Category: සුපිරි Sports

හිටපු රාජ්‍ය ඇමතිනි ඩයනා ගමගේ මහත්මියගේ ලංකා පුරවැසිභාවය පමණක් නොව මෙරට විවාහයද බොරුවක් බව අභිනව ජනතාව පෙරමුණේ නායක නායක ඕෂල හෙරත් මහතා සඳහන් කරයි.

ඔහු පෙන්වා දෙන්නේ ඩයනාගමගේ මහත්මිය විවාහ වී සිටි සිටින බව කියන සේනකද සිල්වා වෙනත් නීත්‍යානුකූල විවාහයක් පවතින පුද්ගලයකු බවයි.

යුක්‍රේන ජාතික තරුණියක් හා විවාහ වී සිටින ඔහුට එම විවාහයෙන් දරුවන් දෙදෙනෙකු සිටින බවටද තොරතුරු ඇතැයි ඔහු කියා සිටියි.

දැනටද එම කාන්තාව මෙරට නිවසක සිටින බවත් සේනකද සිල්වා මෙම කාන්තාවන් දෙදෙනා සමගම ජීවත් වන බවත් ඔහු පවසයි.

අන්තර්ජාල නාලිකාවක සාකච්ඡාවකදී හෙතෙම මෙම අදහස් පළ කරන ලදී.

ශ්‍රී ලංකාව සහ බංග්ලාදේශය අතර පැවති පළමු ටෙස්ට් ක්‍රිකට් තරගයේදී තරගය ජයගැනීම සඳහා ලකුණු 511ක ඉලක්කයක් හඹා ගිය බංග්ලාදේශය ලකුණු 182 කට සීමා කරමින් ලකුණු 328කින් ජයගැනීමට ශ්‍රී ලංකා කණ්ඩායම අද (25) සමත් විය.

තරගය ජය ගැනීම සඳහා ලකුණු 511ක ඉලක්කයක් හඹා ගිය සත්කාරක බංග්ලාදේශ කණ්ඩායම තරගයේ සිව්වැනි දිනයේ දී ලකුණු 182කට දැවී ගියේය.

ශ්‍රී ලංකා කණ්ඩායම වෙනුවෙන් නායක ධනංජය ද සිල්වා (ලකුණු 102 & 108) සහ කමිඳු මෙන්ඩිස් (102 & 164) ඉනිම දෙකේදී ශතක දෙක බැගින් රැස් කිරීම විශේෂත්වයකි.

බංග්ලාදේශ කණ්ඩායම සිය පළමු ඉනිමට ලකුණු 188ක් රැස් කළ අතර ඔවුන් දෙවැනි ඉනිම සඳහා රැස් කළේ ලකුණු 182ක් පමණි.

අන්තර්ජාතික ක්‍රිකට් සභාව විසින් 2020 වරට අදාළව ප්‍රකාශයට පත් කරන ලද අයි.සී.සී. වසරේ විස්සයි-20 ක්‍රිකට් කණ්ඩායම නම් කිරීමේදී එම ක්‍රීඩකයින් 11 දෙනා අතරට ශ්‍රී ලංකා පිලේ තුන් ඉරියව් ක්‍රීඩක වනිඳු හසරංගවද ඇතුළත් කර තිබේ. මෙම කණ්ඩායමේ නායකයා ලෙස පාකිස්තානු ක්‍රීඩක බාබර් අසාම්ව නම් කර තිබේ.

නම් කරන ලද කණ්ඩායමට පාකිස්තානයෙන් ක්‍රීඩකයෙන් තිදෙනකු, දකුණු අප්‍රිකාවෙන් ක්‍රීඩකයින් තිදෙනකු, ඔස්ට්‍රේලියාවෙන් ක්‍රීඩකයින් දෙදෙනෙකු, එංගලත්ය, ශ්‍රී ලංකාව සහ බංග්ලාදේශය නියෝජනය කරමින් එක් ක්‍රීඩකයකු බැගින් ලොව හොඳම විස්සයි-20 කණ්ඩායමට නම් කර තිබේ.

ගෙවී ගිය වසරේදී දිගින් දිගටම දක්ෂතා අතරට පැමිණීමට සමත් වුණු හසරංග එක්සත් අරාබි එමීර් රාජ්‍යයේ පැවැති විස්සයි-20 ලෝක කුසලාන තරගාවලියේ වැඩිම කඩුලු ලාභියා බවට පත් වෙමින් ලොව අවධානයට පාත්‍ර වූවේය. පන්දු යැවීමට අමතරව පිතිකරුවකු ලෙසද දක්ෂතා දැක්වීමට වනිඳු සමත්වීම, හොඳම ක්‍රීඩකයින් අතරට එකතුවීමට මං පෙත් විවර කර දී තිබේ. ගෙවී ගිය වසරේදී වනිඳු විස්සයි-20 තරග 20 කට සහභාගිවෙමින් කඩුලු 36 ක් දවා ගැනීමටද ලකුණු 196 ක්ද ලබා ගැනීමට සමත්ව සිටියි.

නම් කරන ලද අයි.සී.සී. වසරේ විස්සයි-20 කණ්ඩායම – ජොස් බට්ලර්, මොහොමඩ් රිස්වාන් (කඩුලු රකින්නා), බාබර් අසාම් (නායක), ඒඩ්න් මාක්‍රම්, මිචෙල් මාෂ්, ඩේවිඩ් මිලර්, ටබ්‍රේස් ශම්සි, ජොස් හෙසල්වුඩ්, වනිඳු හසරංග, මුස්ටෆිසූර් රෙහ්මාන්, ශහීන් අෆ්රිඩි.

කොවිඩ් එන්නත්කරණ නීතිරීති හේතුවෙන් ඕස්ට්‍රේලියානු බලධාරීන් විසින් ලොව අංක එකේ ටෙනිස් ක්‍රීඩක නොවාක් ජොකොවිච් රඳවා තබාගැනීමේ සිදුවීම දෙස ලෝක අවධානය යොමුව ඇති මොහොතේ, ටෙනිස් ක්‍රීඩක තියාගෝ මොන්ටේරෝ ඕස්ට්‍රේලියානු විවෘත ටෙනිස් තරගාවලිය සඳහා අඛණ්ඩව පුහුණුවීම් කටයුතු සිදුකරගෙන ගියේ ය.

ලෝක ටෙනිස් ශ්‍රේණිගතකිරීම්වල අංක 89හි පසුවන මෙම බ්‍රසීලියානු ක්‍රීඩකයාට තරගාවලියේ සිය ස්ථානය අහිමි කරගැනීමේ අවදානම ගත නොහැක්කේ, ඔහුට පළමු වටයේ තරගයට පෙනී සිටීමෙන්ම පමණක් ඩොලර් 100,000ක ත්‍යාග මුදලක් උපයාගත හැකි බැවිනි.

එහෙත් තරගයට පෙර එන්නත ලබාගැනීමට මොන්ටේරෝ පෙළඹවූයේ එන්නත් සම්බන්ධ දැඩි ප්‍රතිපත්තිය නොවේ.

“මම එන්නත ලබාගැනීමට ගත් තීරණය යි, ඕස්ට්‍රේලියානු විවෘත ටෙනිස් තරගාවලිය යි අතරේ කිසි සම්බන්ධයක් නැහැ. මම එන්නත ගත්තේ මාත්, අනෙක් අයත් ආරක්ෂා කර ගැනීමේ පියවරක් විදියට යි,” මොන්ටේරෝ බීබීසීයට පැවසුවේ ය.

ඉහළින් ආ විරෝධය

පිරිමි ටෙනිස් ක්‍රීඩාව නියාමනය කරන ටෙනිස් වෘත්තිකයන්ගේ සංගමයට (ATP) අනුව, ශ්‍රේණිගතකිරීම්වල පළමු ස්ථානයන් 100 තුළ සිටින ටෙනිස් ක්‍රීඩකයින්ගෙන් 95%කට වැඩිදෙනෙක් ද, සමස්ත ක්‍රීඩකයින්ගෙන් 80%කට වැඩි පිරිසක් ද මේ වන විට එන්නත් මාත්‍රා දෙකම ලබාගෙන තිබේ.

නමුත් ඒ, 2021 ඔක්තෝම්බර් මාසයේ දී ඕස්ට්‍රේලියානු විවෘත ටෙනිස් තරගාවලියේ අනිවාර්ය එන්නත් ප්‍රතිපත්තිය ප්‍රකාශයට පත්කළ දා සිට ය.

එම නිවේදනයට පෙර, එන්නත් ලද ක්‍රීඩකයන්ගේ අනුපාතය 65%කටත් වඩා බෙහෙවින් අඩු මට්ටමක පැවතුණි.

