දන්නේ නැහැ මතක නැහැ කියන්න විමල් වීරවංශ මහත්තයා දැන් පටන් අරගෙන තියෙනවා. ඔහුට අමතක වීමේ ලෙඩේ හැදි ඇති බැව් සමාජ සවිබලගැන්වීමේ ඇමැති පී. හැරිසන් මහතා ගාල්ල දිස්ත්රික්කයේ සමෘද්ධි නිලධාරීන් දැනුවත් කිරීමේ වැඩමුළුවට සහභාගි වීමෙන් පසුගිය දිනකදී මාධ්යවේදීන් ඇසු ප්රශ්නවලට පිළිතුරු දෙමින් පැවසීය.
විමල් වීරවංශ මහත්තයාට කියන්න ඕන මුලින්ම කරුණා අම්මාන් ගෙනවිත් ශ්රී ල. නි. පක්ෂයේ උප සභාපති කරලා පාර්ලිමේන්තුවටත් ගෙනවිත් ඉස්සෙල්ලා ඒ අයට කිරි පෙව්වේ මහින්ද රාජපක්ෂ මහත්තයා බව. පිල්ලෙයාන් ගෙනවිත් මහ ඇමැති කරලා එකටයුතු කළේත් ශ්රී ල. නි. පක්ෂය මගින්. පඩි ගෙව්වා යන්න එන්න හෙලිකොප්ටර් දුන්නා. ඒ විතරක් නෙවෙයි මහින්ද රාජපක්ෂ මහත්තයාගේ කාලේ ඒ අය දසදහසකට වැඩිය පුනරුත්ථාපනය කරලා අවශ්ය පහසුකම් ලබාදුන්නා. එල්. ටී. ටී. ඊ. අය පුනරුත්ථාපනය කිරීම පටන් ගත්තේ ඒ කාලයේ විමල් වීරවංශ ඒ කාලයේ ලංකාවේ හිටියේ නැද්ද කියලා මට ප්රශ්නයක් තියෙනවා. විමල් වීරවංශට අමතක වීමේ ලෙඩ හැදිලා වගේ මට පේන හැටියට. එතුමා දන්නේ නැහැ මතක නැහැ කියන්න දැන් පටන් අරගෙන වගේ. මෙයා මේවා හිතාමතාකරණවාද අපිව අන්දන්න කරනවාද කියලා ප්රශ්නයක් තියෙනවා. මේවා රටේ ජනතාව බලාගෙන ඉන්නවා. විමල් වීරවංශ කියන දේවල් රටේ ජනතාව දැන් ගණන් ගන්නේ නැහැ. යහපාලන ආණ්ඩුව වැටෙනවා වැටෙනවා කියලා දැන් අවුරුදු ගාණක් තිස්සේ කියනවා තවම වැටුණේ නැහැනේ. මේ අයට වෙන්නේ අර එළුවාට වෙච්ච දේ යෑයිද ඇමැතිවරයා මෙහිදී කීවේය.
Tag: breaking post
-
විමල් වීරවංශ කියන දේවල් රටේ ජනතාව දැන් ගණන් ගන්නේ නැහැ
-
නිව්යෝක් ටයිම්ස් ලිපිය ගැන සොයන්න ජනාධිපති කොමිසමක් පත්කල යුතුයි
හම්බන්තොට වරාය ව්යාපෘතියේ සංවර්ධන කටයුතු සඳහා ලබා දුන් ණය මුදලින් හිටපු ජනාධිපතිවරයා තම මැතිවරණ කටයුතුවලට ඩොලර් මිලියන 7.6 ක් වියදම් කර ඇතැයි නිව්යෝක් ටයිම්ස් පුවත්පතේ පළවී ඇති ආන්දෝලනාත්මක හෙළිදරව්ව පිළිබඳව සොයා බැලීම සඳහා පූර්ණ බලැති ජනාධිපති කොමිසමක් පත් කරන ලෙස ජනාධිපතිවරයාගෙන් ඉල්ලා සිටින බව දූෂණ විරෝධී හඬ සංවිධානයේ උපදේශක බස්නාහිර පළාත් සභා මන්ත්රී නිශාන්ත ශ්රී වර්ණසිංහ මහතා පැවැසයි.
එමෙන්ම මේ සිද්ධිය සම්බන්ධව පාර්ලිමේන්තුවේ විවාදයක් ඉල්ලන ලෙස විපක්ෂ නායකවරයාගෙන් , විපක්ෂයේ ප්රධාන සංවිධායකවරයාගෙන් මෙන්ම ඒකාබද්ධ විපක්ෂයෙන් ද ඉල්ලා සිටින බවත් රාජගිරිය දූෂණ විරෝධී පෙරමුණේ ප්රධාන කාර්යාලයේ අද (28) පැවැති මාධ්ය හමුවක් අමතමින් හෙතෙම කියා සිටි අතරතවදුරටත් අදහස් දැක්වූ වර්ණසිංහ මහතා මෙසේ ද කියා සිටියේය.
“නිව්යෝක් ටයිම්ස් පුවත්පත කළ හෙළිදරව්ව ඇඟ කිළිපොලා යන එකක්. හම්බන්තොට වරාය ඉදිකිරීම සඳහා එක්සිම් බැංකුවෙන් ගත් ඩොලර් මිලියන 307 ක මුදලින් යම් කොටසක් හිටපු ජනාධිපතිවරයා ලබාගත් බවට එම පුවත්පත හෙළි කර තිබෙනවා.
ඒ මුදල ඩොලර් මිලියන 7.5ක්. රුපියල් වලින් කෝටි 59ක්. එය ව්යාපෘතියට අදාල සමාගම වන චයිනා මර්චන්ට් සමාගම තම අනුගිණුමකින් ගෙවා තිබෙනවා.
ජනාධිපතිවරණයේ දී සිල් රෙදි, සාරි , ඔරලෝසු , ටී ෂර්ට් , යට ඇඳුම් බෙදුවේ මේ සල්ලිවලින් විය හැකියි. රටම ණය උගුලක දමමින් මහින්ද රාජපක්ෂ මහතා වරාය හදන්න ගත්තු සල්ලි අවභාවිත කළා.
එහෙමනම් අපි අහන්න කැමතියි එතුමා ගත් මුදල් අවභාවිතා නොකලා කියන්න පුළුවන්ද? රටම ණය කන්දක්. සියයට අටේ ගිනි පොලියට ගත් ණය යොදවලා මහින්ද රාජපක්ෂ මහතා මැතිවරණ ව්යාපාරය කරල තිබෙනවා. මේ වසරේ විතරක් ණය පියවීමට අපට රටක් ලෙස ඩොලර් මිලියන 14.8 ක් ගෙවන්න වෙලා තිබෙනවා. රටේ වාර්ෂික ආදායම කියද? ඩොලර් මිලියන 12.2යි. එහෙම නම් රටේ ආදායම මදි මේ ණය ගෙවන්න.
මේ ආකාරයට ණය අරන් ඒවා ගෙවන්න වෙලා තියෙන්නේ රටේ දෙකෝටි විසි ලක්ෂයක් ජනතාවට කන බොන සියලු දේවලින් බදු ගෙවමින් ගෙවන්න වෙලා තියෙනවා. රාජපක්ෂ මැතිතුමා එක අවස්ථාවක කියා සිටියා තමන් එක ඩොලරයක් හෝ හොරකම් කර තියෙනවා කියා ඔප්පු කළොත් ඔළුවට වෙඩි තියා ගන්නවා කියලා. අපි අහන්න කැමතියි එකක් නොවෙයි 7.6ක් අවබාවිතා කරල තියෙන එක ගැන මොකද කියන්නේ කියලා.
නිව්යෝක් ටයිම්ස් මේ හෙලිදරව්ව කරලා දින කිහිපයක් ගත වෙලා. හැම වලාවෙම රටේ තත්ත්වය ගැන වොයිස් කට් දෙන මහින්ද රාජපක්ෂ මැතිතුමා ඇයි නිහඬ කියා අපි අහන්න කැමතියි. පන්සලකට ගියත් පිංකමකට ගියත් රටේ ප්රශ්න ගැන කතාකරන එතුමා තවම එක වචනයක් වත් කියල නැහැ.
ඇයි ඒකාබද්ධ විපක්ෂය වත් පොහොට්ටුව හෝ ආර්ථික පර්යේෂණ ඒකකය හෝ අනාගතයේ දී මේ රට බාර අරන් ආර්ථික උපදේශකකම් කරන්න බලා ඉන්න අය හෝ මේ ගැන කතා කරන්නේ නැත්තේ? නාමල් රාජපක්ෂ මහත්තයා ට්විටර් පණිවිඩයක් නිකුත් කර තියෙනවා.
