Category: සුපිරි Sports

2014 වසරේදී 20/20 ලෝක කුසලානය දිනාගැනීමෙන් අනතුරුව නිසියාකාර සැලැස්මක් අනුව ක්‍රිකට් ක්‍රීඩාව මෙහෙයවීමක් සිදුනොවීම නිසා එයට වර්තමාන තත්ත්වය උදාවී ඇති බවත් 2014 සිට 2019 දක්වා ශ්‍රී ලංකා කණ්ඩායම වෙනුවෙන් ක්‍රීඩකයින් 105 දෙනෙක් ක්‍රීඩා කර ඇති බවත් ක්‍රීඩා ඇමැති නාමල් රාජපක්ෂ මහතා පවසයි.

පාර්ලිමේන්තුවේ දී සභාව කල්තබන අවස්ථාවේදී පාර්ලිමේන්තු මන්ත්‍රී ප්‍රේමනාත් දොළවත්ත මහතා යොමුකළ ප්‍රශ්නයකට පිළිතුරු දෙමින් ක්‍රීඩා ඇමතිවරයා මේ බව පැවසුවේය.

ශ්‍රී ලංකා ක්‍රිකට් ක්‍රීඩාව මුහුණ පා ඇති වත්මන් තත්ත්වය ගැන වැඩි දුරටත් කරුණු හෙළි කළ ක්‍රීඩා අමාත්‍යවරයා මෙසේද පැවසුවේය. “2014 ලෝක කුසලානය දිනාගැනීමේ සිට 2019 දක්වා මෙරට ක්‍රීඩා ඇමතිවරු හතර දෙනෙක් සහ ප්‍රධාන ක්‍රිකට් පුහුණුකරුවන් පස් දෙනෙක් කටයුතු කරලා තියෙනවා. ඔවුන්ට සහායක කාර්ය මණ්ඩලය 20ත් 30ත් අතර හිටියා. සමහර සහයක පුහුණුකරුවෝ එක තරඟයකට පුහුණුකරලා වැඩේ අතරමග දාලා යනවා. ඒ විතරක් නොවෙයි එක අවස්ථාවක දේශීය පුහුණුකරුවන්ට දිය යුතුයි කියලා පුහුණුකරුවෝ බඳවා ගත්තා සංචාරයක් අතරමග ඒ පුහුණුකරුවා ගිවිසුම අහෝසි කළා. අවසාන ප්‍රතිඵලය තමයි ඒ පුහුණුකරුවා අද වන්දි නඩුවක් දාලා තියෙනවා ඩොලර් මිලියනයක වන්දියක් ඉල්ලලා. ඒ ඩොලර් මිලියනයේ වන්දිය Negotiate කරන්න ඩොලර් ලක්ෂ 1 1/2ක මුදල් ගෙවලා තියෙනවා. කණ්ඩායම් නායකයෝ 10ක් විතර අත්හදාබලලා තියෙනවා මේ වසර 4 1/2, 5 අතරතුර. ඊට අමතරව ක්‍රීඩකයින් 105 දෙනෙක් 20/20, එක්දින සහ ටෙස්ට් තරඟවලට අත්හදාබලලා තියෙනවා. සමහර ක්‍රීඩකයෝ එක තරඟයයි. ඔහුට ඊට පස්සේ අවස්ථාවක් නෑ . ඒ විතරක් නොවෙයි 2016/17 වසරේදී ක්‍රීඩකයෝ 40ක් අත්හදාබලලා තියෙනවා”.යැයි ද පැවසුවේය.

කොන්ත්‍රාත් ගිවිසුම කඩකරමින් ජනමාධ්‍ය ඔස්සේ ශ්‍රී ලංකා ක්‍රිකට් ආයතනය විවේචනය කිරීමේ චෝදනාවට වරදකරු වූ ක්‍රිකට් ක්‍රීඩක භානුක රාජපක්‍ෂට වසරක ක්‍රිකට් තහනමක් පවනවා එය වසර දෙකකට අත්හිටුවීමට සහ ඩොලර්ශ්‍ 5000ක දඩයක් පැනවීමට ශ්‍රී ලංකා ක්‍රිකට් ආයතනය අද (05) තීරණය කර තිබෙනවා.

ශ්‍රී ලංකා ක්‍රිකට් ආයතනය භානුකට නියම කර ඇත්තේ අත්හිටුවූ තහනමක් නිසා ඔහුට ක්‍රීඩා කිරීමට කිසිඳු බාධාවක් නොමැති බවයි ශ්‍රී ලංකා ක්‍රිකට් ආයතන පවසන්නේ

එංගලන්තයට එරෙහි දෙවන එක්දින තරගය පරාජයට පත්වීමෙන් පසුව, ශ්‍රී ලංකාව එක්දින තරග ඉතිහාසයේ වැඩිම එක්දින ජාත්‍යන්තර තරඟ ගණනින් පරාජයට පත්වී නව වාර්තාවක් තැබීය. ශ්‍රී ලංකාව මේ දක්වා එක්දින තරග 428ක් පරාජය වී ඇති අතර ඉන්දියාව 427ක් සහ පාකිස්තානය 414ක් පරාජය වී තිබේ.

1975 වසරේ සිට මේ දක්වා ශ්‍රී ලංකාව එක්දින තරග 860 කට ක්‍රීඩා කර ඇති අතර 390ක් ජයග්‍රහණය කර 428ක් පරාජයට පත්ව ඇත.

2015 සිට මේ දක්වා එක්දින තරගවලින් 62% ක් ශ්‍රී ලංකාවට පරාජය විය.

ශ්‍රී ලංකාවේ ජයග්‍රාහී / පරාජිත අනුපාතය 0.911 ක් වන අතර එය ඉහළම ක්‍රිකට් රටවල් අතර බංග්ලාදේශයට හා සිම්බාබ්වේට වඩා ඉහළ අගයක් ගනී. 1.770 අනුපාතයකින් දකුණු අප්‍රිකාව පහළින්ම සිටී.

සංචාරක ශ්‍රී ලංකා කණ්ඩායම සහ එංගලන්ත කණ්ඩායම අතර අද (29) පැවැති පළමු එක්දින තරගයෙන් කඩුළු 05ක පහසු ජයක් ලැබීමට එංගලන්තය සමත් වුණා.

පළමුවෙන් පන්දුවට පහර දුන් ශ්‍රී ලංකා කණ්ඩායමට නියමිත පන්දුවාර 50 වෙත ළගාවීමට නොහැකි වූ අතර පන්දුවාර 42.3කදී ලකුණු 185කට ශ්‍රී ලංකා කණ්ඩායමේ සියලු කඩුළු දැවී ගියා.

පිළිතුරු ඉනිම ක්‍රීඩා කළ එංගලන්ත කණ්ඩායම පන්දුවාර 34.5කදී කඩුළු 05කට ලකුණු 189ක් වාර්තා කරමින් තරග 03කින් සමන්විත එක්දින තරගාවලියේ පළමු තරගය ජයග්‍රහණය කළා.

ශ්‍රී ලංකාව වෙනුවෙන් කුසල් පෙරේරා පන්දු 81කට ලකුණු 73ක් සහ වනිදු හසරංග පන්දු 65කට ලකුනු 54ක් වාර්තා කළා.

එංගලන්තය වෙනුවෙන් ජෝ රූට්ස් පන්දු 89කට ලකුණු 79ක් වාර්තා කළ අතර දුෂ්මන්ත චාමර ලකුණු 50කට කඩුළු 03ක් වාර්තා කළා

එංගලන්ත තරග සංචාරයක නිරතව සිටියදී ඊයේ (27) රාත්‍රීයේ හෝටලයෙන් පිටත රැදී සිටි බවට චෝදනා එල්ල වූ ශ්‍රී ලංකා කණ්ඩායමේ උප නායක කුසල් මෙන්ඩිස්, ධනුෂ්ක ගුණතිලක සහ නිරෝෂන් දික්වැල්ල අද (28) රාත්‍රී නැවත ශ්‍රී ලංකාවට කැඳවීමට තීරණය කළ බවත් ඔවුන් තිදෙනාටම තාවකාලික තහනමක් පැනවූ බවත් එම තහනම යටතේ විනය පරීක්‍ෂණය පවත්වන බවත් ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතා පවසනවා.

