විස්සාවේල්ල ජනතාව අතර ප්රකට පාන් ඇතා මියගොස් ඇත. කාන්ති නම් වූ මෙම ඇතින්න දින කිහිපයක් රෝගාතුරව සිට ඇති බව වාර්ථා විය.
කබොලූමුල්ල පත්තිනි දේවාලයට අයත්ව සිටි වයස අවුරුදු 49 ක් වූ මෙම ඇතින්න දිවයිනේ ඕනෑම පෙරහැරකට සහභාගි කරවා ඇත්තේ කිසිදු මුදල් අය කිරීමකින් තොරවයි. ප්රදේශවාසීන් පවසන්නේ වෙළදසැල් අසලට පැමිණෙන මෙම ඇතින්න පාන් ආහාරයට ගැනීමට පුරුදුවී සිටි බැවින් පාන් ඇතා ලෙස ප්රකට වු බවයි.
ඇතින්නගේ අවසන් කටයුතු කබොලූමුල්ල පත්තිනි දේවාල භූමියේදී අද (24) සිදු කිරීමට නියමිතයි.
කොටි පවුල්වලට වන්දි ගෙවීමට පෙර ත්රස්තවාදයෙන් බැට කෑ උතුරෙන් පැන්නූ සිංහලයන්ට වන්දි ගෙවා නැවත පදිංචි කෙරිය යුතු යෑයි අවතැන් වූ උතුරේ සිංහලයන්ගේ එකමුතුවේ කැඳවුම්කරු නිශාන්ත ශ්රී වර්ණසිංහ මහතා අවතැන් වූ උතුරු හා නැගෙනහිර සිංහලයන්ගේ එකමුතුව මගින් 21 වැනිදා කොළඹ මහජන පුස්තකාලයේ කැඳවා තිබූ මාධ්ය හමුවකවේදී පැවසීය.
එහිදී,
පුනරුත්ථාපන හා නැවත පදිංචි කිරීමේ අමාත්ය ඩී. ඇම්. ස්වාමිනාදන් මහතා එල්. ටී. ටී. සංවිධානයේ මිය ගිය සාමාජිකයන් වෙනුවෙන් ඔවුන්ගේ පවුල්වලට වන්දි ගෙවීම සඳහා තෙවැනි වරටත් කැබිනට් පත්රිකාවක් අමාත්ය මණ්ඩලයට ඉදිරිපත් කරලා. කැබිනට් මණ්ඩලය තුළ ඊට එල්ල වූ විරෝධය නිසා එය තාවකාලිකව අත්හිටුවා තිබෙනවා. තිස්වසරක යුද්ධයෙන් බැට කා ජීවිත දේපළ අහිමි වූ අවතැන් ජනතාවගේ දුක සැප වේදනාව සොයා බැලීමට සංවේදී නොවූ මෙම ඇමැතිවරයාට සහ එම අමාත්යාංශයට හදිසියේම කරුණාව පහළ වූයේ කෙසේද? යුද්ධය නිසා බැට කා අසරණව සිටින ලක්ෂ ගණනක් අහිංසක මිනිසුන් සිටියදී එල්. ටී. ටී. ඊ. සංවිධානයේ මියගිය සාමාජිකයන්ට දීමනා දෙන්නට හා සහන සලසන්නට යෝජනා කරන්නේ අනාගත දේශපාලන වාසි හා ඡන්ද කුට්ටි බලා ගෙන ද යන්න පිළිබඳ සාධාරණ සැකයක් අපට මතු වෙනවා යයි වර්ණසිංහ මහතා මෙසේද සඳහන් කළේය.
