කිළිනොච්චියේ වැසියකු වැසිකිළි වළක් කැපීමට ගිය අවස්ථාවේදී පොලිතින් උරයක බහා වළලා තිබූ මෙම පාස් පොත් තොගය හමුවී ඇත.කිළිනොච්චිය ඇතුළු උතුරු පළාතේ එල්.ටී.ටී.ඊ. සංවිධානය විසින් ඔවුන්ගේ ඊළාම් බැංකු පවත්වාගෙන ගිය කාලයේදී විවිධ ගිණුම් වර්ග හඳුන්වාදී තිබූ අතර බාලවයස්කාර ගිණුම් සඳහා විශාල පොලියක් ලැබුණු අතර උතුරේ රජයේ සේවකයන් මෙන්ම සෙසු පිරිස්ද එකල බාලයස්කාර ගිණුම් විශාල සංඛ්යාවක් පවත්වා ගෙන ගියහ. මීට අමතරව ස්ථිර ගිණුම් ධන යෝජන ගිණුම්, ආදි වශයෙන් ගිණුම්ද කාන්තාවන් හා පාසල් ළමයින් වෙනුවෙන් තවත් විශේෂ ගිණුම්ද එම බැංකුවල පවත්වා ගෙන යන ලදී. උතුරේ වැසියන් එම ගිණුම්වල ආයෝජනය කරන ලද මුදල් සියල්ලම අපතේ යන ලදී. යුද්ධය හමාර වීමත් සමඟම ඊළාම් බැංකු අහෝසි වූ අතර එම ගිණුම්ද පළක් නොමැති ගිණුම් බවට පත්වුණි.
Category: සුපිරි News
-
ශ්රී ලංකාවට එරෙහි හුසේන්ගේ වාර්තාවට අභියෝග කිරීමට ලාංකිකයින් 30ක් ජිනීවා යයි
ජිනීවා මානව හිමිකම් කොමසාරිස් සෙයිද් රාද් හුසේන් කුමරු විසින් ඉදිරිපත් කරන ශ්රී ලංකාවට එරෙහි වාර්තාවට අභියෝග කිරීම සඳහා රියර් අද්මිරාල් සරත් වීරසේකර මහතා ප්රමුඛ ගෝලීය ශ්රී ලංකා සංසදයේ 30 දෙනකුගේ කණ්ඩායමක් අද (14 දා) ජිනීවා මානව හිමිකම් කවුන්සිලයට යෑමට නියමිතව ඇත.
මෙහිදී ගෝලීය ශ්රී ලංකා සංසදයේ දේශකයන් හයදෙනකු මානව හිමිකම් සමුළුව ඇමතීමට නියමිත අතර එහිදී ජිනීවා යෝජනාව නීතිවිරෝධී බවත් එම යෝජනාව සඳහා ඡන්ද විමසීමක් පවත්වා නැති බවටත් පෙන්නුම් කෙරේ.ඊට අමතරව ලබන 18 වැනිදා (ඉරිදා) ජිනීවා යෝජනාවට එරෙහිව මානව හිමිකම් කවුන්සිලය ඉදිරියේ උද්ඝෝෂණයක් ද පවත්වන අතර කොටින්ගේ බිහිසුණු අපරාධ පිළිබිඹු කෙරෙන ප්රදර්ශනයක් ද මානව හිමිකම් කවුන්සිලය ඉදිරියේ පැවැත්වීමට නියමිත බව ආරංචි මාර්ග වල සඳහන් වේ. -
රමිත් රඹුක්වැල්ලට ලක්ෂ 5ක ශරීර ඇපයක්… රියදුරු බලපත්රය තාවකාලිකව අත්හිටුවයි
ශ්රී ලංකා ජාතික ක්රිකට් කණ්ඩායම නියෝජනය කළ ක්රිකට් ක්රීඩක රමිත් රඹුක්වැල්ල මහතාගේ රියදුරු බලපත්රය තාවකාලිකව අත්හිටුවීමට කොළඹ අතිරේක මහෙස්ත්රාත් චන්දන කලංසූරිය මහතා ඊයේ (13 දා) නියෝග කල අතර ඔහුව ප්රවාහන අමාත්යාංශයේ වෛද්ය මණ්ඩලය වෙත යොමුකර කායික හා මානසික සෞඛ්ය තත්ත්වය පිළිබඳව වෛද්ය වාර්තාවක් කැඳවීමටද පියවර ගන්නා ලෙසට නියෝග කෙරිණි.
බීමත්ව රිය පැදවීම, අපරික්ෂාකාරී ලෙස රිය පදවා රිය අනතුරක් සිදු කිරීම, එම රිය අනතුර පිළිබඳව පොලිසියට කරුණු වාර්තා නොකිරීම ඇතුළු චෝදනා හතරක් යටතේ නාරාහේන්පිට පොලිසිය විසින් රමිත් රඹුක්වැල්ල මහතාට එරෙහිව පවරා තිබූ නඩුව කැඳවූ අවස්ථාවේදී අතිරේක මහෙස්ත්රාත්වරයා එම නියෝගය කළේය. එම චෝදනා හතරටම නිවැරදිකරු බව රමිත් රඹුක්වැල්ල මහතා ප්රකාශ කළ අතර ඒ අනුව ඔහු රුපියල් ලක්ෂ පහක ශරීර ඇපයක් මත මුදාහැරීමට නියෝග කළ මහෙස්ත්රාත්වරයා නඩු විභාගය ලබන ජුනි 19 වැනිදා ආරම්භ කිරීමට තීරණය කළ අතර පැමිණිල්ලේ පළමුවන සාක්ෂිකරුට එදින අධිකරණය හමුවේ පෙනී සිටින ලෙස දන්වා සිතාසි යෑවීමටද අතිරේක මහෙස්ත්රාත්වරයා එහිදී නියෝග කළේය.