මෙම ක්‍රීඩකයින් තිදෙනා කණ්ඩායමේ නීති රීති පමණක් නොව නිරෝධාන නීති පවා උල්ලංඝනය කරමින් ඊයේ (27) රාත්‍රී කාලයේ ඩරම්හි සැරිසරන ආකාරයත් දුම්වැටික් පානය කිරීමට සූදානම් වන ආකාරයත් දැක්වෙන විඩියෝවක් සමාජ මාධ්‍යට නිකුත්ව තිබෙනවා.

එංගලන්තය සමග පැවැති 20 විස්ස තරගාවලියෙන් ශ්‍රී ලංකා කණ්ඩායම නින්දා සහගත පරාජයක් ලැබුවා. ඒත් ඒක අලුත් දෙයක් නොවන්නේ පසුගිය දීර්ඝ කාලය පුරාම ශ්‍රී ලංකාව සැලකිය යුතු ජයග්‍රහණයක් වාර්තා නොකළ නිසයි. ඇමැතිවරු, කණ්ඩායම් කළමනාකරුවෝ, පුහුණුකරුවෝ වෙනස් වුණාට ක්‍රීඩකයින් වෙනස් වෙලා නැහැ කියන එකයි මේ පරාජයන් පිට ලබන පරාජයන් මගින් කියන්නේ.

මේ අතර එංගලන්තයට ගිය ශ්‍රී ලංකා කණ්ඩායමේ උප නායක කුසල් මෙන්ඩිස්, ආරම්භක පිතිකරු ධනුෂ්ක ගුණතිලක, සහ නිරෝෂන් දික්වැල්ල යන ක්‍රීඩකයන් තිදෙනා කණ්ඩායමේ නීති රීති පමණක් නොව නිරෝධාන නීති පවා උල්ලංඝනය කරමින් ඊයේ (27) රාත්‍රී කාලයේ ඩරම්හි සැරිසරන ආකාරයත් දුම්වැටික් පානය කිරීමට සූදානම් වන ආකාරයත් දැක්වෙන විඩියෝවක් සමාජ මාධ්‍යට නිකුත් වී ඇති අතර ඒ පිළිබඳ වාර්තාවක් ලබාදෙන්නැයි ශ්‍රී ලංකා ක්‍රිකට් ආයතනය එංගලන්තයේ සිටින ශ්‍රී ලංකා කණ්ඩායමේ කළමනාකරුට දැනුම් දී ඇති බවක් වාර්තා වෙනවා.

ධනුෂ්ක ගුණතිලක, සහ නිරෝෂන් දික්වැල්ල මීට පෙර ද විවිධ වැරදි හේතුවෙන් දඬුවම් හා අවවාද ලැබ ඇති බව අප මෙහිදී අමතක නොකළ යුතු කරුණක්.

‘‘පවතින කොවිඩ් -19 ව්‍යාප්තිය හමුවේ එංගලන්ත – ශ්‍රී ලංකා තරගාවලිය ජෛව ආරක්ෂිත බුබුලකට යටත්ව පැවැත්වෙන්නේ. මෙම ක්‍රීඩකයින් තිදෙනා එම රීති උල්ලංඝනය කර ඇත්නම් ඔවුන්ව එරෙහිව දැඩි ක්‍රියාමාර්ග ගැනීමට අප පසුබට වන්නේ නැහැ. කළමනාකරු ලබාදෙන වාර්තාවට අනුව ඉදිරි පියවර ගැනීමට බලාපොරොත්තු වෙනවා‘ යැයි ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මහතා මේ සිදුවීම සම්බන්ධයෙන් මාධ්‍ය හමුවේ පවසා තිබෙනවා.

ශ්‍රී ලංකා කණ්ඩාායම එංගලන්තයට යාමට පෙර තමන්ට ගෙවන වැටුප සම්බන්ධයෙන් ද හ්‍රී ලංකා ක්‍රිකට් ආයතනට සමග ගැටුම් ඇතිකර ගත්තා. ඒත් ඔවුන්ට කොපමණ දුන්නත් වැඩක් නැති බවයි දැන් නම් පෙනී යන්නේ.

ක්‍රීඩා වැරදි, තරග පාවාදීම් හා තහනම් උත්තේජක භාවිතා කිරීම් වලින් තොර රටක් බවට පත් කිරීම සඳහා ශ්‍රී ලංකාව පසුගියදා සාධනීය පියවරයන් රැසක් ක්‍රියාත්මක කළේය.

ඒ අතර “ක්‍රීඩා වැරදි වැළැක්වීමේ විශේෂ විමර්ශන ඒකකය” පිහිටුවීමට හැකිවීම ප්‍රධාන තැනක් ගනියි.  2019 අංක 24 දරණ ක්‍රීඩාවලට සම්බන්ධ වැරදි වැළැක්වීමේ පනත යටතේ සිදු වන වරදක් සම්බන්ධයෙන් විමර්ශන කළ හැකි බලතල සහිතව මෙම ආයතනය ස්ථාපිත වීම විශේෂිතය.

2020 පෙබරවාරි මස 11වැනි දින සුගතදාස ජාතික ක්‍රීඩා සංකීර්ණ ගෘහස්ථ ක්‍රීඩාගාරය අසළ පිහිටි කාර්යාලයක ස්ථාපිත වූ “ක්‍රීඩා වැරදි වැළැක්වීමේ විශේෂ විමර්ශන ඒකකය” එහි අධ්‍යක්ෂ ජ්‍යෙෂ්ඨ පොලිස් අධිකාරි ජගත් ෆොන්සේකා මහතා යටතේ ක්‍රියාත්මකය.

ක්‍රීඩා ක්ෂේත්‍රයේ යම් වරදක් වෙතොත් මෙම විමර්ශන ඒකකය වෙත පැමිණිලි කිරිමට අවශ්‍ය නම් එම පැමිණිලි ක්‍රීඩා අමාත්‍යාංශ ලේකම්වරයාට හෝ ක්‍රීඩා අධ්‍යක්ෂ ජනරාල්වරයා වෙත ඉදිරිපත් කළ හැකිය.

තරුණ හා ක්‍රීඩා අමාත්‍ය ඩිජිටල් තාක්ෂණ ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතාගේ උපදෙස් පරිදි මෙම විමර්ශන ඒකකයේ කටයුතු විධිමත්ව ජනතාවට සමීප කිරීමට පියවර ගෙන ඇත.

මෙම පනතෙහි අරමුණු සහ විධිවිධාන අනුව පහත පියවරයන් සඳහා අවස්ථාව තිබේ.

1. ක්‍රීඩාවල තරග පාවාදීම, දූෂණය, නීති විරෝධී මෙහෙයවීම් හා ඔට්ටු ඇල්ලීම වැළැක්වීම.

2. ක්‍රීඩාවල තරග පාවාදීම, දූෂණය, නිති විරෝධී මෙහෙයවීම් හා ඔට්ටු ඇල්ලීම හා සම්බන්ධ තොරතුරු හුවමාරු කර ගැනීම සඳහා සහ ක්‍රීඩාවල යහපත් පරිචයන් ප්‍රවර්ධනය කිරීම සඳහා ක්‍රීඩා සංවිධාන, නීතිය බලාත්මක කිරීමේ නියෝජිතායතන සහ ඔට්ටු මෙහෙයුම්කරුවන් අතර ජාතික හා අන්තර්ජාතික සහයෝගීතාවය ශක්තිමත් කිරීම.

3. ක්‍රීඩාවල තරග පාවාදීම, දූෂණය, නිති විරෝධී මෙහෙයවීම් හා ඔට්ටු ඇල්ලීම හා සම්බන්ධ ගැටලු පිළිබඳ දැනුම්වත්භාවය ප්‍රවර්ධනය කිරීම සහ ආශ්‍රිත පාර්ශවයන් අතර සම්බන්ධීකරණය වර්ධනය කිරීම පිණිස වැඩසටහන් පැවැත්වීම.

4. ජාතික ක්‍රීඩාවල අවංකභාවය ආරක්ෂා කිරිම සහ පවත්වාගෙන යාම.

