Category: සුපිරි Politics

මුදල් අමාත්‍ය රවී කරුණානායක මහතා 2017 වසරේ ආසියා පැසිපික් කලාපයේ හොඳම මුදල් අමාත්‍යවරයා ලෙස බ්‍රිතාන්‍යයේ ‘ද බෑන්කර්’ සඟරාව විසින් නම් කිරීමට අදාළ සම්මානය පිරිනැමීම ලබන බ්‍රහස්පතින්දා (23) බ්‍රිතාන්‍යයේ ලන්ඩන් නුවරදී සිදු වන බව මුදල් අමාත්‍යාංශය පවසනවා.

නව ආර්ථික ප්‍රතිසංස්කරණ යුගයක් කරා ශ්‍රී ලංකාව රැගෙන යාම හා ඒ වෙනුවෙන් ශ්‍රී ලංකා සමාජය මානසික වශයෙන් සූදානම් කිරීමට ගත් උත්සාහය ඇගයීමට ලක් කරමින් බ්‍රිතාන්‍යයේ සුප්‍රසිද්ධ මූල්‍ය සඟරාවක් වන ‘ද බෑන්කර්’ සඟරාව මෙම නම් කිරීම සිදු කළේ.

ඒ අනුව, බ්‍රිතාන්‍යයේ ලන්ඩන් නුවර පිහිටි ද බෑන්කර් සඟරාවේ ප්‍රධාන මූලස්ථානයේ සිදු කරන මෙම සම්මාන ප්‍රදානය සඳහා මුදල් අමාත්‍ය රවී කරුණානායක මහතා හෙට (22) දිවයිනෙන් පිටත්ව යාමට නියමත බවද මුදල් අමාත්‍යාංශය වැඩිදුරටත් සඳහන් කරනවා.

කුප්‍රකට බැදුම්කර මංකොල්ලයට නමගිය අර්ජුන් මහේන්ද්‍රන් මහතාගේ බෑණනුවන් වන අර්ජුන් ඇලෝසියස් ට අයත් W.M.මෙන්ඩිස් මත්පැන් නිෂ්පාදනාගාරය සඳහා 2017  වසරේ අය වැය තුලින් 100%ක ප්‍රාග්ධන දීමනාවක් හිමි වි තිබෙනවා. කල්කුඩා ප්‍රදේශයේ ඉදිවෙම්න් පවතින නව මත්පැන් නිෂ්පාදනාගාරයෙහි වටිනාකම රුපියල් කෝටි 400ක් බවත් ඉහත සඳහන් කල  100%ක ප්‍රාග්ධන දීමනාව ලබා දී ඇත්තේ මෙම මත්පැන් නිෂ්පාදනාගාරයේ ආයෝජනයට සඳහායි.   ENA වර්ගට අයත් මෙම මත්පැන්  නිෂ්පාදනාගාරය  සඳහා අනුමැතිය ලැබී ඇත්තේ 2017 අයවැයට කලින් බව වැඩිදුර ආරංචිමාර්ග සඳහන් කරනවා.

2015 මැයි  13න් වන දින රාජ්‍ය මුල්‍ය ප්‍රතිපත්ති දෙපාර්තමේන්තුව විසින් සුරාබදු දෙපාර්තමේන්තුවට දන්වා මෙම මත්පැන් නිෂ්පාදනාගාරය නියම ව්‍යාපෘතියක් ලෙස අනුමැතිය ලබාගෙන ඇති බවයි. ඊට දින දෙකකට පසුව සුරාබදු දෙපතමේන්තුව විසින් ද  මෙම මත්පැන් නිෂ්පාදනාගාරය සඳහා අනුමැතිය ලබා දී ඇත.

මෙම අනුමැතිය ලබා දී ඇති දෙපාර්තමේන්තු  දෙකම  මුදල් ඇමති රවී කරුණානායක මහතා යටතේ පැවතීම ද විශේෂ කාරනාවකි.