ඉකුත් 09 වැනිදා නාවල නාරාහේන්පිට ලේක් ඩ්රයිව් පාරේදී යතුරු පැදියක් අනතුරකට ලක්කර විශ්වවිද්යාල සිසුන් දෙදෙනකුට තුවාල සිදුකිරීමේ සිද්ධියක් සම්බන්ධයෙන් පරීක්ෂණ පැවැත්වූ නාරාහේන්පිට පොලිසිය රමිත් රඹුක්වැල්ල මහතාට එරෙහිව එම නඩුව පවරා තිබිණි.
බීමත්ව රිය පැදවීම ඇතුළු චෝදනා පහක් යටතේ 2016 සැප්තැම්බර් 28 වැනි දිනද රමිත් රඹුක්වැල්ල මහතාට එරෙහිව පොලිසිය නඩු පවරා තිබිණි. එම නඩුව විභාග කළ කොළඹ අතිරේක මහෙස්ත්රාත් අධිකරණය 2016.ඔක්තෝබර් 11 වැනිදා ඔහුට රුපියල් 29,000 දඩයක් ගෙවීමට නියම කොට රියදුරු බලපත්රය තාවකාලිකව අත්හිටුවීමටද නියෝග කොට තිබිණි.
-
කුණුකොල්ලයට ගෙනා පිටරට බාල සහල් දේශීය සහල් ලෙස වැඩි මිලට විකුණලා
මෙරටට ආනයනය කරන සහල් අඩු මුදලට පිටකොටුවෙන් ටොන් ගණනින් ලබාගෙන දේශීය සහල් බව අඟවා පාරිභෝගිකයන්ට වැඩි මිලට විකිණීමේ ජාවාරමක සුළමුල හෙළි කර ගැනීමට හැකි වූ බවත් මෙසේ කාලයක් තිස්සේ දේශීය සහල් මෝල් හිමියන් විසින් මෙම ජාවාරම සිදු කරගෙන ගොස් ඇති බවත් පසුගිය කාලයේ සහල් මිල ඉහළ යැමට එය බලපා ඇති බවත් පසුගියදා රැස් වූ ආර්ථික කමිටු රැස්වීමේදී එක්සත් ජනතා නිදහස් සන්ධානයේ මහලේකම් සහ ධීවර සහ ජලජ සම්පත් සංවර්ධන ඇමැති මහින්ද අමරවීර මහතා පවසා ඇත.
රජය ලබාදුන් අවසරය මත පිටකොටුවේ තොග වෙළෙඳුන් සහල් ආනයනය කරන අතර දේශීය සහල් මෝල් හිමියන් කන්ටේනර් වශයෙන් ඉතා අඩු මිලට එම සහල් ලබා ගෙන දේශීය සහල් ලෙස සකසා වැඩි මිලට රට පුරාම විකුණා ඇති බව ඇමැතිවරයා සඳහන් කළේය.ඉතා ඉක්මනින් එම සහල් මෝල් හිමියන් පිළිබඳව සොයා බලා පාරිභෝගික අධිකාරිය හරහා ඔවුන් අත්අඩංගුවට ගෙන දඬුවම් ලබාදීමට කටයුතු කරන බව ඇමැතිවරයා වැඩිදුරටත් ප්රකාශ කළේය.
-
ෆේස්බුක් ඇතුළු සමාජජාල මර්දනය දිගටම සිදුකිරීමට ආණ්ඩුව සැරසෙන බවට හෙළිදරව්වක්!
වත්මන් විසින් ආණ්ඩුව සමාජ මාධ්ය ජාල අවහිර කරමින් සිදුකිරීමට යන දේශපාලන සැලැස්මට එරෙහිව වෙබ් මාධ්යවේදීන්ගේ ජාතික ව්යාපාරය සටන් අරඹන බව එම සංවිධානය නිකුත් කළ මාධ්ය නිවේදනයක සඳහන් වේ.
එම සංවිධානය විසින් නිකුත් කරන ලද නිවේදනයේ වැඩිදුරටත් මෙසේ සඳහන් වේ.
“සමාජ මාධ්ය ජාලා අවහිර කිරීම විකල්ප මාධ්ය පාලනය කිරීමේ ආණ්ඩුවේ වෑයමක් – වෙබ් මාධ්යවේදීන්ගේ ජාතික ව්යාපාරය
රටේ සියලුම සමාජ මාධ්ය ජාලා අවහිර කිරීමට යහපාලන රජය විසින් ගනු ලැබූ තින්දුව වෙබ් මාධ්යවේදීන්ගේ ජාතික ව්යාපාරය ලෙස අපි දැඩි පිළිකුලෙන් යුතුව හෙලාදකිමු.
එය මේ රටේ දැනට ඔඩු දුවමින් පවතින ජාතිවාදි ව්යසනය නතර කිරීමට ඇති හොඳම විසදුම නොවේ. ආණ්ඩුවට පාලනය කළ නොහැකි ලෙස සමාජ මාධ්ය ජාලාවන් හරහා ජාතිවාදය පැතිර යනවා නම් ආණ්ඩුව කළ යුතුව තිබුණේ එම ජාතිවාදය පතුරුවන ජාතිවාදී ගෝත්රිකයින් හඳුනා ගෙන ඔවුනට නීතිය ක්රියාත්මක කිරීමයි. එයට අවශ්ය තරම් වන නීති ප්රතිපාදනයන් දැනටමත් ලංකා නීතිය තුළ අන්තර්ගත බව ආණ්ඩුවට අපි මතක් කර දීමටද කැමැත්තෙමු.
එසේ තිබියදි රටේ සියළුම දෙනාට බලපාන ලෙස මෙලෙස සමාජ මාධ්ය ජාලා අවහිර කිරීම විකල්ප මාධ්ය පාලනය කිරීමේ ආණ්ඩුවේ වෑයමක් බවත් එය රටේ පුරවැසියන්ගේ තොරතුරු දැන ගැනීමේ අයිතිය ව්යාංග වශයෙන් අහිමි කිරීමක් බවත් පෙන්වා දීමට කැමැත්තෙමු.
