිතව තිබුණු විස්සයි20 ලෝක කුසලාන සුදුසුකම් ලැබීමේ ආසියානු කලාපයීය ‘ඒ’ කොටසේ තරගාවලිය, ජූනි මස 26 සිට ජූලි 2 දක්වා මැලේසියාවේ පැවැත්වීමට සූදානම් කළ ආසියානු කලාපයීය ‘බී’ කොටසේ තරගාවලිය, දකුණු අප්‍රිකාවේ සත්කාරකත්වයෙන් අප්‍රේල් මස 27 සිට මැයි මස 3 දක්වා පැවැත්වීමට නියමිතව තිබුණු අප්‍රිකානු කලාපයීය තරගාවලිය සහ ස්පාඤ්ඤයේ සත්කාරකත්වයෙන් මැයි මස 16 සිට 22 දක්වා පැවැත්වීමට නියමිත වූ යුරෝපා කලාපයීය ‘ඒ’ කොටසේ තරගාවලියත්, ජූනි මස 10 සිට 16 දක්වා බෙල්ජියමේ පැවැත්වීමට නියමිත වූ යුරෝපා කලාපයේ ‘සී’ කොටසේ තරගාවලියත්, ෆින්ලන්තයේදී ජූනි මස 24 සිට 30 දක්වා පැවැත්වීමට කටයුතු යොදා තිබුණු යුරෝපා කලාපයීය ‘බී’ කොටසේ සුදුසුකම් ලැබිමේ තරගාවලියත් මෙසේ කල් දැමීමට නියමිතය.

මීට අමතරව 2023 එක්දින ලෝක කුසලාන තරගාවලියට සුදුසුකම් ලැබීම සඳහා අප්‍රේල් මස 20 සිට 27 දක්වාත් පැවැත්වීමට නියමිතව තිබුණු නැමීබියානු කලාපීය තරගාවලිය සහ ජූනි මස 9 සිට 16 දක්වාත් පැවැත්වීමට නියමිතව තිබූ පැපුවා නිව්ගිනියා කලාපයීය තරගාවලි ද කල් දැමීමට ජාත්‍යන්තර ක‍්‍රිකට් කවුන්සිලය තීරණය තර තිබේ.

1940 සහ 2020 ටෝකියෝ ඔලිම්පික් උළෙලවල් නතර කිරීම අතර අහඹු සමානතා රැසක්

ජපානයේ තෝකියෝ නුවර පැවැත්වීමට සැලසුම්කර තිබූ 2020 ගිම්හාන ඔලිම්පික් උළෙල වසරකින් කල්දැමීමට මේ වන විට පියවර ගෙන තිබෙනවා. එය ජපානයට දැඩි කම්පනයක් ඇති කළ බව නොරහසක්. ඒත් මේ සමග තවත් අපූරු කතාවක් ජාත්‍යන්තර මාධ්‍ය හරහා සමාජගත වුණා. ඒ ජපානයට මෙවැනිම අමිහිරි සිදුවීමකට අදින් වසර 80කට පෙර, එනම් 1940දී ද මුහුණ දීමට සිදු වූ බවයි.

ඒත් 1964 ගිම්හාන ඔලිම්පික් උළෙල පැවැත්වීමේ අවස්ථාවට ජපානයේ ටෝකියෝ නුවරට හිමි වුණා.

1940දී ඔලිම්පික් උළෙළ පැවැත්වීමට නියමිතව තිබුණේ ජපානයේ ටෝකියෝ නුවර. එම අවස්ථාව ජපානයට ලබා ගැනීම සදහා එවකට ජපන් අධිරාජ්‍යයට දැඩි වෙහෙසක් ගැනීමට සිදු වුණ අතර අනපේක්ෂිත සිදුවීම් ජාලයක ප්‍රතිඵලයක් ලෙස එය ජපානයට හිමි වුණා. ඒත්… එදා ජපානයට එම අවස්ථාව අහිමි වුණා. ඒ ජපානය ද සම්බන්ධ වූ දෙවැනි ලෝක මහා සංග්‍රාමය නිසා 1940 සහ 1944 (එංගලන්තයේ ලන්ඩන්) ඔලිම්පික් උළෙලවල් නොපැවැත්වීමට සිදු වූ නිසයි.

මීට පෙර 1916 දී ද ජර්මනියේ බර්ලින් නුවර පැවැත්වීමට නියමිතව තිබූ ඔලිම්පික් උළෙල නවතා දමනු ලැබුවා. ඒ ජරමනිය විසින් ආරම්භ කළ පළමු වැනි ලෝක යුද්ධය නිසයි. (ඒත් ජර්මනිය 1936 බර්ලින්, 1972 ජර්මනියේ මියුනික් වලදී ඔලිම්පික් උළෙල පැවැත් වූවා)

1940 ටෝකියෝ ඔලිම්පික් උළෙල

1940දී ජපානයේ ටෝකියෝ නුවරදී ගිම්හාන ඔලිම්පික් උළෙල පැවැත්වීමේ අවස්ථාව දිනා ගැනීමට ජපානයට දැවැන්ත දේශපාලන හා බල අරගලයක යෙදීමට සිදු වුණා. ඒ අතර ජපානය තුළින්ම එල්ල වූ අභියෝග මෙන්ම ජාත්‍යන්තර අභියෝග රැසක් තිබුණා.

1940 ඔලිම්පික් උළෙල පැවැත්වීමේ අයිතිය දිනා ගැනීම සදහා ජපානය උත්සාහ කරන විට ජපානය දැවැන්ත භූමිකම්පාවකින් දැඩිව පීඩාවට පත්ව තිබුණා. එය 2020 ට සමාන කරන්නේ නම් අදින් වසර 09කට පෙර ජපානය ‘පූජියාමා භූමිකම්පාවෙන් දැඩිව බැට කා තිබුණා. එවැනි තත්ත්වයක් හමුවේත් ජපන් අභිමානය හා ආර්ථික හැකියාව ලොවට ප්‍රදර්ශනය කිරීමට එවකට පැවැති ජපන් අධිරාජ්‍යයාට වුවමනා වුණා.

මේ සමග තවත් වැදගත් කරුණක් ද තිබුණා. ඒ යුරෝපා මහ ජාතීන්ගෙන් බාහිරව ආසියානු රටක ඔලිම්පික් උළෙලක් පැවැත් වෙන ප්‍රථම අවස්ථාවත් 1940 ටෝකියෝ ඔලිම්පික් උළෙලයි. එය ජපානයට පමණක් නොව ආසියාවටත් අභිමානයක් වුණා.

‘‘මීට වසර කිහිපයකට පෙර ටෝකියෝ නගරය විනාශ කළ භූමිකම්පාවෙන් ටෝකියෝව ජය ගත් බව ලොවට පෙන්වන දර්ශනයක් වන යුරෝපයට හා උතුරු ඇමරිකාවෙන් ඔබ්බට පැවැත්වූ පළමු ඔලිම්පික් ක්‍රීඩා උළෙල මෙය විය“ පසු කලක ඔලිම්පික් ඉතිහාසය ලියූ ලේඛකයින් සදහන් කළා.

1940 – 2020 අත්භූත සිදුවීම් හා සමානකම්

2020 ඔලිම්පික් උළෙල කල් දැමීම ගැන විමර්ශනය කරන පිරිස් මේ සිදුවීම සහ 1940 සිදුවීම අතර අපූරු සමානකම් දකිනවා.

1932 දී ලොස් ඇන්ජලීස් හි පැවති ඔලිම්පික් උළෙලේදී ජපානයේ ක්‍රීඩක ක්‍රීඩිකාවන්ගේ සාර්ථකත්වය සහ 1931 දී මැන්චූරියාව ආක්‍රමණය කිරීම පිළිබඳ ජාත්‍යන්තර විවේචන, ජපාන අධිරාජ්‍යය දිගින් දිගටම චීනය දක්වා ව්‍යාප්ත වීම ආදි කාරණා ඔලිම්පික් උළෙල ජපානයට දිනා ගැනීමට එරට රජය පොළඹවා ගැනීමට එය ඉවහල් විය.

මීට පෙර ඔලිම්පික් උළෙල පවත්වා තිබුණේ බටහිර රටවල ප්‍රභූ නගර වල පමණි. එය ඔවුන්ගේ අභිමානය හා බලය පෙන්වන දෙයක් ලෙස සැලකුණි. එහෙත් ජපන් පිහිනුම් ක්‍රීඩකයින් 1932 ලොස් ඇන්ජලීස් ඔලිම්පික් උළෙලේදී සිය ආධිපත්‍ය පැතිරවීය. මීටර් 100 නිදහස් ආර ඉසව්වෙන් රන් පදක්කමක් දිනා ගැනීමට ජපානයේ යසුජි මියාසාකි Yasuji Myiazaki සමත් විය.

