Category: සුපිරි Sports

ලොව පුරා පාපන්දු පේ‍්‍රක්ෂකයින්ගේ සිත් මොහොතකට සලිත කරමින් වත්මන් ලෝක ශූර ජර්මනියට මෙවර පාපන්දු ලෝක කුසලාන තරගාවලියේ මූලික වටයෙන්ම ඉවත් වීමට සිදු වුණා.

ඒ, දකුණු කොරියාව සමග පැවති තීරණාත්මක තරගයෙන් පරාජයට පත්වීම හේතුවෙන්. ලෝක පාපන්දු ඉතිහාසයේ ශූරතාවයට හිමිකම් කියන කණ්ඩායමක් මෙලෙස මූලික වටයෙන්ම ලෝක කුසලාන තරගාවලියකින් ඉවතට විසිවූ 06 වන අවස්ථාව මෙයයි.

මීට පෙර ප‍්‍රංශය, බ‍්‍රසීලය, ඉතාලිය සහ ස්පාඤ්ඤයට ද මෙම ඉරණම අත්වි තිබෙනවා. ජර්මනිය ලෝක පාපන්දු ඉතිහාසයේ ලෝක කුසලාන තරගාවලියක මූලික වටයෙන්ම ඉවතට විසිවී ඇත්තේ 1938 වසරෙන් පසු පළමු වරටවීම ද විශේෂත්වයක්. 

ඊයේ (28) රාත‍්‍රියේ පැවති තීරණාත්මක තරගයෙන් දකුණු කොරියාව හමුවේ ජර්මනිය පරාජයට පත්වූයේ ගෝල දෙකට බිංදුවක් ලෙසයි. ජාත්‍යන්තර තරගයකදී ලෝක ශූර කණ්ඩායමක් පරාජයට පත් කළ පළමු ආසියානු රට ලෙසට ද දකුණු කොරියාව මෙහිදී ඉතිහාසයට එක්වුණා.

එමෙන්ම මෙවර තරගාවලියේ ඔවුන් ලැබූ එකම ජය වන්නේ ද ලෝක ශූරීන් පරදා ලැබූ මෙම ජයග‍්‍රහණයයි. මුලසිට උණුසුම් මුහුණවරක් ගත් තරගයේ පළමු මිනිත්තු 90දී කිසිඳු කණ්ඩායමකට ගෝල රැස් කිරීමට හැකි වූයේ නැහැ. 

අතිරේක කාලය ආරම්භ වී ගත වූ තුන්වන මිනිත්තුවේදී දකුණු කොරියාව පළමු ගෝලය රැස් කළා. පීඩනය ජර්මනිය කෙරෙහි දැඩි ලෙස එල්ල වීමත් සමග ඔවුන්ගේ දැල් රකින ක‍්‍රීඩකයා ද ක‍්‍රීඩකයෙකු ලෙස පිටියට පිවිසීම එහිදී සිදු වූ විශේෂත්වයක්. එහි වාසිය හිමිකර ගත් දකුණු කොරියාව තවත් මිනිත්තු 03ක් ගතවද්දී දෙවන ගෝලය ද වාර්තා කර ගනිමින් මෙම ඉතිහාසගත ජයග‍්‍රහණය වාර්තා කළා. 

මෙම කාණ්ඩයේ ඊයේ රාත‍්‍රියේ පැවති තවත් තරගයකින් ගෝල තුනට බිංදුවක් ලෙස මෙක්සිකෝව පරාජය කළ ස්වීඩනය ද දහසයේ වටයට සුදුසුකම් ලබාගත්තා. 

මේ අතර ඊයේ රාත‍්‍රියේ පැවති තවත් තීරණාත්මක තරගයකින් සර්බියාව පරදා ගෝල දෙකට බිංදුවක් ලෙස ජය අත්කර ගැනීමට බ‍්‍රසීලය සමත් වුණා. මෙම තරගය ජයගැනීමත් සමග ඔවුන්ද ඊ කාණ්ඩයෙන් පෙරමුණ ගනිමින් අවසන් දහසයේ වටයට සුදුසුකම් ලබා ගත්තා. 

