Category: සුපිරි Sports

ලෝක ක්‍රිකට් පිටියේ මෙතෙක් බිහිවූ අග්‍රගණ්‍ය පිතිකරුවෙකු ලෙස සැලකෙන බ්‍රයන් ලාරා යනු කොදෙව් ක්‍රිකට් ක්‍රීඩාවේ මෙන්ම ලෝක ක්‍රිකට් පිටියේද නොමැකෙන නමක් තැබූ ක්‍රීඩකයෙකි.ලාරාගේ නම තවත් කාලයක් ක්‍රිකට් ලෝකයේ කියවෙන අයුරින් Tarouba හිදී ඉදිකළ ක්‍රීඩාංගනයේ පැවැත්වෙන සමාරම්භක තරඟය සදහා ශ්‍රී ලංකා හිටපු ක්‍රිකට් නායක අර්ජුන රණතුංගද සහභාගී වී ඇත.

තරඟය සදහා සහභාගී වූ කණ්ඩායම් දෙක වන්නේ,

Trinidad & Tobago කණ්ඩායම -(නායක  Brian Lara)

Mervyn Dillon, Denesh Ramdin, Dwayne Bravo, Rayad Emrit, Evin Lewis, Kirsten Kallicharan, Tion Webster, Dinanath Ramnarine, Kevon Cooper, Jason Mohammed, Navin Stewart and Lyndon Lara.

International XI

Herschelle Gibbs, Devon Malcolm, Gladstone Small, Arjuna Ranatunga, Johnson Charles, Andre Fletcher, Ramnaresh Sarwan, Terryne Sunil Fray, Imran Khan, Curtly Ambrose, Ricardo Powell, Courtney Browne, Kirk Edwards, Corey Collymore and Ian Bradshaw

[rns_reactions]

අයි.පී.එල් ක්‍රිකට් තරගාවලියේ දිල්ලීහිදී පැවැති  රයිසින් පූනේ සුපර්ජයන්ට්ස් පිල සහ දිල්ලි ඩෙයාර්දිවල්ස් අතර තරඟයේදී පුනේ කණ්ඩායමට   එරෙහිව ලකුණු 7 ක ජයක් හිමිකර ගැනීමට දිල්ලි ඩෙයාර් ඩෙවිල්ස් පිල ඊයේ  (12 වැනිදා) සමත්විය.
ජයග්‍රහණය සදහා ලකුණු 169 ක ඉලක්කයක් හඹාගිය රයිසින් පූනේ සුපර්ජයන්ට්ස් පිලට ඕවර 20 අවසානයේදී කඩුලු 7 ක් දැවී රැස්කිරීමට හැකිවූයේ ලකුණු 161 ක් පමණි.
මනෝජ් තිවාරී විසින් ජයග්‍රහණය සදහා කණ්ඩායම රැගෙන යාමට දැඩි වෙහෙසක් දැරුවද අවසන් මොහොතේ බලාපොරොත්තු සුන්කර ගැනිමට ඔහුට සහ පුනේ කණ්ඩායමට    සිදුවිය. පන්දු 45 කට මුහුණදුන් මනෝජ් තිවාරී හයේ පහර තුනක් සහ හතරේ පහර පහක් සමගින් ලකුණු 60 ක් රැස්කිරීමට සමත්විය.
සිවුවැනි කඩුල්ල සදහා පන්දු 39 කදී ලකුණු 51 ක සම්බන්ධතාවයක් ගොඩනැගීමට මනෝජ් තිවාරී සහ බෙන් ස්ටෝක්ස් සමත්වූ අතර ස්ටොක් ලකුණු  33 ක් සහ නායක ස්මිත් ලකුණු 38 ක් ලබා ගැනීමට සමත් විය.