ඩේවිඩ් ගෝල්ඩ්බ්ලැට් සිය “ගේම්ස්” නම් පොතේ  David Goldblatt writes in his book “The Games” මෙසේ ලියයි: “ජාත්‍යන්තර කීර්තිය සහ ඔලිම්පික් ජයග්‍රහණයන් අතර සහසම්බන්ධය … ජපන් ඔලිම්පික් උළෙල පිළිබඳ අදහස පළමුවෙන් පිළිගත හැකි, පසුව ප්‍රියජනක සහ අවසාන වශයෙන් විදේශ ප්‍රතිපත්තියේ අත්‍යවශ්‍ය අංගයකි‘‘

2011 වසරේදී සිදු වූ පුජියාමා ව්‍යසනයෙන් (භූමිකම්පාවෙන්) වසර 09කට පසු 2020 දී ජපානයේ ටෝකියෝ නුවර පැවැත්වීමට නියමිතව සිටි ඔලිම්පික් උළෙල “ප්‍රතිසාධන ඔලිම්පික් “Recovery Olympics ” ලෙස නම් කරනු  ලැබුවාක් මෙන්, ටෝකියෝ නගරාධිපති නාගටා හයිඩ්ජිරෝ විසින් 1930 දී ප්‍රථම වරට 1940 ඔලිම්පික් උළෙලක් ප්‍රකාශයට පත් කරන ලදී.

1923 භූමිකම්පාවෙන් ටෝකියේ අගනගරයේ බොහෝ ප්‍රදේශ විනාශ කර දැමූ නමුත් ඒ වන විට, වසර 10කට ආසන්න කාලයකදී ටෝකියෝව යළි ගොඩනැගීමට හැකියාව ලැබී තිබුණි. (මෙය ද 2020ට සමානවේ)

එපමණක් ද නොවේ 1940 ටෝකියෝ නුවර පැවත් වීමට නියමිතව තිබූ ඔලිම්පික් උළෙළ ද ජිම්මු අධිරාජ්‍යයාගේ මිථ්‍යාදෘෂ්ටික පිවිසුමේ 2,600 වන සංවත්සරය හා ජාතියේ අත්තිවාරම සමඟ සමපාත වේ Emperor Jimmu’s mythical accession and the foundation of the nation. ගෝල්ඩ්බ්ලැට් එය විස්තර කළේ “වැඩි වැඩියෙන් ජාතිකවාදී සංස්කෘතියක් තුළ ජපන් ඔලිම්පික් උළෙල සඳහා සහයෝගය ගොඩනැගීම සඳහා පරිපූර්ණ සංකල්පයක්” ලෙස ය.

උද්ඝෝෂණ ආරම්භ වේ

1930 ගණන් වලදී ජපානයට ඔලිම්පික් පරම්පරාවක් තිබුණි. 1912 දී එය ඔලිම්පික් උළෙලට සහභාගී වූ පළමු යුරෝපීය හෝ ඇමරිකානු නොවන රට බවට පත්ව සිටි අතර සැලකිය යුතු ලෙස ජාත්‍යන්තර ඔලිම්පික් කමිටුවේ (අයිඕසී) නියෝජිතයින් ද විය.

“1930 ගණන්වල මුල් භාගයේදී ජපානය ක්‍රීඩා උළෙල තම රටට ලබා ගැනීමට ජාත්‍යන්තර වශයෙන් උද්ඝෝෂණය කර තිබුණා” යැයි යේල් විශ්ව විද්‍යාලයේ ජපන් අධ්‍යයන පිළිබඳ මහාචාර්ය සුමිටෝමෝ මහාචාර්ය විලියම් කෙලී සීඑන්එන් වෙත පැවසීය.

ජූඩෝ පුරෝගාමියා සහ  IOC  සාමාජික බාරොන් ජිග්රෝ කැනෝෙ 1932 ඔලිම්පික් උළෙල අවසානයේ දී  IOC  වෙත ප්‍රධාන දේශනයක් කරමින් ජපානයේ ලංසුව සඳහා විශාල කාර්යභාරයක් ඉටු කළ බව විශ්වාස කෙරේ.

එවකට  IOC  නායක බෙල්ජියමේ හෙන්රි ඩි බේලට්-ලැටෝර්ට Henri de Baillet-Latour අනුව කැනෝ කාමරයේ සිටි අයට පැවසුවේ ජපානයේ ඔලිම්පික් උළෙල පැවැත්වීමෙන් ඔලිම්පික් ව්‍යාපාරයේ නිර්මාතෘ පියරේ ද කූබර්ටින්ගේ Pierre de Coubertin දැක්ම පුළුල් වන බවත්, ඒ සමග නැගෙනහිර – බටහිර අතර පැවති පරතරය පියවන බවත්ය.

මෙම සන්දර්භය තුළ, 1940 ඔලිම්පික් උළෙල “ඔලිම්පික් ව්‍යාපාරය විශ්වීය යැයි අයිඕසී වාචාලකම නීත්‍යානුකූල කිරීමට ඉවහල් විය” යනුවෙන් ආචාර්ය සැන්ඩ්‍රා කොලින්ස් සිය ‘1940 ටෝකියෝ ක්‍රීඩා උළෙල – අතුරුදන් වූ ඔලිම්පික්“ නම් පොතේ ලිවීය‍.

ලිබරල්වාදීන්ට ගෝලීය උත්සවයක් පිළිබඳ දර්ශන තිබුණද, ජපාන රජය ඔලිම්පික් උළෙල පැවැත්වීමේ වාසි වෙනස් ලෙස දුටුවේ බටහිර ආධිපත්‍යය දරන ලෝකයකට බලපෑම් කිරීමේ අවස්ථාවක් ලෙස ය. සියවසේ මුල් භාගයේදී රට කලාපයේ ප්‍රමුඛයා ලෙස සිය ස්ථාවරය පවත්වා ගෙන යාමට සහ ශක්තිමත් කිරීමට කැපවී සිටි අතර මහා අවපාත සමයේදී ජපානය සිය ආර්ථික ගැටලු මිලිටරි ජයග්‍රහණ මගින් විසඳනු ඇතැයි යන විශ්වාසය වර්ධනය විය.

නමුත් 1940 දී ටෝකියෝව සත්කාරකත්වය දැරීමේ තරඟය ජයග්‍රහණය කිරීම සහතික නොවීය. රෝමය සහ හෙල්සින්කි ප්‍රධාන ප්‍රතිවාදීන් වූ අතර ඉතාලි අගනුවර ජනප්‍රියම ස්ථානය ලෙස සැලකුණේය. එබැවින් 1935 දී ජපානයේ අයිඕසී සාමාජික සුගිමුරා යතාරෝ ඉතාලියට ගොස් ෆැසිස්ට් ආඥාදායක බෙනිටෝ මුසොලිනි හමුවී ඔහුගෙන් ඉල්ලා සිටියේ එහි ලංසුව ඉල්ලා අස්කර ගන්නා ලෙසයි.

“ජාත්‍යන්තර ක්‍රීඩා දේශපාලනයේ සම්මතයක් බවට පත්ව ඇත“

මුසෝලිනී සුපුරුදු ලෙස අවංකව ප්‍රකාශ කළේ, 1944 දී රෝමයට ඔලිම්පික් උළෙල ලබා ගැනීම සදහා වන තම උත්සාහයට ජපානය සහාය දෙන්නේ නම්, 1940දී ජපානයට ඔලිම්පික් උළෙල ලබා ගැනීම සදහා සිය සහාය දෙන බවත්, තම ලන්සුව ඉල්ලා අස්සකර ගන්නා බවත්ය”ගෝල්ඩ්බ්ලැට් ලිව්වේය.

ජපානයට පොරොන්දු වූ ආකාරයෙන්ම මුසොලිනි 1940 ඔලිම්පික් උළෙල සඳහා රෝමයේ ඉල්ලීම ඉල්ලා අස්කර ගත්තේය.