5. ක්‍රීඩාවල තරග පාවාදීමට, දූෂණයට නීති විරෝධි ‍මෙහෙයවීමට සහ නීති විරෝධි ඔට්ටු ඇල්ලීමට එරෙහිව වූ වැළැක්වීමේ පියවර නීතිය බලාත්මක කිරීමේ නියෝජිතායතන සමග ඒකාබද්ධව හඳුන්වාදීම සහ ප්‍රවර්ධනය කිරීම

6. වෘත්තීය ක්‍රීඩකයින්ගේ කීර්ති නාමය සහ ජීවන වෘත්තිය ආරක්ෂා කිරීම

7. ක්‍රීඩාවල තරග පාවාදීමට, දූෂණයට නීති විරෝධි ‍මෙහෙයවීමට සහ නීති විරෝධි ඔට්ටු ඇල්ලීම යන වැරදි සම්බන්ධයෙන් විමර්ශන සිදු කිරීම සඳහා ස්වාධීන, අපක්ෂපාති විශේෂ විමර්ශන ඒකකයක් පත් කිරීම.

මෙහි දී ක්‍රීඩාවල තරග පාවාදීම, ක්‍රීඩා සම්බන්ධයෙන් ඔට්ටු ඇල්ලීම සහ එවන් වැරදි සදහා ආධාර අනුබලදීමේ චෝදනාවන් සදහා ගරු නීතිපතිතුමා විසින් මහධිකරණයේ නඩු පැවරිය යුතු ය.

එම වැරදි ඔප්පු වී වරදකරුවකු වුවහොත් ඒ වෙනුවෙන් රුපියල් මිලියන සියයකට වැඩි නොවන දඩයකට හෝ වසර දහයක් නොඉක්මවන කාලයක් සදහා බන්ධනාගාරගත කිරීමකට හෝ ඒ දඩය සහ බන්ධනාගාරගත කිරීම යන දඩුවම් දෙකටම යටත් විය යුතුය.

සෙසු චෝදනා යටතේ ගොනු කරන නඩු කටයුතු මහේස්ත්‍රාත් අධිකරණයකදී විභාග වන අතර, ඒ සඳහා වරදකරු කරනු ලැබීමේදී රුපියල් ලක්ෂ දෙකකට වැඩි නොවන දඩයකට හෝ අවුරුදු තුනක් නො ඉක්මවන කාලයක් සඳහා බන්ධනාගාරගත කිරීමකට හෝ ඒ දඩය සහ බන්ධනාගාරගත කිරීම යන දඬුවම් දෙකට ම හෝ යටත් විය යුතුය.

යම් පාර්ශවයක් සාවද්‍ය පැමිණිල්ලක් ඉදිරිපත් කළහොත් පනත අනුව ඔවුන් හට රුපියල් ලක්ෂයකට වැඩි නොවන දඩයක් හෝ වසර තුනක් නොයික්මවන කාලයක් සදහා සිර දඬුවමකට හෝ මෙම දඬුවම් දෙකටම යටත් කළ හැක.

මෙම පනත යටතේ ඇති වැරදි,  ඇප දිය නොහැකි වරදක් සේ සැලකේ.

විස්සයි-20 තරගාවලියේ පරාජය යම් තරමකින් අවම කර ගැනීමට තිබූ අවසන් අවස්ථාවේදීද කිසිදු අවස්ථාවක් ලබා නොදුන් එයන් මෝගන්ගේ නායකත්වයෙන් යුතු එංගලන්ත කණ්ඩායම අද (26 දා) පැවැති තෙවැනි තරගයෙන්ද ශ්‍රී ලංකා කණ්ඩායමේ බලාපොරොත්තු සුන් කර දැමූහ. සදම්ටන්හි පැවැති මෙම තරගයෙන්ද ලකුණු 89 ක ජයක් වාර්තා කළ සත්කාරකයෝ තරග 3 කින් සමන්විත විස්සයි-20 තරගාවලිය ජය ගනු ලැබුවේ 3-0 ක් ලෙස ශ්‍රී ලංකාවට එරෙහිව ‘පූර්ණ සුද්දයක්’ (වයිට් වොෂ්) ‍දමමිනි.

පළමු තරග දෙකේදී ප්‍රථමයෙන් පන්දුවට පහර දුන් ශ්‍රී ලංකා පිල කාසියේ වාසිය දිනා හඹා යෑම තෝරා ගත්තද එංගලන්ත පන්දු යැවීම හමුවේ ලකුණු 100 සීමාව පවා ඉක්මවාලීමට නොහැකිව ලකුණු 91 දී ඉනිම නිමාවට පත්විය. ශ්‍රී ලංකා පිල දැවී ගිය මෙම ලකුණු සංඛ්‍යාව මෙතෙක් විස්සයි-20 තරග වලදී දැවී ගිය සිව්වැනි අඩුම ලකුණු සංඛ්‍යාව ලෙසින් ද වැඩිම ලකුණු පරතරයකින් යුතුව එංගලන්තය ජයගත් සිව්වැනි අවස්ථාව වශයෙන්ද සටහන් විය.

මුල්ම පන්දුවට හතරේ පහරක් එල්ල කළද දෙවැනි පන්දුවෙන් ධනුෂ්ක ගුණතිලක දැවී යෑමත් සමඟ පෙර තරග වල පරිදිම එකා පිට එකා දැවී යෑම ඇරැඹිණ. එහිදී නායක සහ උප නායකත්වයට පත් කුසල් යුගලයද නරඹන්නන් බවට පත්වූයේ මුලු ලකුණු සංඛ්‍යාව ලකුණු 23 ක්ව සටහන්ව තිබියදීය. එතැන් පටන් ලකුණු හඹා යෑම පසෙක තැබූ පිතිකරුවෝ කඩා වැටුණු ඉනිම ගොඩ ගැනීමට දැඩි උත්සාහයක නිරත වුවත් ඔවුන්ට වඩා එංගලන්ත පන්දු යවන්නන් ගව් ගණන්ක ඉදිරියෙන් සිටීම නිසා පළමු පන්දුවාර 10 අවසන් වන විට ශ්‍රී ලංකා පිලේ ලකුණු පුවරුව සටහන් වූයේ කඩුලු 4 කට ලකුණු 53 ක් ලෙසිණි. පිටියේ තුළ ස්ථාවර වීමට එකම ශ්‍රී ලංකා පිතිකරුවකු හෝ අසමත්වූ අතර යන්තමින් හෝ ලකුණු 20 සීමාවට ළඟා වූයේ පන්දු යවන්නකු ලෙස තරගයට එක්කාසු වුණු බිනුර ප්‍රනාන්දු (20) පමණි.

පන්දු යැවීමෙන් කැපී පෙනුණු වමත් පන්දු යවන්නන් වුණු ඩේවිඩ් විලී ලකුණු 27 කට කඩුලු 3 ක්ද සෑම් කරන් ලකුණු 14 කට කඩුලු 2 ක් වශයෙන් කඩුලු 5 ක් බෙදා ගත්හ. වසර 6කට පසු විස්සයි-20 තරගයකට ක්‍රීඩා කළ ක්‍රිස් වෝක්ස් තම පන්දුවාර 4 ලකුණු 9 කදී යවා අවසන් කර ගනු ලැබුවේ කඩුල්ලක්ද දවා ගනිමිනි.

පන්දු යැවීමට අමතරව එංගලන්ත පිලේ පන්දු රකින්නන් ස්ථාන ගත කිරීම, පන්දුව කඩුල්ලට යොමු කිරීම ඉතාම ඉහළ තත්ත්වයක පැවැති අතර එහිදී සෑම් බිලංග්ස් විසින් දසුන් ශානකව දවා ගැනීම වෙනුවෙන් හතරේ සීමාව ආසන්නයේ සිට කඩුල්ලටම යොමු කිරීම කැපී පෙනිණ.

එංගලන්ත ආරම්භ පිතිකරුවන් මෙල්ල කර ගැනීමට නොහැකි වීම පරාජයේ පළමු හැරවුම් ලක්ෂ්‍ය බවට පත්විය. පළමු පන්දුවාර 3 දී ලකුණු 14 ක් පමණක් ලබා දෙමින් ජොනී බෙයාර්ස්ටෝ සහ ඩේවිඩ් මාලන්ව ග්‍රහණයකට හසු කර ගනිමින් පන්දු යැවීමට දුෂ්මන්ත චමීර සහ බිනුර ප්‍රනාන්දු සමත් වුවත් පිටියේ ස්ථාවර වීමත් සමඟ ලකුණු පුවරුව වේගයෙන් ක්‍රියාත්මක විය.