එල්. ටී. ටී. ඊ. සංවිධානයේ සිටි සාමාජිකයන් සැනසීමට යැම සහජීවනය නොවෙයි. උතුරෙන් පළවා හැරී සිංහල ජනතාව කොතරම් ප්රමාණයක් නැවත පදිංචි කර ඇද්දැයි අපි ඇමැතිවරයාගෙන් විමසා සිටින්නේ දැනට නාවක්කුලි හා නරිකාඩු ගම්මානවල පදිංචි වී සිටින සිංහල ජනතාවට අවම මූලික පහසුකම් හෝ ලබා දෙන්නට එම අමාත්යාංශය මැදිහත්ව කටයුතු කර නොමැති නිසාය. අපේ රණවිරුවන් ජීවිත පරිත්යාග කර නිදහස, ප්රජාතන්ත්රවාදය හා ජීවත්වීමේ අයිතිය ස්ථාපිත කිරීම හරහා දැනටමත් විශාල වන්දියක් දෙමළ ජනතාවට ගෙවා තිබෙනවා. එහෙයින් පළමුව කළ යුත්තේ උතුරෙන් පළවාහැරී සිංහල ජනතාව නැවත පහසුකම් සහිතව උතුරේ පදිංචි කරවීම බව අපි අවධාරණය කරනවා යයිද ඔහු වැඩි දුරටත් සඳහන් කරන ලදී
මෙහිදී අදහස් දැක් වූ අවතැන් වූ උතුරේ සිංහලයන්ගේ එකමුතුවේ සම්බන්ධීකාරක තරිඳු දිලීප ගමගේ මහතා – උගත් පාඩම් හා ප්රතිසංවිධාන කොමිසමේ වාර්තාව පදනම් කරගෙන ඩී. එම්. ස්වාමීනාදන් ඇමැතිවරයා ගෙනැවිත් තිබෙන කැබිනට් යෝජනාව වැරදි යෝජනාවක්. හේතුව උගත් පාඩම් කොමිසම ද කටයුතු කළේ තමන්ට ලබා දුන් වපසරිය ඉක්මවා යමින්. එම වාර්තාව පවා අපි පිළිගන්න සූදානම් නෑ. එසේ තිබිය දී එම වාර්තා පදනම් කරගෙන තෙවරක් එල්. ටී. ටී. ඊ. සංවිධානයේ සාමාජිකයන් සැනසීමට යෝජනා ගෙන ඒම විශාල වරදක්. මේ ආණ්ඩුව අවස්ථා කිහිපයක දීම සිංහල සමාජය රිද්දන ආකාරයේ යෝජනා කිහිපයක් ගෙන ආවා. යහපාලනය, සංහිඳියාව කියන වචනවලට මුවා වී සිංහල සමාජයේ ඉවසීම පරීක්ෂා නොකරන ලෙස අපි ඉතාම කරුණාවෙන් ඉල්ලා සිටිනවා. ඒ වගේම අපේ ඉවසීම කියන්නේ නිවටකමක් නොවන බව මෙවැනි යෝජනා ගෙන එන ආණ්ඩුවේ ඇමැතිවරුන් දැනගත යුතුයි යනුවෙන් සඳහන් කරන ලදී.254
ඇමරිකානු ජනාධිපති ට්රම්ප් මෙතෙක් ඇමරිකානු ක්රමවේදය වූ මානව හිමිකම් උල්ලංඝනය වීම් ගැන ක්රියාකිරීමේ පිළිවෙත අහෝසි කර ඇත.
මේ පිළිවෙත ලබන අගෝස්තු මස සිට නතර වන අතර මානව හිමිකම් උල්ලංඝනය වීම් ගැන සෙවීම වෙනුවට වෙළෙඳ කටයුතු නැංවීම තම අරමුණ බව ඔහු ප්රකාශ කර ඇත.
මේ නිසා මානව හිමිකම් උල්ලංඝනය වීම් මුවාවෙන් මෙරට ද්රවිඩ දේශපාලනඥයන්ට සහ රාජ්ය නොවන සංවිධාන ප්රධානීන්ට ලැබි තිබූ වරප්රසාද සහ ඇමරිකානු සංචාරද නතර වේ.පසුගිය කාලයේ මෙරට රාජ්ය නොවන සංවිධාන ප්රධානීන් දෙදෙනකු ඇමරිකානු අරමුදල් ලබා ගනිමින් ඇමරිකාවේ සංචාර රැසකට සහභාගී වී තිබේ. යහපාලනය, වගවීමේ ක්රියාවලිය යන කරුණුවලට මුවාවී මොවුන් ඇමරිකානු වරප්රසාද ලබාගෙන තිබිණි.
අමානුෂික මැර ප්රහාරයකට ලක් වූ හලාවත සවරාන මුස්ලිම් විදුහලේ ප්රධාන ශිෂ්ය නායකයා කොළඹ ජාතික රෝහලේ දි අද (23) අලුයම මිය ගියේය.
මොහොමඩ් රිස්වි මොහොමඩ් ෆයිසුල් නමැති එම සිසුවා ඉගෙනීමට ඉතා දක්ෂ බවත් පසුගිය දිනක එම පාසලේ ප්රධාන ශිෂ්ය නායකයා ලෙස තේරී පතු වූ බව මව්පියෝ පවසති.