මෙතෙක් රටේ පැවති සියළුම ආණ්ඩු පාහේ තම නොහැකියාව වසා ගැනීමට විකල්ප මාධ්ය වාරණය සක්රියව ක්රියාත්මක කළ අකාරය පිළිබඳව අත්දැකිම් අප සතුව ඇත. විශේෂයෙන්ම පසුගිය රාජපක්ෂ පාලන කාලය තුල විරුද්ධ හා විකල්ප මත දැරූ වෙබ් අඩවි තහනම් කිරීම හා එම මාධ්යවේදින්ට තර්ජනය කිරීම හරහා තම නොහැකියාව වසා ගැනීමට කටයුතු කළ ආකාරය සුලභ විය. නමුත් මෙහිදි හාස්යජනකම සිදුවීම වන්නේ රාජපක්ෂ පාලනය තුළ සිදුවු එවැනි ක්රියාකාරකම් නැවත සිදුනොවන බවට ප්රතිඥා දෙමින් බලයට පැමිණෙන මෛත්රි – රනිල් පාලනය මෙලෙස වෙබ් අඩවි පමණක් නොව සමස්ථ සමාජ මාධ්ය ජාලාවම අවහිර කිරීමයි. එය ඉගුරු දී මිරිස් ගත්තා වැනි ය යන ප්රස්ථා පිරුල සාක්ෂාත් කරනු ලබයි.
එසේම මෙයින් මුළු මහත් රටේත්, රටින් පිටත ජීවත් වන අපේම ජනතාව මුහුණදෙන සන්නිවේදන දුෂ්කරතාවය අතිවිශාල වන අතර එයින් සිදුවන සමාජීය බලපෑම ගණනය කළ නොහැකි එකකි. තවද ව්යාපාර ඇතුළු රටේ ආර්ථිකයට මෙමඟින් සිදුවී ඇති හානිය මෙතෙක් යැයි රජය විසින් ගණනය කිරීමට අපොහොසත්ව ඇත.
මෙහිදි වෙබ් මාධ්යවේදීන්ගේ ජාතික ව්යාපාරය ලෙසට අපට හැගි යන්නේ ආණ්ඩුව තම මර්දනකාරී වැඩපිළිවෙළට අවශ්ය පූර්වාදර්ශය මෙම තහනම තුළින් පරිපූර්ණ කිරීමට උත්සහ ගන්නා බවයි. යම්හෙයකින් ඉදිරි මහ මැතිවරණය හෝ ජනාධිපතිවරණයේදි ආණ්ඩුව වෙනස් කිරීමට අවශ්ය විකල්ප මතධාරාවක් සමාජ මාධ්ය ජාලාවන් හරහා නිර්මාණය වන අවස්ථාවකදි එය මැඩපැවැත්වීමට මෙම වාරණය උපයෝගී කරගත හැකිදැයි අත්හදා බලනු ලබන පෙර පරීක්ෂණයක් ලෙසට මෙම දින කිහිපය යොදා ගන්නා බවට අපගේ මතය වේ.
තවදුරටත් ආණ්ඩුව මෙලෙස ඉදිරියට කටයුතු කරනවා නම් රාජපක්ෂ පාලනය පලවා හැරීමට කටයුතු කළ ලෙසම යහපාලන ආණ්ඩුවද ගෙදර යැවීමට අවශ්ය මතවාදිමය වෙනස් ඇති කිරීමට වෙබ් මාධ්යවේදීන්ගේ ජාතික ව්යාපාරය පෙරමුණ ගැනීමට පසුබට නොවන්නෙමු. එහෙයින් මෙලෙස ව්යංගකාරි විසඳුම් සෙවීමට නොගොස් සමාජය තුළ පැන නැගි ඇති සැබෑ ගැටළුව හදුනාගෙන එයට අවශ්ය විසඳුම් සෙවීමට කටයුතු කරන ලෙසත් අපි ආණ්ඩුවට බල කර සිටිමු.
සුවින් වගාරච්චිගේ,
කැදවුම්කරුවෙබ් මාධ්යවේදීන්ගේ ජාතික ව්යාපාරය -ශ්රී ලංකාව
இணையத்தள ஊடகவியலாளர்களின் தேசிய இயக்கம் – இலங்கை
National Movement of Web Journalist- Sri Lanka.”[googlepdf url=”http://supirigossip.com/wp-content/uploads/2018/03/Press-stament-11-03-2018.pdf” width=”600″ height=”600″]
-
පූජ්ය දඹර අමිල හිමි මහින්දගේ සරමේ සිට සිරිසේනගේ ජංගි තෙක් ගලවපු කතාව මෙන්න (Video)
වත්මන් සිරිසේන ජනාධිපතිවරයා බලයට ගෙන ඒමට විශාල කැප කිරීමක් කළ ආචාර්ය දඹර අමිල හිමියෝ පසුගියදා පැවැති මාධ්ය හමුවකදී මහින්ද රාජපක්ෂගේ සිට වත්මන් ජනාධිපති මෛත්රීපාල සිරිසේන දක්වා රෙදි ගලවා අමුඩ ගස්සවන ලදී.