සහීර් ඛාන් සහ මොහොමඞ් ශාමී කඩුලු දෙක බැගින් දවාගනිමින් පන්දුවෙන් දස්කම් දැක්වීමට සමත්වූහ.
කාසියේ වාසිය දිනා පළමුව පන්දුවට පහරදුන් දිල්ලි ඩෙයාර් ඩෙවිල්ස් පිල ඕවර 20 අවසානයේදී කඩුලු 8 ක් දැවි ලකුණු 168 ක් රැස්කිරීමට සමත්විය.
පළමු කඩුලු දෙක ලකුණු 9 ක් තුළ දැවීඇති විටකදී තෙවන  කඩුල්ල සදහා පන්දු 40 කදී ලකුණු 74 ක සම්බන්ධතාවයක් ගොඩනැගීමට කරුන් නායර් සහ රිෂාබ් පාන්ට් සමත්වූහ.
කරුන් නායර් පන්දු 45 කට මුහුණදෙමින් ලකුණු 64 ක් රැස්කළ අතර ඔහුගේ ඉනිමට හතරේ පහර නවයක් ඇතුළත් විය.පාන්ට් පන්දු 22 තුල ලකුණු 36 ක් ලබාගත් අතර පසුගිය තරඟයේ කඩුලු 5ක් දවා ගත් උන්දකාඩ්   සහ බෙන් ස්ටෝක්ස් කඩුලු දෙක බැගින් දවාගැනීමට සමත්වූහ.

[rns_reactions]

T 20 තරඟයක් වුවත් පන්දුවාර 50 කදී ලබාගන්නා තරම් විශාල ලකුණු ප්‍රමාණයක් කණඩායම දෙකම වාර්තා කල මුම්බායි ඉන්දියන්ස් සහ කිංස් ඉලවන් පන්ජාබ් කණ්ඩායම් අතර පැවති  අයි.පී.එල්. තරගාවලියේ මුම්බායිහිදී පැවැති 51 වන තරගයේදී මුම්බායි ඉන්දියන්ස්  පිලට එරෙහිව ලකුණු 7 ක ජයක් හිමිකර ගැනීමට කිංග්ස් XI පංජාබ් පිල ඊයේ  සමත්විය.
ජයග්‍රහණය සදහා ලකුණු 231 ක ඉලක්කයක් හඹාගිය මුම්බායි ඉන්දියන්ස් පිලට ඕවර 20 අවසානයේදී කඩුලු 6 ක් දැවී රැස්කිරීමට හැකිවූයේ ලකුණු 223 ක් පමණි. මෝහිත් ශර්මා යැවූ අවසන් ඕවරයේදී ජයග්‍රහණය සදහා මුම්බායි ඉන්දියන්ස් පිලට ලකුණු 16 ක් ලබාගැනීමට තිබූ අතර කරන් පොලාඞ්ට පන්දු තුනකදී ලකුණු ලබාගැනීමට නොහැකිවීම හේතුවෙන් පරාජය වැළඳ ගැනීමට ඔවුන්ට සිදුවූහ.
වේගවත් පිතිහරඹයක නිරතවූ ආරම්භක පිතිකරුවන්වූ ලිනඩ් සිමන්ස් සහ පාර්තිව් පටෙල් පළමු කඩුල්ල සදහා පන්දු 52 කදී ලකුණු 99 ක සම්බන්ධතාවයක් පවත්වමින් ලකුණු 231 ක ඉලක්කයක් හඹායෑම සදහා හොඳ අඩිතාලම දමා දුන්හ.  ලිනඩ් සිමන්ස් පන්දු 32 කදී හයේ පහර හතරක් සහ හතරේ පහර පහක සමගින් ලකුණු 59 ක් රැස්කළ අතර කිරාන් පොලාඞ් හයේ පහර පහක් සහ හතරේ පහරක් සමගින් පන්දු 24 කදී නොදැවී ලකුණු 50 ක් රැස්කිරීමට සමත්විය.
හර්දික් පාන්ඩ්‍යයා සමගින් එක්ව පස්වැනි කඩුල්ල සදහා පන්දු 21 කදී ලකුණු 55 ක සම්බන්ධතාවයක් ගොඩනැගූ කිරන් පොලාඞ් හයවැනි කඩුල්ල සදහා කරන් ශර්මා සමගින් පන්දු 10 කදී ලකුණු 31 ක සම්බන්ධතාවයක්ද ගොඩනැගීමට  ද සමත්විය.
පළමුව පන්දුවට පහරදුන් කිංග්ස් XI පංජාබ් පිල ඕවර 20 අවසානයේදී කඩුලු 3 ක් දැවී ලකුණු 230 ක් රැස්කරමින් මුම්බායි ඉන්දියන්ස් පිලට දැවැන්ත ඉලක්කයක් ලබාදීමට සමත්විය.
කිංග්ස් XI පංජාබ් වෙනුවෙන්  විශිෂ්ට පිතිහරඹයක නිරතවූ රිද්දීමාන් සහ ඉනිම ආරම්භයේ සිට අවසානය තෙක් කඩුල්ලේ රැඳී සිටිමින් පන්දු 55 කදී නොදැවී ලකුණු 93 ක් රැස්කරමින් පිත්තෙන් දස්කම් දැක්වීමට සමත්විය. හයේ පහර තුනකින් සහ හතරේ පහර 11 කින්  රිද්දීමාන් සහගේ ඉනිම අලංකාර විය.
මාටින් ගප්ටිල් සමගින් එක්ව පළමු කඩුල්ල සදහා පන්දු 33 කදී ලකුණු 68 ක සම්බන්ධතාවයක්ද, ග්ලෙන් මැක්ස්වෙල් සමගින් එක්ව දෙවැනි කඩුල්ල සදහා පනදු 33 කදී ලකුණු 63 ක සම්බන්ධතාවයක්ද, ශෝන් මාෂ් සමගින් එක්ව තෙවැනි කඩුල්ල සදහා පන්දු 26 කදී ලකුණු 52 ක සම්බන්ධතාවයක් පැවැත්වූ සහ සිවුවැනි කඩුල්ල සදහා අර්ෂා පටෙල් සමගින් එක්ව පන්දු 28 කදී ලකුණු 47 ක නොබිඳුණු සම්බන්ධතාවයක් පැවැත්වීමටද සමත්විය.