පළමු කඩුල්ල වෙනුවෙන් පන්දු 70 ක් ක්‍රීඩා කළ වමත්-දකුණත් සුසංයෝගය පළමු කඩුල්ලේ සම්බන්ධතාවය ලකුණු 105 ක් දක්වා ඉහළ දැමූහ. එහිදී අනුකම්පා විරහිත පිතිහරඹයක නියැළුණු බෙයාර්ස්ටෝ පන්දු 41 කින් අර්ධ ශතකය ලබා ගන්නා ලද්දේ සිය ඉනිම හතරේ පහයර 5 කින් සහ හයේ පහරකින් අලංකාර කර ගනිමිනි. මොවුන් දෙදෙනාගේ ඉනිම හේතුවෙන් ඉනිමේ හරි අඩක් හෙයවත් පන්දුවාර 10 නිමා වන විට එංගලන්ත ලකුණු පුවරුව ලකුණු 93 ක් ලබා සිටියහ.

කෙසේ වෙතත් අවසන් පන්දුවාර කීපයේදී යළිත් සැලසුම් සහගතව පන්දු යැවීමට ශ්‍රී ලංකා පන්දු යවන්නන් සමත්වීම නිසා ලකුණු 200 සීමාව ඉක්මවා ලීමේ අවස්ථාව එංගලන්තයට අහිමිවූවේය. අවසන් පන්දුවාර 5 දී පන්දු යැවූ චමීර, ලකුණු 76 ක් ලබා ගනිමින් එංගලන්ත ඉනිමේ වැඩිම කඩුලු ලාභියා වුණු ඩේවිඩ් මාලන්ගේ කඩුල්ලද සමඟ කඩුලු 4 ක් දවා ගනු ලැබුවේ තම පන්දුවාර 4 ම ලකුණු 17 කට සීමා කරමිනි. අතිරේක ලකුණු කිසිවක් ලබා නොදෙමින් පන්දු යැවූ චමීර අද දිනයේ යවන ලද පන්දු 24 න් 11 ක්ම නිලකුණු පන්දු ලෙසින් යවමින් විස්සයි-20 තරග දිවියේ හොඳම පන්දු යැවීමද වාර්තා කරගත්තේය. විස්සයි-20 තරග පිටියේ ලොව අංක 1 පිතිකරුවා බවට පත්ව සිටින මාලන්ගේ පන්දු 48 කින් සමන්විත ඉනිමේදී හයේ පහර 4 ක් සහ හතරේ පහර 5 ක් එල්ල කර තිබිණ.  

ඉසුරු උදාන විසින් ක්‍රියාත්මක කරන ලද අවසන් පන්දුවාරයේදී ලකුණු 17 ක් උදුරා ගැනීමට එංගලන්ත පිතිකරුවන් සමත්වීම නිසා නියමිත පන්දුවාර 20 අවසනදී කඩුලු 6 කට ලකුණු 180 ක් රැස් කිරීමට එංගලන්ත පිලට හැකියාව ලැබිණ. එංගලන්ත පිතිකරුවන්ගේ දැඩිම ප්‍රහාරයට ලක් වුණු පන්දු යවන්නා වූයේ වනිඳු හසරංග වන අතර ඔහුගේ පන්දුවාරයකට ලකුණු 14 බැගින් ලබා ගැනීමට එංගලන්ත පිතිකරුවෝ සමත්වූහ. සුදු පන්දුවෙන් තරග කරන බොහෝ අවස්ථාවන් වලදී වනිඳුගේ පන්දු හමුවේ පිතිකරුවන් ආරක්ෂාකාරී පිළිවෙතක් අනුගමනය කරමින් කඩුලු ආරක්ෂා කර ගැනීමට උත්සාහ ගනු ලැබුවද අද දිනයේදී දැඩි ප්‍රහාරයකට ලක්වීම කැපී පෙණින. ශ්‍රී ලංකාව සතු ප්‍රබලම තුරුම්පුව වන හසරංග දැඩි ප්‍රහාරයකට ලක්වීම නිසා අද දිනයේ නායක කුසල් පන්දුවාර 3 ක් පමණක් යැවීම සඳහා උපයෝගී කර ගැනීම විශේෂත්වයක් විය. ඔහුට අමතරව ඉසුරු උදානටද සිය පන්දුවාර 4 දී ලකුණු 55 ක් රැස් කිරීමට ප්‍රතිවාදී පිතිකරුවෝ සමත්වූහ.

දෙරට අතර ආරම්භ වීමට නියමිත තරග 3 කින් සමන්විත එක්දින තරගාවලිය ලබන අඟහරුවාදා (29 වැනිදා රිවර්සයිඩ්හිදී තරග වදිනු ඇත.

Text by sl cricket

තරගාවලියේ තවදුරටත් අපරාජිතව රැඳී සිටීමට ජයග්‍රහණය තීරණාත්මක දෙවැනි විස්සයි-20 තරගයේදී අපරික්ෂාකාරී ලෙස පිති හැසිරීම නිසා කාඩිෆ්  නුවරදී පැවැති දෙවැනි විස්සයි-20 තරගයෙන්ද එංලන්තය හමුවේ ඩක්වර්ත් ලුවිස් න්‍යායට අනුව කඩුලු 5 ක පරාජයක් ශ්‍රී ලංකා කණ්ඩායම අද (24 දා) අත්වින්දේය. ඒ අනුව තරගයක් ඉතිරිව තිබියදීම 2-0 ක් ලෙස තරගාවලිය ජය ගැනීමට සත්කාරක එංගලන්ත කණ්ඩායම සමත්වූවේය.

පළමු තරගයේ කාබන් කොපියක් බඳු ලෙසින් දුර්වල ලෙස පිති හැසිරවූ ශ්‍රී ලංකා පිතිකරුවන් අද තරගයේදී නියමිත පන්දුවාර 20 අවසනදී කඩුලු 7 ක් දැවී ලකුණු 111 ක් පමණක් රැස් කළේය. පන්දුවාර 20 කදී ලබාගත යුතු ව ලකුණු 112 ක ජයග්‍රාහී ඉලකක්ය වර්ෂාව හේතුවෙන් පන්දුවාර 18 කදී ලකුණු 108 ක් වශයෙන් සටහන්වුණු මෙම තරගයේදී ඉලක්කය හඹා ගිය සත්කාරක පිල 16 වැනි පන්දුවාරයේ පළමු පන්දුවේදී ජයග්‍රහණය සපුරා ගන්නා ලද්දේ කඩුලු 5 ක් පමණක් දැවී ගොස් තිබියදීය.

එම ඉලක්කය හඹා යෑමේදී එංගලන්ත කණ්ඩායමේ ඉදිරි පෙළ කඩුලු 4 ම ලකුණු 37 කදී බිඳ වැටුණු නමුත් 5 වැනි කඩුල්ලට එක් වුණු ලියම් ලිවින්ග්ස්ටන් සහ සෑම් බිලිංග්ස් පන්දු 48 කදී ලකුණු 54 ක සම්බන්ධතාවයක් පවත්වමින් එංගලන්ත ජයග්‍රහණයට අවශ්‍ය පදනම එක් කළහ. තුන් ඉරියව්වෙන් දක්වන ලද දක්ෂතාවය හේතුවෙන් ලිවින්ග්ස්ටන්ට තරගයේ වීරයා සම්මානය හිමිවිය.

අලංකාර හයේ පහරකින් ලිවින්ග්ස්ටන් තරගය නිමා කරන විට එංගලන්ත ලකුණු පුවරුවේ තවත් පන්දු 11 ක් සහ කඩුලු 5 ක් ඉතිරිව පැවතිණ.

කාසියේ වාසිය දිනූ ශ්‍රී ලංකා නායකයා ප්‍රථමයෙන් පන්දුවට පහර දීමට තීරණය කළද පිතිකරුවන්ගේ වගකීම් විරහිත පිතිහරඹය, එම තීරණයට සාධාරණයක් එක් නොකළහ. ශ්‍රී ලංකා ඉනිම ආරම්භයේදී පිතිහරඹයටත් වඩා කඩා වැටීමට හේතු වූයේ අපරික්ෂාකාරී සහ වගකීම් විරහිත වූ කඩුලු අතර දිව යෑමය. පන්දු රකින්නා තමන් වෙත එන බව පෙනි පෙනී තිබියදී ලකුණක් කරා යෑමට අවිෂ්ක ප්‍රනාන්දු උත්සාහ ගැනීම හේතුවෙන් ධනුෂ්ක ගුණතිලක දැවී ගියේය.  