එහිමියෝ මෙසේ කීහ. “මේ සිදුවීම් වලට සම්පූර්නයෙන්ම ජනාධිපති වගකිව යුතුයි. අද ඉන්න ජනාධිපතිවරයා නිකම් දෙකයි පනහේ පතෝල වර්ගයේ ජනාධිපතිවරයෙක්. හරිම කණගාටුදායක තත්ත්වයක් තියෙන්නේ. අපි ලෝකේ කිසිම තැනක දැකලා නෑ මේ වගේ පජාති ජනාධිපතිවරයෙක්. ඒ කියන්නේ මෙයා කොන්ද පණ නැති, පතෝල, දෙකයි පනහේ ජනාධිපතිවරයෙක් ඇත්තටම කියනවා නම්. රටේ නීතිය පවත්වාගෙන යෑම තමන්ගේ ප්රධාන වගකීමක්. ඒක එයාට කරන්න බැරිනම් මෙතනින් යන්න කියලයි කියන්න තියෙන්නේ. ‘කරපං හරියට නැත්නම් පලයං අහකට‘ . මෙයා මුළු රටම විනාස කරනවා. මෙයා මුළු රටටම පිළිලයක් වෙලා තියෙන්නේ. මුළු රටම පජාති කරලා තියෙනවා. ජාතික සමගිය නැති කරන තැනට පත් කරලා. එහෙට වැනෙනවා. මෙෙහට වැනෙනවා. කතාවට නම් හරිම දක්ෂයි. නමුත් ක්රියාමාර්ග ගන්න බැරි කොන්ද පණ නැති පාලකයෙක්. අපි එයාට කරන්නයි කියලා බලය දුන්නු දේවල් ටික හැර එයා අනෙක් ඔක්කොම කළා. අද එක්සත් ජාතික පක්ෂය කියද්දිත් ෆීල්ඩ් මාර්ෂල්ට නීතිය හා සාමය දෙන්නෙ නෑ. ඇයි එයා හොරුත් එක්ක ඉන්නවා. මිනීමරුවොත් එක්ක ඉන්නවා.
ඒ නිසා අපි කෙලින්ම චෝදනා කරනවා ‘ජනාධිපතිවරයා හොරෙක්. ජනාධිපතිවරයා මිනීමරුවෙක්..‘ මීනීමරුවන්ව හොරුන්ව ආරක්ෂා කරන ජනාධිපතිවරයෙක් අද ඉන්නේ. ඒ නිසා අපි රටට කියනවා ලෝකෙට කියනවා ‘සත පහකට විශ්වාස කරන්න එපා මේ ජනාධිපතිවරයාව‘ කියලා. මෙයා සම්පූර්ණ ඩීල් එක්ක ජීවිතය ගත කරන්නේ. මෙයාගේ සුදු ඇඳුම අද සත පහකට වැඩක් ඇති දෙයක් නොවෙයි. සම්පූර්ණ වංචාකාරී ජනාධිපතිවරයෙක් ඉන්නේ කියන එක බය නැතිව කියන්න ඕනේ. අපි බැලුවා පරීක්ෂණ කීපයක් තියලා. ඒ හැම පරීක්ෂනයකින්ම අන්තිමට ඔප්පු වෙලා තියෙන්නේ මෙයා හොරු ආරක්ෂා කරන ක්රියාවලියේ දිගටම ඉඳලා තියෙනවා.“
-
මන්ත්රීන් දෙදෙනෙකු ජාතිවාදී ගැටුම වලට වගකිවයුතු යයි රාජිතගේ ප්රකාශයෙන් පාර්ලිමේන්තුව උණුසුම් වෙයි
මහනුවර දිස්ත්රික්කයේ ඇතිවූ ජාතිවාදී ගැටුම්වලට පාර්ලිමේන්තු මන්ත්රීවරුන් දෙදෙනෙකු වගකිව යුතු බවට කැබිනට් ප්රකාශක, රාජිත සේනාරත්න විසින් කරන ලද ප්රකාශය නිසා ඊයේ (8) පාර්ලිමේන්තුවේ උණුසුම් තත්වයක් ඇතිවී ඇත.
අධ්යාපන ඇමැති අකිල විරාඡ් කාරියවසම් මහතා – ඊයේ පාර්ලිමේන්තුවේදී විමල් වීරවංශ මන්ත්රීවරයා බරපතළ ප්රකාශයක් කර තිබෙනවා. එදා කිව්වා කුලියාපිටියේ කඩවලට ගිනි තියලා කියලා. ඒකට මන්ත්රීවරයෙක් සම්බන්ධයි කියලා. ඒත් පොලිසියට ඉහළින් ආපු බලපෑමක් නිසා ඔහුව නිදහස් කරලා කියලා. මේක සම්පූර්ණයෙන් අසත්යයි. කඩ ගිනි තියලා නැහැ.
සිද්ධි දෙකක් වී තිබෙනවා කොත්තු දමන කඩයක වීදුරුවකට පහරදීමක් වෙලා තිබෙනවා. ඒකට කිසිම මන්ත්රීවරයකු අත්අඩංගුවට ගෙන නැහැ. මේවා අසත්යයි. මේ අය ජාතිවාදය අවුස්සනවා. පොඩි ඡන්දයක් දිනලා මෙහෙම නම් ලොකු ඡන්දයක් දිනුවොත් කොහොමට සිටීද?
බන්දුල ගුණවර්ධන මහතා – පාර්ලිමේන්තු මන්ත්රීවරුන් දෙදෙනෙක් ගැන කියලා ප්රවෘත්ති දාලා. ජාතිවාදය අවුස්සන්නේ ආණ්ඩුව. මෙවැනි අවස්ථාවකට පත්වෙන්න එපා. රටක් ගිනි ගන්නකොට පාර්ලිමේන්තු මන්ත්රීවරු හිරේ දාන එකද කරන්නේ?
නලින් බණ්ඩාර මහතා – මහනුවර තිබෙන ජාතිවාදී අරගල වයඹට, කුරුණෑගලට ගේන්න උත්සහ ගෙන තිබෙනවා. මේවා මේ වීරවංශලා, ගම්මන්පිලලා වපුරපු ජාතිවාදී බීජ තමයි.