1936 බර්ලින් නාසි බලය හමුවේ

1936 දී ජර්මනියේ බර්ලින් නුවර ඔලිම්පික් උළෙල පැවැත් වූ අතර එය හිට්ලර් සිය නාසි බලය ලොවට ප්‍රදර්ශනය කිරීම සදහා අවස්ථාවක් කරගත් බවට දැඩි විවේචන එල්ල විය. ඒ සමග බටහිර ජාතීන් තුළ කණස්සල්ලක් ඇතිකර තිබූ ජපන් අධිරාජ්‍යවාදය ද 1940 ඔලිම්පික් උළෙල සදහා ඉදිරිපත්වීම ඉතා උණුසුම් තත්ත්වයක් නිර්මාණය කළේය.

මේ සමග 1940 ඔලිම්පික් උළෙල සදහා ස්කැනේඩියානු රාජ්‍යයක් වූ පින්ලන්තයේ හෙල්සින්කි නුවර ද තරග කළ අතර ඔවුන්ට එම අවස්ථාව හිමි විය.

‍මේ අතර 1938 දී, ජපානය චීනය ආක්‍රමණය කර වසරකට පසුව, අයිඕසී විසින් 1940 දී ශීත ඍතු ඔලිම්පික් උළෙලට සත්කාරකත්වය දැරීම සදහා ජපාන නගරයක් වන සප්පෝරෝ වෙත ප්‍රදානය කරන ලදී.

ජපානය චීනය ආක්‍රමණය කරමින් චීන නගර විනාශ කිරීම පිළිබදව ඇමරිකානු සහ යුරෝපීය පුවත්පත්වල වාර්තා වීමත් සමඟ එම වසරේම ප්‍රධාන රටවල් වර්ජනය කරන බවට තර්ජනය කිරීමත් සමඟ ජපාන රජය ගිම්හාන සහ ශීතඍතු ඔලිම්පික් උළෙල පැවැත්වීමේ අයිතිය අහිමි කළේය.

චීනය සමඟ යුද්ධයක පැටලී ගෝලීය ගැටුමක් ක්ෂිතිජයේ පවතින බව දැනගත් හමුදා රජය ජාතික බලමුලු ගැන්වීමේ පනත සම්මත කළේය.

“මාස තුනකට පසු, ජපානයේ ජපන් ජාතිකයින් අධ්‍යාත්මික හා ද්‍රව්‍යමය වශයෙන් බලමුලු ගැන්වීමේ අවශ්‍යතාවය ඉල්ලා සිටි අතර 1940 ක්‍රීඩා අත්හැරියේය” යනුවෙන් ගෝල්ඩ්බ්ලැට් ලියයි.

“අත්හිටුවීම 1936 ඔලිම්පික් උළෙලින් වෙන් කළ නොහැක” යනුවෙන් කෙලී පවසයි. 

“ඇමරිකානුවන්, බ්‍රිතාන්‍ය සහ ප්‍රංශය 1940 ඔලිම්පික් උළෙල වර්ජනය කිරීම ගැන කතා කිරීමට පටන් ගත්තේ හිට්ලර් විසින් මෙම දැවැන්ත ප්‍රචාරක ක්‍රීඩා උළෙල පැවැත්වීම සඳහා ඔවුන් නරක ලෙස භාවිතා කර ඇති බව ඔවුන්ට හැඟුණු බැවිනි. එබැවින් එය ඇත්ත වශයෙන්ම බර්ලින් ඔලිම්පික් බලපෑම නිසා ජපාන රජය සිය ලංසුව ඉල්ලා අස්කර ගැනීමට හේතු විය. ප්‍රධාන බලවතුන් නොමැතිව ඔලිම්පික් උළෙල පැවැත්වීම වඩාත් නරක බව ජපානය දැන සිටියේය.

ජාත්‍යන්තර ඔලිමිපික් කමිටුව විසින් 1940 ඔලිම්පික් උළෙල හෙල්සින්කි වෙත ප්‍රදානය කිරීමට කටයුතු කළ නමුත් 1939 නොවැම්බරයේ සෝවියට් සංගමය ෆින්ලන්තය ආක්‍රමණය කිරීමත් සමග 2020 දී මෙන් එම වසරේ ඔලිම්පික් උළෙලක් පැවැත්වීමේ බලාපොරොත්තුව අවසන් විය.

අවලංගු කිරීමේ පිරිවැය

ප්‍රවාහනය, සනීපාරක්ෂාව සහ හෝටල් ඉදිකිරීම වැනි යටිතල පහසුකම් ව්‍යාපෘති සඳහා සැලකිය යුතු ආර්ථික ආයෝජනයක් සිදු කරමින් 1940 ඔලිම්පික් උළෙල සඳහා ටෝකියෝව සූදානම් වීම “සෑහෙන තරම් සැලකිය යුතු” බව කෙලී පවසයි.

“ක්‍රීඩා සඳහා භාණ්ඩ හා සේවා සැපයීමේදී පහසුකම් සඳහා විශාල වශයෙන් ආයෝජනය කිරීමට පෙළඹවූ දේශීය ව්‍යාපාර අනාගත ගනුදෙනුකාර පදනමක් නොමැතිව සිටින බව පෙනී ගියේය. එබැවින් ව්‍යාපාරික ප්‍රජාව ටෝකියෝවේ කලබලයට පත්වූ නමුත් මෙය ඔබට සැබවින්ම ප්‍රකාශ කිරීමට නොහැකි වූ අවස්ථාවකි.

කෙලී පැහැදිලි කරන්නේ 1940 දී ආර්ථික වශයෙන් වඩා රට දේශපාලනික වශයෙන් පීඩා විඳි බවයි.

“ඔබ කෙතරම් ශ්‍රේෂ්ඨ රටක්ද යන්න සෙසු ලෝකයට පෙන්වීම සඳහා ලෝකයේ විශාලතම මෙගා ඉසව්ව භාවිතා කිරීමට ඔබට හැකියාවක් නැත,” ඔහු තවදුරටත් පවසයි.

ටෝකියෝ 2020 කල් දැමීමේ බලපෑම ගණනය කර ඇති පරිදි, 1920 සහ 1930 ගණන්වල ඔලිම්පික් උළෙල අද අප දන්නා හුරුපුරුදු ඩොලර් බිලියනයක ව්‍යාපාරයට වෙනස් එකක් බව මතක තබා ගැනීම වටී.

ඔලිම්පික් ඉතිහාසඥයින්ගේ ජාත්‍යන්තර සංගමයේ සභාපති ඩේවිඩ් වොලචින්ස්කි සීඑන්එන් ස්පෝර්ට් වෙත මෙසේ පවසයි:

“එදා මේ තරම් විශාල අවධාරණයක් නොතිබුණි. 1948 දී ක්‍රීඩා උළෙල වසර 12 කට පසු නැවත පැමිණි විට මිනිසුන් එය කිසිසේත් සිදු නොවීම ගැන සතුටු විය. ඇත්ත වශයෙන්ම, රූපවාහිනිය හඳුන්වාදීම, මිනිසුන්ට එය සජීවීව නැරඹිය හැකි හෝ අවම වශයෙන් දිනපතා වාර්තාවක් කියවිය හැකි වීම සමග එය ගෝලීය අවධානය දිනා ගත් නමුත් 1940 දශකයේදී එවැනි උණුසුම් තත්ත්වයක් නොවීය. නමුත් විද්‍යුත් මාධ්‍ය බිහිවීම සමග 1960 දශකය වන විට එය සමස්ත ගනුදෙනුවක් විය.“

අනාගතය

ඔලිම්පික් උළෙලක් පවත්වන සෑම අවස්ථාවකම අර්බුදයක් ඇති බව පෙනේ. 2012 දී ආරක්ෂක ගැටළු ඇති අතර, 2016 දී එය සිකා වෛරසය විය. දැන් 2020 දී එය කොරෝනා නමින් නැවත පැමිණියේය.

පසුගිය සතියේ ජපානයේ නියෝජ්‍ය අගමැතිවරයා පාර්ලිමේන්තු කමිටුවකට පවා කියා සිටියේ ටෝකියෝ 2020 ශාපයකට ලක්ව ඇති බවයි. සෑම වසර 40 කට වරක්ම අසාමාන්‍ය ලෝක සිදුවීම් හේතුවෙන් ඔලිම්පික් උළෙල නතර වන බවට ඔහු තර්ක කළේය.

ඔලිම්පික් උළෙල බොහෝ දුරට නොනැසී පවතී. 1972 ජර්මනියේ මියුනික් ඛේදවාචකය, 1984 මොස්කව් ඔලිම්පික් උළෙල බටහිර රටවල් විසින් වර්ජනය කිරීම, 1996 ඛේදවාචකය සිදුවිය. නමුත් පසුගිය වසර 100 තුළ ලෝකය කොරෝනා වසංගතය වැනි දෙයක් අත්විඳ නොමැත.