තණතීරුව මත පන්දුව රැදී තිබියදී කඩුලු අතර දිව යනු දුටු පන්දු යැවූ සෑම් කරන් පැමිණ පාපන්දු ක්‍රීඩා කරන අයුරින් පන්දුව කඩුල්ලට යොමු කිරීම හේතුවෙන් ගුණතිලකගේ වටිනා කඩුල්ල ලකුණු 3 කදී ශ්‍රී ලංකාවට අහිමි විය.

එම වැරද්දෙන් පසු සිය කඩුල්ල ආරක්ෂා කර ගන්නවා වෙනුවට හුක් පහරක් එල්ල කිරීඹට ගිය අවිෂ්ක ලකුණු 06 කට දැවී යෑම නිසා පවර් ප්ලේ අවස්ථාවට පෙර ඉනිමේ ආරම්භක පිතිකරුවන් යුගලයම දැවී යෑම ශ්‍රී ලංකාවට දරාගත නොහැකි පාඩුවක් විය.

ලකුණු අතරට කොයි මොහොතේ පැමිණෙනු ඇති බවට බලාපොරොත්තුවෙන් පසුවන කුසල් මෙන්ඩිස්ට එක්වූ නායක කුසල් පෙරේරා කඩා වැටුණු ඉනිම ගොඩ ගනිමින් සිටියේ පන්දු 53 කදී ලකුණු 50 ක සම්බන්ධතාවයක් පවත්වමිනි. තරගයේ ආරම්භයෙන් පසු යවන ලද 46 වැනි පන්දුවේදී පළමු හතරේ පහර එල්ල කළ  කුසල් මෙන්ඩිස් ඉනිමේ වැඩිම ලකුණු ලාභියා වූවේය.

වේගයෙන් පන්දු යැවීමට රුචියක් දක්වන මාක් වුඩ්ගේ ගොදුරක් ලෙසින් කුසල් මෙන්ඩිස්ව (39) දවා ගැනීමෙන් පසු ඊළඟ පන්දුවේදී ධනංජය ද සිල්වාගේ ස්ථානය සඳහා ආදේශ වුණු නිරෝෂන් දික්වැල්ලගේ කඩුල්ල ද දවා ගනිමින් ශ්‍රී ලංකාව අමාරුවේ දැමීය. ශ්‍රී ලංකා ඉනිම වෙනුවෙන් කුසල් මෙන්ඩිස් එල්ල කරන ලද හයේ පහරත් සහ හතරේ පහර 3 ත් ඉසුරු උදාන එල්ල කරන ලද හයේ පහරත් හතරේ පහරත් හැරුණු කොට එකම පිතිකරුවකු හෝ හතරේ පහරක් එල්ල කිරීමට අසමත් වූහ.

දේශිය අංගම්පොර සටන් කලාව සඳහා යටත්විජිත යුගයේ පටන් පනවා තිබෙන තහනම ගැසට් පත්‍රයකින් ඉවත්කොට එය ජාතික ක්‍රීඩාවක් ලෙස දේශීය හා ජාත්‍යන්තර වශයෙන් ප්‍රචලිත කරන බව තරුණ හා ක්‍රීඩා අමාත්‍ය, ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පැවසීය.

කොරතොට අංගම් සටන් පාසල නැරඹීමට එක්වෙමින් අමාත්‍ය නාමල් රාජපක්ෂ මහතා පසුගිය දා මේ බව සඳහන් කළේය.

මෙරට සාම්ප්‍රදායික අංගම්පොර සටන් කලාව යටත්විජිත යුගයේ දී වර්ෂ 1818 දී ඔක්තෝබර් මාසයේ ඉංග්‍රීසීන් විසින් තහනම් කරනු ලැබූ නමුත් එය වසර 202කට අධික කාලයක්  රහසිගතව පාරම්පරික වශයෙන් පැවත එයි.

අමාත්‍ය නාමල් රාජපක්ෂ මහතා එහි දී මෙසේ ද කීවේය.

පළමුවෙන්ම දේශිය සටන් කලාවක් වන අංගම්පොර සටන් ශාස්ත්‍රය වෙත ඉංග්‍රීසි පාලන අධිකාරිය විසින් පනවා තිබෙන තහනම ගැසට් පත්‍රයක් හරහා ඉවත් කරගැනීමට බලාපොරොත්තු වෙනවා. 

මෙම අංගම්පොර සටන් ශාස්ත්‍රය හදාරන අය තුළ අනෙක් ක්‍රීඩාවල නියැලෙන ක්‍රීඩකයන්ට එහා ගිය දරාගැනීමේ ශක්තියක් තිබෙන බව පෙනෙනවා.

අනෙකුත් ක්‍රීඩාවල නියැලෙන ක්‍රීඩකයින්ටත් මෙහි ඇති දැනුම හුවමාරු කරගෙන තම තමන්ගේ දරාගැනීමේ ශක්තිය වැඩි දියුණු කරගත හැකියි.

එමෙන්ම මෙම ක්‍රීඩාව ප්‍රගුණ කිරීමේදී භාවනා/ යෝගා වැනි ක්‍රම හරහා ක්‍රීඩකයන්ගේ කායික මානසික තත්ත්වය සකසනු ලබනවා. ඒ  මත තරුණ පිරිස යහමගට ගැනීම මෙන්ම නිරෝගි තරුණ පිරිසක් ගොඩනැගීමත් සිදුවෙනවා.

අංගම්පොර සටන් කලාව දේශීය සටන් කලාවක්. දේශීය දේවල් රැකගැනීම අපේ යුතුකමක්.

දැනට මේ ක්ෂේත්‍රයේ නියැලෙන්නේ බොහොම අතළොස්සක පිරිසක්. අංගම්පොර  සටන් ශාස්ත්‍රය හදාරන එහි ගුරුහරුකම් ලබාදෙන ශිල්පීන් සොයාගෙන මෙවැනි දේශීය සටන් ක්‍රම සහ ජන ක්‍රීඩා ජාතික මට්ටමින් පුහුණු කිරීම සඳහා පුහුණු මධ්‍යස්ථානයක් හදන්න බලාපොරොත්තු වෙනවා.

එසේම අංගම්පොර සටන් කලාවේ පවතින හරයන් පාසල් අධ්‍යාපනයට ඇතුළත් කිරීමට ඇති හැකියාව පිළිබඳව සොයාබැලිය යුතුයි.

අංගම්පොර සටන් ශාස්ත්‍රය ඇතුලුව අපේ පැරණි ජන ක්‍රීඩා හා සටන් ක්‍රම පිළිබඳ පර්යේෂණාත්මකව සොයා බලා ඒවා අනාගත පරපුර වෙනුවෙන් සුරක්ෂිතව රැකගැනීම එම ක්‍රීඩා දැනුම සංරක්ෂණය කිරීමට කෞතුකාගාරයක් ඉඳිකරනත් බලාපොරොත්තු වෙනවා.

තරුණ හා ක්‍රීඩා අමාත්‍යංශය හා ග්‍රාමීය පාසල් ක්‍රීඩා යටිතල පහසුකම් ප්‍රවර්ධන රාජ්‍ය ආමාත්‍යංශය ඒකාබද්ධව අපේ රටේ සාම්ප්‍රදායික ක්‍රීඩා ප්‍රවර්ධනය කිරීම සඳහා විශේෂ වැඩපිළිවෙලක් සකස් කරන බව අමාත්‍ය නාමල් රාජපක්ෂ මහතා පැවසීය.

තරග 3 කින් සමන්විත විස්සයි-20 තරගාවලියේ අද (23 දා) රාත්‍රියේ පැවැති පළමු විස්සයි-20 තරගයෙන් ශ්‍රී ලංකාව පරදා කඩුලු 8 ක පහසු ජයක් වාර්තා කළ සත්කාරක එංගලන්ත කණ්ඩායම තරගාවලිය 1-0 ක් ලෙස පෙරමුණ ගැනීමට සමත්විය.