විපක්ෂයේ ප්රධාන සංවිධායක අනුර කුමාර දිසානායක මහතා – කැබිනට් ප්රකාශක රාජිත සේනාරත්න මහතා කැබිනට් තීන්දු ප්රකාශයට පත් කරන ගමන් මේ ප්රකාශය කර තිබෙනවා. රූපවාහිනියෙන් මමත් එය දැක්කා. මේ ගැටුම් සඳහා මන්ත්රීවරුන් දෙදෙනකු හවුල් වෙලා නම් ඔහු මේ නම් නොකියා කියන්නේ දේශපාලන හස්තයක් තිබෙන බවයි. මහනුවර සිද්ධිය පිළිබඳ අදිසි හස්තය හෙළිවෙයි කියලයි පුවත්පත් වාර්තා කර තිබෙන්නේ. ඒ නිසා මේවා ව්යංගයෙන් නොකියා පාර්ලිමේන්තුවට විස්තර ඇතුව කියන්න.
දිනේෂ් ගුණවර්ධන මහතා – 1983 කළු ජූලිය වෙලාවේ එජාපයේ අගමැති සහ ඇමැති මණ්ඩලය මේ පාර්ලිමේන්තුවේදී කිව්වේ මේ පිටුපස දේශපාලන හස්තයක් තිබෙනවා කියලා. ඒ නිසා වහාම ජනතා විමුක්ති පෙරමුණ, ශ්රී ලංකා කොමියුනිස්ට් පක්ෂය, නව සම සමාජ පක්ෂය, තහනම් කරනවා කියලා. ඒ පක්ෂවල නායකයන් මීගමුවේ බන්ධනාගාරයට ගෙනිච්චා. නමුත් මාස ගණනක් යැමට කලින් හෙළිවුණා. කළු ජූලිය ක්රියාත්මක කළේ එජාපයේ නායකයන් බවට.
ප්රශ්නයක් වෙන තැනකට යැමට මහජන නියෝජිතයන්ට අයිතියක් තිබෙනවා. ඒ නිසා වගකිවයුතු අය වෙනුවට වෙන අයගේ කරපිටට දාන්න එපා. අපි අපේ මන්ත්රීවරුන් ආරක්ෂා කර ගත යුතුයි. මේ බොරු චෝදනාවලින් අපේ මන්ත්රීවරු ආරක්ෂා කරන ලෙස කථානායක තුමාගෙන් ඉල්ලා සිටිනවා.
රෝහිත අබේගුණවර්ධන මහතා – රජයේ වගකීම වෙන්නේ තමන්ගේ දේශපාලන විරුද්ධවාදීන්ට ඇඟිල්ල දිගු කිරීමට පෙර මේ ගැටුම නිසා ඇතිවී තිබෙන දේවල්වලට විසඳුම් දීමයි. මේ පුවත්පතින් දෙන පණිවුඩය කුමක්ද? අලුත්ගම දර්ගා නගරයේදී මීට පෙර ඇතිවූ තත්ත්වය සමථයට පත් කරන්න අපිට පල්ලියට, පන්සලට යන්න වුණා. මේ ජාතිවාදී ගිනිදැල් නිවා දමන්න. එහෙම යන්න තිබෙන අයිතියත් නැති කරන්නද මේ හදන්නේ? මේ ගිනිගන්නේ මුළු මහත් ජාතියමයි. රාජිත සේනාරත්න කියන මේ කැබිනට් ප්රකාශකයා ටික කාලයකට හෝ ඉවත් කරන්න කියා මා ඉල්ලනවා.
අනුර දිසානායක මහතා – කැබිනට් ප්රකාශක තුමා කියපු මේ මන්ත්රීවරු කවුද කියලා රජය හෙළි කළ යුතුයි.
කථානායක – මේ පිළිබඳව පරීක්ෂණ කටයුතු කෙරෙනවා. ඒ වාර්තාවලින් පසුව කරුණු හෙළි කරනවා.
අනුර දිසානායක මහතා – ඒක තමයි පරීක්ෂණවලින් පසුවයි මෙවැනි දේවල් කිව යුත්තේ.
බන්දුල ගුණවර්ධන මහතා – අපි කුමන දේශපාලන මතිමතාන්තර දැරුවත් මේ සභාවේ මන්ත්රීවරු දෙදෙනකු ගැන ප්රශ්නයක් මතුවී තිබෙන නිසා කථානායකතුමාට වගකීමක් තිබෙනවා මේ ජාතිවාදී ගිනිදැල්වලට හවුල් වී තිබෙන මන්ත්රීවරු දෙදෙනා කවුද කියලා හෙළි කරන්න. -
මහනුවර ගිනිබත් කල ගෝඨාගේ ජාතිවාදි රෙජිමෙන්තුවට පහසුකම් සපයල තියෙන්නෙ කිරිඇල්ලගෙ ලේකම්
අදාල සම්බන්ධීකරණ ලේකම්වරයා ලක්ෂ්මන් කිරිඇල්ලගේ සම්බන්ධීකරණ ලේකම් ලෙස කටයුතු කිරිමට පෙර ඒකාබද්ධ විපක්ෂයේ මන්ත්රී කෙහෙළිය රබුක්වැල්ලගේ සම්බන්ධීකරණ ලේකම් ලෙස කටයුතු කර ඇති බවද lankaleaks ආරක්ෂක තොරතුරු වාර්තාකරු තොරතුරු අනාවරණය කරගෙන ඇත.
රටම ගිනී තබමින් රටපුරා පැතිර යන අන්තවාදී ගැටුම් පසුපස 2020 ජනාධිපති විමෙ සිහිනයේන් සිටින හිටපු ආරක්ෂක ලේකම් ගෝඨාභය රාජපක්ෂගේ ජාතිවාදි හමුදා කල්ලියේ දෙදෙනෙකු මෙහෙයුම්කරුවන් ලෙස ක්රියාත්මක වන බවට අප පසුගියදා කල අනාවරණය මේ වනවිට තහවුරු කිරිමට lankaleaks ආරක්ෂක තොරතුරු වාර්තාකරු සමත්ව තිබේ.