කාන්තා ටෙනිස් සංගමය (WTA) විසින් නිකුත් කෙරුණු නවතම සංඛ්‍යාලේඛනවලින් හෙළි වන්නේ ක්‍රීඩිකාවන්ගෙන් 80%කට වැඩි පිරිසක් එන්නත් මාත්‍රා දෙකම ලබාගෙන ඇති බව යි. 2022 ජනවාරි 6 වන දා වන විට, කාන්තා ශ්‍රේණිගතකිරීම්වල පළමු ක්‍රීඩිකාවන් සියදෙනා අතරේ මෙය 85%ක් දක්වා වර්ධනය වී තිබුණි.

ඡායාරූප මූලාශ්‍රය,GETTY IMAGESඡායාරූප ශීර්ෂ වැකිය,

බ්‍රසීලයේ අංක එකේ ටෙනිස් ක්‍රීඩක තියාගෝ මොන්ටේරෝ පවසන්නේ, තමා එන්නත ලබාගත්තේ ඕස්ට්‍රේලියානු විවෘත ටෙනිස් තරගාවලිය එන්නත අනිවාර්ය කිරීම නිසා නොවන බව යි

ජොකොවිච්ට සිදුවූ දෙයට සමාන සිදුවීම් පැසිපන්දු, ගොල්ෆ්, සහ පාපන්දු ඇතුළු අනෙකුත් ක්‍රීඩාවල ද නිරීක්ෂණය වී ඇත.

නමුත්, ලෝකයේ සිය සෞඛ්‍යය ගැන වඩාත්ම සැලකිලිමත් වන පිරිස අතර සිටින ඇතැම් ඉහළ පෙළේ ක්‍රීඩක ක්‍රීඩිකාවන් ද එන්නත ලබාගැනීමට මෙතරම් මැලි වන්නේ ඇයි?

මෙය මොන්ටේරෝට ද පිළිතුරු නැති ප්‍රශ්නයකි.

ඔහු එන්නත් ප්‍රතික්ෂේප කරන තම සගයන්ගේ නම් ප්‍රකාශ කිරීම ප්‍රතික්ෂේප කරන අතරම, වෘත්තීය ක්‍රීඩක ක්‍රීඩිකාවන් විද්‍යාත්මක උපදෙස් ප්‍රශ්න කිරීම තමාට තේරුම්ගත නොහැකියැ යි පවසයි.

“මෙහෙම වෙන්නේ ඇයි කියලා මම ඇත්තටම දන්නේ නැහැ. නමුත් ඒක එන්නත සම්බන්ධයෙන් පැතිරෙන සියලුම වැරදි තොරතුරුවල ප්‍රතිඵලයක් කියලා මම සැක කරනවා,” ඔහු කියයි.

එක්සත් රාජධානියේ සොලන්ට් විශ්වවිද්‍යාලයයේ ක්‍රීඩා මනෝවිද්‍යාඥ ආචාර්ය ඩැරන් බ්‍රිටන් ප්‍රකාශ කරන්නේ, එන්නත් ලබාගැනීමට ඇති පැකිලීම තේරුම් ගැනීමට නම්, පළමුවෙන්ම, ක්‍රීඩක ක්‍රීඩිකාවන් අප බොහෝ දෙනෙකුට වඩා සිය ශරීරය ගැන සැලකිලිමත් වන ආකාරය පරීක්ෂා කළ යුතු බව යි.

“ක්‍රීඩක ක්‍රීඩිකාවන් සතු වටිනාම භාණ්ඩය ඔවුන්ගේ ශරීරයයි,” බ්‍රිටන් පැහැදිලි කරයි.

“එන්නත ගැන ප්‍රමාණවත් තොරතුරු ලැබිලා නැතිනම් හෝ, වැරදි තොරතුරු ලැබිලා තියෙනවා නම්, ඔවුන්ගෙන් සමහරෙක් එන්නත් ගැනීමට පසුබට පැකිලෙන්න පුළුවන්.”

“උදාහරණයක් විදියට, මුල දී ඔවුන් බයවෙලා හිටියා එන්නතෙන් ඔවුන්ගේ ක්‍රීඩා හැකියාවට බලපෑමක් වෙයි ද, නැත්නම් තහනම් උත්තේජක පරීක්ෂණවල දී ඒක උත්තේජකයක් විදියට පෙන්වයි ද කියලා,” ඔහු වැඩි දුරටත් පවසයි.

පසුගිය වසරේ ජොකොවිච් ප්‍රකාශකර සිටියේ ඔහු “එන්නත්කරණයට විරුද්ධ” බව යි.

බ්‍රිටන් වැනි ප්‍රවීණයන් විශ්වාස කරන්නේ ජොකොවිච් වැනි ඉහළ පෙළේ ක්‍රීඩකයෙකු ප්‍රසිද්ධියේ එන්නත ප්‍රශ්න කිරීමෙන්, එන්නත ලබාගැනීමට ඇති පැකිලීම ඉහළ යන බව යි.

එක්සත් ජනපදයේ ජාතික ඇමරිකානු පාපන්දු ලීගයේ ද (NFL) මෙවැනිම තත්ත්වයක් ඇතිවිය.

සිය ක්‍රීඩකයින්ගෙන් 90%කට වැඩි පිරිසක් එන්නත් මාත්‍රා ද්විත්වයම ලබා ඇතැ යි පාපන්දු ලීගය පැවසු නමුත්, NFL තාරකාවක් වන ඒරන් රොජර්ස්, කොවිඩ්-19ට එරෙහිව විකල්ප ප්‍රතිශක්තිකරණ ක්‍රමයක් ලෙස හෝමියෝපති වෙදකම භාවිතා කිරීම ප්‍රවර්ධනය කළේ ය.

තමා එන්නත ලබාගත්තැ යි ජනතාව නොමඟ යැවීම පිළිබඳව ද ඔහුට චෝදනා එල්ලවිය.

එංගලන්ත පාපන්දු ක්‍රීඩකයන් අතර ද එන්නත් ලබා ගැනීමට පැකිලීමක් ඇතිබවට පෙනෙන්නට තිබේ. කණ්ඩායම තුළ කොවිඩ්-19 පැතිරීම හේතුවෙන් ඔවුන්ගේ තරග කිහිපයක්ම කල් දමනු ලැබුණි.

එක්සත් රාජධානියේ පාපන්දු ක්‍රීඩාවේ පහළ ඩිවිශනයන්ගේ පාලක මණ්ඩලය වන එංගලන්ත පාපන්දු ලීගය විසින් දෙසැම්බර් මස අග දී සිදුකරන ලද සමීක්ෂණයකින් හෙළිවූයේ, ඒ යටතේ ඇති වෘත්තීය කණ්ඩායම් 72හි ක්‍රීඩකයින්ගෙන් හතරෙන් පංගුවක්ම “එන්නත ලබා ගැනීමට අපේක්ෂා නොකරන” බව යි.

එක්සත් රාජධානියේ පාපන්දු ක්‍රීඩාවේ ඉහළම කොටස වන ප්‍රිමියර් ලීගයේ ක්‍රීඩකයින්ගෙන් 23%ක් මාත්‍රා දෙකම හෝ, පළමු මාත්‍රාව හෝ ලබාගෙන නැත.

“ක්‍රීඩක ක්‍රීඩිකාවන් කුමන්ත්‍රණ න්‍යායයන්ට ලේසියෙන්ම ගොදුරු වෙනවා”

“මළල ක්‍රීඩකයින් සුපිරි මිනිසුන් කියල අපි හිතනවා. නමුත් අපි කවුරුත් වගේම ඒ අයත් වැරදි තොරතුරු සහ කුමන්ත්‍රණ න්‍යායයන්වලට ලේසියෙන්ම ගොදුරු වෙන්න පුළුවන්,” නොටින්හැම් ට්‍රෙන්ට් විශ්වවිද්‍යාලයයේ ක්‍රීඩා, සෞඛ්‍ය සහ ශරීරය පිළිබඳ ජ්‍යෙෂ්ඨ කථිකාචාර්ය ආචාර්ය ගැවින් වීඩන් පවසයි.

ක්‍රීඩක ක්‍රීඩිකාවන් එන්නත් ගැනීමට පැකිලීම පිළිබඳව විශේෂයෙන් අවධානය යොමු කරන නව අධ්‍යයන වැඩසටහනක සම්බන්ධීකාරක වන වීඩන්, ප්‍රතිශක්තිකරණය පිළිබඳව ඇතිව තිබෙන විවාදයේ දී ඔවුන්ට ‘විශේෂයෙන් පහර නොදිය යුතු’ බවට ද අනතුරු අඟවයි.

“නොවාක් ජොකොවිච් එන්නත් ගැන මොකවත්ම නොකිව්වත්, දැනටත් එන්නත් ගැනීමට ඇති පැකිලීම ලෝකය පුරාම පැතිරුණු තත්ත්වයක්,” ඔහු සිය නිරීක්ෂණය බෙදාගත්තේ ය.

නමුත් එන්නතට එරෙහිව ඉහළ පෙළේ පුද්ගලයන්ගෙන් එල්ලවන විරෝධය, එන්නත්කරණ අනුපාතය ඉහළ නැංවීමට බලධාරීන් දරන උත්සාහයට උපකාරී නොවන බව යි විශේෂඥයා ප්‍රකාශ කරන්නේ.