විස්සයි-20 තරගයක් ජය ගැනීමට තරම් ප්‍රමාණවත් නොවුණු අතිශය දුර්වල වූ ලකුණු 130 ක ඉලක්කයක් හඹා ගිය ජොස් බට්ලර් ප්‍රමුඛ එංගලන්ත පිතිකරුවෝ 17 වැනි පන්දුවාරයේ පළමු පන්දුවේදී සපුරා ගන්නා ලද්දේ ලකුණු පුවරුවේ තවත් පන්දු 17 ක් සහ කඩුලු 8 ක් ඉතිරිව තිබියදීය.

ආරක්ෂා කර ගැනීමට තරම් ඉලක්කයක් නොවූයෙන් දැඩි පීඩනයක් යටතේ පන්දු යැවූ ශ්‍රී ලංකා පන්දු යවන්නන් අතරින් වනිඳු හසරංග තම පන්දුවාර 4 ලකුණු 12 කදී නතර කර ගැනීමට සමත්වද්දී දුෂ්මන්ත චමීර සහ ඉසුරු උදාන පන්දුවාරයකට ලකුණු 8 කට වඩා අඩුවෙන් තබා ගනිමින් ඉලක්කය ආරක්ෂා කර ගැනීමට දැඩි උත්සාහයක් ගත්හ.

එහෙත් සිය දේශීය තත්ත්වයන් සිය වාසියට හරවා ගත් එංගලන්ත ආරම්භක පිතිකරුවන් පවර් ප්ලේ අවස්ථාවට හිමි පන්දුවාර 6 දී ලකුණු 10 කට වඩා වේගයක් රඳවා ගනිමින් ලකුණු 61 ක් රැස් කිරීමට සමත්වූහ. එතැනින් නොනැවතුණු ජොස් බට්ලර් සහ ජේසන් රෝයි දෙපළ පළමු කඩුල්ලේ සම්බන්ධතාවය ලකුණු 80 ක් දක්වා ඉහළ දමන ලද්දේ පන්දු 55 ක් පමණක් වැය කරමිනි.

පන්දු 22 කදී වේගවත් ලකුණු 36 ක් ලබා සිටි ජේසන් රෝයි දුෂ්මන්ත චමීරගේ පන්දුවක් හමුවේ ධනුෂ්ක ගුණතිලක අතට උඩ පන්දුවක් ලබා දී දැවී ගියද සිය පිතිහරඹය අත් නොහළ බට්ලර් එංගලන්ත ජයග්‍රහණය සනාථ වන තෙක්ම කඩුල්ලේ රැඳී සිටියේ පන්දු 55 කදී ලකුණු 68 ක් රැස් කර ගනිමිනි. හයේ පහරක් සහ හතරේ පහර 8 ක් සමඟින් බට්ලර් රැස් කළ ඉනිම ඔහුට තරගයේ වීරයා සම්මානයද ගෙන දුන්නේය.

එංගලන්ත දෙවැනි කඩුල්ල වෙනුවෙන් ඩේවිඩ් මාලන්ගේ කඩුල්ල දවා ගැනීමට ඉසුරු උදාන සමත් වුවත් ඒ වන විටත් ශ්‍රී ලංකා පිලට සිදුකළ යුතු විනාශය ඔවුන්ගේ පන්දු යවන්නන් මෙන්ම ආරම්භක පිතිකරුවන් යුගලය සිදුකර තිබුණි.

කාසියේ වාසියත් සමඟ කිසිදු පැකිළීමකින් තොරව පළමු පන්දුවට පහර දීමට ශ්‍රී ලංකා නායක කුසල් පෙරේරා තීරණය කළේය. එහෙත් ශ්‍රී ලංකාවට ලැබුණේ එතරම් සුභදායී ආරම්භයක් නොවන අතර දෙවැනි පන්දුවාරයේදීම අවිෂ්ක ප්‍රනාන්දු දැවී ගියේය. එම දැවී යෑමන් පසු ශ්‍රී ලංකා කණ්ඩායමට හිස එසවීමට ඉඩ ලබා නොදුන් එංගලන්ත පන්දු යවන්නෝ ලකුණු 50 ක් ලකුණු පුවරුවට එකතු වද්දී ඉදිරි පෙළ පිතිකරුවන් සිව් දෙනෙක්ම නරඹන්නන් බවට පත් කළහ.

සිය සගයන් දැවී යන ආකාරය එක් අන්තයකට වී බලා සිටි නායක කුසල් පෙරේරා, දසුන් ශානක සමඟ එක්ව ඉනිම ගොඩ නැංවීමට උත්සාහ දැරුවද අදිල් රශීඩ්ගේ පන්දු යැවීම ඊට හරස් විය. සීමා ඉරෙන් ඉදිරියට පැමිණ ලෝන් ඕෆ් කළාපයට ඉහළින් පන්දුව යැවීමට කුසල් පෙරේරාගේ සැලසුම වුවත් රශීඩ්ගේ යොමු කිරීම ගුග්ලි පන්දුවක් විය. එබැවින් එය කුසල්ගේ පිත්තේ නිසියාකාරව නොදැවටුණු බැවින් එය උඩ පන්දුවක් වශයෙන් ක්‍රිස් ජෝරඩ්න්ගේ දෑත් අතර සිරවන විටත් කුසල් පන්දු 26 කදී ලකුණු 30 ක් රැස් කරගෙන සිටියේය.

ශ්‍රී ලංකා ඉනිම වෙනුවෙන් එකම සාර්ථක පිතිහරඹය දියත් කළ දසුන් ශානක පන්දු 44 කදී ලකුණු 50 ක් ලබා ගනිමින් ශ්‍රී ලංකාවේ ලකුණු සංඛ්‍යාව ගෞරවාන්විත තලයකට රැගෙන ගියේය. හයේ පහර 2 ක් සහ හතරේ පහර 3 කින් වර්ණවත් වුණු දසුන් ඉනිමේ අවසන් පන්දුවේදී දැවී ගියේය. මෙය දසුන්ගේ විස්සයි-20 තරග දිවියේ දෙවැනි අර්ධ ශතකය ලෙසින් වාර්තා විය.  

දසුන් පන්දුවට පහර දීමේදී සෙසු පිතිකරුවන්ගෙන් ලැබිය යුතු සහයෝගය නොලැබී යෑම ලකුණු 150 සීමාව පසු කර ලීමට නොහැකිවීමට හේතු විය. ඊට හොඳම උදාහරණය නම් කුසල් දැවී යෑමෙන් පසු ශ්‍රී ලංකා ඉනිමට එකතු වුණු ලකුණු 50 න් 39 ක්ම දසුන්ගේ පිත්තෙන් වාර්තාවීමය.

ඉදිරි පෙළ පිතිකරුවන් අතරින් කුසල් මෙන්ඩිස් (ලකුණු 09) සහ ධනංජය ද සිල්වා (ලකුණු 03 ක්) දෙදෙනාම ලකුණු  පුවරුවට ලකුණු 3 ක් එකතු වන අතරතුරදී දැවී යෑමද ශ්‍රී ලංකා පිලට දරාගත නොහැකි පාඩුවක් බවට පත්විය. දෙරට අතර පැවත්වෙන දෙවැනි තරගය හෙට (24 වැනිදා) කාඩිෆ්හි සොෆියා ගාර්ඩ්න් ක්‍රීඩාංගණයේදීම පැවැත්වෙනු ඇත.

Text by sl cricket

21වැනි ශත වර්ෂයේ විශිෂ්ටතම පන්දු යවන්නා ලෙස ලොව වැඩිම ටෙස්ට් කඩුළු ලාභියා වන මුත්තයියා මුරලිදරන් සහ විශිෂ්ඨතම පිතිකරුවා ලෙස සචින් තෙන්ඩුර්කාර්ව නම්කර තිබෙනවා.

ලොව ප්‍රමුඛ රූපවාහිනී ආයතනයක් වන ස්ටාර් ස්පෝට්ස් විකාශන සමාගම විසින් සංවිධානය කරන ලද 50කගෙන් යුත් ජූරි සභාවක් විසින් මෙම නම් කිරීම කර තිබෙනවා. එම ජූරි සභාවට ක්‍රිකට් පිටියේ ශ්‍රේෂ්ටයකු වූ සුනිල් ගවස්කාර් ඇතුලු ප්‍රවීණයින් පිරිසක් ඇතුලත් වූහ.