මේකෙ තවත් හෙළිදරව්වක් කරල තියෙනවා. ස්වාමින් වහන්සේ නමකට ජනාධිපතිවරණය ආසන්නයේ දී අවශ්ය කටයුතු කරගෙන යාමට ඩොලර් 38,000 ක් දීල තියෙනවා කියා එහි කියනවා. කවුද මේ. පන්සල්වලට වාහන දුන්නද එහෙම නැත්නම් වෙනත් වරදාන වරප්රසාද දුන්නද? චයිනා මර්චන්ට් සමාගමට අයත් ගිණුමකින් තමයි මේ මුදල් දීල තියෙන්නේ.මේවා බරපතල සැකයක් මතුවෙනවා හිටපු ජනාධිපති කාර්ය මණ්ඩල ප්රධානී ගාමිනි සෙනරත් මහතාට චෝදනාවක් එල්ල වුණා අරලිය ගහ මන්දිරයේ තිබුණු මුදල් වාහන වලින් රැගෙන ගියා කියලා.
ඒ මුදල් ගෙනයාමේ දී ගෝනිවල ගෙන ගියා කියා රියැදුරු කියා තිබෙනවා. එදා ඒ මුදල් සමඟ කාර්යමණ්ඩල ප්රධානියා චීන මුදලුත් ගෙන යන්න ඇති.
මේ සිදුවෙලා තියෙන අවභාවිතය පිළිබඳව පාර්ලිමේන්තුව තුළ විවාදයක් කරන්න ඕන. හැම දේටම විවාද ඉල්ලන ඒකාබද්ධ විපක්ෂයට අපි කියනවා විවාදයක් මේ ගැනත් ඉල්ලන්න කියලා.
නිව්යෝක් ටයිම්ස් පුවත්පත කියන්නේ ඇත්තද නැත්තද කියල දැනගන්න ජනතාවට අයිතියක් තියෙනවා. හිටපු ජනාධිපතිවරුන්ටත් අනාගතයේ ජනාධිපතිවරු වෙන්න ඉන්න රාජපක්ෂවරුන්ටත් මඩ ගහන්න ගන්න උත්සාහයක් කියල කියන්න ඉඩ තියෙනවා. ඇමරිකාව කුමන්ත්රණයක් වෙන්න පුළුවන් කිව්වට ඇමරිකන් පුරවැසිභාවය තියෙද්දි ජනාධිපතිකම ඉල්ලනවා.
මේ රට සංවර්ධනය කරන්න ඕන කියල කියනවා නම් මේ ලංකාවේ අමාත්යංශයක ලේකම් ධුරයක් දරන්නේ නැතිව ඇමරිකවේ පුරවැසිකම තියාගෙන ඉන්නේ.
ඇමෙරිකාවට බනින ගමන් පුරවැසිකම තියන් ඉන්නවා. ජනතා විමුක්ති පෙරමුණේ නායකතුමන් ගෙන් ඉල්ලනවා මේ ගැන විවාදයක් ඉල්ලන්න කියලා. ඒකට ඇවිත් උත්තර දෙන්න කියා ඒකාබද්ධ විපක්ෂයේ ඉන්න ආර්ථික මහාචාර්යවරු , ආර්ථික පර්යේෂක බන්දුල ගුණවර්ධන ශූරින්ට, අජිත් නිවාඞ් කබ්රාල්ට පුළුවන් විය යුතුයි.
මේ මුදල්වලින් මොනවද කළේ? හාමුදුරුවරුන්ට හෝ වෙනත් අයට හෝ අල්ලස් ලෙස මොනවද දුන්නේ කියා හෙළි කළ යුතුයි. ඡන්ද දායකයන්ට අල්ලස් දුන්නද? මේවා ජනතාව දැනගත යුතුයි. ‘‘
-
යාපනයේ ඝාතනයට ලක් වූ දැරියගේ මරණය සම්බන්ධයෙන් සිදු වූ පරික්ෂණ කටයුතු පිළිබඳ සැහීමකට පත්විය නොහැකි බව පවසමින් පාර වසා විරෝධතා…
යාපනය වඩුක්කොඩයි සිත්තංකේනි මන්සන්ධියේදී අද (28) ප්රදේශවාසීන් හා පාසල් දරුදැරියන් පිරිසකගේ සහභාගීත්වයෙන් විරෝධතාවක් පැවත්වුනේ සුලිපුරම් ප්රදේශයේදී ඝාතනයට ලක් වූ දැරියගේ මරණය සම්බන්ධයෙන් සිදු වූ පරික්ෂණ කටයුතු පිළිබඳ සැහීමකට පත්විය නොහැකි බව පවසමිනි.
අදාල විරෝධතාව හේතුවෙන් මණිප්පායි පොන්නාලෙයි ප්රධාන මාර්ගයේ ගමන් කටයුතු වලටද බාධා එල්ල වී ඇති අතර පොලීසියේ මැදිහත් වීමෙන් ගමනාගමන කටයුතු සාමාන්ය අයුරින් පැවත්වීමට කටයුතු සිදු කොට ඇත.
විරෝධතාවයේ යෙදුනු පිරිස් විසින් ප්රධාන කරුණු තුනකට විරෝධය පල කෙරෙන අතර එහිදී මිය ගිය 06 හැවිරිදි ශිවනේස්වරන් රෙජීනා දැරියගේ මරනය සම්බන්ධයෙන් මුලදී සැකකරුවන් 06 දෙනෙකු අත්අඩංගුවට ගෙන ඉන් පස් දෙනෙකු පොලිස් ඇප මත මුදා හැරීම් පිළිගත නොහැකි බවටත් පාසල් දැරියගේ මරණය සම්බන්ධයෙන් අධ්යාපන අමාත්යංශයටත් ළමාරක්ෂණ අධිකරියටත් පරික්ෂණයක් සිදු කරන ලෙසට කරන ලද ඉල්ලීම් වලට මෙතෙක් කිසිදු ප්රතිචාරයක් නොමැති වීමත් පාසල් දැරියගේ ඝාතනය සම්බන්ධයෙන් තවත් සැකකරුවන් දෙදෙනෙකු සිටින බැවින් ඔවුන් අත්අඩංගුවට ගත යතු බවටත බල කරමින් මෙම විරෝධතාවය පැවත්වෙයි.
06 හැවිරිදි ශිවනේස්වරන් රෙජීනා දැරියගෙ මළ සිරුර පසුගිය 25 වනදා සුලිපුරම්හි ළිඳක තිබී සොයාගත් අතර පසුව මරණය ගෙල සිර කොට මරදමා ඇති බවට පශ්චාත් මරණ පරික්ෂණයෙන් අනාවරනය වූ අතර ඒ සම්බන්ධයෙන් ප්රධාන සැකකරුවෙකු අත්අඩංගුවට ගෙන මේ වන වට රක්ෂිත බන්ධනාගාර ගත කොට ඇත.
-
අනේ ඡන්දය කල්දාන්න එපා… මැකෝ කථානායකගෙන් ඉල්ලයි
පළාත් සභා මැතිවරණය තවදුරටත් කල් නොදමන ලෙසත් එම මැතිවරණය පැවැත්වීමට අවශ්ය නීතිමය පදනම හැකි ඉක්මනින් පාර්ලිමේන්තුවෙන් සකසා දෙන ලෙසත් මැතිවරණ කොමිෂන් සභාවේ සභාපති මහින්ද දේශප්රිය මහතා කතානායක කරු ජයසුරිය මහතාගෙන් මේ පිළිබදව සාකච්ඡා කිරීම සඳහා පාර්ලිමේන්තුවේදී අද(28) උදේ කතානායකවරයා හමුවු අවස්ථාවේදී විශේෂ ඉල්ලිමක් කර ඇත.
-
විදුහල්පතිට ලක්ෂ දෙකහමාරක් වන්දි ගෙවන්න උතුරුමැද මහ ඇමැතිට නියෝග
උතුරු මැද පළාත් මහ ඇමති පේෂල ජයරත්න මහතා විසින් අනුරාධපුර නිවන්තකචේතිය මහා විද්යාලයේ පැවති උත්සවයකදී තමන්ව බුලත් අතක් දී නොපිළිගැනීම නිසා එම විදුහල්පතිවරයාට බැන වැදී , තර්ජනය කර ස්ථාන මාරු කිරීමෙන් එම විදුහල්පතිවරයා ගේ මූලික අයිතිවාසිකම් කඩවී ඇති බවට තීරණය කළ ශ්රේෂ්ඨාධිකරණය ඊට වන්දි ලෙස රුපියල් ලක්ෂ දෙකහමාරක් එම විදුහල්පතිවරයාට ගෙවන ලෙසද අධිකරණය උතුරුමැද පළාත් මහ ඇමතිවරයාට අද (28) නියෝග කළේය.
රජයේ මුදලින් තවත් රුපියල් 50000 ක මුදලක් එම විදුහල්පතිවරයාට ගෙවන ලෙසද ශ්රේෂ්ඨාධිකරණ නියෝග කළේය.
