කොත්තු රොටිවල හිකනල් හිසක් තිබීම නිසා කඩයට සීල් තැබූ සිද්ධියක් කාත්තාන්කුඞ්හි ප්රදේශයෙන් වාර්තාවේ.
කාත්තන්කුඩි ප්රධාන මාර්ගයේ හෝටලයක විකිණු කොත්තු රොටිවල හික්නලාගේ හිස තිබී ඇත.
මේ සම්බන්දව පාරිභෝගියකු මහජන සොඛ්ය පරික්ෂකවරුන්ගේ අවධානයට ලක්කිරීමෙන් අනතුරුව සෝදිසි මෙහෙයූමක් කළ නිලධාරින් මිනිස් භාවිතයට නොසුදුසු කෑම වර්ග විකිණීමේ චෝදනාමත කඩයට සීල් තබා ඇති අතර කෑම වර්ග බාරයට ගෙන ඇත
පිළියන්දල, ජාලියගොඩ අතුරු පිවිසුම් මාර්ගයේදී ඉකුත් 10 වෙනිදා අනතුරුදායක ලෙස රිය පැදවීම සම්බන්ධයෙන් චෝදනා ලැබූ යතුරුපැදිකරුවන් 32 දෙනෙක් එම වරද පිළිගැනීමෙන් පසු රු. 737,000 ක දඩයක් නියම කර තිබෙනවා. ඒ කැස්බෑව මහේස්ත්රාත් අධිකරණය විසින්.
මෙම සිදුවීමට පිළියන්දල පොලිසිය විසින් යතුරුපැදිකරුවන් 32ක් හා යතුරුපැදි 14ක් අත්අඩංගුවට ගනු ලැබුවා.
ඉදිරිපත් කළ චෝදනා අනුව යතුරුපැදිකරුවන් 15 දෙනෙකුට රු. 24500/- ක්, 13 දෙනෙකුට රු. 21500/- බැගින් හා අනෙක් සිවුදෙනාට රු. 22500/- බැගින් දඩ නියම කර තිබෙනවා.
රථවාහන පාලන හා මාර්ග ආරක්ෂාව බස්නාහිර දිසාව භාර හා හිටපු මාධ්ය ප්රකාශක නියෝජ්ය පොලිස්පති අජිත් රෝහණ මහතා අනුරාධපුර පූජා නගරයේ ශ්රී මහා බෝධි මාවත හරහා දහවල් ගමන් ගත් සුඛෝපභෝගි මෝටර් රථයේ පිටුපස ත්රිරෝද රථයක් හැපීමෙන් නියෝජ්ය පොලිස්පතිවරයාගේ රථයට බරපතළ හානි සිදුවූ බව අනුරාධපුර පොලීසිය පවසයි.
අජිත් රෝහණ මහතා ජය ශ්රී මහ බෝධිය වැඳ පුදා ගැනීමට පැමිණි අවස්ථාවේදී ශ්රී මහා බෝධි මාවතේදී යාචකයන් පිරිසකට දහවල් ආහාරය ලබා දීම සඳහා මෝටර් රථය මාර්ගය අයිනේ නවතා තිබියදී රථය පිටුපසින් නතර කර තිබූ ත්රිරෝද රථයක බෙන්ස් වර්ගයේ මෝටර් රථයක් ගැටීමෙන් ත්රිරෝද රථය ඉදිරියට ඇදීගොස් නියෝජ්ය පොලිස්පතිවරයාගේ මෝටර් රථයේ පිටුපස ගැටී අනතුර සිදුව ඇති බව පොලීසිය පවසයි.
ත්රිරෝද රථය පිටුපසින් පැමිණි මෝටර් රථයේ රියැදුරු හට රථයේ වේගය පාලනය කර ගැනීමට නොහැකිව මෙම අනතුර සිදුව ඇති බව පොලීසිය පවසන අතර සිදුවූ අනතුරින් රථවාහන තුනටම අලාභ සිදුවූ අතර ඉන් කිසිවකුටත් හානියක් සිදුව නොමැති බව අනුරාධපුර පොලීසියේ රථවාහන අංශය පවසයි.
ඇමරිකානු ඩොලරයක විකිණුම් අගය අද ඉතිහාසයේ මුල් වරට රුපියල් 181 ඉක්මවා ගියේය.
අද දිනයේ මහ බැංකු වාර්තා අනුව ඩොලරයක ගැනුම් මිල රුපියල් 177.59ක් වූ අතර විකිණුම් මිල රුපියල් 181.54ක් විය.
අද එක්සත් ජාතික පක්ෂය ඇමෙරිකන් මිෂන්වල ඒජන්ට්ලා විසින් ආක්රමණය කර ඇති බවත් මෙහි ප්රශ්නවලට හේතුව එය බවත් ඇල්ලේ ගුණවංශ හිමියෝ පැවැසූහ.
උන්වහන්සේ මාධ්යයට මේ අදහස් පළ කළේ ගම්පහ වැලිවේරිය රතුපස්වල ප්රදේශයේ ප්රදීපා ලක්සෙත පදනම ඉදිකළ ළමා නිවාසය විවෘත කිරීමේ උත්සවයට සහභාගි වෙමිනි.
කැප්පෙටිපොල ගුණවංශ හිමියන්ගේ උපදෙස් මත කොරියාවේ වයිට් එලිෆන්ට් පදනම මේ සඳහා මුදල් ආධාර ලබාදී තිබේ.
වැඩිදුරටත් අදහස් දැක්වූ උන්වහන්සේ මෙසේද පැවැසූහ.
“කනගාටුයි, එජාපය ජාත්යන්තරය විසින් ආක්රමණයට ලක් කරලා. එජාපයේ හිටිය රටට ආදරය කරපු, මව්බිමට, කහ සිවුරට, ගහ කොළට, සතා සිවුපාවාට ආදරය කරපු අය විසිවෙලා ගිහින්. ඇමෙරිකන් මිෂන්වල ඒජන්ට්ලා විසින් එජාපය ආක්රමණය කරලා තියෙන්නේ. මේ අර්බුදය ඇතිවී තිබෙන්නේ ඒ නිසයි.
එජාපය දේශීය න්යාය පත්රයක් නැතිව විදේශීය න්යාය පත්රවල වැඩ කළ නිසයි මේ ප්රතිඵලය ලැබි තියෙන්නේ. අපි කියන්නේ ජනතාවට ඡන්දයක් දෙන්න කියා. දේශපාලනඥයන්ට මේ රට බාර දීලා බලා හිටියොත් ඉවරයි. අපිට වසර 2500 කට වැඩි උරුමයක් අයිති ඔප්පුවක් තියෙනවා. මේක උඩ ඉඳන් ඉන්නැතිව එළියට අරන් ඉදිරියට යා යුතුයි.
ඔබට මතක ඇති අපි විසින් පසුගිය දිනකදී කොළඹ 7, ග්රෙගරීස් රෝඩ් හි පිහිටි සුපිරි රූපලාවන්යාගාරයක් පොලිස් මත්ද්රව්යනාශක කාර්යාංශය විසින් වැටලූ පුවතක් අණාවරනය කලා. ඉතිං අපි ඒ රූපලාවන්යාගාරය සහ එහි හිමිකාරිණිය ගැන වැඩිදුර විස්තර සෙව්වා.ඒ වෙන මොකවත් නිසා නෙමේ අපේ රටේ අනාගත පරම්පරාව වනසන මෙවන් දුර්ජනයින් මෙරටින් තුරන් කිරීම අපේ යුතුකම නිසයි.
එම රූපලාවන්යාගාරයේ නම සහ එහි හිමිකාරිණියගේ නම් මේ වන තුරු අපි හෙළිනොකර සිටින්නේ ඉදිරි අධිකරන කටයුතු වලට භාදා සිදුවෙතැයි සිතන නිසා බැවින් ඇය ගැන අපට ලැබුණු තොරතුරු පමණක් ඔබට දැනගැනීම සඳහා ඉදිරිපත් කරන අතර ඉදිරියේ නම් ගම් මහ ඡායාරූප සමඟම ඔබ වෙත ඉදිරිපත් කිරීමට පොරොන්දු වෙමු.
මෙම සුපිරි රූපලාවන්යාගාරයේ හිමිකාරිණියගේ ඉතිහාසය සොයාබැලීමේ ඇය කලින් රත්මලාන දුම්රිය පොලට යාබද නිවසක වාසය කල අතර අඟුලාන වැල්ලේ හැදුණු වැඩුණු බවත් මෙම saloon එක පටං ගන්න කලින් ඇය රාත්රී සාමජශාලාවක පිරිමින්ගේ මනදොල සපිරීම සඳහා නාට්යාංගනාවක් ලෙස සේවය කර ඇති බවත් විවාහක සැමියා මේ වන විට ඇයගේ නොමනා හැසිරීම් මත ඇයව දමා ගොස් ඇති බවත් අනාවරණය විය.මේ විදිහට club වල නට නට ඉද්දි එතෙන්ට එන මොණර කොල යහමින් ගැවසෙන පිරිමින් සමග සම්බන්ධතා ඇතිකරගෙන ඔවුන්ව මෝරා කරමින් ඔව්න්ගේ දත් ගැලවීම තමයි මෙයාගෙ වැඩේ.