“අපි [මාධ්‍ය], ඔලිම්පික් උළෙල දක්වා සෑම විටම ඍණාත්මක දේ සොයන්නේ එය හොඳ කතාවක් නිසා” යැයි වොලෙචින්ස්කි පවසයි.

“ලන්ඩනයේ සෑම දෙයක්ම හොඳ අතට හැරෙන බව 2012 දී මිනිසුන්ට පැවසීම හොඳ කතාවක් නොවේ. 2000 දී සිඩ්නි වැනි හොඳම සංවිධානාත්මක ඔලිම්පික් උළෙලවල්වලට පවා සෑම විටම මෙම නිෂේධාත්මක කථා කල්තියාම ඇති අතර කමිටු සංවිධානය කිරීමේදී මම මිනිසුන් සමඟ කතා කළ සෑම අවස්ථාවකම මම අපි ඔවුන්ට මේ ගැන අනතුරු ඇඟවූවා. ( ඒ ඔබ නොවේ, ඒ අපි) නමුත් සමහර විට මෙම අනතුරු ඇඟවීම් සැබෑ ඒවා වන අතර මේ අවස්ථාවේ දී ද ඒවා එසේ ය”

සී.එන්.එන්. හි 2020 මාර්තු 26 වැනි දින පළ වූ වාර්තාවකි. සැකසුම – තුෂාධවි

2020 ඔලිම්පික් උළෙල අවලංගු කිරීම පිළිබඳව අවධානය යොමු කළ යුතු බව බ්‍රිතාන්‍ය කියයි

2020 ඔලිම්පික් උළෙලේ සංවිධායකයින් එය “අවලංගු කිරීම පිළිබඳව සොයා බැලිය යුතුය” යනුවෙන් බ්‍රිතාන්‍ය අගමැති බොරිස් ජොන්සන්ගේ ප්‍රකාශකයා සඳුදා පැවසීය. 

“ජාත්‍යන්තර ඔලිම්පික් කමිටුව ඊට සම්බන්ධ සියලු දෙනාටම පැහැදිලි බවක් ලබා දීම සඳහා නිශ්චිත තීරණයක් ගැනීමට අපට අවශ්‍යයි,” එම ප්‍රකාශකයා දේශපාලන වාර්තාකරුවන්ට පැවසීය.

ඔලිම්පික් උළෙලේ අපේක්ෂකයින් දැන් මුහුණ දී සිටින “සැලකිය යුතු අවිනිශ්චිතතාව” පිළිබඳව ප්‍රකාශකයා කනස්සල්ල පළ කළ අතර, “ඔවුන්ගේ සෞඛ්‍යය හා ආරක්ෂාව, ක්‍රීඩා ලෝලීන්ගේ සහ නිලධාරීන්ගේ ක්‍රීඩා උළෙලවල්වල වැඩ කිරීම හේතුවෙන් අතිශයින්ම වැදගත් විය යුතුය.”යැයි පැවසීය.

ඔලිම්පික් කල් දැමීම සලකා බැලිය යුතු බව ජපානයේ ඔලිම්පික් ප්‍රධානියා පවසයි

ජපාන ඔලිම්පික් කමිටුවේ ප්‍රධානියා කියා සිටියේ කොරෝන වෛරස් වසංගතය අඛණ්ඩව පවතින බැවින් තම රටේ පැවැත්වීමට නියමිත ඔලිම්පික් උළෙල කල් දැමීම වෙනත් විකල්ප අතර සලකා බැලිය යුතු බවයි.

සඳුදා මාධ්‍යවේදීන් අමතමින් යසුහිරෝ යමෂිටා මෙසේ පැවසීය: “ක්‍රීඩක ක්‍රීඩිකාවන්ගේ ආරක්ෂාව සහ ආරක්ෂාව පිළිබඳ දෘෂ්ටි කෝණයෙන් බලන කල, අපට උදව් කිරීමට නොහැකි නමුත් කල් දැමීම ඇතුළු කරුණු සලකා බැලීමට නොහැකි වේදිකාවකට අප පැමිණිය යුතුය […] මම නැවත වරක් කියන්න කැමතියි ජූලි මාසයේ ඔලිම්පික් නොපැවැත්වීමට තීරණය කර නැත. ”

ජාත්‍යන්තර ඔලිම්පික් කමිටුව ඊයේ නිවේදනය කළේ ඔලිම්පික් උළෙල සම්බන්ධයෙන් තීරණයක් ගැනීමට සති හතරක කාල සීමාවක් ලබා දී ඇති බවයි.

කෙසේවෙතත්, වැඩි කාලයක් ප්‍රමාද වීම ක්‍රීඩක ක්‍රීඩිකාවන්ට බරක් වනු ඇති බවට යමෂිතා අනතුරු ඇඟවූයේ නැවත ක්‍රීඩා උළෙලට සුදුසුකම් ලැබීමට ඇති හැකියාව නිසාය.

“මම හිතන්නේ අපි ක්‍රීඩක ක්‍රීඩිකාවන් සහ ඔලිම්පික් ගම්මානය ගැන සිතන විට කල් දැමීමේ කාලය වැඩි නොවිය යුතුයි‘

ඔහුගේ අදහස් දැක්වීම සිදුවන්නේ  කැනඩාව සහ ඔස්ට්‍රේලියාවේ ජාතික ඔලිම්පික් කමිටු කොරෝනා වෛරස අවදානම නිසා මේ වසරේ ක්‍රීඩක ක්‍රීඩිකාවන් ටෝකියෝවට නොයවන බව පැවසීමෙන් පසුවය. ඔලිම්පික් උළෙලේ තත්ත්වය පිළිබඳව සාකච්ඡා කිරීම සඳහා ජපාන ඔලිම්පික් කමිටුව ලබන සිකුරාදා ටෝකියෝ නුවර මණ්ඩල රැස්වීමක් පැවැත්වීමට නියමිතය.

ඇමරිකා එක්සත් ජනපද පිහිනුම් අංශයේ ප්‍රධානියාට අවශ්‍ය වන්නේ ඔලිම්පික් උළෙල 2021 දක්වා කල් දැමීමට ය. ඔහු ඒ බව එක්සත් ජනපද ඔලිම්පික් හා පැරාලිම්පික් කමිටුවට US Olympic & Paralympic Committee ලිපියක් මගින් “කළ යුතු නිවැරදි හා වගකිව යුතු දෙය” ලෙස නම් කර තිබේ.

ඇමරිකා එක්සත් ජනපදයේ පිහිනුම් ප්‍රධාන විධායක නිලධාරි CEO of USA Swimming ටිම් හින්චේ Tim Hinchey කණ්ඩායමෙන් ඉල්ලා සිටියේ “නිවැරදි හා වගකිවයුතු දෙය වන්නේ සෑම කෙනෙකුගේම සෞඛ්‍ය සහ ආරක්ෂාව සඳහා ප්‍රමුඛතාවය දීම සහ මෙම ගෝලීය වසංගතය මලල ක්‍රීඩා සූදානම සඳහා නිසි ලෙස හඳුනා ගැනීම” යනුවෙනි.

එක්සත් ජනපද ඔලිම්පික් හා පැරාලිම්පික් කමිටුවේ ප්‍රධාන විධායක නිලධාරී සාරා හර්ෂ්ලන්ඩ් Sarah Hirshland, the CEO of US Olympic & Paralympic Committee මෙම ලිපියට ප්‍රතිචාර දක්වමින් කියා සිටියේ මෙම සංවිධානය ක්‍රීඩා උළෙල සංවිධානය කරන ජාත්‍යන්තර ඔලිම්පික් කමිටුව සමඟ සම්බන්ධ වී ඇති බවයි. 

තීරණයක් ගැනීම සඳහා එක්සත් ජනපද සංවිධානය දිගටම ජාත්‍යන්තර පාලක මණ්ඩල මත විශ්වාසය තබන බව ඇය නිවේදනයක් නිකුත් කරමින් කියා සිටියාය.

