Blog

BTS රැප් ගායක සුගා හමුදා සේවය අතරතුර බීමත්ව රිය පැදවීමේ සිද්ධිය සම්බන්ධයෙන් සමාව අයැද සිටී

BTS හි රැප් ගායක සුගා (Suga) බීමතින් රිය පැදවීමේ සිද්ධිය සම්බන්ධයෙන් BTS දකුණු කොරියානු හමුදාවෙන් සමාව ඉල්ලා නිල ප්‍රකාශයක් නිකුත් කළ බව දකුණු කොරියානු මාධ්‍ය වාර්තා කියයි. සුගා මාර්තු මාසයේ සිට දකුණු කොරියානු හමුදා සේවයේ සමාජ සේවා නියෝජිතයෙකු ලෙස සේවය කරයි.

සුගාගේ රියදුරු බලපත්‍රය අවලංගු කර ඔහුට දඩ ද නියම කර ඇති බව ද දකුණු කොරියානු මාධ්‍ය අනාවරණය කළේය

“හෙලෝ, මේ BigHit Music. බීටීඑස් හි සාමාජික සුගා බීමත්ව විදුලි ස්කූටරයකින් නිවසට පැදවීමේ කාරණය සම්බන්ධයෙන් අපි සමාව අයදිමු. අගෝස්තු 6 වැනිදා රාත්‍රියේ සුගා මත්පැන් පානය කර නිවසට විදුලි ස්කූටරයකින් යමින් සිටියදී මෙම සිද්ධියට මුහුණ දී ඇත. ඔහු ස්කූටරය නැවැත්වීමට පෙර මීටර් 500ක් පමණ ධාවනය කර බිම ඇද වැටී ඇත. ඒ අසල සිටි පොලිස් නිලධාරියකු මත්පැන් පානය කර ඇත්දැයි පරීක්ෂා කරන යන්ත්‍රයක් මගින් සුගාව පරීක්‍ෂා කර එහි ප්‍රතිඵල අනුව සුගාගේ බලපත්‍රය අවලංගු කර දඩයක් ද නියම කර ඇත. සිද්ධිය හරහා ජීවිත හානි කිසිවක් සිදුවී නැති අතර කිසිදු දේපළකට හානි සිදුවී ද නැත. පොලිසියෙන් ඔහුව ගෙදර ගෙන ගියා. අපගේ කලාකරුවාගේ නොගැලපෙන ක්‍රියාවන් හරහා බොහෝ මිනිසුන් කලකිරීමට පත් කිරීම ගැන අපි සමාව අයදිමු. රාජ්‍ය සේවයේ නිළධාරියෙකු ලෙස සමාජය තුළ කැළඹීමට ලක්වන අයුරින් කටයුතු කළ ඔහු තම සේවා ස්ථානයෙන් නිසි දඬුවම් ලැබීමට සැලසුම් කරයි. ඉදිරියේදී මෙවැනි සිදුවීම් ඇති නොවීමට අපි වඩාත් කල්පනාකාරී වෙමු. ස්තූතියි,” BigHit Music සිය නිවේදනයේ සඳහන් කළේය.

සුගා පසුගිය මාර්තු මාසයේ සිට කොරියාවේ හමුදා සේවයේ විකල්ප ආකාරයක් වන සමාජ සේවා නියෝජිතයෙකු ලෙස සේවය කරයි. ලබන වසරේ ජුනි මාසයේදී ඔහු සේවයෙන් ඉවත් වනු ඇත.

ශ්‍රී ලංකා පොදුජන පෙරමුණ (SLPP) ඉදිරි මැතිවරණයේ ජනාධිපති අපේක්ෂකයා ලෙස පාර්ලිමේන්තු මන්ත්‍රී නාමල් රාජපක්ෂ මහතා නිල වශයෙන් ප්‍රකාශයට පත් කර තිබේ.  බත්තරමුල්ල නෙළුම මාවතේ පිහිටි ශ්‍රී ලංකා පොදුජන පෙරමුණේ ප්‍රධාන කාර්යාලයේදී මීට සුළු මොහොතකට පෙර ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් මහතා මේ බව ප්‍රකාශ කළේය.

ජ්‍යෙෂ්ඨ පුරවැසියන්ගේ බැංකු තැන්පතු සඳහා ගෙවනු ලබන පොලී අනුපාතය සඳහා 2% සහනාධාරයක් ලබා දෙමින් 10%ක උපරිම පොලී අනුපාතයක් ලබා දීම සඳහා ජනාධිපතිවරයා මුදල් අමාත්‍යවරයා ලෙස ඉදිරිපත් කළ කැබිනට් පත්‍රිකාවට අනුමැතිය හිම වූ බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.

ඉදිරි සැප්තැම්බර් මාසයේ සිට මෙම සහනය ජ්‍යෙෂ්ඨ පුරවැසියන්ට හිමි වන බව ද අමාත්‍යවරයා වැඩි දුරටත් සඳහන් කළේය.