ඔය විදිහට කාලෙ ගෙවෙද්දි ඒ club එකකදී අඳුනගන්තු කාර්සේල් කාරයෙක් එක්ක යහන්ගතවීමේ ප්රතිඵලයක් විදිහට මෙයාට කොළඹ 7 ග්රෙගරීස් පාරෙ සුපිරි පන්නයේ saloon & Spa එකක අයිතිකාරිය වෙන්න පුළුවං වෙනවා.මේ වෙද්දි භාතිය සංතුෂ්ගෙ සිරිසඟබොධි මාලිගාවෙදී කියන සිංදුවේ First release එකේ නටන්න හිටපු නිසා හෙන ඔළුවෙන් හිටපු මෙයා club එකේ නටන එක නවත්තල ෆෙලෙමින්ගෝ/ආර්එම්බී/බිසික් වගේ club වලට මිනිස්සු දක්කන ජොබ් එක පටං ගන්නවා.මේ විදිහට ඒ තැන් වලට දක්කන මිනිහෙකුට මෙයාට හොඳ කමිෂන් එකක් හම්බෙනවට අමතරව club එකට ගිහින් බීල මදනය වැහිල ඉන්න ඒ මනුස්සයගෙ ලිංගික ඕන එපා කම් ඉටුකරල දීල තවත් ගානක් ගලවගන්නවා.
මෙයා කුෂ් කියන මත්ද්රව්යට කොච්චර ඇබ්බැහි වෙලාද කියනවනම් කොච්චර සල්ලි හම්බකරත් මදි.හැම සිකුරාද සෙනසුරාද දවස් වලම තව පිරිමි හතර පස් දෙනෙක් එක්ක හිල්ටන් හෝටලේ 1202 කාබරේ මෙයා හෙන ෆන් එකක් ගන්න පුරුදුවෙලා ඉන්නවා.ඉතිං ඇත්තනෙ ඒවට කොච්චර වියදම් යනවද අන්න ඒ නිසා මෙයා club වලට එක්කගෙන යන මිනිස්සුන්ට දුන්න මත්පෙති කොළඹ අවට පාසල් දරුවන්ට විකුණන්න පෙළඹිලා තියෙනව කියල තමයි ආරංචි ලැබුනේ.මෙයාගෙ තවත් එක හොර මිනිහෙක් වෙන බම්බලපිටියෙ සුපිරි සාප්පු සංකීරණයක අයි ෆොන් හොර කොපි විකුණන මුස්ලිම් තරුණයෙක් තමයිලු මෙයාට ඩුබායි වලින් ඒ මත් පෙති ගෙන්නන්න උදවු කරන්නෙ කියලත් ආරංචියි.
මෙයා හැමතැනම කිය කිය යන්නෙ මෙයා බැඳල ඉන්නෙ සුද්දෙක් ,ඒක ඉන්නෙ ඔස්ට්රෙලියාවෙ කියල.ඒත් ඔස්ට්රේලියාවෙ සුද්දට පීරිස් කියන නම ලැබුණු විදිහනම් ලොකු ප්රශ්නයක්.මෙච්චර කල් නීතියෙන් බේරිල මේ වැඩේ කරගෙන යන්න මෙයාට චාන්ස් එක ලැබුනෙ මේ රටේ ඉන්න ලිංගික අසහනෙන් පෙළෙන ලොකු ලොක්කො ගොඩක් මෙයාගෙ පහසට වහ වැටිල ඉන්න නිසා කියල ඉතිං අමුතුවෙන් කියන්න ඕන නෑනෙ.මෙයා පාවිච්චි කරන කාර් එකට,ෆෝන් එකට,දාන මුදු මාල වලට ඒ වගේ මෙයිගෙ හැම දේකටම එක එක අයිතිකාරයො ඉන්නවලු.ඒ කියන්නෙ එකෙක් ෆොන් එකක් අරං දීල මෙයත් එක්ක බුදියනවා.තවකෙක් වාහනයක් අරං දීල , තවකෙක් මුද්දක් මාලයක් අරං දීල.. අන්න එහෙමළු මෙයා මිනිස්සුන්ගෙ හක්කෙ තියෙන දතුත් හිරිවට්ටන්නෙ නැතිවම ගලෝගන්නෙ.
මෙයා ගැන තව ගොඩක් විස්තර තියෙනවා ඒවත් මේ විදිහට ඉස්සරහදී ෆොටෝ , වීඩියෝ එක්කම එළිකරන්න අපිට මේ විස්තර දුන්න අය පොරොන්දු වුනා.මේ වගේ අපේ මේ සුන්දර ශ්රී ලංකාව අසුන්දර කරන දහදුරා එව්වන් හට නීතියෙන් උපරිම දඩුවන් දීමටත් අපේ සාමාජය මොවුවන්ගේ විසෙන් බේරා ගැනීමට ඔබට සහ අපට ඇති යුතුකම වෙනුවෙන් පෙළගැසෙමු.අපේ ළමා පරපුර අගාධයට නොයැවීමට වගබලාගමු..
පාර්ලිමේන්තු සබා ගැබ තුළ පසුගියදා මන්තී්රවරුන් අතර ඇතිවූ ගැටුමේදී හානියට පත් දේපළ පිළිබඳ තක්සේරු කිරීමට ඊයේ (21) පැමිණි රක්ෂණ කණ්ඩායම එම කාර්යය පාර්ලිමේන්තුවට පවරා පිටව ගොස් ඇත.
අදාළ රක්ෂණ සමාගමෙන් පැමිණි නියෝජිතයා හානියට පත් දේපළ පිළිබඳ විමසා හානියටපත් දේපළ ලබාගත් සමාගම මගින් ඊට අදාළ තක්සේරු වාර්තා ලබාගත යුතු බවට පෙන්වා දුන් බව පාර්ලිමේන්තුවේ උසස් නිලධාරියෙක් ඊයේ (21) ප්රකාශ කළේය.
හානියට පත් දේපළ පිළිබඳ තක්සේරු වාර්තා එම දේපළ මිලට ගත් සමාගමෙන් ලබාගෙන ඒවා රක්ෂණ සමාගම වෙත ඉදිරිපත් කරන ලෙසට අදාළ නියෝජිතයා පැවැසූ බවද ඉහත නිලධාරියා පැවැසුවේය.
ඒ අනුව අදාළ ආයතන මගින් හානියට පත් දේපළ පිළිබඳ තක්සේරු වාර්තා කැඳවීමට ඉදිරියේදී කටයුතු කරන බවද හෙතෙම සඳහන් කළේය.
හානියට පත් උපකරණ සම්බන්ධව රක්ෂණ ආවරණය සඳහා මුදල ලබාදෙන ලෙසට කරන ලද ඉල්ලීම අනුව එම නියෝජිතයන් ඊයේ පැමිණ ඇත.
පාර්ලිමේන්තුව හෙට (23) රැස්වන අතර ඊට පෙර සභා ගැබේ හානියට පත් දේපළ යථා තත්ත්වයට පත් කිරීම අපහසු වනු ඇතැයිද ඉහත නිලධාරියා කීවේය.
අමාත්ය ධුරයෙන් ඉවත්වන බව ප්රකාශ කළ පාර්ලිමේන්තු මන්ත්රී වසන්ත සේනානායක ඊයේ (21) පැවති කැබිනට් රැස්වීමට සහභාගී වීම සම්බන්ධයෙන් එක්සත් ජාතික පක්ෂ පාර්ලිමේන්තු මන්ත්රී ආචාර්ය හර්ෂ ද සිල්වා අදහස් පළ කර ඇත.
ඒ, සිය ට්වීටර් ගිණුමේ සටහනක් තබමිනි.
එහිදී වසන්ත සේනානායක මන්ත්රීවරයා යළි ආණ්ඩු පාර්ශ්වය සමග එක් වුවද විපක්ෂය සතු බහුතරයට ඉන් බලපෑමක් සිදු නොවන බව පාර්ලිමේන්තු මන්ත්රී, ආචාර්ය හර්ෂ ද සිල්වා පෙන්වා දී ඇත.
තුන් වරක් පැති මාරු කළ වසන්ත සේනානායක මන්ත්රීවරයා යළි සිය කණ්ඩායමට එක්කර ගැනීමට උත්සහ නොකළ යුතු බවද පාර්ලිමේන්තු මන්ත්රි ආචාර්ය හර්ෂ ද සිල්වා පෙන්වා දී ඇත.
අගමැතිවරයාගේ සහ අගමැති කාර්ය මණ්ඩලයේ වැය ශීර්ෂය අත්හිටුවන ලෙසට එක්සත් ජාතික පෙරමුණු විසින් පසුගිය සඳුදා (19) කථානායකවරයාට භාරදුන් යෝජනාව මෙම 29 වැනිදා විවාදයට ගැනීම සඳහා පාර්ලිමේන්තු න්යාය පුස්තකයට ඇතුළත් කර තිබේ.
නවීන් දිසානායක, රවි කරුණානායක, නාලක ප්රසාද් කොලොන්නෙ, වෛද්ය කාවින්ද ජයවර්ධන, හෙක්ටර් අප්පුහාමි සහ චතුර සේනාරත්න යන එජාප මන්ත්රීවරුන් විසින් මෙම යෝජනාව කථානායකවරයාට භාර දෙනු ලැබූහ.