“(අයිඕසී සහ ජාත්‍යන්තර පැරාලිම්පික් කමිටුව The IOC and International Paralympic Committee ) විශ්වාස කරන්නේ ක්‍රීඩා දිනය පිළිබඳව අවසන් තීන්දුවක් ලබා ගැනීම නොමේරූ දෙයක් වන අතර තීරණයක් ගත යුතු යැයි අවධාරණය කිරීමට පෙර නිවැරදි දත්ත හා විශේෂඥ උපදෙස් ලබා ගැනීමට ඔවුන්ට අවස්ථාව ලබා දිය යුතු යැයි අපි විශ්වාස කරමු. “හර්ෂ්ලන්ඩ් පැවසීය. ක්‍රීඩක ක්‍රීඩිකාවන්ගේ සෞඛ්‍යයට මුල් තැන දීමේ වැදගත්කම හර්ෂ්ලන්ඩ් අවධාරණය කළාය.

නමුත් බොහෝ ඔලිම්පික් ක්‍රීඩකයින් නියෝජනය කරන නීතිඥ ජෝන් සී. මෑන්ලි ඊට එකඟ නොවේ. නිවේදනයක් නිකුත් කරමින් ඔහු හර්ෂ්ලන්ඩ් සහ එක්සත් ජනපද කමිටුවේ තීරණය “මෙම දූෂිත සංවිධානය මුදල් හා පදක්කම් ක්‍රීඩක ක්‍රීඩිකාවන්ගේ සෞඛ්‍යයට හා ආරක්ෂාවට වඩා ඉහළින් තබන බවට තවත් සාක්ෂි” යැයි පැවසීය.

“ඇමරිකානු ක්‍රීඩක ක්‍රීඩිකාවන්ගේ ආරක්ෂාව අයිඕසී වෙත බාහිරින් ලබා ගැනීම යූඑස්ඕඕපීසී USOPC දැඩි වගකීම් විරහිත ය. ඒ වෙනුවට ඔවුන් ටෝකියෝවට තරඟ කිරීමට අපේ කණ්ඩායම යැවිය යුතුද යන්න තීරණය කිරීමේදී සීඩීසී සහ ධවල මන්දිරයේ උපදෙස් මත විශ්වාසය තැබිය යුතුය.”

ජපාන ඔලිම්පික් කමිටු මණ්ඩලයේ සාමාජික කෞරි යමගුචි   Kaori Yamaguchi ඔලිම්පික් උළෙල ප්‍රමාද කරන ලෙස ඉල්ලා සිටි දිනකට පසුව එක්සත් ජනපද සංවිධාන අතර සාකච්ඡා පැවැත්වීය.

වෛරසය හේතුවෙන් ක්‍රීඩක ක්‍රීඩිකාවන්ට ප්‍රමාණවත් ලෙස සූදානම් වීමට නොහැකි වී තිබේ. එක්සත් ජනපදයේ, ඔලිම්පික් පුහුණු මධ්‍යස්ථාන කිහිපයක් වසා දමා ඇත. ඔලිම්පික් උළෙල කල් දැමිය යුතුද යන්න තීරණය කරන අතර, එක්සත් ජනපදයේ සහ ලොව පුරා බොහෝ ක්‍රීඩා ලීග දැනටමත් ඒ හා සමාන පියවර ගෙන තිබේ.

මේ අතර ලෝකය පුරා ප්‍රධාන තරගාවලි අත්හිටුවා ඇති අතර පුහුණු සැසි සම්පූර්ණයෙන් නතර කර තිබේ.

සී.එන්.එන්. මාධ්‍ය වාර්තාවක් ඇසුරිණි

කොරෝනා වයිරස් වසංගතය ගෝලීය ක්‍රීඩා දින දර්ශනය ඉරා දමා ඇති අතර පිරිමි ටෙනිස් තරගාවලි සති හයක් කල් දමා ඇත. ඉහළම යුරෝපීය පාපන්දු ලීග අත්හිටුවා ඇති අතර එක්සත් ජනපදයේ ජාතික හොකී ලීගය (  National Hockey League (NHL)  ) අත්හිටුවා ඇති අතර Major League Baseball’s (MLB) ආරම්භක දිනය කල් දමා ඇති අතර  විවෘත ඕස්ට්රේලියානු ග්රෝන් ප්‍රී තරග අවලංගු කර ඇත.

පාපන්දු ක්‍රීඩාවේදී, දේශීය ලීග, චැම්පියන්ස් ලීග් සහ 2020 යුරෝපීය ශූරතාවලිය යන සියල්ලම අඩපණ විය. ප්‍රංශය, ස්පාඤ්ඤය සහ නෙදර්ලන්තය සියලු තරඟ අත්හිටවූ නවතම රටවල් බවට පත්විය.

ස්පාඤ්ඤ දැවැන්තයින් වන රියල් මැඩ්රිඩ් බ්‍රහස්පතින්දා සමාජයේ පැසිපන්දු කණ්ඩායමේ සාමාජිකයෙකු කොරෝනා ධනාත්මක පරීක්‍ෂණයක් පැවැත්වීමෙන් පසුව ඔවුන්ගේ සංචිතය නිරෝධායනය කර ඇති අතර ලබන සතියේ මැන්චෙස්ටර් සිටි හිදී ඔවුන්ගේ චැම්පියන්ස් ලීග් අවසන් 16 තරගය කල් දමා තිබේ.

Italy’s Serie A මේ වන විටත් අවම වශයෙන් අපේ‍්‍රල් 3 වනදා දක්වා කල් දමා ඇති අතර සෙරී ඒ ක්‍රීඩකයින් දෙදෙනෙකු වන සාම්පෝරියා හි මනෝලෝ ගබ්බියාඩිනි සහ ජුවෙ හි ඩැනියෙල් රුගානි කොරෝනා ධනාත්මක පරීක්‍ෂණයක් සිදු කර තිබේ.

Text and pictures by al jazeera – BY – Thushadhavi

කොවිඩ් – 19 හෙවත් කොරෝනා වසංගතය ගෝලීය වශයෙන් නරක අතට හැරීමත් සමඟ ලෝක ටෙස්ට් ශූරතාවලිය යටතේ ලබන 19 වැනිදා ආරම්භවීමට නියමිතව තිබූ සංචාරක එංගලන්ත ක්‍රිකට් කණ්ඩායම සහ ශ්‍රී ලංකාව අතර ටෙස්ට් තරගාවලිය දින නියමයක් නොමැති කල් දැමීමට දෙරටේ ක්‍රිකට් ආයතන බලධාරීහු අද (13 දා) තීරණය කර තිබේ. ඒ අනුව එංගලන්ත ක්‍රිකට් කණ්ඩායම හෙට (14 දා) නැවතත් එංගලන්තය බලා පිටත්ව යෑමට නියමිතය.

අදාළ තීරණය ගනු ලබන අවස්ථාව වන විට එංගලන්ත ක්‍රිකට් කණ්ඩායම ටෙස්ට් තරගාවලියට පෙර වූ සිව්දින පුහුණු තරගයට කොළඹ පී. සරා ඕවල් පිටියේදී සහභාගිවෙමින් සිටියේය. කෙසේ වෙතත් තරගයේ දෙවැනි දිනයවූ අද දිනයේදී තේ පානයෙන් මින්ත්තු 40 ක පමණ කාලයකින් පසු තරග තීරක මංගල ජයසේන මහතා ඇතුළු තරග බලධාරීන් දැනුවත් කිරීමෙන් පසු තරගය තරගය නවතා සිය ක්‍රීඩකයින්ව ක්‍රීඩා ගාරය වෙත ගෙන්වා ගැනීමට එංගලන්ත කළමනාකාරීත්වය පියවර ගනු ලැබීය.

ශ්‍රී ලංකාව තුළ කොරෝනා වෛරස් අවධානම එතරම් නොමැති වුවද එංගලන්තය තුළ මේ වන විට එය ශීග්‍රයෙන් පැතිර යන්නක් බවට පත්ව තිබේ. ඒ අනුව සිය ක්‍රීඩකයින් මෙන්ම පුහුණු කාර්යය මණ්ඩලය මේ ව්‍යවසනකාරී තත්ත්වය තුළ තම පවුල්වල උදවිය සමඟ කාලය ගත කිරීමට අවශ්‍ය බව එංගලන්ත ක්‍රිකට් ආයතනයට දන්වන ලදු තරගාවලිය කල් දමා ගැනීම පිළිබඳව ශ්‍රී ලංකා ක්‍රිකට් ආයතන බලධාරීන්ගෙන් විමසා තිබේ.