උතුරුමැද පළාත් මහ ඇමතිවරයා ගේ එම කක්රියාකලාපයට එරෙහිව නිවන්තකචේතිය විදුහලේ විදුහල්පතිවරයා ලෙස කටයුතු කළ කරැණාරත්න බණ්ඩාර මහතා විසින් ගොනු කළ පෙත්සම් විභාගය අවසන් කරමින් අධිකරණය මෙම තීන්දුව ලබා දෙන ලදී.
එසේම මාරු කර යැවු නිවන්තකචේතිය විදුහලේ විදුහල්පතිවරයා මාස දෙකක් ඇතුළත යළි එම තනතුරේම පිහිටුවන ලෙසටද ශ්රේෂ්ඨාධිකරණය අදාල බලධාරීන්ට නියෝග කරන ලදී.
ඊවා වනසුන්දර , සිසිර ද ආබෘ සහ නලින් පෙරේරා යන ත්රී පුද්ගල විනිසුරු මඩුල්ල විසින් මෙම තීන්දුව ලබා දෙන ලදී.
-
තෙල් මිල පාලනයට නව මිල සූත්රයක්
සෑම මාස තුනකට වරක් එළඹෙන පස්වන දිනයේ මෙරට වෙළෙඳ පොළේ පැට්රල් සහ ඩීසල් මිල යාවත්කාලීන කිරීම සඳහා හඳුන්වා දෙන මිල සූත්රයට කැබිනට් අනුමැතිය හිමිවී ඇත.
ලෝක වෙළෙඳ පොළේ තෙල් මිලෙහි සිදුවන මිල උච්ඡාවචනයන් සැලකිල්ලට ගෙන මෙරට වෙළෙඳ පොළේ තෙල් මිල සෑම මාස තුනකට වරක් මේ අනුව සංශෝධනය වීමට හෝ නොවීමට ඉඩ ඇති අතර ඉන්ධන මිල ගණන් සඳහා පිරිවැය පාදක කරගත් මිල සූත්රයක් හඳුන්වා දීමටත් එය 2018 මැයි මස 11 දින සිට බලපැවැත්වෙන පරිදි ක්රියාත්මක කිරීමටත් අමාත්ය මණ්ඩලය මීට පෙර අවසර දී තිබුණි. අවසන් වරට මෙරට ඉන්ධන මිල සූත්රයක් ක්රියාත්මක වූයේ 2001-2004 වසර කාලය අතරතුරය.
ඉන්පසු එම මිල සූත්රය අක්රිය වූ අතර පසුව රජය මෙරට වෙළෙඳ පොළේ ඉන්ධන මිල ගණන් ඉහළ දමනු ලැබුවේ ලෝක වෙළෙඳ පොළේ තෙල් මිලෙහි සිදුවන මිල වෙනස්වීම් මතය. එහිදී ඉන්ධන මිලෙහි වැඩිවීමේ ප්රමාණය රජය තීන්දු කළේය.
වත්මන් රජය මේ වන විට එක් අවස්ථාවකදී ඉන්ධන මිල ගණන් පහත දමා ඇති අතර එක් අවස්ථාවකදී ඉන්ධන මිල වැඩි කළේය. පසුගියදා රජය ඉන්ධන මිල වැඩිකරනු ලැබුවේ ලෝක වෙළෙඳ පොළේ ඉහළ ගිය ඉන්ධන මිලට සාපේක්ෂව සහ ඛනිජ තෙල් සංස්ථාවේ අධික අලාභය පියවා ගැනීමටය.කෙසේ වෙතත් ඉන්ධන මිල ගණන් සංශෝධනය සඳහා මිල සූත්රයක් හඳුන්වා දෙන බවට රජය විසින් පොරොන්දු වූ අතර ඒ අනුව මුදල් හා ජනමාධ්ය අමාත්යාංශය විසින් එකී මිල සූත්රය මෙලෙස සකස් කර ඇත. මෙම මිල සූත්ර ක්රමවේදය වඩාත් විනිවිදභාවයකින් යුතුව ක්රියාත්මක කිරීම සඳහා භාණ්ඩාගාරයේ සහ ඛනිජ තෙල් සම්පත් සංවර්ධන අමාත්යාංශයේ නිලධාරීන්ගෙන් සමන්විත මිල කමිටුවක් ස්ථාපනය කිරීමටත්, එම කමිටුව සෑම මාස 3 කට වරක් එළඹෙන 5 වන දිනයේ මෙලෙස ඉන්ධන මිල ගණන් යාවත්කාලීන කිරීමටත් කැබිනට් අනුමැතිය ලබාදී ඇත. ඒ අනුව එළඹෙන අගෝස්තු 11 දා සිට මෙම මිල සූත්රය ක්රියාත්මක වනු ඇත.මුදල් හා ජනමාධ්ය අමාත්ය මංගල සමරවීර මහතා එම අදාළ යෝජනාව කැබිනට් මණ්ඩලය වෙත ඉදිරිපත් කර තිබේ.
-
මෙරට ආර්ථික වර්ධනය නැංවීමට ජාත්යන්තර වෙළෙඳපොළට යොමුවිය යුතුයි
ශ්රී ලංකාවේ ආර්ථික වර්ධනය වේගවත් කර ගැනීමට නම් අප ජාත්යන්තර වෙළෙඳ පොළට යොමුවිය යුතු අතරම ජාත්යන්තර ආයෝජකයන්ද සෘජුවම අප රටට කැඳවාගත යුතු බව අගමැති රනිල් වික්රමසිංහ මහතා පැවැසීය.
ආර්ථික වර්ධනය යනු රැකියා නිර්මාණය කිරීම සහ ආදායම් උපදවාගැනීම බවත් අද වනවිට ආර්ථික වර්ධනයේ වගකීම සහ මූලික කාර්ය භාරය පැවරී ඇත්තේ පෞද්ගලික අංශයට බවත් අගමැතිවරයා සඳහන් කළේය.
ශ්රී ලංකාවේ පවතින්නේ මිලියන 22 ක කුඩා වෙළෙඳපොළක් බවත් එම වෙළෙඳපොළ තුළ පමණක් ආයෝජනය කිරීමෙන් වේගවත් ආර්ථික සංවර්ධනයක් ලබාගත නොහැකි බවත් සඳහන් කළ අගමැතිවරයා අසල්වැසි වෙළෙඳපොළ වලින් ආරම්භ කරමින් කලාපීය සහ ඉන් අනතුරුව ජාත්යන්තර වෙළෙඳ පොළ වෙත යොමුවීමට පෞද්ගලික අංශයේ ව්යාපාරිකයන් අවධානය යොමු කළයුතු බවත් එවිට අපට වේගවත් ආර්ථික සංවර්ධනයක් ලබාගත හැකි බවත් ප්රකාශ කළේය.
අගමැති රනිල් වික්රමසිංහ මහතා මේ බැව් පැවසුවේ කොළඹ කිංග්ස්බරි හෝටලයේ පැවැති ශ්රී ලංකා අධ්යක්ෂවරුන්ගේ ආයතනයේ 06 වැනි සමුළුවේදීය. -
16 කණ්ඩායම කල යුත්තේ පක්ෂ නායකයන් හමුවීම පමණක් නෙවේ… මීට වඩා ව්යෘප්ත වැඩපිලිවෙලකට යා යුතුයි
ආණ්ඩුවේ තනතුරු අතහරින ලද තමන්ද ඇතුළු ‘16 කණ්ඩායම’ සිදුකරමින් ඇති වැඩපිලිවෙල ගැන සෑහීමකට පත් විය නොහැනි බව පාර්ලිමේන්තු මන්ත්රී ඩබ්.ඩී.ජේ. සෙනෙවිරත්න මහතා පවසයි.
මන්ත්රීවරයා පෙන්වා දෙන්නේ 16 කණ්ඩායම කල යුත්තේ පක්ෂ නායකයන් හමුවී සාකච්ඡා කිරිම පමණක් නොව මීට වඩා ව්යෘප්ත වැඩපිලිවෙලකට යා යුතු බවත්ය.තම කණ්ඩායමට අනන්ය දේශපාලනයක් තිබිය යුතු බවත් එසේ නැතිනම් වෙනත් පක්ෂයකට බැදී එය සමග දේශපාලනය කල යුතු බවත් ඔහු කියයි.
දැනට ඒකාබද්ධ විපක්ෂය සමග සෘජුව සම්බන්ධ වීමට තීරණය කර ඇති බවත් ඉදිරියේදී ඔවුන් සමග වැඩ කිරිමට බලාපොරොත්තු වන බවත් ඔහු වැඩි දුරටත් කියා සිටී.