මේ අතර ආණ්ඩුවේ ඇමැතිවරුන්, රාජ්ය ඇමැතිවරුන් සහ නියෝජ්ය ඇමැතිවරුන්ට ගෙවන වැටුප් හා දීමනා ඔවුන්ගේ පෞද්ගලික කාර්ය මණ්ඩලයට ගෙවන දීමනා විදෙස් ගමන් සහ දේශීය ගුවන් ගමන් සඳහා වියදම් සියල්ල අත්හිටුවන ලෙසටද යෝජනාවක් එජාප මන්ත්රීවරුන් හයදෙනකු විසින් ඊයේ (21) පාර්ලිමේන්තුවේ මහ ලේකම්වරයාට භාරදී ඇත.
රාජිත සේනාරත්න, රවි කරුණානායක, පාඨලී චම්පික රණවක, අර්ජුන රණතුංග, මනෝ ගනේෂන් සහ ජයම්පති වික්රමරත්න යන මහත්වරු මෙම යෝජනාවට අත්සන් තබා ඇත.
මෙකී යෝජනාවද පාර්ලිමේන්තු න්යාය පුස්තකයට ඇතුළත් කර විවාදය සඳහා දින නියම කරන ලෙස මෙම මන්ත්රීවරුන් මහ ලේකම් වරයාගෙන් ඉල්ලා සිටිති.
ජනරජයේ අරමුදල්වලින් කවර හෝ වියදම් අනුමත කිරීම සඳහා අගමැති ලේකම්වරයාට කිසිදු බලයක් නොමැති බව අගමැතිවරයාගේ වියදම් – අත්හිටුවීම පිළිබඳ න්යාය පුස්තකයට ඇතුළත් කර ඇති යෝජනාවේ දැක්වේ.
පසුගිය 14 දා සම්මත කර ගත් ආණ්ඩුවට එරෙහි විශ්වාසභංග යෝජනාවේ දෙවැනි ඡේදයට අනුව ආණ්ඩුක්රම ව්යවස්ථාවේ 48 වැනි ව්යවස්ථාව ප්රකාරව ඇමැති මණ්ඩලය විසිරී ඇති බවට කථානායකවරයා විසින් පසුගිය 15 වැනිදා කළ නිල ප්රකාශය පාර්ලිමේන්තුව විසින් 16 දා පිළිගත් බවද යෝජනාවේ දැක්වේ.
ඒ අනුව ව්යවස්ථාවේ 48 වැනි ව්යවස්ථාවට අනුව පසුගිය ඔක්තෝබර් 26 දා සිට මහින්ද රාජපක්ෂ මහතා ඇතුළු ආණ්ඩුව කෙරෙහි පාර්ලිමේන්තුවේ විශ්වාසයක් නැති බවට සභාව විසින් තවදුරටත් යෝජනා සම්මත කරගත් බවද එහි දැක්වේ.
එනිසා ව්යවසAථාවේ 148 වැනි ව්යවස්ථාවෙන් බලය පැවරී ඇති පරිදි රාජ්ය මූල්යය පිළිබඳ සම්පූර්ණ පාලනය පාර්ලිමේන්තුව සතු බව පවසන එජාප මන්ත්රීවරුන් ඒ අනුව 2018 නොවැම්බර් 15 දා සිට ජනරජයේ අරමුදල් වලින් කිසිදු වියදමක් අනුමත කිරීමට අග්රාමාත්ය ලේකම්වරයාට කිසිදු බලයක් නොමැති බව යෝජනා කර ඇත.
එමෙන්ම මෙකී යෝජනා සම්මතය උල්aලංඝනය කරමින් කවර ක්රියාමාර්ගයක් හෝ ගන්නා තැනැත්තකුට එරෙහිව නීතිමය පියවර ගනු ලබනු ඇතැයි අදාළ යෝජනාවේ දැක්වේ.
අටවැනි පාර්ලිමේන්තුව තෙවැනි සභාවාරයට අදාළ පාර්ලිමේන්තුවේ න්යාය පුස්තකයේ නොවැම්බර් 29 වැනිදා බ්රහස්පතින්දා යෝජනා පිළිබඳ දැනුම්දීම සහ දිනට නියමිත කටයුතු යටතේ යෝජනාව ඇතුළත් කර තිබේ.
කොළඹ 7 ග්රෙගරීස් රෝඩ් හි පවත්වාගෙන යන සුප්රසිද්ධ රූපලාවන්යාගාරයක හිමිකාරිනියක් විසින් ඒ අවට පිහිටා ඇති ජාත්යන්තර පාසල් වල දරුවන් හට ඩාන්සින් වර්ගයේ මත් ද්රව්ය ඉතා අඩු මිලට විශාල ප්රමාණ වලින් විකිණීම සම්බන්ධයෙන් ඉහත කී පාසලක ඉගෙනුම ලබන දරුවකුගේ පියෙක් විසින් දුන් ඔත්තුවක් ඔස්සේ ක්රියාත්මක වුන පොලිස් මත්ද්රව්ය කාර්යන්ශය එම ස්ථානයේ ක්ෂණික වැටලීමක් කල බවත් එහිදී එම ස්ථානයේ තිබී අදාල මත්ද්රව්ය විශාල ප්රමාණයක් සොයාගැනීමට හැකිවී ඇති බවත් පොලිස් ආරංචි මාර්ග වල සඳහන් වේ.
ඉහත කී එම රූපලාවන්යාගාරයේ හිමිකාරිණිය සුපිරි පන්නයේ දිවිපෙවෙතක් ගතකරන බවත් ඇය තදින්ම කුෂ් නැමැති මත්ද්රව්යට ඇබ්බැහි වී ඇති බවත් ඇය පිළිබඳව කල සරල විමර්ෂණ වලදී හෙලිවී ඇති අතර බම්බලපිටියේ ඇති සුපිරි සාප්පු සංකීරණයක තම වෙළද ආයතනය පවත්වාගෙන යන මුස්ලිම් තරුණයකු සිය තාවකාලික ලිංගික වල්ලභයා ලෙස ඇය විසින් මේ වන විට තෝරාගෙන ඇති බවත් ඩුබායි සිට ඇයට මෙම මත්ද්රව්ය ගෙන ඒමට ඒජන්ත වරයා ලෙස පෙනීසිටින්නේ ඔහු දැයි ප්රභල සැකයක් මතුවන හෙයින් මේ වන විට පොලිස් මත්ද්රව්ය කාර්යන්ශය විසින් මැයගේ තාවකාලික සහකරුවන්ගෙන් සියයකටත් එකක් වන එම මුස්ලිම් තරුණයා ගැන සෙවීමට පටං ගෙන ඇති බව එම ආරංචි මාර්ග වල වැඩිදුරටත් සඳහන් වේ.
මෙම සිද්ධිය සම්බන්ධව පොලිස් මත්ද්රව්ය කාර්යන්ශය විසින් නඩුවක් ගොනුකර ඇති අතර නඩු කටයුතු වලට එම රූපලාවන්යාගාර අධිපතිනිය විසින් ඇයට සමීප , සරලවම කිව්වහොත් ඇයගේ පහස ලබන ලොකු ලොකු පුටු වල සිය පෂ්චාත්භාගය රත්කරන ලොක්කන් නිසා,(ඒ අතර චීවරධාරිකේද සිටින බවට තොරතුරු ලැබී ඇත) නීතිය වල් වැදේදෝ යන සාධාරන බය හේතුවෙන් මේ පිළිබඳව වැඩි විස්තර පොලිස් ආරංචිමාර්ග වල සඳහන් නොවන බැවින් ලද විගස ඔබ වෙනුවෙන් එම විස්තර ඉඳිරිපත් කිරීමට අප සපථ කරමු.ඒ මන්ද යත් යාන්තමින් හය හතර කියවන අපේ දරු පරපුර මත් රකුසාට බිල්ලට දෙමින් තමන්ගේ සුර සැප පතන මෙවන් දහදුරා ගැහැණුන්ගේ නිරුවත රට හමුවේ හෙළිකිරීමටත් එමෙන්ම මෙවන් දුර්ජනයින්ට උපරිම දඩුවම් දීමටත් අප නිරතුරුවම අපේ මාතෘභූමිය වෙනුවෙන් බැඳී සිටින බැවිනි.
රටේ හෙට දවස තීරණය කරන අපේ දරුපරපුර රැකගනිමු!!! ඒ වෙනුවෙන් සියළු බේද හැරදා එකතු වෙමු!!!
මාතෘභූමියට ජය!!!!!
නිපුනට වුවමනා වූයේ තමාගේ මෝටර් රථයට සියයට සියයක් අන් අයගේ අවධානය යොමුකර ගැනීමටය. එම නිසා ඔහුගේ මෝටර් රථයට වෙනස්ම ආකාරයේ දෙයක් කිරීමට වුවමනා විය. ඔහුම ඒ ගැන කල්පනා කළේය. අවසානයේ ඔහු මෝටර් රථය සම්පූර්ණයෙන් රත්රන් වර්ණයෙන් ආලේපනය කිරීමට තීරණය කළේය.