“ඒක ජොකොවිච්ගේ අභිප්‍රාය වුණත් නැතත්, ඔහුගේ තත්ත්වය නිසා මෙන්ම ඔහුගේ ප්‍රකාශයන් සහ අදහස්වලට ලැබෙන වටිනාකම නිසා, ඔහු එන්නත් විරෝධී ව්‍යාපාරයේ ‘මුහුණ’ බවට පත්වුණා.”

ක්‍රීඩක ක්‍රීඩිකාවන් අතර එන්නත් ලබා ගැනීමේ ප්‍රතිශතය ඉහළ නැංවීමට සෞඛ්‍ය බලධාරීන්, ක්‍රීඩා ආයතන සහ කණ්ඩායම්වල උත්සාහය උපකාරී වී ඇති නමුත්, ඩැරන් බ්‍රිටන් අනතුරු අඟවන්නේ ක්‍රීඩක ක්‍රීඩිකාවන් “එන්නත ප්‍රවර්ධනය කරන්නන්” ලෙස හඳුන්වා දීමේ උත්සාහයට මෙය බාධාවක් විය හැකි බව යි.

“ඔබ යමක් අනිවාර්ය කරන්න උත්සාහ කරන තරමටම, මිනිස්සු ඊට විරුද්ධව යන්න ඉඩ තියෙනවා,” බ්‍රිටන් පවසයි.

“ක්‍රීඩක ක්‍රීඩිකාවන්ට ආදර්ශයක් දෙනවා දකින්න අවශ්‍ය නම්, ඔබ කළයුත්තේ ඔවුන්ව දැනුවත් කරන එක යි.”

එන්නත් ලබා නොගැනීම තියාගෝ මොන්ටේරෝ සඳහා කිසි විටෙකත් විකල්පයක් නොවීය.

දුර්වල සෞඛ්‍ය තත්ත්වයක පසුවන මවක සිටීම නිසා මෙන්ම, ඔහුගේ උපන් රට වන බ්‍රසීලයේ කොවිඩ් ආශ්‍රිත මරණ සංඛ්‍යාව ඉහළ වීම (600 000කට වැඩි) නිසා ද ඔහු කම්පනයට පත්ව සිටියේ ය.

නමුත් ජොකොවිච්ගේ නම විශේෂයෙන්ම සඳහන් නොකළත්, බ්‍රසීලයේ අංක එකේ ක්‍රීඩකයා පවසන්නේ ක්‍රීඩකයින් ඔවුන්ගේ ක්‍රියාවන්හි ප්‍රතිවිපාක ගැන කල්පනාකාරී විය යුතු බව යි.

“එන්නතෙන් ජීවිත බේරා ගන්නා බව ඔප්පු වී ඇතත්, එන්නත ගැන මිනිසුන්ට පුද්ගලික අදහස් තියෙන්න පුළුවන්.”

“නමුත් මම දන්නවා, ලෝ වටා බොහෝ පිරිසක් අපි [ක්‍රීඩකයින්] දිහා බලාගෙන ඉන්න බව. ඇත්තටම අපිට එයාලට යම් බලපෑමක් කරන්න බලයක් තියෙනවා නම්, ඒක හොඳ අතට කරන බලපෑමක් බවට අපි වගබලා ගන්න ඕන.”

bbc sandesaya

මධ්‍යම අධිවේගී මාර්ගයේ මීරිගම – කුරුණෑගල කොටස විවෘත කිරීමට පෙර දින (14) තරුණ හා ක්‍රීඩා අමාත්‍යාංශය සහ මහා මාර්ග අමාත්‍යාංශය එක්ව ශ්‍රී ලංකා පාපැදි සම්මේලනයේ පූර්ණ අධීක්ෂණය යටතේ කාණ්ඩ තුනකින් සමන්විත පාපැදි තරගාවලියක් පැවැත්වීමට කටයුතු සංවිධානය කර තිබේ.

රටේ සංවර්ධන ක්‍රියාවලියට සමඟාමීව ක්‍රීඩාවේ ජවය යාවත්කාලීන කිරීමේ  අරමුණ ඇතිව අමාත්‍ය නාමල් රාජපක්ෂ මහතාගේ සංකල්පයකට අනුව මෙම පාපැදි ශූරතාවලිය පැවැත්වේ.

ජාතික හා අන්තර්ජාතික තරග නීති රීතිවලට සහ කොවිඩ් මාර්ගෝපදේශවලට යටත්ව පැවැත්වෙන මෙම පාපැදි තරගාවලිය මෙරට කාන්තා හා පිරිමි පාපැදි තරගකරුවන්ට ලැබෙන සුවිශේෂී අත්දැකීමක් වනු ඇත.

මෙම තරගාවලියේ මුඵ දුර ප්‍රමාණය කි.මි. 80කි. සුපිරි සහ 23න් පහළ  පිරිමි කාණ්ඩය, කණිෂ්ඨ පිරිමි කාණ්ඩය සහ සුපිරි කාන්තා තරගය ලෙස කාණ්ඩ කිහිපයක් යටතේ තරගාවලිය පැවැත්වේ.

ත්‍රිවිධ හමුදාව, වරාය අධිකාරිය, දෙහිවල ගල්කිස්ස නගර සභාව, සිවිල් ආරක්ෂක දෙපාර්තමේන්තුව ඇතුළු පාපැදි ක්‍රීඩා සමාජ 30ක් පමණ මෙම තරගාවලිය නියෝජනය කරයි.

ශ්‍රී ලංකා පාපැදි සම්මේලනයේ බලපත්‍රලාභී පාපැදි ක්‍රීඩකයන් 125 දෙනෙකුට අධික පිරිසක් ඊට තරග කිරීමට නියමිතව ඇත.

සුපිරි සහ 23න් පහළ පිරිමි කාණ්ඩයේ තරගය පෙ.ව.8.30ටත් කණිෂ්ඨ පිරිමි කාණ්ඩය සහ සුපිරි කාන්තා තරගය පෙ.ව.8.40ටත් අධිවේගී මාර්ගයේ මීරිගම අන්තර් හුවමාරුව අසලින් ආරම්භ වන අතර අධිවේගී මාර්ගය ඔස්සේ යග්ගපිටිය අන්තර් හුවමාරු මධ්‍යස්ථානය දක්වා ගොස් එතනින් හරවා නැවතත් එම මාර්ගය ඔස්සේ මීරිගම අන්තර් හුවමාරුව අසලින් තරග නිමාව සනිටුහන් කිරීමට නියමිතය.

මෙම පාපැදි තරගාවලියේ ජයග්‍රාහකයින් සඳහා මුදලින් ත්‍යාග පිරිනැමීමට සංවිධායක මණ්ඩලය තීරණය කර තිබේ. එහි තොරතුරු පහත පරිදි වේ.

ස්ථානය	සුපිරි සහ 23න් පහළ පිරිමි කාණ්ඩය	කණිෂ්ඨ පිරිමි කාණ්ඩය	සුපිරි කාන්තා කාණ්ඩය
01	100,000/-	50,000/-	50,000/-
02	75,000/-	40,000/-	40,000/-
03	50,000/-	30,000/-	30,000/-
04	40,000/-	27,500/-	25,000/-
05	35,000/-	22,500/-	20,000/-
06	30,000/-	20,000/-
07	25,000/-	17,500/-
08	20,000/-	15,000/-
09	15,000/-	12,500/-
10	10,000/-	7,500/-

අන්තර්ජාතික මට්ටමේ පා පැදි තරග පසුබිමක් අනුව යන මෙම තරගාවලියේ දී  දුර ප්‍රමාණය,  ධාවන මාර්ගය ආදිය මැනවින් ප්‍රයෝජනයට ගනිමින් ක්‍රීඩක ක්‍රීඩිකාවන් සිය හොඳම කාල වේගය වාර්තා කොට සුපිරි දක්ෂතා දක්වනු ඇති බවට ක්‍රීඩා විශ්ලේෂකයෝ විශ්වාසය පළ කරති.

කොවිඩ් වසංගතය තත්ත්වය හේතුවෙන් බලපෑමට ලක්වූ පාපැදි ක්‍රීඩාවට මෙම තරගාවලිය නව ආරම්භයකි.

මේ සම්බන්ධයෙන් පැවති මාධ්‍ය හමුවේදී අදහස් දැක්වූ මහාමාර්ග අමාත්‍ය ජොන්ස්ටන් ප්‍රනාන්දු මහතා මෙසේ පැවසීය.

‘’අද මම විශේෂයෙන්ම ස්තූතිවන්ත වෙනවා නාමල් රාජපක්ෂ ක්‍රීඩා අමාත්‍යතුමාට. එතුමන් විසින් කර කරන ලද ඉල්ලීමකට අනුව පාපැදි සම්මේලනය මේ සඳහා අවසර ලබා දී තිබෙනවා.