කෙසේ වෙතත් මේ පිළිබඳව නිවේදනයක් නිකුත් කර සිටින එංගලන්ත ක්‍රිකට් ආයතනය, මෙම ගැටළුකාරී තත්ත්වය සම්බන්ධව ශ්‍රී ලංකා ක්‍රිකට් ආයතන ලබා දෙන ලද සහයෝගයට ස්තූතිය පළ කර සිටීමද විශේෂත්වයකි. ලෝක ටෙස්ට් ශූරතාවලිය යටතේ ක්‍රියාත්මක වීමට නියමිතව තිබූ තරග 2 කින් සමන්විත ටෙස්ට් තරගාවලිය දෙපිළටම විවේකී කාල වකවානුවකදී පැවැත්වීමට පොරොන්දු ප්‍රකාරව නැවැත්වීමට එංගලන්ත මෙන්ම ශ්‍රී ලංකා ක්‍රිකට් ආයතන එකඟත්වයකට පැමිණ සිටිති.

ඉන්දියාව තුළ කොරෝනා ආසාදනය උග‍්‍ර තත්ත්වයට පත්වීමත් සමග මාර්තු 29 ආරම්භ වීමට නියමිතව තිබූ   Indian  Premiere League (IPL) තරඟාවලිය අප්‍රේල් 15 දින දක්වා කල් දැමීමට තීරණය කළ බව ඉන්දීය ක‍්‍රිකට් පාලක මණ්ඩලය නිවේදනය කර තිබෙනවා.

එංගලන්තයට එරෙහිව ලබන 18 වැනිදා ගාල්ලේදී ආරම්භවීමට නියමිත ටෙස්ට් තරගාවලිය සඳහා නම් කරන ලද ශ්‍රී ලංකා කණ්ඩායමට නැවතත් කුසල් පෙරේරාව කැඳවීමට තේරීම් කමිටුව පියවරගෙන තිබේ.

ක්‍රීඩකයින් 16 දෙනෙකුගෙන් සමන්විතව නම් කරන ලද කණ්ඩායමට ඉකුත්දා බටහිර ඉන්දී කොදෙව් පිලට එරෙහිව පැවැති තරගාවලියේදී කැපී පෙනෙන දක්ෂතා දැක්වූ තුන් ඉරියව් ක්‍රීඩක වනිඳු හසරංගගේ නමද ඇතුළත්ව තිබුණද එම තාරගාවලියේ අවසන් තරගය අතරතුර ආබාධයකට ගොදුරුවීම නිසා ටෙස්ට් තරගාවලියට ක්‍රීඩා කිරීමේ අවස්ථාව ඔහුට අහිමිව තිබේ.

කෙසේ වෙතත් සිම්බාබ්වේට එරෙහිව පැවැති ටෙස්ට් තරගාවලියේදී කණ්ඩායමට ඇතුළත්ව සිටි වමත් පිතිකරු ළහිරු තිරිමාන්නට එංගලන්තයට එරෙහි තරගාවලිය අහිමිව තිබේ.  

එම වෙනස්කම් කීපය හැරුණු කොට අනෙක් සියලුම ක්‍රීඩකයින් සිම්බාබ්වේට එරෙහිව පැවැති තරග සංචාරයට ඇතුළත්ව සිටින ක්‍රීඩකයෝ වෙති.

බටහිර ඉන්දීය කොදෙව් පිලට එරෙහිව පැවැති තරගාවලිය අතරතුර විවාහ දිවියට එළැඹි කුසල් පෙරේරා මධුසමය පසෙකලා පළමු විස්සයි-20 තරගවට ක්‍රීඩා කරමින් අර්ධ ශතකයක් රුස් කරගැනීමට සමත්වූවේය.

සිම්බාබ්වේට එරෙහිව පැවැති තරගාවලිය සඳහා කුසල්ව ඇතුළත් නොවූ හෙයින් ඔහු සුදු පන්දුව භාවිතයෙන් සිදුකෙරෙන එක්දින සහ විස්සයි-20 තරග සඳහා වැඩි අවධානයක් යොමු කරමින් සිය පුහුණුවීම් සිදු කරනු ලැබීය.

කෙසේ වෙතත් වනිඳුගෙන් හිස්වන ස්ථානය සඳහා ලබන 15 වැනිදා එංගලන්තයට එරෙහිව ඇරඹෙන සිව්දින පුහුණු තරගයේදී දක්ෂතා දක්වන ක්‍රීඩකයකුට අවස්ථාව පවතිනු ඇත.

ඇතුළට – කුසල් පෙරේරා, වනිඳු හසරංග.

ඉවතට – ළහිරු තිරිමාන්න

ශ්‍රී ලංකා කණ්ඩායම – දිමුත් කරුණාරත්න, ඕෂධ ප්‍රනාන්දු, කුසල් මෙන්ඩිස්, දිනේෂ් චන්දිමාල්, ඇන්ජලෝ මැතිව්ස්, කුසල්පෙරේරා, නිරෝෂන් දික්වැල්ල, ධනංජය ද සිල්වා, සුරංග ලක්මාල්, ළහිරු කුමාර, විෂ්ව ප්‍රනාන්දු, ලක්ෂාන් සඳකැන්, ඩිල්රුවන් පෙරේරා, ලසිත් ඇඹුල්දෙණිය, කසුන් රජිත, වනිඳු හසරංග.  (පළමු ටෙස්ට් තරගයට පෙර ආදේශක ක්‍රීඩකයකු නම් කිරීමට නියමිතය)

සංචාරක බටහරි ඉන්දිය කොදෙව් කණ්ඩායම සහ ශ‍්‍රී ලංකා කණ්ඩායම අතර අද (6) මහනුවර පල්ලේකැලේ ක‍්‍රීඩාංගණයේදී පැවැති දෙවැනි විස්සයි විස්ස තරගයෙන් බටහිර ඉන්දිය කොදෙව් කණ්ඩායම කඩුළු 07ක පහසු ජයක් ලැබුවා. ඒ අනුව තරග දෙකකින් යුතු විස්සයි විස්ස තරගාවලිය 2-0ක් ලෙස ජය ගැනීමට කොදෙව් කණ්ඩායම සමත් වුණා.

කාසිසේ වාසිය දිනාගත් බටහිර කොදෙව් කණ්ඩායම පන්දුවට පහර දෙන ලෙස ශ‍්‍රී ලංකා කණ්ඩායමට ආරාධනා කළා. ඒ අනුව පන්දුවට පහර දුන් ශ‍්‍රී ලංකා කණ්ඩායම නියමිත පන්දුවාර 20 තුළදී කඩුළු 06කට ලකුණු 155ක් වාර්තා කළා. ශ‍්‍රී ලංකා කණ්ඩායමේ යම් පමණකට හෝ සාර්ථක වූ දසුන් ශානක නොදැවී ලකුණු 31ක් සහ තිසර පෙරේරා නොදැවී ලකුණු ලකුණු 21ක් වාර්තා කළා.

ලකුණු 156ක පහසු ඉලක්කයක් හඹා ගිය බටහිර ඉන්දිය කොදෙව් කණ්ඩායම පන්දුවාර 17කදී කඩුළු 03කට ලකුණු 156ක් වාර්තා කළා.

ශ්‍රී ලංකා ඉනිම

බටහිර ඉන්දිය කොදෙව් ඉනිම

Edit

සංචාරක බටහරි ඉන්දිය කොදෙව් කණ්ඩායම සහ ශ‍්‍රී ලංකා කණ්ඩායම අතර අද (4) මහනුවර පල්ලේකැලේ ජාත්‍යන්තර ක‍්‍රීඩාංගණයේ පැවැති පළමු විස්සයි විස්ස තරගයෙන් ලකුණු 25ක ජයක් ලැබීමට බටහිර ඉන්දිය කොදෙව් කණ්ඩායම සමත් වුණා.

කාසියේ වාසිය දිනාගත් බටහිර ඉන්දිය කොදෙව් නායකයා පළමුවෙන් පන්දුවට පහරදීමට තීරණය කළ අතර ඔවුන් නියමිත පන්දුවාර 20 තුළ දී කඩුළු 04කට ලකුණු 196ක් වාර්තා කළා.

පිළිතුරු ඉනිම ක‍්‍රීඩා කළ ශ‍්‍රී ලංකා කණ්ඩායම පන්දුවාර 19.1කදී සියලු දෙනාම දැවී රැුස් කළේ ලකුණු 171ක් පමණයි.

ක‍්‍රිකට්වලට කිසිදු භේදයක් අදාළ නැහැ කියන එක තමයි පොදු අදහස වෙන්නේ. ඒ බව ලංකාවේ අපිත් දන්නවා. මේ කතාවත් එහෙම එකක්.