නුවර ප්රදේශයේ මෝටර් රථ නවීකරණය කරන ස්ථානයකට නිපුන ගියේය….
යහපාලන ආණ්ඩුව බලයට පත්වුණි. ඒ 2015 වර්ෂයේදී ය. එලෙස බලයට පත් වූ එම ආණ්ඩුවේ මැති ඇමැතිවරු වැරදි සෙවීමට පටන් ගත්හ. ඒ ඔවුන් බලයට පත්වීමට පෙර ආණ්ඩුවේ සිටි මැති ඇමැතිවරුන්ගේ ය. එයිනුත් ප්රධාන ලෙස චෝදනා එල්ල වූයේ නාමල් රාජපක්ෂටය.
එයහපාලන ආණ්ඩුවේ සමහර මැති ඇමැතිවරු නාමල් රාජපක්ෂට රත්රන් කඩු” රත්රන් අශ්වයෝ සහ ලැම්බෝගිනි මෝටර් රථ ආදිය ඇති බවට චෝදනා එල්ල කළහ. යහපාලන ආණ්ඩුව බලයට පත් වී දින කිහිපයක් යන්නට මත්තෙන් හිටපු නියෝජ්ය ඇමැති රන්ජන් රාමනායක අරලියගහ මන්දිරයට පැමිණ මාධ්ය සංදර්ශනයක් පවත්වමින් නාමල්ගේ රත්රන් කඩු අශ්වයෝ සෙව්වේය. එහෙත් ඔහුට රත්රන් කඩු” අශ්වයෝ සොයාගැනීමට නොහැකි විය.
අවසානයේ රන්ජන් රාමනායක අරලියගහ මැඳුරේ තිබී රන් ආලේපිත කඩුවක් සොයා ගත්තේය. පසුව සොයා බැලීමේදී එය සිහිවටනයක් ලෙස අරලියගහ මන්දිරයට ලැබුණු කඩුවකි. එහෙත් රන්ජන් එය රත්රන් කඩුවක් යැයි පවසා නාමල්ට චෝදනා එල්ල කළහ.
රත්රන් කඩු” අශ්වයෝ සොයා ගැනීමට නොහැකි වු කල නාමල්ගේ ලැම්බෝගිනි මෝටර් රථ සෙවීමට එම යහපාලන ආණ්ඩුව උත්සාහ කළේය. ඒ අනුව කඩුවෙල ප්රදේශයේ නිවසක තිබූ මෝටර් රථයක් පොලිස් මූල්ය අපරාධ විමර්ශන කොට්ඨාසයේ නිලධාරීන් අත්අඩංගුවට ගත්තේය. ඒ යහපාලන ආණ්ඩුවේ ප්රබල ඇමැතිවරුන් කිහිපදෙනෙකුගේ නියෝගයකට අනුවය.
එය ‘ෆෝර්ඞ් මස්ටෑන්ග්. මෝටර් රථයකි. එහෙත් එකල මාධ්ය හරහා එය ප්රචාරය කළේ නාමල් රාජපක්ෂගේ ලැම්බෝගිනි මෝටර් රථය බවයි. එහි හිමිකරු එය තමන්ට අයිති ‘ෆෝර්ඞ් මස්ටෑන්්ග්. මෝටර් රථය බව පැවසුවත් යහපාලන ආණ්ඩුව එය පිළිගත්තේ නැත. ඔවුන් පුනපුනා පැවසුවේ එය නාමල් රාජපක්ෂගේ ලැම්බෝගිනි මෝටර් රථය බවයි.
දින සති ගණන් ගතවිය. එම මෝටර් රථයේ අයිතිකරුට එය ආපසු ලැබුණේ නැත. අවසානයේ අයිතිකරු තමාට වූ අසාධාරණය පිළිබඳව අධිකරණයේ නඩුවක් ගොනු කළේය. වසර දෙකක් එම නඩුව විභාග කෙරුණි. අවසානයේ අධිකරණය විසින් එය නාමල් රාජපක්ෂට අයිති මෝටර් රථයක් නොවන බව තීන්දු කළේය.
අවසානයේ නියම හිමිකරුට මෝටර් රථය ලැබිණිි. එහෙත් වසර දෙකක් එම මෝටර් රථය එකම තැන නවතා තිබූ බැවින් විශාල ලෙස විනාශ වී තිබිණි. නාමල්ගේ ලැම්බෝගිනි ජවනිකාවත් අවසන් වූයේ එලෙසින්ය.
එය එසේ අවසන් වුවත් යහපාලන ආණ්ඩුව නාමල්ගේ ලැම්බෝගිනි මෝටර් රථ සෙවීම නතර නොකළේය. එකල එම ආණ්ඩුවේ සිටි මන්ත්රී නලින් බණ්ඩාර ‘හෙළිදරව්ව. නමින් මාධ්ය හමුවකදී පවසා සිටියේ ‘‘නාමල්ට අයිති ලැම්බෝගිනි වර්ගයේ මෝටර් රථ තුනක් ගුවන් මගින් මැලේසියාවට යවා ඇති බවයි. එහෙත් එයද ඔප්පුකර පෙන්වීමට නොහැකි විය.
යහපාලන ආණ්ඩුව බිඳවැටී නව ආණ්ඩුවක් පත්විය. ඒ පසුගිය ඔක්තෝබර් මස 26 වැනිදාය. එම ආණ්ඩුව පත් වී දින දෙකක් ගත වීමට මත්තෙන් යළිත් පාර්ලිමේන්තු මන්ත්රී නාමල් රාජපක්ෂට චෝදනාවක් එල්ල විය. ඒ තම පියා එනම් මහින්ද රාජපක්ෂ අගමැති වීමත් සමග නාමල් යළිත් රත්රන් කාර් පැදීමට පටන්ගෙන ඇති බවයි.
ඉන්ධන පිරවුම් හලක් අසල රත්රන් පාට වර්ණයෙන් යුතු මෝටර් රථයක් ඉන්ධන ගසන අයුරුත්” ඉන් පසු එම මෝටර් රථය ඉන් පිටව යන අයුරුත් දැක්වෙන ඡායාරූප කිහිපයක් සමාජ වෙබ් අඩවි ජාලාවල හුවමාරු වෙමින් තිබිණි. ඒ පින්තූර තුළට නාමල් රාජපක්ෂගේ පින්තූරයක් ද එකතු කර තිබිණි. එයට අමතරව එහි සඳහන් වි තිබුණේ තාත්තා අගමැති වීමත් සමග නාමල් රාජපක්ෂ යළි රත්රන් කාර් පැදීමට පටන් ගෙන ඇති බවයි.
ඇත්තටම එම රන්වන් පැහැති මෝටර් රථයේ හිමිකරු නාමල් රාජපක්ෂ ද? නැත්නම් වෙනත් අයෙක් ද යන්න අපි සොයා බැලූවෙමු. අවසානයේ සත්ය සෙයා ගැනීමට අපට හැකි විය.
නිපුන කලූපහන නුවර ප්රදේශයේ පදිංචි තරුණයෙකි. ඔහු ව්යාපාරිකයෙකි. නුවර ඔහුටම අයිති ආපන ශාලාවක් තිබේ. ඔහු සාමාන්යයෙන් අන් තරුණයන්ට වඩා වෙනස් තරුණයෙකි. සෑම විටම ඔහුට වුවමනා වෙනස් ආකාරයේ දෙයක් කිරීමටය.
දැනට මාස හතකට පමණ ඉහත නිපුන මෝටර් රථයක් මිලදී ගත්තේය. එය තරමක් සුඛෝපභෝගී එකකි. එය සුදු පැහැයෙන් යුක්තය. නිපුන එය මිලදී ගත් දින සිටම එම මෝටර් රථයට කිසියම් වෙනසක් සිදුකළ හැකි දැයි කල්පනා කළේය.
ඔහු අන්තර්ජාලයෙන් නවීකරණය කළ මෝටර් රථ පිළිබඳව සොයා බැලූවේය. ඒවා පිළිබඳව දන්නා හඳුනන අයගෙන් විමසුවේය. එහෙත් ඒ කිසිවක් ඔහුගේ සිතට ඇල්ලූවේ නැත.
නිපුනට වුවමනා වූයේ තමාගේ මෝටර් රථයට සියයට සියයක් අන් අයගේ අවධානය යොමුකර ගැනීමටය. එම නිසා ඔහුගේ මෝටර් රථයට වෙනස්ම ආකාරයේ දෙයක් කිරීමට වුවමනා විය. ඔහුම ඒ ගැන කල්පනා කළේය. අවසානයේ ඔහු මෝටර් රථය සම්පූර්ණයෙන් රත්රන් වර්ණයෙන් ආලේපනය කිරීමට තීරණය කළේය.
නුවර ප්රදේශයේ මෝටර් රථ නවීකරණය කරන ස්ථානයකට නිපුන ගියේය. ගොස් තමාගේ සිතේ තිබෙන අදහස ඔවුනට පවසා එලෙස කළ හැකි දැයි විමසුවේය. ඔවුන් ද එසේ කළ හැකි යැයි පැවසුවේය.