ඒ අනුව ගෝඨාගේ ජාතීවාදී කදවුරේ ගෝඨාගේ සමිපතම දෙදෙනෙකු වන රක්නා ලංකා හී අධ්යක්ෂක ධුරයක් ඉසිලු මේජර් චින්තක පෙරේරා සහ තෙල් සංස්ථාවේ සේවය කල විශ්රාමික මේජර් ජනරාල් සොයිසා මේ පිටුපස සිටින බව අප අනාවරණය කල අතර මේ වනවිට මේජර් චින්තකට සහ මේජර් ජනරාල් සොයිසාට නුවර සිට මෙම මෙහෙයුම දියත් කිරිම සදහා අවශ්ය පහසුකම් සපයන්නා අනාවරණය වි ඇත.
ජෙනරාල් සොයිසාගේ සහ මේජර් චින්තකගේ කණ්ඩායම් වලට නවාතැන් පහසුකම් සපයා ඇත්තේ ලක්ෂ්මන් කිරිඇල්ල ගේ සම්බන්ධීකරණ ලේකම් බවට විශ්වාස කටයුතු ආරංචි මාර්ග ඔස්සේ lankaleaks ආරක්ෂක තොරතුරු වාර්තාකරු ට තොරතුරු ලැබි ඇති අතර එම තොරතුරු මේ වනවිට තහවුරු කර ගැනිමට හැකියාව ලැබි ඇති බවද ඔහු සදහන් කළා.
ලක්ෂ්මන් කිරිඇල්ල ගේ සම්බන්ධීකරණ ලේකම්වරයා සතුව නුවර හෝටලයක් තිබේන අතර ජෙනරාල් සොයිසා සහ මේජර් චින්තක පසුගිය 2 වැනිදා එම හෝටලයේ නතර වි ඇති අතර 5 රාත්රීයෙ ඔහුන් දෙදෙනා නැවත් පිටත්ව ඇති බවද මේ වනවිට අනාවරණය වි තිබේ.
අදාල සම්බන්ධීකරණ ලේකම්වරයා ලක්ෂ්මන් කිරිඇල්ලගේ සම්බන්ධීකරණ ලේකම් ලෙස කටයුතු කිරිමට පෙර ඒකාබද්ධ විපක්ෂයේ මන්ත්රී කෙහෙළිය රබුක්වැල්ලගේ සම්බන්ධීකරණ ලේකම් ලෙස කටයුතු කර ඇති බවද ආරක්ෂක තොරතුරු වාර්තාකරු තොරතුරු අනාවරණය කරගෙන ඇත.
තෙල්දෙණිය ගිණි තැබිමට කලහකාරී ලෙස හැසිරුණු පිරිස් මේ වනවිට හදුනා ගැනිමට රජයේ බුද්ධි අංශ සමත් වි තිබුනද ගෝඨාගේ කල්ලිය සමග සම්බන්ධ නිසාවෙන් මේ කිසිදු අයෙකු අත් අඩංගුවට ගත නොහැකිව තිබේ.
මේ සම්බන්ධයෙන් තොරතුරු රැසක් අප සතුව පවතින අතර ඒ සියල්ලම ඉදිරියේදි අනාවරණය කිරිමට අප සුදානම් බවද සටහන් කර තබමු.
– lankaleaks.net
-
සයිටම් වෛද්ය සිසුන්ගේ වියදම් රජයෙන් ලබාදීමට පියවර
සයිටම් ආයතනයේ දැනට ඉගෙනුම ලබන වෛද්ය සිසුන් පමණක් කොතලාවල ආරක්ෂක විශ්ව විද්යාලයේ වෛද්ය පීඨයට ඇතුළත් කිරීමට නියමිත අතර ඔවුන්ගේ වියදම් රජයෙන් ලබා දීමට තීරණය කර තිබේ.
ඒ අනුව සිසුන්ගේ අධ්යයන කටයුතු පවත්වාගෙන යාමට අවශ්ය ප්රාග්ධන හා පුනාවර්ථන වියදම් සහ කොතලාවල ආරක්ෂක විශ්ව විද්යාල රෝහලේ සේවාවන් පවත්වාගෙන යාම සඳහා අවශ්ය පුනාවර්තන වියදම් මෙසේ ලබාදීමට නියමිත වන අතර සයිටම් ආයතනයේ වෛද්ය පීඨයේ ඉගෙනුම ලැබූ සිසුන් කොතලාවල ආරක්ෂක විශ්ව විද්යාලයේ වෛද්ය පීඨයට ඇතුළත් කරගැනීම සඳහා සුදුසු ක්රමවේදයක් යෙදීම පිණිස ආරක්ෂක අමාත්යංශ ලේකම්වරයාගේ ප්රධානත්වයෙන් පත්කළ කමිටු වාර්තාව අනුව රජය මෙම තීරණය ගෙන තිබේ.
-
මහබැංකු හොරා ලෙස ඡෝදනා ලැබූ අර්ජුන් මහේන්දුන්ට ලබාදුන් කාලය අදින් අවසන් වෙයි
හිටපු මහ බැංකු අධිපති අර්ජුන් මහේන්ද්රන්ට අපරාධ පරීක්ෂණ දෙපාර්තමේන්තුව හමුවේ පෙනී සිටීමට ලබාදුන් කාලය අදින් (08) අවසන් වේ.
කොටුව මහේස්ත්රාත් ලංකා ජයරත්න මහත්මිය ඔහුට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස ලබාදුන් සිතාසිය මෙතෙක් හිටපු මහ බැංකු අධිපතිවරයාට බාර දීමට මෙතෙක් නොහැකි වූ අතර ඔහු සිංගප්පූරුවේ රැදී සිටින බවට ලැබුණු තොරතුරක් මත කුරියර් සේවාවක් මඟින් සහ සීඝ්රගාමී තැපෑල ඔස්සේ සිතාසි යොමු කිරීමට පියවර ගෙන තිබුණි.