ඉකුත් දිනක දේවමෙහෙයකට සහභාගී වී ආපසු යමින් සිටියදී මෙම ප්රහාරයට ලක් ඇති අතර පහර දීම සම්බන්ධයෙන් කිසිවකුටත් නොපවසන ලෙස ද තර්ජනය කර ඇත. පහර කෑමෙන් පසු හදිසියේ අසාධ්ය වූ එම සිසුවා හලාවත රෝහලටත් පසුව වැඩිදුර ප්රතිකාර සඳහා කොළඹ ජාතික රෝහලට ඇතුළු කර ඇත. මෙම පහරදීම සම්බන්ධයෙන් එම පාසලේ සිසුන් සිවු දෙනකු අත්අඩංගුවට පත් අතර එක් සිසුවකු රිමාන්ඩ් ගත කළ අතර අනෙක් සිසුන් තිදෙනා ඇප මත මුදා හැරණි. මහේස්ත්රාත් විභාගය අද (23) පැවැත්වීමට නියමිතය.
මහා පරිමාණ වංචා හා දූෂණ විමර්ශන කිරීමට අලුතෙන් පිහිටුවනු ලැබූ මහාධිකරණය සඳහා විනිසුරුවන් තිදෙනකු, අගවිනිසුරු ප්රියසාද් ඩෙප් විසින් පත්කර ඇත.මෙසේ පත්කර ඇත්තේ මහාධිකරණ විනිසුරුවරුන් වන සම්පත් අබේකෝන්, සම්පත් විජේරත්න සහ ජානකී රාජරත්න යන තිදෙනාය.
මහා පරිමාණ වංචා හා දූෂණ විමර්ශන මහාධිකරණයේ කටයුතු ලබන 15දා ආරම්භ කිරීමට නියමිතය.
කිලිනොච්චියේදී දිවියෙකු අමානුෂික ලෙස ඝාතනය කිරීම සම්බන්ධයෙන් රජය විසින් පරීක්ෂණයක් කරන බව සභානායක ලක්ෂ්මන් කිරිඇල්ල පාර්ලිමේන්තුවේදී ප්රකාශ කළේය. සභානායකවරයා මේ බව ප්රකාශ කළේ මෙම අමානුෂික ක්රියාව හෙළා දකිමින් වගකිව යුත්තන්ට එරෙහිව පියවර ගන්නැයි ජනතා විමුක්ති පෙරමුණේ බිමල් රත්නායක සහ වෛද්ය නලින්ද ජයතිස්ස යන මහත්වරුන් කළ ඉල්ලීමෙන් පසුවය.
පාසලේ පැවති උත්සවයක් අතරතුරදි අදි ශිෂ්යාවකට කල පහර දිමක් හේතුවෙන් මහව විජයභා ජාතික පාසලේ ශිෂ්යාවක් රෝහල් ගත කර ඇති බව වාර්තා වෙයි.
පසු ගිය 16වනදා මහව විජයභා ජාතික පාසලේ ආදි ශිෂ්ය ශිෂ්යාවන් විසින් සංවිධානය කර තිබු පා ගමනකින් අනතුරුව පාසල් ක්රිඩාංගනයේ සංගීත සංදර්ශනයක් පවත්වා ඇති අතර එම අවස්තාවේදි පාසලේ අදි ශිෂ්යයෙකු පැමිණ තමන්ට ඔහුත් සමඟ නර්ථනයේ යෙදෙන්නට ආරාධනා කල බව අදාල සිසුවිය පවසයි.
කෙසේ වෙතත් එය ප්රතික්ෂේප කිරිමත් සමඟ අදාල තරුණයා මෙම සිසුවියට පහර දි ඇති බව එම සිසුවිය කියා සිටින අතර මෙලෙස පහර කැමට ලක්ව ඇත්තේ එම පාසලේ 13වන ශ්රේණියේ කලා අංශයේ ඉගෙනුම ලබන මහව ගොඩපිටිය යාපහුව ප්රදේශයේ පදිංචි සිසුවියකි.
පහර දිම හේතුවෙන් අදාළ සිසුවිය දින 5ක් මහව ප්රාදේශීය රෝහලේ ප්රතිකාර ලබා ගැනීමෙන් අනතුරුව අද(22) සුවය ලබා පිටව ගොස් ඇති බව වාර්ථා වන අතර තමන්ට මෙලෙස පහර දුන්නේ, මහව ප්රාදේශි සභා මන්ත්රිවරයෙකුගේ පුතෙකු බව ඇය වැඩි දුරටත් සඳහන් කරයි.