‘ග්ලේන් මැක්ස්වෙල්’ කියන්නේ ඕස්ටේ‍්‍රලියානු ජාතික කණ්ඩායමේ ප‍්‍රබල තුන්ඉරියව් ක‍්‍රීඩකයෙක්. ඒ වගේම ඔහු ඉන්දීය ප‍්‍රිමියර් ලීග් පිටියේ ද සුපිරි දක්ෂතා දක්වා තිබෙනවා. ඒ ප‍්‍රබල ‘කිංග්ස් ඉලෙවන් පන්ජාබ්’ කණ්ඩායම නියෝජනය කරමින්.

ඉතිං, දැන් මැක්ස්වෙල්ට ඉන්දියාව සමග තිබෙන්නේ ගසට – පොත්ත වාගේ සම්බන්ධතාවක්. ඔහු මාස හතරක් පමණ ගත කරන්නේ ඉන්දියාවේ.

මාස ගාණක් ඉන්දියාවේ ගත කරන කොට මැක්ස්වෙල් ඉන්දියාවට ආදරේ කරන්න පටන් ගත් බවයි ඔහුගේ සමීපතමයෝ කියන්නේ. ඒ්ත් දැන් ඒ ආදරේ, බැඳීම සදාකාලික වෙලා කියලයි මැක්ස්වෙල් කියන්නේ. ඒ වෙන දෙයක් නිසා නොවෙයි ඔහු තම අනාගත සහකාරිය ඉන්දියාවෙන්ම තෝරා ගැනීම නිසයි.

මැක්ස්වෙල්ගේ පෙම්වතිය තමයි සුරූපී ඉන්දියානු යුවතියක් වන ‘විනී රාමන්’ ඔවුන් පසුගිය දා විවාහ ගිවිස ගත් බවයි මැක්ස්වෙල් – විනී නිවේදනය කළේ. ඔවුන් විවාහා ගිවිස ගත් ඡායාරූප ඉන්දීය සමාජ මාධ්‍යවල තිබුණා.

බටහිර ඉන්දීය කොදෙව්වන් 3-0 ක පරාජයකට ඇද දැමුණු තෙවැනි එක්දින තරගයේදී අවසන් පන්දුවාර 10 දී ශ්‍රී ලංකා පිල ලකුණු 88 ක් ලබා ගත් අතර එය හඹා යෑමේදී අවසන් පන්දු 60 තුළදී ලකුණු 88 ක් ලබා ගැනීමේ අභියෝගය කොදෙව්වන් හමුවේද පැවැතිණ. එහෙත් ඇන්ජලෝ මැතිව්ස්ගේ සුපිරි පන්දු යැවීම හමුවේ නියමිත පන්දුවාර 50 දී කොදෙව් පිලට රැස් කරගත හැකි වූයේ ලකුණු 82 කින්. එබැවින් කරට කර සටනක් ගිය තරගයේ අවසානයේ ශ්‍රී ලංකාවට ලකුණු 6 ක ජයග්‍රහණයක් හිමිවිය.

ශ්‍රී ලංකා ජයග්‍රහණයේ නියමුවා බවට පත්වූ ඇන්ජලෝ මැතිව්ස් සිය දක්ෂතා පිළිබඳව සඳහන් කරමින් පවසි සිටියේ පන්දු යවන්නකු ලෙසින් සාර්ථක වුවත් පිතිකරුවකු ලෙසින් තමා දැඩි අසාර්ථකත්වයකට පත්වූ තරගාවලියක් ලෙසින් මෙම තරගාවලිය හැඳින්විය හැකි බවයි.

“ඇත්තටම පන්දුවාර 10 ක් දාන්න ලැබුණු එක සහ පුළුවන් වෙච්ච එක ගැන හුඟක් සතුටුයි. පසුගිය මාස පහ හය තුළ මම ට්‍රේනත් (අභ්‍යාසක) එක්ක එකතු වෙලා සෑහෙන්න මහන්සි වෙලා තමයි පන්දු යවන්න පටන් ගත්තේ. ඒ කාලයේදී මම ඇඟේ බර ගොඩක් අඩු කරගත්තා” යි පවසන මැතිව්ස්, “නමුත් මම කියන්න ඕන මේ තරගාවලිය පිතිකරුවෙක් විදියට මම ඉතාමත්ම අසාර්ථක වෙච්ච තරගාවලියක්. මගේ අංශය තමයි පිතිකරු අංශය, නමුත්  අපි තරග 3 දීම ලකුණු 300 ක් වගේ ගත්ත නිසා ඒක පෙනුණේ නෑ. අනිත් සියළුම දෙනා මං හැරෙන්න මේ තරගාවලියේදී හොඳට පිතිකරණයේ යෙදුණා” යැයි ලකුණු අතරට ඒමට නොහැකි වීම පිළිබඳව මැතිව්ස් කණස්සල්ල පල කර සිටියේය.

කොදෙව් පිල වෙනුවෙන් යොමු කරන ලද අවසන් පන්දුවාර 10 ඇතුළත පන්දුවාර 3 ක් යැවූ මැතිව්ස් ලකුණු 27 ක් ඇතුළත කොදෙව් පිතිකරුවන් තිදෙනකු දවා ලමින් සමස්ථ තරගයේදී ලකුණු 59 කට කඩුලු 4 ක් බිඳ හෙලුවේ තරගයේ වීරයා සම්මානයද දිනා ගනිමිනි.

“නුවන් ප්‍රදීප් ආබාධයකට ලක් වීම නිසා තව පන්දුවාර පහක් යවන්න පන්දු යවන්නෙකුගේ අවශ්‍යතාවය පැවැතියා. ඒ නිසා මම ඒ වෙලාවේ දිමුත්ට කිව්වා ඕන වුණොත් අඩු වෙන පන්දුවාර 5 මම දාන්නම් කියා. ඒ වෙලාව වෙනකොට මම යවලා තිබුණු පළමු පන්දුවාර 5 හොඳටම දාලා තිබුණේ” යැයි පන්දුවාර 10 ම යැවීමට සිදුවීම සම්බන්ධව මැතිව්ස් කරුණු පැහැදිළි කර සිටියේය.

පාදයේ දිගින් දිගටම හට ගැනෙන ආබාධිත තත්ත්වය හේතුවෙන් අවසන් වසර 5 ක පමණ කාලය ඇතුළත මැතිව්ස් පන්දු යැවීමෙන් බොහෝ ඈත් වී සිටියේය. ඒ අනුව ඔහු මෙම තරගයේදී පන්දුවාර 10 ක් ක්‍රියාත්මක කරන ලද්දේ වසර 5 කට පසුව වීම කැපී පෙනෙයි. අවසන් වරට ඔහු පන්දුවාර 10 ක් යවා ඇත්තේ 2015 වසරේදී පාකිස්තානයට එරෙහිව පල්ලකැලේ ක්‍රීඩාංගණයේදී පැවැති තරගයකදීය.

මෙම තරගාවලියට ප්‍රථම ශ්‍රී ලංකා කණ්ඩායම සහභාගිවුණු බොහෝ එක්දින තරග පරාජයට පත් වූ නමුත් කොදෙව් කණ්ඩායමට එරෙහිව පැවැති තරගාවලියේදී කණ්ඩායම ඉතා උද්‍යෝගයකින් යුතුව ක්‍රීඩා කළේය. මෙම තත්ත්වයට හේතු කවරේද යන්න කරන ලද විමසීමේදී, “මම හිතන්නේ අපි ඉතාමත් මහන්සි වෙනවා. විශේෂයෙන්ම පිතිකරණය, පන්දු යැවීම සහ පන්දු රැකීම යන අංශ 3 ම දියුණු කර ගන්න. ඒ වෙනුවෙන් අපේ පුහුණුකරුවන් ඉතාමත් හොඳින් අපි කළමනාකරණය කරනවා වගේම අපිට අවශ්‍ය සියලු පහසුකම් ලබා දෙනවා. ඒ වගේම වඩා වටිනා දේ තමයි ඔවුන් ක්‍රීඩකයින් තුළ ඇති කරන විශ්වාසය. ඒ ඔක්කොම එකතු වුණාම තමයි කණ්ඩායමක් විදියට හැඟීමෙන් සියළු දෙනාම ක්‍රීඩා කරන්නේ. දැන් අපි හොඳ ගමනක් යන්න පටන් අරන් තියෙනවා. විශ්වාස කරනවා ඉදිරියටත් ඒ දේ කරන්න පුලුවන් වෙයි කියලා” යි මැතිව්ස් පවසයි.