-
පොසොන් පසළොස්වක පෝය
හුදෙක් ස්වයං විනෝදය පිණිස මුව දඩයමේ යෙදී සිටි තිස්ස රජ හට “මිස්සක පව්ව” අසලදී හුදෙක් මුළු ශ්රී ලංකා වාසී ජනයා පිළිබදව අව්යාජ අනුකම්පාවකින් ජම්බුද්දී(වී)පයේ සිට වැඩි “මිහිදු” මහ රහතන් වහන්සේ ඇතුලු පිරිස(ඉට්ඨිය,උත්තිය,සම්බල,බද්දසාල යන රහතන් වහන්සේලාත්,ෂඩ් අභිඥාලාභී සුමන සාමනේරයන්ද,භණ්ඩුක නම් අනාගාමී උපාසකවරයා) මුණ ගැසුනේ මෙම පොහොය දිනයේ දීය. රජතුමා ඇතුළු පිරිස පංච සීලයේ පිහිටුවා ඔවුන් හට “චුල්ල හත්ථි පදෝපම” සූත්රය දේශනා කලේය. මෙඟි ඇති තවත් විශේෂයක් වනුයේ මෙම චුල්ල හත්ථි පදෝපම සූත්රය මිහිදු හිමියන් විසින් ප්රථම වරට දේශනා කරන ලද බණ වීමයි.ඉන් අවසානයේදී මේයට සහභාගී වී සිටි අනෙකුත් දෙවි දේවතා සමූහයට “සචිත්ත පරියාය” සූත්රය දේශනා කළහ.
චූල හත්ථි පදෝපම සූත්රය පිළිබදව ස්වල්ප විග්රහයක් කළහොත්, මෙම සූත්රයෙන් අප ලොව්තුරා බුදු පියාණන් වහන්සේගේ සම්යක් සම්බුද්ධ භාවයත්, ධර්මයෙහි ඇති සත්ය භාවයත්, සංඝයා වහන්සේලා සතු අප්රමාණ ගුණ මහිමයත් හා ත්රිවිද රත්නයේම ඇති අති ශ්රේෂ්ඨත්වයත් පෙන්වා දෙයි. මිහිදු මාහිමියන්ගේ වැඩමවීම පිළිබද්ව තවදුරටත් සාකච්ඡා කරන කළ උන් වහන්සේ මෙරටට වැඩම කොට ඉන් පසු දින අනුරාධපුරයට වැඩම කොට රජගෙදර විශේෂ මණ්ඩපයක සිටි බිසෝවරුන් ඇතුලු 500ක් කාන්තාවන් පිරිසකට “විමානවත්ථු, පේතවත්ථු හා සච්ච සංයුක්ත” යන ධර්ම දේශනා කළහ. ඉන් අවසන “අනුලා” දේවිය ඇතුළු 500ක් කාන්තාවෝ සෝවාන් වෝ අනාගාමී විය. ඉන් දෙවන දිනයේදී රජුගේ ඇත් හලේදී රට වැසියා වෙනුවෙන් “දේව දූත” සූත්රය දේශනා කළහ. ඉන් අනතුරුව 1000ක් දෙනා සෝවාන් ඵලයෙහි පිහිටියහ. ඉන් පසු රාජ උයනේදී “බාල පණ්ඩිත” සූත්රය දේශනා කිරීමෙන් 1000ක් කාන්තාවන් සෝවාන් විය. මේ වන විට 2500කට අධික පිරිසක් මාර්ගඵල ලබා සිටියහ. තුන්වන දිනයේ දී මිහිදු හිමියන් රජමාළිගයෙන් දන් වළඳා “නන්දන” වනයෙහි වැඩ සිට “ආසීවසෝපම” සූත්රයද හතර වන දිනයේදී “අනමතග්ගිය සංයුක්තිය” දේශනා කළ අතර ඉන් අනතුරුව 1000ක් දෙනා ධර්ම අවබෝධය ලැබීය. පස්වන දින “ධම්ම චක්ක පවත්තන” සූත්රය දේශනා කළේය. එසේ දින හතක් තුළදී 8500කට අධික ප්රමාණයක් මාර්ග ඵල අවබෝධය ලැබීය. මෙසේ මිහිදු හිමියන්ගේ ලංකා ගමනය නිසා අනුරාධපුර මහා විහාරය ඇතිවිය. මිහිදු හිමියන් වැඩවිසූ උයන “ජෝතිය” උයන ලෙසින් හැදින් විනි. තවද පොසොන් පුන් පොහොය දිනයේ දී සිදුවූ සුවිශේෂීවු සිදු වීම් කිහිපයකි. ඉන් එකක් නම් අප මහ ලොව්තුරා බුදු පියාණන් වහන්සේ බුදු වී සිව්වන සතියේ “රුවන්ගෙයි” වැඩහිඳිමින් ධර්මය මෙනෙහි කරන බුදු පියාණන්ගේ ශරීරයෙන් ප්රථම වරට සවනක් ඝණ බුදුරැස් විහිදීමද, ලක්දිව ප්රථම මහණ උප සම්පදාව වන “භණ්ඩුක” උපාසක මහණ උප සම්පදාවද මෙම උතුම් පොහොය දිනදී සිදු විය.
-
මැතිවරණ කල් දැමූ හැම ආණ්ඩුවකටම ජනතාව මතක හිටින පාඩම් ඉගැන්නුවා
මේ රටේ මැතිවරණ කල්දැමූ කිසිම ආණ්ඩුවකට වාසියක් වී නැහැ. මැතිවරණ කල්දැමූ හැම ආණ්ඩුවකටම මේ රටේ ජනතාව මතක හිටින පාඩමක් උගන්වා ඇතැයි ශ්රී ලංකා පොදුජන පෙරමුණේ සභාපති මහාචාර්ය ජී. එල්. පීරිස් මහතා පැවසීය.
බත්තරමුල්ල, නෙළුම් මාවතේ පිහිටි ශ්රී ලංකා පොදුජන පෙරමුණ පක්ෂ මූලස්ථානයේදී ඊයේ (25දා) පැවැති මාධ්ය හමුවේදී මහාචාර්යවරයා ඒ බව සඳහන් කළේය.
එහිදී වැඩිදුරටත් අදහස් දැක්වූ මහාචාර්ය ජී. එල්. පීරිස් මහතා මෙසේද කීය.
උතුරු පළාත් සභා මැතිවරණය කල්දැමුවාට තමන්ගේ කිසිම විරෝධයක් නැහැ. නමුත් මැතිවරණය කල්දමා එය පවත්වන තුරු ඔහුට දිගටම මහ ඇමැති ධුරයේ සිටිය යුතු බවට උතුරු පළාත් මහ ඇමැති විග්නේෂ්වරන් මහතා ප්රකාශ කරනවා. ජනතාවට ස්වර්ජන ඡන්දය පාවිච්චි කිරීමට අවසර නැහැ. පළාත් සභාවේ නිල කාලය අවසන් වූ පසුවත් විග්නේෂ්වරන් මහ ඇමැතිවරයාට එම ධුරයේ වැඩ කරන්න අවශ්යයි කීම සදාචාර විරෝධී පමණක් නොව නීති විරෝධී වැඩපිළිවෙළක්. පළාත් සභාවේ නිල කාලය අවසන්වූ පසු මහ ඇමැති ධුරයේ සිටීමට කිසිදු අයිතියක් නැහැ.
පළාත් සභා නවයෙන් තුනක නිල කාලය අවසන්වී තිබෙනවා. උතුරුමැද, සබරගමුව සහ නැගෙනහිර පළාත් සභා තුනේ නිල කාලය අවසන්ව මැතිවරණය නොපවත්වා දැනට මාස 10 ක් පමණ ගත වෙලා. ඒ වගේම මේ වසරේ සැප්තැම්බර් මාසය වනවිට මධ්යම, වයඹ හා උතුරු පළාත් සභා තුනෙත් නිල කාලය අවසන් වෙනවා.
දැන් රජයට අවශ්ය වී තියෙන්නේ පළාත් සභා මැතිවරණය දිගින් දිගට කල් දැමීමටයි. එන වසරේ ජනාධිපතිවරණය පවත්වන කාලය වනවිට නිල කාලය අවසන් වූ පළාත් සභා හයට මැතිවරණය නොපවත්වා අවුරුදු දෙකක් වෙනවා.
මේ අනුව අවුරුදු දෙකකට මේ රටේ පළාත් සභා හයක් නැතිව රට පාලනය කිරීමට පුළුවන් නම් පළාත් සභා රටට අවශ්ය ඇයි?
සිsරිසේන වික්රමසිංහ රජය මෙලෙස පළාත් සභා මැතිවරණ අහෝසි වන්නට ඉඩ දෙන්නේ නම් ඉන්පසු එන අලුත් ආණ්ඩුවකට පළාත් සභා මැතිවරණය පැවැත්වීමට ඇති වන ප්රායෝගික අවශ්යතාවය කුමක්ද කියා ජනතාව අහයි. මනෝ ගනේෂන් ඇමැතිවරයා ප්රකාශ කළා සම්බන්ධන් මහතා රජයේ ඇමැති ධුරයක් ගත්තා නම් හොඳයි කියලා. එය ඉතා වැදගත් ප්රකාශයක්. ඇත්ත, සම්බන්ධන් විපක්ෂ නායකවරයා කටයුතු කරන්නේ විපක්ෂ නායකවරයකු ලෙස නොව රජයේ ඇමැතිවරයකුගේ කාර්යභාරයක්.