අධිවේගී මාර්ගය එදා විවෘත කරන අවස්ථාවේදී එවකට සිටි විධායක ජනාධිපති වර්තමාන අග්‍රාමාත්‍ය අතිගරු මහින්ද රාජපක්ෂ මැතිතුමා අධිවේගී මාර්ගය විවෘත කිරීමට පෙර එම ප්‍රදේශවල සිටි සාමාන්‍ය ජනතාවට එය නැරඹීමට දින කිහිපයක් විවෘත කර තබමින් අවස්ථාව සලසා දුන්නා.

ඒ වගේම අද නාමල් රාජපක්ෂ අමාත්‍යතුමා අධිවේගී මාර්ගය විවෘත කිරීමත් සමග පාපැදි තරගාවලියක් පවත්වා ඒ අවස්ථාව ජනතාවට ලබාදීමට කටයුතු සලසා දෙන ලෙස ඉල්ලීමක් කළා.

මේ සම්බන්ධයෙන් සියලු සම්බන්ධීකරණ කටයුතු සිදුකර මෙම පාපැදි තරගාවලිය සාර්ථක කරගැනීමට අවශ්‍ය පහසුකම් සලසා දීම සම්බන්ධව එතුමාට මා මේ අවස්ථාවේදී විශේෂයෙන් ස්තූතිවන්ත වෙනවා.

අධිවේගී මාර්ගයක පාපැදි ක්‍රීඩා කර ජාත්‍යන්තර අත්දැකීමක් ලබාගැනීමට හැකිවීම පාපැදි ශූරීන්ට ලැබෙන අනගි අවස්ථාවක් ලෙස මා දකිනවා.

අධිවේගී මාර්ගය මේ මස 15 වැනිදා සවස 4 ට අතිගරු ජනාධිපති ගෝඨාභය රාජපක්ෂ මැතිතුමාගේ සහ ගරු අග්‍රාමාත්‍ය මහින්ද රාජපක්ෂ මැතිතුමාගේ සහභාගිත්වයෙන් මෙය විවෘත කිරීමට නියමිත යැයි අමාත්‍යවරයා පැවසීය.

මෙම අවස්ථාවට පාර්ලිමේන්තු මන්ත්‍රිනි කෝකිලා ගුණවර්ධන මහත්මිය, මහා මාර්ග අමාත්‍යාංශයේ ලේකම් ආර්.ඩබ්ලිව්.ආර්.පේමසිරි,  ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් අමල් එදිරිසූරිය, ශ්‍රී ලංකා පාපැදි සම්මේලනයේ සභාපති එච්.එල්.ක්‍රිෂාන්ත, ශ්‍රී ලංකා පාපැදි සම්මේලනයේ ලේකම් නලින් අධිකාරිආරච්චිගේ යන මහත්වරු ඇතුළු නිලධාරීහු පිරිසක් එක්ව සිටියහ.

ඉන්දීය ක්‍රිකට් කණ්ඩායමේ නව එක්දින නායකයා ලෙස රෝහිත් ෂර්මා නම් කර තිබේ. ඔහු 2022 ජනවාරි මාසයේදී දකුණු අප්‍රිකාවට එරෙහිව තුන්වන එක්දින තරඟාවලිය ආරම්භ කරමින් ඔහුගේ පූර්වගාමියා වූ විරාත් කෝලිගෙන් වැඩ භාර ගනී.

“රෝහිත් ෂර්මා ඉදිරි එක්දින සහ විස්සයි 20 කණ්ඩායම්වල නායකයා ලෙස නම් කිරීමට තීරණය කළේය” යනුවෙන් BCCI බ්‍රහස්පතින්දා ට්වීට් කළේය.

දෙසැම්බර් 26 වැනිදා ආරම්භ වන ටෙස්ට් තරග තුන සඳහා වන ඉන්දීය සංචිතය BCCI විසින් ප්‍රකාශයට පත් කළ දිනයේ දී මෙම නිවේදනය නිකුත් කර ඇත. මාධ්‍ය වාර්තා කිහිපයක් මඟින් ආරක්ෂක වෙනස් කිරීම නොවැළැක්විය හැකි බව යෝජනා කළ අතර, ඉන්දීය ක්‍රිකට් පාලක මණ්ඩලය ට්වීට් එකකින් එම සැකය අවසන් කළේය.

T20 ලෝක කුසලානයෙන් පසුව ඉන්දියාවේ T20 නායකයා ලෙස වැඩ භාරගත් රෝහිත් පසුගියදා නිමා වූ නවසීලන්තයට එරෙහිව පැවති T20 තරඟ තුනේ නායකත්වය දැරූ අතර, එම තරඟාවලිය 3-0ක් ලෙස කණ්ඩායම ජය ගත්තේය. කෝලි මේ වන විටත් ඉන්දීය විස්සයි20 නායකත්වයෙන් ඉවත්ව ඇති හෙයින්, රෝහිත් කණ්ඩායමේ එක්දින නායකයා ලෙස කටයුතු කිරීමට පටන් ගත්තේ කාලය පිළිබඳ ප්‍රශ්නයක් පමණි. ඔහු ටෙස්ට් පිටියේ ඉන්දීය උපනායකයා ලෙසද, කෝලිගේ උප නායකයා ලෙසද උසස් කරන ලදී

රෝහිත් එක්දින තරග 10කදී ඉන්දියාව මෙහෙයවා ඇති අතර ඉන් 8ක් කණ්ඩායම ජයග්‍රහණය කළේය. රෝහිත්ගේ එක්දින නායකත්වයේ විශාලතම ජයග්‍රහණය වූයේ 2018 දී, කෝලි නොමැති විට, ඉන්දියාව එක්සත් අරාබි එමීර් රාජ්‍යයේ පැවති ආසියානු කුසලානය අවසන් මහා තරඟයේදී බංග්ලාදේශය පරදවමින් ජයග්‍රහණය කිරීම ය. කණ්ඩායම ඇෆ්ගනිස්තානයට එරෙහි තරගය හැර එහි සියලුම ලීග් තරඟ ජයග්‍රහණය කළේය.

2017 වසරේ ඉන්දීය කණ්ඩායමේ පූර්ණ කාලීන නායකයා ලෙස කටයුතු කළ කෝලි, විශිෂ්ඨතම ක්‍රීඩක එම්.එස්. දෝනි ඉවත් වීමට තීරණය කිරීමත් සමඟම 70.43ක ජයග්‍රහණ ප්‍රතිශතයක් ලබා ගනිමින් රටේ සාර්ථකම එක්දින නායකයා ලෙසින් ඉහළට යනු ඇත. ඔහු තරඟ 95කදී ඉන්දියාවට නායකත්වය දුන්නේය – 65ක් ජයග්‍රහණය කර 27ක් පරාජයට පත් වූ අතර, වැඩිම තරඟ ලැයිස්තුවේ දෝනි, මොහොමඩ් අසාරුදීන් සහ සවුරව් ගංගුලිට පසුව ඉන්දීය නායකයා ලෙස සිව්වන ස්ථානයේ සිටී.

කෝලි යටතේ ඉන්දියානු කණ්ඩායම සහභාගී වූ ප්‍රධාන ICC ඉසව් දෙකේදීම හොඳින් ක්‍රීඩා කළේය. 2017 දී ඉන්දියාව ICC චැම්පියන්ස් කුසලානයේ අවසන් මහා තරගයට පිවිසි අතර එහිදී ඔවුන් පකිස්ථානයට පරාජය විය. වසර දෙකකට පසුව, ඉන්දියාව කෝලිගේ නායකත්වයෙන් විස්සයි 20 ලෝක කුසලානයේ අවසන් පූර්ව වටයට පිවිසි අතර එහිදී ඔවුන් කණ්ඩායම් අදියරෙන් පසුව ලකුණු සටහනේ ඉහළින්ම අවසන් විය. වඩාත්ම අභියෝගාත්මක ලෝක කුසලාන ආකෘතියක් තුළ, කෝලි තම කණ්ඩායම විශ්වාසයෙන් යුතුව මෙහෙය වූයේ ඉන්දියාව එංගලන්තයට හැරුණු විට එහි සියලුම කණ්ඩායම් තරඟ ජයග්‍රහණය කළ බැවිනි.

එහෙත් අවාසනාවන්ත ලෙස කෝලිගේ නායකත්වයේ කාලය අවසන් වන්නේ ICC කුසලානයකින් තොරවය, ඔහු එක්දින නායකයෙකු රැස් කළ වැඩිම ලකුණු ලැයිස්තුවේ දෙවැනියා වුවද. තරග 95 කදී ලකුණු 5449 ක් රැස්කරමින් ශතක 21 ක් සහ අර්ධ ශතක 27 ක් ඇතුළුව 72.65 ක විශිෂ්ට සාමාන්‍යයක් සහිතව, කෝලි ඊළඟට සිටින්නේ ඕස්ට්‍රේලියානු හිටපු නායක රිකී පොන්ටින්ට පමණි.