අමාත්‍යවරයා පෙන්වා දෙන්නේ වයස අවුරුදු 60ට වැඩි සිය ගිණුමේ රුපියල් මිලියනය දක්වා මුදල් තැන්පතු පවතින, මාසිකව සිය පොලී මුදල ලබා ගන්නා ජ්‍යෙෂ්ඨ පුරවැසියන් වෙත මෙම ප්‍රතිලාභය හිමි වන බවයි.

මීට පෙර රජය ලබා දුන් විවිධ පොලී සහනවලට අදාළව රුපියල් බිලියන 88ක පමණ මුදලක් තව දුරටත් රජය විසින් බැංකු වෙත ගෙවීමට ඇති තත්ත්වයක් තුළ පවා ජනාධිපතිවරයා මෙම පියවර ගනු ලැබුවේ පොලී මුදලෙන් මාසිකව ජීවිත්වන ජ්‍යෙෂ්ඨ පුරවැසියන්ගේ ඉල්ලීමට සානුකම්පිත ප්‍රතිචාර දැක්වීමක් ලෙස බවට අමාත්‍යවරයා ප්‍රකාශ කළේය.

ICC මාසයේ පිරිමි ක්‍රීඩකයා සම්මානය සඳහා 2024 ජූලි මාසයේ සිට ඉහළම දක්ෂතා දැක්වූ ක්‍රීඩකයින් තිදෙනෙක් කෙටි ලැයිස්තුගත කර ඇත.

Gus Atkinson (England)

26 හැවිරිදි Gus Atkinson ඔහුගේ විස්මිත ටෙස්ට් මංගල්‍යය සිදු කළේ ජේම්ස් ඇන්ඩර්සන්ගේ සමුගැනීම වෙනුවෙන් ලෝඩ්ස් ක්‍රීඩාංගණයේ පැවැති ජාත්‍යන්තර තරඟයේදීය.

ඇට්කින්සන් සිය පළමු ටෙස්ට් තරගයේ දී විශිෂ්ට ලෙස ක්‍රීඩා කළ අතර ඉනිම දෙකේදී කඩුලු 12ක් දවා ගත්තේය. ඔහු තවත් කඩුලු 5ක් දවාගනිමින් (5/61) ආරම්භක වීරත්වය පසුපස හඹා යද්දී එංගලන්තය බටහිර ඉන්දිය කොදෙව් කණ්ඩායමට එරෙහිව ලකුණු 114කින් ඉනිමක ජයක් වාර්තා කළේය. මුළු කඩුලු 12කට ඔහු තරගයේ වීරයා සම්මානය සඳහා අවිවාදිත තේරීම විය.

ඇට්කින්සන් ඉතිරි ටෙස්ට් තරග දෙක පුරාවටම තවත් කඩුලු 10ක් දවා ගනිමින් ඔහුගේ විශිෂ්ට දස්කම් දිගටම පවත්වා ගෙන ගියේය. බර්මින්හැම් හි පැවති අවසන් ටෙස්ට් තරගයේ පළමු ඉනිමේ කඩුලු 4ක් දවා ගැනීම මීට ඇතුළත් විය. නොටින්හැම් හිදී පැවැති දෙවැනි ටෙස්ට් තරගයේදී නොදැවී ලකුණු 21ක් සහ අවසන් තරගයේදී තවත් ලකුණු 21ක් රැස්කරමින් ඔහු පිත්තෙන් ද දස්කම් දැක්වීය. දැවී යෑම් 22ක් සමඟින් තරගාවලියේ වැඩිම කඩුලු ලාභියා ලෙස ඇට්කින්සන් තරගාවලියේ වීරයා සම්මානය දිනා ගත්තේය.

වොෂින්ටන් සුන්දර් / Washington Sundar (ඉන්දියාව)

වසර ගණනාවක් නොපසුබස්නා උත්සාහයෙන් සහ තුවාල වලට එරෙහිව සටන් කිරීමෙන් පසුව, වොෂින්ටන් සුන්දර් අවසානයේ ඉන්දීය කණ්ඩායම තුළ ස්ථාපිත වී ඇති බව පෙනේ.

සුන්දර්ට තරග පහකින් සමන්විත විස්සයි 20 තරගාවලියක් සඳහා සිම්බාබ්වේ සංචාරයක නිරත වූ තරුණ ඉන්දීය සංචිතයේ ස්ථානයක් හිමි විය. ඔවුන්ගේ පිරිමි T 20 ලෝක කුසලාන ජයග්‍රහණයෙන් පසු නිත්‍ය T 20 ක්‍රීඩකයින් විවේක ගනිමින් සිටින විට, සුන්දර් කණ්ඩායමේ ප්‍රමුඛතම (දඟ පන්දු යැවීමේ) තුන් ඉරියව් ක්‍රීඩකයා ලෙස ඉදිරියට ගොස්, ඔහුගේ වටිනාකම ඔප්පු කරමින් සහ ඔහු කෙරෙහි තැබූ විශ්වාසය සාධාරණීකරණය කළේය.