කෙසේ වෙතත් ප්‍රසාද ලකුණු සටහනේ තවමත් පෙරමුණ ගෙන සිටින්නේ තරඟ 13 කින් 9 ක් ජයගෙන ප්‍රසාද ලකුණු 18 ලබාගෙන සිටින මුම්බායි කණ්ඩායමය.

[rns_reactions]

ශ්‍රී ලංකා ක්‍රීඩා ලෝලීන් සහ ක්‍රිකට් බලධාරීන් මහත් බලාපොරොත්තු තබා සිටි දක්ෂ පිතිකරුවෙකු වන භානුක රාජපක්ෂ තම හැකියාවන් පෙන්වුවේ පාසල් සමයේ සිටය.ඔහු සහභාගී වූ 19 පහල ලෝක කුසලානයේදී භානුකගේ දක්ෂතා කැපී පෙනුනි.කෙසේ වෙතත් අවාසනාවන්ත කරුණ නම් තවමත් භානුකට ශ්‍රී ලංකා වරම් දිනා ගැනීමේ අවකාශයක් හිමිවී නැති වීමයි.

මෙම දක්ෂ තරුණ ක්‍රීඩකයාට එංගලන්තයේ ප්‍රාන්ත තරඟාවලියක් නියෝජනය කිරීමේ අවසථාව හිමිවී තිබේ.ඔහු පෙන්රිත් ක්‍රිකට් සමාජයට තෝරාගෙන ඇති අතර හෙට (13) භානුක සහභාගී වන පළමු තරඟය පැවැත්වීමට නියමිතය.

භානුකගේ සහභාගීත්වය සම්බන්දයෙන් අදහස් දක්වන පෙන්රිත් ක්‍රිකට් සභාපති ඇන්ඩ්රු හෝල් පවසන්නේ භානුකගේ සහභාගිත්වය තම කණ්ඩායමට මහත්සේ වැදගත් වනු ඇති බවයි.

“භානුක මේ දවස් වල හොඳින් ලකුණු අතරේ ඉන්නේ ඔහු අවසානෙට ක්‍රීඩා කරපු තරඟ දෙකේදීත් ලකුණු 121,81 භානුක අරගෙන තියනවා,ඔහුට දේශීය තරඟ වලට ක්‍රීඩා කරන්න අවසථාව ඉල්ලපු නිසා තමයි අපි එක්ක සම්බන්ද වෙන්නත් ටිකක් ප්‍රමාද වුනේ.”