මේ අතර ඉකුත් මාර්තු 16 වැනි දින මඩකලපුව එරාවුර් ප්‍රාදේශීය සංවර්ධන කමිටු රැස්වීමේදී පළවූ අදහසයි මේ..

“ලංකාවේ වැඩිම මත්පැන් අලවිසැල් තිබෙන්නේ මඩකලපුවේ. මත්පැන් අලවිසැල් යලි අරබන්න එපා කියලා ජනතාවගෙන් ලොකු ඉල්ලීමක් තිබෙනවා. එහෙම තිබියදීත්  මත්පැන් අලවිසැල් පමණක් නොව ඇලෝසියස් මහතාගේ මත්පැන් නිෂ්පාදනාගාරයක් ද මේ ප්‍රදේශයේ ඉදිවෙමින් පවතිනවා. එකේ වියදම කෝටි 450ක්. දිස්ත්‍රික් ලේකම්, ප්‍රාදේශීය ලේකම්, වාලච්චේන ප්‍රාදේශීය සභාව, වාලච්චේන ප්‍රාදේශීය සභාවේ ලේකම් උත්සහා  ගත්තා මෙය නවත්වන්න. නමුත් ප්‍රාදේශීය සභාවේ අනුමැතියකින් තොරව මෙය කරගෙන යනවා..”  යනුවෙනි 

වාලච්චේන කල්කුඩා ප්‍රදේශයට ගියහොත් මේ වනවිටත් බැදුම්කර මුදල් වලින් අරක්කු නිෂ්පාදනාගාරය ඉදිවන හැටි ඔබට සියැසින් දැකගත හැකියි.

රජයේ වාහන අවභාවිත කිරීමේ චෝදනා සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් විරවංශ මහතා තවදුරටත් රක්ෂිත බන්ධනාගාර ගත කර තිබේ.

රජයේ වාහන අවභාවිත කිරීමේ චෝදනා සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි මන්ත්‍රීවරයා අද(20) කොටුව මහෙස්ත්‍රාත් අධිකරණය වෙත ඉදිරිපත් කෙරුණි.

එහිදී කොටුව මහේස්ත්‍රාත් ලංකා ජයරත්න මෙනවිය නියෝග කළේ විමල් වීරවංශ මන්ත්‍රීවරයා ලබන මස 03 වන දින දක්වා තවදුරටත් රක්ෂිත බන්ධනාගාර ගත කරන ලෙසයි.

විමල් වීරවංශ ඇමතිවරයෙකුව සිටියදී රජයේ වාහන ඔහුගේ පවුලේ ඥාතීන්ගේ පරිහණයට ලබාදී රුපියල් කෝටි 10ක පමණ මහජන මුදල් අවභාවිතා කොට ඇත.

ජනාධිපති මෛත්‍රීපාල සිරිසේන මැතිතුමා සහ අගමැති රනිල් වික්‍රමසිංහ මහතා අතර 17 වැනි දින පෙරවරුවේ ජනාධිපති කාර්යාලයේදී හදිසියේම හමු වි  තිබෙනවා. ඒ අමාත්‍යමණ්ඩල  සංශෝදනය පිළිබඳව සාකච්චා කිරීම සඳහා..

මෙම හමුව සඳහා  මලික් සමරවික්ක්‍රම, මහින්ද සමරසිංහ,ලක්ෂ්මන් යාපා අබේවර්ධන හා සුසිල් ප්‍රේමජයන්ත යන අමාත්‍යවරුන් සහභාගී වි තිබෙන අතර   මංගල සමරවීර මහතාට හදිසි කැඳවීමක් කර තිබුනද එතුමන් නොපැමිණි බව සඳහන් කලා..

එමෙන්ම මහා මාර්ග, කනිජ තෙල්, මුදල්, වරාය, ධිවර සහ ඉඩම් යන විෂයන්ට අදාලව අමාත්‍යමණ්ඩල සංශෝදනය වන බව දේශපාලන මණ්ඩලයේ උණුසුම් කතා බහක් ඇති වි තිබෙනවා.. ඒ අනුව එම විෂය පථයට අදාල ඇමතිවරුන් වන ලක්ෂ්මන් කිරිඇල්ල, චන්දිම වීරක්කොඩි, රවී කරුණානායක, අර්ජුන රණතුංග, මහින්ද අමරවීර හා ජෝන් අමරතුංග මහත්වරුන්ගේ අමාත්‍යධුර සංශෝදනය විය හැකි බව ආරංචි මාර්ග සඳහන් කරනවා..