එල්.පී.එල්. තරගාවලිය නැරඹීම සඳහා වන ප්‍රවේශපත්‍ර දෙසැම්බර් මස 05 වැනිදා සිට ශ්‍රී ලංකා ක්‍රිකට් ආයතන මූලස්ථානයේදී පෙරවරු 9.00 සිට අළෙවි කිරීමට ශ්‍රී ලංකා ක්‍රිකට් පියවර ගෙන තිබේ. පස්වරු 5.00 දක්වා මෙම ප්‍රවේශපත්‍ර කවුළුව විවෘතව පවතියි.

රුපියල් 300, රුපියල් 1000, රුපියල් 2000,  රුපියල් 3000, සහ රුපියල් 5000 ක් යන මිල ගණන් කාණ්ඩ 5 ක් යටතේ ප්‍රවේශ පත්‍ර මිලදී ගැනීමේ අවස්ථාව ක්‍රීඩා ලෝලීන්ට උදාවී තිබේ. නැතහොත් bookmyshow.com හෝ daraz.lk යන වෙබ් අඩෙවි වලින්ද ප්‍රවේශ පත්‍ර මිලදී ගැනීමේ අවස්ථාව පවතින අතර ඒ සියලු ප්‍රවේශ පත්‍ර කොළඹ ආර්. ප්‍රේමදාස ක්‍රීඩාංගණයේ ස්ථාපනය කොට ඇති ප්‍රවේශ පත්‍ර කවුළුවෙන් පමණක් නිකුත් කෙරෙනු ඇත.

සෞඛ්‍ය අමාත්‍යාංශ නිර්දේශ අනුව තරග පැවැත්වෙන ක්‍රීඩාංගණයට ඇතුළු කළ හැකි ප්‍රේක්ෂක ධාරිතාවයෙන් සියයට 50 ක ප්‍රතිශතයකට තරග නැරඹීම සඳහා ක්‍රීඩාංගණයට ඇතුළු වීමේ අවසරය හිමිවේ. කෙසේ වෙත්ත එම අවසරය ලබා දීමේදී එන්නත් මාත්‍රා ද්විත්වම ලබාගත් ප්‍රේක්ෂකයින්ට පමණක් ක්‍රීඩාංගණයට ඇතුළු කිරීමට පියවර ගනු ලැබේ. ඒ අනුව තරගය නැරඹීමට පැමිණෙන සියලුම ප්‍රේක්ෂකයින් අවසන් මාත්‍රාව අවම වශයෙන් දින 14 කට පෙර සම්පූර්ණ කර තිබෙන බවට තහවුරු කළ හැකි එන්නත් පත්‍රිකාවද රැගෙන ඒම අනිවාර්ය වනු ඇත.

කණ්ඩායම් 5 කගේ සහභාගිත්වයෙන් පැවැත්වෙන දෙවැනි එල්.පී.එල්. තරගාවලියේ සමාරම්භය ඉකුත් වසරේ ශූරයින් වන ජැෆ්නා කිංග්ස් සහ අනුශූරයින් වන ගෝල් ග්ලැඩියේටර් අතර තරගයෙන් දෙසැම්බර් 05 වැනිදා කොළඹ ආර්. ප්‍රේමදාස ක්‍රීඩාංගණයේදී ප.ව. 7.30 ට ආරම්භ වේ. ප්‍රවේශ පත්‍ර ලාභී සියලු ක්‍රීඩා ලෝලීන්ට ප.ව. 6.00 ට පැවැත්වෙන දර්ශණීය සමාරම්භක උත්සවය නැරඹීමේ අවස්ථාවද හිමිවේ. එබැවින් ප.ව. 4.00 සිට ක්‍රීඩා ලෝලීන්ට ක්‍රීඩාංගණයට ඇතුළු වීමේ අවස්ථාව උදාවනු ඇත.

බටහිර ඉන්දීය කොදෙව් දෙවැනි ඉනිමේදී රමේෂ් මෙන්ඩිස් සහ ලසිත් ඇඹුල්දෙණිය කඩුලු 5 බැගින් දවා ගැනීමට සමත්වීම නිසා දෙවැනි ටෙස්ට් තරගයෙන් ලකුණු 164 ක ජයක් වාර්තා කිරීමට ශ්‍රී ලංකා කණ්ඩායම අද (03 දා) සමත්විය. ඒ සමඟම 2-0 ක් ලෙස තරගාවලියද ජයගත් දිමුත් කරුණාරත්න ඇතුළු ශ්‍රී ලංකා ක්‍රීඩකයෝ සෝබර්ස් – තිසේරා කුසලානද ශ්‍රී ලංකාවේම රඳවා ගැනීමට සමත්වූහ.

2023 වසරේ පැවැත්වීමට නියමිත ලෝක ශූරතා ටෙස්ට් තරගාවලියේ අවසන් මහ තරගයට සුදුසුසන් තෝරා ගැනීම වෙනුවෙන් පැවැත්වෙන තරග මාලාවේ ශ්‍රී ලංකාව සහභාගිවුණු පළමු තරගාවලිය බවට පත් වුණු මෙම තරගාවලියේ තරග 2 ම ජය ගැනීමට සමත්වීම නිසා ශ්‍රී ලංකා පිල මේ වන විට ප්‍රසාද ලකුණු 24 ක් ලබා ගෙන සිටියි.

ජය පැරදුමෙන් තොර තරගාවසානයක් බලාපොරොත්තුවෙන් කොදෙව් පිතිකරුවන් ක්‍රීඩා කළද දිවා ආහාරයෙන් පසු එකම පන්දුවාරයකදී කඩුලු 3 ක් දවා ගත් රමේෂ් මෙන්ඩිස් ඒ සියලු බලාපොරොත්තු සුළඟේ පා කර යැවීය. පළමුව ෂායි හෝප් සහ රොස්ටන් චේස් දවා ගත් රමේෂ්, මෙම ටෙස්ට් තරග මාලාවේ තෙවැනි වතාවටත් කඩුලු ත්‍රිත්වයක් අභිමුවට පැමිණියේය. එහෙත් අනතුරුව පිටියට පිවිසි කයිල් මේයර්ස් කඩුලු ත්‍රිත්වයෙන් බේරීමට සමත් වූ නමුත් ඔහුට පිටියේ රැඳී සිටීමට අවස්ථාව උදාවූයේ තවත් පන්දු 3 ක් පමණි.

එතැන් පටන් කඩා වැටීම පමණක් තිබු කොදෙව් ඉනිම තේ පානයට පෙර අවසන් කිරීමට රමේෂ් සහ ඇඹුල්දෙණිය දෙදෙනා සමත්වූහ. අවසන් කඩුලු 8 ලකුණු 40 කදී බිඳ දැමූ දඟ පන්දු යවන්නන් දෙදෙනා කොදෙව් දෙවැනි ඉනිම පන්දුවාර 56.1 කදී ලකුණු 132 කට සීමා කළහ.

සමස්ථ තරගයේදී ලකුණු 136 කට කඩුලු 11 ක් දවා ගත් රමේෂ් මෙන්ඩිස් තරගාවලියේ වීරයා ලෙසින් සම්මාන දිනා ගද්දී දෙවැනි ඉනිමේදී අගනා ශතකයක් වාර්තා කළ ධනංජය ද සිල්වා තරගයේ වීරයා සම්මානයෙන් පිදුම් ලැබීය. මෙම තරගයේ දවා ගන්නා ලද කඩුලු 11 ත් සමඟ මෙන්ඩිස් කොදෙව් පිලට එරෙහිව පැවැති ටෙස්ට් තරග දෙකේදී කඩුලු 18 ක් බිඳ හෙළීමට සමත්වූවේය. දිනය ආරම්භයේදී කොදෙව් පිලට පන්දුවට පහර දීමට අවස්ථාව ලබා දෙනු ඇතැයි අපේක්ෂිත වුවත් නැවතත් සිය ඉනිම ඇරැඹි ශ්‍රී ලංකා පිල වෙනුවෙන් 9 වැනි කඩුල්ලට ලකුණු 124 ක වාර්තා ගත සම්බන්ධතාවක් එක් කිරීමට ධනංජය ද සිල්වා සහ ලසිත් ඇඹුල්දෙණිය සමත්වූහ. ඔවුන් විසින් අද බිඳ හෙළන ලද්දේ තිලාන් සමරවීර සහ අජන්ත මෙන්ඩිස් විසින් 2010 වසරේදී ඉන්දියාවට එරෙහිව සරා පිටියේ පැවැති තරගයේ ලබා ගන්නා ලද ලකුණු 118 ක සම්බන්ධතාව විය. ඇඹුල්දෙණියගේ දැවී යෑමත් සමඟ ශ්‍රී ලංකාව ඉනිම අත්හිටුවමින් කොදෙව් පිල හමුවේ ලකුණු 297 ක ඉලක්කයක් ලබා දුන්නේය. ඉනිම නතර කරන විටත් ධනජය ද සිල්වා නොදැවී ලකුණු 155 ක් ලබා සිටිද්දී ඇඹුල්දෙණිය ලකුණු 39 ක් ලබා සිටියේය.