සිංගප්පූරුවේ ඔහු පදිංචිව සිටි නිවස වසා දමා ඇති බවට පසුව වාර්තා වූ අතර අදාල සේවාවේ නියෝජිතයා පසුගිය පෙබරවාරි මාසයේදී අදාළ සිතාසිය භාර දීමට ගිය අවස්ථාවේදී හිටපු මහ බැංකු අධිපතිවරයාට දුරකථන ඇමතුමක්ද ලබාදී ඇති අතර
එහිදී ඔහු සඳහන් කර ඇත්තේ තමා පෙබරවාරි මාසය තුල යළි සිංගප්පූරුවට පැමිණෙන බවයි.කෙසේ වෙතත් අපරාධ පරීක්ෂණ දෙපාර්තමේන්තුව සිතාසිය සම්බන්ධයෙන් ඔහුව දැනුවත් කරමින් පෞද්ගලික ජංගම දුරකථනයට සහ විද්යුත් තැපෑලටද පණිවුඩ යොමුකර තිබේ.
-
ලංකාවේ වත්මන් තත්වය ගැන ඇමරිකාවේ මතය ප්රකාශ කරයි
ප්රචණ්ඩ ක්රියා සිදුකළ පාර්ශ්වවලට එරෙහිව ශ්රී ලංකා රජය කඩිනමින් නීතිය ක්රියාත්මක කළ යුතු යැයි ශ්රී ලංකාවේ එක්සත් ජනපද තානාපති කාර්යාලය නිවේදනයක් නිකුත් කරමින් පවසන අතර රටේ සුළු ආගමික සහ ජනකොටස්වල ආරක්ෂාව සුරක්ෂිත කරමින්, දැනට ප්රකාශයට පත්කර ඇති හදිසි නීතිය ඉක්මනින් අවසන් කළ යුතු යැයිද එම නිවේදනයේ වැඩිදුරටත් දැක්වෙයි.“නීතියේ ආධිපත්යය, මානව හිමිකම් සහ සමානාත්මතාව සාමයට මෙන්ම සහජීවනයට අත්යවශ්ය වේ. ඒ අනුව, රජය ප්රචණ්ඩ ක්රියා සිදුකළ පාර්ශවවලට කඩිනමින් නීතිය ක්රියාත්මක කළ යුතුව ඇත.වැරැදිකරුවන්ට එරෙහිව නීතිය ක්රියාත්මක කළ යුතුව ඇත. මානව හිමිකම් මෙන්ම, සියලු පාර්ශ්වවල මූලික නිදහස ආරක්ෂා කරමින් සුළු ආගමික කොටස් සහ ඔවුන්ගේ ආගමික ස්ථාන ආරක්ෂා කරමින් හදිසි නීතිය ඉක්මනින් අවසන් කළ යුතුව ඇත.” යැයි එම නිවේදනයේ තව දුරටත් සඳහන්ව ඇත. -
වත්කම් හෙළිනොකරපු හිටපු ජනපතිගේ ප්රධාන ආරක්ෂක නිළධාරියාට දඩ
හිටපු ජනාධිපති මහින්ද රාජපක්ෂ මහතාගේ ප්රධාන ආරක්ෂක නිලධාරීයා ලෙස කටයුතු කළ මේජර් නෙවිල් වන්නිආරච්චි නමැත්තාට එරෙහිව අල්ලස් කොමිසමෙන් පවරා තිබූ නඩු පහටම ඔහු වරද පිළිගත් අතර, එක් නඩුවකට රුපියල් 1,000 බැගින් නඩු පහට රුපියල් 5,000ක දඩ මුදලක් කොළඹ අතිරේක මහේස්ත්රාත් අරුණි ආටිගල මහත්මිය නියම කළාය.
වත්කම් හෙළිකළයුතු රාජ්ය නිලධාරියෙකු වන යුද හමුදා මේජර්වරයෙකු ලෙස කටයුතු කරමින් 2010 වසරේ සිට 2014 වසර දක්වා වසර පහක කාලයක් සිය වත්කම් හෙළි නොකළ බවට චෝදනා කරමින් අල්ලස් කොමිසම විත්තිකරුට එරෙහිව නඩු පහක් පවරා තිබිණි.
මෙම නඩුව කැඳවනු ලැබූ අවස්ථාවේදී විත්තිකරු වෙනුවෙන් පෙනී සිටි නීතිඥවරු කරුණු ඉදිරිපත්කරමින් තම සේවාදායකයාට එරෙහිව ඉදිරිපත් කොට ඇති චෝදනාවලට ඔහු වරද පිළිගන්නේ යැයි පැවසූහ.
ඒ අනුව ඉදිරිපත් වූ කරුණු සැලකිල්ලට ගත් මහේස්ත්රාත්වරිය එක් චෝදනාවකට රුපියල් 1,000 බැගින් චෝදනා පහට රුපියල් 5,000ක දඩ නියම කළාය.
-
සුරක්ෂා රක්ෂණාවරණය යටතේ මේ වනවිට රුපියල් මිලියන27ක මුදලක් රක්ෂණ ප්රතිලාභ ලෙස සිසුන් වෙත මුදාහැර අවසන්
අධ්යාපන අමාත්යාංශය හඳුන්වා දුන් සුරක්ෂා රක්ෂණාවරණය යටතේ ඊයේ (06දා)දිනය වනවිට රුපියල් මිලියන27ක මුදලක් රක්ෂණ ප්රතිලාභ ලෙස සිසුන් වෙත මුදාහැර අවසන් බවට ශ්රී ලංකා රක්ෂණ සංස්ථාව දැනුම්දුන් බව අධ්යාපන අමාත්යාංශය සඳහන් කරයි.