ඉදිරි සතියේදී ආරම්භ වීමට නියමිත ක්‍රිකට් තරගාවලියේදී එංගලන්තයට එරෙහිව අභියෝගයක් එල්ල කිරීමට නම් ඉනිමේ මැද පන්දුවාරවලට මුහුණ දීමේදී පිතිකරුවන් වැඩි අවධානයක් ඒ කෙරෙහි යොමු කළ යුතු බව පවසන ශ්‍රී ලංකා කණ්ඩායමේ ප්‍රධාන පුහුණුකරු මිකී ආතර් සඳහන් කර සිටියි. එම අභියෝගය මැඩ ගනිමින් සාර්ථකව තරගාවලිය අවසන් කිරීම සඳහා ඉදිරිපත් කළ හැකි හොඳම සංයුතිය කුමක්ද යන්න පිළිබඳව මේ වන විට අවධානය යොමු කරමින් සිටින බවද ආතර් සඳහන් කර සිටියේය.

විස්සයි-20 තරග 3 කට සහ එක්දින තරග 3 කට සහභාගිවීම සඳහා එංගලන්තයට ගොස් සිටින ශ්‍රී ලංකා කණ්ඩායම සිය නීරෝධායන කාල සීමාව පසු කරමින් ඕල්ඩ් ට්‍රැෆර්ඩ් ක්‍රීඩාංගණයේදී පුහුණුවීම් ආරම්භ කර තිබෙන අතර පළමු තරගයට ලබන 23 වැනිදා සහභාගිවනු ඇත. තරගාවලිය සඳහා වන සූදානම පිළිබඳව තාක්ෂණය භාවිතයෙන් පැවැති මාධ්‍ය හමුවකදී මිකී ආතර් ඉහත අදහස් පළ කර සිටියේය.

මෙහිදී වැඩිදුටරටත් අදහස් දක්වා සිටි ආතර් මහතා ඉනිමේ මැදදී ප්‍රහාරාත්ම වේගය රඳවා ගැනීම පිළිබඳව වූ තීව්‍ර තාවය පිළිබඳව අවධානය යොමු කරමින් සිය පුහුණුවීම් කටයුතු වල නිරතව සිටින බවද සඳහන් කර සිටියේය.

“මෙය ඇත්තටම දීර්ඝ ගමනක ආරම්භයක් වන අතර එහිදී අපට නිවැරදිම සංයුතිය ලැබෙයි කියලා අපේක්ෂා කරනවා. බංග්ලාදේශයේදී අපි ඉනිමේ මැද පන්දුවාර කීපයෙදි අපි අපහසුතාවයට පත් වුණා. මේ දින වල කරන පුහුණුවීම් වලදී වැඩි අවධානයක් යොමු කරලා තියෙන අංශ අතර එක් අංශයක් තමයි ඒක. එහිදී පන්දුවට පහර දීමේදී අපේ ප්‍රහාරාත්මක වේගය පවත්වා ගැනීම පිළිබඳව වූ තීව්‍ර තාවය කෙරෙහි වැඩි අවධානයක් යොමු කරලා තියෙනවා” යි ආතර් සඳහන් කරයි.

ශ්‍රී ලංකා කණ්ඩායමේ පසුබෑමට ස්ථාවර පිතිකරණ අනුපිළිවෙළක් නොමැති වීම මෙන්ම දුර්වල ප්‍රහාරාත්මක වේගයක් රඳවා ගැනීම ප්‍රධාන ලෙසම හේතුවී තිබෙන බව ආතර් පෙන්වා දෙයි. “අපිට හැකි ඉක්මනින්ම ස්ථාවර පිතිකරණ අනුපිළිවෙළක් සකසා ගත යුතුයි. එහෙම නැතුව අපිට විවිධ ස්ථානවල පන්දුවට පහර දෙන පිතිකරුවන් සමඟ තැනින් තැනට පනින්න අමාරුයි. එහෙම වුණොත් එය කණ්ඩායමේ ව්‍යාකූලතාවයට හේතු වෙනවා” යැයි ආතර් පෙන්වා දෙයි.

“මම ලෝකයේ වෙනත් හොඳම කණ්ඩායම් කරන්නේ මොකද්ද කියලා අවධානය යොමු කළා. එතැනදි මට දැක ගැනීමට හැකි වුණේ හොඳ ශක්තිමත් පිතිකරණ ලැයිස්තුවකට අවශ්‍ය වන හොඳ ප්‍රහාරාත්මක වේගයක් සහ ලකුණු ලබා ගැනීමේ සාමාන්‍ය ඔවුන් සතුව පැවැතීම. මම උත්සාහ කළේත් ජාත්‍යන්තර ක්‍රීඩාවට හොඳින්ම ගැල පෙන පිදියට අපේ පිතිකරණ ලැයිස්තුව සකස් කිරීමටයි. අපේ ක්‍රීඩකයින් සියල්ලම හඳුනගෙන තියෙනවා ඔවුන්ගේ භූමිකාවන් මොනවාද කියලා. අපිට අවශ්‍ය වන්නේ ඔවුන්ට ඒ දේ කරන්න අවශ්‍ය සහයෝගය ලබා දීමයි” ආතර් කරුණු දක්වයි.

ඕල්ඩ් ට්‍රැෆර්ඩ් වෙත පැමිණි දා සිට අපේ ක්‍රීඩකයින් 24 දෙනාම අතිශයින් වෙහෙස මහන්සි වීපුහුණුවීම් කටයුතු වල නිරත වෙනවා. එංගලන්තය කියන්නේ සුදු පන්දුවෙන් ක්‍රීඩා කිරීමේදී දක්ෂ ලෙස ක්‍රීඩා කරන කණ්ඩායමක්. විස්සයි-20 කණ්ඩායමට එක්ව සිටින ඔවුන්ගේ ක්‍රීඩකයින් කණ්ඩායමක් විදියට එකට ක්‍රීඩා කර නැතත් දේශීය තරගාවලියේදී ඔවුන් ක්‍රීඩා කරලා තියෙනවා. වඩාද් වැදගත් වන්නේ ඔවුන්ගේ සියළුම ක්‍රීඩකයින් ගෙවී ගිය සති 2 ක පමණ කාලයේදී දේශීය තරග සඳහා ක්‍රීඩා කරමින් සිටීමයි. එබැවින් ඔවුන්ගේ සූදානම ඉතාමත් හොඳ තත්ත්වයක තියෙනවා. එය අපේ තරුණ ක්‍රීඩකයින්ට විශාල අභියෝගයක් වේවි. ඒත් අපි දිගින් දිගටම දියුණුව කරා යන කණ්ඩායමක් බවට පත් වෙන්න පුලුවලන්” යැයි ආතර් පවසයි.

“පුහුණුකරුවන් විදියට අපේ වගකීම වෙන්නේ ක්‍රීඩකයින්ගේ දක්ෂතා වැඩි දියුණු කරමින් ජාත්‍යන්තර මට්ටමට තරග කිරීම සඳහා අවශ්‍ය මට්ටමට ඔවුන්ව රැගෙන ඒම. අපි ක්‍රීඩකයින් දිහා බලනවා නම් ඔවුන් ඊයේ සිදුකළ පුහුණුවීම්වල නිරත වුණු ආකාරය සැබැවින්ම අභියෝගාත්මකයි. එහිදී ඉතා හොඳ පුහුණුවක් ලැබුණු අතර ඔවුන් සියල්ලමඉතාමත් තරගකාරීත්වයෙන් යුතුව සිය පුහුණුවීම් වල නිරත වුණා. ඇත්තටම මෙය අපිට සුබ දායක තත්ත්වයක්” ආතර් කියයි.

ශ්‍රී ලංකාවට එරෙහිව ලබන 23 වැනිදා ආරම්භ වන තරග 3 කින් සමන්විත විස්සයි-20 තරගාවලිය සඳහා නම් කරන ලද එංගලන්ත සංචිතයට ක්‍රිස් වෝක්ස්ව කැඳවීමට එරට තේරීම් කමිටුව පියවර ගෙන තිබේ.

වසර 6 කට ආසන්න කාලයකින් පසු වෝක්ස්ට සංචිතයට පැමිණීමට අවස්ථාව උදා වුවද එංගලන්ත කණ්ඩායම සතු දක්ෂතම තුන් ඉරියව් ක්‍රීඩකයා වන බෙන් ස්ටෝක්ස් සහ වේග පන්දු යවන ජොෆ්රා ආචර්ව ඇතුළත් නොකිරීමට ඔවුහු වග බලාගෙන තිබේ.