මෝටර් රථය රත්රන් වර්ණ ගල්වන අයුරු සහ මිල ගණන් කතා කර ගත්තේය. සති දෙක තුනක් ගතවිය. නිපුනගේ සුදු පැහැති මෝටර් රථය සම්පූර්ණයෙන් ම රත්රන් පාට විය. ඉන් පසු මෝටර් රථ දෙපාර්තමේන්තුවෙන් එයට අවශ්ය නීත්යනුකූල ලියකියවිලි ද සාදා ගත්තේය.
සුදු පාට මෝටර් රථය වෙනුවට නිපුනට දැන් තියෙන්නේ රත්රන් පාට මෝටර් රථයකි. ඔහු ඉතා උජාරුවෙන් එහි ගමන් කරයි. නිපුනගේ මෝටර් රථය මාර්ගයේ ධාවනය කරන විට කුඩා ළමයාගේ සිට මහලූ මිනිසා දක්වා එදෙස බලති.
වර්ණය වෙනස් කළ පසු නිපුන එම මෝටර් රථයෙන් කොළඹ පැමිණියේ එක් වරකි. ඒ ඔක්තෝබර් මස 28 වැනිදාය. එනම් අලූත් ආණ්ඩුව පත් වී දින දෙකකට පසුවයි. කොළඹ පැමිණි ඔහු එක්තරා ඉන්ධන පිරවුම්හලකින් එම මෝටර් රථයට ඉන්ධන ගැසුවේය. ඒ අතර එක්තරා පුද්ගලයෙක් නිපුනගේ රත්රන් පාට මෝටර් රථයේ පින්තූර කිහිපයක් ගත්තේය.
එම මෝටර් රථයේ පින්තූර ගත් පුද්ගලයා එක්සත් ජාතික පක්ෂයේ ප්රබල සාමාජිකයෙකි. ඔහු එම පින්තූරවලින් අලූත් ආණ්ඩුවට මඩක් ගැසීමට තීරණය කළේය. තම මිතුරන් කිහිපදෙනෙකුට ද එම පින්තූර පෙන්නුවේය.
ඔවුන් සියලූ දෙනාම යෝජනා කළේ මෙම රත්රන් පාට මෝටර් රථය නාමල් රාජපක්ෂගේ බව පවසා බොරු ප්රචාරයක් කරමු කියාය. ඒ අනුව එම මෝටර් රථයේ පින්තූර සමග නාමල් රාජපක්ෂගේ ද පින්තූරයක් එකතු කළේය. ඉන් පසු එම පින්තූර යටින් ‘‘තාත්තා අගමැති වූ ගමන් නාමල් රත්රන් කාර් පදියි.. කියා ලීවේය. පසුව ෆේස්බුක් හරහා අන්තර්ජාලයට දැමුවේය. එය දැකීමෙන් සමහරු යළි කුපිත වූහ. ඔන්න නාමල් බේබි යළි වැඩ පටන් අරන් යැයි පැවසූහ.
අන්තර්ජාලය එම පින්තූර හුවමාරු වීමත් සමඟ සමහරු සිතුවේ ඇත්තටම එය නාමල් රාජපක්ෂගේ බවයි. එහෙත් සත්ය එය නොවේ. එම මෝටර් රථයේ සැබෑ අයිතිකරු නිපුන කලූපහනයි. අපගේ හැඟීම වනුයේ නාමල් රාජපක්ෂගේ ගිණුමට එම රත්රන් පාට මෝටර් රථය බැර කර ඇත්තේ දේශපාලන වාසි ලබා ගැනීමට බවයි.
දැන් මේ රටේ ‘තරු’ බවට පත්ව ඇත්තේ දේශපාලනඥයන්ය. බොහෝ කලකට පෙර ඒ තැන හිමි කරගෙන සිටියේ රංගන ශිල්පීන්” කී්රඩකයන් වැනි ක්ෂේත්රයන්හි කටයුතු කළ පුද්ගලයන්ය. දැන් සිදුව තිබෙන්නේ විවිධ ක්ෂේත්රවල නම රැඳවූ බොහෝ දෙනා දේශපාලනයට පිවිස තම ‘කීර්ති නාමය. නැති කර ගැනීමය. දේශපාලනඥයෝ දේශපාලනය කිරීම පසෙක තබා කවි ගී කියති. රංගනයේ යෙදෙති. අවසානයේ සියල්ල ‘කොචොක්. එකක් බවට පත් කරති. එහෙත් ජනතාවට තරු පෙන්වන තරු ද ඔවුහුම වෙති. කලෙක ලොව පතල කී්රඩා තරුවක වූ මුත්තයියා මුරලිදරන් පසුගිය දිනෙක බී. බී. සී. – සිංහල සේවය සමඟ සම්මුඛ සාකච්ඡාවකට සහභාගි වෙමින් තරු දේශපාලනයේ මජර කි්රයා පිළිවෙත ගැන අදහස් දැක්විය. තරුපහේ ප්රජාතන්ත්රවාදය ගැන කතා කරන බොහෝ දේශපාලනඥයින් අහිංසක ජනතාව භාවිත කරමින් කරන සෙල්ලම ගැන මෑත කාලයේ කළ හොඳම විග්රහය කර ඇත්තේ මුරලිදරන් බවය. මතු දැක්වෙන්නේ බී. බී. සී. – සිංහල සේවයේ මෙරට මාධ්යවේදී අසාම් අමීන් සමඟ මුත්තයියා මුරලිදරන් කළ විශේෂ සාකච්ඡාවේ පෙළගැස්මකි.
මේක සිංහල බෞද්ධ රට. මම දෙමළ. ඔයා මුස්ලිම්නේ. හැම ජාතියකම මිනිස්සු ඉන්නවා..අපි ඔක්කොම මිනිස්සු. ළමයා බඩගින්නේ අඬද්දීදී කන්න දෙන්න බැරි නම් ඔයාට කොච්චර රිදෙනවද? මට මේ රටේ මිනිස්සු උදව් කරලා තියෙනවා. මාව ගොඩ දාලා තියෙනවා. අපිත් පුළුවන් විදියට ඒක කරන්න ඕන. අර්බුද නැති රටක් නෑ. අපි හිතනවා අපේ රට තමයි අර්බුද කියලා. දැන් තියෙන අර්බුදය ගැන ගත්තොත් මොනව හරි ප්රශ්නයක් නම් ඕක නීතියෙන් බේරගන්න. මේකට අහිංසක මිනිස්සුන්ව ගාවගන්න එපා. මේ රටේ 60%ක් විතර ඉන්නේ දවසේ පඩියට වැඩ කරන අය.. මොනව හරි උන ගමන් එයාලට කන්න නෑ. මේ ලංකාවේ 70%ක් විතර ඉන්නේ දුප්පත් මිනිස්සු. ඒගොල්ලන්ගෙ පඩිය ගත්තොත් රුපියල් 25000ක් විතර. ඉතින් ඒ ගම්වල ඉන්න මිනිස්සු බොහොම අමාරුවෙන් තුන් වේලක් කාලා ළමයින්ව ඉස්කෝලේ යවන්නේ.
මං ඕකට කතාවක් කියන්නම්. ඔය දෙමළ ඇමැතිවරු කතා කරනවා අයිතිය” වෙච්ච දේවල් ගැන” ප්රජාතන්ත්රවාදය ගැන. මං ඔය දේශපාලනය වැඩිය දන්නේ නෑ. ඇත්තටම කිළිනොච්චියේ වෙච්ච දෙයක් මේක සති දෙකකට කලින්. අවුරුදු 9 ක කෙල්ලෙක් සියදිවි නසාගත්තා. හේතුව මොකද දන්නවද? නිළ ඇඳුම් ප්රශ්නේ. ඒ පවුලේ ළමයි 3 දෙනෙක් ඉන්නවා. එක්කෙනෙක්ට 12යි. අනිත් එක්කෙනාට 7යි. අනිත් කෙනාට 9යි. තාත්තගේ දවසේ පඩිය දෙසීයයි. අම්මා තමයි ළමයි බලාගන්නේ. බොහොම අමාරුවෙන් එක වේලක් කන්නේ. ඉස්කෝලෙට යවනවා තුන් දෙනාවම. ඒ ඇඳුම් සවුත්තු වෙලා හරි මොකක් හරි වෙලා දෙතුන් පාරක් ටීචර් කිව්වා අලූත් එකක් ගන්න. දැන් කූපන් එකක්නේ දෙන්නේ. අරගෙන මහගන්න ඕන. ඉතින් ඕක ගත්තට පස්සෙ මහගන්න රුපියල් 200ක් 250ක් යනවලූ. ඒ සල්ලි නෑ. බැලූවා බැලූවා අන්තිමට මේ ළමයා සියදිවි නසාගත්තා. ඒක බලන්න එක්කෙනෙක්වත් එක ඇමැතියෙක්වත් නෑ. කවුරුත් දන්නෙත් නෑ. අපේ තියෙනවා දුප්පත් මිනිස්සුන්ට උදවු කරන්න පදනමක්. එයාලට මේක ආරංචි වුණා. මේක දුන්නට කියනවා නෙමේ මං 25000ක් දුන්නා. අනිත් ළමයි දෙන්න වෙනුවෙන් හැම මාසෙම රුපියල් 10000 ගානේ දෙනවා. අඩුම ගානේ මේ වගේ තව එක දෙයක් වත් සිද්ධ නොවෙන්න. එක මන්ත්රී කෙනෙක් නෑ. එක ඇමැතියෙක් නෑ. ඒ අම්මා අඬනවා.