එමෙන්ම පසුගිය වසරේ ඔක්තෝබර් සිට පෙබරවාරි දක්වා ගෙවීගිය මාස 05ක කාලය ඇතුළත රක්ෂණ ගෙවීම් සඳහා ඉල්ලීම් 6,600 ක් ශ්රී ලංකා රක්ෂණ සංස්ථාව වෙත ලැබී ඇති බවත් පාසල් සිසුන් ලක්ෂ 10කට මේ වනවිට සුරක්ෂා සිසු රක්ෂණාවරණයට අදාළ රක්ෂණ කාඩ්පත ලබාදී තිබෙන අතර, මාර්තු මාසය අවසන්වනවිට සිසුන් ලක්ෂ 20ක් දක්වා මෙම කාඩ්පත ලබාදීමට අපේක්ෂිත බවද අමාත්යාංශය ප්රකාශ කරයි.
අධ්යාපන අමාත්ය අකිල විරාජ් කාරියවසම් මහතාගේ මෙහෙයවීම මත ක්රියාවට නැංවෙන සුරක්ෂා සිසු රක්ෂණ වැඩසටහන මගින් ශ්රී ලංකාවේ පාසල් 11,242ක් තුළ අධ්යාපනය ලබන පාසල් සිසුන් ලක්ෂ 45කට ආසන්න පිරිසකට සෞඛ්ය රක්ෂණාවරණය හිමිවෙයි.
මේ යටතේ පාසල් දරුවෙකුගේ බාහිර ප්රතිකාර සඳහා වාර්ෂිකව රුපියල් 10,000ක් දක්වාද, රෝහල්ගත වීමකදී රුපියල් 100,000ක් දක්වාද, පාසල් දරුවෙකුගේ හදිසි මරණයකදී රුපියල් 100,000ක් දක්වා මෙන්ම පාසල් දරුවෙකුගේ මව හෝ පියා හදිසියේ මරණයට පත් වූ විටදී රුපියල් 75,000ක වන්දි මුදලක්ද ලබා දෙයි.
එමෙන්ම දරුවා පූර්ණ ආබාධිත තත්ත්වයකට පත්වීමේදී රුපියල් 100,000ක් සහ අර්ධ ආබාධිත තත්ත්වයකදී රුපියල් 50,000 සිට රුපියල් 100,000ක් දක්වා ඇතුළු තවත් ප්රතිලාභ රැසක් හිමි වේ.
දිවයිනේ සියලුම ජාතික සහ පළාත් පාසල්, පෞද්ගලික පාසල් හා ජාත්යන්තර පාසල් සහ සියලු පිරිවෙන්වල අධ්යාපනය ලබන සියලු සිසුන් සඳහා අධ්යාපන අමාත්යාංශය මගින් හඳුන්වා දුන් සුරක්ෂා සිසු රක්ෂණාවරණයේ ප්රතිලාභ ලබාදීම මේ වනවිට ක්රියාවට නැංවෙමින් පවතී.
-
ලෝක ගුරු සම්මේලනයේ ඉදිරි වසර 4ක කාලයට සභාපති ශ්රී ලංකාවෙන්
ලංකා ගුරු සේවා සංගමය නියෝජනය කරමින් සමුළුවට සහභාගි වූ එම සංගමයේ ප්රධාන ලේකම් මහින්ද ජයසිංහ මහතාට මෙක්සිකෝවේ පැවැති ලෝක ගුරු සම්මේලනයේ 18 වැනි සමුළුවේදී ඉදිරි වසර 04ක කාලයක් සඳහා නිලධාරී මණ්ඩලය පත්කර ගැනීමේදී සභාපති තනතුර හිමිව ඇත.
පසුගිය 04 වැනිදා සහ 05 වැනිදා මෙම සමුළුව පැවැති අතර රටවල 40කට වැඩි ප්රමාණයක ගුරු සංගම් මෙම සම්මේලනය නියෝජනය කරන ලදී, මෙවන් සමුළුවක ප්රධාන තනතුරක් හිමි වූ පළමු අවස්ථාව මෙය බවද ලංකා ගුරු සේවා සංගමය සඳහන් කරයි.
-
ජාත්යන්තර උපත් ආබාධ දිනය අදයි
ජාත්යන්තර උපත් ආබාධ දිනය අදට(03) යෙදෙන යෙදී ඇත. ඒ වෙනුවෙන් ඊයේ කොළඹ දී පැවැති සම්මන්ත්රණයකට එක්වෙමින් ප්රජා විශේෂඥ වෛද්ය කපිල ජයරත්න මහතා කියා සිටියේ ශ්රී ලංකාවේ වසරකට ස්වභාවික ගබ්සාවීම් 48,000ක් පමණ සිදුවන බවයි.
ලංකාව තුල වසරකට ලක්ෂ 4 ක් ගැබ් ගන්නා බවත් ඒ අතරින් තුන් ලක්ෂ තිස් එක්දහසක් පමණක් සජීවි දරු උපත් බිහිකරන බවත් එහිදී ඔහු වැඩිදුරටත් කියා සිටියේය.
-
පූජ්ය දරණාගම කුසලධම්ම හිමියන් අපවත් වේ
කොළඹ ශ්රී සම්බෝධි විහාරයේ විහාරාධිපති පූජ්ය දරණාගම කුසලධම්ම ස්වාමීන් වහන්සේ අපවත් වී ඇත.
කාලයක් තිස්සේ අසනීප තත්වයේ සිටි උන්වහන්සේ අද (03) අලුයම අපවත් වී ඇති අතර අපවත් වන විට වන්වහන්සේ 54 වැනි වියේ පසුවිය.බෞද්ධයා මාධ්යජාලයේ ප්රධානත්වය දැරූ උන්වහන්සේ ධර්මප්රචාරය වෙනුවෙන් විශාල මෙහෙවරක් ඉටු කල සඟරුවණකි.