එමෙන්ම දැනට රාජ්‍ය අමාත්‍යධුර දරන ලක්ෂ්මන් යාපා අබේවර්ධන හා ඩිලාන් පෙරේරා යන  මහත්වරුන් හට කැබිනට් අමාත්‍යධුර ලැබෙන බවට ආරංචියක් පවතිනවා..

මුදල් ඇමතිකම අගමැතිවරයා යටතට පවරා ගෙන අදාල විෂය සම්බන්දයෙන් නියෝජ්‍ය ඇමතිවරයෙකු පත්කිරීමටද යෝජනා වි තිබෙනවා.

කෙසේ වෙතත් පවතින දේශපාලන වාතාවරණය තුල එම අමාත්‍යමණ්ඩල සංශෝදනය දින නියමයක් නොමැතිව  කල් ගිය බවට වැඩිදුර ආරංචිමාර්ග හදහන් කරනවා..

ජාතික නිදහස් පෙරමුණේ නායක විමල් වීරවංශ මහතා සිරගත කොට මේ වන විට මාස දෙකකට අධික කාලයක් ගතවෙනවා. මේ වන විට සමහරක් උදවියට ඔහු පිළිබඳව අමතකවි ගොස් ඇති බවට ඔහු වරෙක තම හිතමිතුරන්ට කියා තිබෙනවා. සිරගෙයි ගෙවන ජීවිතය නිසාත් තමන් එකල කොන්දේසි විරහිතව  පෙනී සිටි රාජපක්ෂලා සහ ඒකාබද්ද විපක්ෂයේ ඇතැමුන් දැන් තමන් වෙනුවෙන් පෙනී නොසිටීමත් විමල් වීරවංශ ගේ මානසිකත්වය කඩා වැටීමට හේතුවයි.

වීරවංශ සිරගත වුයේ තම පවුලේ නෑදෑ පිරිසට හා හිතවතුන්ට ගිහි සැප රිසි සේ විදීමට ජනතාවගේ මුදල් අවභාවිතා කර මිස රට වෙනුවෙන් වැඩකටයුතු කර නොවේ.  මේ වන විට විරවංශ කෙරෙහි එල්ලවන දැඩි ජනතා  අප්‍රසාදය නිසා කිසිදු දේශපාලකයෙක් ඔහු කෙරේ පෙනී නොසිටීම වීරවංශගේ මානසික කඩා වැටීමට එක් හේතුවක් වි තිබෙන බවත් 

 ඒකාබද්ධ විපක්ෂයේ ශ්‍රීලනිප මන්ත්‍රීවරුන්ට සාධාරණයක් ඉටුවන පරිදි, වත්මන් ශ්‍රී ලංකා නිදහස් පක්ෂයේ නායක ජනාධිපති මෛත්‍රීපාල සිරිසේන මහතා යටතට ඔවුන් පවරා දීමටත් ඒ තුළින් තම කීර්තිනාමයත්, පවුලත් ආරක්ෂා කරගැනීමේ උත්සාහයක නිරතවීමක් පෙනෙන නිසා තමා ඇතුළු උදය ගම්මන්පිල වැනි  අනෙකුත් සුළු පක්ෂවල දේශපාලන සගයන් දේශපාලනික  වශයෙන් අනාථ වන බව වැටහෙන නිසා වීරවංශ මහතාගේ  මානසිකත්වය හොදින්ම කඩා වැටි ඇති බවට ඔහු බැලීමට බන්ධනාගාරයට ගිය අයෙකු පවසා තිබෙනවා.. 