“අපේ කණ්ඩායම  තරුණ කණ්ඩායමක් මේ වෙද්දී එච්චර හොඳ තැනක නෙවෙයි ඉන්නේ අපි බලාපොරොත්තු තියාගෙන ඉන්නේ අපේ කණ්ඩායමේ නායක ජොන්ස්ටන් ඔබ්ස්බ්‍රෙන් සහ ග්‍රෙග් හෝල් එක්ක එකතු වෙලා භානුක අපේ කණ්ඩායම උඩට ගනී කියල.භානුක කියන්නේ දක්ෂ වමත් ප්‍රහරකයෙක් වගේම දක්ෂ මදවේග පන්දු යවන්නෙක් නිසා ඔහු ගොඩක් ප්‍රයෝජනවත් වෙයි අපිට.”

භානුක රාජපක්‍ෂ මීට පෙර ශ්‍රී ලංකා A කණ්ඩායම සමඟ එංගලන්තයේ සංචාරය කරමින් කැපීපෙනෙන දක්ෂතා දක්වා ඇත.

[rns_reactions]

ශ්‍රී ලංකා තුන් ඉරියව් ක්‍රීඩක ජීවන් මෙන්ඩිස් දියත් කල වේගවත් පිතිහරඹය නිසා රෝයල් ලන්ඩන් කුසලාන තරඟාවලියේ ඊයේ පැවති වර්වික්ෂයර් කණ්ඩායම සමඟ තරඟයෙදී කඩුලු 4 ක විශිෂ්ට ජයක් ලැබීමට ඩර්බිශයර් කණ්ඩායම සමත් විය.

තරඟයේ පළමුව පන්දුවට පහර දුන් වර්වික්ෂයර් කණ්ඩායම වෙනුවෙන් සුපිරි ඉනිමක් ක්‍රීඩා කල සම් හෙයින් ලබාගත් ශතකය සමග ඔවුන් ලකුණු 292 ලබාගැනීමට සමත් විය.

පන්දු යැවීමේදී මෙන්ඩිස් තම පන්දුවාර් 10 යවමින් ලකුණු 55 ලබාදී කඩුල්ලක් ලබා ගැනීමට සමත් විය.

ලකුණු 292 ක ජයග්‍රාහී ඉලක්කයක් හඹා යාමට පිටියට පැමිණි ඩර්බිශයර් පිතිකරුවන් සියල්ල හොඳ ආරම්බයක් ලබාගත්තද තරඟයේ කැපීපෙනෙන ඉනිම දියත් කලේ ශ්‍රී ලංකා තුන් ඉරියව් ක්‍රීඩක ජීවන් මෙන්ඩිස් විසිනි.ඔහු පන්දු 23 තුල ලකුණු 44 ලබාගත්තේ හතරේ පහර 6 සහ හයේ පහරක්ද සමඟිනි.

[rns_reactions]

ඇන්ජලෝ මැතිව්ස්,රබාඩා සහ ක්‍රිස් මොරිස්ගේ සමු ගැනීමෙන් පසුව දිල්ලි කණ්ඩායම මුහුණ දුන් පළමු තරඟය වූ ගුජරාට් ලයන්ස් කණ්ඩායමට එරෙහිව කාන්පූර්හිදී ඊයේ (10 වැනිදා) පැවැති තරගයෙන් කඩුලු 2 ක ජයක් අත්කරගැනීමට දිල්ලි ඩෙයාර් ඩෙවිල්ස් කණ්ඩායම සමත් විය.

ජයග්‍රහණය සඳහා ලකුණු 196 ක ඉලක්කයක් හඹාගිය දිල්ලි ක්‍රීඩකයෝ පන්දු 2 ක් ඉතිරිව තිබියදී කඩුලු 8 ක් දැවී එම ඉලක්කය පසුකර ගියහ.

වේගවත් පිතිහරඹයක නිතර වෙමින් පන්දු 57 කදී හයේ පහර 2 ක් සහ හතරේ පහර 15 ක් සමග ලකුණු 96 ක් රැස්කළ ශ්‍රෙයාස් අයියර් දිල්ල කණ්ඩායම ජයග්‍රහණය කරා රැගෙන ගියේය.මෙය අයර් IPL තරඟාවලියක් වාර්තා කල හොඳම ඉනිම ලෙස සටහන් වූ අතර මීට පෙර ඔහුගේ හොඳම ඉනිම ලෙස වාර්තා වුයේ මුම්බායි කණ්ඩායමට එරෙහිව ලබාගෙන තිබු ලකුණු 86 ය.