 “ඇත්තටම මේ තත්ත්වය ගොඩක්ම ආත්ම විශ්වාසය එක් වුණේ වනිඳු හසරංග පළමු තරගයේදී ලබා දුන්න ජයග්‍රහණයෙක්. ඒ ආත්ම ශක්තියෙන් තමයි කණ්ඩායමේ සියළු දෙනාටම මේ ලැබිලා තියෙන උත්තේජන ලැබුණේ. අපි තරගාවලිය 3-0 කට දිනනකම් කොදෙව් පිලට කිසිම අවස්ථාවක් ලබා දුන්නේ නෑ”.

“අපි හැම තිස්සේම නායකයා එක්ක කතා කරලා සාමූහික තීරණයකට එන්න බලන්නේ. දිමුත් ඒ දේ හොඳින් කරනවා. පන්දු යවන්නනුත් පිතිකරුවනුත් එහෙමයි. ඔවුන් නායකයාට උපරිමය ලබා දුන්නා” යැයි කණ්ඩායම තුළ වූ සහයෝගී තාවය පිළිබඳවම මැතිව්ස් වැඩිදුරටත් කරුණු දක්වයි.

“ඇත්තටම තරග 3 කට එකම ක්‍රීඩකයන් 11 දෙනෙක් ක්‍රීඩා කළ තරගාවලියක් මට මතක නෑ. මම හිතන්නේ විය යුත්තේ මේ දේ තමයි. අපි බැලුවොත් හොඳින් ක්‍රීඩා කරන අනිත් රටවල් බොහෝ විට ක්‍රීඩා කරන්නේ අරන් යන 15 න් 12 ක් විතර. ඒ අය තමයි එක දිගට ක්‍රීඩා කරන්නේ. ක්‍රීඩකයින් ආත්මාර්ථකාමී වෙන්නේ ඔවුන්ට අවශ්‍ය ආත්ම විශ්වාසය ගොඩ නගා ගන්න බැරි වුණාම. එහෙම වුණම ක්‍රීඩකයන් ක්‍රීඩා කරන්නේ එක් තරගයක් ගහල එළියට යන්න වෙයිද කියන චකිතයෙනි. හැබැයි දැන් ඒ දේ ක්‍රීඩකයින්ට තේරීම් කමිටුව ලබා දීලා තියෙනවා.  ක්‍රීඩා කරන හැමෝම දන්නවා පන්දුවට පහර දීම, පන්දු යැවීම සහ පන්දු රැකීමේදී, පීඩනය සහ චකිතය හැමෝටම තියෙනවා. නමුත් අංක එක දක්ෂතාවවයි. අන්න ඒ හරහා දැන් ක්‍රීඩකයින් තුළ විශ්වාසයක් තියෙනවා එකක් අසාර්ථක වුණු පළියට එළියට දාන්නේ නෑ කියලා” යැයි පැවැති තරග 3 දී එකම වෙනස් කමක් හෝ නොකර තරග වැදීමට කණ්ඩායම් කළමනාකාරීත්වය තීරණය කිරීම පිළිබඳව වූ ආකල්පය විස්තර කළේය. මෙකී තත්ත්වය කණ්ඩායම තුළ යහපත් වාතාවරණයක් නිර්මාණය කිරීමේලා බෙහෙවින් බලපා ඇති බවද මැතිව්ස් වැඩිදුරටත් අනාවරණය කර සිටියේය.

ශ්‍රී ලංකා විස්සයි-20 කණ්ඩායමට ඇතුළත්ව සිටින තුන් ඉරියව් ක්‍රීඩක ධනංජය ද සිල්වා සහ වේග පන්දු යවන නුවන් ප්‍රදීප්ට එළැඹෙන 04 වැනිදා බටහිර ඉන්දීය කොදෙව් කණ්ඩායමට එරෙහිව ආරම්භ වන තරග 2 කින් සමන්විත විස්සයි-20 තරගාවලියට ක්‍රීඩා කිරීමේ අවස්ථාව අහිමිව තිබේ.

බටහිර ඉන්දීය කොදෙව් කණ්ඩායමට එරෙහිව ලකුණු 06 ක ජයග්‍රහණයක් වාර්තා කරන ලද තෙවැනි එක්දින තරගය සඳහා ක්‍රීඩා කරන ලද අවසන් ක්‍රීඩකයන් එකොලොස් දෙනා අතරට මොවුන් දෙදෙනාම ඇතුළත් වූ අතර එම තරගය අතරතුරදී ආබාධවලට ලක්වීම උක්ත තත්ත්වයට හේතු වී තිබේ.

මොවුන් දෙදෙනා අතුරින් ධනංජය ද සිල්වාගේ තත්ත්වය එතරම් භයානක නොවන අතර ඔහුට එළැඹෙන 19 වැනිදා එංගලන්තය සමඟ ආරම්භ වන ටෙස්ට් තරගාවලිය සඳහා ක්‍රීඩා කිරීමේ අවස්ථාව පවතින බව පවසන කණ්ඩායම් කළමනාකරු අසන්ත ද මෙල් මහතා, නුවන් ප්‍රදීප්ගේ තත්ත්වය බරපතල බව සඳහන් කර සිටියේය.

කොදෙව් ඉනිමේ 37 වැනි පන්දුවාරය යැවීමට කැඳවුම් ලද නුවන් ප්‍රදීප් තෙවැනි පන්දුව යොමු කිරීමත් සමඟ කළවයේ මස්පිඬු ඇදී යෑමේ ආබාධයකට ගොදුරු වූ බැවින් එම පන්දුවාරය සම්පූර්ණ කිරීම සඳහා තිසර පෙරේරා ව කැඳවීමට නායක දිමුත් කරුණාරත්නට සිදුවිය. භෞත චිකිත්සක අජන්ත වත්තේගමගේ ද වාරු ඇතිව ප්‍රදීප් පිටියෙන් ඉවතට යන විට පන්දුවාර 4 කුත් පන්දු 3 ක් යවා ලකුණු 22 ක් ලබා දී තිබුණේ කඩුල්ලක් දවා ගැනීමට අසමත්වෙමිනි.

කෙසේ වෙතත් මෙම තරගයේදී කැපී පෙනෙනම පිතිහරඹයක නියැළුණු ධනංජය ද සිල්වා පන්දු 47 කදී වේගවත් ලකුණු 51 ක් ලබා ගැනීමට සමත්විය. ඔහුගේ පිතිහරඹය ප්‍රධාන කොට ශ්‍රී ලංකාවට ලකුණු 300 ට වඩා ඉලක්කයක් කොදෙව් කණ්ඩායමට ලබාදීමට හැකියාව ලැබිණ. පිටිය තුළදී ආබාධයකට ලක් නොවුණද අතේ ඇතිවී තිබෙන ආබාධයක් නිසා ඔහු පන්දුවට පහර දී ඇත්තේද සුළු වේදනාවකින් බව කණ්ඩායම් කළමානාකරු වැඩිදුරටත් සඳහන් කර සිටියේය.

“ධනංජයගේ අතේ ටික දවසක ඉඳන් පොඩි ගෙඩියක් ඇවිල්ලා තියෙනවා. ඒක තියාගෙන ඔහු ක්‍රීඩා කළත් යම් අවස්ථාවන්වලදී පන්දුවට පහර දෙනකොට එතනින් වේදනාවක් එනවා. කොදෙව් තරගයේදීත් එහෙම වුණා. ඉදිරියට එන එංගලන්ත සංචාරයෙදි ඔහු ගැන අවධානමක් ගන්න අපිට බැහැ. ඒ නිසා වෛද්‍යවරුන් කිව්වේ ඒ වෙනුවෙන් කළ යුතු ශල්‍යකර්මය ඉක්මනින්ම කරගන්න කියලා. ඒ නිසා අපි ඔහුට ඒ ශල්‍යකර්මය කරගන්න අවස්ථාව ලබා දුන්නා” යි අසන්ත ද මෙල් මහතා කරුණු දක්වා සිටියේය.

ධනංජයගෙන් හිස්වන ස්ථානය සඳහා කිසිවකුත් කණ්ඩායමට ආදේශ නොකරන බව සඳහන් කර සිටි තේරීම් කමිටු සභාපති ධුරයේද කටයුතු කරන ද මෙල් මහතා, නුවන් ප්‍රදීප්ගේ ස්ථානය සඳහා අසිත ප්‍රනාන්දුව කැඳවීමට පියවර ගත් බව සඳහන් කර සිටියේය.

Text by sl cricket