සම්බන්ධන් මහතා හා දෙමළ සන්ධානය ඒ ජනතාවට දුන් ප්රතිඥාව මොකද්ද? අද මොකද්ද වී තියෙන්නේ. ඔවුන් කිසිම හඬක නඟන්නේ නෑ. පළාත් සභා මැතිවරණය තියන්න කියලා. නැගෙනහිර පළාත් සභාවට අත්වූ ඉරණමට තව මාස දෙකකින් උතුරු පළාත් සභාවටත් මුහුණ දීමට සිදුවෙනවා.
සම්බන්ධන්ගේ හා දමිළ සන්ධානයේ භූමිකාව වී තියෙන්නේ මේ රජය කෙසේ හෝ පවත්වා ගෙන යැමටයි. ඒ නිසා කළ හැකි හැම දේම කරනවා. ඔවුන්ගේ අභිලාෂය වී ඇත්තේ තවදුරටත් මේ රජය පවත්වාගෙන යැමයි. මෙය හරි අභූත තත්ත්වයක්. නිසි කාලයේ මැතිවරණ පවත්වන්නේ නෑ. පළාත් පාලන මැතිවරණය අවුරුදු 2 1/2 ක් කල්දැමුවා. දැන් පළාත් සභාත් එහෙමයි. මැතිවරණ ක්රමයේ දොaෂ තිබෙනවා කියලා දිගින් දිගට මැතිවරණ කල් දමනවා. මේ විදියට මැතිවරණ ක්රමය සංශෝධනය කරන මුවාවෙන් මැතිවරණය කල්දැමීම ලොව කිසිදු ප්රජාතන්ත්රවාදී රටක සිදුව නැහැ.
පළාත් සභා මැතිවරණය එක දිනක්වත් කල්දැමිය නොහැකි බවට ශේ්රෂ්ඨාධිකරණය තීන්දුවක් ලබාදුන් පසුව ශේ්රෂ්ඨාධිකරණයේ තීන්දුව ක්රියාත්මක කිරීම වැළැක්වීම සඳහා අලුත් වැඩපිළිවෙළක් නිර්මාණය කළා.
මේ රටේ මැතිවරණ කල්දැමීමෙන් කිසිම ආණ්ඩුවකට වාසියක් වෙලා නැහැ. මැතිවරණ කල්දැමූ හැම රජයකටම රටේ ජනතාව හොඳ පාඩමක් උගන්වා තිබෙනවා. 70 මැතිවරණයේදී මැතිනියට 2/3 ක බහුතරයක් ලැබුණා. රජයේ නිල කාලය වුණේ 1970 සිට 1975 දක්වා අවුරුදු පහක කාලයයි. නමුත් 75 මැතිවරණය නොපවත්වා වැඩිපුර අවුරුදු දෙකක් පාලනය කර මැතිවරණය පැවැත්වූ පසු බලයේ සිටි ශ්රී ලංකා නිදහස් පක්ෂ ප්රමුඛ ආණ්ඩුව ආසන අටට බැස්සා. එසේ සිදුවුණේ මැතිවරණය අවුරුදු දෙකක් කල්දැමීමේ ප්රතිඵලය නිසයි.
මැතිවරණය කල්දැමීමට එරෙහිව දීප ව්යාප්ත මට්ටමින් උද්ඝෝෂණ මාලාවක් පවත්වනවා. පළාත් සභා මැතිවරණය නියම වෙලාවට පැවැත්විය යුතුයි.
ජාත්යන්තර මානව හිමිකම් කවුන්සිලයෙන් ඇමරිකා එක්සත් ජනපදය ඉවත් වුණේ මානව හිමිකම් කවුන්සිලය දැඩි ලෙස විවේචනය කරමිනුයි.
එක්සත් ජාතීන්ගේ සංවිධානයට ඇමරිකාව එවා සිටි තානාපති විකී හේලි මහත්මිය කියා සිටියා ජාත්යන්තර මානව හිමිකම් කවුන්සිලය අසුචි වළක් ගඳ ගසනවා කියලා. මෙය සම්පූර්ණයෙන් පක්ෂපාතියි. මෙමගින් කිසිවක් සිදුවන්නේ නෑ, එය පරාර්ථකාමී ආයතනයක් කියලා.
මානව හිමිකම් කවුන්සිලය පිළිබඳ මහින්ද රාජපක්ෂ රජය දිගටම කියා සිටියේ මෙයයි. එදා අප කියපු දේමයි අද ඇමරිකා එක්සත් ජනපදය කියන්නේ. අපි එදා ගෙන ගිය ප්රතිපත්තිය උඩු යටිකුරු නොකර කරගෙන ගියා නම් අද අපේ රටේ අභිමානයට, රණවිරුවන්ට කිසිදු අභියෝගයක් එල්ල වන්නේ නෑ.
එදා සිටම අපි කියා සිටියේ ශ්රී ලංකා ත්රිවිධ හමුදාව කිසිම වරදක් කරලා නෑ. ඔවුන් නිර්දොaෂියි. ඒ පිළිබඳ ඔප්පු කරන්න පුළුවන් සාක්ෂි ඇති බවයි මහින්ද රාජපක්ෂ රජය කියා සිටියේ. එදා අපි සුරක්ෂිත කළ අපේ ත්රිවිධ හමුදාව මේ රජය විසින් ඇමරිකා එක්සත් ජනපදය ගෙනා යෝජනාව ශ්රී ලංකාවේම යෝජනාවක් ලෙස පිළිගෙන සෙසු රටවලින් එම යෝජනාවට සහයෝගය ඉල්ලා සිටියා.
පාර්ලිමේන්තු මන්ත්රී රෝහිත අබේගුණවර්ධන මහතා,
මේ රජය සම්පූර්ණ අසාර්ථක රජයක් බවට ජාතික හා ජාත්යන්තර වශයෙන් ප්රසිද්ධියක් ලබා තියෙනවා. අද වනවිට මේ යහපාලන ආණ්ඩුවේ කැබිනට් ඇමැති ධුර සංඛ්යාව 41 ක්, රාජ්ය ඇමැතිවරු 22 ක් සහ නියෝජ්ය ඇමැතිවරු 23 ක් සිටිනවා. තව සතියක් දෙකක් යන විට මේ ප්රමාණය තවත් වැඩිවිය හැකියි. මේ වනවිට 86 දෙනෙක් ඇමැති ධුර දරනවා. ආණ්ඩුවේ සිටින අනෙක් මන්ත්රීවරුන්ට වෙනම වරදාන ලැබෙනවා.
මෙතරම් ඇමැතිවරු රාශියක් ඉන්නේ ආණ්ඩුව රුවිතෙට යන නිසයි. ඉදිරියේදී පාර්ලිමේන්තුවේ 113 හදා ගැනීමට මන්ත්රීවරු 27 ටත් තවත් ඇමැති ධුර හදලා දෙයි. මේවාට වියදම් කරන්නේ මේ රටේ ජනතාවගෙන් අයකරන බදු මුදල් මේ සඳහා අති විශාල මුදලක් වැය කෙරෙනවා.
අස්ගිරි අනුනායක හිමියන් වහන්සේ කළ ප්රකාශයක් ගැන අද කතා කරනවා. උන්වහන්සේ මේ රටේ ගෞරවනීය ස්වාමීන් වහන්සේ නමක්. උන්වහන්සේලා යමක් ප්රකාශ කරන්නේ දුරදිග බලලා රටේ අනාගතය ගැන හා වර්තමාන තත්ත්වය දෙස බලා. රට වර්තමානයේ පත්ව තිබෙන ඉරණම දෙස බලන විට මේ රට පාලනය කළ රජවරුන්ටත් අවවාද අනුශාසනා කළේ අති ගෞරවනීය මහා සංඝරත්නයයි. රටේ නායකයා ශුභවාදී නොවේ නම් මහා සංඝරත්නය දැඩි ලෙස අවවාද අනුශාසනා කළා. ඒ වගේ අද මේ රටේ සිදුවන සිදුවීම් දැකලා අනුශාසනාවක් කළා. දැන් මේ බය වෙලා තියෙන්නේ මොකටද? ගෝඨාභය භීතිකාවක්.
අගමැතිවරයා බොහොම ආඩම්බරයෙන් උජාරුවට කියනවා මත්තල ගුවන් තොටුපළත් ඉන්දියාවට විකුණනවා කියලා. මේවා කියන්නේ බේබදු තාත්තා කෙනෙක් ගෙදර බඩු විකුණලා සතුටු වෙනවා වගේ. රටේ අගමැතිවරයෙක් දෙන පණිවිඩය මොකද්ද රටේ සම්පත් විකුණගෙන කාපල්ලා කියලයි. තවත් කීයක් විකුණයිද? දන්නේ නෑ. -
ආණ්ඩුවේ නව බදු පනතින් ඊ.පී.එෆ්. පොලිය බහිනවා
ආණ්ඩුව විසින් ක්රියාත්මක කර තිබෙන නව ආදායම් බදු පතන මගින් සේවක අර්ථ සාධක අරමුදලේ ප්රතිලාභ හිමි පෞද්ගලික අංශයේ සේවකයන්ට ලැබෙන පොලියේ අඩුවීමක් සිදුවන බව අන්තර් සමාගම් සේවක සංගමයේ සභාපති වසන්ත සමරසිංහ මහතා ඊයේ (25) පැවසීය.