කරුන් නායර් (30) සමග එක්ව තෙවැනි කඩුල්ල වෙනුවෙන් පන්දු 34 කදී ලකුණු 57 ක සම්බන්ධතාවක් ගොඩනැගූ අයියර්, ඉන් නොනැවතී පැට් කමින්ස් (24) සමග එක්ව 7 වැනි කඩුල්ල වෙනුවෙන් පන්දු 23 කදී ලකුණු 61 ක සම්බන්ධතාවක්ද ගොඩනගමින් දිල්ලි කණ්ඩායමේ ජයග්‍රහණයට මඟ පෑදීය.

පන්දු 15 කදී වාර්තා වූ කරුන් නායර්ගේ ඉනිමට හයේ පහරක් සහ හතරේ පහර 5 ක් ඇතුළත් වූ අතර පන්දු 13 කදී වාර්තා වූ පැට් කමින්ස්ගේ ඉනිමට හයේ පහරක් සහ හතරේ පහර 2 ක් ඇතුළත් විය.

කාසියේ වාසිය දිනූ දිල්ලි ඩෙයාර් ඩෙවිල්ස් කණ්ඩායමේ නායක සාහිර් ඛාන්ගේ ආරාධනයෙන් පළමුවෙන් පන්දුවට පහරදුන් ගුජරාට් ලයන්ස් කණ්ඩායම ඕවර 20 අවසානයේ කඩුලු 5 ක් දැවී ලකුණු 195 ක් ලබාගත්තේය.

එහිදී වේගවත් පිතිහරඹයක නිතර වූ ඒරන් ෆින්ච් ලකුණු 69 ක් රැස්කළේ පන්දු 39 කිනි. ඔහුගේ අර්ධ ශතකය හයේ පහර 4 කින් සහ හතරේ පහර 6 කින් සමන්විත විය.

දිනේෂ් කාර්තික් (40) සමග එක්ව සිවුවැනි කඩුල්ල වෙනුවෙන් පන්දු 58 කදී ලකුණු 92 ක සම්බන්ධතාවක් ගොඩනගමින් ගුජරාට් කණ්ඩායමේ ලකුණු සංඛ්‍යාව ඉහළ දැමීමටද ෆින්ච් සමත් විය. පන්දු 28 කදී වාර්තා වූ කාර්තික්ගේ ඉනිමට හයේ පහරක් සහ හතරේ පහර 4 ක් අන්තර්ගත විය.

[rns_reactions]

ශ්‍රී ලංකාව යුද සමයේ මුහුණ දුන් අත්දැකීමට සමාන අත්දැකීමක් දැන් පකිස්ථානය ක්‍රිකට් කණ්ඩායම් තම රටට ගෙන්වා ගැනීමේදී මුහුණ දෙමින් සිටී,ශ්‍රී ලංකා කණ්ඩායම ඉලක්ක කර සිදූ කල වෙඩි ප්‍රහාරයෙන් පසුව පකිස්ථානයට ක්‍රිකට් කණ්ඩායමක් පැමිණීමේදී දෙවරක් සිතා බලන නිසා පකිස්ථානය තුල ක්‍රිකට් තරඟාවලි පැවැත්වීම අඩු වී ඇත.මෙයට විකල්පයක් ලෙස පකිස්ථානය තමන්ගේ තරඟාවලි සංවිධානය කරන්නේ ඩුබායි ,එක්සත් අරාබි එමීර් රටවල් වලය.

පකිස්තානය විසින් ශ්‍රී ලංකාවට සහ ඔස්ට්‍රේලියාවට 19 පහල ක්‍රිකට් තරඟාවලියක් සඳහා ආරාධනා කර ඇත.පකිස්ථාන ක්‍රිකට් මෙහෙයුම් ප්‍රධානී හරුන් රෂීඩ් පවසන අන්දමට තරඟාවලිය එළඹෙන 19 පහල ලෝක කුසලානයට පෙර එක්සත් අරාබි එමීර් රාජ්‍යයේදී පැවැත්වීමට සැලසුම් යොදා ඇත.