අපි මෙහෙම හිතමුකෝ. ඔයාට ළමයි දෙන්නෙක් ඉන්නවා. ඔයාගේ ප්රධානම දේ මොකක්ද ඒ ළමයින්ට තුන් වේලක් කන්න දෙන්න. ඊළඟට ඉගැන්වීම. ඒ දෙකනේ ප්රධාන. ඇඳුමක් ගන්න හෝ තව දේවල් ගන්න හෝ ඒවා ඊළඟට. මේ රටේ ගොඩක් මිනිස්සු ජීවත් වෙන්නේ හරි අමාරුවෙන්. පරිප්පුවලින් රුපියල් 5ක් පෙට්රල්වලින් 10ක් ගියාට කොළඹ ඉන්න ලක්ෂයකට වඩා පඩි ගන්න සමහර මිනිස්සුන්ට මේ වෙනස තේරෙන්නේ නෑ. ඒ නිසා මේ රටේ ඉස්සෙල්ලම බලන්න ඕන ඕක. ප්රජාතන්ත්රවාදය නීතිය වගේ දේවල් දෙවනුවයි. මේ රටේ මිනිස්සු මට බනී. නීතිය” ප්රජාතන්ත්රවාදය මිනිස්සු තම තමන්ට ඕන විදියට හරෝගන්නවා. ඔයා වරදක් කළත් ඒක නිවැරදි කරන්න දක්ෂ ලෝයර්ස්ලා ඉන්නවා. සල්ලි තියෙනවා නම් ඕන දෙයක් කරගන්න පුළුවන් මේ රටේ.
මාධ්යවේදියා – ඒ කියන්නේ මුරලි කියන්නේ ඒවට මූලිකත්වය දෙන්නේ නැතුව මිනිස්සුන්ගේ දෛනික ප්රශ්න විසඳන්න ඕන කියලා මූලිකවම?
ඉතිං ඒකටනේ පාර්ලිමේන්තුවට නියෝජිතයන්ව යවන්නේ මිනිස්සු ඒ පළාත්වල ඉඳන්..
මාධ්යවේදියා – ගොඩක් වෙලාවට උතුරේ දේශපාලකයන්ගෙන් ඇහුවොත් කියන්නේ උතුරට දේශපාලන විසඳුමක් ඕනි… ( ප්රශ්නය අහලා ඉවර වෙන්න කලින්ම මුරලි උත්තර දෙයි )
මං අහන්නේ ඔයාගෙන්… මොනවද උතුරට කියලා දේශපාලන විසඳුමක් ඔයාට දෙන්න පුළුවන් කියලා කියන්න බලන්න… මම කියන්නම්… මම දෙමළි.. හරිදි.. ඔයා මුස්ලිම්නේ… හැම ජාතියකම මිනිස්සු ඉන්නවා.. අපි ඔක්කොම මිනිස්සු… මගෙන් කෑල්ලක් කැපුවත් ලේ යන්නේ ඔයාලගෙන් කෑල්ලක් කැපුවත් ලේ යන්නේ… මේවා මේ ඉතිහාසයේ ඉඳන් මිනිස්සු හදාගත්තු දේවල්. 1977 දී අපේ ගෙවල් ඔක්කොම පිච්චුවා. අපේ තාත්තගේ තාම තියෙනවා කඩුවෙන් ගහලා මැහුම් 18ක් දාපු එක. බොහොම අමාරුවෙන් තමයි බේරුණේ. ඒත් අපේ තාත්තා රට දාලා ගියේ නෑ. නෑදෑයෝ ඔක්කොම ගියා රට දාලා. ඔක්කොම ඉන්දියාවේ ඉන්නේ. ඒත් අපි ගියෙ නෑ. 1983 අපිට මොනවත් වුණේ නෑ. අපි විස්වාස කරනවා අපි මේ රටේ පුරවැසියෝ. ඇත්ත අපේ සීයලා ආවේ ඉන්දියාවෙන්. ඒ වුණාට අපි දැන් ලංකාවේ පුරවැසියෝ.
ජාතීන් වශයෙන් ගත්තොත් වැරදි දේවල් වුණා දෙපැත්තෙන්ම. මං කියන්නේ නෑ සිංහල මිනිස්සු වැරදී කියලා ඔක්කොම. 5% ක් හිටියා දේශපාලන ගේම්වලදී අයුතු ප්රයෝජන අරන් තමයි මේවා කළේ. මුළු රටම විනාශ වුණා. ඒ වගේමයි ප්රභාකරන්. එයා පටන් ගත්තා දෙමළ මිනිස්සු වෙනුවෙන් පෙනී ඉන්න. මුල් කාලේ කළා. ඒත් ඊට පස්සේ එයත් පටන් ගත්තා මිනී මරන්න. දෙපැත්තෙම මිනිස්සු මැරුණා. දැන් මේ යුද්ධයක් ඉවර කරලා තියෙන්නේ. ඉතින් 2009න් පස්සේ එයාලා ඉල්ලනවා නම් අපේ ප්රජා අයිතිය නෑ” අරක නෑ” මේක නෑ කියලා ඒක අසාධාරණයි. අපිත් සාධාරණ වෙන්න එපැයි. 80ක්% විතර ඉන්නේ සිංහල බෞද්ධයෝ. ඒගොල්ලන්ට අයිතියි මේ රට. කොච්චර නෑ කිවුවත්. ආගම්වලින් බැලූවොත් අපි සුළු ජාතිකයෝ.
මං ඉස්කෝලේ ගියා. දක්ෂතාවය තිබුණ නිසා මං ආවා. මගේ දක්ෂතාවලදී සිංහල දෙමළ මුස්ලිම් බර්ගර් කියලා බලලද මට සපෝට් කළේ. ඒක තමයි වෙන්න ඕන. බොරුවට මේ මෙයාලා ඇවිල්ලා අපි පෙනී සිටිනවා කිවුවට දේශපාලකයෝ සාමාන්ය මිනිහා ගැන බලලා නෑ. මම නම් කියන්නේ නෑ මේ රටේ හිටපු ජනාධිපතිවරු දෙන්නෙක් විතරයි දුප්පත් මිනිහා ගැන බැලූවේ.
ඔයාලම හිතාගන්න කවුද කියලා. නැත්තම් කියයි මම එයාලට දේශපාලනිකව සපෝට් කියලා.. මම කාටවත් සපෝට් නෑ මම සපෝට් කරන්නේ දුප්පතාට උදව් කරලා එයලව ගොඩගන්න අයට විතරයි. මට පක්ෂයක් නෑ. දුප්පතාට උදව් කරන්නේ කවුද මම එයාලට සපෝට්.
මට මේ රටේ මිනිස්සු උදවු කරලා තියෙනවා. මාව ගොඩ දාලා තියෙනවා.. අපිත් පුළුවන් විදියට ඒක කරන්න ඕන. ඒකයි මං පදනමක් හැදුවේ. දැන් අවුරුදු 18ක් වෙනවා. මං මේක හැදුවේ 2000 දී. මායි රණසිංහයි හදලා දැන් දිස්ත්රික්ක 12 ක තියෙනවා. අපේ වියදම මිලියන 200ක්. මගේ සල්ලිත් දානවා පිටරටින් ගේනවා. මොනවා හරි කරනවා. අපිට මිලියන 200ක් එකතු කරලා මිනිස්සුන්ට උදව් කරන්න පුළුවන් නම් අපි පාර්ලිමේන්තුවට යවන අයට බැරි ඇයි? ඒගොල්ලන්ට කියන්න බෑ අපි මේ ණය ගත්තු නිසා කියලා. තාත්තා කෙනෙක් ගෙදරක් පාලනේ කරන්නේ කොහොමද? බලන්න කොහොමද කරන්නේ කියලා. ණය අරන් හරි කරනවා. ණය ගෙවන විදියක් බලනවා. වැඩිපුර වැඩ කරනවා. පාර්ලිමේන්තුවට මිනිස්සු යවන්නේ රට පාලනය කරලා මිනිස්සුන්ට යහපතක් කරන්නනේ. ඉතිං බඩු මිල වැඩි වෙද්දී අරක නිසා බෑ මේක නිසා බෑ කියලා කියන්න බෑ. මොකද දුන්නේ වැඩක් කරන්න. ඒක බෑ කියනවා නම් දාලා යන්න ඕන. නිදහසට කරුණු කියන්න බෑ. මට බෝල් කරන්න බැරි නම් මට නිදහසට කරුණු 25000ක් විතර කියන්න පුළුවන් මේක වුණා මට මේක නිසා ඒක බෑ ඒක නිසා මේක බැරි වුණා කියලා. නටන්න බැරි මිනිහට පොළව ඇදයි වගේ කතාවක් ඒක.