ශ්රී ලංකා මහ බැංකුවේ නියෝජ්ය මුදල් අධිපති කේ. ඩී. රණසිංහ මහතා විසින් මුදල් අමාත්යාංශ ලේකම් ආචාර්ය ආර්. එච්. එස්. සමරතුංග මහතා වෙත 2018 මැයි 18 වන දින මේ බව දැනුම් දී ඇතැයි වසන්ත සමරසිංහ මහතා ඊයේ මරදාන සමාජීය හා සාමයික කේන්ද්රයේ පැවැති මාධ්ය හමුවකදී පැවසීය.
වැඩිදුරටත් අදහස් දැක්වූ සමරසිංහ මහතා මෙසේද කීය.
පෞද්ගලික අංශයේ ලක්ෂ 26 ක ප්රමාණයක් සේවක අර්ථසාධක අරමුදලට සක්රිය දායකත්වයක් දක්වනවා. මේ වනවිට සේවක අර්ථසාධක අරමුදලේ මුදල් මහා භාණ්ඩාගාර බිල්පත් සහ මහ බැංකු බැඳුම්කරවල ආයෝජනය කිරීමෙන් ලැබෙන පොලිය මත එහි ප්රතිලාභීන්ට සියයට දහයයි දශම පහ (10.5) බැගින් වූ පොලියක් ගෙවනවා.
නමුත් මේ නව බදු පනත ක්රියාත්මක වීම හරහා සේවක අර්ථසාධක අරමුදලේ දායකත්වය ලබන ප්රතිලාභීන්ට මේ වන විට ගෙවන සියයට 10.5 ක පොලිය සියයට නමය (09) දක්වා අඩුකිරීමට සිදුවන බව නියෝජ්ය මුදල් අධිපතිවරයා මුදල් අමාත්යාංශ ලේකම්වරයා වෙත යොමුකළ ලිපියෙන් සඳහන් කර තිබෙනවා.
ඒ නිසා අපි ජනාධිපති, අගමැති, මුදල් ඇමැති ඇතුළු බලධාරීන්ගෙන් සේවක අර්ථසාධක අරමුදලේ ප්රතිලාභීන්ට හිමි පොලිය මත බදු අය නොකරන ලෙස ඉල්ලා සිටිනවා. එසේ වුවහොත් සියලුම පෞද්ගලික අංශයේ සේවකයන් දැනුවත් කර දීප ව්යාප්තව දැවැන්ත විරෝධතාවය දියත් කරනවා. ලබන ජූලි මස මුල් සතියේ පෞද්ගලික අංශයේ සේවකයන් දැනුවත් කිරීමට අත්පත්රිකා බෙදීම සහ දැනුවත් කිරිමේ වැඩසටහනක් ක්රියාවට නංවනවා.
පුවත්පත්වල දැන්වීම් දමමින් සේවක අර්ථසාධක අරමුදලෙන් සේවකයන්ට ලබාදෙන පොලිය අඩුකිරීමක් සිදුනොකරන බවට පුනපුනා කීවත් එය අසත්යයක් බව නියෝජ්ය මුදල් අධිපතිවරයා ඉදිරිපත් කළ ලිපිය අනුව පෙනී යනවා. මෙම නව බදු පනත හේතුවෙන් සේවක අර්ථ සාධක අරමුදලට අහිමි වන මුදල රුපියල් බිලියන 30 ක් පමණ වන බවට ගණන් බලා තිබෙනවා.
-
නගර සෝභනියන් අත්අඩංගුවට ගෙන අධිකරණයට ඉදිරිපත් කරන්නේ නම් ඔවුන් සමග යහන්ගත වන සැකකරුවනුත් අත්අඩංගුවට ගෙන අධිකරණයට ඉදිරිපත් කල යුතුයි…
නගර සෝභනියන් අත්අඩංගුවට ගෙන අධිකරණයට ඉදිරිපත් කරන්නේ නම් ඔවුන් සමග යහන්ගත වන සැකකරුවනුත් අත්අඩංගුවට ගෙන අධිකරණයට ඉදිරිපත් කරන්න යැයි සැකකාරියන් වෙනුවෙන් පෙනි සිටි නීතිඥවරයා අධිකරණයට ප්රකාශ කිරීමත් සමග සැකකාරියන් අධිකරණයට ඉදිරිපත් කළ අනුරාධපුර මූලස්ථාන පොලීසියේ නඩු මෙහෙයුම් අංශයේ නිලධාරීන් හා නීතිඥවරයා අතර විවෘත අධිකරණයේද උණුසුම් සංවාදයක් ඇතිවිය.
පොසොන් උත්සවය ආරම්භ වීමට පෙර අනුරාධපුර නගරය ආක්රමණය කරමින් ස්ථානගත වන නගර සෝබනියන් අත්අඩංගුවට ගැනීමේ මෙහෙයුමකදී අත්අඩංගුවට ගත් සැකකාරියන් දෙදෙනකු අධිකරණයට ඉදිරිපත් කළ අවස්ථාවේ ඔවුන්ට ඇප ලබා නොදෙන ලෙස දූෂණ මර්දන නඩු මෙහෙයුම් අංශය අධිකරණයෙන් ඉල්ලා සිටීමත් සමග දෙපාර්ශ්වය අතර උණුසුම් සංවාදය ඇතිවිය.
අත්අඩංගුවට ගෙන අධිකරණයට ඉදිරිපත් කළ සැකකාරියන් දෙදෙනා ලබන මස (04) වැනිදා දක්වා රක්ෂිත බන්ධනාගාර ගත කරන ලෙස අනුරාධපුර ප්රධාන මහේස්ත්රාත් අතිරේක දිසා විනිසුරු කේ.පී. ශානක හර්ෂණ මහතා නියෝග කළ අතර ඔවුන් අනුරාධපුර ශික්ෂණ රෝහලේ සමාජ රෝග සායනය වෙත ඉදිරිපත් කර වාර්තාවක් කැඳවන ලෙස විනිසුරුවරයා අනුරාධපුර බන්ධනාගාර අධිකාරියට තවදුරටත් නියෝග කළේය.
සැකකාරියන් දෙදෙනා අධිකරණයට ඉදිරිපත් කළ දූෂණ මර්දන අංශයේ පොලිස් කොස්තාපල් (47687) සරත් මහතා කියා සිටියේ සැකකාරියන් පොසොන් උත්සවය ඉලක්ක කර අනුරාධපුර නගරයේ ස්ථානාගත වී ප්රසිද්ධ ස්ථානවල ගැවසෙමින් සිටියදී අත්අඩංගුවට ගැනීම සිදුකළ බවයි.
සැකකාරියන් මැදවච්චියේ පදිංචිව සිටියත් අනුරාධපුර නගරයේ ගැවසෙමින් සිටි බවත් ඔවුන්ට ඇප ලබාදීම සිදුනොකර ඔවුන් දෙදෙනා සමාජ රෝග වාර්ථාවක් කැඳවීම සඳහා අනුරාධපුර ශික්ෂණ රෝහලේ සමාජ රෝග සායනයට ඉදිරිපත් කරන ලෙසත් පොලිස් කොස්තාපල් සරත් අධිකරණයෙන් ඉල්ලා සිටියේය.
සැකකාරියන් වෙනුවෙන් අධිකරණයට කරුණු දැක්වූ නීතිඥ නලින් දිමුතු බණ්ඩාර මහතා කියා සිටියේ ප්රජාතන්ත්රවාදී රටක ඕනෑම අයකුට ඕනෑම තැනක යෑමට ඒමට අවස්ථාව තිබෙන බවයි. හැමදාම අයාලේ යන කාන්තාවන් කියලා සැකකාරියෝ අධිකරණයට ඉදිරිපත් කරනවා. නමුත් කවදාවත් ඔවුන් එක්ක යහන්ගත වන පිරිමි අධිකරණයට ඉදිරිපත් කරන්නේ නෑ. පොලීසිය ඒ අයවත් අධිකරණය ඉදිරිපත් කරන්න. බොරුවට කාන්තාවන් විතරක් අධිකරණයට ගේන්න එපා.
අපි බොරුවට සැකකාරියන් අධිකරණයට ගේන්නෑ. මැදවච්චිය පැත්තට ගියා නම් මේ අයගේ තත්ත්වය දැන ගන්න පුළුවන්. උගත් නීතිඥතුමා කියන විදියට පිරිමි අධිකරණයට ගේන්න ගියොත් කී දෙනෙක් මතෛන්ට ගේන්නද? හැබැයි අවශ්ය වේලාවට අපි ඒ අයවත් ඉදිරිපත් කරන්නම් යනුවෙන් පොලිස් කොස්තාපල් සරත් අධිකරණයට දැන්වූයේය.