සුන්දර් පළමු විස්සයි 20 තරගයේදී ඉන්දියාවේ අනපේක්ෂිත පරාජයේ දී කැපී පෙනෙන දක්ෂතා දැක්වූ දීප්තිමත් ක්‍රීඩකයින්ගෙන් කෙනෙකි. ආකර්ෂණීය පන්දු යැවීමක නිරත වෙමින් ලකුණු 11කට කඩුලු 2ක් දවා ගත්තේය.

ඉතිරි තරග හතරේදීම තවත් කඩුලු 6ක් දවාගනිමින් සහ 4-1ක් ලෙස තරගාවලියේ ජයග්‍රහණය වාර්තා කිරීමට කණ්ඩායමට උපකාර කරමින් ඔහු ඉන්දියාවේ ජයග්‍රහණය සඳහා ප්‍රධාන කාර්යභාරයක් ඉටු කළේය. සුන්දර් 3/15ක විශිෂ්ට කඩුලු සංඛ්‍යාව වෙනුවෙන් තෙවැනි තරගයේ තරගයේ වීරයා ලෙස නම් කෙරුණු අතර තරගාවලියේ වීරයා සම්මානය ද දිනා ගත්තේය.

ශ්‍රී ලංකා තරඟාවලිය සඳහා නිත්‍ය ක්‍රීඩකයින් නැවත පැමිණීමත් සමඟ, සුන්දර් එක් තරඟයකට පමණක් සීමා වූ නමුත් තරඟයේ ක්‍රීඩකයා සම්මානය හිමිකර ගනිමින් ත්‍රාසජනක සුපිරි ඕවර තරඟයකදී ඔහුට ලැබුණු අවස්ථාවෙන් උපරිම ප්‍රයෝජන ගත්තේය.

අඩු ලකුණු ප්‍රමාණයක තරගයකදී සුන්දර්ගේ තීරණාත්මක පන්දු 18කින් ලකුණු 25ක් ලබා දීම හේතුවෙන් ඉන්දියාවට තරගකාරී මුළු ලකුණු සංඛ්‍යාව 137/8ක් විය. ශ්‍රී ලංකාව ජයග්‍රහණය කරා ඇදෙමින් සිටින බව පෙනී ගිය අතර, පන්දු 24 කදී කඩුලු 8 ක් අතැතිව ලකුණු 23 ක් පමණක් අවශ්‍යව තිබූ අතර, සුන්දර් ඔහුගේ අවසන් ඕවරයේදී නාටකාකාර පෙරළියක් ඇති කළේය.

සුපිරි ඕවරයේදී සුරයකුමාර් යාදව් සුන්දර් කෙරෙහි විශ්වාසය තැබූ අතර ඔහු දක්ෂ ලෙස පන්දු යවමින් (ලකුණු දෙකක් පමණක් ලබා දෙමින්) කඩුලු දෙකක් දවා ගත්තේය. ශ්‍රී ලංකාව සමග පැවැති තරගමාලාව 3-0ක් ලෙස ජයගැනීමට ඉන්දියාව සමත්විය.

චාලි කැසෙල් / Charlie Cassell (ස්කොට්ලන්තය)

ජූලිය මංගල සිහින සඳහා මාසයක් වූ අතර, ගස් ඇට්කින්සන්ගේ විශිෂ්ට දස්කම්වලින් පසුව, ඕමානයට එරෙහිව ඩන්ඩිහිදී ඔහුගේ මංගල එක්දින තරගයේ අවධානය සොරාගත් ක්‍රීඩකයා ස්කොට්ලන්තයේ චාලි කැසෙල් / Charlie Cassell විය.

කැසෙල් අමතක නොවන පළමු හැඟීම ඇති කළේය. කැපී පෙනෙන කඩුලු හතක් දවාලීමට (7/21) සහ කගීසෝ රබාඩාගේ නව වසරක් පැරණි වාර්තාව (6/16) බිඳ දැමීමට සිය මංගල එක්දින තරඟයේදී ඔහුට හැකි විය.

ඕමානයේ සීෂාන් මක්සූද් සහ අයාන් ඛාන් දවාගනිමින් ජාත්‍යන්තර ක්‍රිකට් පිටියේ ඔහුගේ පළමු පන්දු දෙකේදීම කඩුලු 2ක් දවාගනිමින් කැසෙල් අවධානය දිනා ගත්තේය.

18 වැනි ඕවරය වන විට, දකුණත් වේග පන්දු යවන්නා ඒ වන විටත් කඩුලු 5ක් දවාගෙන සිටි අතර, ඔහු 7/21 වැනි ලකුණු සංඛ්‍යාවක් සමඟින් අවසන් වන තෙක් පසුපෙළ අන්තය බිඳ දමමින් ඕමානය ලකුණු 91කට සීමා කළේය.