අපි අමාරු කාලෙක ජීවත් වුණේ. 1977 – 1983” සහ ජේවීපී ප්රශ්න කාලේ බයෙන් ජීවත් වුණේ. මේ ගේ හැදුවේ 1997දී. මම ක්රිකට් ප්රැක්ටිස් ගියේ අතුරු පාරවල්වලින්. බයයි පාර්ලිමේන්තු පාරෙන් යන්න කොයි වෙලේ බෝම්බයක් දායිද අපිත් අහුවෙයිද කියලා. එහෙමයි ජීවත් වුණේ දෙමළ වෙලත්. දැන් යුද්දේ ඉවර වුණාට පස්සේ නිදහසේ යන්න පුළුවන්. ඒකනේ නිදහස. ඒ නිදහස හැමතැනම තියෙනවනේ. අද යාපනේ යන්න පුළුවන්නේ. මම යුද්ධ කාලෙත් යාපනේ ගියා. එක්සත් ජාතීන්ගේ සංවිධානයත් එක්ක වැඩ කරද්දී ජපානෙන් දීපු ආහාර බෙදලා දෙන්න ගිහින් තමිල් චෙල්වම්වත් හම්බ වෙලා තියෙනවා. දැන් ඕවා මුකුත් නෑනේ. දැන් දුප්පත් මිනිහා ගැන බලන්න පුළුවන්නේ.
මාධ්යවේදියා – තාම යුද්දෙන් අතුරුදහන් වෙච්ච අයගේ මව්පියෝ හොයනවා එයාලව… මේ ප්රශ්නවලට විසඳුමක් දෙන්න ඕන නේද මුරලි…
මට කියන්න කොහොමද විසඳුමක් දෙන්නේ. කියන්න විසඳුම කොහෙන්ද ගන්න පුළුවන්. හිතමු ෂෙල් එකක් ගහනවා ආමි එකෙන්. මැරෙනවා. කියන්න පුළුවන්ද මෙයාව තමයි මැරුවේ කියලා. එල්ටීටීඊ එකෙන් ගහනවා බෝම්බ දානවා. පැහැරගෙන ගියා කියනවා. උත්තර නෑ. යුද්ධයක් කියන්නේ ඕක. උත්තරයක් හොයන්න බැරි දේවල් ගැන කතා කරලා වැඩක් නෑ. අතීතය ගිහින් ඉවරයි. එහෙම වෙලා තියෙනවා නම් ඒ පවුල්වලට ජීවන උපක්රමයක් හදලා දීලා වන්දියක් දීලා ඒවා කරන්න ඕන. එයාලට විතරක් නෙමේ ආමි එකේ අයටත්. යාපනේ විතරක් නෙමේ මෙහේ බෝම්බවලින් මැරිච්ච මිනිස්සු කොච්චර ඉන්නවද? දෙනව නම් ඒගොල්ලන්ටත් වන්දි ගෙවන්න. කරනව නම් හැමෝටම සමානව කරන්න. දැන් තියෙන ලොකුම ප්රශ්නේ තමයි මේ රටේ ආර්ථිකේ හදලා දුගී දුප්පත් මිනිහව උඩට ගන්න එක. එකිනෙකාට එක එක මත තියෙනවා. මේක අනුගමනය කරන්න කියලා මං කියන්නේ නෑ. මේක මගේ මතය විතරයි.
ඉස්සෙල්ලම බලන්න ඕන දුප්පත්කම නැතිකරන්න. ළමයෙක්ට බඩගින්නේ ඉන්නැතුව තුන් වේලක් දෙන්න ඕන. පාර්ලිමේන්තුවට යවන මන්ත්රීවරුන්ගේ යුතුකමක් ඒක.
මාධ්යවේදියා – ගොඩක් අය කියනවා හොඳ අයව දේශපාලනේට තෝරගන්න ඕන කියලා…
කොහොමද හොඳ අයව තෝරාගන්නේ? සමහර වෙලාවට කියන ඒවා බොරු වෙන්නත් පුළුවන්නේ. අරයා කොමිස් ගැහුවා” මෙයා මෙහෙම කළා කියලා. ඒවා ඔප්පු කරන්න ඕන. කවුරු වුණත් කොයි පක්ෂේ වුණත් කවුරු හරි චෝදනාවක් කරනවා නම් නීතිය ඉස්සරහා ඔප්පු කරන්න. දැන් ඔය තරඟ පාවාදීම් ගැන කතා කරනවනේ. ඕවා ඔප්පු කරන්න ඕන. ඒක ඒගොල්ලන්ට කරන අපරාධයක්. ඒ මිනිහට පාරේ බැහැලා යන්න බෑ. සනත් ජයසූරිය ලෝක පූජිත ක්රීඩකයෙක්. මාත් එක්ක ක්රිකට් ගහන්නේ පොඩි කාලේ ඉඳන්. මගේ යාලූවා නිසා කියනවා නෙමේ. චෝදනා ඔප්පු කරනකම් එයා වරදකාරයෙක් නෙමේ. ඒත් පාරේ බැහැලා යන්න බැරි තැනට මිනිස්සු කතා කියනවා. දේශපාලකයන්ටත් සමහරුන්ට ඔහොමයි. බොරු කියල හරි මිනිහව සවුත්තු කරනවා. මම කියන්නේ ඕවා ඔක්කොම පැත්තකට දාන්න.
සාමාන්යයෙන් මිනිහෙක් වුණාම ජීවත් වෙන්න ක්රමයක්නේ ඕන. ඔයා තාත්තා කෙනෙක්. ළමයි ඉන්නවා. ළමයා බඩගින්නේ අඬද්දීදී කන්න දෙන්න බැරි නම් ඔයාට කොච්චර රිදෙනවද? අපිට සල්ලි තියෙනවා මේවා නිසා. ඒත් දුප්පත් මනුස්සයට? මම කියන්නේ දේශපාලකයෝ ඒ තත්ත්වේ බලන්න. ඉස්සෙල්ලම ඒක නිවන්න. අධ්යාපනය දෙවනුව. සෞඛ්යය තුන්වෙනුව. අනෙක්වා ඊට පස්සේ. තාත්තා කෙනෙක් පවුල බලාගන්නවා වගේ මේ රටේ ඔක්කොම ළමයි කියලා හිතලා දේශපාලකයා වැඩ කරන්න ඕන. බැරි නම් දාලා යන්න ඕන. මං ක්රිකට් බෝඞ් එකට කිවුවෙත් ඕක. කරන්න බැරි නම් දාල යන්න තව කෙනෙක්ට කරන්න අවස්ථාව දෙන්න.
මං ඔයාට කියන්නද කතාවක්. මාව ආසියා කුසලාන 2010 දී හොඳට බෝල් කර කර ඉද්දිත් මාව ඩ්රොප් කළා වෙන කාරණාවක් කියලා. හැබැයි ආයේ මාව මැච් එකට ගැස්සුවා. ඒකෙන් පස්සේ තමයි මං විශ්රාම යන්න තීරණය කළේ. මාව විශ්වාස නැතිනම් වෙන මං වෙනුවට කෙනෙක් ඉන්නවා නම් මං ඉඳලා වැඩක් නෑ. ඒ වගේ දීලා යන්න ඕන. මිනිස්සු මට බනී. ඔයා හිතනවද ඔය රැස්වීම්වලට මිනිස්සු එන්නේ මං දන්න විදියට එක්කෝ කන්න දීලා බස් එකෙන් ගෙනල්ලා බස්සන මිනිස්සු තමයි වැඩිපුර ඉන්නේ. ඒක ඉතින් එයාලගේ අයිතිය. එදා වේල හොයාගන්න මිනිස්සු කොළඹට ඇවිල්ලා කෑ ගගහා ඉදීද? මං දන්නේ නෑ මිනිස්සු පිළිගනීද කියලා.
සටහන – නිපුණ කෞශ්යාල්
ජනාධිපති මෛත්රීපාල සිරිසේන මහතාට එරෙහිව ඉන්දීය මාධ්යවේදිනී මීරා ශ්රිනිවාසන් මහත්මියට තොරතුරු ලබාදුන් කැබිනට් ඇමැතිවරුන් සිව්දෙනා කවුදැයි අනාවරණය කරගැනීමට ඔස්ටේ්රලියානු රජය මෙරටට ලබාදුන් අධිතාක්ෂණික විද්යුත් උපාංගවලින් හැකිවන බව ඉහළ පෙළේ ආරංචි මාර්ග ඊයේ (19) පැවසීය.
මත්ද්රව්ය ජාවාරම්කරුවන්ගේ ජංගම දුරකථන පණිවුඩ ගැන සෙවීමට මේ උපාංග භාවිත කර තිබුණි.
මේ වන විට එම ඉන්දීය මාධ්යවේදීනිය සබඳකම් පවත්වන පාර්ශව ගැන තොරතුරු රජයට ලැබී ඇත.
මෙයට පෙර ජනාධිපතිවරයා නිව්යෝර්ක් යැමට පෙර නතර වී සිටින හෝටලය සහ කාමර අංකයද වෙනත් පාර්ශවයකට ලැබී තිබූ බව අනාවරණය විය. මීරා ශ්රී නිවාසන් හින්දු පුවත්පතේ පළකළ ප්රකාශය ඉතා භයානක බව අමාත්ය මහින්ද සමරසිංහ මහතාද දන්වා තිබිණි.