[rns_reactions]

ශ්‍රී ලංකාවේ හිටපු ක්‍රිකට් නායකයෙකු මෙන්ම වර්තමානයේ ඉන්දියාවේ පැවැත්වෙන IPL තරඟාවලියේ කැපී පෙනෙනම දක්ෂතා දක්වන මුම්බායි ඉන්දියන්ස් කණ්ඩායමේ ප්‍රදාන පුහුණුකරු ලෙස කටයුතු කරන   මහේල ජයවර්ධන එංගලන්තයේ විස්සයි-20 තරගාවලියේදී ලැන්කෂයර් ප්‍රාන්ත පිල වෙනුවෙන් ක්‍රීඩා කිරීමට ගිවිසුම් අත්සන් කර තිබේ. T20 බ්ලාස්ට්‘ යනුවෙන් හැඳින්වෙන මෙම තරගාවලිය එංගලන්තයේ ප්‍රාන්ත අතර පැවැත්වෙන විස්සයි-20 තරගාවලියයි.

මේ වන විට 39 හැවිරිදි මහේල ජයවර්ධන 2015 දී අන්තර්ජාතික ක්‍රිකට් පිටියෙන් සමුගත් අතර පසුව එංගලන්තයේ සසෙක්ස් සහ සමර්සෙට් පිල වෙනුවෙන්ද ක්‍රීඩා කළේය.

[rns_reactions]

ක්‍රිකට් ලෝකයම බලාසිටි ආන්දෝලනාත්මක සිද්දියක් වූ ඉන්දියාව චැම්පියන්ස් කුසලානයට ක්‍රීඩා කරනවාද නැද්ද යන සිද්දිය දැන් විසදී ඇත.

ඒ අනුව ජුනි මස 1 වනදා සිට එංගලන්තයේ පැවැත්වෙන ICC චැම්පියන්ස් කුසලානය සඳහා සහභාගී වීමට ඉන්දියාව තීරණය කර ඇත.

ICC නියෝග නොතකමින් නියම දිනට කණ්ඩායම නම් නොකළ ඉන්දියාව එසේ කිරීමට හේතුවක් ලෙස ක්‍රීඩා විචාරකයන් පෙන්වා දුන්නේ ඉදිරි වසරේ සිට ක්‍රිකට් ලෝකයේ සුපිරි බලවතුන් වෙනුවෙන් icc යෙන් හිමිවන වරප්‍රසාද කපා හැරීමට විරෝදය දැක්වීමයි.

කෙසේ හෝ ICC නියෝගයද නොතැකු ඉන්දීය ක්‍රිකට් පරිපාලනයේ ඊළඟ තීරණය වුයේ ICC චැම්පියන්ස් කුසලානය වර්ජනය කිරීමය.වරදත් තමන්ගේ අතේම තබාගෙන ICC යේ තීරණයට අභියෝග කිරීමට තරම් ප්‍රබල වූ ඉන්දියාව අවසානයේ චැම්පියන්ස් කුසලානයට සහභාගී වන බවත් කණ්ඩායම හෙට (8) නම් කරන බවත් සනාත කර ඇත.

[rns_reactions]

අයිසීසී ජගත් ක්‍රිකට් පාලක මණ්ඩලය ප්‍රකාශයට පත් කළ එක්දින ක්‍රිකට් ක්ෂේත්‍රයේ නවතම ශ්‍රේණිගත කිරීම් අනුව ශ්‍රී ලංකාවට හිමි වී තිබෙන්නේ හය වෙනි ස්ථානයයි..
2017 සැප්තැම්බර් 30 වෙනි දින වනවිට ඉදිරියෙන් සිටින රටවල් හත සහ සත්කාරක එංගලන්තය 2019 ලෝක කුසලානයට සහභාගි වීමට නිතරගයෙන් සුදුසුකම් ලබන බැවින් මෙම ශ්‍රේණිගත කිරීම ශ්‍රී ලංකාවට තීරණාත්මක තත්වයකි.