කැසෙල්ගේ දක්‍ෂතාව වාර්තාගත මංගල දර්ශනයක් පමණක් නොව එක්දින ඉතිහාසයේ 7 වැනි හොඳම පන්දු යැවීම ලෙස ද ශ්‍රේණිගත විය. කැසෙලේට ඉදිරියෙන් සිටින්නේ, ඇන්ඩි බිචෙල්, වනිඳු හසරංග, රෂීඩ් ඛාන්, ග්ලෙන් මැග්‍රාත්, ෂාහිඩ් අෆ්රිඩි සහ චමින්ද වාස් පමණි.

“එය ටිකක් අධි යථාර්ථවාදී යි. ඔබ අවදි වන්නේ ඔබේ මංගල තරඟයේදී කඩුලු එකක් හෝ දෙකක් ලබා ගැනීමට බලාපොරොත්තුවෙන්… ඔබ කඩුලු හතක් ලබා ගැනීමට බලාපොරොත්තු වන්නේ නැහැ”” කැසෙල් තරගයෙන් පසුව පැවසීය.

Icc cricket.com ඇසුරිණි

සටහන – මධූ වික්‍රමසිංහ

බේකරි නිෂ්පාදනය සහ සහල් මිල අඩුවීමේ වාසිය පාරිභෝගිකයන්ට ලැබී නොමැති බව පාරිභෝගික කටයුතු පිළිබඳ අධිකාරියේ සභාපති ටී. අයි. උඩුවර මහතා පැවසීය.

මිල ප්‍රදර්ශනය කරන වෙළෙඳසැල්වලින් පමණ භාණ්ඩ මිලදී ගන්නා ලෙස ජනතාවගෙන් ඉල්ලා සිටින බව ද ඔහු වැඩි දුරටත් සඳහන් කළේය.

බේකරි නිෂ්පාදන ඇතුළු සියලුම භාණ්ඩ අළෙවියේදී මිල ප්‍රදර්ශනය කිරීම අනිවාර්ය බවත් මිල ප්‍රදර්ශනය නොකරන වෙළදුන් සොයා රටපුරා වැටලීම් ක්‍රියාත්මක බවත් උඩුවර මහතා කීය.

පාරිභෝගික කටයුතු පිළිබඳ අධිකාරීයේ විමර්ෂණ නිලධාරීන් පසුගිය දින කීපයේදී පාන් මිල සම්බන්ධයෙන් පමණක් රට පුරා වැටලීම් 200කට අධික සංඛ්‍යාවක් කළ බව ද උඩුවර මහතා වැඩි දුරටත් සඳහන් කළේය.

පෞද්ගලික හේතු මත තමා ඉදිරි ජනාධිපතිවරණය  සඳහා  අපේක්ෂකයකු  වශයෙන්  ඉදිරිපත් නොවන බව සඳහන් කරමින් ප්‍රකට ව්‍යාපාරික ධම්මික පෙරේරා මහතා ශ්‍රී ලංකා පොදු ජන පෙරමුණේ මහ ලේකම් නීතිඥ  සාගර කාරියවසම් මහතාට ලිපියක් යොමු කර ඇති අබව ශ්‍රීලපොපො ආරංචි මාර්ග කියයි.

මේ අතර පොහොට්ටුව සල්ලිකාරයින්ට කුලියට දෙන්න බදු දෙන්න හෝ විකුණන්න සුදුසු පක්ෂයක් නොවේ දැයි ද පොහොට්ටුව යනු මිනිස්සුන්ගේ දාඩිය මහන්සියෙන් හදපු පක්ෂයක් බව ද ආණ්ඩු පක්ෂ ප්‍රධාන සංවිධායක නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අද (06) පැවසීය.

ජනාධිපති රනිල් වික්‍රමසිංහ මහතාට සහාය පළකරන ශ්‍රී ලංකා පොදුජන පෙරමුණ නියෝජනය කරන මන්ත්‍රීවරුන්ගේ විශේෂ සාකච්ඡාවකදී අමාත්‍යවරයා මේ බව සඳහන් කළේය.

2024 ජනාධිපතිවරණය සඳහා අපේක්ෂකයන් 18 දෙනෙකු මේ දක්වා ඇප මුදල් තැන්පත් කර ඇතැයි මැතිවරණ කොමිෂන් සභාව නිවේදනය කරයි. මැතිවරණ කොමිෂන් සභාව විසින් අද (06) දින නිකුත් කළ එම නිවේදනය පහත දැක්වේ.

‘කලීඩා සියා මහත්මිය සිරෙන් නිදහස් කිරීම පිළිබඳ මම සතුටු වෙනවා. ෂෙයික් හසීනා මහත්මිය මෙය බොහෝ කලකට පෙර සිදු කළා නම්, ඇයට තවමත් බංගලාදේශයේ අග්‍රාමාත්‍යවරිය ලෙස කටයුතු කළ හැකිව තිබුණා’ යැයි ජනාධිපති රනිල් වික්‍රමසිංහ මහතා පැවසීය.