දෙපාර්ශ්වයේ කරුණු පිළිබඳව අවධානය යොමු කළ විනිසුරුවරයා සැකකාරියන් දෙදෙනා රක්ෂිත බන්ධනාගාර ගත කිරීමට නියෝග කළේය.
අනුරාධපුර මූලස්ථාන පොලීසියේ දූෂණ මර්දන ස්ථානාධිපති උප පොලිස් පරීක්ෂක ඩී.බි.අයි. ප්රේමරත්න මහතාගේ උපදෙස් මත නඩු මෙහෙයුම් අංශයේ සැරයන් (48319) අජිත්, හේරත් හා පොලිස් කොස්තාපල් (47687) සරත් යන නිලධාරීන් සැකකාරියන් අධිකරණයට ඉදිරිපත් කරමින් කරුණු කීහ. -
“කුඩු සෙල්විගේ සැමියාට “සිදු කළ වෙඩි තැබිම සම්බන්ධයෙන් එල්.ටී.ටී.ඊ සංවිධානයේ චාලස් ඇන්තනි බලකායේ සිටි බුම්බා ඇතුළු සැකකරුවන් අත්අඩංගුවට ගැනීමට පුළුල් විමර්ශනයක්
කොටහේන, ජම්පටාවිදිය ,137 වත්ත අසලදී “කුඩු සෙල්විගේ සැමියාට “සිදු කළ වෙඩි තැබිම සම්බන්ධයෙන් එල්.ටී.ටී.ඊ සංවිධානයේ චාලස් ඇන්තනි බලකායේ සිටි බුම්බා ඇතුළු සැකකරුවන් අත්අඩංගුවට ගැනීමට පුළුල් විමර්ශනයක් ආරම්භ කර ඇති බව වෙරළබඩ පොලීසිය පවසයි.
කොටහේන, ජම්පටාවීදිය, 137 වත්ත අසල වෙළෙඳසලක් පවත්වාගෙන යමින් සිටි ගනේෂ් නමැත්තාට යතුරුපැදියකින් පැමිණි පුද්ගලයන් දෙදෙනෙකු විසින් පෙරේදා (24) රාත්රී 9.45 ට පමණ වෙඩි තබා පළා ගොස් තිබුණි. එහදී බරපතළ තුවාල ලැබූ ඔහු කොළඹ ජාතික රෝහලට ඇතුළත් කරනු ලැබිණි.ගෙල පෙදෙසට මෙම වෙඩි තැබිම සිදුව තිබූ අතර ඔහුට ශල්ය කර්මයක්ද කළ බව පොලීසියේ උසස් නිලධාරියෙකු පැවැසීය.
තුවාලකරුගේ ප්රකාශය අනුව මෙම වෙඩි තැබිම සිදු කර ඇත්තේ පාතාල සාමාජිකයෙකු වන ස්ටැන්ලි කෙනඩි හෙවත් බුම්බා විසිනි.බුම්බා යනු එල්.ටී.ටී.ඊ සංවිධානයේ චාල්ස් ඇන්තනි බලකායේ සේවය කළ අයෙකි.පසුව ඔහු දකුණේ පාතාලය හා සම්බන්ධව විවිධ අපරාධ සඳහා යොමුව තිබේ. මොහු විසින් ගනේෂ්ගේ බිරිඳ වූ මත්ද්රව්ය ජාවාරම්කාරියක් වූ සෙල්වි නමැති කාන්තාව 2015 වර්ෂයේ සැප්තැම්බර් මසදී ඝාතනය කර තිබුණි.පසුව 2016 වර්ෂයේ බුම්බා ඒ සම්බන්ධයෙන් අත්අඩංගුවට ගැනුණු අතර බන්ධනාගාර ගතව සිට ඔහු නිදහස්ව පැමිණ ඇත්තේ මීට මාස දෙකකට පමණ ඉහතදී බව පොලීසිය පවසයි.එසේ නිදහස්ව පැමිණ වත්තල, ඇලකන්ද ප්රදේශයේ සැඟ වී සිට ඇත.පැරණි ආරවුල යළි මතුව ඔහු විසින් මෙම වෙඩි තැබිම සිදු කළ බව තුවාල ලැබූ පුද්ගලයා ප්රකාශ කර තිබේ.
මේ සම්බන්ධයෙන් සිද්ධිය වූ ස්ථානයේ අවට තිබූ සී.සී.ටී.වී දර්ශනද උපයෝගී කරගෙන කොළඹ උතුර භාර ජ්යෙෂ්ඨ පොලිස් අධිකාරි ලයනල් ගුණතිලක මහතාගේ අධීක්ෂණයෙන් වෙරළබඩ පොලීසිය සැකකරුවන් අත්අඩංගුවට ගැනීම සඳහා පරීක්ෂණ පවත්වයි.
-
මහින්දගේ මාධ්ය ලේකම් සිංගප්පූරුවේදී අත්අඩංගුවට
හිටපු ජනපති මහින්ද රාජපක්ෂ මහතාගේ මාධ්ය ලේකම් වරයා වන රොහාන් වැලිවිට මහතා සිංගප්පූරුවේ ගුවන්තොටුපළේදී ඊයේ දිනයේ අත්අඩංගුවට ගෙන ඇත.
පුද්ගලික සංචාරයක් සඳහා සිංගප්පූරුව බලා ගොස් ඇති වැලිවිට මහතාගෙන් ගුවන් තොටුපල නිලධාරීන් විසින් මුල්ය විශුද්ධිකරණය හා විදේශ ගමන් බලපත්රය ගැන පැය තුනක පමණ කාලයක් ප්රශ්න කර මුදා හැර ඇතැයිද වාර්තා වෙයි.
-
ගෝඨාභය නැවතත් FCID ට
හිටපු ආරක්ෂක ලේකම් ගෝඨාභය රාජපක්ෂ මහතා ප්රකාශයක් ලබාදීම සඳහා පොලිස් මූල්ය අපරාධ විමර්ශන කොට්ඨාසය වෙත පැමිණ ඇත.ගෝඨාභය රාජපක්ෂ මහතා අද(25) පෙරවරු 09.00 පමණ පොලිස් මූල්ය අපරාධ විමර්ශන කොට්ඨාසය වෙත පැමිණි අතර ඩී.ඒ රාජපක්ෂ අනුස්මරණ කෞතුකාගාරයේ ඉදිකිරීම් සම්බන්ධයෙන් සිදු කෙරන විමර්ශනවලට අදාළ ප්රකාශයක් ලබාදීම සදහා ඔහු එම කොට්ඨාසය වෙත පැමිණ ඇති බව සඳහන් වේ. -
අගමැති පුටුව වෙනුවෙන් මංගල කල මහා පාවාදීම
අගමැති පුටුව වෙනුවෙන් මංගල කල මහා පාවාදීම… චන්ද්රිකා බලයට ගෙනඒමේ කූට උපාය
පසුගිය සිකුරාදා දින මාතර සිදුවූ සිද්ධිය හා සමගාමීව ශ්රී ලංකාවට ජාත්යන්තර අනතුරකට ලක් කිරීමට මුදල් අමාත්ය මංගල සමරවීර කටයුතු කලේය. එනම් ට්විටර් පණිවුඩක් හරහා පොලිසිය විසින් සිදුකල එම ක්රියාව හෙලා දැක වත්මන් ආණ්ඩුව විවේචනය කලේය.
” මෙය යහපාලනය නොව යමපාලනය “
යනුවෙන් මංගල ට්විටර් පණිවුඩය හරහා ශ්රී ලංකා රජය ජාත්යන්තරය ඉදිරියේ හඳුන්වාදීමට කටයුතු කරන ලදී. එය ජාත්යන්තර වශයෙන් මෙය ශ්රී ලංකාවට ප්රබල හානියකි. රජයේ වගකිව යුතු ඇමතිවරයෙක් වශයෙන් මෙය හෙලා දැකීම හරහා ඉටු කරන්නේ කාගේ අවශ්යතාවයදැයි සක්සුදක් සේ පැහැදිලිය. සැබැවින්ම ඔහුට ජාත්යන්තරය ඉදිරියේ ශ්රී ලංකාව පාවාදීමට අවශ්යව ඇත. එයට හේතුව වත්මන් ජනපති මෛත්රීපාල සිරිසේන සහ අග්රාමාත්ය රනිල් වික්රමසිංහ සමාජය ඉදිරියේ නින්දාවට ලක්කර ආණ්ඩු බලය ඩැහැගැනීමට සහ චන්ද්රිකාගේ බලය සහිත රජයක් පත්කර ගැනීමට මංගලට උවමනාය.
කවුද මේ පසුපස ඉන්න කණ්ඩායම ?