එලෙස සුදුසුකම් නොලබන කණ්ඩායම්වලට 2018 අප්‍රේල් මාසයේ පැවැත්වීමට නියමිත ලෝක කුසලානයට සුදුසුකම් ලැබීමේ තරගාවලියකට සහභාගි වීමට සිදුවේ.

එයට තරග වදින කණ්ඩායම් දහයක් අතරින් එහිදී 2019 ලෝක කුසලානයට සුදුසුකම් ලබන්නේ කණ්ඩායම් දෙකක් පමණි.

දැනට නිකුත් කර තිබෙන එක්දින ක්‍රිකට් ශ්‍රේණිගත කිරීම් අනුව බටහිර ඉන්දීය කොදෙව් කණ්ඩායම ලකුණු 79 ක් ලබාගෙන නම වෙනි ස්ථානයේ පසුවේ.
ශ්‍රී ලංකාව, බංග්ලාදේශය හා පාකිස්ථානය පිළිවෙලින් 6, 7, 8 යන ස්ථානවල සිටින අතර එම කණ්ඩායම් තුන අතර පරතරය ලකුණු පහකට වඩා අඩුය.
බටහිර ඉන්දීය කොදෙවු කණ්ඩායම ලෝක කුසලානයට නිතරගයෙන් සුදුසුකම් නොලබනු ඇතැයි යන්න බොහෝ ක්‍රිකට් විචාරකයන්ගේ මතයය.
එසේ වුවද පාකිස්ථානය, බංග්ලාදේශය සහ ශ්‍රී ලංකාව ඉදිරි තරග ජයනොගතහොත් අවදානමකට මුහුණදිය හැකි බවත් ඔවුහු පවසති.
ශ්‍රී ලංකා කණ්ඩායම සැප්තැම්බර් 30 වෙනි දිනට පෙර එක්දින තරග 11 ක් පමණ ක්‍රීඩා කිරීමට නියමිත අතර 2019 ලෝක කුසලානයට සුදුසුකම් ලැබීම සඳහා එම තරගවල ප්‍රතිඵල ශ්‍රී ලංකාවට ඉතා වැදගත් වේ.
එම තරගවලින් බහුතරයක් පරාජය වී ශ්‍රේණිගත කිරීම්වල පහළට වැටුණහොත් ශ්‍රී ලංකාව ලෝක කුසලානයට නිතරගයෙන් සුදුසුකම් නොලැබීමේ අවදානමක මතුවීමේ ඉඩකඩක් පවතී.

[rns_reactions]

ඉන්දිය ප්‍රිමියලීග් තරඟාවලියේ රෝයල් චැලෙන්ජර්ස් හා කොල්කටා නයිට්රයිඩර්ස් පිළ අතර ඊයේ පැවති තරඟයෙන් කඩුළු 6ක පහසු ජයක් ලබා ගැනීමට කොල්කටා පිළ සමත් වුනා. 

පලමුවෙන් පන්දුවට පහරදුන් බැංගලෝර් පිළ සිය පන්දුවාර 20 අවසානයේ කඩුළු 6ක් දැවී ලකුණු 158ක් ලබා ගැනීමට සමත් වුනා. එහිදී ට්‍රැවිස් හෙඩ් නොදැවී ලකුණු 75ක් සහ මන්දීප් සිං ලකුණු 52ක් ලබා ගැනීමට සමත් වුනා. පන්දුයැවීමෙදී උමේෂ් යාදව් ලකුණු 36කට කඩුළු 3ක් ලබා ගැනීමට සමත් වුනා.

පිළිතුරු ඉනිම ක්‍රීඩා කළ කොල්කටා පිළ පන්දුවාර 15කදී කඩුළු 3ක් පමණක් දැවී ලකුණු 159ක් ලබා ගනිමින් තරඟය ජයග්‍රහණය කළා. එහිදී අයි පී එල් ඉතිහාසයේ වේගවත්ම අර්ධ ශතකය වාර්තා කරමින් පන්දු 15කින් ලකුණු 50ක් රැස් කිරීමට සුනිල් නරීන් සමත් වුනා. ක්‍රිස් ලින් ලකුණු 50ක් ලබා ගැනමටත් සමත් වුනා. 