ජනපතිවරයා මේ බව සඳහන් කළේ අද (06) පෙරවරුවේ කොළඹ සිනමන් ග්‍රෑන්ඩ් හෝටලයේ දී ආරම්භ කෙරුණු 2024 පරිසර, සමාජීය හා පාලනය (ESG) පිළිබඳ සමුළුව අමතමිනි.

කොළඹ විශ්වවිද්‍යාලයේ ව්‍යාපාර පරිපාලන පශ්චාත් උපාධි ආදි විද්‍යාර්ථීන්ගේ සංගමය විසින් “පැහැපත් අනාගතයක් සඳහා තිරසර මංපෙත්” යන තේමාව යටතේ සංවිධානය කරන ලද මෙම සමුළුව අද දිනය පුරා පැවැත්වෙන අතර පරිසර, සමාජ සහ පාලනය යන ක්ෂේත්‍රයන්හි විශේෂඥයින් 15 දෙනෙකු පමණ තිරසරභාවය සඳහා පරිවර්තනය වීම වෙනුවෙන් වැදගත්වන දැනුම, අවබෝධය සහ නවෝත්පාදන විසඳුම් බෙදා ගැනීම වෙනුවෙන් ඊට එක්ව සිටී.

මෙහිදී අදහස් දක්වමින් ජනාධිපතිවරයා මෙසේ ද ප්‍රකාශ කළේය. ‘අපගේ මිත්‍ර රටක් වන බංගලාදේශයේ දේශපාලනය පිළිබඳ කතා කිරීමට මා අදහස් නොකරන නමුත් ඒ පිළිබඳ යමක් සඳහන් කළයුතුයි. ෂෙයික් හසීනා මහත්මිය අග්‍රාමාත්‍ය ධුරයෙන් ඉවත්ව ගියත්, අප ඉතා අසීරු අවස්ථාවක සිටිදී ඇය අපේ රටට ඩොලර් මිලියන 200ක් ලබා දුන් බව මම සිහිපත් කළ යුතුයි.

ඒ නිසා මේ මොහොතේ ඇත්තටම වැටී සිටින පුද්ගලයෙකු ගැන හොඳ වචනයක් ප්‍රකාශ කිරීම සාධාරණ යැයි මම සිතනවා. කලීඩා සියා මහත්මිය සිරෙන් නිදහස් කිරීම පිළිබඳ මම සතුටු වෙනවා. ෂෙයික් හසීනා මහත්මිය මෙය බොහෝ කලකට පෙර සිදු කළා නම්, ඇයට තවමත් බංගලාදේශයේ අග්‍රාමාත්‍යවරිය ලෙස කටයුතු කළ හැකිව තිබුණා. බංග්ලාදේශයේ තත්ත්වය ඉක්මනින් සමථයකට පත්වේවායි අප ප්‍රාර්ථනා කරනවා. බංගලාදේශ නැවත යථා තත්ත්වයට පත්වෙනු ඇති බවට මට සැකයක් නැහැ.කෙටි කාලීනව යම් යම් ප්‍රශ්න ඇති වේවි, නමුත් මතක තබා ගන්න ශ්‍රී ලංකාවේ අපටත් ඒ දේම සිදුවුණා. බංගලාදේශයේ විශාලතම ආයෝජකයින්ගෙන් අප ද එක් රටක් වන නිසා අපි ඒ රටේ රැකියා අවස්ථා ඇති කර තිබෙනවා.

ලෝකය තුළ පවතින තත්ත්වයන් යහපත් නොවන බව මෙම සිදුවීම්වලින් පැහැදිලි වෙනවා. නමුත් ශ්‍රී ලංකාව මෙම කටයුතුවලින් ඉවත් වන බවක් එයින් අදහස් වන්නේ නැහැ

නොබෙල් ත්‍යාගලාභී මුහම්මද් යුනුස් අන්තර්වාර බංග්ලාදේශ රජයේ ප්‍රධාන උපදේශක ධූරයට

නොබෙල් සාම ත්‍යාගලාභී ආචාර්ය මුහම්මද් යුනුස් / Muhammad Yunus බංගලාදේශයේ අන්තර්වාර රජයේ ප්‍රධාන උපදේශකයා වනු ඇති බව ‘වෙනස් කොට සැලකීමට එරෙහි ශිෂ්‍ය ව්‍යාපාරයේ’ සම්බන්ධීකාරකවරු  ප්‍රකාශ කළහ.  අගමැතිනී ෂික් හසීනා රටින් පලා ගිය බැවින් පාර්ලිමේන්තුව විසුරුවා හැර අන්තර්වාර ආණ්ඩුවක් පිහිටුවන බව බංග්ලාදේශ ජනාධිපති මොහොමඩ් ෂහාබුදීන් ප්‍රකාශ කිරීමෙන් පසුව මෙය සිදුවිය.