මේ සම්බන්ධයෙන් මහව පොලීසීය පැවසුවේ අදාල සැකකරු මහව අධිකරණයට ඉදිරිපත් කිරිමෙන් අනතුරුව ඇප මත මුදා හැරි බවයි.
පහර දීමට ලක්වු සිසුවිය සුවය ලබා ඇති බව පොලීසිය විසින් අධිකරණය හමුවේ ප්රකාශ කිරීමෙන් පසු අදාළ සැකකරුට මෙලෙස ඇප හිමිවී ඇති බවත් තම දියණිය ඒ මොහොත වන විටත් රෝහල් ගත වී සිටි බැවින් මෙම තින්දුව දේශපාලන මැදිහත් වීමක් මත සිදුවු බලපෑමක් බවට පහර කෑමට ලක් වු සිසුවියගේ මව පැවසයි.
මෙරට අධ්යාපනයේ අනාගතය දැන් තියා හඳුනාගෙන ඊට අවශ්ය වෙනස්කම් මේ වන විටත් ආරම්භ කර ඇති බව අධ්යාපන අමාත්ය අකිල විරාජ් කාරියවසම් පවසනවා.
ඒ අනුව සාමාන්ය පෙළින් උසස් පෙළට පැමිණෙන සෑම දරුවෙකුටම ටැබ් පරිගණකයක් ලබාදීම අධ්යාපන අමාත්යාංශයේ අරමුණ වී තිබූ බවත් එය හදිසියේ නතර කිරීමට සිදු වුවත් යළිත් වතාවක් තමා එම යෝජනාව පසුගියදා ඉදිරිපත් කළ බවද සඳහන් කළා.
ඒ අනුව ඉදිරියේදී එම යෝජනාව සංශෝධන සහිතව ක්රියාත්මක කිරීමට හැකි වෙනු ඇති බවයි අධ්යාපන අමාත්යවරයා පෙන්වා දෙන අතර මෙම ක්රියාමාර්ගය සමගින් මෙරට අධ්යාපනයේ විප්ලවීය වෙනසක් සිදුවෙනු ඇති බවද සඳහන් කරන ලදී.මේ අතර හය ශ්රේණියෙන් ඉහළ සියලූම පාසල්වලට පරිගණක බෙදා හැරීමට තවත් මාස කිහිපයක් ඇතුළත පියවර ගන්නා බවද ඔහු වැඩි දුරටත් පුකාශ කරන ලදී.
මන්නාරම ධීවර වරාය ආසන්න සාගර කලාපයේ මසුන් ඇල්ලීමට එළන ලද දැලක පැටලී ගලින් නිම කරන ලද ගණදෙවි පිළිමයක් මතුවි ඇති බව මන්නාරම ධීවරයින් පවසති.
මන්නාරම ධීවරයින් පැවසූවේ ඊයේ (21) උදැසන මසුන් ඇල්ලීම සඳහා ධීවරයින් පිරිසක් දැළක් එළා ඇති අතර,අදාළ දැල ගොඩ ගැනීමේදී දැළට පැටලි ගණදෙවි පිළිමයක් මතුව ඇති බවයි.
අදාළ ගණදෙවි පිළිමය ගලින් නිමවා ඇති අතර, කලක් මුහුදු පතුලේ තිබි ඇති බවට ධීවර ජනතාව පවසති.මන්නාරම නගරයේ ධීවර වරාය ආසන්නයේ පැරණි මන්නාරම නගර පිහිටා තිබි ඇති අතර, අදාළ ප්රදේශයෙන් මීට පෙර අවස්ථා කිහිපයකදීද පුරාවිද්යා වටිනාකමින් යුතු භාණ්ඩ හමුවි ඇති බව ප්රදේශවාසීන් පැවසූහ.සොයාගත් ගණදෙවි පිළිමය මන්නාරම පුරාවිද්ය කාර්යාල නිළධාරීන්ට භාරදීමට නියමිත බව මන්නාරම ධිවරයින් පැවසීය.
නොරොච්චෝලේ ලක්විජය තාප බලාගාරය සඳහා සුළං බාධකයක් ඉදිකිරිම අද (22) ආරම්භ කරන බව විදුලිබල හා පුනර්ජනනිය බලශක්ති අමාත්යාංශයේ මාධ්ය ප්රකාශක සුලක්ෂණ ජයවර්ධන මහතා පවසයි.