ගෝල දෙකට දෙකක් ලෙස කොස්ටරිකාව සමග පැවති තරගය සමවීමත් සමග ස්විස්ටර්ලන්තය ද දහසය දෙනාගේ වටයට ඊයේ රාත‍්‍රියේ සුදුසුකම් ලබාගත්තා. මේ අතර ලෝක කුසලාන පාපන්දු තරගාවලියේ මූලික වටයේ තවත් තරග 04ක් අද (28) පැවැත්වීමට නියමිතයි. 

බටහිර ඉන්දීය කොදෙවු කණ්ඩායම පරදා ලංකාව කඩුලු 06කින් තරගය ජයගනී… කුසල් යලිත් පිටියට…..

https://www.youtube.com/watch?v=9mK1QawINjA

තෙවෙනි තරගයේ අපේ සිංහයන්ට ජයග්‍රාහි ඉලක්කය ලකුණු 144ක්….. මැච් එක සජීවීව බලන්න ලින්කුව මෙන්න….

https://www.youtube.com/watch?v=JJXh_O18cMU

බටහිර ඉන්දීය කොදෙව් කණ්ඩායම සමග පැවති දෙවන ටෙස්ට් තරගයේ 02 වන දිනයේදී පන්දුවේ හැඩය වෙනස් කිරීමේ චෝදනාවට අන්තර්ජාතික ක්‍රිකට් කවුන්සිලය විසින් නායක දිනේෂ් චන්දිමාල් හට එක් ටෙස්ට් තරග තහනමක් සහ ඔහුගේ තරග ගාස්තුවෙන් 100% දඩයක් පැනවීමට තීරණය කර තිබෙනවා.

දෙවන ටෙස්ට් තරගයේ තරග තීරක වශයෙන් කටයුතු කල ජවගල් ශ්‍රීනාත් සිය වාර්තාවේ සඳහන් කර ඇත්තේ නායක දිනේෂ් චන්දිමාල් පන්දුවේ හැඩය වෙනස් කිරීම සඳහා සිය මුඛයේ තබා ගෙන තිබු කෘතීම ද්‍රව්‍යයක් යොදා ගත් බවට රුපවාහිනි දර්ශණ වලදී සටහන්ව ඇති බවයි. ” ඔහුගේ කලිසම් සාක්කුවේ තබාගෙන තිබු යම් දෙයක් මුඛයේ දමාගෙන පසුව එය ඇගිල්ලේ ආධාරයෙන් පන්දුව ඔප දැමීමට යොදා ගත් අයුරු රුපවාහිනි දර්ශණ මගින් පෙනී යන බවයි”.

මෙම අවස්ථාවේදී ශ්‍රී ලංකා කණ්ඩායමේ කළමනාකාරිත්වය ද තමන් සතු වීඩියෝ පට ඉදිරිපත් කර ඇති අතර තරග තීරකවරයා වන ජවගල් ශ්‍රීනාත් සඳහන් කර ඇත්තේ තමන්ට තිබෙන කාල රාමුවට අනුව චෝදනා ගොනු කර දඩුවම් පැමිණවීමට කටයුතු කරන බවයි.

දිනේෂ් චන්දිමාල්ට මේ අනුව බටහිර ඉන්දීය කොදෙව් කණ්ඩායමට එරෙහිව ලබන 23 වනදා බාර්බඩෝස් හිදී ආරම්භ වීමට නියමිත දිවා/රාත්‍රී ටෙස්ට් තරගය ක්‍රීඩා කිරීමේ අවස්ථාව අහිමිවනු ඇති.