ව්‍යාපාරයේ ප්‍රධාන සම්බන්ධීකාරකයෙකු වන නහිඩ් ඉස්ලාම් පැවසුවේ ‘රට බේරා ගැනීම සඳහා ශිෂ්‍ය ප්‍රජාවගේ කැඳවීම මත මහාචාර්ය යුනුස් මෙම තීරණාත්මක වගකීම භාර ගැනීමට එකඟ වූ බව’යි. මීට පෙර, Nahid, Asif Mahmud සහ Abu Bakar Mazumdar විසින් වීඩියෝ පණිවිඩයක් නිකුත් කරන ලද අතර, ඔවුන් රටේ මීළඟ අගමැතිවරයා ලෙස යුනුස්ගේ නම ප්‍රකාශයට පත් කළහ.

“පුළුල් පිළිගැනීමක් ඇති ජාත්‍යන්තර වශයෙන් කීර්තිමත් නොබෙල් ත්‍යාගලාභී ආචාර්ය මොහොමඩ් යූනුස් ප්‍රධාන උපදේශකයා වන අන්තර්වාර රජය පිහිටුවීමට අපි තීරණය කර තිබෙනවා” තවත් සම්බන්ධීකාරකවරුන් දෙදෙනෙකු විසින් පිරිවරා ගෙන සිටි නහිඩ් පැවසීය.

84 හැවිරිදි යුනුස් බංග්ලාදේශය “බේරාගැනීමේ” වගකීම භාර ගැනීමට එකඟ වී ඇති බව ඔවුහු පැවසූහ. අන්තර්වාර ආණ්ඩුවේ සෙසු සාමාජිකයන්ගේ නම් කඩිනමින් ප්‍රකාශයට පත් කරන බව නහිඩ් පැවසීය.

නහිඩ් පැවසුවේ කණ්ඩායමට අන්තර්වාර පරිපාලනයේ රාමුව ප්‍රකාශයට පත් කිරීමට පැය 24 ක් ගත වූ නමුත් අවුල් සහගත තත්ත්වය නිසා වහාම නම ප්‍රකාශයට පත් කිරීමට ඔවුන්ට සිදු වූ බවයි. දුප්පත් මිනිසුන්ගේ බැංකුකරණය පිළිබඳ අත්හදා බැලීමෙන් බංග්ලාදේශය ක්ෂුද්‍ර ණයවල නිවහන ලෙස කීර්තියට පත් වූ යුනුස්ගේ නායකත්වයෙන් යුත් අන්තර්වාර රජයක් පිහිටුවීමට හැකි ඉක්මනින් පියවර ගන්නා ලෙස ඔහු ජනාධිපතිවරයාගෙන් ඉල්ලා සිටියේය.

උපාධිධාරී ගුරු පත්වීම් ලබාදුන් ගුරුවරුන් 462 දෙනෙකු දින 14ක් ගතවී ඇතත් පත්වීම් භාරගෙන නොමැති බව අධ්‍යාපන අමාත්‍ය සුසිල් ප්‍රේමජයන්ත මහතා අද (06) පාර්ලිමේන්තුවේදී පැවසීය.

ගණිතය, රසායන විද්‍යාව, ජීව විද්‍යාව, භෞතික විද්‍යාව සහ තාක්ෂණ උපාධිධාරීන් සඳහා සති දෙකකට පෙර නව පත්වීම් 1700ක් ලබාදුන් බවත් ඉන් 462 දෙනකු පත්වීම් ලබාගෙන නොමැති බවත් ඔහු පාර්ලිමේන්තුවට පැවසීය.

වවුනියාව, උහන සහ බදුල්ල දිස්ත්‍රික්කවල වැනි පිට පළාත්වල පාසල්වලට ලබා දුන් රැකියා ප්‍රතික්ෂේප කරමින් ඔවුන් සිය පත්වීම් ලබාගෙන නොමැති බව අමාත්‍යවරයා වැඩි දුරටත් පැවසීය.

දීප ව්‍යාප්තව අයදුම්පත් කැඳවීමෙන් පසුව මෙම පත්වීම් ලබාදී ඇති බවත් පිට පළාත්වල පාසල්වලට ලබා දුන් පත්වීම් ප්‍රතික්ෂේප කිරීම නිසා එම පාසල් හරහා ගණිතය හා විද්‍යා උපාධිධාරීන් බිහි නොවීමේ ප්‍රශ්න මතුව ඇති බවත් අධ්‍යාපන අමාත්‍යවරයා පෙන්වා දුන්නේය.

පත්වීම් ලබා නොගත් මෙම 462 වෙනුවට ලකුණු ලැයිස්තුවේ ඊළඟට සිටින අයදුම්කරුවන්ගේ ලැයිස්තුව ලබා දෙන ලෙස අධ්‍යාපන අමාත්‍යාංශය විභාග දෙපාර්තමේන්තුවෙන් ඉල්ලා ඇති බව ද අමාත්‍යවරයා වැඩි දුරටත් පැවසීය.