බලාගාරයෙන් අළු, දූලි සුළඟ සමඟ පරිසරයට එකතුවිම වැලැක්විම එම වැඩපිළිවෙලේ අරමුණ වී තිබේ.
කොතලාවල ආරක්ෂක විශ්වවිද්යාල සංශෝධිත පනතේ සයිටම් ආයතනය අහෝසිවීම හැර සෙසු කරුණුවලට එකඟවිය නොහැකි බව අන්තර් විශ්වවිද්යාලයීය ශිෂ්ය බල මණ්ඩලය පවසයි.
අධ්යාපනය සඳහා වැඩි මුදලක් වෙන් කරන රජයෙන් ඉල්ලා සිටින්නේ එහි පවතින අඩුපාඩු හේතුවෙන් බව ඔහු වැඩිදුරටත් ප්රකාශ කල අතර නිදහස් අධ්යාපන අයිතිය තහවුරු කරන තෙක් අරගලයේ නිරත වන බව එහි කැඳවුම්කරු ළහිරු වීරසේකර මහනුවර පැවැති මාධ්ය හමුදවකදි ප්රකාශ කළේය.
1954 වසරේදී දෙවන එළිසබත් රැජින ලංකාවේ සංචාරයේදී මීගමු පුරවරයෙන් තෝරාගත් පැරණි තානායම (මේ වන විට ඇති නව තානායම) එවකට රැජිනද පැමිණි පිරිසද නවාතැන් ගත් බවට සාක්ෂි පවා ඇත.
එවන් ප්රභූන් එදා සිට මේ දක්වා ආකර්ෂණය කරගත් විදෙස් සංචාරකයන් අතර ශ්රී ලංකාවේ එක් සුන්දර වෙරළක් ලෙස සුප්රකටව පුංචි රෝමය නමින් නම් පටබැඳි මීගමුව වෙරළ තීරය මේ වන විට වැනසී යමින් පවතී.
ඒ තරමට දිනෙන් දින ලියලා වැඩෙන වෙරළ තීරයේ පිහිටුවා ඇති කරවල වාඩි සහ කරවල කඩ හා විවිධ අස්ථිර සුළු ව්යාපාර නිසාය. මේ නිසා සුන්දර මීගමුව වෙරළ අපායක් බවට පත්වෙමින් පවතී.
පස්වන ජෝර්ඡ් රජතුමාද මෙම තානායමේ නැවතී මීගමුවේ එවකට පැවැති රුවල් ඔරුවලින් විදහා පෑ අලංකාරවත් වූ සුන්දරත්වයේ සිරි නරඹමින් අනතුරුව මීගමුව යන නාමය ලෝක ප්රකට කර තිබුණි.
නිදහසට පෙර සිට ලොව සුපතළව තිබූ මීගමුව වෙරළේ සුන්දරත්වය හේතුවෙන් විදේශිකයන් කොළඹ වරායෙන් සහ කටුනායක ගුවන්තොටුපළින් පිවිසීමෙන් අනතුරුව මීගමුව සංචාරක හෝටල් සහ නිවාඩු නිකේතන තෝරා ගැනීමට පෙළඹී සිට ඇත්තේ අනාදිමත් කාලෙක සිටය.
එවන් සුන්දර වෙරළේ අගය මුදල් කොළවලට සඟවා මේ වන විට දෙතුන් දෙනකුගේ හිතුවක්කාරී ක්රියාවන් නිසා මීගමු මුවදොර අපායට පිවිසෙන මුවදොරක් බවට පත්වෙමින් පවතී.
එලෙස සිදුවන්නේ මහා පරිමාණයෙන් කරවල ව්යාපාරය පවත්වාගෙන යන මුදලාලිලා කිහිප දෙනෙක් ගේ භුක්තියක් බවට මෙම වෙරළ තීරය පත්කර ගැනීමය.
එලෙස අනාවරණය කරන කීප දෙනෙක් කනගාටුවෙන් පවසා සිටින්නේ මෙම උවදුර ගැන වගකිවයුත්තන් නෙත් යොමුවන්නේ නැත්නම් මෙය උඩුදුවන කාරණයක් වෙනවාට සැකයක් නොමැති බවයි.
වෙරළ සංරක්ෂණ නීති රීති පවා මායිම් නොකර අනවසර ගොඩනැඟිලි ඉදිකර ගනිමින් සුළු හා මහා පරිමාණ වශයෙන් කරවල සඳහා කපනු ලබන මසුන්ගේ හිසේ කොටස්, කරමල්, බඩවැල් වැනි ඉවතලන කොටස් සහ මත්ස්ය රුධිරය සහිත ජලය දිනකට විශාල ප්රමාණයක් මුහුදට මුදාහරිමින් සිටී.