එදා පටන්, එනම්, මහින්ද රාජපක්ෂ රජය පෙරළීමට කටයුතු කල රාජ්ය නොවන සංවිධාන (NGO) අතකොලු සියල්ල මේ සමග ඇත. කවුද මේ පුද්ගලයින්?
* ක්රිශාන්ත කුරේ
* සාලිය පීරිස්
* නිතීඥ නිලන්ති පීරිස්
* මනෝ තිත්තවැල්ල
* තිලාන් විජේසිංහකොහොමද මේ සැලසුම ක්රියාවට නැංවෙන්නේ ?
මෙහි මූලික සැලසුම ක්රියාවට නැංවෙන්නේ ඇමති මංගල සමරවීර අතිනි. එනම්, රජයේ ප්රභල අමාත්යවරයෙකු වශයෙන් රජයේ ක්රියා ජාත්යන්තරය හමුවේ සහ දැනගැනීම පිණිස විවේචනය කිරීමයි. සන්ධ්යා එක්නැලිගොඩ කරළියට ගෙන එන්නේද මංගල සමරවීර විසිනි. මාතර පොලිස් සිද්ධිය හරහා කොල්ලකරු හට වෙඩි තැබීම මංගල විවේචනය කරන්නේ සැලසුම් සහගතවය. මෙහි නීති උපදේශිකාව වන්නේ මංගලගේ පෞද්ගලික නීතිඥ නිලන්ති පීරිස් විසිනි. පොලිසිය විසින් සැලසුමකින් තොරව සිදුකල කාර්ය නිසාම මංගලගේ අවශ්යතාව ඒ අයුරින්ම ඉටු විය. එම නිසා මාතර සිද්ධිය හරහා මංගල ඩයස්පෝරාවටත් ජාත්යන්තරයටත් ශ්රී ලංකාවට දැලක් එලීමට තවත් උත්තේජනයක් ලබාදෙන ලදී.
මංගල සමරවීර විසින් රජය අපහසුතාවයට ලක් කරන තවත් කාර්යකට අතගසා ඇත. එනම් රැකියා ලබාදීමේදී රාජ්ය කලමණාකරන දෙපාර්තමේන්තුව (DMS) හරහා අනුමැතිය ගෙන රැකියා ලබාදෙන ලෙස සංස්ථා සභාපතිවරුන්ට නියෝග කිරීමයි. මේ සඳහා හදිසි සංස්ථා සභාපති රැස්වීමක් ජුලි මස 05 දින ඇමති මංගල විසින් කැඳවා ඇත. මෙහිදී සංස්ථා සභාපතිවරුන්ට නියෝගයක් ලබාදීමට මංගල සූදානම්ය. එනම් උදාහරණයක් වශයෙන් කම්කරු රැකියාවට බඳවා ගන්නවාද , උපරිම සුදුසුකම් ලත් සහතික ලබාගත යුතු අතර, එය රාජ්ය කලමණාකරණ දෙපාර්තමේතුව හරහා අනුමැතිය ගෙන රැකියාව ලබාදිය යුතු බවයි.
බැලූ බැල්මට මෙය සුදුසුම් ලත් වඩාත් උගත් රාජ්ය සේවයක් ඉටු කිරීම පිණිස මෙන් පෙනුනද එහි අභ්යන්තරය එය නොවේ. රැකියා අපේක්ෂකයන් බලවත් අපහසුතාවයට ලක්කර ඔවුන් රජය කෙරෙහි පිලිකුලක් ඇති කිරීම බව වැටහේ. මේ හරහා එජාපයද, ශ්රීලනිපයද දෙකට බෙදී මංගලගේ සහ චන්ද්රිකාගේ අල්ලේ නටන ආණ්ඩුවක් බවට පත්කර දෙමළ ඩයස්පොරාවේ බලපොරොත්තු සපල කිරීමකි. මෙය කියවන ආණ්ඩු විරෝධීන් හට විනෝදජනක දෙයක් වුවද, ඉන් පසුව ඇතිවන අභ්යන්තර පිපිරීම ඉතාමත් භයානකය. දමිල ඩයස්පෝරාවේ අණ අනුව සහ රාජ්ය නොවන සංවිධානයන්ගේ විධානයන් අනුව මේ රට තුල යුධ අපරාධ පිළිබඳව කතාව නැවත කරළියට පැමිණෙනු ඇත.
මේ හරහා මංගල බලාපොරොත්තු වන දේ .
මංගල සමරවීර හට මේ වන විට අවශ්යව ඇත්තේ අගමැති පුටුවට පැන ගැනීමයි. ඒ අග්රාමාත්ය රනිල් වික්රමසිංහ ධූරයෙන් ඉවත්කොට අගමැති බලතල මංගල අතට ගෙන මංගලට හිතවත් පාලන තන්ත්රයක් පත්කර ගැනීමයි. මෙය ඉතාමත් දරුණු අවදානම් තත්වයකි. දමිල ඩයස්පෝරාව මුලු රාජ්ය තන්ත්රය පුරාවට පිළිලයක් සේ ගමන් කරනවා ඇත. පාර්ලිමේන්තුව තුල ඒකීය ශ්රී ලංකා නියෝජනය වෙනුවට තමිල්නාඩු නියෝජනයෙන් බලගැන්වෙනු ඇත.
අද වන විටත් මුදල් අමාත්යාංශය තුල ඇත්තේ චන්ද්රිකාගේ බල අදිකාරියයි. එය මංගලට හෝ පාලනය කල නොහැකි තත්වයකි. ක්රිශාන්ත කුරේලා සිදුකරන්නේ රටේ ප්රබල පෞද්ගලික ව්යවසායකයන් සහ සමාගම් දැලේ දමා ඩීල් දැමීමයි. ඒ ඩයස්පෝරාවේ අවශ්යතාවය මත බව ඔබ දන්නවාද ?
* ධම්මික පෙරේරා
* හැරී ජයවර්ධන
* හේලීස් සමාගමයන ත්රිපුද්ගල මූල්ය මෙහෙයුම්කරුවන් හරහා මංගලගේ සහ චන්ද්රිකාගේ අවශ්යතාවය ඉටුකර ගැනීමට ඩීල් ගනුදෙනු සිදු කරන බවට තොරතුරු ඇත. ක්රිෂාන්ත කුරේ විසින් බොරැල්ල ඔස්ටින් පෙදෙසෙන් කෝටි ගණනක් වටිනා ඉඩම් මිලදී ගන්නේද මේ ඩීල් ගනුදෙනු අනුහසින් බව ඔබ දන්නවාද ? එම මුදල් වලින් ඩයස්පෝරාව සන්තර්පනය වන බව ඔබ නොදන්නවා ඇති.
මෙය කලින් දැන සිටි පුද්ගලයා කවුද ?
මංගලගේ මෙම කුමන්ත්රණය අද ඊයේ සිදුවූවක් නොවේ. මහින්ද රාජපක්ෂ රජය සමයේ ඔහු මෙම සැලසුම ක්රියාවට නංවන්නට කටයුතු කලේය. එදා සිට මංගල ලඟ සිටි පිරිස වන ක්රිෂාන්ත කුරේ, සාලිය පීරිස්, නිලන්ති පීරිස්, තුසිත හල්ලොලුව වැනි පිරිස් මෙම සැලසුම පිටුපස සිටියෝය. එම සැලසුම මහින්දගේ කණ වැකුණ පසු සිදුකලේ මංගලගේ අමාත්යාංශ පවරාගෙන මංගල ඉවතට විසි කිරීමයි. මංගල, චන්ද්රිකා යන දෙපල මහින්ද සමග වෛර බැඳගන්නේද මේ සිද්ධිය නිසාය.
කල් ගතකරමින් පැමිණි මංගල යහපාලන රජය තුල ප්රබල අමාත්ය ධූරයක් ලබාගෙන අද වන විට සිදුකරන්නේද මේ සැලසුම ක්රියාවට නැංවීමයි. මෙය රටේ පැවැත්මට ඉතාමත් භයානක සිද්ධියකි. රජයේ පුවත්පත් තුලින් රජය විවේචනය කරවීම මංගලගේ මෙම සැලසුමේ තවත් එක් අවස්තාවකි. අද වන විට රජය එම අනතුරට මුහුණ දී ඇති බව පෙනෙන්නට ඇත. එය රටේ ඉදිරි අනාගතයටද බරපතලව බලපාන කරුණක් බව සඳහන් කල යුතුය. අද වන විට යහපාලන රජයේ ඇතැම් දෙදරීම් වලට හේතුවද මංගල සමරවීර – චන්ද්රිකා කුමාරතුංග හවුල බව සියල්ල දැනගත යුතුව ඇත.
මෙම අනතුර වලක්වා නොගතහොත් නැවතත් මේ රට ත්රස්ථවාදයෙන් ඇලලී යන රටක් හා දමිල ඩයස්පෝරාවේ න්යාය පත්රයට අනුව පාලනය වන රටක් වනු ඇත.
– උපුල් බණ්ඩාර