වෝක්ස්ට අමතරව ඩේවිඩ් විලී සහ ලයාම් ඩෝසන් කණ්ඩායමට කැඳවීමට පියවර ගෙන තිබේ. ඉන්දීය ප්‍රිමියර් ලීග් තරගාවලිය අතරතුරදී ස්ටෝක්ස් ඇඟිල්ලේ අස්ථි බිඳීමේ ආබාධයකට ගොදුරු වූ අතර වැළමිටේ පවතින ආබාධිත තත්ත්වය තවමත් සුව අතට පත්නොවීම හේතුවෙන් ආචර්ට කණ්ඩායමේ ස්ථානය අහිමිවී තිබේ.

කණ්ඩායමට නැවත පැමිණ සිටින ක්‍රිස් වෝක්ස් යනු 2019 ලෝක කුසලානය එංගලන්තයට දිනා දීම වෙනුවෙන් වැදගත් කාර්යය භාරයක් ඉටු කළ ක්‍රීඩකයෙකි. එපමණක් නොව ඔහු ටෙස්ට් කණ්ඩායමටද ක්‍රීඩා කරමින් නිරන්තරයෙන්ම ජයග්‍රහණ සඳහා කණ්ඩායමට අවශ්‍ය සහාය ලබා දුන් ක්‍රීඩකයෙකි. කෙසේ වෙතත් ගෙවී ගිය වසර 6 කට ආසන්න කාලයේදී ඔහු විස්සයි-20 තරග අංශයෙන් ක්‍රීඩා නොකළ නමුත් අවසන් වරට පැවැති අයි. පී.එල්. තරගාවලියේදී කල්කටා නයිට් රයිඩ්ස් පිල නියෝජනය කළේය. සංචිතයට පැමිණ සිටින වීලී සහ ඩෝසන් අවසන් වරට එංගලන්තය වෙනුවෙන් ජාත්‍යන්තර තරගයකට පිළිවෙළින් 2019 සහ 2018 වසර වලදී නියෝජනය කළහ.

දෙරට අතර ආරම්භ වන විස්සයි-20 තරගාවලියේ පළමු තරගය මේ මස 23 වැනිදා කාඩිෆ්හිදී ආරම්භ වනු ඇත.

එංගලන්ත විස්සයි-20 කණ්ඩායම – එයන් මෝගන් (නායක, ජේසන් රෝයි, ජොනී බෙයාර්ස්ටෝ, ඩේවිඩ් මාලන්, ජොස් බට්ලර්, ලියම් ලිවින්ග්ස්ටෝන්, සෑම් බිලිංග්ස්, මොයිනී අලී, සෑම් කරන්, ටොම් කරන්, ලියම් ඩෝසන්, ක්‍රිස් වෝක්ස්, ඩේවිඩ් විලී, ක්‍රිස් ජෝර්ඩ්න්, අදිල් රශීඩ්, මාක් වුඩ්.  

එළඹෙන එංගලන්ත සංචාරය සඳහා නම් කළ 24 දෙනකුගෙන් යුත් කණ්ඩායමට ක්‍රීඩා අමාත්‍ය නාමල් රාජපක්ෂ මහතා සිය අනුමැතිය ලබා දී ඇති අතර ශ්‍රී ලංකා කණ්ඩායම හෙට (09) උදෑසන එංගලන්තය බලා පිටත්වීමට නියමිතව තිබෙනවා.

අවසන් වරට බංග්ලාදේශ තරග සංචාරයට සහභාගිවුණු ක්‍රීඩකයින් 18 දෙනාගෙන් අෂේන් බණ්ඩාර හැර අනෙත් ක්‍රීඩකයින් 17 දෙනාම එංගලන්තයට එරෙහිව පැවැත්වෙන තරග සංචාරය සඳහා නම් කරන ලද ශ්‍රී ලංකා කණ්ඩායමට කණ්ඩායමට ඇතුළත්ව සිටිනවා.

මෙම තරගාවලිය යටතේ එක්දින තරගවලට අමතරව විස්සයි-20 තරග 3 ක්ද පැවැත්වෙන අතර එම තරග අංශයේ මීට පෙර නායකයා ලෙස කටයුතු කරන ලද දසුන් ශානක සංචිතයේ සිටියදීම සුදු පන්දුවෙන් පැවැත්වෙන එක්දින සහ විස්සයි-20 තරග අංශ වල නායකයා ලෙස කුසල් පෙරේරාව නම් කිරීමට ප්‍රමෝද්‍ය වික්‍රමසිංහ මහතාගේ ප්‍රධානත්වයෙන් යුතු වත්මන් ක්‍රිකට් තේරීම් කමිටුව පියවර ගෙන තිබෙනවා.

ක්‍රීඩකයින් 24ගෙන් සමන්විත සංචිතය – කුසල් පෙරේරා (නායක), කුසල් මෙන්ඩිස්, ධනුෂ්ක ගුණතිලක, අවිෂ්ක ප්‍රනාන්දු, පැතුම් නිස්සංක, නිරෝෂන් දික්වැල්ල, ධනංජය ද සිල්වා, ඕෂද ප්‍රනාන්දු, චරිත් අසලංක, දසුන් ශානක, වනිඳු හසරංග, රමේෂ් මෙන්ඩිස්, චාමික කරුණාරත්න, ධනංජය ලක්ෂාන්, ඉෂාන් ජයරත්න, දුෂ්මන්ත චමීර, ඉසුරු උදාන, අසිත ප්‍රනාන්දු, නුවන් ප්‍රදීප්, බිනුර ප්‍රනාන්දුර, ශිරාන් ප්‍රනාන්දු, ලක්ෂාන් සඳකැන්, අකිල ධනංජය, ප්‍රවීන් ජයවික්‍රම.  

ශ්‍රී ලංකා කණ්ඩායම සහ එංගලන්ත කණ්ඩායම අතර 20/20 තරඟ 3ක් සහ එක්දින ජාත්‍යන්තර තරඟ 3ක් පැවැත් වෙනවා. පළමු 20/20 තරඟය ජූනි 23 වනදා කාඩිෆ් හි පැවැත්වීට නියමිතයි.

අයර්ලන්තය සමග පැවැති පළමු එක්දින තරගයෙන් නෙදර්ලන්තය එක් ලකුණකින් ජය ගැනීමත් සමග ශ්‍රී ලංකා කණ්ඩායම ලෝක කුසලාන සුපර් ලීග් (ICC Men’s Cricket World Cup Super League)-ප්‍රසාද ලකුණු සටහනේ අවසාන ස්ථානය වන 13 වන ස්ථානය දක්වා පහළ බැස තිබෙනවා.

ඊයේ (02) නිකුත් කළ වාර්තාවට අනුව ශ්‍රී ලංකාව එක්දින තරග 6කට සහභාගී වී ඇති අතර ජයග්‍රහණය කර ඇත්තේ එක් තරගයක් පමණයි. තරග 05ක් පරාජයට පත්ව ඇති අතර ප්‍රසාද ලකුණු සංඛ්‍යාව -0.245ක් වෙනවා.

බංග්ලාදේශය සමග පැවැති එක්දින තරග දෙකක් පරාජයට පත්වී තුන්වන එක්දින තරගය ශ්‍රී ලංකාව ජය ගත්තද කොදෙව් එක්දින තරගාවලියේදී නියමිත වේලාවට පන්දුවාර සංඛ්‍යාව යැවීමට අපොහොසත්වීම මත ඔවුන්ගේ ප්‍රසාද ලකුණු 2ක් අඩු කිරීමට පියවර ගත්තා.

ලෝක කුසලාන සුපර් ලීග් ප්‍රසාද ලකුණු සටහනේ පළමු ස්ථානය බංග්ලාදේශය විසින් ද දෙවැනි ස්ථානය එංගලනත්ය විසින් ද තෙවැනි ස්ථානය පාකිස්ථානය විසින් ද හිමිකර ගෙන තිබෙනවා.

12 වැනි ස්ථානයේ දකුණු අප්‍රිකාව පසුවන අතර ඉන්දියාව 06 වැනි ස්ථානයේත් ඔස්ට්‍රේලියාව 04 වැනි ස්ථානයේත් පසුවෙනවා.