රුසියානු ජනාධිපති ව්ලැද්මීර් පුටීන්ගේ ආරාධනයක් අනුව ජනාධිපති මෛතී‍්‍රපාල සිරිසේන මහතා නිල සංචාරයක් සඳහා හෙට (19) රුසියාව බලා පිටත්ව යන අතර හෙට සිට ලබන 24 දා දක්වා ජනාධිපතිවරයා රුසියාවේ රැඳී සිටීමට නියමිත බව ජනාධිපති මාධ්‍ය අංශය සඳහන් කළේය.

දෙරට අතර සංස්කෘතික, සංචාරක සහ ආර්ථික ක්‍ෂෙත‍්‍රවල ගිවිසුම් කිහිපයකට මෙහිදී අත්සන් තැබිමට නියමිත අතර අමාත්‍යවරුන් වන මහින්ද සමරසිංහ, ජෝන් අමරතුංග සහ එස්. බී. නාවින්න ඇතුළු පිරිසක් ජනාධිපතිවරයා සමඟ මෙම සංචාරයට එක්වීමට නියමිතය.

බැදුම්කර විමර්ශනය කරන කොමිසම හමුවේ ඊයේ දින එනම් 16 වැනිදා ප්‍රථම වරට පෙනී සිටියේ මුල්‍යය මණ්ඩලයේ ලේකම් එච්.ඒ.කරුණාරත්න මහතාගෙනි.

ඔහු කියා සිටියේ එවක මහබැංකු අධිපති අජිත් නිවාඩ් කබ්රාල් මහතා එම ධුරයෙන් ඉවත්වන විට ඔහුත් සමග තවත් නියෝජ්‍යාධිපතිවරු දෙදෙනෙක් ඉල්ලා අස් වූ බවයි..අර්ජුන්එ මහතා විසින් එම පුරප්පාඩු පවා පුරවා ඇත්තේ මෙම ප්‍රශ්ණගත බැදුම්කර සිද්දිය වුවාට පසුවයි…

එමෙන්ම අර්ජුන් මහේන්ද්‍රන් මහතා අධිපති ධුරයට පැමිණි පසු මහබැංකුවේ දෙපාර්තමේන්තු ප්‍රධානීන්ගේ ස්ථානමාරු 34ක් සිදු වි තිබෙනවා. තවද බැදුම්කර නිකුත් කරන ප්‍රධාන වගකීමක් දරන රාජ්‍ය ණය දෙපාර්තමේන්තුවේ ප්‍රධානියා ඉවත් කොට ඒ සඳහා අත්දැකීමෙන් අඩු කිසිදු දැනුමකින් තොර නිලධාරිනියක් එම දෙපාර්තමේන්තුවට පත් කොට තිබෙනවා. මහබැංකුවේ සාමාන්‍යයෙන් වසරකට ස්ථානමාරු 250ක් පමණ සිදු වුවත් අර්ජුන් මහතාගේ 2015 වසර තුල මහබැංකුව තුල ස්ථානමාරු 500ක් පමණ සිදුවී ඇති බව කරුණාරත්න මහතා පවසා සිටියා…මෙම ස්ථානමාරුවීම් වලට තමන් අකමැති බව එම නිලධාරීන් අර්ජුන් මහතාගේ නිවසට දෙවතාවක්ම ගොස් දැනුවත් කලද අර්ජුන් මහතා මේ පිළිබඳව කිසිදු තීරණයක් ගත්තේ නැති බව ද කරුණාරත්න මහතා සඳහන් කලා,

තම සේවා කාලය තුල මහබැංකු අධිපතිවරු 8 දෙනෙකු යටතේ සේවය කලත් ඔවුන් කිසිවෙකුගෙන් මෙවන් අත්දැකීමක් නොලද බවයි ඔහු වැඩිදුරටත් පවසා සිටියේ..

වැඩිදුර සාක්ෂි විමසීම ලබන සඳුදාට කල් තැබුවා….