අවසන් කඩුලු 4 ඉක්මනින් දවා ගනිමින් පළමු ඉනිමේ වැඩි වාසියක් ලබා ගැනීමට සැලසුම් කර තිබුණද ඊට වඩා හොඳින් තරගයට අවතීර්ණ වූ සද්දන්ත සිරුරැත් රැකීම් කෝන්වෝල් ප්‍රමුඛ බටහිර ඉන්දීය කොදෙව් පසු පෙළ පිතිකරුවෝ සත්කාරකයින්ගේ බලාපොරොත්තු සුන් කළහ. කඩුලු රකින්නා වන ජොෂුවා දා සිල්වා සමඟ එක්වූ කෝන්වෝල් 8 වැනි කඩුල්ල වෙනුවෙන් ලකුණු 49 ක සම්බන්ධතාවක් තබමින් මුලු ලකුණු සංඛ්‍යාව 200 ඔබ්බට රැගෙන ගියහ.

සුරංග ලක්මාල් යැවූ 80 වැනි පන්දුවාරයේ අවසන් පන්දුවේදී කෝන් වෝල්ගේ ඉනිම ලකුණු 39 කදී හමාර වුවත් තරගයද නවතා දැමීමට සිදුවූයේ වර්ෂාවෙන් බාධා ඇතිවීම නිසාය. එම අවස්ථාවේ සංචාරකයින්ගේ ලකුණු පුවරුව කඩුලු 9 කට ලකුණු 224 ක් ලෙසින් සටහන්ව තිබුණත් සත්කාරකයෝ ලකුණු 162 පරතරයකින් පෙරමුණ ගෙන සිටිති. වර්ෂාව හේතුවෙන් තරගය අතර මඟ නවතා දමන විට තෙවැනි දිනට තවත් පන්දුවාර 52 ක් යවා අවසන් කළ යුතු වේ.

කෝන්වෝල් පිටියට පැමිණීමට පෙර හත්වැනි කඩුල්ලට එක් වූ ජේසන් හෝල්ඩර් සහ කයිල් මේයර්ස් ලකුණු 63 ක සම්බන්ධතාවක් ගොඩ නංවමින් පිට පිටම දෙවැනි වතාවටත් පන්දුවට පහරදීමේ අවධානමෙන් සිය කණ්ඩායම මුදවා ගැනීමේ මූලික මෙහෙයුම සිදුකළහ.

දිමුත් කරුණාරත්නගේ විශිෂ්ඨ උඩ පන්දු රැකීම නිසා එම සම්බන්ධතාවය බිඳ වැටිණ. දිනයේ බිඳ වැටුණු පළමු කඩුල්ල වූයේ ලකුණු 45 ක් ලබා සිටි කයිල් මේයර්ය. එම කඩුල්ල කඩුල්ල දවා ගැනීම වෙනුවෙන් සිය නුහුරු අතට පනිමින් ශ්‍රී ලංකා නායකයා රැක ගත් උඩ පන්දුව අග්‍රගන්‍යයේ විය. දිනෙන් දින දියුණුවෙන් දියුණුව කරා යමින් සිටින ශ්‍රී ලංකා කණ්ඩායමේ ක්‍රීඩකයින් තුළ වූ උනන්දුව, ඒ හරහා ලබා සිටින වර්ධනය කෙතරම්ද යන්න එම උඩ පන්දු රැකීමෙන් මොනවට පිළිබිඹු විය.

තෙවැනි දිනයේදී ශ්‍රී ලංකා පිලෙන් කැපී පෙනුණු පළමුවැනි අවස්ථාව ලෙස එම උඩ පන්දු රැකීම සටහන්විය. ඊට පසු කැපී පෙනුණේ ජේසන් හෝල්ඩර් දවා ගැනීම වෙනුවෙන් දුෂ්මන්ත චමීර ගුවනට පැණ රැක ගත් උඩ පන්දුව විය. දඟ පන්දු යවන්නන්ගේ අමතර ඉපිලීමකින් යුතු පන්දු හමුවේ මෙම කඩුලු 2 දැවී යෑමද කැපී පෙනිණ.

දැවී ගිය කඩුලු 2 ම අනපේක්ෂිත ඉපිලීමකින් යුතු පන්දු හමුවේ දැවී ගියා විනා වැටී තිබුණු තැනින් නැගී සිටීම එකම අරමුණ බවට පත්වී තිබුණු කොදෙව් පසු පෙළ පිතිකරුවන් එකම දුර්වල පහරක් එල්ල නොකිරීමට වග බලා ගත්හ.

කඩුලු අතර දිව යෑමට මැළිතාවයක් දැක්වන කෝන්වෝල්ගේ ඉනිම ප්‍රහාරාත්මක එකකි. ලකුණු 39 සඳහා  පන්දු 58 ක් වැය කළ කෝන්වෝල් හතරේ පහර 5 ක් සහ හයේ පහරකින් සිය ඉනිම පුරවා ගත්තේය. දඟ පන්දු යවන්නන් හමුවේ ප්‍රහාරාත්මක පිතිහරඹයක් පවත්වාගෙන ඒම නිසා කෝන්වෝල්ව නවතා ලීම අරමුණු කොට පරණ පන්දුවෙන් පන්දු යැවීම සඳහා ශ්‍රී ලංකා නායකයා වේග පන්දු යවන්නන් කැඳෙව්වේය. එහිදී සාර්ථක වුණු සුරංග ලක්මාල් කෝන්වෝල් දවා ගත්තේය.

දෙවැනි දිනට සාපේක්ෂව තරමක වේගයෙන් පන්දුවට පහර දුන් හෝල්ඩර් සහ මේයර්ස් දුර්වල පන්දු හමුවේ පහර එල්ල කිරීමට නොපැකිළිණ. තියුණු ලෙසින් දඟ කැවෙන තණතීරුවේදී වඩාත් උපායශීලී වූ ජේසන්-මේයර් යුගල පහර එල්ල කිරීමේදී දඟ කැවීමට පෙර හෝ පන්දුවේ දඟ කැවීම අවසන් අවස්ථාව වන තෙක් සිට පහර එල්ල කළහ. ශ්‍රී ලංකා ක්‍රීඩකයින්ට හිස රදයක් බවට පත්ව සිටින ජොෂුවා දා සිල්වා පන්දු 70 කට මුහුණ දෙමින් ලකුණු 11 ක් ලබා කඩුල්ලේ රැඳී සිටියි.

නම් දැරූ දඟ පන්දු යවන්නන් දෙදෙනාට කළින් දක්ෂතා අතරට පැමිණි තුන් ඉරියව් ක්‍රීඩක රමේෂ් මෙන්ඩිස් පන්දු 25 ක් ඇතුළත කොදෙව් පිතිකරුවන් තිදෙනකුම දවා ගැනීමට සමත්වීම නිසා නොසිතූ අවධානමකට බටහිර ඉන්දීය කොදෙව් පිල මුහුණ දී සිටියි. එම කඩුලු 3 දවා ගැනීමේදී කඩුලු ත්‍රිත්වයක් දවා ගැනීමේ අවස්ථාවකටද පැමිණි රමේෂ්ගේ සුපිරි පන්දු යැවීම නිසා ශ්‍රී ලංකාව ලබා දුන් ලකුණු 386 ට පිළිතුරු පළමු ඉනිම ක්‍රීඩා කරමින් සිටින කොදෙව් කණ්ඩායම දෙවැනි දිනට තරගය නිමා කරද්දී ලකුණු 113 ක් ඇතුළත කඩුලු 6 ක් අහිමි කරගෙන සිටියි.

පිට පිටම දෙවැනි වතාවටත් පන්දුවට පහර දීමෙන් වැළකී සිටීමට නම් තවත් ලකුණු 74 ක් පමණක් කොදෙව් කණ්ඩායමට අවශ්‍යව පවතින නමුත් ඉනිම අභිබවා යෑමට ඉතිරි පිතිකරුවන් සිව්දෙනාට ලකුණු 273 ක් ලබා ගැනීමේ අභීයෝගයට මුහුණ දීමට සිදුව තිබේ. ගැටළුව පවතින්නේ දෙවැනි දිනය අවසන් වන විටම තණතීරුව තියුණුවට දඟ කැවීමට පටන් ගෙන තිබීමයි.