විටමින් D ඌනතාවයේ රෝග ලක්ෂණ සහ හේතු පිළිබඳව දැනුවත් වීම සහ සමස්ත සෞඛ්‍යය සහ යහපැවැත්ම සඳහා මෙම වැදගත් පෝෂකයේ ප්‍රශස්ත මට්ටම් පවත්වා ගැනීමට අවශ්‍ය පියවර ගැනීම අත්‍යවශ්‍ය වේ.

දහඩිය දැමීම අපගේ ශරීරයේ උෂ්ණත්වය නියාමනය කිරීමට සහ විෂ ද්‍රව්‍ය ඉවත් කිරීමට උපකාර වන ස්වභාවික ක්‍රියාවලියකි. කෙසේ වෙතත්, දහඩිය අධික වන විට, එය සැලකිලිමත් වීමට හේතුවක් විය හැකිය. අධික දහඩිය දැමීම, හයිපර්හයිඩ්‍රොසිස් / hyperhidrosis ලෙස ද හැඳින්වේ. එය විවිධ යටින් පවතින සෞඛ්‍ය තත්වයන්ගේ ලකුණක් විය හැකිය. අවධානයට ලක්වන එවැනි එක් තත්වයක් වන්නේ විටමින් D ඌනතාවයයි.

විටමින් ඩී යනු අපගේ සමස්ත සෞඛ්‍යය පවත්වා ගැනීම සඳහා වැදගත් කාර්යභාරයක් ඉටු කරන තීරණාත්මක පෝෂකයකි. ශක්තිමත් අස්ථි සහ දත් සඳහා අත්‍යවශ්‍ය කැල්සියම් සහ පොස්පරස් අවශෝෂණය කර ගැනීමට එය උපකාරී වේ. මීට අමතරව, අපගේ ප්‍රතිශක්තිකරණ පද්ධතිය, හෘද සෞඛ්‍යය සහ මානසික යහපැවැත්ම පවත්වා ගැනීම සඳහා විටමින් ඩී සැලකිය යුතු කාර්යභාරයක් ඉටු කරයි.

විටමින් D ඌනතාවයට හේතු:

හිරු එළිය අඩු ප්‍රදේශවල ජීවත් වීම, ඇඳුම් පැළඳුම් නිසා හිරු එළියෙන් ආවරණය කිරීම, හෝ වැඩි කාලයක් ගෘහස්ථව ගත කිරීම වැනි සාධක නිසා හිරු එළියට නිරාවරණය වීම සීමා වීම විටමින් D ඌනතාවයට හේතු විය හැකිය. ඔබේ ආහාර වේලෙහි විටමින් ඩී බහුල ආහාර නොමැති නම්, විටමින් ඩී ඌනතාවය වර්ධනය වීමේ වැඩි සම්භාවිතාවක් ඇත. තරබාරුකම ඇති පුද්ගලයින්ගේ ශරීරයේ මේද ප්‍රතිශතය වැඩි බැවින් ඔවුන්ගේ රුධිර ප්‍රවාහයේ විටමින් D මට්ටම අඩු වේ.

විටමින් D ඌනතාවයේ ලකුණක් ලෙස අධික දහඩිය දැමීම:

දහඩිය දැමීම ශරීර උෂ්ණත්වය නියාමනය කිරීම සඳහා සිදුවන ස්වභාවික ප්‍රතිචාරයකි. කෙසේ වෙතත්, අප ශාරීරිකව ක්‍රියාශීලී නොවන විට හෝ උණුසුම් පරිසරයක වුව ද අපගේ ශරීරය අධික ලෙස දහඩිය නිපදවීමට පටන් ගන්නා විට, එය විටමින් D ඌනතාවය වැනි යටින් පවතින සෞඛ්‍ය තත්වයක් නිසා සිදුවනවා විය හැකිය.

විටමින් D දහඩිය ග්‍රන්ථි වල ක්‍රියාකාරිත්වය පාලනය කිරීම මගින් දහඩිය නිෂ්පාදනය නියාමනය කිරීමට උපකාරී වේ. ශරීරයේ විටමින් D හි ඌනතාවයක් ඇති විට, මෙම ග්‍රන්ථි අධික ලෙස ක්‍රියාශීලී වී අවශ්‍ය ප්‍රමාණයට වඩා දහඩිය නිපදවීම නිසා අධික ලෙස දහඩිය දැමීම සිදු වේ.

අධික දහඩිය දැමීම හැරුණු විට, විටමින් D ඌනතාවය පෙන්නුම් කළ හැකි වෙනත් රෝග ලක්ෂණ ද තිබේ.