30 වසරක යුද්ධයෙන් පසුව සියලුම පුරවැසියන්ගේ සිත් සුවපත් කිරිමේ ක්‍රියාවලිය සඳහා ජනපති මෛත්‍රීපාල සිරිසේන මහතා ගන්නා ක්‍රියාමාර්ග ඇමෙරිකාවේ පැසසුමට ලක්ව තිබෙන අතර ඇමෙරිකානු රාජ්‍ය දෙපාර්තමේන්තුව නිවේදනයක් නිකුත් කරමින් මේ බව සඳහන් කර ඇත. එසේම එක්සත් ජාතීන්ගේ මානව හිමිකම් කොමිසමේදී ශ්‍රී ලංකාව සම්බන්ධයෙන් ගෙන එන යෝජනාවලියට ශ්‍රී ලංකාව හා සම අනුග්‍රහය දැක්වීමටත් ඇමෙරිකාව එකඟ බව එම නිවේදනයේ දැක්වෙයි.

ඇමරිකාවේ මෙම තීන්දුව හේතුවෙන් අනෙකුත් රටවල්ද ශ්‍රී ලංකාවට සහය ලබාදිමට නියමිත අතර ජනාධිපති මෛත්‍රිපාල සිරිසේන මහතාගේ ශක්තිමත් විදේශ ප්‍රතිපත්ති හේතුවෙන් මෙලෙස ඇමරිකාවේ සහය හිමිකරගැනීමට හැකි වී ඇත.ජනාධිපතිවරයාගේ දේශීය යාන්ත්‍රණය පිළිබද ස්ථාවරයට ඇමරිකාව විශේෂ පැසසුමකට ලක් කර ඇත.

ශ්‍රීලංකා ජනාධිපති තුමාගේ ස්ථාවරය වී ඇත්තේ විදෙස් විනිසුරුවන් නොමැතිව ශ්‍රී ලංකාව තුලදී වග වීමේ ක්‍රියාවලිය ගෙනයාමට මෙවන් පසුබිමක ඇමරිකාවෙන් ජනපති මෛත්‍රී අගය කොට සහය පළකිරීම ශ්‍රී ලංකාවට හිමිවීම ඉතා සුභදායි කාරණයකි.

මේ වනවිට තම බලය ගොඩනගාගැනිම වෙනුවෙන් විමල් විරවංශව විකුණමින් සිටින මහින්ද රාජපක්ෂගේ මිලග ගොදුර ශෂි විරවංශ බව විශ්වාසකටයුතු ආරංචිමාර්ග විසින් සනාථ කර ඇත. වාහන අවභාවිතා චෝදනාවකට බන්ධනාගාරගත කල විමල් වෙනුවෙන් පෙනිසිටින බව අගවමින් ශෂි විරවංශ ඇතුළු නෑ පිරිසගේ විශ්වාසය දිනාගනිමින් එලඹෙන විදේශ සංචාරයකට ශෂි විරවංශවද රැගෙන යාමට මහින්ද කටයුතු කරමින් සිටින බව අපට වාර්තා වේ.

බලයේ සිටියදි බස්නාහිර පලාත් අමාත්‍යධුරය දරමින් සිටි උපාලි කොඩිකාරගේ බිරිද වන මහරගම හිටපු නගරාධිපතිනිය වන කාන්ති කොඩිකාරවද මේ ආකාරයෙන් සැමියා ලංකාවේ තබා මහින්ද විදේශ සංචාරවලට රැගෙන ගිය බව රටම දන්නා රහසකි. මෙලෙස කාන්තාවන් සංචාරවලට රැගෙන යාම මහින්දගේ විනෝදාංශයක් බවට පත්වි ඇත.