[rns_reactions]

ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ධුරය සඳහා හිටපු නායක මහේල ජයවර්ධන එක්කර ගැනීමට ශ්‍රී ලංකා ක්‍රිකට් ආයතනයේ අවධානය යොමුව තිඛෙනවා. 

ක්‍රිකට් ආයතනයේ ජ්‍යෙෂ්ඨ ප්‍රධානීන් ද ඒ සම්බන්ධයෙන් සාකච්ඡා පවත්වා ඇති බවයි අප වෙත වාර්තා වුණේ. 

මෙවර අයි පී එල් තරගාවලියේ මහේල ජයවර්ධන ප්‍රධාන පුහුණුකරු ධුරය දරණ මුම්බායි ඉන්දියන්ස් කණ්ඩායම සුපිරි දස්කම් දැක්වීමට සමත්ව සිටිනවා. 

ඔවුන් මේ වනවිට අයි පී එල් ප්‍රසාද ලකුණු සටහනේ තරග 10න් තරග 08ක් ජය ගනිමින් පසුවන්නේ ප්‍රථම ස්ථානයේයි. 

මහේල ජයවර්ධනගේ අත්දැකීම් මුම්බායි ඉන්දියන්ස් කණ්ඩායමේ සාර්ථකත්වයට හේතු වී තිඛෙනවා. ඒ අනුවයි ඔහුගේ සේවය ශ්‍රී ලංකා ක්‍රිකට් කණ්ඩායමට ලබා ගැනීම සඳහා ක්‍රිකට් ආයතනයේ අවධානය යොමුව ඇත්තේ. 

2019 ලෝක කුසලාන ක්‍රිකට් තරගාවලිය ඉලක්ක කර ගනිමින්, මහේල ජයවර්ධන සමග එක්ව සැලසුම් සකස් කිරීමට මෙහිදී අවධානය යොමුව තිඛෙනවා. 

[rns_reactions]

ශී‍්‍ර ලංකා කි‍්‍රකට් ආයතනයේ කි‍්‍රකට් කමිටුවේ සභාපති ධුරයෙන් අරවින්ද ද සිල්වා ඉල්ලා අස්වීම සම්බන්ධයෙන් විවිධ මතවාද පලවනවා.  

ක‍්‍රීඩා ආරංචි මාර්ග සඳහන් කළේ ඉල්ලා අස්වීමට ක‍්‍රිකට් ආයතනයේ අභ්‍යන්තර අර්බුදයක් බලපා ඇති බවයි. 

ක‍්‍රීඩකයින් සම්බන්ධයෙන් පූර්ණකාලීන අවධානය යොමුකරන ලෙස අරවින්ද සිල්වාට දන්වා තිබුණ ද ඔහු එය සිදුකර නොමැති බවටයි වාර්තා වන්නේ.

එමෙන්ම ශ‍්‍රී ලංකා කණ්ඩායමේ පන්දු යැවීමේ උපදේශකයෙකු ලෙස ඇලන් ඩොනල්ඞ් කැඳවීම සම්බන්ධයෙන් ද ඔහු සිය අකමැත්ත ප‍්‍රකාශකර තිබූ බව ද වාර්තා වනවා. 

[rns_reactions]

ලෝඩ්ස් ක්‍රීඩා සමාජය විසින් ශ්‍රී ලංකාවේ හිටපු ක්‍රිකට් නායකයන් දෙපළක් වන කුමාර් සංගක්කාරගේ හා මහේල ජයවර්ධනගේ රුව චිත්‍රයට නඟා ඇත. 

මේ පිළිබඳව සිය ට්විටර් ගිණුමෙන් අදහස් දක්වා ඇති සංගා පවසන්නේ ලෝඩ්ස් ක්‍රීඩා සමාජයට ස්තූතිවන්න බන බවයි.

එංගලන්තයේ ලන්ඩන් නුවර Mall Galleries හි මෙම චිත්‍ර එළි දක්වා තිබේ. 

එම අවස්ථාවට කුමාර් සංගක්කාර එක්ව තිබේ. මහේල මේ වන විට අයි.පී.එල්. තරගාවලියට එක්ව තිබේ. ඔහු මුම්බායි ඉන්දියන්ස් කණ්ඩායමේ පුහුණුකරු ලෙස කටයුතු කරයි.