Category: සුපිරි Politics

කොළඹ තරු පහේ හෝටලයකදී පසුගියදා යහපාලන රජයේ ප්‍රබල ඇමැතිවරයකු සහ හිටපු ජනාධිපති මහින්ද රාජපක්ෂගේ සමීපතම නිලධරයකු අතර පැවැති රහස් සාකච්ඡාවක් ගැන ආණ්ඩුවේ ඉහළම තැන්වලට වාර්තා වී ඇත.

දකුණු පළාතේ ප්‍රබලයකු වන මේ ඇමතිවරයා අගමැති රනිල් වික්‍රමසිංහ ළඟින් ඇසුරු කරන තැනැත්තෙකි.
එම සාකච්ඡාවට සහභාගි වී ඇති රාජපක්ෂ හිතවාදී නිලධරයා මහින්ද රාජපක්ෂ රජයේ ප්‍රබල භූමිකාවක් ගෙන ගිය ආයතන කිහිපයකම මුල් පුටු හෙබවූ අයකු බව දැනගන්න ලැබේ.

මේ සාකච්ඡාව සම්බන්ධීකරණය කර ඇත්තේ මහින්ද රාජපක්ෂ හිටපු ජනාධිපතිවරයාටත් මෙන්ම රනිල් වික්‍රමසිංහ අගමැතිවරයාට සමීපතමයකු වන සංචාරක ක්‍ෂේත්‍රයට සම්බන්ධ අයකු බවටද තොරතුරු වාර්තාවනවා.

ඉදිරියේදී ක්‍රියාත්මක කිරීමට අපේක්ෂිත ශ්‍රී ලංකා නිදහස් පක්ෂය දෙකඩ කිරීමේ රහසිගත වැඩපිළිවෙළ පිළිබඳවත් ඒ වෙනුවෙන් ලබාදෙන සහයෝගය වෙනුවෙන් හිමිවන ප්‍රතිලාභ පිළිබඳවත් මෙහිදී දීර්ඝ වශයෙන් සාකච්ඡා වී ඇති බවද ආණ්ඩුවේ ඉහල තැන්වලට අනාවරණය වී තිබේ.

මීට පෙරද අවස්ථා කිහිපයකදී මේ පුද්ගලයාගේ මැදිහත්වීමෙන් මේ සම්බන්ධයෙන් සාකච්ඡා පවත්වා ඇති අතර යහපාලන රජයට සම්බන්ධ එජාප හා ශ්‍රී ලනිප අතර වසර දෙකක් සඳහා ඇති කරගෙන තිබෙන එකඟතාව තවත් වසර දෙකකට දීර්ඝ කර ගැනීමට සාකච්ඡා වෙමින් පවතින මොහොතක උත්සාහයක යෙදීම දේශපාලන අංශවල ප්‍රබල කතාබහට ලක්ව තිබේ.

[rns_reactions]

තමන්කඩුව – ගාමිණී ඔබේසේකර

ජනාධිපති මෛත්‍රිපාල සිරිසේන මහතාගේ ග්‍රහබලය ඉතාම ප්‍රබලයි. කිසිම කෙනකුට එතුමාට ගුප්ත ශාස්ත්‍රීය ක්‍රමවලින් හෝ වෙනත් අයුරකින් හිරිහැර කිරීමට නොහැකි යැයි ඇළහැර, බකමූණ, ප්‍රාදේශීය සංඝනායක ශාස්ත්‍රපති ප්‍රවීණ ජේ‍යා්තිෂවේදී ලියන්ගස්වගුරේ දේවානන්ද හිමියෝ පැවැසූහ.

“මව්බිම”ට විශේෂ ප්‍රකාශයක් කරමින් ලියන්ගස්වගුරේ දේවානන්ද හිමියෝ මෙසේද කීහ.

එතුමාගේ වාසනාගුණය අනුව මේ රටේ රාජ්‍ය නායකයා වශයෙන් පත්වුණා. එම ග්‍රහබලය ඉතාමත්ම ශක්තිමත් කිසිම සතුරකුට එතුමාට එරෙහි වන්නට හැකියාවක් නැහැ.

ඇතැම් පුද්ගලයන් ගුප්ත ක්‍රියා මඟින් එතුමාට නපුරක් කරන්නට උත්සාහ කරන්නේ මානසික මට්ටම පහත දමන්නටයි. එවැන්නක් කිසිසේත්ම සිදුවන්නේ නැහැ.
මා දන්නා තරමින් ජනාධිපතිතුමා එම කටයුතු කෙරෙහි කිසිදු විශ්වාසයක් තබන්නේ නැහැ.

ජනාධිපතිතුමා තෙරුවන් නමැඳ පුද පූජා පවත්වමින් ආශීර්වාද ලබාගන්නවා. ඒ අනුව ධර්මානුකූලව හැසිරෙන තැනැත්තා ධර්මය විසින්ම ආරක්ෂා කරනවා. ජනාධිපතිතුමාගේ ග්‍රහබලය 2006 වසරේ සිට ඉතාම බලවත්, එය 2025 වනතුරු බලපවත්වයි.

මේ අවස්ථාවේදී එතුමාට සිතින් හෝ හිරිහැරයක් කරන්නට මොනයම් කෙනෙක් උත්සාහ ගන්නේ නම් ඒ අයට විශාල අකුසලයක් සිදුවන බවද නාහිමියෝ සඳහන් කළහ.

[rns_reactions]

විදේශ කටයුතු අමාත්‍යංශයට තවත් ප‍්‍රබල ආයතන දෙකක් එක් කිරීමේ සූදානමක් ඇතැයි අපට වාර්තා වුණා. ඒ අනූව ශ‍්‍රී ලංකන් ගුවන් සමාගම සහ සුරැකුම් පත් හා විනිමය කොමිසම විදේශ කටයුතු අමාත්‍යංශය යටතට පැවරීමට නියමිත බවයි වාර්තා වුණේ.

පසුගියදා සිදු කෙරුණු අමාත්‍ය මණ්ඩල සංශෝධනයෙන් පසු විදේශ කටයුතු අමාත්‍යංශයට අයත්ව නොතිබුණු. ජාතික ලොතරැයි මණ්ඩලය සහ සංවර්ධන ලොතරැයි මණ්ඩලය විදේශ කටයුතු අමාත්‍යංශය යටතට පැවරුණා. මීට අමතරව මහපොල භාර කාර අරමුදල ද විදේශ කටයුතු අමාත්‍යංශය යටතට පත් කිරීමට සූදානමක් ඇති බව මීට පෙර අනාවරණ කළා.

[rns_reactions]