වි‍ද‍ේශ රටක පුරවැසිභාවය හිමි සන්ධාන පාර්ලිමේන්තු මන්ත්‍රී ගීතා කුමාරසිංහට පාර්ලිමේන්තු මන්ත්‍රී ධූරය දැරිය නොහැකි බව නීතිපති අභියාචනාධිකරණය දන්වා ඇති බව වාර්තා වෙයි. මේ හේතුව නිසා ගීතා කුමාරසිංහ මහත්මියට පාර්ලිමේන්තු මන්ත්‍රී ධූරය අහිමි වුවහොත් මීළඟට ගාල්ල දිස්ත්‍රික් එක්සත් ජනතා නිදහස් සන්ධාන ලැයිස්තුවේ සිටින හිටපු අමාත්‍ය පියසේන ගමගේ මහතාට පාර්ලිමේන්තු වරම් හිමිවනු ඇත..ඒ, ඇය ද්විත්ව පුරවැසිභාවය හොබවන බැවින් පාර්ලිමේන්තු මන්තී‍්‍රවරියක් ලෙස කටයුතු කිරීමට නොහැකි බවට නියෝගයක් නිකුත් කරන්නැයි ඉල්ලා ගොණුකළ රීට් පෙත්සම කැඳවූ අවස්ථාවේදීයි.

අභියාචනාධිකරණ සභාපති විනිසුරු විජිත් මලල්ගොඩ ඇතුළු ති‍්‍රපුද්ගල විනිසුරු මඩුල්ලක් හමුවේ නඩුව කැදවනු ලැබුවා.

එහිදී නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් ජනක් ද සිල්වා පැවසුවේ ද්විත්ව පුරවැසිභාවය හොබවන යම් තැනැත්තෙකු පාර්ලිමේන්තු මන්තී‍්‍ර ධුරය සඳහා නුසුදුසු බව ආණ්ඩුක‍්‍රම ව්‍යවස්ථාවේ දක්වා ඇති බවයි. ගීතා කුමාරසිංහ මන්තී‍්‍රවරිය මේ වනවිට ශී‍්‍ර ලංකාවේ සහ ස්විට්සර්ලන්තයේ පුරවැසිභාවය හොබවන බැවින් පාර්ලිමේන්තු මන්තී‍්‍ර ධුරය සඳහා නුසුදුසු බවයි ඔහු කියාසිටියේ.
ගීතා කුමාරසිංහ මන්තී‍්‍රවරිය ස්විට්සර්ලන්තයේ පුරවැසිභාවය අවලංගු කර ගෙන ඇති බවට කිසිඳු සාක්‍ෂියක් නොමැති බවද අධිකරණයේදී අද ප‍්‍රකාශ කෙරුණා.
අදාළ රීට් පෙත්සම ගොණුකරනු ලැබ තිබුණේ ගාල්ල ප‍්‍රදේශයේ පදිංචිකරුවන් පස් දෙනෙකු විසින්

චන්ද්‍රිකා බණ්ඩාරනායක කුමාරතුංග මහත්මියට  විරුද්ධව දිසා අධිකරණයේ නඩු පැවැරීමට නාමල් රාජපක්ෂ මහතා  තීරණය කොට ඇත.

හේතුව නම් ඩුබායි රටේ ඩොලර් මිලියන 1000ක් තැනගේ නමින්  බැංකුවක ඇති බවටත් හොංකොං ඇතුළු රටවල තවත් බැංකු ගිණුම් ඇති බවටත් හිටපු ජනාධිපතිනිය කරන ලද ප්‍රකාශයක් මඟින් තමන්ගේ කීර්තිනාමයට දැඩි  හානියක් සිදුවූ බව නාමල් රාජපක්ෂ මහතා සඳහන් කරයි. එමනිසා  පසුගිය පෙබරවාරි 8දා රුපියල් මිලියන 250ක වන්දියක් ඉල්ලා නාමල් රාජපක්ෂ මන්ත්‍රිවරයා විසින් හිටපු ජනාධිපතිනියට එන්තරවාසියක් යවා තිබිණි.

සති 2ක් ඇතුළත එම මුදල ගෙවන ලෙස එම එන්තරවාසිය මඟින් දැනුම්දී තිබුණද හිටපු ජනපතිනිය එම මුදල ගෙවා නොතිබිම හේතුවෙන්  ඉදිරි දෙසතිය ඇතුළත දිසා අධිකරණයේ නඩු පැවැරීමට නාමල් රාජපක්ෂ මහතා කටයුතු කරමින් සිටියි.