තෙවැනි පන්දුවාරයේදීම බ්ලැක්වුඩ්ව දවා ගැනීමට ශ්‍රී ලංකාවට අවස්ථාව පැවැතියද විනිසුරු විමසීමේ තීරණය භාවිතා නොකිරීම නිසා එහි වාසනාව ආරම්භක පිතිකරුවා සතු විය. දුෂ්මන්ත චමීර එවන ද පන්දුවට කඩුල්ල මුවා කළේ යැයි කරන ලද ඉල්ලීමේදී විනිසුරු නිෂ්ප්‍රභ කර සිටීමේදී එය තෙවැනි විනිසුරුගෙන් විමසීමට ශ්‍රී ලංකා නායකයා මැළිවිය. ඒ සඳහා කඩුලු රකින දිනේෂ් චන්දිමාල්ගෙන් කරන ලද විමසීමේදී පිළිතුර උදාසීනවීම නිසා ලකුණු 09 දී නිමාවීමට තිබූ පළමු කඩුල්ලේ සම්බන්ධතාවය ලකුණු 46 දක්වා දීර්ඝ විය.

කඩුලු දඩයමේදී ලසිත් ඇඹුල්දෙණිය ඉක්මන් වූවේය. ලද වාසනාවෙන් නිසි ප්‍රයෝජන නොගත් බ්ලැක්වුඩ් (20) කොදෙව් ඉනිමේ දැවී ගිය පළමු පිතිකරුවා විය. එම කඩුල්ල දවා ගැනීමත් සමඟ 12 වැනි ටෙස්ට් තරගයේදී සිය 50 වැනි ටෙස්ට් කඩුල්ලද ඇඹුල්දෙණියගේ නම ඉදිරියෙන් සනිටුහන් විය.

සිය ජ්‍යෙෂ්ඨයා කොටු පවුර අන්තයෙන් පන්දු යවද්දී ක්‍රීඩාගාර අන්තයෙන් පන්දු යැවූ අනෙක් වමතා, ප්‍රවීන් ජයවික්‍රම ද පන්දුව තියුණුව දඟ කවමින් කොදෙව් පිතිකරුවන් අන්ද මන්ද කලේය. තියුණු ලෙස දඟ කැවීමකින් යුක්තව යවන ලද පන්දුවෙන් බෝනර්ගේ කඩුල්ල ජයවික්‍රම දවා ගනු ලැබීය. ප්‍රධාන දඟ පන්දු යවන්නන් දෙදෙනා පන්දුයැවීම නිසා දකුණත් පිට දඟ පන්දු යවන්නා වන රමේෂ් මෙන්ඩිස්ව කැඳවීම 32 වැනි පන්දුවාරය දක්වා ශ්‍රී ලංකා නායකයා ප්‍රමාද කළේය. පන්දුව දුන් පළමු පන්දුවාරයේදීම සාර්ථක ඵල නෙළා දුන් රමේෂ් නායක ක්‍රෙග් බ්‍රැත්වයිට්ගේ කඩුල්ල දවා ගත්තේය. මංගල ටෙස්ට් වරම් දිනූ ජෙරම් සොලොසානෝ ‘කම්පනයට’ පත්වීම නිසා ඔහු වෙනුවට කණ්ඩායමට ආදේශ කෙරුණු ෂායි හෝප් රමේෂ්ගේ දෙවැනි ගොදුර බවට පත්වූවේය.

තරගාවසානයට පන්දුවාර 2 ක් ඉතිරිව තිබියදී රොස්ටන් චේස්ගේ කඩුල්ලද දවාගත් රමේෂ් මෙන්ඩිස් සිය කඩුලු මල්ල ලකුණු 23 කට 3 ක් ලෙසින් තර කර ගත්තේය. රමේෂ්ගේ දක්ෂතාව නිසා කොදෙව් අවසන් කඩුලු 6 ම ලකුණු 56 කදී බිඳ වැටිණ.

ඉලක්කය ලකුනු 500 කට එහා ලකුණු සංඛ්‍යාවක් වුවද අවසන් කඩුලු 7 ම ලකුණු 105 කදී දවා ගැනීමට රොස්ටන් චේස් ප්‍රමුඛ බටහිර ඉන්දීය කොදෙව් පන්දු යවන්නන් සමත්වීම නිසා ශ්‍රී ලංකා පළමු ඉනිම ලකුණු 400 කට ලකුණු 14 ක් අඩුවෙන් හෙවත් ලකුණු 386 කදී නිමාවට පත්විය.

ශ්‍රී ලංකා ඉනිම නිමාවට පත් කිරීමේදී තරගය ඇරැඹි පළමු පැයේදී ශතක ලාභී දිමුත් කරුණාරත්ව සහ අර්ධ ශතක ලාභී ධනංජය ද සිල්වාගේ කඩුලු දවා ගනිමින් නැවතත් තරගයට අවතීර්ණවීමට කොදෙව් කණ්ඩායම සමත්විය. මොවුන් දෙදෙනාට අමතරව තුන් ඉරියව් ක්‍රීඩකයා ලෙසින් නම් කෙරුණු රමේෂ් මෙන්ඩිස්ද දිවා ආහාරයට පෙර දැවී යෑම මීට වඩා ලකුණු සංඛ්‍යාවක් කරා ශ්‍රී ලංකා පිලට යෑමට තිබූ අවස්ථාව අහිමිවීමට හේතු විය.

පිටියට පිවිසි අවස්ථාවේදී එතරම් විශ්වාසයකින් යුතුව පන්දුවට පහර දීමට අපොහොසත් වුවද ශ්‍රී ලංකා ඉනිමේ 8 වැනි පිතිකරුවා ලෙසින් දිනේෂ් චන්දිමාල් දැවී යන විට ලකුණු 45 ක් රැස් කරගෙන සිටියේය. වේග පන්දු යවන ෂෙනන් ගේබ්‍රියල් විසින් එවන ලද කෙටි පන්දු වැළකදී තරමක් අපහසුතාවයෙන් මුහුණ දුන්නද පිටියේ ස්ථාවරත්වය ගොඩ නඟා ගැනීමට චන්දිමාල් සමත්වූවේය. පසු පෙළ පිතිකරුවන්වද ආරක්ෂා කර ගනිමින් පන්දුවට පහර දීමට චන්දිමාල් දරන ලද උත්සාහයේදී එල්ල කරන ලද රිවර් ස්වීප් පහරක් වැරැදී යෑම නිසා අර්ධ ශතකයට ලකුණු 3 ක් තිබියදී චන්දිමාල් කඩුල්ල අහිමි කර ගත්තේය.

ඉනිමේ අවාසනාවන්තම දැවී යෑම ලෙස සටහන් වූයේ ධනංජය ද සිල්වාගේ දැවී යෑමය. ලකුණු 56 ක් ලබා සිටියදී ඉනිම ඇරඹූ ධනංජයට පිත්ත කඩුල්ල වැදීම (හිට් විකට්) හේතුවෙන් අද දිනයේදී රැස් කරගත හැකි වූයේ ලකුණු 5 ක් පමණි. ෂෙනන් ගේබ්‍රියල් එවන ලද පන්දු පසුපස පාදයේ ආරක්ෂිත පහරක් එල්ල කළද එය කඩුල්ල සොයා යන බවක් පෙනුණි. ඒ අවස්ථාවේදී සැණෙකින් පන්දුව වෙත හැරුණු ධනංජය පන්දුව කඩුල්ලෙන් පැත්තකට යැවීම වෙනුවෙන් පිත්ත හුවා දැක්වූවේය. පළමු වතාවේදී පන්දුව පිත්තේ නොවැදුණු හෙයින් දෙවැනි වරටත් පන්දුව පැත්තකට යැවීම වෙනුවෙන් ධනංජය ගත් උත්සාහයේදී පිත්තෙන් කඩුල්ල බිඳ වැටිණ.

සිදුවූ අතපසුවීම පිළිබඳව අදහාගත නොහැකි වූ දකුණත් පිතිකරුවා මඳ වේලාවක් පිත්ත තුරුළු කරන් නිසොල්මනේ සිටීමෙන් පිළිබිඹු වූයේ අතපසුවීඹ පිළිබඳව දැඩි පශ්චත්තාපයට පත්වූ බවකි. අකමැත්තෙන් වුවද ධනංජයගේ ඉනිම ලකුණු 61 කදී නිමාවට පත්වූයේ පන්දු 95 කට මුහුණ දීමෙන් පසුවය.

ඊයේ දිනයේදී සිය 13 වැනි ශතකය වාර්තා කරගත් නායක කරුණාරත්න අද දිනයේදී ලකුණු 150 පෙනි පෙනී දැවී ගියේය. දිගු ඉනිම් වලට නම් දරා සිටින දිමුත් අද දිනයේදී 7 වැනි වතාවටත් ලකුණු 140 සීමාව ඉක්මවා රැස් කර ගත්තේය. මිනිත්තු 434 ක් පුරා කඩුල්ලේ රැඳී සිටි දිමුත් ස්ටම්ප් කිරීමකට හසුව දැවී ගියේය. පහර එල්ල කරද්දී දිමුත්ගේ පාදය සීමා ඉරෙන් යන්තමින් ඉදිරියට ගොස් තිබියදී උපරිම ඵල නෙළා ගත් කඩුලු රකින ජොෂුවා ද සිල්වා  කඩුල්ල බිඳ දැම්මේය. මුහුණ දුන් 300 වැනි පන්දුවේදී දැවී ගිය දිමුත් තම ඉනිම හතරේ පහර 15 කින් වර්ණවත් කරගෙන සිටියේය.