වත්මනේ ඉතා ජනප්රිය ජාතික පාසලක් වන මීගමුව නිවුස්ට්ටඩ් බාලිකා විදුහලද වෙරළ ආසන්නයේ පිහිටා ඇත.
ඉහත කී කරවල වාඩි එම විදුහලේ පිටුපස වෙරළ තීරය දක්වා ඇත. මෙම විදුහලේ දූවරුන් ඉගෙනුම ලබා නිවෙස් කරා ගිය පසුද ඔවුන්ගේ ඇඳුම්වලින් කරවල ගඳ නොනැසී පවතී.
මෙම සුන්දර වෙරළ තීරයේ එක් කොටසක මත්ස්ය වෙළෙඳ පොළක් පවත්වාගෙන යන අතර එය පසුගිය රජය සමයේ එවකට විශාල මුදලක් වැයකරමින් තනා වෙළෙඳුන් සන්තක කර දුන් අතර එය මේ වන විට කඩා වැටෙන තත්ත්වයට පත්ව ඇත.
මේ ස්ථානයේ ප්ලාස්ටික් පොලිතින් අපද්රව්යවලින් වෙරළ අපවිත්ර වීමද බහුල වශයෙන් සිදුව තිබේ.
මේ අවට සුළුපන්න ධීවරයන්ගේ මත්ස්ය නෙළීමට අවශ්ය තරමට මුහුදේ මසුන් බෝවීමේ අඩුවක් ඇති බවද සුළුපන්න ධීවරයන් කනස්සල්ලෙන් පවසා සිටියි.
මෙම සියලුම ප්රශ්න ලේසියෙන්ම විස¹ ගැනීමට හැකියාවක් ඇතිවන පරිදි නොබෝ දිනකදී විවෘත කිරීමට සැරසෙන කාමච්චෝඩේ දිවි නැඟුමෙන් ඉදිකළ පොළ තුළ ඉඩකඩ වෙන්වන්නේ නම් නිසි කළමනාකාරීත්වයකට අනුව මීගමුව සුන්දර වෙරළ රැක ගැනීමට හැකිවනු ඇත. වෙරළ සංරක්ෂණ පනතේ ඇති ප්රතිපාදන උපයෝගී කරගෙන මහ නගර සභා සහ නාගරික සංවර්ධන පනත ක්රියාත්මක කර හිතුවක්කාරී කරවල ව්යාපාරිකයන් දෙතුන් දෙනා ඉදිකර ඇති සියලුම ඉදිකිරීම් ඉතා ලේසියෙන්ම ඉවත් කිරීමට හැකියාවක් ඇති බව ප්රදේශවාසීහු කියති.
අනුරාධපුර නගරයේ පෙරේදා (19) සවස 5.00 සිට 8.30 දක්වා කාලයේදී සිදු කළ මෙහෙයුමකදී අයාලේ යන කාන්තාවන් දහ හතර දෙනකු අත්අඩංගුවට ගත් බව අනුරාධපුර පොලිසිය පවසයි.
මේ සියලු දෙනාම අනුරාධපුර නව බස්නැවතුම්පොළ ප්රදේශය අවට පවත්වා ගෙන යන ආයුර්වේද සම්බාහන මධ්යස්ථාන හතරක සේවය කරන අය බව අනාවරණය වී ඇති අතර ආයුර්වේද සම්බාහන මධ්යස්ථානවලට පැමිණෙන පිරිස අඩුවීම නිසා ඉන් ලැබෙන ආදායම ප්රමාණවත් නොවීම හේතුවෙන් තමන් රාත්රි කාලයේ ගණිකා වෘත්තියේ නිරත වී අමතර ආදායමක් උපයන බව ද ඔවුන් පොලිසියට ප්රකාශ කොට ඇත.
මෙසේ අත්අඩංගුවට ගත් කාන්තාවෝ අවුරුදු විසි දෙකත් පනස් දෙකත් අතර වයසේ පසුවෙති. ඔවුන් අනුරාධපුර, කෑගල්ල, පුත්තලම, තඹුත්තේගම, මීගමුව, පොළොන්නරුව, ගිරිතලේ මනම්පිටිය සහ කොම්පඤ්ඤවීදිය යන ප්රදේශවල පදිංචිකාරියන් බව පොලිස් පරීක්ෂණවලදී අනාවරණය වී ඇත.