මෙය වෙනත් රටක සිදු වූවානම් ඇය අත්අඩංගුවට ගැනීමක් හෝ රටින් පිටුවහල් කිරීමත් සිදුවන බවද ආරක්ෂක ආරංචි මාර්ග පැවසීය.
දැනට අවුරුදු තුනකට කලින් ඉසුර දේවප්රිය කියන්නෙ කොළඹ පළාත් සභාවෙ කොනක හිටපු මෛත්රී කෙනෙක් කියල ටික දෙනෙක් දැනන් හිටියට වැඩි දෙනෙක් දැනගෙන හිටියෙ නෑ… ඒත් 2015 ආණ්ඩු වෙනසින් පස්සෙ චන්ද්රිකාගෙ වන්දිභට්ටයෙක් වුණ ඉසුරට මහ ඇමති පුටුව හම්බෙද්දි අනිත් මෛත්රීලට,රටේ මිනිස්සුන්ට වඩා පුදුම වෙන්න ඇත්තෙ ඉසුර කියල කිව්වොත් ඒක වැරදි නෑ කියල අපි හැමෝම දන්නවා.. මොකද ඉසුර වගේම කිසිම කෙනෙක් ඉසුරට ඒ වගේ භාරධූර තානාන්තරයක් හම්බෙයි කියල හීනෙකින් වත් හිතුවෙ නෑ.ගාමිනී තිලකසිරිල වගේ පරිනත දේශපාලනඥයින් බයි පාස් කරල ඉසුරට මේ තානාන්තරය හම්බුනේ ඉසුරව බළල් අතක් කරගන්න කියල අමුතුවෙන් කියන්න ඕන නෑනෙ.
මේ අවුරුදු තුනටම ඉසුර ගැන පළවුනේ අර පාරවල් වල හයිකරපු උත්තල දර්පණ විවෘත කරන්න ගිය ඒව විතරක් වුනාට මෑතකදී ඉසුර ගැන රටම කතාකරන්න පටං ගත්තා.ඒ පළාත් සභාවෙ පුටුවකට ලක්ෂ 6 කට වඩා වැඩියෙන් දාපු එකටයි පළාත් සභාව සුවඳ කරන්න පට්ට ගානක් වියදම් කරල එයාර්ෆෙරෙෂ්නර් හයි කරන්න හදපු නිසයි.කොහොම හරි මාධ්ය විසින් මේ කතාව එළිදරවු කරාට පස්සෙ ඉසුර හිමීට ඒ ප්රශ්න වලින් ලිස්සලා ගිහින් සමහර මාධ්යෙව්දීන්ව මුදලට අරං දැං මේ වෙනකොට ෂේප් න්යායෙන් නොකර සද්ද ඉන්නවා කියල ආරංචියි.
ඉසුරගෙ ලක්ෂ 6 පුටුව ගැන කතාකරන්න නෙමෙයි මේ හදන්නෙ ඊට වඩා ලොකු කතාවක් මේ දවස් වල තිරය පිටුපස කැරකෙනව කියල ලැබුණු ආරංචියක් කියන්නයි.පළාත් සභාවෙ ඉන්න අනිත් ජේෂ්ඨ ඇමති වරුන් හා මන්ත්රී වරුන් පවසන ආකාරයට ඉසුර මේ දිනවල ශ්රීලනපයේ හා පොහොට්ටුවේ දෙපැත්තටම කකුල් දෙක තියිගෙනළු ඉන්නෙ.ඉසුර ශ්රීලනිපය වෙනුවෙන් පණ වුනත් දෙනවා යැයි ජනපතිට පවසමින් හොර රහසේ පොහොට්ටුව සමඟ වැඩ කරමින් යන වා යැයි බස්නාහිර පළාත් අධ්යාපන අමාත්ය රන්ජිත් සෝමවංශ මහතා සිය සමීපතමයන් සමඟ පවසා ඇත.ඔහු විසින් එහිදී වැඩිදුරටත් පවසා ඇත්තේ ” ජනාධිපති තුමන් කටුස්සගෙ කරේ රත්තරං බඳිද්දි කටුස්සට පාට මාරු කරන්න උපන් හැකියාවක් තියෙනව කියල අමතක කරලා” යනුවෙනි.
ඒ කෙසේ වෙතත් ගතවූ අවුරුදු 3න ඇතුලත ඉසුරගෙන් කොළඹට වූ සෙතක් නොමැති බව ඕන අඳබාලයෙකුට උවත් තේරෙන අතර මෙම අවුරුදු තුන ඇතුලත ඉසුරට නම් ඉසුරින් පිරි ජීවිතයක් ලැබී ඇති බව පෙනී යයි.
ලංකා ඛනිජ තෙල් සංස්ථාව විශාල වශයෙන් ලාභ ලබන නිෂ්පාදනයක් වන තාර ප්රධාන වශයෙන් කොටස් දෙකකට බෙදේ.ඒ 60/70 වර්ගයේ හා 80/100 වර්ගයේ වශයෙනි. මේ වන විට රටේ අවශ්යතාවයට වැඩි වශයෙන් ගෙන්වනු ලබන්නේ 80/100 වර්ගයේ තාරය.
පුද්ගලික අංශයෙන් මෙම තාර ආනයනය කලත් පාරිභෝගිකයන් විසින් ගුණාත්මක භාවයෙන් වැඩි තාර ලෙස විශ්වාස කරනුයේ ලංකා ඛණිජ තෙල් සංස්ථාව විසින් ආනයනය කරනු ලබන 80/100 වර්ගයේ තාර වන අතර ලංකා ඛණිජ තෙල් සංස්ථාවේ මේ වන විට තාර ගෙන්වීමට සිදුකරනු ලබන ප්රසම්පාදන කටයුතු තෙල් ඇමති අර්ජුන රණතුංගගේ හා නි. ඇමති අනෝමා ගමගේගේ දේශපාලන බලයෙන් අත් හිටුවා ඇත්තේ අනෝමා ගමගේගේ සැමියා වු ඇමති දයා ගමගේගේ ව්යාපාරය හරහා 80/100 වර්ගයේ තාර ගෙන්වීමට බලපත්රය ලබා ගනිමිනි.
අර්ජුන රණතුංග ඇමතිවරයා පවුල් පාලනයෙන් තෙල් සංස්ථාවේ දුෂණ වංචා සිදු කරමින් තම මඩිය තර කරගන්නා විට නි. ඇමති අනෝමා ගමගේට ඇයගේ ව්යාපාර වලින් ලාභ ඉපැයීමට තාර ගෙන්වීමේ ඒකාධිකාරය ලභාදී ඇත්තේ තෙල් සංස්ථාව ඇමති හා නි. ඇමතිගේ පවුලේ බූදලයක් ලෙස තබා ගනිමිනි. රටේ ජනතාවගේ බදු මුදල් වලින් නඩත්තු වන රටේ ජාතික සම්පතක අනාගතය තම පවුල් වල සුඛ විවරණයට යොදා ගනිමින් ලංකා ඛණිජ තෙල් නීතීගත සංස්ථාවත් සමග රටම වළ පල්ලට ඇදගෙන යන්නට තෙල් ඇමති අර්ජුන හා නි. ඇමති අනෝමා කටයුතු කරන්නේ යහපාලන මූලධර්ම අමු අමුවේ මරා දමමින් වීම කණගාටුවට කරුණක් බව ඛණිජ තෙල් සේවකයෝ පවසයි…
යූරෝ මිලියන 488 ක් වැය කර ශ්රී ලංකා ඉතාලි සහයෝගිතා ව්යාපාරයක් ලෙස අධිවේගී දුම්රිය මැදිරි නිෂ්පාදනය කිරීමේ ආයෝජන ව්යාපෘතිය ආරම්භ කිරීමේදී තමාට සියයට 10 ක කොමිස් මුදලක් අවශ්ය බව රාජ්ය ඇමැතිවරයෙක් ඉල්ලා ඇතැයි සිලෝන් හයිස්පීඞ් රේල්වේ ලිමිටඞ් සමාගමේ මෙහෙයුම් අධ්යක්ෂ නික්ලස් ශ්රීමාල් මහතා පැවැසීය.
රාජ්ය ඇමැතිවරයා ඉතාලියට ගොස් තම සමාගම සමග කටයුතු කරන එරට සමාගමේ නියෝජිතයන් හමුවී මෙම මුදල ඉල්ලා ඇතැයි ද හෙතෙම සඳහන් කළේය.
කෙසේ වෙතත් මෙම ආයෝජන ව්යාපෘතිය ආරම්භ කිරීම සඳහා ශ්රී ලංකා ආයෝජන මණ්ඩලයෙන් අනුමැතිය ඉල්ලා වසර දෙකක් ගතව ඇති බවත් තවම ඒ සඳහා කිසිදු ප්රතිචාරයක් ආයෝජන මණ්ඩලය දක්වා නැතැයිද ඒ මහතා පැවසීය.
හෙතෙම මේ බැව් පැවසුවේ පෙරේදා (13 කොළඹ පැවැති මාධ්ය හමුවකදීය.