• තෙහෙට්ටුව: විටමින් ඩී අපගේ ශක්ති මට්ටම් පවත්වා ගැනීම සඳහා අත්‍යවශ්‍ය කාර්යභාරයක් ඉටු කරයි. විටමින් ඩී ප්‍රමාණවත් නොවීම ප්‍රමාණවත් නින්දක් ලැබීමෙන් පසුව පවා තෙහෙට්ටුව ඇති කරයි.
• මාංශ පේශි දුර්වලතාවය: විටමින් ඩී මාංශ පේශි වර්ධනයට සහ ක්‍රියාකාරිත්වයට අවශ්‍ය වේ. මෙම විටමින් හි ඌනතාවය මාංශ පේශි දුර්වල වීමට හේතු විය හැකිය.
• මනෝභාවය වෙනස් වේ: විටමින් ඩී අපගේ මනෝභාවය නියාමනය කරන හෝමෝනයක් වන සෙරොටොනින් / serotonin නිෂ්පාදනයට උපකාරී වන බැවින් එය “හිරුරැස් විටමින් / sunshine vitamin” ලෙස ද හැඳින්වේ. මෙම විටමින් නොමැතිකම මනෝභාවය වෙනස් වීමට හා මානසික අවපීඩනයට පවා හේතු විය හැකිය.
• අස්ථි වේදනාව: කලින් සඳහන් කළ පරිදි, විටමින් ඩී නිරෝගී අස්ථි සඳහා තීරණාත්මක වන කැල්සියම් සහ පොස්පරස් අවශෝෂණය කර ගැනීමට උපකාරී වේ. විටමින් D හි ඌනතාවය දුර්වල හා වේදනාකාරී අස්ථි වලට හේතු විය හැකිය. ඔස්ටියෝපොරෝසිස් අවදානම වැඩි කරයි.
• හිසකෙස් නැතිවීම: හිසකෙස් වර්ධනයට සහ නඩත්තු කිරීමේදී විටමින් D සැලකිය යුතු කාර්යභාරයක් ඉටු කරයි. මෙම විටමින් හිඟය නිසා හිසකෙස් නැතිවීම හෝ සිහින් වීම සිදු විය හැකිය.

ප්‍රතිකාර සහ වැළැක්වීම:

විටමින් ඩී ඌනතාවයට ප්‍රතිකාර කිරීම සඳහා අතිරේක මගින් විටමින් ඩී ලබා ගැනීම වැඩි කිරීම සහ විටමින් ඩී බහුල ආහාර ඔබේ ආහාර වේලට ඇතුළත් කිරීම ඇතුළත් වේ. මීට අමතරව, හිරු එළියේ ටික වේලාවක් ගත කිරීම ඔබේ විටමින් D මට්ටම ඉහළ නැංවීමට ද උපකාරී වේ. කෙසේ වෙතත්, හිරු එළිය ඔබේ සමට නිරාවරණය වන විට, හිරු ආවරණ පැළඳීම සහ හිරු කිරණ වඩාත් ශක්තිමත් වන විට උපරිම වේලාවන්ගෙන් වැළකී සිටීම වැනි පූර්වාරක්ෂාවන් ගැනීම අත්‍යවශ්‍ය වේ.

Femina.in ඇසුරිණි. සකස් කළේ – මධූ වික්‍රමසිංහ

ශ්‍රී ලංකා ජාතික පිරිමි ක්‍රිකට් කණ්ඩායම අගෝස්තු සහ සැප්තැම්බර් මාසවලදී තරග තුනකින් සමන්විත ටෙස්ට් තරගාවලියක් සඳහා එංගලන්තයේ සංචාරයක නිරත වීමට නියමිත බව ශ්‍රී ලංකා ක්‍රිකට් ආයතනය නිකුත් කළ මාධ්‍ය නිවේදනයක සඳහන් වෙයි. මෙම සංචාරය ICC ලෝක ටෙස්ට් ශූරතාවලියේ කොටසකි.

කාලසටහන:

අගෝස්තු 14 සිට 17 දක්වා පුහුණු තරගය, අගෝස්තු 21 සිට 25 දක්වා මැන්චෙස්ටර්හි ඕල්ඩ් ට්‍රැෆර්ඩ්හිදී (Old Trafford, Manchester) 1 වන ටෙස්ට් තරඟය, අගෝස්තු 29 සිට සැප්තැම්බර් 2 දක්වා ලන්ඩනයේ ලෝඩ්ස් ක්‍රිකට් පිටියේදී 2 වන ටෙස්ට් තරඟය, සැප්තැම්බර් 6 සිට 10 දක්වා ලන්ඩනයේ Kia Oval හිදී 3 වන ටෙස්ට් තරගය.

2024 ජනාධිපතිවරණයට තැපෑලෙන් ඡන්දය ප්‍රකාශ කිරීමට අපේක්ෂා කරන ඒ සඳහා සුදුසුකම්ලත් රජයේ නිලධාරීන්/ ආරක්ෂක අංශ නිලධාරීන් හා තැපැල් ඡන්ද සහතික කිරීමේ නිලධාරීන් වෙත මැතිවරණ කොමිෂන් සභාව නිවේදනයක් නිකුත් කර තිබේ.

එම නිවේදනය මෙසේය.