කෙසේ වුවත් තමන්ට එරෙහිව පැනවූ දඩුවම සඳහා පැය 48 ක් ඇතුලත තරග තිරකවරයාට ලිඛිත අභියාචනයක් ඉදිරිපත් කිරීමට දිනේෂ් ච්න්දිමල්ට අවකාශ හිමිවනවා.

මේ අතර දෙවන ටෙස්ට් තරගයේ 03 වන දිනයේදී පන්දුව මාරු කිරීමට විරෝධය පළකරමින් ශ්‍රී ලංකා ක්‍රීඩකයින් පන්දු රකිම සඳහා පිටියට පිවිසීමට ප්‍රමාද කිරීම නිසා ක්‍රිකට් ක්‍රීඩාවේ ජිවගුණයට හානි කල බවට චෝදනා කරමින් නායක  දිනේෂ් චන්දිමාල්, කණ්ඩායමේ පුහුණුකරු චන්දික හතුරුසිංහ සහ කළමනාකරු අසංක ගුරුසින්හ හට ICC ය විසින් චෝදනා ගොනු කර තිබෙනවා. 

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් දූපත් අතර පැවැත්වෙන දෙවන ටෙස්ට් තරගය සිවුවෙනි දිනට අවසන් වෙද්දි තරගයට නැවතත් ප්‍රවිෂ්ඨ වූ ශ්‍රී ලංකාව කඩුලු අටකට ලකුණු 334ක් ලබා සිටියි. මේ අනුව ශ්‍රී ලංකා කණ්ඩායම කොදෙව්වන්ට වඩා ලකුණු 287ක් ඉදිරියෙන් සිටිති.

ශ්‍රී ලංකා දෙවන ඉනිම වෙනුවෙන් මැදපෙල සවිමත් කළ කුසල් මෙන්ඩිස් (87) දිනේෂ් චන්දිමාල් (39), රොෂේන් සිල්වා (48), නිරෝෂන් දික්වැල්ල (62) ශ්‍රී ලංකා ඉනිම ගොඩ නැගුවේය.

මේ අතර තරගාවලිය පුරාවටම ශ්‍රී ලංකා කණ්ඩායමට අවාසි සහගත තීරණ ලබා දුන්නේ යැයි රසිකයන්ගේ චෝදනාවන්ට ලක්ව සිටින විනිසුරුවරුන් දෙදෙනාගේ ක්‍රියාකලාපය ඊයේ (17) දිනයේදී කතාබහට ලක්විය. දෙවන දිනයේ දිවා ආහාරයට පෙර ගැබ්‍රියෙල්ගේ පන්දුවකට නායක දිනේෂ් චන්දිමාල් ස්ලිප් ක්‍රීඩකයෙකුට උඩ පන්දුවක් ලබා දි දැවි ගියේය. කෙසේ වෙතත් එම පන්දුව නිපන්දුවක් වූ අතර, එය නිපන්දුවක් බවට විනිසුරුට පෙන්වා දුන්නේ ප්‍රති අන්තයේ සිටි කුසල් මෙන්ඩිස් විසින් ය. 

ඉන්පසුව පන්දුවේ දෝෂයක් යැයි කියමින් කුසල් මෙන්ඩිස්ගේ පිත්ත පරීක්ෂා කළ විනිසුරුවරුන්, කුසල් මෙන්ඩිස්ගේ පිත්ත මාරු කිරීමටද පියවර ගත්තේය. 

විනිසුරුවන් දෙපළ විසින් ශ්‍රී ලංකා නායක දිනේෂ් චන්දිමාල්ට පන්දුව පලුදු කිරීමේ චෝදනා එල්ල කර තිබූ අතර එම චෝදනා වලින් තමන් නිර්දෝෂී බවට චන්දිමාල් ප්‍රකාශ කර තිබෙන බව අන්තර්ජාතික ක්‍රිකට් කවුන්සලය නිවේදනයක් නිකුත් කරමින් ප්‍රකාශ කරනවා.