ඉනිමේ අවසන් පිතිකරුවන් දෙදෙනා වුණු වමත් දඟ පන්දු යවන ලසිත් ඇඹුල්දෙණිය සහ ප්‍රවීන් ජයවික්‍රම එම කඩුල්ල වෙනුවෙන් ලකුණු 25 කින් ලකුණු පුවරුව පෝෂණය කළහ. වැඩි වගකීම ගනිමින් පන්දුවට පහර දුන් ඇඹුල්දෙණිය රොස්ටන් චේස් හමුවේ එල්ල කරන මනරම් හයේ පහර ශ්‍රී ලංකා කඳවුරෙන් වාර්තා වුණු එකම හයේ පහරද වූවේය.

ශ්‍රී ලංකා ඉනිම හමාර කිරීම වෙනුවෙන් වූ ඇඹුල්දෙණියගේ කඩුල්ල දවා ගැනීමත් සමඟ තෙවැනිවතාවටත් කඩුලු 5 ක් දවා ගැනීමට රොස්ටන් චේස් සමත්වූවේය. දකුණතින් පා දඟ පන්දු යවන චේස් ලකුණු 83 කට කඩුලු 5 දවා ගනිද්දී වමතින් දඟ පන්දු යැවූ ජොමෙල් වොරිකන් ලකුණු 87 කදී කඩුලු 3 ක් දවා ගත්තේය. හෙට (23 වැනිදා) තරගයේ තෙවැනි දිනයයි.

ඉලක්කය ලකුනු 500 කට එහා ලකුණු සංඛ්‍යාවක් වුවද අවසන් කඩුලු 7 ම ලකුණු 105 කදී දවා ගැනීමට රොස්ටන් චේස් ප්‍රමුඛ බටහිර ඉන්දීය කොදෙව් පන්දු යවන්නන් සමත්වීම නිසා ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ ශ්‍රී ලංකා පළමු ඉනිම ලකුණු 400 කට ලකුණු 14 ක් අඩුවෙන් හෙවත් ලකුණු 386 කදී නිමාවට පත්විය.

ශ්‍රී ලංකා ඉනිම නිමාවට පත් කිරීමේදී තරගය ඇරැඹි පළමු පැයේදී ශතක ලාභී දිමුත් කරුණාරත්ව සහ අර්ධ ශතක ලාභී ධනංජය ද සිල්වාගේ කඩුලු දවා ගනිමින් නැවතත් තරගයට අවතීර්ණවීමට කොදෙව් කණ්ඩායම සමත්විය. මොවුන් දෙදෙනාට අමතරව තුන් ඉරියව් ක්‍රීඩකයා ලෙසින් නම් කෙරුණු රමේෂ් මෙන්ඩිස්ද දිවා ආහාරයට පෙර දැවී යෑම මීට වඩා ලකුණු සංඛ්‍යාවක් කරා ශ්‍රී ලංකා පිලට යෑමට තිබූ අවස්ථාව අහිමිවීමට හේතු විය.

පිටියට පිවිසි අවස්ථාවේදී එතරම් විශ්වාසයකින් යුතුව පන්දුවට පහර දීමට අපොහොසත් වුවද ශ්‍රී ලංකා ඉනිමේ 8 වැනි පිතිකරුවා ලෙසින් දිනේෂ් චන්දිමාල් දැවී යන විට ලකුණු 45 ක් රැස් කරගෙන සිටියේය. වේග පන්දු යවන ෂෙනන් ගේබ්‍රියල් විසින් එවන ලද කෙටි පන්දු වැළකදී තරමක් අපහසුතාවයෙන් මුහුණ දුන්නද පිටියේ ස්ථාවරත්වය ගොඩ නඟා ගැනීමට චන්දිමාල් සමත්වූවේය. පසු පෙළ පිතිකරුවන්වද ආරක්ෂා කර ගනිමින් පන්දුවට පහර දීමට චන්දිමාල් දරන ලද උත්සාහයේදී එල්ල කරන ලද රිවර් ස්වීප් පහරක් වැරැදී යෑම නිසා අර්ධ ශතකයට ලකුණු 3 ක් තිබියදී චන්දිමාල් කඩුල්ල අහිමි කර ගත්තේය.

ඉනිමේ අවාසනාවන්තම දැවී යෑම ලෙස සටහන් වූයේ ධනංජය ද සිල්වාගේ දැවී යෑමය. ලකුණු 56 ක් ලබා සිටියදී ඉනිම ඇරඹූ ධනංජයට පිත්ත කඩුල්ල වැදීම (හිට් විකට්) හේතුවෙන් අද දිනයේදී රැස් කරගත හැකි වූයේ ලකුණු 5 ක් පමණි. ෂෙනන් ගේබ්‍රියල් එවන ලද පන්දු පසුපස පාදයේ ආරක්ෂිත පහරක් එල්ල කළද එය කඩුල්ල සොයා යන බවක් පෙනුණි. ඒ අවස්ථාවේදී සැණෙකින් පන්දුව වෙත හැරුණු ධනංජය පන්දුව කඩුල්ලෙන් පැත්තකට යැවීම වෙනුවෙන් පිත්ත හුවා දැක්වූවේය. පළමු වතාවේදී පන්දුව පිත්තේ නොවැදුණු හෙයින් දෙවැනි වරටත් පන්දුව පැත්තකට යැවීම වෙනුවෙන් ධනංජය ගත් උත්සාහයේදී පිත්තෙන් කඩුල්ල බිඳ වැටිණ.

සිදුවූ අතපසුවීම පිළිබඳව අදහාගත නොහැකි වූ දකුණත් පිතිකරුවා මඳ වේලාවක් පිත්ත තුරුළු කරන් නිසොල්මනේ සිටීමෙන් පිළිබිඹු වූයේ අතපසුවීඹ පිළිබඳව දැඩි පශ්චත්තාපයට පත්වූ බවකි. අකමැත්තෙන් වුවද ධනංජයගේ ඉනිම ලකුණු 61 කදී නිමාවට පත්වූයේ පන්දු 95 කට මුහුණ දීමෙන් පසුවය.

ඊයේ දිනයේදී සිය 13 වැනි ශතකය වාර්තා කරගත් නායක කරුණාරත්න අද දිනයේදී ලකුණු 150 පෙනි පෙනී දැවී ගියේය. දිගු ඉනිම් වලට නම් දරා සිටින දිමුත් අද දිනයේදී 7 වැනි වතාවටත් ලකුණු 140 සීමාව ඉක්මවා රැස් කර ගත්තේය. මිනිත්තු 434 ක් පුරා කඩුල්ලේ රැඳී සිටි දිමුත් ස්ටම්ප් කිරීමකට හසුව දැවී ගියේය. පහර එල්ල කරද්දී දිමුත්ගේ පාදය සීමා ඉරෙන් යන්තමින් ඉදිරියට ගොස් තිබියදී උපරිම ඵල නෙළා ගත් කඩුලු රකින ජොෂුවා ද සිල්වා  කඩුල්ල බිඳ දැම්මේය. මුහුණ දුන් 300 වැනි පන්දුවේදී දැවී ගිය දිමුත් තම ඉනිම හතරේ පහර 15 කින් වර්ණවත් කරගෙන සිටියේය.

ඉනිමේ අවසන් පිතිකරුවන් දෙදෙනා වුණු වමත් දඟ පන්දු යවන ලසිත් ඇඹුල්දෙණිය සහ ප්‍රවීන් ජයවික්‍රම එම කඩුල්ල වෙනුවෙන් ලකුණු 25 කින් ලකුණු පුවරුව පෝෂණය කළහ. වැඩි වගකීම ගනිමින් පන්දුවට පහර දුන් ඇඹුල්දෙණිය රොස්ටන් චේස් හමුවේ එල්ල කරන මනරම් හයේ පහර ශ්‍රී ලංකා කඳවුරෙන් වාර්තා වුණු එකම හයේ පහරද වූවේය.

ශ්‍රී ලංකා ඉනිම හමාර කිරීම වෙනුවෙන් වූ ඇඹුල්දෙණියගේ කඩුල්ල දවා ගැනීමත් සමඟ තෙවැනිවතාවටත් කඩුලු 5 ක් දවා ගැනීමට රොස්ටන් චේස් සමත්වූවේය. දකුණතින් පා දඟ පන්දු යවන චේස් ලකුණු 83 කට කඩුලු 5 දවා ගනිද්දී වමතින් දඟ පන්දු යැවූ ජොමෙල් වොරිකන් ලකුණු 87 කදී කඩුලු 3 ක් දවා ගත්තේය.

හෙට (23 වැනිදා) තරගයේ තෙවැනි දිනයයි.

text by sl cricket